Because of You Too O Prince of Evil XH 185-194
normalized analytic diplomatic TEI ANNIS PAULA Search ANNIS
Next

Normalized Text

ⲉⲧⲃⲏⲏⲧⲕⲟⲛⲱⲡⲁⲣⲭⲏⲅⲟⲥⲛⲧⲕⲁⲕⲓⲁⲛⲧⲁⲙⲉⲑⲟⲇⲟⲥⲛⲓⲙⲛⲕⲁⲕⲟⲧⲣⲟⲡⲓⲁϣⲱⲡⲉ·
ⲛⲥⲁⲃⲏⲗⲅⲁⲣϫⲉⲁⲕⲡⲣⲟⲧⲁⲥⲥⲉⲙⲡⲟⲛⲏⲣⲟⲛⲛⲓⲙⲙⲡⲉⲙⲧⲟⲉⲃⲟⲗⲛⲁⲅⲁⲑⲟⲛⲛⲓⲙ.ⲉⲕⲉⲛⲉⲣⲅⲉⲓϩⲛⲛⲣⲱⲙⲉ.
ⲡⲙⲟⲥⲧⲉⲟⲩⲃⲉⲧⲁⲅⲁⲡⲏ.ⲧⲙⲛⲧϫⲁϫⲉⲟⲩⲃⲉⲧⲉⲓⲣⲏⲛⲏ.ⲡϫⲱϩⲙⲟⲩⲃⲉⲡⲧⲃⲃⲟ.ⲡϫⲓⲛϭⲟⲛⲥⲟⲩⲃⲉⲡⲇⲓⲕⲁⲓⲟⲛⲁⲩⲱⲡϩⲁⲡ.ⲁⲩⲱⲛⲕⲉⲙⲛⲧⲁⲥⲉⲃⲏⲥⲧⲏⲣⲟⲩⲟⲩⲃⲉⲧⲙⲛⲧⲉⲩⲥⲉⲃⲏⲥ.
ⲛⲉⲣⲉⲡⲓⲙⲏⲏϣⲉⲧⲏⲣϥⲛⲁⲃⲱⲕⲁⲛⲉⲡⲧⲁⲕⲟ.
ⲱⲛⲁⲓⲁⲧⲟⲩⲛⲛⲉⲧⲛⲟⲉⲓϫⲉⲟⲩⲡⲉⲟⲩϩⲩⲗⲏⲛⲭⲟⲣⲧⲟⲥϩⲓⲣⲟⲟⲩⲉ.ⲛⲛⲁϩⲣⲙⲡⲓⲕⲱϩⲧⲉⲧⲟⲩⲛⲁⲛⲟϫϥⲉϫⲱⲟⲩ.
ⲟⲩⲡⲉϩⲉⲛϩⲛⲁⲁⲩⲛⲃⲗϫⲉⲛⲛⲁϩⲣⲛⲟⲩⲱⲛⲉⲉⲩϣⲁⲛⲣⲁϩⲧⲟⲩⲛϩⲏⲧϥ.
ⲉⲓϫⲱⲛⲛⲁⲓⲉϩⲟⲩⲛⲉϩⲣⲁⲕⲡⲉⲡⲛⲉⲩⲙⲁⲛⲁⲕⲁⲑⲁⲣⲧⲟⲛ.
ϫⲉⲛⲧⲕⲟⲩⲟⲩϩⲱⲱϥⲙⲛⲛⲉⲕⲛⲟⲃⲉⲧⲏⲣⲟⲩⲛⲛⲁϩⲣⲛⲧϭⲟⲙⲙⲡⲛⲟⲩⲧⲉⲉⲧϩⲙⲡⲣⲱⲙⲉⲉⲧⲣϩⲱⲃⲉⲡⲁⲅⲁⲑⲟⲛ.
ⲙⲡⲣϣⲟⲩϣⲟⲩⲙⲙⲟⲕⲉϫⲛϩⲉⲛⲣⲱⲙⲉⲉⲩⲛⲕⲟⲧⲕϫⲉⲁⲕⲃⲟϣⲟⲩⲏⲁⲕϣⲱⲗⲛⲛⲉⲩⲏⲓ.
ⲁⲙⲟⲩⲉⲃⲟⲗⲟⲩⲃⲉⲛⲉⲧⲣⲏⲥⲁⲩⲱⲉⲧⲣⲟⲉⲓⲥⲱⲡⲣⲉϥϩⲱⲧⲃ.
ⲉⲧⲃⲉⲟⲩⲉⲕⲛⲁⲉⲕⲛⲏⲩⲙⲡⲉⲩⲕⲱⲧⲉϩⲛⲛⲉⲫⲁⲛⲧⲁⲥⲓⲁⲛϩⲉⲛⲣⲁⲥⲟⲩⲛϩⲁϩⲛⲥⲙⲟⲧ·
ⲉϣϫⲉⲕⲟⲩⲉϣⲙⲓϣⲉ.ⲙⲡⲣⲕⲁⲕⲉϩⲛⲟⲉϣⲁⲕⲣⲡⲟⲗⲉⲙⲟⲥⲛϩⲏⲧϥⲟⲩⲃⲉⲡⲉⲧⲕⲱⲛϩⲧⲏϥⲉⲡⲛⲟⲩⲧⲉϩⲛⲟⲩⲙⲉ.ⲉⲧⲥⲣⲟϥⲧⲉⲃⲟⲗϩⲛⲛⲉⲕⲥⲱⲱϥⲉⲧϯⲟⲩⲃⲏⲕⲡⲁⲡⲟⲥⲧⲁⲧⲏⲥⲛⲧⲁⲙⲙⲛⲧⲙⲁⲗⲁⲕⲟⲥϣⲱⲡⲉⲉⲃⲟⲗⲛϩⲏⲧϥ.ⲁⲩⲱⲉⲧⲗⲟⲃⲉⲛⲥⲁⲛϫⲱϩⲙⲙⲙⲓⲛⲉⲛⲓⲙ.
ⲛⲧⲟⲕⲡⲉⲧⲟⲩϫⲱⲕⲉⲃⲟⲗⲛϩⲏⲧⲕⲛⲛⲉⲩⲡⲁⲑⲟⲥⲛϭⲓⲛϩⲟⲟⲩⲧⲙⲛⲛⲉϩⲓⲟⲙⲉⲛⲧⲁⲩϣⲓⲃⲉⲙⲡϩⲱⲃⲛⲧⲉⲩⲫⲩⲥⲓⲥⲉⲟⲩⲡⲁⲣⲁⲧⲉⲩⲫⲩⲥⲓⲥ·
ⲛⲅⲣϩⲟⲟⲩⲧⲁⲛⲟⲩⲇⲉⲛⲅⲣⲥϩⲓⲙⲉⲁⲛ.ⲛⲅⲣⲙⲁⲥⲉⲁⲛⲟⲩⲧⲉϩⲧⲟϩⲓⲉⲓⲱ.ϩⲓϭⲁⲙⲟⲩⲗ.ϩⲓⲧⲃⲛⲏⲛⲓⲙ·
ⲛⲅⲣϩⲟϥⲇⲉⲁⲛⲟⲛϩⲓⲟⲩⲟⲟϩⲉ.ⲁⲩⲱϫⲁⲧϥⲉⲛⲓⲙ·
ⲛⲅⲣⲃⲁⲣⲃⲁⲣⲟⲥⲁⲛ.ⲟⲩⲧⲉⲥⲟⲟⲩϩⲥⲙⲡⲟⲛⲏⲣⲟⲥⲛⲣⲱⲙⲉ·
ⲛⲅⲣⲑⲁⲗⲁⲥⲥⲁⲁⲛ.ⲟⲩⲧⲉⲥⲟⲟⲩϩⲥⲙⲙⲟⲟⲩ·
ⲛⲅⲣϣⲏⲓⲁⲛⲟⲩⲇⲉⲙⲁⲉϥϣⲟⲕϩ.
ⲛⲅⲣⲧⲟⲟⲩⲁⲛⲟⲩⲧⲉⲕⲁϩ·ⲛⲅⲣⲣⲙⲙⲁⲟⲁⲛⲟⲩⲧⲉⲣⲉϥⲧⲱⲃϩ.
ⲕϫⲓⲅⲁⲣⲙⲡⲉⲓⲛⲉⲛⲛⲁⲓⲙⲛⲛⲉⲧⲛⲁϣⲱⲟⲩⲉⲛⲁⲓ·ⲁⲩⲱⲛⲅⲏⲡⲁⲛⲉⲟⲩⲁⲙⲙⲟⲟⲩ.ⲡⲉⲕϩⲣⲃⲡⲉⲕϩⲣⲃⲟⲛⲡⲉ·
ⲁⲩⲱⲛⲧⲟⲕⲛⲧⲟⲕⲟⲛⲡⲉ·ⲡϩⲛⲟⲉⲧϭⲗⲙⲗⲟⲙⲧⲧⲏⲣϥⲉϫⲛⲛⲉϥⲉⲣⲏⲩ.ⲏⲉⲃⲟⲗϩⲛⲛⲉϥⲉⲣⲏⲩ,
ⲁⲩⲱⲙⲛⲧⲕⲟⲩⲙⲉⲣⲟⲥϣⲏⲙⲙⲙⲉⲗⲟⲥϩⲛⲗⲁⲁⲩ.ⲛⲧⲟⲕⲁⲩⲱⲛⲉⲕⲕⲉⲇⲁⲓⲙⲱⲛ.
ⲥⲭⲏⲙⲁⲅⲁⲣⲛⲓⲙⲉⲧⲕϣⲓⲃⲉⲙⲙⲟⲕⲛϩⲏⲧⲟⲩϩⲉⲛϣⲙⲙⲟⲉⲣⲟⲕⲛⲉ.
ⲁⲩⲱϩⲉⲛⲫⲁⲛⲧⲁⲥⲓⲁⲧⲏⲣⲟⲩⲛⲉ.
ⲁϩⲣⲟⲕⲛⲧⲟⲕⲙⲛⲧⲡⲉⲁⲩⲱⲡⲁⲏⲣⲙⲛⲡⲟⲩⲟⲉⲓⲛϫⲉⲉⲕⲉϫⲓⲙⲡⲉⲩϩⲣⲃ.
ⲛⲧϩⲉⲟⲛⲉϣⲁⲕⲣⲛⲧⲩⲡⲟⲥⲛⲛⲉⲧⲛⲁϣⲱⲡⲉϩⲛⲧϩⲁⲏϩⲛⲟⲩⲕⲱϩⲧⲙⲛⲟⲩⲕⲙⲧⲟ.ⲙⲛⲟⲩⲛⲟϭⲛⲗϩⲱⲃ·ⲙⲛⲟⲩⲕⲁⲡⲛⲟⲥⲉⲩⲡⲏⲧϩⲙⲡⲕⲁϩϩⲱⲥⲉϣϫⲉⲉⲣⲉⲧⲟⲓⲕⲟⲩⲙⲉⲛⲏⲧⲏⲣⲥⲛⲁⲧⲁⲕⲟϩⲓⲧⲙⲡⲕⲁⲕⲉⲛⲛⲟⲩϫⲉⲧⲡⲱⲣϣⲉⲃⲟⲗⲉϫⲙⲡⲕⲟⲥⲙⲟⲥⲧⲏⲣϥ·ⲉⲕⲣⲡⲕⲉϫⲓⲙⲡϩⲣⲃⲛϩⲉⲛⲙⲏⲏϣⲉⲛⲣⲱⲙⲉⲙⲛⲛⲉⲕⲇⲁⲓⲙⲱⲛ·ⲉⲕⲡⲏⲧⲉⲕⲁϣϭⲁⲡϫⲉⲧϩⲁⲏⲧⲉ·ⲉⲕϣⲧⲣⲧⲱⲣ·ⲉⲕϩⲉⲉⲕⲧⲱⲟⲩⲛ.ⲉⲕⲣⲱϩⲧⲉⲡⲕⲁϩ·ⲛⲁⲓⲧⲏⲣⲟⲩϫⲉⲕⲁⲥⲉⲕⲛⲁⲁⲡⲁⲧⲁⲛⲛⲉⲧⲛⲁⲩⲉⲛⲉⲕⲫⲁⲛⲧⲁⲥⲓⲁⲙⲙⲛⲧⲁⲥⲉⲃⲏⲥϩⲛϩⲉⲛⲣⲁⲥⲟⲩ.
ⲧⲁⲓⲧⲉⲧϩⲉⲉϣⲁⲕⲧⲁϣⲉⲟⲉⲓϣⲛϩⲁϩⲛⲥⲟⲡϫⲓⲛⲙⲡⲁⲓⲱⲛϩⲛⲛⲉⲧⲉⲛⲟⲩⲕⲛⲉϫⲉⲧϩⲁⲏⲧⲉ.ⲉⲛⲧⲟⲥⲁⲛⲡⲉ.ⲉⲩϫⲓϭⲟⲗⲛϩⲏⲧⲕ.ⲉⲕϫⲓϭⲟⲗⲛϩⲏⲧⲟⲩ·ⲉⲩⲙⲉⲉⲩⲉϫⲉⲟⲩⲁⲅⲅⲉⲗⲟⲥⲛⲧⲉⲡⲟⲩⲟⲉⲓⲛⲡⲉⲧⲟⲩⲛⲁⲩⲉⲃⲟⲗϩⲓⲧⲟⲟⲧϥ.
ⲏⲉⲕϥⲓⲣⲟⲟⲩϣϩⲁⲡⲣⲱⲙⲉϩⲛⲟⲩϫⲉⲉⲕⲛⲁⲧⲟⲃⲥϥϫⲉⲙⲡⲣⲣⲛⲟⲃⲉ·ⲉⲕⲟⲩⲉϣⲙⲟⲟⲩⲧϥⲛⲧⲟϥⲛϩⲟⲩⲟ.ⲡⲉⲕⲣⲟϥⲧⲏⲣϥⲁⲩⲱⲡⲙⲟⲩⲛⲥⲱⲣⲙⲧⲏⲣϥ.
ⲉⲕⲟⲛⲣⲣⲟϩⲛⲟⲩⲙⲙⲁⲧⲟⲓϩⲓⲉⲝⲟⲩⲥⲓⲁ.ϫⲉⲉⲕⲛⲁϫⲓⲙⲡⲉⲩⲥⲙⲟⲧⲉⲧⲣⲉⲕϣⲧⲟⲣⲧⲣⲛⲛⲉⲧⲛⲛⲁϣⲧⲣⲧⲱⲣⲕⲛⲧⲟⲕ.
ⲟⲩⲉⲣⲟⲕⲡⲉⲣⲡⲧⲩⲡⲟⲥⲛⲁⲙⲛⲧⲉϩⲱⲥⲉϣϫⲉⲉⲕⲥⲱⲛϩⲛⲛⲣⲱⲙⲉⲉⲕⲛⲟⲩϫⲉⲙⲙⲟⲟⲩⲉϩⲣⲁⲓⲉⲡⲕⲱϩⲧϩⲙⲡⲧⲣⲉⲕϭⲟⲟⲗⲉⲕⲙⲡⲉⲕⲕⲟⲥⲙⲟⲥⲛⲟⲩⲟⲉⲓⲛⲉⲛⲛⲟⲩϫ.ϩⲱⲥⲛⲟⲩⲧⲉⲁⲩⲱⲭⲣⲓⲥⲧⲟⲥ·
ϩⲱⲃⲛⲓⲙⲉϥⲡⲟⲟⲛⲉ.ϩⲱⲃⲛⲓⲙⲉϥⲛⲁϣⲱⲡⲉⲁⲛⲛⲉⲧⲉⲟⲩⲛⲧⲁⲕⲥⲟⲩ.
ⲛⲥⲙⲟⲧⲅⲁⲣⲉⲧⲉϣⲁⲕⲃⲱⲕⲉϩⲟⲩⲛⲛϩⲏⲧⲟⲩϣⲁⲛⲉⲧⲉⲛⲟⲩⲕⲛⲉⲉⲩⲣⲏⲥ.
ⲛⲧⲟⲟⲩⲁⲛⲛⲉⲧⲉϣⲁⲕⲉⲓⲛϩⲏⲧⲟⲩϩⲛϩⲉⲛⲣⲁⲥⲟⲩⲉϫⲛⲛⲉⲧⲉⲣⲉϩⲧⲏⲩⲕⲏⲉⲓⲏⲥⲟⲩⲥ.
ⲉⲕϣⲁⲛⲟⲩⲟⲛϩⲕⲅⲁⲣⲉⲃⲟⲗⲁⲛⲧϩⲉⲛⲟⲩⲁⲅⲅⲉⲗⲟⲥⲛⲛⲉⲧⲉⲛⲟⲩⲕⲛⲉ.ⲛⲥⲉⲛⲁⲡⲓⲥⲧⲉⲩⲉⲛⲁⲕⲁⲛ.
ⲛⲥⲉⲥⲟⲟⲩⲛⲅⲁⲣⲁⲛⲛⲧⲙⲓⲛⲉⲛⲟⲩⲁⲅⲅⲉⲗⲟⲥⲛⲧⲉⲡϫⲟⲉⲓⲥ·
ⲟⲩϩⲣⲃⲛⲇⲁⲓⲙⲱⲛⲡⲉⲧⲟⲩⲥⲟⲟⲩⲛⲙⲙⲟⲕⲛϩⲏⲧϥ.
ⲉⲕϣⲁⲛⲟⲩⲟⲛϩⲕⲇⲉⲉⲃⲟⲗϩⲛⲛⲉⲕⲥⲙⲟⲧⲉⲛⲉⲧⲣⲟⲉⲓⲥⲟⲩⲃⲏⲕⲉⲩⲣⲏⲥ·ⲕⲥⲟⲟⲩⲛϫⲉⲥⲉⲛⲁⲉⲓⲙⲉⲉⲣⲟⲕ·
ⲟⲩⲡⲉⲧⲕⲛⲁⲁⲁϥ
ϣⲁⲕϫⲓϩⲣⲃϩⲱⲥⲁⲅⲅⲉⲗⲟⲥⲛⲟⲩⲟⲉⲓⲛⲛⲛⲁϩⲣⲁⲩ.
ⲡⲁⲗⲓⲛⲟⲛⲥⲉⲧⲁϩⲟⲙⲙⲟⲕϩⲙⲡⲁⲓ.ⲁⲩⲱⲙⲉⲕϩⲱⲡⲉⲣⲟⲟⲩ.
ⲕⲁⲓⲅⲁⲣⲉⲩϣⲁⲛⲣⲧϩⲉⲙⲡⲉⲧⲟⲩⲉϣϥⲓⲛⲧⲟⲟⲧⲟⲩⲉϩⲣⲁⲓⲉⲣⲟⲕⲉⲩⲟⲛⲧϩⲉⲙⲡⲉⲛⲧⲁϥⲣⲉϩⲧⲟⲩⲧⲏⲩ.
ⲛⲉⲧⲉⲣⲉⲧⲉⲡⲣⲟⲛⲟⲓⲁⲅⲁⲣⲙⲡⲛⲟⲩⲧⲉⲟⲩⲏⲩⲙⲙⲟⲟⲩⲁⲛⲛⲕⲁⲓⲣⲟⲥⲛⲓⲙ.ⲥⲉⲉⲓⲙⲉⲉⲡⲁⲅⲅⲉⲗⲟⲥⲙⲙⲉ.ⲁⲩⲱⲣⲁⲥⲟⲩⲛⲓⲙⲙⲙⲉⲙⲛϩⲱⲃⲛⲓⲙⲙⲙⲉ.ⲁⲩⲱϣⲁϫⲉⲛⲓⲙⲙⲛⲥⲙⲟⲧⲛⲓⲙⲙⲙⲉϩⲛⲛⲉⲧⲕⲡⲉⲓⲣⲁⲍⲉⲛⲛⲣⲱⲙⲉⲛϩⲏⲧⲟⲩⲧⲏⲣⲟⲩ.
ⲧⲇⲟⲕⲓⲙⲏⲅⲁⲣⲉⲣⲉⲟⲩϩⲉⲗⲡⲓⲥⲉⲛⲁⲛⲟⲩⲥⲟⲩⲏϩⲛⲥⲱⲥⲛⲛⲁϩⲣⲛⲛⲉⲧⲇⲟⲕⲓⲙⲁⲍⲉⲛⲛⲉⲡⲛⲉⲩⲙⲁⲛⲧⲙⲉ.ⲙⲛⲛⲉⲡⲛⲉⲩⲙⲁⲛⲧⲉⲡⲗⲁⲛⲏ.
ⲉⲙⲙⲟⲛⲡϩⲛⲟⲉⲧⲗⲟⲃⲉ
ⲉⲧⲃⲉⲟⲩⲉⲛⲛⲁⲣⲁⲧϩⲏⲧⲉⲧⲣⲉⲛϭⲱϣⲧϩⲏⲧϥⲛⲟⲩⲁⲅⲅⲉⲗⲟⲥⲏⲟⲩⲡⲛⲉⲩⲙⲁⲉⲧⲣⲉⲩⲟⲩⲱⲛϩⲉⲣⲟⲛϩⲓⲃⲟⲗ.ⲏⲉⲧⲣⲉⲩϣⲁϫⲉⲛⲙⲙⲁⲛ.ⲉⲣⲉⲡⲛⲟⲩⲧⲉⲁⲩⲱⲡⲉϥⲡⲛⲉⲩⲙⲁⲙⲛⲛⲉϥⲁⲅⲅⲉⲗⲟⲥϣⲁϫⲉⲛⲙⲙⲁⲛϩⲓϩⲟⲩⲛⲙⲙⲟⲛ.
ⲛⲉⲧϣⲟⲩⲉⲓⲧⲅⲁⲣⲁⲩⲱⲛⲉⲧⲉⲣⲉⲓⲏⲥⲟⲩⲥⲟⲩⲏϩⲁⲛⲛϩⲏⲧⲟⲩ.ⲛⲉⲛⲉⲧⲕⲥⲱⲛϩⲙⲙⲟⲟⲩϩⲛⲛⲓⲥⲙⲟⲧ.
ⲛⲅⲛⲁϣⲥⲱⲃⲉⲁⲛⲛⲛⲁⲡⲉⲭⲣⲓⲥⲧⲟⲥϩⲛⲟⲩⲙⲉ.
ⲟⲩⲅⲁⲣⲡⲉⲧⲉⲙⲡⲕⲣⲛⲣⲱⲙⲉⲛⲁⲧⲛⲟⲩⲧⲉⲛⲁⲕⲛϩⲙϩⲁⲗⲛϩⲏⲧϥϫⲉⲉⲩⲛⲁⲣⲃⲟⲗⲉⲛⲉⲓⲕⲟⲟⲩⲉ...
ⲱⲛⲁⲓⲁⲧⲟⲩⲛⲛⲉⲧⲛⲁⲛⲁⲩⲉⲡⲉⲕⲧⲁⲕⲟⲉⲩⲧⲁⲕⲟⲛⲙⲙⲁⲕⲁⲛ.ϩⲙⲡⲉϩⲟⲟⲩⲉⲧⲉⲣⲉⲧⲟⲣⲅⲏⲙⲡⲉⲛⲧⲁⲕⲧⲁⲕⲟⲛⲛⲉϩⲃⲏⲩⲉⲛⲛⲉϥϭⲓϫⲛⲁⲥⲉϩⲥⲱϩⲕⲛⲧϩⲉⲛⲟⲩⲕⲣⲙⲉⲥ.ⲁⲩⲱⲛⲥϩⲓⲧⲕⲛⲥϣⲁϣⲕⲉⲃⲟⲗϩⲛⲁⲙⲛⲧⲉ.
ⲟⲩⲟⲉⲓⲛⲛⲉⲧⲛⲁⲛⲁⲩⲙⲉⲛⲉⲡⲉⲕⲧⲁⲕⲟ.ⲉⲩⲧⲁⲕⲟⲇⲉⲛⲙⲙⲁⲕ·
ⲟⲩⲟⲉⲓⲛⲛⲉⲧⲉⲙⲡⲟⲩⲥⲟⲩⲛⲧⲉⲕϭⲓⲛϣⲁϫⲉ.ⲏⲧⲉⲕϭⲓⲛϭⲱⲣϭ.ⲉⲃⲟⲗϫⲉⲙⲡⲟⲩⲥⲟⲩⲛⲡⲉϩⲣⲟⲟⲩⲛⲛⲉⲅⲣⲁⲫⲏⲛⲧⲁϥⲓⲉⲃⲟⲗⲉϫⲙⲡⲕⲁϩⲧⲏⲣϥ.
ⲛⲁⲓⲁⲧⲟⲩⲛⲛⲉⲛⲧⲁⲩⲉⲓⲙⲉⲉⲣⲟⲕⲙⲛⲛⲉⲕⲙⲟⲕⲙⲉⲕⲉⲧϩⲏⲡ·ⲙⲁⲗⲓⲥⲧⲁⲛⲉⲕⲥⲱⲱϥⲉⲧⲉⲟⲩⲛϭⲟⲙⲛϩⲉⲛϣⲏⲣⲉϣⲏⲙⲉⲥⲟⲩⲱⲛⲟⲩ·ⲁⲩⲱⲛⲥⲉⲧⲙϩⲱⲡⲉⲛⲉⲧⲕⲱⲙϣⲙⲙⲟⲕⲙⲛⲛⲉⲕϫⲱϩⲙ.ⲡⲉⲧϭⲟⲟⲙⲉⲛⲧⲁϥⲧⲥⲁⲃⲉⲛⲉⲧⲙⲟⲟϣⲉⲧⲏⲣⲟⲩϩⲛⲟⲩϭⲱⲱⲙⲉ·ⲡⲉⲛⲧⲁⲩⲧⲥⲧⲟϥ·ⲉⲃⲟⲗ.ⲉⲁϥⲧⲣⲉⲩⲧⲥⲧⲉϩⲉⲛⲗⲁⲟⲥⲉⲃⲟⲗⲉⲩⲟϣ.
ⲉⲃⲟⲗⲧⲱⲛϫⲉⲉⲩⲛⲁϫⲟⲟⲥⲉⲡⲅⲉⲛⲟⲥⲛⲛⲣⲱⲙⲉϫⲉⲙⲟⲩⲧⲉⲉⲣⲟⲟⲩϫⲉⲡϩⲁⲧⲉⲧⲧⲥⲧⲏⲩⲉⲃⲟⲗϫⲉⲁϫⲟⲉⲓⲥⲧⲥⲧⲟⲟⲩⲉⲃⲟⲗ.ⲻ
ⲉⲓϣⲁⲛϫⲟⲟⲥϫⲉⲛⲧⲁⲩⲥⲛⲧⲧⲉⲃⲇⲉⲗⲗⲏϫⲉⲉⲩⲛⲁⲧⲛⲧⲱⲛⲅⲉⲣⲟⲥ.ⲧⲁⲓⲉⲧⲉⲙⲡⲟⲩⲧⲥⲓⲟⲥⲛϭⲓⲛⲉⲥϣⲉⲉⲣⲉ.ⲟⲛⲧⲱⲥⲕⲟⲩⲱⲧⲃⲙⲙⲟⲥⲉⲃⲟⲗⲁⲩⲱⲕⲣϩⲟⲩⲟⲉⲣⲟⲥ·ⲁⲩⲱⲛⲥⲛⲁϣⲧⲁϩⲟⲕⲁⲛϩⲛⲧⲙⲛⲧⲁⲧⲥⲓ.
ϣⲟⲙⲧⲉⲛⲉⲛⲧⲁⲩⲧⲁⲩⲉⲡⲉⲩⲣⲁⲛϫⲉⲙⲡⲟⲩⲧⲥⲓⲟⲥⲙⲡⲉⲥⲟⲩⲱϣⲉⲧⲥⲙⲉⲙⲙⲟⲟⲩⲛϩⲏⲧϥϩⲛⲟⲩⲙⲉ·
ⲛⲧⲟⲕⲇⲉⲙⲡⲉⲣⲉϥⲡⲉϩⲧⲥⲛⲟϥⲉⲃⲟⲗ.ⲙⲡⲉⲣⲉϥϣⲙϣⲉⲉⲓⲇⲟⲗⲟⲛ·ⲙⲡⲉϩⲉⲗⲗⲏⲛ.ⲙⲡⲉϩⲁⲓⲣⲉⲧⲓⲕⲟⲥ·ⲙⲡⲉⲣⲉϥϫⲓⲛϭⲟⲛⲥ.ⲙⲡⲉⲡⲟⲣⲛⲟⲥ.ⲙⲡⲉⲙⲁⲗⲁⲕⲟⲥ·ⲙⲡⲉⲁⲡⲓⲥⲧⲟⲥ·ⲙⲡⲉⲛⲉⲛⲧⲁⲩⲕⲁⲡⲛⲟⲩⲧⲉⲛⲥⲱⲟⲩⲧⲏⲣⲟⲩⲧⲥⲓⲟⲕⲱⲡⲣⲉϥϩⲱⲧⲃⲣⲱⲙⲉ.ⲻ
ⲛⲁⲓⲁⲧⲟⲩϭⲉⲛⲛⲉⲧⲉⲙⲡⲟⲩⲧⲉⲡⲧⲉⲕϯⲡⲉⲉⲛⲉϩϫⲉⲉⲕⲉⲧⲉⲡⲧⲱⲟⲩ·ⲉⲃⲟⲗϫⲉϩⲁⲡⲥⲡⲉⲉⲧⲣⲉⲛⲉⲧⲕⲛⲁⲧⲉⲡⲧⲉⲩϯⲡⲉⲧⲉⲡⲧⲱⲕ.
ⲛⲓϭⲓⲛⲟⲩⲟⲟⲙⲅⲁⲣⲛⲟⲩⲱⲧⲛⲛⲉⲧϩⲁⲣⲱⲕⲛⲙⲙⲁⲩ
ⲛⲁⲓⲁⲧⲟⲩⲟⲛⲛⲛⲉⲛⲧⲁⲩϫⲱⲧϩϩⲛⲧⲉⲕϣⲟⲩⲱⲃⲉⲙⲡⲉⲕⲉϣϭⲙϭⲟⲙⲉⲟⲙⲕⲟⲩⲉⲧⲃⲉⲛⲉⲩⲛⲟϭⲛⲕⲉⲉⲥ.ⲉⲧⲉⲛⲉⲧⲕϫⲱⲛⲧⲉⲣⲟⲟⲩⲛⲉⲁⲩⲱⲉⲕϥⲱϭⲉⲛⲥⲱⲟⲩ.ⲉⲛⲅⲉϣϭⲙϭⲟⲙⲉⲣⲟⲟⲩⲁⲛⲉⲧⲃⲉⲧⲉⲩⲡⲓⲥⲧⲓⲥⲉϩⲟⲩⲛⲉⲛⲟⲩⲧⲉⲁⲩⲱⲡⲉⲩⲁⲅⲁⲑⲟⲛ.
ⲛⲁⲓⲁⲧⲟⲩⲟⲛⲛⲛⲉⲛⲧⲁⲩⲧⲣⲉⲕⲕⲁⲃⲟⲗⲙⲙⲟⲟⲩⲉϩⲛⲁⲕⲁⲛⲙⲛⲛⲥⲁⲧⲣⲉⲕⲟⲙⲕⲟⲩ.
ⲁⲩⲱⲉⲣⲉⲡⲓⲧⲱϣⲛⲣⲉϥⲧⲁⲛϩⲟⲉⲓⲣⲉⲙⲙⲟⲕⲛⲉⲃⲓⲏⲛϣⲁⲧⲥⲩⲛⲧⲉⲗⲉⲓⲁⲉⲧⲉⲣⲉⲓⲏⲥⲟⲩⲥⲛⲁϥⲱⲧⲉⲉⲃⲟⲗⲛⲛⲕⲉϣⲱϫⲡⲛⲛⲉⲕⲙⲉⲉⲩⲉϩⲓϫⲙⲡⲕⲁϩⲛⲅⲧⲙⲥⲱⲧⲉϣⲱⲡⲉ.
ⲡⲉⲧⲉⲙⲉϥⲥⲓⲡⲉⲧⲛⲁⲱⲙⲕⲙⲡⲉⲧⲉⲙⲉϥⲥⲓ.
ⲉⲓϣⲁϫⲉⲉⲁⲙⲛⲧⲉⲉⲧⲕⲛⲁⲃⲱⲕⲉϩⲣⲁⲓⲉⲣⲟϥ.
ⲙⲡⲕⲥⲓⲛϩⲉⲧⲃⲣⲱⲙⲉ.
ⲛϥⲛⲁⲥⲓⲁⲛⲉⲛϩⲱⲧⲃⲙⲙⲟⲕ.ⲁⲩⲱⲉⲛⲉⲣⲉⲧⲉϥⲙⲛⲧⲁⲧⲥⲓⲟⲛⲛⲟϭⲁⲛⲉⲧⲱⲕⲉⲥⲣϩⲟⲩⲟⲉⲙⲁⲧⲉ.
ⲛⲁϣⲛϩⲉⲉⲩⲛⲁⲁⲙⲁϩⲧⲉⲙⲙⲟⲕⲛϩⲏⲧϥϣⲁⲛⲁⲓⲱⲛⲛⲛⲁⲓⲱⲛ.ⲛⲧⲟⲕⲁⲩⲱⲛⲉⲛⲧⲁⲩϫⲱⲕⲉⲃⲟⲗⲛⲛⲉⲩⲉⲡⲓⲑⲩⲙⲓⲁⲛⲙⲙⲁⲕ.ⲁⲩⲱⲛⲧⲟⲕⲛⲙⲙⲁⲩϩⲛⲙⲡⲁⲣⲁⲫⲩⲥⲓⲥ.
ⲡϩⲟϥoⲩⲛⲧⲉⲧⲉϥⲙⲁⲧⲟⲩⲛⲉⲥϣⲓ·ⲁⲩⲱⲛⲧⲁϥⲣⲡⲃⲟⲗⲛⲧⲉϥⲫⲩⲥⲓⲥⲁⲛϩⲙⲡⲁⲓ.
ⲡⲛⲟⲩⲧⲉⲅⲁⲣⲡⲉⲛⲧⲁϥⲕⲁⲁⲥⲛϩⲏⲧϥ·
ⲧⲱⲕⲇⲉⲛⲧⲁⲕϫⲡⲟⲥⲛⲁⲕⲙⲁⲩⲁⲁⲕ.ⲁⲩⲱⲉⲛⲁϣⲛϩⲉⲉⲟⲩⲛⲧⲥϣⲓ.ⲉⲟⲩⲉⲃⲟⲗⲙⲙⲟⲕⲧⲉ.ⲻ
ⲉⲣⲉⲡϩⲟϥⲛⲁϣϩⲉⲗⲙⲙⲟⲟⲩϣⲁⲧⲱⲛ⳿.
ⲙⲉϣⲁⲕⲅⲁⲣⲛⲥⲉⲡⲱϩϣⲁⲛⲉⲧϩⲏⲛⲉⲣⲟϥ·
ⲕⲁⲓⲅⲁⲣⲉϥϣⲁⲛϥⲱϭⲉⲟⲛⲏⲛϥⲡⲱϩⲥ.ⲉϥⲛⲁⲧⲁϩⲉⲛⲓⲙ.
ⲏⲉϥⲛⲁⲡⲉϩⲥⲟⲩⲏⲣ.
ⲉϥⲛⲁϣⲉϭⲉⲟⲩⲏⲣ.
ⲛⲧⲟⲕⲇⲉⲡⲁⲥⲉⲃⲏⲥⲛⲉⲕⲙⲁⲧⲟⲩⲧⲁϩⲟⲛⲛⲉⲧϩⲛⲧⲟⲓⲕⲟⲩⲙⲉⲛⲏⲧⲏⲣⲥ.
ⲕⲡⲱϣⲥⲁⲩⲱⲕϣⲱϭⲉⲛⲛⲉⲧϩⲙⲡⲕⲟⲥⲙⲟⲥⲧⲏⲣϥ

ANNIS Metadata

annotation: Tamara Siuda, Caroline T. Schroeder, Philippe Zaher
attributed_author: Shenoute
author: Shenoute
collection: Copte
Coptic_edition: Chassinat (1911) pp. 19-28
corpus: shenoute.prince
country: Egypt
document_cts_urn: urn:cts:copticLit:shenoute.prince.chassinat_ed:1-28
entities: automatic
identities: checked
idno: 1 ff. 6-10
language: Sahidic Coptic
license: CC-BY 4.0
msContents_title_n: 4
msContents_title_type: Discourses
msItem_title: Because of You Too O Prince of Evil
msName: MONB.XH
next: urn:cts:copticLit:shenoute.prince.chassinat_ed:28-55
note: David Brakke and Andrew Crislip published a translation of Because of You Too O Prince of Evil in their book Selected Discourses of Shenoute the Great (Cambridge University Press, 2015).
objectType: codex
order: 01
origDate: between 900 and 1200 C.E.
origDate_notAfter: 1200
origDate_notBefore: 0900
origDate_precision: low
origPlace: White Monastery
pages_from: 185
pages_to: 194
parsing: automatic
paths_authors: 95
paths_manuscripts: 609
paths_works: 354
people: Jesus
placeName: Atripe
places: Duat
project: Coptic SCRIPTORIUM
redundant: no
repository: Institut français d'archéologie orientale Cairo
segmentation: checked
source: Chassinat edition, OCR via So Miyagawa
tagging: automatic
title: Because of You Too O Prince of Evil XH 185-194
translation: none
Trismegistos: 108162
version_date: 2022-09-26
version_n: 4.4.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:shenoute.prince.chassinat_ed:1-28. [version number], [date]. https://data.copticscriptorium.org/urn:cts:copticLit:shenoute.prince.chassinat_ed:1-28.

Subsequent citations:

Author, Ancient title (abbreviated) [chapter.verse if available], urn:cts:copticLit:shenoute.prince.chassinat_ed:1-28.

Document Edition: urn:cts:copticLit:shenoute.prince.chassinat_ed:1-28

Work: urn:cts:copticLit:shenoute.prince

Text Group: urn:cts:copticLit:shenoute

The following links will direct you to the latest versions of data visualizations of the document.

Diplomatic Edition HTML: https://data.copticscriptorium.org/urn:cts:copticLit:shenoute.prince.chassinat_ed:1-28/dipl/html

Normalized Text HTML: https://data.copticscriptorium.org/urn:cts:copticLit:shenoute.prince.chassinat_ed:1-28/norm/html

Analytic Visualization HTML: https://data.copticscriptorium.org/urn:cts:copticLit:shenoute.prince.chassinat_ed:1-28/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:shenoute.prince.chassinat_ed:1-28/tei/xml

Paula XML: https://data.copticscriptorium.org/urn:cts:copticLit:shenoute.prince.chassinat_ed:1-28/paula/xml

relANNIS: https://data.copticscriptorium.org/urn:cts:copticLit:shenoute.prince.chassinat_ed:1-28/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:shenoute.prince.chassinat_ed:1-28/annis