Martyrdom of Helias (Sobhy ed.) Part 3
normalized analytic diplomatic TEI ANNIS PAULA Search ANNIS
Previous Next

Normalized Text

ⲛⲧⲉⲣⲉϥⲛⲁⲩⲛϭⲓⲡⲣⲣⲟϫⲉⲙⲡⲉϥⲁⲓⲥⲑⲁⲛⲉϩⲁⲧⲉⲓⲕⲉⲃⲁⲥⲁⲡⲟⲥ·ⲛⲧⲉⲩⲛⲟⲩⲁϥⲧⲱⲟⲩⲛⲛϭⲓⲡⲣⲣⲟϩⲙⲡⲃⲏⲙⲁⲁϥⲃⲱⲕⲉϫⲛⲧϩⲁⲗⲁⲥⲥⲁ·ⲁϥⲧⲣⲉⲩⲉⲓⲛⲉⲛⲁϥⲙⲡⲡⲉⲧⲟⲩⲁⲁⲃϩⲏⲗⲓⲁⲥⲙⲛⲕⲉⲑⲩⲣⲓⲟⲛⲥⲛⲁⲩⲉⲩⲛⲁϣⲧⲉⲙⲁⲧⲉⲟⲩϫⲓⲕⲣⲉⲥ·ⲙⲛⲟⲩⲗⲁⲃⲟⲓⲉⲥⲙⲁⲥⲁⲁϥⲕⲉⲗⲉⲩⲉⲛϭⲓⲡⲣⲣⲟⲉⲧⲣⲉⲩⲉⲓⲛⲉⲛⲁϥⲛⲟⲩⲕⲟⲩⲓⲛⲥⲕⲁⲫⲟⲥⲛϭⲓⲛⲟⲩⲏⲗⲁϥⲧⲣⲉⲩϥⲓⲙⲙⲁⲩⲙⲡⲉϥⲥⲟϥⲧⲉⲧⲏⲣϥⲁϥⲧⲣⲉⲩⲧⲁⲗⲟⲙⲡⲡⲉⲧⲟⲩⲁⲁⲃϩⲏⲗⲓⲁⲥⲉⲣⲟϥⲙⲛⲛⲉⲕⲉⲑⲩⲣⲓⲟⲛⲁϥⲧⲣⲉⲩϫⲓⲧϥⲉⲧⲙⲏⲧⲉⲙⲡⲡⲩⲗⲁⲅⲟⲥⲉϥⲙⲏⲣϩⲁⲣⲁⲧϥⲙⲡϭⲓⲛⲟⲩⲏⲗⲁⲩⲥⲱⲗⲡⲛⲛⲉⲛⲟⲩϩⲙⲡⲉⲥⲕⲁⲫⲟⲥⲁⲩⲕⲁⲁϥⲉϥⲡⲁⲣⲁⲭⲓⲙⲁⲍⲉϩⲛⲧⲙⲏⲧⲉⲙⲡⲡⲩⲗⲁⲅⲟⲥⲉⲣⲉⲡⲡⲉⲧⲟⲩⲁⲁⲃϩⲏⲗⲓⲁⲥⲧⲁⲗⲏⲩⲉⲣⲟϥⲙⲛⲛⲕⲉⲟⲩⲣⲓⲟⲛ.ⲁϥⲕⲧⲟⲙⲡⲉϥϩⲟⲉⲡⲥⲁⲛⲧⲁⲛⲁⲧⲟⲗⲏⲁϥϣⲗⲏⲗⲛⲧⲉⲓϩⲉⲉϥϫⲱⲙⲙⲟⲥϫⲉϯⲧⲱⲃϩⲙⲙⲟⲕⲓⲏⲥⲟⲩⲥⲡϣⲏⲣⲉⲙⲡⲛⲟⲩⲧⲉⲉⲧⲟⲛϩⲡⲉⲛⲧⲁϥⲛⲟⲩϩⲙⲛⲇⲁⲛⲓⲏⲗⲉⲧⲧⲁⲡⲣⲟⲛⲛⲉⲙⲟⲩⲓ·ⲉⲕⲉⲛⲁϩⲙⲉⲧϩⲱⲛⲧⲟⲟⲧⲟⲩⲛⲛⲉⲑⲩⲣⲓⲟⲛⲛⲁⲅⲣⲓⲟⲛ.ⲡⲉⲛⲧⲁϥⲛⲟⲩϩⲙⲛⲓⲱⲛⲁⲥⲉϥϩⲛϩⲏⲧϥⲙⲡⲕⲏⲧⲟⲥⲉⲩⲡⲣⲟⲫⲏⲧⲏⲥⲛⲧⲟⲕⲡⲉ·ⲉⲕⲉⲛⲁϩⲙⲉⲧϩⲱϩⲛⲧⲙⲏⲧⲉⲙⲡⲓⲡⲩⲗⲁⲅⲟⲥⲉⲧⲛⲁϣⲧ:ⲉⲧⲓⲉϥϣⲗⲏⲗⲛϭⲓⲡϩⲁⲅⲓⲟⲥϩⲏⲗⲓⲁⲥⲁϥⲛⲁⲩⲉⲛⲉⲑⲩⲣⲓⲟⲛϩⲱⲟⲩⲉⲁⲩⲕⲱⲧⲉⲙⲡⲉⲩϩⲟⲉⲡⲓⲛⲃⲧⲁⲩⲱϣⲉϩⲣⲁⲓⲉⲡⲛⲟⲩⲧⲉϩⲛⲧⲉⲩⲁⲥⲡⲉ.ⲁϥⲕⲟⲧϥⲟⲛⲁϥϣⲗⲏⲗⲛϭⲓⲡⲇⲓⲕⲁⲓⲟⲥⲉϥϫⲱⲙⲙⲟⲥϫⲉⲡⲉⲛⲧⲁϥϫⲓⲙⲟⲉⲓⲧϩⲏⲧϥⲛⲓⲱⲥⲏⲫⲉⲕⲉϫⲓⲙⲟⲉⲓⲧⲛⲁⲓϩⲱⲁⲛⲟⲕⲙⲛⲡⲉⲓⲁⲗⲟⲅⲟⲛⲥⲛⲁⲩⲛⲍⲱⲟⲛϩⲉⲛⲧⲙⲏⲧⲉⲓⲛⲛⲉⲓⲙⲟⲩⲛⲓⲟⲟⲩⲉϫⲉⲛⲧϩⲉⲛⲧⲁⲩⲥⲟⲣⲙⲉⲧⲁⲩⲥⲟⲣⲙⲟⲩϩⲱⲟⲩⲁⲩⲱⲉⲓⲥϩⲏⲏⲧⲉⲥⲉϯⲉⲟⲟⲩⲙⲡⲉⲕⲣⲁⲛⲉⲧⲟⲩⲁⲁⲃ.ⲁⲩⲱϩⲛⲧⲉⲩⲛⲟⲩⲉⲧⲙⲙⲁⲩⲁϥⲉⲓⲉⲡⲉⲥⲏⲧⲉⲃⲟⲗϩⲛⲧⲡⲉⲛϭⲓⲙⲓⲭⲁⲏⲗⲙⲛⲅⲁⲃⲣⲓⲏⲗⲁⲩⲃⲱⲕϣⲁⲣⲟϥⲁⲩⲁⲥⲡⲁⲍⲉⲙⲙⲟϥⲡⲉϫⲁⲩⲛⲁϥ·ϫⲉϫⲣⲟⲙⲙⲟⲕⲡϩⲁⲅⲓⲟⲥϩⲏⲗⲓⲁⲥⲙⲛⲗⲁⲁⲩⲛⲁϣϫⲓⲧⲕⲛϭⲟⲛⲥ.ⲁⲩⲧⲛⲛⲟⲟⲩⲛⲅⲁⲣϣⲁⲣⲟⲕⲉⲧⲣⲉⲛⲉⲣϩⲉⲙⲙⲉⲙⲡⲉⲕϫⲟⲉⲓϣⲁⲡⲧⲉⲛϫⲓⲧⲕⲉϩⲣⲁⲓⲉⲧⲉⲭⲱⲣⲁⲛⲧⲕⲟⲩⲛⲑⲓⲁϫⲉⲟⲩⲛⲟⲩⲛⲟϭⲛⲁⲅⲱⲛⲕⲏⲛⲁⲕⲉϩⲣⲁⲓϩⲙⲡⲙⲁⲉⲧⲙⲙⲁⲩ.ϩⲟⲥⲟⲛⲇⲉⲉⲣⲉⲛⲁⲅⲅⲉⲗⲟⲥϣⲁϫⲉⲛⲙⲙⲁϥ·ⲉⲣⲉⲟⲩⲁϩⲙⲟⲟⲥϩⲓⲧϩⲏⲙⲡⲉⲥⲕⲁⲫⲟⲥⲁⲩⲱⲟⲩⲁϩⲓⲡⲁϩⲟⲩⲙⲙⲟϥⲛⲧⲉⲩⲛⲟⲩⲁⲩⲉⲓⲉⲛⲧⲟϣⲛⲧⲕⲟⲩⲛⲑⲓⲁⲁⲩⲱⲁⲛⲁⲅⲅⲉⲗⲟⲥⲙⲡϫⲟⲉⲓⲥⲁⲥⲡⲁⲍⲉⲙⲙⲟϥⲁⲩⲃⲱⲕⲉϩⲣⲁⲓⲉⲙⲡⲏⲩⲉϩⲛⲟⲩⲉⲟⲟⲩϩⲛⲟⲩⲉⲓⲣⲏⲛⲏⲛⲧⲉⲡⲛⲟⲩⲧⲉϩⲁⲙⲏⲛ
ⲧⲁⲓⲧⲉⲧϣⲟⲣⲡⲉⲙⲙⲁⲣⲧⲩⲣⲓⲁⲙⲡϩⲁⲅⲓⲟⲥϩⲏⲗⲓⲁⲥⲛⲧⲁϥⲁⲁⲥϩⲛϩⲓⲉⲣⲱⲇⲓⲁⲛⲟⲥⲡⲣⲣⲟⲛⲑⲉⲛⲇⲓⲕⲏϩⲛⲟⲩⲉⲓⲣⲏⲛⲏϥⲑ
ⲗⲓⲃⲉⲣⲓⲁⲛⲟⲥⲇⲉⲡⲣⲣⲟⲛⲧⲕⲟⲩⲛⲑⲓⲁⲁϥⲉⲓⲉⲃⲟⲗⲉϫⲛⲧϩⲁⲗⲁⲥⲥⲁⲁϥϭⲱϣⲧⲉⲃⲟⲗϩⲓϫⲱⲥⲁϥⲛⲁⲩⲉⲧⲕⲟⲩⲓⲛⲥⲕⲁⲫⲟⲥⲉⲥϩⲗⲟⲉⲓⲗϩⲓϫⲛⲧϩⲁⲗⲁⲥⲥⲁ·ⲉⲣⲉⲡϩⲁⲅⲓⲟⲥϩⲏⲗⲓⲁⲥⲁⲗⲏⲩⲉⲣⲟⲥⲙⲛⲛⲉⲑⲩⲣⲓⲟⲛⲉⲩⲗⲱϫϩⲛⲛⲉϥⲟⲩⲉⲣⲏⲧⲉⲁϥⲕⲉⲗⲉⲩⲉⲛⲧⲉⲩⲛⲟⲩⲛϭⲓⲡⲣⲣⲟ·ⲉⲧⲣⲉⲩⲉⲛⲧϥⲉϩⲟⲩⲛⲉⲡⲉⲕⲣⲟⲁⲩⲱⲁϥⲛⲁⲩⲉⲡϩⲁⲅⲓⲟⲥϩⲏⲗⲓⲁⲥⲉⲣⲉⲡⲉϥϩⲟϣⲟⲩⲉⲣⲁϣⲉⲉⲃⲟⲗⲡⲉϫⲉⲡⲣⲣⲟⲛⲁϥϫⲉⲛⲧⲟⲕⲛⲁⲁϣⲛⲭⲱⲣⲁ.ⲛⲛⲧⲟⲕⲟⲩⲣⲉⲙⲛⲧⲱⲛ.ⲡⲉϫⲉⲡⲡⲉⲧⲟⲩⲁⲁⲃⲛⲁϥϫⲉⲁⲛⲟⲕⲟⲩⲣⲉⲙⲑⲉⲛⲧⲓⲕⲏⲁⲩⲱⲉⲓⲏⲡⲉⲓⲥⲡⲉⲭⲣⲓⲥⲧⲟⲥ·ⲛⲧⲉⲣⲉϥⲥⲱⲧⲙⲉⲡⲣⲁⲛⲛⲓⲏⲥⲟⲩⲥⲛϭⲓⲗⲓⲃⲉⲣⲓⲁⲛⲟⲥⲡⲣⲣⲟⲁϥϭⲱⲛⲧⲉⲙⲁⲧⲉ·ⲉⲡⲉⲓⲇⲏⲛⲉϥϣⲙϣⲉⲉⲓⲇⲱⲗⲟⲛϩⲱⲱϥⲡⲉ.ⲡⲉϫⲁϥϫⲉⲛⲁⲙⲉⲛⲧⲕⲟⲩⲉⲉⲃⲟⲗϩⲛⲛⲉⲭⲣⲏⲥϯⲁⲛⲟⲥⲙⲙⲁⲅⲟⲥ.ⲗⲟⲓⲡⲟⲛⲉⲓⲥⲛⲙⲁⲉⲓⲛⲛⲧⲉⲕⲙⲛⲧⲙⲁⲅⲟⲥⲟⲩⲱⲛϩⲙⲙⲟⲕⲉⲃⲟⲗⲉⲛⲉⲛⲧⲁⲕⲟⲩⲙⲁⲅⲟⲥⲁⲛⲛⲉⲕⲛⲁⲛⲟⲩϩⲙⲁⲛⲡⲉⲛⲧⲟⲟⲧϥⲛⲛⲉⲓⲑⲩⲣⲓⲟⲛⲉⲧⲛⲁϣⲧ.ⲡⲗⲏⲛⲁⲛⲟⲕⲡⲉⲧⲛⲁⲃⲁⲥⲁⲛⲓⲍⲉⲙⲙⲟⲕⲕⲁⲧⲁⲧⲉⲕⲙⲛⲧⲙⲁⲅⲟⲥ.
ⲛⲉⲁⲡⲇⲓⲁⲃⲟⲗⲟⲥϯⲉⲛϣⲟⲧⲉⲡⲉϥϩⲏⲧ·ⲉⲧⲣⲉϥⲉⲓⲣⲉⲛϩⲛⲛⲟϭⲙⲡⲉⲧϩⲟⲟⲩⲙⲡⲡⲉⲧⲟⲩⲁⲁⲃⲡⲣⲣⲟⲇⲉⲁϥⲕⲉⲗⲉⲩⲉⲉⲧⲣⲉⲩⲙⲟⲣϥⲛϩⲛϩⲁⲗⲩⲥⲓⲥⲙⲡⲉⲛⲓⲡⲉⲛⲥⲉⲛⲟϫϥⲉϩⲟⲩⲛⲉⲩⲕⲁⲗⲉⲁⲕⲣⲁⲛϩⲟⲙⲛⲧϣⲁⲡⲉϥⲣⲁⲥⲧⲉⲛϥⲥⲱⲧⲙⲉⲣⲟϥⲁⲩⲱⲛⲉⲑⲩⲣⲓⲟⲛⲁϥⲧⲣⲉⲩϥⲓⲧⲟⲩⲉⲡϥⲕⲏⲛⲩⲅⲓⲟⲛ.ϩⲧⲟⲟⲩⲉⲇⲉⲙⲡⲉϥⲣⲁⲥⲧⲉⲁϥⲕⲉⲗⲉⲩⲉⲛϭⲓⲡⲣⲣⲟⲉⲧⲣⲉⲩⲉⲓⲛⲉⲛⲁϥⲙⲡⲡⲉⲧⲟⲩⲁⲁⲃϩⲏⲗⲓⲁⲥⲉϩⲟⲩⲛⲉⲡⲉⲑⲉⲁⲇⲣⲟⲛⲛⲧⲡⲟⲗⲓⲥϫⲉⲉϥⲉⲥⲱⲧⲙⲉⲣⲟϥ⁽²⁾ⲇⲩⲙⲟⲥⲓⲁ.ⲁⲩⲱⲛⲧⲉⲣⲉϥ⁽³⁾ⲉⲣⲟϥⲛϭⲓⲡⲣⲣⲟⲛϣⲟⲣⲡ⁽⁴⁾ⲉⲛⲁϥϫⲛⲟⲩϥⲛϭⲓⲡⲣⲣⲟϫⲉⲛⲓⲙⲡⲉⲡⲉⲕⲣⲁⲛⲡⲉϫⲉⲡϩⲁⲅⲓⲟⲥⲛⲁϥϫⲉⲡⲁⲣⲁⲛⲙⲉⲛⲕⲁⲧⲁⲡⲓⲕⲟⲥⲙⲟⲥⲡⲉϩⲏⲗⲓⲁⲥⲡⲁⲣⲁⲛϩⲱⲱϥϩⲙⲡⲉⲡⲛⲉⲩⲙⲁⲡⲉⲡⲉⲛⲧⲁⲩⲧⲁϩⲙⲉϥϩⲓⲧⲛⲓⲏⲥⲟⲩⲥⲡⲉⲭⲣⲓⲥⲧⲟⲥ.ⲡⲉϫⲉⲡⲣⲣⲟⲛⲁϥϫⲉⲟⲩⲕⲟⲩⲛⲉⲣⲉⲣⲁⲛⲥⲛⲁⲩⲛⲧⲟⲕⲡⲁⲣⲁⲟⲩⲟⲛⲛⲓⲙ.ⲡⲉϫⲉⲡϩⲁⲅⲓⲟⲥⲛⲁϥϫⲉⲛⲁⲛⲟⲕⲙⲁⲩⲁⲁⲧⲁⲛⲡⲉⲧⲉⲣⲉⲣⲁⲛⲥⲛⲁⲩⲙⲙⲟϥⲁⲗⲗⲁⲟⲩⲟⲛⲛⲓⲙⲉⲧⲡⲓⲥⲧⲉⲩⲉⲉⲡⲁⲛⲟⲩⲧⲉϣⲁⲩϣⲓⲃⲉⲛⲧⲉⲩϭⲟⲙⲁⲩⲱⲛⲥⲉϫⲓⲡⲣⲁⲛⲕⲁⲧⲁⲡⲉⲡⲛⲉⲩⲙⲁϫⲉⲛⲉϫⲡⲟⲉⲃⲟⲗϩⲏⲧⲥⲁⲣⲝϩⲛⲥⲁⲣⲝⲛⲉⲡⲉϫⲡⲟⲉⲃⲟⲗϩⲙⲡⲉⲡⲛⲉⲩⲙⲁϩⲙⲡⲛⲁⲡⲉⲉⲧⲃⲉⲡⲁⲓϭⲉⲟⲩⲉⲧⲡⲣⲁⲡⲕⲁⲧⲁⲥⲁⲣⲝⲟⲩⲉⲧⲡⲣⲁⲛⲕⲁⲧⲁⲡⲉⲡⲛⲉⲩⲙⲁ.ⲛⲧⲉⲣⲉⲡⲣⲣⲟⲥⲱⲧⲙⲉⲛⲁⲓⲡⲉϫⲁϥϫⲉϩⲏⲗⲓⲁⲥⲛⲛⲉⲓϣⲁϫⲉⲛⲁϯϩⲏⲩⲙⲙⲟⲕ—ⲁⲛⲛⲗⲁⲁⲩⲕⲛⲁⲙⲟⲩⲕⲁⲕⲱⲥⲁⲩⲱⲙⲛⲗⲁⲁⲩⲛⲁϣⲛⲁϩⲙⲉⲕⲉⲃⲟⲗϩⲛⲛⲁϭⲓϫ.ⲡⲡⲉϫⲉⲡϩⲁⲅⲓⲟⲥϩⲏⲗⲓⲁⲥⲛⲁϥϫⲉⲥⲥⲟⲧⲡⲛⲁⲓⲉⲧⲣⲁⲙⲟⲩϩⲛⲛⲉⲕϭⲓϫ·ⲛϩⲟⲩⲟⲉⲧⲣⲁⲉⲣⲁⲧⲥⲱⲧⲙⲛⲥⲁⲓⲏⲥⲟⲩⲥⲡⲁⲛⲟⲩⲧⲉⲛⲁⲓⲇⲉⲛⲧⲉⲣⲉϥⲥⲟⲧⲙⲟⲩⲛϭⲓⲡⲣⲣⲟ·ⲁϥⲕⲉⲗⲉⲩⲉⲛⲥⲉϩⲱⲱⲕⲉⲛⲛⲉϥⲥⲡⲓⲣⲟⲟⲩⲉ·ϩⲛϩⲛϭⲟⲡⲙⲡⲉⲛⲓⲡⲉⲙⲛⲛⲥⲏⲃⲉⲛⲣⲁⲧϥ.ⲉⲩϩⲱⲱⲕⲉⲇⲉⲙⲙⲟϥⲛⲉⲣⲉⲡⲣⲣⲟⲱϣⲉⲃⲟⲗⲉⲣⲟϥϫⲉⲥⲱⲧⲙⲛⲥⲱⲓⲛⲅⲑⲩⲥⲓⲁⲍⲉⲧⲁⲣⲉⲕⲛⲟⲩϩⲙⲉϩⲛⲛⲟϭⲛⲃⲁⲥⲁⲛⲟⲥ.ⲡⲡⲉⲧⲟⲩⲁⲁⲃⲇⲉⲛⲉϥϣⲁϫⲉⲁⲛⲡⲉⲉⲡⲧⲏⲣϥⲁⲗⲗⲁⲛⲉϥϭⲱϣⲧⲉϩⲣⲁⲓⲉⲧⲡⲉ.ⲛⲧⲉⲣⲉϥⲛⲁⲩⲇⲉⲛϭⲓⲡⲣⲣⲟϫⲉⲛϥⲁⲓⲥⲑⲁⲛⲉⲁⲛⲁϥⲕⲉⲗⲉⲩⲉⲛⲥⲉⲛⲟϫϥⲉⲩⲗⲁⲕⲛⲧⲉⲥⲙⲉϩⲛⲛⲉϩⲉϥⲃⲣⲃⲣⲛⲥⲉⲥⲁϩⲧⲉϩⲁⲣⲟⲥⲛⲁⲟⲩⲛⲟⲩⲥⲛⲧⲉ·ϩⲱⲥⲧⲉⲛⲧⲉⲡⲉϥⲥⲱⲙⲁϭⲱϭⲉⲙⲁⲧⲉⲙⲛⲥⲱⲥⲁⲩⲡⲱϩⲧⲉϫⲱϥⲛⲟⲩⲑⲏⲛⲙⲛⲟⲩⲗⲁⲙϫⲁⲧⲡⲁⲩⲱⲁⲡⲉⲩϣⲁϩϫⲓⲥⲉⲉϩⲣⲁⲓⲉϫⲙⲡⲉϥⲥⲱⲙⲁⲛⲥⲁϣϥⲙⲙⲁϩⲉ.ⲛⲉⲣⲉⲡⲣⲣⲟⲇⲉⲙⲉⲉⲩⲉϫⲉⲁϥⲟⲩⲱⲉϥⲙⲟⲩ.ⲗⲟⲓⲡⲟⲛⲁϥⲱϣⲉⲃⲟⲗϫⲉⲱϩⲏⲗⲓⲁⲥⲉϥⲧⲱⲛⲓⲏⲥⲟⲩⲥⲡⲉⲕⲛⲟⲩⲧⲉⲧⲉⲛⲟⲩⲙⲁⲣⲉϥⲛⲁϩⲙⲉⲕⲉⲃⲟⲗϩⲛⲛⲁϭⲓϫ.ⲡⲡⲉⲧⲟⲩⲁⲁⲃⲇⲉⲁϥⲙⲟⲩϩⲉⲃⲟⲗϩⲙⲡⲉⲡⲛⲉⲩⲙⲁⲉⲉⲧⲟⲩⲁⲁⲃⲉϥⲉⲛ⁽²⁾ϩⲟⲩⲛⲉⲡⲕⲱϩⲧⲁϥⲱϣⲉⲃⲟⲗⲉϥϫⲱⲙⲙⲟⲥϫⲉⲧⲱⲙⲛⲣⲱⲕⲛⲅⲕⲁⲣⲱⲕⲱⲡⲣⲣⲟⲛⲁⲛⲟⲙⲟⲥⲉⲕⲧⲁⲩⲟⲙⲡⲣⲁⲛⲙⲡⲁⲛⲟⲩⲧⲉⲉⲃⲟⲗϩⲛⲧⲉⲕⲧⲁⲡⲣⲟⲉⲧϫⲁϩⲙⲡⲣⲣⲟⲇⲉⲛⲧⲉⲣⲉϥⲥⲱⲧⲙϫⲉⲙⲡⲉϥⲙⲟⲩⲁϥⲣϣⲡⲏⲣⲉⲉⲙⲁⲧⲉⲁⲩⲱⲁϥⲣⲱϩⲧⲛⲛⲉϥϭⲓϫⲉϫⲛⲛⲉⲩⲉⲣⲏⲩⲡⲉϫⲁϥϫⲉϩⲛⲟⲩⲙⲉⲁⲓⲉⲓⲙⲉϫⲉⲉⲓⲛⲁⲉⲣⲣⲟⲩⲛⲁⲕϣⲁⲛⲧⲓⲃⲱⲗⲉⲃⲟⲗⲛⲛⲉⲕⲙⲁⲅⲓⲁϯⲛⲁⲧⲛⲛⲓⲟⲟⲩⲛⲥⲁⲟⲩⲙⲁⲅⲟⲥⲉϥⲥⲟⲧⲡⲉⲣⲟⲕⲛϥⲃⲱⲗⲉⲃⲟⲗⲛⲛⲉⲅⲙⲁⲅⲓⲁⲁⲩⲱⲁⲛⲟⲕϯⲛⲁⲡⲉⲇⲉⲩⲉⲙⲙⲟⲕⲁϥⲧⲣⲉⲩⲛⲟϫϥⲉϩⲟⲩⲛⲉⲩⲧⲁⲙⲓⲟⲛⲛⲥⲉⲁϣⲧϥⲉϩⲣⲁⲓⲛⲥⲁϫⲱϥⲛⲥⲉϯⲛⲧⲉϥⲁⲡⲉⲉⲡⲉⲥⲏⲧⲉⲩⲡⲓⲑⲟⲥⲉϥⲙⲉϩⲛϩⲙϫϩⲓⲕⲟⲛⲓⲁⲉⲣⲉⲡⲕⲟⲛⲓⲁⲧⲁϩⲟⲛⲛⲉϥⲉⲕⲓⲃⲉⲁϥⲧⲱⲱⲃⲉⲙⲡⲣⲟϩⲙⲡⲉϥⲝⲟⲩⲣϣⲁⲛⲧⲉϥϫⲟⲟⲩⲛϥⲉⲓⲛⲉⲙⲡⲙⲁⲅⲟⲥⲛⲥⲉⲇⲱⲕⲓⲙⲁⲍⲉⲙⲙⲟϥⲛⲙⲙⲁϥ.ⲡⲣⲣⲟⲇⲉⲛⲧⲉⲣⲉϥⲃⲱⲕⲉⲡⲥⲁⲛⲃⲟⲗⲙⲡⲙⲁⲉⲧⲉⲣⲉⲡⲡⲉⲧⲟⲩⲁⲁⲃϩⲏⲗⲓⲁⲥⲟⲛⲧ—ⲉϩⲟⲩⲛⲉⲣⲟϥ.ⲉⲓⲥⲙⲓⲭⲁⲏⲗⲡⲁⲣⲭⲁⲅⲅⲉⲗⲟⲥⲁϥⲉⲓϣⲁⲡⲡⲉⲧⲟⲩⲁⲁⲃϩⲏⲗⲓⲁⲥⲁϥⲕⲁⲁϥⲉⲡⲉⲥⲏⲧⲉϥⲁϣⲉⲉϩⲣⲁⲓⲁϥⲥⲫⲣⲁⲅⲓⲍⲉⲙⲡⲉϥⲥⲱⲙⲁⲁϥⲣⲧϩⲉⲉϣϫⲉⲙⲡⲉϥϫⲱϩⲉⲣⲟϥⲉⲡⲧⲏⲣϥⲁⲩⲱⲁϥⲉⲓⲛⲉⲛⲁϥϩⲛⲛⲉⲕⲁⲣⲡⲟⲥⲛⲛϣⲏⲛⲙⲡⲡⲁⲣⲁⲇⲓⲥⲟⲥⲉⲧⲣⲉϥⲟⲩⲱⲙⲉⲃⲟⲗⲛϩⲏⲧⲟⲩ.ⲉⲛⲉⲙⲡⲉϥⲟⲩⲱⲙⲅⲁⲣⲛϫⲓⲛⲡⲉϩⲟⲟⲩⲛⲧⲁⲩⲧⲁⲗⲟϥⲉⲑⲁⲗⲁⲥⲥⲁⲙⲛⲛⲉⲑⲩⲣⲓⲟⲛ.ⲡⲉϫⲉⲙⲓⲭⲁⲏⲗⲛⲁϥϫⲉϫⲣⲟⲙⲙⲟⲕⲱⲡⲡⲉⲧⲟⲩⲁⲁⲃϩⲏⲗⲓⲁⲥⲡϣⲟⲉⲓϫϥⲛⲣⲉϥϫⲣⲟⲡⲁⲅⲟⲛⲟⲑⲉⲧⲏⲥⲛⲣⲉϥϫⲓⲕⲗⲟⲙⲡⲉⲛϣⲃⲏⲣⲕⲗⲏⲣⲟⲛⲟⲙⲟⲥⲛⲓⲏⲥⲟⲩⲥⲡⲉⲭⲣⲓⲥⲧⲟⲥ.ϩⲁⲙⲏⲛϯϫⲱⲙⲙⲟⲥⲛⲁⲕϫⲉⲁⲩⲟⲩⲱⲉⲩⲥⲟϥⲧⲉⲙⲡⲉⲕ·ⲑⲣⲟⲛⲟⲥϩⲛⲧⲙⲉϩⲥⲁϣϥⲉⲙⲡⲉⲛⲥⲁⲟⲩⲛⲁⲙⲙⲡⲉⲭⲣⲓⲥⲧⲟⲥⲙⲡⲣⲣϩⲟⲧⲉⲁⲛⲟⲕϯⲛⲁⲡⲣⲟⲥⲕⲁⲣⲧⲏⲣⲉⲓⲉⲣⲟⲕⲉⲓⲃⲟⲏⲑⲓⲁⲉⲣⲟⲕϩⲉⲙⲙⲁⲛⲓⲙⲉⲧⲟⲩⲛⲁϫⲓⲧⲕⲉⲣⲟⲟⲩⲁⲩⲱⲛⲧⲉⲣⲉⲡⲁⲅⲅⲉⲗⲟⲥⲙⲡϫⲟⲉⲓⲥϫⲉⲛⲁⲓⲛⲁϥⲁϥⲃⲱⲕⲉϩⲣⲁⲓⲙⲡⲏⲩⲉϩⲛⲟⲩⲉⲟⲟⲩ.
ⲡⲣⲣⲟⲇⲉⲁϥϫⲟⲟⲩⲛⲥⲁⲟⲩⲛⲟϭⲛⲥⲁϩⲙⲙⲁⲅⲟⲥⲉⲡⲉϥⲣⲁⲛⲡⲉⲑⲉⲟⲕⲗⲏⲧⲟⲥⲉϥⲟⲛⲥⲟⲉⲓⲧϩⲛⲧⲉⲭⲱⲣⲁⲧⲏⲣⲥⲛⲧⲕⲟⲩⲛⲑⲓⲁⲛⲧⲉⲣⲉϥⲉⲓϣⲁⲣⲟϥ·ⲡⲉϫⲉⲡⲣⲣⲟⲛⲁϥϫⲉⲑⲉⲟⲕⲗⲏⲧⲟⲥⲁⲓⲥⲱⲧⲙⲉⲡⲉⲕⲥⲟⲉⲓⲧϫⲉⲛⲧⲕⲟⲩⲥⲁϩⲙⲙⲁⲅⲟⲥ.ⲧⲉⲛⲟⲩϭⲉⲙⲁⲣⲉⲧⲉⲕⲙⲛⲧⲥⲁϩⲟⲩⲱⲛϩⲉⲃⲟⲗϩⲙⲡⲉⲓⲭⲣⲏⲥϯⲁⲛⲟⲥ.ⲉⲡⲉⲓⲇⲏⲁⲓⲥⲱⲧⲙϫⲉⲟⲩⲛⲟⲩⲛⲟⲩⲧⲉⲛⲧⲁⲩϫⲉⲓⲏⲥⲟⲩⲥⲉⲩϣⲁⲛⲧⲁⲩⲟⲉⲡⲉϥⲣⲁⲛϣⲁϥⲃⲟⲏⲑⲓⲁⲉⲣⲟⲟⲩϩⲛⲁⲛⲁⲅⲕⲏⲛⲓⲙ.ⲛⲧⲉⲣⲉϥⲥⲱⲧⲙⲇⲉⲉⲛⲁⲓⲛϭⲓⲑⲉⲟⲕⲗⲏⲧⲟⲥⲡⲙⲁⲅⲟⲥⲁϥⲥⲱⲃⲉⲡⲉϫⲁϥⲙⲡⲣⲣⲟϫⲉⲙⲡⲉⲣⲧⲣⲉϥⲉⲣⲣⲟⲟⲩϣⲛⲁⲕϩⲁⲛⲉⲓϣⲁϫⲉⲁⲗⲗⲁϯⲛⲁⲧⲁⲙⲟⲕϫⲉⲟⲩⲛϭⲟⲙⲙⲙⲟⲓⲉⲃⲱⲗⲉⲃⲟⲗⲛⲧⲙⲁⲅⲓⲗⲛⲛⲉⲭⲣⲏⲥϯⲁⲛⲟⲥ.ⲁϥⲧⲱⲟⲩⲛⲛϭⲓⲡⲙⲁⲅⲟⲥⲁϥⲉⲙⲡⲣⲣⲟⲡⲃⲟⲗⲙⲡⲡⲁⲗⲗⲁϯⲟⲛ·ⲁⲩⲃⲱⲕⲉϩⲟⲩⲛⲉⲩⲙϩⲁⲁⲩ·ⲁϥⲕⲧⲉⲡⲉϥϩⲟⲉⲡⲉⲙⲛⲧ·ⲁϥⲉⲡⲓⲕⲁⲗⲉⲓⲙⲡⲧⲁⲣⲧⲁⲣⲟⲩⲭⲟⲥⲉϥϫⲱⲙⲙⲟⲥϫⲉⲙⲁⲧⲛⲛⲟⲟⲩⲛⲁⲓⲛⲟⲩⲯⲩⲭⲏϫⲉⲉⲥⲉⲧⲁⲙⲉⲡⲣⲣⲟϫⲉⲁⲛⲟⲕⲟⲩϩⲓⲕⲁⲛⲟⲥⲉⲧⲣⲁⲃⲱⲗⲉⲃⲟⲗⲛⲧⲙⲁⲅⲓⲁⲛⲛⲉⲭⲣⲏⲥϯⲁⲛⲟⲥ.ⲛⲧⲉⲩⲛⲟⲩⲁϥⲉⲓⲉϩⲣⲁⲓⲛϭⲓⲡⲧⲁⲣⲧⲁⲣⲟⲩⲭⲟⲥⲙⲛⲟⲩⲙⲏⲏϣⲉⲙⲯⲩⲭⲏⲉⲩⲙⲏⲣⲉⲩⲃⲁⲥⲁⲛⲓⲍⲉⲙⲙⲟⲟⲩⲡⲙⲁⲅⲟⲥⲇⲉⲁϥⲁⲓⲧⲉⲓⲙⲡⲧⲁⲣⲧⲁⲣⲟⲩⲭⲟⲥϫⲉⲉϥⲉⲟⲩⲱⲛⲛⲣⲱⲥⲛⲟⲩⲯⲩⲭⲏⲛⲥϣⲁϫⲉ.ⲁⲥϣⲱⲡⲉⲇⲉⲛⲧⲉⲣⲟⲩϯⲙⲁⲛⲧⲉⲯⲩⲭⲏⲛⲥϣⲁϫⲉⲁⲥⲱϣⲉⲃⲟⲗⲉⲥϫⲱⲙⲙⲟⲥϫⲉⲟⲩⲟⲉⲓⲛⲁⲕⲗⲓⲃⲉⲣⲓⲁⲛⲟⲥⲡⲣⲣⲟⲟⲩⲟⲓⲛⲟⲩⲟⲛⲛⲓⲙⲉⲧⲁⲣⲛⲁⲙⲡⲉⲓⲣⲁⲛϫⲉⲓⲏⲥⲟⲩⲥⲛⲧⲟⲕϩⲱⲱⲕⲑⲉⲟⲕⲗⲏⲧⲟⲥⲡⲙⲁⲅⲟⲥⲛⲧⲉⲕϭⲟⲙⲁⲛⲧⲉⲉϯⲧⲱⲛⲙⲛϩⲏⲗⲓⲁⲥⲡⲉⲭⲣⲏⲥϯⲁⲛⲟⲥ.ⲡⲗⲏⲛⲛⲁⲓⲁⲧⲕϫⲉⲕⲛⲁⲟⲩϫⲁⲓⲉⲃⲟⲗϩⲓⲧⲟⲟⲧϥⲁⲩⲱⲕⲛⲁϫⲓⲕⲁⲧⲁⲑⲉⲣⲙⲉⲛⲓⲁⲙⲡⲉⲕⲣⲁⲛϫⲉⲡⲉⲛⲧⲁⲡⲛⲟⲩⲧⲉⲛⲁϩⲙⲉϥ.ⲛⲧⲟⲕⲕⲛⲁϩⲓⲧⲟⲟⲧⲕⲉⲣⲡⲉⲧϩⲟⲟⲩⲛϩⲏⲗⲓⲁⲥⲛⲧⲟϥϥⲛⲁⲉⲣⲡⲉⲧⲛⲁⲛⲟⲩϥⲛⲁⲕⲕⲛⲁϩⲓⲧⲟⲟⲧⲕⲉⲙⲟⲟⲩⲧϥϥⲛⲁϯⲡⲱⲛϩⲛⲁⲕⲁⲗⲗⲁϯⲧⲁⲣⲕⲟⲙⲙⲟⲕⲙⲡⲉϩⲙⲟⲧⲉⲧⲛⲁⲧⲁϩⲟⲕ·ϫⲉⲉⲕϣⲁⲛϫⲓⲡⲱⲛϩⲉⲃⲟⲗϩⲓⲧⲟⲟⲧϥⲙⲡⲡⲉⲧⲟⲩⲁⲁⲃϩⲏⲗⲓⲁⲥⲁⲣⲓⲡⲁⲙⲉⲉⲩⲉϩⲱϩⲁⲧⲏϥ·ⲁⲣⲏⲩⲛϥⲥⲟⲡⲥⲙⲡⲉϥⲛⲟⲩⲧⲉⲓⲏⲥⲟⲩⲥⲛϥⲥⲟⲧⲛϩⲉⲛⲛⲉⲕⲟⲗⲁⲥⲓⲥⲉⲧⲉⲛϣⲟⲟⲡⲛϩⲏⲧⲟⲩⲉⲡⲉⲓⲇⲏⲥⲉⲃⲁⲥⲁⲛⲓⲍⲉⲙⲙⲟⲛⲉⲡⲉϩⲟⲩⲟϫⲉⲁⲛⲁⲣⲛⲁⲙⲙⲟϥϩⲛⲧⲉⲛⲙⲛⲧⲁⲧⲥⲟⲟⲩⲛⲙⲡⲉⲟⲩⲟⲉⲓϣⲉⲛϩⲉⲙⲛⲕⲟⲥⲙⲟⲥ.ⲧⲉⲛⲟⲩⲁⲛⲉⲓⲙⲉϫⲉⲟⲩⲛⲟⲩⲧⲉⲛⲛⲁⲏⲧⲡⲉⲓⲏⲥⲟⲩⲥϣⲁϥⲕⲱⲉⲃⲟⲗⲛⲛⲉⲛⲟⲃⲉⲛⲟⲩⲟⲛⲛⲓⲙⲉⲧⲟⲩⲛⲁⲕⲧⲟⲟⲩⲉⲣⲟϥϩⲛⲟⲩϩⲏⲧⲉϥⲥⲟⲩⲧⲱⲛ.ⲡⲣⲣⲟⲇⲉⲛⲧⲉⲣⲉϥⲥⲱⲧⲙⲉⲛⲉⲓϣⲁϫⲉⲡⲉϫⲁϥϫⲉⲟⲩⲡⲧⲉⲧⲛⲛⲁⲁⲁϥⲛϩⲏⲗⲓⲁⲥⲡⲉⲭⲣⲏⲥϯⲁⲛⲟⲥⲛⲧⲁϥⲧⲣⲉⲛⲇⲁⲓⲙⲱⲛⲓⲟⲛⲁϩⲉⲣⲁⲧⲟⲩϩⲉⲛⲟⲩⲫⲁⲛⲧⲁⲥⲓⲁⲁⲩϫⲱⲛⲛⲉⲓϣⲁϫⲉⲙⲙⲛⲧⲛⲟⲩϫϫⲉⲉⲛⲛⲁⲉⲣϩⲟⲧⲉⲛⲧⲉⲛϯⲥⲟⲉⲣⲟϥⲁϥⲟⲩⲱϣⲃⲛϭⲓⲡⲙⲁⲅⲟⲥⲡⲉϫⲁϥⲙⲡⲣⲣⲟϫⲉⲙⲡⲉⲣⲙⲉⲉⲩⲉϫⲉϩⲉⲛⲙⲛⲧⲛⲟⲩϫⲛⲉⲛⲉϣⲁϫⲉⲛⲧⲁⲧⲉⲓⲯⲩⲭⲏϫⲟⲟⲩⲙⲙⲟⲛ.ⲉⲡⲉⲓⲇⲏⲁⲧⲉⲓⲯⲩⲭⲏϫⲟⲟⲥϫⲉⲛⲧⲉⲕϭⲟⲙⲁⲛⲡⲉϯⲧⲱⲛⲙⲛϩⲏⲗⲓⲁⲥⲡⲉⲭⲣⲏⲥϯⲁⲛⲟⲥⲉⲧⲃⲉⲡⲉϥⲛⲟⲩⲧⲉϫⲉϥϯⲉⲃⲟⲗϩⲓϫⲱϥϯⲡⲓⲥⲧⲉⲩⲉϫⲉⲟⲩⲙⲉⲡⲉⲡϣⲁϫⲉⲉⲡⲉⲓⲇⲏⲁⲓⲥⲱⲧⲙⲛⲟⲩⲟⲉⲓϣⲉⲧⲃⲉϩⲛⲁⲣⲭⲁⲓⲟⲥⲙⲙⲁⲅⲟⲥⲉϩⲛⲣⲉⲙⲛⲕⲏⲙⲉⲛⲉⲉⲩⲟⲛⲥⲟⲛⲥⲛⲁⲩⲟⲩⲁϫⲉⲓⲁⲛⲛⲏⲥⲁⲩⲱⲕⲉⲟⲩⲁϫⲉⲓⲁⲙⲃⲣⲏⲥⲁⲩϯⲉϩⲟⲩⲛⲉϩⲣⲁϥⲛⲟⲩⲣⲱⲙⲉϫⲉⲙⲱⲩⲥⲏⲥⲁⲩⲱⲙⲡⲟⲩⲉϣϭⲙϭⲟⲙⲉⲣⲟϥ·ⲉⲧⲃⲉⲡⲉϥⲛⲟⲩⲧⲉϫⲉϥϯⲉⲃⲟⲗϩⲓϫⲱϥ.ⲧⲉⲛⲟⲩϭⲉⲁⲛⲟⲛϩⲱⲱⲛⲱⲡⲣⲣⲟⲉⲛⲥⲟⲣⲙϩⲛⲧⲉⲛⲙⲛⲧⲥⲟϭϫⲉⲟⲩⲟⲛⲛⲓⲙⲉⲣⲉⲡⲛⲟⲩⲧⲉϯⲉⲃⲟⲗϩⲓϫⲱϥⲛⲧϭⲟⲙⲛⲗⲁⲁⲩⲉⲣⲟϥⲁⲛⲧⲉ.ⲡⲗⲏⲛⲛϯⲟⲩⲱϣⲁⲛⲉⲗⲩⲡⲉⲓⲙⲙⲟⲕⲱⲡⲣⲣⲟϯⲛⲁⲇⲱⲕⲓⲙⲁⲍⲉⲛϩⲏⲗⲓⲁⲥⲡⲉⲭⲣⲏⲥϯⲁⲛⲟⲥⲛϣⲟⲙⲛⲧⲛⲥⲟⲡⲉϣⲱⲡⲉⲙⲡⲓϭⲙϭⲟⲙⲉⲣⲟϥϩⲉⲛⲟⲩⲙⲉⲛⲧϭⲟⲙⲛⲧⲁⲁⲩⲉⲣⲟϥⲁⲛⲧⲉ.

ANNIS Metadata

Coptic_edition: Sobhy 1919
OrigDate_notBefore: 801
Trismegistos: TM114340
annotation: Lydia Bremer-McCollum, Caroline T. Schroeder
attributed_author: Anonymous
author: Anonymous
collection: Hamuli Coptic
corpus: helias
country: Egypt
document_cts_urn: urn:cts:copticLit:helias.martyrdom.sobhy_ed:21-25
idno: Hamuli.Ms. 2703 ff. 13v-19r
language: Sahidic Coptic
license: CC-BY 4.0
msName: MICH.BT
next: urn:cts:copticLit:helias.martyrdom.sobhy_ed:26-32
note: Chapter division follows ekthesis in Sobhy's edition
objectType: codex
ocr: automatic
order: 3
origDate: between 801 and 925
origDate_notAfter: 925
origDate_precision: medium
origPlace: Hamuli
pages_from: 26
pages_to: 39
parsing: automatic
paths_authors: none
paths_manuscripts: 245
paths_works: 274
placeName: Hamuli
previous: urn:cts:copticLit:helias.martyrdom.sobhy_ed:15-21
project: CopticSCRIPTORIUM
redundant: no
repository: Coptic Museum
segmentation: automatic
source: Sobhy 1919
source_info: OCR of Sobhy 1919 pdf on archive.org using OCR4all
tagging: automatic
title: Martyrdom of Helias (Sobhy ed.) Part 3
translation: none
version_date: 2024-10-31
version_n: 6.0.0
witness: none

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:helias.martyrdom.sobhy_ed:21-25. [version number], [date]. https://data.copticscriptorium.org/urn:cts:copticLit:helias.martyrdom.sobhy_ed:21-25.

Subsequent citations:

Author, Ancient title (abbreviated) [chapter.verse if available], urn:cts:copticLit:helias.martyrdom.sobhy_ed:21-25.

Document Edition: urn:cts:copticLit:helias.martyrdom.sobhy_ed:21-25

Work: urn:cts:copticLit:helias.martyrdom

Text Group: urn:cts:copticLit:helias

The following links will direct you to the latest versions of data visualizations of the document.

Diplomatic Edition HTML: https://data.copticscriptorium.org/urn:cts:copticLit:helias.martyrdom.sobhy_ed:21-25/dipl/html

Normalized Text HTML: https://data.copticscriptorium.org/urn:cts:copticLit:helias.martyrdom.sobhy_ed:21-25/norm/html

Analytic Visualization HTML: https://data.copticscriptorium.org/urn:cts:copticLit:helias.martyrdom.sobhy_ed:21-25/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:helias.martyrdom.sobhy_ed:21-25/tei/xml

Paula XML: https://data.copticscriptorium.org/urn:cts:copticLit:helias.martyrdom.sobhy_ed:21-25/paula/xml

relANNIS: https://data.copticscriptorium.org/urn:cts:copticLit:helias.martyrdom.sobhy_ed:21-25/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:helias.martyrdom.sobhy_ed:21-25/annis