Proclus Homily 13 on Easter in Budge ed.
normalized analytic TEI ANNIS PAULA Search ANNIS
Next

Normalized Text

ϩⲟⲙⲟⲓⲱⲥⲟⲩϩⲟⲙⲟⲗⲓⲁⲉⲁϥⲧⲁⲩⲟⲥϩⲛⲕⲱⲛⲥⲧⲁⲛⲧⲓⲛⲟⲩⲡⲟⲗⲓⲥϩⲛⲧⲉⲕⲕⲗⲏⲥⲓⲁⲛⲁⲛⲑⲉⲙⲓⲟⲥⲛϭⲓⲡⲣⲟⲕⲗⲟⲥⲡⲉⲡⲓⲥⲕⲟⲡⲟⲥⲛⲕⲩⲍⲓⲕⲟⲥϩⲛⲧⲕⲩⲣⲓⲁⲕⲏⲙⲡⲃⲱⲗⲉⲃⲟⲗ·ϩⲙⲡⲧⲣⲉⲩⲑⲙⲥⲟϥⲉϫⲛⲧⲕⲁⲑⲉⲇⲣⲁⲛⲧⲙⲛⲧⲁⲣⲭⲏⲉⲡⲓⲥⲕⲟⲡⲟⲥⲉϥⲙⲙⲁⲩⲛϭⲓⲛⲉⲥⲧⲟⲣⲓⲟⲥⲡϩⲁⲓⲣⲉⲧⲓⲕⲟⲥ·◈—◈—◈:
ⲙⲁⲣⲉⲧⲉϣⲡⲏⲣⲉⲙⲡϣⲁⲙⲡⲉⲛⲥⲱⲧⲏⲣϫⲣⲟⲉⲛⲉⲛϣⲁϫⲉ·
ⲙⲁⲣⲉⲥϭⲱϫⲃⲛϭⲓⲧⲙⲛⲧⲣⲉϥϫⲉⲛⲟϭⲛϣⲁϫⲉⲙⲡⲉⲛⲗⲁⲥⲛⲛⲁϩⲣⲛⲧⲉⲓϣⲡⲏⲣⲉⲙⲡϩⲟⲟⲩ·ⲉⲃⲟⲗϫⲉⲥⲛⲁϣⲡⲱϩⲁⲛⲉⲡϣⲓⲛⲛⲧⲁϣⲉⲟⲉⲓϣⲛⲧⲙⲛⲧⲣⲉϥⲣⲡⲉⲧⲛⲁⲛⲟⲩϥⲙⲡⲉⲛⲧⲁⲩⲥⲧⲁⲩⲣⲟⲩⲙⲙⲟϥϩⲁⲣⲟⲛ·ⲕⲁⲧⲁⲡⲉⲥⲙⲡϣⲁ·
ⲁϣⲅⲁⲣⲡⲉⲡϩⲱⲃⲉⲛⲧⲁϥϣⲱⲡⲉⲛⲧⲉⲓϩⲉϫⲓⲛⲛⲉⲛⲉϩ·ⲛⲧϩⲉⲙⲡⲉⲧⲛⲛⲁⲩⲉⲣⲟϥ·ⲧⲉⲛⲟⲩϩⲛⲟⲩⲡⲓⲥⲧⲓⲥ·
ⲛⲧⲁⲁϣⲛⲛⲟⲩⲥⲙⲉⲉⲩⲉⲟⲛⲛⲧⲉⲓϩⲉⲉⲛⲉϩ·
ⲏⲛⲧⲁⲁϣⲛⲗⲟⲅⲓⲥⲙⲟⲥⲙⲟⲕⲙⲉⲕⲉⲣⲟϥⲉⲛⲉϩ·
ⲏⲁϣⲡⲉⲡϩⲏⲧⲉⲛⲧⲁϥⲡⲗⲁⲥⲥⲉⲙⲙⲟϥ·
ⲏⲁϣⲡⲉⲡϣⲁϫⲉⲉⲛⲧⲁϥϫⲟⲟϥ·
ⲏⲡⲃⲁⲗⲉⲛⲧⲁϥⲛⲁⲩⲉⲣⲟϥ·
ⲏⲡⲙⲁⲁϫⲉⲉⲛⲧⲁϥⲥⲱⲧⲙⲉⲧⲉⲓⲥⲙⲏⲛϣⲡⲏⲣⲉⲛⲧⲉⲓⲙⲉ·ⲉⲧⲉⲡⲁⲓⲡⲉⲡⲉⲭⲣⲓⲥⲧⲟⲥⲉⲛⲧⲁϥϫⲓⲥⲁⲣⲝϩⲛⲟⲩⲙⲉ·ⲉⲁϥⲭⲁⲣⲓⲍⲉⲛⲁⲛⲙⲡⲱⲛϩ·
ⲙⲡⲉⲡⲣⲏⲛⲁⲩⲉⲡⲇⲓⲁⲃⲟⲗⲟⲥⲉⲛⲉϩⲉⲩⲥⲧⲏⲗⲓⲟⲩⲉⲙⲙⲟϥϩⲓϫⲙⲡϣⲉϩⲁⲣⲟⲛ·ϩⲓϫⲙⲡⲉⲥⲧⲁⲩⲣⲟⲥ·
ⲟⲩⲇⲉⲙⲡϥⲛⲁⲩⲉⲣⲟϥⲉϥϣⲱⲡⲛⲧⲉⲛⲫⲩⲥⲓⲥϩⲁⲡⲥⲁϩⲟⲩ·
ⲟⲩⲇⲉⲙⲡⲟⲩⲧⲁⲁϥⲉⲃⲟⲗⲉⲛⲉϩ·ⲉⲧⲣⲉϥⲥⲱⲧⲉⲙⲡⲕⲟⲥⲙⲟⲥϩⲁⲙⲁⲁⲃⲛϩⲁⲧ·
ⲟⲩⲇⲉⲙⲡⲉⲡⲁⲑⲟⲥ·ⲏⲙⲟⲩⲛⲧⲟϥⲛⲁⲧⲛⲟⲃⲉϣⲱⲡⲉⲉⲛⲉϩⲙⲙⲁⲛⲟⲩⲱⲧϩⲙⲡⲛⲟⲃⲉ·
ⲟⲩⲇⲉⲙⲡⲟⲩϭⲁⲓⲟⲉⲃⲟⲗⲙⲡⲧⲩⲣⲁⲛⲛⲟⲥⲉⲛⲉϩϫⲉⲟⲩⲁⲧⲉⲓⲱⲧⲡⲉⲕⲁⲧⲁⲥⲁⲣⲝ·
ⲏϫⲉⲁⲩⲁϣⲧϥⲉⲡϣⲉ·ⲉⲧⲣⲉϥⲥⲉⲕⲟⲩⲟⲛⲛⲓⲙϣⲁⲣⲟϥ·ⲏⲉϯⲱⲛϩⲛⲁⲩ·
ⲟⲩⲇⲉⲙⲡⲉⲧⲁⲫⲟⲥⲛⲧⲁϥϣⲱⲡⲉⲣⲟϥⲉⲛⲉϩⲛⲟⲩⲕⲱⲱⲛⲥⲛⲣⲉϥϣⲱⲗⲙⲡⲙⲟⲩ·
ⲙⲡⲉⲧⲡⲉⲣⲕⲁⲕⲉϩⲛⲧⲙⲏⲧⲉⲙⲡⲉϩⲟⲟⲩⲉⲛⲉϩⲉⲧⲃⲉⲡⲉⲧⲙⲙⲁⲩ·ϫⲉⲕⲁⲥⲉⲛⲉⲥⲛⲁⲩⲉⲡⲉⲇⲣⲁⲙⲁⲉⲛⲧⲁⲩⲧⲟⲗⲙⲁⲉⲣⲟϥⲉϩⲟⲩⲛⲉⲡⲛⲟⲩⲧⲉ·ϩⲱⲥⲧⲉⲉϫⲱϩⲉⲧⲉϥⲥⲁⲣⲝ·
ⲟⲩⲇⲉⲙⲡⲉⲁⲙⲛⲧⲉⲥⲧⲱⲧⲉⲧⲃⲉⲡⲉⲧⲙⲙⲁⲩⲡⲁⲓⲉⲛⲧⲁϥⲟⲙⲕϥ·
ⲟⲩⲇⲉⲙⲡⲉⲡⲕⲁϩⲕⲁⲗⲗⲱⲡⲓⲍⲉⲉⲛⲉϩϩⲛⲟⲩⲙϩⲁⲁⲩ·ⲛⲧⲁϥⲛⲧⲙⲛⲧⲣⲉϥϯⲱⲛϩ·
ⲙⲁⲗⲗⲟⲛⲇⲉϩⲛⲟⲩⲙϩⲁⲁⲩⲁⲛⲁⲗⲗⲁϩⲛⲟⲩⲛⲩⲙⲫⲱⲛ·
ⲙⲡϥⲧⲁⲕⲟⲅⲁⲣⲛϭⲓⲡⲉⲛⲧⲁⲩⲧⲟⲙⲥϥⲛϩⲏⲏⲧϥ:ⲁⲗⲗⲁⲛⲧⲁϥϣⲱⲡⲉⲛⲛⲩⲙⲫⲓⲟⲥⲛϭⲓⲡⲉⲛⲧⲁϥⲃⲱⲕⲉⲡⲉⲥⲏⲧ·
ⲙⲡⲟⲩϫⲡⲉⲗⲁⲁⲩⲙⲫⲩⲥⲓⲥⲉⲛⲉϩⲉⲁϥⲣϣⲟⲙⲛⲧⲛϩⲟⲟⲩⲙⲛϣⲟⲙⲧⲉⲛⲟⲩϣⲏϩⲙⲡⲕⲁϩ·ⲁⲩⲱⲁϥⲧⲱⲟⲩⲛ·ⲉⲓⲙⲏⲧⲓⲉⲡⲉⲛⲧⲁϥⲡⲗⲁⲥⲥⲉⲙⲁⲩⲁⲁϥϩⲛϩⲏⲧⲥⲛⲧⲡⲁⲣⲑⲉⲛⲟⲥⲛⲟⲩⲣⲡⲉⲙⲡⲉϥⲥⲱⲙⲁⲕⲁⲧⲁⲧϩⲉⲉⲧϥⲥⲟⲟⲩⲛⲉⲛⲧⲟϥⲡⲉⲛⲧⲁϥⲧⲱⲟⲩⲛϩⲙⲡⲙⲉϩϣⲟⲙⲛⲧⲛϩⲟⲟⲩ·
ⲉⲁϥⲧⲟⲩⲛⲉⲥⲡⲉⲣⲡⲉⲉⲛⲧⲁϥⲃⲟⲗϥⲉⲃⲟⲗⲉⲃⲟⲗⲉϩⲛⲁϥϩⲓⲧⲙⲡⲙⲟⲩ·
ⲉⲁϥⲟⲩⲱⲛϩⲉⲃⲟⲗⲛⲧⲁⲛⲁⲥⲧⲁⲥⲓⲥϩⲓⲧⲛⲧⲛⲁⲁⲕⲉⲛⲧⲡⲁⲣⲑⲉⲛⲟⲥ·
ϩⲙⲡⲉⲓⲙⲁⲙⲉⲛⲉϣⲁⲣⲉⲡⲉⲭⲣⲟⲛⲟⲥⲧⲁϩⲉⲡⲉϫⲡⲟ·
ⲙⲡⲉⲓⲙⲁⲇⲉϩⲱⲱϥⲡⲉⲧϭⲙϭⲟⲙⲡⲉⲧⲧⲁϣⲉⲟⲉⲓϣϩⲛⲟⲩϭⲉⲡⲏ·
ⲙⲡⲉⲗⲁⲁⲩⲛϩⲓⲉⲓⲃⲉⲁⲩⲧⲁⲗⲟϥⲉϫⲙⲡⲉⲑⲩⲥⲓⲁⲥⲧⲏⲣⲓⲟⲛ·ϥⲓⲙⲡⲛⲟⲃⲉⲙⲡⲕⲟⲥⲙⲟⲥ·ⲉⲓⲙⲏⲧⲓⲉⲡⲉⲟⲩⲟⲉⲓϣⲉⲛⲧⲁⲡⲛⲟⲩⲧⲉϫⲓⲙⲟⲣⲫⲏⲛϩⲙϩⲁⲗ·
ⲁⲩⲱⲁϥⲡⲗⲁⲥⲥⲉⲙⲡⲥⲱⲙⲁⲛⲁⲧϣⲁϫⲉⲉⲣⲟϥ·
ⲁϥⲧⲁⲁϥϩⲓⲱⲱϥ·
ⲡⲁⲓⲇⲉⲧⲉϥⲥⲁⲣⲝⲙⲉⲛⲡⲉⲡⲱⲛϩ·
ⲡⲉϥⲥⲛⲟϥⲇⲉⲡⲉⲡⲥⲱⲧⲉ·
ⲡⲉⲡⲛⲉⲩⲙⲁⲇⲉⲡⲉⲧⲉⲥⲫⲣⲁⲅⲓⲥ·
ⲧⲉⲫⲩⲥⲓⲥⲇⲉⲙⲡⲛⲟⲩⲧⲉⲙⲛⲧⲥⲁⲣⲭⲏ·
ⲕⲁⲗⲱⲥⲟⲩⲛⲁϥϫⲟⲟⲥⲛϭⲓⲡⲙⲁⲕⲁⲣⲓⲟⲥⲡⲁⲩⲗⲟⲥϫⲉⲁⲛⲁⲣⲭⲁⲓⲟⲛⲟⲩⲉⲓⲛⲉ·ⲉⲓⲥϩⲏⲏⲧⲉⲁϩⲉⲛⲃⲣⲣⲉϣⲱⲡⲉ·
ⲧⲁⲓⲧⲉⲧϩⲉⲛⲧⲁⲡⲉⲛⲧⲁϥⲉⲓⲉⲡⲉⲥⲏⲧⲉⲃⲟⲗⲛϩⲏⲧⲥⲥⲙⲟⲩⲉⲧⲉⲛϭⲓⲛⲃⲱⲕⲉϩⲣⲁⲓ·
ⲟⲩⲕⲁϩⲛⲃⲣⲣⲉ·ⲡⲁⲓⲉⲛⲧⲁⲡⲉⲛⲧⲁⲩⲕⲁⲁϥϩⲛⲟⲩⲟⲙϥⲧⲃⲃⲟϥϩⲓⲧⲛⲧⲥⲁⲣⲝⲉⲛⲧⲁⲩϫⲧⲟⲥⲛϩⲏⲧϥ·
ⲟⲩⲑⲁⲗⲁⲥⲥⲁⲛⲃⲣⲣⲉⲉⲥϩⲗⲟⲩⲗⲱⲟⲩ·ⲏⲉⲥϫⲟⲥⲉ·
ⲉⲙⲡⲉⲧⲁϭⲥⲉⲛⲣⲱⲙⲉⲛⲥⲁⲣⲝⲙⲟⲟϣⲉϩⲓϫⲱⲥ·ⲟⲩⲇⲉⲙⲡⲟⲩⲟⲣϣⲥϩⲓⲧⲙⲡⲛⲟⲃⲉ·
ⲟⲩⲃⲓⲟⲥⲛⲃⲣⲣⲉ·ⲡⲁⲓⲉⲛⲧⲁϥⲧⲣⲉⲡⲡⲟⲗⲉⲙⲟⲥⲗⲟⲟⲩⲃⲏϥ·
ⲁϥⲙⲁϩϥⲉⲁϥϫⲟⲕϥⲉⲃⲟⲗϩⲛⲟⲩⲉⲓⲣⲏⲛⲏ·
ⲟⲩⲙⲛⲧⲣⲱⲙⲉⲛⲃⲣⲣⲉ·ⲧⲁⲓⲉⲛⲧⲁϥϫⲟⲕⲙⲥⲉⲁϥⲉⲓⲁⲁⲥⲉⲃⲟⲗϩⲛⲟⲩⲙⲟⲟⲩ·
ⲉⲁϥⲟⲩⲟⲧϩⲥⲛⲕⲉⲥⲟⲡϩⲙⲡⲕⲱϩⲧⲙⲡⲉⲡⲛⲉⲩⲙⲁⲉⲧⲟⲩⲁⲁⲃ·
ⲟⲩϣⲙϣⲉⲛⲃⲣⲣⲉ·ⲟⲩⲕⲉⲧⲓⲅⲁⲣⲙⲛⲥⲟⲩⲥⲟⲟⲩϣⲉⲅⲁⲣⲛⲕⲉⲥⲟⲡⲟⲩⲇⲉⲥⲃⲃⲉ·ⲁⲗⲗⲁⲉⲩϣⲙϣⲉϩⲛⲟⲩⲡⲓⲥⲧⲓⲥ·
ⲉⲩϯⲉⲟⲟⲩϩⲛⲟⲩⲟⲩⲥⲓⲁⲛⲟⲩⲱⲧ·ⲛϣⲟⲙⲧⲉⲛϩⲩⲡⲟⲥⲧⲁⲥⲓⲥ·
ⲛⲁⲓⲛⲉⲧⲉϥⲧⲁϣⲉⲟⲉⲓϣⲙⲙⲟϥⲛⲁⲛⲛϭⲓⲡⲉⲡⲣⲟⲫⲏⲧⲏⲥⲉϥϫⲱⲙⲙⲟⲥϫⲉϩⲙⲡⲉϩⲟⲟⲩⲉⲧⲙⲙⲁⲩⲡⲛⲟⲩⲧⲉⲛⲁⲟⲩⲱⲛϩⲉⲃⲟⲗⲛⲟⲩϣⲟϫⲛⲉⲙⲛⲟⲩⲉⲟⲟⲩϩⲓϫⲙⲡⲕⲁϩ·
ϩⲛⲁϣⲛϩⲟⲟⲩⲁϫⲓⲥⲉⲣⲟⲛⲱⲡⲉⲡⲣⲟⲫⲏⲧⲏⲥ·
ϩⲙⲡⲉϩⲟⲟⲩⲡⲉϫⲁϥⲉⲧⲉⲣⲉⲡⲛⲟⲩⲧⲉⲉⲧⲛⲧⲡⲉⲙⲫⲩⲥⲓⲥⲛⲓⲙⲛⲁϫⲓⲥⲁⲣⲝⲉⲃⲟⲗϩⲛⲟⲩⲥϩⲓⲙⲉⲕⲁⲧⲁⲧϩⲉⲉⲧϥⲥⲟⲟⲩⲛⲛⲧⲟϥⲙⲙⲟⲥ·
ⲛⲥϫⲡⲟⲛϭⲓⲧⲡⲁⲣⲑⲉⲛⲟⲥⲙⲡⲙⲩⲥⲧⲏⲣⲓⲟⲛⲛⲁⲧϣⲁϫⲉⲉⲣⲟϥ·ⲁϫⲛϩⲟⲟⲩⲧ·ⲟⲩⲣⲱⲙⲉⲙⲙⲁⲓⲣⲱⲙⲉⲉⲙⲉϥϣⲓⲃⲉ·ⲉⲁϥⲧⲣⲉⲡⲙⲟⲩⲕⲁⲃⲟⲗⲙⲙⲟⲓ·ⲡⲁⲓⲉⲛⲧⲁϥⲟⲙⲕⲧⲉⲛϯⲥⲟⲟⲩⲛⲁⲛ·ⲉⲁⲡⲉϥⲧⲁⲫⲟⲥϣⲱⲡⲉⲛⲑⲏⲥⲁⲩⲣⲟⲥⲛⲧⲁⲛⲁⲥⲧⲁⲥⲓⲥ·ⲁⲩⲱⲧⲁⲓⲭⲙⲁⲗⲱⲥⲓⲁⲙⲡⲣⲱⲙⲉ·
ⲁϥⲧⲣⲉⲥⲣⲙⲁⲁⲩⲛⲧⲁⲉⲗⲉⲩⲑⲉⲣⲓⲁ
ⲁⲩⲱⲁϩⲣⲟⲓⲉⲓⲧⲁϣⲟⲙⲡϣⲁϫⲉ·
ⲡⲡⲁⲑⲟⲥⲙⲉⲛⲡⲁⲧⲥⲁⲣⲝⲡⲉ·ⲡⲉⲕⲣⲁⲧⲟⲥⲇⲉⲡⲁⲧⲙⲛⲧⲛⲟⲩⲧⲉⲡⲉ·
ⲁⲗⲗⲁⲁϫⲓⲥⲉⲣⲟⲛⲱⲡⲉⲡⲣⲟⲫⲏⲧⲏⲥϫⲉⲉⲣⲉⲡⲛⲟⲩⲧⲉⲛⲁⲟⲩⲱⲛϩⲉⲃⲟⲗⲛⲁϣⲛϩⲉϩⲓϫⲙⲡⲕⲁϩ:
ⲁⲣⲁⲭⲱⲣⲓⲥⲧⲙⲛⲧⲣⲱⲙⲉ·
ⲁⲣⲁⲭⲱⲣⲓⲥⲧⲥⲁⲣⲝ·
ⲃⲱⲕⲛⲁⲕⲱⲡϩⲁⲓⲣⲉⲧⲓⲕⲟⲥⲙⲡⲣⲧⲁⲩⲉⲡⲁⲓⲉⲓϣⲁϫⲉⲉⲣⲟⲕⲁⲛⲱⲡⲉⲡⲣⲟⲫⲏⲧⲏⲥ
ⲉⲛⲉⲛⲧⲁϥⲟⲩⲱⲛϩⲅⲁⲣⲉⲃⲟⲗⲭⲱⲣⲓⲥⲧⲁⲓⲉⲓϣⲁϫⲉⲉⲧⲥⲁⲣⲝ·ⲱⲡⲣⲉϥⲇⲟⲅⲙⲁⲧⲓⲍⲉⲛⲃⲣⲣⲉ·ⲁⲩⲱⲉⲧϣⲟⲩⲉⲓⲧ·ⲡⲉⲕϩⲟⲏⲛⲉⲕⲃⲁⲗⲛⲁϣϥⲓⲁⲛϩⲁⲛⲉϥⲁⲕⲧⲓⲛ·
ⲡⲥⲱⲛⲧⲛⲁϣϩⲱⲃⲥⲁⲛⲛⲧⲉⲫⲩⲥⲓⲥ·
ⲡⲇⲓⲁⲃⲟⲗⲟⲥⲛⲁϣϯⲙⲡⲉϥⲛⲟⲩⲟⲉⲓⲉⲣⲟϥⲁⲛⲉⲙⲓϣⲉⲛⲙⲙⲁϥ·
ϥⲥⲧⲱⲧⲅⲁⲣϩⲏⲧϥⲙⲡⲣⲉϥⲥⲱⲛⲧ·
ⲡⲙⲟⲩⲛⲁϣⲧⲟⲗⲙⲁⲁⲛⲉⲱⲙⲕⲛⲧⲉⲫⲩⲥⲓⲥⲛⲧⲙⲛⲧⲛⲟⲩⲧⲉⲛⲁⲧⲧⲁⲕⲟ·
ⲁⲙⲛⲧⲉⲟⲛϩⲟⲧⲉϩⲏⲧϥⲙⲡⲛⲟⲩⲧⲉⲉϥⲕⲏⲕⲁϩⲏⲩⲛⲧⲥⲁⲣⲝ·
ⲡⲉⲧⲉⲙⲁⲣⲉⲛⲥⲉⲣⲁⲫⲓⲛⲅⲁⲣⲛⲁⲩⲉⲣⲟϥ·
ⲛⲁϣⲛϩⲉⲁⲙⲛⲧⲉⲛⲁⲥⲧⲱⲧϩⲏⲧϥⲁⲛ·
ⲁⲗⲗⲁⲧⲉⲭⲣⲓⲁⲧⲉⲛⲟⲩⲕⲁⲗⲩⲙⲁⲛⲧⲉⲫⲩⲥⲓⲥⲙⲡⲛⲟⲩⲧⲉ·ⲉⲧⲣⲉϥϩⲱⲃⲥⲁⲛⲛⲧⲉⲧⲙⲙⲁⲩ·
ⲉⲓϣⲁϫⲉⲉⲧⲉⲫⲩⲥⲓⲥⲛⲧⲙⲛⲧⲛⲟⲩⲧⲉⲛⲁⲧⲧⲁⲕⲟ·
ⲁⲗⲗⲁⲉⲧⲣⲉⲛⲡⲗⲏⲥⲥⲉⲛⲧⲟϥⲉϫⲛⲧⲉϥⲑⲉⲱⲣⲓⲁ·
ⲟⲩⲕⲁⲗⲩⲙⲁⲁⲛⲡⲉⲛⲧϩⲉⲙⲡⲁⲙⲱⲩⲥⲏⲥⲟⲩϩⲃⲥⲅⲁⲣⲛⲕⲁⲕⲉⲛⲧⲉⲧⲙⲛⲧⲁⲧⲥⲟⲟⲩⲛⲡⲉⲡⲉⲧⲙⲙⲁⲩ·
ⲟⲩⲕⲁⲧⲁⲡⲉⲧⲁⲥⲙⲁⲡⲉⲁⲛⲛϩⲁⲣⲉⲓⲟⲡⲉ·
ⲡⲉϥⲥⲁⲅⲁⲣⲟⲩⲉⲃⲟⲗⲡⲉϩⲛϩⲉⲛⲁⲩⲁⲛⲁⲩⲁⲛ·
ⲟⲩϩⲓⲗⲁⲥⲧⲏⲣⲓⲟⲛⲁⲛⲡⲉⲉϥⲗⲁⲗⲱⲟⲩⲛⲛⲟⲩⲃ·
ⲡⲉϥⲥⲁⲅⲁⲣⲟⲩⲉⲃⲟⲗⲡⲉϩⲛⲟⲩϩⲏⲗⲏ·
ⲟⲩⲭⲉⲣⲟⲩⲃⲓⲛⲅⲁⲣⲁⲛⲙⲙⲟⲩⲛⲅⲛϭⲓϫⲛⲣⲱⲙⲉ·
ⲟⲩϣⲡⲏⲣⲉⲅⲁⲣⲧⲉⲧⲉϥⲧⲉⲭⲛⲏ·
ⲁⲗⲗⲁⲧⲉⲭⲣⲓⲁⲧⲉⲛⲟⲩϩⲃⲥⲱⲛⲉⲥⲟⲟⲩϫⲉⲕⲁⲥⲉϥⲉϭⲱⲣϭⲛϩⲏⲧⲥⲉⲡⲟⲩⲱⲛϣⲛⲟⲩⲁⲙⲣⲱⲙⲉ·
ⲁⲗⲗⲁⲁϥⲃⲱⲕⲟⲛⲉϫⲛⲛⲁϣⲁϫⲉⲛϭⲓⲡⲓⲟⲩⲇⲁⲓⲛⲃⲣⲣⲉ·ⲁⲩⲱϥⲥⲱⲃⲉⲛⲥⲁⲧⲙⲛⲧⲛⲟϭⲙⲡϣⲁϫⲉⲙⲡⲉⲡⲣⲟⲫⲏⲧⲏⲥⲉϥⲙⲓϣⲉⲙⲛⲡⲉⲡⲛⲉⲩⲙⲁⲉⲧⲟⲩⲁⲁⲃ·
ⲁⲩⲱⲟⲩⲡⲉⲧϥϫⲱⲙⲙⲟϥ·
ⲁⲛⲟⲕϯⲡⲓⲥⲧⲉⲩⲉⲁⲛϫⲉⲁⲡⲛⲟⲩⲧⲉⲟⲩⲱⲛϩⲉⲃⲟⲗϩⲓϫⲙⲡⲕⲁϩ·ⲉⲁⲡⲉⲧⲉⲙⲛⲧϥⲥⲭⲏⲙⲁϫⲓⲙⲟⲣⲫⲏϩⲙⲡⲉⲓⲛⲉⲙⲡⲣⲱⲙⲉ·
ⲁⲗⲗⲁⲉϣϫⲉⲕⲥⲱⲃⲉⲛⲥⲁⲡⲛⲟⲙⲟⲥⲱⲡⲓⲟⲩⲇⲁⲓⲁⲩⲱⲕⲟⲛⲁⲧⲥⲱⲧⲙⲛⲥⲁⲛⲉⲡⲣⲟⲫⲏⲧⲏⲥ·ⲁⲩⲱⲕⲕⲁⲧⲁⲫⲣⲟⲛⲉⲓⲛⲛⲉⲩⲁⲅⲅⲉⲗⲓⲥⲧⲏⲥⲁⲩⲱⲕⲡⲱⲱⲛⲉⲛⲛϣⲁϫⲉⲛⲛⲁⲡⲟⲥⲧⲟⲗⲟⲥ·ⲟⲩⲕⲟⲩⲛⲙⲁⲣⲛϫⲛⲉⲛⲉⲥⲧⲟⲓⲭⲓⲟⲛⲛⲧⲛⲉⲓⲙⲉⲉⲃⲟⲗϩⲓⲧⲟⲟⲧⲟⲩ·ϫⲉⲉⲩϩⲟⲙⲟⲗⲟⲅⲉⲓⲙⲡϫⲟⲉⲓⲥⲉⲛⲧⲁϥⲙⲟⲩϩⲛⲧⲥⲁⲣⲝ·ϫⲉⲛⲓⲙⲡⲉ·
ⲁⲩⲉⲓⲥⲛⲧⲛϫⲛⲟⲩⲡⲣⲏⲛϣⲟⲣⲡ·
ⲁϫⲓⲥⲉⲣⲟⲛⲱⲡⲣⲏϫⲉⲉⲧⲃⲉⲟⲩⲁⲕⲥⲱⲕⲉⲣⲟⲕⲛⲛⲉⲕⲁⲕⲧⲓⲛ·ⲛⲧⲉⲣⲟⲩⲥⲧⲁⲩⲣⲟⲩⲙⲡϫⲟⲉⲓⲥ·
ⲉⲧⲃⲉⲟⲩϫⲉⲟⲩⲣⲱⲙⲉⲡⲉⲉϥϣⲟⲩⲉⲓⲧⲡⲉⲡⲉⲛⲧⲁⲩⲥⲧⲁⲩⲣⲟⲩⲙⲙⲟϥ·
ⲟⲩⲕⲟⲩⲛⲕⲙⲡϣⲁⲛⲣⲡⲁⲓϩⲓⲁⲃⲉⲗⲡⲇⲓⲕⲁⲓⲟⲥⲉⲩϩⲱⲧⲃⲙⲙⲟϥ·
ϯⲛⲁϫⲛⲉⲧⲡⲉⲟⲛ·
ⲁϫⲓⲥⲉⲣⲟⲛⲱⲧⲡⲉ·ϫⲉⲉⲧⲃⲉⲟⲩⲁⲣϯϩⲓⲱⲱⲧⲉⲛⲟⲩⲕⲁⲕⲉⲙⲡⲛⲁⲩⲙⲙⲉⲉⲣⲉ·
ⲉⲧⲃⲉϫⲉⲁⲛⲓⲟⲩⲇⲁⲓⲕⲱⲱⲛⲥⲙⲡⲉⲥⲡⲓⲣⲙⲡϫⲟⲉⲓⲥ·
ⲉⲃⲟⲗϫⲉⲟⲩⲣⲱⲙⲉⲉϥϣⲟⲩⲉⲓⲧⲡⲉⲡⲉⲧⲟⲩⲥⲧⲁⲩⲣⲟⲩⲙⲙⲟϥϩⲁⲣⲟⲛ·
ⲉⲧⲃⲉⲟⲩϭⲉⲟⲩⲛⲙⲡⲉⲣⲉⲉⲓⲙⲉⲉⲩϩⲓⲱⲛⲉⲉⲛⲁⲃⲟⲩⲑⲁⲓⲡⲓⲥⲣⲁⲏⲗⲓⲧⲏⲥ·
ⲁϫⲓⲥⲉⲣⲟⲛⲱⲡⲕⲁϩϫⲉⲉⲧⲃⲉⲟⲩⲁⲕⲥⲧⲱⲧⲉⲣⲉⲛⲉⲓⲣⲉϥⲙⲓϣⲉⲟⲩⲃⲉⲡⲛⲟⲩⲧⲉⲉⲓⲣⲉⲛⲧⲉⲓⲛⲟϭⲛⲧⲟⲗⲙⲏⲣⲓⲁ·
ⲉⲧⲃⲉϫⲉⲟⲩⲣⲱⲙⲉⲉϥϣⲟⲩⲉⲓⲧⲡⲉⲧⲟⲩⲥⲧⲁⲩⲣⲟⲩⲙⲙⲟϥ·
ⲉⲧⲃⲉⲟⲩⲙⲡⲕⲥⲧⲱⲧⲉⲕⲛⲁⲩⲉⲏⲥⲁⲓⲁⲥⲉⲩⲟⲩⲉⲓⲥⲉⲙⲙⲟϥϩⲓⲧⲛⲙⲁⲛⲁⲥⲥⲏ·
ⲁⲗⲗⲁⲙⲁϫⲛⲉⲡⲣⲡⲉϩⲱⲱϥⲟⲛ
ϫⲉⲁϫⲓⲥⲉⲣⲟⲛⲱⲡⲣⲡⲉϫⲉⲉⲧⲃⲉⲟⲩⲁⲡⲕⲁⲧⲁⲡⲉⲧⲁⲥⲙⲁⲡⲱϩⲉⲩⲛⲁⲥⲧⲁⲩⲣⲟⲩⲙⲡⲉⲭⲣⲓⲥⲧⲟⲥ
ⲉⲧⲃⲉϫⲉⲟⲩⲣⲱⲙⲉⲉϥϣⲟⲩⲉⲓⲧⲡⲉⲛⲧⲁⲩⲥⲧⲁⲩⲣⲟⲩⲙⲙⲟϥ·
ⲉⲧⲃⲉⲟⲩⲙⲡⲕⲛⲁϩϥⲛⲧⲉⲣⲟⲩⲡⲱϩⲧⲉⲃⲟⲗϩⲛⲧⲉⲕⲙⲏⲧⲉⲙⲡⲉⲥⲛⲟϥⲛⲍⲁⲭⲁⲣⲓⲁⲥ·
ⲁⲡⲟⲗⲟⲅⲓⲍⲉⲛⲁⲛⲧⲉⲛⲟⲩⲱⲧⲉⲕⲧⲏⲥⲓⲥⲧⲏⲣⲥⲉⲧⲉⲙⲉⲥϣⲁϫⲉ·
ⲛⲧⲁⲛⲕⲏⲣⲩⲥⲥⲉⲁⲛⲡⲉϫⲁⲥⲛⲟⲩϩⲏⲃⲉⲙⲡⲣⲉϥⲥⲱⲛⲧ·
ⲛⲟⲩϣⲃⲣϩⲙϩⲁⲗⲁⲛⲡⲉⲛⲧⲁⲩⲧⲟϭⲛⲉϥⲉⲡⲙⲟⲩ·
ⲁⲗⲗⲁⲛⲧⲁⲛϣⲧⲟⲣⲧⲣⲁⲩⲱⲁⲛⲥⲧⲱⲧⲉⲩϣⲱⲥⲙⲡϫⲟⲉⲓⲥ·
ⲧⲡⲉⲅⲁⲣⲱϣⲉⲃⲟⲗϫⲉⲡⲛⲟⲩⲧⲉⲉⲛⲧⲁϥⲣⲥⲁⲣⲝⲡⲉⲛⲧⲁⲩⲥⲧⲁⲩⲣⲟⲩⲙⲙⲟϥϩⲛⲧⲥⲁⲣⲝ·
ϯⲥⲟⲟⲩⲛⲉⲡⲁⲓϩⲛⲟⲩⲱⲣϫ·
ⲁⲛⲟⲕⲅⲁⲣⲡⲉϫⲁⲥⲡⲉⲛⲧⲁϥⲣⲁⲕⲧⲁϥⲉⲓⲉⲡⲉⲥⲏⲧ·
ⲡⲣⲏⲁϣⲕⲁⲕⲉⲃⲟⲗϫⲉⲡⲁϫⲟⲉⲓⲥⲡⲉⲓⲏⲥⲟⲩⲥⲡⲉⲛⲧⲁⲩⲥⲧⲁⲩⲣⲟⲩⲙⲙⲟϥϩⲛⲧⲥⲁⲣⲝ·
ⲁⲛⲟⲕⲛⲧⲁⲓⲣϩⲟⲧⲉϩⲏⲧϥⲙⲡⲟⲩⲟⲉⲓⲛⲛⲧⲉϥⲙⲛⲧⲛⲟⲩⲧⲉ·
ⲁⲓⲥⲱⲕⲉⲣⲟⲓⲛⲛⲁⲁⲕⲧⲓⲛ·
ⲡⲕⲁϩϩⲱⲱϥⲟⲛⲱϣⲉⲃⲟⲗϫⲉⲡⲇⲏⲙⲓⲟⲩⲣⲅⲟⲥⲉⲛⲧⲁϥⲫⲟⲣⲉⲓⲛⲟⲩⲥⲁⲣⲝⲡⲉⲛⲧⲁⲩⲥⲧⲁⲩⲣⲟⲩⲙⲙⲟϥϩⲛⲧⲥⲁⲣⲝ·
ⲕⲁⲓⲅⲁⲣⲉϣϫⲉⲁⲓϫⲓⲡⲉϫⲁϥⲉⲡⲁϩⲁⲙⲏⲣⲛⲧⲉϥⲥⲁⲣⲝϩⲙⲡⲟⲩⲟⲙϥ·ⲁⲗⲗⲁⲙⲡⲉⲓⲉϣⲱⲣⲃⲉϩⲟⲩⲛⲙⲡⲁⲙⲁϩⲧⲉⲛⲧⲉϥⲙⲛⲧⲛⲟⲩⲧⲉ·
ⲧϩⲁⲗⲁⲥⲥⲁⲱϣⲉⲃⲟⲗϫⲉⲡⲁϣⲃⲣϩⲙϩⲁⲗⲁⲛⲡⲉⲛⲧⲁⲩⲥⲧⲁⲩⲣⲟⲩⲙⲙⲟϥϩⲛⲧⲥⲁⲣⲝ·
ϣⲁⲣⲉⲛⲧⲁϭⲥⲉⲅⲁⲣⲙⲡⲁϣⲃⲣϩⲙϩⲁⲗⲧϩⲣϣⲟⲛⲧⲁϫⲓⲥⲉ·
ⲛⲟⲩⲉⲣⲏⲧⲉⲇⲉⲛⲧⲟⲟⲩⲙⲡⲁϫⲟⲉⲓⲥⲉⲩⲧⲃⲃⲟⲛⲧⲁⲫⲩⲥⲓⲥ·
ⲡⲣⲡⲉⲱϣⲉⲃⲟⲗⲉϥϫⲱⲙⲙⲟⲥϫⲉⲡⲉⲧⲟⲩϣⲙϣⲉⲛⲁϥⲛϩⲏⲧϥϫⲓⲛⲛϣⲟⲣⲡⲛⲧⲟϥⲡⲉⲧⲟⲩϣⲱⲥⲙⲙⲟϥϩⲛⲧⲥⲁⲣⲝ·
ⲉⲧⲃⲉⲡⲁⲓⲙⲡⲉⲓⲉϣϥⲓϩⲁⲧⲉⲓⲧⲟⲗⲙⲏⲣⲓⲁⲛⲧⲉⲓϭⲟⲧ·ⲁⲓⲡⲱϩⲛⲧⲁϣⲧⲏⲛ·
ⲁⲙⲛⲧⲉⲁϣⲕⲁⲕⲉⲃⲟⲗϫⲉⲟⲩⲣⲱⲙⲉⲁⲛⲉϥϣⲟⲩⲉⲓⲧⲡⲉⲛⲧⲁϥⲉⲓⲉⲡⲉⲥⲏⲧⲉⲡⲉⲓⲙⲁ·
ϯⲥⲟⲟⲩⲛⲅⲁⲣⲡⲉϫⲁϥϫⲉⲟⲩⲡⲉⲡϩⲓⲥⲉⲉⲛⲧⲁⲓϣⲟⲡϥ·
ⲡⲉⲛⲧⲁⲓϫⲓⲧϥⲅⲁⲣϩⲱⲥⲁⲓⲭⲙⲁⲗⲱⲧⲟⲥ·ⲁⲓϩⲉⲉⲣⲟϥⲉⲡⲉⲧⲉⲩⲛϣϭⲟⲙⲙⲙⲟϥⲡⲉⲉϩⲱⲃⲛⲓⲙ·
ⲁⲗⲗⲁⲉϣϫⲉⲕⲟⲛⲁⲡⲓⲥⲧⲟⲥⲉⲛⲉⲥⲧⲟⲓⲭⲓⲟⲛ·ⲟⲩⲕⲟⲩⲛⲙⲁⲣⲛϫⲛⲉⲛϭⲟⲙⲛⲙⲡⲏⲩⲉ·
ⲁϫⲓⲥⲉⲣⲟⲛⲱⲛⲁⲅⲅⲉⲗⲟⲥⲙⲛⲛⲁⲣⲭⲁⲅⲅⲉⲗⲟⲥ·ⲙⲛⲛⲉⲥⲧⲣⲁⲧⲓⲁⲧⲏⲣⲟⲩⲛⲙⲡⲏⲩⲉϫⲉⲛⲓⲙⲡⲉⲛⲧⲁϥⲟⲩⲱⲛϩⲉⲃⲟⲗϩⲓϫⲙⲡⲕⲁϩ·
ⲁⲩⲱⲡⲉⲛⲧⲁⲩⲥⲧⲁⲩⲣⲟⲩⲙⲙⲟϥϩⲛⲧⲥⲁⲣⲝ·
ⲁⲩⲱⲥⲉⲛⲁⲟⲩⲱϣⲃⲧⲏⲣⲟⲩⲉⲩⲱϣⲉⲃⲟⲗⲙⲛⲡⲉⲡⲣⲟⲫⲏⲧⲏⲥⲇⲁⲩⲉⲓⲇ·ϫⲉⲡϫⲟⲉⲓⲥⲛϭⲟⲙⲛⲧⲟϥⲡⲉⲡⲣⲣⲟⲙⲡⲉⲟⲟⲩ·ⲡⲁⲓⲉⲧⲉⲡⲱϥⲡⲉⲡⲉⲟⲟⲩⲙⲛⲡⲁⲙⲁϩⲧⲉϣⲁⲉⲛⲉⲓⲉⲛⲉϩϩⲁⲙⲏⲛ·◈—◈—◈—◈—◈—◈
ⲡⲣⲟⲕⲗⲟⲥⲡⲁⲣⲭⲏⲉⲡⲓⲥⲕⲟⲡⲟⲩ·————————

ANNIS Metadata

annotation: Amir Zeldes, Lance Martin, Caroline T. Schroeder
author: Proclus of Constantinople
collection: Oriental Manuscripts
Coptic_edition: Budge, 1914
corpus: proclus.homilies
country: Egypt
document_cts_urn: urn:cts:copticLit:proclus.homily13.budge
entities: gold
identities: gold
idno: Or. 5001 ff. 115b-122b
language: Sahidic Coptic
license: CC-BY 4.0
msItem_title: Homily 13 on Easter
msName: CMCL.AW
next: urn:cts:copticLit:proclus.homily23.budge
note: The page numbers in the manuscript contain errors, skipping pages 32 and 34. Coptic SCRIPTORIUM's edition includes only Budge's transcription of the manuscript. It is not a diplomatic transcription based on reading and collation of the original manuscript. The translation is Budge's with very slight modifications (e.g., numbers mistranslated.)
objectType: codex
order: 01
origDate: 951
origDate_notAfter: 1000
origDate_notBefore: 0900
origDate_precision: medium
origPlace: St. Mercurius Monastery
pages_from: 25
pages_to: 38
parsing: gold
paths_authors: 88
paths_manuscripts: 22
paths_works: 318
people: Abel; Anthemius of Tralles; Cherub; David; Devil; Isaiah; Jesus; Jews; Manasseh of Judah; Moses; Naboth; Nestorius; Paul the Apostle; Proclus of Constantinople; Seraph; Zechariah ben Jehoiada
placeName: Edfu
places: Constantinople; Cyzicus; Duat
project: Coptic SCRIPTORIUM, Marcion, PATHS
redundant: no
repository: British Library
segmentation: gold
source: Marcion project, Archive.org
tagging: gold
title: Proclus Homily 13 on Easter in Budge ed.
translation: E. A. Wallis Budge
Trismegistos: 107789
version_date: 2024-10-31
version_n: 6.0.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:proclus.homily13.budge. [version number], [date]. https://data.copticscriptorium.org/urn:cts:copticLit:proclus.homily13.budge.

Subsequent citations:

Author, Ancient title (abbreviated) [chapter.verse if available], urn:cts:copticLit:proclus.homily13.budge.

Document Edition: urn:cts:copticLit:proclus.homily13.budge

Work: urn:cts:copticLit:proclus.homily13

Text Group: urn:cts:copticLit:proclus

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:proclus.homily13.budge/norm/html

Analytic Visualization HTML: https://data.copticscriptorium.org/urn:cts:copticLit:proclus.homily13.budge/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:proclus.homily13.budge/tei/xml

Paula XML: https://data.copticscriptorium.org/urn:cts:copticLit:proclus.homily13.budge/paula/xml

relANNIS: https://data.copticscriptorium.org/urn:cts:copticLit:proclus.homily13.budge/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:proclus.homily13.budge/annis