Proclus Homily 23 On the Nativity in Budge ed.
normalized analytic TEI ANNIS PAULA Search ANNIS
Previous

Normalized Text

ⲟⲩϩⲟⲙⲓⲗⲓⲁⲉⲁϥⲧⲁⲩⲟϥⲛϭⲓⲡⲣⲟⲕⲗⲟⲥⲡⲉⲡⲓⲥⲕⲟⲡⲟⲥⲛⲕⲩⲍⲓⲕⲟⲥϩⲛⲧⲛⲟϭⲛⲉⲕⲕⲗⲏⲥⲓⲁⲛⲕⲱⲛⲥⲧⲁⲛⲧⲓⲛⲟⲩⲡⲟⲗⲓⲥⲉϥⲙⲙⲁⲩⲛϭⲓⲛⲉⲥⲧⲟⲣⲓⲟⲥ·ⲡϩⲁⲓⲣⲉⲧⲓⲕⲟⲥⲉⲧⲃⲉⲡⲉϥⲇⲟⲅⲙⲁⲉⲧⲥⲏϣⲉⲛⲁⲙⲟⲩⲣⲉϩⲟⲩⲛⲉⲡⲉϩⲙⲉⲛϩⲟⲟⲩⲉⲧⲟⲩⲁⲁⲃ·◈—◈—◈—◈
ϩⲉⲛⲣⲙⲙⲁⲟⲉⲙⲁⲧⲉⲛⲉⲛⲙⲁⲛϩⲁⲧⲉⲛⲧⲥⲟⲫⲓⲁⲛⲧⲉⲭⲁⲣⲓⲥⲙⲡⲛⲟⲩⲧⲉ·
ⲟⲩⲁϫⲓⲏⲡⲉⲇⲉⲙⲙⲟϥⲡⲉⲡϩⲏⲩⲙⲡⲓⲥⲱⲟⲩϩⲉϩⲟⲩⲛⲙⲡⲛⲉⲩⲙⲁⲧⲓⲕⲟⲛ·
ⲥⲧⲁⲓⲏⲩⲛϭⲓⲧⲙⲛⲧⲉϣⲱⲧⲛⲧⲁⲅⲟⲣⲁⲛⲧⲉⲕⲕⲗⲏⲥⲓⲁ·
ϥⲣⲟⲟⲩⲧⲛϭⲓⲡϣⲁⲙⲡⲉⲑⲩⲥⲓⲁⲥⲧⲏⲣⲓⲟⲛ·
ⲟⲩⲗⲁⲙⲡⲣⲟⲥⲉⲙⲁⲧⲉⲧⲉⲧϭⲓⲛϫⲓϯⲙⲡⲥⲱⲧⲏⲣ·
ⲟⲩⲁⲧϣⲁϫⲉⲉⲣⲟⲥⲧⲉⲧⲙⲛⲧⲣⲙⲙⲁⲟⲛⲛⲉⲓϥⲧⲙⲡⲥⲱⲧⲏⲣ·
ⲟⲩⲁⲧⲫⲑⲟⲛⲉⲓⲉⲣⲟϥ·ⲁⲩⲱⲟⲩⲛⲟϭⲡⲉⲡⲉⲑⲏⲥⲁⲩⲣⲟⲥⲛⲛⲇⲱⲣⲉⲁⲉⲧⲏⲡⲉⲧⲡⲉ·
ⲧⲉⲓⲭⲁⲣⲓⲥⲥⲟⲟⲩⲛⲁⲛⲙⲙⲛⲧϩⲏⲕⲉ·ⲡⲉⲭⲣⲓⲥⲧⲟⲥⲅⲁⲣⲡⲉⲧϯⲛⲧⲉⲓⲭⲁⲣⲓⲥ·ⲁⲩⲱⲉϣϫⲉⲕⲟⲩⲱϣⲱⲡⲙⲉⲣⲓⲧϭⲱϣⲧⲉⲛⲉⲕⲣⲁⲫⲏⲉⲧⲟⲩⲁⲁⲃ·ⲁⲩⲱⲕⲛⲁⲥⲟⲩⲛⲧⲙⲛⲧⲣⲙⲙⲁⲟⲉⲧⲉⲙⲛⲧⲥϣⲓ·ⲉϥϯⲛϩⲉⲛⲛⲟϭⲛⲇⲱⲣⲟⲛ·
ϥⲟⲩⲱϣⲅⲁⲣⲉⲧⲥⲁⲃⲟⲕⲉⲣⲟⲥϩⲛⲟⲩⲁⲕⲣⲓⲃⲓⲁⲉⲥⲟⲛⲁⲧⲉⲥⲙⲟⲧⲁⲩⲱⲉⲛⲁϣⲉⲡⲉⲥⲧⲣⲟⲡⲟⲥ·
ϫⲓⲛⲛⲧⲉϩⲟⲩⲉⲓⲧⲉⲅⲁⲣϥⲛⲁⲗⲟⲁⲛⲛϭⲓⲡⲉⲛϫⲟⲉⲓⲥⲓⲏⲥⲟⲩⲥⲡⲉⲭⲣⲓⲥⲧⲟⲥⲉϥⲣⲡⲉⲧⲛⲁⲛⲟⲩϥⲙⲡⲅⲉⲛⲟⲥⲛⲛⲣⲱⲙⲉ·
ⲡⲉⲛⲧⲁϥⲉⲝⲱⲣⲓⲍⲉⲅⲁⲣⲙⲙⲟϥϫⲓⲛⲛϣⲟⲣⲡⲉⲧⲉⲁⲇⲁⲙⲡⲉⲉⲡⲙⲁⲛⲟⲩⲕⲁⲧⲁⲇⲓⲕⲟⲥⲁϥϫⲓⲧϥⲁϥⲑⲙⲥⲟϥⲛⲙⲙⲁϥϩⲙⲡⲉϥⲑⲣⲟⲛⲟⲥϩⲛⲙⲡⲏⲩⲉ·
ⲁϥⲛⲁⲩⲉⲁⲃⲉⲗⲉⲁⲩⲕⲟⲟⲛⲥϥⲉⲧⲃⲉⲟⲩⲑⲩⲥⲓⲁ·ⲁⲩⲱⲙⲛⲛⲥⲁⲡⲉϥⲙⲟⲩⲁϥⲣⲡϣⲱⲥⲛⲇⲓⲁⲗⲟⲅⲟⲥⲉⲡⲉϥϩⲱⲧⲃ·
ⲁϥⲛⲁⲩⲉⲛⲱϩⲉⲉϥϣⲉⲉⲓϩⲙⲡⲙⲟⲟⲩⲙⲡⲕⲁⲧⲁⲕⲗⲩⲥⲙⲟⲥⲁϥϩⲁⲣⲉϩⲉⲣⲟϥⲛⲧϩⲉⲛⲟⲩⲥⲓⲟⲩⲙⲡⲅⲉⲛⲟⲥⲛⲛⲣⲱⲙⲉ·
ⲁϥϩⲉⲉⲁⲃⲣⲁϩⲁⲙⲉϥⲟⲛⲣⲙⲛϭⲟⲓⲗⲉⲁϥⲁⲁϥⲛⲉⲓⲱⲧⲛⲛϩⲉⲑⲛⲟⲥⲧⲏⲣⲟⲩ·
ⲁϥⲛⲁⲩⲇⲉⲟⲛⲉⲓⲱⲥⲏⲫⲉϥϩⲛⲙⲙⲣⲣⲉⲁϥⲧⲟⲩⲛⲟⲥϥ·ⲛϩⲓⲕⲱⲛⲙⲡⲃⲓⲟⲥⲛⲧⲥⲟⲫⲣⲟⲥⲩⲛⲏ·
ⲁϥⲛⲁⲩⲉⲙⲱⲩⲥⲏⲥⲉϥⲡⲏⲧⲉⲃⲟⲗϩⲛⲕⲏⲙⲉⲁϥⲁⲁϥⲛϫⲁⲩⲙⲟⲉⲓⲧⲛⲟⲩⲗⲁⲟⲥⲛⲁⲧϫⲓⲏⲡⲉⲙⲙⲟϥ·
ⲁⲓⲉⲥⲟⲩⲛⲁⲩⲏϣⲱⲡⲉⲛⲕⲁⲧⲁⲥⲕⲟⲡⲟⲥⲛⲧⲡⲁⲗⲁⲥⲧⲓⲛⲏ·ⲉⲁϥⲭⲁⲗⲓⲛⲟⲩⲙⲡⲉⲧⲣⲟⲙⲟⲥⲙⲡⲣⲏⲙⲛⲡⲟⲟϩ·
ⲁϥϫⲓⲛⲇⲁⲩⲉⲓⲇⲉⲃⲟⲗϩⲛⲛⲟϩⲉⲛⲉⲥⲟⲟⲩⲁϥⲁⲁϥⲛⲣⲣⲟⲉⲡⲉϥⲅⲉⲛⲟⲥ·ⲁⲩⲱⲛⲉⲓⲱⲧⲙⲡⲙⲩⲥⲧⲏⲣⲓⲟⲛⲉⲧϩⲁϩⲟⲧⲉ·
ⲁϥϫⲡⲓⲟⲛⲃⲁⲗⲁϩⲁⲙⲡⲁⲧⲥⲱⲧⲙϩⲓⲧⲛⲟⲩⲉⲱ·ⲉⲁϥⲧⲣⲉⲡⲧⲃⲛⲏⲙⲡⲉⲧⲙⲙⲁⲩϣⲱⲡⲉⲛⲗⲟⲅⲓⲕⲟⲥⲉⲡⲙⲁⲛⲟⲩⲙⲛⲧⲁⲗⲟⲅⲟⲥ·
ⲉⲧⲃⲉⲟⲩϩⲱⲃⲛⲭⲣⲏⲥⲓⲙⲟⲛⲁϥⲭⲁⲣⲓⲍⲉⲛⲟⲩⲗⲟⲅⲓⲥⲙⲟⲥⲛⲧⲉⲣⲩⲑⲣⲁⲧϩⲁⲗⲁⲥⲥⲁ·
ⲁϥⲧⲣⲉⲡϭⲉⲣⲱⲃⲛⲁⲁⲣⲱⲛϣⲱⲡⲉⲙⲙⲁⲁⲩⲛⲟⲩϯⲟⲩⲱⲛⲃⲣⲣⲉⲡⲁⲣⲁⲧⲉϥⲫⲩⲥⲓⲥ·
ⲁϥⲧⲁϩⲟⲉⲣⲁⲧϥⲛⲟⲩϩⲟϥⲛϩⲟⲙⲛⲧϩⲛⲧⲉⲣⲏⲙⲟⲥⲛⲧϩⲉⲛⲟⲩⲉⲓⲁⲧⲣⲓⲕⲟⲥⲛϣⲡⲏⲣⲉ·
ⲁϥⲛⲁⲩⲉϩⲏⲗⲓⲁⲥⲉϥⲡⲏⲧⲁϥⲁⲛⲁⲗⲁⲃⲃⲁⲛⲉⲙⲙⲟϥⲁϥⲁⲁϥⲛⲣⲙⲙⲡⲉ·
ⲁϥⲧⲣⲉⲡϣⲁϩⲛⲧⲉϩⲣⲱⲉⲧϩⲛⲧⲃⲁⲃⲩⲗⲱⲛϣⲱⲡⲉⲛⲟⲩⲙⲟⲟⲛⲉⲙⲡϣⲟⲙⲛⲧⲛϣⲏⲣⲉϣⲏⲙ·
ⲁϥⲧⲣⲉⲙⲙⲟⲩⲓⲉⲧϩⲙⲡϣⲏⲓϣⲱⲡⲉⲛⲧϩⲉⲛϩⲉⲛⲙⲁⲑⲏⲧⲏⲥⲉⲩⲥⲃⲧⲱⲧϩⲓⲧⲛⲇⲁⲛⲓⲏⲗ·
ⲁϥⲧⲣⲉϩⲏⲧϥⲙⲡⲕⲏⲧⲟⲥⲉⲧϩⲛⲧϩⲁⲗⲁⲥⲥⲁϣⲱⲡⲉⲛⲧϩⲉⲛⲟⲩⲛⲩⲙⲫⲟⲛⲙⲡⲉⲡⲣⲟⲫⲏⲧⲏⲥ·
ⲁϥⲧⲣⲉⲡⲡⲟⲣⲛⲓⲟⲛⲛϩⲣⲁⲁⲃⲡⲱⲱⲛⲉⲉⲩⲑⲩⲥⲓⲁⲥⲧⲏⲣⲓⲟⲛϩⲛⲧⲙⲛⲧⲙⲁⲓϣⲙⲙⲟ·
ⲡⲁⲗⲁⲥⲛⲁⲣⲱϣⲉⲁⲛⲉⲧⲁⲩⲟⲛⲛⲉϥⲙⲛⲧⲣⲉϥⲣⲡⲉⲧⲛⲁⲛⲟⲩϥⲧⲏⲣⲟⲩ·
ⲧⲙⲛⲧⲣⲙⲙⲁⲟⲅⲁⲣⲛⲛⲉϥⲉⲛⲉⲣⲅⲉⲓⲁⲟⲩⲟⲧⲃⲉⲡⲁⲗⲁⲥ·
ⲡϣⲁⲅⲁⲣⲛⲧⲉⲕⲕⲗⲏⲥⲓⲁⲙⲉϩⲉⲃⲟⲗⲛϯϩⲓϫⲓ·ⲛⲓⲙⲛⲧⲉⲡⲉⲛⲟⲩϫⲁⲓ·ⲕⲁⲧⲁⲡⲉⲧⲥⲏϩϫⲉϯⲛⲓⲙⲉⲛⲁⲛⲟⲩϥ·ⲁⲩⲱⲇⲱⲣⲟⲛⲛⲓⲙⲉⲧϫⲏⲕⲉⲃⲟⲗⲟⲩⲉⲃⲟⲗⲟⲩⲉⲃⲟⲗϩⲛⲧⲡⲉⲡⲉⲉϥⲛⲏⲩⲉⲡⲉⲥⲏⲧϩⲓⲧⲙⲡⲉⲓⲱⲧⲛⲟⲩⲟⲉⲓⲛ·
ⲙⲡⲉⲓⲙⲁⲅⲁⲣⲉϥϯⲛⲛⲉⲧϩⲓϫⲙⲡⲕⲁϩϩⲛⲛⲁⲙⲡⲏⲩⲉ·
ⲙⲡⲉⲓⲙⲁⲟⲩϫⲡⲟⲡⲉⲛⲛϩⲓⲥⲉⲙⲛϩⲉⲛⲕⲧⲏⲥⲓⲥⲛⲁⲣⲉⲧⲏ·
ⲙⲡⲉⲓⲙⲁⲟⲩⲡⲣⲟⲥⲫⲟⲣⲁⲧⲉϩⲓⲧⲛϩⲉⲛⲭⲣⲏⲙⲁⲙⲛⲟⲩⲁⲅⲟⲣⲁⲉⲥⲥϭⲣⲁϩⲧ·ⲉⲓϣⲁϫⲉⲉⲧⲉⲕⲕⲗⲏⲥⲓⲁ·
ⲙⲡⲉⲓⲙⲁϩⲉⲛⲕⲗⲟⲟⲗⲉⲛⲉⲉⲩϯⲛⲟⲩⲙⲟⲩⲛϩⲱⲟⲩϩⲓⲧⲛⲡⲙⲟⲟⲩⲛⲉⲓⲟⲩⲉⲙⲡⲉⲩⲁⲅⲅⲉⲗⲓⲟⲛ·
ⲙⲡⲉⲓⲙⲁⲛⲥⲁⲗⲡⲓⲅⲝⲛⲛⲁⲡⲟⲥⲧⲟⲗⲟⲥⲛⲉⲉⲩⲧⲁϣⲉⲟⲉⲓϣⲛⲧⲉⲧⲣⲓⲁⲥϫⲉⲟⲩⲥⲱⲛⲧⲁⲛⲧⲉ·
ⲙⲡⲉⲓⲙⲁϩⲉⲛϫⲱⲛⲉⲙⲡⲛⲉⲩⲙⲁⲧⲓⲕⲟⲛⲉⲩϯⲟⲩⲃⲉⲧⲙⲛⲧⲧⲩⲣⲁⲛⲛⲟⲥⲛⲙⲡⲁⲑⲟⲥⲉⲛⲧⲁⲩⲟⲙⲙⲟⲟⲩϩⲛϩⲉⲛⲙⲉⲗⲟⲥⲛⲛⲟⲏⲧⲟⲛ·
ⲙⲡⲉⲓⲙⲁⲟⲩⲕⲱⲕⲁϩⲏⲩⲡⲉⲛⲁⲇⲁⲙⲡⲉⲉⲃⲟⲗϩⲙⲡⲕⲁϩ·ⲉⲛϯⲇⲉϩⲓⲱⲱⲛⲙⲡⲟⲩⲟⲉⲓⲛⲡⲉⲉⲃⲟⲗϩⲛⲙⲡⲏⲩⲉⲡⲉⲛϫⲟⲉⲓⲥⲓⲏⲥⲟⲩⲥⲡⲉⲭⲣⲓⲥⲧⲟⲥ·
ⲙⲡⲉⲓⲙⲁⲉⲛϣⲟⲣϣⲣⲙⲡⲧⲏⲣⲁⲛⲟⲥⲛⲁⲣⲭⲁⲓⲟⲥ·ⲁⲩⲱⲉⲛⲡⲣⲟⲥⲕⲩⲛⲉⲓⲙⲡⲙⲩⲥⲧⲏⲣⲓⲟⲛⲡⲉⲉⲃⲟⲗϩⲛⲧⲡⲁⲣⲑⲉⲛⲟⲥ·
ⲙⲡⲉⲓⲙⲁⲛⲧⲁϥⲡⲱϩⲙⲡⲉⲭⲓⲣⲟⲅⲣⲁⲫⲟⲛⲛⲛⲉⲛⲛⲟⲃⲉ·ⲁϥⲧⲁⲥⲥⲉⲙⲙⲟⲛⲉⲡⲉⲕⲣⲁⲙⲁⲧⲓⲟⲛⲛⲧⲉⲗⲉⲩⲑⲉⲣⲓⲁ·
ⲙⲡⲉⲓⲙⲁⲛⲧⲁϥⲙⲟⲩⲟⲩⲧⲛⲙⲡⲁⲑⲟⲥ·ⲁϥⲧⲁⲛϩⲟⲛⲕⲉⲥⲟⲡⲛⲛⲉⲛⲯⲩⲭⲏ·
ⲱⲡϣⲁⲉⲧⲉⲣⲉⲡⲉϥⲧⲟⲡⲟⲥϩⲓϫⲙⲡⲕⲁϩⲉⲣⲉⲡⲉϥϩⲏⲩⲇⲉϩⲛⲧⲡⲉ·
ⲙⲡⲉⲓⲙⲁⲛⲧⲁⲩⲕⲩⲣⲏⲥⲥⲉϩⲛⲟⲩⲛⲟϭⲛⲥⲙⲏⲙⲡⲡⲁϩⲣⲉⲛⲭⲣⲏⲥⲓⲙⲟⲛⲛⲧⲛⲏⲥⲧⲉⲓⲁ·ⲡⲉϩⲙⲉⲛϩⲟⲟⲩⲉⲧⲟⲩⲁⲁⲃ·ⲡⲃⲉⲕⲉⲉⲧⲛⲁϣⲱϥⲛⲧⲉⲕⲣⲁⲧⲓⲁ·ⲡϩⲓⲥⲁⲅⲅⲉⲗⲟⲥⲛⲧⲡⲁⲣⲑⲉⲛⲓⲁ·ⲧⲙⲛⲧⲛⲁⲏⲧⲉⲧϣⲏⲡⲧⲙⲛⲧⲣⲙⲣⲁϣ·ⲧⲙⲛⲧⲙⲁⲅⲁⲣⲓⲟⲥ·ⲧⲙⲛⲧⲥⲁⲃⲉⲉⲧⲉⲙⲛⲧⲥϣⲓ·ⲧⲙⲛⲧϩⲁⲣϣϩⲏⲧⲧⲉⲧⲧⲛⲧⲱⲛⲉⲡⲛⲟⲩⲧⲉ·ⲧⲙⲛⲧⲁⲧϣⲉⲛϩⲁⲥⲓⲉⲛⲧϩⲩⲡⲟⲙⲓⲛⲏ·
ⲧⲙⲛⲧⲁⲧϩⲟⲧϩⲧⲛⲥⲁⲧⲡⲓⲥⲧⲓⲥ·ⲧⲙⲛⲧⲁⲧⲥⲱⲛⲧⲛⲧⲉⲧⲣⲓⲁⲥ·ⲧⲙⲛⲧⲁⲧⲧⲁϩⲟⲥⲛⲧⲟⲓⲕⲟⲛⲟⲙⲓⲁⲛⲧⲥⲁⲣⲝ·
ⲧⲙⲓⲛⲉⲅⲁⲣⲉⲧⲕⲛⲁϩⲟⲧϩⲧⲛⲥⲁⲡϩⲱⲃⲙⲙⲟⲥϩⲛⲟⲩⲗⲟⲅⲓⲥⲙⲟⲥ·ⲕⲛⲁϭⲓⲛⲉⲛⲧⲉϣⲡⲏⲣⲉⲉⲥⲧⲁⲓⲏⲩⲛϩⲟⲩⲟⲉϭⲓⲛϩⲟⲧϩⲧⲛⲓⲙ·
ⲡⲁⲗⲟⲅⲓⲥⲙⲟⲥⲛⲁⲁⲡⲟⲣⲉⲓⲉϥϣⲓⲛⲉϫⲉⲛⲧⲁⲡⲛⲟⲩⲧⲉϣⲱⲡⲉⲛⲣⲱⲙⲉⲛⲁϣⲛϩⲉ·ⲁⲩⲱϫⲉⲛⲧⲁⲡⲛⲟⲩⲧⲉⲛⲁⲡⲁⲑⲏⲥⲣⲟⲩⲁⲛⲟⲩⲱⲧⲙⲛⲡⲟⲙⲉ·ⲉⲁϥϫⲓⲙⲟⲣⲫⲏϩⲛⲧⲥⲁⲣⲝⲛⲁϣⲛϩⲉ·
ⲡⲉⲧϣⲟⲟⲡⲙⲉⲛⲁϫⲛⲁⲣⲭⲏ·ⲉⲃⲟⲗϩⲓⲧⲙⲡⲉⲓⲱⲧⲙⲉϥϣⲓⲃⲉ·
ⲡⲉⲛⲧⲁϥϣⲱⲡⲉⲙⲛϩⲛⲧϩⲁⲏⲛⲛⲉϩⲟⲟⲩⲛⲧⲁϥⲟⲩⲱⲛϩⲉⲃⲟⲗϩⲛⲧⲡⲁⲣⲑⲉⲛⲟⲥ·
ⲡⲉⲧϣⲟⲟⲡⲙⲉⲛⲅⲁⲣⲛⲧⲁϥϣⲱⲡⲉⲁⲛ·
ⲡⲉⲛⲧⲁϥϣⲱⲡⲉⲅⲁⲣⲛⲟⲩⲫⲁⲛⲧⲁⲥⲓⲁⲁⲛⲡⲉ·
ⲛⲧⲟϥⲅⲁⲣⲡⲉⲡⲛⲟⲩⲧⲉϩⲛⲟⲩⲙⲉ·ⲁⲩⲱⲡⲣⲱⲙⲉϩⲛⲟⲩⲙⲉ·ⲉϥⲟⲛϩⲟⲙⲟⲟⲩⲥⲓⲟⲥⲙⲛⲡⲉⲓⲱⲧ·ⲁⲩⲱⲛⲙⲙⲁⲓⲉⲃⲟⲗϩⲙⲡⲁⲅⲉⲛⲟⲥ·ⲕⲁⲧⲁⲧϩⲉⲉⲛⲧⲁϥϣⲱⲡⲉⲙⲙⲟⲥⲛϣⲁⲧⲛⲛⲟⲃⲉ·
ⲧⲉⲫⲩⲥⲓⲥⲙⲡⲛⲟⲩⲧⲉⲛⲟⲩⲥⲱⲛⲧⲁⲛⲧⲉ·ⲁⲩⲱⲧⲉⲛⲧⲁϥϫⲓⲧⲥⲉⲃⲟⲗⲙⲙⲟⲓⲛⲟⲩⲛⲟⲩϫⲁⲛⲧⲉ·ⲁⲗⲗⲁⲟⲩϣⲣⲛⲟⲩⲱⲧⲡⲉ·
ⲉⲛⲡⲱϣⲁⲛⲛⲛⲉⲫⲩⲥⲓⲥⲉⲥⲛⲧⲉⲛϩⲩⲡⲟⲥⲧⲁⲥⲓⲥ·ⲁⲗⲗⲁⲉⲣⲉⲧⲉⲫⲩⲥⲓⲥⲥⲛⲧⲉⲟⲛⲟⲩϩⲏⲡⲟⲥⲧⲁⲥⲓⲥⲛⲟⲩⲱⲧⲧⲉ·ⲉⲃⲟⲗϩⲛⲧⲙⲛⲧⲛⲟⲩⲧⲉⲙⲛⲧⲙⲛⲧⲣⲱⲙⲉⲛⲧⲟⲓⲕⲟⲛⲟⲙⲓⲁⲛϣⲡⲏⲣⲉⲉⲛⲧⲁⲥⲣⲟⲩⲉⲓⲛⲟⲩⲱⲧⲛⲙⲙⲁϥ·ⲙⲛⲛⲥⲁⲧⲙⲛⲧⲟⲩⲁⲛⲁⲧϣⲁϫⲉⲉⲣⲟⲥⲉϥϣⲟⲟⲡⲛϣⲏⲣⲉⲙⲙⲟⲛⲟⲅⲉⲛⲏⲥ·
ⲕⲁⲛⲉⲩϣⲁⲛⲗⲓⲃⲉⲛϭⲓⲛϩⲁⲓⲣⲉⲧⲓⲕⲟⲥ·ⲕⲁⲛⲉⲩϣⲁⲛⲡⲱϩⲛⲛⲉⲩϩⲏⲧⲛϭⲓⲛⲓⲟⲩⲇⲁⲓ·ⲕⲁⲛⲉⲩϣⲁⲛⲥⲗⲉⲡⲗⲱⲡⲟⲩⲉⲃⲟⲗⲛϭⲓϩⲉⲗⲗⲏⲛ·
ⲟⲩⲁⲧⲡⲱⲣϫⲉⲃⲟⲗⲙⲡⲉⲓⲱⲧⲡⲉ·ⲁⲩⲱⲁⲩⲥⲁⲛⲟⲩϣϥⲙⲛⲛⲣⲱⲙⲉ·
ⲁϥϫⲓⲥⲁⲣⲝⲁϫⲛϣⲓⲃⲉ·
ⲁϥϫⲓⲙⲡⲣⲱⲙⲉⲧⲏⲣϥⲉⲛⲉϥⲡⲏϣⲁⲛ·
ⲛⲧⲟϥⲧⲏⲣϥⲡⲉϩⲛⲧⲡⲉ·ⲁⲩⲱⲛⲧⲟϥⲧⲏⲣϥⲡⲉϩⲓϫⲙⲡⲕⲁϩ·ⲁⲩⲱⲛⲧⲟϥⲧⲏⲣϥⲡⲉϩⲙⲙⲁⲛⲓⲙ·
ⲧⲉⲫⲩⲥⲓⲥⲅⲁⲣⲙⲡⲛⲟⲩⲧⲉⲙⲉⲩⲡⲟϣⲥ·ⲁⲩⲱⲡⲉⲛⲧⲁϥⲧⲁⲁϥϩⲓⲱⲱϥⲛⲧⲁϥϩⲩⲡⲟⲙⲓⲛⲉⲛϩⲏⲧϥϩⲁⲛϩⲓⲥⲉ·ⲁⲗⲗⲁⲁϥⲉⲗⲉⲩⲧⲉⲣⲟⲩⲙⲙⲟⲓⲉⲃⲟⲗϩⲛⲛϩⲓⲥⲉⲙⲡⲉⲛⲧⲁϥϫⲓⲧϥ·
ⲧⲛϫⲱⲙⲙⲟⲥⲉⲣⲟϥϫⲉⲡϣⲏⲣⲉⲙⲡⲛⲟⲩⲧⲉⲕⲁⲧⲁⲟⲩⲭⲁⲣⲓⲥⲁⲗⲗⲁⲉⲡⲛⲟⲩⲧⲉⲡⲗⲟⲅⲟⲥⲡⲉϩⲛⲟⲩⲙⲉ·ⲉⲃⲟⲗϫⲉⲛⲧⲟϥⲡⲉⲧⲥⲟⲫⲓⲁⲁⲩⲱⲡⲛⲟⲩⲥⲛⲁⲧⲡⲱⲣϫⲉⲃⲟⲗⲙⲡⲉⲓⲱⲧⲕⲁⲧⲁⲟⲩⲫⲩⲥⲓⲛϩⲱⲥⲉⲛⲓⲟⲭⲟⲥⲛⲛⲉϩⲃⲏⲩⲉⲙⲡⲛⲟⲩⲧⲉ·ⲙⲛⲛⲣⲱⲙⲉ·
ⲛⲧⲟϥⲅⲁⲣⲡⲉⲧϭⲟⲙⲙⲡⲉϥⲉⲓⲱⲧ·ⲉⲃⲟⲗϫⲉⲡⲣⲉϥϩⲁⲣⲉϩⲡⲉⲉⲛⲉⲛⲧⲁⲩϣⲱⲡⲉⲧⲏⲣⲟⲩ·
ⲧⲙⲉⲡⲉⲉⲃⲟⲗϫⲉⲡⲉⲭⲁⲣⲁⲕⲧⲏⲣⲡⲉⲙⲡⲉⲓⲱⲧ·
ⲧϩⲓⲕⲱⲛⲡⲉⲉⲃⲟⲗϫⲉⲟⲩϩⲟⲙⲟⲟⲩⲥⲓⲟⲥⲡⲉⲙⲛⲡⲉⲛⲧⲁϥϫⲡⲟϥⲁϫⲛϣⲓⲃⲉ·
ⲟⲩⲟⲉⲓⲛⲡⲉⲉⲃⲟⲗϫⲉⲡⲣⲏⲡⲉⲛⲛⲉⲛⲯⲩⲭⲏ·
ⲟⲩⲱⲛϩⲡⲉⲉⲃⲟⲗϫⲉⲉⲛⲟⲛϩⲛϩⲏⲧϥ·ⲁⲩⲱⲉⲛϣⲟⲟⲡⲁⲩⲱⲉⲛⲕⲓⲙ·
ⲟⲩⲇⲓⲕⲁⲓⲟⲥⲩⲛⲏⲡⲉⲉⲃⲟⲗϫⲉⲛⲧⲟϥⲡⲉⲡⲣⲉϥϯⲙⲡⲟⲩⲁⲡⲟⲩⲁ·ⲕⲁⲧⲁⲡⲉϥⲙⲡϣⲁ·
ⲟⲩⲧⲃⲃⲟⲡⲉⲉⲃⲟⲗϫⲉⲡⲣⲉϥⲙⲟⲩⲟⲩⲧⲙⲡⲛⲟⲃⲉⲡⲉ·
ⲟⲩⲥⲱⲧⲉⲡⲉⲉⲃⲟⲗϫⲉⲛⲧⲟϥⲡⲉⲛⲧⲁϥϣⲱⲡⲙⲡⲕⲟⲥⲙⲟⲥⲧⲏⲣϥϩⲙⲡⲉϥⲥⲛⲟϥ·
ⲧⲁⲛⲁⲥⲧⲁⲥⲓⲥⲡⲉⲉⲃⲟⲗϫⲉⲛⲧⲟϥⲡⲉⲛⲧⲁϥⲃⲱⲗⲉⲃⲟⲗⲛⲛⲉⲧϩⲛⲛⲧⲁⲫⲟⲥⲁϥⲁⲁⲩⲛⲃⲣⲣⲉⲛⲕⲉⲥⲟⲡϩⲓⲧⲙⲡⲉϥⲥⲛⲟϥ·
ⲁⲗⲗⲁϫⲱⲉⲣⲟⲓⲛⲛⲕⲟⲟⲩⲉⲡⲉϫⲁⲕⲉⲓϣⲁϫⲉⲉⲣⲟⲕⲱⲡⲓⲟⲩⲇⲁⲓ·ⲛϯϣⲓⲡⲉⲁⲛⲉⲓⲱϣⲉⲃⲟⲗϩⲛⲟⲩⲛⲟϭⲛⲥⲙⲏ·
ⲡⲁⲟⲩϫⲁⲓⲅⲁⲣⲡⲉⲧⲟⲓⲕⲟⲛⲟⲙⲓⲁⲛϣⲡⲏⲣⲉ·
ⲡⲉⲧϣⲟⲟⲡⲙⲉⲛⲅⲁⲣⲉϥϣⲟⲟⲡϩⲓⲧⲟⲟⲧϥⲙⲙⲓⲛⲙⲙⲟϥ·
ⲡⲉⲛⲧⲁϥϣⲱⲡⲉⲇⲉⲙⲙⲟϥⲛⲧⲁϥϣⲱⲡⲉⲙⲙⲟϥⲉⲧⲃⲏⲏⲧ·ⲁⲩⲱⲉϥⲉⲛⲉⲣⲅⲉⲓⲛⲛⲉϣⲡⲏⲣⲉϩⲱⲥⲛⲟⲩⲧⲉ·ⲁⲩⲱϥϩⲩⲡⲟⲙⲓⲛⲉϩⲁϩⲉⲛϩⲓⲥⲉϩⲱⲥⲣⲱⲙⲉ·
ⲡⲉⲛⲧⲁϥϣⲱⲡⲉⲟⲩⲛⲙⲙⲟϥⲉⲧⲃⲉⲧⲉϥⲙⲛⲧϣⲁⲛⲁϩⲧⲏϥⲉϩⲟⲩⲛⲉⲣⲟⲓ·ⲉⲧⲉⲡⲣⲱⲙⲉⲡⲉⲛⲧⲁϥϫⲓⲧϥϩⲛⲟⲩⲙⲉ·
ⲉⲡⲉⲓⲇⲏⲡⲉⲑⲁⲃⲙⲡⲟⲩⲱϣⲙⲡⲉ·
ⲉⲧⲃⲉⲡⲁⲓⲁϥϣⲱⲡⲉⲛϣⲏⲣⲉⲛⲣⲱⲙⲉ·
ϩⲛⲟⲩⲙⲉⲅⲁⲣⲁϥϫⲓⲥⲁⲣⲝⲉⲃⲟⲗϩⲛⲟⲩⲥϩⲓⲙⲉ·ⲁϫⲛϩⲟⲟⲩⲧ·
ⲟⲩϩⲓⲏⲅⲁⲣⲡⲉⲉⲃⲟⲗϫⲉⲡⲣⲉϥϫⲓⲙⲟⲉⲓⲧⲡⲉϣⲁⲁⲡⲉϥⲉⲓⲱⲧ:
ⲉⲓⲧⲁⲟⲩⲣⲟⲡⲉⲉⲃⲟⲗϫⲉⲡⲣⲉϥϫⲓⲙⲟⲉⲓⲧⲡⲉⲉϩⲟⲩⲛⲉⲡⲡⲁⲣⲁⲇⲓⲥⲟⲥ·
ⲟⲩϣⲱⲥⲡⲉⲉⲃⲟⲗϫⲉⲡⲣⲉϥϣⲓⲛⲉⲡⲉⲛⲥⲁⲡⲉⲥⲟⲟⲩⲉⲛⲧⲁϥⲥⲱⲣⲙ·
ⲟⲩⲉⲥⲟⲟⲩⲡⲉⲉⲃⲟⲗϫⲉⲁⲩⲕⲟⲟⲛⲥϥϩⲁⲧⲟⲓⲕⲟⲩⲙⲉⲛⲏⲧⲏⲣⲥ·
ⲟⲩϩⲓⲉⲓⲃⲡⲉⲉⲃⲟⲗϫⲉⲡⲣⲉϥⲧⲃⲃⲟⲙⲡⲕⲟⲥⲙⲟⲥⲉⲃⲟⲗϩⲛⲛⲉϥϫⲱϩⲙ·
ⲧⲉϥⲟⲓⲕⲟⲛⲟⲙⲓⲁⲅⲁⲣⲟⲩⲁⲧⲥⲙⲟⲧⲧⲉ·ⲁⲩⲱⲟⲩⲁⲧϣⲓⲃⲉⲧⲉⲧⲉⲫⲩⲥⲓⲥ·
ⲟⲩⲁⲣⲭⲓⲉⲣⲉⲩⲥⲡⲉⲉⲃⲟⲗϫⲉⲛⲧⲁϥⲧⲁⲗⲟϥⲉϩⲣⲁⲓϩⲁⲣⲟⲛⲙⲙⲓⲛⲙⲙⲟϥ·
ⲡⲛⲟⲩⲧⲉⲡⲉⲉⲧϣⲟⲟⲡ·
ⲛⲁⲧⲙⲁⲁⲩⲫⲱⲃⲉⲧⲛⲧⲡⲉⲛⲧⲉⲛⲫⲩⲥⲓⲥ·
ⲟⲩⲁⲧⲉⲓⲱⲧⲛϩⲏⲧⲛⲡⲉⲉⲡϩⲱⲃⲉⲧⲏⲡⲉⲧⲉⲛⲫⲩⲥⲓⲥ·
ⲟⲩⲁⲧϣⲁϫⲉⲡⲉⲉⲧⲉϥⲕⲉⲛⲉⲁϩⲛϩⲱⲃⲛⲓⲙⲁⲩⲱⲥⲁⲥⲁⲛⲓⲙ·
ⲙⲉⲩⲉϣⲧⲁⲩⲟⲥϩⲛⲧⲡⲉ·
ⲙⲉⲩⲉϣϫⲟⲟⲥϩⲓϫⲙⲡⲕⲁϩ·
ⲙⲉⲩⲉϣϩⲉⲣⲙⲏⲛⲉⲩⲉⲙⲙⲟⲥϩⲛⲗⲁⲁⲩⲙⲙⲁ·
ⲁϥϫⲓⲅⲁⲣⲙⲥⲱⲙⲁⲙⲛⲧⲉⲯⲩⲭⲏⲙⲛⲡⲛⲟⲩⲥ·ϫⲉⲕⲁⲥⲉⲃⲟⲗϩⲓⲧⲟⲟⲧⲟⲩⲉϥⲉϣⲱⲡⲉⲣⲟϥⲙⲡⲙⲟⲩⲛϥⲥⲱⲧⲉⲙⲙⲟⲛⲉⲃⲟⲗⲛϩⲏⲧϥ:
ϣⲓⲡⲉϩⲏⲧⲟⲩⲛⲛϩⲓⲥⲉⲉⲛⲧⲁϥϣⲟⲡⲟⲩϩⲁⲣⲟⲕⲱⲛⲓⲟⲩⲇⲁⲓ·ⲙⲛⲛⲉϣⲡⲏⲣⲉⲉⲛⲧⲁϥⲁⲁⲩⲉⲧⲃⲏⲏⲧⲕ·
ⲁⲗⲗⲁⲡⲉϫⲁϥⲛϭⲓⲡⲓⲟⲩⲇⲁⲓⲛⲃⲣⲣⲉϫⲟⲉⲓⲥ·ⲁϣⲛⲉⲛⲉϣⲡⲏⲣⲉⲉⲛⲧⲁϥⲁⲁⲩ·
ⲁⲛⲟⲕϩⲱϯⲛⲁϫⲟⲟⲥⲛⲁⲕϫⲉⲁϣⲛⲉⲛⲉϣⲡⲏⲣⲉⲉⲛⲧⲁϥⲁⲁⲩϩⲁⲧⲛⲧⲏⲩⲧⲛⲱⲛⲣⲉϥⲙⲓϣⲉⲙⲛⲡⲛⲟⲩⲧⲉ·ⲛⲧϩⲉⲛⲉⲛⲧⲁϥⲁⲁⲩϩⲁⲧⲏⲛ·
ⲁϣⲟⲩⲛⲛⲉⲛⲉϣⲡⲏⲣⲉⲉⲧⲟⲛⲛⲟϭⲉⲧⲕⲛⲁⲡⲗⲏⲥⲥⲉⲉϫⲱⲟⲩⲧⲡⲉⲧⲉ·ⲉⲛⲧⲡⲉⲧⲉⲉⲛⲧⲁⲥϩⲱⲟⲩⲙⲡⲟⲉⲓⲕ·ϫⲉⲉⲛⲉⲡⲛⲟⲩⲧⲉⲡⲉⲛⲧⲁϥϫⲓⲥⲁⲣⲝ·
ⲧϩⲁⲗⲁⲥⲥⲁⲧⲉⲉⲛⲧⲁⲥⲡⲱϩⲁⲕϫⲓⲟⲟⲣⲙⲙⲟⲥϫⲉⲉⲛⲉⲧⲡⲁⲣⲑⲉⲛⲟⲥⲧⲉⲙⲛⲛⲥⲁⲧⲣⲉⲥⲱⲥⲉⲙⲡⲥⲗⲟⲟⲛⲉⲥⲟⲙⲡⲁⲣⲑⲉⲛⲟⲥ·
ⲡϭⲉⲣⲱⲃⲡⲉⲉⲛⲧⲁϥⲧⲣⲉⲧⲡⲉⲧⲣⲁϣⲱⲡⲉⲙⲡⲉⲗⲁⲅⲟⲥ·ϫⲛⲡⲉⲡⲉⲥⲧⲁⲩⲣⲟⲥⲡⲉⲉⲧⲧⲃⲃⲟⲙⲡⲕⲟⲥⲙⲟⲥ·
ϣⲓⲡⲉϩⲏⲧⲟⲩⲛⲉϣⲡⲏⲣⲉⲗⲟⲡⲡⲟⲛⲱⲡⲓⲟⲩⲇⲁⲓⲛⲅⲡⲣⲟⲥⲕⲩⲛⲉⲓⲙⲡⲉⲛⲧⲁϥϫⲓⲥⲁⲣⲝ·
ⲁⲗⲗⲁⲡⲉϫⲁϥⲟⲛⲛϭⲓⲡϩⲁⲓⲣⲉⲧⲓⲕⲟⲥϫⲉⲁϣⲛⲉⲛⲉϣⲡⲏⲣⲉ·
ⲱⲡⲓⲟⲩⲇⲁⲓⲉϣϫⲉⲕⲟⲩⲱϣⲉⲉⲓⲙⲉϫⲉⲁϣⲛⲉⲛⲉϣⲡⲏⲣⲉⲥⲱⲧⲙⲧⲁⲧⲁⲙⲟⲕⲉⲣⲟⲟⲩ·
ⲟⲩϫⲡⲟⲁϫⲛⲥⲡⲉⲣⲙⲁ·ⲟⲩⲛⲁⲁⲕⲉⲁϫⲛⲙⲁⲛⲛⲕⲟⲧⲕ·ⲏⲁϫⲛⲅⲁⲙⲙⲟⲥ·
ⲟⲩⲡⲁⲣⲑⲉⲛⲟⲥⲉⲥⲟⲩⲁⲁⲃ·ⲁⲩⲱⲛⲁⲧϫⲱϩⲙⲧⲡⲁⲣⲑⲉⲛⲟⲥⲁⲩⲱⲧⲙⲁⲁⲩⲁⲩⲱⲧⲡⲁⲣⲑⲉⲛⲟⲥⲟⲛ·
ⲡⲉⲧⲣⲟⲙⲟⲥⲁⲩⲱⲧϭⲓⲛⲡⲱⲧⲛⲛⲥⲓⲟⲩ·ⲡϩⲩⲙⲛⲟⲥⲛⲛⲁⲅⲅⲉⲗⲟⲥ·ⲧϩⲟⲧⲉⲛⲛϣⲟⲟⲥ·
ⲛⲇⲱⲣⲟⲛⲛⲙⲙⲁⲅⲟⲥ·ⲧⲙⲛⲧⲥⲧⲙⲏⲧⲛⲧϩⲁⲗⲁⲥⲥⲁ·
ⲡⲡⲱⲧⲛⲛⲧⲏⲩ·ⲏⲡⲉⲥϭⲣⲁϩⲧ·
ⲧϭⲓⲛⲙⲟⲟϣⲉϩⲛⲧⲗⲓⲙⲛⲏ·ⲧϫⲁⲙⲏⲛⲛϩⲟⲉⲓⲙ·
ⲧϭⲓⲛϫⲓϥⲟϭⲥⲙⲡⲉⲧϣⲱⲛⲉ·ⲧϭⲓⲛⲛⲁⲩⲉⲃⲟⲗⲛⲛⲃⲉⲗⲉⲉⲩ·
ⲧϭⲓⲛⲙⲁⲥⲧⲓⲅⲟⲩⲛⲛⲇⲁⲓⲙⲟⲛⲓⲟⲛ·
ⲧϭⲓⲛⲱⲛϩⲛⲕⲉⲥⲟⲡⲛⲛⲉⲧⲙⲟⲟⲩⲧ·
ⲧϭⲓⲛⲥⲧⲱⲧⲛⲧⲉⲕⲧⲓⲥⲓⲥ·
ⲧϭⲓⲛⲣϩⲏⲃⲉⲛⲧⲡⲉ·
ⲡⲣⲏⲉⲛⲧⲁϥⲣⲕⲁⲕⲉ·
ⲙⲡⲉⲧⲣⲁⲉⲛⲧⲁⲩⲡⲱϩⲧϭⲓⲛⲱϩⲙⲡⲕⲁⲧⲁⲡⲉⲧⲁⲥⲙⲁⲙⲡⲣⲡⲉ·
ⲧϭⲓⲛϣⲱⲗⲛⲁⲙⲛⲧⲉ·
ⲧϭⲓⲛⲉⲓⲉⲃⲟⲗⲛⲛⲉⲧⲙⲟⲟⲩⲧϩⲛⲛⲧⲁⲫⲟⲥ·
ⲧϭⲓⲛⲕⲧⲟⲙⲡⲗⲏⲥⲧⲏⲥ·
ⲧϭⲓⲛⲱϥⲧⲉⲡⲉⲥⲧⲁⲩⲣⲟⲥⲙⲡⲉⲭⲉⲓⲣⲟⲕⲣⲁⲫⲟⲥⲉⲧⲁⲣⲟⲛⲡϣⲟⲣϣⲣⲛⲛⲉⲕⲥⲩⲛⲁⲅⲱⲅⲏ·
ⲧⲁⲩⲝⲏⲥⲓⲥⲛⲛⲉⲕⲕⲗⲏⲥⲓⲁ·ⲡⲟⲩⲱϣⲉⲃⲟⲗⲛⲧⲙⲛⲧⲉⲩⲥⲉⲃⲏⲥ·
ⲗⲟⲓⲡⲟⲛⲉϣⲱⲡⲉⲁⲕⲕⲁⲃⲱⲗⲛⲧⲉⲕⲡⲗⲁⲛⲏⲙⲛⲧⲉⲕⲙⲁⲧⲟⲩ·ⲱϣⲉⲃⲟⲗϩⲱⲱⲕⲙⲛⲡⲛⲟⲙⲟⲑⲉⲧⲏⲥⲙⲱⲩⲥⲏⲥϫⲉⲡⲁⲓⲡⲉⲡⲁⲡⲛⲟⲩⲧⲉϯⲛⲁϯⲉⲟⲟⲩⲛⲁϥ·ⲉⲧⲉⲡⲱϥⲡⲉⲡⲉⲟⲟⲩⲙⲛⲡⲁⲙⲁϩⲧⲉϣⲁⲛⲁⲓⲱⲛⲧⲏⲣⲟⲩⲛⲁⲓⲱⲛϩⲁⲙⲏⲛ·
◈—◈—◈—◈—◈—◈ⲡⲣⲟⲕⲗⲟⲥⲡⲉⲡⲓⲥⲕⲟⲡⲟⲩ·◈—◈—◈—◈—◈—◈

ANNIS Metadata

annotation: Amir Zeldes, Lance Martin, Caroline T. Schroeder
author: Proclus of Constantinople
collection: Oriental Manuscripts
Coptic_edition: Budge, 1914
corpus: proclus.homilies
country: Egypt
document_cts_urn: urn:cts:copticLit:proclus.homily23.budge
entities: automatic
identities: checked
idno: Or. 5001 ff. 123a-130b
language: Sahidic Coptic
license: CC-BY 4.0
msItem_title: Homily 23 On the Nativity
msName: CMCL.AW
note: Coptic SCRIPTORIUM's edition includes only Budge's transcription of the manuscript. It is not a diplomatic transcription based on reading and collation of the original manuscript. The translation is Budge's with very slight modifications (e.g., numbers mistranslated.)
objectType: codex
order: 02
origDate: 951
origDate_notAfter: 1000
origDate_notBefore: 0900
origDate_precision: medium
origPlace: St. Mercurius Monastery
pages_from: 39
pages_to: 54
parsing: automatic
paths_authors: 88
paths_manuscripts: 22
paths_works: 317
people: Aaron; Abel; Abraham; Adam; Balaam; Daniel (biblical figure); David; Elijah; Jesus; Jews; Joseph (Genesis); Joshua; Moses; Nestorius; Noah; Proclus of Constantinople; Rahab
placeName: Edfu
places: Constantinople; Cyzicus; Duat; Egypt
previous: urn:cts:copticLit:proclus.homily13.budge
project: Coptic SCRIPTORIUM, Marcion, PATHS
redundant: no
repository: British Library
segmentation: checked
source: Marcion project, Archive.org
tagging: checked
title: Proclus Homily 23 On the Nativity in Budge ed.
translation: E. A. Wallis Budge
Trismegistos: none
version_date: 2022-09-26
version_n: 4.4.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:proclus.homily23.budge. [version number], [date]. https://data.copticscriptorium.org/urn:cts:copticLit:proclus.homily23.budge.

Subsequent citations:

Author, Ancient title (abbreviated) [chapter.verse if available], urn:cts:copticLit:proclus.homily23.budge.

Document Edition: urn:cts:copticLit:proclus.homily23.budge

Work: urn:cts:copticLit:proclus.homily23

Text Group: urn:cts:copticLit:proclus

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:proclus.homily23.budge/norm/html

Analytic Visualization HTML: https://data.copticscriptorium.org/urn:cts:copticLit:proclus.homily23.budge/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:proclus.homily23.budge/tei/xml

Paula XML: https://data.copticscriptorium.org/urn:cts:copticLit:proclus.homily23.budge/paula/xml

relANNIS: https://data.copticscriptorium.org/urn:cts:copticLit:proclus.homily23.budge/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:proclus.homily23.budge/annis