Normalized Text
ϯϫⲱⲙⲙⲟⲟⲩ·ⲁⲩⲱⲙⲛⲛⲥⲁⲛⲁⲓϯⲛⲁⲙⲉϩⲧⲏⲩⲧⲛⲉⲃⲟⲗϩⲙⲡⲟⲩⲟⲉⲓⲛⲧⲏⲣϥⲁⲩⲱⲙⲛⲧϭⲟⲙⲧⲏⲣⲥⲛⲧⲉⲡⲉⲡⲛⲉⲩⲙⲁ·ϫⲉⲕⲁⲥⲉⲉⲧⲉⲛⲛⲟⲉⲓϫⲓⲛⲙⲡⲉⲓⲛⲁⲩⲛⲛⲉⲧⲟⲩⲛⲁϫⲟⲟⲩⲉⲣⲱⲧⲛⲧⲏⲣⲟⲩⲁⲩⲱⲙⲛⲛⲉⲧⲛⲁⲛⲁⲩⲉⲣⲟⲟⲩ·ⲉⲧⲓⲕⲉⲕⲟⲩⲓⲛⲟⲩⲟⲉⲓϣⲡⲉ·ϯⲛⲁϣⲁϫⲉⲛⲙⲙⲏⲧⲛⲉⲛⲁⲡϫⲓⲥⲉⲧⲏⲣⲟⲩϫⲓⲛⲛⲃⲟⲗ·ϣⲁϩⲟⲩⲛ·ⲁⲩϣϫⲓⲛⲛϩⲟⲩⲛϣⲁⲃⲟⲗ·
ϭⲓϫ·ⲁⲕⲛⲁϩⲙⲉⲧⲡⲟⲩⲟⲉⲓⲛϩⲙⲡⲉⲕⲥⲟⲟⲩⲛⲁⲕϭⲱⲛⲧⲉⲛⲉⲧⲣⲟⲓⲥⲉⲣⲟⲓⲛⲁⲓⲉⲧⲉⲛⲥⲉⲛⲁϣⲁⲙⲁϩⲧⲉⲙⲙⲟⲓⲁⲛϣⲁⲃⲟⲗ·
ⲥⲟⲛ·ⲡⲁⲥⲩⲛⲍⲩⲅⲟⲥⲉⲧⲃⲉⲛⲉⲛⲧⲁⲩϫⲟⲓⲛϩⲏⲧⲟⲩ·ⲁⲩⲱⲛⲁⲣⲭⲱⲛⲧⲏⲣⲟⲩⲙⲡϫⲓⲥⲉ·ⲁⲩⲟⲡⲧⲉⲧⲟⲟⲧⲟⲩⲛⲧϩⲉⲛⲟⲩϩⲩⲗⲏⲉⲙⲛⲟⲩⲟⲉⲓⲛⲛϩⲏⲧⲥ·ⲁⲓϣⲱⲡⲉⲛⲧϩⲉⲛⲟⲩϭⲟⲙⲛϩⲩⲗⲓⲕⲟⲛ·ⲉⲁⲥϩⲉⲉⲃⲟⲗϩⲛⲛⲁⲣⲭⲱⲛⲁⲩⲱⲁⲩϫⲟⲟⲥⲛϭⲓⲛⲉⲧϣⲟⲟⲡⲧⲏⲣⲟⲩϩⲛⲛⲁⲓⲱⲛϫⲉⲁⲥⲣⲭⲁⲟⲥ·ⲁⲩⲱⲙⲛⲛⲥⲁⲛⲁⲓⲁⲩⲕⲱⲧⲉⲉⲣⲟⲓϩⲓⲟⲩⲥⲟⲡⲛϭⲓⲛϭⲟⲙⲛⲁⲧⲛⲁ·ⲁⲩⲱⲁⲩϫⲟⲟⲥⲉϥⲓⲡⲁⲟⲩⲟⲉⲓⲛⲧⲏⲣϥⲉⲧⲛϩⲏⲧ·
ⲁⲩⲱⲛⲁϩⲙⲉⲧϩⲛⲧⲉⲕⲙⲛⲧϣⲁⲛϩⲧⲏϥⲙⲡⲣⲧⲣⲁϫⲓⲥⲱϣϫⲉⲛⲧⲟⲕⲡⲉⲛⲧⲁⲓϩⲩⲙⲛⲉⲩⲉⲉⲣⲟⲕⲡⲟⲩⲟⲉⲓⲛⲉⲣⲉⲡⲉⲭⲁⲟⲥϩⲱⲃⲥⲉⲃⲟⲗⲉϫⲛⲛⲉⲡⲣⲟⲃⲟⲗⲟⲟⲩⲉⲙⲡⲁⲩⲑⲁⲧⲏⲥ.ⲁⲩⲱⲛⲥⲉϫⲓⲧⲟⲩⲉⲡⲉⲥⲏⲧⲉⲡⲕⲁⲕⲉⲙⲁⲣⲉⲥϣⲧⲁⲙⲛϭⲓⲧⲧⲁⲡⲣⲟⲛⲛⲉⲧⲟⲩⲉϣⲟⲙⲕⲧϩⲛⲟⲩⲕⲣⲟϥ·ⲛⲁⲓⲉⲧϫⲱⲙⲙⲟⲥϫⲉⲙⲁⲣⲉⲛϥⲓⲡⲟⲩⲟⲉⲓⲛⲧⲏⲣϥⲉⲧⲛϩⲏⲧⲥⲉⲙⲡⲓⲣⲗⲁⲁⲩⲛⲁⲩⲙⲡⲉⲧϩⲟⲟⲩ·
ⲟⲩⲉⲣⲏⲧⲉⲉⲣⲁⲧⲟⲩϩⲛⲟⲩⲟⲩⲟⲥⲧⲛ·ⲛⲁⲛⲁⲓⲡϫⲟⲉⲓⲥϫⲉϯⲑⲗⲓⲃⲉ·ⲁⲡⲁⲃⲁⲗϣⲧⲟⲣⲧⲣϩⲙⲡϭⲱⲛⲧ·ⲁⲩⲱⲧⲁⲯⲩⲭⲏⲙⲛϩⲏⲧ·ϫⲉⲁⲛⲁⲣⲙⲡⲟⲟⲩⲉⲱϫⲛϩⲛⲟⲩⲙⲕⲁϩⲛϩⲏⲧ·ⲁⲩⲱⲁⲡⲁⲱⲛϩⲱϫⲛϩⲛϩⲉⲛⲁϣⲁϩⲟⲙ·ⲁⲧⲁϭⲟⲙϭⲃⲃⲉϩⲛⲟⲩⲙⲛⲧϩⲏⲕⲉ·ⲁⲩⲱⲁⲩϣⲧⲟⲣⲧⲣⲛϭⲓⲛⲁⲕⲉⲉⲥ·ⲁⲓϣⲱⲡⲉⲛⲛⲟϭⲛⲉϭⲛⲛⲁϫⲁϫⲉⲧⲏⲣⲟⲩ·ⲁⲩⲱⲛⲛⲉⲧϩⲏⲛⲉⲣⲟⲓ·ⲁⲓϣⲱⲡⲉⲛϩⲟⲧⲉⲛⲛⲉⲧⲥⲟⲟⲩⲛⲙⲙⲟⲓ·ⲁⲩⲱⲛⲉⲧⲛⲁⲩⲉⲣⲟⲓⲁⲩⲡⲱⲧⲛⲥⲁ‐ⲃⲟⲗⲙⲙⲟⲓ·ⲁⲩⲣⲡⲁⲱⲃϣⲛⲧϩⲉⲛⲟⲩⲕⲱⲱⲥϩⲙⲡⲉⲩϩⲏⲧ·ⲁⲩⲱⲁⲓⲣⲧϩⲉⲛⲟⲩⲥⲕⲉⲩⲟⲥⲉⲁϥⲥⲱⲣⲙ·ϫⲉⲁⲓⲥⲱⲧⲙⲉⲡⲥⲱϣⲛϩⲉⲛⲙⲏⲏϣⲉⲉⲩⲕⲱⲧⲉⲉⲣⲟⲓⲙⲡⲁⲕⲱⲧⲉ·ϩⲙⲡⲧⲣⲉⲩⲥⲱⲟⲩϩⲉϩⲣⲁⲓⲉϫⲱⲓϩⲓⲟⲩⲥⲟⲡ·ⲁⲩϣⲟϫⲛⲉⲉϥⲓⲧⲁⲯⲩⲭⲏⲛⲧⲟⲟⲧ·
ⲉⲣⲟⲕⲡϫⲟⲉⲓⲥ·ⲁⲓϫⲟⲟⲥϫⲉⲛⲧⲟⲕⲡⲉⲡⲁⲛⲟⲩⲧⲉⲉⲣⲉⲛⲁⲕⲗⲏⲣⲟⲥϩⲛⲛⲉⲕϭⲓϫ·ⲛⲁϩⲙⲉⲧⲉⲧϭⲓϫⲛⲛⲁϫⲁϫⲉ·ⲁⲩⲱⲧⲟⲩϫⲟⲓⲉⲛⲉⲧⲡⲏⲧⲛⲥⲱⲓ·ⲟⲩⲱⲛϩⲡⲉⲕϩⲟⲉϩⲣⲁⲓⲉϫⲙⲡⲉⲕϩⲙϩⲁⲗ·ⲁⲩⲱⲧⲟⲩϫⲟⲓϩⲙⲡⲉⲕⲛⲁⲡϫⲟⲉⲓⲥ·ⲙⲡⲣⲧⲣⲁϫⲓϣⲓⲡⲉϫⲉⲁⲓⲱϣⲉϩⲣⲁⲓⲉⲣⲟⲕ·ⲙⲁⲣⲟⲩϫⲓϣⲓⲡⲉⲛϭⲓⲛⲁⲥⲉⲃⲏⲥ·ⲁⲩⲱⲛⲥⲉⲕⲟⲧⲟⲩⲉⲁⲙⲛⲧⲉ·ⲙⲁⲣⲟⲩⲣⲙⲡⲟⲛϭⲓⲛⲉⲥⲡⲟⲧⲟⲩⲛⲕⲣⲟϥ·ⲛⲉⲧⲧⲁⲩⲟⲛⲟⲩⲁⲛⲟⲙⲓⲁⲛⲥⲁⲡⲇⲓⲕⲁⲓⲟⲥϩⲛⲟⲩⲙⲛⲧϫⲁⲥⲓϩⲏⲧ.ⲙⲛⲟⲩⲥⲱϣϥ·
ⲁⲩⲱⲙⲁⲣⲉϥⲡⲁⲧⲁⲥⲥⲉⲓⲙⲙⲟⲟⲩⲛϭⲓⲓⲉⲟⲩⲡⲉⲕⲁⲅⲅⲉⲗⲟⲥ·ⲁⲩⲱⲉⲩϣⲁⲛⲉⲓⲉⲩⲛⲏⲩⲉⲡϫⲓⲥⲉ.ⲙⲁⲣⲉⲟⲩⲕⲁⲕⲉⲧⲁϩⲟⲟⲩ·ⲁⲩⲱⲛⲥⲉⲥⲗⲁⲁⲧⲉⲛⲥⲉⲕⲟⲧⲟⲩⲉⲡⲉⲭⲁⲟⲥ·ⲁⲩⲱⲙⲁⲣⲉϥⲡⲱⲧⲛⲥⲱⲟⲩⲛϭⲓⲓⲉⲟⲩⲡⲉⲕⲁⲅⲅⲉⲗⲟⲥⲛϥϫⲛⲁⲩⲉⲡⲕⲁⲕⲉⲙⲡⲉⲥⲏⲧ·ϫⲉⲁⲩϭⲱⲣϭⲉⲣⲟⲓⲛⲟⲩϭⲟⲙⲛϩⲟⲙⲙⲟⲩⲓⲉⲙⲡⲓⲣⲡⲉⲧϩⲟⲟⲩⲛⲁⲩⲧⲁⲓⲉⲧⲟⲩⲛⲁϥⲓⲙⲡⲉⲩⲟⲩⲟⲉⲓⲛϩⲣⲁⲓⲛϩⲏⲧⲥⲁⲩϩⲱϫⲛⲧϭⲟⲙⲉⲧⲛϩⲏⲧ.ⲧⲁⲓⲉⲧⲉⲛⲥⲉⲛⲁϣϥⲓⲧⲥⲁⲛ·ⲧⲉⲛⲟⲩϭⲉⲡⲟⲩⲟⲉⲓⲛϥⲓⲡⲥⲱⲧϥⲛⲧϭⲟⲙⲛϩⲟⲙⲙⲟⲩⲓⲉⲙⲡⲥⲉⲓⲙⲉ·ⲁⲩⲱⲡⲙⲉⲉⲩⲉⲉⲛⲧⲁϥⲙⲉⲉⲩⲉⲉⲣⲟϥⲛϭⲓⲡⲁⲩⲑⲁⲧⲏⲥⲉϥⲓⲡⲁⲟⲩⲟⲉⲓⲛ.ϥⲓⲡⲱϥϩⲱⲱϥ·ⲁⲩⲱⲙⲁⲣⲟⲩϥⲓⲡⲟⲩⲟⲉⲓⲛⲛⲧϭⲟⲙⲛϩⲟⲙⲙⲟⲩⲓⲧⲁⲓⲉⲧϭⲱⲣϭⲉⲣⲟⲓ·ⲧⲁϭⲟⲙⲛⲧⲟⲥⲛⲁⲟⲩⲣⲟⲧϩⲙⲡⲟⲩⲟⲉⲓⲛ·ⲁⲩⲱⲥⲛⲁⲣⲁϣⲉ·ϫⲉϥⲛⲁⲛⲁϩⲙⲉⲥ·ⲁⲩⲱⲥⲉⲛⲁϫⲟⲟⲥⲛϭⲓⲙⲙⲉⲣⲟⲥⲧⲏⲣⲟⲩⲛⲧⲁϭⲟⲙϫⲉⲙⲛϭⲉⲣⲉϥⲛⲟⲩϩⲙⲛⲥⲁⲃⲗⲗⲁ
ⲕ·ϫⲉⲛⲧⲟⲕⲡⲉⲧⲛⲁⲛⲁϩⲙⲉⲧⲛⲧⲟⲟⲧⲥⲛϯϭⲟⲙⲛϩⲟⲙⲙⲟⲩⲓⲧⲁⲓⲉⲛⲧⲁⲥϥⲓⲧⲁϭⲟⲙⲛϩⲏⲧ·ⲁⲩⲱⲛⲧⲟⲕⲡⲉⲧⲛⲟⲩϩⲙⲙⲙⲟⲓⲉⲃⲟⲗϩⲓⲧⲟⲟⲧⲟⲩⲛⲛⲉⲛⲧⲁⲩϥⲓⲧⲁϭⲟⲙⲛϩⲏⲧⲙⲛⲡⲁⲟⲩⲟⲉⲓⲛ·ϫⲉⲁⲩⲁϩⲉⲣⲁⲧⲟⲩⲉⲣⲟⲓⲉⲩϫⲓϭⲟⲗⲉⲣⲟⲓ·ⲁⲩⲱⲉⲩϫⲱⲙⲙⲟⲥϫⲉϯⲥⲟⲟⲩⲛⲉⲡⲙⲩⲥⲧⲏⲣⲓⲟⲛⲙⲡⲟⲩⲟⲉⲓⲛⲉⲧϩⲙⲡϫⲓⲥⲉⲡⲁⲓⲉⲛⲧⲁⲓⲡⲓⲥⲧⲉⲩⲉⲉⲣⲟϥ·ⲁⲩⲱⲁⲩⲁⲛⲁⲅⲕⲁⲍⲉⲙⲙⲟⲓϫⲉϫⲱⲉⲣⲟⲛⲙⲙⲙⲩⲥⲧⲏⲣⲓⲟⲛⲙⲡⲟⲩⲟⲉⲓⲛⲉⲧϩⲙⲡϫⲓⲥⲉ·
ⲁⲩⲱⲙⲡⲣⲧⲣⲉⲧⲉⲕⲃⲟⲏⲑⲓⲁⲟⲩⲉⲛⲥⲁⲃⲟⲗⲙⲙⲟⲓ·ϭⲉⲡⲏⲡⲟⲩⲟⲉⲓⲛ·ⲁⲣⲓⲡⲁϩⲁⲡ.ⲙⲛⲡⲁⲕⲃⲁ·ⲁⲩⲱϯϩⲁⲡⲉⲣⲟⲓϩⲛⲧⲉⲕⲙⲛⲧⲁⲅⲁⲑⲟⲥ·ⲧⲉⲛⲟⲩϭⲉⲡⲟⲩⲟⲉⲓⲛⲛⲛⲟⲩⲟⲉⲓⲛⲙⲡⲣⲧⲣⲉⲩϥⲓⲡⲁⲟⲩⲟⲉⲓⲛⲛⲧⲟⲟⲧ·ⲁⲩⲱⲙⲡⲣⲧⲣⲉⲩϫⲟⲟⲥϩⲣⲁⲓⲛϩⲏⲧⲟⲩ·ϫⲉⲁⲧⲉⲛϭⲟⲙⲥⲉⲓⲙⲡⲉⲥⲟⲩⲟⲉⲓⲛⲁⲩⲱⲙⲡⲣⲧⲣⲉⲩϫⲟⲟⲥϫⲉⲁⲛⲟⲩⲱⲙⲕⲛⲧⲉⲥϭⲟⲙⲁⲗⲗⲁⲙⲁⲣⲉⲟⲩⲕⲁⲕⲉⲛⲧⲟϥⲉⲓⲉϩⲣⲁⲓⲉϫⲱⲟⲩ·ⲁⲩⲱⲙⲁⲣⲟⲩⲣⲁⲧϭⲟⲙⲛϭⲓⲛⲉⲧⲟⲩⲉϣϥⲓⲡⲁⲟⲩⲟⲉⲓⲛⲛⲧⲟⲟⲧ·ⲁⲩⲱⲙⲁⲣⲟⲩϯϩⲓⲱⲟⲩⲛⲟⲩⲭⲁⲟⲥⲙⲛⲟⲩⲕⲁⲕⲉ·ⲛϭⲓⲛⲉⲧϫⲱⲙⲙⲟⲥϫⲉⲧⲛⲛⲁϥⲓⲙⲡⲉⲥⲟⲩⲟⲉⲓⲛⲙⲛⲧⲉⲥϭⲟⲙ·ⲧⲉⲛⲟⲩϭⲉⲛⲁϩⲙⲉⲧⲧⲁⲣⲓⲣⲁϣⲉϫⲉϯⲟⲩⲉϣⲡⲙⲉϩⲙⲛⲧϣⲟⲙⲧⲉⲛⲁⲓⲱⲛⲡⲧⲟⲡⲟⲥⲛⲧⲇⲓⲕⲁⲓⲟⲥⲩⲛⲏ·ⲁⲩⲱϯⲛⲁϫⲟⲟⲥⲛⲟⲩⲟⲉⲓϣⲛⲓⲙϫⲉⲉϥⲉⲣϩⲟⲩⲉⲟⲩⲟⲉⲓⲛ
ⲛϭⲓⲡⲟⲩⲟⲉⲓⲛⲛⲓⲉⲟⲩⲡⲉⲕⲁⲅⲅⲉⲗⲟⲥⲁⲩⲱⲡⲁⲗⲁⲥⲛⲁϩⲩⲙⲛⲉⲩⲉⲉⲣⲟⲕϩⲙⲡⲉⲕⲥⲟⲟⲩⲛⲙⲡⲁⲟⲩⲟⲉⲓϣⲧⲏⲣϥϩⲙⲡⲙⲉϩⲙⲛⲧϣⲟⲙⲧⲉⲛⲁⲓⲱⲛ:
ⲉⲣⲟⲓ·ⲡⲱϩⲧⲉⲃⲟⲗⲛⲟⲩⲥⲏϥⲉ·ⲁⲩⲱⲛⲅϩⲟϫⲡⲥⲙⲡⲉⲙⲧⲟⲉⲃⲟⲗⲛⲛⲉⲧⲑⲗⲓⲃⲉⲙⲙⲟⲓ·
Cite this Document
When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.
Use the following model to cite this document. Our full citation guidelines page provides more models.
First citation:
Author, Ancient title [chapter.verse if available], ed. [annotators], trans. [translation]. urn:cts:copticLit:pistissophia.1.petermann:66-75. [version number], [date]. https://data.copticscriptorium.org/urn:cts:copticLit:pistissophia.1.petermann:66-75.
Subsequent citations:
Author, Ancient title (abbreviated) [chapter.verse if available], urn:cts:copticLit:pistissophia.1.petermann:66-75.
Document Edition: urn:cts:copticLit:pistissophia.1.petermann:66-75
Work: urn:cts:copticLit:pistissophia.1
Text Group: urn:cts:copticLit:pistissophia
The following links will direct you to the latest versions of data visualizations of the document.
Normalized Text HTML: https://data.copticscriptorium.org/urn:cts:copticLit:pistissophia.1.petermann:66-75/norm/html
Analytic Visualization HTML: https://data.copticscriptorium.org/urn:cts:copticLit:pistissophia.1.petermann:66-75/analytic/html
The following links will direct you to the latest versions of the data for download.
TEI XML: https://data.copticscriptorium.org/urn:cts:copticLit:pistissophia.1.petermann:66-75/tei/xml
Paula XML: https://data.copticscriptorium.org/urn:cts:copticLit:pistissophia.1.petermann:66-75/paula/xml
relANNIS: https://data.copticscriptorium.org/urn:cts:copticLit:pistissophia.1.petermann:66-75/relannis
The following link will direct you to the latest version of the corpus available for search and querying in ANNIS:
ANNIS UI: https://data.copticscriptorium.org/urn:cts:copticLit:pistissophia.1.petermann:66-75/annis