Life of Longinus and Lucius part 1

normalized analytic TEI ANNIS PAULA Search ANNIS

Normalized Text

ⲡⲃⲓⲟⲥⲁⲩⲱⲧⲡⲟⲗⲏⲧⲓⲁⲛⲛⲉⲓⲟⲧⲉⲉⲧⲟⲩⲁⲁⲃⲉⲧⲧⲁⲓⲏⲩⲛⲁⲥⲕⲏⲧⲏⲥⲁⲡⲁⲗⲟⲅⲅⲓⲛⲟⲥⲙⲛⲁⲡⲁⲗⲟⲩⲅⲓⲟⲥⲡⲉϥⲉⲓⲱⲧⲙⲡⲛⲉⲩⲙⲁⲧⲓⲕⲟⲥ·ⲛⲧⲁⲩϫⲱⲕⲇⲉⲉⲃⲟⲗⲙⲡⲉⲩⲃⲓⲟⲥⲉⲧⲧⲁⲓⲏⲩⲛⲥⲟⲩⲥⲛⲁⲩⲙⲡⲉⲃⲟⲧⲙϣⲓⲣ·ϩⲛⲟⲩⲉⲓⲣⲏⲛⲏⲛⲧⲉⲡⲛⲟⲩⲧⲉ·ϩⲁⲙⲏⲛ·

ⲛⲉⲛⲧⲁⲩϫⲱⲕⲙⲉⲛⲉⲃⲟⲗⲛϩⲉⲛⲡⲟⲗⲏϯⲁⲉⲩⲧⲟⲟⲙⲉⲉϩⲉⲛⲣⲱⲙⲉⲉⲩⲫⲟⲣⲉⲓⲛⲧⲥⲁⲣⲝ,ⲉⲥⲧⲱⲛⲇⲉϩⲉⲛⲗⲁⲥⲛⲥⲁⲣⲝϫⲱⲉⲣⲟⲟⲩⲛϩⲉⲛⲁⲓⲡⲁⲓⲛⲟⲥ·ⲛⲉⲛⲧⲁⲩⲣⲡⲉⲧⲡⲉⲙⲡϣⲓⲛⲛⲣⲱⲙⲉϩⲛⲧⲉⲩⲡⲟⲗⲏϯⲁⲁⲩⲱⲁⲛⲉⲩⲕⲁⲧⲟⲣⲑⲱⲙⲁⲣⲡⲉⲧⲡⲉⲙⲡⲉϩⲣⲟϣⲛⲛⲉⲧⲫⲟⲣⲉⲓⲛⲧⲥⲁⲣⲝ,ⲥⲭⲉⲇⲱⲛⲉⲙⲛⲥⲁⲣⲝⲧⲟϩⲓⲱⲟⲩ,ⲁϣⲛⲗⲁⲥⲛⲥⲁⲣⲝⲡⲉⲧⲛⲁϣϫⲱⲙⲡⲧⲁⲉⲓⲟⲛⲛⲉⲧⲙⲙⲁⲩ·ⲛⲁⲓⲛⲧⲉⲓⲙⲓⲛⲉⲥⲉⲣⲭⲣⲉⲓⲁⲙⲡⲗⲁⲥⲛϩⲉⲛⲁⲥⲱⲙⲁⲧⲟⲥⲉⲧⲣⲉⲩϫⲱⲛϩⲉⲛⲁⲓⲡⲁⲓⲛⲟⲥⲉⲣⲟⲟⲩ,ⲛⲧϩⲉⲟⲛⲛⲛⲧⲁⲩϫⲱⲕⲉⲃⲟⲗⲛⲛⲉⲩⲡⲟⲗⲏϯⲁⲛⲁⲅⲅⲉⲗⲓⲕⲟⲛ·ⲛⲁⲓⲉⲧⲉⲙⲡⲉⲡⲉϩⲣⲟϣⲛⲧⲥⲁⲣⲝⲕⲱⲗⲩⲙⲙⲟⲟⲩⲛⲗⲁⲁⲩⲉⲧⲣⲉⲩϣⲱⲡⲉⲛϩⲓⲥⲁⲅⲅⲉⲗⲟⲥⲁⲩⲱⲛⲥⲉϫⲱⲕⲉⲃⲟⲗⲛⲛⲙⲡⲟⲗⲏϯⲁⲛⲛⲉⲧϩⲛⲙⲡⲏⲩⲉⲉⲩϣⲟⲟⲡϩⲓϫⲙⲡⲕⲁϩ,ⲕⲁⲧⲁⲡⲉⲛⲧⲁⲡϩⲓⲉⲣⲟⲥⲛⲁⲡⲟⲥⲧⲟⲗⲟⲥϫⲟⲟϥϫⲉ·ⲁⲛⲟⲛⲇⲉⲉⲣⲉⲡⲉⲛⲡⲟⲗⲓⲧⲉⲩⲙⲁϩⲛⲙⲡⲏⲩⲉ,ⲡⲙⲁⲉⲧⲛϭⲱϣⲧⲉⲃⲟⲗⲛϩⲏⲧϥⲙⲡⲉⲛⲥⲱⲧⲏⲣⲡⲉⲛϫⲟⲉⲓⲥ,ⲡⲁⲓⲉⲧⲛⲁϣⲃⲃⲉⲙⲡⲉⲛⲑⲃⲃⲓⲟⲉⲡⲉⲓⲛⲉⲙⲡⲥⲱⲙⲁⲙⲡⲉϥⲉⲟⲟⲩ·

ⲉⲧⲃⲉⲡⲁⲓⲛⲧⲉⲣⲓⲟⲩⲱϣⲉⲕⲱⲉϩⲣⲁⲓⲛⲧϩⲓⲥⲧⲱⲣⲓⲁⲙⲡⲡⲉⲧⲟⲩⲁⲁⲃⲁⲡⲁⲗⲟⲅⲅⲓⲛⲟⲥⲙⲛⲡⲉϥⲉⲓⲱⲧⲙⲡⲛⲉⲩⲙⲁⲧⲓⲕⲟⲥⲁⲡⲁⲗⲟⲩⲅⲓⲟⲥ,ⲛⲁⲓⲛⲧⲁⲩϫⲱⲕⲉⲃⲟⲗⲛⲛⲉⲩⲡⲟⲗⲏⲧⲓⲁ˽ϫⲉⲛⲛⲁϫⲟⲟⲥϫⲉⲛⲉⲩⲁⲑⲗⲱⲛⲙⲛⲛⲉⲩⲁⲅⲱⲛ˽ⲁⲓⲁⲡⲟⲣⲉⲓϩⲣⲁⲓⲛϩⲏⲧϩⲱⲥⲉⲓⲥⲟⲟⲩⲛⲛⲧⲁⲁⲥⲑⲉⲛⲉⲓⲁⲙⲙⲓⲛⲙⲙⲟⲓⲙⲛⲡϫⲓⲥⲉⲛⲛⲁⲣⲉⲧⲏⲙⲡⲡⲉⲧⲟⲩⲁⲁⲃⲉⲧⲙⲙⲁⲩ,ⲛⲧϩⲉⲛⲛⲟⲩⲁⲉϥⲁϩⲉⲣⲁⲧϥϩⲁⲟⲩⲡⲉⲧⲣⲁⲉⲥϫⲟⲥⲉⲉⲙⲁⲧⲉⲉϥⲉⲡⲉⲓⲭⲉⲣⲉⲓⲉϫⲓⲧⲡⲉⲧⲣⲁⲉⲧⲙⲙⲁⲩⲏⲉⲃⲱⲕⲉϩⲣⲁⲓⲛϩⲏⲧⲥ,ⲉⲓⲁⲡⲟⲣⲉⲓⲛⲥⲁⲥⲁⲛⲓⲙϫⲉⲉⲓⲛⲁϣϭⲙϭⲟⲙⲛⲁϣⲛϩⲉⲉⲃⲱⲕⲉϩⲣⲁⲓⲉϫⲛⲧⲡⲉⲧⲣⲁⲉⲧⲙⲙⲁⲩ·ⲙⲁϯⲛⲁⲓⲛⲟⲩⲥⲩⲅⲛⲱⲙⲏⲉⲧⲣⲁϫⲟⲟⲥϫⲉⲧⲡⲉⲧⲣⲁⲉⲛⲉⲡⲉⲭⲣⲓⲥⲧⲟⲥⲡⲉ·ⲡⲙⲁⲅⲁⲣⲉⲧⲉⲣⲉⲛⲉⲧⲟⲩⲁⲁⲃⲛϩⲏⲧϥϥⲙⲙⲁⲩⲛϭⲓⲡϫⲟⲉⲓⲥⲛⲛⲉⲧⲟⲩⲁⲁⲃ·ⲡⲉⲧⲉⲙⲡⲉϥϯⲥⲟⲅⲁⲣⲉⲃⲱⲕⲉϩⲣⲁⲓⲉⲛⲧⲟⲟⲩⲙⲛⲡⲉⲧⲣⲟⲥⲙⲛⲓⲱϩⲁⲛⲛⲏⲥ,ⲙⲡⲉϥϯⲥⲟⲟⲛⲉⲟⲩⲱϩⲙⲛⲁⲡⲁⲗⲟⲅⲅⲓⲛⲟⲥⲙⲛⲁⲡⲁⲗⲟⲩⲅⲓⲟⲥⲡⲉϥⲉⲓⲱⲧϩⲙⲡⲙⲁⲉⲛⲉⲩⲛϩⲏⲧϥ·ⲁⲩⲱⲁⲣⲏⲩⲛⲧϩⲉⲛⲧⲁⲧⲟⲡⲧⲁⲥⲓⲁⲉⲧⲙⲙⲁⲩⲧⲥⲁⲃⲟⲙⲡⲉⲧⲣⲟⲥⲙⲛⲓⲱϩⲁⲛⲛⲏⲥϫⲉⲛⲓⲙⲡⲉⲛⲧⲁϥⲃⲱⲕⲉϩⲣⲁⲓⲉⲧⲡⲉⲧⲣⲁⲉⲧⲙⲙⲁⲩ,ⲧⲁⲓⲟⲛⲧⲉⲧϩⲉⲛⲧⲁϥⲧⲥⲁⲃⲉⲁⲡⲁⲗⲟⲩⲅⲓⲟⲥⲙⲛⲁⲡⲁⲗⲟⲅⲅⲓⲛⲟⲥⲉⲧⲡⲓⲥⲧⲓⲥⲉⲧⲥⲟⲩⲧⲱⲛ,ⲧⲁⲓⲛⲧⲁϩⲁϩⲙⲁⲧⲉⲙⲙⲟⲥⲉⲃⲟⲗϩⲓⲧⲟⲟⲧⲟⲩ,ⲕⲁⲧⲁⲧϩⲉⲉⲧⲛⲛⲁⲟⲩⲉⲛϩⲡⲁⲓⲉⲃⲟⲗϩⲙⲡⲧⲣⲉⲛⲙⲟⲟϣⲉⲉⲧϩⲏ·

ⲡⲗⲏⲛϩⲱⲥⲉⲓⲥⲟⲟⲩⲛⲛⲛⲁϭⲱϫⲃⲙⲙⲓⲛⲙⲙⲟⲓ,ⲉⲓⲟⲩⲱϣⲉⲕⲁⲣⲱⲓⲉⲧϩⲓⲥⲧⲱⲣⲓⲁⲛⲛⲉⲧⲟⲩⲁⲁⲃⲉⲧⲙⲙⲁⲩⲉⲧⲃⲉⲡⲉⲩϫⲓⲥⲉⲙⲛⲧⲁⲉⲩⲧⲉⲗⲉⲓⲁϩⲱ,ⲉϣϫⲉⲉⲓⲛⲁⲩⲉⲡⲉⲕⲣⲓⲙⲙⲁϩⲱⲱϥⲙⲡⲙⲧⲟⲛⲛⲁⲃⲁⲗⲉϥⲁⲡⲉⲓⲗⲉⲛⲁⲓⲛⲧⲉⲓϩⲉϫⲉ·ⲁⲣⲁⲧⲉⲓⲙⲛⲧⲣⲉϥⲣϩⲟⲧⲉⲛⲧⲉⲓⲙⲓⲛⲉⲣⲁⲛⲁϥⲙⲡⲛⲟⲩⲧⲉ·ⲉϣϫⲉϩⲟⲗⲱⲥⲕϩⲟⲙⲟⲗⲟⲅⲉⲓϫⲉϩⲉⲛⲡⲉⲧⲟⲩⲁⲁⲃⲛⲉⲁⲩⲱϩⲉⲛⲡⲁⲣⲁⲛⲏⲧⲟⲥⲛⲉ,ⲁⲩⲱϫⲉⲁⲛⲉⲩⲡⲟⲗⲏϯⲁϫⲓⲥⲉⲛⲧⲉⲓϩⲉⲧⲏⲣⲥⲕⲁⲧⲁⲧϩⲉⲉⲧⲉⲕϫⲱⲙⲙⲟⲥ,ⲁⲩⲱϫⲉⲟⲩⲛϭⲟⲙⲉⲧⲣⲉⲡⲉⲩⲃⲓⲟⲥϣⲱⲡⲉⲛⲕⲱⲧⲛⲛⲉⲧⲛⲁⲥⲟⲧⲙⲉϥ,ⲉⲧⲃⲉⲟⲩⲕⲥⲱⲧⲡⲙⲡⲕⲁⲣⲱⲧⲉⲧⲙϫⲱⲛⲁⲛⲙⲡⲃⲓⲟⲥⲛⲛⲉⲧⲟⲩⲁⲁⲃⲉⲧⲙⲙⲁⲩ;ⲕⲁⲛⲉϣϫⲉⲙⲉⲕⲉϣϭⲙϭⲟⲙⲉϫⲱⲛⲁⲛⲛⲧⲡⲟⲗⲏϯⲁⲛⲛⲉⲧⲟⲩⲁⲁⲃⲉⲧⲙⲙⲁⲩⲉⲧⲙⲉϩⲛⲁⲣⲉⲧⲏⲛⲓⲙⲁⲗⲗⲁⲟⲩⲛϫⲱⲙⲡⲉⲧⲕⲛⲁⲉϣⲧⲁϩⲟϥϩⲛⲟⲩⲑⲃⲃⲓⲟϫⲉⲛⲛⲉⲕϣⲱⲡⲉⲉϣϫⲉⲉⲕⲫⲑⲟⲛⲓⲉⲡϩⲏⲩⲛⲛⲉⲯⲩⲭⲏⲛⲛⲉⲧⲛⲁⲥⲱⲧⲙⲉⲡⲃⲓⲟⲥⲙⲡⲁⲣⲁⲛⲉⲧⲟⲥⲉⲧⲟⲩⲁⲁⲃⲉⲧⲙⲙⲁⲩⲛⲥⲉⲟⲩⲁϩⲟⲩⲛⲥⲁⲟⲩⲙⲉⲣⲟⲥϣⲏⲙⲛϩⲏⲧⲟⲩ·

ⲙⲁⲗⲓⲥⲧⲁⲉⲣⲉⲡⲕⲩⲣⲝⲛⲧⲙⲉⲡⲥⲁϩⲡⲁⲩⲗⲟⲥⲡⲁⲣⲁⲅⲅⲉⲓⲗⲉϫⲉ·ⲁⲣⲓⲡⲙⲉⲉⲩⲉⲛⲛⲉⲧⲛⲛⲟϭⲛⲁⲓⲛⲧⲁⲩϫⲱⲛⲏⲧⲛⲙⲡϣⲁϫⲉⲙⲡⲛⲟⲩⲧⲉ,ⲛⲁⲓⲉⲧⲉⲧⲛϭⲱϣⲧⲉⲡϫⲓⲥⲉⲛⲧⲉⲩⲁⲛⲁⲥⲧⲣⲟⲫⲏⲧⲛⲧⲛⲧⲏⲩⲧⲛⲉⲧⲉⲩⲡⲓⲥⲧⲓⲥ·ⲁⲩⲱϩⲱⲥⲉⲣⲉⲡⲛⲟⲩⲧⲉⲥⲟⲟⲩⲛϫⲉⲥⲉⲛⲁϣⲱⲡⲉⲛⲱⲫⲉⲗⲓⲁⲛⲛⲉⲧⲛⲁⲥⲱⲧⲙⲉⲡⲃⲓⲟⲥⲛⲛⲉⲛⲧⲁⲩⲡⲟⲗⲓⲧⲉⲩⲉⲕⲁⲧⲁⲡⲉϥⲟⲩⲱϣⲁϥⲥϩⲁⲓⲛⲁⲛϩⲓⲧⲙⲡⲉϥⲡⲛⲉⲩⲙⲁⲉⲧⲟⲩⲁⲁⲃⲙⲡⲃⲓⲟⲥⲛⲙⲡⲁⲧⲣⲓⲁⲣⲭⲏⲥⲙⲛⲡⲕⲉⲥⲉⲉⲡⲉⲛⲛⲉⲧⲟⲩⲁⲁⲃ˽ⲛⲁⲓⲛⲧⲁⲩϣⲱⲡⲉϩⲛⲧⲡⲁⲗⲁⲓⲁⲇⲓⲁⲑⲏⲕⲏⲙⲛⲧⲕⲩⲛⲏ˽ϫⲉⲕⲁⲥⲛⲛⲁⲥⲱⲧⲙⲉⲣⲟⲟⲩⲙⲙⲁⲧⲉⲁⲛⲁⲗⲗⲁϫⲉⲕⲁⲥⲉⲛⲛⲁⲧⲛⲧⲱⲛⲛⲉⲡⲉⲩⲥⲙⲟⲧⲧⲛⲕⲗⲏⲣⲟⲛⲟⲙⲉⲓϩⲱⲱⲛⲛⲛⲉⲣⲏⲧⲛⲧⲁⲡⲛⲟⲩⲧⲉⲉⲣⲏⲧⲙⲙⲟⲟⲩⲛⲛⲉⲧⲙⲉⲙⲙⲟϥ·ⲛⲁⲓⲟⲩⲛⲉⲓⲙⲉⲉⲩⲉⲉⲣⲟⲟⲩϩⲣⲁⲓⲛϩⲏⲧⲁⲓⲟⲡϥϫⲉⲟⲩⲁⲛⲁⲅⲕⲁⲓⲟⲛⲡⲉⲉⲧⲣⲁⲁⲣⲭⲓⲥⲑⲁⲓⲉⲧϩⲓⲥⲧⲱⲣⲓⲁⲛⲛⲉⲧⲟⲩⲁⲁⲃⲁⲩⲱⲉⲧⲣⲁϯⲡⲣⲡⲙⲉⲉⲩⲉⲛⲛⲉⲩⲡⲟⲗⲏϯⲁⲛⲏⲧⲛ,ⲉⲓⲥⲟⲟⲩⲛϩⲛⲟⲩⲱⲣϫϫⲉ·ⲟⲩⲣⲡⲙⲉⲉⲩⲉⲉⲛⲁⲛⲟⲩϥⲡⲉⲡⲣⲡⲙⲉⲉⲩⲉⲙⲡⲇⲓⲕⲁⲓⲟⲥ,ⲁⲩⲱϫⲉ·ϣⲁⲣⲉⲡⲥⲟⲉⲓⲧⲉⲧⲛⲁⲛⲟⲩϥⲉⲩⲫⲣⲁⲛⲉⲙⲡϩⲏⲧ·ⲙⲁⲗⲓⲥⲧⲁϫⲉϣⲁⲣⲉⲛⲗⲁⲟⲥⲉⲩⲫⲣⲁⲛⲉⲉⲩϣⲁϫⲉⲉⲛⲇⲓⲕⲁⲓⲟⲥ,ⲕⲁⲧⲁⲛⲉⲛⲧⲁⲡⲥⲟⲫⲟⲥⲥⲟⲗⲟⲙⲱⲛϫⲟⲟⲩ·ⲧⲡⲟⲗⲏϯⲁⲙⲛⲡⲃⲓⲟⲥⲙⲡⲉⲛⲉⲓⲱⲧⲉⲧⲟⲩⲁⲁⲃⲁⲡⲁⲗⲟⲅⲅⲓⲛⲟⲥ,ⲉⲛⲉⲟⲩⲉⲃⲟⲗⲡⲉϩⲛⲧⲗⲁⲩⲣⲁⲙⲡϩⲉⲛⲁⲧⲟⲛⲛⲣⲁⲕⲟⲧⲉ·

ⲛⲉⲟⲩⲉⲧⲉⲓⲙⲓⲛⲉⲇⲉⲡⲉ·ⲉⲛⲉⲟⲩⲉⲃⲟⲗⲡⲉϩⲛⲟⲩⲡⲟⲗⲓⲥⲛⲧⲉⲧⲗⲩⲕⲓⲁⲡⲉⲕⲁⲧⲁⲡⲉϥⲅⲉⲛⲟⲥⲉⲧⲏⲡⲉⲡⲕⲁϩ,ⲉⲩⲡⲟⲗⲓⲧⲏⲥⲡⲉⲛⲧⲉⲧϩⲓⲉⲣⲟⲩⲥⲁⲗⲏⲙⲛⲧⲡⲉⲉⲣⲉⲡⲉϥⲡⲟⲗⲓⲧⲉⲩⲙⲁϩⲛⲙⲡⲏⲩⲉ,ⲕⲁⲧⲁⲡϣⲁϫⲉⲙⲡⲥⲟⲫⲟⲥⲡⲁⲩⲗⲟⲥ·ⲁⲓⲧⲉⲓⲇⲉⲉϥⲟⲛϣⲏⲣⲉϣⲏⲙⲁϥⲙⲉⲣⲉⲧⲉⲫⲓⲗⲟⲥⲟⲫⲓⲁⲙⲡⲃⲓⲟⲥⲛⲧⲙⲛⲧⲙⲟⲛⲁⲭⲟⲥⲁϥϯⲙⲡⲉϥⲟⲩⲟⲓⲉⲩⲙⲟⲛⲁⲥⲧⲏⲣⲓⲟⲛⲉⲡⲁⲧⲉϥⲭⲱⲣⲁⲡⲉⲛⲧⲉⲧⲗⲩⲕⲓⲁⲉϣⲁⲩⲙⲟⲩⲧⲉⲉⲣⲟϥϫⲉⲡⲙⲁⲛⲁⲡⲁϩⲓⲉⲣⲟⲛⲓⲕⲟⲥ·ⲁⲩⲱⲛⲧⲉⲣⲉϥⲙⲡϣⲁⲙⲡⲉⲥⲭⲏⲙⲁⲉⲧⲟⲩⲁⲁⲃⲛⲧⲙⲛⲧⲙⲟⲛⲁⲭⲟⲥϩⲙⲡⲙⲟⲛⲁⲥⲧⲏⲣⲓⲟⲛⲉⲧⲙⲙⲁⲩⲁⲩⲧⲁⲁϥⲉⲧⲟⲟⲧϥⲛⲟⲩⲛⲟϭⲛⲁⲥⲕⲏⲧⲏⲥⲉⲡⲉϥⲣⲁⲛⲡⲉⲁⲡⲁⲗⲟⲩⲅⲓⲟⲥ,ⲉϥⲕⲟⲥⲙⲉⲓϩⲙⲡϣⲁϫⲉⲛⲛⲉⲅⲣⲁⲫⲏⲉⲧⲟⲩⲁⲁⲃⲙⲛⲧⲇⲓⲁⲕⲣⲏⲥⲓⲥⲧⲙⲁⲁⲩⲛⲛⲁⲣⲉⲧⲏⲧⲏⲣⲟⲩ·ⲁϥⲡⲁⲓⲇⲁⲅⲱⲅⲉⲓⲟⲛⲙⲙⲟϥϩⲛⲧⲡⲓⲥⲧⲓⲥⲙⲛⲛⲁⲕⲟⲗⲟⲑⲓⲁⲛⲓⲙⲉⲧⲡⲣⲉⲡⲉⲓⲉⲡⲃⲓⲟⲥⲛⲧⲙⲛⲧⲙⲟⲛⲁⲭⲟⲥ·

ⲛⲧⲉⲣⲉϥⲣⲟⲩⲟⲉⲓϣⲉϥⲡⲟⲗⲓⲧⲉⲩⲉϩⲙⲡⲙⲟⲛⲁⲥⲧⲏⲣⲓⲟⲛϩⲛⲛⲁⲣⲉⲧⲏⲙⲡⲉⲭⲣⲓⲥⲧⲟⲥ˽ⲉⲧⲉⲡⲉⲑⲃⲃⲓⲟⲡⲉⲙⲛⲧⲙⲛⲧⲣⲙⲣϣⲙⲛⲧⲙⲛⲧⲁⲡⲟⲧⲁⲕⲧⲓⲕⲟⲥⲙⲛⲡⲕⲉⲥⲉⲉⲡⲉⲛⲛⲁⲣⲉⲧⲏ–ⲉⲧⲉⲓⲛⲉⲛⲛⲁⲓ–ⲁϥⲙⲧⲟⲛⲙⲙⲟϥⲛϭⲓⲡⲉⲡⲣⲟⲉⲥⲧⲟⲥⲙⲡⲙⲟⲛⲁⲥⲧⲏⲣⲓⲟⲛⲉⲧⲙⲙⲁⲩ,ⲉⲩⲣⲱⲙⲉⲡⲉⲛⲛⲉⲥⲩⲭⲟⲥⲁⲩⲱⲛⲉⲓⲣⲏⲛⲓⲕⲟⲥ,ⲉⲁⲩⲕⲁⲑⲓⲥⲧⲁⲛⲕⲉⲟⲩⲁⲉⲡⲉϥⲙⲁ·ⲧⲟⲧⲉⲁⲩⲧⲁⲣⲁⲭⲏϣⲱⲡⲉϩⲛⲧⲉⲕⲕⲗⲏⲥⲓⲁⲙⲡⲙⲟⲛⲁⲥⲧⲏⲣⲓⲟⲛⲧⲁⲓⲧⲁⲓⲧⲓⲁ·ⲉⲩⲥⲟⲟⲩⲛⲧⲏⲣⲟⲩⲛⲁⲡⲁⲗⲟⲩⲕⲓⲟⲥⲁⲩⲱⲉⲩϭⲱϣⲧⲛⲥⲱϥⲧⲏⲣⲟⲩϩⲱⲥⲛⲧⲟϥⲡⲉⲧⲛⲁⲡⲣⲟϩⲓⲥⲧⲁⲙⲙⲟⲟⲩⲙⲛⲛⲥⲁⲡⲉⲛⲧⲁϥⲛⲕⲟⲧⲕ·ⲗⲟⲓⲡⲟⲛⲛⲧⲉⲣⲉⲡⲡⲉⲧⲟⲩⲁⲁⲃⲕⲁⲧⲁⲗⲁⲙⲃⲁⲛⲉⲙⲙⲟϥⲙⲡⲉϣⲧⲟⲣⲧⲣⲉⲧⲧⲏϣⲉϣⲱⲡⲉⲛⲧⲉϥⲁⲫⲟⲣⲙⲏ,ⲁϥⲥⲟⲧⲡⲥⲛⲁϥⲉⲗⲟⲙⲙⲟⲟⲩϩⲁⲡⲉⲩϩⲟⲉⲧⲉⲡⲁⲓⲡⲉⲛϥⲉⲓⲉⲃⲟⲗϩⲙⲡⲙⲟⲛⲁⲥⲧⲏⲣⲓⲟⲛⲉⲧⲙⲙⲁⲩⲛⲧⲉⲡⲙⲁⲉⲍⲩⲭⲁⲍⲉ·ⲙⲁⲗⲓⲥⲧⲁⲙⲡⲉϥⲗⲟⲉϥⲡⲏⲧⲛⲥⲁⲡⲉⲑⲃⲃⲓⲟⲉⲛⲉϩⲛⲧϩⲉⲙⲡⲉϥϫⲟⲉⲓⲥ·

ⲛⲁⲓⲇⲉⲉϥⲙⲉⲉⲩⲉⲉⲣⲟⲟⲩⲁϥⲙⲟⲩⲧⲉⲉⲡⲉϥⲙⲁⲑⲏⲧⲏⲥⲁⲡⲁⲗⲟⲅⲅⲓⲛⲟⲥⲡⲉϫⲁϥⲛⲁϥϫⲉ·ⲡⲁϣⲏⲣⲉ,ⲧⲛⲥⲟⲟⲩⲛϫⲉⲟⲩϩⲟⲩⲟⲡⲉⲉⲧⲣⲉⲛⲥⲉⲛⲡⲉⲛⲙⲟⲛⲁⲥⲧⲏⲣⲓⲟⲛⲉⲃⲟⲗϩⲙⲡⲉⲛⲱⲛϩ·ⲁⲗⲗⲁϫⲉⲕⲁⲥⲛⲛⲉⲛϣⲱⲡⲉⲛⲁⲓϯⲟⲥⲛⲟⲩϣⲧⲟⲣⲧⲣⲛⲧⲉⲓⲙⲓⲛⲉⲛⲧⲉⲟⲩⲕⲣⲓⲙⲁϣⲱⲡⲉⲛⲁⲛϯⲙⲉⲉⲩⲉϫⲉⲛⲁⲛⲟⲩⲥⲉⲧⲣⲉⲛⲁⲛⲁⲭⲱⲣⲉⲓⲛⲁⲛⲉⲩⲙⲁⲙⲁⲩⲁⲁⲛ,ⲕⲁⲧⲁⲡⲉⲧⲥⲏϩϩⲛⲙⲡⲁⲣⲣⲟⲓⲙⲓⲁϫⲉ·ⲛⲁⲛⲟⲩⲥⲉⲟⲩⲱϩϩⲛⲟⲩⲕⲗϫⲉϩⲛⲟⲩϫⲉⲛⲉⲡⲱⲣⲉϩⲟⲩⲉⲉⲟⲩⲱϩϩⲛⲟⲩⲏⲓⲛⲃⲣⲣⲉⲙⲛϩⲉⲛⲙⲁⲉⲩϫⲏϩϩⲛⲟⲩⲙⲓϣⲉ·ⲥⲣⲛⲟϥⲣⲉⲛⲁⲛⲟⲩⲛⲉⲧⲣⲉⲛⲁⲛⲁⲭⲱⲣⲉⲓⲛⲁⲛϩⲛⲟⲩⲙⲁⲙⲁⲩⲁⲁⲛⲛⲧⲛⲥⲣϥⲉⲉⲡⲟⲩϫⲁⲓⲛⲛⲉⲛⲯⲩⲭⲏ,ⲡⲁⲓⲛⲧⲁⲛⲁⲡⲟⲧⲁⲥⲥⲉⲙⲡⲕⲟⲥⲙⲟⲥⲙⲛⲛⲉⲧⲛϩⲏⲧϥⲉⲧⲃⲏⲏⲧϥ,ⲛϩⲟⲩⲟⲉⲣⲟⲥⲛⲧⲛϩⲙⲟⲟⲥϩⲙⲡⲉⲓⲙⲁⲉⲧⲣⲉⲛⲛⲁⲩⲉⲧⲇⲓⲁⲥⲧⲣⲟⲫⲏⲙⲡⲉⲛⲙⲟⲛⲁⲥⲧⲏⲣⲓⲟⲛⲧⲁⲓⲧⲉⲧⲁⲓⲧⲓⲁⲛⲧⲁⲩⲉⲓⲉⲃⲟⲗϩⲙⲡⲉⲩⲙⲟⲛⲁⲥⲧⲏⲣⲓⲟⲛⲉⲧⲃⲏⲏⲧⲥ·ⲙⲁⲗⲗⲟⲛⲇⲉⲟⲩⲟⲓⲕⲟⲛⲟⲙⲓⲁⲛⲧⲉⲡⲛⲟⲩⲧⲉⲧⲛⲧⲁⲥϣⲱⲡⲉϫⲉⲕⲁⲥⲉϥⲉⲟⲩⲱⲛϩⲉⲃⲟⲗⲛⲛⲉⲭⲁⲣⲓⲥⲛⲧⲉϥⲙⲛⲧⲁⲅⲁⲑⲟⲥⲉⲧⲟⲓⲕⲟⲛⲟⲙⲉⲓⲛⲛⲥⲱⲙⲁⲙⲛⲛⲉⲛⲯⲩⲭⲏϩⲓⲧⲛⲛⲉϥⲥⲱⲧⲡⲁⲩⲱⲛⲧⲉⲟⲩⲙⲏⲏϣⲉⲟⲩϫⲁⲓⲉⲃⲟⲗϩⲓⲧⲟⲟⲧⲟⲩ·

ⲛⲧⲉⲣⲟⲩⲉⲓⲇⲉⲉⲃⲟⲗϩⲙⲡⲉⲩⲙⲟⲛⲁⲥⲧⲏⲣⲓⲟⲛⲁⲩⲕⲁⲧⲁⲛⲧⲁⲉⲩϯⲙⲉϩⲛⲧⲉⲭⲱⲣⲁⲉⲧⲙⲙⲁⲩⲛⲧⲉⲧⲗⲩⲕⲓⲁⲉϥⲥϭⲣⲉϩⲧⲁⲩⲱⲁⲩⲟⲩⲱϩϩⲛⲟⲩⲉⲕⲕⲗⲏⲥⲓⲁϩⲙⲡϯⲙⲉⲉⲧⲙⲙⲁⲩⲉⲩⲙⲟⲩⲧⲉⲉⲣⲟⲥϩⲙⲡⲣⲁⲛⲙⲡϩⲁⲅⲓⲟⲥⲉⲧⲧⲁⲓⲏⲩⲙⲙⲁⲣⲧⲩⲣⲟⲥⲑⲉⲟⲕⲧⲓⲥⲧⲟⲥ·ⲡⲉⲓⲕⲉⲟⲩⲁⲇⲉⲟⲛⲛⲧⲁϥϣⲱⲡⲉⲛⲧⲉⲓϩⲉϩⲁⲡⲗⲱⲥⲁⲗⲗⲁϫⲉⲕⲁⲥⲉⲣⲉⲛⲉϣⲡⲏⲣⲉⲙⲡⲛⲟⲩⲧⲉⲟⲩⲱⲛϩⲉⲃⲟⲗ,ⲕⲁⲧⲁⲧϩⲉⲛⲧⲁⲡⲁⲓⲟⲩⲱⲛϩⲉⲃⲟⲗϩⲓⲧⲛⲧϩⲉⲣⲙⲏⲛⲉⲓⲁⲙⲡⲣⲁⲛⲉⲧⲧⲁⲓⲏⲩⲙⲡⲙⲁⲣⲧⲩⲣⲟⲥⲑⲉⲟⲕⲧⲓⲥⲧⲟⲥ,ⲉϥϣⲣⲡⲥⲩⲙⲁⲛⲉⲛⲛⲉⲧⲛⲁϣⲱⲡⲉϩⲙⲡⲉϥⲉⲩⲕⲧⲏⲣⲓⲟⲛϩⲓⲧⲛⲛⲉⲓⲡⲉⲧⲟⲩⲁⲁⲃ·ⲑⲉⲟⲕⲧⲓⲥⲧⲟⲥⲅⲁⲣⲉϣⲁⲩϩⲉⲣⲙⲏⲛⲉⲩⲉⲙⲙⲟϥϫⲉ·ⲡⲉⲛⲧⲁⲩⲕⲟⲧϥϩⲓⲧⲙⲡⲛⲟⲩⲧⲉ,ϩⲙⲡⲧⲣⲉⲛⲉⲓⲡⲉⲧⲟⲩⲁⲁⲃⲉⲧⲙⲙⲁⲩϫⲓⲕⲱⲧϩⲙⲡⲣⲁⲛⲙⲡⲙⲁⲣⲧⲩⲣⲟⲥϩⲓⲧⲛⲛⲉⲩⲁⲥⲕⲏⲥⲓⲥⲙⲛⲛⲉⲩⲁⲅⲱⲛⲉⲧⲟϣ·ⲁⲩⲕⲱⲧϩⲱⲟⲩⲛϩⲉⲛⲁϣⲏⲙⲯⲩⲭⲏϩⲓⲧⲛⲛⲉϣⲡⲏⲣⲉⲙⲛⲛⲧⲁⲗϭⲟⲛⲧⲁⲡⲛⲟⲩⲧⲉⲉⲛⲉⲣⲅⲉⲓⲙⲙⲟⲩⲟⲃⲟⲗϩⲓⲧⲟⲟⲧⲟⲩϩⲙⲡⲧⲟⲡⲟⲥⲉⲧⲙⲙⲁⲩ·ⲛⲧⲉⲣⲟⲩⲟⲩⲱϩϩⲙⲡⲙⲁⲉⲧⲙⲙⲁⲩⲛⲉⲣⲉϩⲁϩⲛⲏⲩϩⲛⲧⲡⲉⲣⲓⲭⲱⲣⲟⲥⲉⲩⲉⲓⲛⲉⲛⲛⲉⲧϣⲱⲛⲉ,ⲛϩⲟⲩⲟⲇⲉⲛⲉⲧⲉⲣⲉⲛⲉⲡⲛⲉⲩⲙⲁⲛⲁⲕⲁⲑⲁⲣⲧⲟⲛϩⲓⲱⲟⲩ,ⲉⲩϫⲧⲟⲙⲙⲟⲟⲩϩⲙⲕⲟⲓⲙⲏⲧⲏⲣⲓⲟⲛⲉⲧⲙⲙⲁⲩ·ⲁⲩⲱⲛⲉⲩⲙⲁⲧⲉⲙⲡⲧⲁⲗϭⲟϩⲓⲧⲛⲛⲉϣⲗⲏⲗⲙⲡⲡⲉⲧⲟⲩⲁⲁⲃⲉⲧⲙⲙⲁⲩ·

ⲟⲩⲥϩⲓⲙⲉⲅⲁⲣⲉⲣⲉⲟⲩⲡⲛⲉⲩⲙⲁⲛⲛⲁⲕⲁⲑⲁⲣⲧⲟⲛϩⲓⲱⲱⲥⲉϥⲛⲁϣⲧⲉⲙⲁⲧⲉ,ⲡⲁⲓⲇⲉⲛⲉⲥⲉⲓⲣⲉⲛϩⲉⲛⲛⲟϭⲛϣⲧⲟⲣⲧⲣⲙⲛϩⲉⲛⲧⲁⲣⲁⲭⲏϩⲓⲧⲙⲡⲇⲁⲓⲙⲱⲛⲉⲧⲛϩⲏⲧⲥϩⲱⲥⲧⲉⲟⲩⲟⲛⲛⲓⲙⲉⲧⲛⲁϩⲱⲛⲉϩⲟⲩⲛⲉⲣⲟⲥⲛⲥⲡⲁϩⲛⲉⲩϩⲟⲓⲧⲉⲁⲩⲱⲟⲛⲡⲉⲩⲕⲉⲥⲱⲙⲁ·ⲛⲧⲉⲣⲟⲩⲛⲧⲥⲉⲣⲁⲧⲟⲩⲛⲛϩⲙϩⲁⲗⲙⲡⲛⲟⲩⲧⲉⲁⲩⲱⲛⲥⲉⲥⲡⲥⲱⲡⲟⲩϫⲉⲉⲩⲉϣⲗⲏⲗⲉϫⲱⲥⲛⲥⲙⲁⲧⲉⲙⲡⲧⲁⲗϭⲟϩⲓⲧⲛⲛⲉⲩⲡⲣⲉⲥⲃⲉⲓⲁ,ⲁⲥⲁⲣⲭⲉⲓⲇⲉⲟⲛⲛϯⲁⲥⲡⲁⲣⲁⲥⲥⲉⲁⲩⲱⲛⲉⲡⲉⲓⲭⲉⲣⲉⲓⲉⲛⲉⲧⲙⲡⲉⲥⲕⲱⲧⲉ·ⲧⲟⲧⲉⲁⲥϩⲉϩⲁⲛⲉⲩⲟⲩⲉⲣⲏⲧⲉⲁⲥϭⲱⲉⲥϩⲓⲧⲉϩⲓⲧⲙⲡⲉⲡⲛⲉⲩⲙⲁⲙⲡⲟⲛⲏⲣⲟⲛⲉⲧⲛⲙⲙⲁⲥⲁⲩⲱⲛⲉⲥⲛⲉϫⲥⲃⲏⲏⲧⲉⲉⲃⲟⲗϩⲛⲣⲱⲥ·ⲛⲧⲉⲣⲉⲥⲱϣⲉⲃⲟⲗϩⲛⲟⲩⲛⲟϭⲛϩⲣⲟⲟⲩⲛⲉⲁⲥⲣⲧϩⲉⲛⲛⲉⲧⲙⲟⲟⲩⲧⲡⲉ·ⲧⲟⲧⲉⲡⲙⲁⲕⲁⲣⲓⲟⲥⲗⲟⲩⲕⲓⲟⲥⲛⲧⲉⲣⲉϥϣⲛϩⲧⲏϥϩⲁⲣⲟⲥⲁϥⲁⲣⲭⲉⲓⲛϣⲗⲏⲗⲁⲩⲱⲉⲧⲁⲗⲉⲛⲉϥϭⲓϫⲉϫⲱⲥⲁϥⲟⲩⲉϩⲥⲁϩⲛⲉⲙⲡⲉϥⲙⲁⲑⲏⲧⲏⲥⲗⲟⲅⲅⲓⲛⲟⲥⲉⲧⲣⲉϥϣⲗⲏⲗϩⲱⲱϥⲁⲩⲱⲛϥⲕⲱⲛⲛⲉϥϭⲓϫϩⲣⲁⲓⲉϫⲱⲥⲛϥⲥⲫⲣⲁⲅⲓⲍⲉⲙⲙⲟⲥ·ⲡⲁⲓⲇⲉⲛⲧⲉⲣⲟⲩⲁⲁϥⲁⲡⲇⲁⲓⲙⲱⲛⲓⲟⲛⲉⲓⲉⲃⲟⲗⲛϩⲏⲧⲥⲛⲧⲉⲩⲛⲟⲩⲁⲩⲱⲁⲥⲧⲱⲟⲩⲛⲛⲧϩⲉⲙⲡⲉⲛⲧⲁϥⲧⲱⲟⲩⲛϩⲁⲡϩⲓⲛⲏⲃⲉⲁⲥⲧⲃⲃⲟⲉⲃⲟⲗϩⲛⲧⲙⲁⲥⲧⲓⲅⲝⲉⲧⲛⲙⲙⲁⲥ·ⲁⲩⲱⲛⲧⲉⲓϩⲉⲁⲥϣⲱⲡⲉⲉⲥⲇⲓⲁⲕⲟⲛⲉⲓⲉⲛⲉⲧϣⲱⲛⲉϩⲙⲡⲙⲁⲣⲧⲏⲣⲓⲟⲛϫⲓⲛⲉⲡⲉϩⲟⲟⲩⲉⲧⲙⲙⲁⲩϣⲁⲡⲉⲥⲙⲟⲩ·ⲡⲁⲓⲟⲩⲛⲡⲉⲡϣⲟⲣⲡⲙⲙⲁⲉⲓⲛⲛⲧⲁⲡⲛⲟⲩⲧⲉⲉⲛⲉⲣⲅⲉⲓⲙⲙⲟϥⲉⲃⲟⲗϩⲓⲧⲟⲟⲧⲟⲩⲙⲛⲛⲥⲁⲧⲣⲉⲩⲉⲓⲉⲃⲟⲗϩⲙⲙⲟⲛⲁⲥⲧⲏⲣⲓⲟⲛⲛⲥⲉⲟⲩⲱϩϩⲛⲧⲉⲕⲕⲗⲏⲥⲓⲁⲉⲧⲙⲙⲁⲩ·

ANNIS Metadata

Arabic_translation: Safaa Mahfouz Mohamed

Coptic_edition: Tito Orlandi, A. Campagnano, Vite dei monaci Phif e Longino. Milano, Cisalpino Goliardica, 1975, pp. 47-93 (Vita Longinis)

annotation: Amir Zeldes, Caroline T. Schroeder, Julian Bogdani, Lance Martin

author: unknown

corpus: life.longinus.lucius

country: Egypt

document_cts_urn: urn:cts:copticLit:lives.longinus_lucius.paths_ed:0-9

entities: automatic

identities: checked

language: Sahidic Coptic

license: CC BY-NC-SA 4.0

msItem_title: The Life of Longinus and Lucius

next: urn:cts:copticLit:lives.longinus_lucius.paths_ed:10-16

note: Digital, TEI-XML encoded text from the PATHS GitHub Repository September 2019.

objectType: codex

order: 1

parsing: automatic

paths_works: 418

people: John the Apostle, Paul the Apostle, Saint Peter, Solomon

places: Alexandria, Jerusalem, Lycia

project: Coptic SCRIPTORIUM, CMCL, PATHS

redundant: no

segmentation: checked

source: PATHS, CMCL

source_info: PATHS, PATHS GitHub Repository

tagging: automatic

title: Life of Longinus and Lucius part 1

translation: Randy Komforty

version_date: 2025-11-25

version_n: 6.2.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:lives.longinus_lucius.paths_ed:0-9. [version number], [date]. https://data.copticscriptorium.org/urn:cts:copticLit:lives.longinus_lucius.paths_ed:0-9.

Subsequent citations:

Author, Ancient title (abbreviated) [chapter.verse if available], urn:cts:copticLit:lives.longinus_lucius.paths_ed:0-9.

Document Edition: urn:cts:copticLit:lives.longinus_lucius.paths_ed:0-9

Work: urn:cts:copticLit:lives.longinus_lucius

Text Group: urn:cts:copticLit:lives

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:lives.longinus_lucius.paths_ed:0-9/norm/html

Analytic Visualization HTML: https://data.copticscriptorium.org/urn:cts:copticLit:lives.longinus_lucius.paths_ed:0-9/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:lives.longinus_lucius.paths_ed:0-9/tei/xml

Paula XML: https://data.copticscriptorium.org/urn:cts:copticLit:lives.longinus_lucius.paths_ed:0-9/paula/xml

relANNIS: https://data.copticscriptorium.org/urn:cts:copticLit:lives.longinus_lucius.paths_ed:0-9/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:lives.longinus_lucius.paths_ed:0-9/annis