The Asceticon of Apa Ephrem part 2
normalized analytic TEI ANNIS PAULA Search ANNIS
Previous

Normalized Text

ⲉⲧⲓⲇⲉⲉⲛϣⲟⲟⲡϩⲛⲛⲁⲓⲛⲧⲉⲓⲙⲓⲛⲉ·ⲉⲓⲕⲏ·ⲙⲡⲉⲥⲭⲏⲙⲁⲛⲁϯϩⲏⲩⲙⲙⲟⲛⲁⲛ·
ⲁⲗⲗⲁⲧⲛϣⲟⲩⲉⲓⲧⲛⲥⲱⲃⲉⲛⲥⲱⲛⲙⲁⲩⲁⲁⲛⲉⲣⲉⲡⲉⲛϩⲏⲧϩⲛⲛⲉⲓϩⲃⲏⲩⲉⲛⲧⲉⲓⲙⲓⲛⲉ·
ⲱⲡⲙⲟⲛⲁⲭⲟⲥⲙⲡⲣⲛⲁϩⲧⲉⲉⲡⲉⲥⲭⲏⲙⲁ·ⲁⲗⲗⲁⲉⲓⲙⲉϫⲉⲕⲟⲛϣⲙⲙⲟ·ⲉⲛⲁⲧⲡⲉ·ⲁⲩⲱⲧⲉⲕⲯⲩⲭⲏⲟⲩⲟⲛϩⲉⲃⲟⲗϫⲉⲉⲥⲕⲏⲕⲁϩⲏⲩ·
ⲙⲏⲡⲱⲥϭⲉⲟⲩⲛⲟⲩⲁⲛⲁϫⲟⲟⲥ·ϫⲉⲙⲡⲁⲑⲟⲥⲙⲡⲥⲱⲙⲁϩⲉⲛⲫⲩⲥⲓⲕⲟⲛⲛⲉ·ⲉⲙⲛⲁⲣⲓⲕⲉ⁛—ⲉⲡⲉⲧⲛⲁⲣϩⲙϩⲁⲗⲛⲁⲩ·
ϭⲱϣⲧϭⲉⲱⲡⲥⲟⲛϫⲉⲛⲛⲉⲕⲉⲓⲛⲉⲉϫⲱⲕⲛⲟⲩⲉⲅⲕⲗⲏⲙⲁ
ⲉⲕⲉⲓⲛⲉ·ⲛⲛⲥⲱⲛⲧⲙⲡⲛⲟⲩⲧⲉⲛⲁⲅⲁⲑⲟⲥ·ⲉϩⲉⲛⲡⲁⲣⲁⲫⲩⲥⲓⲛⲉⲧⲃⲉⲛⲉⲕⲟⲩⲱϣ·ⲙⲛⲛⲉⲕⲁⲙⲉⲗⲓⲁ·
ⲛⲉⲛⲧⲁⲡⲛⲟⲩⲧⲉⲅⲁⲣⲧⲁⲙⲓⲟⲟⲩⲧⲏⲣⲟⲩⲛⲁⲛⲱⲟⲩⲉⲙⲁⲧⲉ·
ⲁϥⲕⲟⲥⲙⲉⲓⲛⲧⲉⲩⲫⲩⲥⲓⲥϩⲛϩⲉⲛⲥⲁ·ⲙⲛϩⲉⲛⲭⲣⲉⲓⲁⲉⲩⲡⲣⲉⲡⲉⲓⲙⲡⲣⲱⲙⲉⲙⲛϩⲉⲛⲉⲛⲉⲣⲅⲉⲓⲁⲉⲛⲁⲛⲱⲟⲩ·
ⲉⲧⲉⲡⲁⲓⲡⲉⲟⲩⲛⲟⲩⲁⲙⲉⲛϩⲕⲁⲉⲓⲧⲕⲁⲧⲁⲫⲩⲥⲓⲛ·ⲙⲛⲁⲣⲓⲕⲉⲉⲣⲟϥⲉϥϣⲁⲛⲟⲩⲱⲙϩⲛⲟⲩϣⲓ·
ⲉϥϣⲁⲛⲟⲩⲱⲙⲇⲉϩⲛⲟⲩⲙⲛⲧϣⲛⲁϥⲛⲁϣⲱⲡⲉⲛⲉⲛⲟⲭⲟⲥⲉⲡⲁⲣⲓⲕⲉ·
ⲡⲉϩⲕⲟⲅⲁⲣⲟⲩⲫⲩⲥⲓⲕⲟⲛⲡⲉ·
ϩⲟⲙⲟⲓⲱⲥⲟⲛⲟⲩⲛⲟⲩⲁⲟⲃⲉⲙⲛⲁⲣⲓⲕⲉⲉⲣⲟϥ·ⲉϥϣⲁⲛⲥⲱϩⲛⲟⲩⲣⲱϣⲉ·
ⲉϥϣⲁⲛⲥⲱⲇⲉϩⲛⲟⲩⲙⲛⲧⲁⲧⲥⲉⲓ·ϣⲁⲩϭⲙⲁⲣⲓⲕⲉⲉⲣⲟϥⲉⲃⲟⲗϫⲉⲡⲉⲓⲕⲉⲟⲩⲫⲩⲥⲓⲕⲟⲛⲡⲉ·
ⲧⲙⲛⲧⲁⲧⲥⲉⲓⲇⲉⲟⲩⲡⲁⲣⲁⲫⲩⲥⲓⲛⲧⲉ·
ⲉⲣϣⲁⲛⲟⲩⲁⲇⲉⲛⲕⲟⲧⲕⲕⲁⲧⲁⲫⲩⲥⲓⲛⲙⲛⲁⲣⲓⲕⲉⲉⲣⲟϥ
ⲉϥϣⲁⲛⲛⲕⲟⲧⲕⲡⲁⲣⲁⲡϣⲓⲙⲛⲧϥⲧⲁⲓⲟⲙⲙⲁⲩϫⲉⲁϥⲃⲗⲡⲥⲱⲙⲁⲉⲃⲟⲗⲉⲡⲉϩⲟⲩⲟ·ⲉⲁϥⲧⲁⲁϥⲉⲧⲟⲟⲧϥⲙⲡⲡⲁⲑⲟⲥⲙⲡⲓϩⲓⲛⲏⲃ·ⲉⲁϥⲡⲁⲣⲁⲇⲓⲇⲟⲩⲙⲙⲟϥⲛⲛⲉⲫⲁⲛⲧⲁⲥⲓⲁ·ϩⲓⲧⲛⲧⲁⲙⲉⲗⲓⲁ·
ⲉⲣϣⲁⲛⲧⲥⲩⲛⲏⲑⲓⲁ·ⲙⲡϩⲓⲛⲏⲃⲣϩⲟⲩⲟϣⲁⲥⲣϫⲟⲉⲓⲥⲉⲡⲉⲫⲩⲥⲓⲕⲟⲛ·
ⲧⲉⲫⲩⲥⲓⲥⲅⲁⲣⲙⲛⲧⲥⲩⲛⲏⲑⲓⲁⲛⲧⲟⲟⲩⲛⲉⲛⲣⲉϥⲧⲁϣⲉⲟⲉⲓϣⲙⲡⲙⲉⲣⲟⲥⲥⲛⲁⲩ·
ⲧⲉⲫⲩⲥⲓⲥⲟⲩⲱⲛϩⲙⲙⲟⲥⲉⲃⲟⲗϫⲉⲟⲩϩⲙϩⲁⲗⲧⲉⲧⲥⲩⲛⲏⲑⲓⲁⲉⲥⲟⲩⲱⲛϩⲉⲃⲟⲗⲛⲧⲉⲡⲣⲟϩⲁⲓⲣⲉⲥⲓⲥ·ⲉⲣⲉⲡⲣⲱⲙⲉⲅⲁⲣⲁϩⲉⲣⲁⲧϥϩⲙⲡⲙⲉⲣⲟⲥⲥⲛⲁⲩ⁛—
ⲧⲉⲡⲣⲟϩⲁⲓⲣⲉⲥⲓⲥⲇⲉⲥⲟⲙⲡⲉⲥϫⲟⲉⲓⲥ·ⲙⲙⲓⲛⲙⲙⲟⲥ⁛—
ⲉⲥⲟⲛⲧϩⲉⲛⲟⲩⲟⲓⲉⲓⲉϣⲁϥⲧⲱϭⲉⲛϩⲉⲛⲥⲩⲛⲏⲑⲓⲁⲉⲩϩⲟⲟⲩϩⲛⲧⲉⲫⲩⲥⲓⲥ·ⲙⲛϩⲉⲛⲁⲣⲉⲧⲏⲉⲛⲁⲛⲱⲟⲩ·ⲕⲁⲧⲁⲡⲉⲧⲉϩⲛⲁϥϣⲁϥⲧⲉϭⲛⲉⲧϩⲟⲟⲩ
ⲙⲡⲉⲓⲥⲙⲟⲧϩⲣⲁⲓⲙⲉⲛϩⲙⲡⲉϩⲕⲟ·ⲡⲗⲓⲃⲉⲛⲧϩⲏ·
ϩⲙⲡⲉⲓⲃⲉⲇⲉϩⲱⲱϥ·ⲧⲙⲛⲧϣⲛⲁ·
ⲡϩⲓⲛⲏⲃⲇⲉϩⲱⲱϥ·ⲡⲃⲱⲗⲉⲃⲟⲗⲉⲡⲉϩⲟⲩⲟϩⲛⲟⲩϩⲓⲛⲏⲃⲉϥϩⲟⲣϣ·
ϩⲣⲁⲓⲟⲛϩⲙⲡⲛⲁⲩⲛⲛⲃⲁⲗ·ⲙⲙⲉⲉⲩⲉⲉⲧϩⲟⲟⲩϩⲣⲁⲓϩⲛⲧⲙⲉⲧⲥⲩⲛⲏⲑⲓⲁⲙⲡϭⲟⲗ·
ϣⲁϥⲧⲱϭⲉⲟⲛⲛⲛⲁⲣⲉⲧⲏⲉⲧⲛⲁⲛⲱⲟⲩϩⲙⲡⲉⲓⲥⲙⲟⲧⲛⲟⲩⲱⲧ·
ϩⲣⲁⲓϩⲙⲡⲉⲓⲃⲉ·ⲧϩⲩⲡⲟⲙⲟⲛⲏ
ϩⲣⲁⲓϩⲙⲡϩⲓⲛⲏⲃ·ⲧⲉⲩϣⲏⲛⲣⲟⲉⲓⲥ
ϩⲣⲁⲓϩⲙⲡϭⲟⲗ·ⲧⲟⲡⲕⲉⲧⲙⲉ
ϩⲣⲁⲓϩⲙⲡⲛⲁⲩⲛⲛⲃⲁⲗ·ⲧⲙⲛⲧϣⲁⲩ·
ⲧⲉⲡⲣⲟϩⲁⲓⲣⲉⲥⲓⲥⲅⲁⲣⲉⲥⲧⲛⲧⲱⲛⲉⲡⲟⲩⲉⲓ·
ⲡⲁⲓⲅⲁⲣϩⲛⲟⲩⲣⲓⲕⲉⲛⲛⲃⲁⲗϣⲁϥⲡⲱⲣⲕⲛⲛⲥⲩⲛⲏⲑⲓⲁⲉⲧϩⲟⲟⲩⲛϥⲧⲱϭⲉⲛⲛⲁⲣⲉⲧⲏⲉⲧⲛⲁⲛⲱⲟⲩⲕⲁⲧⲁⲡⲉⲧⲉϩⲛⲁϥ·ⲉⲡⲉⲓⲇⲏⲁϥϫⲣⲟⲉⲧⲉⲫⲩⲥⲓⲥ·
ⲧⲉⲫⲩⲥⲓⲥⲅⲁⲣⲉⲥⲧⲛⲧⲱⲛⲉⲩⲕⲁϩⲉϣⲁⲩⲣϩⲱⲃⲉⲣⲟϥ·
ⲡⲉⲥⲟⲩⲟⲓⲇⲉⲡⲉⲧⲉⲡⲣⲟϩⲁⲓⲣⲉⲥⲓⲥ·
ⲧⲉⲅⲣⲁⲫⲏϭⲉⲉⲧⲟⲩⲁⲁⲃⲥϯⲥⲃⲱⲛⲁⲛ·ⲁⲩⲱⲥⲧⲥⲁⲃⲟⲙⲙⲟⲛ·ϫⲉⲁϣⲛⲉⲛⲥⲩⲛⲏⲑⲓⲁ·ⲉⲧϩⲟⲟⲩⲉⲧⲙⲡϣⲁⲙⲡⲟⲣⲕⲟⲩⲙⲛⲛⲉⲩⲛⲟⲩⲛⲉ·ⲁⲩⲱϫⲉⲁϣⲛⲉⲛⲁⲣⲉⲧⲏ·ⲉⲧⲛⲁⲛⲱⲟⲩⲉⲧⲉϣϣⲉ·ⲉⲧⲟⲟϭⲟⲩⲁⲩⲱⲉⲣϩⲱⲃⲉⲣⲟⲟⲩⲛϥϣⲱⲡⲉⲉϥⲣⲏⲥ·
ⲡⲟⲩⲟⲓⲅⲁⲣⲉⲧⲉⲛϥⲥⲟⲟⲩⲛⲁⲛ·ⲛⲧϭⲟⲙⲛⲛⲉⲅⲣⲁⲫⲏ·ⲟⲩⲁⲧϭⲟⲙⲡⲉ·ⲁⲩⲱⲟⲩϩⲓⲇⲓⲱⲧⲏⲥ
ⲡⲉⲧⲛⲟⲙⲟⲑⲉⲥⲓⲁⲅⲁⲣⲛⲛⲉⲅⲣⲁⲫⲏϣⲁⲥϯϭⲟⲙⲅⲁⲣϩⲓⲙⲛⲧⲣⲙⲛϩⲏⲧ·ⲛⲥϯⲛϩⲉⲛⲁⲣⲉⲧⲏⲉⲛⲁⲛⲱⲟⲩⲉⲃⲟⲗϩⲛⲛⲉⲥⲕⲗⲁⲇⲟⲥⲙⲙⲓⲛⲙⲙⲟⲥⲕⲁⲧⲁϯϩⲉ·
ϣⲁⲥϯⲛⲁϥⲛⲟⲩⲡⲓⲥⲧⲓⲥ·ⲉⲛⲁⲛⲟⲩⲥⲉⲧⲣⲉϥⲧⲟϭⲥϩⲛⲧⲉϥⲙⲛⲧⲁⲡⲓⲥⲧⲟⲥ·ⲁⲩⲱⲟⲩϩⲗⲡⲓⲥϩⲛⲟⲩⲙⲛⲧⲁⲧⲛⲁϩⲧⲉ·ⲁⲩⲱⲟⲩⲁⲅⲁⲡⲏϩⲛⲟⲩⲙⲟⲥⲧⲉ·ⲁⲩⲱⲟⲩⲥⲱⲟⲩⲛϩⲛⲟⲩⲙⲛⲧⲁⲧⲥⲟⲟⲩⲛ·ⲟⲩⲥⲡⲟⲩⲇⲏϩⲛⲟⲩⲙⲛⲧⲁⲙⲉⲗⲏⲥ·ⲟⲩⲧⲁⲉⲓⲟ·ⲙⲛⲟⲩⲉⲟⲟⲩ·
ⲡⲉⲧϣⲉⲡϩⲓⲥⲉϣⲁϥⲧⲱϭⲉⲛⲟⲩⲙⲛⲧⲁⲧⲙⲟⲩ·ⲁⲩⲱⲟⲩⲙⲛⲧⲛⲟⲩⲧⲉϩⲛⲧⲉϥⲙⲛⲧⲣⲱⲙⲉ·
ⲉⲣϣⲁⲛⲡⲉⲛⲟⲩⲟⲉⲓ·ϭⲉⲉⲧⲉⲧⲁⲓⲧⲉⲧⲉⲡⲣⲟϩⲁⲓⲣⲉⲥⲓⲥⲕⲱⲛⲥⲱϥⲙⲡϥⲥⲁϩ·ⲉⲧϯⲥⲃⲱⲛⲁϥⲉⲧⲉⲧⲁⲓⲧⲉⲧⲉⲅⲣⲁⲫⲏⲉⲧⲟⲩⲁⲁⲃ·ϣⲁⲩϩⲉⲉⲣⲟϥⲉϥⲡⲗⲁⲛⲁ·
ⲁⲩⲱⲛϥⲉⲓⲉϩⲣⲁⲓⲉϩⲉⲛⲙⲉⲉⲩⲉⲉⲩϩⲟⲟⲩ·ⲉⲩⲥⲱⲟⲩϩⲛⲁϥⲉϩⲟⲩⲛⲛϩⲉⲛⲥⲩⲛⲏⲑⲓⲁⲉⲩϩⲟⲟⲩ·ⲉϥⲧⲱϭⲉⲙⲙⲟⲟⲩϩⲛⲧⲉϥⲫⲩⲥⲓⲥⲉⲛⲉⲥⲏⲡⲉⲣⲟⲥⲁⲛ
ⲉⲧⲉⲛⲁⲓⲛⲉ·ⲟⲩⲙⲛⲧⲁⲡⲓⲥⲧⲟⲥ·ⲟⲩⲙⲛⲧⲉⲓⲁⲧⲟⲟⲧⲕⲛⲥⲱⲕⲙⲙⲓⲛⲙⲙⲟⲕ·ⲟⲩⲙⲟⲥⲧⲉⲟⲩⲫⲑⲟⲛⲟⲥⲟⲩⲙⲛⲧⲙⲁⲓⲉⲟⲟⲩⲉϥϣⲟⲩⲉⲓⲧ⁛—ⲟⲩⲗⲓⲃⲉⲛϩⲏ·ⲟⲩⲙⲛⲧϣⲛⲁ·ⲡⲟⲩⲱϩⲙ·ⲡϯⲧⲱⲛⲙⲛⲛⲉⲧⲉⲓⲛⲉⲛⲛⲁⲓ·
ⲛⲧⲁⲛⲁⲓϣⲱⲡⲉⲙⲙⲟϥ·ϫⲉⲁϥⲕⲁⲡⲛⲟⲙⲟⲑⲉⲧⲏⲥⲛⲥⲱϥ
ⲉϥϣⲁⲛⲣϩⲧⲏϥⲇⲉⲛϥϭⲙⲁⲣⲓⲕⲉⲉⲣⲟϥⲙⲙⲓⲛⲙⲙⲟϥ·ⲛϥϭⲉⲡⲏⲛϥⲡⲁϩⲧϥⲙⲡⲛⲟⲙⲟⲑⲉⲧⲏⲥ·ⲛϥϫⲟⲟⲥⲉϥⲣⲓⲙⲉ·ϫⲉⲁⲓⲣⲛⲟⲃⲉϫⲉⲁⲓⲕⲁⲁⲕⲛⲥⲱⲓ
ⲛⲧⲉⲩⲛⲟⲩϣⲁⲣⲉⲡⲛⲟⲙⲟⲑⲉⲧⲏⲥϣⲟⲣⲡϥⲉⲣⲟϥ·ϩⲛⲧⲉϥⲙⲛⲧⲙⲁⲓⲣⲱⲙⲉⲉⲧⲟϣ·
ⲁⲩⲱϣⲁϥϯⲛⲁϥⲛⲟⲩⲙⲛⲧⲣⲙⲛϩⲏⲧⲉⲛⲁⲛⲟⲩⲥⲙⲛⲟⲩϭⲟⲙⲉⲧⲣⲉϥⲣϩⲱⲃⲉⲡⲕⲁϩⲛⲧⲉⲫⲩⲥⲓⲥⲛⲕⲉⲥⲟⲡ·
ⲛϥⲡⲱⲣⲕⲉⲃⲟⲗⲛϩⲏⲧⲥⲛⲛⲥⲩⲛⲏⲑⲓⲁⲉⲧϩⲟⲟⲩⲛϥϯⲛⲁϥⲛⲛⲁⲣⲉⲧⲏⲉⲧⲥⲟⲧⲡ·ⲁⲩⲱⲉⲧⲛⲁⲛⲱⲟⲩ·ⲉⲧⲣⲉϥⲧⲟϭⲟⲩⲉⲡⲙⲁⲛⲛⲉⲧϩⲟⲟⲩⲛϥϯⲛⲁϥⲛϩⲉⲛⲕⲗⲟⲙ·ⲙⲛϩⲉⲛⲧⲁⲉⲓⲟⲉⲛⲁϣⲱⲟⲩ·
ⲁϥϩⲕⲟⲕⲁⲧⲁⲫⲩⲥⲓⲛ·ⲁⲗⲗⲁⲁϥϩⲩⲡⲟⲙⲉⲓⲛⲉ·
ⲁϥⲉⲡⲓⲑⲩⲙⲉⲓⲁⲗⲗⲁ·ⲁϥϣⲱⲡⲉⲛϣⲁⲩ·
ⲡϩⲓⲛⲏⲃϩⲟⲣϣⲉϫⲱϥ·ⲁⲗⲗⲁⲁϥⲁⲅⲱⲛⲓⲍⲉⲉⲧⲟⲩϣⲏⲛⲣⲟⲉⲓⲥ·
ⲉϥϫⲛⲁⲁⲩⲉⲯⲁⲗⲗⲉⲓ·
ⲁⲗⲗⲁϣⲁϥⲟⲩⲱⲛⲛⲣⲱϥⲛϥⲥⲙⲟⲩⲉⲡⲛⲟⲩⲧⲉϩⲛⲟⲩⲙⲛⲧϫⲱⲱⲣⲉ
ϣⲁⲩϯⲕⲗⲟⲙϭⲉⲉϫⲙⲡⲁⲓⲛϯⲙⲓⲛⲉⲛⲥⲉϯⲧⲁⲓⲟⲛⲁϥ·
ⲛⲉⲕⲗⲟⲙⲙⲉⲛϫⲉⲁϥⲁⲅⲱⲛⲓⲍⲉⲁϥϫⲣⲟⲧⲉⲫⲩⲥⲓⲥ·
ⲛⲧⲁⲓⲟⲇⲉϫⲉⲁϥϫⲡⲟⲛⲁϥⲛⲛⲁⲣⲉⲧⲏⲉⲧⲛⲁⲛⲱⲟⲩ·
ⲙⲁⲣⲛϯⲉⲟⲟⲩϭⲉⲧⲉⲛⲟⲩⲛⲧⲙⲛⲧⲙⲁⲓⲣⲱⲙⲉⲙⲡⲛⲟⲩⲧⲉⲁⲩⲱⲙⲁⲣⲛⲥⲙⲟⲩⲉⲣⲟϥ·ⲛⲧⲛⲟⲩⲱⲛϩⲉⲃⲟⲗⲛⲧⲉϥⲙⲛⲧⲁⲅⲁⲑⲟⲥ·
ⲙⲁⲣⲛⲡⲁϩⲧⲛⲛⲧⲛⲟⲩⲱϣⲧⲛⲧⲉϥⲙⲛⲧϣⲁⲛϩⲧⲏϥ·
ⲛⲓⲙⲅⲁⲣⲛⲉⲓⲱⲧⲡⲉⲧⲛⲁϣⲛϩⲧⲏϥⲛϯϩⲉ·
ⲏⲁϣⲛⲉⲓⲱⲧⲡⲉⲧⲙⲉⲛⲛⲉϥϣⲏⲣⲉⲛⲧϩⲉⲉⲧⲉⲣⲉⲡϫⲟⲉⲓⲥⲙⲉⲙⲙⲟⲛⲁⲛⲟⲛⲛⲉϥϩⲙϩⲁⲗ
ⲁϥⲭⲁⲣⲓⲍⲉⲛⲁⲛ·ⲛϩⲉⲛⲛⲟϭⲛⲇⲱⲣⲉⲁ·ⲉϥⲟⲓⲕⲟⲛⲟⲙⲉⲓⲙⲙⲟⲛϩⲛⲟⲩⲙⲛⲧⲛⲟϭ·
ⲉϥⲕⲱⲛⲁⲛⲉⲃⲟⲗϩⲛⲟⲩⲙⲛⲧⲛⲁⲏⲧ·ⲉϥⲑⲉⲣⲁⲡⲉⲩⲉⲛⲛⲥⲁϣⲛⲧⲉⲯⲩⲭⲏϩⲛⲟⲩⲙⲛⲧϣⲁⲛϩⲧⲏϥ·
ⲁⲗⲗⲁⲁⲛⲟⲛϩⲉⲛⲁⲧϩⲙⲟⲧⲧⲛⲛⲁⲁⲑⲉⲧⲉⲓⲙⲙⲟϥ⁛—
ϥϩⲟⲣϣⲛϩⲏⲧⲉϫⲱⲛⲛϥⲕⲱⲙⲙⲟⲛⲁⲛⲛⲥⲱϥ·ϥⲟⲩⲱϣⲅⲁⲣⲉⲧⲣⲉ·ⲟⲩⲟⲛⲛⲓⲙ·ⲟⲩϫⲁⲓⲛⲥⲉⲗⲟϩⲙⲡⲛⲟⲃⲉⲛⲥⲉⲗⲟϩⲙⲡⲛⲟⲃⲉϫⲉⲉⲩⲉⲕⲗⲏⲣⲟⲛⲟⲙⲉⲓⲛⲧⲉϥⲙⲛⲧⲣⲣⲟ·
ⲛⲉⲛϣⲱⲛⲉⲅⲁⲣⲧⲏⲣⲟⲩⲉⲧⲙⲟⲕϩⲁⲩⲱⲉⲧϩⲟⲣϣⲁϥⲣⲡⲁϩⲣⲉⲉⲣⲟⲟⲩϩⲛⲧⲉϥⲙⲛⲧⲁⲅⲁⲑⲟⲥ·
ⲡⲣⲉϥϫⲛⲁⲁⲩⲙⲉⲛⲉϥⲉⲓⲣⲉⲙⲙⲟϥⲛⲥⲡⲟⲩⲇⲁⲓⲟⲥ·ⲉϥⲧⲟⲩⲛⲟⲥⲙⲙⲟϥⲉϩⲟⲓⲛⲉⲛϩⲩⲙⲛⲟⲥⲙⲛⲛⲉⲯⲁⲗⲙⲟⲥ·
ⲡⲁⲧⲣⲛⲟⲃⲉϣⲁϥⲧⲟⲃⲥϥⲉⲧⲣⲉϥⲙⲉⲧⲁⲛⲟⲉⲓⲛϥⲕⲱⲛⲁϥⲉⲃⲟⲗⲛϥϯⲟⲩⲣⲟⲧⲛϩⲏⲧⲛⲁϥⲉϩⲟⲩⲛⲉⲧⲁⲣⲉⲧⲏϩⲛⲟⲩⲣⲓⲙⲉⲙⲛⲟⲩⲑⲃⲃⲓⲟ·
ⲡϭⲱⲃϣⲁϥⲥⲱⲧⲙⲉⲣⲟϥϩⲛⲟⲩϭⲉⲡⲏϫⲉⲛⲛϥⲣⲕⲟⲩⲓⲛϩⲏⲧⲙⲛⲛⲉⲧϩⲩⲡⲟⲙⲉⲓⲛⲉϣⲁϥⲭⲁⲣⲓⲍⲉⲛⲁⲩⲛⲧⲇⲱⲣⲉⲁⲙⲡⲉⲡⲛⲉⲩⲙⲁ·
ϣⲁϥϯⲧⲁⲓⲟⲛⲁⲩⲧⲏⲣⲟⲩϩⲁⲡⲃⲉⲉⲕⲉⲙⲡⲉⲩϩⲓⲥⲉ·
ⲟⲩⲛϭⲟⲙⲙⲉⲛⲙⲙⲟϥⲉⲥⲟⲕⲛⲉⲣⲟϥⲛϫⲛⲁϩⲁⲗⲗⲁⲛϥⲟⲩⲱϣ·ⲁⲛⲉⲧⲣⲉⲧⲛⲡⲣⲟϩⲁⲓⲣⲉⲥⲓⲥϣⲱⲡⲉⲛⲁⲧⲕⲁⲣⲡⲟⲥ·
ⲱⲡⲉⲓⲛⲟⲩⲧⲉⲛⲁⲅⲁⲑⲟⲥ·
ⲱⲡⲉⲓⲛⲟⲩⲧⲉⲙⲙⲁⲓⲣⲱⲙⲉ·
ⲱⲡⲉⲓⲛⲟⲩⲧⲉⲛⲁⲧϣⲁϫⲉⲉⲣⲟϥ·
ⲁⲩⲱⲁⲛⲟⲛⲧⲛⲕⲁⲧⲁⲫⲣⲟⲛⲉⲓ·ⲁⲩⲱⲧⲛⲁⲙⲉⲗⲉⲓ·ⲉϣⲓⲛⲉⲛⲥⲱϥⲉⲡⲉⲛϫⲟⲉⲓⲥⲡⲉⲛⲧⲟϥⲡⲉⲛⲧⲁϥⲧⲁⲙⲓⲟⲛⲉⲁϥⲙⲉⲣⲓⲧⲛⲁϥⲧⲁⲁϥϩⲁⲣⲟⲛ·ⲁⲩⲱⲧⲛϫⲛⲁⲁⲩⲉⲉⲡⲓⲕⲁⲗⲉⲓⲙⲙⲟϥ·
ⲁϥⲥⲟⲧⲛ
ⲁϥϯⲧⲟⲟⲧⲛ
ⲁϥⲣⲟⲩⲟⲉⲓⲛⲉⲛⲃⲁⲗⲙⲡⲉⲛⲛⲟⲩⲥ
ⲁϥϯⲡⲥⲟⲟⲩⲛⲉⲡⲉⲛϩⲏⲧ·
ⲁϥⲧⲣⲉⲛϫⲓϯⲡⲉⲙⲡⲉϩⲗⲟϭⲛⲧⲉϥⲁⲅⲁⲡⲏⲉⲧⲛⲟⲧⲙⲛⲟⲩⲟⲉⲓϣⲛⲓⲙ·
ⲛⲁⲓⲁⲧϥϭⲉⲙⲡⲉⲧⲛⲁⲙⲟⲩϩⲉⲃⲟⲗϩⲛⲧⲉϥⲁⲅⲁⲡⲏϫⲉⲙⲉⲣⲉⲕⲉⲟⲩⲱϣⲛϩⲏⲧⲣϫⲟⲉⲓⲥⲉϫⲱϥ
ⲥⲱⲧⲙϭⲉⲛⲁⲥⲛⲏⲩⲛⲁⲙⲉⲣⲁⲁⲧⲉ·
ⲛⲓⲙⲛⲥⲁⲃⲉⲡⲉⲧⲉⲛϥⲛⲁⲙⲉⲣⲉⲡⲉⲓϫⲟⲉⲓⲥⲁⲛⲛϯⲙⲓⲛⲉ·
ⲛⲓⲙⲡⲉⲧⲉⲛϥⲛⲁⲟⲩⲱϣⲧⲁⲛⲛϥⲉⲝⲟⲙⲟⲗⲟⲅⲉⲓⲛⲁϥ·
ϯⲥⲟⲡⲥⲡⲁⲩⲱϯⲡⲁⲣⲁⲕⲁⲗⲉⲓⲙⲙⲱⲧⲛⲉⲧⲙⲧⲣⲉⲧⲛⲁⲙⲉⲗⲉⲓⲉⲥⲙⲟⲩⲉⲡⲉⲓϫⲟⲉⲓⲥⲛⲣⲙⲣⲁϣ·
ⲛϣⲁⲛⲁⲙⲉⲗⲉⲓϭⲉⲱⲙⲙⲁⲓⲛⲟⲩⲧⲉ·ⲁϣⲧⲉⲧⲉⲛⲁⲡⲟⲗⲟⲅⲓⲁϩⲙⲡⲉϩⲟⲟⲩⲙⲡϩⲁⲡⲏⲛⲛⲁϫⲟⲟⲥϫⲉⲟⲩ·
ⲛⲛⲁϫⲟⲟⲥϫⲉⲙⲡⲉⲛⲥⲱⲧⲙⲏⲙⲡⲉⲛⲉⲓⲙⲉ·ⲏϫⲉⲙⲡⲟⲩⲧⲁⲙⲟⲛ·
ⲟⲩⲟⲓⲟⲩⲟⲓⲛⲉⲕⲃⲁⲟⲩⲟⲟⲗⲉⲉϫⲱⲛ·
ⲡⲉϫⲁϥϫⲉϩⲉⲛϩⲣⲟⲟⲩⲁⲩⲥⲱⲧⲙⲉⲣⲟⲟⲩϩⲙⲡⲉⲓⲁⲙⲡϩⲁⲡ·
ⲁϣϭⲉⲛⲉⲛⲉϩⲣⲟⲟⲩⲱⲛⲁⲥⲛⲏⲩⲛⲥⲁⲡⲣⲓⲙⲉⲙⲛⲡϭⲁϩϭϩⲛⲟⲃϩⲉ·
ⲁϣⲡⲉⲡϩⲱⲃⲉⲧⲉⲙⲡⲉϥⲁⲁϥⲛⲁⲛⲛϭⲓⲡⲉⲛϫⲟⲉⲓⲥⲡⲉⲧϣⲟⲟⲡϩⲛⲕⲟⲩⲱⲛϥⲙⲡⲉϥⲉⲓⲱⲧ·
ⲡⲉⲧϩⲙⲡϫⲓⲥⲉⲛⲁⲧϣⲁϫⲉⲉⲣⲟϥ·ⲙⲏⲙⲡϥⲑⲃⲃⲓⲟϥⲛϥⲉⲓⲉⲡⲉⲥⲏⲧϣⲁⲣⲟⲛ·
ⲡⲉⲓⲁⲧⲛⲁⲩⲉⲣⲟϥⲙⲏⲙⲡⲟⲩⲛⲁⲩⲉⲣⲟϥⲉⲧⲃⲏⲏⲧⲛ·
ⲡⲗⲟⲅⲟⲥⲛⲁⲧⲙⲟⲩⲁϥϫⲓⲥⲁⲣⲝⲁϥϫⲓϯⲡⲉⲙⲡⲙⲟⲩϩⲁⲣⲟⲛ·
ⲡⲉⲧϯⲧⲁⲓⲟⲛⲟⲩⲟⲛⲛⲓⲙⲙⲏⲙⲡⲟⲩⲥⲟϣϥ·
ⲙⲏⲙⲡⲟⲩϯⲁⲁⲥⲉϩⲟⲩⲛϩⲙⲡⲉϥϩⲟ·ⲉⲧⲃⲏⲏⲧⲛϫⲉⲉϥⲉⲁⲁⲩⲛⲣⲙϩⲉ·
ⲱⲧⲉⲓϣⲡⲏⲣⲉⲉⲧⲙⲉϩⲛϩⲟⲧⲉ·
ⲟⲩϭⲓϫⲛⲟⲙⲉⲟⲩϭⲓϫⲛⲕⲁϩϩⲓⲕⲣⲙⲉⲥⲉⲁⲩⲡⲗⲁⲥⲥⲉⲙⲙⲟⲥⲉⲃⲟⲗϩⲙⲡⲕⲁϩ·ⲁⲥⲧⲟⲗⲙⲁⲁⲥϯⲁⲁⲥⲉϩⲟⲩⲛϩⲙⲡϩⲟⲙⲡⲭⲣⲓⲥⲧⲟⲥⲡⲉⲛⲧⲁϥⲡⲗⲁⲥⲥⲉⲛⲧⲡⲉⲙⲛⲡⲕⲁϩ·ⲁⲩⲱⲁϥϥⲓⲉⲣⲟϥϩⲛⲟⲩⲑⲃⲃⲓⲟ·
ⲁⲛⲟⲛϩⲱⲱⲛⲛⲉⲓⲧⲁⲗⲁⲓⲡⲱⲣⲟⲥⲛⲉⲃⲓⲏⲛ·ⲉⲁⲛⲟⲛ·ⲟⲩⲕⲁϩⲙⲛⲟⲩⲕⲣⲙⲥⲙⲛⲉϣϥⲓⲉⲣⲟⲛ·ϣⲁⲡϣⲁϫⲉⲛⲛⲉⲛⲉⲣⲏⲩ·
ⲡⲉⲓⲁⲧⲙⲟⲩⲙⲏⲙⲡⲉϥϫⲓϯⲡⲉⲙⲡⲙⲟⲩ·ⲛⲥⲉⲧⲟⲙⲥϥⲉⲧⲃⲏⲏⲧⲛ·ϫⲉⲕⲁⲥⲉϥⲉⲧⲟⲩⲛⲟⲥⲛ·
ⲙⲏⲙⲡϥⲃⲱⲗⲉⲃⲟⲗⲛⲛⲉⲥⲛⲁⲩϩ·ⲙⲡϫⲁϫⲉ·ⲉⲁϥⲙⲟⲣϥⲁϥⲧⲁⲁϥⲉⲧⲟⲟⲧⲛⲉⲧⲣⲛⲥⲱⲃⲉⲙⲙⲟϥ·ⲉⲁϥϯⲛⲁⲛⲛⲧⲉⲝⲟⲩⲥⲓⲁ·ⲉⲧⲣⲉⲛϩⲱⲙⲉϫⲱϥ·
ⲛⲧⲁⲛⲱϣⲉϩⲣⲁⲓⲉⲣⲟϥ·ⲛⲁϣⲛϩⲟⲟⲩⲙⲡⲉϥⲥⲱⲧⲙⲉⲣⲟⲛ·
ⲕⲁⲛⲉⲛϣⲁⲛⲱⲥⲕⲛⲟⲩⲕⲟⲩⲓⲉϥⲟⲩⲱϣⲉⲧⲣⲉⲡⲉⲛⲃⲉⲉⲕⲉⲁϣⲁⲓ·
ⲥⲱⲧⲙⲱⲡⲥⲟⲛⲙⲙⲉⲣⲓⲧⲉⲓϣⲁϫⲉⲉⲣⲟⲕ·
ⲱⲡⲙⲟⲛⲁⲭⲟⲥ·ⲁϫⲓⲥⲉⲣⲟⲓϫⲉⲛⲧⲁⲕⲁⲡⲟⲧⲁⲥⲥⲉⲙⲡⲕⲟⲥⲙⲟⲥⲉⲧⲃⲉⲟⲩ·ⲉϣϫⲉⲕⲛⲁϣⲓⲛⲉⲟⲛⲛⲥⲁⲧⲙⲟⲧⲛⲥⲙⲡⲕⲟⲥⲙⲟⲥ·ⲛⲅⲛⲁⲟⲩⲱϣⲃⲛⲁⲓⲁⲛⲏⲛⲅⲛⲁⲛⲏⲫⲉⲙⲙⲟⲕⲁⲛ·
ⲛⲅⲥⲟⲟⲩⲛⲁⲛϫⲉⲛⲧⲁⲩⲧⲁϩⲙⲉⲕⲉϩⲉⲛⲑⲗⲓⲯⲓⲥⲙⲛϩⲉⲛⲙⲟⲕϩⲥⲙⲛⲟⲩϩⲕⲟⲙⲛⲟⲩⲉⲓⲃⲉ·ⲟⲩϫⲁϥⲙⲛⲟⲩⲕⲱⲕⲁϩⲏⲩ·
ⲛⲧⲁⲩⲧⲁϩⲙⲕⲱⲡⲙⲉⲣⲓⲧⲉϩⲉⲛϣⲗⲏⲗ·ⲙⲛϩⲉⲛⲟⲩϣⲏⲛⲣⲟⲉⲓⲥ·ⲙⲛϩⲉⲛⲣⲓⲙⲉ·ⲙⲛϩⲉⲛⲁϣⲁϩⲟⲙ·
ⲁⲩⲱⲛⲧⲟⲕⲱⲡⲥⲟⲛⲕⲙⲟⲟϣⲉϩⲛⲟⲩϫⲓϩⲣⲁϥⲙⲛⲟⲩⲥⲡⲁⲧⲁⲗⲁⲗⲓⲁ·ⲙⲛⲟⲩⲥⲱⲃⲉ·ⲛⲅϯⲥⲟⲁⲛⲉⲧⲉⲕⲧⲁⲡⲣⲟ·ⲙⲛⲛⲉⲕⲃⲁⲗⲛⲅⲣⲟⲉⲓⲥⲁⲛⲉⲡⲉⲕϩⲏⲧ·
ⲁⲣⲓⲡⲙⲉⲉⲩⲉϭⲉϫⲉⲛⲧⲁⲩⲧⲁϩⲙⲉⲕⲉⲩⲕⲗⲏⲣⲟⲛⲟⲙⲓⲁ·ⲛⲧⲉⲧⲡⲉⲁⲩⲱⲛⲧⲟⲕⲕⲗⲟⲃⲉϩⲛⲟⲩⲡⲱⲥϣ·ⲉⲕⲙⲉⲉⲩⲉⲉⲛⲁⲡⲕⲁϩ·
ⲉⲕⲛⲁϫⲟⲟⲥ·ϫⲉⲟⲩϩⲙⲡⲉϩⲟⲟⲩⲙⲡϩⲁⲡ
ⲙⲏⲛϥⲛⲁϫⲟⲟⲥⲛⲁⲕⲁⲛⲛϭⲓⲡⲉⲕⲣⲓⲧⲏⲥⲙⲙⲉ·ϫⲉⲙⲏⲙⲡⲓϣⲡϩⲓⲥⲉⲉⲧⲃⲏⲏⲧⲕ·
ⲁⲓϩⲕⲟⲛⲧⲉⲕⲗⲟⲓϭⲉ·ⲁⲓⲉⲓⲃⲉⲁⲩⲧⲥⲟⲓⲛⲟⲩϩⲙϫ·
ⲁⲓⲕⲱⲕⲁϩⲏⲩϩⲓⲡⲉⲥⲧⲁⲩⲣⲟⲥ·
ⲁⲓϯⲛⲧⲁⲯⲩⲭⲏϩⲁⲣⲟⲕ
ⲙⲏⲛⲛⲉⲓϣⲁϫⲉⲥⲏϩⲛⲁⲕⲁⲛⲱⲡⲥⲟⲛ·
ⲏⲛⲅⲥⲟⲟⲩⲛⲁⲛϫⲉⲡⲥⲱⲛⲧⲧⲏⲣϥⲥⲉⲛⲁⲧⲁϩⲟϥⲉⲣⲁⲧϥⲉⲡⲃⲏⲙⲁ·ⲙⲡⲉⲭⲣⲓⲥⲧⲟⲥⲛⲥⲉϯϩⲁⲡⲉⲣⲟⲟⲩⲧⲏⲣⲟⲩ·ⲉⲧⲃⲉϩⲱⲃ·ⲛⲓⲙⲉⲁⲩⲟⲃϣⲟⲩⲉⲣⲟⲟⲩ·ⲉⲧⲃⲉⲟⲩⲁⲅⲁⲑⲟⲛⲏⲟⲩⲡⲟⲛⲏⲣⲟⲛ·
ⲥⲉⲛⲁϫⲡⲓⲟⲛϩⲛⲧⲙⲏⲏⲧⲉⲛϩⲉⲛϣⲟⲛϣⲟ·ⲙⲛϩⲉⲛⲧⲃⲁⲛⲧⲃⲁⲛⲁⲅⲅⲉⲗⲟⲥϩⲓⲁⲣⲭⲁⲅⲅⲉⲗⲟⲥⲙⲛⲛⲉⲧⲟⲩⲁⲁⲃⲧⲏⲣⲟⲩⲉⲩⲁϩⲉⲣⲁⲧⲟⲩⲙⲡⲉϥⲕⲱⲧⲉ
ⲙⲏⲉⲕⲛⲁϣϫⲓϭⲟⲗⲙⲡⲛⲁⲩⲉⲧⲙⲙⲁⲩ·
ϭⲱϣⲧϭⲉⲱⲡⲙⲟⲛⲁⲭⲟⲥⲙⲡⲣⲧⲣⲉⲡⲉⲕϩⲁⲡϣⲱⲡⲉⲉϥⲕⲏⲃⲉⲣⲟⲕⲛⲅⲁⲥⲭⲩⲙⲟⲛⲏⲉⲧⲃⲉⲛⲉⲕⲡⲣⲁⲝⲓⲥⲉⲧϩⲟⲟⲩ
ⲁⲗⲗⲁϯⲡⲁⲣⲁⲕⲁⲗⲉⲓⲙⲙⲟⲕⲧⲱⲟⲩⲛⲉⲃⲟⲗϩⲁⲡϩⲓⲛⲏⲃⲛⲅⲕⲱⲛⲥⲱⲕⲛⲛⲉⲕⲟⲃϣⲥⲛⲅⲥⲃⲧⲱⲧⲕϩⲁⲧϩⲏⲙⲡϩⲁⲡⲙⲡⲛⲟⲩⲧⲉ·
ⲉⲓⲙⲉϫⲉⲁϥϩⲱⲛⲉϩⲟⲩⲛⲁⲡⲉϩⲟⲟⲩⲣⲓⲕⲉⲁⲥϩⲱⲛⲉϩⲟⲩⲛⲛϭⲓⲧⲉⲩⲛⲟⲩ·
ⲉⲓⲙⲉⲛⲁⲕⲛⲅⲛⲁⲩϫⲉⲛⲉⲛⲥⲛⲏⲩϣⲟⲟⲡⲛⲙⲙⲁⲛⲛⲥⲁϥ·ⲙⲡϩⲟⲟⲩⲥⲉϣⲟⲟⲡⲁⲛ·
ⲁⲡⲉⲩϫⲟⲉⲓⲥⲅⲁⲣϣⲓⲛⲉⲛⲥⲱⲟⲩⲁⲩⲃⲱⲕ·
ϭⲱϣⲧⲛⲥⲁϥⲙⲛⲡⲟⲟⲩϫⲉⲁϥⲡⲁⲣⲁⲅⲉⲛⲧϩⲉⲛⲟⲩϩⲣⲏⲣⲉⲛⲭⲁⲣⲧⲟⲥⲏⲛⲧϩⲉⲛⲟⲩⲣⲉϥⲡⲱⲧⲉϥⲁⲥⲱⲟⲩ·
ⲧⲁⲓⲧⲉⲧϩⲉⲉⲧⲉⲣⲉⲛⲉⲛϩⲟⲟⲩⲛⲁⲟⲩⲉⲓⲛⲉⲙⲡⲛⲉⲓⲙⲉ·
ⲛⲁⲓⲁⲧϥⲙⲡⲉⲧⲛⲁⲥⲃⲧⲱⲧϥ·ϫⲉⲉϥⲉϫⲓⲙⲡⲱⲛϩϣⲁⲉⲛⲉϩ⁛—
ⲥⲱⲧⲙⲉⲣⲟⲓⲱⲡⲙⲉⲣⲓⲧ
ϣⲁⲧⲛⲁⲩⲕⲁⲙⲉⲗⲉⲓ·ϣⲁⲧⲛⲁⲩⲕⲧⲁϩⲉϩⲛⲛⲣⲟⲟⲩϣⲛⲧϩⲩⲗⲏ·ⲉⲣⲉⲡⲉⲓⲃⲓⲟⲥⲧⲛⲧⲱⲛⲉⲩⲙⲁⲛϭⲟⲓⲗⲉ·
ϯϩⲧⲏⲕⲧⲉⲛⲟⲩⲛⲅⲉⲓⲙⲉϫⲉⲟⲩⲡⲉⲛⲧⲁⲕϫⲟⲟⲩϥⲉⲧⲡⲉϩⲓⲧϩⲏⲙⲙⲟⲕ·
ϯⲡⲁⲣⲁⲕⲁⲗⲉⲓⲙⲙⲟⲕⲙⲡⲣⲃⲱⲕⲉⲕϣⲟⲩⲉⲓⲧⲁⲗⲗⲁϫⲟⲟⲩⲛⲟⲩⲇⲱⲣⲟⲛϩⲓϩⲏⲙⲙⲟⲕ·
ϫⲟⲟⲩⲛⲟⲩϣⲗⲏⲗⲉϥⲙⲉϩⲛⲣⲙⲉⲓⲏ⁛—
ϫⲟⲟⲩⲛϩⲉⲛⲙⲛⲧⲛⲁϩⲛⲛϩⲓⲥⲉⲛⲛⲉⲕϭⲓϫ·
ϫⲟⲟⲩⲛϩⲉⲛⲟⲩϣⲏⲛⲣⲟⲉⲓⲥϩⲛϩⲉⲛⲯⲁⲗⲙⲟⲥⲙⲛϩⲉⲛϩⲩⲙⲛⲟⲥ·
ϫⲟⲟⲩⲛⲟⲩⲡⲓⲥⲧⲓⲥⲙⲛⲟⲩⲙⲉⲉϩⲟⲩⲛⲉⲡⲛⲟⲩⲧⲉⲛⲧⲁϥⲙⲉⲣⲓⲧⲕ·
ⲉϣⲱⲡⲉⲁⲕϫⲟⲟⲩⲛⲁⲓⲛϯϩⲉϩⲁⲧⲉⲕϩⲏⲉⲓⲉⲧⲱⲕⲛϩⲏⲧϫⲉⲉⲕⲛⲁⲃⲱⲕⲉⲩⲙⲁⲛⲙⲧⲟⲛϣⲁⲉⲛⲉϩ·
ⲉϣⲱⲡⲉϭⲉⲙⲡⲉⲕϫⲟⲟⲩⲗⲁⲁⲩϩⲓϩⲏⲙⲙⲟⲕ·ϩⲛⲛⲉⲛⲧⲁⲓⲧⲁⲩⲟⲟⲩ·
ⲕⲁⲛⲙⲡⲣϯⲛⲟⲩϭⲥⲙⲡⲉⲧϩⲓⲧⲟⲩⲱⲕ·ⲙⲡⲣϫⲓⲥⲉⲛϩⲏⲧⲉϫⲱϥ·
ⲁⲩⲱⲉⲧⲃⲉⲟⲩⲉⲕϥⲓⲣⲟⲟⲩϣϩⲁⲟⲩϣⲧⲏⲛⲙⲛⲟⲩⲣϣⲱⲛⲙⲛⲟⲩⲧⲣⲟⲫⲏⲡⲁⲣⲁⲡϣⲓ·
ⲱⲡⲥⲟⲛⲉⲕⲱⲣⲕⲉⲕϫⲓϭⲟⲗⲉⲕϫⲁϫⲱϩⲙⲡⲉⲕϫⲓⲙⲛⲡⲉⲕϯ·
ⲙⲏⲡⲉⲧⲥⲁⲛϣⲛⲛϩⲁⲗⲁⲁⲧⲉⲙⲛⲛⲧⲃⲛⲟⲟⲩⲉⲛϥⲛⲁⲥⲁⲛⲟⲩϣⲕⲁⲛⲛⲧⲟⲕϩⲛⲧⲉϥⲡⲣⲟⲛⲟⲓⲁⲙⲛⲡⲕⲁⲣⲡⲟⲥⲛⲛⲉⲕϭⲓϫ·
ⲙⲡⲣⲉⲓⲣⲉⲛϯϩⲉⲱⲡⲙⲟⲛⲁⲭⲟⲥⲁⲗⲗⲁϭⲱϣⲧⲉⲃⲟⲗϫⲉⲉⲕⲛⲁϣⲱⲡⲉⲛⲕⲗⲏⲣⲟⲛⲟⲙⲟⲥⲙⲡⲛⲟⲩⲧⲉ·
ⲁⲩⲱⲉⲕϥⲓⲣⲟⲟⲩϣϩⲁⲑⲩⲗⲉⲓⲙⲡⲉⲓⲁⲓⲱⲛ⁛—
ⲕϫⲱⲙⲙⲟⲥⲕⲁⲧⲁⲡⲉⲕⲥⲭⲏⲙⲁϫⲉⲁⲓⲙⲟⲩⲙⲡⲕⲟⲥⲙⲟⲥ·ⲡⲁⲗⲓⲛⲟⲛⲕⲙⲉⲉⲩⲉⲉⲛⲁⲡⲕⲟⲥⲙⲟⲥ·
ⲉⲧⲃⲉⲟⲩⲕⲁⲡⲁⲧⲁⲙⲙⲟⲕⲟⲩⲁⲁⲕ·
ⲉⲧⲃⲉⲟⲩⲕⲣϩⲁⲗⲙⲙⲟⲕⲙⲙⲓⲛⲙⲙⲟⲕ·
ⲡⲕⲁⲓⲣⲟⲥⲛⲧⲙⲉⲧⲁⲛⲟⲓⲁⲕⲏⲛⲁⲕⲉϩⲣⲁⲓⲕⲟⲛⲁⲙⲉⲗⲏⲥⲕϭⲙⲁⲣⲓⲕⲉⲉⲡⲛⲟⲙⲟⲑⲉⲧⲏⲥ·
ⲁⲛⲁⲩϭⲉⲱⲡⲉⲃⲓⲏⲛϫⲉⲡⲙⲟⲩⲛⲁⲉⲓϩⲛⲟⲩϣⲡⲛϣⲱⲡ·ⲁⲩⲱⲟⲩⲡⲉⲧⲕⲛⲁϫⲟⲟϥ·
ⲙⲏⲕⲛⲁϣϫⲟⲟⲥϫⲉⲕⲁⲁⲧ·ⲙⲡⲣϥⲓⲧⲧⲉⲛⲟⲩ·ⲕⲁⲁⲧϣⲁⲛⲧⲓⲙⲉⲧⲁⲛⲟⲓ·
ⲛⲏⲫⲉⲙⲙⲟⲕⲱⲡⲉⲃⲓⲏⲛϫⲉⲧⲉⲩⲛⲟⲩⲉⲧⲙⲙⲁⲩⲛⲏⲩⲉϫⲱⲕⲛⲧϩⲉⲟⲩⲡⲁϣⲁⲩⲱⲕⲛⲁⲣϩⲧⲏⲕⲛⲅϫⲟⲟⲥϫⲉⲱⲟⲩⲟⲓⲛⲁⲓϫⲉⲁⲛⲁϩⲟⲟⲩⲱϫⲛⲙⲡⲓⲉⲓⲙⲉ·
ⲟⲩⲟⲓⲛⲁⲓ
ⲟⲩⲡⲉϯⲛⲁⲁⲁϥ
ⲁⲡⲙⲟⲩⲕⲱⲧⲉⲉⲣⲟⲓⲙⲛϩⲓⲏⲙⲡⲱⲧⲉⲗⲁⲁⲩⲛⲥⲁ⁛—
ⲧⲉⲛⲟⲩϭⲉⲱⲡⲁⲙⲉⲣⲓⲧⲛⲏⲫⲉⲛⲅϯϩⲧⲏⲕⲉⲛⲉϯϫⲱⲙⲙⲟⲟⲩ·
ⲥⲱⲧⲙⲉⲡϫⲟⲉⲓⲥϫⲉⲉϥϫⲱⲙⲙⲟⲥϫⲉⲟⲩ·
ⲡⲉϫⲁϥϫⲉϣⲁϩⲣⲁⲓⲉoⲩϣⲁϫⲉⲛⲟⲩⲱⲧⲛⲁⲣⲅⲟⲛ·ⲡⲣⲱⲙⲉⲛⲁϯⲗⲟⲅⲟⲥϩⲁⲣⲟϥϩⲙⲡⲉϩⲟⲟⲩⲙⲡϩⲁⲡ
ⲡⲁⲓⲣⲱϣⲉⲉⲣⲟⲛⲉⲧⲣϥⲛⲟⲩϩⲟⲧⲉⲉϫⲱⲛⲙⲛⲟⲩⲥⲧⲱⲧⲉⲡⲉϩⲟⲟⲩⲙⲡϩⲁⲡⲙⲡⲉⲭⲣⲓⲥⲧⲟⲥ·
ⲁⲣⲁⲛⲓⲙⲡⲉⲧⲉⲛϥⲛⲁⲡⲱϣⲥⲁⲛϫⲉⲡϫⲟⲉⲓⲥⲙⲡⲧⲏⲣϥ·ⲡⲉⲧⲱϣⲉⲃⲟⲗⲛϥϣⲟⲟⲡⲁⲛⲛϭⲓⲡⲉⲧⲥⲱⲧⲙⲉⲣⲟϥ·
ⲡⲉϫⲁϥϫⲉⲡⲙⲁⲛϣⲉⲗⲉⲉⲧⲥⲃⲧⲱⲧⲛⲁⲙⲁⲥⲉⲙⲛⲛⲉⲧⲥⲁⲛⲁϣⲧⲥⲉϣⲁⲁⲧⲛⲕⲁⲛⲓⲙⲥⲃⲧⲱⲧ
ⲁⲙⲏⲓⲧⲛⲉⲧϣⲉⲗⲉⲉⲧ·
ⲁⲙⲏⲓⲧⲛⲉⲓⲥⲡⲣⲟⲟⲩⲱⲛ·
ⲁⲙⲏⲓⲧⲛⲙⲡⲣϭⲱϩⲓⲃⲟⲗⲙⲙⲟⲛ·
ⲉⲓϣⲁⲛϣⲧⲁⲙ·ⲙⲛⲡⲉⲧⲛⲁⲟⲩⲱⲛⲛⲏⲧⲛ·ⲡⲉⲧⲛⲁϭⲱϩⲓⲃⲟⲗⲙⲛⲡⲉⲧⲛⲁϫⲓⲧϥⲉϩⲟⲩⲛ⁛
ⲁⲩⲱⲙⲛⲛⲥⲁⲛⲉⲓⲧⲱϩⲙ·ⲙⲛⲛⲥⲁⲛⲉⲓⲥⲟⲡⲥⲡⲧⲏⲣⲟⲩ·ⲙⲛⲗⲁⲁⲩⲥⲱⲧⲙⲙⲛⲗⲁⲁⲩⲉϥϭⲉⲡⲏ·ⲙⲛⲗⲁⲁⲩⲉϥⲣϩⲟⲧⲉ·ⲁⲗⲗⲁⲁⲩⲙⲣⲡⲉⲛϩⲏⲧϩⲛⲧⲁⲡⲁⲧⲏⲉⲧϣⲟⲩⲉⲓⲧ·ⲛⲧⲛⲟⲩⲱϣⲁⲛⲉⲥⲱⲧⲙ·
ⲙⲁⲣⲛⲛⲏⲫⲉ
ⲙⲡⲣⲧⲣⲛⲁⲙⲉⲗⲉⲓⲛⲥⲉϥⲓⲧⲛⲛϣⲟⲩⲉⲓⲧ·
ⲟⲩⲙⲁⲕⲁⲣⲓⲟⲥⲡⲉⲡⲣⲱⲙⲉⲛⲧⲁϥⲡⲱⲧϩⲛⲟⲩⲟⲩⲣⲟⲧⲉⲁϥⲃⲱⲕϣⲁⲡϫⲟⲉⲓⲥ·ϫⲉϥⲛⲁⲡⲁⲣⲣⲏⲥⲓⲁⲍⲉⲙⲙⲟϥϩⲙⲡⲙⲁⲛϣⲉⲗⲉⲉⲧⲙⲙⲉ·
ⲱⲟⲩⲟⲓⲙⲡⲉⲛⲧⲁϥⲁⲙⲉⲗⲉⲓ·
ⲧⲛⲥⲟⲟⲩⲛϫⲉϩⲁⲡⲥⲉⲧⲣⲉⲛⲃⲱⲕ·ⲁⲩⲱⲧⲛⲥⲟⲟⲩⲛϫⲉϥⲛⲏⲩϩⲛⲟⲩϭⲟⲙⲙⲛⲟⲩⲉⲟⲟⲩ·ⲉⲛⲁϣⲱϥⲛϥϯⲕⲗⲟⲙⲉϫⲛⲛⲉⲛⲧⲁⲩⲥⲱⲧⲙⲛⲥⲱϥⲁⲩⲣϩⲱⲃⲕⲁⲗⲱⲥⲛϥⲉⲡⲉⲓⲧⲏⲙⲁⲛⲛⲉⲛⲧⲁⲩⲁⲙⲉⲗⲉⲓ·
ⲛⲧϩⲉⲅⲁⲣⲛⲧⲁⲡⲁϣⲉⲛⲧⲉⲩϣⲏ·ⲉⲣⲉⲧⲙⲛⲧⲣⲱⲙⲉⲧⲏⲣⲥⲟⲃϣⲉⲩϣⲟⲟⲡϩⲛⲟⲩϩⲓⲛⲏⲃⲉϥϩⲟⲣϣ·ⲛⲧⲉⲟⲩⲛⲟϭⲛϩⲣⲟⲟⲩϣⲱⲡⲉⲉⲃⲟⲗϩⲛⲧⲡⲉⲙⲛϩⲉⲛϩⲣⲟⲩⲃⲃⲁⲓ·ⲉⲩϯϩⲟⲧⲉ·ⲙⲛϩⲉⲛⲉⲃⲣⲏϭⲉⲉⲩⲙⲉϩⲛⲕⲱϩⲧ·ⲙⲛϩⲉⲛⲛⲟϭⲛⲧⲏⲩⲉⲩⲙⲉϩⲛⲕⲙⲧⲟⲛⲧⲉⲛⲉⲧⲛⲕⲟⲧⲕⲛⲉϩⲥⲉⲉⲩϣⲧⲣⲧⲱⲣⲛⲧⲉⲟⲩϩⲟⲧⲉϫⲓⲧⲟⲩ·ⲛⲥⲉⲣϩⲟⲧⲉϩⲛⲟⲩϩⲃⲁ·ⲛⲧⲉⲡⲟⲩⲁⲡⲟⲩⲁⲣⲡⲙⲉⲉⲩⲉⲛⲛⲉϥϩⲃⲏⲩⲉⲙⲙⲓⲛⲙⲙⲟϥ·ⲉⲓⲧⲉⲛⲉⲧϩⲟⲟⲩ·ⲉⲓⲧⲉⲛⲉⲧⲛⲁⲛⲱⲟⲩ·
ⲛⲉⲛⲧⲁⲩⲉⲓⲣⲉⲙⲉⲛⲛⲙⲡⲉⲧϩⲟⲟⲩⲉⲩⲛⲁⲧⲟⲉⲓⲧⲛⲥⲉϩⲓⲟⲩⲉⲉϩⲟⲩⲛϩⲙⲡⲉⲩϩⲏⲧⲉⲩⲣⲓⲙⲉⲉⲩⲱϣⲉⲃⲟⲗϫⲉⲟⲩⲟⲉⲓⲛⲁⲛⲛⲛⲁⲉⲧⲱⲛ·
ⲡⲕⲁϩⲅⲁⲣⲛⲁⲛⲟⲉⲓⲛⲛϥⲕⲱϩⲁⲣⲱⲟⲩ·ⲛⲉϩⲣⲟⲩⲃⲃⲁⲓⲛⲁϯϩⲟⲧⲉⲛⲁⲩ·ⲛⲉⲃⲣⲏϭⲉⲛⲕⲱϩⲧⲛⲁϣⲧⲣⲧⲱⲣⲟⲩ·ⲛⲧⲏⲩⲛⲁⲣⲁϩⲧⲟⲩⲉⲩⲛⲟⲉⲓⲛⲉⲣⲟⲟⲩ·
ⲟⲩⲛⲟⲩϭⲟⲥⲙⲙⲛⲟⲩⲕⲁⲕⲉⲉⲩϩⲧⲙⲧⲱⲙⲛⲁⲥⲣⲙⲣⲱⲙⲟⲩⲉⲙⲛⲧϩⲉⲙⲡⲱⲧⲉⲗⲁⲁⲩⲛⲥⲁ·
ⲧϩⲟⲧⲉⲙⲡⲙⲟⲩⲧϩⲣϣⲟⲙⲙⲟⲟⲩ·ⲡⲙⲉⲉⲩⲉⲛⲛⲉⲩⲛⲟⲃⲉⲕⲱⲧⲉⲉⲣⲟⲟⲩ·ⲡⲉϫⲡⲓⲟⲙⲡϩⲁⲡⲉⲗⲉⲅⲭⲉⲙⲙⲟⲟⲩ·
ⲧⲁⲓⲧⲉⲧϩⲉⲉⲧⲉⲣⲉⲧⲉⲩⲛⲟⲩⲉⲧⲙⲙⲁⲩⲛⲁⲉⲓ·
ⲟⲩⲛⲟⲩⲥⲁⲗⲡⲓⲅⲝⲉⲥϯϩⲟⲧⲉⲛⲁⲱϣⲉⲃⲟⲗϩⲛⲧⲡⲉⲉⲥⲧⲟⲩⲛⲟⲥⲛⲛⲉⲧⲛⲕⲟⲧⲕϩⲛⲧⲉⲥϩⲟⲧⲉϩⲛⲛⲧⲏⲏⲛⲉⲙⲡⲕⲁϩ·ⲛⲉⲛⲧⲁⲩⲙⲟⲩϫⲓⲛⲉⲛⲉϩ·ⲛⲉⲥⲧⲣⲉⲩⲧⲱⲟⲩⲛⲉϩⲣⲁⲓ·
ⲧⲟⲧⲉⲛϭⲟⲙⲛⲙⲡⲏⲩⲉⲥⲉⲛⲁⲛⲟⲉⲓⲛⲁⲩⲱⲛⲥⲛⲧⲉⲙⲡⲕⲁϩⲛⲁϣⲉⲉⲓⲉⲩⲱϣⲉⲃⲟⲗⲛⲧϩⲉⲛⲑⲁⲗⲁⲥⲥⲁ·ⲛⲉⲥⲧⲟⲓⲭⲉⲓⲟⲛⲧⲏⲣⲟⲩⲛⲁϣⲧⲟⲣⲧⲣⲉⲃⲟⲗⲛⲧϩⲟⲧⲉⲙⲡⲉⲟⲟⲩⲙⲡϫⲟⲉⲓⲥ·
ⲟⲩⲛⲟⲩⲕⲱϩⲧⲅⲁⲣⲉϥϩⲁϩⲟⲧⲉⲛⲁⲙⲟⲟϣⲉϩⲁⲧⲉϥϩⲏⲉϥⲧⲃⲃⲟⲙⲡⲕⲁϩ·ⲉⲃⲟⲗϩⲛⲛⲁⲛⲟⲙⲓⲁⲛⲧⲁⲩϫⲁϩⲙϥⲛϩⲏⲧϥⲩ·
ⲁⲙⲛⲧⲉⲛⲁⲟⲩⲱⲛⲛⲛⲉϥⲡⲩⲗⲏϩⲁⲧϩⲟⲧⲉ·ⲡⲙⲟⲩⲛⲁⲁⲛⲁⲭⲱⲣⲉⲓⲛⲁϥⲛϥⲟⲩⲱⲥϥ·
ⲧⲟⲧⲉⲥⲁⲣⲝⲛⲓⲙⲛⲣⲱⲙⲉⲛⲧⲁⲩϣⲱⲡⲉⲉⲃⲟⲗϩⲙⲡⲕⲁϩ·ⲛⲉⲛⲧⲁⲩⲗⲟϥⲗϥⲉⲃⲟⲗⲧⲏⲣⲟⲩⲥⲉⲛⲁⲥⲱⲧⲙⲉⲡⲉϩⲣⲟⲟⲩⲛⲧⲥⲁⲗⲡⲓⲅⲝⲛⲥⲉⲱⲛϩⲧⲏⲣⲟⲩ·
ⲱⲧⲉⲓϣⲡⲏⲣⲉⲛϩⲟⲧⲉϫⲉⲛⲁϣⲛϩⲉϩⲛⲟⲩⲣⲓⲕⲉⲛⲃⲁⲗ·ⲉⲣⲉⲛⲕⲉⲉⲥⲛⲧⲙⲛⲧⲣⲱⲙⲉⲧⲏⲣⲥⲛⲁⲧⲱⲟⲩⲛⲛⲥⲉⲱⲛϩⲛⲥⲉⲁϩⲉⲣⲁⲧⲟⲩⲉⲡϩⲁⲡⲉⲩⲱϣⲉⲃⲟⲗϩⲁⲧϩⲟⲧⲉⲉⲩϫⲱⲙⲙⲟⲥϫⲉⲡⲉⲟⲟⲩⲛⲁⲕⲡⲛⲟⲩⲧⲉⲡⲉⲛⲧⲁϥⲧⲟⲩⲛⲟⲥⲛⲉⲧⲃⲉⲧⲉϥⲙⲛⲧⲙⲁⲓⲣⲱⲙⲉ·
ⲱⲛⲁⲓⲁⲧⲟⲩⲛⲛⲧⲉⲗⲉⲓⲟⲥⲙⲛⲛⲉⲛⲧⲁⲩⲁⲥⲕⲉⲓϩⲛⲟⲩⲧⲃⲃⲟϫⲉⲥⲉⲛⲁⲟⲩⲛⲟϥⲙⲙⲟⲟⲩⲉⲩⲛⲁⲩⲉⲡⲃⲉⲉⲕⲉⲙⲡⲉⲩϩⲓⲥⲉ
ⲁⲩⲱⲙⲙⲁⲣⲧⲩⲣⲟⲥ·ⲥⲉⲛⲁⲫⲟⲣⲉⲓⲛⲛⲉⲩⲕⲗⲟⲙ·ⲁⲩⲱⲛⲉⲡⲣⲟⲫⲏⲧⲏⲥⲙⲛⲛⲁⲡⲟⲥⲧⲟⲗⲟⲥⲉⲩⲥⲧⲟⲗⲓⲍⲉⲙⲙⲟⲟⲩⲛⲥⲉϣⲱⲡⲉⲧⲏⲣⲟⲩϩⲛⲟⲩⲉⲟⲩⲙⲡⲙⲧⲟⲉⲃⲟⲗⲙⲡⲉϩⲟⲙⲡⲉⲭⲣⲓⲥⲧⲟⲥ·
ⲱⲛⲁⲓⲁⲧⲟⲩⲛⲛⲉⲧⲛⲁⲣⲡⲙⲡϣⲁⲛⲧⲡⲁⲣⲟⲩⲥⲓⲁⲉⲧⲙⲙⲁⲩϫⲉⲥⲉⲛⲁⲧⲱⲙⲛⲧⲉⲛⲁⲅⲅⲉⲗⲟⲥⲉⲩⲙⲟⲟϣⲉⲙⲛⲛⲉⲧⲟⲩⲁⲁⲃ·ⲉⲧⲱⲙⲛⲧⲉⲡϫⲟⲉⲓⲥⲉⲡⲁⲏⲣⲛⲛⲉⲕⲗⲟⲟⲗⲉⲛⲉⲟⲟⲩⲛⲥⲉⲣϣⲁⲙⲛⲡⲛⲩⲙⲫⲓⲟⲥⲛⲁⲧⲙⲟⲩ
ⲛⲧϩⲉⲅⲁⲣⲙⲡϩⲁⲗⲏⲧⲉⲧⲑⲁⲣⲉⲓⲉⲛⲉϥⲧⲛϩⲉϣⲁϥϩⲱⲗⲉⲡϫⲓⲥⲉⲛϩⲏⲧⲟⲩ
ⲧⲁⲓⲧⲉⲧϩⲉⲙⲡⲟⲩⲁⲡⲟⲩⲁⲉϣⲁϥⲛⲁⲩⲕⲁⲧⲁⲣⲟϥ·
ⲡⲉⲧⲉⲡⲉϥϩⲏⲧⲟⲩⲁⲁⲃϣⲁϥⲛⲁⲩⲉⲡⲉⲟⲟⲩⲙⲡⲛⲟⲩⲧⲉ⁛—
ⲡϣⲟⲣⲡⲛⲣⲱⲙⲉⲁⲇⲁⲙϥⲛⲁⲣϣⲡⲏⲣⲉⲙⲡⲉϩⲟⲟⲩⲉⲧⲙⲙⲁⲩⲛϥϫⲟⲟⲥϫⲉⲛⲁϣⲛϩⲉ·ⲁⲛⲉⲓⲙⲏⲏϣⲉⲉⲧⲟϣⲙⲛⲛⲉⲓϩⲉⲑⲛⲟⲥⲛⲁⲧⲏⲡⲉϣⲱⲡⲉⲉⲃⲟⲗⲛϩⲏⲧ·
ⲛϩⲟⲩⲟⲇⲉϥⲛⲁⲁⲡⲟⲣⲉⲓ·ϫⲉⲛⲁϣⲛϩⲉⲉⲃⲟⲗϩⲙⲡⲉⲓⲥⲱⲛⲧⲛⲟⲩⲱⲧⲛⲧⲉⲧⲙⲛⲧⲣⲱⲙⲉⲧⲏⲣⲥ·ⲟⲩⲛⲟⲩⲟⲛϩⲛⲧⲙⲛⲧⲣⲣⲟⲟⲩⲛⲟⲩⲟⲛϩⲛⲁⲙⲛⲧⲉ·
ⲡⲉⲟⲟⲩⲛⲁⲕⲡⲛⲟⲩⲧⲉⲡⲥⲟⲫⲟⲥⲙⲁⲩⲁⲁϥ·
ⲗⲟⲓⲡⲟⲛⲙⲁⲣⲛⲣⲡⲙⲉⲉⲩⲉⲱⲛⲉⲥⲛⲏⲩⲙⲡⲙⲁⲛϯϩⲁⲡⲉⲧⲙⲙⲁⲩⲉⲧϩⲁϩⲟⲧⲉ·
ⲛⲁⲙⲉⲛⲧⲉⲣⲉⲓⲣⲡⲉϥⲙⲉⲉⲩⲉⲁⲩⲥⲧⲱⲧⲧⲁϩⲟⲓⲁⲓϣⲧⲟⲣⲧⲣⲁⲓⲁϣⲁϩⲟⲙⲁⲓⲣⲓⲙⲉⲉⲓⲛⲁⲩⲉⲡⲡⲁⲣⲁⲇⲓⲇⲟⲥⲙⲡⲟⲩⲛⲟϥⲙⲛⲧⲉⲧⲣⲓⲣⲛⲧⲅⲉϩⲉⲛⲛⲁⲙⲡϩⲱⲧⲉⲃⲟⲗⲙⲡⲃⲏⲙⲁⲙⲡⲉⲭⲣⲓⲥⲧⲟⲥ·
ⲁⲓⲛⲁⲩⲛϯϩⲉⲁⲓⲁϣⲁϩⲟⲙ·ⲁⲧⲁϭⲟⲙⲱϫⲛⲉⲧⲃⲉϫⲉⲁⲓϫⲉⲡⲁⲟⲩⲟⲉⲓϣⲉⲃⲟⲗϩⲛⲟⲩⲙⲛⲧⲁⲙⲉⲗⲏⲥⲙⲛϩⲉⲛⲗⲟⲅⲓⲥⲙⲟⲥⲉⲩϣⲟⲩⲉⲓⲧ·
ⲛⲁⲓⲛⲧⲁⲓϫⲕⲛⲁⲣⲙⲉⲓⲟⲟⲩⲉⲉⲃⲟⲗⲛϩⲏⲧⲟⲩ·ⲁⲩⲱⲙⲡⲉⲓⲁⲥⲑⲁⲛⲉϫⲉⲛⲧⲁⲩⲑⲩⲉⲓⲛⲉⲛⲁϣⲛⲥⲙⲟⲧ·ⲁⲛⲁϩⲟⲟⲩⲟⲩⲉⲓⲛⲉⲛⲁϣⲛⲥⲙⲟⲧ·
ⲁⲛⲁϩⲟⲟⲩⲱϫⲛⲙⲡⲓⲉⲓⲙⲉ·ⲁⲛⲁⲛⲟⲃⲉⲁϣⲁⲓ
ⲟⲩⲟⲓⲛⲁⲓⲱⲛⲁⲙⲉⲣⲁⲁⲧⲉ·
ⲉⲓⲛⲁⲣⲟⲩ·ⲉⲧⲃⲉⲡϣⲓⲡⲉⲉⲧⲛⲁⲧⲁϩⲟⲓ·ⲙⲡⲉϩⲟⲟⲩⲙⲡϩⲁⲡⲙⲙⲉⲉⲧⲙⲙⲁⲩⲉⲧϩⲁϩⲟⲧⲉ
ⲙⲡⲛⲁⲩⲉⲧⲟⲩⲛⲁⲑⲉⲱⲣⲉⲓⲙⲙⲟⲓⲛϭⲓⲛⲉⲧⲥⲟⲟⲩⲛⲙⲙⲟⲓ·ⲉⲓϩⲙⲡⲉⲥⲭⲏⲙⲁⲛⲧⲙⲛⲧⲙⲟⲛⲁⲭⲟⲥⲉⲩⲛⲁⲩⲉⲣⲟⲓⲉⲩⲙⲁⲕⲁⲣⲓⲍⲉⲙⲙⲟⲛⲛⲥⲉⲥⲟⲟⲩⲛⲁⲛϫⲉⲡⲁⲥⲁⲛϩⲟⲩⲛⲙⲉϩⲛⲁⲛⲟⲙⲓⲁϩⲓⲁⲕⲁⲑⲁⲣⲥⲓⲁⲛⲓⲙⲉⲁⲓⲡⲱⲃϣⲙⲡⲛⲟⲩⲧⲉⲡⲁⲓⲉⲧϩⲉⲧⲁⲍⲉⲛⲛϩⲏⲧⲙⲛⲛⲉⲕⲗⲟⲟⲧⲉ·
ⲟⲛⲧⲱⲥⲟⲩⲛⲟϭⲡⲉⲡϣⲓⲡⲉⲙⲡⲛⲁⲩⲉⲧⲙⲙⲁⲩⲱⲛⲉⲥⲛⲏⲩ·ⲙⲁⲗⲓⲥⲧⲁⲟⲩⲛⲟϭⲛⲁⲅⲁⲡⲏⲧⲉ·ⲉⲙⲛⲧϩⲉⲛⲣⲃⲟⲗⲉⲣⲟⲥ
ⲛⲁⲙⲉⲟⲩⲧⲁⲗⲁⲓⲡⲱⲣⲟⲥⲡⲉⲡⲣⲱⲙⲉⲉⲧⲟⲩⲛⲁⲛⲟϫϥⲉⲃⲟⲗϩⲙⲡⲉϩⲟⲟⲩⲉⲧⲙⲙⲁⲩϩⲛⲟⲩϣⲓⲡⲉ·
ⲛⲓⲙϭⲉⲡⲉⲧⲛⲁⲃⲟⲏⲑⲉⲓⲉⲣⲟϥ·
ϯⲱⲣⲕⲉⲣⲟⲕⲛⲛⲉⲕⲙⲛⲧϣⲁⲛϩⲧⲏϥⲱⲡⲛⲟⲩⲧⲉⲙⲙⲁⲓⲣⲱⲙⲉ·ⲁⲩⲱⲛⲁⲅⲁⲑⲱⲥⲙⲡⲣⲕⲁⲁⲧϩⲓϩⲃⲟⲩⲣⲙⲙⲟⲕⲙⲡⲣⲛⲟϫⲧⲙⲛⲛⲃⲁⲙⲡⲉ·ⲛⲁⲓⲛⲧⲁⲩϯⲛⲟⲩϭⲥⲛⲁⲕⲁⲩⲱⲙⲡⲣϫⲟⲟⲥϫⲉⲛϯⲥⲟⲟⲩⲛⲙⲙⲟⲕⲁⲛ·
ⲁⲗⲗⲁⲉⲧⲃⲉⲡⲉⲕⲛⲁⲉⲧⲟϣϯⲧϩⲉⲛⲁⲓⲛϩⲟⲥⲟⲛⲉⲓϩⲙⲡⲥⲱⲙⲁ·ⲉⲧⲣⲁϭⲱⲉⲓⲣⲓⲙⲉⲙⲡⲉϩⲟⲟⲩⲙⲛⲧⲉⲩϣⲏ·ⲉⲓⲁϣⲁϩⲟⲙⲉϫⲛⲛⲁⲛⲟⲃⲉⲉⲧⲣⲕⲥⲃⲧⲉⲡⲁϩⲏⲧ·ⲉⲙⲙⲁⲛϣⲱⲡⲉⲛⲧⲉⲭⲁⲣⲓⲥⲉⲧⲟⲩⲁⲁⲃ·
ⲕⲁⲛⲉⲁⲛⲅⲟⲩⲣⲉϥⲣⲛⲟⲃⲉⲛⲁⲥⲉⲃⲏⲥⲛϯⲛⲁⲗⲟⲁⲛⲉⲓⲧⲱϩⲙⲉⲡⲣⲟⲛⲧⲉⲕⲙⲛⲧϣⲁⲛϩⲧⲏϥ·
ⲕⲁⲛⲁⲛⲅⲟⲩⲁⲙⲉⲗⲏⲥ·ⲛϯⲛⲁⲗⲟⲁⲛϩⲛⲧⲉⲕϩⲓⲏⲡⲁⲛⲟⲩⲧⲉ·
ϯⲥⲟⲡⲥⲡⲙⲙⲟⲕ·ⲛⲁⲥⲛⲏⲩ
ϯⲥⲟⲡⲥⲡⲙⲙⲱⲧⲛ
ϯⲡⲁⲣⲁⲕⲁⲗⲉⲓⲙⲙⲱⲧⲛ
ⲙⲁⲣⲛⲣⲓⲙⲉⲙⲡⲉϥⲙⲧⲟⲉⲃⲟⲗⲛⲧⲉⲩϣⲏⲙⲛⲡⲉϩⲟⲟⲩϩⲛϩⲉⲛϣⲗⲏⲗⲙⲛϩⲉⲛⲥⲙⲟⲩⲙⲛϩⲉⲛⲯⲁⲗⲙⲟⲥ·ϫⲉⲕⲁⲥⲛⲛⲉⲛϩⲉⲉϩⲣⲁⲓⲉⲡⲙⲁⲙⲡⲣⲓⲙⲉⲙⲛⲡϭⲁϩϭϩⲛⲛⲟⲃϩⲉⲙⲛⲡϥⲛⲧ·ⲛⲁⲧⲛⲕⲟⲧⲕ·ⲙⲛⲡϣⲓⲡⲉⲙⲛⲡⲉϫⲡⲓⲟⲙⲛⲛⲟϭⲛϩⲁⲡⲉⲧϣⲱⲱⲧⲉⲃⲟⲗⲁⲣⲏⲩ
ϩⲓⲧⲛⲙⲙⲛⲧϣⲁⲛϩⲧⲏϥⲙⲡⲛⲟⲩⲧⲉⲛϥⲁⲁⲛⲛⲙⲡϣⲁⲙⲡⲱⲛϩϣⲁⲉⲛⲉϩⲙⲛⲛⲉⲧⲟⲩⲁⲁⲃ·ⲡⲙⲁⲉⲧⲉⲙⲛϩⲟⲧⲉⲛϩⲏⲧϥⲟⲩⲇⲉⲧⲁⲕⲟ·
ⲡⲙⲁⲉⲧⲉⲙⲛⲙⲟⲩⲛϩⲏⲧϥ·
ⲡⲙⲁⲉⲧⲉⲙⲛⲡⲟⲗⲉⲙⲟⲥⲛⲧⲉⲡⲁⲛϯⲕⲉⲓⲙⲉⲛⲟⲥⲛϩⲏⲧϥ·
ⲡⲙⲁⲉⲧⲉⲙⲛⲙⲟⲥⲧⲉⲛϩⲏⲧϥⲟⲩⲇⲉⲙⲛⲧϫⲁϫⲉⲁⲗⲗⲁⲟⲩⲣⲁϣⲉⲡⲉⲉϥⲙⲏⲛⲉⲃⲟⲗⲙⲛⲟⲩⲉⲩⲫⲣⲟⲥⲩⲛⲏ·ⲙⲛⲟⲩⲧⲣⲁⲡⲉⲍⲁⲉⲥⲙⲉϩⲛⲁⲅⲁⲑⲟⲛⲛⲓⲙⲙⲡⲛⲉⲩⲙⲁⲧⲓⲕⲟⲛ·ⲁⲩⲱⲉⲥⲙⲉϩϩⲙⲡⲉϩⲗⲟϭⲛⲧⲇⲓⲕⲁⲓⲟⲥⲩⲛⲏ·ⲁⲩⲱⲡⲡⲁⲣⲁⲇⲓⲥⲟⲥⲧⲛⲛⲁⲧⲏⲗⲉϫⲱϥϫⲉⲧⲛⲛⲁⲕⲗⲏⲣⲟⲛⲟⲙⲉⲓⲙⲙⲟϥϣⲁⲉⲛⲉϩⲛⲉⲛⲉϩ·
ⲡⲉⲟⲟⲩⲁⲩⲱⲧⲙⲛⲧⲛⲟϭⲙⲡⲛⲟⲩⲧⲉⲡⲁⲅⲁⲑⲟⲥⲁⲩⲱⲡⲙⲁⲓⲣⲱⲙⲉⲡⲁⲓⲛⲧⲁϥⲥⲟⲃⲧⲉⲛⲁⲛⲛⲧⲉϥⲙⲛⲧⲣⲣⲟϣⲁⲉⲛⲉϩⲛⲉⲛⲉϩϩⲁⲙⲏⲛ·

ANNIS Metadata

annotation: Lance Martin, Caroline T. Schroeder
attributed_author: Ephrem
author: Pseudo-Ephrem
collection: Oriental Manuscripts
Coptic_edition: Budge, 1914
corpus: pseudo.ephrem
country: Egypt
document_cts_urn: urn:cts:copticLit:psephrem.asceticon.budge:24-55
entities: checked
Greek_source: S.J. Voicu, Frammenti di un palinsesto greco di Éfrem (Sinaiticus syr. 30, f. 171 e seguenti), in Scriptorium 38 (1984), p. 77 sq.
identities: checked
idno: Or. 7022 ff. 53b-63a
language: Sahidic Coptic
license: CC-BY 4.0 -
msItem_title: The Asketicon of Apa Ephrem
msName: MERC.AS
note: Coptic SCRIPTORIUM's edition includes only Budge's transcription of the manuscript. It is not a diplomatic transcription based on reading and collation of the original manuscript. The translation is Budge's with very slight modifications (e.g., mistranslated numbers corrected.)
objectType: codex
order: 02
origDate: 951
origDate_notAfter: 1000
origDate_notBefore: 0900
origDate_precision: medium
origPlace: St. Mercurius Monastery
pages_from: 106
pages_to: 125
parsing: automatic
paths_authors: 40
paths_manuscripts: 195
paths_works: 135
people: Adam
placeName: Edfu
places: Duat
previous: urn:cts:copticLit:psephrem.asceticon.budge:1-23
project: Coptic SCRIPTORIUM, Marcion
redundant: no
repository: British Library
segmentation: checked
source: Marcion project, Archive.org
tagging: automatic
title: The Asceticon of Apa Ephrem part 2
translation: E. A. Wallis Budge
Trismegistos: none
version_date: 2024-10-31
version_n: 6.0.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:psephrem.asceticon.budge:24-55. [version number], [date]. https://data.copticscriptorium.org/urn:cts:copticLit:psephrem.asceticon.budge:24-55.

Subsequent citations:

Author, Ancient title (abbreviated) [chapter.verse if available], urn:cts:copticLit:psephrem.asceticon.budge:24-55.

Document Edition: urn:cts:copticLit:psephrem.asceticon.budge:24-55

Work: urn:cts:copticLit:psephrem.asceticon

Text Group: urn:cts:copticLit:psephrem

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:psephrem.asceticon.budge:24-55/norm/html

Analytic Visualization HTML: https://data.copticscriptorium.org/urn:cts:copticLit:psephrem.asceticon.budge:24-55/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:psephrem.asceticon.budge:24-55/tei/xml

Paula XML: https://data.copticscriptorium.org/urn:cts:copticLit:psephrem.asceticon.budge:24-55/paula/xml

relANNIS: https://data.copticscriptorium.org/urn:cts:copticLit:psephrem.asceticon.budge:24-55/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:psephrem.asceticon.budge:24-55/annis