Homily on Matthew 20
normalized analytic TEI ANNIS PAULA Search ANNIS

Normalized Text

ⲟⲩⲗⲟⲅⲟⲥⲉⲁϥⲧⲁⲩⲟϥⲛϭⲓⲡⲁⲅⲓⲟⲥⲁⲑⲁⲛⲁⲥⲓⲟⲥⲡⲁⲣⲭⲏⲉⲡⲓⲥⲕⲟⲡⲟⲥⲛⲣⲁⲕⲟⲧⲉⲉⲧⲃⲉⲡⲉϩⲣⲏⲧⲟⲛⲉⲧⲥⲏϩϩⲙⲡⲉⲩⲁⲅⲅⲉⲗⲓⲟⲛⲛⲕⲁⲧⲁⲙⲁⲑⲁⲓⲟⲥϫⲉⲉⲥⲧⲛⲧⲱⲛⲛϭⲓⲧⲙⲛⲧⲣⲣⲟⲛⲙⲡⲏⲩⲉⲉⲩⲣⲱⲙⲉⲛⲣⲙⲙⲁⲟ·ⲡⲁⲓⲉⲛⲧⲁϥⲉⲓⲉⲃⲟⲗⲉϩⲧⲟⲟⲩⲉⲉⲑⲛⲉⲉⲣⲅⲁⲧⲏⲥⲉⲡⲉϥⲙⲁⲛⲉⲗⲟⲟⲗⲉ·—◈◈—◈◈—◈◈—◈◈—ⲡⲉϫⲉⲡϫⲟⲉⲓⲥϩⲙⲡⲉⲩⲁⲅⲅⲉⲗⲓⲟⲛⲙⲙⲁⲑⲁⲓⲟⲥϫⲉⲥⲧⲛⲧⲱⲛⲛϭⲓⲧⲙⲛⲧⲣⲣⲟⲛⲙⲡⲏⲩⲉⲉⲩⲣⲱⲙⲉⲛⲣⲙⲙⲁⲟ·ⲡⲁⲓⲉⲛⲧⲁϥⲉⲓⲉⲃⲟⲗⲉϩⲧⲟⲟⲩⲉⲉⲑⲛⲉⲉⲣⲅⲁⲧⲏⲥⲉⲡⲉϥⲙⲁⲛⲉⲗⲟⲟⲗⲉ·ⲁϥⲥⲙⲛⲧⲥⲙⲛⲛⲉⲣⲅⲁⲧⲏⲥⲉⲩⲥⲁⲧⲉⲉⲣⲉⲙⲡⲉϩⲟⲟⲩⲁϥϫⲟⲟⲩⲥⲟⲩⲉⲛⲉϥⲙⲁⲛⲉⲗⲟⲟⲗⲉ·ⲁϥⲉⲓⲇⲉⲉⲃⲟⲗⲙⲡⲛⲁⲩⲛϫⲡϣⲟⲙⲧⲉ·ⲁϥⲛⲁⲩⲉϩⲉⲛⲕⲟⲟⲩⲉⲉⲩⲁϩⲉⲣⲁⲧⲟⲩϩⲛⲧⲁⲅⲟⲣⲁⲉⲩⲟⲩⲟⲥϥ·ⲡⲉϫⲁϥⲛⲛⲕⲟⲟⲩⲉϫⲉⲃⲱⲕϩⲱⲧⲧⲏⲩⲧⲛⲉⲡⲁⲙⲁⲛⲉⲗⲟⲟⲗⲉ·ⲁⲩⲱⲡⲉⲧⲉⲧⲛⲙⲡϣⲁⲙⲙⲟϥϯⲛⲁⲧⲁⲁϥⲛⲏⲧⲛ·ⲛⲧⲟⲟⲩⲇⲉⲁⲩⲃⲱⲕ·ⲁϥⲉⲓⲇⲉⲟⲛⲉⲃⲟⲗⲙⲡⲛⲁⲩⲛϫⲡⲥⲟⲙⲛϫⲡⲯⲓⲧⲉⲁϥⲉⲓⲣⲉⲟⲛϩⲓⲛⲁⲓ·ⲛⲧⲉⲣⲉϥⲉⲓⲇⲉⲟⲛⲉⲃⲟⲗⲙⲡⲛⲁⲩⲛϫⲡⲙⲛⲧⲟⲩⲏⲉⲁϥⲛⲁⲩⲉϩⲉⲛⲕⲟⲟⲩⲉⲩⲁϩⲉⲣⲁⲧⲟⲩⲡⲉϫⲁϥⲛⲁⲩϫⲉⲉⲧⲃⲉⲟⲩⲧⲉⲧⲛⲁϩⲉⲣⲁⲧⲧⲏⲩⲧⲛⲙⲡⲉⲓⲙⲁⲙⲡⲉϩⲟⲟⲩⲧⲏⲣϥⲉⲧⲉⲧⲛⲟⲩⲟⲥϥ·ⲡⲉϫⲁⲩⲛⲁϥϫⲉⲉⲃⲟⲗϫⲉⲙⲡⲉⲗⲁⲁⲩⲑⲛⲟⲛ·ⲡⲉϫⲁϥⲛⲁⲩϫⲉⲃⲱⲕϩⲱⲧⲧⲏⲩⲧⲛⲉⲡⲁⲙⲁⲛⲉⲗⲟⲟⲗⲉ·ⲙⲁⲣⲛϩⲟⲧϩⲧϭⲉⲧⲉⲛⲟⲩⲛⲧⲛⲉⲓⲙⲉϫⲉⲁϣⲛⲉⲛⲉⲓⲉⲣⲅⲁⲧⲏⲥ·ⲏⲁϣⲡⲉⲡⲉⲓⲙⲁⲛⲉⲗⲟⲟⲗⲉ·ⲏⲛⲓⲙⲡⲉⲡⲉⲓⲟⲧⲏⲥⲡⲟⲇⲏⲥ·ϩⲛⲧⲉϩⲟⲩⲉⲓⲧⲉⲡϫⲟⲉⲓⲥⲙⲡⲙⲁⲛⲉⲗⲟⲟⲗⲉⲡⲉⲡⲛⲟⲩⲧⲉⲡⲉⲓⲱⲧ·ⲡⲁⲓⲉⲧⲇⲓⲟⲓⲕⲉⲓⲛⲛⲉϥⲥⲱⲛⲧϫⲓⲛⲛϣⲟⲣⲡ·ⲉϥϣⲁϫⲉⲛⲙⲙⲁⲩⲟⲛϩⲙⲡⲉⲡⲣⲟⲫⲏⲧⲏⲥϥⲧⲁⲙⲟⲙⲙⲟⲛϫⲉⲡⲙⲁⲛⲉⲗⲟⲟⲗⲉⲙⲡϫⲟⲉⲓⲥⲥⲁⲃⲁⲱⲑⲡⲉⲡⲏⲓⲙⲡⲓⲥⲣⲁⲏⲗ·ⲁⲩⲱⲡⲣⲱⲙⲉⲛⲓⲟⲩⲇⲁⲡⲉⲡⲧⲱϭⲉⲛⲃⲣⲣⲉⲙⲡⲙⲉⲣⲓⲧ·ⲛⲉⲓⲉⲣⲅⲁⲧⲏⲥⲉⲛⲧⲁϥⲑⲛⲟⲟⲩⲛϣⲟⲣⲡⲡⲉⲙⲱⲩⲥⲏⲥⲙⲛⲁⲁⲣⲱⲛⲙⲛⲓⲏⲥⲟⲩⲥⲡϣⲏⲣⲉⲛⲁⲩⲏ·ⲛⲧⲁϥⲙⲟⲩⲧⲉⲉⲙⲱⲩⲥⲏⲥϩⲣⲁⲓϩⲙⲡⲕⲁϩⲙⲙⲁⲇⲓϩⲁⲙϫⲉⲁⲙⲟⲩⲛⲅⲃⲱⲕⲉⲡⲉⲥⲏⲧⲉⲕⲏⲙⲉⲛⲅⲉⲓⲛⲉⲉⲃⲟⲗⲙⲡⲁⲗⲁⲟⲥϩⲙⲡⲙⲁⲉⲧⲙⲙⲁⲩ·ⲛⲅⲣϩⲱⲃⲉⲡⲁⲙⲁⲛⲉⲗⲟⲟⲗⲉϩⲛⲛⲉⲛⲧⲟⲗⲏⲙⲛⲛⲇⲓⲕⲁⲓⲟⲙⲁ·ⲙⲛⲛⲉⲡⲣⲟⲥⲧⲁⲕⲙⲁ·ⲁϥⲥⲙⲛⲧⲥⲛⲙⲙⲁⲩⲉⲩⲥⲁⲧⲉⲉⲣⲉ·ⲡⲧⲁⲉⲓⲟⲛⲧⲙⲛⲧⲡⲣⲟⲫⲏⲧⲏⲥ·ⲁⲁⲣⲱⲛϩⲱⲱϥⲛⲟⲩⲙⲛⲧⲁⲣⲭⲓⲉⲣⲉⲩⲥⲉϫⲙⲡⲉϥⲗⲁⲟⲥⲛⲧⲟⲟⲩⲇⲉⲁⲩⲃⲱⲕ·ⲛⲁϫⲡϣⲟⲙⲧⲉⲛⲉⲛⲉⲕⲣⲓⲧⲏⲥⲁϥⲧⲛⲛⲟⲟⲩⲥⲟⲩⲟⲛⲉϫⲙⲡⲉϥⲗⲁⲟⲥ·ⲡⲉⲧⲉⲧⲛⲙⲡϣⲁⲙⲙⲟϥϯⲛⲁⲧⲁⲁϥⲛⲏⲧⲛ·ϩⲉⲛⲡⲣⲟⲫⲏⲧⲏⲥⲁⲛⲛⲉ·ϩⲉⲛⲁⲡⲟⲥⲧⲟⲗⲟⲥⲁⲛⲛⲉ·ⲁⲗⲗⲁⲡⲉⲛⲧⲁⲩⲙⲡϣⲁⲙⲙⲟϥⲡⲉⲡⲉⲓⲣⲁⲛϫⲉⲕⲣⲓⲧⲏⲥ·ⲛⲁϫⲡⲥⲟⲇⲉⲙⲛⲛⲁϫⲡⲯⲓⲧⲉⲛⲉⲥⲁⲙⲟⲩⲏⲗⲙⲛⲇⲁⲩⲉⲓⲇ·ⲙⲛⲛⲉⲡⲣⲟⲫⲏⲧⲏⲥⲧⲏⲣⲟⲩ·ⲁⲥⲁⲙⲟⲩⲏⲗⲣϩⲱⲃⲉⲡⲙⲁⲛⲉⲗⲟⲟⲗⲉϩⲛⲟⲩⲧⲁⲡ·ⲁⲇⲁⲩⲉⲓⲇⲡⲉⲛⲉⲟⲩⲃⲱⲛⲉⲗⲟⲟⲗⲉⲉⲃⲟⲗϩⲙⲡⲕⲁϩⲛⲕⲏⲙⲉ·ⲁϥⲣϩⲱⲃⲉⲣⲟⲥϩⲛⲟⲩⲯⲁⲗⲧⲏⲣⲓⲟⲛ·ⲁⲱⲥⲏⲉϩⲉⲉⲡⲓⲥⲣⲁⲏⲗⲛⲧϩⲉⲛⲟⲩⲉⲗⲟⲟⲗⲉϩⲛⲧⲏⲣⲏⲙⲟⲥϩⲁⲙⲱⲥ·ⲡⲉϫⲁϥϫⲉⲟⲩⲃⲱⲛⲉⲗⲟⲟⲗⲉⲉⲛⲁⲛⲟⲩⲥⲡⲉⲥϣⲗϩⲡⲉⲡⲓⲥⲣⲁⲏⲗ·ⲁⲩⲱⲡⲉⲥⲕⲁⲣⲡⲟⲥⲟϣ·ⲛⲁϫⲡⲙⲛⲧⲟⲩⲏⲇⲉⲛⲉⲛⲁⲡⲟⲥⲧⲟⲗⲟⲥⲛⲁⲓⲉⲛⲧⲁϥϩⲉⲉⲣⲟⲟⲩⲉⲩⲟⲩⲟⲥϥⲙⲡⲉϩⲟⲟⲩⲧⲏⲣϥ·ⲛⲁⲓⲉⲧⲟⲩⲟⲥϥⲉⲃⲟⲗϩⲛⲛⲉϩⲃⲏⲩⲉⲧⲏⲣⲟⲩⲛⲧⲁⲛⲟⲙⲓⲁⲉⲙⲡⲉⲗⲁⲁⲩⲑⲛⲟⲟⲩ·ⲉⲙⲡⲉⲡⲇⲓⲁⲃⲟⲗⲟⲥⲉϣⲑⲛⲟⲟⲩⲉⲧⲙⲛⲧⲣⲉϥϣⲙϣⲉⲉⲓⲇⲟⲗⲟⲛ·ⲙⲡϥⲉϣⲑⲛⲉⲓⲱϩⲁⲛⲛⲏⲥⲡⲃⲁⲡⲧⲓⲥⲧⲏⲥⲉϩⲉⲛⲕⲁⲡⲏⲗⲟⲥⲙⲙⲁⲛⲟⲩⲱⲙϩⲓⲥⲱ·ⲡⲉⲧⲣⲟⲥⲙⲡϥⲉϣⲑⲛⲟϥⲉⲩⲙⲛⲧⲁⲧⲛⲁϩⲧⲉ·ⲁⲛⲇⲣⲉⲁⲥⲙⲡϥⲉϣⲑⲛⲟϥϩⲛⲟⲩⲅⲁⲙⲙⲟⲥⲛϫⲱϩⲙⲉⲧⲣⲉϥⲣϩⲁⲗⲛⲟⲩⲥϩⲓⲙⲉ·ⲉⲧⲃⲉⲡⲁⲓⲁⲩⲙⲟⲩⲧⲉⲉⲣⲟϥϫⲉⲃⲟⲁⲛⲏⲣⲅⲉⲥⲉⲧⲉⲡⲁⲓⲡⲉⲡϣⲏⲣⲉⲙⲡⲉϩⲣⲟⲩⲃⲃⲁⲓⲛⲧⲡⲉ·ⲉⲃⲟⲗϫⲉⲙⲡⲉⲗⲁⲁⲩⲉϣⲑⲛⲟⲩϩⲓϫⲙⲡⲕⲁϩⲉⲧⲣⲉⲩⲣϩⲱⲃⲛⲁϥ·ⲛϥϯⲃⲉⲕⲉⲛⲁⲩⲕⲁⲧⲁⲡⲉⲩⲙⲡϣⲁ·ⲉⲃⲟⲗϫⲉⲡⲉⲩⲃⲉⲕⲉⲛⲁϣⲱϥϩⲛⲙⲡⲏⲩⲉ·ⲉⲧⲃⲉⲡⲁⲓⲡⲉϫⲉⲡⲥⲱⲧⲏⲣⲛⲁⲡⲟⲥⲧⲟⲗⲟⲥⲧⲏⲣⲟⲩϫⲉⲡⲁⲉⲓⲱⲧⲛⲣⲱⲙⲉⲛⲧⲁⲕⲧⲁⲁⲩⲛⲁⲓⲉⲃⲟⲗϩⲙⲡⲕⲟⲥⲙⲟⲥ·ⲁⲓϩⲉⲉⲣⲟⲟⲩⲉϩⲉⲛⲥⲕⲉⲩⲟⲥⲛⲥⲱⲧⲡⲛⲉ·ⲡⲁⲗⲓⲛⲟⲛⲛⲉⲛⲧⲁⲕⲧⲁⲁⲩⲛⲁⲓⲧⲏⲣⲟⲩⲙⲡⲉⲓⲧⲁⲕⲉⲗⲁⲁⲩⲉⲃⲟⲗⲛϩⲏⲧⲟⲩ·ⲁⲩⲱⲙⲛϣϭⲟⲙⲙⲛⲗⲁⲁⲩⲉⲉⲓϣⲁⲣⲟⲓⲉⲓⲙⲏⲧⲓⲛⲧⲉⲡⲁⲉⲓⲱⲧ·ⲉⲛⲧⲁϥⲧⲟⲩⲟⲓⲥⲱⲕⲙⲙⲟϥ·ⲉⲓⲥⲛⲉⲓϣⲁϫⲉⲧⲁⲙⲟⲙⲙⲟⲛϫⲉⲡⲉⲓⲱⲧⲉⲧⲑⲛⲉⲉⲣⲅⲁⲧⲏⲥⲉⲡⲉϥⲙⲁⲛⲉⲗⲟⲟⲗⲉ·ⲛⲓⲙϩⲱⲱϥⲡⲉⲡⲉⲓⲉⲡⲓⲧⲣⲟⲡⲟⲥ·ϯϫⲱⲙⲙⲟⲥϫⲉⲡϫⲟⲉⲓⲥⲡⲉ·ⲓⲏⲥⲟⲩⲥⲡⲉⲭⲣⲓⲥⲧⲟⲥⲡϣⲏⲣⲉⲙⲡⲛⲟⲩⲧⲉⲉⲣⲉⲛⲉⲭⲣⲏⲙⲁⲧⲏⲣⲟⲩⲙⲡⲉⲓⲱⲧⲛⲧⲟⲟⲧϥⲉⲧⲉⲙⲙⲩⲥⲧⲏⲣⲓⲟⲛ·ⲛⲧϩⲉⲉⲣⲉⲛⲉϥϭⲟⲙϣⲟⲟⲡϩⲙⲡⲓⲥⲣⲁⲏⲗⲁⲩⲱⲛⲕⲉϩⲉⲑⲛⲟⲥ·ⲛⲧⲟϥⲅⲁⲣⲁϥϫⲟⲟⲥϫⲉⲡⲉⲓⲱⲧⲙⲉⲙⲡϣⲏⲣⲉⲁϥϯⲛⲛⲕⲁⲛⲓⲙⲉϩⲣⲁⲓⲉⲛⲉϥϭⲓϫ·ⲟⲩϣⲏⲣⲉⲡⲉϫⲉⲧⲱϥⲧⲉⲧⲉⲕⲗⲏⲣⲟⲛⲟⲙⲓⲁ·ⲟⲩⲉⲡⲓⲧⲣⲟⲡⲟⲥⲡⲉϫⲉⲛⲧⲟϥⲡⲉⲡⲣⲉϥϯⲃⲉⲕⲉⲛⲛⲉⲧⲣϩⲱⲃ·ⲁⲩⲱⲉⲣⲉⲡⲕⲟⲥⲙⲟⲥⲧⲏⲣϥϣⲟⲟⲡϩⲁⲧⲉϥⲉⲝⲟⲩⲥⲓⲁ·ⲉⲃⲟⲗϫⲉⲉⲣⲉⲛϣⲟϣⲧⲛⲇⲁⲩⲉⲓⲇⲛⲧⲟⲟⲧϥ·ⲟⲩⲃⲱⲛⲉⲗⲟⲟⲗⲉⲡⲉ·ⲉⲃⲟⲗϫⲉⲛⲧⲟϥⲡⲉⲧⲉⲩⲫⲣⲁⲛⲉⲙⲡⲥⲱⲛⲧⲧⲏⲣϥ·ⲟⲩⲟⲉⲓⲕⲟⲛⲡⲉ·ⲉⲃⲟⲗϫⲉⲛⲧⲟϥⲡⲉⲧⲧⲥⲓⲟⲙⲡⲥⲱⲛⲧⲧⲏⲣϥ·ⲣⲟⲩϩⲉⲇⲉⲛⲧⲉⲣⲉϥϣⲱⲡⲉⲡⲉϫⲁϥⲛϭⲓⲡϫⲟⲉⲓⲥⲙⲡⲙⲁⲛⲉⲗⲟⲟⲗⲉⲙⲡⲉϥⲉⲡⲓⲧⲣⲟⲡⲟⲥϫⲉⲙⲟⲩⲧⲉⲉⲛⲉⲣⲅⲁⲧⲏⲥⲛⲅϯⲛⲁⲩⲙⲡⲉⲩⲃⲉⲕⲉ·ⲛⲅⲁⲣⲭⲉⲓϫⲓⲛⲛⲛϩⲁⲉⲉⲩϣⲁⲛⲧⲕⲡⲱϩⲉⲛϣⲟⲣⲡ·ⲛⲅϯⲛⲁⲩⲛⲟⲩⲥⲁⲧⲉⲉⲣⲉⲉⲡⲟⲩⲁ·ⲡⲉϫⲉⲡⲉⲓⲱⲧⲙⲡϣⲏⲣⲉ·ⲉⲓⲧⲉϩⲛⲧϩⲁⲏⲉⲓⲧⲉϩⲙⲡⲉϩⲟⲟⲩⲛⲧⲟⲕⲉⲧⲕⲥⲟⲟⲩⲛϫⲉⲙⲟⲩⲧⲉⲉⲛⲉⲣⲅⲁⲧⲏⲥ·ⲛⲅϯⲛⲁⲩⲙⲡⲉⲩⲃⲉⲕⲉ·ⲛⲉⲣⲅⲁⲧⲏⲥⲧⲏⲣⲟⲩⲉⲛⲧⲁⲩⲣϩⲱⲃϩⲁⲣⲁⲧϥⲙⲡⲅⲉⲛⲟⲥⲛⲛⲣⲱⲙⲉ·ⲛⲅϯⲛⲁⲩⲙⲡⲃⲉⲕⲉⲙⲡⲉⲩϩⲱⲃ·ⲡⲉϫⲉⲡⲁⲩⲗⲟⲥϫⲉϩⲟⲓⲛⲉⲙⲉⲛⲁⲡⲛⲟⲩⲧⲉⲕⲁⲁⲩϩⲛⲧⲉⲕⲕⲗⲏⲥⲓⲁⲛϣⲟⲣⲡⲛⲉⲛⲁⲡⲟⲥⲧⲟⲗⲟⲥⲉⲛⲧⲁϥⲁⲣⲭⲉⲓⲛϯⲃⲉⲕⲉⲛⲁⲩⲛϣⲟⲣⲡ·ⲙⲙⲉϩⲥⲛⲁⲩⲛⲉⲛⲉⲡⲣⲟⲫⲏⲧⲏⲥⲙⲛⲡⲕⲉⲥⲉⲉⲡⲉ·ⲁⲛϣⲟⲣⲡⲉⲓⲉⲩⲙⲉⲉⲩⲉϫⲉⲉⲩⲛⲁϫⲓⲛⲟⲩϩⲟⲩⲟ·ⲥⲱⲧⲙⲉⲣⲟϥⲡⲉϫⲁϥϫⲉϯϫⲱⲙⲙⲟⲥⲛⲏⲧⲛϫⲉⲁϩⲁϩⲙⲡⲣⲟⲫⲏⲧⲏⲥϩⲓⲣⲣⲟⲉⲡⲏⲑⲩⲙⲉⲓⲉⲛⲁⲩⲉⲛⲉⲧⲉⲧⲛⲛⲁⲩⲉⲣⲟⲟⲩⲁⲩⲱⲙⲡⲟⲩⲛⲁⲩ·ⲧⲥⲁⲧⲉⲉⲣⲉⲉⲛⲧⲁϥⲧⲁⲁⲥⲛⲁⲩⲧⲉⲧⲙⲛⲧⲁⲡⲟⲥⲧⲟⲗⲟⲥ·ⲁⲩⲱⲧⲉⲡⲣⲟⲥⲫⲟⲣⲁⲉⲧⲟⲩⲁⲁⲃ:ⲡⲉϫⲁϥϫⲉⲛⲧⲉⲣⲟⲩϫⲓⲧⲥⲁⲩⲕⲣⲙⲣⲙⲉϩⲟⲩⲛⲉⲡϫⲟⲉⲓⲥⲙⲡⲙⲁⲛⲉⲗⲟⲟⲗⲉϫⲉⲉⲧⲃⲉⲟⲩⲛⲉⲓϩⲁⲉⲉⲩⲟⲩⲟⲩⲛⲟⲩⲛⲟⲩⲱⲧⲧⲉⲛⲧⲁⲩⲁⲁⲥⲁⲩⲱⲁⲕϣⲟϣⲟⲩⲛⲙⲙⲁⲛ·ⲛⲓⲙⲛⲉⲛⲁⲓⲉⲛⲧⲁⲩⲕⲣⲙⲣⲙⲉⲁⲩⲫⲑⲟⲛⲉⲓⲉⲛⲉⲓϩⲁⲉⲉⲩⲛⲉⲣⲅⲁⲧⲏⲥⲛⲥⲁⲛⲉⲕⲣⲁⲙⲁⲧⲉⲩⲥⲙⲛⲛⲉⲫⲁⲣⲓⲥⲥⲁⲓⲟⲥϫⲉⲛⲧⲟⲟⲩϩⲱⲟⲩⲟⲛⲁⲩϫⲟⲟⲩⲥⲟⲩⲉⲣϩⲱⲃⲉⲡⲙⲁⲛⲉⲗⲟⲟⲗⲉ·ⲛⲁⲓⲛⲉⲧϥⲱϣⲉⲃⲟⲗⲉⲣⲟⲟⲩϫⲉⲉⲧⲃⲉⲟⲩⲁⲧⲉⲧⲛⲣⲱⲕϩⲙⲡⲁⲙⲁⲛⲉⲗⲟⲟⲗⲉ·ⲁⲩⲱⲡⲧⲱⲣⲡⲛⲛϩⲏⲕⲉϩⲙⲡⲉⲧⲛⲏⲓ·ⲕⲁⲓⲅⲁⲣⲁⲩϫⲓϩⲱⲟⲩⲙⲡⲛⲟⲙⲟⲥⲉϩⲉⲛⲇⲓⲁⲧⲁⲅⲏⲛⲁⲅⲅⲉⲗⲟⲥⲁⲗⲗⲁⲙⲡⲟⲩϩⲁⲣⲉϩⲉⲣⲟϥ·ⲁⲩⲱⲉⲛⲉⲩⲕⲣⲙⲣⲙⲉϩⲟⲩⲛⲉⲡϫⲟⲉⲓⲥ·ⲉⲧⲃⲉⲙⲙⲁⲑⲏⲧⲏⲥⲛⲓⲱϩⲁⲛⲛⲏⲥⲙⲛⲛⲁⲛⲉⲫⲁⲣⲓⲥⲥⲁⲓⲟⲥϫⲉⲥⲉⲛⲏⲥⲧⲉⲩⲉ·ⲛⲟⲩⲕⲇⲉⲥⲉⲛⲏⲥⲧⲉⲩⲉⲁⲛ·ⲁϩⲣⲟⲟⲩⲛⲉⲕⲙⲁⲑⲏⲧⲏⲥⲥⲉⲡⲁⲣⲁⲃⲁⲛⲧⲡⲁⲣⲁⲇⲟⲥⲓⲥⲛⲛⲉⲡⲣⲉⲥⲃⲩⲧⲉⲣⲟⲥ·ⲥⲉⲉⲓⲁⲛⲛⲛⲉⲩϭⲓϫⲉⲩⲛⲁⲟⲩⲱⲙⲙⲡⲉⲩⲟⲉⲓⲕ·ⲥⲉⲟⲩⲱⲙⲥⲉⲥⲱⲥⲉⲥⲡⲁⲧⲁⲗⲁ·ⲛⲁⲡⲟⲥⲧⲟⲗⲟⲥϩⲱⲟⲩⲥⲉϩⲥϩⲙⲥⲥⲉⲟⲩⲱⲙϩⲁⲡⲉϩⲕⲟ·ⲥⲉⲥⲟⲣⲙϩⲙⲡⲕⲟⲥⲙⲟⲥ·ⲛⲁⲓϩⲱⲟⲩⲕⲣⲙⲣⲙϫⲉⲉⲧⲃⲉⲟⲩⲛⲉⲕⲙⲁⲑⲏⲧⲏⲥⲃⲱⲗⲉⲃⲟⲗⲛⲛⲥⲁⲃⲃⲁⲧⲟⲛ·ⲁⲩⲡⲑⲟⲛⲉⲓⲉⲡⲉⲓϩⲁⲉⲉⲩⲛⲉⲣⲅⲁⲧⲏⲥⲙⲙⲉ·ⲁϥⲟⲩⲱϣⲃⲡⲉϫⲁϥⲛⲟⲩⲁⲙⲙⲟⲟⲩϫⲉⲡⲉϣⲃⲏⲣϯϫⲓⲙⲙⲟⲕⲁⲛⲛϭⲟⲛⲥ·ⲙⲏⲛⲧⲁⲓⲥⲙⲛⲧⲥⲛⲙⲙⲁⲕⲁⲛⲉⲩⲥⲁⲧⲉⲉⲣⲉ·ϫⲓⲙⲡⲉⲧⲉⲡⲱⲕⲡⲉⲛⲅⲃⲱⲕ·ⲛⲓⲙⲡⲉⲡⲁⲓⲉⲛⲧⲁϥϫⲓⲛⲉⲓϫⲡⲓⲟⲧⲏⲣⲟⲩ·ϯϫⲱⲙⲙⲟⲥϫⲉⲛϭⲉⲗⲁⲁⲩⲁⲛⲡⲉⲛⲥⲁⲡⲉⲛⲧⲁⲩϫⲟⲟⲥⲛⲁϥϫⲉⲡⲉϣⲃⲏⲣⲡⲉⲛⲧⲁⲕⲉⲓⲉⲧⲃⲏⲏⲧϥⲁⲣⲓϥ·ⲉⲧⲉⲓⲟⲩⲇⲁⲥⲡⲉⲡⲉⲛⲧⲁϥϯⲉϩⲟⲩⲛϩⲙⲡⲥⲱⲧⲏⲣϩⲛϩⲉⲛⲛⲟϭⲛⲕⲟⲛⲕⲩⲥⲙⲟⲥϫⲉⲉⲧⲃⲉⲟⲩⲙⲡⲟⲩϯⲙⲡⲓⲥⲟϭⲛⲉⲃⲟⲗϩⲁϣⲙⲛⲧϣⲉⲛⲥⲁⲧⲉⲉⲣⲉⲛⲥⲉⲧⲁⲁⲩⲛⲛϩⲏⲕⲉ·ⲉϣϫⲉⲕϥⲓⲣⲟⲟⲩϣϩⲁⲡϩⲏⲕⲉⲱⲡⲉⲡⲣⲟⲇⲟⲧⲏⲥⲁϩⲣⲟⲕⲕϩⲱϥⲧⲛⲛⲉⲩⲛⲕⲁϩⲙⲡⲉⲕⲗⲟⲥⲟⲅⲟⲙⲱⲛ·ⲏϫⲉⲡⲉⲕⲃⲁⲗⲟⲩⲡⲟⲛⲏⲣⲟⲥⲡⲉ·ϫⲉⲁⲛⲅⲟⲩⲁⲅⲁⲑⲟⲥⲁⲛⲟⲕ·ⲉⲧⲃⲉϫⲉⲉⲛⲉϥⲟⲙⲡⲟⲛⲏⲣⲟⲥⲉϥϩⲱϥⲧⲛⲛⲉⲧⲟⲩⲛⲟⲩϫⲉⲙⲙⲟⲟⲩⲉⲣⲟϥ·ⲉⲣⲉⲡⲥⲱⲧⲏⲣⲛⲧⲟϥⲟⲛⲁⲅⲁⲑⲟⲥⲛⲙⲙⲁϥⲉϥϩⲟⲣϣⲛϩⲏⲧ·ⲉϩⲣⲁⲓⲉϫⲱϥ·ⲡⲉϫⲁϥⲇⲉⲛⲁϥϫⲉⲟⲩⲕⲉⲝⲉⲥⲧⲓⲛⲁⲓⲉⲣⲡⲉⲧⲓⲟⲩⲁϣϥϩⲛⲛⲉⲧⲉⲛⲟⲩⲓⲛⲉ·ⲉⲧⲉⲧⲁⲓⲧⲉⲧⲁⲡⲟⲗⲟⲅⲓⲁⲙⲡⲛⲟⲩⲧⲉⲉϫⲱϥ·ϫⲉⲟⲩⲕⲉⲕⲝⲓⲥⲧⲉⲛⲁⲓⲁⲛⲟⲕⲡⲛⲟⲩⲧⲉⲉϯⲃⲉⲕⲉⲛϩⲟⲩⲟⲙⲡⲉⲧⲛⲁⲣϩⲱⲃ·ⲁⲩⲱⲧⲁⲕⲣⲓⲛⲉⲛⲛⲉⲧⲛⲁⲣⲁⲥⲉⲃⲏⲥ·ⲛⲁⲓⲛⲉⲛⲙⲛⲧⲙⲛⲧⲣⲉⲏⲙⲙⲛⲧⲕⲣⲙⲣⲙⲛⲓⲟⲩⲇⲁⲥ·ⲉⲛⲉϥⲕⲣⲙⲣⲙⲅⲁⲣⲡⲉϩⲙⲡⲉϥⲗⲁⲥ·ⲟⲩⲁϩⲓϩⲏⲧⲇⲉⲡⲉⲛⲁⲧⲛⲁϩⲙⲡⲉϥϩⲏⲧ·ϥⲟⲙⲡⲟⲛⲏⲣⲟⲥϩⲛⲧⲉϥⲯⲩⲭⲏ·ϥⲟⲛⲕⲗⲉⲡⲧⲏⲥϩⲛⲛⲉϥϭⲓϫ·ⲉϥⲟⲛⲁⲧϣⲓⲡⲉϩⲛⲛⲉϥⲃⲁⲗ·ϣⲁⲥϣⲱⲡⲉⲇⲉⲉⲩϣⲁⲛⲟⲩⲱⲙ·ϣⲁⲣⲉⲛⲁⲡⲟⲥⲧⲟⲗⲟⲥⲣⲟⲉⲓⲥⲉⲧⲙⲕⲁⲧⲉⲩϭⲓϫⲉϫⲱⲣⲡⲉⲧⲁⲡⲥⲱⲧⲏⲣϩⲛϫⲏ·ⲉⲩⲣϩⲟⲧⲉⲉⲩϫⲱⲙⲙⲟⲥϫⲉⲁⲛⲟⲛⲛⲓⲙ·ϫⲉⲉⲛⲁⲟⲩⲱⲙⲙⲛⲡⲛⲟⲩⲧⲉ·ⲓⲟⲩⲇⲁⲥⲇⲉⲡⲁⲛⲉⲥⲑⲏⲧⲟⲥⲉⲛⲉϣⲁϥϩⲉϫⲡⲧⲉϥϭⲓϫϩⲛⲧϫⲏⲙⲛⲡⲥⲱⲧⲏⲣ·ⲉϥⲥⲡⲟⲩⲇⲁⲍⲉⲉⲥⲉⲡⲧⲉϥⲕⲗⲁⲥⲙⲁⲛⲟⲉⲓⲕⲉⲡⲥⲟⲡϩⲙⲡϭⲓⲛⲟⲩⲱⲙ·ϩⲁⲧϩⲏⲙⲡⲥⲱⲧⲏⲣ·ⲉⲙⲁⲣⲉⲡⲥⲱⲧⲏⲣϣⲁϫⲉ·ϫⲉⲕⲁⲥⲇⲉⲉⲛⲛⲁⲉⲓⲙⲉ·ⲛⲧⲉⲣⲉⲙⲙⲁⲑⲏⲧⲏⲥϫⲛⲟⲩϥϫⲉⲛⲓⲙⲁⲣⲁⲡⲉⲧⲛⲁⲡⲁⲣⲁⲇⲓⲇⲟⲩⲙⲙⲟⲕ·ⲛⲧⲁϥϯⲡⲙⲁⲉⲓⲛⲛⲧⲙⲛⲧⲁⲛⲁⲓⲥⲑⲏⲧⲟⲥⲛⲓⲟⲩⲇⲁⲥⲛⲁⲩ·ϫⲉⲡⲉⲧⲛⲁⲛⲉϫⲧⲉϥϭⲓϫⲛⲙⲙⲁⲓⲉⲧϫⲏ·ⲛϣⲟⲣⲡⲛⲧⲟϥⲡⲉⲧⲛⲁⲡⲁⲣⲁⲇⲓⲇⲟⲩⲙⲙⲟⲓ·ⲡⲉϫⲁϥⲛⲁϥϫⲉⲡⲉⲧⲕⲛⲁⲁϥⲁⲣⲓϥϩⲛⲟⲩϭⲉⲡⲏ·ⲉⲛⲉϥϭⲉⲡⲏⲅⲁⲣⲡⲉⲛϭⲓⲡⲥⲱⲧⲏⲣⲉϫⲱⲕⲉⲃⲟⲗⲛⲧⲥⲱⲧⲏⲣⲓⲁⲙⲡⲉϥⲥⲱⲛⲧϩⲓϫⲙⲡⲉⲥⲧⲁⲩⲣⲟⲥ·ⲕⲁⲧⲁⲡⲟⲩⲱϣⲙⲛⲡⲟⲩⲉϩⲥⲁϩⲛⲉⲙⲡⲉϥⲉⲓⲱⲧϫⲉⲉⲛⲉⲕϩⲉⲉⲣⲟϥⲉϥⲉⲕⲧⲟⲛⲓⲍⲉⲏⲉϥⲁⲙⲉⲗⲉⲓⲉⲡⲉⲛⲧⲁϥⲉⲓⲉⲧⲃⲏⲏⲧϥ·ⲏⲉϥⲣϩⲟⲧⲉϩⲏⲧϥⲙⲡⲙⲟⲩ·ⲁⲗⲗⲁⲉⲛⲉϥⲟⲩⲱⲛϩⲉⲃⲟⲗⲙⲡⲉϥⲟⲩⲣⲟⲧⲡⲉⲉϩⲟⲩⲛⲉⲡⲉⲥⲧⲁⲩⲣⲟⲥϩⲱⲥⲙⲁⲣⲧⲩⲣⲟⲥⲛϫⲱⲱⲣⲉ·ⲁⲩⲱϩⲱⲥⲛⲟⲩⲧⲉⲛⲁⲧⲣϩⲟⲧⲉ·ⲉⲧⲃⲉⲡⲁⲓⲉⲛⲉϥⲧⲱⲃⲥⲡⲉⲛⲓⲟⲩⲇⲁⲥϫⲉⲡⲉⲧⲕⲛⲁⲁϥⲁⲣⲓϥϩⲛⲟⲩϭⲉⲡⲏ·ⲧⲁⲭⲩⲙⲙⲟⲕ·ⲁⲗⲁϭⲉⲉⲛⲉⲓⲥⲱⲛⲧⲧⲏⲣⲟⲩⲉⲩⲥⲁϣⲧ·ⲥⲉϭⲱϣⲧⲉⲃⲟⲗϩⲏⲧⲕ·ⲥⲉϭⲱϣⲧⲟⲛⲉⲃⲟⲗϩⲏⲧ·ⲛⲁⲙⲡⲏⲩⲉϭⲱϣⲧⲉⲃⲟⲗϩⲏⲧ·ⲛⲁⲡⲛⲟⲩⲛⲙⲛⲡⲉⲭⲁⲟⲥϭⲱϣⲧⲉⲃⲟⲗϩⲏⲧⲕ·ⲡⲁⲉⲓⲱⲧϥϣⲟⲟⲡⲛⲙⲙⲁⲓϥϯⲛⲧⲟⲟⲧ·ⲡⲇⲓⲁⲃⲟⲗⲟⲥϥϣⲟⲟⲡⲛⲙⲙⲁⲕ·ϥⲁϩⲉⲣⲁⲧϥⲛⲙⲙⲁⲕϩⲓⲟⲩⲛⲁⲙⲙⲙⲟⲕ·ϥϯⲛⲧⲟⲟⲧⲕ·ⲥⲉⲥⲧⲉⲫⲁⲛⲟⲩⲛⲁⲓⲛⲙⲡⲩⲗⲏⲛⲙⲡⲏⲩⲉ·ⲛϭⲓⲛⲁⲅⲅⲉⲗⲟⲥⲉⲧⲟⲩⲁⲁⲃ·ⲥⲉⲥⲟⲃⲧⲉⲛⲁⲕⲛⲁⲙⲛⲧⲉⲛϭⲓⲛⲇⲏⲛⲁⲙⲓⲥⲛⲧⲓⲙⲱⲣⲓⲥⲧⲏⲥ·ⲛⲉϥⲧⲱⲃⲥⲙⲙⲟϥⲡⲉϩⲓⲛⲁⲓϫⲉϭⲉⲡⲏⲙⲙⲟⲕ·ⲁⲛⲟⲕⲅⲁⲣϯⲥⲃⲧⲱⲧⲉϩⲉⲛⲙⲁⲥⲧⲓⲝ·ⲕⲁⲗⲱⲥⲟⲩⲛⲉⲟⲩϫⲟⲟⲥⲛⲉⲥⲇⲣⲁϫⲉ·ⲡⲥⲱⲛⲧⲅⲁⲣϭⲉⲡⲏⲁⲛ·ⲉϩⲟⲩⲉⲉⲡⲣⲉϥⲥⲱⲛⲧ·ⲉϣϫⲉⲓⲟⲩⲇⲁⲥⲇⲉⲡⲉⲧⲛⲁⲡⲁⲣⲁⲇⲓⲇⲟⲩⲙⲙⲟϥ·ⲁϩⲣⲟϥϥⲙⲟⲩⲧⲉⲉⲣⲟϥϫⲉⲡⲉϣⲃⲏⲣϯϫⲓⲙⲙⲟⲕⲁⲛⲛϭⲟⲛⲥ·ⲉⲡⲉⲓⲇⲏⲁϥϫⲟⲟⲥⲛⲁϥϫⲉⲡⲉⲕⲃⲁⲗⲟⲩⲡⲟⲛⲏⲣⲟⲥⲡⲉⲁⲛⲟⲕⲇⲉⲁⲛⲅⲟⲩⲁⲅⲁⲑⲟⲥ·ⲙⲡⲉⲡⲥⲱⲧⲏⲣⲥⲁϩⲉⲡϣⲁϫⲉⲛⲧⲉϥⲙⲛⲧϣⲃⲏⲣⲉⲃⲟⲗⲙⲙⲟϥϣⲁϩⲟⲩⲛⲉⲡⲛⲁⲩⲉⲛⲧⲁϥⲡⲁⲣⲁⲇⲓⲇⲟⲩⲙⲙⲟϥ·ϥⲙⲟⲩⲧⲉⲇⲉⲉⲣⲟϥϫⲉⲡⲉϣⲃⲏⲣ·ⲛⲧⲟϥⲇⲉϥⲙⲉⲉⲩⲉⲉⲩⲙⲛⲧϫⲁϫⲉ·ⲁϥϯⲛⲁϥⲙⲡⲉⲅⲗⲟⲥⲟⲅⲟⲙⲱⲛ·ⲁϥϣⲱⲡⲉⲛⲣⲉϥϩⲱϥⲧ·ⲁϥⲥⲟⲧⲡϥϩⲱⲥⲙⲁⲑⲏⲧⲏⲥ·ⲛⲧⲟϥⲇⲉⲉⲛⲉϥⲙⲉⲉⲩⲉⲉⲩⲕⲣⲟϥ·ⲁϥⲥⲟⲧⲡϥϩⲱⲥⲣⲱⲙⲉ·ⲁϥϣⲱⲡⲉⲛⲇⲓⲁⲃⲟⲗⲟⲥ·ⲱⲓⲟⲩⲇⲁⲥⲟⲩⲡⲉⲛⲧⲁⲕⲁⲁϥ·ⲏⲛⲧⲁⲕϯϩⲏⲩⲛⲟⲩⲉⲁⲕⲡⲁⲣⲁⲇⲓⲇⲟⲩⲙⲡϫⲟⲉⲓⲥ·ⲁⲕϯⲟⲥⲉⲙⲡⲉⲕⲱⲛϩ·ⲁⲩⲱⲁⲕⲥⲱⲣⲙⲙⲡⲉⲓⲛⲟϭⲛⲧⲁⲓⲟ·ⲡⲉⲟⲟⲩⲛⲧⲙⲛⲧⲁⲡⲟⲥⲧⲟⲗⲟⲥ·ⲛⲓⲙⲅⲁⲣⲡⲉⲧϩⲓⲧⲡⲉⲙⲡⲉⲩⲕⲗⲏⲣⲟⲥ·ⲙⲛⲛⲥⲁⲧⲁⲛⲟⲙⲁⲥⲓⲁⲛⲛⲁⲅⲅⲉⲗⲟⲥⲛⲁⲡⲟⲥⲧⲟⲗⲟⲥⲛⲉ·ⲙⲟⲅⲓⲥⲅⲁⲣⲛⲧⲉⲟⲩⲁⲕⲁⲧⲁⲝⲓⲟⲩⲉⲧⲣⲉⲡⲉϥϣⲏⲣⲉⲟⲩⲱⲙⲛⲙⲙⲁϥ·ⲟⲩϩⲙϩⲁⲗⲇⲉⲟⲩⲁⲧϭⲟⲙⲡⲉⲉⲧⲣⲉϥⲟⲩⲱⲙⲙⲛⲡⲉϥϫⲟⲉⲓⲥ·ⲓⲏⲥⲟⲩⲥⲇⲉⲡⲉⲛϫⲟⲉⲓⲥⲁϥⲕⲁⲧⲁⲝⲓⲟⲩⲛⲧⲟϥⲁϥⲟⲩⲱⲙⲙⲛⲛⲧⲉⲗⲱⲛⲏⲥ·ⲁⲩⲱⲁϥⲥⲱⲙⲛⲓⲟⲩⲇⲁⲥⲡⲁⲛⲟⲙⲟⲥ·ⲁⲩⲣⲱⲙⲉⲛⲗⲟⲓⲙⲟⲥⲥⲟⲩⲧⲛⲧⲟⲟⲧϥⲉⲃⲟⲗⲙⲛⲡⲛⲟⲩⲧⲉ·ⲁⲡⲉⲓⲧⲁⲗⲁⲓⲡⲱⲣⲟⲥϯⲟⲥⲉⲙⲡⲉϥⲱⲛϩⲉⲃⲟⲗϫⲉⲁϥϣⲉⲡⲡⲙⲟⲩⲛⲁϥ·ⲁϥⲭⲁⲥⲧϥⲡⲁⲣⲁⲡⲉϥⲙⲡϣⲁ·ⲁϥϩⲉⲉⲡⲉⲥⲏⲧⲉϫⲙⲡⲕⲁϩⲕⲁⲧⲁⲡⲉϥⲙⲡϣⲁ·ⲁϥⲥⲟⲧⲡϥⲙⲛⲛⲁⲡⲟⲥⲧⲟⲗⲟⲥⲁϥⲥⲱⲣⲙⲛⲧⲙⲛⲧⲁⲡⲟⲥⲧⲟⲗⲟⲥ·ⲁⲩⲧⲟϣϥⲛⲕⲗⲏⲣⲟⲛⲟⲙⲟⲥⲁϥϣⲟⲟⲛⲉϥⲙⲁⲩⲁⲁϥⲉⲧⲉⲕⲕⲗⲏⲣⲟⲛⲟⲙⲓⲁ·ⲛⲁⲡⲟⲥⲧⲟⲗⲟⲥⲇⲉⲛⲧⲟⲟⲩⲛⲉⲛⲕⲗⲏⲣⲟⲛⲟⲙⲟⲥⲙⲡⲥⲱⲧⲏⲣ·ⲛⲧⲟⲟⲩⲛⲉⲡⲟⲩⲟⲉⲓⲛⲙⲡⲕⲟⲥⲙⲟⲥ·ⲙⲡⲟⲩⲉϣⲣⲟⲩⲟⲉⲓⲛⲉⲓⲟⲩⲇⲁⲥ·ⲛⲧⲟⲟⲩⲡⲉϩⲙⲟⲩⲙⲡⲕⲁϩⲙⲡⲟⲩⲉϣϫⲱⲕⲣⲛⲛⲗⲱⲙⲥⲛⲓⲟⲩⲇⲁⲥ·ⲛⲧⲟⲟⲩⲛⲉⲛⲧⲁⲡⲛⲟⲩⲧⲉⲕⲁⲁⲩϩⲛⲧⲉⲕⲕⲗⲏⲥⲓⲁ·ⲙⲡⲟⲩⲉϣⲧⲣⲉϥⲙⲟⲩⲛⲉⲃⲟⲗⲛⲙⲙⲁⲩ·ⲉⲃⲟⲗϫⲉⲁⲩⲣⲡⲃⲟⲗⲙⲡϣⲓⲛⲧⲙⲛⲧⲣⲱⲙⲉ·ⲁϥϣⲱⲡⲉϩⲛⲧⲙⲉⲣⲓⲥⲙⲡⲇⲓⲁⲃⲟⲗⲟⲥ·ⲟⲩⲟⲓⲛⲁⲕⲱⲓⲟⲩⲇⲁⲥⲛⲧⲁⲕϯϩⲏⲩⲛⲟⲩ·ⲛⲁⲛⲟⲩⲕⲁⲉⲓⲛⲉϥϩⲉⲧⲃⲣⲱⲙⲉⲡⲁⲣⲁⲓⲟⲩⲇⲁⲥⲉϥϩⲉⲧⲃⲛⲟⲩⲧⲉ·ⲛⲁⲛⲟⲩⲥⲁⲟⲩⲗⲉϥⲙⲉⲥⲧⲉⲣⲱⲙⲉⲡⲁⲣⲁⲓⲟⲩⲇⲁⲥⲉϥⲙⲉⲥⲧⲉⲛⲟⲩⲧⲉ·ⲛⲁⲛⲟⲩⲧⲙⲛⲧⲛⲁϣⲧϩⲏⲧⲙⲫⲁⲣⲁⲱⲛⲁϩⲣⲙⲡⲗⲁⲟⲥⲡⲁⲣⲁⲧⲙⲛⲧⲛⲁϣⲧϩⲏⲧⲛⲓⲟⲩⲇⲁⲥⲛⲁϩⲣⲙⲡⲛⲟⲩⲧⲉ·ⲛⲁⲛⲟⲩⲧⲉⲡⲗⲁⲛⲏⲛⲃⲁⲗⲁϩⲁⲙⲡⲁⲣⲁⲧⲡⲁⲣⲁⲛⲟⲙⲓⲁⲛⲓⲟⲩⲇⲁⲥ·ⲛⲁⲛⲟⲩⲧⲁⲛⲧⲓⲗⲟⲅⲓⲁⲛⲕⲟⲣⲉϩⲛⲧⲉⲣⲏⲙⲟⲥ·ⲡⲁⲣⲁⲧⲙⲛⲧⲥⲕⲗⲏⲣⲟⲥⲛⲓⲟⲩⲇⲁⲥϩⲛⲧϩⲓⲉⲣⲟⲩⲥⲁⲗⲏⲙ·ⲛⲁⲛⲟⲩⲁⲭⲁⲣⲉϥϩⲟⲃⲧⲛϩⲉⲛⲁⲛⲁⲑⲉⲙⲁ·ⲡⲁⲣⲁⲓⲟⲩⲇⲁⲥⲉϥϩⲟϥⲧⲛϩⲉⲛⲙⲛⲧⲛⲁ·ⲛⲁⲛⲟⲩⲡϣⲟⲩϣⲟⲩⲛⲁⲃⲉⲥⲁⲗⲱⲙⲛⲁϩⲣⲛⲇⲁⲩⲉⲓⲇⲡⲁⲣⲁⲧⲙⲛⲧⲁⲩⲑⲁⲇⲏⲥⲛⲓⲟⲩⲇⲁⲥⲛⲁϩⲣⲙⲡⲛⲟⲩⲧⲉ·ⲛⲁⲛⲟⲩⲡϣⲟϫⲛⲉⲉⲧϩⲟⲟⲩⲛⲁⲭⲓⲧⲟⲫⲉⲗⲛⲥⲁⲇⲁⲩⲉⲓⲇⲁϥⲟϭⲧϥⲁϥⲙⲟⲩ·ⲡⲁⲣⲁⲛⲕⲁⲧⲏⲅⲱⲣⲓⲁⲛⲓⲟⲩⲇⲁⲥⲛⲥⲁⲡⲥⲱⲧⲏⲣ·ⲁϥⲟϭⲧϥ·ⲁϥϣⲱⲡⲉϩⲛⲛⲧⲁⲣⲧⲁⲣⲟⲥ·ⲛⲁⲛⲟⲩⲛⲥⲁϩⲟⲩⲛⲥⲉⲙⲉⲉⲓⲛⲥⲁⲇⲁⲩⲉⲓⲇⲛϩⲟⲩⲉⲉⲛⲕⲱⲙϣⲛⲓⲟⲩⲇⲁⲥⲛⲥⲁⲡⲥⲱⲧⲏⲣ·ⲥⲉⲥⲟⲃⲕⲛϭⲓⲛⲉⲥⲛⲱⲱϥⲉⲛⲧⲁⲓⲱⲁⲃⲡⲁϩⲧⲟⲩⲉⲃⲟⲗϩⲛⲟⲩⲙⲛⲧⲡⲟⲛⲏⲣⲟⲥⲛϩⲟⲩⲉⲉⲡⲉⲛⲧⲁⲓⲟⲩⲇⲁⲥⲡⲁϩⲧϥⲉⲃⲟⲗϩⲛⲟⲩⲙⲛⲧⲁⲧⲛⲁ·ⲛⲁⲛⲟⲩⲧⲙⲛⲧⲙⲁⲓϩⲟⲙⲛⲧⲛⲕⲉⲉⲍⲉⲓⲉⲁϥⲥⲱⲃϩⲡⲁⲣⲁⲧⲙⲛⲧⲙⲁⲓϩⲟⲙⲛⲧⲛⲓⲟⲩⲇⲁⲥ·ⲁϥⲃⲱⲕⲉⲡⲧⲁⲕⲟ·ϥⲥⲟⲃⲕⲛϭⲓⲡⲛⲟⲃⲉⲛϩⲓⲉⲣⲟⲃⲟⲁⲙⲡⲁⲣⲁⲧⲁⲛⲟⲙⲓⲁⲛⲓⲟⲩⲇⲁⲥϩⲓⲉⲣⲟⲃⲟⲁⲙⲧⲁⲙⲉⲓⲉⲛⲟⲩⲧⲉⲛⲛⲟⲩϫ·ⲓⲟⲩⲇⲁⲥϩⲱⲱϥⲛⲟⲩϫⲉⲉⲃⲟⲗⲙⲡⲛⲟⲩⲧⲉⲙⲙⲉ·ⲡⲉϣⲃⲏⲣϯϫⲓⲙⲙⲟⲕⲁⲛⲛϭⲟⲛⲥϫⲓⲙⲡⲉⲧⲉⲡⲱⲕⲡⲉⲛⲅⲃⲱⲕ·ⲡⲉϣⲃⲏⲣⲉⲧϩⲟⲟⲩⲓⲟⲩⲇⲁⲥⲡⲥⲱⲧⲏⲣⲁⲛⲡⲉⲛⲧⲁϥϫⲓⲧⲕⲛϭⲟⲛⲥ·ⲁⲗⲗⲁⲛⲧⲟⲕⲙⲁⲩⲁⲁⲕⲡⲉ·ϫⲓⲡⲥⲁϩⲟⲩⲛⲅⲃⲱⲕⲛⲁⲕⲉⲁⲙⲛⲧⲉ·ⲁⲓⲟⲩⲇⲁⲥϣⲱⲡⲉϩⲛⲛⲁⲓ·ⲁⲙⲁⲑⲓⲁⲥⲉⲓⲉϩⲟⲩⲛⲁϥϫⲓⲙⲡⲉⲥⲙⲟⲩ·ⲁϥⲣⲙⲁⲑⲏⲧⲏⲥϩⲁⲣⲁⲧϥⲙⲡⲥⲁϩ·ⲁϥⲣⲁⲡⲟⲥⲧⲟⲗⲟⲥⲁϥⲧⲁϣⲉⲟⲉⲓϣ·ⲁϥⲣⲟⲩⲟⲉⲓⲛⲉϩⲉⲛⲭⲱⲣⲁⲁϥⲣϩⲙⲟⲩⲁϥϫⲉⲕⲣϩⲉⲛⲯⲩⲭⲏ·ⲁϥⲣϩⲙϩⲁⲗⲁϥϩⲩⲡⲟⲧⲁⲥⲥⲉⲙⲡϫⲟⲉⲓⲥ·ⲁϥⲣϣⲏⲣⲉⲙⲡⲙⲉⲣⲓⲧⲙⲡⲛⲟⲩⲧⲉⲓⲏⲥⲟⲩⲥⲡⲉⲭⲣⲓⲥⲧⲟⲥⲡⲣⲣⲟⲙⲡⲧⲏⲣϥ·ⲡϫⲟⲉⲓⲥⲙⲡⲧⲏⲣϥ·ⲡϣⲟⲩϣⲟⲩⲙⲡⲧⲏⲣϥ·ⲡⲉⲧⲣϩⲙⲙⲉⲙⲡⲧⲏⲣϥ·ⲡⲉⲧⲛⲁⲕⲣⲓⲛⲉⲙⲡⲧⲏⲣϥ·ⲡⲉⲛⲧⲁϥϣⲁⲛⲁϩⲧⲏϥϩⲁⲡⲧⲏⲣϥ·ⲡⲉⲧⲛⲁϩⲁⲡⲧⲏⲣϥ·ⲡⲉⲛⲧⲁϥⲙⲟⲩϩⲁⲡⲧⲏⲣϥ·ⲡⲉⲛⲧⲁϥⲧⲱⲟⲩⲛϩⲁⲡⲧⲏⲣϥ·ⲡⲉⲛⲧⲁϥⲃⲉⲗⲡⲧⲏⲣϥⲉⲃⲟⲗ·ⲡⲉⲛⲧⲁϥϣⲓⲃⲉⲙⲡⲧⲏⲣϥ·ⲡⲉⲛⲧⲁϥⲣⲡⲧⲏⲣϥⲛⲃⲣⲣⲉ·ⲡⲉⲛⲧⲁϥⲧⲣⲉⲡⲧⲏⲣϥⲣⲁϣⲉ·ⲡⲉⲧⲉⲣⲉⲡⲧⲏⲣϥⲁϣⲉⲉⲃⲟⲗϩⲓⲧⲟⲟⲧϥ·ⲧⲉⲛⲟⲩϭⲉⲱⲡⲣⲱⲙⲉⲁⲙⲟⲩⲛⲅⲧⲁⲗⲉⲉⲡϫⲟⲉⲓ·ⲙⲡⲉⲩϫⲁⲓⲉⲧⲉⲧⲡⲓⲥⲧⲉⲛⲧⲉⲕⲕⲗⲏⲥⲓⲁⲉⲣⲉⲡⲟⲩⲟⲥⲣⲥⲛⲁⲩϩⲓⲱⲱϥ·ⲉⲩϩⲓⲛⲉⲙⲙⲟϥ·ⲉⲧⲉⲛⲁⲓⲛⲉⲧⲇⲓⲁⲑⲏⲕⲏⲥⲛⲧⲉⲉⲕⲙⲉⲗⲉⲧⲁⲙⲙⲟⲟⲩ·ⲛⲁⲓⲛⲉⲧⲛⲁϫⲓⲧⲕⲉⲡⲙⲁⲙⲙⲟⲟⲛⲉⲉⲧⲛⲁⲛⲟⲩϥ·ⲉⲣⲉⲡⲉϣⲧⲉϩⲓⲱⲱϥ·ⲙⲛⲡϩⲓⲉ·ⲉⲧⲉⲡⲁⲓⲡⲉⲡⲉⲥⲧⲁⲩⲣⲟⲥⲙⲡϫⲟⲉⲓⲥ·ⲉⲧⲉⲛⲁⲓⲛⲉⲧⲉⲕϭⲓϫⲥⲛⲧⲉⲉⲧⲡⲟⲣϣⲉⲃⲟⲗⲉⲧϣⲗⲏⲗⲉⲡⲛⲟⲩⲧⲉ·ⲉⲣⲉⲧⲗⲁⲩⲟⲙⲙⲟϥⲉⲧⲥⲱⲕⲙⲙⲟϥⲉⲧⲉⲧⲁⲓⲧⲉⲧⲉⲝⲟⲩⲥⲓⲁⲙⲡϫⲟⲉⲓⲥⲉⲧⲛⲁϫⲓⲙⲟⲉⲓⲧϩⲏⲧⲕⲉϩⲓⲏⲛⲓⲙⲉⲛⲁⲛⲟⲩϥ·ⲉⲣⲉⲡⲉϩⲓⲉⲙⲙⲟϥⲉⲧⲉⲡⲁⲓⲡⲉⲡⲉⲡⲓⲥⲕⲟⲡⲟⲥⲉⲧϩⲛⲧⲉⲕⲕⲗⲏⲥⲓⲁ·ⲉⲣⲉⲡⲕⲩⲃⲏⲣⲛⲏⲧⲏⲥⲣϩⲙⲙⲉ·ⲉⲧⲉⲡⲁⲓⲡⲉⲓⲏⲥⲟⲩⲥⲡⲁⲓⲉⲧⲣϩⲙⲙⲉⲙⲡⲧⲏⲣϥ·ⲉⲣⲉⲛⲛⲉⲉϥϩⲓⲱⲱϥⲉⲧⲉⲛⲁⲓⲛⲉⲛⲉⲕⲗⲏⲣⲓⲕⲟⲥ·ⲉⲧϩⲛⲧⲉⲕⲕⲗⲏⲥⲓⲁⲉⲧⲇⲓⲁⲕⲟⲛⲉⲓ·ⲉⲣⲉⲛⲉϩⲟⲩⲁⲧⲉⲧⲁⲗⲏⲩⲉⲣⲟϥ·ⲉⲧⲉⲛⲁⲓⲛⲉⲡⲗⲁⲟⲥⲛⲭⲣⲏⲥϯⲁⲛⲟⲥ·ⲛⲅⲙⲟⲟⲛⲉⲉϩⲟⲩⲛⲉⲡⲗⲓⲙⲏⲛⲉⲧⲛⲁⲛⲟⲩϥ·ⲉⲧⲉⲧⲁⲓⲧⲉⲧⲉⲙⲣⲱⲛⲓⲏⲥⲟⲩⲥⲉⲧⲉⲧⲁⲓⲧⲉⲧϩⲓⲉⲣⲟⲩⲥⲁⲗⲏⲙⲛⲧⲡⲉ·ⲛⲅⲕⲗⲏⲣⲟⲛⲟⲙⲉⲓⲛⲛⲉⲣⲏⲧⲙⲡⲛⲟⲩⲧⲉⲉⲧⲉⲛⲁⲓⲛⲉⲛⲉϥⲁⲅⲁⲑⲟⲛ·ⲛⲅⲙⲧⲟⲛⲙⲙⲟⲕⲙⲛⲛⲉⲕⲥⲩⲛⲡⲟⲗⲓⲧⲏⲥ·ⲉⲧⲉⲛⲁⲓⲛⲉⲛⲁⲅⲅⲉⲗⲟⲥⲙⲛⲛⲉⲧⲟⲩⲁⲁⲃⲧⲏⲣⲟⲩ·ⲧⲉⲛⲟⲩϭⲉⲛⲉⲥⲛⲏⲩⲉⲓⲥϩⲏⲏⲧⲉⲁⲛⲣⲡⲉϩⲟⲟⲩⲧⲏⲣϥⲉⲛⲅⲩⲙⲛⲁⲍⲉϩⲙⲡϣⲁϫⲉ·ϣⲁⲛⲧⲛⲧⲁϩⲉⲡϩⲱⲃⲉⲣⲁⲧϥⲉⲛⲧⲁⲛϩⲓⲧⲟⲟⲧⲛⲉⲣⲟϥ·ⲧⲉⲛⲟⲩϭⲉⲙⲁⲣⲛⲉⲩⲭⲁⲣⲓⲥⲧⲁⲙⲡⲛⲟⲩⲧⲉⲙⲛⲡⲉⲡⲛⲉⲩⲙⲁⲉⲧⲟⲩⲁⲁⲃ·ⲡⲁⲓⲉⲛⲧⲁϥⲟⲩⲱⲛⲛⲁⲛⲙⲡⲣⲟⲙⲡⲗⲟⲅⲟⲥ·ⲁⲩⲱⲁϥϯⲛⲁⲛⲙⲡϣⲁϫⲉⲉⲛⲧⲧⲁⲡⲣⲟ·ϣⲁⲛⲧⲛϫⲱⲛⲛⲉⲛⲧⲁⲡⲗⲟⲅⲟⲥⲭⲁⲣⲓⲍⲉⲙⲙⲟⲟⲩ·ⲛⲁⲛⲉⲡϩⲏⲩⲛⲧⲉⲛⲯⲩⲭⲏⲙⲛⲛⲉⲧⲥⲱⲧⲙⲉⲣⲟⲛ·ⲛⲧⲛⲥⲙⲟⲩⲉⲡⲗⲟⲅⲟⲥⲉⲛⲧⲁϥⲭⲁⲣⲓⲍⲉⲛⲁⲛⲙⲡⲉⲡⲛⲉⲩⲙⲁⲉⲧⲟⲩⲁⲁⲃ·ⲛⲧⲟϥⲟⲛⲡⲉⲛⲧⲁϥϫⲟⲟⲥϫⲉⲉⲩϣⲁⲛϣⲁϫⲉⲛⲙⲙⲏⲧⲛⲙⲡⲣϥⲓⲡⲣⲟⲟⲩϣϫⲉⲉⲧⲉⲧⲛⲁϫⲟⲟⲥϫⲉⲟⲩ·ⲥⲉⲛⲁϯⲅⲁⲣⲛⲏⲧⲛⲛⲧⲉⲩⲛⲟⲩⲉⲧⲙⲙⲁⲩⲙⲡⲉⲧⲧⲉⲧⲛⲛⲁϫⲟⲟϥ·ⲛⲧⲱⲧⲛⲅⲁⲣⲁⲛⲡⲉⲧϣⲁϫⲉⲁⲗⲗⲁⲡⲉⲡⲛⲉⲩⲙⲁⲙⲡⲉⲧⲛⲉⲓⲱⲧⲡⲉⲧϣⲁϫⲉⲛϩⲏⲧⲧⲏⲩⲧⲛ·ⲁⲛⲟⲛⲇⲉϩⲱⲱⲛⲙⲁⲣⲛϯⲉⲟⲟⲩⲙⲡⲛⲟⲩⲧⲉⲙⲡⲛⲟⲩⲧⲉⲡⲡⲁⲛⲧⲟⲕⲣⲁⲧⲱⲣⲉⲛⲧⲁϥⲧⲛⲛⲟⲟⲩⲛⲁⲛⲙⲡⲣⲣⲟⲡⲉⲭⲣⲓⲥⲧⲟⲥ·ⲡⲁⲓⲉⲃⲟⲗϩⲓⲧⲟⲟⲧϥⲉⲛⲥⲙⲟⲩⲁⲩⲱⲉⲛϩⲩⲙⲛⲉⲩⲉⲉⲡⲉⲓⲱⲧⲙⲛⲡϣⲏⲣⲉⲙⲛⲡⲉⲡⲛⲉⲩⲙⲁⲉⲧⲟⲩⲁⲁⲃ·ⲧⲉⲧⲣⲓⲁⲥⲛϩⲟⲙⲟⲟⲩⲥⲓⲟⲥϫⲓⲛⲁⲓⲱⲛϣⲁⲛⲁⲓⲱⲛⲧⲏⲣⲟⲩϩⲁⲙⲏⲛ·◈—◈—◈—◈—◈—◈ⲁⲑⲁⲛⲁⲥⲓⲟⲥⲁⲣⲭⲏⲉⲡⲓⲥⲕⲟⲡⲟⲩ·◈◈◈◈◈◈◈◈◈◈◈◈◈◈———————

ANNIS Metadata

annotation: Elizabeth Davidson, Lance Martin, Amir Zeldes
attributed_author: Athanasius of Alexandria
author: unknown
collection: Oriental Manuscripts
Coptic_edition: Budge, 1910
corpus: pseudo.athanasius.discourses
country: Egypt
document_cts_urn: urn:cts:copticLit:psathanasius.matthew20.budge:1-56
entities: automatic
identities: checked
idno: Or. 5001 ff. 105b-116a
language: Sahidic Coptic
license: CC-BY 4.0
msItem_title: Homily on Matthew 20
msName: CMCL.AW
note: The page numbers in the manuscript contain errors, skipping pages 32 and 34. Coptic SCRIPTORIUM's edition includes only Budge's transcription of the manuscript. It is not a diplomatic transcription based on reading and collation of the original manuscript. The translation is Budge's with very slight modifications (e.g., numbers mistranslated.) Chapters are based on ekthesis in Budge's edition. The pb xml ids correspond to numbered pages in the ms as provided by Budge; if Budge’s edition omits the number we have extrapolated based on the provided page number; Budge notes on p XV of his edition that the pagination in this codex is sometimes irregular. Budge's title for the work is: 'The Discourse which Saint Athanasius, Archbishop of Rakote, pronounced concerning the passage in the Gospel of Saint Matthew, 'The kingdom which is in the heavens is like unto a rich man who came out in the morning to hire labourers for his vineyard.''
objectType: codex
origDate: Between 601 and 700 CE
origDate_notAfter: 0700
origDate_notBefore: 0601
origDate_precision: medium
origPlace: Upper Egypt
pages_from: 105a
pages_to: 116a
parsing: automatic
paths_manuscripts: 22
paths_works: 60
people: Aaron; Ahitophel; Andrew the Apostle; Athanasius of Alexandria; Cain; David; Devil; Ezra; Gehazi; Heavenly host; Jeroboam; Jesus; Joab; John the Baptist; Joshua; Judas Iscariot; Moses; Paul the Apostle; Ramesses II; Saint Peter; Samuel; Saul
places: Alexandria; Duat; Jerusalem; Judea; Midian; New Jerusalem; Tartarus
project: Coptic SCRIPTORIUM, Marcion
redundant: no
repository: British Library
segmentation: checked
source: Marcion project, Archive.org
tagging: automatic
title: Homily on Matthew 20
translation: E. A. Wallis Budge
Trismegistos: 107789
version_date: 2020-08-31
version_n: 4.0.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:psathanasius.matthew20.budge:1-56. [version number], [date]. https://data.copticscriptorium.org/urn:cts:copticLit:psathanasius.matthew20.budge:1-56.

Subsequent citations:

Author, Ancient title (abbreviated) [chapter.verse if available], urn:cts:copticLit:psathanasius.matthew20.budge:1-56.

Document Edition: urn:cts:copticLit:psathanasius.matthew20.budge:1-56

Work: urn:cts:copticLit:psathanasius.matthew20

Text Group: urn:cts:copticLit:psathanasius

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:psathanasius.matthew20.budge:1-56/norm/html

Analytic Visualization HTML: https://data.copticscriptorium.org/urn:cts:copticLit:psathanasius.matthew20.budge:1-56/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:psathanasius.matthew20.budge:1-56/tei/xml

Paula XML: https://data.copticscriptorium.org/urn:cts:copticLit:psathanasius.matthew20.budge:1-56/paula/xml

relANNIS: https://data.copticscriptorium.org/urn:cts:copticLit:psathanasius.matthew20.budge:1-56/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:psathanasius.matthew20.budge:1-56/annis