Encomium on Michael the Archangel (Budge ed. MERC.AI) Part 1
normalized analytic TEI ANNIS PAULA Search ANNIS
Next

Normalized Text

ⲟⲩⲉⲅⲕⲱⲙⲓⲟⲛⲉⲁϥⲧⲁⲩⲟϥⲛϭⲓⲡⲉⲛⲡⲉⲧⲟⲩⲁⲁⲃⲛⲉⲓⲱⲧ·ⲉⲧⲧⲁⲓⲏⲩⲕⲁⲧⲁⲥⲙⲟⲧⲛⲓⲙⲁⲡⲁⲑⲉⲟⲇⲱⲥⲓⲟⲥⲡⲁⲣⲭⲏⲉⲡⲓⲥⲕⲟⲡⲟⲥⲛⲣⲁⲕⲟⲧⲉ·ⲉⲁϥⲧⲁⲩⲟϥⲉⲡϣⲁⲙⲡⲁⲣⲭⲁⲅⲅⲉⲗⲟⲥⲉⲧⲟⲩⲁⲁⲃⲙⲓⲭⲁⲏⲗ·ⲉⲧⲉⲥⲟⲩⲡⲛⲧⲥⲛⲟⲟⲩⲥⲡⲉⲙⲡⲉⲃⲟⲧⲁⲑⲱⲣ·ⲉⲁϥⲧⲁⲩⲟⲟⲩⲙⲙⲏⲏϣⲉⲛⲥⲩⲛⲧⲁⲅⲙⲁ·ⲉⲧⲃⲉⲡⲛⲁⲙⲛⲧⲁⲅⲁⲡⲏ·ⲁⲩⲱϫⲉⲣⲱⲙⲉⲛⲓⲙⲉⲧⲧⲁⲅⲁⲡⲏ·ⲡⲁⲣⲭⲁⲅⲅⲉⲗⲟⲥⲙⲓⲭⲁⲏⲗ·ⲡⲉⲧⲇⲓⲁⲕⲟⲛⲉⲓⲙⲙⲟⲟⲩⲛⲁⲩⲉϥϫⲓⲙⲙⲟⲟⲩ·ⲙⲛⲡⲉⲩⲣⲡⲙⲉⲉⲩⲉⲉϩⲟⲩⲛϣⲁⲡⲛⲟⲩⲧⲉ·ⲉϥϫⲱⲕⲉⲃⲟⲗⲛⲛⲉⲩⲁⲓⲧⲏⲙⲁⲧⲏⲣⲟⲩⲁⲩⲱϫⲉⲟⲩⲣⲉϥⲧⲅⲁⲣⲉϥⲣⲟⲟⲩⲧⲡⲉⲧⲉⲣⲉⲡⲛⲟⲩⲧⲉⲙⲉⲙⲙⲟϥ·ⲁϥϣⲁϫⲉϫⲉⲟⲛⲉⲧⲃⲉⲛⲉⲧⲟⲩⲁⲁⲃⲧⲏⲣⲟⲩⲉⲧϩⲛⲛⲉⲅⲣⲁⲫⲏ·ⲛⲁⲓⲛⲧⲁⲡⲁⲣⲭⲁⲅⲅⲉⲗⲟⲥⲙⲓⲭⲁⲏⲗϯⲧⲟⲟⲧⲟⲩϩⲛⲛⲉⲩⲑⲗⲓⲯⲓⲥⲧⲏⲣⲟⲩⲁⲩⲱⲁϥⲛⲁϩⲙⲟⲩϩⲛⲛⲉⲩⲁⲛⲁⲅⲕⲛⲧⲏⲣⲟⲩ·ϩⲛⲟⲩⲉⲓⲣⲏⲛⲏⲛⲧⲉⲡⲛⲟⲩⲧⲉ·ⲥⲙⲟⲩⲉⲣⲟⲛϩⲁⲙⲏⲛ·ϥⲑ·
ⲧⲛⲁϫⲓⲛⲧⲁⲡⲁⲣⲭⲏⲙⲡϣⲁϫⲉⲛⲣⲱⲓⲛⲧⲟⲟⲧϥⲙⲡⲉⲧⲛⲁϯⲛⲁⲓⲛⲟⲩⲥⲟⲗⲥⲗⲁⲩⲱⲙⲡⲁⲣⲁⲙⲩⲑⲓⲁϩⲛϩⲱⲃⲛⲓⲙ·ⲡⲉⲧⲥⲟⲟⲩⲛⲛⲛϩⲱⲃⲛⲓⲙ·ⲡⲉⲧⲟⲩⲱⲛⲙⲡⲣⲟⲙⲡϣⲁϫⲉⲛⲛⲉⲧϣⲓⲛⲉⲛⲥⲱϥ·ⲡⲉⲧϯⲛⲧⲥⲟⲫⲓⲁⲛⲛⲥⲟⲫⲟⲥ·ⲡⲉⲧⲙⲟⲧⲛⲛⲛⲁⲩⲉⲣⲟϥϩⲓⲧⲛⲟⲩⲟⲛⲛⲓⲙⲉⲧϣⲓⲛⲉⲛⲥⲱϥ·ϩⲓⲧⲛⲟⲩⲥⲡⲟⲩⲇⲏⲉⲛⲁⲛⲟⲩⲥ⁘ⲛⲓⲙⲡⲉⲡⲁⲓⲉⲓⲙⲏⲧⲓⲡⲗⲟⲅⲟⲥⲡⲉⲙⲡⲉⲓⲱⲧⲛⲁⲅⲁⲑⲟⲥⲡⲉⲧⲉϥⲡⲱϣⲙⲡⲉϥⲥⲱⲙⲁ·ⲉⲧⲟⲩⲁⲁⲃ·ϩⲛⲛⲁϭⲓϫⲛⲣⲉϥⲣⲛⲟⲃⲉ·ⲉⲓⲥⲱⲧϥⲙⲡⲉϥⲥⲛⲟϥⲉⲧⲧⲁⲓⲏⲩⲉⲡⲡⲟⲧⲏⲣⲓⲟⲛ·ⲉⲓϯⲙⲙⲟϥⲛⲛⲉⲧⲉϩⲛⲁϥ·ⲡⲁϫⲟⲉⲓⲥ·ⲁⲩⲱⲡⲁⲛⲟⲩⲧⲉⲓⲏⲥⲟⲩⲥⲡⲉⲭⲣⲓⲥⲧⲟⲥⲡⲉⲛⲛⲟⲩⲧⲉⲧⲏⲣⲛⲡⲉⲛⲥⲱⲧⲏⲣⲉϥⲱϣⲉⲃⲟⲗ·ⲉϥϫⲱⲙⲙⲟⲥ·ϫⲉⲟⲩⲟⲛⲛⲓⲙⲉⲧⲁⲓⲧⲉⲓⲉϥⲛⲁϫⲓⲁⲩⲱⲡⲉⲧϣⲓⲛⲉⲉϥⲛⲁϭⲓⲛⲉ·ⲁⲩⲱⲡⲉⲧⲧⲱϩⲙⲥⲉⲛⲁⲟⲩⲱⲛⲛⲁϥ·ⲁⲛⲟⲕⲇⲉⲧⲉⲛⲟⲩⲉⲓⲛⲁⲩⲉⲧⲙⲛ‐ⲧⲣⲉϥϯⲙⲡⲁϫⲟⲉⲓⲥϩⲛⲟⲩⲟⲩⲣⲟⲧ·ⲁⲓϯⲙⲡⲁⲟⲩⲟⲓⲉⲣⲟϥⲙⲡϩⲟⲟⲩⲉⲓⲁⲓⲧⲉⲓⲉϫⲓⲛⲟⲩϩⲟⲩⲟ·ⲁⲩⲱⲉⲓⲧⲱϩⲙϫⲉⲕⲁⲥⲉϥⲉⲟⲩⲱⲛⲛⲁⲓ·ⲁⲗⲗⲁⲡⲉϫⲁⲕⲱⲡⲁⲕⲣⲟⲁⲧⲏⲥⲙⲙⲁⲓⲥⲃⲱ·ϫⲉⲁⲣⲁⲟⲩⲡⲉⲡⲓⲁⲓⲧⲏⲙⲁ·ⲛⲧⲁⲕⲁⲓⲧⲉⲓⲙⲙⲟϥⲙⲡϩⲟⲟⲩ·ⲙⲛⲛⲥⲁⲛⲉⲛⲧⲁⲕⲟⲩⲱⲉϫⲓⲧⲟⲩ·ⲁⲕⲧⲁⲩⲉⲡϣⲟⲣⲡⲛⲗⲟⲅⲟⲥⲉⲧⲃⲉⲥⲟⲩⲟⲩⲁⲛⲃⲣⲣⲉ·ⲧⲁⲣⲭⲏⲛⲛϣⲁⲧⲏⲣⲟⲩⲛⲧⲉⲣⲟⲙⲡⲉⲙⲡϫⲟⲉⲓⲥ⁘ϩⲟⲙⲟⲓⲱⲥⲟⲛⲁⲕⲧⲁⲩⲉⲡⲉⲕⲱⲙⲓⲟⲛ·ⲙⲛⲡⲃⲓⲟⲥⲙⲡⲉⲧⲉⲙⲡⲉϥⲧⲱⲟⲩⲛϩⲙⲡⲉⲧϫⲡⲟⲛⲛⲉϩⲓⲟⲙⲉⲛϭⲓⲡⲉⲧⲟⲛⲛⲟϭⲉⲣⲟϥ·ⲡⲉⲡⲣⲟⲇⲣⲟⲙⲟⲥⲉⲧⲟⲩⲁⲁⲃⲙⲡⲉⲛϫⲟⲉⲓⲥⲓⲏⲥⲟⲩⲥⲡⲉⲭⲣⲓⲥⲧⲟⲥ·ⲁⲩⲱⲡⲉϥⲥⲩⲅⲅⲉⲛⲏⲥⲓⲱϩⲁⲛⲛⲏⲥⲡⲃⲁⲡϯⲥⲧⲏⲥ·ⲁⲩⲱⲡⲉϫⲁⲕⲟⲛⲧⲉⲛⲟⲩϫⲉⲉⲓⲛⲁⲁⲓⲧⲉⲓ·ⲛⲅⲥⲟⲟⲩⲛⲁⲛⲱⲡⲁⲉⲓⲱⲧⲉⲧⲟⲩⲁⲁⲃ·ϫⲉⲛⲁⲛⲟⲩⲡϣⲓϩⲛϩⲱⲃⲛⲓⲙ·ⲕⲁⲛⲉⲕⲟⲩⲱⲙ·ⲕⲁⲛⲉⲕⲥⲱⲕⲁⲛⲉⲕϣⲗⲏⲗ·ⲟⲩϣⲓⲡⲉⲧϣⲟⲟⲡϩⲛϩⲱⲃⲛⲓⲙ·ⲕⲁⲧⲁⲧϩⲉⲛⲧⲁϥϫⲟⲟⲥⲛϭⲓⲡⲥⲁϩⲡⲁⲩⲗⲟⲥϫⲉⲟⲩⲛⲟϭⲛϩⲏⲩⲡⲉⲧⲙⲛⲧⲣⲉϥϣⲙϣⲉⲛⲟⲩⲧⲉϩⲛⲟⲩⲣⲱϣⲉ·
ⲁⲛⲟⲕϩⲱⲱⲧⲟⲛϯⲛⲁⲟⲩⲱϣⲃⲛⲁⲕϩⲛⲟⲩⲥⲟⲟⲩⲧⲛⲱⲡⲉϣⲃⲏⲣⲙⲙⲉⲣⲓⲧ·ϫⲉⲕⲁⲗⲟⲥⲙⲉⲛⲁⲕϣⲁϫⲉ·ⲟⲩⲙⲛⲧⲃⲁⲓⲣⲟⲟⲩϣⲅⲁⲣⲁⲕⲟⲩⲟⲛϩⲥⲉⲃⲟⲗ·ⲁⲗⲗⲁϯⲛⲁⲧⲟⲗⲙⲁⲛⲧⲁϫⲟⲟⲥⲛⲧϩⲉⲙⲡⲉϣⲃⲏⲣ·ⲙⲡⲛⲟⲩⲧⲉⲡⲉⲛⲧⲁϥⲣⲣⲉⲓⲱⲧⲛⲟⲩⲙⲏⲏϣⲉⲛⲛϩⲉⲑⲛⲟⲥⲡⲉⲛⲉⲓⲱⲧⲁⲃⲣⲁⲃⲁⲙⲡⲡⲁⲧⲣⲓⲁⲣⲭⲏⲥ·ϫⲉⲉϣϫⲉⲟⲩⲛⲧⲁⲓⲥⲙⲙⲁⲩⲉϣⲁϫⲉⲙⲛⲡⲁϫⲟⲉⲓⲥ·ϯⲛⲁϣⲁϫⲉⲙⲡⲉⲓⲕⲉⲥⲟⲡ·ⲁⲩⲱⲕⲁⲛⲉϣϫⲉⲟⲩϩⲟⲩⲟⲉⲣⲟⲓⲡⲉⲉⲧⲣⲁϣⲟϣⲧⲙⲛⲡⲉⲛⲧⲁⲡⲛⲟⲩⲧⲉϭⲟⲓⲗⲉⲉⲣⲟϥ·ⲙⲛⲛⲉϥⲁⲅⲅⲉⲗⲟⲥ·ⲁⲩⲱϯⲛⲁⲁⲓⲧⲉⲓⲙⲙⲟϥϣⲁϣⲟⲙⲛⲧⲛⲥⲟⲡⲛϥⲛⲁⲥⲧⲟⲓⲉⲃⲟⲗⲁⲛ·ⲡⲉⲓⲛⲟⲩⲧⲉⲅⲁⲣⲛⲟⲩⲱⲧⲡⲉ·ⲁⲩⲱⲡⲉⲓϫⲟⲉⲓⲥⲛⲟⲩⲱⲧⲡⲉ·ⲧⲉⲓⲙⲛⲧϣⲁⲛϩⲧⲏϥⲛⲟⲩⲱⲧⲧⲉ·ⲉⲥⲙⲏⲛⲉⲃⲟⲗϣⲁⲉⲛⲉϩ⁖ⲻⲗⲟⲓⲡⲟⲛⲉⲓⲥϩⲏⲏⲧⲉⲁⲓⲧⲉⲧⲛⲡⲉⲕϩⲏⲧ·ϫⲉⲡⲛⲟⲩⲧⲉⲡⲉⲧⲟⲩⲉϩⲥⲁϩⲛⲉⲛⲁⲛⲉⲧⲣⲉⲛϫⲓⲛⲧⲟⲟⲧϥ·ⲉϣϫⲉⲙⲙⲟⲛⲉⲧⲃⲉⲟⲩⲧⲉⲧⲛⲁⲓⲧⲉⲓⲙⲙⲟⲓⲉⲧⲣⲁⲉⲓⲛⲉ·ⲉⲧⲉⲧⲛⲙⲏⲧⲉⲙⲡⲉⲓⲛⲟϭⲛϣⲁⲙⲡϩⲟⲟⲩ·ⲛⲧⲟⲓⲕⲟⲩⲙⲉⲛⲏⲧⲏⲣⲥⲙⲙⲁⲧⲉⲁⲗⲗⲁϩⲛⲙⲡⲏⲩⲉⲟⲛ⁖ⲻⲧⲉⲧⲛⲱϣⲉⲃⲟⲗⲉⲣⲟⲓⲧⲏⲣⲧⲛⲉⲓⲧⲉⲕⲟⲩⲓⲉⲓⲧⲉⲛⲟϭ·ⲛϩⲟⲟⲩⲧⲙⲛⲛⲉϩⲓⲟⲟⲙⲉ·ⲧⲛⲡⲁⲣⲁⲕⲁⲗⲉⲓⲙⲙⲟⲕⲙⲡⲣϩⲟⲩⲣⲱⲛⲙⲡⲉⲓⲛⲟϭⲛⲁⲅⲁⲑⲟⲛ·ⲛⲅⲥⲁⲁⲧⲛϩⲙⲡⲉⲓⲛⲟϭⲛϣⲁⲙⲡϩⲟⲟⲩ·ⲛⲟⲩⲉϣⲛϣⲁϫⲉⲉⲣⲟϥⲙⲛⲡⲧⲁⲉⲓⲟⲙⲡⲉⲧⲉⲛⲣϣⲁⲛⲁϥⲙⲡϩⲟⲟⲩ·ⲡⲉⲧⲡⲣⲉⲥⲃⲉⲩⲉϩⲁⲣⲟⲛⲧⲏⲣⲛⲛⲛⲁϩⲣⲙⲡⲛⲟⲩⲧⲉⲡⲃⲁⲓⲣⲟⲟⲩϣⲛⲧⲙⲛⲧⲣⲱⲙⲉⲧⲏⲣⲥ·ⲡⲉⲧⲙⲉϩⲛⲛⲁϩⲓⲙⲛⲧϣⲁⲛϩⲧⲏϥⲉϩⲟⲩⲛⲉⲧⲑⲉⲓⲕⲱⲛⲧⲏⲣⲥⲙⲡⲛⲟⲩⲧⲉ·ⲛⲓⲙⲡⲉⲡⲁⲓϣⲁⲡⲛⲟϭⲛⲁⲣⲭⲁⲅⲅⲉⲗⲟⲥⲙⲓⲭⲁⲏⲗⲡⲁⲣⲭⲓⲥⲧⲣⲁⲧⲏⲅⲟⲥⲛⲧϭⲟⲙⲛⲙⲡⲏⲩⲉ·
ϯⲡⲁⲣⲁⲕⲁⲗⲉⲓⲙⲙⲱⲧⲛⲱⲛⲁⲙⲉⲣⲁⲧⲉⲁⲩⲱⲛⲁϣⲏⲣⲉⲙⲙⲁⲓⲛⲟⲩⲧⲉ·ϯⲧⲟⲟⲧⲧⲏⲩⲧⲛⲛⲙⲙⲁⲓⲙⲡϩⲟⲟⲩϩⲙⲡⲉⲓⲛⲟϭⲛⲕⲉⲫⲁⲗⲓⲟⲛ·ⲙⲏⲡⲟⲧⲉⲛⲧⲁϯⲡⲁⲟⲩⲟⲓⲉⲃⲟⲗϩⲙⲡⲉⲓⲡⲉⲗⲁⲅⲟⲥ·ⲛⲁⲧⲣⲏϫϥ·ⲛⲧⲁⲧⲙⲥⲱⲕⲙⲡⲁⲕⲟⲩⲓⲛⲥⲕⲁⲫⲟⲥⲉⲡⲉⲕⲣⲟⲧⲉ·ⲧⲛⲥⲟⲟⲩⲛⲅⲁⲣⲧⲏⲣⲧⲛ·ⲛⲧⲁⲙⲛⲧϩⲏⲕⲉϫⲉϯⲉⲩⲡⲟⲣⲉⲓⲁⲛⲉⲙⲁⲧⲉϩⲛⲛⲁⲡⲟⲑⲩⲕⲏϫⲉⲕⲁⲥⲉⲓⲧⲁⲗⲉⲉⲩⲛⲟϭⲛϫⲟⲉⲓⲉⲩⲟⲩⲛϭⲟⲙ·ⲙⲙⲟϥⲉⲡⲗⲉⲁϩⲙⲡⲉⲗⲁⲅⲟⲥ·ⲁⲩⲱⲛϥⲧⲱⲟⲩⲛϩⲁⲡⲉⲛϣⲟⲧⲛⲛⲧⲏⲩ·ⲁⲗⲗⲁⲟⲩⲕⲟⲩⲓⲛⲁⲩⲉⲓⲛⲙⲛⲟⲩⲕⲟⲩⲓⲛⲥⲕⲁⲫⲟⲥ·ⲛⲉⲧⲉⲟⲩⲛⲧⲁⲓⲥⲟⲩ·ⲙⲏⲡⲟⲧⲉⲛⲧⲁϩⲓⲧⲟⲟⲧⲉⲡⲗⲉⲁ·ⲙⲙⲟⲟⲩⲉⲃⲟⲗϩⲙⲡⲉⲓⲗⲩⲙⲩⲙⲉⲓⲛⲉⲕⲉⲗⲩⲙⲉⲓⲛ·ⲉϥϩⲏⲛⲉϩⲟⲩⲛ·ⲉⲛⲉⲥⲧⲟⲙⲓⲟⲛⲙⲙⲁⲧⲉ·ⲛⲧⲉⲡⲧⲏⲩϩⲣⲁⲙⲙⲟⲟⲩⲙⲛⲙⲁⲓⲉⲃⲟⲗⲉⲡⲡⲉⲗⲁⲅⲟⲥ·ⲁⲩⲱϩⲁⲙⲟⲓⲉⲛⲉⲓⲛⲟⲉⲓ·ⲛⲛⲏⲃⲉ·ⲧⲁⲧⲟⲩϫⲟⲛⲧⲁⲯⲩⲭⲏⲉⲡⲉⲕⲣⲟⲙⲙⲁⲧⲉ·ⲁⲩⲱⲡⲁⲛⲧⲟⲥ·ⲛⲧⲉⲟⲩⲟⲛⲛⲓⲙϫⲟⲟⲥ·ϫⲉⲉⲓϩⲉⲉⲩϩⲙⲟⲧ·ⲛⲁⲛⲟⲩⲧⲉⲯⲩⲭⲏⲅⲁⲣⲙⲡⲣⲱⲙⲉⲡⲁⲣⲁⲡⲕⲟⲥⲙⲟⲥⲧⲏⲣϥ·ⲉϥⲙⲉϩⲛⲭⲣⲏⲙⲁ·ⲉⲧⲃⲉⲡⲁⲓⲣⲱϯⲣϩⲟⲧⲉⲉϯⲡⲁϫⲟⲉⲓⲉⲃⲟⲗⲉⲡⲡⲉⲗⲁⲅⲟⲥ·ⲉⲓⲥⲟⲟⲩⲛⲅⲁⲣⲡⲁϫⲟⲉⲓⲥⲟⲃⲕ·ⲁⲩⲱⲛϯⲛⲟⲓⲛⲛⲏⲏⲃⲉⲁⲛ·ⲙⲉϣⲁⲕⲧⲁⲃⲱⲕⲉⲃⲟⲗⲛⲧⲁⲧⲛⲉϣϭⲙϭⲟⲙⲉⲕⲧⲟⲓⲉⲡⲉⲕⲣⲟϩⲛⲟⲩⲙⲟⲧⲛⲉⲥ·ⲁⲩⲱⲕⲁⲛⲟⲛ·ⲉⲓϣⲁⲛⲧⲱⲟⲩⲛ·ϩⲁⲛⲕⲩⲛⲇⲩⲛⲟⲥⲧⲏⲣⲟⲩⲙⲛⲛϩⲓⲥⲉⲛⲑⲁⲗⲁⲥⲥⲁ·ⲛϯⲛⲁϣϥⲓⲁⲛϩⲁⲡⲛⲟϭⲛⲉϭ·ⲁⲩⲱⲡⲁⲛⲧⲱⲥⲛⲁⲓⲛⲉⲛϣⲁϫⲉⲉⲧⲟⲩⲛⲁϫⲟⲟⲩⲛⲁⲓ·ϫⲉⲡⲣⲱⲙⲉⲛⲓⲙⲡⲉⲛⲧⲁϥⲁⲛⲁⲅⲕⲁⲍⲉⲙⲙⲟⲕⲉⲣϩⲱⲃⲡⲁⲣⲁⲧⲉⲕϭⲟⲙ·ⲉϣϫⲉⲉⲕⲥⲟⲟⲩⲛϫⲉⲛⲧⲕⲟⲩⲛϩⲏⲕⲉ·ⲙⲡⲣϩⲓⲧⲟⲟⲧⲕⲉⲣⲟⲩϩⲱⲃ·ⲉϥⲛⲧⲡⲉⲡⲁⲣⲁⲡⲉⲕⲙⲉⲧⲣⲟⲛ⁖ⲻⲉⲓⲥⲟⲩⲙⲏⲏϣⲉⲙⲡⲣⲁⲅⲙⲁⲧⲉⲩⲧⲏⲥⲛⲛⲁⲩⲕⲗⲏⲣⲟⲥϣⲟⲟⲡⲉⲩⲥⲟⲟⲩⲛⲙⲡⲗⲉⲁ·ⲉⲛⲉⲕⲛⲁϯⲛⲁⲩⲁⲛⲙⲡⲉⲕⲕⲟⲩⲓⲛⲁⲩⲉⲓⲛ·ⲛⲉⲩⲛⲁⲧⲁⲁϥⲉⲃⲟⲗⲛⲁⲕⲡⲉ·ⲛⲅϯϩⲏⲩⲛⲧⲉϥⲁⲥⲟⲩ·ⲁⲩⲱⲛⲅϩⲉⲉⲡⲉⲕⲥⲕⲁⲫⲟⲥⲉϥⲟⲩⲟϫϫⲉ·ⲛⲉⲕⲛⲟⲉⲓⲛⲛⲏⲏⲃⲉⲁⲛ·
ϯⲛⲁⲧⲁⲙⲱⲧⲛⲇⲉⲱⲛⲉⲥⲛⲏⲩ·ϫⲉⲁϣⲡⲉⲡⲉⲥⲕⲁⲫⲟⲥ·ⲁⲩⲱⲁϣⲡⲉⲡⲉⲁⲩⲉⲓⲛ·ⲁⲩⲱϫⲉⲟⲩⲉⲧⲧϭⲓⲛⲛⲏⲏⲃⲉ·ⲡⲁⲥⲕⲁⲫⲟⲥⲡⲉⲡⲁⲥⲱⲙⲁⲛⲣⲉϥⲣⲛⲟⲃⲉ·ⲡⲁⲓⲉⲧⲉⲙⲡⲉⲓⲣϩⲙⲙⲉⲙⲙⲟϥϩⲱⲗⲟⲥⲉⲛⲉϩ·ⲡⲁⲩⲉⲓⲛⲇⲉⲉⲧⲥⲟⲃⲕⲡⲉⲧⲧⲱⲙⲙⲡⲁϩⲏⲧ·ⲧϭⲓⲛⲏⲏⲃⲉ...ⲱⲱⲥ·ⲉⲓⲛⲟⲉⲓⲙ....ⲛ·ⲡⲥⲟⲟⲩⲛⲛⲛⲉⲅⲣⲁⲫⲏⲉⲧⲟⲩⲁⲁⲃ·ⲉⲧⲉⲙⲡⲓⲉϣⲛⲟⲉⲓⲙⲙⲟϥ·ⲁⲩⲱⲧⲉⲧⲛⲁⲛⲁⲅⲕⲁⲍⲉⲙⲙⲟⲓⲙⲡϩⲟⲟⲩⲉⲧⲣⲁϩⲓⲧⲟⲟⲧⲡⲁⲣⲁⲧⲁϭⲟⲙ·ⲕⲁⲓⲙⲁⲗⲓⲥⲧⲁⲉⲧⲉⲧⲛⲁⲓⲧⲉⲓⲙⲙⲟⲓⲉⲧⲣⲁϣⲁϫⲉⲉⲡⲧⲁⲉⲓⲟⲙⲡⲓⲛⲟϭⲛⲁⲣⲭⲁⲅⲅⲉⲗⲟⲥⲉⲧⲟⲩⲁⲁⲃ·ⲙⲓⲭⲁⲏⲗⲕⲁⲓⲙⲁⲗⲓⲥⲧⲁⲛⲟⲩⲉⲃⲟⲗⲁⲛⲡⲉϩⲙⲡⲕⲁϩⲛⲙⲙⲁⲛ·ⲁⲗⲗⲁⲟⲩⲛⲉⲃⲟⲗϩⲛⲧⲡⲉⲡⲉ·ⲛⲟⲩⲣⲙⲛⲥⲁⲣⲝⲁⲛⲡⲉⲛⲧⲛϩⲉ⁖ⲁⲗⲗⲁⲟⲩⲁⲅⲅⲉⲗⲟⲥⲡⲉⲛⲧⲉⲡⲟⲩⲟⲉⲓⲛⲛⲟⲩⲧⲁⲙⲓⲟⲁⲛⲡⲉⲛⲧⲉⲡⲕⲁϩⲁⲗⲗⲁⲟⲩⲧⲁⲙⲓⲟⲡⲉⲉⲃⲟⲗϩⲛⲟⲩⲡⲛⲉⲩⲙⲁ·ⲉϥⲟⲩⲁⲁⲃ·ⲛⲟⲩϩⲩⲡⲟⲩⲣⲅⲟⲥⲁⲛⲡⲉⲛⲧⲉⲡⲕⲁϩⲉϥⲛⲁⲟⲩⲱⲥϥ·ⲁⲗⲗⲁⲟⲩⲗⲉⲓⲧⲟⲩⲣⲅⲟⲥⲛϣⲁϩⲛⲥⲁⲧⲉⲡⲉ·ⲛⲟⲩⲁⲣⲭⲱⲛⲁⲛⲛⲧⲉⲡⲕⲁϩⲉϥⲛⲁⲃⲱⲗⲉⲃⲟⲗⲁⲗⲗⲁⲟⲩⲁⲣⲭⲁⲅⲅⲉⲗⲟⲥ·ⲡⲉϩⲛⲙⲡⲏⲩⲉ⁖ⲻⲛⲟⲩⲁⲣⲭⲓⲥⲧⲣⲁⲧⲏⲅⲟⲥⲁⲛⲡⲉⲛⲧⲉⲡⲕⲁϩⲉϥⲛⲁⲟⲩⲱⲥϥⲡⲁⲓⲉϣⲁⲣⲉⲡⲣⲣⲟⲇⲓⲁⲧⲉⲭⲑⲙⲙⲟϥⲙⲡⲛⲁⲩⲉⲧⲉϩⲛⲁϥ·ⲁⲗⲗⲁⲡⲁⲣⲭⲓⲥⲧⲣⲁⲧⲏⲅⲟⲥⲡⲉⲛⲧϭⲟⲙⲛⲙⲡⲏⲩⲉ·ⲉϥⲙⲏⲛⲉⲃⲟⲗⲙⲛⲡⲣⲣⲟϣⲁⲉⲛⲉϩ·ⲛⲟⲩⲣⲉϥϫⲓϣⲟϫⲛⲉⲁⲛⲡⲉϩⲉⲛⲯⲩⲭⲏⲉⲧⲁⲕⲟⲟⲩ·ⲁⲗⲗⲁⲟⲩⲡⲣⲉⲥⲃⲉⲩⲧⲏⲥⲡⲉϩⲁⲛⲉⲯⲩⲭⲏⲙⲛⲛⲉⲥⲱⲙⲁⲛⲛⲁⲩⲛⲓⲙⲛⲛⲁϩⲣⲙⲡⲛⲟⲩⲧⲉⲡⲇⲩⲙⲓⲟⲩⲣⲅⲟⲥ·ⲛⲟⲩⲕⲁⲇⲏⲅⲟⲣⲟⲥⲁⲛⲡⲉⲁⲗⲗⲁⲟⲩⲣϥⲣϣⲙⲛⲟⲩϥⲉⲡⲉϩⲁⲟⲩⲟⲛⲛⲓⲙ·ⲛⲟⲩⲙⲉⲥⲧⲉⲁⲛⲡⲉⲁⲗⲗⲁⲟⲩⲙⲁⲓⲣⲱⲙⲉⲡⲉⲉϥⲙⲉⲛⲧϩⲓⲕⲱⲛⲙⲡⲛⲟⲩⲧⲉ·ⲛⲟⲩϫⲁϫⲉⲁⲛⲡⲉⲉϩⲟⲩⲛⲉⲣⲟⲛ·ⲁⲗⲗⲁⲟⲩⲉⲓⲣⲏⲛⲓⲕⲟⲥⲉϩⲟⲩⲛⲉⲟⲩⲟⲛⲛⲓⲙⲡⲉ·ⲛⲟⲩϫⲁⲥⲓϩⲏⲧⲁⲛⲡⲉⲟⲩⲛⲁϩⲏⲧⲡⲉⲉⲣⲉⲙⲙⲛⲧϣⲁⲛϩⲧⲏϥⲧⲏⲣⲟⲩⲙⲡⲉⲓⲱⲧⲟⲩⲏϩϩⲣⲁⲓⲛϩⲏⲧϥ·ⲉϣⲁⲩⲙⲏⲛⲉⲩⲉⲙⲙⲟϥⲁⲛⲙⲡⲣⲣⲟⲁⲗⲗⲁⲛⲧⲟϥⲡⲉⲧⲉϥϣⲁϥⲃⲱⲕⲉϩⲟⲩⲛⲉⲡⲉⲑⲣⲟⲛⲟⲥ·ⲙⲡⲉϥϫⲟⲉⲓⲥϩⲛⲟⲩⲡⲁⲣⲣⲏⲥⲓⲁ·ⲉϫⲛⲙⲏⲛⲉⲩⲉⲙⲙⲟϥ·ⲛⲟⲩⲧⲁⲝⲓⲥⲛⲟⲩⲱⲧⲁⲛⲧⲉⲧⲉϥⲁⲣⲭⲉⲓⲉϫⲱⲥ·ⲁⲗⲗⲁⲛⲧⲁⲝⲓⲥⲛⲙⲡⲏⲩⲉϩⲩⲡⲟⲧⲁⲥⲥⲉⲛⲁϥⲕⲁⲧⲁⲡⲟⲩⲉϩⲥⲁϩⲛⲉⲙⲡⲇⲏⲙⲓⲟⲩⲣⲅⲟⲥ·ϩⲁⲡⲁⲝϩⲁⲡⲗⲱⲥⲛⲉϥⲁϩⲉⲣⲁⲧϥⲁⲛϩⲓⲡⲥⲁϩⲃⲟⲩⲣⲁⲗⲗⲁⲛⲧⲟϥⲡⲉⲧⲁϩⲉⲣⲣⲁⲧϥⲛⲥⲁⲟⲩⲛⲁⲙⲙⲡⲛⲟⲩⲧⲉ·ⲛⲛⲁⲩⲛⲓⲙ·ⲉϥϫⲓϣⲟϫⲛⲉⲉⲡⲟⲩϫⲁⲓⲛⲛⲣⲱⲙⲉ·ⲡⲉⲓⲛⲉⲁⲩⲱⲧϩⲉⲓⲕⲱⲛⲙⲡⲛⲟⲩⲧⲉⲉⲧⲟⲛϩ⁖
ⲛⲓⲙⲇⲉⲡⲉⲡⲁⲓⲉⲧⲫⲟⲣⲉⲓⲛⲛⲉⲓⲛⲟϭⲛⲧⲁⲉⲓⲟⲧⲏⲣⲟⲩⲙⲛⲛⲉⲓⲉⲟⲟⲩⲛⲁⲧⲱϫⲉⲛⲉⲣⲟⲟⲩ·ⲥⲱⲧⲙⲁⲛⲟⲕϯⲛⲁⲧⲙⲱⲧⲛⲉⲣⲟⲟⲩ·ⲙⲓⲭⲁⲏⲗⲡⲉⲡⲛⲟϭⲛⲁⲣⲭⲁⲅⲅⲉⲗⲟⲥⲙⲡⲣⲣⲟⲛⲛⲁⲧⲡⲉⲙⲛⲛⲁⲡⲕⲁϩ·ⲉⲣⲉⲛⲓⲁⲣⲉⲧⲏⲧⲏⲣⲟⲩⲡⲣⲉⲡⲉⲓⲛⲁϥ⁖ⲙⲓⲭⲁⲏⲗⲡⲁⲣⲭⲁⲅⲅⲉⲗⲟⲥⲡⲉⲧϭⲟⲙⲛⲙⲡⲏⲩⲉ·ⲛⲓⲙⲇⲉⲡⲉⲡⲁⲓ·ⲛⲧⲁⲡⲣⲣⲟⲛⲛⲣⲣⲱⲟⲩ·ⲭⲁⲣⲓⲍⲉⲛⲁϥⲛⲛⲓⲛⲟϭⲛⲁⲝⲓⲱⲙⲁⲛⲃⲁⲥⲓⲗⲓⲕⲟⲛ·ⲙⲓⲭⲁⲏⲗⲡⲉⲡⲁⲣⲭⲱⲛⲛⲧⲙⲛⲧⲣⲣⲟ·ⲛⲓⲙⲡⲉⲡⲁⲓⲉⲧⲉⲣⲉⲡⲉⲓⲛⲟϭⲛⲣⲣⲟϯⲉϫⲱϥⲙⲡⲉⲓⲛⲟϭⲛⲉⲟⲟⲩ·ⲙⲛⲛⲉⲓⲥⲟⲗⲥⲗⲉⲧⲛⲉⲥⲱⲟⲩ·ⲉϥⲙⲟⲩⲣⲙⲙⲟϥⲛⲟⲩⲙⲟϫⲕϥ·ⲉϥⲧⲟϭⲥⲛⲱⲛⲉⲙⲙⲉ·ⲙⲛⲟⲩⲥⲧⲟⲗⲏⲛⲉⲟⲟⲩ·ⲉⲙⲛⲣⲱⲙⲉⲛⲁϣⲧⲁⲩⲉⲉⲡϣⲓⲛⲧⲉⲥⲙⲛⲧⲛⲟϭ·ⲧⲁⲓⲉⲧⲥⲟⲧⲡⲡⲁⲣⲁⲡϣⲓⲉⲧⲉⲣⲉⲛⲣⲱⲙⲉⲛⲁϣⲧⲟⲛⲧⲛⲙⲙⲟⲥ⁖ⲙⲓⲭⲁⲏⲗⲡⲉⲛⲧⲁϥⲙⲓϣⲉⲁϥϭⲱⲧⲡⲙⲡϫⲁϫⲉⲉⲧϯⲟⲩⲃⲉⲡⲉϥϫⲟⲉⲓⲥⲁϥϯⲱⲕⲉⲓⲙⲙⲟϥ·ⲛⲓⲙⲇⲉⲡⲉⲡⲁⲓⲉⲧⲉⲣⲉⲧⲁⲅⲙⲁⲧⲏⲣⲟⲩⲛⲙⲡⲏⲩⲉⲥⲧⲉⲫⲁⲛⲟⲩⲙⲙⲟⲟⲩⲉⲩⲣⲁϣⲉⲛⲙⲙⲁϥⲧⲏⲣⲟⲩ·ⲙⲓⲭⲁⲏⲗⲡⲁⲣⲭⲁⲅⲅⲉⲗⲟⲥⲡⲉⲛⲧⲁⲡⲛⲟⲩⲧⲉⲕⲁⲑⲓⲥⲧⲁⲙⲙⲟϥⲙⲡϩⲟⲟⲩⲛⲁⲣⲭⲱⲛⲉϫⲛⲧⲉϥⲙⲛⲧⲣⲣⲟⲧⲏⲣⲟⲩ·ⲛⲓⲙⲇⲉⲡⲉⲡⲁⲓⲉϥⲟⲩⲉϩⲥⲁϩⲛⲉⲛⲙⲡⲏⲩⲉⲉⲩⲥⲱⲧⲙⲛⲥⲱϥ·ⲙⲓⲭⲁⲏⲗⲡⲁⲣⲭⲁⲅⲅⲉⲗⲟⲥⲡⲉⲛⲧⲁϥⲥⲱⲧⲙⲛⲥⲁⲡⲟⲩⲉϩⲥⲁϩⲛⲉⲙⲡⲉϥⲣⲣⲟ·ⲁϥⲛⲟⲩϫⲉⲉⲃⲟⲗⲙⲡⲕⲁⲧⲏⲅⲟⲣⲟⲥⲡⲉⲧⲣⲡⲉⲧϩⲟⲟⲩⲛⲥⲁⲃⲟⲗⲙⲙⲟϥ⁖ⲛⲓⲙⲡⲉⲡⲁⲓⲉⲧⲉⲣⲉⲡⲕⲟⲥⲙⲟⲥⲧⲏⲣϥⲁⲩⲱⲧⲉⲭⲛⲏⲛⲓⲙⲟⲩⲟⲥϥⲉⲩⲣϣⲁⲛⲁϥϩⲛⲟⲩⲛⲟϭⲛϯⲙⲉ⁖ⲙⲓⲭⲁⲏⲗⲡⲁⲣⲭⲁⲅⲅⲉⲗⲟⲥⲡⲉⲡⲥⲟⲗⲥⲗⲛⲛⲁⲙⲡⲏⲩⲉⲁⲩⲱϥⲛⲟⲩϩⲙⲛⲛⲉⲧϩⲓϫⲙⲡⲕⲁϩ·ⲉϥⲡⲣⲟⲥⲉⲛⲉⲅⲕⲉⲓⲙⲙⲟⲟⲩⲙⲡⲉⲛⲛⲟⲩⲧⲉⲛⲇⲏⲙⲓⲟⲩⲣⲅⲟⲥϩⲛⲧⲉϥⲁⲅⲁⲡⲏ·ⲉⲧⲟϣⲉϩⲟⲩⲛⲉⲣⲟⲛ·
ⲁⲗⲗⲁ·ⲡⲁⲛⲧⲱⲥⲧⲉⲧⲛⲁϫⲟⲟⲥⲛⲁⲓ·ϫⲉⲛⲁⲙⲡⲏⲩⲉⲣϣⲁⲟⲛⲙⲡϩⲟⲟⲩ·ⲁⲩⲱⲥⲉⲣⲁϣⲉϫⲉⲛⲧⲁⲡⲛⲟⲩⲧⲉⲧⲁϩⲟⲛⲁⲩⲉⲣⲁⲧⲟⲩⲙⲡⲉⲩⲁⲣⲭⲓⲥⲧⲣⲁⲧⲏⲅⲟⲥ⁖ⲉⲓⲉⲁϩⲣⲟⲟⲩϩⲱⲟⲩⲛⲁⲡⲕⲁϩⲉⲩⲣⲁϣⲉⲛⲧⲉⲓϩⲉⲧⲏⲣⲥ·ⲁⲩⲱⲉⲩⲣϣⲁⲙⲡⲁⲣⲭⲁⲅⲅⲉⲗⲟⲥⲉⲧⲟⲩⲁⲁⲃⲙⲓⲭⲁⲏⲗ·ⲙⲏⲛⲧⲁⲩⲧⲁϩⲟϥⲉⲣⲁⲧϥϩⲟⲗⲱⲥⲣⲱⲛⲛⲉⲧϩⲓϫⲙⲡⲕⲁϩϩⲙⲡⲉϥⲉⲟⲟⲩⲛϥⲉϣϭⲙϭⲟⲙⲛⲁϩⲉⲣⲁⲧϥϩⲓϫⲙⲡⲕⲁϩ·ⲕⲁⲧⲁⲡⲉⲧⲥⲏϩϩⲛⲕⲉⲙⲁ⁖ⲟⲩⲡⲛⲉⲩⲙⲁⲅⲁⲣⲡⲉ·..ⲟⲩⲥⲁⲣⲝⲁⲛⲡⲉ·ⲟⲩⲁⲥⲱⲙⲁⲧⲟⲥⲅⲁⲣⲡⲉⲙⲓⲭⲁⲏⲗ·ⲙⲛϣϭⲟⲙⲅⲁⲣⲛⲥⲱⲙⲁⲧⲓⲕⲟⲛⲉⲛⲁⲩⲉⲣⲟϥ·
ⲛϥⲧⲱⲟⲩⲛϩⲁⲡⲉϥⲉⲟⲟⲩ·ⲛⲧⲟⲕⲇⲉϩⲱⲱⲕϯⲛⲁⲟⲩⲱϣⲃⲛⲁⲕⲉⲓⲡⲗⲏⲣⲟⲫⲟⲣⲉⲓⲙⲙⲟⲕϫⲉⲕⲁⲗⲱⲥⲛϩⲟⲩⲟϫⲉⲛⲁⲡⲕⲁϩⲣⲁϣⲉ·ⲡⲗⲏⲛⲛⲁⲙⲡⲏⲩⲉⲙⲉⲛⲟⲣⲛⲟⲃⲉⲁⲛ·ⲟⲩⲇⲉⲙⲛⲙⲛⲧϫⲁϫⲉϩⲁϩⲧⲏⲩⲛⲕⲉⲥⲟⲡ·ⲟⲩⲇⲉⲕⲱϩ·ⲟⲩⲇⲉⲙⲟⲥⲧⲉ·ⲟⲩⲇⲉϯⲧⲱⲛ·ⲟⲩⲇⲉⲕⲁⲧⲁⲗⲁⲗⲓⲁ·ⲟⲩⲇⲉϩⲱⲧⲃ·ⲟⲩⲇⲉϫⲓⲟⲩⲉ·ⲟⲩⲇⲉϫⲱϩⲙ·ⲟⲩⲇⲉⲡⲟⲣⲛⲉⲓⲁ·ⲟⲩⲇⲉⲗⲁⲁⲩⲛϩⲱⲃ·ⲙⲡⲟⲛⲏⲣⲟⲛ·ⲁⲗⲗⲁⲉⲩⲟⲩⲁⲁⲃ·ⲉⲩⲟⲩⲏϩϩⲛⲛⲉⲧⲟⲩⲁⲁⲃ·ⲉⲩⲙⲧⲟⲛⲙⲙⲟⲟⲩϩⲛⲛⲉⲧⲟⲩⲁⲁⲃ·ϩⲓⲧⲙⲡⲉⲧϫⲟⲥⲉϣⲁⲉⲛⲉϩ·ⲉⲩⲣϣⲁⲛⲙⲙⲁϥⲛⲛⲁⲩⲛⲓⲙϩⲛⲟⲩϣⲁⲛⲁⲧⲟⲩⲱϫⲛ⁖ⲉⲃⲟⲗϫⲉⲁⲩⲟⲩⲟⲉⲩⲛⲟⲩϫⲉⲉⲃⲟⲗⲙⲙⲟⲟⲩⲙⲡⲉⲧⲕⲁⲧⲏⲅⲟⲣⲉⲓⲙⲙⲟⲟⲩ⁖ⲡⲉⲧⲟⲛϫⲁϫⲉⲉⲡⲉⲛⲧⲁϥⲧⲁⲙⲓⲟⲟⲩ·ⲡϫⲁϫⲉⲛⲇⲓⲕⲁⲓⲟⲥⲩⲛⲏⲛⲓⲙ·ⲡⲙⲉⲥⲧⲉⲁⲩⲱⲡⲥⲁⲧⲁⲛⲁⲥⲉⲧⲉⲡⲁⲓⲡⲉⲡⲇⲓⲁⲃⲟⲗⲟⲥ·ⲉⲧⲃⲉⲡⲁⲓⲁⲩⲣϣⲁϩⲱⲱϥⲙⲡϩⲟⲟⲩⲙⲡⲁⲣⲭⲁⲅⲅⲉⲗⲟⲥ·ϫⲉⲛⲧⲟϥⲁϥⲙⲓϣⲉ·ⲁϥϫⲣⲟⲁϥⲑⲃⲃⲓⲟ·ⲙⲡϫⲁⲥⲓϩⲏⲧϩⲛⲟⲩϭⲉⲡⲏ·ⲁⲗⲗⲁϩⲙⲡⲧⲣⲉϥⲁⲁϥⲛϭⲱⲃⲁϥⲛⲟϫϥⲉⲃⲟⲗ·ϩⲙⲡⲙⲁⲛϣⲱⲡⲉⲛⲁⲡⲉⲣⲁⲛⲧⲟⲛ·ⲉϩⲣⲁⲓⲉϫⲙⲡⲕⲁϩⲙⲡⲉϥϩⲟ·ⲟⲛⲉⲣⲟϥⲉⲡⲁⲓⲛϭⲓⲡⲁⲣⲭⲁⲅⲅⲉⲗⲟⲥⲙⲓⲭⲁⲏⲗ·ⲛϥⲕⲁⲁϥϩⲓϫⲙⲡⲕⲁϩ·ⲛⲧⲉⲓϩⲉϩⲁⲡⲗⲱⲥ·ⲁⲗⲗⲁⲁϥϫⲓⲉⲝⲟⲩⲥⲓⲁ·ⲟⲛⲛⲧⲉⲓϩⲉ·ⲉⲃⲟⲗϩⲓⲧⲙⲡϫⲟⲉⲓⲥ·ⲁϥⲉⲓⲉⲡⲉⲥⲏⲧⲁϥⲁⲙⲁϩⲧⲉⲙⲙⲟϥⲁϥⲥⲟⲛϩϥϩⲛϩⲉⲛⲥⲛⲟⲟⲩϩⲛⲁⲧⲃⲱⲗⲉⲃⲟⲗ·ⲟⲩⲇⲉⲣⲱⲙⲡⲉϥⲕⲁⲁϥⲉϥⲥⲟⲛϩϩⲓϫⲙⲡⲕⲁϩⲙⲙⲁⲧⲉ·ⲁⲗⲗⲁⲉϥⲥⲏϩϫⲉⲁϥⲛⲟϫϥⲉϩⲣⲁⲓⲉⲧⲗⲓⲙⲛⲏⲛⲥⲁⲧⲉⲉⲧϫⲉⲣⲟϩⲛⲟⲩⲕⲱϩⲧⲙⲛⲟⲩⲑⲏⲛ·ⲁⲩⲱⲉⲩϩⲁⲣⲉϩⲉⲣⲟϥϣⲁⲡⲉϩⲟⲟⲩⲙⲡⲛⲟϭⲛϩⲁⲡ·ⲉⲛⲉⲛⲧⲁϥⲕⲁⲁϥⲅⲁⲣϩⲓϫⲙⲡⲕⲁϩⲉⲛⲉⲙⲛⲗⲁⲁⲩⲛⲥⲁⲣⲝⲛⲁⲉϣϭⲙϭⲟⲙⲛⲣⲃⲟⲗⲉⲛⲉϥⲡⲁϣ·ⲁⲗⲗⲁϯⲙⲉⲉⲩⲉϫⲉϩⲙⲡⲧⲣⲉϥϫⲟⲟⲥϫⲉⲁⲩⲛⲟϫϥⲉⲡⲉⲥⲏⲧⲉⲧⲗⲓⲙⲛⲏⲛⲥⲁⲧⲉ·ⲙⲛⲡⲛⲟⲩⲛ·ⲙⲛⲡⲕⲁⲕⲉ·ϫⲉⲕⲁⲥⲉⲕⲉⲉⲓⲙⲉⲉⲧⲙⲉ·ϥⲥⲏϩⲅⲁⲣϫⲉⲛⲉⲧϩⲛⲛⲙⲡⲏⲩⲉ·ⲙⲛⲕⲉⲧϩⲓϫⲙⲡⲕⲁϩ·ⲙⲛⲛⲉⲧⲉⲡⲉⲥⲏⲧⲙⲡⲕⲁϩ·ⲁⲩⲱϯϫⲱⲙⲙⲟⲥⲛⲏⲧⲛϫⲉϫⲓⲛⲡⲉⲟⲩⲟⲉⲓϣⲉⲧⲙⲙⲁⲩϣⲁϩⲟⲩⲛⲉⲧⲉⲛⲟⲩ·ⲥⲉⲕⲟⲗⲁⲍⲉⲙⲙⲟϥ·ϩⲛⲧⲗⲩⲙⲛⲏⲛⲥⲁⲧⲉⲉⲧⲙⲙⲁⲩ·
ⲁⲗⲗⲁⲁⲕⲛⲁϫⲟⲟⲥⲛⲁⲓϩⲱⲱⲧⲱⲡⲉϣⲃⲏⲣ·ϫⲉⲉϣϫⲉⲡⲇⲓⲁⲃⲟⲗⲟⲥⲥⲟⲛϩⲉⲧⲃⲉⲟⲩⲙⲡⲛⲁⲩⲛⲧⲁⲛⲁⲅⲅⲉⲗⲟⲥⲙⲡⲛⲟⲩⲧⲉ·ϩⲙⲡϫⲱⲱⲙⲉⲛⲓⲱⲃ·ⲁϩⲉⲣⲁⲧⲟⲩⲁϥⲉⲓⲣⲉⲛⲛⲉⲓⲡⲉⲧϩⲟⲟⲩⲧⲏⲣⲟⲩⲛⲓⲱⲃⲉϥⲥⲟⲛϩ·ⲥⲱⲧⲙϩⲛⲟⲩϯϩⲧⲏϥ·ⲁⲩⲱⲁⲛⲟⲕⲡⲉⲧⲛⲁⲧⲉⲧⲛⲡⲉⲕϩⲏⲧϩⲙⲡⲁϣⲁϫⲉⲙⲙⲁⲧⲉⲁⲛ·ⲁⲗⲗⲁⲕⲁⲧⲁⲡⲉⲛⲧⲁϥⲉⲓⲉⲧⲟⲟⲧϩⲛⲕⲉⲙⲁ·ϣⲁϥϫⲟⲟⲥⲅⲁⲣϩⲱⲱϥⲡⲇⲓⲁⲃⲟⲗⲟⲥϫⲉϣⲁϥϫⲓϩⲏⲣⲃϩⲱϥϩⲱⲥⲁⲅⲅⲉⲗⲟⲥ·ⲛⲧⲉⲡⲟⲩⲟⲉⲓⲛ·ⲁⲗⲗⲁⲉⲛⲉⲟⲩⲁⲁⲛⲡⲉ·ϫⲉϣⲁⲣⲉⲡⲥⲁϩⲟⲛ·ⲡⲁⲩⲗⲟⲥϫⲟⲟⲥϫⲉⲡⲁⲅⲅⲉⲗⲟⲥⲙⲡⲥⲁⲧⲁⲛⲁⲥϫⲉⲉϥⲉϯⲕⲗⲯⲉϫⲱⲓϫⲉⲉⲛⲛⲁϫⲓⲥⲉⲙⲙⲟⲓ·ϣⲁⲣⲉⲡⲉⲛⲥⲱⲧⲏⲣϫⲟⲟⲥⲉⲣⲟϥⲉϥⲥⲧⲟⲙⲙⲟϥⲉⲃⲟⲗ·ϫⲉⲃⲱⲕϩⲓⲡⲁϩⲟⲩⲙⲙⲟⲓⲡⲥⲁⲧⲁⲛⲁⲥ·ϣⲁϥϫⲟⲟⲥⲟⲛϫⲉⲡⲇⲓⲁⲃⲟⲗⲟⲥⲡⲉⲓⲣⲁⲍⲉⲙⲙⲟϥ·ⲇⲁⲇⲟⲛϫⲱⲙⲙⲟⲥϫⲉⲙⲁⲣⲉⲡⲇⲓⲁⲃⲟⲗⲟⲥⲁϩⲉⲣⲁⲧϥⲛⲥⲁⲟⲩⲛⲁⲙⲙⲙⲟϥ⁖ⲉⲣⲉⲡⲁⲡⲟⲥⲧⲟⲗⲟⲥⲟⲛϫⲱⲙⲙⲟⲥ·ϩⲛⲛⲕⲁⲑⲟⲗⲓⲕⲟⲛϫⲉϫⲓⲛⲧⲉϩⲟⲩⲉⲓⲧⲉⲡⲇⲓⲁⲃⲟⲗⲟⲥϫⲓϣⲓⲡⲉⲁⲩⲱϥⲣⲛⲟⲃⲉ⁘ⲗⲟⲓⲡⲟⲛϫⲉⲛⲛⲉⲓⲱⲥⲕϩⲙⲡϣⲁϫⲉⲉⲧⲃⲉⲡⲉⲧⲙⲟⲥⲧⲉⲙⲡⲉⲛⲅⲉⲛⲟⲥ·ⲁⲗⲗⲁⲥⲱⲧⲙⲛⲧⲁⲧⲁⲙⲟⲕ·ⲉⲣϣⲁⲛⲟⲩⲣⲣⲟⲏⲟⲩⲁⲣⲭⲱⲛ·ⲛⲕⲉⲟⲩⲁϩⲱⲗⲟⲥⲉϥϩⲁⲉⲝⲟⲩⲥⲓⲁ·ⲧⲛⲛⲟⲟⲩⲛⲟⲩⲡⲟⲩⲣⲅⲟⲥⲉⲡⲟⲩϥⲡⲉ·ⲉⲩⲁⲡⲟⲕⲣⲓⲥⲓⲥ·ϣⲁⲣⲉⲛⲉⲧⲛⲁⲃⲱⲕϣⲁⲣⲟⲟⲩⲥⲡⲟⲩⲇⲁⲍⲉⲉϫⲱⲕⲉⲃⲟⲗ·ⲙⲡⲟⲩⲉϩⲥⲁϩⲛⲉϫⲉⲟⲩϩⲱⲃⲛⲧⲉⲡⲣⲣⲟⲡⲉ·ⲛⲧⲁϥⲃⲱⲕⲉⲧⲃⲏⲏⲧϥ·ⲁⲩⲱϣⲁⲩϫⲟⲟⲥϫⲉⲙⲁⲣⲛⲣⲧⲁⲡⲟⲕⲣⲓⲥⲓⲥⲙⲡⲇⲉⲥⲡⲟⲧⲏⲥ·ϫⲉⲛⲛⲉϥⲁⲡⲩⲗⲏⲉⲣⲟⲛ·ⲧⲉⲓϩⲉⲟⲛⲛⲟⲩⲱⲧⲧⲉⲧϣⲟⲟⲡⲛⲛⲉⲧϩⲟⲟⲩⲙⲛⲛⲉⲧⲛⲁⲛⲱⲟⲩ·ⲉⲡⲉⲓⲇⲏⲙⲡⲛⲁⲩⲛⲧⲁⲩⲛⲉϫⲡⲇⲓⲁⲃⲟⲗⲟⲥⲉⲃⲟⲗϩⲛⲧⲡⲉ·ⲁⲟⲩⲙⲏⲏϣⲉⲛⲁⲅⲅⲉⲗⲟⲥⲟⲩⲁϩⲟⲩⲛⲥⲱϥ·ⲛⲁⲓⲛⲧⲁⲩⲙⲉⲣⲉⲡⲥⲁϩⲟⲩ·ⲁ..ⲛⲁⲩⲁⲩⲣϩⲁⲏⲉⲡⲉⲟⲟⲩ·ⲁⲩⲱⲁⲩϣⲟⲟⲡⲉ...ⲁⲁϥϩⲛⲧⲉⲓⲙⲛⲧ...ⲧ...ⲧ·⁖ⲻⲗⲟⲓⲡⲟⲛⲁϥⲙⲉⲉⲩⲉ.....ⲟϭ...ϣⲁϩⲙⲡⲉϥϩⲏⲧϩⲱⲥⲧⲉⲛϥⲧⲟⲗⲙⲁⲛϥϫⲟⲟⲥⲉⲡⲉⲛⲧⲁϥⲧⲁⲙⲓⲟϥϫⲉϯⲛⲁϣⲱⲡⲉⲛⲧⲉϥϩⲉ·ⲁϥϩⲓⲧⲟⲟⲧϥⲉⲧⲱϣⲛⲁϥⲛϩⲉⲛⲧⲁⲝⲓⲥϩⲁⲧⲉϥϩⲓϩⲛⲟⲩⲙⲛⲧϫⲁⲥⲓϩⲏⲧⲉϥⲧⲟⲛⲧⲛⲙⲙⲟϥⲉⲡⲉϥϫⲟⲉⲓⲥ·ⲛⲧⲉⲩⲛⲟⲩⲇⲉⲁⲡⲛⲟⲩⲧⲉⲧⲛⲛⲟⲩⲙⲡⲉϥⲛⲟϭⲛⲁⲣⲭⲁⲅⲅⲉⲗⲟⲥ·ⲙⲓⲭⲁⲏⲗ·ⲁϥⲙⲟⲣϥⲁϥⲕⲁⲁϥϩⲛⲟⲩⲧⲟⲡⲟⲥⲛⲕⲁⲕⲉⲉϥⲥⲁⲡⲉⲥⲏⲧⲙⲡⲕⲁϩ·ⲁⲩⲱⲛⲉⲛⲧⲁⲩⲟⲩⲁϩⲟⲩⲛⲥⲱϥ·ⲁⲩϣⲱⲡⲉⲛⲇⲓⲁⲃⲟⲗⲟⲥⲛⲙⲙⲁϥ·ⲉⲧⲃⲉⲡⲁⲓⲣⲱⲛⲧⲁⲩⲙⲟⲩⲧⲉⲉⲣⲟⲟⲩⲛⲧⲡⲁϣⲉⲙⲡⲉϥⲣⲁⲛ·ϫⲉⲇⲁⲓⲙⲱⲛⲉⲧⲉⲡⲇⲓⲁⲃⲟⲗⲟⲥⲡⲉ·ⲁⲩⲱϣⲁⲧⲉⲛⲟⲩⲥⲉϩⲩⲡⲟⲩⲣⲅⲉⲓⲙⲙⲟϥ·ϩⲛⲛⲉϥⲡⲉⲧϩⲟⲟⲩⲧⲏⲣⲟⲩ·ⲉⲃⲟⲗϫⲉⲁⲩϣⲱⲡⲉⲛⲁϥϩⲱⲱϥ·ⲛⲧⲁⲝⲓⲥϩⲁⲣⲁⲧϥϩⲛⲧⲉϥⲙⲛⲧϫⲁⲥⲓϩⲏⲧⲉϥⲧⲟⲛⲧⲛⲙⲙⲟϥⲉⲡⲉϥϫⲟⲉⲓⲥ·ⲛⲧⲉⲩⲛⲟⲩⲁⲡⲛⲟⲩⲧⲉⲧⲛⲛⲟⲟⲩⲙⲡⲉϥⲛⲟϭⲛⲁⲣⲭⲱⲛⲡⲉϥⲛⲟϭⲛⲁⲣⲭⲁⲅⲅⲉⲗⲟⲥⲙⲓⲭⲁⲏⲗ·ⲁϥⲟⲩⲱϣϥⲛⲧⲉϥϭⲟⲙⲁϥⲕⲁⲁϥ·ϩⲛⲟⲩⲧⲟⲡⲟⲥⲛⲕⲁⲕⲉ·ⲉⲧⲥⲁⲡⲉⲥⲏⲧⲙⲡⲕⲁϩⲙⲛⲛⲉⲛⲧⲁⲩⲟⲩⲁϩⲟⲩⲛⲥⲱϥ·ⲕⲁⲧⲁⲡⲉⲧⲥⲏϩ·ϫⲉⲕ...ⲱⲧ...ⲙⲛⲟⲩⲥⲱⲧ..ⲁⲩⲱ...ϭⲱⲱⲙⲉ

ANNIS Metadata

Coptic_edition: Budge Miscellaneous 1915 pp. 321-420
Trismegistos: none
annotation: Lydia Bremer-McCollum
attributed_author: Theodosius of Alexandria
author: Theodosius of Alexandria
collection: Oriental Manuscripts
copyist: Sir
corpus: theodosius.alexandria
country: Egypt
document_cts_urn: urn:cts:copticLit:theodosiusalex.michael.budge_ai_ed:0-8
idno: BL Or. 7810 ff. 1-8r
language: Sahidic Coptic
license: CC-BY 4.0
msName: MERC.AI
next: urn:cts:copticLit:theodosiusalex.michael.budge_ai_ed:9-30
note: Coptic follows Budge's transcription of MERC.AI. Chapter divisions follow the paragraph breaks in Budge's English translation.
objectType: codex
ocr: automatic
order: 1
origDate: 987
origDate_notAfter: 987
origDate_notBefore: 987
origDate_precision: high
origPlace: Hagr Edfu
pages_from: 1
pages_to: 15
parsing: automatic
paths_authors: 100
paths_manuscripts: 187
paths_works: 387
placeName: Hagr Edfu
project: Coptic SCRIPTORIUM
redundant: no
repository: British Library
segmentation: automatic
source: Budge Miscellaneous 1915 on Internet Archive
source_info: OCR of Budge 1915 pdf from Internet Archive using OCR4All
tagging: automatic
title: Encomium on Michael the Archangel (Budge ed. MERC.AI) Part 1
translation: none
version_datte: 2024-10-31
version_n: 6.0.0
witness: none

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:theodosiusalex.michael.budge_ai_ed:0-8. [version number], [date]. https://data.copticscriptorium.org/urn:cts:copticLit:theodosiusalex.michael.budge_ai_ed:0-8.

Subsequent citations:

Author, Ancient title (abbreviated) [chapter.verse if available], urn:cts:copticLit:theodosiusalex.michael.budge_ai_ed:0-8.

Document Edition: urn:cts:copticLit:theodosiusalex.michael.budge_ai_ed:0-8

Work: urn:cts:copticLit:theodosiusalex.michael

Text Group: urn:cts:copticLit:theodosiusalex

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:theodosiusalex.michael.budge_ai_ed:0-8/norm/html

Analytic Visualization HTML: https://data.copticscriptorium.org/urn:cts:copticLit:theodosiusalex.michael.budge_ai_ed:0-8/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:theodosiusalex.michael.budge_ai_ed:0-8/tei/xml

Paula XML: https://data.copticscriptorium.org/urn:cts:copticLit:theodosiusalex.michael.budge_ai_ed:0-8/paula/xml

relANNIS: https://data.copticscriptorium.org/urn:cts:copticLit:theodosiusalex.michael.budge_ai_ed:0-8/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:theodosiusalex.michael.budge_ai_ed:0-8/annis