Encomium on Demetrius Archbishop of Alexandria part 2
normalized analytic TEI ANNIS PAULA Search ANNIS
Previous

Normalized Text

ⲙⲡⲛⲁⲩⲇⲉⲙⲡⲟⲩⲟⲉⲓⲛⲙⲙⲏⲛⲉ·ϣⲁϥⲁⲛⲁⲭⲱⲣⲉⲓⲛⲁϥⲉⲛϭⲱϣⲧⲛⲥⲱϥ·
ⲁⲩⲱⲙⲡⲣⲙⲉⲉⲩⲉϫⲉⲉⲓϣⲓⲛⲉⲛⲥⲁⲟⲩⲉⲟⲟⲩⲛⲣⲱⲙⲉⲙⲙⲟⲛ·ⲟⲩⲇⲉⲙⲡⲁⲟⲩⲱϣⲁⲛⲡⲉ·ⲉⲧⲣⲁⲧⲁⲙⲱⲧⲛⲉⲡⲁⲓⲛⲥⲁⲃⲏⲗϫⲉⲁϥⲟⲩⲉϩⲥⲁϩⲛⲉⲛⲁⲓⲛϭⲓⲡⲉⲧⲟⲩⲱϣⲉⲱⲫⲉⲗⲉⲓⲛⲟⲩⲟⲛⲛⲓⲙⲡⲛⲟⲩⲧⲉⲡⲙⲁⲓⲣⲱⲙⲉ·
ⲛⲧⲉⲣⲉϥϫⲉⲛⲁⲓⲇⲉⲁⲩⲡⲁϩⲧⲟⲩⲉϫⲛⲛⲉϥⲟⲩⲣⲏⲏⲧⲉⲉⲩϫⲱⲙⲙⲟⲥϫⲉⲟⲛⲧⲱⲥ·ⲡⲉⲛⲉⲓⲱⲧⲕⲧⲁⲓⲏⲩⲡⲁⲣⲁⲡⲥⲱⲛⲧⲧⲏⲣϥ·
ⲙⲛⲛⲥⲁⲛⲁⲓⲁϥⲕⲉⲗⲉⲩⲉⲛⲧⲉϥⲥϩⲓⲙⲉⲉⲧⲣⲉⲥⲁⲛⲁⲭⲱⲣⲉⲓⲛⲁⲥⲉⲡⲉⲥⲙⲁ·
ⲛⲁⲓⲇⲉϩⲱⲟⲩⲁϥϣⲗⲏⲗⲁϥⲕⲁⲁⲩⲉⲃⲟⲗⲉⲧⲣⲉⲡⲟⲩⲁⲡⲟⲩⲁⲃⲱⲕⲉⲡⲉϥⲏⲓϩⲛⲟⲩⲉⲓⲣⲏⲛⲏ·
ⲁⲣⲁⲙⲡⲉⲡⲉⲧⲛϩⲏⲧⲕⲓⲙⲉⲣⲱⲧⲛⲉⲧⲉⲧⲛⲥⲱⲧⲙⲉⲛⲉϣⲡⲏⲣⲉⲛⲧⲉⲓϭⲟⲧⲁⲣⲁⲙⲡⲉⲧⲉⲧⲛⲑⲁⲩⲙⲁⲍⲉⲙⲡⲉⲓⲡⲉⲧⲟⲩⲁⲁⲃ·ⲛⲧⲁϥⲣⲡⲉϥⲟⲩⲟⲉⲓϣⲧⲏⲣϥⲙⲛⲧⲉϥⲥϩⲓⲙⲉ·ⲉϥⲉⲅⲕⲣⲁⲧⲉⲩⲉ·ⲙⲙⲟϥⲉⲣⲟⲥ·
ⲉⲩⲧⲱⲛⲛⲁⲓϩⲱⲟⲩⲧⲉⲛⲟⲩⲉⲧⲡⲟⲣⲛⲉⲩⲉⲉⲟⲩⲛⲧⲁⲩⲙⲙⲁⲩⲛⲛⲉⲩϩⲓⲟⲟⲙⲉ·ⲙⲁⲗⲓⲥⲧⲁⲉⲩϫⲱⲙⲙⲟⲥϫⲉⲁⲛⲟⲛϩⲉⲛⲭⲣⲓⲥⲧⲓⲁⲛⲟⲥ·
ⲙⲁⲣⲟⲩⲉⲓⲧⲉⲛⲟⲩⲛⲥⲉϫⲓϣⲓⲡⲉⲉⲩⲛⲁⲩⲉⲡⲉⲩⲉⲓⲱⲧⲇⲏⲙⲏⲧⲣⲓⲟⲥⲡⲁⲣⲭⲏⲉⲡⲓⲥⲕⲟⲡⲟⲥⲉⲧⲟⲩⲁⲁⲃⲉϥϫⲱⲙⲙⲟⲥ·ϫⲉⲛⲧⲛⲥⲟⲟⲩⲛⲁⲛ·ⲛⲛⲉⲛⲉⲣⲏⲩⲉⲓⲙⲏⲧⲓⲉⲡϩⲟⲙⲙⲁⲧⲉ·
ⲱⲡⲁⲅⲱⲛⲟⲑⲉⲧⲏⲥ·ⲁⲩⲱⲡⲣⲉϥⲙⲓϣⲉⲙⲛⲙⲡⲁⲑⲟⲥⲡⲁⲅⲓⲟⲥⲇⲏⲙⲓⲧⲣⲓⲟⲥ·ⲱⲡⲁⲉⲓⲱⲧⲁⲣⲁⲙⲡⲉⲡⲉⲕϩⲏⲧⲕⲓⲙⲉⲣⲟⲕⲉⲕⲛⲁⲩⲉⲧⲉⲥϩⲓⲙⲉⲉⲧⲛⲉⲥⲱⲥⲛⲧⲉⲓϩⲉⲧⲏⲣⲥ·
ⲁⲣⲁⲙⲡⲉⲡⲉⲥⲗⲟϭⲗϭⲙⲡⲉⲥⲥⲱⲙⲁ·ⲉⲧϭⲏⲛϯϩⲃⲁⲙⲡⲉⲕⲗⲟⲅⲓⲥⲙⲟⲥ·ⲉⲃⲟⲗϫⲉⲛⲧⲕⲟⲩϣⲏⲣⲉϣⲏⲙ·ⲙⲡⲛⲁⲩⲟⲛⲉⲕϣⲁϫⲉⲛⲙⲙⲁⲥⲉⲙⲛⲣⲱⲙⲉϩⲁϩⲧⲏⲕ·
ⲁⲣⲁⲙⲡⲉⲡⲣⲉϥⲛⲉϫⲥⲟⲟⲧⲉⲉⲧϩⲟⲟⲩⲛⲉϫⲥⲟⲧⲉⲉⲣⲟⲕ·ⲁϩⲉⲡⲉϫⲁϥⲁⲛⲅⲟⲩⲣⲱⲙⲉϩⲱⲉⲣⲉⲟⲩⲥⲁⲣⲝⲧⲟϩⲓⲱⲱⲧⲛⲧϩⲉⲛⲣⲱⲙⲉⲛⲓⲙ·
ⲁⲗⲗⲁⲥⲱⲧⲙⲛⲧⲁⲧⲁⲙⲟⲕ·ⲙⲡⲛⲁⲩⲉϣⲁⲣⲉⲡⲁϩⲏⲧⲕⲓⲙⲉⲣⲟⲓⲉϩⲟⲩⲛⲉⲡⲡⲁⲑⲟⲥ·
ϣⲁⲓⲣⲡⲙⲉⲉⲩⲉⲛⲛⲥⲩⲛⲑⲩⲕⲏⲛⲧⲁⲓⲥⲙⲛⲧⲟⲩⲙⲛⲡⲉⲭⲣⲓⲥⲧⲟⲥϫⲉⲛⲛⲉⲓⲡⲁⲣⲁⲃⲁⲙⲙⲟⲟⲩ·
ϥⲛⲁⲁⲡⲁⲣⲛⲁⲙⲙⲟⲓϩⲱⲱϥ·ⲙⲡⲙⲧⲟⲉⲃⲟⲗⲙⲡⲉϥⲉⲓⲱⲧⲙⲛⲛⲉϥⲁⲅⲅⲉⲗⲟⲥⲉⲧⲟⲩⲁⲁⲃ·
ⲙⲡⲛⲁⲩⲟⲛⲉϣⲁⲓⲣⲡⲙⲉⲉⲩⲉⲙⲡⲉⲥⲗⲟϭⲗϭⲙⲡⲉⲥⲥⲱⲙⲁ·
ϣⲁⲓⲣⲡⲙⲉⲉⲩⲉⲛⲧⲙⲛⲧϭⲁⲓⲉⲛⲛⲥⲱⲙⲁϩⲛⲛⲧⲁⲫⲟⲥ·ⲙⲛⲡⲉⲩⲥϯⲃⲱⲱⲛ·
ⲁⲩⲱϣⲁⲛⲕⲁⲣⲱⲛⲉⲧⲙϫⲉϣⲁϫⲉⲛϣⲙⲙⲟⲉⲛⲣϩⲟⲧⲉϩⲏⲧⲥⲛⲧⲁⲡⲉⲓⲗⲏⲙⲡⲕⲱϩⲧⲙⲛⲡϣⲁϩⲛⲧⲅⲉϩⲉⲛⲛⲁⲉⲧϣⲟⲟⲡϩⲛⲁⲙⲛⲧⲉ·
ⲉⲣⲉⲛⲉⲧϣⲟⲟⲡⲛϩⲏⲧϥⲟⲩⲉϣⲟⲩⲱⲛⲛⲣⲱⲟⲩⲉⲡⲧⲏⲣϥ·ⲁⲩⲱⲙⲉⲩⲉϣⲟⲩⲱⲛ·
ϯⲉⲓⲣⲉⲇⲉⲙⲡⲙⲉⲉⲩⲉⲱⲡⲥⲩⲛϩⲉⲇⲣⲓⲟⲛⲙⲙⲁⲓⲛⲟⲩⲧⲉϫⲉⲁⲓϫⲟⲟⲥϩⲛⲧⲁⲣⲭⲏⲙⲡⲉⲡⲣⲟϩⲟⲓⲙⲓⲟⲛϫⲉϥⲥⲟⲧⲡⲛϭⲓⲛⲉⲓⲡⲉⲧⲟⲩⲁⲁⲃⲛϩⲟⲩⲟ·ⲉⲡⲉⲧⲛⲁⲡⲁⲧⲁⲥⲥⲉⲓⲛⲟⲩⲙⲟⲩⲓⲙⲛⲟⲩⲁⲣⲝ⁛—
ⲕⲁⲓⲅⲁⲣⲁⲟⲩⲁϫⲟⲟⲥϩⲛⲛⲉⲫⲓⲗⲟⲥⲟⲫⲟⲥ·ϫⲉⲡⲉⲧⲛⲁⲡⲁⲧⲁⲥⲥⲉⲓⲛⲟⲩⲙⲟⲩⲓⲛⲟⲩϫⲱⲱⲣⲉⲁⲛⲡⲉ⁛—
ⲁⲩⲱⲡⲉⲧⲛⲁⲡⲁⲧⲁⲥⲥⲉⲓⲛⲟⲩⲡⲁⲛⲑⲏⲣⲛⲟⲩⲇⲩⲛⲁⲧⲟⲥⲁⲛⲡⲉ⁛—
ⲡⲉⲧⲛⲁⲙⲟⲩⲇⲉⲛⲧⲟϥⲉϥⲟⲩⲁⲁⲃⲉⲧⲁⲡⲁⲧⲏⲛⲛⲉϩⲓⲟⲙⲉⲡⲁⲓⲟⲩϫⲱⲱⲣⲉⲡⲉⲛϩⲟⲩⲟ·
ⲓⲱⲥⲏⲫⲙⲉⲛⲡⲡⲁⲧⲣⲓⲁⲣⲭⲏⲥⲛϥϣⲟⲟⲡⲡⲉϩⲙⲡⲏⲓⲛⲧⲣⲙⲛⲕⲏⲙⲉ⁛—
ⲡϩⲱⲃⲟⲩⲟⲛϩⲉⲃⲟⲗ⁛ϫⲉⲉⲥϩⲟⲟⲩⲁⲩⲱⲉⲥϩⲟⲙⲟⲓⲗⲉⲛⲙⲙⲁϥⲙⲙⲏⲛⲉ·ⲛϭⲓⲧⲉⲥϩⲓⲙⲉⲉⲧⲙⲙⲁⲩⲙⲡⲁⲣⲁⲛⲟⲙⲟⲥϣⲁⲛⲧⲉⲥϭⲛⲧⲉⲩⲅⲉⲣⲓⲁⲉⲣⲟϥ·
ⲛⲧⲟⲕⲇⲉⲱⲡⲡⲉⲧⲟⲩⲁⲁⲃⲇⲏⲙⲏⲧⲣⲓⲟⲥⲥⲉⲙⲓϣⲉⲛⲙⲙⲁⲕⲙⲙⲏⲛⲉϩⲓⲧⲛⲛⲉⲕⲗⲟⲅⲓⲥⲙⲟⲥ⁛—
ⲉⲛⲉⲓⲟⲩⲱϣⲙⲛⲉⲱⲥⲕⲉⲓϣⲁϫⲉⲛⲙⲙⲏⲧⲛⲛⲧⲁⲧⲁⲩⲟⲉⲣⲱⲧⲛⲛⲛⲁⲣⲉⲧⲏⲙⲛⲛⲉϣⲡⲏⲣⲉⲙⲛⲙⲙⲛⲧϫⲱⲱⲣⲉⲙⲡⲉⲓⲡⲉⲧⲟⲩⲁⲁⲃ·
ⲁⲗⲗⲁϯⲥⲟⲟⲩⲛϫⲉⲉⲣⲉⲡⲉϥⲧⲁⲉⲓⲟϩⲛⲙⲡⲏⲩⲉϩⲁϩⲧⲛⲡⲉⲛⲧⲁϥⲛⲣⲱⲙⲉⲉⲧⲃⲏⲏⲧⲛⲉⲃⲟⲗϩⲛⲙⲁⲣⲓⲁⲧⲡⲁⲣⲑⲉⲛⲟⲥ·
ⲁⲗⲏⲑⲱⲥⲁⲕϫⲉⲕⲡⲱⲧⲉⲃⲟⲗ
ⲁⲕϩⲁⲣⲉϩⲉⲧⲡⲓⲥⲧⲓⲥ·
ⲁⲩⲱⲉⲕⲥⲟⲡⲥⲡϩⲁⲣⲟⲛⲧⲉⲛⲟⲩϩⲙⲡⲙⲁⲉⲧⲕⲛϩⲏⲧϥ·ⲉⲛⲉⲓⲟⲩⲱϣⲙⲉⲛⲛⲧⲁϣⲉϣⲁϫⲉⲛⲙⲙⲏⲏⲧⲛⲛⲧⲁⲧⲁⲩⲟⲉⲣⲱⲧⲛⲛⲛⲉϣⲡⲏⲣⲉⲛⲧⲁⲡⲛⲟⲩⲧⲉⲉⲛⲉⲣⲅⲉⲓⲙⲙⲟⲟⲩⲉⲃⲟⲗϩⲓⲧⲟⲟⲧϥⲙⲡⲉⲓⲡⲉⲧⲟⲩⲁⲁⲃⲡⲁⲅⲓⲟⲥⲇⲏⲙⲏⲧⲣⲓⲟⲥⲡⲁⲣⲭⲏⲉⲡⲓⲥⲕⲟⲡⲟⲥⲉⲧⲟⲩⲁⲁⲃ·
ⲁⲗⲗⲁϯⲥⲟⲟⲩⲛⲛⲧⲁⲙⲛⲧⲁⲥⲑⲉⲛⲏⲥⲙⲛⲧⲙⲛⲧϭⲱⲃ·ⲙⲡⲁϣⲁϫⲉⲛⲉⲗⲁⲭⲓⲥⲧⲟⲛ·
ⲁⲗⲗⲁⲙⲁⲣⲛⲕⲧⲟⲛⲉⲕⲉⲥⲁⲛⲧⲛⲉⲓⲛⲉⲉⲧⲙⲏⲏⲧⲉⲛⲟⲩⲣⲱⲙⲉⲉϥⲫⲟⲣⲉⲓⲛϣⲟⲙⲧⲉⲛⲁⲣⲉⲧⲏ·ⲉⲧⲉⲛⲁⲓⲛⲉⲧⲡⲁⲣⲑⲉⲛⲓⲁⲧⲙⲛⲧⲁⲣⲭⲓⲉⲣⲉⲩⲥ·ⲁⲩⲱⲧⲙⲛⲧⲙⲁⲣⲧⲩⲣⲟⲥ·
ⲛⲓⲙϭⲉⲡⲉⲡⲁⲓⲡⲁⲅⲓⲟⲥⲡⲉⲧⲣⲟⲥⲡⲉⲡⲁⲣⲭⲏⲉⲡⲓⲥⲕⲟⲡⲟⲥⲡⲉⲛⲣⲁⲕⲟⲧⲉ·
ϩⲙⲡⲕⲁⲓⲣⲟⲥⲟⲩⲛⲉⲣⲉⲧⲙⲛⲧⲣϥϣⲙϣⲉⲉⲓⲇⲱⲗⲟⲛ·ⲡⲟⲗⲓⲧⲉⲩⲉϩⲓⲧⲙⲡⲣⲣⲟⲛⲁⲛⲟⲙⲟⲥⲇⲓⲟⲕⲗⲏϯⲁⲛⲟⲥ·
ⲡⲁⲓⲛⲧⲁϥⲕⲉⲗⲉⲩⲉⲉϣⲟⲣϣⲣⲛⲛⲉⲕⲕⲗⲏⲥⲓⲁⲕⲁⲧⲁⲙⲁⲁⲩⲱⲛⲉⲙⲛⲗⲁⲁⲩⲉϥⲉⲓⲣⲉⲙⲡϣⲙϣⲉⲉⲧⲟⲩⲁⲁⲃϩⲛⲟⲩⲟⲩⲱⲛϩⲉⲃⲟⲗⲛⲥⲁⲣⲁⲕⲟⲧⲉⲙⲁⲩⲁⲁϥⲉⲃⲟⲗϫⲉⲡⲁⲣⲭⲏⲉⲡⲓⲥⲕⲟⲡⲟⲥⲡⲉⲧⲣⲟⲥⲡⲡⲉⲧⲟⲩⲁⲁⲃ·ⲉⲛϥϭⲱⲛⲧⲁⲛⲉϩⲟⲛⲣⲱⲙⲉ·
ⲁⲗⲗⲁⲉϥⲕⲱⲛϩⲏⲧϥⲉⲡⲉⲛⲧⲁϥϫⲟⲟⲥϫⲉⲙⲡⲣⲣϩⲟⲧⲉϩⲏⲧⲟⲩⲛⲛⲉⲧⲛⲁⲙⲟⲩⲟⲩⲧⲙⲡⲉⲧⲛⲥⲱⲙⲁⲉⲙⲛϭⲟⲙⲇⲉⲙⲙⲟⲟⲩⲉⲙⲟⲩⲟⲩⲧⲛⲛⲉⲧⲛⲯⲩⲭⲏ·
ⲉⲧⲃⲉⲡⲁⲓⲛϥⲧⲁϫⲣⲏⲩⲉⲡⲉϩⲟⲩⲟ·ⲁⲩⲱⲛⲉϣⲁϥϫⲟⲟⲥⲙⲡⲉⲕⲗⲏⲣⲟⲥϫⲉⲙⲡⲣⲧⲣⲉϩⲩⲡⲟⲯⲩⲁⲛⲣⲱⲙⲉⲡⲉⲣϫⲧⲏⲩⲧⲛⲉⲡⲉⲭⲣⲓⲥⲧⲟⲥ·
ⲛⲉⲩⲛⲟⲩⲣⲱⲙⲉⲇⲉϩⲛⲧⲁⲛⲧⲓⲟⲭⲓⲁⲙⲡⲉⲟⲩⲟⲉⲓϣⲉⲧⲙⲙⲁⲩⲉⲡⲉϥⲣⲁⲛⲡⲉⲍⲱⲕⲣⲁⲧⲱⲣ·
ⲡⲁⲓⲇⲉⲉⲛⲉⲡⲉϣⲃⲏⲣⲡⲉⲛⲁⲡⲁⲧⲏⲣⲡⲉ·ⲛⲧⲁϥⲃⲱⲕⲉⲕⲏⲙⲉⲁϥⲣⲙⲁⲣⲧⲩⲣⲟⲥ·
ⲡⲁⲓⲇⲉⲍⲱⲕⲣⲁⲧⲱⲣⲛⲉⲟⲩⲭⲣⲓⲥϯⲁⲛⲟⲥⲡⲉⲛϣⲟⲣⲡⲉⲁϥϫⲓⲃⲁⲡⲧⲓⲥⲙⲁ·
ⲁⲩⲱⲁϥⲁⲡⲟⲧⲁⲥⲥⲉⲙⲙⲟϥ·
ⲁⲩⲱⲛⲉϥⲟⲛϩⲩⲡⲟⲕⲣⲓⲧⲏⲥⲉϥⲙⲟⲥⲧⲉⲛⲛⲉⲭⲣⲓⲥⲧⲓⲁⲛⲟⲥⲉⲡⲉϩⲟⲩⲟ·ⲉⲟⲩⲛⲧⲁϥⲇⲉⲙⲙⲁⲩⲛⲟⲩⲥϩⲓⲙⲉⲛⲭⲣⲓⲥϯⲁⲛⲏⲉⲡⲉⲥⲣⲁⲛⲡⲉⲙⲁⲣⲧⲩⲣⲓⲁ·ⲉⲁⲥϫⲡⲟⲛⲁϥⲛϣⲏⲣⲉⲥⲛⲁⲩ·
ⲡⲛⲟϭⲙⲉⲛⲁϥⲙⲟⲩⲧⲉⲉⲣⲟϥϫⲉⲫⲩⲗⲟⲡⲁⲧⲱⲣ·
ⲡⲕⲟⲩⲓⲇⲉϫⲉⲉⲩⲧⲣⲱⲡⲓⲟⲥ·
ⲛⲧⲉⲣⲟⲩⲣⲛⲟϭⲇⲉⲛϭⲓⲛϣⲏⲣⲉϣⲏⲙ·ⲁⲩⲉⲓⲉⲡⲧⲉⲓⲙⲡⲃⲁⲡⲧⲓⲥⲙⲁ·
ⲁⲩⲱⲧⲣⲉⲩⲃⲁⲡⲧⲓⲍⲉⲙⲙⲟⲟⲩⲕⲁⲧⲁⲡⲃⲁⲑⲙⲟⲥ·ⲛⲛⲉⲭⲣⲓⲥⲧⲓⲁⲛⲟⲥ·
ⲁⲥϣⲁϫⲉⲙⲛⲡⲉⲥϩⲁⲓⲛϭⲓⲧⲉⲥϩⲓⲙⲉⲉⲥϫⲱⲙⲙⲟⲥϫⲉϯⲡⲁⲣⲁⲕⲁⲗⲉⲓⲙⲙⲟⲕⲡⲁⲥⲟⲛⲉⲧⲣⲉⲕⲉⲓⲛⲙⲙⲁⲓⲉⲧⲡⲟⲗⲓⲥⲣⲁⲕⲟⲧⲉⲛⲧⲛⲃⲁⲡⲧⲓⲍⲉⲛⲛⲉⲛϣⲏⲣⲉ·ⲙⲏⲡⲟⲧⲉⲛⲥⲉⲙⲟⲩⲙⲡⲁϫⲓⲃⲁⲡⲧⲓⲥⲙⲁⲛⲧⲉⲡⲛⲟⲩⲧⲉ·
ϭⲱⲛⲧⲉⲣⲟⲛϫⲉⲁⲛⲟⲃϣⲛⲉⲧⲉⲯⲩⲭⲏⲛⲛⲉⲛϣⲏⲣⲉ·
ⲛⲧⲟϥⲇⲉⲡⲉϫⲁϥⲛⲁⲥϫⲉⲕⲁⲣⲱⲧⲁⲥⲱⲛⲉⲧⲣⲥⲟⲟⲩⲛϫⲉⲡⲇⲓⲱⲅⲙⲟⲥϣⲟⲟⲡⲧⲉⲛⲟⲩ·
ⲙⲏⲡⲟⲧⲉⲛⲧⲉⲡⲣⲣⲟⲥⲱⲧⲙⲛϥⲁⲡⲉⲓⲗⲏⲉⲣⲟⲛ·ⲛⲧⲁϥϫⲉⲡⲁⲓⲇⲉϫⲉⲉⲥⲛⲁⲣϩⲟⲧⲉⲛⲥⲧⲙⲃⲁⲡⲧⲓⲍⲉⲛⲛⲉⲥϣⲏⲣⲉ·
ⲛⲧⲉⲣⲉⲥⲉⲓⲙⲉⲇⲉϫⲉⲛϥⲛⲁⲡⲉⲓⲑⲉⲛⲁⲥⲁⲛ·ϩⲙⲡⲉⲛⲧⲁⲥⲙⲉⲉⲩⲉⲉⲣⲟϥⲁⲥⲧⲱⲟⲩⲛⲁⲥⲁⲙⲁϩⲧⲉⲛⲧϭⲓϫⲙⲡⲉⲥϣⲏⲣⲉⲥⲛⲁⲩⲁⲥⲉⲓⲉⲃⲟⲗⲉϫⲛⲧϩⲁⲗⲗⲁⲥⲁ·
ⲁⲥϣⲗⲏⲗⲛⲧⲉⲓϩⲉⲉⲥϫⲱⲙⲙⲟⲥ·ϫⲉⲡϫⲟⲉⲓⲥⲡⲛⲟⲩⲧⲉⲡⲡⲁⲛⲧⲟⲕⲣⲁⲧⲱⲣⲡⲉⲓⲱⲧⲙⲡⲁϫⲟⲉⲓⲥⲓⲏⲥⲟⲩⲥⲡⲉⲭⲣⲓⲥⲧⲟⲥ·
ⲉϣϫⲉⲕⲛⲁⲥⲟⲟⲧⲛⲛⲧⲁϩⲓⲏ·ⲉⲓⲉⲙⲁϯⲧϩⲉⲛⲁⲓⲉⲧⲣⲁϭⲓⲛⲉⲛⲟⲩⲉⲩⲅⲉⲣⲓⲁ·
ⲉⲧⲓⲇⲉⲉⲥϣⲗⲏⲗⲁⲥϭⲱϣⲧⲁⲥⲛⲁⲩⲉⲩϫⲟⲉⲓⲉϥⲣϩⲱⲧϩⲛⲧϩⲁⲗⲗⲁⲥⲁⲁⲩⲱⲉⲧⲉⲥϩⲓⲙⲉⲙⲟⲩⲧⲉⲉⲛⲉⲧϩⲙⲡϫⲟⲉⲓϫⲉⲉⲧⲉⲧⲛⲃⲏⲕⲉⲧⲱⲛ·
ⲛⲧⲟⲟⲩⲇⲉⲡⲉϫⲁⲩⲛⲁⲥϫⲉⲛⲃⲏⲕⲉⲧⲡⲟⲗⲓⲥⲣⲁⲕⲟⲧⲉ·
ⲛⲧⲟⲥⲇⲉⲡⲉϫⲁⲥⲛⲁⲩϫⲉⲧⲉⲧⲛⲛⲁϣⲧⲁⲗⲟⲓⲛⲙⲙⲏⲏⲧⲛⲛⲧⲁϯⲛⲏⲧⲛⲛⲧⲉⲧⲛϩⲏⲙⲉ·
ⲛⲧⲟⲟⲩⲇⲉⲡⲉϫⲁⲩⲛⲁⲥϫⲉⲥⲉⲧⲛⲛⲁⲧⲁⲗⲟ·
ⲁⲩⲱⲛⲧⲉⲓϩⲉⲁⲩⲧⲁⲗⲟⲥⲁⲩⲣϩⲱⲧ·
ⲛⲧⲉⲣⲟⲩⲟⲩⲉⲇⲉⲉⲃⲟⲗⲛⲁϫⲟⲩⲱⲧⲛⲥⲧⲁⲇⲓⲟⲛⲁⲩⲛⲟϭⲛⲭⲓⲙⲱⲛⲧⲱⲟⲩⲛⲉϩⲣⲁⲓⲉϫⲙⲡϫⲟⲉⲓϩⲱⲥⲧⲉⲛⲧⲉⲟⲩⲟⲛⲛⲓⲙⲉⲧⲧⲁⲗⲏⲩⲉⲡϫⲟⲉⲓϣⲧⲟⲣⲧⲣ·
ⲧⲉⲥϩⲓⲙⲉⲇⲉⲙⲙⲁⲓⲛⲟⲩⲧⲉⲉⲧⲙⲙⲁⲩⲡⲉϫⲁⲥϫⲉⲙⲉⲣⲉⲡⲛⲟⲩⲧⲉⲥⲱⲧⲙⲉⲣⲉϥⲣⲛⲟⲃⲉⲛⲧⲁⲙⲓⲛⲉⲁⲗⲗⲁⲡⲉⲛⲧⲁϥⲉⲓⲉⲡⲁϩⲏⲧϯⲛⲁⲁⲁϥ·
ⲁⲥⲧⲱⲟⲩⲛⲇⲉⲁⲥⲁϩⲉⲣⲁⲧⲥⲁⲥϣⲗⲏⲗⲉⲡⲥⲁⲛⲧⲁⲛⲁⲧⲟⲗⲏⲉⲥϫⲱⲙⲙⲟⲥⲛϯϩⲉϫⲉⲡⲛⲟⲩⲧⲉⲡⲉⲧⲥⲟⲟⲩⲛⲛϩⲱⲃⲛⲓⲙⲙⲡⲁⲧⲟⲩϣⲱⲡⲉ·
ⲛⲧⲟⲕⲉⲧⲥⲟⲟⲩⲛⲉⲡϩⲏⲧⲛⲟⲩⲟⲛⲛⲓⲙ·ⲁⲩⲱⲉⲕⲥⲟⲟⲩⲛⲉⲡⲟⲩⲱϣⲙⲡⲁϩⲏⲧⲉϩⲟⲩⲛⲉⲣⲟⲕ·ϫⲉⲛϯⲟⲩⲉϣϩⲁⲓⲁⲛⲟⲩⲇⲉⲟⲩϩⲱⲃⲥⲡⲁⲡⲉⲓⲕⲟⲥⲙⲟⲥⲡⲉ·ⲟⲩⲇⲉϩⲩⲡⲁⲣⲭⲟⲛⲧⲁⲛⲧⲉⲕϩⲉ·ⲁⲩⲱϣⲁϩⲣⲁⲓⲉⲧⲁⲕⲉⲯⲩⲭⲏⲙⲛⲛⲁϣⲏⲣⲉ·
ⲉⲓⲥϩⲏⲏⲧⲉⲧⲛⲛⲁⲙⲟⲩϩⲛⲧϩⲁⲗⲗⲁⲥⲁ
ⲉⲧⲃⲉⲡⲉⲕⲣⲁⲛⲉⲧⲟⲩⲁⲁⲃⲡⲁϫⲟⲉⲓⲥⲓⲏⲥⲟⲩⲥⲡⲉⲭⲣⲓⲥⲧⲟⲥⲡⲥⲱⲧⲏⲣⲛⲧⲁⲯⲩⲭⲏⲙⲛⲡⲁⲡⲛⲉⲩⲙⲁϭⲱϣⲧⲉϩⲣⲁⲓⲉϫⲱⲙⲛⲡⲁϣⲏⲣⲉⲥⲛⲁⲩⲛⲟⲣⲫⲁⲛⲟⲥⲛⲅⲛⲁⲛⲁⲛ⁛—
ⲛⲧⲉⲣⲉⲥϫⲉⲛⲁⲓⲇⲉⲁⲥϫⲓⲛⲟⲩϭⲟⲣⲧⲉϩⲛⲧⲉⲥϭⲓϫⲛⲟⲩⲛⲁⲙⲁⲥⲉⲓⲛⲉⲉⲃⲟⲗⲛⲧϭⲟⲣⲧⲉⲁⲥⲫⲣⲁⲅⲓⲍⲉⲙⲙⲟⲥ·ⲁⲥⲡⲱⲧⲥⲛⲧⲉⲥⲉⲕⲓⲃⲉⲛⲟⲩⲛⲁⲙⲁⲥⲉⲓⲛⲉⲉⲃⲟⲗⲛϩⲏⲧⲥⲛϣⲟⲙⲧⲉⲛⲧⲗϯⲗⲉⲛⲥⲛⲟϥ·
ⲁⲥⲥⲫⲣⲁⲅⲓⲍⲉⲛⲧⲧⲉϩⲛⲉⲙⲡⲉⲥϣⲏⲣⲉⲥⲛⲁⲩⲙⲛⲧⲉⲩⲙⲉⲥⲑⲏⲧϩⲙⲡⲣⲁⲛⲙⲡⲉⲓⲱⲧⲙⲛⲡϣⲏⲣⲉⲙⲛⲡⲉⲡⲛⲉⲩⲙⲁⲉⲧⲟⲩⲁⲁⲃ
ⲉⲁⲥⲟⲙⲥⲟⲩⲛϣⲟⲙⲛⲧⲛⲥⲟⲡϩⲛⲧϩⲁⲗⲗⲁⲥⲁϩⲙⲡⲣⲁⲛⲛⲧⲉⲧⲣⲓⲁⲥⲉⲧⲟⲩⲁⲁⲃ·ⲉⲥϫⲱⲙⲙⲟⲥϫⲉϩⲙⲡⲣⲁⲛⲛⲧⲉⲧⲣⲓⲁⲥⲉⲧⲟⲩⲁⲁⲃⲡⲉⲓⲱⲧⲙⲛⲡϣⲏⲣⲉⲙⲛⲡⲉⲡⲛⲉⲩⲙⲁⲉⲧⲟⲩⲁⲁⲃ·
ⲙⲛⲛⲥⲁⲛⲁⲓⲁⲥⲛⲟϫⲟⲩⲉϩⲟⲩⲛϩⲛⲕⲟⲩⲟⲛⲥ·ⲉⲥϫⲱⲙⲙⲟⲥϫⲉϯⲛⲁⲙⲟⲩ·ⲙⲁⲣⲉⲓⲙⲟⲩⲙⲛⲛⲁϣⲏⲣⲉ·
ⲡⲛⲟⲩⲧⲉⲇⲉⲡⲇⲉⲥⲡⲟⲧⲏⲥⲙⲡⲧⲏⲣϥⲛⲧⲉⲣⲉϥⲛⲁⲩⲉⲧⲉⲥⲡⲓⲥⲧⲓⲥⲁϥⲕⲁⲧⲁⲥⲇⲓⲗⲉⲙⲡⲉⲭⲓⲙⲱⲛⲁⲩⲛⲟϭⲛϫⲁⲙⲏϣⲱⲡⲉ·ⲁⲩⲱⲙⲡϩⲟⲩⲛⲛϣⲟⲙⲛⲧⲛϩⲟⲟⲩⲁⲩⲕⲁⲧⲁⲛⲧⲁⲉⲣⲁⲕⲟⲧⲉ·
ⲁⲩⲉⲓⲇⲉⲉϩⲟⲩⲛⲉⲣⲁⲕⲟⲧⲉϩⲓⲧⲛⲧⲃⲟⲏⲑⲓⲁⲙⲡⲛⲟⲩⲧⲉϩⲛⲧⲡⲁⲣⲁⲥⲕⲉⲩⲏϩⲛⲧⲙⲉϩϥⲧⲟⲉⲛϩⲃⲇⲱⲙⲁⲥ·ⲙⲡⲡⲁⲥⲭⲁⲧⲁⲓⲉϣⲁⲩⲃⲁⲡⲧⲓⲍⲉⲛϩⲏⲧⲥⲛⲛϣⲏⲣⲉϣⲏⲙⲕⲁⲧⲁⲧⲡⲁⲣⲁⲇⲟⲥⲓⲥⲛⲛⲣⲙⲛⲕⲏⲙⲉ·
ⲧⲉⲥϩⲓⲙⲉⲇⲉⲁⲥⲛⲁⲩⲉⲧⲡⲟⲗⲓⲥⲧⲏⲣⲥⲉⲥⲗⲉⲩⲕⲟⲫⲟⲣⲉⲓⲁⲥϣⲓⲛⲉⲇⲉϫⲉⲟⲩⲡⲉⲧϣⲟⲟⲡ
ⲁⲩⲧⲁⲙⲟⲥϫⲉⲛⲉⲭⲣⲓⲥⲧⲓⲁⲛⲟⲥⲧⲏⲣⲟⲩⲉⲧϣⲟⲟⲡϩⲛϯⲡⲟⲗⲓⲥ·ϣⲁⲩⲃⲁⲡⲧⲓⲍⲉⲛⲛⲉⲩϣⲏⲣⲉⲛⲣⲁⲥⲧⲉ·
ⲁⲥⲟⲩⲱϣⲃⲇⲉⲉⲥϫⲱⲙⲙⲟⲥϫⲉⲛⲁⲙⲉⲁⲡϫⲟⲉⲓⲥⲥⲟⲟⲩⲧⲛⲛⲧⲁϩⲓⲏ·
ⲁⲩⲱⲁⲥϯⲙⲡⲉⲥⲟⲩⲟⲓⲉⲩⲇⲓⲁⲕⲱⲛⲟⲥⲡⲉϫⲁⲥⲛⲁϥϫⲉⲡⲁⲉⲓⲱⲧⲉⲓⲟⲩⲱϣⲉⲁⲡⲁⲛⲧⲁⲉⲡⲁⲣⲭⲏⲉⲡⲓⲥⲕⲟⲡⲟⲥ·
ⲡⲉϫⲁϥⲛⲁⲥϫⲉⲟⲩⲡⲉⲡⲟⲩϩⲱⲃⲙⲛⲡⲁⲣⲭⲏⲉⲡⲓⲥⲕⲟⲡⲟⲥ·
ⲡⲉϫⲁⲥⲛⲁϥϫⲉⲁⲛⲅⲟⲩϣⲙⲙⲟⲉⲓⲟⲩⲱϣⲉⲃⲁⲡⲧⲓⲍⲉⲛⲛⲁϣⲏⲣⲉ·
ⲡⲉϫⲉⲡⲇⲓⲁⲕⲱⲛⲟⲥⲛⲁⲥϫⲉⲙⲛⲧⲉⲗⲁⲁⲩⲛϩⲱⲃⲙⲛⲡⲁⲣⲭⲏⲉⲡⲓⲥⲕⲟⲡⲟⲥⲛⲥⲁⲡⲁⲓⲙⲙⲁⲧⲉ·
ⲡⲉϫⲁⲥϫⲉⲙⲙⲟⲛ·
ⲡⲉϫⲉⲡⲇⲓⲁⲕⲱⲛⲟⲥⲛⲁⲥϫⲉⲉⲥϫⲉⲡⲁⲓⲙⲙⲁⲧⲉⲡⲉⲡⲟⲩϩⲱⲃⲣⲟⲩⲱϣⲉⲁⲡⲁⲛⲧⲁⲉⲡⲁⲣⲭⲏⲉⲡⲓⲥⲕⲟⲡⲟⲥ·ⲉⲧⲃⲏⲏⲧϥⲉⲓⲉϩⲙⲟⲟⲥⲛⲉ
ⲉⲓⲥϩⲏⲏⲧⲉⲥⲉⲛⲁⲃⲁⲡⲧⲓⲍⲉⲛⲛϣⲏⲣⲉϣⲏⲙⲉⲧϩⲛⲧⲉⲓⲡⲟⲗⲓⲥ·ⲛⲣⲁⲥⲧⲉ·ⲥⲉⲛⲁⲃⲁⲡⲧⲓⲍⲉⲛⲛⲟⲩϣⲏⲣⲉϩⲱⲟⲩⲛⲙⲙⲁⲩ·
ⲛⲧⲉⲣⲉⲧⲉⲩϣⲏⲇⲉϣⲱⲡⲉⲁⲡⲁⲣⲭⲏⲉⲡⲓⲥⲕⲟⲡⲟⲥϫⲱⲕⲉⲃⲟⲗⲙⲡϣⲙϣⲉⲉⲧⲟⲩⲁⲁⲃⲙⲛⲛⲥⲱⲥⲁϥⲕⲉⲗⲉⲩⲉⲉⲧⲣⲉⲩⲉⲓⲛⲉⲛⲛϣⲏⲣⲉⲕⲟⲩⲓⲛⲧⲁⲩⲥⲃⲧⲱⲧⲟⲩⲉⲃⲁⲡⲧⲓⲍⲉⲙⲙⲟⲟⲩ·
ⲁⲩⲱⲛⲧⲉⲣⲉϥⲃⲁⲡⲧⲓⲍⲉⲁⲩⲉⲓⲛⲉⲉϩⲟⲩⲛⲛⲛϣⲏⲣⲉⲛⲧⲉⲥϩⲓⲙⲉⲛⲣⲙⲧⲁⲛⲧⲓⲟⲭⲓⲁ·
ⲡⲛⲟⲩⲧⲉⲇⲉⲡⲉⲧⲉⲓⲣⲉⲛⲛⲉϣⲡⲏⲣⲉⲙⲁⲩⲁⲁϥⲁϥϩⲉⲡⲡϩⲱⲃⲉⲡⲁⲣⲭⲏⲉⲡⲓⲥⲕⲟⲡⲟⲥ·
ⲛⲧⲉⲣⲉϥⲁⲙⲁϩⲧⲉⲇⲉⲛⲛϣⲏⲣⲉⲕⲟⲩⲓϫⲉⲉϥⲛⲁⲃⲁⲡⲧⲓⲍⲉⲙⲙⲟⲟⲩⲁⲧⲕⲟⲗⲩⲙⲃⲏⲑⲣⲁϫⲱⲥⲁⲥⲣⲱⲛⲉ·
ⲡⲁⲣⲭⲏⲉⲡⲓⲥⲕⲟⲡⲟⲥⲇⲉⲛⲧⲉⲣϥⲛⲁⲩⲁϥⲣϣⲡⲏⲣⲉⲉⲙⲁⲧⲉ·ⲁϥⲕⲉⲗⲉⲩⲉⲉⲧⲣⲉⲩⲕⲁⲁⲩⲛⲥⲁⲟⲩⲥⲁ·
ⲁϥⲟⲩⲉϩⲥⲁϩⲛⲉⲉⲧⲣⲉⲩⲉⲓⲛⲉⲛⲁϥⲉϩⲟⲩⲛⲛⲛϣⲏⲣⲉϣⲏⲙⲛⲛⲣⲙⲣⲁⲕⲟⲧⲉ·
ⲁⲩⲱⲛⲧⲉⲣϥⲁⲣⲭⲉⲓⲇⲉⲛⲃⲁⲡⲧⲓⲍⲉ·ⲙⲙⲟⲟⲩⲁⲧⲕⲟⲗⲩⲙⲃⲏⲑⲣⲁⲣⲙⲟⲟⲩⲛⲧⲉⲥϩⲉ·
ⲁⲩⲱⲛⲧⲉⲩⲛⲟⲩⲁϥⲕⲉⲗⲉⲩⲉⲉⲧⲣⲉⲩⲉⲓⲛⲉⲛⲁϥⲟⲛ·ⲛⲛϣⲏⲣⲉⲛⲧⲉⲥϩⲓⲙⲉⲛⲣⲙⲧⲁⲛⲧⲓⲟⲭⲓⲁ·
ⲛⲧⲉⲣⲟⲩⲛⲧⲟⲩⲇⲉⲉⲧϩⲏⲁⲧⲕⲟⲗⲩⲙⲃⲏⲑⲣⲁⲣⲱⲛⲉⲛⲧⲉⲥϩⲉ·
ⲁϥⲕⲉⲗⲉⲩⲉⲉⲧⲣⲉⲩⲕⲱⲛⲛϣⲏⲣⲉⲕⲟⲩⲓⲛⲥⲁⲟⲩⲥⲁⲛⲕⲉⲥⲟⲡ·
ⲁϥⲕⲉⲗⲉⲩⲉⲉⲧⲣⲉⲩⲉⲓⲛⲉⲛⲛϣⲏⲣⲉϣⲏⲙⲛⲣⲙⲣⲁⲕⲟⲧⲉ·
ⲛⲧⲉⲣⲟⲩⲛⲧⲟⲩⲇⲉⲉϩⲟⲩⲛϫⲉⲁϥⲛⲁⲃⲁⲡⲧⲓⲍⲉⲙⲙⲟⲟⲩ·ⲁⲧⲕⲟⲗⲩⲙⲃⲏⲑⲣⲁⲣⲙⲟⲟⲩⲛⲧⲉⲥϩⲉ·
ⲉⲓⲧⲁⲁϥⲟⲩⲉϩⲥⲁϩⲛⲉⲉⲧⲣⲉⲩⲉⲓⲛⲉⲉϩⲟⲩⲛⲛⲁϥⲛⲛϣⲏⲣⲉⲛⲧⲉⲥϩⲓⲙⲉⲛⲣⲙⲧⲁⲛⲧⲓⲟⲭⲓⲁⲙⲡⲙⲉϩϣⲟⲙⲛⲧⲛⲥⲟⲡ·ⲁⲩⲱⲛⲧⲉⲩⲛⲟⲩⲁⲡⲙⲟⲟⲩⲛⲧⲕⲟⲗⲩⲙⲃⲏⲑⲣⲁϫⲱⲥⲁϥⲣⲧϩⲉⲛⲟⲩⲱⲛⲉ·
ⲡⲁⲅⲓⲟⲥⲇⲉⲡⲉⲧⲣⲟⲥⲡⲁⲣⲭⲏⲉⲡⲓⲥⲕⲟⲡⲟⲥⲁϥⲕⲉⲗⲉⲩⲉⲙⲡⲁⲣⲭⲏⲇⲓⲁⲕⲱⲛⲟⲥⲉⲧⲣⲉϥⲉⲓⲛⲉⲉⲧϩⲏⲛⲧⲉⲥϩⲓⲙⲉⲛⲣⲙⲧⲁⲛⲧⲓⲟⲭⲓⲁ·
ⲁⲩⲱⲛⲧⲉⲣⲟⲩⲧⲁϩⲟⲥⲉⲣⲁⲧⲥⲙⲡⲉϥⲙⲧⲟⲉⲃⲟⲗ·ⲡⲉϫⲉⲡⲁⲣⲭⲏⲉⲡⲓⲥⲕⲟⲡⲟⲥⲛⲁⲥϫⲉⲁϫⲓⲥⲉⲣⲟⲓϫⲉⲟⲩⲡⲉⲛⲧⲁϥϣⲱⲡⲉⲙⲙⲟ·ⲏⲟⲩⲁⲣⲁⲡⲉⲛⲧⲁⲣⲁⲁϥ·ⲁⲩⲱϫⲉⲛⲧⲟⲟⲩⲉⲃⲟⲗⲧⲱⲛϩⲛⲧⲟⲩⲑⲣⲓⲥⲕⲓⲁ·ⲏⲣⲏⲡⲉⲁϣⲙⲡⲟⲗⲓⲥ·
ⲁⲥⲟⲩⲱϣⲃⲛϭⲓⲧⲙⲁⲁⲩⲛⲛϣⲏⲣⲉⲕⲟⲩⲓⲡⲉϫⲁⲥⲙⲡⲁⲣⲭⲏⲉⲡⲓⲥⲕⲟⲡⲟⲥϫⲉⲁⲛⲅⲟⲩⲭⲣⲓⲥⲧⲓⲁⲛⲏ·ⲙⲛⲛⲁⲉⲓⲟⲟⲧⲉⲁⲩⲱⲁⲛⲅⲟⲩⲣⲙⲧⲁⲛⲧⲓⲟⲭⲓⲁ·
ⲁϥⲟⲩⲱϣⲃⲛϭⲓⲡⲁⲣⲭⲏⲉⲡⲓⲥⲕⲟⲡⲟⲥⲡⲉϫⲁϥⲛⲁⲥϫⲉⲁϫⲓⲥⲉⲣⲟⲓϫⲉⲟⲩⲡⲉⲛⲧⲁⲣⲁⲁϥ·ⲉⲓⲥϩⲏⲏⲧⲉⲅⲁⲣⲙⲡⲉⲡⲛⲟⲩⲧⲉϫⲓⲛⲛⲟⲩϣⲏⲣⲉⲉⲩⲙⲉⲧⲁⲛⲟⲓⲁ·
ⲛⲧⲟⲥⲇⲉⲧⲉⲥϩⲓⲙⲉⲡⲉϫⲁⲥϫⲉⲥⲱⲧⲙⲉⲣⲟⲓⲡⲁϫⲟⲉⲓⲥⲛⲉⲓⲱⲧϩⲛⲟⲩⲙⲛⲧⲣⲙⲛⲧϩⲏⲧ·
ⲕⲥⲟⲟⲩⲛⲅⲁⲣⲛⲛϩⲓⲥⲉⲉⲧϣⲟⲟⲡϩⲙⲡⲕⲟⲥⲙⲟⲥ·ⲧⲉⲛⲟⲩⲛϩⲟⲩⲟⲇⲉϩⲛⲧⲁⲛⲧⲓⲟⲭⲓⲁ
ⲛⲁϣⲏⲣⲉⲇⲉⲁⲩⲣⲛⲟϭⲁⲩⲱⲙⲡⲉⲓϭⲛⲧⲉⲩⲕⲉⲣⲓⲁⲉⲧⲣⲁⲃⲁⲡⲧⲓⲍⲉⲙⲙⲟⲟⲩ·
ⲁⲓϫⲟⲟⲥⲙⲡⲉⲩⲉⲓⲱⲧϫⲉⲧⲱⲟⲩⲛⲙⲁⲣⲟⲛⲃⲱⲕϣⲁⲧⲡⲟⲗⲓⲥⲣⲁⲕⲟⲧⲉⲉⲣⲁⲧⲥⲛⲧⲉⲕⲙⲛⲧⲡⲉⲧⲟⲩⲁⲁⲃ·ⲛⲧⲛⲃⲁⲡⲧⲓⲍⲉⲛⲛⲉⲛϣⲏⲣⲉ·
ⲁⲩⲱⲙⲡⲉϥⲟⲩⲱϣⲉⲣⲡⲁⲓⲁⲗⲗⲁϩⲉⲛⲕⲉⲕⲓⲛⲇⲩⲛⲟⲥ·ⲛⲉⲛⲧⲁϥⲉⲣⲏⲧⲙⲙⲟⲟⲩⲉⲛⲧⲟⲩⲉϫⲱⲓ⁛—
ⲁⲓⲧⲱⲟⲩⲛⲇⲉⲁⲓⲁⲙⲁϩⲧⲉⲛⲧϭⲓϫⲙⲡⲁϣⲏⲣⲉⲥⲛⲁⲩⲁⲓⲉⲓⲉⲃⲟⲗⲉϫⲛⲧϩⲁⲗⲗⲁⲥⲁⲁⲓϩⲉⲉⲩϫⲟⲉⲓⲉϥⲛⲏⲩⲉⲣⲁⲕⲟⲧⲉ·
ⲁⲓⲁⲗⲉⲉⲣⲟϥⲙⲛⲛⲁϣⲏⲣⲉ·
ⲛⲧⲉⲣⲉⲛⲉⲓⲇⲉⲉⲧⲙⲏⲏⲧⲉⲛⲑⲁⲗⲁⲥⲥⲁ·ⲁⲡϫⲟⲉⲓⲕⲓⲛⲇⲩⲛⲉⲩⲉϩⲓⲧⲛⲛⲛⲟϭⲛⲭⲓⲙⲱⲛϩⲱⲥⲧⲉⲉⲧⲣⲉϥⲃⲱⲕⲛⲙⲧⲱ·
ⲁⲛⲟⲕⲁⲓⲁⲙⲁϩⲧⲉⲙⲡⲁϣⲏⲣⲉⲥⲛⲁⲩ·ϩⲱⲥϫⲉⲉⲓⲛⲁϥⲟϭⲧⲉⲧϩⲁⲗⲁⲥⲥⲁ·ⲛⲧⲁⲙⲟⲩⲛⲙⲙⲁⲩ·
ⲁⲩⲙⲉⲉⲩⲉⲇⲉⲉⲓⲉⲡⲁϩⲏⲧⲁⲓϫⲓⲛⲟⲩϭⲟⲣⲧⲉϩⲛⲧⲁϭⲓϫ·
ⲁⲓⲡⲱⲧⲥⲛⲧⲁⲉⲕⲓⲃⲉ·ⲛⲟⲩⲛⲁⲙⲁⲓⲉⲓⲛⲉⲉⲃⲟⲗⲛϩⲏⲧⲥⲛϣⲟⲙⲧⲉⲛⲧⲗϯⲗⲉⲛⲥⲛⲟϥ·
ⲁⲓⲥⲫⲣⲁⲅⲓⲍⲉⲛⲧⲉⲩⲧⲉϩⲛⲉⲙⲛⲧⲉⲩⲙⲉⲥⲑⲏⲧ·ⲉⲓϫⲱⲙⲙⲟⲥϫⲉϩⲙⲡⲣⲁⲛⲙⲡⲉⲓⲱⲧⲙⲛⲡϣⲏⲣⲉⲙⲛⲡⲉⲡⲛⲉⲩⲙⲁⲉⲧⲟⲩⲁⲁⲃ
ⲁⲩⲱⲁⲓⲁⲙⲥⲟⲩⲉⲧϩⲁⲗⲁⲥⲥⲁϩⲙⲡⲣⲁⲛⲛⲧⲉⲧⲣⲓⲁⲥⲉⲧⲟⲩⲁⲁⲃ·
ⲡⲁⲛⲧⲱⲥⲇⲉϩⲓⲧⲛⲧⲉⲓⲁⲓⲧⲓⲁⲡⲁϫⲟⲉⲓⲥⲛⲉⲓⲱⲧⲛⲧⲁⲡϫⲟⲉⲓⲥϩⲟⲩⲣⲱⲧⲙⲡⲁⲟⲩϫⲁⲓⲙⲛⲛⲁϣⲏⲣⲉ·
ϯⲥⲟⲟⲩⲛⲇⲉⲁⲛⲉⲕⲉⲗⲁⲁⲩⲉⲁⲓⲁⲁϥⲛⲥⲁⲡⲁⲓⲙⲙⲁⲧⲉ·
ⲡⲁⲣⲭⲏⲉⲡⲓⲥⲕⲟⲡⲟⲥⲇⲉⲡⲉϫⲁϥⲛⲧⲉⲥϩⲓⲙⲉϫⲉⲧⲱⲕⲛϩⲏⲧⲧⲁϣⲉⲉⲣⲉⲡϫⲟⲉⲓⲥⲛⲙⲙⲉⲡⲉⲛⲧⲁⲣⲁⲁϥⲛⲁⲛⲟⲩϥ·
ⲁⲩⲱⲡⲉⲛⲧⲁⲣⲉⲓⲉⲣⲁⲧϥⲙⲡⲛⲁⲩⲛⲧⲁⲣⲡⲱⲧⲥⲛⲧⲟⲩⲉⲕⲓⲃⲉⲛⲟⲩⲛⲁⲙ·ⲉⲁⲣϯⲙⲡⲉⲥⲛⲟϥⲉⲧⲉϩⲛⲉⲛⲛⲟⲩϣⲏⲣⲉ⁛ⲡⲉⲛⲧⲁⲩⲣⲉϩⲧⲡⲉϥⲥⲡⲓⲣⲛⲟⲩⲗⲟⲅⲭⲏϩⲓⲡⲉⲥⲧⲁⲩⲣⲟⲥ
ⲛⲧⲟϥⲡⲉⲛⲧⲁϥⲥⲫⲣⲁⲅⲓⲍⲉⲛⲛⲟⲩϣⲏⲣⲉϩⲛⲛⲉϥϭⲓϫⲙⲙⲓⲛⲙⲙⲟϥ·ⲁⲩⲱⲟⲛⲙⲡⲛⲁⲩⲛⲧⲁⲣⲁⲙⲥⲟⲩϩⲛⲧϩⲁⲗⲗⲁⲥⲁ·ⲡⲉⲛϫⲟⲉⲓⲥⲡⲉⲛⲧⲁϥⲟⲙⲥⲟⲩϩⲛⲛⲉϥϭⲓϫ⁛—
ⲁⲩⲱⲛⲧⲉⲩⲛⲟⲩⲁⲡⲁⲣⲭⲏⲉⲡⲓⲥⲕⲟⲡⲟⲥⲕⲁⲁⲩⲉⲡⲁϩⲟⲩⲉⲧⲙⲃⲁⲡⲧⲓⲍⲉⲙⲙⲟⲟⲩⲉⲓⲙⲏⲧⲓⲉⲧⲉⲩⲭⲏⲙⲙⲁⲧⲉⲁϥⲧⲁⲩⲟⲟⲥⲉϫⲱⲥⲙⲛⲛⲉⲥϣⲏⲣⲉ
ⲁⲩⲱⲁϥⲧⲁⲩⲉⲡⲉⲓⲗⲟⲅⲟⲥⲙⲡⲣⲟⲧⲣⲉⲡⲉⲓⲕⲟⲛⲙⲡⲉϩⲟⲟⲩⲉⲧⲙⲙⲁⲩⲉϥⲟⲩⲱⲛϩⲉⲃⲟⲗⲛⲧⲙⲛⲧⲙⲁⲓⲣⲱⲙⲉ·ⲙⲡⲛⲟⲩⲧⲉⲙⲛⲧⲉϥⲙⲛⲧϣⲁⲛϩⲧⲏϥ
ⲁⲩⲱⲁϥϯⲛⲛϣⲏⲣⲉⲕⲟⲩⲓⲉⲃⲟⲗϩⲛⲙⲙⲩⲥⲧⲏⲣⲓⲟⲛⲉⲧⲟⲩⲁⲁⲃ·ⲁⲩⲱⲁϥⲕⲁⲁⲩϩⲁϩⲧⲏϥϣⲁⲛⲧⲉⲩⲃⲱⲗⲉⲃⲟⲗⲙⲡⲡⲁⲥⲭⲁⲉⲧⲟⲩⲁⲁⲃ·
ⲙⲛⲛⲥⲱⲥⲁϥϫⲟⲟⲩⲥⲉⲃⲟⲗⲙⲛⲛⲉⲥϣⲏⲣⲉⲉⲧⲉⲥⲡⲟⲗⲓⲥϩⲛⲟⲩⲉⲓⲣⲏⲛⲏ·
ⲡⲉⲥϩⲁⲓⲇⲉⲛⲧⲉⲣϥⲛⲁⲩⲉⲣⲟⲥϫⲉⲁⲥⲕⲧⲟⲥϣⲁⲣⲟϥⲁϥϯⲙⲡⲉϥⲟⲩⲟⲓⲉⲡⲣⲣⲟⲛⲁⲛⲟⲙⲟⲥ·ⲁⲩⲱⲙⲡⲟⲛⲏⲣⲟⲥⲡⲁⲣⲁⲡⲕⲁϩⲧⲏⲣϥⲇⲓⲟⲕⲗⲏϯⲁⲛⲟⲥ·
ⲡⲉϫⲁϥⲛⲁϥϫⲉⲕⲥⲟⲟⲩⲛϫⲉⲁⲧⲁⲥϩⲓⲙⲉⲡⲟⲣⲛⲉⲩⲉⲙⲡⲉⲓⲙⲁ·ⲙⲡⲓⲁⲛⲉⲭⲉⲙⲙⲟⲥ·
ⲛⲧⲉⲣⲉⲥⲛⲁⲩⲇⲉϫⲉⲙⲡⲉⲓⲁⲛⲉⲭⲉⲛⲁⲥⲁⲥⲧⲱⲟⲩⲛⲁⲥⲃⲱⲕⲉⲣⲁⲕⲟⲧⲉⲉⲣⲁⲧϥⲙⲡⲉⲧⲣⲟⲥⲡⲉⲧⲥⲏϣ·
ⲁⲩⲱⲁⲥⲡⲟⲣⲛⲉⲩⲉⲛⲙⲙⲁⲩϩⲙⲡⲃⲁⲡⲧⲓⲥⲙⲁⲁⲩⲱⲛⲁⲕⲉϣⲏⲣⲉⲁⲥⲧⲥⲁⲃⲟⲟⲩⲉⲛⲉⲩⲙⲩⲥⲧⲏⲣⲓⲟⲛⲉⲧϫⲁϩⲙ·
ⲁⲩⲱⲉⲓⲥⲟⲩⲙⲏⲏϣⲉⲛϩⲟⲟⲩϫⲓⲛⲛⲧⲁⲥⲃⲱⲕⲁⲩⲱⲟⲛⲁⲥⲕⲧⲟⲥⲉⲡⲉⲓⲙⲁ·ⲟⲩⲧⲉⲡⲉⲧⲕⲟⲩⲉϣⲧⲣⲁⲁϥⲡⲁϫⲟⲉⲓⲥⲡⲣⲣⲟ·
ⲡⲣⲣⲟⲇⲉⲡⲉϫⲁϥⲛⲁϥϫⲉⲍⲱⲕⲣⲁⲧⲱⲣⲛⲓⲙⲡⲉⲧⲉⲓⲣⲉⲛⲛⲁⲓϩⲛⲣⲁⲕⲟⲧⲉ·
ⲛⲧⲟϥⲇⲉⲡⲉϫⲁϥϫⲉⲡⲉⲧⲣⲟⲥⲡⲉⲧⲟⲩⲙⲟⲩⲧⲉⲉⲣⲟϥϫⲉⲁⲣⲭⲏⲉⲡⲓⲥⲕⲟⲡⲟⲥ⁛
ⲛⲧⲉⲣϥⲥⲱⲧⲙⲇⲉⲛϭⲓⲡⲣⲣⲟⲁϥⲛⲟⲩϭⲥⲉⲃⲟⲗϫⲉⲛϥϭⲟⲛⲧⲉⲣⲟϥⲛⲧⲟϥⲡϩⲁⲅⲓⲟⲥⲡⲉⲧⲣⲟⲥ·ϫⲓⲛⲡⲉⲟⲩⲟⲉⲓϣⲛⲧⲁϥⲱϣⲙⲡⲉϥⲇⲓⲁⲗⲟⲅⲟⲥ·ⲉⲧⲃⲉⲛⲉⲓⲇⲱⲗⲟⲛⲡⲁⲓⲛⲧⲁϥⲧⲁⲩⲟⲟϥⲕⲁⲧⲁⲣⲟⲟⲩ·
ⲁϥϫⲟⲟⲩⲛⲟⲩⲧⲣⲓⲃⲟⲩⲛⲟⲥ·ⲙⲛϩⲉⲛⲙⲁⲧⲟⲓⲉϩⲟⲩⲛⲉⲣⲁⲕⲟⲧⲉⲉⲧⲣⲉⲩϥⲓⲛⲧⲁⲡⲉⲙⲫⲁⲅⲓⲟⲥⲡⲉⲧⲣⲟⲥ·
ⲧⲉⲥϩⲓⲙⲉⲇⲉⲛⲍⲱⲕⲣⲁⲧⲱⲣⲁϥⲕⲉⲗⲉⲩⲉⲉⲧⲣⲉⲩⲉⲓⲛⲉⲙⲙⲟⲥⲙⲛⲡⲉⲥϣⲏⲣⲉⲥⲛⲁⲩ
ⲛⲧⲉⲣⲟⲩⲛⲧⲥⲇⲉⲡⲉϫⲁϥⲛⲁⲥϫⲉⲱⲧⲉⲥϩⲓⲙⲉⲉⲧⲃⲉⲟⲩⲁⲣⲕⲁⲡⲟⲩϩⲁⲓⲛⲥⲱⲁⲣⲃⲱⲕⲁⲣⲡⲟⲣⲛⲉⲩⲉⲙⲛⲛⲉⲭⲣⲓⲥⲧⲓⲁⲛⲟⲥ·
ⲁⲥⲟⲩⲱϣⲃⲛϭⲓⲧⲙⲁⲣⲧⲩⲣⲟⲥⲙⲁⲣⲧⲩⲣⲓⲁϩⲛⲟⲩϣⲁϫⲉⲛⲟⲩⲱⲧϫⲉⲙⲉⲣⲉⲭⲣⲓⲥⲧⲓⲁⲛⲟⲥⲡⲟⲣⲛⲉⲩⲉ·ⲟⲩⲇⲉⲙⲉⲩϣⲙϣⲉⲉⲓⲇⲱⲗⲟⲛ
ⲧⲉⲛⲟⲩⲇⲉⲡⲉⲧⲕⲟⲩⲁϣϥⲁⲣⲓϥⲛⲁⲓ⁛—
ⲁⲛⲟⲕⲇⲉⲛϯⲛⲁⲥⲱⲧⲙⲁⲛⲉⲩϣⲁϫⲉⲉⲃⲟⲗϩⲛⲣⲱⲕ·
ⲡⲣⲣⲟⲇⲉⲡⲉϫⲁϥⲛⲁⲥϫⲉⲙⲁⲧⲁⲙⲟⲓϫⲉⲛⲧⲁⲟⲩϣⲱⲡⲉⲙⲙⲁⲩ·
ⲛⲧⲟⲥⲇⲉⲙⲡⲉⲥⲟⲩⲱϣⲃⲛⲁϥⲉⲡⲧⲏⲣϥ⁛—
ⲡⲣⲣⲟⲇⲉⲁϥϭⲱⲛⲧⲁϥⲕⲉⲗⲉⲩⲉⲉⲧⲣⲉⲩⲥⲱⲛϩⲙⲙⲟⲥⲉⲛⲉⲥϭⲓϫⲙⲛⲛⲉϥⲟⲩⲣⲏⲏⲧⲉϩⲓⲡⲁϩⲟⲩⲙⲙⲟⲥ·ⲛⲥⲉⲧⲁⲗⲟⲙⲡⲉⲥϣⲏⲣⲉⲥⲛⲁⲩⲉϫⲛϩⲏⲧⲥⲛⲥⲉⲣⲟⲕϩⲟⲩⲉⲩⲟⲛϩⲙⲛⲛⲉⲩⲉⲣⲏⲩϩⲓⲟⲩⲥⲟⲡ·
ⲛⲧⲟⲥⲇⲉⲁⲥⲕⲧⲟⲙⲡⲥϩⲟ·ⲉⲡⲥⲁⲛⲧⲁⲛⲁⲧⲟⲗⲏⲁⲥϯⲙⲡⲉⲥϣⲗⲏ·
ⲁⲧⲉⲧⲛⲛⲁⲩⲱⲛⲁⲙⲉⲣⲁⲁⲧⲉϫⲉⲟⲩⲛⲧⲉⲡⲛⲟⲩⲧⲉⲣⲱⲙⲉⲙⲙⲁⲩⲉϥⲉⲓⲣⲉⲙⲡⲉϥⲟⲩⲱϣⲛⲕⲁⲓⲣⲟⲥⲛⲓⲙ·
ⲡⲉϫⲁϥϫⲉⲁⲥⲕⲧⲟⲙⲡⲉⲥϩⲟⲉⲡⲥⲁⲛⲧⲁⲛⲁⲧⲟⲗⲏⲁⲥϯⲙⲡⲉⲥⲡⲛⲉⲩⲙⲁⲛⲧⲉⲩⲛⲟⲩ·ⲉⲡⲉⲓⲇⲏⲉⲣⲉⲡⲉⲥϩⲏⲧⲉⲧⲟⲩⲁⲁⲃϭⲱϣⲧⲉⲡⲥⲁⲛⲧⲁⲛⲁⲧⲟⲗⲏⲛⲟⲩⲟⲉⲓϣⲛⲓⲙ·
ⲛⲧⲁⲩⲧⲁⲙⲓⲉⲛϣⲏⲛⲅⲁⲣⲙⲡⲡⲁⲣⲁⲇⲓⲥⲟⲥϩⲛⲙⲙⲁⲛϣⲁ·ⲁⲩⲱⲛⲧⲁⲡⲇⲓⲁⲃⲟⲗⲟⲥⲉⲓⲛⲉⲛⲁⲇⲁⲙⲉⲃⲟⲗⲛϩⲏⲧϥϩⲓⲧⲛⲟⲩⲫⲑⲟⲛⲟⲥ·ⲉⲣⲉⲡⲛⲟⲩⲧⲉϩⲱⲱϥⲛⲧⲁϥⲛⲣⲱⲙⲉⲁⲩⲫⲑⲟⲛⲉⲓⲉⲣⲟϥϩⲓⲧⲙⲡⲇⲓⲁⲃⲟⲗⲟⲥ
ϥⲛⲁⲕⲧⲟⲛⲉϩⲟⲩⲛⲉⲣⲟϥⲛⲕⲉⲥⲟⲡϩⲓⲧⲙⲡⲉϥⲥⲛⲟϥⲉⲧⲟⲩⲁⲁⲃⲛⲧⲁⲩⲡⲁϩⲧϥⲉⲃⲟⲗϩⲁⲣⲟⲛ·
ⲧⲁⲛⲁⲧⲟⲗⲏⲙⲙⲉⲛⲧⲁⲥϣⲁⲉⲃⲟⲗϩⲙⲡⲏⲓⲛⲇⲁⲩⲉⲓⲇ·
ⲟⲩⲛⲟⲩⲥⲓⲟⲩⲅⲁⲣⲛⲁϣⲁϩⲛⲓⲁⲕⲱⲃⲉⲧⲉⲡⲁⲓⲡⲉⲡⲥⲓⲟⲩⲛⲧⲁⲩⲛⲁⲩⲉⲣⲟϥϩⲛⲙⲙⲁⲛϣⲁⲛϭⲓⲙⲙⲁⲅⲟⲥⲉⲁⲩⲉⲓⲛⲉⲛⲛⲉⲩⲇⲱⲣⲟⲛⲙⲡⲉⲭⲣⲓⲥⲧⲟⲥⲉⲁⲩϣⲣⲡⲥⲩⲙⲁⲛⲉⲙⲡⲁⲓϩⲓⲧⲙⲡⲉⲡⲣⲟⲫⲏⲧⲏⲥ·
ⲉⲛⲉⲉⲓⲙⲉⲇⲉϫⲉⲧⲁⲛⲁⲧⲟⲗⲏⲁⲛⲟⲛⲛⲉⲧϩⲙⲡⲕⲁⲕⲉⲙⲛⲧϩⲁⲓⲃⲉⲥⲙⲡⲙⲟⲩ·
ϯⲙⲉⲉⲩⲉⲇⲉⲱⲡⲥⲩⲛϩⲉⲇⲣⲓⲟⲛⲙⲙⲁⲓⲡⲉⲭⲣⲓⲥⲧⲟⲥϫⲉⲁⲛϩⲉⲡⲣⲱⲙⲉ·
ⲉⲧⲉⲧⲛⲁⲅⲁⲡⲏⲕⲁⲧⲁⲡϣⲓⲛⲧⲛⲙⲛⲧⲥⲃⲟⲩⲓ·ⲉⲁⲛⲟⲛⲅⲁⲣⲁⲛⲟⲛϩⲉⲛⲥⲃⲟⲩⲓⲛⲧⲉⲡⲛⲟϭⲛⲥⲁϩⲙⲙⲉⲡⲉⲛϫⲟⲉⲓⲥⲡⲉⲛⲥⲱⲧⲏⲣ·ⲡⲁⲓⲉⲃⲟⲗϩⲓⲧⲟⲟⲧϥⲡⲉⲟⲟⲩⲙⲡⲉⲓⲱⲧⲛⲙⲙⲁϥⲙⲛⲡⲉⲡⲛⲉⲩⲙⲁⲉⲧⲟⲩⲁⲁⲃⲛⲣⲉϥⲧⲁⲛϩⲟⲁⲩⲱⲛϩⲟⲙⲟⲟⲩⲥⲓⲟⲛⲧⲉⲛⲟⲩⲁⲩⲱⲛⲟⲩⲟⲉⲓϣⲛⲓⲙϣⲁⲉⲛⲉϩⲁⲙⲏⲛ·—···—···—···—···—···—

ANNIS Metadata

annotation: Lance Martin, Mitchell Abrams, Amir Zeldes
attributed_author: Flavianus of Ephesus
author: unknown
collection: Oriental Manuscripts
Coptic_edition: Budge 1914
corpus: pseudo.flavianus
country: Egypt
document_cts_urn: urn:cts:copticLit:psflavianus.encomium.budge:24-42
entities: checked
identities: checked
idno: Or. 6783 ff. 38a-45b
language: Sahidic Coptic
license: CC-BY 4.0
msItem_title: Encomium on Demetrius Archbishop of Alexandria
msName: MERC.AT
note: Coptic SCRIPTORIUM's edition includes only Budge's transcription of the manuscript. It is not a diplomatic transcription based on reading and collation of the original manuscript. The translation is Budge's with very slight modifications. The dates for the manuscript are taken from PAThs..
objectType: codex
order: 02
origDate: 1051
origDate_notAfter: 1100
origDate_notBefore: 1003
origDate_precision: medium
origPlace: St. Mercurius Monastery
pages_from: 75
pages_to: 90
parsing: automatic
paths_authors: 50
paths_manuscripts: 195
paths_works: 155
people: Adam; David; Devil; Diocletian; Jesus; Joseph (Genesis); Mary, mother of Jesus; Peter I of Alexandria; Pope Demetrius I of Alexandria
placeName: Edfu
places: Alexandria; Antioch; Duat; East; Egypt
previous: urn:cts:copticLit:psflavianus.encomium.budge:1-23
project: Coptic SCRIPTORIUM, Marcion
redundant: no
repository: British Library
segmentation: checked
source: Marcion project, Archive.org
tagging: automatic
title: Encomium on Demetrius Archbishop of Alexandria part 2
translation: E. A. Wallis Budge
Trismegistos: none
version_date: 2021-09-23
version_n: 4.2.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:psflavianus.encomium.budge:24-42. [version number], [date]. https://data.copticscriptorium.org/urn:cts:copticLit:psflavianus.encomium.budge:24-42.

Subsequent citations:

Author, Ancient title (abbreviated) [chapter.verse if available], urn:cts:copticLit:psflavianus.encomium.budge:24-42.

Document Edition: urn:cts:copticLit:psflavianus.encomium.budge:24-42

Work: urn:cts:copticLit:psflavianus.encomium

Text Group: urn:cts:copticLit:psflavianus

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:psflavianus.encomium.budge:24-42/norm/html

Analytic Visualization HTML: https://data.copticscriptorium.org/urn:cts:copticLit:psflavianus.encomium.budge:24-42/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:psflavianus.encomium.budge:24-42/tei/xml

Paula XML: https://data.copticscriptorium.org/urn:cts:copticLit:psflavianus.encomium.budge:24-42/paula/xml

relANNIS: https://data.copticscriptorium.org/urn:cts:copticLit:psflavianus.encomium.budge:24-42/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:psflavianus.encomium.budge:24-42/annis