Coptic Scriptorium Text Server

Encomium on Victor part 2

normalized analytic TEI ANNIS PAULA Search ANNIS

Previous Next

Normalized Text

ⲁⲩⲱⲡⲉϫⲁϥ·ϫⲉⲁⲗⲏⲑⲱⲥⲡϩⲁⲅⲓⲟⲥⲃⲓⲕⲧⲱⲣⲡⲉⲡⲁⲓ·ⲛⲧⲁϥⲉⲓϣⲁⲣⲟⲓⲉϭⲙⲡⲁϣⲓⲛⲉ·

ⲁϥⲛⲉϩⲥⲉⲇⲉⲛⲛⲉϥϩⲙϩⲁⲗⲙⲡⲛⲁⲩⲙⲡⲟⲩⲟⲉⲓⲛ·ⲙⲛⲛⲣⲱⲙⲉⲛⲧⲁⲩⲉⲓⲛⲙⲙⲁϥ·

ⲁϥϫⲱⲉⲣⲟⲟⲩⲙⲡϩⲟⲣⲟⲙⲁⲛⲧⲁϥⲛⲁⲩⲉⲣⲟϥ·

ⲁⲩⲱⲛⲧⲉⲓϩⲉⲁϥϯⲛϩⲉⲛⲛⲟϭⲛⲇⲱⲣⲟⲛⲉⲩⲧⲁⲓⲏⲩⲉϩⲟⲩⲛⲉⲡⲙⲁⲣⲧⲏⲣⲓⲟⲛⲉⲧϩⲛⲧⲁⲛϯⲟⲭⲉⲓⲁ·

ⲙⲛⲛⲥⲱⲥⲁϥⲁⲗⲉⲉⲡϫⲟⲉⲓ·

ⲁϥⲉⲓⲉⲧⲡⲟⲗⲓⲥϩⲣⲱⲙⲏ·

ⲁϥⲃⲱⲕⲉϩⲟⲩⲛⲉⲡⲙⲁⲣⲧⲏⲣⲓⲟⲛⲙⲡϩⲁⲅⲓⲟⲥⲃⲓⲕⲧⲱⲣ·

ⲁϥⲉⲛⲕⲟⲧⲕⲉϥϣⲟⲟⲡϩⲛⲟⲩⲛⲟϭⲛⲑⲗⲓⲯⲓⲥ·

ⲁⲕⲟⲩⲉϩⲥⲁϩⲛⲉⲛⲁⲓⲉⲧⲣⲁⲉⲓⲉⲡⲉⲓⲙⲁ·

ⲙⲁⲣⲉⲡⲉⲕⲛⲁⲧⲁϩⲟⲓⲛⲅⲭⲁⲣⲓⲍⲉⲛⲁⲓⲙⲡⲧⲁⲗϭⲟ·ϫⲉⲁⲓϩⲓⲥⲉⲉⲙⲁⲧⲉ·

ⲁⲩⲱⲛⲧⲉⲣⲉϥϫⲉⲛⲁⲓⲁϥⲛⲕⲟⲧⲕⲉⲣⲟⲩϩⲉ·

ⲙⲛⲛⲥⲱⲥⲁϥⲧⲣⲉⲩⲉⲓⲛⲉⲛⲁϥⲛⲟⲩⲕⲟⲩⲓⲙⲙⲟⲟⲩ·ϩⲙⲡⲗⲟⲩⲧⲏⲣⲙⲡⲉⲑⲩⲥⲓⲁⲥⲧⲏⲣⲓⲟⲛ·

ⲁϥⲱⲃϣⲡⲁⲣⲁⲧⲉϥⲥⲩⲛⲏⲑⲉⲓⲁⲛⲧⲉⲩϣⲏⲧⲏⲣⲥ·

ϩⲙⲡⲛⲁⲩⲇⲉⲙⲡⲟⲩⲟⲉⲓⲛⲁϥⲉⲓϣⲁⲣⲟϥⲛϭⲓⲡⲙⲁⲣⲧⲩⲣⲟⲥϩⲛⲟⲩⲛⲟϭⲛⲉⲟⲟⲩ·

ⲡⲉϫⲁϥⲛⲁϥϩⲛⲟⲩϩⲟ

ⲉϥⲣⲟⲟⲩⲧϫⲉⲁⲕⲥⲟⲩⲱⲛⲧ·

ⲡⲉϫⲁϥⲛⲁϥϫⲉⲁϩⲉⲡⲁϫⲟⲉⲓⲥⲁⲓⲥⲟⲩⲱⲛⲅϫⲉⲛⲧⲟⲕⲡⲉⲡϩⲁⲅⲓⲟⲥⲃⲓⲕⲧⲱⲣ·

ⲛⲧⲟⲕⲡⲉⲛⲧⲁⲕⲟⲩⲱⲛϩⲛⲁⲓⲉⲃⲟⲗϩⲙⲡⲉⲕⲙⲁⲣⲧⲏⲣⲓⲟⲛϩⲛⲧⲁⲛϯⲟⲭⲉⲓⲁ·

ⲁⲕⲧⲛⲛⲟⲟⲩⲧⲉⲡⲉⲓⲙⲁ·

ⲉⲥⲧⲁⲗϭⲟⲛⲟⲩⲟⲛⲛⲓⲙⲉⲧⲛⲁⲡⲓⲥⲧⲉⲩⲉⲁϫⲛⲣϩⲏⲧⲥⲛⲁⲩ·

ⲙⲏⲛⲅⲥⲱⲧⲙⲁⲛⲉⲡⲉⲧⲥⲏϩ·ϫⲉⲟⲩⲛϭⲟⲙⲉϩⲱⲃⲛⲓⲙⲙⲡⲉⲧⲡⲓⲥⲧⲉⲩⲉ·

ⲁⲓⲉⲓⲉⲓϣⲓⲛⲉⲛⲥⲁⲡⲧⲁⲗϭⲟⲙⲡⲁⲥⲱⲙⲁ·

ⲡⲉϫⲉⲡⲡⲉⲧⲟⲩⲁⲁⲃⲛⲁϥ·ϫⲉⲛⲧϩⲉⲙⲡⲁⲙⲁⲣⲧⲏⲣⲓⲟⲛⲉⲧϩⲛⲧⲁⲛϯⲟⲭⲉⲓⲁ·ⲧⲁⲓⲧⲉⲧϩⲉⲙⲡⲁϩⲣⲱⲙⲏ·

ⲛⲧⲉⲣⲉⲡϩⲁⲅⲓⲟⲥⲇⲉⲁⲡⲁⲃⲓⲕⲧⲱⲣϫⲉⲛⲁⲓⲙⲡⲣⲱⲙⲉⲁϥϩⲟⲡϥⲉⲣⲟϥ·

ⲁϥⲛⲉϩⲥⲉⲛϩⲧⲟⲟⲩⲉ·

ⲁϥϩⲉⲉⲡⲉϥϣⲱⲛⲉⲁϥⲡⲱϩϩⲙⲡⲉϥⲥⲁⲛϩⲟⲩⲛⲉⲧⲉⲡⲉⲭⲁⲗⲕⲓⲛⲱⲡⲉ·

ⲁϥⲕⲁⲃⲟⲗⲛⲟⲩⲙⲏⲏϣⲉⲛⲙⲟⲩⲛⲃⲱⲱⲛϩⲛⲧⲉϥⲧⲁⲡⲣⲟ·

ⲁϥⲣⲧϩⲉⲛⲧⲉⲩⲛⲟⲩⲟⲩϩⲱⲥⲙⲡⲉϥϣⲱⲛⲉⲉⲡⲧⲏⲣϥ·

ⲁⲩⲱⲁϥϯⲡⲥⲟⲉⲓⲧⲛⲛⲉⲛⲧⲁⲡϩⲁⲅⲓⲟⲥⲃⲓⲕⲧⲱⲣϫⲟⲟⲩⲛⲁϥϩⲛⲧⲡⲟⲗⲓⲥⲧⲏⲣⲥ·

ⲁⲩⲱϫⲉⲛⲉⲓϭⲟⲙⲉⲛⲉⲣⲅⲉⲓϩⲛⲛⲉϥⲙⲁⲣⲧⲩⲣⲓⲟⲛⲧⲏⲣⲟⲩⲛⲛⲉⲧⲛⲁⲡⲓⲥⲧⲉⲩⲉ·

ⲛⲉⲩⲛⲟⲩⲣⲱⲙⲉϩⲛⲧⲉⲓⲡⲟⲗⲓⲥⲉⲡⲉϥⲣⲁⲛⲡⲉⲁⲛⲁⲥⲧⲁⲥⲓⲟⲥ·

ⲟⲩⲣⲙⲙⲁⲟⲉⲙⲁⲧⲉⲡⲉ·ⲉϥⲧⲁⲓⲏⲩϩⲙⲡⲉϥⲅⲉⲛⲟⲥ·

ⲡⲁⲓⲇⲉⲙⲛⲛⲥⲁⲧⲣⲉϥⲁⲁⲓϩⲛⲛⲉϥϩⲟⲟⲩⲛϥⲣϣⲉⲛⲣⲟⲙⲡⲉ·

ⲁϥϩⲉⲉⲡϣⲱⲛⲉⲉⲧⲟⲩⲙⲟⲩⲧⲉⲉⲣⲟϥϩⲓⲧⲛⲛⲥⲁⲉⲓⲛϫⲉⲛⲉⲗⲏⲫⲁⲥ·

ⲉⲡⲉⲓⲇⲏⲛⲉϥⲑⲉⲱⲣⲉⲓⲛϩⲟⲓⲛⲉⲉⲩϣⲱⲛⲉϩⲛϩⲉⲛϣⲱⲛⲉⲉⲩϣⲟⲃⲉ·

ⲁⲩⲱⲉⲩϣⲁⲛⲃⲱⲕⲉⲡⲉϥⲙⲁⲣⲧⲏⲣⲓⲟⲛϣⲁⲩⲙⲁⲁⲧⲉⲙⲡⲧⲁⲗϭⲟ·ⲛⲥⲉⲃⲱⲕⲉⲛⲉⲩⲏⲓⲉⲩϯⲉⲟⲟⲩⲙⲡⲛⲟⲩⲧⲉ·

ⲛⲧⲉⲓϩⲉϭⲉⲁϥⲧⲱⲟⲩⲛϩⲛⲟⲩⲡⲓⲥⲧⲓⲥ·

ⲁϥⲃⲱⲕⲉⲡⲧⲟⲡⲟⲥⲙⲡϩⲁⲅⲓⲟⲥⲁⲡⲁⲃⲓⲕⲧⲱⲣⲙⲛⲛⲉϥϩⲙϩⲁⲗ·ⲙⲛϩⲉⲛⲛⲟϭⲛⲁⲛϩⲟⲗⲟⲙⲁ·

ⲃⲟⲏⲑⲉⲓⲉⲣⲟⲓϫⲉϯϣⲓⲡⲉⲉⲧⲣⲉⲣⲱⲙⲉⲛⲁⲩⲉⲣⲟⲓ·ⲉⲧⲃⲉⲡⲉⲛⲧⲁϥϣⲱⲡⲉⲙⲙⲟⲓ·

ⲁⲩϫⲧⲟϥϩⲓϫⲛⲟⲩⲙⲁⲛⲛⲕⲟⲧⲕϩⲓⲧⲟⲩⲱϥⲙⲡⲉⲧⲥⲟⲃϩ·

ⲧⲉϣⲡⲏⲣⲉⲛⲧⲁⲥϣⲱⲡⲉⲙⲡⲛⲁⲩⲉⲧⲙⲙⲁⲩ·ⲛⲧⲛⲛⲁϣⲕⲁⲣⲱⲛⲉⲣⲟⲥⲁⲛ·

ⲁϥⲣϩⲛⲁϥⲉⲟⲩⲱⲛϩⲉⲃⲟⲗⲛⲛⲉϥϣⲡⲏⲣⲉ·

ⲁϥⲉⲓϣⲁⲡⲉⲧⲥⲟⲃϩⲛⲧⲉⲩϣⲏⲉϥⲫⲟⲣⲉⲓⲛⲟⲩⲛⲟϭⲛⲉⲟⲟⲩⲉⲣⲉⲡⲉϥϩⲟⲣⲟⲩⲟⲉⲓⲛⲉⲙⲁⲧⲉ·

ⲡⲉϫⲁϥⲛⲁϥ·ϫⲉⲁⲕⲥⲟⲩⲱⲛⲧϫⲉⲁⲛⲅⲛⲓⲙ·

ⲁϥⲟⲩⲱϣⲃϫⲉⲙⲡⲉⲡⲁϫⲟⲉⲓⲥ·

ⲡⲉϫⲉⲡⲡⲉⲧⲟⲩⲁⲁⲃⲛⲁϥϫⲉⲁⲛⲟⲕⲡⲉⲃⲓⲕⲧⲱⲣⲡⲉⲧⲉⲕⲥⲟⲡⲥⲡⲙⲙⲟϥⲙⲙⲏⲛⲉ·

ⲁⲛⲟⲕⲡⲉⲡⲉⲓⲱⲧⲙⲡⲉⲙⲁⲣⲧⲏⲣⲓⲟⲛ·

ⲛⲧⲉⲧⲛⲱⲙⲥⲛϩⲏⲧϥⲛϣⲟⲙⲛⲧⲛⲥⲟⲡ·ⲉⲡⲣⲁⲛⲙⲡⲉⲓⲱⲧⲙⲛⲡϣⲏⲣⲉⲙⲛⲡⲉⲡⲛⲉⲩⲙⲁⲉⲧⲟⲩⲁⲁⲃ·

ⲁⲩⲱⲕⲛⲁⲛⲁⲩⲉⲧⲁϭⲟⲙⲛⲧⲟⲕⲙⲉⲛⲡⲉⲕⲥⲟⲃϩⲛⲁⲗⲟϩⲓⲱⲱⲕ·ⲁⲩⲱⲡⲃⲗⲗⲉⲛⲁⲛⲁⲩⲉⲃⲟⲗ·

ⲙⲟⲛⲟⲛⲙⲡⲣⲁⲙⲉⲗⲉⲓⲉⲡⲉⲛⲧⲁϥϫⲟⲟϥⲛⲁⲕ·ⲁⲩⲱⲕⲛⲁⲟⲩϫⲁⲓ·

ⲛⲁⲓⲇⲉⲛⲧⲉⲣⲉⲡϩⲁⲅⲓⲟⲥⲃⲓⲕⲧⲱⲣϫⲟⲟⲩⲙⲡⲉⲧⲥⲟⲃϩ·ⲁϥⲉⲓⲉⲃⲟⲗϩⲓⲧⲟⲟⲧϥ·

ⲛⲧⲉⲩⲛⲟⲩⲇⲉⲁϥⲛⲉϩⲥⲉϩⲙⲡϩⲟⲣⲟⲙⲁ·ⲉϥϣⲧⲣⲧⲱⲣϩⲁⲧϩⲟⲧⲉ·

ⲁⲩⲱⲁϥϣⲱⲗⲙⲉⲩⲛⲟϭⲛⲥϯⲛⲟⲩϥⲉ·ⲙⲡⲕⲱⲧⲉⲙⲡⲉϥⲙⲁⲛⲛⲕⲟⲧⲕ·ⲛⲧϩⲉⲛⲟⲩⲑⲩⲙⲓⲁⲉϥⲥⲟⲧⲡ·

ⲉϥϭⲱϣⲧⲉⲧϩⲁⲏⲙⲡϩⲱⲃ·

ⲁⲩⲱϯⲡⲓⲥⲧⲉⲩⲉⲉⲡⲛⲟⲩⲧⲉⲙⲛⲡⲉϥⲙⲁⲣⲧⲩⲣⲟⲥ·ⲉⲧⲟⲩⲁⲁⲃ·ϫⲉϥⲛⲁⲭⲁⲣⲓⲍⲉⲛⲁⲛⲙⲡⲧⲁⲗϭⲟ·

ⲡⲉϫⲉⲡⲃⲗⲗⲉⲙⲡⲉⲧⲥⲟⲃϩ·ϫⲉⲛⲧϩⲉⲉⲧⲉϩⲛⲁⲕⲁⲣⲓⲥ·

ⲙⲙⲟⲛⲉⲓⲥϩⲏⲏⲧⲉⲕⲛⲁⲩⲉⲡⲁϩⲱϣⲙⲛⲧⲁⲑⲗⲓⲯⲓⲥ·

ⲁⲗⲗⲁϯⲣϩⲟⲧⲉⲉϫⲱⲕⲙ·ⲉⲡⲉⲓⲇⲉⲛⲥⲁⲉⲓⲛϩⲱⲛⲉⲧⲟⲟⲧⲉⲧⲙϯⲙⲟⲟⲩⲉϫⲛⲧⲁⲁⲡⲉ·

ⲡⲃⲗⲗⲉⲇⲉⲁϥⲡⲉⲓⲑⲉⲉϫⲙⲡϣⲁϫⲉ·ⲁⲩⲱⲁⲡⲉⲧⲥⲟⲃϩⲁⲙⲁϩⲧⲉⲛⲧⲉϥϭⲓϫϩⲛⲧⲙⲏⲏⲧⲉⲙⲡⲙⲏⲏϣⲉⲧⲏⲣϥ·

ⲁⲩⲃⲱⲕⲉⲡⲉⲥⲏⲧⲉⲡⲗⲁⲕⲟⲥⲉⲧⲟⲩⲙⲟⲩϩⲛⲛⲗⲉⲕⲁⲛⲏⲙⲡⲧⲟⲡⲟⲥⲛϩⲏⲧϥ·

ⲛⲧⲉⲩⲛⲟⲩⲇⲉⲁⲡⲉⲧⲥⲟⲃϩⲗⲟ·ⲁⲧⲉϥⲥⲁⲣⲝⲣⲧϩⲉⲛⲧⲁⲟⲩϣⲏⲣⲉϣⲏⲙ·

ⲡⲃⲗⲗⲉϩⲱⲱϥⲁⲛⲗⲉⲩⲕⲱⲙⲁⲉⲧϩⲛⲛⲉϥⲃⲁⲗⲥⲱⲗⲡ

ⲁⲩϩⲉⲉⲡⲉⲥⲏⲧⲉⲡⲉⲗⲁⲕⲕⲟⲥ·ⲁⲧⲉϥϩⲟⲣⲁⲥⲓⲥⲥⲙⲓⲛⲉⲕⲁⲗⲱⲥ·

ⲁⲩⲱϣⲉⲃⲟⲗ·ϫⲉⲛⲛⲟϭⲛⲉⲛϭⲟⲙⲙⲡⲛⲟⲩⲧⲉ·ⲙⲛⲡϩⲁⲅⲓⲟⲥⲃⲓⲕⲧⲱⲣ·

ⲟⲩⲛⲟϭⲡⲉϩⲙⲟⲧⲛⲧⲁⲡⲛⲟⲩⲧⲉⲁⲁϥⲛⲙⲙⲁⲛ·

ⲁⲛⲙⲡϣⲁⲙⲡⲉⲕⲙⲁⲣⲧⲏⲣⲓⲟⲛϩⲛⲧⲉⲛⲡⲟⲗⲓⲥ·ⲉⲓⲧⲁⲛⲧⲉⲣⲟⲩⲧⲁⲙⲟⲟⲩⲉⲡⲉⲛⲧⲁϥϣⲱⲡⲉⲙⲙⲟⲟⲩ·

ⲁⲡⲉⲧⲥⲟⲃϩⲁⲡⲟⲕⲁⲗⲉⲓⲉⲣⲟⲟⲩⲛϩⲱⲃⲛⲓⲙ·ⲛⲧϩⲉⲛⲧⲁⲡϩⲁⲅⲓⲟⲥⲃⲓⲕⲧⲱⲣϣⲁϫⲉⲛⲙⲙⲁϥϩⲙⲡϩⲟⲣⲟⲙⲁ·

ⲁⲩⲱⲁⲡⲥⲟⲉⲓⲧⲛⲧⲉⲓϣⲡⲏⲣⲉⲙⲉϩⲙⲁⲛⲓⲙ·ⲁⲩⲱⲁⲓⲑⲉⲱⲣⲉⲓⲙⲙⲟⲥϩⲛⲛⲁⲃⲁⲗ

ⲁⲛⲟⲕⲡⲉⲓⲉⲗⲁⲭⲓⲥⲧⲟⲥⲉⲧϣⲁϫⲉⲛⲙⲙⲏⲧⲛϩⲙⲡⲉⲓⲉⲛⲕⲱⲙⲓⲟⲛ·

ⲉⲓⲛⲁϫⲉⲟⲩⲛⲧⲁⲕⲁⲟⲩϩⲛⲛⲉⲕⲕⲁⲧⲱⲣⲑⲱⲙⲁ·

ⲁⲕϣⲉⲡϩⲉⲛⲛⲟϭⲛϩⲓⲥⲉⲉϫⲙⲡⲣⲁⲛⲙⲡⲉⲭⲣⲓⲥⲧⲟⲥ·ⲱⲡⲅⲉⲛⲛⲁⲓⲟⲥⲁⲡⲁⲃⲓⲕⲧⲱⲣ·

ⲟⲩⲛⲟϭⲡⲉⲡⲉⲟⲟⲩⲛⲧⲁⲡⲛⲟⲩⲧⲉⲧⲁⲁϥⲛⲁⲕϩⲛⲧⲡⲉⲁⲩⲱϩⲓϫⲙⲡⲕⲁϩ·

ⲛⲁⲙⲉⲁϥϫⲱⲕⲉⲃⲟⲗⲛϭⲓⲡϣⲁϫⲉⲉⲧⲥⲏϩ·ϫⲉⲉⲛϩⲓⲥⲉⲙⲡⲉⲟⲩⲟⲉⲓϣ·ⲙⲡϣⲁⲁⲛⲙⲡⲉⲟⲟⲩⲉⲧⲛⲁϭⲱⲗⲡⲉⲣⲟⲛ·

ⲡⲣⲣⲟⲇⲉⲁϥϣⲧⲟⲣⲧⲣϩⲱⲥⲧⲉⲩⲛⲟⲩϩⲱⲥⲣⲱⲙⲉ·ⲁⲗⲗⲁⲛⲉⲣⲉⲧⲉϥϩⲉⲗⲡⲓⲍⲧⲏⲣⲥⲛⲏϫⲉⲡϫⲟⲉⲓⲥ·

ⲛⲧⲉⲣⲉⲡⲃⲉⲗⲉⲧⲁⲣⲓⲟⲥϫⲓⲛⲧⲉⲡⲓⲥⲧⲟⲗⲏⲛϥⲁⲛⲁⲭⲱⲣⲉⲓ·

ⲧⲉϣⲡⲏⲣⲉⲇⲉⲛⲧⲁⲥϣⲱⲡⲉⲙⲡⲛⲁⲩⲉⲧⲙⲙⲁⲩⲛⲟⲩϣⲟⲩⲥⲁⲁⲧⲥⲁⲛⲧⲉ·

ⲛⲧⲉⲣⲟⲩⲧⲉⲗⲓⲟⲩⲇⲉⲛⲧⲉⲡⲁⲣⲭⲓⲉⲡⲓⲥⲕⲟⲡⲟⲥϯⲛⲧⲉⲓⲣⲏⲛⲏⲙⲡⲗⲁⲟⲥ·ⲛⲥⲉⲁⲛⲁⲭⲱⲣⲉⲓⲉⲛⲉⲩⲏⲓ:—

ϫⲣⲟⲁⲩⲱⲛⲅϭⲙϭⲟⲙ·ϫⲉⲡⲛⲟⲩⲧⲉⲙⲓϣⲉⲉϩⲣⲁⲓⲉϫⲱⲕ·

ⲉⲓⲥⲛⲃⲁⲣⲃⲁⲣⲟⲥⲛⲁⲧⲛⲟⲩⲧⲉⲛⲧⲁⲩⲧⲱⲟⲩⲛⲉϫⲛⲧⲉⲕⲙⲛⲧⲣⲣⲟ·

ⲁⲡⲛⲟⲩⲧⲉⲡⲁⲧⲁⲥⲥⲉⲓⲙⲙⲟⲟⲩϩⲛⲧⲉⲩⲥⲏϥⲉⲙⲙⲓⲛⲙⲙⲟⲟⲩ·

ⲁⲡⲟⲩⲁⲡⲟⲩⲁⲧⲱⲟⲩⲛⲉϫⲙⲡⲉⲧϩⲓⲧⲟⲩⲱϥϫⲓⲛⲙⲡⲛⲁⲩⲛϫⲡⲥⲛⲧⲉⲙⲡϩⲟⲟⲩ·

ⲁⲩϩⲱⲧⲃⲛⲥⲁⲛⲉⲩⲉⲣⲏⲩ·ⲙⲡⲉⲟⲩⲁⲛϩⲏⲧⲟⲩϣⲱϫⲡ·ⲁⲗⲗⲁⲁⲩⲙⲟⲩⲧⲏⲣⲟⲩ·

ⲉⲓⲥⲧⲉⲩⲁⲡⲟⲥⲕⲉⲩⲏⲧⲏⲣⲥⲙⲛⲛⲉⲩϩⲧⲱⲱⲣ·ⲁⲛⲧⲛⲛⲟⲟⲩϣⲁⲡⲉⲕⲕⲣⲁⲧⲟⲥ·

ⲛⲓⲙⲡⲉⲧⲛⲁϣϯⲟⲩⲃⲏⲛ·

ⲡⲣⲣⲟⲇⲉⲛⲧⲉⲣⲉϥϫⲓⲛⲧⲉⲓⲉⲡⲓⲥⲧⲟⲗⲏ·ⲁϥⲟϣⲥⲉⲡⲗⲁⲟⲥ·ϩⲁⲧϩⲏⲙⲡⲁⲧⲟⲩⲁⲛⲁⲭⲱⲣⲉⲓ·

ⲉⲡⲉⲓⲇⲏϫⲡⲥⲛⲧⲉ·ⲙⲡⲉϩⲟⲟⲩ·ⲛⲧⲁⲩⲥⲡⲥⲱⲡϥ·

ⲁⲧⲉⲧⲛⲛⲁⲩⲱⲛⲁⲙⲉⲣⲁⲁⲧⲉ·ϫⲉⲟⲩⲛⲟϭⲧⲉⲧϭⲟⲙⲙⲡⲉⲥⲧⲣⲁⲧⲏⲗⲁⲧⲏⲥⲉⲧⲟⲩⲁⲁⲃⲉⲧⲛⲣϣⲁⲛⲁϥⲙⲡϩⲟⲟⲩ·

ⲁⲛⲟⲛϩⲱⲱⲛ·ⲙⲁⲣⲛⲥⲟⲟⲩⲛⲉⲣⲟⲟⲩ·ⲛⲧⲛϫⲓϯⲡⲉⲙⲙⲟⲟⲩ·ϫⲉⲕⲁⲥⲉⲛⲉⲉⲩⲫⲣⲁⲛⲉ·

ⲥⲱⲧⲙⲉⲡⲥⲟⲫⲟⲥⲡⲁⲩⲗⲟⲥ·ⲡⲁⲡⲟⲥⲧⲟⲗⲟⲥ·

ⲉⲡⲉⲓⲇⲏϥⲥⲏϩ·ϫⲉⲁϫⲙⲧⲃⲃⲟⲙⲛⲗⲁⲁⲩⲛⲁⲛⲁⲩⲉⲡⲛⲟⲩⲧⲉ·

ⲁⲩⲱⲛⲧⲛⲣⲟⲉⲓⲥⲉⲧⲉⲛⲧⲁⲡⲣⲟⲉⲧⲙⲕⲁⲧⲁⲗⲁⲗⲉⲓ·ⲉⲧⲙϫⲓⲟⲩⲁⲁⲩⲱⲉⲧⲙϫⲉⲗⲁⲁⲩⲛϣⲁϫⲉⲛϣⲗⲟϥ·

ⲛⲉⲕϭⲓϫⲇⲉⲟⲛⲛⲅⲧⲥⲁⲃⲟⲟⲩⲉϣⲗⲏⲗ·ⲛⲅϩⲁⲣⲉϩⲉⲣⲟⲟⲩⲉⲡϫⲓⲟⲩⲉ·ⲙⲛⲡϫⲓⲛϭⲟⲛⲥ·

ⲛⲉⲕⲟⲩⲣⲏⲏⲧⲉⲇⲉⲟⲛⲛⲥⲉϩⲉⲧⲙⲡⲛⲛⲏⲙⲡⲏⲓⲙⲡⲛⲟⲩⲧⲉ·

ⲛⲉⲕⲃⲁⲗⲛⲅⲣⲟⲉⲓⲥⲉⲣⲟⲟⲩⲉⲧⲙⲉⲡⲓⲑⲩⲙⲉⲓⲁⲩⲱⲉⲧⲙⲥⲕⲁⲛⲇⲁⲗⲓⲍⲉϩⲙⲡⲥⲁⲛⲛⲉϩⲓⲟⲙⲉ·

ⲥⲱⲧⲙⲉⲡⲁⲛϫⲱϫⲛⲁⲡⲟⲥⲧⲟⲗⲟⲥⲡⲉⲧⲣⲟⲥ

ⲟⲩⲕⲟⲩⲛϭⲉⲱⲛⲁⲙⲉⲣⲁⲁⲧⲉ·ⲁⲛⲟⲛϩⲉⲛⲣⲙⲛϭⲟⲓⲗⲉϩⲓϫⲙⲡⲕⲁϩ·

ⲟⲩⲕⲟⲩⲛⲉⲣⲉⲡⲣⲱⲙⲉⲙⲟⲟϣⲉϩⲛⲟⲩϩⲓⲕⲱⲛ·ⲉϥⲥⲱⲟⲩϩⲉϩⲟⲩⲛⲉϥⲥⲟⲟⲩⲛⲁⲛϫⲉⲉϥⲥⲱⲟⲩϩⲛⲛⲓⲙ·

ⲧⲁⲓⲉⲛϣⲁⲛϩⲁⲣⲉϩⲉⲛⲉⲛⲧⲟⲗⲏⲛⲧⲁⲩϩⲟⲛⲟⲩⲉⲧⲟⲟⲧⲛ·ⲧⲛⲛⲁⲃⲱⲕⲉϩⲟⲩⲛⲉⲣⲟⲥϩⲛⲟⲩⲙⲟⲧⲛⲉⲥ·

ⲛⲧⲁⲩϫⲡⲟⲛⲁⲛⲉⲧⲣⲉⲛⲕⲗⲏⲣⲟⲛⲟⲙⲉⲓⲙⲡⲕⲁϩⲁⲗⲗⲁⲉⲧⲣⲉⲡⲕⲁϩⲕⲗⲏⲣⲟⲛⲟⲙⲉⲓⲙⲙⲟⲥ·

ⲡⲏⲓⲅⲁⲣⲛⲣⲱⲙⲉⲛⲓⲙⲡⲉⲡⲕⲁϩ·

ⲉⲡⲉⲓⲇⲏϫⲓⲛⲧϣⲟⲣⲡⲛⲟⲩⲛⲟⲩⲉⲧⲟⲩⲛⲁϫⲡⲉⲡⲣⲱⲙⲉⲉⲡⲕⲟⲥⲙⲟⲥϣⲁϥⲣⲓⲙⲉ·

ⲙⲡⲛⲁⲩⲇⲉⲟⲛⲉϥⲛⲏⲩⲉⲃⲟⲗϩⲙⲡⲥⲱⲙⲁϣⲁϥⲣⲓⲙⲉ·ⲛⲧⲁⲩϫⲡⲟⲛⲉⲡϩⲓⲥⲉ·ⲉⲛⲛⲁⲃⲱⲕⲟⲛⲉⲡϩⲓⲥⲉ·

ⲕⲁⲓⲅⲁⲣⲙⲛⲗⲁⲁⲩⲛⲧⲁϫⲣⲟϩⲙⲡⲃⲓⲟⲥⲙⲡⲣⲱⲙⲉ·ⲉⲓⲙⲏⲧⲓⲧⲁⲗⲁⲓⲡⲱⲣⲓⲁϩⲓⲙⲕⲁϩⲛϩⲏⲧ·

ⲁⲣⲁⲙⲡⲉⲕⲥⲱⲧⲙⲉⲡⲉⲧⲥⲏϩ·

ⲛⲅⲥⲱⲧⲙⲁⲛⲉⲡⲉⲧⲥⲏϩϫⲉⲙⲛⲭⲣⲏⲙⲁⲛⲁϯϩⲏⲩⲙⲙⲟⲛⲙⲡⲉϩⲟⲟⲩⲛⲧⲟⲣⲅⲏ·

ϣⲁⲣⲉⲧⲇⲓⲕⲁⲓⲟⲥⲩⲛⲏⲛⲟⲩϩⲙⲙⲡⲣⲱⲙⲉⲉⲃⲟⲗϩⲙⲡⲙⲟⲩ·

ⲙⲡⲣⲕⲁϩⲧⲏⲕⲇⲉⲉⲡⲉⲭⲣⲏⲙⲁ·ⲏⲡϣⲟⲩϣⲟⲩⲛⲧⲙⲛⲧⲣⲙⲙⲁⲟ·

ⲙⲡⲣⲧⲁϫⲣⲟⲛⲧⲉⲕⲯⲩⲭⲏⲛⲟⲩⲁⲣⲭⲏⲙⲛⲟⲩⲉⲝⲟⲩⲥⲓⲁ·

ⲙⲛⲛⲥⲱⲥⲟⲩⲛⲟⲩⲃⲏⲟⲩϩⲁⲧⲛⲁⲓⲧⲏⲣⲟⲩϩⲉⲛϩⲁⲗⲟⲩⲥⲛⲉ·

ⲙⲁⲣⲛⲣⲟⲉⲓⲥⲟⲩⲛⲙⲡⲉϩⲟⲟⲩⲙⲛⲧⲉⲩϣⲏ·ϫⲉⲛⲧⲛⲟⲁⲛⲙⲡϫⲟⲉⲓⲥⲙⲡⲉⲛⲥⲱⲙⲁⲛⲟⲩⲛⲟⲩⲛⲟⲩⲱⲧ:··—

ⲁⲩⲱⲛⲧⲛⲥⲟⲟⲩⲛⲁⲛϫⲉⲉⲩⲛⲁϣⲓⲛⲉⲛⲥⲱⲛⲧⲛⲁⲩ·

ⲙⲡⲣⲧⲣⲛⲧⲁϫⲣⲟⲛⲉϫⲛⲛⲉⲫⲁⲛⲧⲁⲥⲓⲁⲛⲧⲙⲛⲧⲣⲙⲙⲁⲟ·ⲛⲅⲥⲟⲟⲩⲛⲁⲛϫⲉⲉⲩⲛⲁⲧⲱϩⲙⲉⲣⲟⲕⲧⲛⲁⲩ·

ⲙⲏⲙⲡⲉⲕⲥⲱⲧⲙⲉⲡⲉⲧⲥⲏϩ·ϫⲉⲙⲛⲟⲩⲣⲱⲙⲉⲛⲁϣⲥⲱⲧⲉ·ⲙⲛⲟⲩⲥⲟⲛⲛⲁϣⲥⲉⲧⲟⲩⲥⲟⲛ·

ⲛⲛⲉϥϯⲙⲡⲛⲟⲩⲧⲉⲛⲧⲉϥϣⲃⲃⲓⲱ·ⲁⲩⲱⲧⲁⲥⲟⲩⲙⲡⲥⲱⲧⲉⲛⲧⲉϥⲯⲩⲭⲏ·

ⲙⲡⲣⲕⲁⲡⲉⲕⲛⲁϩⲧⲉϩⲛⲧⲙⲛⲧⲣⲙⲙⲁⲟⲙⲡⲉⲓⲕⲟⲥⲙⲟⲥ·

ⲙⲡⲣⲧⲁϫⲣⲟⲕⲉϫⲛⲟⲩⲛⲟⲩⲃⲙⲛⲟⲩϩⲁⲧ·

ⲙⲏⲙⲡⲉⲕⲥⲱⲧⲙⲉⲥⲟⲗⲟⲙⲱⲛ

ⲙⲏⲡⲛⲟⲩⲧⲉⲛⲁϥⲓⲡⲣⲟⲟⲩϣⲛⲉⲕϣⲏⲣⲉⲁⲛⲁϫⲛⲧⲕ·

ⲙⲏⲡⲛⲟⲩⲧⲉⲛⲧⲁϥⲥⲁⲛⲟⲩϣⲕ·ⲛϥⲛⲁⲥⲁⲛϣⲁⲛⲛⲛⲉⲕϣⲏⲣⲉ·

ⲙⲏⲙⲡⲉϩⲟⲟⲩⲛⲧⲁⲩϫⲡⲟⲕ·ⲁⲩϫⲡⲟⲟⲩϩⲟⲃⲟⲗⲟⲥⲛⲟⲩⲱⲧⲛⲙⲙⲁⲕ·

ⲁⲩⲱⲉⲧⲓⲉⲩⲙⲉⲉⲩⲉⲉⲛⲁⲓⲁⲩⲧⲱⲣⲡⲛⲛⲉⲩϣⲏⲣⲉⲛⲧⲟⲟⲧⲟⲩϫⲓⲛⲧⲉⲩⲙⲛⲧⲕⲟⲩⲓ·

ⲁϩⲉⲛϣⲙⲙⲟⲧⲉⲣⲡⲛⲉⲩϩⲓⲥⲉ·ⲁⲩⲱⲛⲧⲟⲟⲩϩⲱⲟⲩ

ⲁⲩⲥϩⲟⲩⲉⲣⲡⲉϩⲟⲟⲩⲛⲧⲁⲩϫⲡⲟⲟⲩ·ⲉⲡⲕⲟⲥⲙⲟⲥⲛϩⲏⲧϥ·

ⲙⲡⲣϫⲟⲟⲥϩⲙⲡⲉⲕⲧⲱⲙⲛϩⲏⲧ·ϫⲉⲉⲓϣⲁⲛⲉⲓⲉⲃⲟⲗϩⲛⲥⲱⲙⲁ·

ϯⲛⲁⲥϩⲁⲓⲛⲧⲁⲇⲓⲁⲑⲏⲕⲏ·ⲛⲧⲉⲛⲁϣⲏⲣⲉⲙⲛⲛⲁⲥⲩⲛⲅⲉⲛⲏⲥ·ϯⲁⲅⲁⲡⲏϩⲁⲧⲁⲯⲩⲭⲏ·

ⲙⲛⲧⲁⲕϩⲉⲛⲭⲣⲏⲙⲁⲛⲧⲁⲕⲥⲟⲟϩⲟⲩⲉϩⲟⲩⲛ

ⲙⲛⲧⲁⲕⲁⲡⲟⲑⲩⲕⲏⲉⲧⲙⲉϩ·

ⲙⲛⲧⲁⲕϩⲉⲛⲙⲁⲛⲉⲗⲟⲟⲗⲉ·

ⲙⲛⲧⲁⲕϩⲉⲛⲏⲓⲛⲧⲁⲕⲕⲟⲧⲟⲩ·ⲁⲗⲗⲁⲁⲕⲣϣⲙⲙⲟⲉⲣⲟⲟⲩ·

ⲁⲩⲗⲟⲉⲩⲟⲛⲛⲟⲩⲕ·

ⲁⲩⲣⲛⲁϩⲉⲛⲕⲟⲟⲩⲉ·

ⲉϩⲛⲁⲩϣⲁⲩϯϩⲁⲣⲟⲕ·ⲉϩⲛⲁⲩⲁⲛⲙⲉⲩϯϩⲁⲣⲟⲕ·

ⲙⲏⲙⲡⲉⲕⲥⲱⲧⲙⲉⲡⲡⲉⲧⲟⲩⲁⲁⲃⲓⲱⲃ

ⲉϥϫⲱⲙⲙⲟⲥ·ϫⲉⲛⲧⲁⲓⲉⲓⲉⲃⲟⲗϩⲛϩⲏⲧⲥⲛⲧⲁⲙⲁⲁⲩⲉⲓⲕⲏⲕⲁϩⲏⲩ·ⲉⲓⲛⲁⲃⲱⲕⲟⲛⲉⲓⲕⲏⲕⲁϩⲏⲩ·

ⲇⲁⲩⲉⲓⲇⲟⲛϫⲱⲙⲙⲟⲥ·ϫⲉϣⲁⲣⲉⲡⲉⲩⲡⲛⲉⲩⲙⲁⲉⲓⲉⲃⲟⲗⲛϩⲏⲧⲟⲩ·ⲛⲥⲉⲕⲟⲧⲟⲩⲉⲡⲉⲩⲕⲁϩ·

ⲱⲡⲣⲱⲙⲉⲛⲉⲃⲓⲏⲛⲛⲧⲕⲟⲩⲧⲉⲓⲙⲓⲛⲉ·ϩⲉⲛⲟⲩⲛⲉⲛⲉⲓⲗⲉϩⲙⲛⲛⲉⲓⲣⲟⲟⲩϣ·

ⲉⲡⲉⲓⲇⲏⲕⲥⲟⲟⲩⲛⲙⲡⲉⲕⲙⲁⲙⲙⲓⲥⲉ·ⲁⲗⲗⲁⲛⲅⲥⲟⲟⲩⲛⲁⲛⲙⲡⲉⲕⲙⲁⲙⲙⲟⲩ·

ⲕⲥⲟⲟⲩⲛϫⲉⲁⲕⲣⲟⲩⲏⲏⲣⲛⲣⲟⲙⲡⲉϣⲁⲧⲉⲛⲟⲩ·ⲁⲗⲗⲁⲛⲅⲥⲟⲟⲩⲛⲁⲛϫⲉⲕⲛⲁⲣⲕⲉⲟⲩⲏⲣ·

ⲕⲥⲟⲟⲩⲛϫⲉⲛⲧⲁⲛⲉⲕⲉⲓⲟⲧⲉⲛⲧⲁⲩϫⲡⲟⲕⲙⲟⲩⲛⲁϣⲛϩⲉ·

ϫⲟⲟⲩⲛϩⲉⲛⲇⲱⲣⲟⲛϩⲁⲧⲉⲕϩⲏ·ⲙⲡⲁⲧⲕⲉⲓⲉⲃⲟⲗϩⲛⲥⲱⲙⲁ·ϫⲉⲉⲕⲉⲧⲱⲙⲛⲧⲉⲡⲉⲭⲣⲓⲥⲧⲟⲥϩⲛⲟⲩⲣⲁϣⲉ·

ⲟⲩⲣⲱⲙⲉⲅⲁⲣⲉϥⲛⲁⲁⲡⲁⲛⲧⲁⲉⲩⲣⲣⲟⲛⲧⲉⲡⲉⲓⲕⲟⲥⲙⲟⲥ·ⲛϥϩⲉⲉⲩⲭⲁⲣⲓⲥⲛⲛⲁϩⲣⲁϥ·

ϣⲁϥϫⲟⲟⲩⲛϩⲉⲛⲇⲱⲣⲟⲛϩⲁⲧⲉϥϩⲏ·ϫⲉⲉϥⲉϣⲉⲡϩⲣⲁϥⲉϩⲟⲩⲛ·

ⲥⲟⲗⲟⲙⲱⲛϫⲱⲙⲙⲟⲥϫⲉⲕⲁⲡⲉⲕⲥⲟⲃⲧⲉⲧⲏⲣϥϩⲁⲧⲟⲟⲧⲕ·

ⲁⲣⲓⲙⲛⲧⲛⲁⲕⲁⲧⲁⲧⲉⲕϭⲟⲙ·

ⲙⲡⲣϫⲟⲟⲥϫⲉⲙⲛⲧⲁⲓⲉϯ·

ⲁⲣⲓⲡⲙⲉⲉⲩⲉⲛⲧⲉⲭⲏⲣⲁⲛϩⲏⲕⲉⲛⲧⲁⲥⲛⲟⲩϫⲉⲛⲗⲉⲡⲧⲟⲛⲥⲛⲁⲩⲉⲡⲕⲁⲍⲟⲫⲩⲗⲁⲅⲓⲟⲛ·

ⲁⲩⲱⲁⲡⲉⲭⲣⲓⲥⲧⲟⲥⲧⲙⲁⲉⲓⲟⲥ·ϫⲉⲡⲉⲥϣⲱⲱⲧⲧⲏⲣϥⲁⲥⲧⲁⲁϥ·

ⲉⲕϣⲓⲛⲉⲛⲧⲛⲛⲉⲧϭⲓⲛⲉⲙⲡⲉⲕϣⲓⲛⲉϫⲉⲁϣⲛⲛⲁⲩⲡⲉⲡⲁⲓ·ⲉⲡⲉⲓⲇⲏⲁⲧⲉⲕⲁⲓⲥⲑⲉⲥⲓⲥⲗⲟⲛϩⲏⲧⲕ·

ⲁⲡⲕⲁⲕⲉⲙⲛⲡⲉϩⲗⲟⲥⲧⲛϩⲱⲃⲥⲛⲛⲉⲕⲃⲁⲗ·

ⲁⲡⲉⲕϩⲟϣⲓⲃⲉⲁϥⲟⲩⲟⲧⲟⲩⲉⲧ·

ⲁⲡϥⲱⲃⲱⲗⲉϩⲣⲁⲓ·

ⲁⲛⲛⲉⲩⲣⲱⲛⲛⲛⲉⲕϭⲓϫⲙⲛⲛⲉⲕⲟⲩⲣⲏⲏⲧⲉⲧⲱⲥ·

ⲁⲡⲉⲕϩⲏⲧⲙⲛⲧⲉⲕⲯⲩⲭⲏⲱϫⲛⲕⲟⲩⲓⲕⲟⲩⲓⲕⲟⲩⲓ·

ⲁⲩⲱⲉⲕϣⲁⲛⲛⲁⲩⲉⲣⲟⲟⲩ·ϣⲁⲕⲟⲩⲱⲛⲛⲣⲱⲕⲛⲅϯⲙⲡⲉⲕⲡⲛⲉⲩⲙⲁⲉⲛϭⲓϫⲙⲡⲉⲛⲧⲁϥⲉⲓⲛⲥⲱⲕ·

ⲱⲧⲉⲓⲛⲟϭⲛϣⲡⲏⲣⲉⲙⲛⲧⲉⲓⲛⲟϭⲛⲁⲛⲁⲅⲕⲏ·ⲉⲧϩⲟⲥⲉⲡⲁⲣⲁⲁⲛⲁⲅⲕⲏⲛⲓⲙⲉⲧϩⲓϫⲙⲡⲕⲁϩ·

ⲱⲧⲉⲑⲗⲓⲯⲓⲥⲉⲧⲟⲩⲟⲧⲃⲉⲑⲗⲓⲯⲓⲥⲛⲓⲙ·ⲉⲧⲉⲧϩⲟⲧⲉⲙⲡⲙⲟⲩⲧⲉ·

ⲱⲡⲥⲟⲫⲟⲥⲛⲁⲡⲟⲥⲧⲟⲗⲟⲥⲡⲁⲩⲗⲟⲥ·ⲛⲉⲕϣⲁϫⲉⲉϩⲟⲗϭⲉⲙⲁⲧⲉ·

ⲁⲩⲱⲥⲉⲛⲁϥⲓⲗⲟⲅⲟⲥⲛⲙⲙⲁⲛϩⲁϩⲱⲃⲛⲓⲙⲛⲧⲁⲛⲁⲁⲩϩⲙⲡⲉⲓⲙⲁⲛϭⲟⲓⲗⲉ·ϣⲁϩⲣⲁⲓⲉⲩⲕⲟⲩⲛϣⲁϫⲉⲛⲥⲱⲃⲉ·

ⲛⲁⲓⲁⲧⲟⲩⲛⲛⲉⲧⲛⲁⲧⲱⲟⲩⲛⲉⲩⲁⲛⲁⲥⲧⲁⲥⲓⲥⲛⲱⲛϩ·ϫⲉⲥⲉⲛⲁⲣⲣⲣⲟⲙⲛⲡⲉⲭⲣⲓⲥⲧⲟⲥ:—

ⲟⲩⲟⲓⲛⲛⲉⲧⲟⲩⲛⲁⲧϭⲁⲓⲟⲟⲩⲉⲡⲙⲟⲩⲙⲙⲉϩⲥⲛⲁⲩ·ⲉⲧⲃⲉⲛⲉⲩⲡⲣⲁⲝⲓⲥⲉⲧϩⲟⲟⲩ·

ⲙⲡⲛⲁⲩⲇⲉⲉⲧⲉⲣⲉⲡⲉⲕⲣⲓⲧⲏⲥⲙⲙⲉⲛⲁⲧⲱⲟⲩⲛϩⲓⲡⲃⲏⲙⲁ·ⲡⲉⲛⲧⲁϥⲟⲩⲉⲓⲛⲉⲁϥⲟⲩⲉⲓⲛⲉ·

ⲡⲧⲱϩⲇⲉⲥⲉⲛⲁⲣⲟⲕϩϥϩⲛⲟⲩⲥⲁⲁⲧⲉⲉⲙⲉⲥⲱϣⲙ·

ⲡⲉⲥⲟⲩⲟⲇⲉⲥⲉⲛⲁⲥⲟⲟⲩϩϥⲉϩⲟⲩⲛⲉⲧⲁⲡⲟⲑⲩⲕⲏ·ⲉⲧⲉⲧⲁⲓⲧⲉⲧⲙⲛⲧⲣⲣⲟⲛⲙⲡⲏⲩⲉ

ⲧⲉⲛⲟⲩϭⲉⲙⲁⲣⲛⲕⲧⲟⲛⲛⲧⲛⲙⲉⲧⲁⲛⲟⲉⲓⲉϫⲛⲛⲉⲛⲛⲟⲃⲉⲙⲡⲁⲧⲟⲩϣⲓⲛⲉⲛⲥⲱⲛ·

ⲁⲣⲓⲡⲙⲉⲉⲩⲉϫⲉⲟⲩϩⲟⲧⲉⲡⲉϩⲉⲉϩⲣⲁⲓⲉⲛϭⲓϫⲙⲡⲛⲟⲩⲧⲉⲉⲧⲟⲛϩ·

ⲙⲁⲧⲁⲙⲟⲓϭⲉⲟⲩⲛⲉⲛⲉⲓϫⲟⲗⲙⲉⲥⲙⲛⲛⲉⲓϩⲓⲥⲉⲧⲏⲣⲟⲩ·

ⲙⲏϣⲟⲙⲛⲧⲙⲁϩⲉⲛⲕⲁϩⲁⲛⲡⲉⲛⲏⲓϣⲁⲉⲛⲉϩ·

ⲉⲕⲥⲱⲟⲩϩⲉϩⲟⲩⲛⲛⲛⲓⲙ·

ⲉⲕϫⲓⲙⲏⲥⲉⲛⲛⲓⲙ·

ⲉⲕⲡⲁⲣⲁⲛⲟⲙⲉⲓⲛⲛⲓⲙ·

ⲙⲁⲧⲁⲙⲟⲓϫⲉⲛⲓⲙⲡⲉⲧⲛⲁϫⲉⲩⲛⲁⲓⲛⲁⲕⲉⲡⲉⲥⲏⲧⲉⲁⲙⲛⲧⲉ·