Encomium on Victor part 2
normalized analytic TEI ANNIS PAULA Search ANNIS
Previous Next

Analytic Visualization

Show:








ⲁⲩⲱⲡⲉϫⲁϥ·ϫⲉⲁⲗⲏⲑⲱⲥ
ⲡϩⲁⲅⲓⲟⲥⲃⲓⲕⲧⲱⲣ
ⲡⲉ
ⲡⲁⲓ
·ⲛⲧⲁϥⲉⲓϣⲁⲣⲟⲓⲉϭⲙⲡⲁϣⲓⲛⲉ·
ⲛⲧⲉⲩⲛⲟⲩⲁϥⲧⲱⲧⲛ
ϩⲏⲧ
ⲁⲩⲱⲡⲉϫⲁϥ·ϫⲉⲕⲱⲛⲁⲓⲉⲃⲟⲗ
ⲡⲁϫⲟⲉⲓⲥⲡϩⲁⲅⲓⲟⲥⲃⲓⲕⲧⲱⲣ
·ϫⲉⲁⲓⲁⲙⲉⲗⲉⲓⲉⲃⲱⲕⲉ
ⲡⲉⲕⲧⲟⲡⲟⲥ·ⲛⲧⲁⲩⲕⲟⲧϥⲛ
ⲃⲣⲣⲉ
ϩⲛ
ⲧⲁⲡⲟⲗⲓⲥ
·ⲁⲓⲉⲓⲉ
ⲡⲉⲓⲙⲁ
·
ⲁϥⲛⲉϩⲥⲉⲇⲉⲛ
ⲛⲉϥϩⲙϩⲁⲗⲙ
ⲡⲛⲁⲩⲙ
ⲡⲟⲩⲟⲉⲓⲛ
·ⲙⲛ
ⲛⲣⲱⲙⲉⲛⲧⲁⲩⲉⲓⲛⲙⲙⲁϥ
·
ⲁϥϫⲱⲉⲣⲟⲟⲩⲙ
ⲡϩⲟⲣⲟⲙⲁⲛⲧⲁϥⲛⲁⲩⲉⲣⲟϥ
·
ⲁⲩⲱⲛⲧⲉⲓϩⲉⲁϥϯⲛ
ϩⲉⲛⲛⲟϭⲛⲇⲱⲣⲟⲛ
ⲉⲩⲧⲁⲓⲏⲩⲉϩⲟⲩⲛⲉ
ⲡⲙⲁⲣⲧⲏⲣⲓⲟⲛⲉⲧϩⲛ
ⲧⲁⲛϯⲟⲭⲉⲓⲁ
·
ⲙⲛⲛⲥⲱⲥⲁϥⲁⲗⲉⲉ
ⲡϫⲟⲉⲓ
·
ⲁϥⲉⲓⲉ
ⲧⲡⲟⲗⲓⲥϩⲣⲱⲙⲏ
·
ⲁϥⲃⲱⲕⲉϩⲟⲩⲛⲉ
ⲡⲙⲁⲣⲧⲏⲣⲓⲟⲛⲙ
ⲡϩⲁⲅⲓⲟⲥⲃⲓⲕⲧⲱⲣ
·
ⲁϥⲉⲛⲕⲟⲧⲕⲉϥϣⲟⲟⲡϩⲛ
ⲟⲩⲛⲟϭⲛⲑⲗⲓⲯⲓⲥ
·
ⲁⲩⲱⲛⲉϥⲥⲟⲡⲥⲡⲙ
ⲡⲛⲟⲩⲧⲉⲙ
ⲡⲙⲁⲣⲧⲩⲣⲟⲥⲉⲧⲟⲩⲁⲁⲃ
ⲉϥϫⲱⲙⲙⲟⲥ·ϫⲉ
ⲡⲁϫⲟⲉⲓⲥⲡϩⲁⲅⲓⲟⲥⲃⲓⲕⲧⲱⲣ·ⲡⲉⲛⲧⲁϥⲁⲁⲧⲛ
ⲙⲡϣⲁⲛ
ⲛⲁⲩ
ⲉ
ⲡⲉϥⲉⲟⲟⲩϩⲙ
ⲡⲉϥⲙⲁⲣⲧⲏⲣⲓⲟⲛⲉⲧϩⲛ
ⲧⲁⲛϯⲟⲭⲉⲓⲁ
·
ⲁⲕⲟⲩⲉϩⲥⲁϩⲛⲉⲛⲁⲓⲉⲧⲣⲁⲉⲓⲉ
ⲡⲉⲓⲙⲁ
·
ϯⲡⲓⲥⲧⲉⲩⲉ
ⲡⲁϫⲟⲉⲓⲥϫⲉ
ⲧⲉⲕϭⲟⲙ
ⲙⲟⲩϩϩⲙ
ⲡⲕⲟⲥⲙⲟⲥⲧⲏⲣϥ
·ⲛⲧϩⲉⲙ
ⲡⲣⲏⲉⲧⲣⲟⲩⲟⲉⲓⲛⲉ
ⲧⲟⲓⲕⲟⲩⲙⲏⲛⲏ
·
ⲙⲁⲣⲉⲡⲉⲕⲛⲁⲧⲁϩⲟⲓⲛⲅⲭⲁⲣⲓⲍⲉⲛⲁⲓⲙ
ⲡⲧⲁⲗϭⲟ
·ϫⲉⲁⲓϩⲓⲥⲉⲉⲙⲁⲧⲉ·
ⲁⲩⲱⲛⲧⲉⲣⲉϥϫⲉ
ⲛⲁⲓ
ⲁϥⲛⲕⲟⲧⲕⲉ
ⲣⲟⲩϩⲉ
·
ⲙⲛⲛⲥⲱⲥⲁϥⲧⲣⲉⲩⲉⲓⲛⲉⲛⲁϥⲛ
ⲟⲩⲕⲟⲩⲓⲙⲙⲟⲟⲩ
·ϩⲙ
ⲡⲗⲟⲩⲧⲏⲣⲙ
ⲡⲉⲑⲩⲥⲓⲁⲥⲧⲏⲣⲓⲟⲛ
·
ⲁϥⲥⲟⲟϥⲕⲁⲧⲁ
ⲡⲉⲛⲧⲁ
ⲡϩⲁⲅⲓⲟⲥⲃⲓⲕⲧⲱⲣ
ϫⲟⲟϥⲛⲁϥ
·ⲁⲩⲱⲛⲧⲉⲩⲛⲟⲩⲁ
ⲡⲛⲟⲩⲧⲉⲙ
ⲡϩⲁⲅⲓⲟⲥⲃⲓⲕⲧⲱⲣ
ⲉⲓⲛⲉⲛⲁϥⲛ
ⲟⲩⲁⲛⲁⲡⲁⲩⲥⲓⲥ
·
ⲁϥⲱⲃϣⲡⲁⲣⲁ
ⲧⲉϥⲥⲩⲛⲏⲑⲉⲓⲁⲛ
ⲧⲉⲩϣⲏⲧⲏⲣⲥ
·
ϩⲙ
ⲡⲛⲁⲩ
ⲇⲉⲙ
ⲡⲟⲩⲟⲉⲓⲛ
ⲁϥⲉⲓϣⲁⲣⲟϥⲛϭⲓ
ⲡⲙⲁⲣⲧⲩⲣⲟⲥ
ϩⲛ
ⲟⲩⲛⲟϭⲛⲉⲟⲟⲩ
·
ⲡⲉϫⲁϥⲛⲁϥϩⲛ
ⲟⲩϩⲟ
ⲉϥⲣⲟⲟⲩⲧ
ϫⲉⲁⲕⲥⲟⲩⲱⲛⲧ·
ⲡⲉϫⲁϥⲛⲁϥϫⲉⲁϩⲉ
ⲡⲁϫⲟⲉⲓⲥ
ⲁⲓⲥⲟⲩⲱⲛⲅϫⲉⲛⲧⲟⲕⲡⲉ
ⲡϩⲁⲅⲓⲟⲥⲃⲓⲕⲧⲱⲣ
·
ⲛⲧⲟⲕⲡⲉⲛⲧⲁⲕⲟⲩⲱⲛϩⲛⲁⲓⲉⲃⲟⲗϩⲙ
ⲡⲉⲕⲙⲁⲣⲧⲏⲣⲓⲟⲛ
ϩⲛ
ⲧⲁⲛϯⲟⲭⲉⲓⲁ
·
ⲁⲕⲧⲛⲛⲟⲟⲩⲧⲉ
ⲡⲉⲓⲙⲁ
·
ⲡⲉϫⲉ
ⲡⲉⲧⲟⲩⲁⲁⲃ
ⲛⲁϥ·ϫⲉⲙⲡⲉⲓϫⲟⲟⲥⲛⲁⲕⲛ
ⲕⲉⲥⲟⲡ
ϫⲉ
ⲧⲁϭⲟⲙ
ⲙⲟⲩϩⲙ
ⲙⲁⲛⲓⲙ
·ⲁⲩⲱ
ⲧⲉⲓⲇⲩⲛⲁⲙⲓⲥⲛⲟⲩⲱⲧⲧⲉⲧⲙⲏⲛⲉⲃⲟⲗϩⲛ
ⲛⲁⲙⲁⲣⲧⲏⲣⲓⲟⲛⲧⲏⲣⲟⲩ
·ϫⲓⲛϫⲱϥⲙ
ⲡⲕⲁϩ
ϣⲁϫⲱϥ·
ⲉⲥⲧⲁⲗϭⲟⲛ
ⲟⲩⲟⲛⲛⲓⲙⲉⲧⲛⲁⲡⲓⲥⲧⲉⲩⲉⲁϫⲛⲣϩⲏⲧ
ⲥⲛⲁⲩ
·
ⲙⲏⲛⲅⲥⲱⲧⲙⲁⲛⲉ
ⲡⲉⲧⲥⲏϩ
·ϫⲉⲟⲩⲛϭⲟⲙⲉ
ϩⲱⲃⲛⲓⲙⲙ
ⲡⲉⲧⲡⲓⲥⲧⲉⲩⲉ
·
ⲁϥⲟⲩⲱϣⲃⲛϭⲓ
ⲡⲣⲱⲙⲉ
ϫⲉϯⲡⲓⲥⲧⲉⲩⲉ
ⲡⲁϫⲟⲉⲓⲥ
ϫⲉ
ⲧⲉⲕϭⲟⲙ
ⲙⲟⲩϩⲙ
ⲙⲁⲛⲓⲙ
·ⲁⲗⲗⲁⲛⲧⲁⲓⲥⲱⲧⲙⲉⲧⲃⲉ
ⲛϭⲟⲙⲉⲧϣⲟⲟⲡⲉⲃⲟⲗϩⲙ
ⲡⲉⲕⲙⲁⲣⲧⲏⲣⲓⲟⲛⲉⲧϩⲛ
ⲧⲁⲛϯⲟⲭⲉⲓⲁ
·
ⲁⲓⲉⲓⲉⲓϣⲓⲛⲉⲛⲥⲁ
ⲡⲧⲁⲗϭⲟⲙ
ⲡⲁⲥⲱⲙⲁ
·
ⲡⲉϫⲉ
ⲡⲡⲉⲧⲟⲩⲁⲁⲃ
ⲛⲁϥ·ϫⲉⲛⲧϩⲉⲙ
ⲡⲁⲙⲁⲣⲧⲏⲣⲓⲟⲛⲉⲧϩⲛ
ⲧⲁⲛϯⲟⲭⲉⲓⲁ
·
ⲧⲁⲓ
ⲧⲉⲧϩⲉⲙ
ⲡⲁϩⲣⲱⲙⲏ
·
ⲁⲩⲱ
ⲛⲉⲕⲕⲗⲏⲥⲓⲁⲧⲏⲣⲟⲩⲙ
ⲡⲕⲁϩ
·ⲛⲧⲁⲩⲕⲟⲧⲟⲩϩⲙ
ⲡⲁⲣⲁⲛ
·ϫⲓⲛϫⲱϥⲙ
ⲡⲕⲁϩ
ϣⲁϫⲱϥ
·ⲧⲁϭⲟⲙ
ⲉⲛⲉⲣⲅⲏ
ⲛϩⲏⲧⲟⲩⲙ
ⲛⲉⲧⲛⲁⲡⲓⲥⲧⲉⲩⲉϣⲁ
ⲧⲥⲩⲛⲧⲉⲗⲉⲓⲁⲙ
ⲡⲓⲁⲓⲱⲛ
·
ⲉⲓⲑⲉⲣⲁⲡⲉⲩⲉⲛ
ⲛϣⲱⲛⲉⲉⲧⲧϩⲏⲡⲙⲛ
ⲛⲉⲧⲟⲩⲟⲛϩⲉⲃⲟⲗ
·ϩⲓⲧⲛ
ⲧⲉⲭⲁⲣⲓⲥⲛⲧⲁ
ⲡⲛⲟⲩⲧⲉ
ⲧⲁⲁⲥⲛⲁⲓ
:—ⲙⲛ
ⲛⲉⲧⲟⲩⲁⲁⲃⲧⲏⲣⲟⲩ
·
ⲧⲉⲛⲟⲩⲇⲉⲉⲓⲥϩⲏⲏⲧⲉⲁⲓⲭⲁⲣⲓⲍⲉⲛⲁⲕⲙ
ⲡⲟⲩϫⲁⲓ
ⲡⲣⲟⲥⲉⲭⲉϭⲉⲧⲉⲛⲟⲩⲉ
ⲡⲟⲩϫⲁⲓⲛ
ⲧⲉⲕⲯⲩⲭⲏ
·ϫⲉⲕⲁⲥⲛⲛⲉ
ⲡⲉⲧϩⲟⲟⲩⲉ
ⲡⲁⲓ
ϣⲱⲡⲉⲙⲙⲟⲕ·
ⲛⲧⲉⲣⲉ
ⲡϩⲁⲅⲓⲟⲥ
ⲇⲉ
ⲁⲡⲁⲃⲓⲕⲧⲱⲣ
ϫⲉⲛⲁⲓⲙ
ⲡⲣⲱⲙⲉ
ⲁϥϩⲟⲡϥⲉⲣⲟϥ·
ⲁϥⲛⲉϩⲥⲉⲛ
ϩⲧⲟⲟⲩⲉ
·
ⲁϥϩⲉⲉ
ⲡⲉϥϣⲱⲛⲉ
ⲁϥⲡⲱϩϩⲙ
ⲡⲉϥⲥⲁⲛϩⲟⲩⲛⲉⲧⲉ
ⲡⲉⲭⲁⲗⲕⲓⲛⲱ
ⲡⲉ
·
ⲁϥⲕⲁ
ⲃⲟⲗⲛⲟⲩ
ⲙⲏⲏϣⲉⲛⲙⲟⲩⲛⲃⲱⲱⲛ
ϩⲛ
ⲧⲉϥⲧⲁⲡⲣⲟ
·
ⲁϥⲣⲧϩⲉⲛⲧⲉⲩⲛⲟⲩⲟⲩϩⲱⲥⲙ
ⲡⲉϥϣⲱⲛⲉ
ⲉⲡⲧⲏⲣϥ·
ⲁⲩⲱⲁϥϯ
ⲡⲥⲟⲉⲓⲧⲛ
ⲛⲉⲛⲧⲁ
ⲡϩⲁⲅⲓⲟⲥⲃⲓⲕⲧⲱⲣ
ϫⲟⲟⲩⲛⲁϥϩⲛ
ⲧⲡⲟⲗⲓⲥⲧⲏⲣⲥ
·
ⲁⲩⲱϫⲓⲛ
ⲡⲉϩⲟⲟⲩⲉⲧⲙⲙⲁⲩ
·
ⲣⲱⲙⲉⲛⲓⲙⲉϥϣⲱⲛⲉϩⲛ
ϣⲱⲛⲉϩⲛ
ϣⲱⲛⲉⲛⲓⲙ
·ⲉⲩϣⲁⲛⲃⲱⲕⲉ
ⲡⲧⲟⲡⲟⲥⲙ
ⲡⲡⲉⲧⲟⲩⲁⲁⲃ
·ϣⲁϥⲭⲁⲣⲓⲍⲉⲛⲁⲩⲙ
ⲡⲧⲁⲗϭⲟ
·
ⲡⲣⲱⲙⲉ
ⲇⲉⲁϥϯⲛ
ϩⲉⲛⲛⲟϭⲛⲇⲱⲣⲟⲛ
·ⲉϩⲟⲩⲛⲉ
ⲡⲧⲟⲡⲟⲥⲙ
ⲡϩⲁⲅⲓⲟⲥⲃⲓⲕⲧⲱⲣ
·
ⲁϥⲃⲱⲕⲉ
ⲡⲉϥⲏⲓ
ⲉϥϯⲉⲟⲟⲩⲙ
ⲡⲛⲟⲩⲧⲉ
·ⲁⲩⲱⲛⲉϥⲁⲓⲧⲉⲓⲙ
ⲡϩⲁⲅⲓⲟⲥⲃⲓⲕⲧⲱⲣ
ⲛⲃⲟⲏⲑⲟⲥⲛⲁϥϩⲛ
ⲛⲉϥⲑⲗⲓⲯⲓⲥⲧⲏⲣⲟⲩ
·ⲉϥⲛⲏⲥⲧⲉⲩⲉⲁⲩⲱⲉϥϣⲗⲏⲗ·ϣⲁ
ⲡⲉϩⲟⲟⲩ
ⲙⲡϥⲙⲟⲩ:—
ⲁⲧⲉⲧⲛⲛⲁⲩⲱⲛⲁⲙⲉⲣⲁⲁⲧⲉ·ϫⲉⲉⲩϭⲙϭⲟⲙⲛⲁϣⲛϩⲉ·ⲛϭⲓ
ⲛⲉϣⲡⲏⲣⲉⲙ
ⲡⲉⲓⲡⲉⲧⲟⲩⲁⲁⲃⲉⲧⲛⲣϣⲁⲛⲁϥⲙ
ⲡϩⲟⲟⲩ
·
ⲁⲩⲱϫⲉ
ⲛⲉⲓϭⲟⲙ
ⲉⲛⲉⲣⲅⲉⲓϩⲛ
ⲛⲉϥⲙⲁⲣⲧⲩⲣⲓⲟⲛⲧⲏⲣⲟⲩⲛ
ⲛⲉⲧⲛⲁⲡⲓⲥⲧⲉⲩⲉ
·
ⲁⲛⲟⲛϩⲱⲱⲛⲙⲁⲣⲛⲡⲓⲥⲧⲉⲩⲉϩⲙ
ⲡⲉⲛϩⲏⲧⲧⲏⲣϥ
·ⲉ
ⲛϭⲟⲙⲙⲛ
ⲛⲉϣⲡⲏⲣⲉⲙ
ⲡⲉⲓⲡⲉⲧⲟⲩⲁⲁⲃ
·ϫⲉⲕⲁⲥⲉϥⲛⲁⲥⲟⲡⲥⲡⲉϫⲱⲛⲛⲛⲁϩⲣⲛ
ⲡⲛⲟⲩⲧⲉ
·
ⲡⲉⲧⲛⲁⲣⲁⲡⲓⲥⲧⲟⲥ
ⲅⲁⲣⲉ
ⲛϭⲟⲙⲛ
ⲛⲉⲧⲟⲩⲁⲁⲃ
ⲟⲩⲙⲟⲛⲟⲛϫⲉⲙⲛ
ϩⲏⲩ
ⲛⲁϣⲱⲡⲉⲛⲁϥ·ⲁⲗⲗⲁϥⲛⲁϣⲱⲡⲉⲛⲁϥⲉ
ⲟⲩⲕⲣⲓⲙⲁ
·ⲉⲓⲧⲁϫⲉⲛⲛⲉⲛϫⲉⲣⲉ
ⲡϣⲁϫⲉ
ⲉⲃⲟⲗ·
ⲙⲁⲣⲛⲕⲧⲟⲛⲛⲧⲛϫⲱⲉⲣⲱⲧⲛⲛ
ⲧⲉⲓⲕⲉⲛⲟϭⲛϣⲡⲏⲣⲉ
·ⲛⲧⲁⲥϣⲱⲡⲉϩⲙ
ⲡⲧⲟⲡⲟⲥⲙ
ⲡϩⲁⲅⲓⲟⲥⲁⲡⲁⲃⲓⲕⲧⲱⲣ
ⲉⲩⲉⲟⲟⲩⲙ
ⲡⲛⲟⲩⲧⲉ
ⲙⲛ
ⲛⲉϥⲡⲉⲧⲟⲩⲁⲁⲃ
·
ⲛⲉⲩⲛ
ⲟⲩⲣⲱⲙⲉ
ϩⲛ
ⲧⲉⲓⲡⲟⲗⲓⲥ
ⲉ
ⲡⲉϥⲣⲁⲛ
ⲡⲉ
ⲁⲛⲁⲥⲧⲁⲥⲓⲟⲥ
·
ⲟⲩⲣⲙⲙⲁⲟⲉⲙⲁⲧⲉⲡⲉ·ⲉϥⲧⲁⲓⲏⲩϩⲙ
ⲡⲉϥⲅⲉⲛⲟⲥ
·
ⲡⲁⲓ
ⲇⲉⲙⲛⲛⲥⲁⲧⲣⲉϥⲁⲁⲓϩⲛ
ⲛⲉϥϩⲟⲟⲩ
ⲛϥⲣ
ϣⲉⲛⲣⲟⲙⲡⲉ
·
ⲁϥϩⲉⲉ
ⲡϣⲱⲛⲉⲉⲧⲟⲩⲙⲟⲩⲧⲉⲉⲣⲟϥϩⲓⲧⲛ
ⲛⲥⲁⲉⲓⲛ
ϫⲉ
ⲛⲉⲗⲏⲫⲁⲥ
·
ⲁⲩⲱⲁϥϭⲱϭⲧⲏⲣϥ·ⲁϥⲥⲱⲃϩⲛⲧϩⲉⲛ
ⲟⲩⲭⲓⲱⲛ
·ϩⲱⲥⲧⲉⲛϥϣⲓⲡⲉⲛ
ϩⲁϩⲛⲥⲟⲡ
·ⲉⲧⲃⲉ
ⲛⲣⲱⲙⲉⲉⲧⲛⲁⲩⲉⲣⲟϥ·ϫⲉⲁ
ⲡⲉϥⲥⲱⲙⲁ
ⲣⲧⲟⲉⲛⲧϩⲉⲛ
ⲟⲩⲡⲁⲣⲇⲁⲗⲓⲥ
·
ⲁⲩⲱⲛⲉϥϣⲟⲟⲡϩⲛ
ⲟⲩⲛⲟϭⲛⲙⲕⲁϩⲛ
ϩⲏⲧ
ⲉⲧⲃⲉ
ⲡⲉⲓϩⲱⲃ·ⲉⲃⲟⲗϫⲉⲛⲉϥϣⲓⲡⲉⲉⲃⲱⲕⲉ
ⲡⲡⲁⲗⲗⲁϯⲟⲛ
·ⲟⲩⲇⲉⲉⲡⲣⲟⲉⲗⲑⲉϩⲛ
ⲧⲁⲅⲱⲣⲁ
·ⲉⲧⲃⲉ
ⲡⲉⲛⲧⲁϥϣⲱⲡⲉⲙⲙⲟϥ
·
ⲙⲛⲛⲥⲁ
ⲛⲁⲓ
ⲁ
ⲡⲛⲟⲩⲧⲉ
ⲧⲁⲁⲥⲉ
ⲡⲉϥϩⲏⲧ
ⲉⲧⲣⲉϥⲃⲱⲕⲉ
ⲡⲙⲁⲣⲧⲏⲣⲓⲟⲛⲙ
ⲡϩⲁⲅⲓⲟⲥ
ⲁⲡⲁⲃⲓⲕⲧⲱⲣ
ⲛϥⲥⲡⲥⲱⲡϥ·ⲡⲁⲛⲧⲱⲥⲛϥⲧⲁⲗϭⲟϥϩⲙ
ⲡⲉϥϣⲱⲛⲉ
·
ⲉⲡⲉⲓⲇⲏⲛⲉϥⲑⲉⲱⲣⲉⲓⲛ
ϩⲟⲓⲛⲉⲉⲩϣⲱⲛⲉϩⲛ
ϩⲉⲛϣⲱⲛⲉ
ⲉⲩϣⲟⲃⲉ·
ⲁⲩⲱⲉⲩϣⲁⲛⲃⲱⲕⲉ
ⲡⲉϥⲙⲁⲣⲧⲏⲣⲓⲟⲛ
ϣⲁⲩⲙⲁⲁⲧⲉⲙ
ⲡⲧⲁⲗϭⲟ
·ⲛⲥⲉⲃⲱⲕⲉ
ⲛⲉⲩⲏⲓ
ⲉⲩϯⲉⲟⲟⲩⲙ
ⲡⲛⲟⲩⲧⲉ
·
ⲛⲧⲉⲓϩⲉϭⲉⲁϥⲧⲱⲟⲩⲛϩⲛ
ⲟⲩⲡⲓⲥⲧⲓⲥ
·
ⲁϥⲃⲱⲕⲉ
ⲡⲧⲟⲡⲟⲥⲙ
ⲡϩⲁⲅⲓⲟⲥⲁⲡⲁⲃⲓⲕⲧⲱⲣ
ⲙⲛ
ⲛⲉϥϩⲙϩⲁⲗ
·ⲙⲛ
ϩⲉⲛⲛⲟϭⲛⲁⲛϩⲟⲗⲟⲙⲁ
·
ⲁϥⲣϩⲟⲟⲩ
ⲥⲛⲁⲩ
ϩⲙ
ⲡⲙⲁⲉⲧⲟⲩⲁⲁⲃ
ⲉϥⲥⲟⲡⲥⲡⲙ
ⲡϩⲁⲅⲓⲟⲥⲃⲓⲕⲧⲱⲣ
·ⲉⲧⲣⲉϥⲣⲁⲛⲁϥⲛϥⲧⲁⲗϭⲟϥϩⲙ
ⲡⲉϥⲥⲱⲃϩ
·
ⲁⲩⲱⲛⲉϥϫⲱⲙⲙⲟⲥ·ϫⲉ
ⲡϩⲁⲅⲓⲟⲥⲃⲓⲕⲧⲱⲣ
·ϯⲡⲓⲥⲧⲉⲩⲉϩⲙ
ⲡⲁϩⲏⲧⲧⲏⲣϥ
ϫⲉⲟⲩⲛϭⲟⲙⲙⲙⲟⲕⲉⲧⲁⲗϭⲟⲓϩⲙ
ⲡⲉⲓⲥⲱⲃϩ
·
ⲃⲟⲏⲑⲉⲓⲉⲣⲟⲓϫⲉϯϣⲓⲡⲉⲉⲧⲣⲉ
ⲣⲱⲙⲉ
ⲛⲁⲩⲉⲣⲟⲓ·ⲉⲧⲃⲉ
ⲡⲉⲛⲧⲁϥϣⲱⲡⲉⲙⲙⲟⲓ
·
ⲛⲧⲉⲣⲉϥⲣϩⲟⲟⲩ
ⲥⲛⲁⲩ
ϩⲙ
ⲡⲙⲁⲣⲧⲏⲣⲓⲟⲛ
·ⲉⲓⲥ
ⲟⲩⲣⲱⲙⲉⲉϥⲫⲗⲉⲅⲙⲁⲉ
ⲛⲉϥⲃⲁⲗ
·ⲁⲩⲱϩⲓⲧⲙⲡⲉϩⲟⲩⲟⲙ
ⲡⲉⲧⲕⲁⲥⲉⲧϩⲓϫⲱϥ
·ⲁ
ⲛⲗⲉⲩⲕⲱⲙⲁ
ϣⲱⲡⲉϩⲛ
ⲛⲉϥⲃⲁⲗ
·
ⲁϥⲗⲟⲉϥⲛⲁⲩⲉⲃⲟⲗⲉ
ⲧⲉϥϩⲟⲣⲁⲥⲓⲥⲙⲙⲓⲛⲙⲙⲟϥ
·
ⲁϥⲁⲛϩⲁⲗⲓⲥⲕⲉⲙ
ⲡⲉⲧϣⲟⲟⲡⲛⲁϥⲧⲏⲣϥ
ⲛ
ⲛⲥⲁⲉⲓⲛ
·
ⲙⲡⲉ
ⲗⲁⲁⲩⲛ
ⲑⲉⲣⲁⲡⲓ
ϣⲱⲡⲉⲛⲁϥ
ⲉ
ⲡϩⲁⲏ
ⲇⲉⲛⲧⲉⲣⲉϥⲥⲱⲧⲙⲉⲧⲃⲉ
ⲛϭⲟⲙⲙ
ⲡϩⲁⲅⲓⲟⲥⲃⲓⲕⲧⲱⲣ
·ⲁϥⲧⲣⲉ
ⲛⲣⲱⲙⲉ
ϫⲓⲧϥⲉ
ⲡⲉϥⲙⲁⲣⲧⲏⲣⲓⲟⲛ
ⲉϥϣⲟⲟⲡϩⲛ
ⲟⲩⲛⲟϭⲛ
ⲧⲕⲁⲥ
·
ⲁⲩϫⲧⲟϥϩⲓϫⲛ
ⲟⲩⲙⲁⲛ
ⲛⲕⲟⲧⲕ
ϩⲓⲧⲟⲩⲱϥⲙ
ⲡⲉⲧⲥⲟⲃϩ
·
ⲁⲩⲱⲛⲉϥⲥⲟⲡⲥⲡⲙ
ⲡⲛⲟⲩⲧⲉⲙ
ⲡϩⲁⲅⲓⲟⲥⲃⲓⲕⲧⲱⲣ
ⲉϥϫⲱⲙⲙⲟⲥϫⲉⲡⲁ
ϫⲟⲉⲓⲥ
ⲡⲉⲥⲧⲣⲁⲧⲏⲗⲁⲧⲏⲥ
ⲛⲁⲛⲁⲓ·ⲛⲅⲭⲁⲣⲓⲍⲉⲛⲁⲓⲙ
ⲡⲟⲩⲟⲉⲓⲛⲛ
ⲛⲁⲃⲁⲗ
·
ⲧⲉϣⲡⲏⲣⲉⲛⲧⲁⲥϣⲱⲡⲉⲙ
ⲡⲛⲁⲩⲉⲧⲙⲙⲁⲩ
·ⲛⲧⲛⲛⲁϣⲕⲁ
ⲣⲱⲛ
ⲉⲣⲟⲥⲁⲛ·
ϩⲛ
ⲧⲉⲟⲩϣⲏⲇⲉⲉⲧⲙⲙⲁⲩ
ⲁ
ⲡⲛⲟⲩⲧⲉ
ⲥⲱⲧⲙⲉ
ⲟⲩⲟⲛⲛⲓⲙⲉⲧⲱϣⲉϩⲣⲁⲓⲉⲣⲟϥϩⲛⲟⲩⲙⲉ
·ⲁϥⲣϩⲛⲁϥⲉⲑⲉⲣⲁⲡⲉⲩⲉⲙ
ⲡⲣⲱⲙⲉⲥⲛⲁⲩ
ⲙⲛⲛⲉⲩⲉⲣⲏⲩ·ϩⲓⲧⲛ
ⲛⲉⲡⲣⲉⲥⲃⲉⲓⲁⲙ
ⲡϩⲁⲅⲓⲟⲥⲃⲓⲕⲧⲱⲣ·ⲡⲁⲓⲉⲧⲉⲓⲣⲉⲛ
ⲛⲉⲓϣⲡⲏⲣⲉ
ⲙⲛ
ⲛⲉⲓϭⲟⲙ
·
ⲁⲥϣⲱⲡⲉⲇⲉϩⲛ
ⲧⲉⲟⲩϣⲏⲉⲧⲙⲙⲁⲩ
·ⲛⲧⲉⲣⲉ
ⲡⲣⲱⲙⲉⲉⲧⲥⲟⲃϩ
ⲟⲩⲱⲙⲙⲛ
ⲛⲉϥϩⲙϩⲁⲗ
ⲛⲥⲉⲛⲕⲟⲧⲕⲛⲥⲉⲱⲃϣ·ⲁ
ⲡϩⲁⲅⲓⲟⲥⲃⲓⲕⲧⲱⲣ
ϣⲛϩⲧⲏϥϩⲁ
ⲧⲥⲩⲙⲫⲟⲣⲁⲙ
ⲡⲉⲧⲥⲟⲃϩⲙⲛ
ⲡⲃⲗⲗⲉ
·
ⲁϥⲣϩⲛⲁϥⲉⲟⲩⲱⲛϩⲉⲃⲟⲗⲛ
ⲛⲉϥϣⲡⲏⲣⲉ
·
ⲁϥⲉⲓϣⲁ
ⲡⲉⲧⲥⲟⲃϩⲛ
ⲧⲉⲩϣⲏ
ⲉϥⲫⲟⲣⲉⲓⲛ
ⲟⲩⲛⲟϭⲛⲉⲟⲟⲩⲉⲣⲉ
ⲡⲉϥϩⲟ
ⲣⲟⲩⲟⲉⲓⲛⲉⲙⲁⲧⲉ
·
ⲡⲉϫⲁϥⲛⲁϥ·ϫⲉⲁⲕⲥⲟⲩⲱⲛⲧϫⲉⲁⲛⲅⲛⲓⲙ·
ⲁϥⲟⲩⲱϣⲃϫⲉⲙⲡⲉ
ⲡⲁϫⲟⲉⲓⲥ
·
ⲡⲉϫⲉ
ⲡⲡⲉⲧⲟⲩⲁⲁⲃ
ⲛⲁϥϫⲉⲁⲛⲟⲕⲡⲉ
ⲃⲓⲕⲧⲱⲣⲡⲉⲧⲉⲕⲥⲟⲡⲥⲡⲙⲙⲟϥⲙⲙⲏⲛⲉ
·
ⲁⲛⲟⲕⲡⲉ
ⲡⲉⲓⲱⲧⲙ
ⲡⲉⲙⲁⲣⲧⲏⲣⲓⲟⲛ
·
ⲧⲉⲛⲟⲩⲇⲉⲉϣϫⲉⲕⲟⲩⲱϣⲉⲧⲃⲃⲟϩⲙ
ⲡⲥⲱⲃϩ
ⲉⲕϣⲁⲛⲧⲱⲟⲩⲛⲉ
ϩⲧⲟⲟⲩⲉ
·ⲁⲙⲁϩⲧⲉⲛ
ⲧϭⲓϫⲙ
ⲡⲉⲓⲃⲗⲗⲉⲉⲧⲛⲕⲟⲧⲕϩⲓⲧⲟⲩⲱⲕ
·ⲛⲅⲥⲱⲕⲙⲙⲟϥ·ⲛⲅⲃⲱⲕⲉⲡⲉⲥⲏⲧⲉ
ⲡⲗⲁⲕⲕⲟⲥⲉⲧϩⲓⲣⲙ
ⲡⲣⲟⲙ
ⲡⲙⲁⲣⲧⲏⲣⲓⲟⲛ
·
ⲛⲧⲉⲧⲛⲱⲙⲥⲛϩⲏⲧϥⲛ
ϣⲟⲙⲛⲧⲛⲥⲟⲡ
·ⲉ
ⲡⲣⲁⲛⲙ
ⲡⲉⲓⲱⲧ
ⲙⲛ
ⲡϣⲏⲣⲉ
ⲙⲛ
ⲡⲉⲡⲛⲉⲩⲙⲁⲉⲧⲟⲩⲁⲁⲃ
·
ⲁⲩⲱⲕⲛⲁⲛⲁⲩⲉ
ⲧⲁϭⲟⲙ
ⲛⲧⲟⲕⲙⲉⲛ
ⲡⲉⲕⲥⲟⲃϩ
ⲛⲁⲗⲟϩⲓⲱⲱⲕ·ⲁⲩⲱ
ⲡⲃⲗⲗⲉ
ⲛⲁⲛⲁⲩⲉⲃⲟⲗ·
ⲙⲟⲛⲟⲛⲙⲡⲣⲁⲙⲉⲗⲉⲓⲉ
ⲡⲉⲛⲧⲁϥϫⲟⲟϥⲛⲁⲕ
·ⲁⲩⲱⲕⲛⲁⲟⲩϫⲁⲓ·
ⲛⲁⲓ
ⲇⲉⲛⲧⲉⲣⲉ
ⲡϩⲁⲅⲓⲟⲥⲃⲓⲕⲧⲱⲣ
ϫⲟⲟⲩⲙ
ⲡⲉⲧⲥⲟⲃϩ
·ⲁϥⲉⲓⲉⲃⲟⲗϩⲓⲧⲟⲟⲧϥ·
ⲛⲧⲉⲩⲛⲟⲩⲇⲉⲁϥⲛⲉϩⲥⲉϩⲙ
ⲡϩⲟⲣⲟⲙⲁ
·ⲉϥϣⲧⲣⲧⲱⲣϩⲁ
ⲧϩⲟⲧⲉ
·
ⲁⲩⲱⲁϥϣⲱⲗⲙⲉ
ⲩⲛⲟϭⲛⲥϯⲛⲟⲩϥⲉ
·ⲙ
ⲡⲕⲱⲧⲉⲙ
ⲡⲉϥⲙⲁⲛ
ⲛⲕⲟⲧⲕ
·ⲛⲧϩⲉⲛ
ⲟⲩⲑⲩⲙⲓⲁ
ⲉϥⲥⲟⲧⲡ·
ⲡⲉϫⲁϥϩⲣⲁⲓⲛϩⲏⲧϥ·ϫⲉⲛⲁⲙⲉ
ⲡϩⲁⲅⲓⲟⲥⲃⲓⲕⲧⲱⲣ
ⲡⲉ
ⲡⲁⲓⲛⲧⲁϥⲉⲓϣⲁⲣⲟⲓ
·ϫⲉⲉϥⲛⲁⲭⲁⲣⲓⲍⲉⲛⲁⲓⲙ
ⲡⲧⲁⲗϭⲟ
·
ⲁⲩⲱⲁϥⲣⲁϣⲉⲉⲙⲁⲧⲉⲁϥⲥⲙⲟⲩⲉ
ⲡⲛⲟⲩⲧⲉ
·ⲡⲗⲏⲛⲁϥⲕⲁ
ⲡϣⲁϫⲉ
ϩⲙ
ⲡⲉϥϩⲏⲧ
ⲉϥϫⲱⲙⲙⲟⲥ·ϫⲉϯⲛⲁϫⲱⲁⲛⲙ
ⲡϩⲟⲣⲟⲙⲁ
ⲉ
ⲗⲁⲁⲩ
·
ⲉϥϭⲱϣⲧⲉ
ⲧϩⲁⲏⲙ
ⲡϩⲱⲃ
·
ⲁⲩⲱⲛⲧⲉⲣⲉ
ⲡⲟⲩⲟⲉⲓⲛ
ⲉⲓⲉϩⲣⲁⲓ·ⲡⲉϫⲉ
ⲡⲉⲧⲥⲟⲃϩⲙ
ⲡⲃⲗⲗⲉ
·ϫⲉϩⲁⲣⲏⲩⲕⲛⲁⲧⲱⲟⲩⲛⲛⲧⲛⲃⲱⲕⲉⲡⲉⲥⲏⲧⲉ
ⲡⲗⲁⲕⲕⲟⲥ
ⲛⲧⲛϫⲱⲕⲙ·
ⲁⲩⲱϯⲡⲓⲥⲧⲉⲩⲉⲉ
ⲡⲛⲟⲩⲧⲉⲙⲛ
ⲡⲉϥⲙⲁⲣⲧⲩⲣⲟⲥ
·ⲉⲧⲟⲩⲁⲁⲃ
·ϫⲉϥⲛⲁⲭⲁⲣⲓⲍⲉⲛⲁⲛⲙ
ⲡⲧⲁⲗϭⲟ
·
ⲡⲉϫⲉ
ⲡⲃⲗⲗⲉ
ⲙ
ⲡⲉⲧⲥⲟⲃϩ
·ϫⲉⲛⲧϩⲉⲉⲧⲉϩⲛⲁⲕⲁⲣⲓⲥ·
ⲙⲙⲟⲛⲉⲓⲥϩⲏⲏⲧⲉⲕⲛⲁⲩⲉ
ⲡⲁϩⲱϣ
ⲙⲛ
ⲧⲁⲑⲗⲓⲯⲓⲥ
·
ⲁⲗⲗⲁϯⲣϩⲟⲧⲉⲉϫⲱⲕⲙ·ⲉⲡⲉⲓⲇⲉ
ⲛⲥⲁⲉⲓⲛ
ϩⲱⲛⲉⲧⲟⲟⲧⲉⲧⲙϯⲙⲟⲟⲩⲉϫⲛ
ⲧⲁⲁⲡⲉ
·
ⲡⲉϫⲉ
ⲡⲉⲧⲥⲟⲃϩⲙ
ⲡⲃⲗⲗⲉ
·ϫⲉⲧⲱⲟⲩⲛⲛⲧⲛϫⲱⲕⲙ:ⲁⲩⲱⲟⲩⲛϭⲟⲙⲙ
ⲡⲛⲟⲩⲧⲉ
ⲉⲣ
ⲡⲉⲛⲙⲉⲉⲩⲉ
ⲛϥⲭⲁⲣⲓⲍⲉⲛⲁⲛⲙ
ⲡⲟⲩϫⲁⲓ
ϫⲉⲁ
ⲛϩⲓⲥⲉ
·
ⲡⲃⲗⲗⲉ
ⲇⲉⲁϥⲡⲉⲓⲑⲉⲉϫⲙ
ⲡϣⲁϫⲉ
·ⲁⲩⲱⲁ
ⲡⲉⲧⲥⲟⲃϩ
ⲁⲙⲁϩⲧⲉⲛ
ⲧⲉϥϭⲓϫ
ϩⲛ
ⲧⲙⲏⲏⲧⲉⲙ
ⲡⲙⲏⲏϣⲉⲧⲏⲣϥ
·
ⲁⲩⲃⲱⲕⲉⲡⲉⲥⲏⲧⲉ
ⲡⲗⲁⲕⲟⲥⲉⲧⲟⲩⲙⲟⲩϩⲛ
ⲛⲗⲉⲕⲁⲛⲏⲙ
ⲡⲧⲟⲡⲟⲥ
ⲛϩⲏⲧϥ
·
ⲁⲩⲱⲙⲥⲛ
ϣⲟⲙⲛⲧⲛⲥⲟⲡ
ⲉⲩϫⲱⲙⲙⲟⲥ·ϫⲉϩⲙ
ⲡⲣⲁⲛⲙ
ⲡⲉⲓⲱⲧ
ⲙⲛ
ⲡϣⲏⲣⲉ
ⲙⲛ
ⲡⲉⲡⲛⲉⲩⲙⲁⲉⲧⲟⲩⲁⲁⲃ
·ⲙⲛ
ⲡⲙⲁⲣⲧⲩⲣⲟⲥⲉⲧⲟⲩⲁⲁⲃ·ⲡϩⲁⲅⲓⲟⲥⲃⲓⲕⲧⲱⲣ
ⲛⲧⲉⲩⲛⲟⲩⲇⲉⲁ
ⲡⲉⲧⲥⲟⲃϩ
ⲗⲟ·ⲁ
ⲧⲉϥⲥⲁⲣⲝ
ⲣⲧϩⲉⲛⲧⲁ
ⲟⲩϣⲏⲣⲉϣⲏⲙ
·
ⲡⲃⲗⲗⲉ
ϩⲱⲱϥⲁ
ⲛⲗⲉⲩⲕⲱⲙⲁⲉⲧϩⲛ
ⲛⲉϥⲃⲁⲗ
ⲥⲱⲗⲡ
ⲁⲩϩⲉⲉⲡⲉⲥⲏⲧⲉ
ⲡⲉⲗⲁⲕⲕⲟⲥ
·ⲁ
ⲧⲉϥϩⲟⲣⲁⲥⲓⲥ
ⲥⲙⲓⲛⲉⲕⲁⲗⲱⲥ·
ⲁⲩⲱⲁⲩϫⲓϣⲕⲁⲕⲉⲃⲟⲗⲉⲩϫⲱⲙⲙⲟⲥϫⲉ
ⲟⲩⲁ
ⲡⲉ
ⲡⲛⲟⲩⲧⲉⲙ
ⲡϩⲁⲅⲓⲟⲥⲃⲓⲕⲧⲱⲣ
·
ⲡⲉⲧⲣⲡⲁϩⲣⲉⲉ
ⲟⲩⲟⲛⲛⲓⲙ
ϩⲛ
ⲧⲉϥϭⲟⲙⲉⲧⲟⲩⲁⲁⲃ
·
ⲡⲙⲏⲏϣⲉ
ⲇⲉⲉⲧⲥⲟⲟⲩϩⲉϩⲟⲩⲛⲉ
ⲡⲙⲁⲣⲧⲏⲣⲓⲟⲛ
·ⲛⲧⲉⲣⲟⲩⲥⲱⲧⲙⲉⲣⲟⲟⲩⲁⲩⲡⲱⲧⲉⲃⲟⲗⲉϫⲱⲟⲩϩⲛⲟⲩϭⲉⲡⲏⲉⲩⲑⲉⲱⲣⲉⲓⲙ
ⲡⲛⲟϭⲙⲙⲁⲉⲓⲛⲛⲧⲁϥϣⲱⲡⲉ
·
ⲁⲩⲱϣⲉⲃⲟⲗ·ϫⲉ
ⲛⲛⲟϭ
ⲛⲉ
ⲛϭⲟⲙⲙ
ⲡⲛⲟⲩⲧⲉ
·ⲙⲛ
ⲡϩⲁⲅⲓⲟⲥⲃⲓⲕⲧⲱⲣ
·
ⲟⲩⲛⲟϭⲡⲉϩⲙⲟⲧⲛⲧⲁ
ⲡⲛⲟⲩⲧⲉ
ⲁⲁϥⲛⲙⲙⲁⲛ
·
ⲁⲛⲙⲡϣⲁⲙ
ⲡⲉⲕⲙⲁⲣⲧⲏⲣⲓⲟⲛϩⲛ
ⲧⲉⲛⲡⲟⲗⲓⲥ
·ⲉⲓⲧⲁⲛⲧⲉⲣⲟⲩⲧⲁⲙⲟⲟⲩⲉ
ⲡⲉⲛⲧⲁϥϣⲱⲡⲉⲙⲙⲟⲟⲩ
·
ⲁ
ⲡⲉⲧⲥⲟⲃϩ
ⲁⲡⲟⲕⲁⲗⲉⲓⲉⲣⲟⲟⲩⲛ
ϩⲱⲃⲛⲓⲙ
·ⲛⲧϩⲉⲛⲧⲁ
ⲡϩⲁⲅⲓⲟⲥⲃⲓⲕⲧⲱⲣ
ϣⲁϫⲉⲛⲙⲙⲁϥϩⲙ
ⲡϩⲟⲣⲟⲙⲁ
·
ⲁⲩⲱⲁ
ⲡⲥⲟⲉⲓⲧⲛ
ⲧⲉⲓϣⲡⲏⲣⲉ
ⲙⲉϩ
ⲙⲁⲛⲓⲙ
·ⲁⲩⲱⲁⲓⲑⲉⲱⲣⲉⲓⲙⲙⲟⲥϩⲛ
ⲛⲁⲃⲁⲗ
ⲁⲛⲟⲕ
ⲡⲉⲓⲉⲗⲁⲭⲓⲥⲧⲟⲥⲉⲧϣⲁϫⲉⲛⲙⲙⲏⲧⲛϩⲙ
ⲡⲉⲓⲉⲛⲕⲱⲙⲓⲟⲛ
·
ⲡⲉⲧⲥⲟⲃϩ
ⲇⲉⲙⲛ
ⲡⲃⲗⲗⲉⲛⲧⲁ
ⲡⲧⲁⲗϭⲟ
ϣⲱⲡⲉⲛⲁⲩⲉⲃⲟⲗϩⲓⲧⲟⲟⲧϥⲙ
ⲡϩⲁⲅⲓⲟⲥⲃⲓⲕⲧⲱⲣ
·ⲁⲩϭⲱⲉⲩⲇⲓⲁⲕⲟⲛⲉⲓⲉ
ⲡⲉϥⲙⲁⲣⲧⲏⲣⲓⲟⲛ
ϣⲁ
ⲡⲉϩⲟⲟⲩⲙ
ⲡⲉϥⲙⲟⲩ
·ⲁⲩⲱⲛⲉⲩϫⲓⲛ
ϩⲣⲁⲩ
ⲉ
ⲡⲟⲩϫⲁⲓⲛ
ⲧⲉⲩⲯⲩⲭⲏ
·
ⲁⲩⲱ
ⲡⲗⲁⲕⲕⲟⲥⲛⲧⲁⲩϫⲱⲕⲙⲛϩⲏⲧϥ
·ⲁ
ⲩⲛⲟϭⲛϭⲟⲙⲛⲧⲉ
ⲡⲛⲟⲩⲧⲉ
ϣⲱⲡⲉⲛϩⲏⲧϥϣⲁϩⲟⲩⲛⲉ
ⲡϩⲟⲟⲩⲛϩⲟⲟⲩ
·ϩⲱⲥⲧⲉⲣⲱⲙⲉⲛⲓⲙⲉϥϣⲱⲛⲉⲕⲁⲛⲉϥⲥⲏϭ·ⲏⲉϥⲟⲛ
ⲇⲁⲓⲙⲟⲛⲓⲟⲛ
·ϩⲁⲡⲗⲱⲥⲉϥϣⲟⲟⲡϩⲛ
ϣⲱⲛⲉⲛⲓⲙ
·
ϫⲓⲛⲧⲉⲩⲛⲟⲩⲉⲧⲟⲩⲛⲁϫⲱⲕⲙϩⲙ
ⲡⲗⲁⲕⲕⲟⲥⲉⲧⲙⲙⲁⲩ
·ϣⲁⲩⲙⲁⲁⲧⲉⲙ
ⲡⲧⲁⲗϭⲟ
ⲛⲥⲉⲃⲱⲕⲉ
ⲛⲉⲩⲏⲓ
ⲉⲩϯⲉⲟⲟⲩⲙ
ⲡⲛⲟⲩⲧⲉ
·ⲙ
ⲡϩⲁⲅⲓⲟⲥⲃⲓⲕⲧⲱⲣ
:—
ⲉⲓⲛⲁϫⲉⲟⲩⲛⲧⲁⲕⲁⲟⲩϩⲛ
ⲛⲉⲕⲕⲁⲧⲱⲣⲑⲱⲙⲁ
·
ⲛⲓⲙϩⲛ
ⲛⲫⲓⲗⲟⲥⲟⲫⲟⲥⲧⲏⲣⲟⲩⲙ
ⲡⲕⲟⲥⲙⲟⲥ
·
ⲡⲉⲧⲛⲁϣⲉⲅⲕⲱⲙⲓⲁⲍⲉⲙⲙⲟⲕⲕⲁⲧⲁ
ⲡⲉⲕⲙⲡϣⲁ
·ⲱ
ⲡⲉⲛⲧⲁϥⲡⲁⲣϩⲓⲥⲧⲁⲙ
ⲡⲉϥⲥⲱⲙⲁ
·ⲛ
ⲟⲩⲑⲩⲥⲓⲁ
·ⲉⲥⲟⲛϩ·ⲉⲥⲟⲩⲁⲁⲃⲉⲥϣⲏⲡ·ⲉⲥⲣⲁⲛⲁϥⲙ
ⲡⲛⲟⲩⲧⲉ
·
ⲁⲕϣⲉⲡ
ϩⲉⲛⲛⲟϭⲛϩⲓⲥⲉ
ⲉϫⲙ
ⲡⲣⲁⲛⲙ
ⲡⲉⲭⲣⲓⲥⲧⲟⲥ
·ⲱ
ⲡⲅⲉⲛⲛⲁⲓⲟⲥⲁⲡⲁⲃⲓⲕⲧⲱⲣ
·
ⲟⲩⲛⲟϭ
ⲡⲉ
ⲡⲉⲟⲟⲩⲛⲧⲁ
ⲡⲛⲟⲩⲧⲉ
ⲧⲁⲁϥⲛⲁⲕϩⲛ
ⲧⲡⲉ
ⲁⲩⲱϩⲓϫⲙ
ⲡⲕⲁϩ
·
ⲛⲁⲙⲉⲁϥϫⲱⲕⲉⲃⲟⲗⲛϭⲓ
ⲡϣⲁϫⲉⲉⲧⲥⲏϩ
·ϫⲉⲉⲛϩⲓⲥⲉⲙ
ⲡⲉⲟⲩⲟⲉⲓϣ
·ⲙⲡϣⲁⲁⲛⲙ
ⲡⲉⲟⲟⲩⲉⲧⲛⲁϭⲱⲗⲡⲉⲣⲟⲛ
·
ⲟⲩⲛⲟϭ
ⲡⲉ
ⲡⲧⲁⲉⲓⲟⲛⲧⲁ
ⲡⲛⲟⲩⲧⲉ
ⲧⲁⲁϥⲛⲁⲕ
ⲱ
ⲡⲉⲥⲧⲣⲁⲧⲏⲗⲁⲧⲏⲥⲉⲧⲟⲩⲁⲁⲃ
·ϩⲱⲥⲧⲉⲣⲱⲙⲉⲛⲓⲙⲉⲧⲛⲁⲉⲡⲓⲕⲁⲗⲉⲓⲙ
ⲡⲛⲟⲩⲧⲉ
ϩⲙ
ⲡⲉⲕⲣⲁⲛ
:—
ⲕⲁⲛⲉⲩϣⲟⲟⲡϩⲛ
ⲁⲛⲁⲅⲕⲏⲛⲓⲙ
·ϣⲁⲣⲉ
ⲧⲃⲟⲏⲑⲉⲓⲁⲙ
ⲡⲛⲟⲩⲧⲉ
ⲧⲁϩⲟⲟⲩϩⲛⲟⲩϭⲉⲡⲏ·ⲁⲩⲱⲟⲛϣⲁ
ϩⲟⲩⲛⲉⲧⲉⲛⲟⲩ
·
ⲣⲱⲙⲉⲛⲓⲙⲉⲧⲛⲁⲥⲡⲥⲱⲡϥϩⲙ
ⲡⲉⲩϩⲏⲧⲧⲏⲣϥ
·ϣⲁϥⲛⲁϩⲙⲟⲩϩⲛ
ⲕⲩⲛⲇⲩⲛⲟⲥⲛⲓⲙ
·ⲉϣϫⲉⲙⲙⲟⲛⲥⲱⲧⲙⲛⲧⲁⲧⲁⲙⲱⲧⲛ:—
ⲁⲥϣⲱⲡⲉⲇⲉⲛⲧⲉⲣⲉⲛⲃⲁⲣⲃⲁⲣⲟⲥⲉⲧⲟⲩⲙⲟⲩⲧⲉⲉⲣⲟⲟⲩϫⲉ
ⲥⲁⲃⲁⲛ
·ⲧⲱⲟⲩⲛⲉϫⲛ
ⲧⲉⲭⲱⲣⲁⲛⲧⲉ
ϩⲣⲱⲙⲁⲛⲓⲁ
·ⲉⲩⲟϣⲛⲧϩⲉⲙ
ⲡϣⲟⲛ
ⲧⲑⲁⲗⲁⲥⲥⲁ
·ϩⲱⲥⲧⲉⲛⲥⲉϫⲓⲛ
ⲧϣⲟⲣⲡ
ⲛ
ϩⲣⲱⲙⲁⲛⲓⲁ
·ⲛⲥⲉⲥⲟⲃⲧⲉⲛ
ϩⲉⲛⲉϫⲏⲩⲉⲛⲁϣⲱⲟⲩ
·ⲉⲧⲣⲉⲩϫⲓⲟⲣⲛⲥⲉⲉⲓⲛⲁⲛⲉⲃⲟⲗⲉ
ⲧⲉϩⲣⲱⲙⲁⲛⲓⲁ
·
ⲡⲗⲁⲟⲥ
ⲇⲉⲧⲏⲣϥⲙⲛ
ⲧⲥⲩⲛⲕⲗⲏⲧⲟⲥ
·ⲙⲛ
ⲡⲇⲩⲙⲟⲥⲧⲏⲣϥⲛ
ϩⲣⲱⲙⲏ
·ⲙⲛ
ⲙⲡⲉⲣⲓⲭⲱⲣⲟⲥⲧⲏⲣⲟⲩⲉⲧϩⲏⲛⲉϩⲟⲩⲛ
·ⲛⲉⲩⲥⲟⲃϩⲉⲩⲉⲓⲣⲉⲛⲧⲕⲁⲑⲟⲗⲓⲕⲏⲥ
ⲥⲩⲛⲁⲝⲓⲥ
ϩⲙ
ⲡⲧⲟⲡⲟⲥⲙ
ⲡϩⲁⲅⲓⲟⲥⲃⲓⲕⲧⲱⲣ
·
ⲡⲁⲓⲉⲧⲛⲥⲟⲟⲩϩⲉⲣⲟϥⲧⲉⲛⲟⲩ
·
ⲉⲣⲉ
ⲡⲣⲣⲟⲙⲙⲁⲓⲛⲟⲩⲧⲉ
ⲙⲙⲁⲩⲙⲛ
ⲡⲉⲥⲧⲣⲁⲧⲉⲩⲙⲁⲙ
ⲙⲁⲧⲟⲓ
·ϫⲉⲛⲉ
ⲡⲉϣⲁⲡⲉⲙ
ⲡϩⲁⲅⲓⲟⲥⲃⲓⲕⲧⲱⲣ
·ⲁⲩⲱⲛⲉⲣⲉ
ⲡⲁⲉⲓⲱⲧⲉⲛⲛⲟⲕⲉⲛⲧⲓⲟⲥ
ⲙⲙⲁⲩⲙⲛ
ⲡⲉⲕⲗⲏⲣⲟⲥⲧⲏⲣϥ
·
ⲛⲧⲉⲣⲟⲩⲁⲣⲭⲉⲓⲇⲉⲉ
ⲧⲥⲩⲛⲁⲝⲓⲥ
ϩⲛ
ⲟⲩⲛⲟϭⲙⲫⲟⲃⲉⲣⲟⲛ
·ⲉⲓⲥ
ⲛⲉⲥϩⲁⲓ
ⲁⲩⲧⲛⲛⲟⲟⲩⲥⲟⲩⲙ
ⲡⲣⲣⲟ
·ⲉⲃⲟⲗϩⲓⲧⲟⲟⲧϥⲛ
ⲟⲩⲃⲉⲗⲉⲧⲁⲣⲓⲟⲥ
ⲉ
ⲡⲉϥⲣⲁⲛⲡⲉ
ϩⲣⲟⲩⲙⲉⲛⲧⲓⲟⲥ
·ⲛⲁⲓⲛⲧⲁ
ⲛⲉⲡⲁⲣⲭⲟⲥⲛ
ⲧϣⲟⲣⲡⲛ
ϩⲣⲱⲙⲁⲛⲓⲁ
ⲧⲛⲛⲟⲟⲩ
ⲥⲟⲩ
ⲛⲁϥ
·
ϫⲉⲧⲁⲭⲏⲥⲃⲧⲉ
ⲡⲉⲥⲧⲣⲁⲧⲉⲩⲙⲁ
ⲛⲅⲧⲁϩⲟⲛϩⲛⲟⲩϭⲉⲡⲏ·ⲛⲅⲃⲟⲏⲑⲉⲓⲉⲣⲟⲛ·ϫⲉⲉⲓⲥ
ⲛⲃⲁⲣⲃⲁⲣⲟⲥ
ⲁⲩϫⲓⲛ
ⲧϣⲟⲣⲡⲛ
ϩⲁⲣⲙⲉⲛⲓⲁ
·
ⲡⲣⲣⲟ
ⲇⲉⲁϥϣⲧⲟⲣⲧⲣϩⲱⲥⲧⲉⲩⲛⲟⲩϩⲱⲥ
ⲣⲱⲙⲉ·ⲁⲗⲗⲁⲛⲉⲣⲉ
ⲧⲉϥϩⲉⲗⲡⲓⲍⲧⲏⲣⲥ
ⲛⲏϫⲉ
ⲡϫⲟⲉⲓⲥ
·
ⲛⲧⲉⲣⲉϥⲱϣⲇⲉⲛ
ⲧⲉⲡⲓⲥⲧⲟⲗⲏ
·ⲛⲧⲉⲩⲛⲟⲩⲁϥⲥϩⲁⲓⲛ
ⲛⲉⲡⲁⲣⲭⲟⲥ
ϫⲉⲙⲡⲣⲣϩⲟⲧⲉϯⲛⲏⲩⲉ
ϩⲧⲟⲟⲩⲉⲛ
ⲣⲁⲥⲧⲉ
ⲙⲛ
ⲡⲇⲏⲙⲟⲥⲧⲏⲣϥⲛ
ⲛⲉϩⲣⲱⲙⲁⲓⲟⲥ
·
ⲛⲧⲉⲣⲉ
ⲡⲃⲉⲗⲉⲧⲁⲣⲓⲟⲥ
ϫⲓⲛ
ⲧⲉⲡⲓⲥⲧⲟⲗⲏ
ⲛϥⲁⲛⲁⲭⲱⲣⲉⲓ·
ⲁ
ⲡⲣⲣⲟ
ⲙⲛ
ⲡⲗⲁⲟⲥⲧⲏⲣϥ
ⲥⲱⲟⲩϩⲉϩⲟⲩⲛⲉ
ⲡⲧⲟⲡⲟⲥⲙ
ⲡϩⲁⲅⲓⲟⲥⲃⲓⲕⲧⲱⲣ
·ⲙⲛ
ⲡⲁⲣⲭⲓⲉⲡⲓⲥⲕⲟⲡⲟⲥ
ⲙⲛ
ⲡⲉⲕⲗⲏⲣⲟⲥⲧⲏⲣϥ
·
ⲁⲩⲡⲁϩⲧⲟⲩⲉϫⲙ
ⲡⲉⲑⲩⲥⲓⲁⲥⲧⲏⲣⲓⲟⲛ
ⲉⲩϫⲱⲙⲙⲟⲥ·ϫⲉ
ⲡϩⲁⲅⲓⲟⲥⲃⲓⲕⲧⲱⲣⲡⲉⲥⲧⲣⲁⲧⲏⲗⲁⲧⲏⲥ
·ⲡⲁⲣⲁⲕⲁⲗⲉⲙ
ⲡⲛⲟⲩⲧⲉ
ⲉϫⲱⲛ·ⲛϥⲣⲥⲟⲃⲧⲉⲉ
ⲧⲉⲛⲭⲱⲣⲁ
·ϫⲉⲛ
ⲛⲉⲛⲃⲁⲣⲃⲁⲣⲟⲥⲛⲁⲧⲛⲟⲩⲧⲉ
ϭⲙϭⲟⲙⲉⲣⲟⲥ·
ⲁⲩⲱⲛⲧⲉⲓϩⲉⲁⲩⲉⲓⲣⲉⲛ
ⲟⲩⲛⲟϭⲛⲕⲁⲑⲟⲗⲓⲕⲏⲥⲩⲛⲁⲝⲓⲥ
ϩⲛ
ⲟⲩϫⲱⲗⲕⲉⲃⲟⲗ
·ϣⲁ
ⲡⲛⲁⲩⲛϫⲡⲙⲏⲧⲉⲙ
ⲡⲉϩⲟⲟⲩ
·
ⲧⲉϣⲡⲏⲣⲉⲇⲉ
ⲛⲧⲁⲥϣⲱⲡⲉⲙ
ⲡⲛⲁⲩⲉⲧⲙⲙⲁⲩ
ⲛ
ⲟⲩϣⲟⲩ
ⲥⲁⲁⲧⲥⲁⲛⲧⲉ·
ⲛⲧⲉⲣⲟⲩⲧⲉⲗⲓⲟⲩⲇⲉⲛⲧⲉ
ⲡⲁⲣⲭⲓⲉⲡⲓⲥⲕⲟⲡⲟⲥ
ϯⲛ
ⲧⲉⲓⲣⲏⲛⲏⲙ
ⲡⲗⲁⲟⲥ
·ⲛⲥⲉⲁⲛⲁⲭⲱⲣⲉⲓⲉ
ⲛⲉⲩⲏⲓ
:—
ⲉⲓⲥ
ⲕⲉⲛⲟϭⲛⲃⲉⲗⲉⲧⲁⲣⲓⲟⲥ
ⲁ
ⲛⲉⲡⲁⲣⲭⲟⲥ
ⲧⲛⲛⲟⲟⲩϥⲙ
ⲡⲣⲣⲟ
ⲙⲛ
ⲕⲉⲉⲡⲓⲥⲧⲟⲗⲏ
ϩⲛ
ⲟⲩⲛⲟϭⲛⲣⲁϣⲉ
·ⲉⲥⲥⲏϩⲙ
ⲡⲉⲓⲧⲩⲡⲟⲥ
·ϫⲉⲧⲉⲓⲣⲏⲛⲏⲛⲁⲕ
ⲡⲣⲣⲟⲙⲙⲁⲓⲛⲟⲩⲧⲉ
·
ϫⲣⲟⲁⲩⲱⲛⲅϭⲙϭⲟⲙ·ϫⲉ
ⲡⲛⲟⲩⲧⲉ
ⲙⲓϣⲉⲉϩⲣⲁⲓⲉϫⲱⲕ·
ⲉⲓⲥ
ⲛⲃⲁⲣⲃⲁⲣⲟⲥⲛⲁⲧⲛⲟⲩⲧⲉⲛⲧⲁⲩⲧⲱⲟⲩⲛⲉϫⲛ
ⲧⲉⲕⲙⲛⲧⲣⲣⲟ
·
ⲁ
ⲡⲛⲟⲩⲧⲉ
ⲡⲁⲧⲁⲥⲥⲉⲓⲙⲙⲟⲟⲩϩⲛ
ⲧⲉⲩⲥⲏϥⲉⲙⲙⲓⲛⲙⲙⲟⲟⲩ
·
ⲁ
ⲡⲟⲩⲁ
ⲡⲟⲩⲁ
ⲧⲱⲟⲩⲛⲉϫⲙ
ⲡⲉⲧϩⲓⲧⲟⲩⲱϥ
ϫⲓⲛⲙ
ⲡⲛⲁⲩⲛϫⲡⲥⲛⲧⲉⲙ
ⲡϩⲟⲟⲩ
·
ⲁⲩϩⲱⲧⲃⲛⲥⲁⲛⲉⲩⲉⲣⲏⲩ·ⲙⲡⲉ
ⲟⲩⲁⲛϩⲏⲧⲟⲩϣⲱϫⲡ·ⲁⲗⲗⲁⲁⲩⲙⲟⲩⲧⲏⲣⲟⲩ
·
ⲉⲓⲥ
ⲧⲉⲩⲁⲡⲟⲥⲕⲉⲩⲏⲧⲏⲣⲥ
ⲙⲛ
ⲛⲉⲩϩⲧⲱⲱⲣ
·ⲁⲛⲧⲛⲛⲟⲟⲩϣⲁ
ⲡⲉⲕⲕⲣⲁⲧⲟⲥ
·
ⲉⲧⲃⲉ
ⲡⲁⲓ
ⲙⲡⲣⲥⲕⲩⲗⲗⲉⲓⲙⲙⲟⲕ·ⲟⲩⲇⲉⲙⲡⲣϣⲧⲟⲣⲧⲣ
ⲡⲁⲝⲓⲱⲙⲁⲙ
ⲙⲁⲧⲟⲓ
·ϫⲉ
ⲡⲛⲟⲩⲧⲉ
ⲡⲉⲧⲙⲓϣⲉⲉϫⲱⲛⲛⲙⲙⲁⲕ
·
ⲛⲓⲙⲡⲉⲧⲛⲁϣϯⲟⲩⲃⲏⲛ·
ⲡⲣⲣⲟ
ⲇⲉⲛⲧⲉⲣⲉϥϫⲓⲛ
ⲧⲉⲓⲉⲡⲓⲥⲧⲟⲗⲏ
·ⲁϥⲟϣⲥⲉ
ⲡⲗⲁⲟⲥ
·ϩⲁ
ⲧϩⲏ
ⲙⲡⲁⲧⲟⲩⲁⲛⲁⲭⲱⲣⲉⲓ·
ⲁⲩⲣⲁϣⲉⲉⲙⲁⲧⲉϩⲛ
ⲟⲩⲛⲟϭⲛⲣⲁϣⲉ
·ⲁⲩⲱⲁⲩⲉⲓⲙⲉⲛⲧⲉⲩⲛⲟⲩϫⲉ
ⲡϩⲁⲅⲓⲟⲥⲃⲓⲕⲧⲱⲣⲡⲉⲥⲧⲣⲁⲧⲏⲗⲁⲧⲏⲥ·ⲡⲉⲛⲧⲁϥⲡⲁⲧⲁⲥⲥⲉⲓⲛ
ⲛⲃⲁⲣⲃⲁⲣⲟⲥ
·
ⲉⲡⲉⲓⲇⲏϫⲡⲥⲛⲧⲉ·ⲙ
ⲡⲉϩⲟⲟⲩ·ⲛⲧⲁⲩⲥⲡⲥⲱⲡϥ
·
ⲁⲩⲱϣⲉⲃⲟⲗⲧⲏⲣⲟⲩϩⲛ
ⲟⲩⲛⲟϭⲛⲥⲙⲏ
·ⲉⲩϯⲉⲟⲟⲩⲙ
ⲡⲛⲟⲩⲧⲉ
·ⲙ
ⲡϩⲁⲅⲓⲟⲥⲃⲓⲕⲧⲱⲣ
·ⲁⲩⲱⲙ
ⲡⲉⲛⲃⲁⲣⲃⲁⲣⲟⲥ
ⲟⲩⲱϩⲉⲧⲟⲟⲧⲟⲩⲉⲡⲁⲣⲁⲅⲉⲛ
ⲧⲉϩⲣⲟⲙⲁⲛⲓⲁ
ϣⲁϩⲣⲁⲓⲉ
ⲡϩⲟⲟⲩⲛϩⲟⲟⲩ
·
ⲁⲧⲉⲧⲛⲛⲁⲩⲱⲛⲁⲙⲉⲣⲁⲁⲧⲉ·ϫⲉ
ⲟⲩⲛⲟϭ
ⲧⲉ
ⲧϭⲟⲙⲙ
ⲡⲉⲥⲧⲣⲁⲧⲏⲗⲁⲧⲏⲥⲉⲧⲟⲩⲁⲁⲃ
ⲉⲧⲛⲣϣⲁⲛⲁϥⲙ
ⲡϩⲟⲟⲩ
·
ⲙⲁⲣⲛⲥⲁϩⲱⲉⲃⲟⲗⲛ
ϩⲱⲃⲛⲓⲙⲉϥϩⲟⲟⲩ·ⲙⲛ
ϫⲓⲛϭⲟⲛⲥⲛⲓⲙ
·ⲙⲛ
ⲁⲧⲁⲝⲓⲁⲛⲓⲙ
·ⲙⲛ
ⲕⲣⲟϥⲛⲓⲙ
·ⲉⲧⲛⲉⲓⲣⲉⲙⲙⲟⲟⲩ
·ⲧⲁⲣⲉⲛϣⲱⲡⲉⲛⲁϥⲛ
ϣⲏⲣⲉⲧⲏⲣⲛ
ϩⲓⲟⲩⲥⲟⲡ·
ⲁⲗⲏⲑⲱⲥⲁⲕⲉⲩⲫⲣⲁⲛⲉⲙⲙⲟⲛⲙ
ⲡϩⲟⲟⲩ
ⲱ
ⲡϩⲁⲅⲓⲟⲥⲃⲓⲕⲧⲱⲣⲡⲉⲥⲧⲣⲁⲧⲏⲗⲁⲧⲏⲥ
ⲛϩⲟⲩⲟⲉ
ⲛⲉⲧⲉⲩⲫⲣⲁⲛⲉϩⲛ
ⲙⲙⲁⲛ
ⲥⲉⲏⲣⲡ
·ⲉⲁⲕⲕⲱϩⲁⲣⲱⲛⲛ
ⲧⲉⲧⲣⲁⲡⲉⲍⲁⲙ
ⲡⲉⲕϣⲁⲉⲧⲟⲩⲁⲁⲃ
·ⲉⲥⲙⲉϩⲛ
ⲁⲅⲁⲑⲟⲛⲛⲓⲙ
·
ⲁⲛⲟⲛϩⲱⲱⲛ·ⲙⲁⲣⲛⲥⲟⲟⲩⲛⲉⲣⲟⲟⲩ·ⲛⲧⲛϫⲓϯⲡⲉⲙⲙⲟⲟⲩ·ϫⲉⲕⲁⲥⲉⲛⲉⲉⲩⲫⲣⲁⲛⲉ·
ⲙⲁⲣⲛⲣⲡⲙⲉⲉⲩⲉⲛ
ⲛϩⲓⲥⲉⲛⲧⲁ
ⲡⲉⲛϫⲟⲉⲓⲥ
ϣⲟⲡⲟⲩϩⲁⲣⲟⲛⲙⲛ
ⲛⲉϥϩⲙϩⲁⲗⲙ
ⲙⲁⲣⲧⲩⲣⲟⲥ
·ⲛⲧⲛϯⲕⲁⲣⲡⲟⲥⲙ
ⲡⲛⲟⲩⲧⲉ
ⲕⲁⲧⲁ
ⲡⲉϥⲙⲡϣⲁ·
ⲡⲟⲩⲁⲡⲟⲩⲁⲕⲁⲧⲁ
ⲧⲉϥϭⲟⲙ
·
ⲟⲩⲁϩⲛ
ⲟⲩⲧⲃⲃⲟ
·
ⲕⲉⲟⲩⲁϩⲛ
ⲟⲩϣⲗⲏⲗ
ⲙⲛ
ⲟⲩⲛⲏⲥⲧⲉⲓⲁ
·
ⲟⲩⲁϩⲛ
ⲟⲩϩⲩⲡⲟⲙⲟⲛⲏ
·
ⲕⲉⲟⲩⲁϩⲛ
ⲟⲩⲙⲛⲧⲣⲙⲣⲁϣ
·
ⲕⲉⲟⲩⲁϩⲛ
ⲟⲩⲁⲅⲁⲡⲏ
·ⲙⲛ
ⲟⲩⲙⲛⲧⲙⲁⲓϣⲙⲙⲟ
·
ϩⲁⲡⲁⲝϩⲁⲡⲗⲱⲥ·ⲙⲡⲣⲧⲣⲉ
ⲗⲁⲁⲩⲙⲙⲟ
ⲛϭⲱⲛ
ⲟⲩⲉϣ
ϯⲕⲁⲣⲡⲟⲥ·ϫⲉⲕⲁⲥⲉⲛⲛⲁϣⲱⲡⲉⲛ
ⲟⲩⲙⲁⲛⲟⲩⲟⲓⲛⲧⲉ
ⲡⲛⲟⲩⲧⲉ
·ⲛⲧⲛϫⲱϩⲣⲁⲓⲛϩⲏⲧⲛⲛ
ⲛⲕⲁⲣⲡⲟⲥⲛ
ⲧⲇⲓⲕⲁⲓⲟⲥⲩⲛⲏ
·
ⲥⲱⲧⲙⲉ
ⲡⲥⲟⲫⲟⲥⲡⲁⲩⲗⲟⲥ·ⲡⲁⲡⲟⲥⲧⲟⲗⲟⲥ
·
ⲉϥϫⲱⲙⲙⲟⲥ·ϫⲉϯⲡⲁⲣⲁⲕⲁⲗⲉⲓⲙⲙⲱⲧⲛϩⲓⲧⲛ
ⲙⲙⲛⲧϣⲁⲛϩⲧⲏϥⲙ
ⲡⲛⲟⲩⲧⲉ
·ⲉⲡⲁⲣϩⲓⲥⲧⲁⲛ
ⲛⲉⲧⲛⲥⲱⲙⲁ
·ⲛ
ⲟⲩⲑⲩⲥⲓⲁⲉⲥⲟⲛϩ
ⲉⲥⲟⲩⲁⲁⲃ·ⲉⲥⲣⲁⲛⲁϥⲙ
ⲡⲛⲟⲩⲧⲉ
·
ⲉⲛⲛⲁⲡⲁⲣϩⲓⲥⲧⲁⲛ
ⲛⲉⲛⲥⲱⲙⲁⲛⲁϣⲛϩⲉ
ⲱ
ⲡϩⲁⲅⲓⲟⲥⲃⲓⲕⲧⲱⲣ
·ⲉⲓⲙⲏⲧⲓⲛⲧⲛϩⲁⲣⲉϩⲉ
ⲡⲉⲛⲥⲱⲙⲁ
ⲙⲛ
ⲡⲉⲛϩⲏⲧ
·ⲉⲃⲟⲗϩⲛ
ⲕⲣⲟϥⲛⲓⲙ·ⲙⲛ
ⲡⲟⲣⲛⲉⲓⲁⲛⲓⲙ
·
ⲉⲡⲉⲓⲇⲏϥⲥⲏϩ·ϫⲉⲁϫⲙ
ⲧⲃⲃⲟ
ⲙⲛ
ⲗⲁⲁⲩ
ⲛⲁⲛⲁⲩⲉ
ⲡⲛⲟⲩⲧⲉ
·
ⲁⲩⲱⲛⲧⲛⲣⲟⲉⲓⲥⲉ
ⲧⲉⲛⲧⲁⲡⲣⲟ
ⲉⲧⲙⲕⲁⲧⲁⲗⲁⲗⲉⲓ·ⲉⲧⲙϫⲓⲟⲩⲁⲁⲩⲱⲉⲧⲙϫⲉ
ⲗⲁⲁⲩⲛ
ϣⲁϫⲉⲛϣⲗⲟϥ
·
ⲛⲉⲕϭⲓϫ
ⲇⲉⲟⲛⲛⲅⲧⲥⲁⲃⲟⲟⲩⲉϣⲗⲏⲗ·ⲛⲅϩⲁⲣⲉϩⲉⲣⲟⲟⲩⲉ
ⲡϫⲓⲟⲩⲉ
·ⲙⲛ
ⲡϫⲓⲛϭⲟⲛⲥ
·
ⲛⲉⲕⲟⲩⲣⲏⲏⲧⲉ
ⲇⲉⲟⲛⲛⲥⲉϩⲉⲧⲙ
ⲡⲛⲛⲏⲙ
ⲡⲏⲓⲙ
ⲡⲛⲟⲩⲧⲉ
·
ⲛⲉⲕ
ⲃⲁⲗ
ⲛⲅⲣⲟⲉⲓⲥⲉⲣⲟⲟⲩⲉⲧⲙⲉⲡⲓⲑⲩⲙⲉⲓⲁⲩⲱⲉⲧⲙⲥⲕⲁⲛⲇⲁⲗⲓⲍⲉϩⲙ
ⲡⲥⲁⲛ
ⲛⲉϩⲓⲟⲙⲉ
·
ϩⲟⲧⲁⲛⲇⲉⲉⲕϣⲁⲛϩⲁⲣⲉϩⲉ
ⲛⲁⲓⲧⲏⲣⲟⲩ
·ⲱⲛⲧⲱⲥⲕⲛⲁϣⲡⲁⲣϩⲏⲥⲓⲁⲍⲉⲙ
ⲡⲉⲕⲥⲱⲙⲁⲛ
ⲟⲩⲑⲩⲥⲓⲁⲙ
ⲡϫⲟⲉⲓⲥ
·ⲛⲧϩⲉⲙ
ⲡϩⲁⲅⲓⲟⲥⲃⲓⲕⲧⲱⲣⲛⲧⲁϥⲁⲡⲟⲧⲁⲥⲥⲉⲙ
ⲡⲕⲟⲥⲙⲟⲥ
ⲙⲛ
ⲛⲉⲧⲛϩⲏⲧϥⲉⲧⲃⲉⲡⲉϥⲙⲉ
ⲉϩⲟⲩⲛⲉ
ⲡⲛⲟⲩⲧⲉ
·
ⲥⲱⲧⲙⲉ
ⲡⲁⲛϫⲱϫⲛ
ⲁⲡⲟⲥⲧⲟⲗⲟⲥⲡⲉⲧⲣⲟⲥ
ⲉϥϫⲱⲙⲙⲟⲥϫⲉϯⲡⲁⲣⲁⲕⲁⲗⲉⲓⲙⲙⲱⲧⲛ
ⲛⲁⲥⲛⲏⲩ
ϩⲱⲥ
ϣⲙⲙⲟ·ⲁⲩⲱϩⲱⲥ
ⲣⲙⲛϭⲟⲓⲗⲉ
·ⲉⲧⲣⲉⲧⲛⲥⲁϩⲉⲧⲏⲩⲧⲛⲉⲃⲟⲗⲛ
ⲛⲉⲡⲓⲑⲩⲙⲓⲁⲛ
ⲥⲁⲣⲕⲓⲕⲟⲛ
·ⲛⲁⲓⲉⲧϯⲟⲩⲃⲉ
ⲛⲉⲧⲙ
ⲯⲩⲭⲏ
·
ⲟⲩⲕⲟⲩⲛϭⲉⲱⲛⲁⲙⲉⲣⲁⲁⲧⲉ·ⲁⲛⲟⲛ
ϩⲉⲛⲣⲙⲛϭⲟⲓⲗⲉϩⲓϫⲙ
ⲡⲕⲁϩ
·
ⲟⲩⲕⲟⲩⲛⲉⲣⲉ
ⲡⲣⲱⲙⲉ
ⲙⲟⲟϣⲉϩⲛ
ⲟⲩϩⲓⲕⲱⲛ
·ⲉϥⲥⲱⲟⲩϩⲉϩⲟⲩⲛⲉϥⲥⲟⲟⲩⲛⲁⲛϫⲉⲉϥⲥⲱⲟⲩϩⲛⲛⲓⲙ·
ⲉϣϫⲉⲁⲛⲟⲛϩⲛ
ϣⲙⲙⲟ·ⲁⲩⲱϩⲛ
ⲣⲙⲛϭⲟⲓⲗⲉ
ϩⲓϫⲙ
ⲡⲕⲁϩ
·ⲉⲓⲉ
ⲡⲉⲧⲉϣϣⲉⲉⲣⲟⲛ
ⲡⲉ·ⲉⲧⲣⲉⲛϭⲱⲉⲛⲉⲓⲣⲉⲙ
ⲡⲙⲉⲉⲩⲉⲙ
ⲡⲉⲛⲏⲓ
ϣⲁ
ⲉⲛⲉϩ·ⲉⲧⲉ
ⲧⲙⲛⲧⲣⲣⲟⲙ
ⲡⲛⲟⲩⲧⲉ
ⲧⲉ·
ⲧⲁⲓ
ⲉⲛϣⲁⲛϩⲁⲣⲉϩⲉ
ⲛⲉⲛⲧⲟⲗⲏⲛⲧⲁⲩϩⲟⲛⲟⲩⲉⲧⲟⲟⲧⲛ
·ⲧⲛⲛⲁⲃⲱⲕⲉϩⲟⲩⲛⲉⲣⲟⲥϩⲛ
ⲟⲩⲙⲟⲧⲛⲉⲥ
·
ⲛⲧⲁⲩϫⲡⲟⲛⲁⲛⲉⲧⲣⲉⲛⲕⲗⲏⲣⲟⲛⲟⲙⲉⲓⲙ
ⲡⲕⲁϩ
ⲁⲗⲗⲁⲉⲧⲣⲉ
ⲡⲕⲁϩ
ⲕⲗⲏⲣⲟⲛⲟⲙⲉⲓⲙⲙⲟⲥ·
ⲡⲏⲓ
ⲅⲁⲣⲛ
ⲣⲱⲙⲉⲛⲓⲙ
ⲡⲉ
ⲡⲕⲁϩ
·
ⲉⲡⲉⲓⲇⲏⲛⲧⲁⲛⲉⲓⲉϩⲟⲩⲛⲉ
ⲡⲉⲓⲕⲟⲥⲙⲟⲥ
ⲉⲛⲣⲓⲙⲉ·ⲉⲛⲛⲁⲃⲱⲕⲟⲛⲉ
ⲛⲣⲓⲙⲉ·ⲛⲧⲁⲛⲉⲓⲉ
ⲛⲁϣⲁϩⲟⲙ
·ⲉⲛⲛⲁⲃⲱⲕⲟⲛⲉ
ⲛⲁϣⲁϩⲟⲙ
·
ⲉⲡⲉⲓⲇⲏϫⲓⲛ
ⲧϣⲟⲣⲡⲛ
ⲟⲩⲛⲟⲩⲉⲧⲟⲩⲛⲁϫⲡⲉ
ⲡⲣⲱⲙⲉ
ⲉ
ⲡⲕⲟⲥⲙⲟⲥ
ϣⲁϥⲣⲓⲙⲉ·
ⲙ
ⲡⲛⲁⲩ
ⲇⲉⲟⲛⲉϥⲛⲏⲩⲉⲃⲟⲗϩⲙ
ⲡⲥⲱⲙⲁ
ϣⲁϥⲣⲓⲙⲉ·ⲛⲧⲁⲩϫⲡⲟⲛⲉ
ⲡϩⲓⲥⲉ
·ⲉⲛⲛⲁⲃⲱⲕⲟⲛⲉ
ⲡϩⲓⲥⲉ
·
ⲕⲁⲓⲅⲁⲣⲙⲛ
ⲗⲁⲁⲩ
ⲛ
ⲧⲁϫⲣⲟϩⲙ
ⲡⲃⲓⲟⲥⲙ
ⲡⲣⲱⲙⲉ
·ⲉⲓⲙⲏⲧⲓ
ⲧⲁⲗⲁⲓⲡⲱⲣⲓⲁ
ϩⲓ
ⲙⲕⲁϩⲛϩⲏⲧ
·
ⲁⲣⲁⲙⲡⲉⲕⲥⲱⲧⲙⲉ
ⲡⲉⲧⲥⲏϩ
·
ⲉⲙⲡⲣⲧⲣⲉ
ⲡⲉⲧⲛϩⲏⲧ
ϩⲣⲟϣϩⲛ
ⲟⲩⲥⲉⲓ
ⲙⲛ
ⲟⲩϯϩⲉ
·ⲙⲛ
ϩⲉⲛⲣⲟⲟⲩϣⲛⲧⲉ
ⲡⲃⲓⲟⲥ
·ⲛⲧⲉ
ⲡⲉϩⲟⲟⲩⲉⲧⲙⲙⲁⲩ
ⲉⲓⲉϫⲱⲧⲛⲛⲧϩⲉⲛ
ⲟⲩⲡⲁϣ
·
ϥⲛⲏⲩⲅⲁⲣⲉϫⲛ
ⲛⲉⲧϩⲙⲟⲟⲥϩⲓϫⲙ
ⲡϩⲟⲙ
ⲡⲕⲁϩⲧⲏⲣϥ
·ⲉⲓⲧⲉ
ⲣⲣⲟ
·ⲉⲓⲧⲉ
ⲁⲣⲭⲱⲛ·ⲉⲓⲧⲉ
ⲣⲙⲙⲁⲟ
·ⲉⲓⲧⲉ
ϩⲏⲕⲉ
·ⲙⲛⲟⲩⲁⲛⲟⲩⲱⲧ
ⲛⲁⲣⲃⲟⲗⲉ
ⲧⲁⲛⲁⲅⲕⲏⲉⲧⲙⲙⲁⲩⲉⲧⲙⲉϩⲛ
ϩⲟⲧⲉ
·
ⲛⲅⲥⲱⲧⲙⲁⲛⲉ
ⲡⲉⲧⲥⲏϩ
ϫⲉⲙⲛ
ⲭⲣⲏⲙⲁ
ⲛⲁϯϩⲏⲩⲙⲙⲟⲛⲙ
ⲡⲉϩⲟⲟⲩⲛ
ⲧⲟⲣⲅⲏ
·
ϣⲁⲣⲉ
ⲧⲇⲓⲕⲁⲓⲟⲥⲩⲛⲏ
ⲛⲟⲩϩⲙⲙ
ⲡⲣⲱⲙⲉⲉⲃⲟⲗϩⲙ
ⲡⲙⲟⲩ
·
ⲙⲡⲣⲕⲁϩⲧⲏⲕⲇⲉⲉ
ⲡⲉⲭⲣⲏⲙⲁ
·ⲏ
ⲡϣⲟⲩϣⲟⲩⲛ
ⲧⲙⲛⲧⲣⲙⲙⲁⲟ
·
ⲙⲡⲣⲧⲁϫⲣⲟⲛ
ⲧⲉⲕⲯⲩⲭⲏⲛ
ⲟⲩⲁⲣⲭⲏ
ⲙⲛ
ⲟⲩⲉⲝⲟⲩⲥⲓⲁ
·
ⲙⲛⲛⲥⲱⲥ
ⲟⲩⲛⲟⲩⲃ
ⲏ
ⲟⲩϩⲁⲧ
ⲛⲁⲓⲧⲏⲣⲟⲩ
ϩⲉⲛϩⲁⲗⲟⲩⲥ
ⲛⲉ·
ⲉⲡⲉⲓⲇⲏⲅⲁⲣ
ⲛⲉⲭⲣⲏⲙⲁ
ⲛⲁϭⲱⲁⲛⲙ
ⲡⲉⲓⲙⲁ
·
ⲛⲛⲟⲃⲉ
ⲇⲏⲛⲁⲣϣⲟⲣⲡⲉⲣⲟⲛ·ⲛⲥⲉⲁϩⲉⲣⲁⲧⲟⲩⲉ
ⲡⲃⲏⲙⲁⲙ
ⲡⲛⲟⲩⲧⲉ
·
ⲙⲏⲙⲡⲉⲕⲥⲱⲧⲙⲛⲧⲟⲕⲉ
ⲡⲉⲛⲧⲁ
ⲡϫⲟⲉⲓⲥ
ϫⲟⲟϥ
·ϫⲉⲣⲟⲉⲓⲥϫⲉⲛⲧⲉⲧⲛⲥⲟⲟⲩⲛⲁⲛⲙ
ⲡⲉϩⲟⲟⲩ
ⲟⲩⲇⲉⲧⲉⲩⲛⲟⲩ·
ⲙⲁⲣⲛⲣⲟⲉⲓⲥⲟⲩⲛⲙ
ⲡⲉϩⲟⲟⲩ
ⲙⲛ
ⲧⲉⲩϣⲏ
·ϫⲉⲛⲧⲛⲟⲁⲛⲙ
ⲡϫⲟⲉⲓⲥⲙ
ⲡⲉⲛⲥⲱⲙⲁⲛ
ⲟⲩⲛⲟⲩⲛⲟⲩⲱⲧ
:··—
ⲁⲩⲱⲛⲧⲛⲥⲟⲟⲩⲛⲁⲛϫⲉⲉⲩⲛⲁϣⲓⲛⲉⲛⲥⲱⲛ
ⲧⲛⲁⲩ
·
ⲙⲡⲣⲧⲣⲛⲧⲁϫⲣⲟⲛⲉϫⲛ
ⲛⲉⲫⲁⲛⲧⲁⲥⲓⲁⲛ
ⲧⲙⲛⲧⲣⲙⲙⲁⲟ
·ⲛⲅⲥⲟⲟⲩⲛⲁⲛϫⲉⲉⲩⲛⲁⲧⲱϩⲙⲉⲣⲟⲕ
ⲧⲛⲁⲩ
·
ⲙⲏⲙⲡⲉⲕⲥⲱⲧⲙⲉ
ⲡⲉⲧⲥⲏϩ
·ϫⲉⲙⲛ
ⲟⲩⲣⲱⲙⲉ
ⲛⲁϣⲥⲱⲧⲉ·ⲙⲛ
ⲟⲩⲥⲟⲛ
ⲛⲁϣⲥⲉⲧ
ⲟⲩⲥⲟⲛ
·
ⲛⲛⲉϥϯⲙ
ⲡⲛⲟⲩⲧⲉ
ⲛ
ⲧⲉϥϣⲃⲃⲓⲱ
·ⲁⲩⲱ
ⲧⲁⲥⲟⲩⲙ
ⲡⲥⲱⲧⲉⲛ
ⲧⲉϥⲯⲩⲭⲏ
·
ⲉϥⲧⲁⲙⲟⲙⲙⲟⲥⲉ
ⲡⲁⲓ
·ϫⲉⲙⲛ
ⲟⲩⲉⲓⲱⲧⲛⲇⲓⲕⲁⲓⲟⲥ
ⲛⲁϣⲥⲉⲧ
ⲟⲩϣⲏⲣⲉⲛⲣⲉϥⲣⲛⲟⲃⲉ
·ⲟⲩⲇⲉⲙⲛ
ⲟⲩⲥⲟⲛⲛⲣⲙⲙⲁⲟ
ⲛⲁϣⲥⲉⲧ
ⲟⲩⲥⲟⲛⲛϩⲏⲕⲉ
·ⲟⲩⲇⲉⲙⲛ
ⲟⲩϣⲏⲣⲉⲛⲇⲓⲕⲁⲓⲟⲥ
ⲛⲁϣⲥⲉⲧ
ⲟⲩⲉⲓⲱⲧⲛⲣⲉϥⲣⲛⲟⲃⲉ
·ⲁⲗⲗⲁⲉⲣⲉ
ⲡⲟⲩⲁⲡⲟⲩⲁ
ⲛⲁϫⲓⲡⲣⲟⲥ
ⲛⲉⲛⲧⲁϥⲁⲁⲩ
ⲧⲉⲛⲟⲩϭⲉ
ⲡⲁⲙⲉⲣⲓⲧ
·ϫⲟⲟⲩⲛ
ⲧⲉⲕⲙⲛⲧⲣⲙⲙⲁⲟ
ϩⲁ
ⲧⲉⲕϩⲏ
·ϩⲛ
ϩⲉⲛⲙⲛⲧϣⲁⲛϩⲧⲏϥ
ⲉϩⲟⲩⲛⲉ
ⲛϩⲏⲕⲉ
·ϫⲉⲕⲁⲥⲉⲕⲛⲁϩⲉⲉ
ⲩⲁⲡⲟⲗⲁⲩⲥⲓⲥⲛ
ⲁⲧⲟⲩⲱ
·
ⲙⲡⲣⲕⲁ
ⲡⲉⲕⲛⲁϩⲧⲉ
ϩⲛ
ⲧⲙⲛⲧⲣⲙⲙⲁⲟⲙ
ⲡⲉⲓⲕⲟⲥⲙⲟⲥ
·
ⲙⲡⲣⲧⲁϫⲣⲟⲕⲉϫⲛ
ⲟⲩⲛⲟⲩⲃ
ⲙⲛ
ⲟⲩϩⲁⲧ
·
ⲙⲏⲙⲡⲉⲕⲥⲱⲧⲙⲉ
ⲥⲟⲗⲟⲙⲱⲛ
ⲉϥϫⲱⲙⲙⲟⲥ·ϫⲉⲁⲓⲙⲉⲥⲧⲉ
ⲡⲁⲁϩⲉⲧⲏⲣϥⲛⲧⲁⲓϣⲡϩⲓⲥⲉϩⲁⲣⲟϥⲙ
ⲡⲣⲏ·ϫⲉⲕⲁⲥⲉⲓⲉⲕⲁⲁϥⲙ
ⲡⲣⲱⲙⲉⲉⲧⲛⲏⲩⲙⲛⲛⲥⲱⲓ
·
ⲉⲧⲉ
ⲡⲁⲓ
ⲡⲉ·ⲙⲟⲅⲓⲥⲛⲧⲉ
ⲟⲩⲣⲱⲙⲉⲛⲁⲧϩⲏⲧ
ϫⲟⲟⲥϩⲛ
ⲧⲉϥⲯⲩⲭⲏ
·ϫⲉⲉⲓⲥⲱⲟⲩϩⲉϩⲟⲩⲛⲉⲧⲃⲉ
ⲛⲁϣⲏⲣⲉ
·ϫⲉⲉⲩⲛⲁϩⲉⲉ
ⲧⲉⲩϭⲓⲛⲱⲛϩⲙⲛⲛⲥⲁ
ⲡⲁ
ⲙⲟⲩ·
ⲉⲕⲥⲟⲟⲩⲛⲧⲱⲛⲱ
ⲡⲁⲧⲑⲏⲧ
ϫⲉ
ⲡⲉⲕϣⲏⲣⲉ
ⲛⲁⲱⲛϩⲛϥⲕⲗⲏⲣⲟⲛⲟⲙⲉⲓⲙⲙⲟⲕ·ⲏϫⲉⲉϥⲛⲁⲣ
ⲟⲩⲛⲟϭ
ⲛⲁϩⲉⲛϥϫⲟⲟⲩⲉⲃⲟⲗ·
ⲙⲏ
ⲡⲛⲟⲩⲧⲉ
ⲛⲁϥⲓ
ⲡⲣⲟⲟⲩϣⲛⲉⲕϣⲏⲣⲉ
ⲁⲛⲁϫⲛⲧⲕ·
ⲙⲏ
ⲡⲛⲟⲩⲧⲉⲛⲧⲁϥⲥⲁⲛⲟⲩϣⲕ
·ⲛϥⲛⲁⲥⲁⲛϣⲁⲛⲛ
ⲛⲉⲕϣⲏⲣⲉ
·
ⲙⲏⲙ
ⲡⲉϩⲟⲟⲩⲛⲧⲁⲩϫⲡⲟⲕ
·ⲁⲩϫⲡⲟ
ⲟⲩϩⲟⲃⲟⲗⲟⲥⲛⲟⲩⲱⲧ
ⲛⲙⲙⲁⲕ·
ⲧⲉⲛⲟⲩϭⲉⲁ
ⲡⲛⲟⲩⲧⲉ
ⲭⲁⲣⲓⲍⲉⲛⲁⲕⲛ
ⲧⲉⲓⲛⲟϭⲙⲙⲛⲧⲣⲙⲙⲁⲟ
·ϫⲉⲕⲁⲥⲉⲕⲛⲁⲁⲛⲁⲡⲁⲩⲉⲙⲙⲟⲕⲙ
ⲡⲉⲓⲙⲁ
ⲙⲛ
ⲡⲕⲉⲙⲁ
·ⲁⲩⲱⲁ
ⲡⲥⲁⲧⲁⲛⲁⲥ
ⲧⲱⲙⲙ
ⲡⲉⲕϩⲏⲧ
·
ⲙⲡⲉϥⲕⲁⲁⲕⲉϣⲱⲡⲉⲛ
ⲛⲁϩⲏⲧⲉϩⲟⲩⲛ
ⲉ
ⲛϩⲏⲕⲉ
ⲉⲧⲃⲉ
ⲡⲁⲓ
ⲕⲛⲁϫⲓⲛ
ϩⲉⲛⲛⲟϭⲛⲕⲟⲗⲁⲥⲓⲥⲛ
ⲁⲧⲱϫⲛ
ⲉⲧⲃⲉ
ⲧⲉⲕⲙⲛⲧⲁⲧⲛⲁϩⲧⲉ
·
ⲕⲁⲓⲅⲁⲣⲁⲛⲛⲁⲩⲉϩⲁϩⲛⲣⲙⲙⲁⲟ·ⲉⲩⲥⲉⲩϩ
ⲭⲣⲏⲙⲁ
ⲉϩⲟⲩⲛϩⲛ
ϩⲉⲛⲛⲟϭⲛϩⲓⲥⲉ
·ⲙⲛ
ϩⲉⲛⲙⲛⲧⲉϣⲱⲧⲉⲩⲕⲱⲧⲛⲁⲩⲛ
ϩⲉⲛⲛⲟϭⲛⲏⲓ
·ⲙⲛ
ϩⲉⲛⲕⲧⲏⲥⲓⲥ
·ⲙⲛ
ϩⲉⲛⲟⲩⲥⲓⲁⲉⲛⲁϣⲱⲟⲩ
·ⲙⲛ
ϩⲉⲛϭⲱⲙ
·ⲙⲛ
ϩⲉⲛⲉⲓⲱϩⲉ
·ⲙⲛⲟⲩ
ⲁϣⲏⲛⲧⲃⲛⲏ
·ⲙⲛ
ⲟⲩⲁⲡⲟⲥⲕⲉⲩⲏⲉ
ⲛⲁϣⲱⲥ
·ⲙⲛ
ϩⲉⲛⲛⲟϭⲛⲭⲣⲏⲙⲁ
·ⲉⲩϫⲱⲙⲙⲟ
ⲥϫⲉⲉⲛⲥⲱⲟⲩϩⲉϩⲟⲩⲛⲛⲛⲉ
ϣⲏⲣⲉ
·
ⲁⲩⲱⲉⲧⲓⲉⲩⲙⲉⲉⲩⲉⲉ
ⲛⲁⲓ
ⲁⲩⲧⲱⲣⲡⲛ
ⲛⲉⲩϣⲏⲣⲉ
ⲛⲧⲟⲟⲧⲟⲩϫⲓⲛ
ⲧⲉⲩⲙⲛⲧⲕⲟⲩⲓ
·
ⲁ
ϩⲉⲛϣⲙⲙⲟ
ⲧⲉⲣⲡ
ⲛⲉⲩϩⲓⲥⲉ
·ⲁⲩⲱⲛⲧⲟⲟⲩϩⲱⲟⲩ
ⲁⲩⲃⲱⲕⲉ
ⲡⲃⲏⲙⲁⲙ
ⲡⲛⲟⲩⲧⲉ
ⲉⲩⲕⲏⲕⲁϩⲏⲩ·ⲉⲙⲛ
ⲗⲁⲁⲩⲙ
ⲡⲣⲁⲝⲓⲥ
ⲉⲛⲁⲛⲟⲩϥ
ϩⲓ
ϩⲏⲙⲙⲟⲟⲩ
·ⲟⲩⲇⲉⲙⲛ
ⲗⲁⲁⲩⲛ
ⲇⲱⲣⲟⲛ
ϩⲛ
ⲛⲉⲩϭⲓϫ
·
ⲁⲩⲥϩⲟⲩⲉⲣ
ⲡⲉϩⲟⲟⲩⲛⲧⲁⲩϫⲡⲟⲟⲩ
·ⲉ
ⲡⲕⲟⲥⲙⲟⲥⲛϩⲏⲧϥ
·
ⲙⲡⲣϫⲟⲟⲥϩⲙ
ⲡⲉⲕⲧⲱⲙⲛ
ϩⲏⲧ
·ϫⲉⲉⲓϣⲁⲛⲉⲓⲉⲃⲟⲗϩⲛ
ⲥⲱⲙⲁ
·
ϯⲛⲁⲥϩⲁⲓⲛ
ⲧⲁⲇⲓⲁⲑⲏⲕⲏ
·ⲛⲧⲉ
ⲛⲁϣⲏⲣⲉ
ⲙⲛ
ⲛⲁⲥⲩⲛⲅⲉⲛⲏⲥ
·ϯⲁⲅⲁⲡⲏϩⲁ
ⲧⲁⲯⲩⲭⲏ
·
ⲱ
ⲡⲁⲑⲏⲧⲁⲩⲱ
ⲛⲥⲟϭ
ⲉⲙⲁⲧⲉ
·ⲛⲅⲥⲟⲟⲩⲛⲁⲛϫⲉⲉⲕϣⲁⲛⲉⲓⲉⲃⲟⲗϩⲛ
ⲥⲱⲙⲁ
·ⲛⲅⲟⲁⲛⲙ
ⲡϫⲟⲉⲓⲥⲛ
ⲟⲩϩⲟⲃⲟⲗⲟⲥⲛⲟⲩⲱⲧ
·ⲟⲩⲇⲉⲙⲉⲣⲉ
ⲣⲱⲙⲉ
ⲣⲡⲉⲕⲙⲉⲉⲩⲉⲛ
ⲕⲉⲥⲟⲡ
·
ⲙⲛⲧⲁⲕ
ϩⲉⲛⲭⲣⲏⲙⲁⲛⲧⲁⲕⲥⲟⲟϩⲟⲩⲉϩⲟⲩⲛ
ⲙⲛⲧⲁⲕ
ⲁⲡⲟⲑⲩⲕⲏⲉⲧⲙⲉϩ
·
ⲙⲛⲧⲁⲕ
ϩⲉⲛⲙⲁⲛⲉⲗⲟⲟⲗⲉ
·
ⲙⲛⲧⲁⲕ
ϩⲉⲛⲏⲓⲛⲧⲁⲕⲕⲟⲧⲟⲩ
·ⲁⲗⲗⲁⲁⲕⲣϣⲙⲙⲟⲉⲣⲟⲟⲩ·
ⲁⲩⲗⲟⲉⲩⲟⲛ
ⲛⲟⲩⲕ
·
ⲁⲩⲣⲛⲁ
ϩⲉⲛⲕⲟⲟⲩⲉ
·
ⲉϩⲛⲁⲩϣⲁⲩϯϩⲁⲣⲟⲕ·ⲉϩⲛⲁⲩⲁⲛⲙⲉⲩϯϩⲁⲣⲟⲕ·
ⲙⲏⲙⲡⲉⲕⲥⲱⲧⲙⲉ
ⲡⲡⲉⲧⲟⲩⲁⲁⲃⲓⲱⲃ
ⲉϥϫⲱⲙⲙⲟⲥ·ϫⲉⲛⲧⲁⲓⲉⲓⲉⲃⲟⲗϩⲛ
ϩⲏⲧⲥ
ⲛ
ⲧⲁⲙⲁⲁⲩ
ⲉⲓⲕⲏⲕⲁϩⲏⲩ·ⲉⲓⲛⲁⲃⲱⲕⲟⲛⲉⲓⲕⲏⲕⲁϩⲏⲩ·
ⲡⲁⲡⲟⲥⲧⲟⲗⲟⲥ
ⲟⲛⲱϣⲉⲃⲟⲗⲉϥϫⲱⲙⲙⲟⲥ·ϫⲉⲙⲡⲉⲛⲉⲛ
ⲗⲁⲁⲩ
ⲛⲙⲙⲁⲛⲉϩⲟⲩⲛⲉ
ⲡⲉⲓⲕⲟⲥⲙⲟⲥ
·ⲛⲛⲛⲁϫⲓ
ⲗⲁⲁⲩ
ⲁⲛⲉⲛⲃⲏⲕ·
ⲇⲁⲩⲉⲓⲇ
ⲟⲛϫⲱⲙⲙⲟⲥ·ϫⲉϣⲁⲣⲉ
ⲡⲉⲩⲡⲛⲉⲩⲙⲁ
ⲉⲓⲉⲃⲟⲗⲛϩⲏⲧⲟⲩ·ⲛⲥⲉⲕⲟⲧⲟⲩⲉ
ⲡⲉⲩⲕⲁϩ
·
ⲱ
ⲡⲣⲱⲙⲉⲛ
ⲉⲃⲓⲏⲛ
ⲛⲧⲕ
ⲟⲩⲧⲉⲓⲙⲓⲛⲉ
·ϩⲉⲛⲟⲩⲛⲉ
ⲛⲉⲓⲗⲉϩ
ⲙⲛ
ⲛⲉⲓⲣⲟⲟⲩϣ
·
ⲉⲡⲉⲓⲇⲏⲕⲥⲟⲟⲩⲛⲙ
ⲡⲉⲕⲙⲁⲙ
ⲙⲓⲥⲉ
·ⲁⲗⲗⲁⲛⲅⲥⲟⲟⲩⲛⲁⲛⲙ
ⲡⲉⲕⲙⲁⲙⲙⲟⲩ
·
ⲕⲥⲟⲟⲩⲛϫⲉⲁⲕⲣⲟⲩⲏⲏⲣⲛ
ⲣⲟⲙⲡⲉ
ϣⲁⲧⲉⲛⲟⲩ·ⲁⲗⲗⲁⲛⲅⲥⲟⲟⲩⲛⲁⲛϫⲉⲕⲛⲁⲣ
ⲕⲉⲟⲩⲏⲣ
·
ⲕⲥⲟⲟⲩⲛϫⲉⲛⲧⲁ
ⲛⲉⲕⲉⲓⲟⲧⲉⲛⲧⲁⲩϫⲡⲟ
ⲕⲙⲟⲩⲛⲁϣⲛϩⲉ·
ⲧⲉⲛⲟⲩϭⲉⲱ
ⲡⲣⲱⲙⲉ
ϣⲱⲡⲉⲉⲣⲟⲕⲛ
ⲧⲁⲥⲩⲛⲃⲟⲩⲗⲉⲓⲁ·ⲁⲩⲱⲙⲁⲣⲉ
ⲡⲁϣⲟϫⲛⲉ
ⲣⲁⲛⲁⲕ
·ⲛⲅⲥⲱⲧⲉⲛ
ⲛⲉⲕⲛⲟⲃⲉ
ϩⲛ
ϩⲉⲛⲙⲛⲧⲛⲁ
·
ⲁⲩⲱ
ⲛⲉⲕⲁⲛⲱⲙⲓⲁϩⲛ
ϩⲉⲛⲙⲛⲧϣⲁⲛϩⲧⲏϥ
ⲉϩⲟⲩⲛⲉ
ⲛϩⲏⲕⲉ
·ϫⲉⲕⲁⲥⲉⲕⲛⲁⲁⲡⲟⲗⲁⲩⲉⲙⲙⲟⲕϩⲛ
ⲧⲙⲛⲧⲣⲙⲙⲁⲟⲛ
ⲁⲧⲟⲩⲱ
·
ϫⲟⲟⲩⲛ
ϩⲉⲛⲇⲱⲣⲟⲛϩⲁ
ⲧⲉⲕϩⲏ
·ⲙⲡⲁⲧⲕⲉⲓⲉⲃⲟⲗϩⲛ
ⲥⲱⲙⲁ
·ϫⲉⲉⲕⲉⲧⲱⲙⲛⲧⲉ
ⲡⲉⲭⲣⲓⲥⲧⲟⲥ
ϩⲛ
ⲟⲩⲣⲁϣⲉ
·
ⲟⲩⲣⲱⲙⲉ
ⲅⲁⲣⲉϥⲛⲁⲁⲡⲁⲛⲧⲁⲉ
ⲩⲣⲣⲟ
ⲛⲧⲉ
ⲡⲉⲓⲕⲟⲥⲙⲟⲥ
·ⲛϥϩⲉⲉ
ⲩⲭⲁⲣⲓⲥⲛⲛⲁϩⲣⲁϥ
·
ϣⲁϥϫⲟⲟⲩⲛ
ϩⲉⲛⲇⲱⲣⲟⲛ
ϩⲁ
ⲧⲉϥϩⲏ·ϫⲉⲉϥⲉϣⲉⲡ
ϩⲣⲁϥ
ⲉϩⲟⲩⲛ
·
ⲛⲉϣϣⲉⲉⲣⲟⲛⲛⲟⲩⲏⲣ·ⲉϫⲟⲟⲩⲛ
ϩⲉⲛⲙⲛⲧⲛⲁ
ϩⲁ
ⲧⲉⲛϩⲏ·ⲙ
ⲡⲣⲣⲟⲙ
ⲡⲧⲏⲣϥ
·ⲡⲁⲓⲉⲧⲉⲣⲉ
ⲟⲩϩⲟⲧⲉ
ⲙⲛ
ⲟⲩⲥⲧⲱⲧ
ⲕⲱⲧⲉⲉⲣⲟϥ
·
ⲥⲟⲗⲟⲙⲱⲛ
ϫⲱⲙⲙⲟⲥϫⲉⲕⲁ
ⲡⲉⲕⲥⲟⲃⲧⲉⲧⲏⲣϥ
ϩⲁⲧⲟⲟⲧⲕ·
ⲁⲣⲓ
ⲙⲛⲧⲛⲁ
ⲕⲁⲧⲁ
ⲧⲉⲕϭⲟⲙ
·
ⲙⲡⲣϫⲟⲟⲥϫⲉⲙⲛ
ⲧⲁⲓ
ⲉϯ·
ⲁⲣⲓⲡⲙⲉⲉⲩⲉⲛ
ⲧⲉⲭⲏⲣⲁⲛϩⲏⲕⲉⲛⲧⲁⲥⲛⲟⲩϫⲉⲛ
ⲗⲉⲡⲧⲟⲛⲥⲛⲁⲩ
ⲉ
ⲡⲕⲁⲍⲟⲫⲩⲗⲁⲅⲓⲟⲛ
·
ⲁⲩⲱⲁ
ⲡⲉⲭⲣⲓⲥⲧⲟⲥ
ⲧⲙⲁⲉⲓⲟⲥ·ϫⲉ
ⲡⲉⲥϣⲱⲱⲧⲧⲏⲣϥ
ⲁⲥⲧⲁⲁϥ·
ⲡⲉϫⲁϥⲟⲛϫⲉ
ⲡⲉⲧⲛⲁⲧⲥⲉ
ⲟⲩⲁⲛⲛⲉⲓⲕⲟⲩⲓⲛ
ⲟⲩϫⲱⲙⲙⲟⲩⲛ
ⲱⲣϣⲙ
ⲙⲁⲁⲧⲉ
ⲉ
ⲡⲣⲁⲛⲛ
ⲟⲩⲙⲁⲑⲏⲧⲏⲥ
·ϩⲁⲙⲏⲛϯϫⲱⲙⲙⲟⲥⲛⲏⲧⲛϫⲉⲛⲛⲉϥⲥⲱⲣⲙⲙ
ⲡⲉϥⲃⲉⲕⲉ
·
ⲙⲡⲣⲁⲙⲉⲗⲉⲓϭⲉⲉ
ⲡⲉⲕⲟⲩϫⲁⲓ
ⲱ
ⲡⲣⲱⲙⲉ
·ⲉⲧⲃⲉ
ⲑⲩⲗⲉⲓⲙ
ⲡⲉⲓⲃⲓⲟⲥ
·ⲛⲥⲉⲛⲁⲕⲁⲁⲛⲁⲛⲙ
ⲡⲉⲓⲙⲁ
ϣⲁⲃⲟⲗ·ⲁⲗⲗⲁⲟⲩⲛⲉϥϩⲟⲟⲩⲛⲁϣⲱⲡⲉⲛⲧⲛⲉⲓⲉⲃⲟⲗⲛϩⲏⲧϥⲛⲧⲛⲣⲧϩⲉⲉϣϫⲉⲙⲡⲉⲛⲉⲓⲉϩⲟⲩⲛⲉⲣⲟϥⲉⲛⲉϩ·
ⲁⲣⲓⲡⲙⲉⲉⲩⲉⲙ
ⲡⲛⲁⲩⲉⲧⲉⲣⲉ
ⲡϣⲱⲛⲉⲙ
ⲡⲙⲟⲩ
ⲛⲁⲉⲓⲉϫⲱⲕ
·ⲛⲅⲛⲟϫⲕⲉϫⲙ
ⲡⲉⲕⲙⲁⲛⲛⲧⲟⲟⲧⲕ
·ⲛⲅϫⲟⲟⲥϫⲉϯϣⲱⲛⲉⲙ
ⲡϩⲟⲟⲩ
·
ⲙⲛⲛⲥⲁ
ⲟⲩⲁⲡⲣⲏⲧⲉ
ϣⲁⲣⲉ
ⲡϣⲱⲛⲉ
ϩⲣⲟϣⲉϩⲣⲁⲓⲉϫⲱⲕ·ⲛⲧⲉ
ⲟⲩⲛⲟϭⲛϩⲙⲟⲙ
ⲁⲙⲁϩⲧⲉⲉϫⲛ
ⲧⲉⲕⲥⲁⲣⲝⲛ
ⲉⲃⲓⲏⲛ
ⲙⲛ
ⲟⲩⲛⲟϭⲛ
ⲧⲕⲁⲥ
ⲙⲛ
ⲟⲩϩⲓⲥⲉ
·ⲛⲧⲉ
ⲧⲉⲕϩⲉⲝⲓⲥ
ϣⲧⲟⲣⲧⲣ·ⲛⲧⲉ
ⲡⲉⲕⲗⲁⲥ
ⲣⲕⲟⲩⲓϩⲛ
ⲧⲉⲕϣⲟⲩⲱⲃⲉ
·ⲛⲧⲉ
ⲡⲉⲕϣⲁϫⲉ
ⲥⲃⲟⲕϩⲛ
ⲧⲉⲕⲧⲁⲡⲣⲟ
:—
ⲛⲧⲉ
ⲧⲉⲕϣⲟⲩⲱⲃⲉ
ⲱⲣϫ·ⲛⲧⲉⲧⲙ
ⲗⲁⲁⲩⲛ
ⲧⲣⲟⲫⲏ
ⲃⲱⲕⲉϩⲟⲩⲛⲉⲣⲟⲥ·ⲛⲧⲉ
ⲡⲟⲩⲟⲉⲓⲛⲛ
ⲛⲉⲕⲃⲁⲗ
ⲱϫⲛ
ⲕⲟⲩⲓⲕⲟⲩⲓ
·ⲛⲧⲉ
ⲧϥⲱⲧⲉ
ⲕⲱⲧⲉⲉ
ⲧⲉⲕⲧⲉϩⲛⲉ
·ⲛⲧⲉ
ⲟⲩⲛⲟϭⲛⲥⲓϣⲉ
ⲙⲉϩ
ⲡⲉⲕϩⲏⲧ
·ⲛⲧⲉ
ⲧⲙⲛⲧⲥⲁⲉⲓⲛⲛ
ⲃⲁⲗ
ⲗⲟⲉⲩⲕⲱⲧⲉⲛⲥⲉⲥⲱⲧⲣϫⲉⲁ
ⲡⲟⲩⲟⲉⲓⲛ
ⲕⲁⲁ
ⲩⲕⲟⲩⲓⲕⲟⲩⲓ
:—
ⲉⲕϣⲓⲛⲉⲛⲧⲛ
ⲛⲉⲧϭⲓⲛⲉⲙ
ⲡⲉⲕϣⲓⲛⲉ
ϫⲉ
ⲁϣⲛⲛⲁⲩ
ⲡⲉ
ⲡⲁⲓ
·ⲉⲡⲉⲓⲇⲏⲁ
ⲧⲉⲕⲁⲓⲥⲑⲉⲥⲓⲥ
ⲗⲟⲛϩⲏⲧⲕ·
ⲁ
ⲡⲕⲁⲕⲉ
ⲙⲛ
ⲡⲉϩⲗⲟⲥⲧⲛ
ϩⲱⲃⲥⲛ
ⲛⲉⲕⲃⲁⲗ
·
ⲁ
ⲡⲉⲕϩⲟ
ϣⲓⲃⲉⲁϥⲟⲩⲟⲧⲟⲩⲉⲧ·
ⲁ
ⲡϥⲱ
ⲃⲱⲗⲉϩⲣⲁⲓ·
ⲁⲛⲛⲉⲩⲣⲱⲛⲛ
ⲛⲉⲕϭⲓϫ
ⲙⲛ
ⲛⲉⲕⲟⲩⲣⲏⲏⲧⲉ
ⲧⲱⲥ·
ⲁ
ⲡⲉⲕϩⲏⲧ
ⲙⲛ
ⲧⲉⲕⲯⲩⲭⲏ
ⲱϫⲛ
ⲕⲟⲩⲓⲕⲟⲩⲓⲕⲟⲩⲓ
·
ⲕⲉⲓⲟⲣⲙⲉⲃⲟⲗϩⲛ
ⲛⲉⲕⲃⲁⲗ
ⲉⲕϭⲱϣⲧⲉⲃⲟⲗⲛⲥⲁ
ⲛⲉⲝⲟⲩⲥⲓⲁⲛ
ϣⲁⲃⲉϩⲟ
·ⲛⲧⲁⲩⲉⲓⲛⲥⲱⲕ
·ⲉⲩϭⲉⲡⲏⲉϫⲓⲧⲕⲙ
ⲡⲉⲛⲧⲁϥⲧⲁⲙⲓⲟⲕ
·
ⲁⲩⲱⲉⲕϣⲁⲛⲛⲁⲩⲉⲣⲟⲟⲩ·ϣⲁⲕⲟⲩⲱⲛⲛ
ⲣⲱⲕ
ⲛⲅϯⲙ
ⲡⲉⲕⲡⲛⲉⲩⲙⲁ
ⲉ
ⲛϭⲓϫⲙ
ⲡⲉⲛⲧⲁϥⲉⲓⲛⲥⲱⲕ
·
ⲱ
ⲧⲉⲓⲛⲟϭⲛ
ϣⲡⲏⲣⲉ
ⲙⲛ
ⲧⲉⲓⲛⲟϭⲛⲁⲛⲁⲅⲕⲏ
·ⲉⲧϩⲟⲥⲉⲡⲁⲣⲁ
ⲁⲛⲁⲅⲕⲏⲛⲓⲙⲉⲧϩⲓϫⲙ
ⲡⲕⲁϩ
·
ⲱ
ⲧⲉⲑⲗⲓⲯⲓⲥⲉⲧⲟⲩⲟⲧⲃⲉ
ⲑⲗⲓⲯⲓⲥⲛⲓⲙ·ⲉⲧⲉ
ⲧϩⲟⲧⲉⲙ
ⲡⲙⲟⲩ
ⲧⲉ
·
ⲗⲟⲓⲡⲟⲛϣⲁⲩϫⲓⲛ
ⲧⲉⲯⲩⲭⲏ
ⲛⲥⲉⲧⲁϩⲟⲥⲉⲣⲁⲧⲥⲉ
ⲡⲃⲏⲙⲁⲙ
ⲡⲛⲟⲩⲧⲉⲉⲧϩⲁ
ϩⲟⲧⲉ
ⲛⲥϫⲓⲡⲣⲟⲥ
ⲛⲉⲛⲧⲁⲥⲁⲁⲩ
ⲉⲓⲧⲉ
ⲁⲅⲁⲑⲟⲛ
ⲉⲓⲧⲉ
ⲡⲉⲧϩⲟⲟⲩ
·
ⲱ
ⲡⲥⲟⲫⲟⲥⲛ
ⲁⲡⲟⲥⲧⲟⲗⲟⲥⲡⲁⲩⲗⲟⲥ
·
ⲛⲉⲕϣⲁϫⲉⲉϩⲟⲗϭⲉⲙⲁⲧⲉ
·
ⲉⲡⲉⲓⲇⲏ
ⲣⲱⲙⲉⲛⲓⲙⲛⲛⲧⲁ
ⲡⲛⲟⲩⲧⲉ
ⲧⲁⲙⲓⲟϥϫⲓⲛ
ⲁⲇⲁⲙⲡϣⲟⲣⲡⲛ
ⲣⲱⲙⲉ
·ϣⲁϩⲣⲁⲓⲉ
ⲡⲉⲧⲟⲩⲛⲁϫⲡⲟϥⲙ
ⲡϩⲟⲟⲩ
:—ⲉⲩϣⲁⲛⲉⲓⲉⲃⲟⲗϩⲛ
ⲥⲱⲙⲁ
·
ϣⲁⲩϫⲓⲛ
ⲛⲉⲩⲯⲩⲭⲏ
ⲛⲥⲉⲧⲁϩⲟⲥⲉⲣⲁⲧⲥⲉ
ⲡⲃⲏⲙⲁⲙ
ⲡⲛⲟⲩⲧⲉ
·ϫⲓⲛ
ⲡⲉⲧϩⲛ
ⲟⲩⲉⲃⲟⲧ
·ϣⲁ
ⲡⲉⲧϩⲛ
ⲟⲩⲣⲟⲙⲡⲉ
·ⲛⲥⲉⲟⲩⲱϣⲧⲙ
ⲡⲉⲕⲣⲓⲧⲏⲥⲙⲙⲉ
·ⲛϥϯⲁⲡⲟⲫⲁⲥⲓⲥⲉⲣⲟⲟⲩ·ⲙⲡⲁⲧⲟⲩϫⲓⲧⲟⲩⲉ
ⲛⲧⲟⲡⲟⲥⲉⲧⲟⲩⲙⲡϣⲁⲙⲙⲟⲟⲩ
:
ⲁⲩⲱⲟⲛϩⲙ
ⲡⲉϩⲟⲟⲩⲛ
ⲧⲁⲛⲁⲥⲧⲁⲥⲓⲥ
·
ⲛⲉⲩⲥⲱⲙⲁ
ⲛⲁⲧⲱⲟⲩⲛⲉⲩⲟⲛⲁⲧⲧⲁⲕⲟ·ⲛⲧⲉ
ⲧⲉⲯⲩⲭⲏⲛ
ⲟⲩⲟⲛⲛⲓⲙ
ⲕⲧⲟⲟⲩⲉ
ⲛⲉⲩⲥⲱⲙⲁⲛ
ⲕⲉⲥⲟⲡ
·ⲛⲥⲉϫⲓⲡⲣⲟⲥ
ⲛⲉⲛⲧⲁⲩⲁⲁⲩ
ⲉⲓⲧⲉ
ⲁⲅⲁⲑⲟⲛ
ⲉⲓⲧⲉ
ⲡⲉⲧϩⲟⲟⲩ
·
ⲁⲩⲱⲥⲉⲛⲁϥⲓ
ⲗⲟⲅⲟⲥ
ⲛⲙⲙⲁⲛϩⲁ
ϩⲱⲃⲛⲓⲙⲛⲧⲁⲛⲁⲁⲩϩⲙ
ⲡⲉⲓⲙⲁⲛϭⲟⲓⲗⲉ
·ϣⲁϩⲣⲁⲓⲉ
ⲩⲕⲟⲩⲛ
ϣⲁϫⲉⲛ
ⲥⲱⲃⲉ
·
ⲙⲛ
ⲙⲙⲉⲉⲩⲉⲙ
ⲡϩⲏⲧ
ⲥⲉⲛⲁϫⲛⲟⲩⲛⲉⲣⲟⲟⲩⲕⲁⲧⲁⲧϩⲉⲁϥϫⲟⲟⲥⲛϭⲓ
ⲡⲉⲛⲥⲁϩⲡⲉⲛⲧⲉⲭⲛⲏⲧⲏⲥⲡⲉⲭⲣⲓⲥⲧⲟⲥ
·ϫⲉ
ϣⲁϫⲉⲛⲓⲙⲛ
ⲁⲣⲅⲟⲛ
ⲙⲡⲣⲧⲣⲉⲩⲉⲓⲉⲃⲟⲗϩⲛ
ⲣⲱⲧⲛ
·ϫⲉ
ⲧⲉⲧⲛⲁϯⲗⲟⲅⲟⲥϩⲁⲣⲟⲟⲩϩⲙ
ⲡⲉϩⲟⲟⲩⲛ
ⲧⲉⲕⲣⲓⲥⲓⲥ
·
ⲛⲁⲓⲁⲧⲟⲩⲛ
ⲛⲉⲧⲛⲁⲧⲱⲟⲩⲛⲉ
ⲩⲁⲛⲁⲥⲧⲁⲥⲓⲥⲛ
ⲱⲛϩ
·ϫⲉⲥⲉⲛⲁⲣⲣⲣⲟⲙⲛ
ⲡⲉⲭⲣⲓⲥⲧⲟⲥ
:—
ⲟⲩⲟⲓⲛ
ⲛⲉⲧⲟⲩⲛⲁⲧϭⲁⲓⲟⲟⲩⲉ
ⲡⲙⲟⲩⲙⲙⲉϩⲥⲛⲁⲩ
·ⲉⲧⲃⲉ
ⲛⲉⲩⲡⲣⲁⲝⲓⲥⲉⲧϩⲟⲟⲩ
·
ⲙ
ⲡⲛⲁⲩⲇⲉⲉⲧⲉⲣⲉ
ⲡⲉⲕⲣⲓⲧⲏⲥⲙⲙⲉ
ⲛⲁⲧⲱⲟⲩⲛϩⲓ
ⲡⲃⲏⲙⲁ
·ⲡⲉⲛⲧⲁϥⲟⲩⲉⲓⲛⲉ
ⲁϥⲟⲩⲉⲓⲛⲉ·
ⲡⲧⲱϩ
ⲇⲉⲥⲉⲛⲁⲣⲟⲕϩϥϩⲛ
ⲟⲩⲥⲁⲁⲧⲉⲉⲙⲉⲥⲱϣⲙ
·
ⲡⲉⲥⲟⲩⲟ
ⲇⲉⲥⲉⲛⲁⲥⲟⲟⲩϩϥⲉϩⲟⲩⲛⲉ
ⲧⲁⲡⲟⲑⲩⲕⲏ·ⲉⲧⲉ
ⲧⲁⲓ
ⲧⲉ
ⲧⲙⲛⲧⲣⲣⲟⲛ
ⲙⲡⲏⲩⲉ
ⲧⲉⲛⲟⲩϭⲉⲙⲁⲣⲛⲕⲧⲟⲛⲛⲧⲛⲙⲉⲧⲁⲛⲟⲉⲓⲉϫⲛ
ⲛⲉⲛⲛⲟⲃⲉ
ⲙⲡⲁⲧⲟⲩϣⲓⲛⲉⲛⲥⲱⲛ·
ⲁⲣⲓⲡⲙⲉⲉⲩⲉϫⲉ
ⲟⲩϩⲟⲧⲉ
ⲡⲉϩⲉⲉϩⲣⲁⲓⲉ
ⲛϭⲓϫⲙ
ⲡⲛⲟⲩⲧⲉ
ⲉⲧⲟⲛϩ
·
ⲙⲁⲧⲁⲙⲟⲓϭⲉⲟⲩⲛⲉ
ⲛⲉⲓϫⲟⲗⲙⲉⲥ
ⲙⲛ
ⲛⲉⲓϩⲓⲥⲉⲧⲏⲣⲟⲩ
·
ⲙⲏ
ϣⲟⲙⲛⲧⲙⲁϩⲉⲛⲕⲁϩⲁⲛⲡⲉⲛⲏⲓϣⲁ
ⲉⲛⲉϩ
·
ⲉⲕⲥⲱⲟⲩϩⲉϩⲟⲩⲛⲛⲛⲓⲙ·
ⲉⲕϫⲓ
ⲙⲏⲥⲉⲛⲛⲓⲙ
·
ⲉⲕⲡⲁⲣⲁⲛⲟⲙⲉⲓⲛⲛⲓⲙ·
ⲙⲁⲧⲁⲙⲟⲓϫⲉⲛⲓⲙⲡⲉⲧⲛⲁϫⲉⲩ
ⲛⲁⲓ
ⲛⲁⲕⲉⲡⲉⲥⲏⲧⲉ
ⲁⲙⲛⲧⲉ
·
ⲁⲣⲓⲡⲙⲉⲉⲩⲉϫⲉⲛⲅⲟⲁⲛⲙ
ⲡⲉⲕϫⲟⲉⲓⲥⲛ
ⲟⲩϩⲟⲟⲩⲛⲟⲩⲱⲧ
·ⲁⲗⲗⲁⲉⲕϭⲁⲗⲱⲟⲩϩⲓϫⲙ
ⲡⲓⲕⲁϩⲛⲧϩⲉⲛ
ⲟⲩϫⲁⲓⲃⲉⲕⲉⲙⲙⲏⲛⲉ
·
ⲁⲩⲱⲕⲁⲛⲉⲕⲟⲩⲱⲙⲕⲁⲛⲉⲕⲥⲱ·ⲕⲁⲛⲉⲕⲛⲏⲥⲧⲉⲩⲉ·ⲕⲁⲛⲉⲕϩⲕⲁⲉⲓⲧ·ⲕⲁⲛⲉⲕⲟⲃⲉ·ϣⲁⲣⲉ
ⲡⲣⲏ
ϩⲱⲧⲡⲙⲙⲏⲛⲉ·ⲛⲥⲉϭⲱϫⲃϩⲙ
ⲡⲉⲕⲁϩⲉⲙⲙⲏⲛⲉ
·
ⲁⲩⲱⲉⲣϣⲁⲛ
ⲧⲏⲡⲉⲛ
ⲛⲉⲕϩⲟⲟⲩ
ϫⲱⲕⲉⲃⲟⲗ·ⲥⲉⲛⲁⲁⲛⲉⲭⲉⲙⲙⲟⲕⲁⲛⲛ
ⲟⲩⲛⲟⲩⲛⲟⲩⲱⲧ
·
ⲟⲩⲗⲁⲁⲩϩⲟⲗⲱⲥ
ⲡⲉ
ⲡⲣⲱⲙⲉ
·
ⲡⲣⲱⲙⲉⲙ
ⲡϩⲟⲟⲩ
·
ⲛⲣⲁⲥⲧⲉ
ⲡⲕⲁϩ
ⲙⲛ
ⲡⲕⲣⲙⲉⲥ
ⲡⲉ·
ⲡⲉⲧⲟⲩⲱⲙ
ⲡⲉⲧⲥⲱⲙ
ⲡϩⲟⲟⲩ
·
ⲛⲣⲁⲥⲧⲉ
ⲁⲩϣⲧⲁⲙⲛ
ⲧⲉϥⲧⲁⲡⲣⲟ
·
ⲡⲉⲧⲟⲩⲱⲙϫⲓⲛⲙ
ⲡⲉⲓ
ⲛⲁⲩ
ⲁⲩⲱ
ⲡⲉⲧϫⲱⲕⲙϩⲛ
ⲛⲥⲓⲟⲟⲩⲛ
·ⲉϥⲧⲱϩⲥⲙⲙⲟϥϩⲛ
ϩⲉⲛⲥϯⲛⲟⲩϥⲉⲉⲩⲥⲟⲧⲡⲙ
ⲡϩⲟⲟⲩ
·ⲣⲁⲥⲧⲉϩⲱⲱϥⲁⲩⲥⲕⲣⲕⲱⲣϥϩⲛ
ⲛⲧⲁⲫⲟⲥ
·
ⲁ
ⲡϣⲟⲉⲓϣ
ϣⲱⲡⲉⲛⲁϥⲛ
ⲥϯⲛⲟⲩϥⲉ
·
ⲡⲉⲧⲛⲕⲟⲧⲕϩⲛ
ⲛϫⲉⲛⲉⲡⲱⲣ
·ⲉⲣⲉ
ϩⲉⲛϩⲟⲓⲧⲉⲛ
ϣⲛⲥ
ϩⲟⲃⲥⲉϫⲱϥ·ⲣⲁⲥⲧⲉϩⲱⲱϥⲁⲩⲛⲟϫϥⲉⲃⲟⲗϩⲛ
ⲛⲧⲁⲫⲟⲥ
ⲙⲛ
ⲛⲉⲑⲏⲣⲓⲟⲛ
·
ⲁⲩⲕⲱⲧⲉⲙ
ⲡⲉⲩⲥⲟⲓ
ⲉⲣⲟϥ·
ⲁⲩⲕⲁⲁϥϩⲛ
ⲟⲩⲙⲛⲧⲉⲃⲓⲏⲛ
⁛—

ANNIS Metadata

annotation: Lance Martin
attributed_author: Celestinus of Rome
author: unknown
collection: Oriental Manuscripts
Coptic_edition: Budge 1914
corpus: pseudo.celestinus
country: Egypt
document_cts_urn: urn:cts:copticLit:pscelestinus.encomium.budge:32-55
entities: automatic
identities: checked
idno: Or. 7022 ff. 36b-48a
language: Sahidic Coptic
license: CC-BY 4.0 -
msItem_title: Encomium on Victor
msName: MERC.AS
next: urn:cts:copticLit:pscelestinus.encomium.budge:56-103
note: Coptic SCRIPTORIUM's edition includes only Budge's transcription of the manuscript. It is not a diplomatic transcription based on reading and collation of the original manuscript. The translation is an OCR of Budge's with very slight modifications
objectType: codex
order: 02
origDate: 0951
origDate_notAfter: 1000
origDate_notBefore: 0900
origDate_precision: medium
origPlace: St. Mercurius Monastery
pages_from: 72
pages_to: 94
parsing: automatic
paths_authors: 30
paths_manuscripts: 194
paths_works: 94
people: Adam; David; Job (biblical figure); Paul the Apostle; Saint Peter; Satan; Solomon
placeName: Edfu
places: Duat; Roman Dacia; Rome
previous: urn:cts:copticLit:pscelestinus.encomium.budge:1-31
project: Coptic SCRIPTORIUM, Marcion
redundant: no
repository: British Library
segmentation: checked
source: Marcion project, Archive.org
tagging: automatic
title: Encomium on Victor part 2
translation: E. A. Wallis Budge
Trismegistos: none
version_date: 2021-09-23
version_n: 4.2.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:pscelestinus.encomium.budge:32-55. [version number], [date]. https://data.copticscriptorium.org/urn:cts:copticLit:pscelestinus.encomium.budge:32-55.

Subsequent citations:

Author, Ancient title (abbreviated) [chapter.verse if available], urn:cts:copticLit:pscelestinus.encomium.budge:32-55.

Document Edition: urn:cts:copticLit:pscelestinus.encomium.budge:32-55

Work: urn:cts:copticLit:pscelestinus.encomium

Text Group: urn:cts:copticLit:pscelestinus

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:pscelestinus.encomium.budge:32-55/norm/html

Analytic Visualization HTML: https://data.copticscriptorium.org/urn:cts:copticLit:pscelestinus.encomium.budge:32-55/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:pscelestinus.encomium.budge:32-55/tei/xml

Paula XML: https://data.copticscriptorium.org/urn:cts:copticLit:pscelestinus.encomium.budge:32-55/paula/xml

relANNIS: https://data.copticscriptorium.org/urn:cts:copticLit:pscelestinus.encomium.budge:32-55/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:pscelestinus.encomium.budge:32-55/annis