Mysteries of John the Evangelist part 1
normalized analytic TEI ANNIS PAULA Search ANNIS
Next

Normalized Text

▢ⲛⲁⲓⲛⲉⲙⲙⲩⲥⲧⲏⲣⲓⲟⲛⲛⲓⲱϩⲁⲛⲛⲏⲥⲡⲁⲡⲟⲥⲧⲟⲗⲟⲥⲁⲩⲱⲡⲡⲁⲣⲑⲉⲛⲟⲥⲉⲧⲟⲩⲁⲁⲃⲛⲧⲁⲩⲥⲁⲃⲟϥⲉⲣⲟⲟⲩϩⲛⲧⲙⲉϩⲛⲟⲩⲉⲓⲣⲏⲛⲏⲛⲧⲉⲡⲛⲟⲩⲧⲉϩⲁⲙⲏⲛ⁛
▢ⲁⲥϣⲱⲡⲉⲇⲉⲛⲧⲉⲣⲉⲡⲉⲛⲥⲱⲧⲏⲣⲧⲱⲟⲩⲛⲉⲃⲟⲗϩⲛⲛⲉⲧⲙⲟⲟⲩⲧⲁϥⲉⲓⲉϩⲣⲁⲓⲉϫⲙⲡⲧⲟⲟⲩⲛⲛϫⲟⲉⲓⲧⲁϥϩⲙⲟⲟⲥⲁϥⲧⲣⲉⲟⲩⲕⲗⲟⲟⲗⲉⲕⲱⲧⲉⲉⲛⲉⲭⲱⲣⲁⲧⲏⲣⲟⲩⲉⲧⲉⲣⲉⲛⲁⲡⲟⲥⲧⲟⲗⲟⲥⲛϩⲏⲧⲟⲩ·
ⲁⲥⲥⲟⲟⲩϩⲟⲩⲉϩⲟⲩⲛϩⲁϩⲧⲙⲡⲥⲱⲧⲏⲣϩⲓϫⲙⲡⲧⲟⲟⲩⲛⲛϫⲟⲉⲓⲧ⁛
ⲁϥⲟⲩⲱϣⲃⲛϭⲓⲓⲱϩⲁⲛⲛⲏⲥⲡⲉϫⲁϥⲙⲡⲥⲱⲧⲏⲣϫⲉⲡⲁϫⲟⲉⲓⲥ·
ⲉⲓⲥϩⲏⲏⲧⲉⲕϫⲱⲙⲙⲟⲥⲛⲁⲓϫⲉⲛⲧⲕⲟⲩⲙⲉⲣⲓⲧⲛⲁⲓⲁⲩⲱⲁⲕϭⲛⲭⲁⲣⲓⲥⲛⲛⲁϩⲣⲁⲓ⁛
ⲧⲉⲛⲟⲩϭⲉⲡⲁϫⲟⲉⲓⲥⲉⲓⲟⲩⲱϣ·ⲉⲧⲣⲉⲕϫⲓⲧⲉⲙⲡⲏⲩⲉⲛⲅⲧⲁⲙⲟⲓⲉϩⲱⲃⲛⲓⲙⲛⲧⲁⲉⲓⲙⲉⲉⲣⲟⲟⲩ·
ⲁϥⲟⲩⲱϣⲃⲛϭⲓⲡⲥⲱⲧⲏⲣ·
ⲡⲉϫⲁϥⲛⲁϥϫⲉⲓⲱϩⲁⲛⲛⲏⲥⲁⲕϫⲛⲟⲩⲓϩⲛⲟⲩⲥⲟⲟⲩⲧⲛ·
ⲁⲛⲟⲕϩⲱⲛϯⲛⲁϩⲡⲗⲁⲁⲩⲉⲣⲟⲕⲁⲛ·
ⲧⲱⲟⲩⲛⲛⲧⲛϣⲗⲏⲗⲉϩⲣⲁⲓⲉⲡⲁⲉⲓⲱⲧⲉⲧⲥⲙⲁⲙⲁⲁⲧϥⲛⲁⲥⲱⲧⲙⲉⲣⲟⲛ⁛—
ⲧⲟⲧⲉⲁϥⲧⲱⲟⲩⲛⲛϭⲓⲡⲥⲱⲧⲏⲣⲙⲛⲛⲁⲡⲟⲥⲧⲟⲗⲟⲥⲁϥϫⲱⲛϯⲛⲟϭⲙⲡⲣⲟⲥⲉⲩⲭⲏⲉⲧⲥⲙⲁⲙⲁⲁⲧ·
ⲛⲧⲉⲣⲉϥϯⲇⲉⲙⲡϩⲁⲙⲏⲛⲁⲙⲡⲏⲩⲉⲕⲓⲙⲉⲡⲉⲓⲥⲁⲙⲛⲡⲁⲓ·
ⲁⲩⲟⲩⲱⲛⲛⲥⲁⲛⲉⲩⲉⲣⲏⲩϣⲁⲧⲙⲉϩⲥⲁϣϥⲉⲙⲡⲉ·
ⲉⲓⲥⲟⲩⲛⲟϭⲛⲭⲉⲓⲣⲟⲩⲃⲉⲓⲛⲁϥⲉⲓⲉⲃⲟⲗϩⲛⲧⲡⲉⲁⲡⲙⲁⲧⲏⲣϥⲣⲟⲩⲟⲉⲓⲛ·
ⲁⲩⲱⲛⲉⲣⲉⲡⲉϥⲥⲱⲙⲁⲧⲏⲣϥⲙⲉϩⲛⲃⲁⲗⲉϥⲛⲏⲩⲉⲃⲣⲏϭⲉⲛⲟⲩⲟⲉⲓⲛⲉⲃⲟⲗ·
▢ⲧⲟⲧⲉⲛⲁⲡⲟⲥⲧⲟⲗⲟⲥⲁⲩⲣⲧϩⲉⲛⲛⲉⲧⲙⲟⲟⲩⲧ·
ⲁⲩϩⲉⲉϩⲣⲁⲓⲉϫⲙⲡⲕⲁϩ·ϩⲁⲧϩⲟⲧⲉ·
ⲁⲡⲥⲱⲧⲏⲣⲁⲙⲁϩⲧⲉⲛⲧⲉⲩϭⲓϫⲁϥⲧⲟⲩⲛⲟⲥⲟⲩⲁϥϥⲓⲛⲧϩⲟⲧⲉⲛⲥⲁⲃⲟⲗⲙⲙⲟⲟⲩⲁⲡⲉⲩϩⲏⲧⲥⲙⲛⲧϥⲉⲣⲟⲟⲩ⁛—
ⲁϥⲟⲩⲱϣⲃⲛϭⲓⲓⲱϩⲁⲛⲛⲏⲥϫⲉⲡⲁϫⲟⲉⲓⲥⲙⲁⲧⲁⲙⲟⲓⲉⲡⲧⲱϣⲙⲡⲉⲭⲉⲓⲣⲟⲩⲃⲉⲓⲛⲉⲧⲟⲛϩⲟⲧⲉⲉⲙⲁⲧⲉ·
ⲁϥⲟⲩⲱϣⲃⲛϭⲓⲡⲥⲱⲧⲏⲣⲡⲉϫⲁϥⲛⲓⲱϩⲁⲛⲛⲏⲥ·
ϫⲉⲥⲱⲧⲙⲉⲣⲟⲓⲛⲧⲁⲧⲁⲙⲟⲕⲉϩⲱⲃⲛⲓⲙ·
ⲕⲛⲁⲩⲉⲡⲉⲭⲉⲓⲣⲟⲩⲃⲉⲓⲛ·
ⲉⲣⲉⲛϣⲁϫⲉⲙⲡⲉⲓⲱⲧϩⲏⲡⲛϩⲏⲧϥϫⲓⲛⲧⲉⲩⲁⲣⲭⲏϣⲁⲡⲉⲩϫⲱⲕⲉⲃⲟⲗ·
ⲉⲓⲥϩⲏⲏⲧⲉⲁⲓⲧⲣⲉϥⲉⲓϣⲁⲣⲟⲕϫⲉⲕⲁⲥⲉϥⲉⲧⲁⲙⲟⲕⲉϩⲱⲃⲛⲓⲙⲱⲡⲁⲙⲉⲣⲓⲧⲓⲱϩⲁⲛⲛⲏⲥ·
ⲁⲩⲱⲁⲡⲥⲱⲧⲏⲣⲕⲟⲧϥⲉⲡⲉⲭⲉⲓⲣⲟⲩⲃⲉⲓⲛⲡⲉϫⲁϥⲛⲁϥϫⲉⲉⲓϫⲉⲣⲟⲕϫⲓⲙⲡⲁⲙⲉⲣⲓⲧⲓⲱϩⲁⲛⲛⲏⲥⲉⲙⲡⲏⲩⲉ·
ⲛⲅⲧⲁⲙⲟϥⲉϩⲱⲃⲛⲓⲙⲉⲧϥϣⲓⲛⲉⲛⲥⲱⲟⲩ·
ⲛⲧⲉⲩⲛⲟⲩϫⲉⲁⲡⲉⲭⲉⲓⲣⲟⲩⲃⲉⲓⲛⲧⲁⲗⲟⲛⲓⲱϩⲁⲛⲛⲏⲥⲉϫⲛⲡⲉϥⲧⲛϩⲛⲟⲩⲟⲉⲓⲛⲁϥϫⲓⲧϥⲉⲙⲡⲏⲩⲉ·
ⲁϥⲡⲱϩⲉⲧϣⲟⲣⲡⲙⲡⲩⲗⲏ·
ⲁⲛⲉⲙⲛⲟⲩⲧⲁⲛⲟⲩⲱⲛⲛⲁϥϩⲛⲟⲩⲥⲟⲟⲩⲧⲛⲙⲛϩⲟⲧⲉ·
ⲁⲛⲟⲕⲇⲉⲓⲱϩⲁⲛⲛⲏⲥⲁⲓⲛⲁⲩⲉϩⲉⲛⲛⲟϭⲙⲙⲩⲥⲧⲏⲣⲓⲟⲛϩⲛⲧϣⲟⲣⲡⲙⲡⲉ·
ⲁⲓⲛⲁⲩⲉⲙⲛⲧⲥⲛⲟⲟⲩⲥⲛⲣⲱⲙⲉⲉⲩϩⲙⲟⲟⲥϩⲓⲙⲛⲧⲥⲛⲟⲟⲩⲥⲛⲑⲣⲟⲛⲟⲥⲙⲡϩⲟⲩⲛⲛⲧⲛⲟϭⲙⲡⲩⲗⲏϩⲛⲟⲩⲛⲟϭⲛⲉⲟⲟⲩⲙⲛⲟⲩⲥⲧⲱⲧ·
ⲡⲉϫⲁⲓⲙⲡⲉⲭⲉⲓⲣⲟⲩⲃⲉⲓⲛϫⲉⲡⲁϫⲟⲉⲓⲥⲛⲓⲙⲛⲉⲛⲁⲓⲉⲧϩⲙⲟⲟⲥϩⲛⲟⲩⲛⲟϭⲛⲉⲡⲓⲧⲏⲙⲉⲓ·
ⲡⲉϫⲉⲡⲉⲭⲉⲓⲣⲟⲩⲃⲉⲓⲛⲛⲁⲓϫⲉⲕⲛⲁⲩⲉⲡⲉⲓⲙⲛⲧⲥⲛⲟⲟⲩⲥⲛⲣⲱⲙⲉⲛⲁⲓⲛⲉⲡⲙⲛⲧⲥⲛⲟⲟⲩⲥⲛⲁⲣⲭⲱⲛⲛⲛⲓⲁⲓⲱⲛⲙⲡⲟⲩⲟⲉⲓⲛⲉⲣⲉⲡⲟⲩⲁⲡⲟⲩⲁⲁⲣⲭⲉⲓⲉϫⲛⲧⲉϥⲣⲟⲙⲡⲉⲉⲡⲥⲟⲡⲁⲗⲗⲁⲙⲓⲭⲁⲏⲗⲡⲉⲧⲧⲱϣⲙⲙⲟⲟⲩϫⲉⲕⲁⲥⲉⲣⲉⲡⲕⲁϩϯⲟⲩⲱⲙⲡⲉϥⲕⲁⲣⲡⲟⲥ·
ⲉⲡⲉⲓⲇⲏⲟⲩⲛⲟⲩⲣⲟⲙⲡⲉⲉϣⲁⲣⲉⲡϩⲉⲃⲱⲱⲛϣⲱⲡⲉⲡⲁⲣⲁⲟⲩⲟⲛ·
ⲁϥⲟⲩⲱϣⲃⲛϭⲓⲡⲉⲭⲉⲓⲣⲟⲩⲃⲉⲓⲛⲡⲉϫⲁϥⲛⲁⲓϫⲉⲉⲓⲥϩⲏⲏⲧⲉⲁⲓⲧⲁⲙⲟⲕⲉⲡⲉⲛⲧⲁⲕⲧⲁⲙⲟⲓⲉⲣⲟϥ·
ⲁⲓⲟⲩⲱϣⲃⲡⲉϫⲁⲓⲙⲡⲉⲭⲉⲓⲣⲟⲩⲃⲉⲓⲛϫⲉⲡⲁϫⲟⲉⲓⲥⲟⲩⲛⲟⲩⲣⲟⲙⲡⲉⲛⲧⲉⲡⲙⲟⲟⲩⲥⲃⲟⲕⲛⲧⲉⲡϩⲉⲛⲟⲩϥⲉϣⲱⲡⲉ⁛—
ⲟⲩⲛⲣⲟⲙⲡⲉⲟⲛⲛⲧⲉⲡⲙⲟⲟⲩⲣⲛⲟϭⲛⲧⲉⲡϩⲉⲃⲱⲱⲛϣⲱⲡⲉ·
ⲁϥⲟⲩⲱϣⲃⲡⲉϫⲁϥⲛⲁⲓϫⲉⲁⲕⲛⲁⲩⲉⲡⲙⲟⲟⲩⲛϥϣⲟⲟⲡϩⲁⲛⲟⲩⲣⲏⲏⲧⲉⲙⲡⲉⲓⲱⲧ·
ⲉⲣϣⲁⲛⲡⲉⲓⲱⲧϥⲓⲛⲉϥⲟⲩⲣⲏⲏⲧⲉⲉϩⲣⲁⲓϣⲁⲣⲉⲡⲙⲟⲟⲩϫⲓⲥⲉⲉϩⲣⲁⲓ·
ⲉϣⲱⲡⲉⲇⲉⲙⲡⲛⲁⲩⲉⲧⲉⲣⲉⲡⲛⲟⲩⲧⲉⲛⲁⲉⲓⲛⲉⲙⲡⲙⲟⲟⲩⲉϩⲣⲁⲓⲛⲧⲉⲛⲣⲱⲙⲉⲣⲛⲟⲃⲉϣⲁϥⲧⲣⲉⲡⲉϥⲕⲁⲣⲡⲟⲥⲥⲃⲟⲕⲉⲧⲃⲉⲛⲛⲟⲃⲉⲛⲛⲣⲱⲙⲉ·
ⲙⲡⲛⲁⲩⲇⲉϩⲱⲱϥⲉⲧⲉϣⲁϥⲙⲟⲩϩⲛⲟⲩⲕⲟⲩⲓ·
ⲁⲩⲱⲛⲧⲉⲛⲣⲱⲙⲉϩⲁⲣⲉϩⲉⲣⲟⲟⲩⲉⲧⲙⲣⲛⲟⲃⲉϣⲁⲣⲉⲡⲉⲓⲱⲧⲥⲙⲟⲩⲉⲣⲟϥⲛⲧⲉⲛⲉϥⲕⲁⲣⲡⲟⲥ·
ⲁϣⲁⲓϩⲓⲧⲛⲛⲥⲟⲡⲥⲡ·ⲙⲙⲓⲭⲁⲏⲗ·
▢ⲉⲛⲉⲣⲉⲛⲣⲱⲙⲉⲥⲟⲟⲩⲛⲛⲛⲥⲟⲡⲥⲡⲙⲙⲓⲭⲁⲏⲗⲙⲡⲛⲁⲩⲉⲧⲉⲣⲉⲡⲙⲟⲟⲩⲛⲁⲉⲓⲉϫⲙⲡⲕⲁϩ·ⲛⲉⲩⲛⲁⲣⲛⲟⲃⲉⲁⲛⲉⲡⲧⲏⲣϥ·
ⲉⲡⲉⲓⲇⲏϣⲁⲣⲉⲙⲓⲭⲁⲏⲗϫⲓⲛⲁϥⲙⲙⲛⲧⲥⲛⲟⲟⲩⲥⲛⲧⲃⲁⲛⲁⲅⲅⲉⲗⲟⲥⲛⲥⲉⲃⲱⲕⲉϩⲟⲩⲛϣⲁⲡⲉⲓⲱⲧ·
ⲛⲥⲉⲡⲁϩⲧⲟⲩⲙⲡⲉϥⲙⲧⲟⲉⲃⲟⲗⲉⲙⲉⲩⲧⲱⲟⲩⲛ·
ⲉϩⲣⲁⲓⲉⲡⲧⲏⲣϥϣⲁⲛⲧⲉⲡⲛⲟⲩⲧⲉⲧⲛⲛⲟⲟⲩⲙⲡⲙⲟⲟⲩⲉϩⲣⲁⲓⲉϫⲙⲡⲕⲟⲥⲙⲟⲥ·
ⲁⲓⲟⲩⲱϣⲃⲡⲉϫⲁⲓⲙⲡⲉⲭⲉⲓⲣⲟⲩⲃⲉⲓⲛϫⲉⲁⲓⲥⲱⲧⲙⲉⲣⲟϥⲉϥϫⲱⲙⲙⲟⲥ·
ϫⲉⲁⲡⲛⲟⲩⲧⲉⲧⲁⲙⲓⲉⲧⲡⲉⲙⲛⲡⲕⲁϩ·
ⲁⲩⲱⲟⲛϫⲉⲁⲡⲛⲟⲩⲧⲉⲧⲁⲙⲓⲉⲡⲙⲟⲟⲩϫⲓⲛⲧⲁⲣⲭⲏ·
ⲡⲉϫⲉⲡⲉⲭⲉⲓⲣⲟⲩⲃⲉⲓⲛⲛⲁⲓϫⲉⲥⲱⲧⲙⲛⲧⲁⲧⲁⲙⲟⲕⲉϩⲱⲃⲛⲓⲙ·
ϩⲁⲧϩⲏⲙⲡⲁⲧⲉⲡⲛⲟⲩⲧⲉⲧⲁⲙⲓⲉⲧⲡⲉⲙⲛⲡⲕⲁϩⲙⲙⲟⲟⲩⲛⲉⲩϣⲟⲟⲡⲁⲩⲱⲙⲛⲗⲁⲁⲩⲥⲟⲟⲩⲛⲛⲧϭⲓⲛⲧⲁⲙⲓⲟⲙⲡⲙⲟⲟⲩⲛⲥⲁⲡⲛⲟⲩⲧⲉⲙⲁⲩⲁⲁϥ·
ⲉⲧⲃⲉⲡⲁⲓⲡⲉⲧⲛⲁⲱⲣⲕⲙⲡⲣⲁⲛⲙⲡⲙⲟⲟⲩⲛⲛⲟⲩϫⲙⲛⲕⲱⲉⲃⲟⲗⲛⲁϣⲱⲡⲉⲛⲁϥ·
ⲁⲩⲱⲡⲉⲧⲛⲁⲱⲣⲕⲙⲡⲉϭⲣⲟⲟϭⲙⲡⲉⲥⲟⲩⲟ·
ⲡⲉⲓⲧⲱϣⲛⲟⲩⲱⲧⲡⲉⲧϣⲟⲟⲡⲙⲙⲟⲟⲩⲙⲡⲉⲥⲛⲁⲩ·
ⲡⲉϫⲁⲓⲙⲡⲉⲭⲉⲓⲣⲟⲩⲃⲉⲓⲛϫⲉⲡⲁϫⲟⲉⲓⲥⲉⲓⲟⲩⲱϣⲉⲧⲣⲉⲕⲧⲁⲙⲟⲓⲉⲡⲧⲱϣⲙⲡⲉⲥⲟⲩⲟϫⲉⲛⲧⲁⲩϩⲉⲉⲣⲟϥⲧⲱⲛϫⲓⲛⲛϣⲟⲣⲡϣⲁⲛⲧⲟⲩϫⲟϥⲉⲡⲕⲁϩ·
ⲛⲧⲉⲛⲣⲱⲙⲉⲱⲛϩⲉⲣⲟϥ·
ⲡⲉϫⲉⲡⲉⲭⲉⲓⲣⲟⲩⲃⲉⲓⲛⲛⲁⲓϫⲉⲥⲱⲧⲙⲛⲧⲁⲧⲁⲙⲟⲕⲉϩⲱⲃⲛⲓⲙ⁛
▢ⲁⲥϣⲱⲡⲉⲇⲉⲛⲧⲉⲣⲉⲡⲛⲟⲩⲧⲉⲧⲁⲙⲓⲟⲛⲁⲇⲁⲙⲁϥⲕⲁⲁϥϩⲙⲡⲡⲁⲣⲁⲇⲓⲥⲟⲥⲙⲡⲟⲩⲛⲟϥⲁϥϩⲱⲛⲉⲧⲟⲟⲧϥⲉϥϫⲱⲙⲙⲟⲥⲛϯϩⲉϫⲉⲉⲃⲟⲗϩⲛϣⲏⲛⲛⲓⲙⲉⲧϩⲙⲡⲡⲁⲣⲁⲇⲓⲥⲟⲥⲉⲕⲉⲟⲩⲱⲙⲉⲃⲟⲗⲛϩⲏⲧⲟⲩϣⲁⲧⲙⲡϣⲏⲛⲛⲥⲟⲩⲛⲡⲡⲉⲧⲛⲁⲛⲟⲩϥⲙⲛⲡⲡⲉⲧϩⲟⲟⲩⲛⲛⲉⲕⲟⲩⲱⲙⲉⲃⲟⲗⲛϩⲏⲧϥϩⲙⲡⲉϩⲟⲟⲩⲇⲉⲉⲧⲕⲛⲁⲟⲩⲱⲙⲉⲃⲟⲗⲛϩⲏⲧϥϩⲛⲟⲩⲙⲟⲩⲕⲛⲁⲙⲟⲩ·
ⲡⲇⲓⲁⲃⲟⲗⲟⲥⲇⲉⲁϥⲕⲱϩⲉⲣⲟϥϫⲉⲁϥⲛⲁⲩⲉⲡⲛⲟϭⲛⲉⲟⲟⲩⲉⲧⲕⲱⲧⲉⲉⲣⲟϥ·
ⲛⲉⲣⲉⲡⲣⲏⲙⲛⲡⲟⲟϩⲡⲛⲟϭⲥⲛⲁⲩⲛⲣⲉϥⲣⲟⲩⲟⲉⲓⲛⲛⲏⲩⲙⲙⲏⲛⲉⲉⲩⲟⲩⲱϣⲧⲛⲁⲇⲁⲙⲙⲡⲁⲧⲟⲩϣⲁⲉϫⲙⲡⲕⲁϩ·
ⲁϥⲃⲱⲕⲛϭⲓⲡⲇⲓⲁⲃⲟⲗⲟⲥⲁϥⲡⲗⲁⲛⲁⲛⲁⲇⲁⲙⲙⲛⲧⲉϥⲥϩⲓⲙⲉϣⲁⲛⲧⲟⲩⲛⲟϫⲟⲩⲉⲃⲟⲗϩⲙⲡⲡⲁⲣⲁⲇⲓⲥⲟⲥⲛⲥⲉⲉⲝⲟⲣⲓⲍⲉⲙⲙⲟϥⲉⲡⲕⲁϩⲛⲉⲩⲉⲓⲗⲁⲧ·
ⲁϥϣⲱⲡⲉϩⲛϩⲉⲛⲣⲟⲟⲩϣ⁛
ⲙⲛⲛⲥⲁⲛⲁⲓⲇⲉⲧⲏⲣⲟⲩⲁϥϩⲕⲟⲙⲡϥϭⲛⲧⲣⲟⲫⲏⲉⲟⲩⲱⲙⲛⲧϩⲉⲛⲛⲉⲧⲉϣⲁⲩⲟⲩⲟⲙⲟⲩⲙⲙⲏⲛⲉϩⲙⲡⲡⲁⲣⲁⲇⲓⲥⲟⲥ:
ⲁϥⲱϣⲉϩⲣⲁⲓⲉⲡϫⲟⲉⲓⲥϩⲛⲟⲩⲗⲩⲡⲏⲙⲛⲟⲩⲙⲕⲁϩⲛϩⲏⲧ·
ⲁϥϣⲛϩⲧⲏϥϩⲁⲣⲟϥⲛϭⲓⲡϣⲏⲣⲉⲛⲧⲙⲛⲧⲁⲅⲁⲑⲟⲥϫⲉⲛⲧⲟϥⲡⲉⲛⲧⲁϥϣⲡⲧⲱⲱⲣⲉⲙⲙⲟϥ·
ⲁϥϣⲁϫⲉⲙⲛⲡⲉϥⲉⲓⲱⲧⲛⲁⲅⲁⲑⲟⲥⲡϫⲟⲉⲓⲥⲛⲛⲁⲅⲅⲉⲗⲟⲥⲙⲛⲛⲉⲡⲛⲉⲩⲙⲁϫⲉⲉⲓⲥⲡⲣⲱⲙⲉⲛⲧⲁⲛⲧⲁⲙⲓⲟϥⲕⲁⲧⲁⲡⲉⲛⲉⲓⲛⲉⲙⲛⲧϥϩⲓⲕⲱⲛⲛⲁϥϩⲕⲟ·
ⲁⲓϣⲛϩⲧⲏⲓϩⲁⲣⲟϥⲱⲡⲁⲉⲓⲱⲧⲉϣⲱⲡⲉⲇⲉⲡⲉⲧⲉϩⲛⲁϩⲡⲉⲙⲡⲣⲕⲁⲁϥⲉⲙⲟⲩϩⲁⲡⲉⲕϩⲟ·ⲛϯϩⲉⲇⲉⲁϥⲟⲩⲱϣⲃⲛϭⲓⲡⲉⲓⲱⲧⲛⲧⲙⲛⲧϣⲁⲛϩⲧⲏϥ·
ⲡⲉϫⲁϥⲙⲡⲉϥϣⲏⲣⲉⲙⲙⲉⲣⲓⲧϫⲉⲉϣϫⲉⲁⲕϣⲛϩⲧⲏⲕϩⲁⲡⲣⲱⲙⲉⲛⲧⲁⲛⲧⲁⲙⲓⲟϥⲉⲁϥⲕⲱⲛⲥⲱϥⲛⲧⲉⲛⲧⲟⲗⲏ·
ⲃⲱⲕⲛⲅϯⲛⲁϥⲛⲧⲉⲕⲥⲁⲣⲝⲛϥⲟⲩⲟⲙⲥϫⲉⲛⲧⲟⲕⲡⲉⲛⲧⲁⲕϣⲡⲧⲱⲱⲣⲉⲙⲙⲟϥ⁛—
▢ⲁϥⲟⲩⲱϣⲃⲛϭⲓⲡϣⲏⲣⲉⲛⲧⲙⲛⲧⲁⲅⲁⲑⲟⲥⲡⲉϫⲁϥⲙⲡⲉϥⲉⲓⲱⲧϫⲉⲡⲉⲕϣⲁϫⲉⲥⲙⲁⲙⲁⲁⲧ·
ⲡⲉⲛⲧⲁⲕϫⲟⲟϥⲛⲁⲓϯⲛⲁⲁϥ·
ⲁϥⲉⲓⲉⲃⲟⲗⲛϭⲓⲡϣⲏⲣⲉⲙⲙⲉⲣⲓⲧⲛⲛⲁϩⲣⲙⲡⲉϥⲉⲓⲱⲧⲛⲁⲅⲁⲑⲟⲥ·
ⲁϥϫⲓⲛⲟⲩⲕⲟⲩⲓϩⲙⲡⲉϥⲥⲡⲓⲣⲛⲟⲩⲛⲁⲙϩⲛⲧⲉϥⲥⲁⲣⲝⲛⲛⲟⲩⲧⲉ·
ⲁϥⲥⲉϩⲥⲱϩⲥⲁϥⲉⲓⲛⲉⲙⲙⲟⲥϣⲁⲡⲉϥⲉⲓⲱⲧⲉⲧⲟⲩⲁⲁⲃ·ⲡⲉϫⲉⲡⲉϥⲉⲓⲱⲧⲛⲁϥϫⲉⲟⲩⲧⲉⲧⲁⲓ·
ⲡⲉϫⲁϥϫⲉⲧⲁⲓⲧⲉⲧⲁⲥⲁⲣⲝⲕⲁⲧⲁⲧϩⲉⲛⲧⲁⲕϫⲟⲟⲥⲛⲁⲓ·
ⲁϥⲟⲩⲱϣⲃⲛϭⲓⲡⲉϥⲉⲓⲱⲧϫⲉⲉϩⲉⲡⲁϣⲏⲣⲉϭⲱⲛⲧⲁϯⲛⲁⲕⲉⲃⲟⲗϩⲙⲡⲁⲥⲱⲙⲁⲛⲁⲟⲣⲁⲧⲟⲥ·
▢ⲁⲡⲉϥⲉⲓⲱⲧϩⲱⲱϥϫⲓⲛⲁϥⲉⲃⲟⲗϩⲙⲡⲉϥⲥⲱⲙⲁⲁϥⲁⲁⲥⲛⲟⲩⲃⲗⲃⲓⲗⲉⲛⲥⲟⲩⲟⲁϥⲉⲓⲛⲉⲉⲃⲟⲗⲛⲧⲉⲥⲫⲣⲁⲅⲓⲥⲛⲟⲩⲟⲉⲓⲛⲛⲧⲁϥⲧⲱⲱⲃⲉⲛⲛⲓⲁⲓⲱⲛⲙⲡⲟⲩⲟⲉⲓⲛⲛϩⲏⲧⲥⲁϥⲧⲱⲱⲃⲉⲛⲧⲃⲗⲃⲓⲗⲉⲛⲥⲟⲩⲟⲉⲧⲉⲥⲙⲏⲧⲉ·
ⲡⲉϫⲁϥⲙⲡⲉϥϣⲏⲣⲉⲙⲙⲉⲣⲓⲧϫⲉϫⲓⲧⲁⲓⲛⲅⲧⲁⲁⲥⲙⲙⲓⲭⲁⲏⲗⲡⲁⲣⲭⲁⲅⲅⲉⲗⲟⲥⲛϥⲧⲁⲁⲥⲛⲁⲇⲁⲙⲛϥϫⲟⲟⲥⲧⲁⲣⲉϥⲱⲛϩⲉⲣⲟⲥⲙⲛⲛⲉϥϣⲏⲣⲉ·
ⲁⲩⲱⲛϥⲧⲥⲁⲃⲟϥⲉⲧϭⲓⲛϫⲟⲟⲥⲙⲛⲧϭⲓⲛⲟⲗⲥ·
ⲓⲏⲥⲟⲩⲥⲇⲉⲁϥⲙⲟⲩⲧⲉⲉⲙⲓⲭⲁⲏⲗⲡⲉϫⲁϥⲛⲁϥϫⲉϫⲓⲧⲁⲓⲛⲅⲧⲁⲁⲥⲛⲁⲇⲁⲙⲧⲁⲣϥⲱⲛϩⲉⲣⲟⲥⲙⲛⲛⲉϥϣⲏⲣⲉⲧⲏⲣⲟⲩ·
ⲁϥⲉⲓϣⲁⲁⲇⲁⲙⲛϭⲓⲙⲓⲭⲁⲏⲗⲉϥϩⲓϫⲙⲡⲓⲟⲣⲇⲁⲛⲏⲥⲉⲡⲉϥϣⲙⲟⲩⲛⲡⲉⲙⲡϥⲟⲩⲱⲙⲉϥⲱϣⲉϩⲣⲁⲓⲉⲡϫⲟⲉⲓⲥ·
ⲡⲉϫⲁϥⲛⲁϥⲛϭⲓⲙⲓⲭⲁⲏⲗϫⲉⲉⲓⲣⲏⲛⲏⲛⲁⲕ·
ⲁⲡϫⲟⲉⲓⲥⲥⲱⲧⲙⲉⲡⲉⲕϣⲗⲏⲗⲁϥϫⲟⲟⲩϣⲁⲣⲟⲕⲙⲡⲉϭⲣⲟⲟϭⲛϫⲟ⁛—
ⲛⲧⲉⲣⲉⲁⲇⲁⲙⲇⲉⲥⲱⲧⲙⲉⲛⲁⲓⲛⲧⲟⲟⲧϥⲙⲙⲓⲭⲁⲏⲗⲁⲡⲉϥⲥⲱⲙⲁϭⲙϭⲟⲙⲁϥⲉⲓⲉϩⲣⲁⲓϩⲙⲡⲙⲟⲟⲩⲁϥⲛⲟϫϥϩⲁⲛⲟⲩⲣⲏⲏⲧⲉⲙⲙⲓⲭⲁⲏⲗⲁⲩⲱⲁϥϯⲛⲁϥⲙⲡⲉϭⲣⲟⲟϭⲉϥⲧⲟⲟⲃⲉ·
ⲁϥⲧⲥⲁⲃⲟϥⲉⲧϭⲓⲛϫⲟⲟϥⲙⲛⲧϭⲓⲛⲟⲗϥⲁϥⲃⲱⲕⲉϩⲣⲁⲓⲉⲙⲡⲏⲩⲉϩⲛⲟⲩⲉⲟⲟⲩ·
▢ⲡⲙⲟⲟⲩϭⲉⲙⲛⲡⲉⲥⲟⲩⲟⲙⲛⲡⲉϭⲣⲟⲟϭⲁⲩⲱⲡⲉⲑⲣⲟⲛⲟⲥⲙⲡⲉⲓⲱⲧⲡⲉⲓⲧⲱϣⲛⲟⲩⲱⲧⲡⲉⲧϣⲟⲟⲡⲙⲙⲟⲟⲩⲁⲩⲱϩⲉⲛϩⲓⲥⲟⲛⲛⲉⲙⲛⲡϣⲏⲣⲉⲙⲡⲛⲟⲩⲧⲉ·
ⲁⲛⲟⲕⲇⲉⲓⲱϩⲁⲛⲛⲏⲥⲁⲓⲛⲁⲩⲁⲩⲱⲁⲓⲣⲁϣⲉⲛⲧⲉⲣⲓⲥⲱⲧⲙⲉⲛⲁⲓ·
ⲁⲥϣⲱⲡⲉⲇⲉⲙⲛⲛⲥⲁⲛⲁⲓⲁϥⲧⲁⲗⲟⲓⲉϫⲛⲛⲉϥⲧⲛϩⲛⲟⲩⲟⲉⲓⲛⲛϭⲓⲡⲉⲭⲉⲓⲣⲟⲩⲃⲉⲓⲛⲁϥϫⲓⲧⲉⲧⲙⲉϩⲥⲁϣϥⲙⲡⲉ·
ⲁⲓⲛⲁⲩⲉϩⲉⲛⲛⲟϭⲛϣⲡⲏⲣⲉϩⲙⲡⲙⲁⲉⲧⲙⲙⲁⲩ·
ⲁⲓⲛⲁⲩⲛⲧⲁⲝⲓⲥⲧⲏⲣⲟⲩⲛⲛⲁⲅⲅⲉⲗⲟⲥ·
ⲧϣⲟⲣⲡⲛⲧⲁⲝⲓⲥⲛⲥⲉⲣⲁⲫⲉⲓⲛⲛⲉⲧϩⲱⲃⲥⲉⲡⲉⲓⲱⲧⲉⲣⲉϩⲉⲛϣⲟⲩⲣⲏⲛⲛⲟⲩⲃⲛⲧⲟⲟⲧⲟⲩⲉⲩϫⲱⲙⲙⲟⲥϫⲉⲁⲗⲗⲏⲗⲟⲩⲓⲁ·
ⲧⲙⲉϩⲥⲛⲧⲉⲛⲧⲁⲝⲓⲥⲉⲣⲉϩⲉⲛⲫⲩⲁⲗⲏⲛⲛⲟⲩⲃⲛⲧⲟⲟⲧⲟⲩⲉⲩⲙⲉϩⲛⲉⲓⲱⲧⲉⲉⲩⲡⲱϩⲧⲙⲙⲟⲟⲩⲉϫⲛⲛⲥⲱϣⲉ·
ⲙⲓⲭⲁⲏⲗⲡⲉⲡⲛⲟϭⲉⲧϩⲓϫⲱⲟⲩⲉϥⲧⲱϣⲙⲡⲟⲩⲁⲡⲟⲩⲁⲉⲡⲉϥϩⲱⲃ·
▢ⲕⲉⲛⲟϭⲛϣⲡⲏⲣⲉⲁⲓⲛⲁⲩⲉⲣⲟⲥ·
ⲁⲛⲟⲕⲓⲱϩⲁⲛⲛⲏⲥⲛⲧⲉⲣⲓⲛⲁⲩⲉⲛⲁⲅⲅⲉⲗⲟⲥⲉⲩⲧⲏϣⲉⲛⲉⲩⲧⲁⲝⲓⲥⲧⲏⲣⲟⲩⲁⲓϩⲉⲉⲡⲣⲁⲛⲙⲙⲓⲭⲁⲏⲗⲉϥⲥⲏϩⲉϫⲛⲛⲉⲩϩⲃⲥⲟⲟⲩⲉⲧⲏⲣⲟⲩⲉⲩⲱϣⲙⲙⲟϥⲛⲛⲁⲩⲛⲓⲙ⁛—
ⲁⲓⲟⲩⲱϣⲃⲡⲉϫⲁⲓⲙⲡⲉⲭⲉⲓⲣⲟⲩⲃⲉⲓⲛϫⲉⲡⲱⲥⲉⲣⲉⲡⲣⲁⲛⲙⲙⲓⲭⲁⲏⲗⲥⲏϩⲉϫⲛⲛⲉⲩϩⲃⲥⲟⲟⲩⲉⲉⲩⲱϣⲙⲙⲟϥ·
ⲁϥⲟⲩⲱϣⲃⲛϭⲓⲡⲉⲭⲉⲓⲣⲟⲩⲃⲉⲓⲛⲡⲉϫⲁϥⲛⲁⲓϫⲉⲙⲉⲣⲉⲁⲅⲅⲉⲗⲟⲥⲉⲓⲉϫⲙⲡⲕⲁϩⲉⲓⲙⲏⲧⲓⲉⲣⲉⲡⲣⲁⲛⲙⲙⲓⲭⲁⲏⲗⲥⲏϩⲉϫⲛⲛⲉⲩϩⲃⲥⲟⲟⲩⲉ·ⲉⲧⲃⲉⲡⲇⲓⲁⲃⲟⲗⲟⲥϫⲉⲛϥⲡⲗⲁⲛⲁⲙⲙⲟⲟⲩ·
▢ⲙⲛⲛⲥⲁⲛⲁⲓⲇⲉⲁⲓⲛⲁⲩⲉⲩⲡⲩⲅⲏⲙⲙⲟⲟⲩⲛⲟϭⲉⲥⲟⲩⲟⲃϣⲛⲧϩⲉⲛⲟⲩⲭⲓⲱⲛϩⲱⲥⲛⲧⲁϫⲟⲟⲥϫⲉⲟⲩⲉⲣⲱⲧⲉⲡⲉⲡⲉⲥⲙⲟⲟⲩⲉⲣⲉⲟⲩⲁⲅⲅⲉⲗⲟⲥⲁϩⲉⲣⲁⲧϥϩⲓϫⲱⲥ·
ⲉⲣⲉⲛⲉϥⲧⲛϩⲟⲙⲥϩⲙⲡⲙⲟⲟⲩ·
ⲁⲩⲱⲛⲉⲣⲉⲡⲕⲱⲧⲉⲛⲧⲡⲩⲅⲏⲣⲏⲧⲛϣⲏⲛⲉⲩⲟⲧⲡⲕⲁⲣⲡⲟⲥⲉⲩⲛⲟⲩⲙⲏⲏϣⲉⲙⲙⲓⲛⲉϩⲓⲱⲟⲩ·ⲉⲣⲉⲧⲉⲓⲡⲩⲅⲏⲧⲛⲧⲱⲛⲉⲧϩⲁⲗⲁⲥⲥⲁⲁⲩⲱϣⲏⲛⲛⲓⲙⲉⲧϩⲓϫⲱⲥⲉⲩⲟⲛⲟⲩⲕⲗⲁⲇⲟⲥⲛⲟⲩⲱⲧϣⲁⲡⲉⲩϫⲱⲕ·
ⲕⲉⲛⲟϭⲛϣⲡⲏⲣⲉⲁⲓⲛⲁⲩⲉⲣⲟⲥⲁⲛⲟⲕⲓⲱϩⲁⲛⲛⲏⲥ·
ⲁⲓⲛⲁⲩⲉⲧⲛⲟⲩⲛⲉⲛⲛϣⲏⲛ·
ⲛⲧⲟⲥⲉⲧⲧⲁⲩⲉⲙⲟⲟⲩⲉⲃⲟⲗⲉⲧⲡⲩⲅⲏ·
ⲡⲉϫⲁⲓⲙⲡⲉⲭⲉⲓⲣⲟⲩⲃⲉⲓⲛϫⲉⲡϫⲟⲉⲓⲥⲙⲁⲧⲁⲙⲟⲓⲉⲡⲧⲱϣⲛϯⲡⲩⲅⲏⲙⲙⲟⲟⲩⲉⲧⲟⲩⲟⲃϣⲛϯϩⲉ·ⲉⲣⲉⲡⲉⲓⲁⲅⲅⲉⲗⲟⲥϩⲓϫⲱⲥ·
ⲡⲉϫⲉⲡⲉⲭⲉⲓⲣⲟⲩⲃⲉⲓⲛⲛⲁⲓϫⲉⲧⲁⲓⲉⲧⲧⲁⲩⲉⲉⲓⲱⲧⲉⲉϫⲙⲡⲕⲁϩ·
ⲡⲉϫⲁⲓⲛⲁϥϫⲉⲡⲱⲥⲡⲉⲓⲁⲅⲅⲉⲗⲟⲥⲉⲧϩⲓϫⲱⲥ·ⲉⲣⲉⲛⲉϥⲧⲛϩⲟⲙⲥⲉⲣⲟⲥⲛⲛⲁⲩⲛⲓⲙ·
ⲡⲉϫⲁϥⲛⲁⲓϫⲉⲁⲕⲛⲁⲩⲉⲡⲉⲓⲁⲅⲅⲉⲗⲟⲥ
ⲡⲉϥϩⲱⲃⲡⲉⲡⲁⲓⲛⲛⲁⲩⲛⲓⲙⲉⲣⲉⲧⲥⲁⲗⲡⲓⲅⲝⲛⲁⲥⲩⲙⲁⲛⲉϣⲁϥⲧⲱⲟⲩⲛⲉϩⲣⲁⲓⲛϥⲕⲓⲙⲛⲛⲉϥⲧⲛϩⲉⲧⲙⲉϩⲛⲉⲓⲱⲧⲉⲛϥⲛⲟϫⲟⲩⲉⲙⲡⲏⲩⲉ·
ⲛⲧⲉⲙⲡⲏⲩⲉⲟⲩⲱⲛⲛⲥⲁⲛⲉⲩⲉⲣⲏⲩⲛⲧⲉϯⲱⲧⲉϣⲟⲩⲟⲉϫⲙⲡⲕⲁϩ⁛—
ⲡⲉϫⲁⲓⲙⲡⲉⲭⲉⲓⲣⲟⲩⲃⲉⲓⲛϫⲉⲛⲁϣⲛϩⲉⲉⲣⲉⲧⲉⲓⲥⲁϣϥⲙⲡⲉⲛⲁⲟⲩⲱⲛⲛⲥⲁⲛⲉⲩⲉⲣⲏⲩⲛⲧⲉϯⲱⲧⲉϣⲟⲩⲟⲉϫⲙⲡⲕⲟⲥⲙⲟⲥ⁛—
ⲁϥⲟⲩⲱϣⲃⲛϭⲓⲡⲉⲭⲉⲓⲣⲟⲩⲃⲉⲓⲛϫⲉⲥⲱⲧⲙⲛⲧⲁⲧⲁⲙⲟⲕⲉϩⲱⲃⲛⲓⲙ·
ⲟⲩⲛⲥⲁϣϥⲉⲛⲥⲁⲗⲡⲓⲅⲝⲧⲏϣⲉϫⲛϯⲱⲧⲉⲉϣⲁⲩⲥⲏⲙⲁⲛⲉⲧⲏⲣⲟⲩⲙⲡⲁⲧⲥⲉⲓⲉϫⲙⲡⲕⲁϩ·
ⲉⲣϣⲁⲛⲧϣⲟⲣⲡⲛⲥⲁⲗⲡⲓⲅⲝⲥⲏⲙⲁⲛⲉⲙⲛⲧⲙⲉϩⲥⲛⲧⲉ·ϣⲁϩⲟⲩⲛⲉⲧⲙⲉϩⲥⲁϣϥⲉ·ⲉⲣⲉϯⲉⲓⲱⲧⲉⲡⲏⲧⲛⲥⲁⲡⲉϩⲣⲟⲟⲩϩⲛⲟⲩⲡⲉⲉⲩⲡⲉ·
ⲧⲙⲉϩⲥⲁϣϥⲉⲛⲥⲁⲗⲡⲓⲅⲝⲧⲁⲙⲓⲭⲁⲏⲗⲧⲉⲉϥϣⲁⲛⲥⲁⲗⲡⲓⲍⲉⲛϭⲓⲙⲓⲭⲁⲏⲗ·ϣⲁⲣⲉⲧⲉⲓⲱⲧⲉⲡⲱⲧ
ⲛⲧⲉⲛⲁⲣⲭⲱⲛⲧⲏⲣⲟⲩⲥⲁϩⲱⲟⲩⲉⲃⲟⲗϣⲁⲛⲧⲉⲥⲉⲓⲉϫⲙⲡⲕⲁϩⲛⲧⲉⲛⲕⲁⲣⲡⲟⲥⲧⲏⲣⲟⲩⲁϣⲁⲓ·
ⲉⲛϩⲟⲥⲟⲛⲇⲉⲉⲓⲣϣⲡⲏⲣⲉⲁⲓⲛⲁⲩⲉⲕⲉⲁⲅⲅⲉⲗⲟⲥⲉϥⲛⲏⲩⲙⲡⲟⲩⲉϩⲛⲟⲩⲟⲣⲅⲏ
ⲁϥⲁϩⲉⲣⲁⲧϥϩⲓϫⲛⲧⲡⲩⲅⲏⲉⲧⲙⲏϩⲛⲉⲓⲱⲧⲉ·
ⲁϥⲣⲓⲙⲉⲁⲛϥⲃⲁⲗϣⲟⲩⲟⲥⲛⲟϥⲉⲡⲉⲥⲏⲧⲉⲧⲡⲩⲅⲏⲉⲧⲙⲉϩⲛⲉⲓⲱⲧⲉ·
ⲛϥⲙⲉϩⲅⲁⲣⲛⲟⲣⲅⲏⲉϩⲟⲩⲛⲉⲧⲙⲛⲧⲣⲱⲙⲉⲧⲏⲣⲥ·
ⲁⲡⲙⲁⲧⲏⲣϥϣⲧⲟⲣⲧⲣϩⲛⲧⲉϥϭⲓⲛⲁϩⲉⲣⲁⲧϥ·
▢ⲁⲙⲡⲏⲩⲉⲟⲩⲱⲛⲛⲥⲁⲡⲉⲓⲥⲁ·ⲙⲛⲡⲁⲓ·
ⲁⲓⲛⲁⲩⲉⲩⲛⲟϭⲛⲁⲅⲅⲉⲗⲟⲥⲛϫⲱⲱⲣⲉⲁϥⲉⲓⲉⲃⲟⲗϩⲛⲙⲡⲏⲩⲉⲉⲩⲙⲟⲩⲧⲉⲉⲡⲉϥⲣⲁⲛϫⲉⲙⲓⲭⲁⲏⲗ·
ⲉϥⲙⲏⲣⲛⲟⲩⲙⲟϫⲕϥⲛⲛⲟⲩⲃⲉϫⲛⲧⲉϥϯⲡⲉ·
ⲉⲣⲉⲟⲩⲥⲫⲟⲛⲅⲟⲥϩⲛⲧⲉϥϭⲓϫⲁϥⲱⲗⲛⲛⲣⲙⲉⲓⲟⲟⲩⲉⲧⲏⲣⲟⲩⲙⲡⲁⲅⲅⲉⲗⲟⲥⲛⲧⲟⲣⲅⲏ·
ⲁϥⲧⲟϭⲛϥⲉⲡⲟⲩⲉⲉϥϫⲱⲙⲙⲟⲥϫⲉⲥⲁϩⲱⲕⲉⲃⲟⲗϩⲛⲧⲩⲡⲩⲅⲏ·ⲡⲁⲅⲅⲉⲗⲟⲥⲛⲧⲟⲣⲅⲏⲉⲕⲟⲩⲱϣⲉⲉⲓⲛⲉⲙⲡϩⲉⲃⲱⲱⲛⲉϫⲙⲡⲕⲁϩ·
ⲡⲉϫⲁⲓⲙⲡⲉⲭⲉⲓⲣⲟⲩⲃⲉⲓⲛϫⲉⲡⲁϫⲟⲉⲓⲥⲙⲁⲧⲁⲙⲟⲓⲉⲡⲧⲱϣⲙⲡⲁⲅⲅⲉⲗⲟⲥⲛⲧⲟⲣⲅⲏⲡⲁⲓⲛⲧⲁⲛⲉϥⲃⲁⲗⲧⲁⲩⲉⲥⲛⲟϥⲉⲃⲟⲗⲉⲧⲡⲩⲅⲏ·
ⲡⲉϫⲁϥⲛⲁⲓϫⲉⲕⲛⲁⲩⲉⲡⲁⲅⲅⲉⲗⲟⲥⲛⲧⲟⲣⲅⲏⲛⲧⲟϥⲡⲉⲡⲁⲅⲅⲉⲗⲟⲥⲙⲡϩⲉⲃⲱⲱⲛ·
ⲉⲛⲉⲛⲧⲁⲙⲓⲭⲁⲏⲗ·ⲁⲛⲉⲭⲉⲉϥⲱⲧⲉⲛⲛⲉϥⲣⲙⲉⲓⲟⲟⲩⲉ·ⲉⲛⲉⲛⲧⲁϥⲕⲁⲁⲩⲛⲥⲉⲃⲱⲕⲉⲡⲉⲥⲏⲧⲉⲧⲡⲩⲅⲏⲛⲥⲉⲧⲱϣⲙⲛϯⲉⲓⲱⲧⲉⲉⲧⲃⲏⲕⲉⲡⲉⲥⲏⲧⲉϫⲙⲡⲕⲁϩⲛⲧⲉⲡϣⲟⲉⲓϣⲙⲛⲡⲡⲏⲣϣϣⲱⲡⲉⲛⲧⲉⲡⲕⲁϩⲣϩⲉⲃⲱⲱⲛ·
▢ⲡⲉϫⲁϥⲛⲁⲓⲟⲛϫⲉⲟⲩⲛϩⲙⲉⲛⲗⲉⲅⲓⲱⲛⲉⲩⲉⲓⲣⲉⲛⲟⲩⲧⲃⲁⲉⲧⲗⲉⲅⲓⲱⲛⲛⲉⲩϩⲩⲙⲛⲉⲩⲉϩⲁϫⲱⲥⲛⲧⲉⲓⲱⲧⲉϣⲁⲛⲧⲉⲥⲉⲓⲉϫⲙⲡⲕⲁϩ·ⲉⲙⲛϫⲃⲓⲛⲛϩⲏⲧⲥ·
ⲙⲛⲛⲥⲁⲛⲁⲓⲁϥⲉⲓⲛⲉⲙⲙⲟⲓⲉⲡⲕⲁϩⲛⲉⲇⲉⲙ·
ⲁϥⲧⲁⲗⲟⲓⲉϫⲛⲛⲉϥⲧⲛϩⲛⲟⲩⲟⲉⲓⲛⲁϥⲉⲓⲛⲉⲙⲙⲟⲓϣⲁⲙⲙⲁⲛϣⲁⲙⲡⲣⲏϩⲁϩⲧⲛⲧⲡⲩⲅⲏⲉⲧϯⲙⲙⲟⲟⲩⲉⲡⲉϥⲧⲟⲟⲩⲛⲓⲉⲣⲟ·ⲫⲓⲥⲱⲛ·ⲙⲛϯⲅⲣⲓⲥ·ⲅⲏⲱⲛⲙⲛⲡⲉⲩⲫⲣⲁⲧⲏⲥ·
ⲁⲓⲛⲁⲩⲉⲡⲡⲁⲣⲁⲇⲓⲥⲟⲥⲙⲡⲟⲩⲛⲟϥⲉϥⲙⲏϩⲛϣⲏⲛⲛⲓⲙⲉⲩⲟⲙⲙⲓⲛⲉⲛⲓⲙⲛⲕⲁⲣⲡⲟⲥ·
ⲡⲉϫⲁⲓⲙⲡⲉⲭⲉⲓⲣⲟⲩⲃⲉⲓⲛϫⲉⲡⲁϫⲟⲉⲓⲥⲉⲓⲟⲩⲱϣⲉⲧⲣⲉⲕⲧⲁⲙⲟⲓⲉⲡϣⲏⲛⲛⲧⲁⲁⲇⲁⲙⲟⲩⲱⲙⲉⲃⲟⲗⲛϩⲏⲧϥⲁϥⲕⲱⲕⲁϩⲏⲩϣⲁⲛⲧⲉⲡⲛⲟⲩⲧⲉϭⲱⲛⲧⲉⲣⲟϥ·
ⲁϥⲟⲩⲱϣⲃⲛϭⲓⲡⲉⲭⲉⲓⲣⲟⲩⲃⲉⲓⲛⲡⲉϫⲁϥⲛⲁⲓϫⲉⲁⲕϣⲓⲛⲉⲛⲥⲁϩⲉⲛⲛⲟϭⲙⲙⲩⲥⲧⲏⲣⲓⲟⲛ·
ⲁⲛⲟⲕϩⲱϯⲛⲁϩⲡⲗⲁⲁⲩⲉⲣⲟⲕⲁⲛ·
ⲧⲉⲛⲟⲩϭⲉⲧⲱⲟⲩⲛⲛⲅⲟⲩⲁϩⲕⲛⲥⲱⲓⲛⲧⲁⲧⲁⲙⲟⲕⲉϩⲱⲃⲛⲓⲙ·ⲁⲩⲱⲛⲧⲁⲧⲁⲙⲟⲕⲉⲡϣⲏⲛⲛⲧⲁⲁⲇⲁⲙⲟⲩⲱⲙⲉⲃⲟⲗⲛϩⲏⲧϥ·

ANNIS Metadata

annotation: Mitchell Abrams, Lance Martin, Caroline T. Schroeder
author: unknown
collection: Oriental Manuscripts
Coptic_edition: Budge, 1913
copyist: Victor the Deacon
corpus: mysteries.john
country: Egypt
document_cts_urn: urn:cts:copticLit:misc.mysteries_john.budge:1-12
entities: checked
identities: checked
idno: Or. 7026 ff. 1a-10a
language: Sahidic Coptic
license: CC-BY 4.0 -
msItem_title: The Mysteries of John the Evangelist
msName: MERC.AQ
next: urn:cts:copticLit:misc.mysteries_john.budge:13-28
note: Coptic SCRIPTORIUM's edition includes only Budge's transcription of the manuscript. It is not a diplomatic transcription based on reading and collation of the original manuscript. The translation is Budge's with very slight modifications (e.g., mistranslated numbers corrected.) The manuscript date is based off a colophon.
objectType: codex
order: 01
origDate: 1005
origDate_notAfter: 1006
origDate_notBefore: 1004
origDate_precision: medium
origPlace: St. Mercurius Monastery
pages_from: 1
pages_to: 19
parsing: automatic
paths_manuscripts: 192
paths_works: 41
people: John the Apostle; Michael (archangel)
placeName: Edfu
places: none
project: Coptic SCRIPTORIUM, Marcion
redundant: no
repository: British Library
segmentation: checked
source: Marcion project, Archive.org
tagging: automatic
title: Mysteries of John the Evangelist part 1
translation: E. A. Wallis Budge
Trismegistos: none
version_date: 2021-03-31
version_n: 4.1.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:misc.mysteries_john.budge:1-12. [version number], [date]. https://data.copticscriptorium.org/urn:cts:copticLit:misc.mysteries_john.budge:1-12.

Subsequent citations:

Author, Ancient title (abbreviated) [chapter.verse if available], urn:cts:copticLit:misc.mysteries_john.budge:1-12.

Document Edition: urn:cts:copticLit:misc.mysteries_john.budge:1-12

Work: urn:cts:copticLit:misc.mysteries_john

Text Group: urn:cts:copticLit:misc

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:misc.mysteries_john.budge:1-12/norm/html

Analytic Visualization HTML: https://data.copticscriptorium.org/urn:cts:copticLit:misc.mysteries_john.budge:1-12/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:misc.mysteries_john.budge:1-12/tei/xml

Paula XML: https://data.copticscriptorium.org/urn:cts:copticLit:misc.mysteries_john.budge:1-12/paula/xml

relANNIS: https://data.copticscriptorium.org/urn:cts:copticLit:misc.mysteries_john.budge:1-12/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:misc.mysteries_john.budge:1-12/annis