Encomium of Helias
normalized analytic diplomatic TEI ANNIS PAULA Search ANNIS
Previous

Normalized Text

ⲓⲏⲥⲟⲩⲥ✠ⲭⲣⲓⲥⲧⲟⲥⲟⲩⲉⲅⲕⲱⲙⲓⲟⲛⲛⲧⲉⲡⲉⲛⲡⲉⲧⲟⲩⲁⲁⲃⲛⲉⲓⲱⲧⲉⲧⲧⲁⲓⲏⲩⲕⲁⲧⲁⲥⲙⲟⲧⲛⲓⲙⲁⲡⲁⲥⲧⲉⲫⲁⲛⲟⲥⲡⲉⲡⲓⲥⲕⲟⲡⲟⲥⲛⲧⲡⲟⲗⲓⲥϩⲛⲏⲥⲉⲁϥⲧⲁⲩⲟϥⲉⲡⲉϩⲟⲟⲩⲙⲡϩⲁⲅⲓⲟⲥⲙⲙⲁⲣⲧⲩⲣⲟⲥⲛⲧⲉⲡⲉⲭⲣⲓⲥⲧⲟⲥⲓⲏⲥⲟⲩⲥⲁⲡⲁϩⲏⲗⲓⲁⲥⲉⲧⲉⲥⲟⲩⲙⲛⲧⲁⲥⲉⲡⲉⲙⲡⲁⲥⲣⲉⲙϩⲟⲧⲡⲉⲩⲣϣⲁⲛⲁϥϩⲙⲡⲉϥⲉⲩⲕⲧⲏⲣⲓⲟⲛϩⲛⲟⲩⲉⲓⲣⲏⲛⲏϩⲁⲙⲏⲛ.
ⲟⲩⲛϩⲉⲛϣⲏⲛⲇⲉⲉⲩϣⲟⲟⲡϩⲛⲛⲉⲭⲱⲣⲁⲉⲧⲟⲩⲏⲩⲕⲁⲛⲉⲙⲡⲉⲛⲛⲁⲩⲉⲣⲟⲟⲩϩⲙⲛϩⲟⲁⲗⲗⲁϩⲓⲧⲛⲧϭⲓⲛⲁⲡⲟⲗⲁⲩⲉⲛⲛⲉⲩⲕⲁⲣⲡⲟⲥϣⲁⲛⲉⲓⲙⲉⲉⲡⲉⲩⲕⲁⲗⲗⲱⲥⲙⲛⲛⲉⲩϩⲗⲟϭ.
ϩⲉⲛⲉⲧⲉⲓⲙⲓⲛⲉⲅⲁⲣⲛⲉⲛⲁⲑⲗⲟⲫⲟⲣⲟⲥⲙⲙⲁⲣⲧⲩⲣⲟⲥⲛⲧⲁⲩϣⲱⲡⲉⲕⲁⲧⲁⲡⲟⲗⲓⲥⲁⲩⲱⲕⲁⲧⲁⲭⲱⲣⲁ·ⲕⲁⲛⲙⲡⲉ
ⲛⲃⲱⲕⲛⲙⲙⲁⲩⲉⲡⲇⲓⲕⲁⲥⲧⲏⲣⲓⲟⲛⲟⲩⲇⲉⲙⲡⲉⲛⲑⲉⲱⲣⲉⲓⲙⲡⲁⲅⲱⲛⲛⲧⲁⲩϩⲩⲡⲟⲙⲓⲛⲉⲉⲣⲟⲟⲩϩⲁⲡⲉⲭⲥⲁⲗⲗⲁ
ϩⲓⲧⲛⲧⲁϣⲏⲛⲛⲉⲭⲁⲣⲓⲥⲙⲁⲉⲧϣⲟⲟⲡϩⲛⲛⲉⲩⲉⲩⲕⲧⲏⲣⲓⲟⲛϣⲁⲛⲉⲓⲙⲉⲉⲧⲉⲩⲙⲛⲧⲛⲟϭⲙⲛⲡⲉⲩⲧⲁⲓⲟⲛⲁϩⲣⲙⲡϫⲟⲻⲉⲓⲥ
ⲟⲩⲉⲧⲉⲓⲙⲓⲛⲉϩⲛⲟⲩⲙⲉⲡⲉⲛⲣⲉϥϫⲓⲕⲗⲟⲙⲉⲧⲥⲟⲧⲡⲡⲁⲑⲗⲟⲫⲟⲣⲟⲥⲉⲧⲧⲗⲓⲏⲩⲡϩⲁⲅⲓⲟⲥϩⲏⲗⲓⲁⲥⲡⲁⲓⲉⲧⲟⲛϩⲩⲡⲟⲑⲉⲥⲓⲥⲙⲡⲉⲧⲛⲥⲱⲟⲩϩⲉϩⲟⲩⲛⲙⲡϩⲟⲟⲩⲛⲉⲩⲥⲉⲃⲏⲥ
ⲱⲡⲁⲟⲗⲟⲫⲟⲣⲟⲥϩⲏⲗⲓⲁⲥⲡⲉⲧⲟⲛⲟⲩⲟⲉⲓⲛϩⲉⲙⲡⲣⲁⲛⲙⲛⲛⲁⲣⲉⲧⲏϩⲓⲟⲩⲥⲟⲡ
ϯⲛⲁⲩⲉⲧⲉⲫⲱⲛⲏⲉⲧⲟⲩⲁⲁⲃⲙⲡⲉⲛⲥⲱⲧⲏⲣⲉⲥϫⲏⲕⲉⲃⲟⲗⲉϫⲱⲕϫⲉⲧⲟⲧⲉⲛⲇⲓⲕⲁⲓⲟⲥⲛⲁⲣⲟⲩⲟⲉⲓⲛⲛⲧϩⲉⲙⲡⲣⲏϩⲛⲧⲙⲛⲧⲣⲣⲟⲙⲡⲉⲩⲉⲓⲱⲧ.
ⲁⲗⲗⲁⲡⲁⲓⲙⲉⲛⲛⲧⲁⲡⲉⲭⲣⲓⲥⲧⲟⲥϫⲟⲟϥⲉⲧⲃⲉⲛⲇⲓⲕⲁⲓⲟⲥⲧⲏⲣⲟⲩ.
ⲡϩⲁⲅⲓⲟⲥⲇⲉⲛⲧⲟϥϩⲏⲗⲓⲁⲥⲁϥϣⲱⲡⲉⲉϥⲧⲉⲛⲧⲱⲛⲉⲡⲣⲏϩⲙⲡⲉϥⲣⲁⲛⲙⲛⲧⲁⲣⲉⲧⲏⲙⲛⲡⲉϥⲟⲩⲟⲉⲓⲛϩⲓⲧⲛⲧⲟⲛⲟⲙⲁⲥⲓⲁⲙⲡⲉϥⲣⲁⲛ.
ⲑⲉⲣⲙⲉⲛⲓⲁⲅⲁⲣⲛϩⲏⲗⲓⲁⲥⲛϩⲟⲥⲟⲛⲕⲁⲧⲁϩⲉⲗⲉⲛⲓⲕⲏⲡⲉⲡⲣⲏ:
ⲛϣⲟⲣⲉⲡⲙⲉⲛⲟⲩⲛⲁⲡⲣⲁⲛⲉⲓⲉϩⲟⲩⲛⲙⲛⲡⲉϫⲡⲟϩⲓⲟⲩⲥⲟⲡ·ⲛⲧⲉⲧⲥⲁⲣⲝ.
ⲙⲡⲡⲥⲱⲥⲁⲡⲉϥⲕⲓⲟⲥⲟⲩⲱⲛϩⲉⲃⲟⲗ·ⲉϥⲥⲩⲛϩⲓⲥⲧⲁⲙⲡⲣⲁⲛ.
ⲕⲁⲧⲗⲡⲣⲁⲛϭⲉⲙⲡⲉⲓϩⲁⲅⲓⲟⲥ·ⲧⲁⲉⲓⲟⲛⲧⲉⲧϩⲉⲙⲡⲉϥⲕⲉⲥⲙⲟⲩⲕⲁⲧⲁⲡⲉⲧⲥⲏϩϩⲛⲛⲉⲯⲗⲗⲙⲟⲥ.
ⲁⲗⲗⲁⲡⲣⲏⲙⲉⲛⲡⲉⲥⲑⲏⲧⲟⲛ·ⲟⲩⲛⲟⲩϫⲱⲕϣⲟⲟⲡϩⲙⲡⲉϥⲟⲩⲟⲉⲓⲛ·
ⲡⲟⲩⲟⲉⲓⲛⲇⲉⲛⲛⲉⲙⲁⲣⲧⲩⲣⲟⲥ·ⲻⲟⲩⲁⲧⲧⲁⲕⲟⲡⲉ.
ϣⲁⲣⲉⲡⲣⲏⲙⲉⲛϩⲱⲧⲡ·ⲡⲁⲗⲓⲟⲛϣⲁϥϣⲁⲟⲛ.
ⲛⲁⲑⲗⲟⲫⲟⲣⲟⲥⲇⲉⲙⲙⲁⲣⲧⲩⲣⲟⲥϣⲁⲩϩⲱⲧⲡⲙⲉⲛϩⲙⲡⲥⲱⲙⲁϩⲓⲧⲛⲧⲉⲩϭⲓⲛⲙⲟⲩ·
ⲥⲉⲛⲏⲩⲇⲉⲙⲛⲛϫⲟⲉⲓⲥϩⲛⲟⲩⲉⲟⲟⲩ·ⲉⲣⲉⲡⲕⲉⲕⲗⲟⲥⲛⲛⲉⲩϩⲓⲥⲉⲧⲟⲩϫⲏⲩⲛⲁⲩ
ⲁⲗⲗⲁⲙⲁⲣⲉⲛⲉⲓⲉϫⲛ·ⲟⲩⲡⲟⲑⲉⲥⲓⲥⲙⲡⲉⲧⲛⲥⲱⲟⲩϩⲉϩⲟⲩⲛⲉⲡⲉϥⲣⲡⲙⲉⲉⲩⲉⲙⲡϩⲟⲟⲩⲡϩⲁⲅⲓⲟⲥϩⲏⲗⲓⲁⲥⲡⲣⲉϥⲉⲛⲓⲱⲭⲏⲕⲁⲗⲱⲥⲛⲧⲉϥⲙⲛⲧⲙⲁⲧⲟⲓ.
ϩⲏⲗⲓⲁⲥⲡⲉⲥⲧⲣⲁⲧⲏⲗⲁⲧⲏⲥϩⲛⲟⲩⲙⲉⲛⲧⲉⲡⲣⲣⲟⲡⲉⲭⲣⲓⲥⲧⲟⲥⲁⲩⲱⲡⲥⲁⲉⲓⲛⲛⲟⲩⲟⲛⲛⲓⲙⲉⲧϣⲱⲛⲉ.
ⲡⲁⲓⲇⲉⲛⲟⲩⲉⲣⲅⲁⲧⲏⲥⲁⲛⲡⲉϩⲛⲛⲉⲧⲉⲣϩⲱⲃⲉⲡⲕⲁϩⲟⲩⲇⲉ
ⲛⲉϥⲟⲩⲱⲙⲙⲡⲉϥⲟⲉⲓⲕⲁⲛϩⲛⲧⲃⲱⲧⲉⲙⲡⲉϥϩⲟ.
ⲟⲩⲇⲉⲛⲉⲣⲉⲡⲉϥⲱⲛϩϣⲟⲟⲡⲛⲁϥⲁⲛϩⲛⲧⲙⲛⲧϩⲏⲕⲉϫⲉⲛⲛⲉⲕϫⲟⲟⲥϫⲉⲡϩⲓⲥⲉⲛⲧⲙⲛⲧϩⲏⲕⲉⲡⲉⲛⲧⲁϥⲁⲛⲁⲅⲕⲁⲍⲉⲙⲙⲟϥⲉⲡⲱⲧⲉϩⲟⲩⲛⲉⲡⲉⲓⲥⲧⲁⲇⲓⲟⲛⲛⲧⲉⲧⲙⲛⲧⲙⲁⲣⲧⲩⲣⲟⲥ.
ⲁⲗⲗⲁⲟⲩⲉⲩⲅⲉⲛⲏⲥⲡⲉϩⲛⲛⲉⲧϫⲟⲥⲉϩⲛⲛⲁⲝⲓⲱⲙⲁ.
ⲟⲩⲣⲙⲙⲁⲟⲡⲉϩⲛⲛⲉⲧⲟⲩⲟⲛϩⲉⲃⲟⲗ.
ⲟⲩⲣⲙⲙⲗⲟⲡⲉϩⲛⲛⲉⲭⲁⲣⲓⲥⲙⲁⲙⲡⲉⲭⲣⲓⲥⲧⲟⲥ.
ⲟⲩⲣⲉϥⲡⲟⲗⲩⲙⲉⲓⲡⲉⲉⲡⲉϩⲟⲩⲟⲙⲛⲛⲉϫⲁϫⲉⲉⲧⲟⲩⲟⲛϩⲉⲃⲟⲗ
ⲟⲩⲣⲉϥϫⲣⲟⲛⲉⲉⲡⲉϩⲟⲩⲟ·ⲉⲛⲁⲛⲇⲓⲕⲓⲙⲉⲛⲟⲥⲉⲧϩⲟⲟⲩⲉⲧϩⲏⲡ.
ϥϩⲏⲛⲉϩⲟⲩⲛⲉⲡⲣⲣⲟⲙⲡⲉⲓⲕⲟⲥⲙⲟⲥ.
ⲁⲩⲱϥⲟⲛϣⲃⲏⲣⲉⲡⲣⲣⲟⲛⲧⲡⲉⲙⲛⲡⲕⲁϩⲡⲉⲭⲣⲓⲥⲧⲟⲥⲓⲏⲥⲟⲩⲥ
ⲁⲩⲧⲁⲥⲥⲉⲙⲙⲟϥⲉⲧⲙⲛⲧⲙⲁⲧⲟⲓⲉⲡⲛⲟⲩⲙⲉⲣⲟⲛⲛⲛⲁⲡⲕⲁϩ
ⲁⲩⲧⲁⲥⲥⲉⲙⲙⲟϥϩⲱⲱϥⲉⲧⲙⲁⲛⲇⲣⲓⲕⲏⲛⲙⲡⲏⲩⲉϩⲓⲧⲛⲡⲁⲑⲗⲟⲛⲛⲧϩⲟⲙⲟⲗⲟⲅⲓⲁ.
ⲛⲉϥⲟⲛⲥⲁⲉⲓⲛϩⲛⲟⲩⲡⲟⲗⲓⲥⲛⲟⲩⲱⲧⲛϣⲟⲣⲡ
ⲧⲉⲛⲟⲩⲇⲉⲁϥϣⲱⲡⲉⲛⲣⲉϥⲑⲉⲣⲁⲡⲉⲩⲉⲛⲛⲉⲧϩⲏⲛⲉϩⲟⲩⲛⲉⲣⲟϥⲙⲛⲛⲉⲧϩⲉⲙⲡⲟⲩⲉ.
ⲛⲁⲛⲟⲩⲡⲉⲥⲧⲁⲇⲓⲟⲛⲛⲧⲉⲕⲙⲁⲣⲧⲩⲣⲓⲁⲱⲛⲅⲉⲛⲛⲁⲓⲟⲥϩⲛⲟⲩⲙⲉ.
ⲟⲩⲁⲧϩⲱϭⲃⲡⲉⲡⲉⲕⲕⲗⲟⲙ
ϩⲛⲁⲧϫⲓⲏⲡⲉⲙⲙⲟⲟⲩⲛⲉⲛⲉⲕⲁⲣⲡⲟⲥⲛⲧⲉⲕⲇⲓⲕⲁⲓⲑⲟⲩⲛⲏ
ⲉⲓⲛⲁⲧⲛⲧⲱⲛⲅⲉⲛⲓⲙϩⲛⲡⲉⲧⲟⲩⲁⲁⲃⲱⲡϩⲁⲅⲓⲟⲥϩⲏⲗⲓⲁⲥ
ⲉⲓⲛⲁⲧⲛⲧⲱⲛⲅⲉⲡⲉⲧⲟⲛϩⲩⲙⲟⲛⲟⲙⲟⲥⲩⲕⲏⲛⲡⲁⲛⲓⲣⲁⲛⲛⲟⲩⲱⲧⲛⲙⲙⲁⲕϩⲏⲗⲓⲁⲥ
ⲡⲉⲛⲧⲁⲩⲁⲛⲁⲗⲁⲙⲃⲁⲛⲉⲙⲙⲟϥϩⲓⲧⲛϩⲛϩⲧⲱⲱⲣⲙⲛϩⲛϩⲁⲣⲙⲁⲛⲕⲱϩⲧ
ⲡⲉⲛⲧⲁϥϣⲧⲟⲙⲛⲧⲡⲉⲁϥⲟⲩⲱⲛⲙⲙⲟⲥⲟⲛϩⲓⲧⲙⲡϣⲁϫⲉⲛⲧⲉϥⲧⲁⲡⲣⲟ.
ϩⲏⲗⲓⲁⲥⲅⲁⲣⲡⲉⲧⲙⲙⲁⲩⲡⲉⲛⲧⲁϥⲛⲏⲥⲧⲉⲩⲉⲛϩⲙⲉⲛϩⲟⲟⲩⲙⲛϩⲙⲉⲛⲟⲩϣⲏ
ⲱⲡⲉⲓⲛⲟϭⲛⲑⲁⲩⲙⲁⲧⲟⲩⲣⲅⲟⲥⲛⲧⲉⲓⲙⲓⲛⲉⲙⲛⲛⲥⲁⲉⲧⲣⲉϥⲣⲱⲕϩⲙⲡⲡⲉⲛⲧⲏⲕⲟⲛⲧⲁⲣⲭⲟⲥⲥⲛⲁⲩⲙⲛⲡⲉⲩϣⲉⲙⲙⲁⲧⲟⲓ.
ⲁⲩⲱⲙⲛⲛⲥⲁⲉⲧⲣⲉϥⲕⲱⲛⲥⲛⲡⲉⲟⲩⲏⲏⲃⲙⲡⲃⲁϩⲁⲗⲉⲩⲉⲓⲣⲉⲛϥⲧⲟⲟⲩⲛⲱⲉϩⲉⲛⲧⲉⲩⲏⲡⲉ.
ⲉⲡϩⲉⲛⲁϥⲡⲱⲧϩⲁⲑⲏⲛⲧⲁⲡⲉⲓⲗⲏⲛⲟⲩⲥϩⲓⲙⲉⲙⲡⲟⲣⲛⲏ
ⲛⲧⲟⲕϩⲱⲱⲕⲱⲡⲛⲓⲕⲟⲫⲟⲣⲟⲥⲁⲩⲱⲡⲁⲑⲗⲟⲫⲟⲣⲟⲥⲁⲩⲱⲡⲑⲉⲟⲫⲟⲣⲟⲥⲁⲩⲱⲡⲉⲡⲛⲁⲧⲟⲫⲟⲣⲟⲥ·ⲁⲩⲱⲡⲉⲥⲧⲉⲫⲁⲛⲟⲫⲟⲣⲟⲥⲛⲧⲕⲩⲛⲏⲻⲇⲓⲁⲑⲏⲕⲏ.
ⲡⲙⲁⲣⲧⲩⲣⲟⲥⲉⲧⲧⲁⲓⲏⲩ.
ⲡⲅⲉⲡⲛⲁⲓⲟⲥⲉⲧⲟⲛϩⲟⲧ.
ⲡⲁⲑⲗⲏⲧⲏⲥⲛⲁⲧⲻϭⲱⲧⲡ.
ⲡⲁⲅⲱⲛⲓⲥⲧⲏⲥⲛⲣⲉϥϫⲣⲟ
ⲡϩⲁⲅⲓⲟⲥϩⲏⲗⲓⲁⲥⲁⲕⲁϩⲉⲣⲁⲧⲕϩⲓⲧϩⲏⲛⲛⲁⲡⲉⲓⲗⲏⲛⲛⲣⲣⲱⲟⲩⲁⲩⲱⲙⲡⲉⲕϣⲓⲡⲉϩⲏⲧϥⲙⲡϩⲟⲛⲡⲉⲇⲩⲛⲁⲥⲧⲏⲥ.
ⲁⲕϩⲱⲙⲉϫⲉⲛⲧϭⲟⲙⲙⲡⲕⲱϩⲧ
ⲁⲕϣⲱⲡⲉⲉⲕϫⲟⲟⲣϩⲉⲙⲡⲡⲟⲗⲉⲙⲟⲥⲛⲛⲉⲕϫⲁϫⲉ
ⲉⲓⲛⲁⲧⲛⲧⲱⲛⲅⲉⲡⲥⲟⲫⲟⲥⲇⲁⲛⲓⲏⲗ·ⲛⲧⲕⲟⲩⲉⲧⲉⲓⲙⲓⲛⲉⲁⲗⲏⲑⲱⲥϩⲛⲧⲉⲥⲧⲣⲁⲧⲓⲁⲙⲛⲧⲁⲣⲧⲉⲧⲛϩⲓⲟⲩⲥⲟⲡ.
ⲡⲉⲧⲙⲙⲁⲩⲙⲉⲛⲡⲉϥⲁϩⲉⲣⲁⲧϥⲉⲛⲉⲣⲱⲟⲩⲛⲛⲉⲭⲁⲗⲇⲁⲓⲟⲥ
ⲛⲧⲟⲕⲇⲉϩⲱⲱⲕⲱⲡⲁⲑⲗⲏⲧⲏⲥⲉⲧⲧⲁⲓⲏⲩ.ⲡⲉⲕⲁϩⲉⲣⲁⲧⲕⲉⲛⲁⲧⲉⲓⲕⲗⲏⲣⲟⲛⲟⲙⲓⲁⲛⲟⲩⲱⲧⲛⲙⲙⲁⲩ.
ⲁⲡⲉⲧⲙⲙⲁⲩⲕⲁⲧⲁⲫⲣⲟⲛⲉⲓⲛⲛⲉⲡⲣⲟⲥⲧⲁⲅⲙⲁⲛⲇⲁⲣⲓⲟⲥ·ⲙⲛⲕⲩⲣⲟⲥ.
ⲛⲧⲟⲕϩⲱⲱⲕⲱⲡϥⲁⲓⲕⲗⲟⲙⲙⲡⲉⲭⲣⲓⲥⲧⲟⲥⲁⲕⲕⲁⲧⲁⲫⲣⲟⲛⲉⲓⲛⲛⲣⲉϥϣⲙϣⲉⲉⲓⲇⲱⲗⲟⲛ.
ⲁⲩⲛⲟⲩϫⲉⲛⲇⲁⲛⲓⲏⲗⲉⲡϣⲏⲓⲛⲛⲉⲙⲟⲩⲓϫⲉⲙⲡⲉϥⲥⲱⲧⲙⲛⲥⲁⲡⲉⲡⲣⲟⲥⲧⲁⲅⲙⲁⲛⲛⲉⲡⲉⲣⲥⲟⲥⲙⲛⲛⲉⲙⲏⲧⲟⲥ
ⲛⲧⲟⲕⲇⲉϩⲱⲱⲕⲱⲡⲇⲓⲕⲁⲓⲟⲥⲙⲡⲕⲩⲙⲛⲁⲥⲓⲟⲛⲛⲛⲉⲑⲩⲣⲓⲟⲛⲙⲙⲁⲧⲉⲁⲛⲁⲕϩⲩⲡⲟⲙⲓⲛⲉⲉⲣⲟϥⲉⲧⲃⲉⲧϩⲟⲙⲟⲗⲟⲅⲓⲁⲙⲡⲉⲭⲣⲓⲥⲧⲟⲥ.
ⲁⲗⲗⲁⲁⲕϣⲱⲡⲉⲉⲕϫⲟⲟⲣϩⲛϩⲁϩⲛⲁⲅⲱⲛⲉⲓⲛⲁ
ⲧⲛⲧⲱⲛⲅⲉⲡϩⲓⲁⲧⲣⲟⲥⲟⲫⲓⲥⲧⲏⲥⲙⲙⲉⲣⲓⲧⲗⲟⲩⲕⲁⲥⲡⲉⲩⲁⲅⲅⲉⲗⲓⲥⲧⲏⲥ.
ⲁⲕϣⲱⲡⲉⲉⲕⲧⲛⲧⲱⲛⲉⲣⲟϥϩⲛⲧⲉⲕϭⲓⲛⲟⲩⲁϩⲕⲛⲥⲁⲡⲉⲭⲣⲓⲥⲧⲟⲥⲙⲛⲧⲉⲕϭⲓⲛⲉⲣⲙⲁⲣⲧⲩⲣⲟⲥⲉϫⲱϥ
ⲉⲓⲛⲁⲍⲱⲅⲣⲁⲫⲉⲓϭⲉⲛⲏⲧⲛⲛⲧϩⲓⲥⲧⲱⲣⲓⲁⲙⲡϩⲁⲅⲓⲟⲥϩⲏⲗⲓⲁⲥϫⲉⲙⲙⲟⲛⲧⲉⲭⲁⲣⲓⲥⲛⲧⲁⲥϣⲱⲡⲉⲛⲁϥⲉⲃⲟⲗϩⲓⲧⲙⲡϫⲟⲉⲓⲥ.
ⲧⲁϫⲱⲛⲛⲧⲉϥⲙⲛⲧⲣⲉϥⲁⲅⲱⲛⲓⲍⲉⲉⲧⲃⲉⲡⲛⲑⲩⲧⲉ.
ⲏⲛⲧⲟϥⲧⲃⲟⲏⲑⲓⲁⲙⲡⲡⲉⲧϫⲟⲥⲉⲛⲧⲁⲥⲣⲃⲟⲏⲑⲓⲁⲉⲣⲟⲕ.
ⲧⲁϫⲱⲙⲡϭⲱⲛⲧⲙⲛⲧⲁⲡⲟⲛⲟⲓⲁⲙⲡⲧⲩⲣⲁⲛⲟⲥϫⲉⲙⲙⲟⲛⲑⲩⲡⲟⲙⲟⲡⲏⲙⲡⲉⲓⲙⲁⲣⲧⲩⲣⲟⲥⲉⲧⲟⲩⲁⲁⲃ
ⲡⲁⲓⲙⲉⲛⲛⲉϥⲟⲛⲧϩⲉⲛϩⲉⲛⲉⲥⲟⲟⲩϩⲛⲧⲙⲏⲧⲉⲛϩⲉⲛⲟⲩⲱⲛϣ
ⲛⲉϥⲟⲛⲧϩⲉⲛϩⲛⲕⲣⲓⲛⲟⲛϩⲛⲧⲙⲏⲧⲉⲛϩⲛϣⲟⲛⲧⲉ.
ⲛⲉϥϣⲟⲟⲡⲛⲣⲉϥⲣⲟⲩⲟⲉⲓⲛϩⲛⲧⲙⲏⲧⲉⲛⲛⲉⲧϩⲙⲡⲕⲁⲕⲉⲛⲧⲉⲡⲗⲁⲛⲏⲛⲛⲉⲓⲇⲱⲗⲟⲛⲁⲩⲱⲛⲉⲣⲉⲛⲉⲧⲙⲙⲁⲩⲧⲣⲩⲫⲁ
ⲡⲓⲅⲉⲛⲛⲁⲓⲟⲥⲇⲉϩⲱⲱϥⲛⲉⲩⲭⲁⲗⲓⲛⲟⲩⲙⲙⲟϥⲉⲃⲟⲗϩⲓⲧⲙⲡⲻⲛⲟⲩⲧⲉ.
ⲛⲁⲓⲙⲉⲛⲛⲉⲩⲟⲩⲱϣⲧⲛⲛⲉⲛⲧⲁⲛⲉⲩϭⲓϫⲧⲁⲙⲓⲟⲟⲩ.ⲡϩⲁⲅⲓⲟⲥⲇⲉϩⲏⲗⲓⲁⲥⲛⲉϥⲟⲩⲱϣⲧⲙⲡⲣⲉϥⲧⲁⲙⲓⲟⲙⲁⲩⲁⲁϥⲉⲧⲉⲡⲛⲟⲩⲧⲉⲡⲉ
ⲁⲩⲱⲡⲕⲟⲥⲙⲟⲕⲣⲁⲧⲱⲣⲛⲛⲁⲡⲕⲁⲕⲉⲛⲉϥⲡⲣⲟⲧⲣⲉⲡⲉⲓⲙⲙⲟϥⲟⲛⲛⲛⲁⲡⲕⲁⲕⲉ.
ⲡⲅⲉⲡⲛⲁⲓⲟⲥⲇⲉϩⲱⲱϥⲙⲙⲁⲣⲧⲩⲣⲟⲥ·ⲛⲉⲣⲉⲡⲉϥⲡⲟⲗⲓⲧⲉⲩⲙⲁϩⲛⲛⲻⲡⲏⲩⲉ.
ⲙⲉⲉⲩⲉⲇⲉⲉⲃⲟⲗⲗⲟⲓⲡⲟⲛⲉⲡⲉⲑⲉⲁⲇⲣⲟⲛⲛⲗⲁⲙⲡⲣⲟⲛⲉⲧⲙⲉϩⲛⲭⲁⲣⲓⲥ
ⲟⲩⲣⲱⲙⲉⲛⲟⲩⲱⲧⲙⲡⲁⲧⲛϩⲁⲅⲓⲟⲥⲉϥⲁϩⲉⲣⲁⲧϥϩⲛⲧⲙⲏⲧⲉⲙⲡⲛⲟⲩⲧⲉ
ⲙⲏⲛⲉⲣⲱⲙⲉϩⲛⲧⲙⲏⲧⲉⲛⲛⲁⲅⲅⲉⲗⲟⲥⲙⲛⲛⲇⲁⲓⲙⲟⲛⲓⲟⲛ.
ⲛⲁⲡⲕⲁϩⲙⲉⲛⲛⲉⲩⲁⲛⲁⲅⲕⲁⲍⲉⲙⲙⲟϥⲉⲣⲑⲩⲥⲓⲁⲛⲛⲁⲡⲕⲁϩ.
ⲡⲣⲣⲟϩⲱⲱϥⲛⲙⲡⲉⲛⲏⲩⲉⲡⲉⲭⲣⲓⲥⲧⲟⲥ·ⲛⲉϥⲧⲁϫⲣⲟⲙⲡⲉϥⲅⲉⲛⲡⲁⲓⲟⲥⲉϩⲟⲩⲛⲉⲡⲁⲅⲱⲛ.
ⲛⲅⲛⲁⲑⲩⲥⲓⲁⲍⲉϭⲉⲁⲛⲱϩⲏⲗⲓⲁⲥ·ⲙⲙⲟⲛⲡⲉϫⲁϥ.
ⲡⲙⲁⲣⲧⲩⲣⲟⲥⲇⲉⲉⲧⲟⲩⲁⲁⲃⲡⲉϫⲁϥϫⲉⲁⲛⲅⲟⲩⲥⲁⲉⲓⲛⲉⲓϩⲓⲁⲧⲣⲉⲡⲉⲓⲛϩⲛⲕⲟⲟⲩⲉ
ⲁⲩⲱⲛⲁϣⲛϩⲉⲉⲓⲛⲁⲁⲛⲉⲭⲉⲉⲧⲣⲉⲧⲁⲯⲩⲭⲏϣⲱⲛⲉϩⲛⲧⲙⲛⲧⲣⲉϥϣⲙϣⲉⲉⲓⲇⲱⲗⲟⲛ
ⲁⲛⲟⲕⲟⲩⲙⲁⲧⲟⲓϩⲛⲧⲉⲥⲧⲣⲁⲧⲓⲁⲉⲧⲏⲛⲉⲡⲕⲁϩⲁⲗⲗⲁⲛϯⲟⲩⲱϣⲁⲛⲉⲡⲱⲣϫⲉⲛⲉⲥⲧⲣⲁⲧⲉⲩⲙⲁⲛⲛⲁⲅⲅⲉⲗⲟⲥ.
ⲁⲛⲟⲕⲟⲩⲡⲟⲗⲓⲧⲏⲥⲛⲧⲉⲧⲡⲟⲗⲓⲥⲉⲧϩⲓϫⲙⲡⲕⲁϩⲁⲗⲗⲁϫⲓⲛⲡϩⲟⲟⲩⲉⲃⲟⲗⲉⲓⲛⲁⲥⲱⲧⲏⲛⲁⲓⲛⲧϩⲓⲉⲣⲟⲩⲥⲁⲗⲏⲙⲛⲧⲡⲉⲧⲡⲟⲗⲓⲥⲛⲛⲟⲛⲧⲟⲛⲛⲡⲉⲧⲟⲩⲁⲁⲃ.
ⲟⲩϭⲉⲧⲉⲛⲟⲩⲛⲉⲧⲟⲩⲛⲁⲁⲁϥⲛϭⲓⲛⲇⲩⲛⲁⲙⲓⲥⲙⲡⲕⲁⲕⲉ.
ⲟⲩⲡⲉⲧⲉϥⲛⲁⲁϥⲛϭⲓⲡⲣⲣⲱⲛⲣⲉϥⲙⲓϣⲉⲙⲛⲡⲛⲟⲩⲧⲉ.
ⲁϥⲕⲟⲗⲁⲕⲉⲩⲉ.
ⲁϥⲁⲡⲉⲓⲗⲏ.
ⲁϥⲁⲡⲁⲣⲁⲕⲁⲗⲉⲓ
ⲁϥⲁⲅⲁⲛⲁⲕⲧⲉⲓ
ⲁⲩⲱϫⲉⲉⲓⲛⲁϫⲟⲟⲥⲛⲥⲩⲛⲧⲱⲙⲟⲥ.
ⲁϥⲉⲓⲉⲡⲉⲥⲏⲧⲛϭⲓⲛϩⲱⲟⲩ
ⲁⲩⲉⲓⲛϭⲓⲡϩⲱⲟⲩⲉⲣⲱⲟⲩⲁⲩⲡⲓⲃⲉ
ⲛϭⲓⲛⲧⲏⲩ.
ⲁⲩϩⲓⲟⲩⲉⲉϩⲟⲩⲛϩⲙⲡⲗⲟⲅⲓⲥⲙⲟⲥⲙⲡⲉⲓϩⲁⲅⲓⲟⲥ·ⲁⲩⲱⲙⲡⲟⲩⲉϣⲕⲓⲙⲉⲣⲟϥϫⲉⲛⲉϥⲕⲏⲧⲡⲉϩⲓϫⲛⲧⲡⲉⲧⲣⲁⲛⲁⲧⲕⲓⲙⲡⲉⲭⲣⲓⲥⲧⲟⲥ
ⲗⲟⲓⲡⲟⲛϩⲱⲥⲉⲁⲡϣⲟⲣⲛⲛⲅⲩⲙⲛⲁⲥⲓⲁⲕⲉⲧⲟⲟⲧϥⲉⲃⲟⲗ.
ⲁⲩⲕⲁⲗⲉⲓⲙⲡⲁⲑⲗⲏⲧⲏⲥⲁⲩⲱⲛϣⲟⲉⲓϫⲛⲧⲙⲉⲉϩⲟⲩⲛⲉⲡⲁⲅⲱⲛ.
ⲡⲁⲗⲓⲛⲟⲛϩⲉⲛϩⲓⲥⲉⲉⲩⲟⲛⲡⲟϭⲉⲙⲁⲧⲉ.
ⲡⲁⲗⲓⲛⲟⲛⲛϩⲛⲇⲏⲙⲉⲩⲥⲓⲥⲙⲛϩⲛⲕⲟⲗⲁⲥⲧⲏⲣⲓⲟⲛⲉⲩⲟϣ
ⲡⲁⲗⲓⲛⲟⲛⲧⲁⲡⲟⲡⲓⲁⲛⲛⲇⲩⲙⲓⲟⲥ.
ⲡⲁⲗⲓⲡⲟⲡⲉⲃⲟⲗϩⲛⲟⲩϭⲟⲙⲉⲩϭⲟⲙ
ⲉⲃⲟⲗϩⲛⲟⲩⲙⲏⲧⲣⲣⲟⲉⲕⲉⲗⲁⲟⲥ.
ⲉⲃⲟⲗϩⲛⲟⲩⲃⲏⲙⲁⲉⲩⲃⲏⲙⲁ
ⲉⲃⲟⲗϩⲛϩⲛϩⲓⲥⲉⲉⲛⲁϣⲱⲟⲩⲉϩⲟⲩⲛⲉϩⲛⲟⲻⲗⲓⲯⲓⲥⲉⲩⲟϣ.
ⲛϩⲟⲡⲗⲟⲛⲅⲁⲣⲛⲧⲉϥⲙⲛⲧⲙⲁⲧⲟⲓⲛϩⲛⲥⲁⲣⲅⲓⲕⲟⲛⲁⲛⲡⲉⲁⲗⲗⲁϩⲛϭⲟⲙⲛⲧⲉⲛⲛⲟⲩⲧⲉⲛⲉ
ⲁϥⲟⲩⲱⲛϩⲉⲃⲟⲗⲉϥⲁⲕⲟⲩⲗⲟⲩⲑⲉⲓⲙⲡⲉⲭⲣⲓⲥⲧⲟⲥⲛⲁⲓⲛⲧⲁϥⲁϩⲉⲣⲁⲧϥⲙⲡⲉⲙⲧⲟⲉⲃⲟⲗⲡⲡⲁⲣⲭⲓⲉⲣⲉⲩⲥⲙⲛϩⲏⲣⲱⲇⲏⲥⲙⲉⲛⲡⲓⲗⲁⲧⲟⲥ.
ϣⲁⲩϫⲟⲟⲥⲅⲁⲣⲛϭⲓⲛⲥⲟⲫⲟⲥ·ⲉⲧⲃⲉⲧⲉⲫⲩⲥⲓⲥⲙⲡⲛⲟⲩⲃϫⲉⲡⲉⲧⲟⲩⲛⲁⲇⲱⲕⲓⲙⲁⲍⲉⲙⲙⲟϥϩⲛⲧⲉϩⲣⲱⲙⲡϣⲟⲣⲡⲛⲥⲟⲡⲙⲛⲙⲡⲉϩⲥⲛⲁⲩⲙⲛⲡⲙⲉϩϣⲟⲙⲛⲧⲛⲧⲟϥⲡⲉⲡⲛⲟⲩⲃⲛⲇⲱⲕⲓⲙⲏ.
ⲡⲡⲉⲧⲟⲩⲁⲁⲃⲇⲉϩⲱⲱϥⲙⲙⲁⲣⲧⲩⲣⲟⲥⲛϩⲁⲅⲓⲟⲥϩⲏⲗⲓⲁⲥϩⲱⲥⲉⲁϥⲟⲩⲱⲛϩⲉⲃⲟⲗⲙⲡϣⲟⲣⲡⲛⲕⲩⲙⲛⲁⲥⲓⲟⲛⲙⲛⲡⲙⲉϩⲥⲛⲁⲩⲙⲉⲛⲡⲙⲉϩϣⲟⲙⲧ.
ⲉⲧⲃⲉⲡⲁⲓⲁⲛⲉϥⲕⲗⲟⲙϣⲱⲛⲉⲛⲗⲁⲙⲡⲣⲟⲛϩⲛⲙⲡⲏⲩⲉⲁⲩⲱϩⲓϫⲙⲛⲕⲁϩ
ⲁϥⲉⲓⲉⲃⲟⲗϩⲓⲧⲛⲛⲟⲩⲕⲱϩⲧⲙⲛⲟⲩⲙⲟⲟⲩⲁⲗⲗⲁϥⲕⲏⲛⲁϥⲉϩⲣⲁⲓⲛϭⲓⲛⲙⲁⲛⲙⲧⲟⲛⲛⲣⲉϥⲯⲁⲗⲗⲉⲓ.
ⲁⲩⲁϣⲧϥⲉⲩϣⲉⲁⲗⲗⲁϩⲱⲉⲡⲉⲥⲃⲟⲩⲓⲉⲧⲣⲉϥⲣⲧϩⲉⲙⲡⲉϥⲥⲁϩⲡⲁⲓⲛⲧⲁⲩⲥⲧⲁⲩⲣⲟⲩⲙⲙⲟϥϩⲁⲣⲟⲛ
ⲁϥⲁⲙⲡⲟⲧⲁⲥⲥⲉⲛⲛⲉϥϣⲕⲉⲉⲣⲙⲡⲡⲉⲩⲟⲩⲱϣⲙⲛⲧⲧⲉⲣⲯⲓⲥⲛⲣⲉϥⲧⲁⲕⲟ
ⲁⲗⲗⲗϥⲥⲃⲧⲱⲧⲡⲁϥⲛϭⲓⲡⲁⲣⲓⲥⲧⲟⲛⲛⲧⲙⲛⲧⲣⲣⲟⲛⲙⲡⲏⲩⲉ
ⲁϥⲕⲱⲛⲥⲱϥⲛⲛⲉⲓⲁⲝⲓⲱⲙⲁⲙⲡⲣⲟⲥⲟⲩⲟⲉⲓϣⲁⲗⲗⲁⲥⲉϣⲟⲟⲡⲛⲁϥⲛϭⲓⲛⲁⲅⲁⲑⲟⲛⲛⲁⲡⲉⲣⲁⲛⲧⲟⲛ.
ⲁϥⲕⲧⲉⲡⲉϥϩⲟⲥⲁⲃⲟⲗⲛⲡⲣⲣⲱⲟⲩⲙⲡⲕⲁϩ
ⲁⲗⲗⲁⲧⲱϥⲧⲉⲧⲉⲑⲉⲱⲣⲓⲁⲙⲡⲟⲩⲟⲉⲓⲛⲛⲧⲉⲧⲣⲓⲁⲥⲉⲧⲟⲩⲁⲁⲃⲛϩⲟⲙⲟⲟⲩⲥⲓⲟⲛ.
ⲁⲩϥⲓⲛⲧⲉϥⲁⲡⲉϩⲛⲧⲥⲏⲃⲉⲁⲗⲗⲁⲁϥⲃⲱⲕϣⲁⲧⲉϥⲁⲡⲉⲛⲁⲗⲏⲑⲓⲛⲟⲛⲡⲉⲭⲣⲓⲥⲧⲟⲥⲁϥⲁⲙⲡⲟⲧⲁⲥⲥⲉⲙⲡϩⲱⲕⲙⲡⲣⲣⲟⲁⲗⲗⲁⲁϥϣⲱⲡⲉⲛⲧϩⲉⲛⲇⲁⲩⲉⲓⲇⲛⲧⲁϥⲛⲟⲩϫⲉⲙⲡϩⲱⲕⲛⲥⲁⲟⲩⲗⲉⲃⲟⲗⲙⲙⲟϥ
ϩⲛϩⲓⲟⲙⲉⲛⲉⲛⲧⲁⲩⲉⲓⲉⲃⲟⲗϩⲏⲧϥⲙⲡⲉⲧⲙⲙⲁⲩⲉⲩⲭⲟⲣⲉⲩⲉⲉϫⲉⲛⲧⲉϥϭⲓⲛϫⲣⲟⲉⲡⲁⲗⲗⲟⲫⲩⲗⲟⲥ.
ⲡⲉⲓⲅⲉⲛⲛⲁⲓⲟⲥⲇⲉⲛⲧⲟϥϩⲛⲁⲅⲅⲉⲗⲟⲥⲛⲉⲧⲟⲛⲁϥⲛϥⲣⲁⲃⲉⲩⲧⲏⲥϫⲉⲁϥϫⲣⲟⲉⲡⲉⲓⲱⲧⲛⲛⲁⲗⲗⲟⲫⲩⲗⲟⲥⲧⲏⲣⲟⲩⲉⲧⲉⲡⲁⲓⲡⲉⲡⲇⲓⲁⲃⲟⲗⲟⲥ.
ⲛⲧⲕⲟⲩⲙⲁⲕⲁⲣⲓⲟⲥⲧⲉⲛⲟⲩⲱⲡⲁⲟⲗⲟⲫⲟⲣⲟⲥⲁⲩⲱⲟⲩⲗⲁⲙⲡⲣⲟⲛⲡⲉⲡⲉⲕⲕⲗⲟⲙ
ⲛⲁⲛⲟⲩⲡⲉⲕϫⲣⲟⲱⲡⲉⲛⲧⲁϥⲃⲱⲕϩⲛϩⲁϩⲛⲁⲅⲱⲛⲉⲧⲃⲉⲡⲉϥⲙⲉⲉϩⲟⲩⲛⲉⲡⲛⲟⲩⲧⲉ
ⲁⲩⲱⲡϫⲟⲉⲓⲥⲛⲁⲥⲧⲉⲫⲁⲛⲟⲩⲙⲙⲟⲕϩⲙⲡⲉⲕⲗⲟⲙⲛⲧⲇⲓⲕⲁⲓⲟⲥⲩⲛⲏ
ⲙⲡⲉⲣⲧⲣⲉⲟⲩⲁϭⲉⲧⲉⲛⲟⲩⲣⲁⲡⲓⲥⲧⲟⲥⲉϥⲥⲱⲧⲙⲉⲛϩⲓⲥⲉⲧⲏⲣⲟⲩⲛⲧⲁϥϩⲩⲡⲟⲙⲓⲛⲉⲉⲣⲟⲟⲩⲛϭⲓⲡⲓⲁⲑⲗⲟⲫⲟⲣⲟⲥⲙⲙⲁⲣⲧⲩⲣⲟⲥⲉⲧⲃⲉⲡⲉⲭⲣⲓⲥⲧⲟⲥ.
ⲟⲩⲛⲟϭⲅⲁⲣⲧⲉⲧⲁϣⲏⲛⲛⲧⲁⲗϭⲟⲉⲧϣⲟⲟⲡⲙⲙⲏⲡⲉϩⲉⲙⲡⲉϥⲧⲟⲡⲟⲥ
ⲛⲁⲓⲅⲁⲣⲥⲉⲡⲟⲣϣⲉⲃⲟⲗⲉϫⲛⲟⲩⲟⲛⲛⲓⲙⲥⲭⲉⲇⲱⲛⲛⲧϩⲉⲛⲛⲁⲕⲧⲓⲛⲙⲡⲣⲏⲉⲧⲉⲣⲟⲩⲟⲉⲓⲛ
ⲁϣϭⲉⲛⲉⲡⲉϭⲓⲛⲑⲉⲣⲁⲡⲉⲩⲉⲛⲛⲉⲧⲙⲟⲕϩ.
ⲧϭⲓⲛⲛⲟⲩϫⲉⲉⲉⲃⲟⲗⲛⲛⲇⲁⲓⲙⲟⲛⲓⲟⲛ
ⲛⲉⲛⲧⲁⲩϩⲱⲛⲉϩⲟⲩⲛⲉⲙⲡⲩⲗⲏⲙⲡⲙⲟⲩⲛⲁⲓⲛⲧⲉⲓⲙⲓⲛⲉⲉϥⲕⲧⲟⲙⲙⲟⲟⲩⲉϩⲱⲟⲩⲛⲉⲡⲱⲛϩⲛⲕⲉⲥⲟⲡϩⲓⲧⲛⲛⲉⲡⲣⲉⲥⲃⲉⲓⲁⲉⲧⲉϥⲉⲉⲓⲣⲉⲙⲙⲟⲟⲩⲉϫⲱⲛⲛⲁϩⲣⲙⲡϫⲟⲉⲓⲥⲓⲏⲥⲟⲩⲥ
ϥⲥⲟⲟⲩⲛⲅⲁⲣⲛⲑⲉⲣⲁⲡⲉⲩⲉⲛⲛⲉⲧⲟⲛϩⲩⲧⲣⲟⲡⲓⲕⲟⲥⲛⲁϩⲣⲉⲛⲧⲧⲉⲭⲛⲏⲛⲧⲉϥⲙⲛⲧⲥⲁⲉⲓⲛⲁϫⲛⲃⲉⲕⲏ
ϥⲥⲟⲟⲩⲛⲛⲑⲉⲣⲁⲡⲉⲩⲉⲛⲛⲉⲧⲙⲟⲕϩⲉϥϥⲓⲙⲙⲁⲩⲙⲡⲉⲧⲕⲁⲥⲉⲧϩⲉⲛⲛⲉⲩⲙⲉⲗⲟⲥ.
ϩⲁⲡⲗⲱⲥ·ϥⲧⲁⲗϭⲟⲛⲟⲩⲟⲛⲛⲓⲙⲉϥϫⲓⲭⲁⲣⲓⲥⲛⲁϩⲣⲉⲙⲡⲛⲟⲩⲧⲉⲛϭⲓⲡⲉⲓⲡⲉⲧⲟⲩⲁⲁⲃⲉϥϯⲛⲁϥⲙⲡⲉⲧⲉϥⲁⲓⲧⲉⲓⲙⲙⲟϥ.
ⲉϥϫⲱⲕⲉⲃⲟⲗⲙⲡⲉⲧⲏⲙⲁⲙⲡⲟⲩⲁⲡⲟⲩⲁⲉⲧⲛⲏⲩⲉⲡⲉϥⲙⲁⲣⲧⲩⲣⲓⲟⲛⲉⲧⲟⲩⲁⲁⲃ
ⲁⲕⲛⲁⲩϫⲉⲟⲩⲡⲣⲟⲥⲧⲁⲧⲏⲥⲛⲁⲱⲛϩⲉⲡⲉⲧⲉⲟⲩⲛⲧⲁⲛϥⲙⲙⲁⲩⲉϥⲙⲓϣⲉⲉϫⲱⲛⲟⲩϥⲉⲛϫⲁϫⲉⲉⲧϩⲏⲡ
ⲁⲩⲱⲟⲛⲉϥⲟⲛⲣⲉϥⲑⲉⲣⲁⲡⲉⲩⲉⲙⲡⲉⲛⲥⲱⲙⲁ.
ⲕⲁⲓⲅⲁⲣⲡⲕⲉϩⲟⲟⲩⲛⲧⲉϥⲁⲛⲁⲗⲏⲯⲓⲥϥⲡⲣⲉⲡⲉⲓⲛⲁϩⲣⲛⲧϩⲩⲡⲟⲑⲉⲥⲓⲥⲉⲧϩⲟⲣϣ.
ⲛϣⲁⲩϫⲟⲟⲥⲅⲁⲣⲛϭⲓⲛⲥⲟⲫⲟⲥⲛⲥⲁⲉⲓⲛⲉⲧⲃⲉⲡⲉⲓⲉⲃⲟⲧⲧⲡⲁⲣⲙϩⲟⲧⲡϫⲉⲟⲩⲉⲃⲟⲧⲡⲉⲛⲣⲉϥϫⲡⲉϣⲱⲛⲉⲙⲫⲩⲥⲓⲥⲡⲉ
ⲉⲃⲟⲗϫⲉⲉϩⲣⲁⲓⲛϩⲏⲧϥϣⲁⲣⲉⲡϯⲟⲩⲱⲛⲛϣⲏⲛϣⲱⲡⲉ
ⲛⲧⲁⲡⲛⲟⲩⲧⲉⲅⲁⲣⲃⲱⲕⲉϩⲣⲁⲓⲉⲕⲏⲙⲉⲙⲡⲓⲟⲩⲟⲉⲓϣϣⲁⲛⲧⲉϥⲉⲓⲛⲉⲉⲃⲟⲗⲛⲛϣⲏⲣⲉⲙⲡⲓⲥⲏⲗϩⲛⲧⲉⲩⲙⲏⲧⲉϩⲓⲧⲉⲛϩⲛⲙⲁⲉⲓⲛⲙⲛϩⲛϣⲡⲏⲣⲉ.
ϩⲣⲁⲓⲟⲛϩⲙⲡⲉⲓⲉⲃⲟⲧⲡⲁⲓϣⲁⲣⲉⲧⲧⲓⲁⲧⲟⲭⲏⲙⲡⲉϩⲟⲟⲩⲙⲛⲧⲉⲩϣⲏϣⲱⲡⲉⲉⲩϣⲏϣⲙⲛⲛⲉⲩⲉⲣⲏⲩ
ⲉⲧⲃⲉⲡⲁⲓⲕⲁⲗⲱⲥⲁⲥⲟⲓⲕⲟⲛⲟⲙⲉⲓⲛϭⲓⲧⲉⲭⲁⲣⲓⲥⲉⲧⲣⲉⲡⲉϩⲟⲟⲩⲙⲡⲓⲥⲟⲫⲟⲥⲛⲥⲁⲉⲓⲛⲕⲗⲧⲁⲛⲧⲁⲓⲉⲡⲓⲉⲃⲟⲧⲛⲣⲉϥϫⲡⲉϣⲱⲡⲉ
ϫⲉⲕⲁⲥⲉⲣⲉⲛⲉϥϣⲗⲏⲗⲉⲧⲟⲩⲁⲁⲃⲛⲟⲩϩⲉⲙⲛⲟⲩⲟⲛⲛⲓⲙⲉⲧϣⲱⲛⲉϩⲛⲧⲉⲩⲯⲩⲭⲏⲙⲛⲡⲉⲩⲥⲱⲙⲁ
ⲛⲁⲓⲙⲉⲛⲁⲓⲕⲁⲁⲩⲉϩⲣⲁⲓⲛⲧⲉⲧⲛⲁⲅⲁⲡⲏⲉⲧⲃⲉⲧⲁⲑⲗⲏⲥⲓⲥⲙⲡⲉⲓⲅⲉⲛⲛⲁⲓⲟⲥⲙⲙⲁⲣⲧⲩⲣⲟⲥⲡϩⲁⲅⲓⲟⲥϩⲏⲗⲓⲁⲥ.
ϯⲟⲩⲟϣϭⲉⲱⲛⲁⲙⲉⲣⲁⲧⲉⲉϫⲱⲛⲟⲩϣⲁϫⲉⲛⲥⲩⲙⲛⲟⲛⲛⲁϩⲣⲉⲛⲛⲉⲥⲛⲏⲩⲛϩⲁⲅⲓⲟⲥⲛⲁⲓⲛⲧⲁⲛⲉⲩⲕⲉⲉⲥⲕⲁⲧⲁⲛⲧⲁⲉⲡⲉϥⲧⲟⲡⲟⲥ
ϫⲉⲟⲩⲡⲉⲧⲛⲁⲛⲟⲩϥ·ⲏⲟⲩⲡⲉⲧⲛⲟⲧⲙⲛⲥⲁϩⲛⲥⲛⲏⲩϩⲛⲟⲩⲙⲁⲛⲟⲩⲱⲧⲕⲁⲧⲁⲡϣⲁϫⲉⲙⲡϩⲩⲙⲛⲟⲇⲟⲥⲇⲁⲩⲉⲓⲇ.
ⲡⲉϫⲁϥⲟⲛⲛϭⲓⲡⲟⲟⲫⲟⲥⲥⲟⲗⲟⲙⲱⲛϫⲉϣⲟⲙⲛⲧⲛⲉⲧⲙⲟⲟϣⲉⲕⲁⲗⲱⲥ
ⲉⲧⲃⲉⲡⲁⲓⲕⲁⲗⲱⲥⲁⲡϫⲟⲉⲓⲥⲟⲓⲕⲟⲛⲟⲙⲉⲓⲛⲧⲉⲓϩⲉⲉⲧⲣⲉⲛⲉⲕⲉⲉⲥⲙⲡⲉⲓϣⲟⲙⲛⲧⲛϩⲁⲅⲓⲟⲥⲟⲩⲱϩϩⲁⲧⲛⲛⲉⲩⲉⲣⲏⲩ.
ϫⲉⲕⲁⲥⲉⲣⲉⲧⲉⲧⲣⲓⲁⲥⲉⲧⲟⲩⲁⲁⲃⲛⲧⲁⲩⲁⲅⲱⲛⲓⲍⲉⲉϫⲱⲥϣⲱⲡⲉⲉⲥϫⲓⲉⲟⲟⲩϩⲛⲧⲟⲛⲟⲙⲁⲥⲓⲁⲙⲡⲉⲓϣⲟⲙⲛⲧⲙⲡⲉⲧⲟⲩⲁⲁⲃ
ⲛⲧⲱⲧⲛϭⲉ(ⲧⲉ)ⲛⲟⲩⲱⲡⲗⲁⲟⲥⲛⲉⲩⲥⲉⲃⲏⲥⲛⲉϣⲏⲣⲉⲛⲧⲉⲭⲁⲣⲓⲥⲛⲁⲓⲉⲧⲟⲩⲱϣⲉⲡⲱⲧⲕⲁⲗⲱⲥⲁⲩⲱⲉϯϩⲏⲩⲛⲧⲙⲛⲧⲣⲣⲟⲙⲡⲉⲭⲣⲓⲥⲧⲟⲥⲛⲁⲛⲟⲩⲧⲉⲥⲡⲟⲩⲇⲏⲛⲧⲉⲧⲉⲛϭⲓⲛⲉⲓⲉⲡⲉⲓⲙⲁⲙⲡϩⲟⲟⲩⲁⲩⲱⲟⲛⲙⲙⲏⲛⲉⲙⲙⲏⲛⲉ.
ⲁⲗⲗⲁⲙⲡⲉⲣⲧⲣⲉⲟⲩⲁϣⲓⲛⲉⲛⲥⲁⲡⲧⲁⲗϭⲟⲙⲡⲉϥⲥⲱⲙⲁⲙⲙⲁⲧⲉⲛⲧⲉⲛⲁⲙⲉⲗⲉⲓⲉⲛⲛⲟⲃⲉⲛⲧⲉⲛⲯⲩⲭⲏ.
ⲁⲛⲁⲩⲉⲛϩⲓⲥⲉⲛⲧⲁⲙⲙⲙⲁⲣⲧⲩⲣⲟⲥϣⲟⲡⲟⲩⲉⲩⲟⲧⲡⲉϩⲟⲩⲛⲉⲛⲉϣⲧⲉⲕⲱⲟⲩⲉⲩⲕⲏⲕⲁϩⲏⲩⲉⲣⲉⲛⲉⲩⲥⲛⲱⲱϥϩⲁⲧⲉϩⲓϫⲙⲡⲕⲁϩⲉⲩϩⲟⲕⲣⲉⲩⲟⲃⲉⲉⲣⲉⲛⲉⲩⲥⲱⲙⲁⲙⲉϩⲙⲡⲗⲩⲅⲏϫⲉⲛⲧⲟⲩⲕⲱⲛⲧⲟⲟⲧⲟⲩⲉⲃⲟⲗⲁⲛ·ⲉⲩⲥⲟⲡⲥⲙⲡⲛⲟⲩⲧⲉⲛⲧⲉⲩϣⲏⲙⲛⲡⲉϩⲟⲟⲩⲻ
ⲱⲡⲉⲓⲛⲟϭⲛϣⲓⲡⲉⲉⲛⲛⲕⲟⲧⲕⲉⲣⲉⲡⲉⲛⲙϩⲏⲧⲕⲏⲉⲃⲟⲗⲉⲛⲥⲥⲙⲉⲗⲉⲓⲛⲁⲛⲁⲛϩⲁⲛϩⲓⲥⲉⲛⲧⲁⲡⲉⲧⲟⲩⲁⲁⲃϣⲟⲡⲟⲩϣⲁⲛⲧⲟⲩⲉⲙⲛϣⲁⲙⲡⲱⲛϩ
ⲙⲁⲗⲓⲥⲧⲁⲡϫⲟⲉⲓⲥⲛⲛⲉⲧⲟⲩⲗⲁⲃⲓⲏⲥⲟⲩⲥⲉϥⲟⲛⲟⲩϣⲏⲛⲣⲟⲉⲓⲥϩⲉⲙⲡⲉϣⲗⲏⲗⲉⲧⲃⲏⲛⲧϥⲁⲛⲙⲉⲅⲉⲛⲟⲓⲧⲟⲁⲗⲗⲁⲉⲧⲃⲏⲏⲧⲉⲛⲁⲛⲟⲛⲡⲉⲓⲧⲁⲗⲁⲓⲡⲟⲣⲟⲥϫⲉⲕⲁⲥⲉϥⲉⲧⲥⲁⲃⲟⲛⲉⲧⲉϩⲓⲏⲉⲧⲣⲉⲛⲟⲩϫⲁⲓⲉⲛϭⲟⲣϭⲥⲙⲡⲡⲟⲛⲏⲣⲟⲥ
ⲁⲛⲁⲩϫⲉⲟⲩⲡⲉⲧϣⲟⲩⲉⲓⲧⲡⲉϩⲱⲃⲛⲓⲙⲉⲧϩⲙⲡⲉⲓⲕⲟⲥⲙⲟⲥ
ⲟⲩⲡⲉⲡⲉⲛϩⲏⲩϫⲉⲉⲛⲉⲣϣⲁⲛⲛⲉⲙⲁⲣⲧⲩⲣⲟⲥⲛⲧⲁⲩⲁⲅⲱⲛⲓⲍⲉⲟⲩⲃⲉⲡⲛⲟⲃⲉϣⲁϩⲣⲁⲓⲉⲡⲙⲟⲩⲉⲧⲃⲉⲧⲡⲓⲥⲧⲓⲥⲙⲡϣⲏⲣⲉⲙⲡⲛⲟⲩⲧⲉ
ⲁⲛⲟⲛⲇⲉϩⲱⲱⲛⲛⲉⲛⲙⲉϩⲙⲡⲁⲑⲟⲥⲙⲙⲓⲛⲉⲛⲓⲙⲙⲛϩⲛⲛⲟⲃⲉⲛϩⲁϩⲛⲥⲙⲟⲧⲙⲡⲉⲛⲙⲉⲧⲁⲛⲟⲉⲓⲙⲡⲁⲧⲉⲡⲃⲁⲓϣⲓⲛⲉⲉⲓⲛⲥⲱⲛ.
ⲕⲉⲕⲟⲩⲓⲡⲉⲛⲧⲉⲡⲟⲩⲟⲟⲉⲓⲉ·ⲙⲙⲉⲉⲓⲙⲛⲡϩⲟⲛϥⲇⲱⲕⲓⲙⲁⲍⲉⲛⲧⲉϥⲛⲁϫⲉⲟⲩⲁϣⲙⲙⲓⲛⲉⲧⲉ
ⲙⲏⲡⲟⲥⲛϥϩⲉⲉⲣⲟⲥϫⲉⲙⲛⲛⲟⲉⲓⲧⲛϩⲟⲩⲛⲉⲣⲟⲥⲉⲧⲉⲛⲉⲡⲣⲁⲝⲓⲥⲛⲉⲉⲧⲙⲉϩⲛⲁⲣⲉⲧⲏⲛⲓⲙⲁⲗⲗⲁⲉⲩⲥⲙⲟⲧⲛⲕⲟⲩⲕⲉⲙⲙⲁⲧⲉⲧⲉⲉⲧⲉⲧⲁⲓⲧⲉⲧϩⲩⲡⲟⲕⲣⲓⲥⲓⲥ.
ⲉⲟⲩⲉⲧⲡⲣⲁⲛⲉⲛⲫⲟⲣⲉⲓⲙⲙⲟϥⲙⲛⲡⲁⲝⲓⲱⲙⲁⲟⲩⲉⲧⲛⲉⲡⲣⲁⲝⲓⲥⲉⲛⲉⲓⲣⲉⲙⲙⲟⲟⲩϩⲛⲟⲩϩⲱⲡ
ⲕⲁⲧⲁⲡⲉⲧⲥⲏϩϫⲉⲛⲉⲧⲟⲩⲉⲓⲣⲉⲙⲙⲟⲟⲩⲛϫⲓⲟⲩⲉϩⲛϣⲗⲟϥⲛⲉⲉⲉⲣⲡⲕⲉϫⲟⲟⲩ
ⲟⲩⲟⲓⲙⲡⲣⲱⲙⲉⲉⲧⲛⲁⲕⲁⲙⲁⲙⲡⲥⲁⲧⲁⲛⲁⲥⲛϥⲟⲩⲱϩⲛϩⲏⲧϥϩⲓⲧⲛⲧⲉⲡⲩⲑⲉⲙⲓⲁⲙⲡϫⲱϩⲙϫⲉⲙⲡⲉϥⲕⲁⲙⲟⲧⲛⲉⲥⲉⲧⲁϩⲟϥⲉϥⲟⲛϩ
ⲁⲩⲱⲉϥϣⲁⲛⲙⲟⲩⲙⲡⲁⲧⲉϥⲙⲉⲧⲁⲛⲟⲉⲓϥⲛⲁϣⲱⲡⲉϩⲙⲡⲙⲁⲙⲡϣⲁⲉⲛⲉϩϭⲓⲛⲉⲁⲛⲙⲡⲉϥϣⲓⲛⲉⲁⲛⲁⲩ
ϫⲉⲛⲧⲗⲡ(ϫⲟⲟⲥ)ϫⲟⲟⲥϫⲉⲟⲩⲛⲛⲉϥⲙⲁⲑⲏⲧⲏⲥⲉϥⲛⲁϫⲟⲟⲩⲥⲉⲉⲧⲁϣⲉⲟⲉⲓϣ.
ⲡⲉϫⲁϥⲛϭⲓⲡⲉⲩⲁⲅⲅⲉⲗⲓⲥⲧⲏⲥⲗⲟⲩⲕⲁⲥϫⲉⲁϥϯⲛⲧⲉⲝⲟⲩⲥⲓⲁⲛⲁⲩⲉⲛⲟⲩϫⲉⲉⲃⲟⲗⲛⲛⲉⲡⲛⲉⲩⲙⲁⲛⲁⲕⲁⲑⲁⲣⲧⲟⲛⲉⲧⲁⲗϭⲟⲛϣⲱⲛⲉⲛⲓⲙϩⲓⲗⲟϭⲗϫⲛⲓⲙ
ⲡⲉⲧⲛⲁⲛⲟⲩϫⲉⲉⲃⲟⲗⲛϩⲏⲧϥⲛⲛⲉⲡⲛⲉⲩⲙⲁⲛⲁⲕⲁⲑⲁⲣⲧⲟⲛⲉⲧⲉⲙⲙⲉⲉⲩⲉⲛⲉⲉⲧϫⲁϩⲙϣⲁϥⲧⲁⲗϭⲟⲧⲉϥⲯⲩⲭⲏⲙⲛⲡⲉϥⲥⲱⲙⲁ.
ⲱⲡⲣⲱⲙⲉⲛⲟⲩϫⲉⲛⲛⲉⲓⲡⲁⲑⲟⲥⲥⲁⲃⲟⲗⲛⲧⲉⲕⲯⲩⲭⲏⲉⲧⲉⲛⲁⲓⲛⲉⲛⲙⲁⲓⲧⲁⲛϩⲟⲩⲟⲁⲩⲱⲕⲡⲁⲛⲟⲩϩⲉⲙⲉⲡⲃⲛⲧⲛⲁⲧⲛⲕⲟⲧⲕϩⲛⲁⲙⲛⲧⲉ
ⲇⲓⲱⲕⲉⲓⲛⲥⲁⲃⲟⲗⲙⲙⲟⲕⲛⲧⲉⲡⲩⲟⲉⲙⲓⲁⲛⲧⲥⲁⲣⲝⲉⲧϯⲟⲩⲃⲉⲡⲉⲡⲛⲁⲁⲩⲱⲛⲥⲉⲛⲁⲛⲟϫⲕⲉⲃⲟⲗⲁⲛϩⲛⲛⲉⲙⲁⲛϣⲱⲡⲉⲛⲛⲉⲡⲟⲩⲣⲁⲛⲓⲟⲛ.
ⲙⲡⲉⲣⲧⲣⲉⲡⲧⲁⲉⲓⲟⲛⲛⲉⲙⲁⲣⲧⲩⲣⲟⲥϣⲱⲡⲉϩⲛⲧⲉⲛϭⲓⲛⲉⲓⲉϩⲟⲩⲛ·ⲉⲡⲉⲩⲧⲟⲡⲟⲥⲙⲙⲁⲧⲉ·
ⲁⲗⲗⲁⲙⲁⲣⲉⲛⲧⲛⲧⲱⲛⲉⲛⲉⲛⲉⲩⲙⲛⲧϫⲱⲱⲣⲉ:ⲻⲙⲁⲣⲉ
ⲛⲁⲙⲁϩⲧⲉⲛⲧⲉⲩϩⲩⲡⲟⲙⲟⲛⲏ·
ⲙⲁⲣⲉⲛⲕⲱϩⲉⲧⲉⲩⲁⲅⲁⲡⲏⲉϩⲟⲩⲛⲉⲡⲛⲟⲩⲧⲉ:ⲻⲁⲛ
ⲉⲧⲙⲙⲁⲩϫⲣⲟⲉⲡⲕⲟⲥⲙⲟⲥⲙⲛⲛⲉϥⲉⲡⲓⲑⲩⲙⲓⲁ·ⲙⲙⲓⲛⲉⲛⲓⲙ:ⲻⲁⲛⲟⲛ
ⲇⲉϩⲱⲱⲛⲙⲡⲉⲣⲧⲣⲉⲡⲕⲟⲥⲙⲟⲥϫⲣⲟⲉⲣⲟⲛⲙⲛⲛⲉϥⲟⲩⲱϣ:ⲻⲁⲛ
ⲉⲧⲙⲙⲁⲩⲕⲁⲧⲁⲫⲣⲟⲛⲉⲓⲛⲧⲁⲡⲉⲓⲗⲏⲛⲛⲃⲁⲥⲁⲛⲟⲥ·ⲁⲛⲟⲛⲇⲉϩⲱⲱⲛⲙⲡⲉⲧⲣⲉⲩϫⲣⲟⲉⲣⲟⲛϩⲓⲧⲛⲧⲁⲡⲏⲙⲡⲇⲓⲁⲃⲟⲗⲟⲥ
ⲁⲛⲉⲧⲙⲙⲁⲩϫⲡⲟⲛⲁⲩⲛⲧⲙⲛⲧϣⲃⲏⲣⲛⲙⲡⲏⲩⲉ
ⲁⲛⲟⲛⲇⲉϩⲱⲱⲛⲙⲁⲣⲉⲛⲕⲱⲛⲁⲛⲡⲉⲛⲡⲟⲗⲓⲧⲉⲩⲙⲁϩⲉⲙⲡⲙⲁⲉⲧⲙⲙⲁⲩ
ⲧⲁⲓⲅⲁⲣⲧⲉⲧϩⲉⲉⲧⲛⲛⲁϣⲱⲡⲉⲛϣⲃⲏⲣⲁⲩⲱⲛⲥⲟⲛⲉⲛⲉⲧⲟⲩⲁⲁⲃ
ⲁⲩⲱⲉϣϫⲉⲛⲧⲉⲛϩⲛⲟⲩⲙⲛⲧⲙⲁⲣⲧⲩⲣⲟⲥⲁⲛⲛⲧϩⲉⲙⲡϩⲁⲅⲓⲟⲥϩⲏⲗⲓⲁⲥ:ⲻⲁⲗⲗⲁ
ⲙⲁⲣⲉⲛϣⲱⲡⲉϩⲛⲟⲩⲙⲛⲧⲇⲓⲕⲁⲓⲟⲥⲛⲧϩⲉⲛⲛⲉⲥⲛⲏⲩⲉⲧϩⲁⲧⲏϥ·
ⲡⲉⲓⲕⲉϩⲱⲃⲡⲁⲓⲡⲁⲧⲥⲟⲫⲓⲁⲙⲡⲛⲟⲩⲧⲉⲡⲉ·ⲉⲁϥⲟⲓⲕⲟⲛⲟⲙⲉⲓⲉⲧⲣⲉⲛⲕⲉⲉⲥⲛⲛⲓⲁⲥⲕⲏⲧⲏⲥϣⲱⲡⲉϩⲁⲧⲉⲛⲛⲁⲡⲙⲁⲣⲧⲩⲣⲟⲥϫⲉⲕⲁⲥⲉⲣⲉⲧⲉⲩϩⲩⲡⲟⲑⲉⲥⲓⲥⲛⲁϣⲱⲡⲉ·ⲙⲡⲣⲟⲧⲣⲟⲡⲏⲛⲟⲩⲟⲛⲛⲓⲙ·ⲉϩⲟⲩⲛⲉⲧⲙⲛⲧⲁⲛⲟⲓⲁ
ⲉⲓⲧⲁⲟⲛⲉⲕϣⲟⲟⲡϩⲛⲟⲩⲕⲉⲣⲟⲥⲛⲇⲓⲱⲅⲙⲟⲥⲉⲓⲥⲡⲉⲛⲧⲁϥϫⲣⲟϩⲛⲛⲇⲓⲱⲅⲙⲟⲥ·ⲡϩⲁⲅⲓⲟⲥϩⲏⲗⲓⲁⲥ:ⲻⲡⲁⲗⲓⲛ
ⲇⲉⲟⲛⲕϣⲟⲟⲡⲁϫⲛⲇⲓⲱⲅⲙⲟⲥ·ⲉⲓⲥⲛⲉⲛⲧⲁⲩⲟⲉⲩⲇⲱⲕⲓⲙⲏϩⲛⲧⲡⲟⲗⲩⲧⲓⲁⲙⲛⲧⲗⲥⲕⲩⲥⲓⲥ:ⲻⲕⲁⲓ
ⲅⲁⲣⲡⲃⲓⲟⲥⲛⲧⲁⲥⲕⲏⲥⲓⲥ·ⲟⲩϩⲓⲥⲁⲕⲱⲕⲓⲟⲛⲡⲉ·ⲉⲛϥϭⲟϫⲃⲁⲛⲉⲡⲁⲛⲙⲁⲣⲧⲩⲣⲟⲥ:ⲻϩⲟⲧⲉ
ⲇⲉ·ϫⲉⲡⲉⲓⲥⲙⲟⲧ·ϯⲛⲁⲉⲓⲛⲉⲛⲁⲕⲙⲡⲥⲟⲫⲟⲥⲛⲁⲡⲟⲥⲧⲟⲗⲟⲥ·ⲉϥⲟⲛⲥⲩⲛⲏⲅⲟⲣⲟⲥ·ⲉⲧⲉⲓϩⲩⲡⲟⲑⲉⲥⲓⲥ
ⲛⲧⲉⲣⲉϥϩⲓⲥⲧⲱⲣⲓⲍⲉⲛⲁⲛⲛⲧⲡⲓⲥⲧⲓⲥⲙⲡⲟⲩⲁⲡⲟⲩⲁⲛⲛⲉⲧⲟⲩⲁⲁⲃ·
ⲁⲩⲱⲛⲧⲉⲣⲉϥⲓⲛⲉⲉⲧⲙⲏⲧⲉⲛⲅⲉⲇⲉⲱⲛ·ⲃⲁⲣⲁⲕⲥⲁⲙⲯⲱⲛⲇⲁⲩⲉⲇ·ⲙⲛⲥⲁⲙⲟⲩⲏⲗⲉⲁϥⲕⲱⲉϩⲣⲁⲓⲛⲛⲉⲛⲧⲁϫⲣⲟϩⲙⲡⲉⲥⲧⲁⲇⲓⲟⲛⲛⲧⲙⲛⲧⲙⲁⲣⲧⲩⲣⲟⲥⲉⲁϥϩⲱⲧⲣⲛⲙⲙⲁⲩⲙⲡⲃⲓⲟⲥⲛⲧⲙⲛⲧⲙⲟⲛⲁⲭⲟⲥ·ⲉϥϫⲱⲙⲙⲟⲥⲛⲧⲉⲓϩⲉ
ϫⲉⲉⲩⲥⲟⲣⲉⲙϩⲛⲛϫⲁⲓⲉⲙⲛⲛⲉⲧⲟⲟⲩⲙⲛⲛⲉⲉⲓⲁⲙⲛⲛⲉϣⲕⲟⲗⲙⲡⲕⲁϩⲉⲩⲣϭⲣⲱϩⲉⲩⲑⲗⲓⲃⲉⲉⲩⲙⲟⲕϩⲛⲁⲓⲧⲉⲙⲡⲕⲟⲥⲙⲟⲥⲉⲙⲻⲡϣⲁⲙⲙⲟⲟⲩ.
ⲉⲡϩⲁⲉⲇⲉⲁϥⲥⲧⲉⲫⲁⲛⲟⲩⲙⲙⲟⲟⲩⲧⲏⲣⲟⲩϩⲉⲙⲡⲣⲁⲛⲛⲧⲙⲛⲧⲙⲁⲣⲧⲩⲣⲟⲥⲉϥϫⲱⲙⲙⲟⲥϫⲉⲉⲧⲃⲉⲡⲁⲓⲉⲟⲩⲛⲧⲁⲛⲙⲙⲁⲩⲙⲡⲉⲓⲙⲏⲏϣⲉⲙⲙⲛⲧⲣⲉⲉⲩⲕⲏⲛⲁⲛⲉϩⲣⲁⲓⲙⲁⲣⲉⲛⲡⲱⲧϩⲓⲧⲛⲟⲩϩⲩⲡⲟⲙⲟⲛⲏⲙⲡⲁⲅⲱⲛⲉⲧⲕⲏⲛⲁⲛⲉϩⲣⲁⲓ.
ⲁⲕⲛⲁⲩϫⲉⲧⲙⲛⲧⲙⲟⲛⲁⲭⲟⲥⲧⲥⲱⲛⲉⲇⲉⲛⲧⲙⲛⲧⲙⲁⲣⲧⲩⲣⲟⲥⲙⲡⲉⲧⲛⲁⲁⲥⲁϫⲛϩⲩⲡⲟⲕⲣⲏⲥⲓⲥϩⲓⲥⲁⲕⲙⲙⲛⲧⲛⲟⲩϫ.
ⲕⲁⲓⲅⲁⲣⲡⲉⲓⲁⲅⲱⲛⲥⲛⲁⲩⲁⲡⲉⲭⲣⲓⲥⲧⲟⲥⲧⲩⲡⲟⲩⲙⲙⲟⲟⲩⲛⲁⲛϩⲣⲁⲓⲛϩⲏⲧϥⲙⲙⲓⲛⲙⲙⲟϥ.
ⲁϥϫⲣⲟⲅⲁⲣⲉⲡⲇⲓⲁⲃⲟⲗⲟⲥϩⲙⲡⲧⲣⲉϥⲁⲛⲁⲭⲱⲣⲉⲓⲉϩⲣⲁⲓⲉⲧⲏⲣⲉⲙⲟⲥ.
ⲡⲁⲗⲓⲛⲇⲉⲟⲛⲁϥⲧⲁϩⲟⲉⲣⲁⲧϥⲙⲡⲟⲩϫⲁⲓⲛⲧⲟⲓⲕⲟⲩⲙⲉⲛⲏⲧⲏⲣⲥϩⲓⲧⲙⲡⲛⲓⲕⲓⲟⲛⲙⲡⲉⲥⲧⲁⲩⲣⲟⲥ:ⲻⲛ
ⲉⲧϩⲛⲧⲏⲣⲉⲙⲟⲥⲙⲉⲛⲁϥϯⲛⲁⲩⲙⲡⲉϫⲣⲟϩⲙⲡⲧⲣⲉϥϣⲱⲡⲉⲛⲁⲩⲛⲁⲣⲭⲏⲅⲟⲥⲉⲡⲁⲓ:ⲻⲡⲁⲗⲓⲛ
ⲇⲉⲟⲛⲛⲉⲛⲧⲁⲩϯⲙⲡⲉⲩⲟⲩⲟⲓⲉⲡⲉⲥⲧⲁⲇⲓⲟⲛⲛⲧⲙⲛⲧⲙⲁⲣⲧⲩⲣⲟⲥⲁϥϣⲱⲡⲉⲛⲁⲩⲛⲕⲗⲟⲙ
ⲁⲛⲟⲛⲇⲉϩⲱⲱⲛⲛⲁⲥⲛⲏⲩⲙⲁⲣⲉⲛⲟⲩⲁϩⲛⲛⲥⲁⲡϫⲟⲉⲓⲥⲙⲛⲡⲁⲡϫⲟⲉⲓⲥ:ⲻⲙⲁⲣⲉ
ⲛϩⲟⲙⲟⲗⲟⲅⲉⲓⲙⲡϫⲟⲉⲓⲥⲙⲛⲛⲉⲙⲁⲣⲧⲩⲣⲟⲥⲉⲧⲟⲩⲁⲁⲃ
ⲙⲁⲣⲉⲛϣⲱⲡⲉⲛⲁϥⲉⲓⲟⲩⲁⲁⲃⲙⲏⲛⲉⲛⲧⲁⲩⲧⲃⲃⲟⲟⲩⲛⲁϥϩⲓⲧⲉⲛⲧⲁⲥⲕⲏⲥⲓⲥ:ⲻⲙⲁⲣⲉ
ⲛⲣⲟⲉⲓⲥⲉⲧⲉⲛⲡⲓⲥⲧⲓⲥⲛⲧϩⲉⲛⲛⲉⲙⲁⲣⲧⲩⲣⲟⲥⲉⲧⲟⲩⲁⲁⲃ
ⲙⲁⲣⲉⲛϣⲱⲡⲉⲛⲕⲟⲓⲛⲟⲙⲓⲕⲟⲥϩⲛⲧⲁⲅⲁⲡⲏⲙⲡⲛⲡⲛⲁ:ⲻ
ⲕⲁⲓⲅⲁⲣⲉϣϫⲉⲛⲧⲉⲛⲛⲁⲉⲣⲟⲩⲟⲉⲓⲛⲁⲛⲛⲧϩⲉⲙⲡⲣⲏⲁⲗⲗⲁⲙⲁⲣⲟⲩⲛⲁⲩⲉⲣⲟⲛϩⲛⲧⲧⲁⲝⲓⲥⲛⲛⲥⲓⲟⲩⲙⲁⲧⲉ
ⲡⲁⲓⲇⲉⲡⲉϯϫⲱⲙⲙⲟϥϫⲉⲕⲁⲛⲉϣϫⲉⲛⲧⲉⲛⲛⲁϣⲡⲱϩⲁⲛⲉⲧⲙⲛⲧⲛⲟϭⲛⲛⲁⲅⲱⲛⲛⲛⲉⲙⲁⲣⲧⲩⲣⲟⲥ:ⲻⲁⲗⲗⲁ
ⲙⲁⲣⲟⲩϭⲛⲧⲛⲙⲙⲁⲧⲉϩⲛⲧⲁⲅⲅⲉⲗⲏⲛⲛⲡⲓⲥⲧⲟⲥ:ⲻⲕⲁⲛ
ⲉϣϫⲉⲛⲧⲛⲛⲁⲙⲉⲣⲉⲡⲛⲟⲩⲧⲉⲁⲛⲛⲧϩⲉⲛⲧⲁϥⲙⲉⲣⲓⲧⲛⲁⲗⲗⲁⲙⲁⲣⲉⲛⲙⲉⲣⲉⲛⲉⲛⲉⲣⲏⲩⲛⲧⲉⲛϩⲉ
ⲁⲩⲱⲕⲁⲛⲉϣϫⲉⲙⲛⲧⲁⲛⲗⲁⲁⲩⲉϯⲛⲁϥⲁⲗⲗⲁⲡⲁⲣⲁⲙⲩⲑⲓⲝⲉⲙⲙⲟϥϩⲙⲡⲉⲕϣⲁϫⲉⲧⲁϫⲣⲟϥϩⲙⲡⲉⲣⲏⲧⲛⲧⲙⲛⲧⲣⲣⲟⲛⲙⲡⲏⲩⲉ.
ϫⲱⲉⲣⲟϥⲙⲡϣⲁϫⲉⲙⲡⲁⲡⲟⲥⲧⲟⲗⲟⲥϫⲉⲛϩⲓⲥⲉⲙⲡⲉⲓⲟⲩⲟⲉⲓϣⲧⲉⲛⲟⲩⲛⲥⲉⲉⲙⲡϣⲁⲁⲛⲙⲡⲉⲟⲟⲩⲉⲧⲛⲁϭⲱⲗⲡⲉⲣⲟⲛ.
ⲟⲩⲙⲛⲧⲙⲁⲣⲧⲩⲣⲟⲥⲅⲁⲣⲧⲉⲧⲙⲛⲧϩⲏⲕⲉⲙⲡⲉⲧⲛⲁϥⲓϩⲁⲣⲟⲥϩⲛⲟⲩϣⲉⲡϩⲙⲟⲧ
ⲧⲁⲓⲅⲁⲣⲧⲉⲧϩⲉⲛⲧⲁϥϫⲟⲟⲥⲛϭⲓⲡⲉⲛⲱⲛϩⲧⲏⲣⲛⲡⲉⲭⲣⲓⲥⲧⲟⲥϫⲉⲛⲁⲓⲁⲧⲟⲩⲛⲛϩⲏⲕⲉϩⲉⲙⲡⲉⲡⲛⲁϫⲉⲧⲱⲟⲩⲧⲉⲧⲙⲛⲧⲣⲣⲟⲛⲙⲡⲏⲩⲉ
ⲛⲉⲛⲧⲁⲩⲡⲱⲧⲇⲉϩⲱⲟⲩⲛⲥⲱⲟⲩⲉⲧⲃⲉⲧⲇⲓⲕⲁⲓⲟⲥⲩⲛⲏϫⲉⲛⲧⲟⲟⲩⲛⲉⲧⲟⲩⲛⲁⲙⲟⲩⲧⲉⲉⲣⲟⲟⲩϫⲉⲛϣⲏⲣⲉⲙⲡⲛⲟⲩⲧⲉⲉⲧⲙⲙⲁⲣⲧⲩⲣⲟⲥⲛⲉ
ⲁⲛⲟⲛⲇⲉϩⲱⲱⲛⲱⲛⲁⲙⲉⲣⲁⲧⲉⲙⲁⲣⲉⲛⲙⲉⲣⲉⲛⲉⲧϩⲓⲧⲟⲩⲱⲛⲛⲑⲉⲛⲧⲁⲛⲙⲁⲣⲧⲩⲣⲟⲥⲙⲉⲣⲉⲡⲛⲟⲩⲧⲉⲁⲩⲡⲉϩⲧⲡⲉⲩⲥⲛⲟϥⲉⲃⲟⲗϩⲓϫⲱϥϫⲉⲕⲁⲥⲉⲛⲛⲁϩⲉⲉⲩⲛⲁⲙⲡⲉϩⲟⲟⲩⲉⲛⲛⲁⲡⲱⲧⲉⲣⲁⲧϥ
ⲡϫⲟⲉⲓⲥⲉϥⲉⲥⲙⲟⲩⲉⲣⲱⲧⲛⲧⲏⲣⲧⲛ·ϫⲓⲛⲡⲉⲧⲛⲕⲟⲩⲓϣⲁⲡⲉⲧⲛⲛⲟϭⲛϥⲧⲟⲩⲛⲉⲥⲧⲏⲩⲧⲛⲉϩⲣⲁⲓϩⲛⲧⲉⲓⲁⲙⲉⲗⲓⲁ.
ⲛⲧⲉⲧⲛⲛⲏⲫⲉⲛⲧⲉⲧⲛⲣⲟⲉⲓⲥϫⲉⲡⲁⲛⲇⲓⲕⲓⲙⲉⲛⲟⲥⲡⲇⲓⲁⲃⲟⲗⲟⲥ·ⲙⲟⲟϣⲉϩⲙⲡⲕⲁⲕⲉⲛⲧⲉⲩϣⲏⲙⲛⲡⲉϩⲟⲟⲩ·ⲛⲧⲛⲛⲁⲩⲉⲣⲟϥⲁⲛ·ⲉϥϣⲓⲛⲉⲛⲥⲁⲟⲩⲱⲙⲕⲛⲛⲉⲛⲯⲩⲭⲏ:ⲻϯⲥⲟⲡⲥ
ⲙⲙⲱⲧⲛⲧⲏⲣⲧⲛⲉⲧⲣⲉⲡⲟⲩⲁⲡⲟⲩⲁⲙⲉϣⲧⲡⲉϥⲃⲓⲟⲥ·ϫⲉⲛⲧⲁϥⲣⲟⲩ·ⲏⲉϥϣⲁⲁⲧⲛⲟⲩ:ⲻⲉϣⲱⲡⲉ
ⲙⲉⲛⲁϥⲣⲛⲟⲃⲉ·ⲙⲁⲣⲉϥⲙⲉⲧⲁⲛⲟⲓϩⲁⲡⲉⲛⲧⲁϥⲁⲁϥⲁⲩⲱϯⲡⲓⲥⲧⲉⲩⲉⲉⲡⲛⲟⲩⲧⲉ·ⲙⲛⲛⲉϣⲗⲏⲗⲙⲡⲙⲁⲣⲧⲩⲣⲟⲥⲉⲧⲟⲩⲁⲁⲃ·ⲡϩⲁⲅⲓⲟⲥϩⲏⲗⲓⲁⲥϫⲉϥⲛⲁⲕⲱⲛⲁϥⲉⲃⲟⲗ·
ⲙⲡⲉⲣⲧⲣⲉⲛϭⲱⲉⲛϯⲛⲟⲩϩⲟⲟⲩⲛⲥⲁⲟⲩϩⲟⲟⲩ·ⲛⲧⲉⲡⲃⲁⲓϣⲓⲛⲉⲙⲡⲙⲟⲩⲧⲁϩⲟⲛⲛϥϩⲉⲉⲣⲟⲛⲛⲧⲛⲥⲃⲧⲱⲧⲁⲛⲛⲧⲉⲛⲣϩⲧⲏⲛⲛⲧⲉⲛⲥϩⲟⲩⲉⲣⲡⲉϩⲟⲟⲩ·ⲛⲧⲁⲩϫⲡⲟⲛⲛϩⲏⲧϥⲉⲡϫⲓⲛϫⲏ.
ϫⲉⲁⲡⲛⲁⲩⲟⲩⲉⲓⲛⲉⲛⲧⲟⲟⲧⲛⲁⲩⲥⲉⲕⲧⲁⲃⲱⲉⲡⲉⲕⲣⲟ·ⲡⲉⲧⲟⲩⲛⲁϩⲉⲉⲣⲟϥⲛϩⲟⲩⲛⲉⲣⲟⲥ·ⲕⲁⲛⲛⲁⲛⲟⲩϥⲕⲁⲛⲉϥϩⲟⲟⲩⲡⲉⲛⲧⲁϥⲟⲩⲉⲓⲛⲉ·
ⲁϥⲟⲩⲉⲓⲛⲉⲛⲁⲛⲟⲩⲥⲛⲁⲛⲛⲧⲉⲛⲙⲉⲧⲁⲛⲟⲉⲓⲙⲡⲛⲁⲧⲟⲩϣⲧⲟⲙⲉⲣⲱⲛⲙⲡⲣⲟⲛⲧⲙⲛⲧⲁⲛⲟⲓⲁ.
ⲡⲉⲛⲛⲟⲩⲧⲉⲡⲉⲭⲣⲓⲥⲧⲟⲥⲓⲏⲥⲟⲩⲥⲡϫⲟⲉⲓⲥⲛⲧⲡⲉⲙⲛⲡⲕⲁϩⲉϥⲉⲕⲱⲛⲧⲉϥⲉⲓⲣⲏⲛⲏϩⲓϫⲱⲛⲛϥⲇⲓⲱⲕⲉⲓⲙⲡⲇⲓⲁⲃⲟⲗⲟⲥⲙⲛⲛⲉϥⲇⲁⲓⲙⲟⲛⲓⲟⲛⲥⲁⲃⲟⲗⲙⲙⲟⲛ.
ⲡⲁⲓⲡⲉⲟⲟⲩⲛⲁϥⲙⲛⲡⲧⲁⲉⲓⲟⲙⲛⲧⲉⲡⲣⲟⲥⲕⲩⲛⲏⲥⲓⲥⲙⲛⲡⲉϥⲉⲓⲱⲧⲛⲁⲅⲁⲑⲟⲥⲙⲛⲡⲉⲡⲛⲁⲉⲧⲟⲩⲁⲁⲃⲧⲉⲧⲣⲓⲁⲥⲉⲧϫⲏⲕⲉⲃⲟⲗⲉⲥϩⲛⲟⲩⲙⲛⲧⲟⲩⲁⲁⲩⲱⲧⲙⲛⲧⲟⲩⲁⲉⲥϩⲛⲟⲩⲧⲣⲓⲁⲥⲛϩⲟⲙⲟⲟⲩⲥⲓⲟⲛϣⲁⲉⲛⲉϩⲛⲉⲛⲉϩϩⲁⲙⲏⲛ

ANNIS Metadata

Coptic_edition: Sobhy 1919
OrigDate_notBefore: 801
Trismegistos: TM114340
annotation: Lydia Bremer-McCollum, Caroline T. Schroeder
attributed_author: Stephen of Hnes
author: Stephen of Hnes
collection: Hamuli Coptic
corpus: helias
country: Egypt
document_cts_urn: urn:cts:copticLit:helias.encomium.sobhy_ed:0-11
idno: Hamuli.Ms. 2703 ff. 34r-47
language: Sahidic Coptic
license: CC-BY 4.0
msItem_title: Encomium on Helias
msName: MICH.BT
note: Sentence division follows ekthesis in Sobhy's edition. Chapter division follows Sobhy's paragraphs. Diplomatic visualization of first manuscript page may have incorrect line numbers
objectType: codex
order: 6
origDate: between 801 and 925
origDate_notAfter: 925
origDate_precision: medium
origPlace: Hamuli
pages_from: 67
pages_to: 94
parsing: automatic
paths_authors: 96
paths_manuscripts: 245
paths_works:
placeName: Hamuli
previous: urn:cts:copticLit:helias.martyrdom.sobhy_ed:32-49
project: CopticSCRIPTORIUM
redundant: no
repository: Coptic Museum
segmentation: automatic
source: Sobhy 1919
source_info: OCR of Sobhy 1919 pdf on archive.org using OCR4all
tagging: automatic
title: Encomium of Helias
translation: none
version_date: 2024-10-31
version_n: 6.0.0
witness: none

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:helias.encomium.sobhy_ed:0-11. [version number], [date]. https://data.copticscriptorium.org/urn:cts:copticLit:helias.encomium.sobhy_ed:0-11.

Subsequent citations:

Author, Ancient title (abbreviated) [chapter.verse if available], urn:cts:copticLit:helias.encomium.sobhy_ed:0-11.

Document Edition: urn:cts:copticLit:helias.encomium.sobhy_ed:0-11

Work: urn:cts:copticLit:helias.encomium

Text Group: urn:cts:copticLit:helias

The following links will direct you to the latest versions of data visualizations of the document.

Diplomatic Edition HTML: https://data.copticscriptorium.org/urn:cts:copticLit:helias.encomium.sobhy_ed:0-11/dipl/html

Normalized Text HTML: https://data.copticscriptorium.org/urn:cts:copticLit:helias.encomium.sobhy_ed:0-11/norm/html

Analytic Visualization HTML: https://data.copticscriptorium.org/urn:cts:copticLit:helias.encomium.sobhy_ed:0-11/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:helias.encomium.sobhy_ed:0-11/tei/xml

Paula XML: https://data.copticscriptorium.org/urn:cts:copticLit:helias.encomium.sobhy_ed:0-11/paula/xml

relANNIS: https://data.copticscriptorium.org/urn:cts:copticLit:helias.encomium.sobhy_ed:0-11/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:helias.encomium.sobhy_ed:0-11/annis