Whoever Seeks God Will Find CZ 129-137
normalized analytic diplomatic TEI ANNIS PAULA Search ANNIS

Normalized Text

ⲛⲓⲛⲉⲩⲏⲥⲉⲛⲁⲧⲁⲕⲟⲥⲙⲡⲉⲛⲛⲁⲩⲉⲙⲁⲉⲓⲛⲉⲃⲟⲗϩⲓⲧⲟⲟⲧϥⲁⲩⲱⲁⲛⲥⲁϩⲱⲛⲉⲃⲟⲗⲛⲛⲉⲛϩⲓⲟⲟⲩⲉ·
ⲛⲧⲱⲧⲛⲇⲉⲁⲡⲛⲟⲩⲧⲉⲉⲓϣⲁⲣⲱⲧⲛ·ⲁϥⲣⲛϭⲟⲙⲉⲧⲉⲙⲡⲉⲓⲱⲛⲁⲥⲙⲡⲉⲥⲟⲗⲟⲙⲱⲛⲙⲡⲉⲕⲉⲟⲩⲁⲁⲁⲁⲩϩⲣⲁⲓⲛϩⲏⲧⲧⲏⲩⲧⲛⲙⲡⲉⲧⲛⲙⲉⲧⲁⲛⲟⲉⲓ:
ⲡⲉⲓϫⲡⲓⲟⲉⲧⲛⲁϣⲱⲡⲉⲛⲁⲛⲡⲁϩⲉⲛⲣⲱⲙⲉⲡⲉⲉⲁⲩⲁⲫⲉⲗⲡⲓⲍⲉⲉⲡⲉⲩⲱⲛϩⲛⲟⲩⲟⲉⲓϣⲉⲙⲡⲟⲩⲙⲉⲉⲩⲉⲉⲛⲁⲩⲉⲗⲁⲁⲩⲛⲁⲅⲁⲑⲟⲛ
ⲉⲁⲩⲛⲁⲩϭⲉⲁⲩⲱⲁⲡϫⲟⲉⲓⲥⲟⲩⲉϩⲡⲉⲓⲕⲉⲟⲩⲁⲉⲣⲟⲟⲩϫⲉⲥⲉⲛⲁⲧⲱⲟⲩⲛϩⲙⲡⲉϩⲟⲟⲩⲛⲧⲉⲕⲣⲓⲥⲓⲥⲛⲥⲉⲧϭⲁⲉⲓⲉⲧⲉⲓⲅⲉⲛⲉⲁ·ⲉⲓⲉⲛⲛⲁⲣⲟⲩⲛⲛⲁϩⲣⲙⲡⲉϫⲡⲓⲟⲛⲛⲉⲓⲙⲏⲏϣⲉⲙⲡⲉⲧⲟⲩⲁⲁⲃ·
ⲛⲧⲁⲩⲧⲁϣⲉⲟⲉⲓϣⲛⲁⲛⲛⲛⲉϩⲓⲟⲟⲩⲉ·ⲙⲡⲱⲛϩ·ⲙⲛⲛⲉϩⲃⲏⲩⲉⲙⲡⲟⲩϫⲁⲓⲁⲩⲱⲉⲁⲩϯⲡⲉⲩⲥⲛⲟϥϩⲱⲟⲩϩⲁⲣⲟⲛⲛⲧϩⲉⲙⲡⲛⲟⲩⲧⲉ·ⲛⲧⲁϥϯⲡⲱϥϩⲁⲣⲟⲛⲓⲏⲥⲟⲩⲥⲉⲧⲉⲧⲱϥⲧⲉⲧⲉⲕⲣⲓⲥⲓⲥⲧⲏⲣⲥⲉⲧⲧⲁⲡⲣⲟⲛⲛⲉⲛⲧⲁⲩⲉⲣⲏⲧⲛⲁⲩⲉⲧⲣⲉⲩϯⲉⲣⲟⲛⲡⲉⲧⲛⲁⲟⲩⲉϩⲥⲁϩⲛⲉⲛⲛⲉⲛⲧⲁϥⲉⲣⲏⲧⲛⲁⲩⲉⲧⲣⲉⲩϩⲙⲟⲟⲥϩⲓϫⲛⲛⲉⲑⲣⲟⲛⲟⲥⲛⲥⲉⲕⲣⲓⲛⲉⲛⲧⲙⲛⲧⲥⲛⲟⲟⲩⲥⲙⲫⲩⲗⲏⲙⲡⲓⲥⲣⲁⲏⲗⲛⲥⲉⲕⲣⲓⲛⲉⲛⲥⲁⲣⲝⲛⲓⲙⲛⲣⲱⲙⲉⲛⲧⲁⲩϣⲱⲡⲉϩⲓϫⲙⲡⲕⲁϩⲛⲥⲉⲕⲣⲓⲛⲉⲛϩⲉⲛⲁⲅⲅⲉⲗⲟⲥ:ⲉⲩⲛⲁⲕⲣⲓⲛⲉⲙⲙⲟⲟⲩϩⲛⲟⲩ·
ⲉⲩⲛⲁⲕⲣⲓⲛⲉⲙⲙⲟⲟⲩ
ϫⲉⲏⲛⲧⲉⲧⲛⲃⲟⲏⲑⲉⲓⲉϩⲉⲛⲕⲟⲟⲩⲉⲛⲧⲟⲟⲧϥⲙⲡⲥⲁⲧⲁⲛⲁⲥⲉⲃⲟⲗϩⲙⲡⲉⲧϩⲟⲟⲩⲛⲓⲙ
ⲁⲧⲉⲧⲛⲣⲱϩⲧⲇⲉϩⲱⲱϥⲛϩⲟⲩⲟⲉϩⲣⲁⲓⲉⲡⲡⲉⲧϩⲟⲟⲩ·ⲛⲧϩⲉⲛϩⲉⲛϩⲁⲗⲁⲁⲧⲉⲉϩⲣⲁⲓⲉϫⲛⲟⲩⲡⲁϩⲥ·
ϩⲙⲡⲧⲣⲉⲧⲉⲧⲛⲉⲡⲓⲑⲩⲙⲉⲓⲉⲛϣⲉⲉⲣⲉⲛⲛⲣⲱⲙⲉⲁⲧⲉⲧⲛⲉⲓⲣⲉⲙⲡⲡⲟⲛⲏⲣⲟⲛⲛⲙⲙⲁⲩ·
ⲁⲧⲉⲧⲛⲧⲟⲩⲛⲟⲥⲛⲟⲩⲡⲟⲗⲉⲙⲟⲥϩⲓϫⲙⲡⲕⲁϩⲉⲡⲙⲁⲛⲟⲩⲉⲓⲣⲏⲛⲏ:
ⲛⲥⲉϯϩⲁⲡⲇⲉⲟⲛⲉⲣⲟⲛ
ϫⲉⲟⲩⲉⲩⲛⲁϯϩⲁⲡⲉⲣⲟⲛ
ϫⲉⲙⲡⲉⲧⲛⲥⲱⲧⲙⲛⲥⲁⲛⲉⲛϣⲁϫⲉ·ⲙⲡⲉⲧⲛⲕⲱϩⲉⲛⲉⲛϩⲃⲏⲩⲉ·ⲙⲡⲉⲧⲛⲉⲡⲓⲑⲩⲙⲉⲓⲉⲛⲉⲛϩⲓⲟⲟⲩⲉ·
ⲛϯⲛⲁϫⲉϩⲟⲩⲟⲁⲛⲉⲛⲁⲓ·
ϩⲱⲉⲡⲁⲓⲙⲁⲩⲁⲁϥⲉⲧⲣⲉⲩϫⲟⲟⲥϩⲓⲟⲩⲥⲟⲡϫⲓⲛⲙⲡⲁⲧⲣⲓⲁⲣⲭⲏⲥϣⲁⲛⲉⲡⲣⲟⲫⲏⲧⲏⲥⲁⲩⲱⲛⲁⲡⲟⲥⲧⲟⲗⲟⲥⲙⲛⲛⲉⲧⲟⲩⲁⲁⲃⲧⲏⲣⲟⲩⲉⲩϫⲡⲓⲟⲛⲧⲉⲛⲙⲛⲧⲁⲧϣⲓⲡⲉ
ϫⲉⲁⲡⲛⲟⲩⲧⲉⲉⲓϣⲁⲣⲱⲧⲛ·
ⲁⲡⲛⲟⲩⲧⲉⲥⲧⲁⲩⲣⲟⲩⲙⲙⲟϥϩⲁⲣⲱⲧⲛ
ⲙⲡⲉⲧⲛⲣϩⲧⲏⲧⲛⲉⲕⲧⲉⲧⲏⲩⲧⲛⲉⲃⲟⲗϩⲛⲛⲉϩⲃⲏⲩⲉⲛⲛⲇⲁⲓⲙⲱⲛ:
ⲟⲩⲥⲙⲏⲛⲟⲩⲱⲧⲧⲉⲛⲧⲁⲩⲁϣⲕⲁⲕⲉⲃⲟⲗⲙⲙⲟⲥϩⲙⲡⲙⲁⲙⲡⲉⲕⲣⲁⲛⲓⲟⲛⲛϭⲓⲟⲩⲙⲏⲏϣⲉⲛⲣⲱⲙⲉⲉⲁⲩⲥⲃⲧⲱⲧⲟⲩⲉⲡⲕⲟⲛⲥⲟⲩ
ϫⲉϥⲓⲧϥϥⲓⲧϥⲥⲧⲁⲩⲣⲟⲩⲙⲙⲟϥ:
ⲟⲩⲥⲙⲏⲟⲛⲛⲟⲩⲱⲧⲧⲉⲧⲛⲁⲉⲓⲉⲃⲟⲗϩⲓⲧⲙⲡⲉϥⲃⲏⲙⲁⲉⲧⲟⲩⲁⲁⲃ
ϫⲉϥⲓⲧⲟⲩϥⲓⲧⲟⲩ
ϥⲓⲡⲧⲱϩⲙⲛⲛⲉⲛⲧⲏϭ
ϥⲓⲛⲧⲃⲧⲙⲡⲟⲛⲏⲣⲟⲛⲙⲛⲛⲃⲁⲁⲙⲡⲉ
ⲙⲟⲩⲣⲛⲛⲉⲩϭⲓϫⲙⲛⲛⲉⲩⲟⲩⲉⲣⲏⲧⲉⲛⲧⲉⲧⲛⲛⲟϫⲟⲩⲉⲁⲙⲛⲧⲉ
ⲕⲟⲗⲁⲍⲉⲙⲙⲟⲟⲩⲕⲟⲗⲁⲍⲉⲙⲙⲟⲟⲩϩⲙⲡⲙⲁⲉⲧⲙⲙⲁⲩ:
ⲉϣϫⲉⲁⲩⲱϣⲉⲃⲟⲗϩⲓⲟⲩⲥⲟⲡϫⲉⲙⲡⲣⲕⲁⲡⲁⲓⲉⲃⲟⲗⲛϭⲓⲛⲉⲛⲧⲁⲡⲃⲗⲗⲉⲃⲉⲗⲓⲁⲣⲁⲁⲩⲛⲃⲗⲗⲉⲁⲩⲱⲛⲉⲩⲥⲙⲏⲛⲉⲩϭⲙϭⲟⲙⲉⲓⲉⲛⲁϣⲛϩⲉⲉⲩⲛⲁⲱϣⲁⲛⲉⲃⲟⲗϩⲓⲟⲩⲥⲟⲡⲛϭⲓⲛϣⲟⲛϣⲟⲙⲛⲛⲧⲃⲁⲛⲧⲃⲁⲛⲁⲣⲭⲁⲅⲅⲉⲗⲟⲥⲙⲛⲡⲙⲏⲏϣⲉⲧⲏⲣϥⲛⲛⲉϥⲥⲱⲧⲡϫⲉⲙⲡⲣⲕⲁⲛⲁⲓⲉⲃⲟⲗⲛⲧⲉⲩⲕⲟⲗⲁⲥⲓⲥⲛϣⲁⲉⲛⲉϩ·
ⲁⲩⲱⲉⲣⲉⲛⲉⲩⲥⲙⲏⲛⲁϭⲙϭⲟⲙⲛⲟⲩⲏⲣ·
ϫⲉⲙⲡⲣⲛⲁⲛⲛⲁⲓⲉⲧⲟⲛⲁⲧⲛⲁϩⲧⲉⲉⲣⲟⲕ·
ⲙⲡⲣϣⲁⲛϩⲧⲏⲕⲉϫⲛⲛⲉⲧⲉⲙⲡⲟⲩⲥⲟⲩⲱⲛⲅϫⲉⲛⲧⲟⲕⲡⲉⲡⲛⲟⲩⲧⲉⲁⲩⲱⲡϣⲏⲣⲉⲙⲡⲛⲟⲩⲧⲉ·
ⲛⲧⲁⲩϭⲟⲡϥⲇⲉⲛⲁϣⲛϩⲉ
ⲁⲣⲁϩⲛⲟⲩⲙⲛⲧϫⲁϫⲉⲉⲩⲡⲏⲧⲉϩⲣⲁⲓⲉϫⲱϥϩⲙⲡⲉⲩϭⲱⲛⲧⲧⲏⲣϥⲙⲛⲛⲉⲩⲥⲏϥⲉⲙⲛⲛⲉⲩϭⲉⲣⲱⲃⲛⲧϩⲉⲛⲟⲩⲱϫⲉⲩⲥⲱⲕⲙⲙⲟϥⲉⲣⲁⲧϥⲛⲟⲩϩⲏⲅⲉⲙⲱⲛ
ϫⲛⲙⲙⲟⲛⲉⲛⲧⲁⲩⲥⲱⲕⲙⲙⲟϥⲉⲩⲡⲁⲣⲁⲕⲁⲗⲉⲓⲙⲙⲟϥϩⲛⲟⲩⲙⲛⲧⲣⲙⲣⲁϣⲙⲛⲟⲩⲉⲓⲣⲏⲛⲏⲉϫⲓⲧϥⲉⲩⲇⲉⲓⲡⲛⲟⲛ·
ⲁⲩⲱⲛⲁϣⲛϩⲉⲉⲩⲛⲁϩⲉⲉⲙⲟⲧⲛⲉⲥⲛϭⲓⲛⲉⲧⲛⲁⲙⲟⲩⲉⲩⲟⲛⲁⲧⲛⲁϩⲧⲉⲉⲣⲟϥ·
ⲏⲉⲩⲛⲁⲣⲃⲟⲗⲧⲱⲛⲉⲡϭⲱⲛⲧⲛⲧⲟⲣⲅⲏⲛⲛⲉϥⲁⲅⲅⲉⲗⲟⲥⲧⲏⲣⲟⲩⲉⲧⲛⲁⲁⲣⲭⲉⲓϫⲓⲛⲡⲉϥⲧⲟⲟⲩⲛⲕⲟⲟϩⲙⲡⲕⲁϩⲧⲏⲣϥϩⲙⲡϩⲟⲟⲩⲉⲧⲉϥⲛⲁϫⲟⲟⲩⲟⲩⲉⲥⲱⲟⲩϩⲉϩⲟⲩⲛⲛⲛϩⲉⲑⲛⲟⲥⲧⲏⲣⲟⲩⲉⲡⲉϥⲃⲏⲙⲁ
ⲡⲁⲛⲧⲱⲥⲟⲛ·ⲉⲛⲧⲁⲩϫⲓⲧϥⲉⲃⲟⲗⲉⲧⲁⲕⲟϥϩⲛⲟⲩⲙⲛⲧⲁⲅⲣⲓⲟⲥ·
ⲙⲛϭⲟⲙⲉⲧⲣⲉⲙⲛⲧϩⲁⲕⲏⲙⲛⲧϩⲏⲙⲉⲣⲟⲥϣⲱⲡⲉⲉⲃⲟⲗϩⲛⲡⲟⲛⲏⲣⲓⲁⲏⲙⲫⲑⲟⲛⲟⲥ·
ⲛⲁϣⲛⲧⲟϥⲛϩⲉ·ⲉⲩⲛⲁϯⲥⲟⲉⲧⲁⲕⲟⲛⲧⲉⲯⲩⲭⲏⲙⲛⲡⲥⲱⲙⲁⲛⲛⲉⲧⲁⲣⲛⲁϫⲉⲓⲏⲥⲟⲩⲥⲁⲛ·ⲡⲉⲡⲉⲭⲣⲓⲥⲧⲟⲥ
ⲛⲧⲁϥϩⲣⲟϣⲛϩⲏⲧϩⲓⲡϣⲉⲉⲩϫⲱⲛⲛⲉⲓⲡⲟⲛⲏⲣⲟⲛⲉϩⲟⲩⲛⲉⲣⲟϥⲉⲩⲟⲩⲱⲛⲛⲣⲱⲟⲩⲉⲣⲟϥⲉⲩϯⲛⲧⲉⲩⲥⲙⲏⲉϩⲣⲁⲓⲉϫⲱϥⲛⲧϩⲉⲛⲛⲉⲓⲙⲟⲩⲓⲙⲛⲛⲉⲓⲙⲁⲥⲉϩⲛⲟⲩⲥⲱⲃⲉⲙⲛⲟⲩⲛⲟϭⲛⲁϣⲕⲁⲕⲉⲃⲟⲗ:
ϫⲉⲕⲁⲥⲉⲛⲛⲁⲥⲱⲧⲙⲧⲉⲛⲟⲩⲉⲛϣⲁϫⲉⲛⲛⲉⲩⲁⲅⲅⲉⲗⲓⲟⲛⲉⲩⲱϣⲙⲙⲟⲟⲩⲉⲣⲟⲛ·ϩⲛⲟⲩⲥⲙⲏⲛⲉⲓⲣⲏⲛⲏϩⲓϭⲃⲃⲓⲟϩⲓⲙⲛⲧⲣⲙⲣⲁϣ:
ⲉⲩⲉⲓⲣⲉⲇⲉⲛⲛⲁⲓⲧⲏⲣⲟⲩⲛⲁϥ·ⲛϥϣⲧⲣⲧⲱⲣⲁⲛ·
ⲛⲧⲟⲟⲩⲇⲉⲟⲩⲙⲟⲛⲟⲛϫⲉⲛⲉⲩϣⲧⲣⲧⲱⲣ·
ⲁⲗⲗⲁⲛⲉⲩϩⲉⲡⲉⲛⲥⲁⲡⲁϩⲟⲩ·ⲉⲩⲣⲱϩⲧⲛⲧⲉⲩϣⲓⲏⲉϩⲣⲁⲓⲉϫⲙⲡⲕⲁϩ·
ⲁⲩⲱⲛⲧⲟⲟⲩⲛⲉⲩⲙⲓϣⲉⲡⲉⲉⲩⲁⲡⲉⲗⲉⲓ·ⲉⲩϩⲓⲟⲩⲉⲉⲣⲟϥ·
ⲛⲧⲟϥⲇⲉⲛⲉϥⲟⲩⲱⲛϩⲉⲃⲟⲗⲁⲛⲉⲛⲧⲉϥⲙⲛⲧⲛⲟⲩⲧⲉⲧⲏⲣⲥ·ϫⲉⲛⲛⲉϥⲧⲁⲕⲉⲡⲕⲁϩϩⲙⲡⲉϥϭⲱⲛⲧϫⲓⲛⲡⲉϩⲟⲟⲩⲉⲧⲙⲙⲁⲩ·ⲉⲧⲃⲉⲛⲉⲧⲣⲡⲉⲧϩⲟⲟⲩⲛⲁϥ·
ⲛⲁϣⲛϩⲉⲉⲣⲉⲧⲉϥⲙⲛⲧⲣⲣⲟⲛⲁⲣϩⲟⲩⲉⲙⲟⲩϩⲛⲣⲱⲙⲉⲛⲁⲅⲁⲑⲟⲥⲁⲩⲱⲛⲇⲓⲕⲁⲓⲟⲥⲙⲛϩⲉⲛⲙⲏⲏϣⲉⲛⲁⲧⲛⲟⲃⲉ·ⲁⲩⲱϩⲉⲛⲣⲉϥⲣⲛⲟⲃⲉⲉⲁⲩⲙⲉⲧⲁⲛⲟⲉⲓⲧⲏⲣⲟⲩϩⲓⲧⲙⲡⲧⲁϣⲉⲟⲉⲓϣⲙⲡⲉⲩⲁⲅⲅⲉⲗⲓⲟⲛ:
ϩⲣⲁⲓⲇⲉϩⲛⲧⲙⲛⲧϫⲁϫⲉⲙⲛⲡⲙⲟⲥⲧⲉⲛⲛⲉⲅⲣⲁⲙⲙⲁⲧⲉⲩⲥⲙⲛⲛⲉⲫⲁⲣⲓⲥⲥⲁⲓⲟⲥⲙⲛⲛⲁⲣⲭⲓⲉⲣⲉⲩⲥⲁⲩⲱⲛⲉⲡⲣⲉⲥⲃⲩⲧⲉⲣⲟⲥⲙⲛⲡⲗⲁⲟⲥⲧⲏⲣϥⲉⲧⲙⲙⲁⲩⲛⲧⲁⲩⲁⲁⲩⲉϩⲟⲩⲛⲉⲣⲟϥ·ⲛⲧⲁⲥⲣϩⲟⲩⲟⲛϭⲓⲧⲁⲅⲁⲡⲏⲁⲩⲱϯⲉⲓⲣⲏⲛⲏⲧⲏⲣⲥⲛⲧⲉϥⲉⲕⲕⲗⲏⲥⲓⲁⲙⲛⲛⲉϥⲥⲩⲛⲁⲅⲱⲅⲏⲧⲏⲣⲟⲩ:
ⲁⲩⲱⲉϥⲛⲁⲧⲁϣⲟ·ⲟⲛ·ⲛⲧⲉϥⲉⲓⲣⲏⲛⲏⲉϩⲣⲁⲓⲉϫⲱⲛ·ⲉϥⲛⲁⲟⲩⲱϩ·ⲟⲛ·ⲛⲧⲉϥⲁⲅⲁⲡⲏⲉϩⲟⲩⲛⲉⲣⲟⲛⲁⲩⲱⲁⲛⲟⲛϩⲱⲱⲛⲉϩⲟⲩⲛⲉⲛⲉⲛⲉⲣⲏⲩ:
ⲡⲉⲧϯⲁⲛⲙⲡⲉϥϩⲏⲧⲉϩⲟⲩⲛⲉⲛⲉⲓϣⲁϫⲉⲉⲧⲣⲉϥⲁⲡⲟⲧⲁⲥⲥⲉⲙⲡⲇⲓⲁⲃⲟⲗⲟⲥⲁⲩⲱⲛϥⲕⲱⲗⲩⲙⲡⲛⲟⲃⲉⲉⲧⲉϥⲯⲩⲭⲏϫⲉⲛⲛⲉϥⲧⲁⲕⲟⲥⲛⲧϩⲉⲛⲟⲩⲣⲓⲣϩⲟⲟⲩⲧ·ⲁⲩⲱⲛⲉϥⲙⲁⲛⲟⲩⲥⲛⲧϩⲉⲛⲟⲩⲉⲓⲁⲛϩⲟⲟⲩⲧϥⲟⲛⲁⲧⲥⲟⲟⲩⲛϫⲉⲟⲩⲛⲟⲩϩⲟⲩⲟϣⲟⲟⲡⲛⲧⲥⲟⲫⲓⲁ·ⲛϩⲟⲩⲟⲉⲧⲙⲛⲧⲁⲧϩⲏⲧ·ⲛⲧϩⲉⲉⲧⲉⲟⲩϩⲟⲩⲟϣⲟⲟⲡⲙⲡⲟⲩⲟⲉⲓⲛⲛϩⲟⲩⲟⲉⲡⲕⲁⲕⲉⲡⲉϫⲉⲡⲉⲕⲗⲏⲥⲓⲁⲥⲧⲏⲥ:
ⲡⲉⲧϣⲱⲡⲉⲣⲟϥⲁⲛⲛⲛⲉⲓϣⲁϫⲉⲛϥⲛⲟⲉⲓⲁⲛϫⲉⲟⲩⲁⲅⲁⲑⲟⲛⲡⲉⲡⲛⲁⲩⲛⲛⲃⲁⲗⲉϩⲟⲩⲟⲡⲉⲧⲙⲟⲟϣⲉⲙⲛⲧⲉϥⲯⲩⲭⲏ·
ⲟⲩⲇⲉⲛⲉϥⲉⲓⲙⲉⲁⲛϫⲉⲡⲟⲩⲟⲉⲓⲛϩⲟⲗϭ:ⲟⲩⲁⲅⲁⲑⲟⲛⲡⲉⲛⲉⲛⲃⲁⲗⲉⲧⲛⲁⲩⲉⲡⲉⲭⲣⲓⲥⲧⲟⲥ·
ⲁⲩⲱⲟⲛϫⲉⲟⲩⲛⲟⲩϩⲟⲩⲟϣⲟⲟⲡⲛⲛⲉⲧⲛⲁⲩⲉⲡⲣⲏⲉⲧⲉⲛⲧⲟϥⲛⲧⲟϥⲟⲛⲡⲉ:ⲓⲏⲥⲟⲩⲥⲡⲣⲏⲛⲧⲇⲓⲕⲁⲓⲟⲥⲩⲛⲏ
ⲉⲛⲉⲙⲛⲟⲩⲱϣⲅⲁⲣϣⲟⲟⲡⲛⲧⲉⲙⲡⲏⲩⲉⲉϥⲟⲛⲛⲟϭⲉⲟⲩⲱϣⲛⲓⲙⲛⲧⲉⲡⲕⲟⲥⲙⲟⲥ·ⲙⲉϣⲁⲕⲛⲉⲟⲩⲛⲟⲩⲁⲛⲥⲟϭⲛⲁϫⲟⲟⲥϫⲉⲟⲩⲙⲛⲧⲉⲃⲓⲏⲛⲁⲛⲧⲉⲛⲛⲉⲧⲉⲓⲣⲉⲛⲛⲉϩⲃⲏⲩⲉⲛⲧⲥⲁⲣⲝ:
ⲥⲱⲧⲙⲛⲅⲛⲁⲩϫⲉⲛⲧⲁⲡⲉⲧⲉⲣⲉⲧⲉϥϩⲉⲗⲡⲓⲥϩⲓⲡϫⲟⲉⲓⲥϫⲟⲟⲥ
ϫⲉⲟⲩϫⲉⲕⲁⲥⲛⲛⲉⲕⲕⲁⲡⲟⲩⲱϣⲛⲓⲏⲥⲟⲩⲥ·ⲛⲥⲱⲕⲡⲉⲕϫⲟⲉⲓⲥⲁⲩⲱⲡⲉⲕⲛⲟⲩⲧⲉⲉⲧⲃⲉⲡⲟⲩⲱϣⲛⲛⲣⲱⲙⲉ·
ⲁⲩⲱϫⲉⲕⲁⲥⲛⲛⲉⲕⲕⲁⲡⲧⲃⲃⲟⲛⲥⲱⲕⲏⲧⲙⲛⲧⲡⲁⲣⲑⲉⲛⲟⲥ·ⲉⲧⲃⲉⲟⲩⲟⲩⲱϣⲛⲅⲁⲙⲟⲥⲉⲛⲅⲥⲟⲟⲩⲛⲁⲛϫⲉⲕⲛⲁⲥⲉⲓⲙⲙⲟϥ
ⲁⲩⲱϫⲉⲕⲁⲥⲛⲛⲉⲕⲕⲱⲛⲥⲱⲕⲙⲡⲟⲩⲱϣⲛⲛⲉϩⲃⲏⲩⲉⲙⲡⲛⲉⲩⲙⲁⲧⲓⲕⲟⲛ·ⲉⲧⲃⲉⲛⲉϩⲃⲏⲩⲉⲛⲥⲱⲙⲁⲧⲓⲕⲟⲛⲉⲧⲣϩⲟⲩⲟ·
ⲡⲉϫⲁϥϭⲉϫⲉⲧⲁⲯⲩⲭⲏⲙⲡⲉⲥⲟⲩⲉϣⲥⲗⲥⲱⲗⲥ·
ⲁⲓⲣⲡⲙⲉⲉⲩⲉⲙⲡⲛⲟⲩⲧⲉⲁⲓⲉⲩⲫⲣⲁⲛⲉ·
ⲛⲧⲟⲕϩⲱⲱⲕⲕⲉⲩⲫⲣⲁⲛⲉⲉϫⲛϩⲉⲛϩⲃⲏⲩⲉⲛϣⲟⲩⲣϩⲏⲃⲉⲛⲁⲕⲉⲕⲉⲓⲣⲉⲙⲙⲟⲟⲩⲁⲩⲱⲕⲥⲟⲗⲥⲗⲙⲙⲟⲕⲙⲛϩⲉⲛⲣⲱⲙⲉⲉⲩⲟⲛϣⲁϥⲧⲉⲉⲡⲛⲟⲩⲧⲉⲙⲛⲛⲉϥⲛⲟⲙⲟⲥ
ⲧⲛⲱϣⲛⲧⲟϥϫⲉⲙⲡⲉⲓϩⲙⲟⲟⲥϩⲙⲡⲉⲩⲥⲩⲛϩⲩⲇⲣⲓⲟⲛⲉⲩⲥⲱⲃⲉ:
ⲁⲩⲱϫⲉⲙⲡⲉⲓϩⲙⲟⲟⲥⲙⲛⲟⲩⲥⲩⲛϩⲩⲇⲣⲓⲟⲛⲉϥϣⲟⲩⲉⲓⲧ·
ⲁⲓⲙⲉⲥⲧⲉⲧⲥⲟⲟⲩϩⲥⲛⲛⲉⲧⲟⲙⲡⲟⲛⲏⲣⲟⲥⲁⲩⲱⲛⲛⲁϩⲙⲟⲟⲥⲙⲛⲛⲁⲥⲉⲃⲏⲥ·
ⲧⲛϩⲙⲟⲟⲥϩⲱⲱⲛⲉϩⲣⲁⲓⲛⲙⲙⲁⲩ·ⲁⲩⲱⲧⲛⲙⲉⲙⲙⲟⲟⲩⲧⲛⲟⲛϣⲃⲣⲉⲣⲟⲟⲩ·
ⲉⲓⲥⲟⲩⲥⲟⲗⲥⲗⲛⲁⲙⲉⲉϥϣⲟⲩⲉⲓⲧ·
ⲉⲓⲥⲟⲩⲙⲛⲧϣⲃⲏⲣⲉⲥⲉⲓⲣⲉⲙⲡⲣⲱⲙⲉⲛϫⲁϫⲉⲉⲓⲏⲥⲟⲩⲥⲉⲧⲉⲧⲁⲓⲧⲉⲛⲧⲛⲟⲩⲉϣⲥⲗⲥⲱⲗⲛϩⲓⲧⲛϩⲉⲛⲣⲱⲙⲉⲛϩⲉⲗⲗⲏⲛ:
ⲉϣϫⲉⲧⲛⲛⲁⲕⲁϩⲉⲛϣⲃⲏⲣⲛⲁⲛⲙⲁⲣⲉⲛⲕⲁⲁⲩⲛⲁⲛⲉⲃⲟⲗϩⲛⲛⲣⲙⲛⲛⲟⲩⲧⲉ·ⲛⲧⲛⲥⲗⲥⲗⲛⲉⲛⲉⲣⲏⲩϩⲙⲡⲥⲟⲗⲥⲗⲛⲧⲁⲛⲉⲧⲟⲩⲁⲁⲃϫⲟⲟϥ:
ϫⲉⲉⲧⲣⲉⲛⲥⲗⲥⲗⲛⲉⲛⲉⲣⲏⲩϩⲓⲧⲛⲧⲡⲓⲥⲧⲓⲥⲉⲧϩⲛⲛⲉⲛⲉⲣⲏⲩⲧⲱⲛⲙⲛⲧⲱⲟⲩ·
ⲉⲣⲉⲛⲉⲧⲟⲛϩⲏⲧϣⲏⲙⲛϩⲏⲧⲛⲛⲁϫⲟⲟⲥⲁⲛϫⲉⲟⲩⲏⲣⲛϣⲁϫⲉϫⲓⲛⲛⲥⲁϥⲉⲡϩⲟⲟⲩ
ⲏϫⲉⲉϥⲛⲁϭⲱⲛⲁϣⲛⲛⲁⲩ
ⲉⲧⲃⲉⲟⲩⲛⲧⲟϥⲙⲡⲉⲛϫⲟⲟⲥϫⲉⲁⲛⲱⲥⲕϩⲛⲛⲉⲛϫⲓⲛϭⲟⲛⲥⲙⲛⲛⲉⲛϫⲱϩⲙⲙⲛⲛⲉⲛⲛⲟⲃⲉⲧⲏⲣⲟⲩ:
ⲁⲩⲱϫⲉⲙⲟⲅⲓⲥⲁⲛⲉⲓⲗⲱⲱⲙⲉⲧⲏⲣⲟⲩⲉⲧⲙⲙⲁⲩⲛⲧⲁⲩⲟⲩⲙⲟⲧϩⲓⲱⲱⲛⲗⲱⲕⲣⲱϩⲟⲗⲱⲥⲙⲛⲛⲥⲁⲛⲉⲓϣⲁϫⲉⲧⲏⲣⲟⲩⲛⲧϩⲉⲛⲟⲩⲙⲟⲟⲩⲉϥⲟϣϫⲉⲉⲩⲛⲁⲉⲓⲱⲛⲥⲉϥⲓⲙⲙⲁⲩⲛϩⲏⲧⲛ
ⲧⲁⲣⲉⲛϫⲟⲟⲥϩⲱⲱⲛϫⲉⲧⲁⲯⲩⲭⲏⲛⲁϫⲓⲧⲁⲓⲟϩⲙⲡϫⲟⲉⲓⲥ
ϫⲓⲧⲁⲉⲓⲟⲣⲙⲣⲁϣⲥⲱⲧⲙⲛⲥⲉⲟⲩⲛⲟϥ
ϫⲓⲥⲉⲛⲙⲙⲁⲓⲙⲡϫⲟⲉⲓⲥ·ⲁⲩⲱⲛⲧⲉⲧⲛϫⲓⲥⲉⲙⲡⲉϥⲣⲁⲛϩⲓⲟⲩⲥⲟⲡ·
ⲉⲓⲥϩⲏⲏⲧⲉϯⲛⲁϩⲱⲛⲧⲟⲟⲩⲛ·
ϯⲥⲱⲡⲥϭⲉⲙⲡⲉⲧⲉⲙⲡⲉϥⲣⲛⲟⲃⲉⲉⲧⲣⲉϥϩⲁⲣⲉϩⲉⲣⲟϥⲟⲛ·
ⲁⲩⲱⲡⲉⲧϭⲟⲗϫⲟⲛⲛϩⲏⲧϥⲉⲧⲣⲉϥⲡⲱⲧⲛⲧⲟⲟⲧϥϩⲱⲥⲉⲩⲃⲱⲗⲙⲙⲟϥⲉⲃⲟⲗϩⲓⲧⲛⲛⲉⲓϣⲁϫⲉ·ⲁⲩⲱⲡⲉⲛⲧⲁϥⲥⲙⲛⲧⲥϩⲙⲡⲉϥϩⲏⲧⲉⲧⲙⲣⲛⲟⲃⲉⲙⲛⲛⲥⲁⲧⲣⲉϥⲥⲱⲧⲙⲉⲛⲉⲓϣⲁϫⲉ·ⲉⲧⲙⲧⲣⲉϥⲟⲩⲁϩⲙϥⲉⲉⲓⲣⲉ
ⲁⲩⲱⲁⲛⲟⲛⲧⲏⲣⲛⲉⲛϣⲁⲛⲥⲙⲛⲧⲥϩⲙⲡⲉⲛϩⲏⲧⲉⲧⲙⲣⲛⲟⲃⲉϫⲓⲛⲡⲉϩⲟⲟⲩⲛⲧⲁⲛⲥⲱⲧⲙⲉⲛⲉⲓϣⲁϫⲉⲧⲛⲡⲓⲥⲧⲉⲩⲉⲁⲩⲱⲧⲛⲛⲁⲣⲁⲧⲛⲁϩⲧⲉⲁⲛ·ϫⲉⲓⲏⲥⲟⲩⲥⲛⲁⲕⲱⲛⲁⲛⲉⲃⲟⲗⲡⲉⲛⲛⲉⲛⲧⲁⲛⲁⲁⲩⲧⲏⲣⲟⲩ:
David Brakke: A lacuna of approximately 11 manuscript pages precedes this document. It seems likely that "Whoever Seeks God Will Find" begins in this lacuna.

ANNIS Metadata

annotation: Christine Luckritz Marquis, Lance Martin, Caroline T. Schroeder, Rebecca Krawiec, Amir Zeldes
author: Shenoute
collection: Manuscrits coptes
Coptic_edition: none
corpus: shenoute.seeks
country: Egypt
document_cts_urn: urn:cts:copticLit:shenoute.seeks.monbcz:26-36
endnote: David Brakke: A lacuna of approximately 11 manuscript pages precedes this document. It seems likely that "Whoever Seeks God Will Find" begins in this lacuna.
entities: automatic
identities: checked
idno: 131/4 ff. 86-90r
language: Sahidic Coptic
license: CC-BY 4.0
msContents_title_n: 5
msContents_title_type: Discourses
msItem_title: Whoever Seeks God Will Find
msName: MONB.CZ
note: Pages 129-134 transcribed in Paris by David Brakke, March 2010. Pages 135-136 transcribed from microfilm by Bentley Layton, Spring 2005; collated in Paris by David Brakke, March 2010. David Brakke and Andrew Crislip published a translation of Whoever Seeks God Will Find in their book Selected Discourses of Shenoute the Great (Cambridge University Press, 2015), pp. 114-117. Chapter divisions and numbering follow Brakke's divisions and numbering.
objectType: codex
origDate: between 900 and 1200 C.E.
origDate_notAfter: 1200
origDate_notBefore: 0900
origDate_precision: low
origPlace: White Monastery
pages_from: 129
pages_to: 137
parsing: automatic
paths_authors: 95
paths_manuscripts: 331
paths_works: 363
people: Belial; Devil; Ecclesiastes; Jesus; Jonah; Satan; Solomon
placeName: Atripe
places: Duat; Nineveh
project: Coptic SCRIPTORIUM
redundant: no
repository: Bibliothèque Nationale de France
segmentation: checked
source: David Brakke
tagging: checked
title: Whoever Seeks God Will Find CZ 129-137
translation: none
Trismegistos: none
version_date: 2022-09-26
version_n: 4.4.0
witness: none

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:shenoute.seeks.monbcz:26-36. [version number], [date]. https://data.copticscriptorium.org/urn:cts:copticLit:shenoute.seeks.monbcz:26-36.

Subsequent citations:

Author, Ancient title (abbreviated) [chapter.verse if available], urn:cts:copticLit:shenoute.seeks.monbcz:26-36.

Document Edition: urn:cts:copticLit:shenoute.seeks.monbcz:26-36

Work: urn:cts:copticLit:shenoute.seeks

Text Group: urn:cts:copticLit:shenoute

The following links will direct you to the latest versions of data visualizations of the document.

Diplomatic Edition HTML: https://data.copticscriptorium.org/urn:cts:copticLit:shenoute.seeks.monbcz:26-36/dipl/html

Normalized Text HTML: https://data.copticscriptorium.org/urn:cts:copticLit:shenoute.seeks.monbcz:26-36/norm/html

Analytic Visualization HTML: https://data.copticscriptorium.org/urn:cts:copticLit:shenoute.seeks.monbcz:26-36/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:shenoute.seeks.monbcz:26-36/tei/xml

Paula XML: https://data.copticscriptorium.org/urn:cts:copticLit:shenoute.seeks.monbcz:26-36/paula/xml

relANNIS: https://data.copticscriptorium.org/urn:cts:copticLit:shenoute.seeks.monbcz:26-36/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:shenoute.seeks.monbcz:26-36/annis