Diplomatic Edition
| ⲞⲨⲖⲞⲄⲞⲤⲚ̅ⲦⲈⲠⲈⲚⲠⲈⲦⲞⲨⲀⲀⲂⲚⲈⲒ̈ⲰⲦ̅ⲀⲠⲀⲐⲈⲞⲪⲒⲖⲞⲤⲠⲀⲢⲬⲎⲈⲠⲒⲤⲔⲞⲠⲞⲤⲈⲀϤⲦⲀⲨⲞϤⲈⲦⲂⲈⲦⲘⲈⲦⲀⲚⲀⲒ̈ⲀⲘⲚ̅ⲦⲈⲔⲢⲀⲦⲒⲀ·ⲀⲨⲰⲞⲚⲈⲦⲘⲦⲢⲈⲠⲢⲰⲘⲈⲀⲘⲈⲖⲈⲒⲈⲢⲞϤ·ⲈⲘⲈⲦⲀⲚⲞⲒ̈ⲈⲘⲠⲀⲦⲞⲨⲦⲀϨⲞϤⲚ̅ϬⲒⲚⲈⲬⲢⲞⲚⲞⲤⲚϨⲀⲈ·◈◈—◈◈◈—◈◈Ⲡⲉϫⲁϥⲛ̅ϭⲓⲡⲉⲡⲣⲟⲫⲏⲧⲏⲥϫⲉⲁⲛⲁⲣⲙ̅ⲉⲓ̈ⲟⲟⲩⲉϣⲱⲡⲉⲛⲁⲓ̈ |
| ⲛⲟⲉⲓⲕⲙ̅ⲛ̅ⲉϩⲟⲟⲩⲙⲛ̅ⲧⲉⲩϣⲏ·ⲁⲩⲱⲟⲛϫⲉⲟⲩϩⲏⲧⲉϥⲟⲩⲟϣϥ̅ⲉϥⲑⲃ̅ⲃⲓⲏⲩⲡⲛⲟⲩⲧⲉⲛⲁⲧⲥⲧⲟϥⲉⲃⲟⲗⲁⲛ:Ⲧⲉⲛⲟⲩϭⲉⲛⲉⲥⲛⲏⲩⲙⲁⲣⲛ̅ⲑⲙ̅ⲕⲟ̅ⲛ̅ⲛⲉⲛⲯⲩⲭⲏϩⲛ̅ϩⲉⲛⲛⲏⲥⲧⲓⲁⲉⲛϯⲛⲛⲉⲛⲥⲱⲙⲁⲉⲡⲙⲟⲩϩⲛ̅ϩⲉⲛϩⲓⲥⲉⲉⲛⲁϣⲱⲟⲩ·ϣⲁⲛⲧⲛ̅ⲣ̅ϣⲃⲏⲣⲉⲡⲁⲅⲅⲉⲗⲟⲥⲛⲧ̅ⲙⲉⲧⲁⲛⲟⲓⲁ | ϫⲉⲕⲁⲥⲉϥⲉⲕⲁⲧⲉϥϩⲓⲏϣⲁⲁⲣⲟⲛ·ⲛ̅ⲧⲁⲛⲉⲧⲟⲩⲁⲁⲃϯⲛⲛⲉⲩⲥⲱⲙⲁⲉⲡⲙⲟⲩϣⲁⲛⲧⲟⲩϫⲣⲟ̅ⲉⲡⲁⲛⲧⲓⲕⲓⲙⲉⲛⲟⲥⲕⲁⲧⲁⲡⲉⲧⲥⲏϩϫⲉⲉⲧⲃⲏⲏⲧⲕ̅ⲥⲉⲙⲟⲩⲟⲩⲧⲙ̅ⲙⲟⲛ̅ⲙ̅ⲡⲉϩⲟⲟⲩⲧⲏⲣϥ̅·ⲁⲩⲟⲡⲛ̅ⲛⲑⲉⲛⲉⲓ̈ⲉⲥⲟⲟⲩⲉⲕⲟⲟⲛⲥⲟⲩ·Ⲁⲩⲱⲟⲛⲡⲁⲡⲟⲥⲧⲟⲗⲟⲥϯⲥⲃⲱ̅ⲛⲁⲛϫⲉⲙⲟⲩⲟⲩⲧⲛ |
| ⲛ̅ⲛⲉⲧⲙ̅ⲙⲉⲗⲟⲥⲉⲧϩⲓϫⲙ̅ⲡⲕⲁϩ·ⲧⲡⲟⲣⲛⲓⲁⲧⲁⲕⲁⲑⲁⲣⲥⲓⲁ·ⲡ̅ⲡⲁⲑⲟⲥⲧⲉⲡⲏⲑⲩⲙⲓⲁⲉⲑⲟⲟⲩ·Ϩⲟⲧⲁⲛⲇⲉⲉⲛϣⲁⲛⲧⲁⲁⲛⲉⲧⲙⲟⲕϩⲥ̅ϩⲛ̅ϩⲉⲛⲛⲏⲥⲧⲓⲁⲙⲛ̅ϩⲉⲛϣⲗⲏⲗⲙⲛ̅ϩⲉⲛⲟⲩϣⲏ̅ⲛ̅ⲣⲟⲉⲓⲥ·ⲛ̅ⲧⲛ̅ⲥ⳨ⲟ̅ⲩ̅ⲙ̅ⲡⲉⲛⲥⲱⲙⲁⲙⲛ̅ⲧⲉⲛⲯⲩⲭⲏ̅·ⲧⲛ̅ⲛⲁⲣ̅ϣⲁ̅ϩⲱⲱⲛⲛ̅ⲉϣⲉⲃⲟⲗⲙⲛ̅ⲡⲣⲉϥⲯⲁⲗⲗⲉⲓ̈ | ⲇⲁⲩⲉⲓⲇϫⲉⲁⲕⲡⲁⲥⲧ̅ϩⲙ̅ⲡⲉⲕϩⲉⲉϫⲓⲛϭⲟⲛⲥ̅ⲛ̅ϩⲏⲧ̅:ⲧⲟⲧⲉⲡⲁⲅⲅⲉⲗⲟⲥⲛⲧ̅ⲙⲉⲧⲁⲛⲟⲓⲁⲛ̅ⲏⲩⲛϥ̅ⲡⲱⲣϫ̅ⲛ̅ⲛⲉⲛⲧⲏϭⲉⲑⲟⲟⲩ·ⲉⲛⲧⲁϥϫⲟⲟⲩϩⲣⲁⲓ̈ⲛ̅ϩⲏⲧⲛ̅ⲛ̅ϭⲓⲡⲇⲓⲁⲃⲟⲗⲟⲥⲛϥ̅ⲧⲱϭⲉⲉⲡⲉⲩⲙⲁ̅ⲛⲛ̅ⲕⲁⲣⲡⲟⲥⲙ̅ⲡⲉⲡⲛ̅ⲁ̅·Ⲕⲁⲧⲁⲑⲉⲉⲛⲧⲁϥϫⲟⲟⲥⲛ̅ϭⲓⲡⲁⲡⲟⲥⲧⲟⲗⲟⲥϫⲉⲡⲕⲁⲣ |
| ⲡⲟⲥⲙ̅ⲡⲉⲡⲛⲁ̅ⲡⲉⲧⲁⲅⲁⲡⲏ·ⲡⲣⲁϣⲉ·ϯⲣⲏⲛⲏ·ⲧⲙⲛⲧ̅ϩⲁⲣϣ̅ϩⲏⲧ̅·ⲡⲧⲃ̅ⲃⲟ̅ⲙⲛ̅ⲛⲉⲧⲛⲏⲩⲙⲛ̅ⲛ̅ⲥⲁⲛⲁⲓ̈:Ⲧⲟⲧⲉⲥⲛⲏⲩⲛ̅ⲧⲉⲩⲛⲟⲩⲛ̅ϭⲓⲧⲙⲉⲧⲁⲛⲟⲓⲁⲛⲥ̅ⲟⲩⲱϩϩⲣⲁⲓ̈ⲛ̅ϩⲏⲧⲛ̅·ⲛⲥ̅ⲙⲟⲩϩⲛ̅ⲛⲉⲛⲙⲉⲗⲟⲥⲧⲏⲣⲟⲩ·ⲛⲥ̅ⲕⲁⲑⲁⲣⲓⲍⲉⲛ̅ⲛⲉⲛⲛⲟⲃⲉⲧⲏⲣⲟⲩ·ⲛⲥ̅ⲣⲱⲕϩ̅ϩⲣⲁⲓ̈ⲛ̅ϩⲏⲧⲛ̅ⲙ̅ | ⲙⲛⲧ̅ϫⲁⲥⲓϩⲏⲧ̅ⲛⲓⲙ·ⲙⲛ̅ϭⲱⲛⲧⲛⲓⲙ·ⲙⲛ̅ⲕⲁⲕⲓⲁⲛⲓⲙ·ⲙⲛ̅ϩⲱⲃⲛⲓⲙⲉⲑⲟⲟⲩ·ⲙⲛ̅ⲙⲉⲉⲩⲉⲛⲓⲙⲙⲡⲟⲛⲏⲣⲟⲛ·ⲛⲥ̅ⲁⲛⲁⲅⲕⲁⲍⲉⲛⲛ̅ⲁⲣⲉⲧⲏⲉⲧⲣⲉⲩⲉⲓⲛ̅ⲥⲉⲟⲩⲱϩϩⲛ̅ⲧⲉⲛⲯⲩⲭⲏ·ⲛⲥ̅ⲧⲱϭⲉⲛ̅ⲧⲟⲩⲉⲓ̈ⲧⲟⲩⲉⲓ̈ⲉⲡⲉⲥⲙⲁ̅·Ⲛ̅ⲧⲉⲩⲛⲟⲩⲥⲛⲁⲡⲱⲣⲕ̅ⲙ̅ⲡϭⲱⲛ̅ⲧ̅ⲛⲥ̅ⲧⲱϭⲉⲉⲡⲉϥⲙⲁⲛⲧ̅ |
| ⲙⲛⲧ̅ϩⲁⲣϣ̅ϩⲏⲧ̅·ⲥⲛⲁⲡⲱⲣⲕ̅ⲛⲧ̅ⲙⲛⲧ̅ϫⲁⲥⲓϩⲏⲧⲛⲥ̅ⲧⲱϭⲉⲙ̅ⲡⲉⲑⲃ̅ⲃⲓⲟ̅ⲉⲡⲉϥⲙⲁ̅·ⲥⲛⲁⲡⲱⲣⲕ̅ⲛⲧⲙⲛⲧ̅ϫⲁϫⲉⲛⲥ̅ⲧⲱϭⲉⲛ̅ϯⲣⲏⲛⲏ̅ⲉⲡⲉⲥⲙⲁ̅·Ⲥⲛⲁⲡⲱⲧⲛ̅ⲥⲁⲡⲕⲱϩⲙⲛ̅ⲡⲙⲟⲥⲧⲉⲛⲥ̅ⲛⲟϫⲟⲩⲉⲃⲟⲗⲛ̅ϩⲏⲧⲛ̅·ⲛⲥ̅ⲧⲣⲉϯⲣⲏⲛⲏⲙⲛ̅ⲧⲁⲅⲁⲡⲏⲣ̅ⲟⲩⲕⲗⲟⲙⲉϫⲛ̅ⲧⲉⲛⲁⲡⲉ̅·ⲥⲛⲁϥⲓ̅ | ⲉⲃⲟⲗⲙ̅ⲙⲟⲛⲛ̅ⲧⲁⲙⲉⲗⲓⲁⲙⲛ̅ⲧⲙⲛⲧ̅ⲣⲉϥϫⲛⲁⲁⲩ·ⲛⲥ̅ⲛⲉϩⲥⲉⲙ̅ⲙⲟⲛⲉⲡⲉϣⲗⲏⲗⲙⲛ̅ϩⲉⲛⲟⲩϣⲏ̅ⲛ̅ⲣⲟⲉⲓⲥ·ⲙⲛ̅ϩⲉⲛⲙⲉⲗⲉⲧⲁ̅ⲙⲛ̅ϩⲉⲛⲯⲁⲗⲙⲟⲥ·ⲙⲛ̅ϩⲉⲛϩⲱⲇⲏⲙ̅ⲡⲛⲁ̅ⲧⲓⲕⲟⲛ·Ⲁⲛⲁⲩϭⲉⲱ̅ⲛⲉⲥⲛⲏⲩⲉⲧⲙⲉⲧⲁⲛⲟⲓⲁϫⲉϣⲁⲥⲧⲣⲉⲟⲩⲏⲣⲕⲁⲣⲡⲟⲥⲟⲩⲱϩϩⲙ̅ⲡⲣⲱⲙⲉ |
| ⲉⲧⲛⲁⲙⲉⲧⲁⲛⲟⲓ̈·ϣⲁⲥⲧⲣⲉⲙ̅ⲙⲉⲗⲟⲥⲧⲏⲣⲟⲩⲛⲉϫϯⲟⲩⲱ̅ⲉⲃⲟⲗ·ⲛ̅ⲑⲉⲛ̅ⲟⲩϣⲏⲛ̅ⲉϥⲣⲟⲟⲩⲧ̅ϩⲓϫⲛ̅ⲟⲩⲙⲟⲟⲩ·Ⲱ̅ⲧⲙⲉⲧⲁⲛⲟⲓⲁϩⲉⲛⲛⲟϭⲛⲉⲛⲟⲩⲥⲟⲗⲥⲗ̅·ⲟⲩⲣⲁϣⲉⲡⲉⲧϣⲟⲟⲡ̅ϩⲛ̅ⲧⲟⲩⲗⲩⲡⲏ·ⲁⲩⲱⲟⲩⲉⲩⲫⲣⲟⲥⲩⲛⲏⲡⲉⲧϣⲟⲟⲡ̅ϩⲛ̅ⲛⲟⲩⲣⲙ̅ⲉⲓⲟⲟⲩⲉ·ⲛ̅ⲕⲁⲣⲡⲟⲥⲛⲧ̅ | ⲙⲉⲧⲁⲛⲟⲓⲁⲉⲩⲙⲏϩⲉⲃⲟⲗϩⲛ̅ⲧϭⲟⲙⲙ̅ⲡⲉⲡⲛ̅ⲁ̅·ⲡⲣⲱⲙⲉⲅⲁⲣⲉⲧⲛⲁⲙⲉⲧⲁⲛⲟⲓ̈·ⲕⲁⲛⲉϥⲕⲁⲣⲁⲉⲓⲧ·ⲛ̅ⲕⲁⲣⲡⲟⲥⲛⲧ̅ⲙⲉⲧⲁⲛⲟⲓⲁ̅ⲟⲩⲟⲛϩ̅ⲉⲃⲟⲗϩⲓⲡⲉϥϩⲟ:Ⲛⲉⲥⲱ·ⲱ̅ⲧⲙⲉⲧⲁⲛⲟⲓⲁ̅ϩⲛ̅ⲧⲟⲩⲙⲛ̅ⲧ̅ⲣⲙ̅ⲣⲁϣⲉⲧϭⲏⲛⲙⲛ̅ⲟⲩϣⲁϫⲉⲉⲧϩⲟⲣⲕ̅·ϩⲙ̅ⲡⲟⲩⲥⲙⲟⲧ̅ⲉⲣⲉⲟ̅ⲛ̅ϫⲡⲓⲏⲧ̅ϩⲁⲧⲛ̅ⲟⲩⲟⲛⲛⲓⲙ·ⲛ̅ⲧⲥ̅ |
| ⲛ̅ⲧⲟ̅ⲅⲁⲣⲡⲉⲛⲧⲁⲣϫⲓⲙⲟⲉⲓⲧϩⲏⲧⲟⲩⲛ̅ⲛⲉⲧⲟⲩⲁⲁⲃⲧⲏⲣⲟⲩⲉϩⲟⲩⲛⲉⲡⲁⲅⲱⲛⲛⲛ̅ϩⲓⲥⲉ·Ⲧⲟⲩⲛ̅ⲧⲏⲩⲧⲛ̅ϭⲉⲉϩⲣⲁⲓ̈ⲱⲛⲁⲙⲉⲣⲁⲧⲉⲛ̅ⲧⲉⲧⲛ̅ⲕⲟⲥⲙⲉⲓⲛⲧ̅ⲙⲉⲧⲁⲛⲟⲓⲁϩⲛ̅ⲛ̅ⲕⲟⲥⲙⲏⲥⲓⲥⲛ̅ⲛⲉⲧⲛ̅ⲛⲏⲥⲧⲓⲁ·ⲛ̅ⲧⲉⲧⲛ̅ⲧⲱϩⲥ̅ⲙ̅ⲙⲟⲥϩⲙ̅ⲡⲉⲥϯⲛⲟⲩϥⲉⲛ̅ⲛⲉⲧⲛ̅ϣⲗⲏⲗ·ⲁⲩⲱⲛ̅ⲧⲉⲧⲛ̅ⲥⲧⲉⲫⲁⲛⲟⲩⲙ̅ⲙⲟⲥ | ϩⲙ̅ⲡⲉⲑⲃ̅ⲃⲓⲟ̅ⲛ̅ⲛⲉⲧⲛ̅ⲣⲙ̅ⲉⲓ̈ⲟⲟⲩⲉ·ϫⲉⲕⲁⲥⲉⲣϣⲁⲛⲛ̅ⲕⲉⲁⲣⲉⲧⲏⲧⲏⲣⲟⲩⲛⲁⲩⲉⲡⲥⲁ̅ⲛⲧ̅ⲕⲟⲥⲙⲏⲥⲓⲥⲉⲛⲧⲁⲧⲉⲧⲛ̅ⲕⲟⲥⲙⲉⲓⲙ̅ⲙⲟⲥⲛ̅ϩⲏⲧϥ̅·Ⲧⲟⲧⲉⲥⲉⲛⲁⲥⲱⲟⲩϩϩⲓⲟⲩⲥⲟⲡⲛ̅ⲥⲉⲉⲓ̈ⲛ̅ⲥⲉⲭⲟⲣⲉⲩⲉϩⲛ̅ⲛⲉⲧⲙ̅ⲯⲩⲭⲏ·ϩⲙ̅ⲡⲧⲣⲉⲛⲁⲓ̈ϭⲉⲟⲩⲱϩⲛ̅ϩⲏⲧⲧⲏⲩⲧⲛ̅·ⲥⲉⲛⲁⲣ̅ⲧⲏⲩⲧⲛ̅ |
| ⲛⲁⲧⲛⲟⲃⲉ·ⲉⲥⲧⲱⲛϭⲉⲧⲉⲛⲟⲩⲧⲁⲙⲉⲗⲓⲁⲙⲛ̅ⲡⲉϩⲣⲟϣⲙ̅ⲡⲥⲱⲙⲁ·ⲉⲩⲧⲱⲛⲛⲉϣⲧⲟⲣⲧⲣ̅ⲛⲙ̅ⲡⲁⲑⲟⲥ·ⲙⲛ̅ⲙ̅ⲙⲉⲉⲩⲉⲉⲧϫⲁϩⲙ̅ⲙⲛ̅ϩⲱⲃⲛⲓⲙⲉⲑⲟⲟⲩ·Ⲉⲩⲧⲱⲛⲛ̅ⲕⲱϩⲙⲛ̅ⲙ̅ⲙⲟⲥⲧⲉⲙⲛ̅ⲛ̅ϯⲧⲱⲛ·ⲉⲩⲧⲱⲛⲛ̅ϭⲱⲛⲧ̅ⲙⲛ̅ⲙ̅ⲡⲟⲛⲏⲣⲓⲁ·ⲉⲩⲧⲱⲛⲙ̅ⲙⲛ̅ⲧ̅ϫⲁⲥⲓϩⲏⲧ̅·ⲙⲛ̅ⲛ̅ϭⲓⲛ̅ϣⲁ | ϫⲉⲉⲧⲛⲁϣⲧ̅·ⲉⲩⲧⲱⲛⲙ̅ⲡⲟⲣⲛⲓⲁⲙⲛ̅ⲛ̅ϫⲱϩⲙ̅ⲙⲛ̅ⲙⲙⲛ̅ⲧ̅ⲛⲟⲉⲓⲕ·ⲉⲩⲧⲱⲛⲛⲉⲟⲟⲩⲉⲧϣⲟⲩⲉⲓⲧ̅ⲙⲛ̅ⲛ̅ϩⲃ̅ⲥⲟⲟⲩⲉⲉⲧⲡⲣ̅ⲉⲓⲱⲟⲩ·ⲉⲩⲧⲱⲛⲙ̅ⲙⲛⲧ̅ϣⲛⲁⲙⲛ̅ⲛ̅ⲟⲩⲱⲙⲙⲛ̅ⲛ̅ⲥⲱⲙⲛ̅ⲛ̅ϯϩⲉ̅·Ⲉⲩⲧⲱⲛⲙ̅ⲙⲛ̅ⲧ̅ⲁⲣⲅⲟⲥⲙⲛ̅ⲛ̅ϫⲓϩⲣⲁϥϩⲛ̅ⲟⲩⲡⲁⲧⲁⲗⲓⲁ·ⲛⲓⲙⲡⲉⲧⲉⲛϥ̅ⲛⲁⲟⲩⲱϣⲁⲛⲉⲣ̅ϣⲃⲏⲣ |
| ⲉⲧⲙⲉⲧⲁⲛⲟⲓⲁⲛϥ̅ⲣ̅ϣⲙ̅ⲙⲟ̅ⲉⲛⲉⲓ̈ⲡⲉⲑⲟⲟⲩⲧⲏⲣⲟⲩ·ⲛⲁⲓ̈ⲉⲧⲧⲱⲙⲛⲛ̅ⲃⲁⲗⲙ̅ⲡⲉⲛϩⲏⲧ̅ϫⲉⲉⲛⲉⲩⲛⲁⲩⲉⲡⲟⲩⲟⲉⲓⲛⲉⲧϩⲁϣⲡⲏⲣⲉ·Ⲧⲙⲉⲧⲁⲛⲟⲓⲁⲅⲁⲣϣⲁⲥⲧⲣⲉⲡⲣⲱⲙⲉⲣⲉⲧⲧⲛ̅ϩⲛ̅ⲑⲉⲛ̅ⲟⲩⲁⲉⲧⲟⲥ·ⲁⲩⲱϣⲁⲥⲧⲣⲉϥϩⲱⲗⲉⲡϫⲓⲥⲉϩⲓⲧⲛ̅ⲛⲉⲥⲁⲣⲉⲧⲏ·ⲡⲉⲧⲙⲉⲧⲁⲛⲟⲓ̈ⲅⲁⲣⲉⲧⲁⲥⲕⲉⲓϩⲛ̅ⲟⲩⲙⲛⲧ̅ϫⲱⲱⲣⲉ | ϩⲛ̅ⲟⲩϩⲕⲟ̅ⲙⲛ̅ⲟⲩⲉⲓ̈ⲃⲉⲉϥϭⲱⲛⲧ̅ⲙ̅ⲙⲁⲧⲉⲉⲛⲁⲅⲁⲑⲟⲛⲛⲧ̅ⲡⲉⲛⲁⲓ̈ⲉⲧⲛⲁⲙⲟⲩⲛⲉⲃⲟⲗⲛ̅ϣⲁⲉⲛⲉϩ·Ⲉⲧⲃⲉⲡⲁⲓ̈ϭⲉⲱ̅ⲛⲁⲙⲉⲣⲁⲧⲉⲙⲁⲣⲛ̅ⲱϥⲉⲙ̅ⲡⲉⲛⲥⲱⲙⲁϩⲛ̅ϩⲉⲛⲛⲏⲥⲧⲓⲁⲙⲛ̅ϩⲉⲛϣⲗⲏⲗ·ⲙⲛ̅ϩⲉⲛⲟⲩϣⲏ̅ⲛ̅ⲣⲟⲉⲓⲥ·ϫⲉⲕⲁⲥⲉⲛⲁⲙⲉⲧⲉⲭⲉ̅ⲉⲛⲉϥ |
| ⲉⲣⲏⲧ̅ⲉⲧϩⲛ̅ⲙ̅ⲡⲏⲩⲉ·ⲛ̅ⲑⲉⲉⲛⲧⲁϥϫⲟⲟⲥϫⲉⲛ̅ⲧⲱⲧⲛ̅ⲛⲉⲛⲧⲁⲩϩⲩⲡⲟⲙⲓⲛⲉⲛⲙ̅ⲙⲁⲓ̈ϩⲛ̅ⲛⲁⲡⲓⲣⲁⲥⲙⲟⲥ·ⲁⲛⲟⲕϩⲱϯⲥⲙⲓⲛⲉⲙ̅ⲙⲟⲥⲛⲙ̅ⲙⲏⲧⲛ̅·Ⲛ̅ⲑⲉⲉⲛⲧⲁⲡⲁⲉⲓⲱⲧⲥⲙⲓⲛⲉⲛⲙ̅ⲙⲁⲓ̈ⲛⲟⲩⲙⲛ̅ⲧ̅ⲉⲣⲟ̅·ϫⲉⲧⲉⲧⲛⲁⲟⲩⲱⲙⲛ̅ⲧⲉⲧⲛ̅ⲥⲱ̅ⲛⲙ̅ⲙⲁⲓ̈ϩⲓ | ϫⲛ̅ⲧⲁⲧⲣⲁⲡⲉⲍⲁ̅ϩⲛ̅ⲧⲁⲙⲛ̅ⲧ̅ⲉⲣⲟ̅·Ⲙⲁⲣⲛ̅ⲉⲓ̈ⲙⲉϭⲉⲱ̅ⲛⲉⲥⲛⲏⲩⲉⲡⲧⲁⲓ̈ⲟⲛⲧ̅ⲙⲉⲧⲁⲛⲟⲓⲁⲛ̅ⲧⲛ̅ⲥⲟⲩⲛ̅ⲛⲉϩⲙⲟⲧ̅ⲉⲛⲧⲁⲥⲁⲁⲩⲛⲙ̅ⲙⲁⲛ·ⲱ̅ⲧⲙⲉⲧⲁⲛⲟⲓⲁⲧⲉⲛ̅ⲧⲁⲥϣⲱⲡⲉⲛⲧ̅ⲣⲟⲫⲏⲛ̅ⲛⲉⲧϣⲟⲟⲡ̅ϩⲁⲡⲉϩⲕⲟ̅·ⲁⲩⲱⲁⲥϣⲱⲡⲉⲛ̅ⲟⲩⲡⲏⲅⲏⲙ̅ⲙⲟⲟⲩⲛⲱⲛϩ̅ⲛ̅ⲛⲉⲧϣⲟⲟⲡ̅ϩⲛ̅ⲟⲩⲉⲓ̈ⲃⲉ·ⲱ̅ⲧⲙⲉ |
| ⲧⲁⲛⲁⲓⲁ̅ⲧⲥⲟⲗⲥⲗ̅ⲛ̅ⲛⲉⲧⲟ̅ⲛⲟⲩϣⲏⲛ̅ⲣⲟⲉⲓⲥⲉⲧⲥⲟⲗⲥⲗ̅ⲙ̅ⲙⲟⲟⲩϩⲛ̅ⲛ̅ⲕⲁⲣⲡⲟⲥⲛ̅ⲛⲉⲩϩⲓⲥⲉ·Ⲱ̅ⲧⲙⲉⲧⲁⲛⲟⲓⲁⲧⲉⲛ̅ⲧⲁⲛⲉⲥⲣⲙ̅ⲉⲓ̈ⲟⲟⲩⲉϣⲱⲡⲉⲛⲟⲩϩⲏⲇⲟⲛⲏ̅ⲛⲥ̅ϯⲛⲟⲩϥⲉⲛⲛ̅ⲁⲅⲅⲉⲗⲟⲥⲙ̅ⲡⲛⲟⲩⲧⲉ·ⲱ̅ⲧⲙⲉⲧⲁⲛⲟⲓⲁ̅ⲧⲃⲟⲏⲑⲟⲥⲛ̅ⲛⲉⲛⲧⲁⲩⲉⲓ̈ⲁⲧⲟⲟⲧⲟⲩⲛ̅ⲥⲱⲟⲩ·ⲙⲁⲣⲛ̅ⲛⲁⲩⲉⲧⲙⲛⲧ̅ϣⲃⲏⲣ̅ⲉⲛⲧⲁⲥⲁⲁⲥ | ⲙⲛ̅ⲛ̅ⲣⲱⲙⲉⲛ̅ⲛⲓⲛⲉⲩⲏ·Ϩⲙ̅ⲡⲧⲣⲉⲥⲧⲱϩⲙ̅ⲉⲣⲟⲟⲩϩⲛ̅ⲧⲉⲥⲙⲛⲧ̅ⲙⲁⲓ̈ⲣⲱⲙⲉ·ⲛ̅ⲑⲉⲛ̅ⲧⲁⲩϭⲉⲡⲏⲁⲩⲟⲩⲱⲛⲛⲁⲥϩⲛ̅ⲟⲩⲛⲟϭⲛ̅ⲑⲑⲃ̅ⲓⲟ̅ⲙⲛ̅ϩⲉⲛⲣⲙ̅ⲉⲓ̈ⲟⲟⲩⲉ·ⲙⲛ̅ⲟⲩϭⲟⲟⲩⲛⲉ·ⲟⲩⲙⲟⲛⲟⲛⲛ̅ⲣⲱⲙⲉⲙ̅ⲙⲁⲧⲉ·ⲁⲗⲗⲁⲛ̅ⲕⲉⲧⲃ̅ⲛⲟⲟⲩⲉⲟⲛⲉⲩϭⲟⲟⲗⲉⲛⲛ̅ϭⲟⲟⲩⲛⲉ· |
| Ⲛ̅ⲧⲉⲣⲉⲡⲛⲟⲩⲧⲉⲇⲉⲡ̅ⲡⲁⲛⲧⲱⲕⲣⲁⲧⲱⲣⲡⲁⲕⲁⲑⲟⲥⲛ̅ϣⲁⲛⲁϩⲧⲏϥⲙ̅ⲙⲁⲓ̈ⲣⲱⲙⲉⲛⲁⲩⲉⲛⲉⲓⲛⲟϭⲛⲕⲁⲣⲡⲟⲥⲛ̅ⲧⲉⲓⲙⲓⲛⲉϩⲛ̅ⲛ̅ϭⲓϫⲛⲧ̅ⲙⲉⲧⲁⲛⲟⲓ̈ⲁⲉⲥⲡⲁϩⲧ̅ⲙ̅ⲡⲉⲙⲧⲟ̅ⲉⲃⲟⲗⲙ̅ⲡⲉⲑⲣⲟⲛⲟⲥⲙ̅ⲡⲛⲁⲏⲧ̅·ⲟⲩⲙⲟⲛⲟⲛϫⲉⲁϥⲕⲧⲟ̅ⲉⲡⲁϩⲟⲩⲛ̅ⲧⲉϥⲁⲡⲟⲫⲁⲥⲓⲥ·ⲁⲗⲗⲁⲁϥⲣ̅ⲡϣⲁϫⲉⲟⲛⲙ̅ⲡⲉⲡ | ⲣⲟⲫⲏⲧⲏⲥⲓ̈ⲱⲛⲁⲥⲛ̅ϭⲟⲗⲙ̅ⲡϥ̅ⲧⲁⲕⲉⲧⲡⲟⲗⲓⲥ·Ⲧⲉⲛⲟⲩϭⲉⲱ̅ⲛⲁⲙⲉⲣⲁⲧⲉⲙ̅ⲡⲣ̅ⲕⲁⲧⲙⲉⲧⲁⲛⲟⲓⲁⲛ̅ⲥⲁⲧⲏⲩⲧⲛ̅·ⲉⲧⲉⲧⲛⲁϩⲉⲅⲁⲣⲉⲛⲓⲙⲉϥⲛ̅ⲁⲕⲟⲥⲙⲉⲓⲙ̅ⲙⲱⲧⲛ̅ϩⲛ̅ⲛⲉⲧⲛ̅ϩⲓⲥⲉⲛ̅ⲑⲉⲛⲧ̅ⲙⲉⲧⲁⲛⲟⲓⲁ̅·ⲁⲗⲗⲁⲙⲁⲣⲛ̅ϯⲛⲁⲥⲛ̅ϩⲉⲛⲧⲁⲓ̈ⲟ̅ⲉⲡⲙⲁ̅ⲛⲛ̅ⲁⲅⲁⲑⲟⲛⲉⲛⲧⲁⲥⲛ̅ⲧⲟⲩⲛⲁⲛⲉⲃⲟⲗ |
| ϩⲙ̅ⲡϫⲓⲥⲉ·ⲁϣⲛⲉⲛⲁⲅⲁⲑⲟⲛⲛ̅ⲧⲁⲥⲛ̅ⲧⲟⲩⲛⲁⲛⲉⲃⲟⲗϩⲙ̅ⲡϫⲓⲥⲉ·Ⲁϣⲟⲛⲛⲉⲛⲁⲅⲁⲑⲟⲛⲉⲛⲁⲧⲁⲁⲩⲛⲁⲥ·ⲟⲩⲛⲏⲥⲧⲓⲁⲟⲩϣⲗⲏⲗⲉϥⲟⲩⲁⲁⲃ·ⲉⲣⲉⲛⲉⲛϭⲓϫⲡⲟⲣϣ̅ⲉⲃⲟⲗ·ⲉⲣⲉⲛⲉⲛϩⲏⲧϩⲙ̅ⲡϫⲓⲥⲉ·ϯⲛⲁⲥⲛ̅ⲟⲩⲑⲃ̅ⲃⲓⲟ̅ⲙⲛ̅ϩⲉⲛⲁϣⲁϩⲟⲙⲛⲁⲓ̈ⲉϣⲁⲣⲉⲛⲁⲅⲅⲉⲗⲟⲥⲣ̅ϣⲃⲏⲣⲉⲡⲣⲱⲙⲉⲉⲧⲃⲏⲏⲧⲟⲩ·ϯⲛⲁⲥⲛ̅ϩⲉⲛⲣⲙ̅ⲉⲓ̈ⲟ | ⲟⲩⲉ·ⲛⲁⲓ̈ⲉϣⲁⲩⲱϣⲙ̅ⲛⲛ̅ⲁⲡⲓⲗⲏⲛⲧ̅ⲕⲉϩⲉⲛⲛⲁ̅·ϯⲛⲁⲥⲛ̅ⲟⲩⲡⲓⲥⲧⲓⲥⲙⲛ̅ⲟⲩϩⲉⲗⲡⲓⲥ·ⲛⲁⲓ̈ⲉϣⲁⲩⲧⲣⲉⲡⲣⲱⲙⲉϩⲱⲛⲉϩⲟⲩⲛⲉⲡⲛⲟⲩⲧⲉ·Ϯⲛⲁⲥⲛ̅ⲟⲩⲙⲛⲧ̅ϣⲁⲛⲁϩⲧⲏϥ̅ⲙⲛ̅ⲟⲩⲁⲅⲁⲡⲏ̅ⲉϩⲟⲩⲛⲉⲛⲉⲛⲉⲣⲏⲩ·ⲁⲩⲱⲟⲩⲛⲁ̅ⲛⲁⲓ̈ⲉⲧⲉϣⲁⲩϩⲱⲃⲥ̅ⲉⲃⲟⲗⲉϫⲛ̅ⲟⲩⲙⲏⲏϣⲉⲛ̅ⲛⲟⲃⲉ·ⲁⲩⲱⲟⲛϣⲁⲩϣⲟⲩ |
| ⲙ̅ⲙⲟⲟⲩⲉϫⲛ̅ⲧⲉⲕⲣⲓⲥⲓⲥ·ⲙⲛ̅ⲛ̅ⲥⲁⲛⲉⲓ̈ⲁⲅⲁⲑⲟⲛϭⲉⲧⲏⲣⲟⲩⲛ̅ⲧⲉⲓ̈ϭⲟⲧ̅ⲙ̅ⲡⲣ̅ⲧⲣⲉⲩⲁⲡⲁⲧⲁ̅ⲛ̅ⲟⲩⲁ̅ⲙ̅ⲙⲟⲛⲛϥ̅ⲕⲧⲟϥⲉⲡⲗⲱⲙⲥ̅ⲙ̅ⲡⲛⲟⲃⲉⲛ̅ⲕⲉⲥⲟⲡ̅·ⲙⲛ̅ⲛ̅ⲥⲁⲧⲙⲉⲧⲁⲛⲟⲓⲁ·ⲛ̅ⲑⲉⲙ̅ⲡⲉⲩϩⲟⲣ̅ⲉϣⲁϥⲕⲟⲧϥ̅ⲉⲡⲉϥⲕⲁⲃⲟⲗⲛ̅ⲥⲉⲙⲉⲥⲧⲱϥ·Ⲁⲗⲗⲁϯⲡⲁⲣⲁⲕⲁⲗⲉⲓⲙ̅ⲙⲱⲧⲛ̅ⲛⲁⲙⲉⲣⲁⲧⲉ·ϫⲉⲕⲁⲥ | ⲉⲧⲉⲧⲛⲁϩⲁⲣⲉϩⲙ̅ⲙⲁⲧⲉⲛ̅ⲧⲉⲧⲛ̅ⲧⲙ̅ⲕⲁⲗⲁⲁⲩⲉⲧⲉⲣⲡ̅ⲗⲁⲁⲩϩⲛ̅ⲛⲉⲧⲛ̅ⲁϩⲱⲣ·ⲥⲉϫⲓϣⲟϫⲛⲉⲅⲁⲣⲉⲣⲟⲛⲛ̅ⲛⲁⲩⲛⲓⲙⲛ̅ϭⲓⲛⲉⲛϫⲁϫⲉ·Ⲁⲩⲱϣⲁⲣⲉⲛ̅ⲥⲟⲟⲛⲉⲉⲡⲓⲃⲟⲩⲗⲉⲩⲉⲛ̅ⲛⲁⲩⲛⲓⲙ·ⲉⲡⲙⲁ̅ⲉⲧⲉⲣⲉⲡⲉⲭⲣⲏⲙⲁⲛ̅ϩⲏⲧϥ̅·Ⲉⲛϩⲟⲥⲟⲛⲇⲉⲱ̅ⲛⲁⲙⲉⲣⲁⲧⲉⲉⲣⲉⲡⲁⲣⲁⲕⲗⲏⲧⲟⲥⲙⲛ̅ⲡⲛⲁ̅ϭⲱϣⲧ̅ |
| ⲉϫⲱⲛϩⲛ̅ⲟⲩⲙⲛⲧ̅ϣⲁⲛⲁϩⲧⲏϥ·ⲙⲁⲣⲛ̅ϯⲛ̅ⲛⲉⲛⲣⲙ̅ⲉⲓ̈ⲟⲟⲩⲉⲙ̅ⲡⲛⲟⲩⲧⲉⲙ̅ⲙⲏⲏⲛⲉ·ϫⲉⲕⲁⲥⲉⲩⲛⲁϣⲱⲡⲉⲛⲁⲛⲙ̅ⲡⲣⲉⲥⲃⲉⲩⲧⲏⲥϩⲁⲧⲉⲛϩⲏⲉⲙⲡⲁⲧⲛ̅ⲉⲓ̈ⲉⲃⲟⲗϩⲛ̅ⲥⲱⲙⲁ·ⲙⲁⲣⲛ̅ⲙⲉⲧⲁⲛⲟⲓ̈ϩⲟⲥⲟⲛⲧⲛ̅ⲕⲏⲉⲃⲟⲗ·ⲁⲩⲱⲉⲣⲉⲛⲉⲧⲟⲩⲁⲁⲃⲟ̅ⲛ̅ϣⲃⲏⲣ̅ⲣ̅ϩⲱⲃⲛⲙ̅ⲙⲁⲛϩⲙ̅ⲡⲥⲟⲡⲥ̅·ⲙ̅ⲡⲣ̅ⲧⲣⲉⲩⲟⲧⲡⲛ̅ | ⲉϩⲟⲩⲛ·ⲛ̅ⲧⲛ̅ϣⲓⲛⲉⲛ̅ⲥⲁⲧⲙⲉⲧⲁⲛⲟⲓⲁ·ⲛ̅ⲧⲛ̅ⲧⲙ̅ϩⲉ̅ⲉⲣⲟⲥ·ⲙ̅ⲡⲣ̅ⲧⲣⲉⲛϩⲉⲉϩⲣⲁⲓ̈ⲉⲡ̅ϩⲓⲥⲉⲛϥ̅ⲧⲙ̅ⲥⲱⲧⲙ̅ⲉⲣⲟⲛϩⲙ̅ⲡⲙⲁⲉⲧⲙ̅ⲙⲁⲩ·Ⲙ̅ⲡⲣ̅ⲧⲣⲉⲛⲉⲓ̈ⲉⲧⲟⲟⲧⲟⲩⲛ̅ϩⲉⲛⲁⲧⲛⲁ̅ⲛ̅ⲧⲛ̅ϩⲓⲥⲉⲉⲛϫⲓϣⲕⲁⲕⲉⲃⲟⲗ·ⲥⲉⲧⲙ̅ⲥⲱⲧⲙ̅ⲉⲣⲟⲛ·ⲙ̅ⲡⲣ̅ⲧⲣⲉⲩⲛⲟϫⲛ̅ⲉⲧ |
| ⲕⲉϩⲉⲛⲛⲁⲛ̅ⲧⲛ̅ϣⲓⲛⲉⲛ̅ⲥⲁⲧⲙⲉⲧⲁⲛⲟⲓⲁ·ⲙⲛ̅ⲙⲉⲧⲁⲛⲟⲓⲁϩⲙ̅ⲡⲙⲁ̅ⲉⲧⲙ̅ⲙⲁⲩ·ⲥⲉⲛⲁⲟⲩⲱϣⲃ̅ⲛ̅ⲥⲉϫⲟⲟⲥⲛⲁⲛⲛ̅ϭⲓⲛⲁⲅⲅⲉⲗⲟⲥⲛ̅ⲣⲉϥⲧⲓⲙⲱⲣⲉⲓϩⲛ̅ⲟⲩϭⲱⲛⲧ̅ⲙⲛ̅ⲟⲩⲁⲡⲓⲗⲏ̅ϫⲉⲉⲧⲃⲉⲟⲩⲧⲉⲧⲛ̅ⲱϣⲉⲃⲟⲗⲉⲡϫⲓⲛϫⲏ·Ⲡⲙⲁ̅ⲁⲛⲡⲉⲡⲁⲓ̈ⲛⲱϣⲉⲃⲟⲗ·ⲁⲩϫⲟⲟⲩⲉⲣⲱⲧⲛ̅ | ⲙ̅ⲡⲉⲧⲛ̅ⲁⲁⲩ·ⲁⲩⲟϣⲟⲩⲉⲣⲱⲧⲛ̅ⲙ̅ⲡⲉⲧⲛ̅ⲥⲱⲧⲙ̅ⲉⲣⲟⲟⲩ·ⲁⲛⲉⲧⲟⲩⲁⲁⲃⲉⲛⲕⲁϭⲉⲓⲉⲩⲥⲙ̅ⲙⲉ̅ⲉϩⲣⲁⲓ̈ⲙ̅ⲡⲛⲟⲩⲧⲉϩⲁⲣⲟⲛⲉⲩϫⲱⲙ̅ⲙⲟⲥϫⲉⲁⲛϩⲓⲥⲉⲉⲛϫⲓϣⲕⲁⲕⲉⲃⲟⲗⲧⲉⲛϣⲟⲩⲱⲃⲉⲧⲉⲛⲧⲁⲥϩⲱⲱⲗⲉ·Ⲛ̅ⲧⲉⲩⲛⲟⲩⲉⲧⲙ̅ⲙⲁⲩϣⲁⲣⲉⲛ̅ⲁⲅⲅⲉⲗⲟⲥⲛ̅ⲧⲟⲣⲅⲏⲉⲧϩⲓϫⲛ̅ⲛ̅ⲕⲟ |
| ⲗⲁⲥⲓⲥϣⲁⲩⲥⲱⲛϩ̅ⲛ̅ⲛⲉⲯⲩⲭⲏⲛⲛ̅ⲣⲉϥⲣ̅ⲛⲟⲃⲉⲛ̅ⲥⲉⲛⲟϫⲟⲩⲉⲛⲧⲁⲣⲧⲁⲣⲟⲥⲛⲁⲙⲛ̅ⲧⲉ·ⲛ̅ⲥⲉⲧⲁϣⲟ̅ⲛ̅ⲛⲉⲩⲃⲁⲥⲁⲛⲟⲥⲉⲡⲉϩⲟⲩⲟ·ⲁⲩⲱⲉⲛϣⲁⲛϩⲓⲥⲉⲉⲛⲣⲓⲙⲉⲛⲓⲙⲡⲉⲧⲛⲁⲥⲱⲧⲙ̅ⲉⲣⲟⲛ·ⲏ̅ⲛⲓⲙⲡⲉⲧⲛⲁϣⲁⲛⲁϩⲧⲏϥϩⲁⲣⲟⲛⲙ̅ⲡⲙⲁ̅ⲉⲧⲙ̅ⲙⲁⲩ·ⲏ̅ⲛⲓⲙⲡⲉⲧⲛⲁϫⲓⲛ̅ⲛⲉⲛⲣⲙ̅ⲉⲓⲟⲟⲩⲉⲛ̅ⲧⲟⲟⲧⲛ̅ⲛϥ̅ϫⲓⲧⲟⲩⲉⲛⲧⲟⲡⲟⲥⲛ̅ | ⲧⲙⲛⲧ̅ϣⲁⲛⲁϩⲧⲏϥ·ⲏ̅ⲛⲓⲙϩⲛ̅ⲛⲉⲧⲟⲩⲁⲁⲃⲡⲉⲧⲛⲁⲡⲁϩⲧϥ̅ⲙ̅ⲡⲛⲟⲩⲧⲉⲉϫⲛ̅ⲧⲉⲛⲑⲗⲓⲯⲓⲥⲙⲛ̅ⲧⲉⲛⲁⲛⲁⲅⲕⲏⲉⲧⲛ̅ⲛ̅ϩⲏⲧⲥ̅·ⲉϣⲱⲡⲉⲉⲛϣⲁⲛⲙⲟⲩⲉⲙⲡⲛ̅ⲙⲉⲧⲁⲛⲟⲓ̈ⲉϫⲛ̅ⲛⲉⲛⲛⲟⲃⲉ·Ⲛⲉⲧⲉⲙ̅ⲡⲛ̅ⲣ̅ϩⲱⲃⲇⲉⲉⲣⲟⲟⲩⲙ̅ⲡⲓⲙⲁ̅ⲉⲛϣⲟⲟⲡ̅ϩⲙ̅ⲡⲥⲱⲙⲁ·ⲉⲛⲁ |
| ϩⲉⲉⲣⲟⲟⲩⲧⲱⲛⲉⲧⲣⲉⲩⲃⲟⲏⲑⲉⲓⲉⲣⲟⲛϩⲙ̅ⲡⲙⲁ̅ⲉⲧⲙ̅ⲙⲁⲩ·ⲙⲛ̅ϩⲁⲧ̅ⲟⲩⲇⲉⲙⲛ̅ⲛⲟⲩⲃⲙⲛ̅ⲙⲁ̅ⲛⲉⲗⲟⲟⲗⲉⲟⲩⲇⲉϭⲉⲕⲧⲏⲥⲓⲥⲛⲁϣⲃⲟⲏⲑⲉⲓⲉⲣⲟⲛⲙ̅ⲡⲙⲁ̅ⲉⲧⲙ̅ⲙⲁⲩ·Ⲟⲩⲇⲉⲙⲛ̅ⲟⲩⲉⲓ̈ⲱⲧ̅ⲛⲁϣⲓⲛⲉⲛ̅ⲥⲁϣⲏⲣⲉⲙ̅ⲡⲙⲁ̅ⲉⲧⲙ̅ⲙⲁⲩ·ⲟⲩⲇⲉⲙⲛ̅ⲙⲁⲁⲩⲛⲁϣⲓⲛⲉⲛ̅ⲥⲁϣⲉⲉⲣⲉ | ⲟⲩⲇⲉⲙⲛ̅ϣⲏⲣⲉⲛⲁϣⲃⲟⲏⲑⲉⲓ̈ⲉⲛⲉϥⲉⲓ̈ⲟⲧⲉ·ⲟⲩⲇⲉⲙⲛ̅ⲟⲩⲥⲟⲛⲛⲁϣⲃⲟⲏⲑⲉⲓ̈ⲉⲡⲉϥⲥⲟⲛ·ⲙⲛ̅ⲗⲁⲁⲩϩⲛ̅ⲛⲁⲓ̈ⲛⲁϣⲱⲡⲉⲛ̅ⲥⲱⲧⲉⲛ̅ⲧⲉⲛⲯⲩⲭⲏⲛ̅ⲉⲃⲓⲏⲛ·ⲁⲗⲗⲁⲉⲣⲉⲡⲟⲩⲁ̅ⲡⲟⲩⲁ̅ⲛⲁϥⲓϩⲁⲧⲉϥⲉⲧⲡⲱ̅·ϩⲛ̅ⲛ̅ⲕⲟⲗⲁⲥⲓⲥⲉⲧϥ̅ⲛ̅ϩⲏⲧⲟⲩ·Ⲁⲩⲱⲟⲛⲁϥⲟⲩⲱ̅ⲉϥϫⲱⲙ̅ⲙⲟⲥⲛ̅ϭⲓⲡⲥⲱⲧⲏⲣϫⲉ |
| ⲡⲉⲧⲙⲉ̅ⲛ̅ⲉⲓ̈ⲱⲧϩⲓⲙⲁⲁⲩⲛ̅ϩⲟⲩⲉⲉⲣⲟⲓ̈·ϥ̅ⲙ̅ϣⲁ̅ⲙ̅ⲙⲟⲓ̈ⲁⲛ·ⲁⲩⲱⲡⲉⲧⲛⲁⲕⲁϣⲏⲣ̅ⲉⲁⲛⲛ̅ⲥⲱϥϩⲓϣⲉⲉⲣⲉⲛϥ̅ϥⲓⲙ̅ⲡⲉϥⲥ⳨ⲟ̅ⲥ̅ⲛϥ̅ⲟⲩⲁϩϥ̅ⲛ̅ⲥⲱⲓ̈ϥ̅ⲙ̅ϣⲁ̅ⲙ̅ⲙⲟⲓ̈ⲁⲛ·ⲁⲩⲱϥⲛⲁⲕⲗⲏⲣⲟⲛⲟⲙⲉⲓⲁⲛⲛ̅ⲧⲙⲛ̅ⲧⲉⲣⲟ̅ⲛⲙ̅ⲙⲏⲩⲉ:Ⲱ̅ϫⲉⲟⲩϩⲟⲧⲉⲛⲁϣⲛ̅ϭⲟⲧ̅ⲡⲉϩⲉ̅ⲉϩⲣⲁⲓ̈ⲉⲛϭⲓϫⲙ̅ⲡⲛⲟⲩⲧⲉⲉⲧⲟⲛϩ̅·ⲙ̅ⲡⲛⲁⲩⲙ̅ⲡⲉⲛϭⲙ̅ⲡϣⲓⲛⲉ· | Ϥ̅ϩⲉⲣⲙⲏⲛⲉⲩⲉⲛⲁⲛⲙ̅ⲡϣⲁϫⲉⲛ̅ϭⲓⲡⲁⲡⲟⲥⲧⲟⲗⲟⲥⲉⲧⲟⲩⲁⲁⲃ·ⲉϥϫⲱⲙ̅ⲙⲟⲥϫⲉⲡⲧⲁⲗⲁⲓⲡⲱⲣⲟⲥⲁⲛⲟⲕⲡⲣⲱⲙⲉⲛⲓⲙⲡⲉⲧⲛⲁϣⲛⲁϩⲙⲉⲧ̅ⲉⲃⲟⲗϩⲙ̅ⲡⲥⲱⲙⲁⲙ̅ⲡⲉⲓⲙⲟⲩ·ⲱ̅ⲧⲉⲓ̈ⲛⲟϭⲛ̅ϩⲟⲧⲉⲙⲛ̅ⲧⲉⲓ̈ⲛⲟϭⲛ̅ⲑⲗⲓⲯⲓⲥⲉⲧⲛⲁϣⲱⲡⲉⲙ̅ⲯⲩⲭⲏⲛⲓⲙⲙ̅ⲡⲛⲁⲩⲉⲧⲟⲩⲛⲁⲉⲓⲛⲉⲙ̅ⲙⲟⲟⲩⲉϩⲣⲁⲓ̈ |
| ϩⲛ̅ⲛⲉⲛⲙⲉⲗⲟⲥ·Ⲙ̅ⲡⲛⲁⲩⲉⲣⲉⲡⲛⲟϭⲛ̅ϩⲗⲟⲥⲧⲛ̅ⲛ̅ⲕⲁⲕⲉⲛⲁϩⲱⲃⲥ̅ⲉⲃⲟⲗⲉϫⲱⲛ·ⲉϥⲟ̅ⲛ̅ⲕⲁⲕⲉϩⲓⲣⲛ̅ⲛⲉⲛⲃⲁⲗ·ⲉϥⲡⲟⲣϣ̅ⲉⲃⲟⲗⲉϫⲙ̅ⲡⲟⲩⲟⲉⲓⲛⲧⲏⲣϥ̅·ⲙ̅ⲡⲉⲛϩⲏⲧ̅ⲡⲉϣⲧⲟⲣⲧⲣ̅ⲙ̅ⲙⲁⲧⲉⲛ̅ⲛⲉⲛⲧⲁⲩⲉⲓ̈ⲛ̅ⲥⲱⲛⲙⲛ̅ⲑⲟⲧⲉⲛ̅ⲧⲉⲩⲙⲟⲣⲫⲏ·ⲥⲉⲣⲱϣⲉⲉⲣⲟⲛ·ⲙⲛ̅ⲡⲉⲕⲣⲟⲙⲣⲙ̅ⲛ̅ⲧⲉⲩϩⲓⲕⲱⲛ·ⲁⲩⲱ | ⲡⲉϩⲣⲟϫⲣⲉϫⲛ̅ⲛⲉⲩⲟⲃϩⲉ·ⲙⲛ̅ⲡϭⲱⲛⲧ̅ⲛ̅ⲛⲉⲩⲃⲁⲗ·ⲙⲛ̅ⲡⲛⲟⲉⲓⲛⲛ̅ⲛⲉⲩⲙⲉⲗⲟⲥ·ⲙⲛ̅ⲧϭⲓⲛⲙⲟⲟϣⲉⲛ̅ⲛⲉⲩⲟⲩⲉⲣⲏⲧⲉ·ⲙⲛ̅ⲡϩⲙ̅ϩⲙ̅ⲛ̅ⲛⲉⲩⲥⲡⲟⲧⲟⲩ·ⲙⲛ̅ⲑⲉⲧⲏⲣⲥ̅ⲉⲧⲟⲩⲟ̅ⲛⲟⲩⲁϩⲉⲓ̈ⲏⲧ̅ⲉϩⲟⲩⲛⲉⲣⲟⲛ·ⲉϩⲛⲁⲩⲉⲟⲙⲕⲛ̅·Ⲉⲛϣⲁⲛⲛⲁⲩⲉⲛⲁⲓ̈ⲧⲏⲣⲟⲩⲙ̅ⲡⲉⲛⲙ̅ⲧⲟ̅ⲉⲃⲟⲗ·ⲟⲩⲡⲉⲧⲛ̅ⲛⲁϫⲟⲟϥⲏ̅ⲟⲩⲡⲉⲧⲛ̅ |
| ⲛⲁⲧⲁⲩⲟϥ·ⲏ̅ⲉⲣⲉⲧⲉⲛⲧⲁⲡⲣⲟ̅ⲛⲁϣⲁϫⲉⲛⲁϣⲛ̅ϩⲉ·ⲉⲛⲁϣⲡⲱⲧ̅ⲉⲧⲱⲛ·ⲏ̅ⲉⲛⲁϩⲟⲡⲛ̅ⲛⲁϣⲙ̅ⲙⲁ̅·ⲙⲛ̅ⲑⲉⲅⲁⲣⲛⲣ̅ⲃⲟⲗⲉⲛⲉⲩϭⲓϫ·ⲟⲩⲇⲉⲙⲛ̅ⲑⲉⲙ̅ⲡⲱⲧ̅ⲥⲁⲗⲁⲁⲩ·ⲛ̅ⲥⲁ̅ⲛⲁϩⲣⲙ̅ⲡϩⲟ̅ⲙ̅ⲡⲛⲟⲩⲧⲉ·Ϥⲥⲏϩⲅⲁⲣϫⲉⲉⲓ̈ⲛⲁⲡⲱⲧ̅ⲉⲧⲱⲛⲥⲁⲃⲟⲗⲙ̅ⲡⲉⲕϩⲟ̅·ⲏ̅ⲉⲓ̈ⲛⲁⲡⲱⲧ̅ⲉⲧⲱⲛⲥⲁⲃⲟⲗⲙ̅ⲡⲉⲕⲡⲛⲁ̅·ⲙⲁⲣⲛ̅ⲉⲓ̈ⲙⲉϭⲉⲟⲩⲛϫⲉⲁϣ | ⲛⲉⲛⲡⲁϩⲣⲉⲉⲧⲛⲁⲑⲉⲣⲁⲡⲉⲩⲉⲙ̅ⲡⲉⲓ̈ⲛⲟϭⲛ̅ϣⲱⲛⲉ·ⲏ̅ⲟⲩⲡⲉⲧⲛⲁϩⲱⲃⲥ̅ⲉⲃⲟⲗⲉϫⲛ̅ⲧⲉⲓⲛⲟϭⲙ̅ⲡⲗⲏⲅⲏ̅ⲛ̅ⲧⲉⲓⲙⲓⲛⲉ·Ⲙⲛ̅ϩⲁⲧ̅ⲟⲩⲇⲉⲙⲛ̅ⲛⲟⲩⲃ·ⲙⲛ̅ⲭⲣⲏⲙⲁⲙⲛ̅ⲙⲛⲧ̅ⲣⲙ̅ⲙⲁⲟ̅·ⲙⲛ̅ⲗⲁⲁⲩⲅⲁⲣϩⲛ̅ⲛⲁⲓ̈ⲛⲁϣⲣ̅ⲡⲁϩⲣⲉⲉⲣⲟⲛ·ⲟⲩⲇⲉⲡⲕⲟⲥⲙⲟⲥⲧⲏⲣϥ̅ⲙⲛ̅ⲛⲉ |
| ⲧⲛ̅ϩⲏⲧϥ̅ⲛⲁϣⲃⲟⲏⲑⲉⲓⲉⲣⲟⲛⲁⲛ·ⲧⲛ̅ⲛⲁϩⲉⲅⲁⲣⲁⲛⲉⲡⲁϩⲣⲉⲉⲑⲉⲣⲁⲡⲉⲩⲉⲙ̅ⲙⲟⲛⲉⲙⲏⲧⲧⲉⲓⲉⲡⲉϣⲗⲏⲗⲙⲛ̅ⲧⲛⲏⲥⲧⲓⲁⲙⲛ̅ⲡⲧⲃ̅ⲃⲟ̅·ⲛⲁⲓ̈ⲅⲁⲣⲛ̅ⲧⲉⲓ̈ⲙⲓⲛⲉⲛⲉⲧⲉⲩⲛ̅ϣϭⲟⲙⲙ̅ⲙⲟⲟⲩⲉϩⲱⲃⲥ̅ⲉⲃⲟⲗⲉϫⲱⲛⲙ̅ⲡⲛⲁⲩⲛ̅ⲧⲉⲛⲁⲛⲁⲅⲕⲏ̅·Ⲙⲁⲣⲛ̅ⲣ̅ⲡⲙⲉⲉⲩⲉⲙ̅ⲡϫⲟⲉⲓⲥⲙ̅ⲡⲧⲏⲣϥ̅ⲓ̅ⲥ̅ⲡϣⲏⲣⲉⲙ̅ⲡⲛⲟⲩⲧⲉⲉⲧⲟⲛϩ̅·ⲡⲉⲛ | ⲧⲁϥⲡⲗⲁⲥⲥⲉⲛ̅ⲛⲓϥⲉⲛⲓⲙ·ⲁⲩⲱⲙ̅ⲡⲏⲩⲉⲙⲛ̅ⲡⲕⲁϩ·ⲑⲁⲗⲁⲥⲥⲁ̅ⲙⲛ̅ⲛⲓ̈ⲉⲣⲱⲟⲩ·ⲡϫⲟⲉⲓⲥⲛ̅ⲛⲉⲧϩⲛ̅ⲙ̅ⲡⲏⲩⲉⲙⲛ̅ⲛⲉⲧϩⲓϫⲙ̅ⲡⲕⲁϩⲡⲉⲧⲉⲧⲱϥⲧⲉⲧⲉⲝⲟⲩⲥⲓⲁⲙⲁⲩⲁⲁϥ·ⲉϥϣⲟⲟⲡ̅ϩⲙ̅ⲡⲓⲱⲧ̅·ⲉⲣⲉⲡⲓⲱⲧ̅ϣⲟⲟⲡ̅ⲛ̅ϩⲏⲧϥ̅·Ⲉϥⲱϣⲉⲃⲟⲗⲉϥϫⲱⲙ̅ⲙⲟⲥϫⲉⲡⲁⲉⲓ̈ⲱⲧ̅ⲙⲁⲧⲟⲩϫⲟⲓ̈ⲉⲃⲟⲗϩⲛ̅ⲧⲉⲓ̈ⲟⲩⲛⲟⲩ·ⲁⲩⲱⲟⲛϫⲉⲡⲁⲉⲓ̈ⲱⲧ̅ⲉϣϫⲉⲟⲩⲛϣϫⲟⲙⲙⲁⲣⲉ |
| ⲡⲉⲓ̈ⲁⲡⲟⲧ̅ⲥⲁⲁⲧ̅·ⲡⲗⲏⲛⲙⲁⲣⲉⲡⲉⲕⲟⲩⲱϣϣⲱⲡⲉⲡⲱⲓ̈ⲁⲛ·ⲉⲛⲉϥϣⲗⲏⲗⲇⲉϣⲁⲁϣⲟⲙⲛ̅ⲧ̅ⲛ̅ⲥⲟⲡ̅ⲉϥϫⲱⲙ̅ⲙⲟⲥϫⲉⲉϣϫⲉⲡⲉⲕⲟⲩⲱϣⲡⲉⲡⲁⲓ̈ⲙⲁⲣⲉϥϣⲱⲡⲉ·Ϭⲱϣ̅ⲧ̅ⲛ̅ⲧⲉⲧⲛ̅ⲛⲁⲩⲉⲡⲉⲓ̈ϣⲁϫⲉⲛ̅ϩⲟⲧⲉⲛ̅ⲧⲁⲡϫⲟⲉⲓⲥⲙ̅ⲡⲧⲏⲣϥ̅ϫⲟⲟϥⲉⲛⲉϥⲣ̅ϩⲟⲧⲉⲁⲛϩⲏⲧϥ̅ⲙ̅ⲡⲙⲟⲩ·ⲛ̅ⲧⲟϥⲅⲁⲣⲡⲉⲧⲟ̅ⲛⲉⲝⲟⲩⲥⲓⲁⲙ̅ⲡⲙⲟⲩ·ⲁⲩⲱⲛ̅ⲧⲟϥⲡⲉⲧⲟ̅ⲛ̅ϫⲟⲉⲓⲥⲉ | ⲣⲟϥ·ⲁⲗⲗⲁⲉⲃⲟⲗϫⲉⲟⲩⲛⲟⲩⲧⲉⲉϥϣⲟⲟⲡ̅ϩⲛ̅ⲟⲩⲉⲟⲟⲩⲉϥϫⲟⲥⲉ·ⲉⲁϥϣⲱⲡⲉϩⲛ̅ⲟⲩⲥⲙⲟⲧⲛ̅ⲑⲃ̅ⲃⲓⲟ̅ⲛ̅ⲣⲱⲙⲉ·ⲉⲧⲣⲉϥϫⲓϯⲡⲉⲙ̅ⲡⲙⲟⲩϩⲁⲡⲧⲏⲣϥ̅·ⲛⲉⲥⲡⲣⲉⲡⲉⲓⲅⲁⲣⲛⲁϥⲡⲉ·ⲁⲩⲱⲥⲉⲛⲁⲡⲁⲣⲁⲇⲓⲇⲟⲩⲙ̅ⲙⲟϥⲉⲛϭⲓϫⲛⲛ̅ⲣⲉϥⲣ̅ⲛⲟⲃⲉ·Ⲉⲧⲃⲉⲡⲁⲓ̈ⲁϥⲧⲁⲙⲉⲟⲩⲟⲛ |
| ⲛⲓⲙϫⲉⲟⲩⲛⲟϭⲧⲉⲧⲁⲛⲁⲅⲕⲏⲙ̅ⲡⲙⲟⲩⲉⲧⲛⲁⲉⲓ̈ⲉϩⲣⲁⲓ̈ⲉϫⲙ̅ⲯⲩⲭⲏⲛⲓⲙⲛ̅ⲣⲱⲙⲉⲙ̅ⲡⲛⲁⲩⲙ̅ⲡⲉⲩϭⲙ̅ⲡϣⲓⲛⲉ·ⲡⲉϩⲟⲟⲩⲅⲁⲣⲉⲧⲙ̅ⲙⲁⲩⲟⲩϩⲟⲟⲩⲡⲉⲛ̅ⲑⲗⲓⲯⲓⲥϩⲓⲁⲛⲁⲅⲕⲏϩⲓⲁϣⲁϩⲟⲙϣⲁⲛⲧⲛ̅ⲡⲁⲣⲁⲅⲉⲙ̅ⲡⲉⲓ̈ⲛⲟϭⲛ̅ⲕⲓⲛⲇⲩⲛⲟⲥⲉⲧⲙⲉϩⲛ̅ϩⲟⲧⲉ·Ⲉⲛⲉⲛⲧⲁⲛⲕⲁⲙⲉⲧⲁⲛⲟⲓⲁⲅⲁⲣⲛⲁⲛⲡⲉⲛ̅ϣⲃⲏⲣⲣ̅ϩⲱⲃϣⲁⲁⲃⲟⲗⲛⲉⲛⲁ | ϩⲉⲉⲣⲟⲥⲡⲉⲛ̅ⲧⲉⲩⲛⲟⲩⲛ̅ⲧⲛ̅ϫⲟⲟⲩⲥⲉⲣⲁⲧϥ̅ⲙ̅ⲡⲛⲟⲩⲧⲉⲡⲉⲓ̈ⲱⲧⲛⲧ̅ⲙⲛ̅ⲧⲁⲅⲁⲑⲟⲥⲛϥ̅ⲛⲁϩⲙⲛ̅ϩⲛ̅ⲛⲉⲓ̈ⲁⲛⲁⲅⲕⲏⲧⲏⲣⲟⲩⲙⲛ̅ⲛⲉⲓ̈ⲑⲗⲓⲯⲓⲥⲉⲧϩⲓϫⲱⲛ·ⲛⲥ̅ϥⲓⲧⲛ̅ⲛ̅ⲧⲟⲟⲧⲟⲩⲛⲉⲓ̈ⲁⲅⲅⲉⲗⲟⲥⲛⲟⲩⲁϩⲉⲓ̈ⲏⲧ̅ⲛⲁⲧⲛⲁ̅·Ⲉⲛⲉⲛⲧⲁⲛⲕⲁⲡⲉⲑⲃ̅ⲃⲓⲟ̅ⲛⲁⲛⲡⲉⲛ̅ϣⲃⲣ̅ⲣ̅ϩⲱⲃ·ⲉⲛⲉϥⲛⲁⲗⲟ̅ⲁⲛⲡⲉⲉϥⲡⲁϩⲧ̅ⲙ̅ⲡⲛⲟⲩⲧⲉϣⲁⲛ |
| ⲧϥ̅ⲧⲛ̅ⲛⲟⲟⲩⲛϥ̅ϫⲓⲧⲛ̅ϩⲛ̅ⲟⲩⲣⲁϣⲉⲉⲡⲧⲟⲡⲛ̅ⲛⲉⲧⲟⲩⲁⲁⲃ·ϩⲙ̅ⲡⲕⲁϩⲛ̅ⲛⲉⲧⲟⲛϩ̅·ⲉⲛⲉⲛⲧⲁⲛⲕⲁⲧⲁⲅⲁⲡⲏ̅ⲛⲁⲛⲡⲉⲛ̅ϣⲃⲣ̅ⲣ̅ϩⲱⲃ·ⲛⲉⲩⲛⲁⲗⲟ̅ⲁⲛⲡⲉⲉⲩⲡⲁⲣⲁⲕⲁⲗⲉⲓⲙ̅ⲡⲛⲁⲏⲧ̅ⲡⲓⲱⲧ̅ⲛ̅ⲧⲙⲛ̅ⲧϣⲁⲛⲁϩⲧⲏϥϣⲁⲛⲧϥ̅ϫⲟⲟⲩⲛ̅ⲥⲱⲛⲛ̅ⲥⲉϫⲓⲧⲛ̅ϩⲛ̅ⲟⲩⲣⲁϣⲉⲉϩⲟⲩⲛⲉⲛⲧⲟⲡⲟⲥⲉⲧⲧⲁⲓ̈ⲏⲩⲛ̅ⲧⲉⲉⲓ̈ⲗⲏⲙ̅ⲛⲧ̅ⲡⲉ·ⲛ̅ⲥⲉⲧⲁⲁⲛⲛ̅ⲇⲱⲣⲟⲛⲙ̅ⲡⲙⲉⲣⲓⲧ̅·Ⲉϣⲱⲡⲉⲇⲉⲙⲛ̅ⲧⲁⲛⲗⲁ | ⲁⲩϩⲛ̅ⲛⲁⲓ̈ⲉⲩϣⲟⲟⲡⲛⲁⲛⲛ̅ϣⲃⲣ̅ⲣ̅ϩⲱⲃ·ⲉⲓⲙⲉϫⲉⲉⲛϣⲁⲛϩⲓⲥⲉⲉⲛⲱϣⲉⲃⲟⲗϩⲛ̅ⲛ̅ⲕⲟⲗⲁⲥⲓⲥⲉⲛⲣⲓⲙⲉϩⲛ̅ⲟⲩⲙⲛⲧ̅ⲉⲃⲓⲏⲛ̅ⲧⲙ̅ⲧⲉⲗⲁⲁⲩⲛ̅ⲛⲁ̅ϣⲱⲡⲉⲛⲁⲛ·Ⲁⲗⲗⲁⲉⲣⲉⲛⲁⲅⲅⲉⲗⲟⲥⲛ̅ⲣⲉϥⲧⲓⲙⲱⲣⲉⲓ̈ⲛⲁϭⲱⲛⲧ̅ⲉⲣⲟⲛⲡⲉⲛ̅ⲥⲉⲛⲉϭⲛⲟⲩϭⲛ̅ϩⲛ̅ⲟⲩⲙⲛⲧ̅ⲁⲧⲛⲁ̅ⲛ̅ⲥⲉⲧⲓⲙⲱⲣⲉⲓⲙ̅ⲙⲟⲛⲉⲡⲉϩⲟⲩⲟ̅·ⲉ |
| ⲡⲓⲇⲏⲙⲛ̅ⲧⲁⲩⲙ̅ⲙⲁⲩⲛⲧ̅ⲙⲛⲧ̅ⲛⲁⲏⲧ̅ⲉⲧⲣⲉⲩϣⲁⲛⲁϩⲧⲏⲩϩⲁⲛⲉⲯⲩⲭⲟⲟⲩⲉ·ⲁⲗⲗⲁϩⲉⲛⲟⲩⲁϩⲉⲓ̈ⲏⲧ̅ⲛⲉⲛⲁⲧⲛⲁ̅·ⲡⲉⲩϩⲱⲃϩⲱⲟⲩⲡⲉⲡⲁⲓ̈ⲉⲧⲣⲉⲩⲃⲁⲥⲁⲛⲓⲍⲉⲛⲛⲉⲯⲩⲭⲏⲛⲛ̅ⲣⲉϥⲣ̅ⲛⲟⲃⲉ·Ⲱ̅ⲟⲩϩⲟⲧⲉⲡⲉϩⲉⲉϩⲣⲁⲓ̈ⲉⲛⲧⲟⲡⲟⲥⲛⲁⲧϭⲙ̅ⲡⲉⲩϣⲓⲛⲉⲕⲁⲧⲁⲡⲉⲧⲥⲏϩ·ϫⲉⲉⲣⲉⲡⲉⲧⲉⲛϥ̅ⲣ̅ϩⲟⲧⲉⲁⲛⲛⲁϣⲱ | ⲡⲉϩⲛ̅ϩⲉⲛⲙⲁ̅ⲉⲙⲡϣⲁⲉⲛⲉϩϭⲓⲛⲉⲁⲛⲙ̅ⲡⲉⲩϣⲓⲛⲉ·Ⲱ̅ⲟⲩⲙⲛⲧ̅ⲉⲃⲓⲏⲛⲛⲁϣⲛ̅ϭⲟⲧ̅ⲧⲉⲧⲛⲁⲧⲁϩⲉⲛⲁⲓ̈ⲉⲛⲧⲁⲩⲧⲁⲗⲉⲡⲣⲁⲛⲉⲧⲟⲩⲁⲁⲃⲉϩⲣⲁⲓ̈ⲉϫⲱⲟⲩϫⲉⲟⲩⲏⲏⲃϩⲓⲙⲟⲛⲁⲭⲟⲥ·ⲉⲩⲕⲁⲧⲁⲫⲣⲟⲛⲉⲓⲛⲛ̅ⲉⲛⲧⲟⲗⲏ̅ⲙ̅ⲡⲛⲟⲩⲧⲉ·ⲛ̅ⲣⲉϥⲣ̅ⲛⲟⲃⲉⲉⲧϩⲛ̅ⲛ̅ⲕⲟⲗⲁⲥⲓⲥⲛⲁⲛⲉϭⲛⲟⲩϭⲟⲩⲛ̅ⲥⲉϫⲟⲟⲥⲛⲁⲩϫⲉⲉⲥⲧⲱ̅ⲁⲛⲟⲛϫⲉⲁⲛⲣ̅ⲛⲟⲃⲉ· |
| ϫⲉⲉⲛϩⲙ̅ⲡⲣⲟⲟⲩϣⲛ̅ⲛⲉϩⲃⲏⲩⲉⲙ̅ⲡⲃⲓⲟⲥ·ⲁⲛⲡⲗⲁⲛⲁ̅ϩⲙ̅ⲡⲥⲱⲣⲙ̅ⲛ̅ⲑⲩⲗⲩ·ⲛ̅ⲧⲱⲧⲛ̅ϩⲱⲧⲧⲏⲩⲧⲛ̅ⲉⲧⲉⲧⲛ̅ⲣ̅ⲟⲩⲙ̅ⲡⲉⲓ̈ⲙⲁ̅ϩⲛ̅ⲛⲉⲓ̈ⲕⲟⲗⲁⲥⲓⲥⲛⲁⲧⲱϫⲛ̅·ⲙⲏ̅ⲛ̅ⲧⲱⲧⲛ̅ⲁⲛⲛⲉⲧⲫⲟⲣⲉⲓ̈ⲙ̅ⲡⲉⲥⲭⲏⲙⲁ̅ⲛⲧⲙⲛ̅ⲧⲉⲩⲥⲉⲃⲏⲥϩⲙ̅ⲡⲕⲟⲥⲙⲟⲥ·Ⲱ̅ⲟⲩⲛⲟϭⲡⲉⲡϣⲓⲡⲉⲉⲧⲙ̅ⲙⲁⲩ·ⲉⲙⲛ̅ϩⲁⲏ̅ⲟⲩⲏϩⲛ̅ⲥⲱϥ·ⲁⲗⲗⲁⲉϥⲙⲏⲛⲉⲃⲟⲗⲛ̅ϣⲁⲉⲛⲉϩ·ⲉⲛⲉⲥϣⲱⲡⲉⲇⲉⲱ̅ⲛⲁⲙⲉⲣⲁⲧⲉ | ⲉⲧⲣⲉⲡⲛⲟⲩⲧⲉⲕⲁⲧⲉⲓ̈ⲛⲟϭⲙ̅ⲙⲛ̅ⲧⲧⲁⲗⲁⲓⲡⲱⲣⲟⲥⲉⲧⲁϩⲟⲛ·ⲁⲗⲗⲁⲙⲁⲣⲛ̅ⲁⲅⲱⲛⲓⲍⲉⲛ̅ⲧⲟϥϩⲛ̅ⲧⲉⲛϭⲟⲙⲧⲏⲣⲥ̅ⲉⲧⲣⲉⲛϫⲡⲟ̅ⲛⲁⲛⲙ̅ⲡⲛⲟϭⲛⲉⲟⲟⲩⲙ̅ⲡⲙⲁ̅ⲉⲧⲙ̅ⲙⲁⲩⲡⲁⲓ̈ⲉⲣⲉⲛⲉⲧⲟⲩⲁⲁⲃⲧⲏⲣⲟⲩⲫⲟⲣⲉⲓⲙ̅ⲙⲟϥ·Ϣⲗⲏⲗⲱ̅ⲛⲁⲙⲉⲣⲁⲧⲉⲉⲧⲣⲉⲛϫⲓⲧϥ̅ⲉⲃⲟⲗϫⲉⲟⲩⲉⲟⲟⲩⲡⲉ·ⲉϥⲙⲏⲛ |
| ⲉⲃⲟⲗⲛ̅ϣⲁⲉⲛⲉϩ·Ⲙⲁⲣⲛ̅ⲙⲉⲧⲁⲛⲟⲓ̈ⲟⲩⲛⲱ̅ⲛⲁⲙⲉⲣⲁⲧⲉ·ⲁⲩⲱⲛⲁⲥⲛⲏⲩⲛ̅ⲧⲛ̅ϭⲱⲉⲛⲣⲓⲙⲉⲛ̅ⲛⲁⲩⲛⲓⲙ·ⲙ̅ⲡⲉⲙⲧⲟ̅ⲉⲃⲟⲗⲙ̅ⲡⲥⲱⲧⲏⲣϣⲁⲛⲧⲉⲧⲉϥⲥⲙⲏ̅ⲧⲁϩⲟⲛϩⲛ̅ⲟⲩⲣⲁϣⲉ·ϫⲉⲛⲉⲧⲛ̅ⲛⲟⲃⲉⲕⲏ̅ⲛⲏⲧⲛ̅ⲉⲃⲟⲗ·ⲡⲣⲓⲙⲉⲅⲁⲣⲛⲧ̅ⲙⲉⲧⲁⲛⲟⲓⲁϣⲁϥϯⲙⲛ̅ⲧ̅ϣⲁⲛⲁϩⲧⲏϥⲙ̅ⲡⲛⲟⲩⲧⲉⲉⲧⲣⲉϥϭⲱϣⲧ̅ | ⲉϫⲱⲕ·ⲛϥ̅ⲛⲁ̅ⲛⲁⲕ·ⲡⲣⲓⲙⲉⲛⲧ̅ⲙⲉⲧⲁⲛⲟⲓⲁⲡⲉϣⲁϥⲧⲣⲉⲡⲉⲡⲛ̅ⲁ̅ⲉⲧⲟⲩⲁⲁⲃⲡⲱⲧ̅ⲉϩⲟⲩⲛⲉⲡⲣⲱⲙⲉⲛϥ̅ⲟⲩⲱϩⲛ̅ϩⲏⲧϥ̅·ϩⲓⲧⲙ̅ⲡⲣⲓⲙⲉⲛⲧ̅ⲙⲉⲧⲁⲛⲟⲓⲁϣⲁⲣⲉⲡⲛⲟⲩⲧⲉⲧⲣⲉⲕⲣ̅ⲃⲣ̅ⲣⲉⲛ̅ⲕⲉⲥⲟⲡ̅·ⲛϥ̅ⲕⲧⲟ̅ⲛⲁⲕⲙ̅ⲡⲕⲁⲣⲡⲟⲥⲛ̅ⲛⲉⲕϩⲓⲥⲉⲉϥⲟⲩⲟϫ·Ⲙⲁⲣⲉⲣⲓⲙⲉⲅⲁⲣϣⲱⲡⲉⲭⲱⲣⲓⲥⲕⲱⲗϫ̅ⲛ̅ϩⲏⲧ̅·ⲙⲁⲣⲉⲕⲱⲗϫ̅ⲇⲉⲛ̅ϩⲏⲧ̅ϣⲱⲡⲉ |
| ⲛ̅ⲛⲉⲧⲉⲓⲣⲉⲙ̅ⲡⲉⲩⲃⲓⲟⲥϩⲛ̅ⲟⲩⲥⲡⲁⲧⲁⲗⲓⲁⲙⲛ̅ⲟⲩϫⲓϩⲣⲁϥ·ⲟⲩⲇⲉⲙⲁⲣⲉⲙⲉⲧⲁⲛⲟⲓⲁⲟⲩⲱϩϩⲙ̅ⲡⲣⲱⲙⲉⲉⲧⲥⲁⲛⲁϣⲧ̅ϩⲛ̅ⲧⲁⲡⲁⲧⲏ̅·ⲁⲗⲗⲁϩⲓⲧⲙ̅ⲡϩⲓⲥⲉⲛⲧ̅ⲛⲏⲥⲧⲓⲁⲙⲛ̅ⲡⲉⲑⲕⲟ̅ⲛⲧ̅ⲥⲁⲣⲝ·ϣⲁⲣⲉⲡⲉⲕϩⲏⲧ̅ⲑⲃ̅ⲃⲓⲟ̅ⲛⲅ̅ϣⲓⲛⲉⲛ̅ⲥⲁⲧⲙⲉⲧⲁⲛⲟⲓⲁ·ⲛⲅ̅ⲁϣⲁϩⲟⲙⲉϫⲛ̅ⲛⲉⲕⲛⲟⲃⲉ·Ⲧⲉⲛⲟⲩϭⲉⲱ̅ⲛⲁⲙⲉⲣⲁⲧⲉⲙⲁⲣⲛ̅ϥⲓⲡⲣⲟⲟⲩϣϩⲁⲡⲉⲛⲱⲛ̅ϩ̅ⲛ̅ⲛⲁⲩⲛⲓⲙϩⲱⲥⲉⲩⲥⲟⲡⲥ̅ | ⲙ̅ⲙⲟⲛⲉⲃⲟⲗϩⲓⲧⲙ̅ⲡϫⲟⲉⲓⲥⲉⲣ̅ⲡⲓⲥⲧⲟⲥ·ϭⲱϣⲧ̅ⲉⲡⲉⲛϫⲟⲉⲓⲥⲁⲩⲱⲡⲉⲛⲥⲱⲧⲏⲣⲓⲥ̅ϫⲉⲁϥϣⲡ̅ⲟⲩⲏⲣϩⲓⲥⲉϩⲁⲣⲟⲛ·Ⲟⲩⲅⲁⲣⲡⲉⲡⲡⲉⲑⲟⲟⲩⲉⲛⲧⲁϥⲁⲁϥ·ⲏ̅ⲛⲓⲙϩⲙ̅ⲡⲥⲱⲛⲧ̅ⲧⲏⲣϥ̅ⲡⲉⲧⲛⲁϫⲡⲓⲟϥⲉⲧⲃⲉⲛⲟⲃⲉ·ⲁⲗⲗⲁⲛ̅ⲧⲁϥϣⲉⲡⲛⲁⲓ̈ⲧⲏⲣⲟⲩⲉⲧⲃⲏⲏⲧⲛ̅ⲁⲛⲟⲛⲛ̅ⲣⲉϥⲣ̅ⲛⲟⲃⲉϫⲉ |
| ϫⲉⲕⲁⲥⲉϥⲉⲭⲁⲣⲓⲍⲉⲛⲁⲛⲙ̅ⲡⲉⲓ̈ⲛⲟϭⲛⲟⲩϭⲁⲓ̈ⲛ̅ⲧⲉⲧⲙⲉⲧⲁⲛⲟⲓⲁ·Ⲙⲁⲣⲉⲛ̅ⲃⲁⲗⲙ̅ⲡⲉⲧⲛ̅ϩⲏⲧ̅ⲉⲓ̈ⲱⲣϩ̅ⲛⲛ̅ⲉⲓ̈ϥⲧ̅ⲉⲧⲟϥⲧ̅ⲉⲛⲉϥϭⲓϫⲉⲧⲟⲩⲁⲁⲃ·ⲉϥⲁϣⲉⲉⲡϣⲉⲙ̅ⲡⲉⲥ⳨ⲟ̅ⲥ̅ϩⲁⲛⲉⲛⲛⲟⲃⲉ·ⲙⲛ̅ⲡⲉϥⲥⲡⲓⲣⲉⲛⲧⲁⲩⲕⲟⲟⲛⲥϥ̅ⲛ̅ⲟⲩⲗⲟⲛⲭⲏ̅ⲉϥϣⲟⲩⲟ̅ⲉⲃⲟⲗⲛ̅ⲟⲩⲥⲛⲟϥⲙⲛ̅ⲟⲩⲙⲟⲟⲩ·ⲙⲛ̅ⲡⲕⲁϣⲉⲛ̅ | ⲧⲁⲩⲣⲱϩⲧ̅ⲙ̅ⲙⲟϥⲉϫⲛ̅ⲧⲉϥⲁⲡⲉ·ⲙⲛ̅ⲡϩⲏⲡⲉⲣⲉⲧⲏⲥⲛⲁⲧϣⲓⲡⲉⲉⲛⲧⲁϥϩⲓⲟⲩⲉⲉϩⲟⲩⲛϩⲙ̅ⲡⲉϥϩⲟ̅·ⲛⲉϥⲕⲁⲣⲁⲉⲓⲧⲡⲉ·ⲁⲩⲱⲉⲛⲉϥⲟⲃⲉϩⲓⲡⲉⲥ⳨ⲟ̅ⲥ̅·ⲉⲙⲡ̅ⲟⲩϣⲁⲛⲁϩⲧⲏⲩϩⲁⲣⲟϥ·Ⲁⲗⲗⲁⲛ̅ⲧⲁⲩⲣ̅ⲡⲕⲉⲥⲟϥⲛ̅ⲟⲩϩⲙ̅ϫⲙⲛ̅ⲟⲩⲥⲓϣⲉϩⲙ̅ⲡⲉϥⲉⲓⲃⲉ̅·ϩⲙ̅ⲡⲧⲣⲉϥϫⲉⲕⲛⲁⲓ̈ⲧⲏⲣⲟⲩⲉⲃⲟⲗⲉϥϥⲓⲉⲣⲟϥϩⲛ̅ⲟⲩⲙⲛⲧ̅ϩⲁⲣϣ̅ϩⲏⲧ̅·ⲙⲛ̅ |
| ⲟⲩⲙⲛⲧ̅ⲙⲁⲓ̈ⲣⲱⲙⲉⲉϥⲟⲩⲱϣⲉⲧⲣⲉⲛϣⲱⲡⲉⲛⲁϥⲛ̅ⲕⲟⲓⲛⲱⲛⲟⲥ·ϩⲛ̅ⲛⲉϥϩⲓⲥⲉϫⲉⲕⲁⲥⲉⲛⲁⲕⲗⲏⲣⲟⲛⲟⲙⲉⲓⲛⲙ̅ⲙⲁϥⲉⲧⲉϥⲙⲛ̅ⲧⲉⲣⲟ̅ⲉⲧϩⲛ̅ⲙ̅ⲡⲏⲩⲉ:Ⲡⲉϫⲁϥϫⲉⲡⲉⲧⲙⲉ̅ⲙ̅ⲙⲟⲓ̈ⲙⲁⲣⲉϥⲁⲡⲁⲣⲛⲁⲙ̅ⲙⲟϥⲛϥ̅ϥⲓⲙ̅ⲡⲉϥⲥ⳨ⲟ̅ⲥ̅ⲛϥ̅ⲟⲩⲁϩϥ̅ⲛ̅ⲥⲱⲓ̈·ϥⲥⲟⲟⲩⲛϩⲱⲱϥⲟⲛⲛ̅ϭⲓⲁⲡⲟⲥⲧⲟⲗⲟⲥⲉⲧⲟⲩⲁⲁⲃⲡⲁⲩⲗⲟⲥⲙ̅ⲡⲧⲁⲓ̈ⲟ̅ⲙ̅ⲡⲉⲥ⳨ⲟ̅ⲥ̅·ⲉⲧⲃⲉⲡⲁⲓ̈ϥ̅ⲱϣⲉⲃⲟⲗⲉϥ | ϫⲱⲙ̅ⲙⲟⲥϫⲉⲛⲉϣⲱⲡⲉⲁⲛⲟⲕⲉⲧⲣⲁϣⲟⲩⲙ̅ⲙⲟⲓ̈ⲉⲙⲏⲧⲧⲉⲓϩⲙ̅ⲡⲉⲥ⳨ⲟ̅ⲥ̅ⲙ̅ⲡⲉⲛϫⲟⲉⲓⲥⲓⲥ̅ⲡⲉⲭⲥ̅:ⲡⲁⲓ̈ⲉⲛⲧⲉⲩⲥ⳨ⲟⲩⲛⲁⲓ̈ⲙ̅ⲡⲕⲟⲥⲙⲟⲥⲉⲃⲟⲗϩⲓⲧⲟⲟⲧϥ̅ⲁⲩⲱⲁⲛⲟⲕϩⲱⲱⲧ̅ⲟⲛⲙ̅ⲡⲕⲟⲥⲙⲟⲥ·ⲁⲩⲱⲟⲛϥ̅ϫⲱⲙ̅ⲙⲟⲥϫⲉⲁⲩⲥ⳨ⲟⲩⲙ̅ⲙⲟⲓ̈ⲙⲛ̅ⲡⲉⲭ̅ⲥ̅:Ⲁⲛⲟⲕⲇⲉϯⲟⲛϩ̅ⲁⲛⲡⲉⲭ̅ⲥ̅ⲇⲉⲟ̅ⲛϩ̅ⲛ̅ϩⲏⲧ̅·ⲁⲩⲱⲟⲛϫⲉⲁϫⲛ̅ϩⲓⲥⲉ |
| ⲟⲩⲁⲧϭⲟⲙⲡⲉⲣ̅ⲁⲛⲁϥⲙ̅ⲡⲛⲟⲩⲧⲉ·ⲁⲩⲱⲟⲛϫⲉⲉϣϫⲉⲧⲉⲧⲛ̅ϣⲡ̅ϩⲓⲥⲉⲛⲙ̅ⲙⲁϥⲉⲓ̈ⲉⲧⲛ̅ⲛⲁⲣ̅ⲣ̅ⲣⲟⲟⲛⲛⲙ̅ⲙⲁϥ·Ⲉⲧⲃⲉⲡⲁⲓ̈ϭⲉⲱ̅ⲛⲁⲙⲉⲣⲁⲧⲉⲙⲁⲣⲛ̅ⲛⲏⲫⲉⲛ̅ⲧⲛ̅ⲣⲟⲉⲓⲥϫⲉⲡⲉⲛⲁⲛⲧⲓⲇⲓⲕⲟⲥⲡⲇⲓⲁⲃⲟⲗⲟⲥⲙⲟⲟϣⲉⲉϥⲗ̅ϩⲏⲙⲛ̅ⲑⲉⲛⲓⲙⲟⲩⲓ̈·ⲉϥϣⲓⲛⲉⲛ̅ⲥⲁⲱⲙⲕ̅ⲛ̅ⲛⲉⲛⲯⲩⲭⲏ·ⲉϥⲟⲩⲱϣⲉⲁⲁⲛⲛ̅ϣⲙ̅ⲙⲟ̅ⲉⲛⲉⲓ̈ⲛⲟϭⲛⲁ | ⲅⲁⲑⲟⲛ·ⲛⲁⲓ̈ⲁⲧⲟⲩϭⲉⲛⲉⲧⲛⲁⲁϩⲉⲣⲁⲧⲟⲩⲉⲣⲟϥⲉⲩϫⲟⲟⲣ·ϩⲛ̅ⲧⲡⲓⲥⲧⲓⲥ·ϫⲉⲛ̅ⲧⲟⲟⲩⲛⲉⲧⲛⲁϫⲓⲉⲟⲟⲩⲙⲛ̅ⲓⲥ̅·ⲕⲁⲧⲁⲑⲉⲉⲛⲧⲁϥϫⲟⲟⲥϫⲉⲛ̅ⲧⲱⲧⲛ̅ⲛⲉⲛⲧⲁⲩϩⲩⲡⲟⲙⲓⲛⲉⲛⲙ̅ⲙⲁⲓ̈ϩⲛ̅ⲛⲁⲡⲓⲣⲁⲥⲙⲟⲥ·Ⲁⲛⲟⲕϩⲱϯⲥⲙⲓⲛⲉⲙ̅ⲙⲟⲥⲛⲙ̅ⲙⲏⲧⲛ̅ⲕⲁⲧⲁⲑⲉⲛ̅ⲧⲁⲡⲁⲉⲓ̈ⲱⲧ̅ⲥⲙⲓⲛⲉⲛⲙ̅ⲙⲁⲓ̈ⲛ̅ⲟⲩⲙⲛ̅ⲧⲉⲣⲟ̅ϫⲉⲧⲉⲧⲛⲁⲟⲩⲱⲙⲧⲉⲧⲛ̅ⲥⲱ̅ⲛⲙ̅ⲙⲁⲓ̈ |
| ϩⲓϫⲛ̅ⲧⲁⲧⲣⲁⲡⲉⲍⲁ̅ϩⲛ̅ⲧⲁⲙⲛⲧ̅ⲉⲣⲟ̅·ⲱ̅ⲛⲁⲓ̈ⲁⲧϥ̅ⲙ̅ⲡⲉⲛⲧⲁϥϣⲡ̅ϩⲓⲥⲉϩⲛ̅ϩⲉⲛⲛⲏⲥⲧⲓⲁⲙⲛ̅ϩⲉⲛϣⲗⲏⲗⲙⲛ̅ϩⲉⲛⲟⲩϣⲏⲛ̅ⲣⲟⲉⲓⲥⲙⲛ̅ϩⲉⲛⲁϣⲁϩⲟⲙ·ϫⲉϥⲛⲁⲛⲟϫϥ̅ⲛϥ̅ⲟⲩⲱⲙⲛϥ̅ⲥⲱ̅ϩⲙ̅ⲡⲇⲓⲡⲛⲟⲛⲛ̅ⲛⲉⲧⲟⲩⲁⲁⲃⲛ̅ⲟⲩⲡⲁⲣϩⲏⲥⲓⲁ·Ⲛⲁⲓ̈ⲁⲧϥ̅ⲙ̅ⲡⲉⲛⲧⲁϥϣⲱⲡⲉⲛ̅ⲛⲁⲏⲧ̅·ⲉϥⲙⲉ̅ⲙ̅ⲡⲉⲧϩⲓⲧⲟⲩⲱϥϩⲛ̅ⲟⲩⲁⲅⲁⲡⲏ̅ⲛ̅ⲧⲉⲡⲛⲟⲩⲧⲉ·ϫⲉϥ | ⲛⲁϣⲱⲡⲉⲉⲩⲥⲟⲗⲥⲗ̅ⲙ̅ⲙⲟϥϩⲛ̅ⲕⲟⲩⲛϥ̅ⲛⲁⲃⲣⲁϩⲁⲙϩⲛ̅ⲧⲙⲛ̅ⲧⲉⲣⲟ̅ⲛⲙ̅ⲡⲏⲩⲉ·ⲛⲁⲓ̈ⲁⲧϥ̅ⲙ̅ⲡⲉⲛⲧⲁϥⲥⲉⲓⲛ̅ⲣⲓⲙⲉⲉϫⲛ̅ⲛⲉϥⲛⲟⲃⲉⲉⲛⲧⲁϥⲁⲁⲩϫⲉϥⲛⲁⲣ̅ⲃⲟⲗⲉⲡⲙⲁ̅ⲙ̅ⲡⲣⲓⲙⲉⲙⲛ̅ⲡϭϩϭϩ̅ⲛⲛ̅ⲟⲃϩⲉ·Ⲛⲁⲓ̈ⲁⲧϥ̅ⲙ̅ⲡⲉⲛⲧⲁϥⲣ̅ϩⲏⲃⲉⲉϫⲛ̅ⲛⲉϥⲛⲟⲃⲉϫⲉⲉϥⲛⲁⲉⲩⲫⲣⲁⲛⲉⲙ̅ⲡⲛⲟⲩⲧⲉⲙⲛ̅ⲛⲉϥⲁⲅⲅⲉⲗⲟⲥ |
| ϩⲙ̅ⲡⲁⲓⲱⲛⲙ̅ⲡⲟⲩⲟⲉⲓⲛ·ⲛⲁⲓ̈ⲁⲧϥ̅ⲙ̅ⲡⲉⲛⲧⲁϥϯⲙ̅ⲡⲉϥⲟⲉⲓⲕⲙ̅ⲡⲉⲧϩⲕⲁⲉⲓⲧ̅ϫⲉϥⲛⲁⲥⲉⲓⲙ̅ⲡⲟⲉⲓⲕⲙ̅ⲡⲱⲛϩ̅ϩⲛ̅ⲙ̅ⲡⲏⲩⲉ·Ⲛⲁⲓ̈ⲁⲧϥ̅ⲙ̅ⲡⲉⲛⲧⲁϥϩⲱⲃⲥ̅ⲙ̅ⲡⲉⲧⲕⲏϩⲁϩⲏⲩϫⲉⲥⲉⲛⲁϩⲱⲃⲥ̅ⲉⲃⲟⲗⲉϫⲛ̅ⲛⲉϥⲛⲟⲃⲉⲙ̅ⲡⲉϩⲟⲟⲩⲙ̅ⲡϩⲁⲡ̅·ⲛⲁⲓ̈ⲁⲧϥ̅ⲙ̅ⲡⲉⲧⲛⲁ̅ⲛⲛ̅ϩⲏⲕⲉϫⲉⲛ̅ⲧⲟϥⲡⲉⲧⲟⲩⲛⲁ̅ⲛⲁ̅ⲛⲁϥ·ⲁⲩⲱϥⲛⲁⲣ̅ⲙ̅ϣⲁ̅ⲛ̅ⲥⲱⲧⲙ̅ | ⲉⲧⲉⲓ̈ⲥⲙⲏⲛ̅ⲣⲁϣⲉϩⲓⲟⲩⲟⲩⲛⲟϥϫⲉⲁⲙⲏⲉⲓⲛⲛⲉⲧⲥⲙⲁⲙⲁⲁⲧ̅ⲛ̅ⲧⲉⲡⲁⲉⲓⲱⲧ̅ⲛ̅ⲧⲉⲧⲛ̅ⲕⲗⲏⲣⲟⲛⲟⲙⲉⲓⲛⲧ̅ⲙⲛⲧ̅ⲉⲣⲟ̅ⲉⲛⲧⲁⲩⲥⲃ̅ⲧⲱⲧⲥ̅ⲛⲏⲧⲛ̅ϫⲓⲛⲛⲧ̅ⲕⲁⲧⲁⲃⲟⲗⲏⲙ̅ⲡⲕⲟⲥⲙⲟⲥ·Ⲁⲩⲱⲟⲛϥ̅ϫⲱⲙ̅ⲙⲟⲥϫⲉⲡⲉⲧⲛⲁⲧⲥⲉⲟⲩⲁ̅ⲛ̅ⲛⲉⲓ̈ⲕⲟⲩⲓ̈ⲛⲟⲩϫⲱ̅ⲙ̅ⲙⲟⲩⲛⲱⲣϣ̅ⲙ̅ⲙⲁⲧⲉϩⲁⲙⲏⲛϯϫⲱⲙ̅ⲙⲟⲥⲛⲏⲧⲛ̅ϫⲉⲛⲉϥⲥⲱ |
| ⲣⲙ̅ⲛ̅ϭⲓⲡⲉϥⲃⲉⲕⲉ·ⲛⲁⲓ̈ⲁⲧϥ̅ⲙ̅ⲡⲉⲛⲧⲁϥⲕⲱ̅ⲉⲃⲟⲗⲙ̅ⲡⲉⲧϩⲓⲧⲟⲩⲱϥϩⲙ̅ⲡⲧⲣⲉϥⲣ̅ⲛⲟⲃⲉⲉⲣⲟϥ·ϫⲉⲥⲉⲛⲁⲡⲱϩⲙ̅ⲡⲉⲭⲓⲣⲟⲅⲣⲁⲫⲟⲛⲉⲧⲉⲣⲟϥ·ⲁⲩⲱⲟⲛⲉⲧⲁⲣⲟϥⲛ̅ⲟⲩⲟⲛⲛⲓⲙ·Ⲛⲁⲓ̈ⲁⲧⲟⲩⲛ̅ⲛⲉⲧⲛⲁⲣ̅ⲁⲙⲁⲣ̅ⲉⲧⲉⲕⲕⲗⲏⲥⲓⲁⲉϩⲧⲟⲟⲩⲉⲛ̅ⲣⲟⲩϩⲉ·ⲙ̅ⲙⲏⲏⲛⲉ·ⲛ̅ϩⲟⲩⲟ̅ⲇⲉⲙ̅ⲡⲛⲁⲩⲛ̅ϫⲓⲉⲃⲟⲗϩⲛ̅ⲙ̅ⲙⲏⲥⲧⲏⲣⲓⲟⲛⲉⲧⲟⲩⲁⲁⲃ·ⲙ̅ⲡⲥⲱⲙⲁ̅ⲙⲛ̅ⲡⲉⲥⲛⲟϥⲙ̅ⲡϫⲟⲉⲓⲥⲓ̅ⲥ̅ⲡⲉⲭ̅ⲥ̅:ϫⲉ | ϥⲛⲁϣⲱⲡⲉⲉϥⲧⲏϩⲙⲛ̅ⲛ̅ⲁⲅⲅⲉⲗⲟⲥϩⲣⲁⲓ̈ϩⲛ̅ⲙ̅ⲡⲏⲩⲉⲉϥⲛⲁⲩⲉⲣⲟⲟⲩⲛ̅ϩⲟ̅ϩⲓϩⲟ̅·ⲉϥⲟⲩⲱϣⲃ̅ⲛⲙ̅ⲙⲁⲩⲛ̅ⲧⲁⲡⲣⲟ̅ϩⲓⲧⲁⲡⲣⲟ̅ϩⲛ̅ⲧⲉⲩⲁⲥⲡⲉϫⲉⲁⲗⲏⲗⲟⲩⲉⲓⲁ·Ⲉⲧⲃⲉⲡⲁⲓ̈ϭⲉⲱ̅ⲛⲁⲙⲉⲣⲁⲧⲉⲙ̅ⲡⲣ̅ⲧⲣⲉⲛϯϩⲓⲛⲏⲃⲛ̅ⲛⲉⲛⲃⲁⲗⲟⲩⲇⲉϩⲣⲉⲕⲣⲓⲕⲉⲛ̅ⲛⲉⲛⲃⲟⲩϩⲉ·ⲙ̅ⲡⲉϩⲟⲟⲩⲙⲛ̅ⲧⲉⲩϣⲏ·ϫⲉⲕⲁⲥⲉⲕⲉⲣ̅ⲃⲟⲗⲉⲡⲉⲑⲟⲟⲩⲛⲓⲙ: |
| ϥ̅ϭⲟⲣ̅ϭ̅ⲅⲁⲣⲉⲣⲟⲛⲛ̅ϭⲓⲡϫⲁϫⲉ·ⲁⲩⲱϥⲛⲁⲉⲓ̈ⲛⲁⲛϩⲛ̅ⲟⲩⲙⲏⲏϣⲉⲛ̅ⲕⲟⲧⲥ̅·ⲉϥⲧⲙ̅ⲉⲓ̈ϩⲛ̅ⲟⲩⲁⲙⲉⲗⲓⲁϥⲛⲁⲉⲓ̈ϩⲛⲟⲩⲟⲃϣ̅ⲥ̅·Ⲉϥⲧⲙ̅ⲉⲓ̈ϩⲛ̅ⲟⲩⲙⲛⲧ̅ϫⲁⲥⲓϩⲏⲧ̅·ϥⲛⲁⲉⲓ̈ϩⲛ̅ⲟⲩϭⲱⲛⲧ̅·ⲉϥⲧⲙ̅ⲉⲓ̈ϩⲛ̅ⲟⲩⲉⲟⲟⲩⲉϥϣⲟⲩⲉⲓⲧ̅ϥⲛⲁⲉⲓ̈ϩⲛ̅ⲟⲩⲡⲟⲣⲛⲓⲁ·ⲉϥⲧⲙ̅ⲉⲓ̈ϩⲛ̅ⲟⲩⲕⲱϩϥⲛⲁⲉⲓ̈ϩⲛ̅ⲟⲩⲙⲟⲥⲧⲉ·Ⲉϥⲧⲙ̅ⲉⲓ̈ϩⲛ̅ⲟⲩⲡⲟⲛⲏⲣⲓⲁⲉϥⲛⲁⲉⲓ̈ϩⲛ̅ⲟⲩⲕⲣⲙ̅· | ⲉϥⲧⲙ̅ⲉⲓ̈ϩⲛ̅ⲟⲩϫⲓⲟⲩⲉϥⲛⲁⲉⲓ̈ϩⲛ̅ⲟⲩⲁⲛⲁϣⲛ̅ⲛⲟⲩϫⲙⲛ̅ϩⲉⲛϭⲟⲗ·ⲉϥⲧⲙ̅ⲉⲓ̈ϩⲛ̅ϩⲉⲛⲡⲁⲑⲟⲥ·ϥⲛⲁⲉⲓ̈ϩⲛ̅ϩⲉⲛⲙⲉⲉⲩⲉⲉⲩϩⲟⲟⲩ·Ϩⲁⲡⲁⲝϩⲁⲡⲗⲱⲥϥⲛⲁⲕ[ⲁ]ⲧⲟⲟⲧϥ̅ⲉⲃ[ⲟⲗ]ⲁⲛⲛ̅ϭⲓⲡⲥⲁ·[ϥⲛⲁ]ⲕⲟⲧⲥ̅ⲛ̅ⲥⲁ[ⲥⲱ]ⲣⲙ̅ϩⲏⲧ̅·ⲉϥ[ⲛⲁ]ⲕⲟⲧⲥ̅ⲉϩⲟ[ⲩⲛ]ⲉⲧⲙⲛⲧ̅ⲣϥ[ϭⲱⲱ]ⲙⲉϥϫⲟ̅ⲛ̅ⲧⲁⲙⲉⲗⲓⲁⲉϩⲣⲁⲓ̈ⲛ̅ϩⲏⲧⲥ̅·ϫⲉϩⲓⲧⲛ̅ⲧⲁⲙⲉⲗⲓⲁⲅⲁⲣⲉⲣⲉⲁⲙⲛ̅ⲧⲉϭ[ⲱ]ⲣϭ̅·ⲙⲁⲣⲛ̅ⲣ̅ⲡⲙⲉⲉⲩⲉⲟⲩⲛ[ⲛ]ⲛⲉⲓ̈ⲡⲟⲗⲉⲙ[ⲟⲥ]ⲛ̅ⲧⲉⲓ̈ϭⲟⲧ̅ⲉⲧⲉⲣⲉⲡϫⲁϫ[ⲉ] |
| ⲥⲱⲣⲙ̅ⲙⲟⲟⲩⲉⲃⲟⲗⲉⲣⲟⲛ·ⲛ̅ⲧⲛ̅ϩⲟⲕⲛ̅ϩⲱⲱⲛϩⲛ̅ⲛ̅ϩⲟⲡⲗⲟⲛⲛ̅ⲧ̅ⲇⲓⲕⲁⲓⲟⲥⲩⲛⲏ·ⲉⲧⲉⲛⲁⲓ̈ⲛⲉⲟⲩϣⲗⲏⲗ·ⲟⲩⲛⲏⲥⲧⲓⲁ̅·ⲟⲩⲧⲃ̅ⲃⲟ̅·ⲟⲩⲉⲓ̈ⲣⲏⲛⲏ·ⲟⲩⲁ[ⲅⲁ]ⲡⲏ·ⲟⲩⲑⲃ̅ⲃⲓⲟ̅·[ⲟⲩ]ⲙⲛⲧ̅ⲛⲁ̅·ⲟⲩ[ⲙ̅ⲛ]ⲧ̅ⲙⲁⲓ̈ⲛⲉⲛ[ⲉⲣ]ⲏⲩ·ⲟⲩϭⲓⲛϣⲁ[ϫⲉ]ⲉⲥϩⲟⲗϭ̅ⲙⲛ̅[ⲣⲱ]ⲙⲉⲛⲓⲙϩⲛ̅[ϩⲟ]ⲧⲉⲙ̅ⲡⲛⲟⲩ[ⲧⲉ]·ⲛⲁⲓ̈ⲅⲁⲣ[ⲛⲉ]ⲧϯⲟⲩⲃⲉⲧⲉϥⲙⲛ̅ⲧⲥⲁ[ⲕⲟ]ⲧⲥ̅ⲛ̅ⲕⲣⲟϥ·[ⲛ̅]ϩⲟⲩⲟ̅ⲇⲉⲧⲛ̅[ⲣ̅ϩ]ⲟⲧⲉϩⲁⲑⲏ..ⲡⲙⲁ̅ⲛ̅ϯϩⲁⲡ[ⲙ̅]ⲡⲛⲟⲩⲧⲉ[ⲉ]ⲧϩⲁϩⲟⲧⲉⲛ̅ⲧⲛ̅ⲕⲱ̅ⲛ̅ⲥⲱⲛ | ⲛ̅ⲛⲉϩⲃⲏⲩⲉⲙ̅ⲡⲕⲁⲕⲉⲛ̅ⲧⲛ̅ϯϩⲓⲱⲱⲛⲛⲛ̅ϩⲟⲡⲗⲟⲛⲙ̅ⲡⲟⲩⲟⲉⲓⲛ·ϫⲉⲕⲁⲥⲉⲛⲕⲗⲏⲣⲟⲛⲟⲙⲉⲓⲙ̅ⲡⲙⲁⲛ̅ϣⲱⲡⲉⲛ̅ⲛⲉⲧⲟⲩⲁⲁⲃⲉⲧϩⲛ̅ⲙ̅ⲡⲏⲩⲉⲙⲛ̅ⲛ̅ϣⲏⲣⲉⲙ̅ⲡⲟⲩⲟⲉⲓⲛ·ϩⲓⲧⲙ̅ⲓ̅ⲥ̅ⲡⲉⲭ̅ⲥ̅ⲡⲉⲛϫⲟⲉⲓⲥⲡⲁⲓ̈ⲉⲃⲟⲗϩⲓⲧⲟⲟⲧϥ̅ⲡⲉⲟⲟⲩⲙ̅ⲡⲓⲱⲧⲛⲙ̅ⲙⲁϥⲙⲛ̅ⲡⲉⲡⲛ̅ⲁ̅ⲉⲧⲟⲩⲁⲁⲃϣⲁⲉⲛⲉⲓ̈ⲉⲛⲉϩϩⲁⲙⲏⲛ·◈—◈—◈—◈—◈ⲁⲡⲁⲑⲉⲟⲫⲓⲗⲟⲥⲁⲣⲭⲏⲉⲡⲓⲥⲕⲟⲡⲟⲩ· |
Cite this Document
When citing a corpus or document from Coptic SCRIPTORIUM, please include the relevant URN(s)
(provided below) in all citations. On this site, these URNs will resolve to the latest edition
of our data. We also encourage researchers to save visualizations they use, download query
results from ANNIS, and save information from document metadata.
Use the following model to cite this document. Our full citation guidelines
page provides more models.
First citation:
Author, Ancient title [chapter.verse if available], ed. [annotators], trans.
[translation]. urn:cts:copticLit:pstheophilus.repentance.budge_ed:1-59. [version number], [date].
https://data.copticscriptorium.org/urn:cts:copticLit:pstheophilus.repentance.budge_ed:1-59.
Subsequent citations:
Author, Ancient title (abbreviated) [chapter.verse if available],
urn:cts:copticLit:pstheophilus.repentance.budge_ed:1-59.
Document Edition:
urn:cts:copticLit:pstheophilus.repentance.budge_ed:1-59
Work:
urn:cts:copticLit:pstheophilus.repentance
Text Group:
urn:cts:copticLit:pstheophilus
The following links will direct you to the latest versions of data visualizations of the
document.
Diplomatic Edition HTML:
https://data.copticscriptorium.org/urn:cts:copticLit:pstheophilus.repentance.budge_ed:1-59/dipl/html
Normalized Text HTML:
https://data.copticscriptorium.org/urn:cts:copticLit:pstheophilus.repentance.budge_ed:1-59/norm/html
Analytic Visualization HTML:
https://data.copticscriptorium.org/urn:cts:copticLit:pstheophilus.repentance.budge_ed:1-59/analytic/html
The following links will direct you to the latest versions of the data for download.
TEI XML:
https://data.copticscriptorium.org/urn:cts:copticLit:pstheophilus.repentance.budge_ed:1-59/tei/xml
Paula XML:
https://data.copticscriptorium.org/urn:cts:copticLit:pstheophilus.repentance.budge_ed:1-59/paula/xml
relANNIS:
https://data.copticscriptorium.org/urn:cts:copticLit:pstheophilus.repentance.budge_ed:1-59/relannis
The following link will direct you to the latest version of the corpus available for search and
querying in ANNIS:
ANNIS UI:
https://data.copticscriptorium.org/urn:cts:copticLit:pstheophilus.repentance.budge_ed:1-59/annis
