On the Canaanite Woman
normalized analytic TEI ANNIS PAULA Search ANNIS

Normalized Text

ⲟⲩⲗⲟⲅⲟⲥⲛⲧⲉⲁⲡⲁⲉⲩⲥⲉⲃⲓⲟⲥⲡⲉⲡⲓⲥⲕⲟⲡⲟⲥⲛⲧⲕⲏⲥⲁⲣⲓⲁⲛⲧⲕⲁⲡⲡⲁⲇⲟⲕⲓⲁⲉⲁϥⲧⲁⲩⲟϥⲉⲧⲃⲉⲧⲉⲥϩⲓⲙⲉⲛⲭⲁⲛⲁⲛⲁⲓⲁ·◈—◈—◈—◈—◈—◈—◈
ⲛⲁϣⲉⲡⲉⲭⲓⲙⲱⲛ·ⲁⲗⲗⲁⲙⲡϥⲉϣⲕⲱⲗⲩⲙⲡⲟⲩⲣⲟⲧⲛⲛⲉⲛⲧⲁⲩⲉⲓ·
ⲛⲁϣⲉⲙⲡⲉⲓⲣⲁⲥⲙⲟⲥ·ⲁⲗⲗⲁⲙⲡⲟⲩⲃⲉⲗⲡⲉⲧⲛϩⲓⲥⲉⲉⲃⲟⲗ·
ⲧⲉⲕⲕⲗⲏⲥⲓⲁⲛⲁⲗⲟⲁⲛⲉⲛⲉϩⲉⲩⲙⲓϣⲉⲛⲙⲙⲁⲥⲉⲛⲉϩⲉⲥϫⲣⲁⲉⲓⲧ·
ⲉⲩⲉⲡⲓⲃⲟⲩⲗⲉⲩⲉⲉⲣⲟⲥⲉⲥϭⲱⲧⲡⲙⲙⲟⲟⲩ
ϩⲟⲥⲟⲛⲥⲉⲙⲉⲉⲩⲉⲉⲣⲟⲥⲉⲡⲡⲉⲧϩⲟⲟⲩ·ϣⲁⲥⲁⲩⲝⲁⲛⲉⲛϩⲟⲩⲟ·
ϣⲁⲣⲉⲛϩⲓⲙⲏⲃⲱⲗⲉⲃⲟⲗϩⲁⲣⲓϩⲁⲣⲟⲟⲩ·
ⲧⲉⲓⲡⲉⲧⲣⲁⲇⲉⲛⲧⲟⲥⲥⲁϩⲉⲣⲁⲧⲥⲉⲥⲟⲛⲁⲧⲕⲓⲙ·ⲡϣⲁϫⲉⲙⲡⲛⲟⲩⲧⲉⲟⲩⲁⲧⲕⲓⲙⲡⲉ·
ⲛⲧⲟϥⲡⲉⲛⲧⲁϥϫⲟⲟⲥϫⲉⲙⲡⲩⲗⲏⲛⲁⲙⲛⲧⲉⲛⲁϣϭⲙϭⲟⲙⲉⲣⲟⲥⲁⲛ·
ⲡⲉⲧⲡⲟⲗⲉⲙⲉⲓⲉϥⲃⲱⲗⲙⲙⲟϥⲉⲃⲟⲗⲙⲁⲩⲁⲁϥ·ⲧⲉⲕⲕⲗⲏⲥⲓⲁⲇⲉϩⲱⲱⲥⲉϥⲧⲁϫⲣⲟⲙⲙⲟⲥⲛϩⲟⲩⲟ·
ⲓⲱⲃⲇⲉⲛⲁⲛⲟⲩϥⲡⲉϩⲁⲧϩⲏⲙⲡⲡⲉⲓⲣⲁⲥⲙⲟⲥ·ⲁⲗⲗⲁⲛⲉϩⲟⲟⲩⲉⲧϥⲟⲩⲟϫϩⲙⲡⲉϥⲥⲱⲙⲁⲛⲥⲉⲟⲁⲛⲛⲧϩⲉⲛⲛⲉϩⲟⲟⲩⲉⲛⲧⲁⲧⲉϥⲉⲓⲁⲁⲃⲉϣⲛⲧⲡⲉⲕⲗⲟⲙⲁⲥⲧⲁⲗⲟϥⲉϫⲛⲧⲉϥⲁⲡⲉ·
ⲙⲡⲣⲣϩⲟⲧⲉϩⲏⲧϥⲙⲡⲉⲓⲣⲁⲥⲙⲟⲥⲉⲛⲉϩⲉϣⲱⲡⲉⲧⲉⲕⲯⲩⲭⲏⲥⲃⲧⲱⲧ·
ⲛⲧϩⲉⲅⲁⲣⲙⲡⲛⲟⲩⲃⲉⲧⲉⲙⲁⲣⲉⲧⲉϩⲣⲱⲣⲃⲟⲟⲛⲉⲛⲁϥ·ⲧⲁⲓⲧⲉⲧϩⲉⲙⲡⲉⲧϥⲓⲉⲣⲟϥϩⲛⲟⲩⲙⲛⲧϫⲱⲱⲣⲉ·ⲉⲙⲁⲣⲉⲧⲉⲑⲗⲓⲯⲓⲥⲣⲃⲟⲟⲛⲉⲛⲁϥ·
ⲉϣⲁⲣⲉⲧⲉϩⲣⲱⲣⲟⲩⲙⲡⲛⲟⲩⲃⲉϣⲁⲥⲧⲃⲃⲟϥⲛϩⲟⲩⲟ·
ⲧⲁⲓⲧⲉⲧϩⲉⲉⲙⲡⲉⲧⲧⲱⲟⲩⲛϩⲁⲧⲉⲑⲗⲓⲯⲓⲥⲉϣⲁⲣⲉⲧϩⲩⲡⲟⲙⲟⲛⲏⲉⲓⲛⲁϥⲛⲥϫⲁⲥⲧϥ·
ϣⲁⲣⲉⲧⲙⲛⲧⲣⲉϥϫⲛⲁⲁⲩⲟⲩⲉⲗⲥⲧⲉⲯⲩⲭⲏ·ⲁⲩⲱϣⲁⲣⲉⲟⲩⲡⲉⲓⲣⲁⲥⲙⲟⲥϯϫⲣⲟⲛⲛⲗⲁⲓⲕⲟⲥ·
ⲉⲓⲙⲉϫⲉⲛⲧⲁⲛⲉⲧⲉⲛⲟⲩⲟⲩⲛⲉⲣⲟⲩ·ⲁⲩϫⲓϣⲓⲡⲉ·ⲁⲩⲱⲛⲧⲁⲛⲟⲩⲛϩⲱⲱⲛⲣⲟⲩϩⲛⲧⲙⲛⲧⲥⲱⲧⲡ·
ⲉⲩⲧⲱⲛⲛⲉⲧⲏⲡⲉⲣⲟⲟⲩ·ⲟⲩⲇⲉⲣⲱⲥⲉⲟⲩⲟⲛϩⲉⲃⲟⲗⲁⲛ·
ϯⲛⲏⲩⲉⲃⲟⲗϩⲛⲧⲁⲅⲟⲣⲁ·ⲁⲩⲱϯⲛⲁⲩⲁⲛⲉⲗⲁⲁⲩ·ϩⲉⲛϭⲱⲃⲉⲛⲉⲉⲁⲡⲧⲏⲩⲉⲓⲉⲃⲟⲗⲁⲩⲥⲣⲟϥⲣⲉϥ·ⲟⲩⲧⲱϩⲡⲉⲉⲁⲩⲛⲉϥⲧϥⲉⲃⲟⲗ·ⲁⲡⲉⲥⲟⲩⲟϭⲱⲉϥⲧⲃⲃⲏⲩ·
ⲛⲓⲙⲡⲉⲧⲙⲓϣⲉⲛⲙⲙⲁⲩ·ⲁⲗⲗⲁⲧⲉⲩⲥⲩⲛⲏⲇⲏⲥⲓⲥⲧⲉⲓϯϭⲱⲧⲡⲛⲁⲩⲉⲧⲙⲓϣⲉⲛⲙⲙⲁⲩ·
ⲁⲛⲟⲛⲧⲛⲛⲁⲥⲙⲛⲧⲉⲛⲧⲣⲁⲡⲉⲍⲁⲟⲛ·
ⲥⲁϥⲁⲡⲁⲩⲗⲟⲥⲟⲩⲉϩⲧⲉϥⲧⲣⲁⲡⲉⲍⲁϩⲁⲣⲟⲛ·ⲙⲡϩⲟⲟⲩϩⲱⲱϥⲙⲁⲑⲁⲓⲟⲥⲡⲉ·
ⲥⲁϥⲡⲣⲉϥⲧⲁⲙⲓⲉⲥⲕⲏⲛⲏⲡⲉ·ⲡϩⲟⲟⲩⲡⲧⲉⲗⲱⲛⲏⲥⲡⲉ·
ⲥⲁϥⲡⲣⲉϥϫⲓⲟⲩⲁⲡⲉ·ⲡϩⲟⲟⲩⲇⲉⲡⲣⲉϥⲥⲱⲧⲙⲡⲉ·
ⲥⲁϥⲡⲇⲓⲱⲕⲧⲏⲥⲡⲉ·ⲡϩⲟⲟⲩⲇⲉⲡⲙⲁⲓⲧⲟⲉⲛϩⲟⲩⲟⲡⲉ·
ⲁⲗⲗⲁⲙⲡⲉⲡⲣⲉϥϫⲓⲟⲩⲁϭⲱⲉϥⲟⲛⲣⲉϥϫⲓⲟⲩⲁ·ⲁⲗⲗⲁⲁϥϣⲱⲡⲉⲛⲁⲡⲟⲥⲧⲟⲗⲟⲥ·
ⲁⲩⲱⲙⲡⲉⲡⲣⲉϥⲧⲱⲣⲡϭⲱⲉϥⲟⲛϥⲟϭϥⲁⲗⲗⲁⲛⲧⲁϥⲣⲉⲩⲁⲅⲅⲉⲗⲓⲥⲧⲏⲥ·
ϯⲛⲁⲧⲁⲩⲉⲧϣⲟⲣⲡⲛⲕⲁⲕⲓⲁⲙⲛⲛⲥⲱⲥⲧⲉⲩⲁⲣⲉⲧⲏ·
ⲛⲧⲁⲛⲉⲧⲛⲥⲁϩⲡⲓⲣⲉⲁⲛⲉⲃⲟⲗϩⲙⲡⲛⲟⲃⲉⲛϣⲟⲣⲡ·ⲁⲗⲗⲁⲛⲧⲁⲩⲣⲟⲩⲟⲉⲓⲛϩⲛⲧⲇⲓⲕⲁⲓⲟⲥⲩⲛⲏⲉⲡϩⲁⲉ·
ⲛⲧⲉⲗⲱⲛⲏⲥⲅⲁⲣⲙⲛⲛⲣⲉϥϫⲓⲟⲩⲁⲛⲉⲛⲁⲛϫⲱϫⲙⲡⲕⲁϩ·
ⲟⲩϭⲉⲡⲉⲙⲁⲛⲧⲉⲗⲱⲛⲏⲥ·
ⲟⲩⲙⲁⲡⲉⲉⲩⲧⲱⲣⲡⲛϩⲏⲧϥⲛⲧⲙⲏⲧⲉⲙⲡⲉϩⲟⲟⲩ·
ⲕⲁⲧⲁⲡⲛⲟⲙⲟⲥⲙⲉⲛⲟⲩϫⲓⲛϭⲟⲛⲥⲉϥⲟⲩⲟⲛϩⲉⲃⲟⲗⲡⲉ·ⲟⲩϫⲓⲛϭⲟⲛⲥⲟⲛⲡⲉⲉⲩⲛⲧϥⲟⲩⲛⲟⲙⲟⲥⲙⲙⲁⲩ·
ⲡⲣⲉϥϣⲁϫⲉⲡⲉⲉϫⲛⲛⲥⲟⲟⲛⲉⲡⲉ·
ⲡⲗⲏⲥⲧⲏⲥⲉⲩϣⲁⲛϭⲟⲡϥⲉϥϫⲓⲟⲩⲉϣⲁϥϣⲓⲡⲉⲡⲁⲓϩⲱⲱϥⲡⲧⲉⲗⲱⲛⲏⲥϥⲡⲁⲣⲣⲏⲥⲓⲁⲍⲉⲙⲙⲟϥⲉϥⲧⲱⲣⲡ·
ⲁⲗⲗⲁϩⲛⲟⲩϣⲥⲛⲉⲁϥⲣⲁⲅⲅⲉⲗⲓⲥⲧⲏⲥ·ϩⲛⲟⲩⲏϩⲛⲁϣⲛⲥⲙⲟⲧ·
ⲛⲧⲁⲓⲏⲥⲟⲩⲥⲡⲁⲣⲁⲅⲉⲁϥⲛⲁⲩⲉⲣⲟϥⲉϥϩⲙⲟⲟⲥϩⲓⲡⲉϥⲧⲉⲗⲱⲛⲓⲟⲛ·ⲡⲉϫⲁϥⲛⲁϥϫⲉⲧⲱⲟⲩⲛⲛⲅⲟⲩⲁϩⲕⲛⲥⲱⲓ·
ⲱⲧϭⲟⲙⲙⲡⲗⲟⲅⲟⲥⲁⲥⲉⲓⲛϭⲓⲧⲟⲉⲓⲙⲁⲥϭⲉⲗϫⲡⲉⲭⲙⲁⲗⲱⲧⲟⲥⲁⲥϩⲟⲕϥⲙⲙⲁⲧⲟⲓ·
ⲁⲥⲉⲓⲛϭⲓⲧⲟⲉⲓⲙⲁⲥⲧⲣⲉⲡⲟⲟⲙⲉⲣⲛⲟⲩⲃ·ⲉϥϩⲙⲡϣⲓⲕⲛⲧⲕⲁⲕⲓⲁ·ⲁⲥϫⲓⲧϥϣⲁⲁⲧϩⲁⲯⲓⲥⲛⲧⲁⲣⲉⲧⲏ·
ⲙⲡⲣⲧⲣⲉⲗⲁⲁⲩ·ⲉⲓⲁⲧⲟⲟⲧϥⲛⲥⲁⲡⲉϥⲟⲩϫⲁⲓ·ⲙⲛⲧⲏⲛⲉϩⲃⲏⲩⲉⲅⲁⲣⲉⲧϩⲟⲟⲩⲫⲩⲥⲓⲥⲙⲙⲁⲩⲉⲛⲉϩ·
ⲛⲧⲁⲩⲧⲁⲙⲓⲟⲟⲛⲅⲁⲣϩⲛⲟⲩⲙⲛⲧⲣⲙϩⲉ·
ⲕⲁⲛⲛⲧⲕⲟⲩⲧⲉⲗⲱⲛⲏⲥⲟⲩⲛϣϭⲟⲙⲙⲙⲟⲕⲉⲣⲉⲩⲁⲅⲅⲉⲗⲓⲥⲧⲏⲥ·
ⲕⲁⲛⲛⲧⲕⲟⲩⲗⲏⲥⲧⲏⲥⲟⲩⲛϣϭⲟⲙⲙⲙⲟⲕⲉⲟⲩⲱϩϩⲙⲡⲁⲣⲁⲇⲓⲥⲟⲥ·
ⲕⲁⲛⲛⲧⲕⲟⲩⲙⲁⲅⲟⲥⲟⲩⲛϣϭⲟⲙⲙⲙⲟⲕⲉⲟⲩⲱϣⲧⲙⲡⲉⲕϫⲟⲉⲓⲥ·
ⲙⲛⲗⲁⲁⲩⲅⲁⲣⲛⲕⲁⲕⲓⲁⲉⲛⲧⲙⲉⲧⲁⲛⲟⲓⲁⲕⲱⲙⲙⲟϥⲉⲃⲟⲗⲁⲛ·
ⲉⲧⲃⲉⲡⲁⲓⲅⲁⲣⲛⲛⲟϭⲛⲣⲉϥⲣⲛⲟⲃⲉⲙⲡⲕⲁϩⲛⲉⲛⲧⲁⲡⲛⲟⲩⲧⲉⲥⲟⲧⲡⲟⲩϫⲉⲕⲁⲥⲉⲛⲉⲡⲣⲱⲙⲉⲉⲓⲁⲧⲟⲟⲧϥⲛⲥⲱϥⲙⲁⲩⲁⲁϥ·
ⲙⲡⲣϫⲟⲟⲥϫⲉⲁⲓⲣⲛⲟⲃⲉⲉϣⲁⲣⲉⲟⲩⲅⲁⲣϣⲱⲡⲉ·ⲟⲩⲛⲧⲕⲟⲩⲥⲁⲉⲓⲛⲙⲙⲁⲩⲉϣⲁϥⲣⲡⲁϩⲣⲉⲡⲣⲟⲥⲡⲉⲕⲟⲩⲱϣ·
ⲙⲏⲛⲧⲁϥⲧⲁⲙⲓⲟⲕⲉⲕϣⲟⲟⲡⲁⲛⲁϥⲧⲣⲉⲕϣⲱⲡⲉ·
ⲛⲧⲁϥⲧⲁⲙⲓⲟⲕⲁⲛⲛⲧϩⲉⲛϣⲟⲣⲡⲛⲧⲁϥϫⲓⲛⲟⲩⲕⲁϩⲁϥⲡⲗⲁⲥⲥⲉⲙⲙⲟϥⲙⲡⲣⲱⲙⲉ·
ⲁⲗⲗⲁⲛⲧⲁϥⲧⲣⲉⲡⲕⲁϩⲡⲱⲱⲛⲉⲁϥⲣⲥⲁⲣⲝⲛⲧϩⲉⲛⲙⲙⲟⲩⲧⲉⲙⲛⲛⲕⲉⲉⲥⲙⲛⲡϥⲱⲙⲛⲛⲃⲟⲩϩⲉⲙⲛⲛⲃⲁⲗ·ⲙⲛⲛⲛϩⲙⲛⲧⲙⲉⲥⲑⲏⲧⲙⲛⲛϭⲓϫⲙⲛⲛⲟⲩⲉⲣⲏⲧⲉⲙⲛⲡⲕⲉⲥⲉⲉⲡⲉⲧⲏⲣϥ·
ⲙⲏⲛⲁⲓⲧⲏⲣⲟⲩⲟⲩⲕⲁϩⲁⲛⲡⲉⲧⲉⲩⲟⲩⲥⲓⲁ·
ⲁⲥⲉⲓⲉϩⲟⲩⲛⲛϭⲓⲧⲧⲉⲭⲛⲏ·ⲁⲥⲧⲁⲙⲓⲟⲙⲡⲥⲱⲛⲧⲧⲏⲣϥⲛⲟⲩⲁⲧⲟⲛⲥⲙⲟⲧ·
ⲙⲡⲣϣⲓⲛⲉⲛⲥⲁⲡⲉⲥⲙⲟⲧ·ⲟⲩⲇⲉⲙⲡⲣⲡⲉⲣⲓⲉⲣⲅⲁⲍⲟⲙⲁⲓⲡⲉⲧϣⲟⲟⲡ·ⲁⲗⲗⲁⲉⲕⲉⲡⲓⲥⲧⲉⲩⲉⲇⲉⲛⲧⲟϥⲛϩⲟⲩⲟⲉⲧⲉϣⲡⲏⲣⲉ·
ⲙⲏⲕⲛⲁϣⲧⲁⲩⲉⲡⲉⲥⲙⲟⲧⲛⲧϩⲉⲉⲛⲧⲁⲩⲁⲁϥ·
ⲉϣϫⲉϣⲁⲣⲉⲡⲕⲱϩⲧⲉⲓⲉϫⲛⲛϣⲟⲛⲧⲉⲛϥⲟϫⲛⲟⲩ·
ⲡⲟⲥⲟⲙⲁⲗⲗⲟⲛⲛϣⲁϫⲉⲙⲡⲛⲟⲩⲧⲉϣⲁⲩⲧⲣⲉⲛⲛⲟⲃⲉⲟⲩⲃⲁϣⲛⲥⲉⲱϫⲛ·
ⲁⲗⲗⲁⲕⲁⲛⲉⲕϣⲁⲛϫⲟⲟⲥϫⲉⲁⲓⲣⲛⲟⲃⲉⲉⲙⲁⲧⲉ·
ⲛⲓⲙϭⲉⲡⲉⲡⲁⲧⲛⲟⲃⲉⲛⲉ·ϯϫⲱⲙⲙⲟⲟⲩⲛⲧⲟⲕϩⲱⲱⲕⲕϫⲱⲙⲙⲟⲟⲩ·ϫⲓⲛⲉⲕⲛⲟⲃⲉⲛϣⲟⲣⲡⲧⲁⲣⲉⲕⲧⲙⲁⲉⲓⲟ·
ⲉϣϫⲉⲁⲕⲣⲛⲟⲃⲉϭⲉⲡⲏⲧⲁϩⲟⲕⲉⲣⲁⲧⲕ·ϣⲱⲡⲉⲉⲕⲟⲕⲙ·ⲁⲩⲱⲙⲁⲣⲉⲡⲉⲕϩⲏⲧⲟⲩⲱⲙⲛⲥⲱⲕ·ⲡⲱϩⲧⲛⲛⲉⲕⲣⲙⲉⲓⲟⲟⲩⲉ·ϩⲱⲱⲕ·
ⲙⲏⲅⲁⲣⲛⲧⲁⲧⲉⲥϩⲓⲙⲉⲛⲣⲉϥⲣⲛⲟⲃⲉⲣⲕⲉⲥⲙⲟⲧⲛⲥⲁⲧⲣⲉⲥⲡⲱϩⲧⲛⲛⲉⲥⲣⲙⲉⲓⲟⲟⲩⲉⲁⲩⲱⲁⲥϫⲓⲛⲧⲙⲉⲧⲁⲛⲟⲓⲁ·
ⲓⲏⲥⲟⲩⲥϭⲉⲁϥⲉⲓⲉⲃⲟⲗϩⲛⲛⲧⲟϣⲛⲧⲩⲣⲟⲥⲙⲛⲥⲓⲇⲱⲛ·ⲁⲩⲱⲉⲓⲥⲟⲩⲥϩⲓⲙⲉⲁⲥϯⲙⲡⲉⲥⲛⲟⲩⲟⲓⲉⲣⲟϥ·
ⲡⲉⲩⲁⲅⲅⲉⲗⲓⲥⲧⲏⲥⲣϣⲡⲏⲣⲉ·
ⲉⲓⲥⲟⲩⲥϩⲓⲙⲉⲡⲉϫⲁϥⲡⲛⲟϭⲛϩⲟⲡⲗⲟⲛⲙⲡⲇⲓⲁⲃⲟⲗⲟⲥ·ⲧⲙⲁⲁⲩⲙⲡⲛⲟⲃⲉ·ⲧⲁⲣⲭⲏⲛⲧⲡⲁⲣⲁⲛⲟⲙⲓⲁ·ⲧⲉⲛⲧⲁⲥⲛⲟϫⲥⲉⲃⲟⲗϩⲙⲡⲡⲁⲣⲁⲇⲓⲥⲟⲥ·ⲧⲁⲓⲧⲉⲧⲉⲫⲩⲥⲓⲥⲧⲁⲓⲧⲉⲧⲉⲥϩⲓⲙⲉ·
ⲱⲛⲉⲓϩⲃⲏⲩⲉⲛⲃⲣⲣⲉⲁⲩⲱⲛϣⲡⲏⲣⲉ·
ⲛⲓⲟⲩⲇⲁⲓⲡⲏⲧⲉⲃⲟⲗⲧⲉⲥϩⲓⲙⲉⲡⲏⲧⲉϩⲟⲩⲛⲉⲥⲡⲁⲣⲁⲕⲁⲗⲉⲓⲙⲙⲟϥ·ⲉⲥϫⲱⲙⲙⲟⲥϫⲉⲡϣⲏⲣⲉⲛⲇⲁⲩⲉⲓⲇⲛⲁⲛⲁⲓ·
ϭⲱϣⲧⲉⲧⲉⲓⲥϩⲓⲙⲉⲛⲧⲁⲥⲣⲣⲉϥⲧⲁϣⲉⲟⲉⲓϣ·ⲛⲧϩⲉⲛⲧⲁⲥϩⲟⲙⲟⲗⲟⲅⲉⲓⲛⲧⲟⲓⲕⲟⲛⲟⲙⲓⲁⲙⲡⲛⲟⲩⲧⲉ·ⲡⲉϫⲁⲥϫⲉⲡϫⲟⲉⲓⲥ·ⲉⲧⲉⲧⲙⲛⲧⲛⲟⲩⲧⲉⲧⲉ·ⲡϣⲏⲣⲉⲛⲇⲁⲩⲉⲓⲇ·ⲉⲧⲉⲧⲉϥⲁⲛⲁⲗⲏⲯⲓⲥⲧⲉ·
ⲛⲁⲛⲁⲓϫⲉⲙⲛⲧⲁⲓϩⲱⲃⲉⲛⲁⲛⲟⲩϥⲙⲙⲁⲩⲉⲡⲁⲡⲉⲓⲕⲟⲥⲙⲟⲥⲡⲉ·
ϭⲱϣⲧⲉⲧⲉⲓⲯⲩⲭⲏⲙⲫⲓⲗⲟⲥⲟⲫⲟⲥⲉⲥϫⲱⲙⲙⲟⲥϫⲉⲛⲁⲛⲁⲓ·
ⲙⲛⲧⲁⲓⲡⲟⲗⲩⲧⲓⲁⲙⲙⲁⲩⲉⲛⲁⲛⲟⲩϥ·ⲉⲡⲁⲡⲉⲓⲃⲓⲟⲥⲡⲉ·
ⲛⲧⲁⲓϩⲱϣⲁⲓⲡⲱⲧⲉⲣⲁⲧϥⲙⲡⲛⲉⲩⲙⲁ·
ⲁⲣⲁⲕⲛⲁϫⲛⲟⲩⲓⲁⲛⲉⲛⲁⲛⲟⲃⲉ·
ϯⲡⲟⲩϫⲁⲓⲛⲁⲓⲙⲙⲁⲧⲉ·ϩⲟⲡⲟⲩⲡⲙⲁⲙⲡⲛⲉⲩⲙⲁⲙⲉⲩϫⲛⲟⲩⲟⲩⲉⲛⲟⲃⲉ·
ⲱⲧⲉⲥϩⲓⲙⲉⲛⲧⲁⲣⲉⲛⲁⲩⲉⲟⲩ·ⲛⲧⲉⲟⲩⲡⲁⲣⲁⲛⲟⲙⲟⲥⲁⲩⲱⲙⲡⲟⲣⲛⲏ·
ⲛⲧⲁⲣⲉⲧⲟⲗⲙⲁⲛⲁϣⲛϩⲉⲉϯⲙⲡⲟⲩⲟⲓⲉⲣⲟϥ:
ϭⲱϣⲧⲉⲧⲙⲛⲧⲥⲁⲃⲏⲛⲧⲉⲓⲥϩⲓⲙⲉ
ⲙⲡⲥⲡⲁⲣⲁⲕⲁⲗⲉⲓⲛⲁⲡⲟⲥⲧⲟⲗⲟⲥϫⲉϫⲓⲧⲛⲁϥⲉϩⲟⲩⲛ·
ⲙⲡⲥⲥⲟⲡⲥⲙⲡⲉⲧⲣⲟⲥ·ⲟⲩⲇⲉⲙⲡⲥⲣⲭⲣⲉⲓⲁⲛⲛⲕⲟⲟⲩⲉϯⲣⲭⲣⲉⲓⲁⲙⲉⲛⲛⲁⲩ·
ⲁⲗⲗⲁϯⲣⲭⲣⲉⲓⲁⲁⲛⲛⲣⲱⲙⲉⲉⲧⲣⲉϥⲉⲓⲉⲧⲁⲙⲏⲧⲉ
ⲉⲧⲃⲉⲟⲩ·ⲉⲃⲟⲗϫⲉⲁϥⲉⲓⲉⲡⲉⲥⲏⲧⲁϥϫⲓⲛⲟⲩⲥⲁⲣⲝⲧⲁⲣⲟⲩϣⲁϫⲉⲛⲙⲙⲁϥϩⲛⲧⲥⲁⲣⲝ·
ⲱⲧⲉⲓⲛⲟϭⲙⲙⲛⲧⲙⲁⲓⲣⲱⲙⲉⲛⲧⲉⲡⲛⲟⲩⲧⲉ·
ⲡⲉⲧⲉⲣⲉⲛⲉⲭⲉⲣⲟⲩⲃⲓⲛⲥⲧⲱⲧϩⲏⲧϥϩⲣⲁⲓϩⲛⲙⲡⲏⲩⲉϫⲉⲉⲣⲉⲟⲩⲥϩⲓⲙⲉⲛⲣⲉϥⲣⲛⲟⲃⲉⲛⲁⲁϩⲉⲣⲁⲧⲥⲛⲥϣⲁϫⲉⲛⲙⲙⲁϥϩⲓϫⲙⲡⲕⲁϩ·
ⲛⲁⲛⲁⲓⲡⲉϫⲁⲥⲉⲧⲃⲉⲡⲁⲓⲛⲧⲁⲕϫⲓⲥⲁⲣⲝ·ⲁⲩⲱⲛⲧⲁⲕⲕⲁⲣⲁⲧⲕⲉⲃⲟⲗⲁⲕⲉⲓⲉⲡⲕⲟⲥⲙⲟⲥⲉⲧⲃⲉⲟⲩⲣⲉϥⲣⲛⲟⲃⲉⲛⲧⲁⲙⲓⲛⲉ·
ⲥⲉⲥⲧⲱⲧϩⲏⲧϥϩⲛⲧⲡⲉ·ⲥⲉϣⲁϫⲉⲛⲙⲙⲁϥⲡⲁⲣⲣⲏⲥⲓⲁϩⲓϫⲙⲡⲕⲁϩ·
ⲛⲁⲛⲁⲓ·ⲟⲩⲡⲉⲧⲉⲣⲉⲟⲩⲟϣϥ·
ⲉⲓϣⲓⲛⲉⲛⲥⲁⲡⲛⲁ·
ⲉⲣⲟⲩⲉϣⲟⲩ·
ⲧⲁϣⲉⲉⲣⲉϩⲓⲧⲉⲉⲙⲁⲧⲉ·ⲡⲉⲓϩⲏⲃⲉⲛⲁϣⲧ·
ⲙⲁⲧⲟⲩϫⲉⲛⲁⲥⲁⲛϩⲟⲩⲛϫⲉⲥⲉⲣⲱⲕϩⲙⲙⲟⲓⲛⲁⲥⲡⲗⲁⲅⲭⲛⲟⲛϥⲓⲟⲩⲱϩ·ϣⲱⲡⲉⲣⲟⲓϩⲙⲡⲉⲓϩⲙⲟⲙ·
ⲉⲓⲛⲁⲣⲟⲩϯⲛⲁⲙⲟⲩ·
ⲉⲧⲃⲉⲟⲩⲙⲡⲥϫⲟⲟⲥϫⲉⲛⲁⲛⲧⲁϣⲉⲉⲣⲉ·
ⲁⲗⲗⲁⲛⲧⲁⲥϫⲟⲟⲥϫⲉⲛⲁⲛⲁⲓⲧⲁϣⲉⲉⲣⲉⲁⲓⲥⲑⲁⲛⲉⲁⲛⲉⲡⲉⲙⲕⲁϩⲙⲡϣⲱⲛⲉϫⲉⲥϩⲓⲧⲉ·
ⲡⲉⲓⲛⲟϭⲛϫⲃⲓⲛⲛϣⲱⲛⲉⲕⲱⲧⲉⲉⲣⲟⲥⲉⲧⲃⲉϫⲉⲛⲥⲁⲓⲥⲑⲁⲛⲉⲁⲛⲉⲣⲟⲥ·
ⲛⲁⲛⲁⲓϫⲉϯⲛⲁⲩⲉⲡⲉⲓⲑⲉⲁⲧⲣⲟⲛⲙⲙⲏⲏⲛⲉ·
ⲟⲩⲛⲟϭⲡⲉⲡⲁϩⲏⲃⲉ·
ⲉⲓⲛⲁⲙⲟⲩⲧⲉⲉⲣⲟⲥϫⲉⲛⲓⲙ·ⲧⲁⲙⲟⲩⲧⲉⲉⲣⲟⲥϫⲉⲕⲱⲱⲛⲥⲁⲗⲗⲁⲥⲕⲓⲙⲁⲩⲱⲥⲟⲛϩ·ⲁⲗⲗⲁⲥⲥⲟⲟⲩⲛⲁⲛϫⲉⲉⲥⲣⲟⲩ·
ⲁⲛⲟⲕⲅⲁⲣϯⲥⲟⲟⲩⲛⲁⲛⲙⲡⲣⲁⲛϫⲉⲉⲓⲉⲉⲓⲙⲉⲉⲧⲙⲓⲛⲉⲙⲡϣⲱⲛⲉ·ⲉⲛⲉⲛⲧⲁⲧⲁϣⲉⲉⲣⲉⲙⲟⲩ·
ⲡⲙⲟⲩⲅⲁⲣⲡⲁⲟⲩⲟⲛⲛⲓⲙⲡⲉ·
ⲉⲛⲉⲓⲛⲁⲛⲁⲩⲛⲁϣⲛϩⲉ·ⲉⲛⲃⲁⲗⲉⲛⲧⲁⲩⲥⲱⲧⲣϩⲁⲡⲉⲥⲧⲱⲧ·ⲙⲛⲛϭⲓϫⲛⲧⲁⲛⲉⲩⲕⲉⲉⲥⲃⲱⲗⲉⲃⲟⲗ·ⲙⲛⲡϥⲱⲉⲧⲡⲣⲉⲥⲣⲁⲥⲧϩⲁⲡϩⲓⲧⲉ·ⲙⲛⲧⲧⲁⲡⲣⲟⲉⲧⲧⲁⲩⲉϩⲃⲏⲏⲧⲉⲉⲃⲟⲗ·ⲉⲣⲉⲡⲉⲧⲙⲓϣⲉⲛⲙⲙⲁⲥⲗⲏϭϩⲓϩⲟⲩⲛⲙⲙⲟⲥⲉⲛϥⲟⲩⲟⲛϩⲉⲃⲟⲗⲁⲛ·
ⲛⲁⲛⲁⲓⲡⲁϩⲟⲉⲓⲙⲛⲁϣⲧ·
ⲧⲙⲓⲛⲉⲙⲡⲁϣⲱⲛⲉⲙⲙⲁⲩ·ⲁⲩⲱⲧϩⲟⲧⲉⲙⲡⲇⲁⲓⲙⲟⲛⲓⲟⲛ·ⲛⲁⲛⲁⲓ·
ⲁⲛⲁⲩⲉⲧⲙⲛⲧⲥⲁⲃⲏⲛⲧⲉⲓⲥϩⲓⲙⲉ·
ⲉⲧⲃⲉⲟⲩⲙⲡⲥⲃⲱⲕϣⲁⲁϩⲉⲛⲙⲁⲅⲟⲥ·ⲏϩⲉⲛⲉⲝⲟⲣⲅⲓⲥⲧⲏⲥ·ⲏϩⲉⲛⲥϩⲓⲙⲉⲛⲣⲉϥⲛⲕⲱⲱⲛⲥⲉϩⲟⲩⲛ·ⲏϩⲉⲛⲣⲉϥϣⲓⲛⲉⲛⲁⲓⲉϣⲁⲩⲧⲓⲙⲁⲛⲛⲇⲁⲓⲙⲟⲛⲓⲟⲛ·ⲁⲩⲱⲛⲥⲉⲧⲣⲉⲙⲡⲁⲑⲟⲥⲛⲛϣⲱⲛⲉⲁϣⲁⲓⲛⲥⲉⲧⲣⲉⲡⲥⲁϣⲣⲛⲟϭ·
ⲁⲗⲗⲁⲁⲥⲕⲁⲡⲉⲧⲕⲁⲥⲧⲏⲣⲓⲟⲛⲙⲡⲇⲓⲁⲃⲟⲗⲟⲥⲛⲥⲱⲥⲁⲥⲉⲓⲉⲣⲁⲧϥⲙⲡⲣⲉϥⲥⲱⲧⲉⲛⲛⲉⲯⲩⲭⲟⲟⲩⲉ·ⲛⲁⲛⲁⲓⲧⲁϣⲉⲉⲣⲉϩⲓⲧⲉⲉⲙⲁⲧⲉ·
ⲁⲕⲛⲁⲩⲉⲙⲛⲧϫⲱⲱⲣⲉϩⲓϩⲩⲡⲟⲙⲟⲛⲏ·
ⲙⲛⲧϩⲉⲛⲧⲁϯⲥϩⲓⲙⲉⲧⲱⲟⲩⲛⲛⲧⲟϥⲇⲉⲙⲡϥⲟⲩⲟϣⲃⲥⲛⲟⲩϣⲁϫⲉ·
ⲱⲛⲉⲓϩⲃⲏⲩⲉⲛⲕⲟⲓⲛⲟⲛ·
ⲥⲥⲟⲡⲥⲙⲙⲟϥⲥⲕⲱⲣϣⲥⲡⲁⲣⲁⲕⲁⲗⲉⲓ·ⲁⲩⲱⲙⲡϥⲟⲩⲟϣⲃⲉⲥⲛⲟⲩϣⲁϫⲉ·
ⲡϣⲱⲛⲉⲁⲩⲝⲁⲛⲉ·ⲡⲥⲁϩⲕⲱⲛⲣⲱϥ·
ⲧⲉⲡⲗⲏⲅⲏⲧⲏⲙⲁⲩⲱϣϣⲟⲧⲙⲡⲗⲟⲅⲟⲥⲕⲱⲛⲣⲱϥ·
ⲡⲥⲁⲉⲓⲛⲁⲙⲁϩⲧⲉⲛⲧⲟⲟⲧϥ·
ⲟⲩⲡⲉⲡⲓϩⲱⲃⲛⲃⲣⲣⲉⲁⲩⲱⲛϣⲡⲏⲣⲉ·
ⲕⲡⲏⲧⲛⲥⲁϩⲉⲛⲕⲟⲟⲩⲉ·ⲉⲕϫⲱⲙⲙⲟⲥϫⲉⲁⲙⲏⲉⲓⲛϣⲁⲁⲣⲟⲓⲧⲁⲧⲁⲗϭⲟⲧⲛ·
ⲧⲉⲧⲡⲏⲧϩⲱⲱⲥⲛⲥⲱⲕⲕⲡⲏⲧⲉⲃⲟⲗⲙⲙⲟⲥ·
ⲛⲁⲛⲁⲓⲙⲡⲟⲩⲧⲛⲛⲟⲟⲩⲧⲉⲗⲁⲁⲩⲉⲗⲁⲁⲩⲉⲙⲏⲧⲧⲉⲓⲉⲛⲉⲥⲟⲟⲩⲉⲛⲧⲁⲩⲥⲱⲣⲙⲛⲧⲉⲡⲏⲓⲙⲡⲓⲥⲣⲁⲏⲗ·
ⲁⲩϯⲙⲡⲉⲩⲛⲟⲩⲟⲓⲉⲣⲟϥⲛϭⲓⲛⲉϥⲙⲁⲑⲏⲧⲏⲥⲁⲩⲥⲉⲡⲥⲱⲡϥⲉⲩϫⲱⲙⲙⲟⲥϫⲉⲕⲱⲙⲙⲟⲥⲉⲃⲟⲗϫⲉⲥϫⲓϣⲕⲁⲕⲉⲃⲟⲗϩⲓⲡⲁϩⲟⲩⲙⲙⲟⲛ·
ⲕⲛⲁⲩϩⲱⲱⲕⲉⲡⲁϣⲕⲁⲕⲉⲧϩⲓⲃⲟⲗⲛⲁϣⲉⲡⲁϣⲕⲁⲕⲟⲛⲙⲡⲉⲥⲕⲉϩⲏⲧⲛⲁϩⲣⲁⲕ·
ⲁⲩⲱⲟⲛⲡⲉϫⲁⲩⲛⲁϥϩⲱⲥϫⲟⲉⲓⲥⲁⲩⲱⲙⲙⲁⲓⲣⲱⲙⲉϫⲉϯⲡⲟⲩϫⲁⲓⲛⲧⲉⲓⲥϩⲓⲙⲉ·
ⲟⲩⲡⲉϯⲛⲁⲧⲁⲁϥ·ⲙⲡⲟⲩⲧⲛⲛⲟⲟⲩⲧⲉⲗⲁⲁⲩⲉⲙⲏⲧⲧⲉⲓⲉⲛⲉⲥⲟⲟⲩⲉⲛⲧⲁⲩⲥⲱⲣⲙⲛⲧⲉⲡⲏⲓⲙⲡⲓⲥⲣⲁⲏⲗ·
ⲡⲁⲓⲣⲱⲡⲉⲡϩⲱⲃⲧⲏⲣϥ·
ⲉⲧⲃⲉⲡⲁⲓⲣⲱⲛⲧⲁⲕϫⲓⲥⲁⲣⲝϫⲉⲕⲁⲥⲉⲕⲛⲁⲛⲉϩⲙⲟⲩⲥϩⲓⲙⲉⲉⲥⲛⲁⲧⲁⲕⲟ·
ⲟⲩⲕⲟⲩⲛⲉⲕⲛⲁⲕⲁⲧⲟⲓⲕⲟⲩⲙⲉⲛⲏⲉⲥⲟⲛϫⲁⲓⲉ·ⲛⲉⲥⲕⲏⲑⲏⲥⲙⲛⲛⲁⲣⲁⲃⲟⲥⲙⲛⲛⲁⲓⲗⲁⲙⲓⲧⲏⲥⲙⲛⲧⲕⲩⲗⲓⲕⲓⲁⲙⲛⲧⲕⲁⲡⲡⲁⲇⲟⲕⲓⲁⲙⲛⲛⲥⲩⲣⲟⲥⲙⲛⲛⲣⲙⲧⲉⲫⲟⲓⲛⲓⲕⲏⲙⲛⲙⲁⲛⲓⲙⲉⲣⲉⲡⲣⲏⲉⲓⲱⲣϩⲙⲙⲟϥ·
ⲉⲓⲉⲛⲧⲁⲕⲉⲓⲉⲡⲉⲓⲙⲁⲙⲙⲁⲧⲉⲉⲧⲃⲉⲛⲓⲟⲩⲇⲁⲓ·
ⲛⲅⲕⲁⲛϩⲉⲑⲛⲟⲥϩⲱⲟⲩⲉⲩⲟⲛϫⲁⲓⲉ·
ⲉⲓⲉⲉⲕⲛⲁⲟⲃϣⲕⲉⲩϣⲱⲥⲙⲡⲉⲕⲉⲓⲱⲧⲁⲩⲱⲉⲩϣⲙϣⲉⲉⲓⲇⲱⲗⲟⲛ·
ⲛⲁϣⲛϩⲉⲇⲁⲩⲉⲓⲇϫⲱⲙⲙⲟⲥⲕⲁⲧⲁⲥⲁⲣⲝϫⲉⲁⲓⲧⲉⲓⲙⲙⲟⲓⲧⲁϯⲛⲁⲕⲛϩⲉⲛϩⲉⲑⲛⲟⲥⲉⲧⲉⲕⲕⲗⲏⲣⲟⲛⲟⲙⲓⲁⲁⲩⲱⲡⲉⲕⲁⲙⲁϩⲧⲉϣⲁⲁⲣⲏϫϥⲙⲡⲕⲁϩ·
ⲛⲧⲉⲓϩⲉⲟⲛⲏⲥⲁⲓⲁⲥ·ⲡⲉⲛⲧⲁϥⲛⲁⲩⲉⲛⲥⲉⲣⲁⲫⲓⲛ·ϥϫⲱⲙⲙⲟⲥϫⲉⲥⲛⲁϣⲱⲡⲉⲛϭⲓⲧⲛⲟⲩⲛⲉⲛⲓⲉⲥⲥⲁⲓⲁⲩⲱⲡⲉⲧⲛⲁⲧⲱⲟⲩⲛⲉⲁⲣⲭⲉⲓⲉⲛϩⲉⲑⲛⲟⲥ·ⲛϩⲉⲑⲛⲟⲥⲛⲁϩⲉⲗⲡⲓⲍⲉⲉⲣⲟϥ·
ⲁⲩⲱⲟⲛϫⲉⲉⲛⲉⲁⲣⲭⲱⲛⲱϫⲛⲉⲃⲟⲗϩⲛⲓⲟⲩⲇⲁ·ⲟⲩⲇⲉϩⲩⲕⲟⲩⲙⲉⲛⲟⲥⲉⲃⲟⲗϩⲛⲛⲉϥⲙⲏⲣⲟⲥϣⲁⲛⲧⲟⲩⲉⲓⲛϭⲓⲛⲉⲧⲕⲏⲛⲁϥⲉϩⲣⲁⲓ·ⲁⲩⲱⲛⲧⲟϥⲡⲉⲧⲉⲣⲉⲛϩⲉⲑⲛⲟⲥϭⲱϣⲧⲉⲃⲟⲗϩⲏⲧϥ·
ⲁⲩⲱⲟⲛϫⲉⲛϩⲉⲑⲛⲟⲥⲧⲏⲣⲟⲩϫⲁⲕⲛⲉⲧⲛϭⲓϫ·
ⲛⲧⲟⲕⲟⲛⲱⲡⲙⲁⲓⲯⲩⲭⲏⲛⲓⲙⲡⲉⲛⲧⲁⲕϫⲟⲟⲥⲛⲛⲉⲕⲙⲁⲑⲏⲧⲏⲥϫⲉⲃⲱⲕⲛⲧⲉⲧⲛⲃⲁⲡⲧⲓⲍⲉⲛⲛϩⲉⲑⲛⲟⲥⲧⲏⲣⲟⲩⲉⲡⲣⲁⲛⲙⲡⲉⲓⲱⲧⲙⲛⲡϣⲏⲣⲉⲙⲛⲡⲉⲡⲛⲉⲩⲙⲁⲉⲧⲟⲩⲁⲁⲃ·
ⲉⲡⲉⲓⲇⲏⲧⲉⲓⲥϩⲓⲙⲉⲟⲩⲭⲁⲛⲁⲛⲁⲓⲁⲧⲉⲁⲥϭⲙⲡⲧⲥⲧⲏⲩⲉⲧⲛⲁⲛⲟⲩϥ·
ⲁⲥⲉⲓⲉⲃⲟⲗϩⲙⲡⲙⲁⲙⲡⲗⲓⲃⲉⲙⲛⲡⲡⲱϣⲥⲡⲙⲁⲉⲩϣⲙϣⲉⲉⲓⲇⲱⲗⲟⲛⲛϩⲏⲧϥ·
ⲁⲥⲉⲓⲛϭⲓⲧⲉⲓⲉⲃⲓⲏⲛⲉⲥⲥⲟⲡⲥϩⲁⲡϩⲱⲃⲉⲛⲧⲁϥⲧⲁϩⲉⲧⲉⲥϣⲉⲉⲣⲉ·ⲁⲩⲱⲡⲉϫⲁⲕϫⲉⲙⲡⲟⲩⲧⲛⲛⲟⲟⲩⲧⲉⲗⲁⲁⲩⲉⲙⲏⲧⲧⲉⲓⲉⲛⲉⲥⲟⲟⲩⲉⲛⲧⲁⲩⲥⲱⲣⲙⲛⲧⲉⲡⲏⲓⲙⲡⲓⲥⲣⲁⲏⲗ·
ⲙⲡⲛⲁⲩⲛⲧⲟϥⲛⲧⲁⲡϩⲉⲕⲁⲧⲟⲛⲧⲁⲣⲭⲟⲥⲉⲓⲛⲁⲕⲡⲉϫⲁⲕϫⲉϯⲛⲏⲩⲧⲁⲣⲡⲁϩⲣⲉⲉⲣⲟϥ·
ⲁⲩⲱⲟⲛⲙⲡⲛⲁⲩⲙⲡⲗⲏⲥⲧⲏⲥⲡⲉϫⲁⲕⲛⲁϥϫⲉⲙⲡϩⲟⲟⲩⲕⲛⲁϣⲱⲡⲉⲛⲙⲙⲁⲓϩⲙⲡⲁⲡⲁⲣⲁⲇⲓⲥⲟⲥ·
ⲁⲩⲱⲟⲛⲡⲣⲱⲙⲉⲉⲧⲥⲏϭⲉⲛⲧⲁⲕⲧⲣⲉϥϥⲓⲙⲡⲉϥϭⲗⲟϭⲁϥⲙⲟⲟϣⲉ·
ⲁⲩⲱⲟⲛⲗⲁⲍⲁⲣⲟⲥⲛⲧⲁⲕⲙⲟⲩⲧⲉⲉⲣⲟϥⲉⲡⲉϥⲙⲉϩϥⲧⲟⲟⲩⲛϩⲟⲟⲩⲡⲉ·ⲉϥϩⲙⲡⲧⲁⲫⲟⲥ·
ⲛⲉⲧⲙⲟⲟⲩⲧⲕⲧⲟⲩⲛⲟⲥⲙⲙⲟⲟⲩ·ⲛⲉⲧⲃⲏⲗⲉⲃⲟⲗⲕϩⲱⲕⲙⲙⲟⲟⲩ·
ⲙⲡⲟⲣⲛⲏⲕⲉⲓⲣⲉⲙⲙⲟⲟⲩⲛϩⲁⲕⲛϩⲟⲩⲉⲉⲙⲡⲁⲣⲑⲉⲛⲟⲥ·
ϫⲉⲟⲩⲛⲧⲟⲥⲧⲉϯⲉⲃⲓⲏⲛⲛⲭⲁⲛⲁⲛⲁⲓⲁⲙⲡⲕⲟⲩⲱϣⲃⲛⲁⲥ·
ⲡⲉϫⲁϥϫⲉⲛⲁϥⲓⲡⲟⲉⲓⲕⲛⲛϣⲏⲣⲉⲉⲛⲟⲩϫⲉⲙⲙⲟϥⲛⲛⲉⲟⲩϩⲟⲟⲣ·
ⲱⲧⲙⲛⲧϥⲁⲓⲣⲟⲟⲩϣⲙⲡⲉⲓⲥⲁⲉⲓⲛ·ϥⲥⲟⲟⲩⲛⲙⲙⲟⲥⲉⲥⲧⲥⲧⲏⲩⲉⲃⲟⲗ·
ⲛⲓϣⲁϫⲉⲇⲉⲧⲏⲣⲟⲩⲉⲩϣⲟⲟⲡⲉⲩϣⲓⲡⲉⲛⲛⲓⲟⲩⲇⲁⲓϫⲉⲥⲉⲙⲟⲩⲧⲉⲉⲣⲟⲟⲩϫⲉϣⲏⲣⲉ
ⲁⲩϫⲓⲛⲧⲉⲫⲩⲥⲓⲥⲛⲛⲉⲟⲩϩⲟⲟⲣ·
ⲛⲧϩⲉⲉⲛⲧⲁⲡⲁⲩⲗⲟⲥϫⲟⲟⲥϫⲉϯϩⲧⲏⲧⲛⲉⲛⲉⲟⲩϩⲟⲟⲣ·
ϯϩⲧⲏⲧⲛⲉⲛⲉⲓⲉⲣⲅⲁⲧⲏⲥⲉⲧϩⲟⲟⲩ·ϯϩⲧⲏⲧⲛⲉⲡⲥⲃⲃⲉ·
ⲁⲩⲱⲟⲛⲡⲉϫⲁⲥϫⲉⲛⲁⲛⲁⲓ·
ⲛⲧⲟϥⲇⲉⲡⲉϫⲁϥϫⲉⲛⲁⲛⲟⲩϥⲓⲡⲟⲉⲓⲕⲁⲛⲛⲛϣⲏⲣⲉⲉⲛⲟϫϥⲛⲛⲉⲟⲩϩⲟⲟⲣ·
ⲥⲉⲡϫⲟⲉⲓⲥⲕⲙⲟⲩⲧⲉⲉⲣⲟⲓϫⲉⲟⲩϩⲟⲣϯϩⲟⲙⲟⲗⲟⲅⲉⲓⲕⲉⲓⲣⲉⲙⲙⲟⲓϩⲱⲥⲟⲩϩⲟⲣ·
ⲡϫⲟⲉⲓⲥⲙⲁⲛⲁⲓϩⲱⲥⲟⲩϩⲟⲣϯⲡⲁⲣⲉⲧⲉⲓⲁⲛⲙⲡⲛⲟϭⲛⲉϭ·
ⲙⲁⲛⲁⲓϩⲱⲱⲕⲛⲛⲉⲧⲉⲛⲟⲩⲕⲛⲉ·
ⲕⲙⲟⲩⲧⲉⲉⲣⲟⲓϫⲉⲟⲩϩⲟⲣⲙⲁⲛⲁⲓⲛⲛⲉⲥⲣⲉϥⲣⲉϥ·
ⲕⲁⲓⲅⲁⲣⲛⲉⲟⲩϩⲟⲟⲣϣⲁⲩⲟⲩⲱⲙⲉⲃⲟⲗϩⲛⲛⲉⲥⲣⲟϥⲣⲉϥⲉⲧϩⲏⲩⲉⲃⲟⲗϩⲛⲧⲉⲧⲣⲁⲡⲉⲍⲁⲛⲛⲉⲩϫⲓⲥⲟⲟⲩⲉ·
ⲛⲧⲁϥϫⲟⲟⲥⲛⲁⲥϫⲉⲟⲩⲛϭⲓⲡⲉⲧⲡⲁⲣⲉⲧⲉⲓϣⲁⲁⲧⲉⲛⲟⲩ·ⲡⲉⲧⲇⲓⲱⲕⲉⲁⲩⲱⲉⲧⲛⲟⲩϫⲉⲉⲃⲟⲗ·
ϫⲉⲱⲧⲉⲥϩⲓⲙⲉⲁⲣϫⲓⲡⲧⲟⲩⲉⲓⲟⲛⲧⲉⲩⲛⲟⲩ·
ⲡⲛⲟⲩⲧⲉϫⲱⲙⲙⲟⲥϫⲉⲱⲧⲉⲥϩⲓⲙⲉ·ⲙⲁⲣⲟⲩⲥⲱⲧⲙⲛϭⲓⲛⲉⲧϣⲗⲏⲗ·ⲙⲡⲛⲁⲩⲉϯⲛⲁϫⲟⲟⲥϫⲉⲡⲁⲣⲁⲕⲁⲗⲉⲓⲙⲡⲛⲟⲩⲧⲉⲁⲩⲱⲛⲥⲉⲡⲥⲱⲡϥ·
ⲛⲅϫⲟⲟⲥϩⲱⲱⲕϫⲉⲁⲓⲡⲁⲣⲁⲕⲁⲗⲉⲓⲙⲙⲟϥⲛⲟⲩⲥⲟⲡⲁⲩⲱⲁⲓϣⲗⲏⲗⲛⲥⲟⲡⲥⲛⲁⲩⲁⲩⲱϣⲟⲙⲛⲧⲛⲥⲟⲡ·ⲁⲩⲱⲙⲏⲧⲁⲩⲱϫⲟⲩⲱⲧⲛⲥⲟⲡⲁⲓⲕⲉⲗϫⲡⲁⲧ·
ⲁⲕⲕⲉⲗϫⲡⲁⲧⲙⲉⲛⲁⲩⲱⲧⲉⲕⲧⲁⲡⲣⲟϣⲁϫⲉ·ⲁⲗⲗⲁⲡⲉⲕϩⲏⲧϥⲓⲱⲡⲉⲛⲉⲙⲏⲏⲥⲉ·ⲕⲙⲉⲉⲩⲉⲉⲃⲟⲗⲉⲛⲉⲕϣⲃⲉⲉⲣⲙⲛⲛⲉⲕⲟⲩⲥⲓⲁ·
ⲧⲉⲕⲯⲩⲭⲏⲁϩⲉⲣⲁⲧⲥϩⲓⲣⲙⲡⲣⲟ·ⲙⲡⲣⲥⲁϩⲱⲕⲉⲃⲟⲗϣⲁⲛⲧⲕϫⲓⲙⲡⲉⲕⲁⲓⲧⲏⲙⲁ·
ϣⲁⲥϣⲱⲡⲉⲅⲁⲣⲛϩⲟⲓⲛⲉⲉⲩϣⲁⲛⲃⲱⲕⲉⲧⲉⲕⲕⲗⲏⲥⲓⲁⲛⲥⲉⲧⲁⲩⲉϩⲉⲛⲧⲃⲁⲛⲥϯⲭⲟⲥⲛϣⲁϫⲉ·ⲡⲛⲟⲩⲧⲉⲅⲁⲣⲣⲭⲣⲉⲓⲁⲁⲛⲛϩⲁϩⲛϣⲁϫⲉ·ⲉϥⲣⲭⲣⲉⲓⲁⲙⲙⲁⲧⲉⲙⲡⲉⲕϣⲗⲏⲗ·ⲉⲧⲣⲉⲕⲧⲛⲧⲱⲛⲅⲉⲧⲉⲓⲭⲁⲛⲁⲛⲁⲓⲁ
ϣⲗⲏⲗϩⲙⲡⲙⲁⲉⲧⲕⲛϩⲏⲧϥ·
ⲕⲁⲛⲉⲕϩⲛⲧⲥⲓⲟⲟⲩⲛⲉⲏⲉⲕϩⲙⲡϩⲓⲣϣⲗⲏⲗ·
ⲕⲁⲛⲉⲩϣⲁⲛⲡⲁⲣϩⲓⲥⲧⲁⲙⲙⲟⲕⲛⲟⲩⲇⲓⲕⲁⲥⲧⲏⲥϣⲗⲏⲗ·
ⲁⲡⲇⲓⲕⲁⲥⲧⲏⲥⲧⲛⲛⲟⲟⲩⲛⲥⲱⲕⲙⲁⲣⲉⲡⲉⲕϣⲗⲏⲗⲃⲱⲕϩⲁⲧⲉⲕϩⲏϣⲁⲁⲡⲛⲟⲩⲧⲉ·ⲉϥϣⲓⲛⲉⲁⲛⲛⲥⲁⲙⲁ·ⲁⲗⲗⲁⲉⲣⲉⲡⲛⲟⲩⲧⲉϣⲓⲛⲉⲛⲥⲁⲟⲩⲥⲙⲟⲧⲉⲛⲁⲛⲟⲩϥ·
ⲓⲉⲣⲏⲙⲓⲁⲥⲉϥϩⲙⲡϣⲏⲓⲙⲡⲗⲟⲓϩⲉⲁϥϭⲙⲡⲛⲟⲩⲧⲉⲙⲙⲁⲩⲁϥϣⲗⲏⲗⲉϩⲣⲁⲓⲉⲣⲟϥ·
ⲇⲁⲛⲓⲏⲗⲉϥϩⲙⲡϣⲏⲓⲛⲙⲙⲟⲩⲓⲁⲡⲛⲟⲩⲧⲉⲃⲟⲏⲑⲉⲓⲉⲣⲟϥ·
ⲡϣⲟⲙⲛⲧⲛϩⲁⲅⲓⲟⲥⲉⲩϩⲛⲧⲉϩⲣⲱⲁⲩϩⲉⲉⲡⲛⲟⲩⲧⲉⲁⲩⲥⲉⲡⲥⲱⲡϥ·
ⲓⲱⲃⲉϥϩⲛⲧⲕⲟⲡⲣⲓⲁϩⲛⲧⲙⲏⲏⲧⲉⲛⲛϥⲛⲧⲁϥϩⲉⲉⲡⲛⲟⲩⲧⲉⲁϥⲉⲡⲓⲕⲁⲗⲉⲓⲙⲙⲟϥ·
ⲛⲧⲟⲕϩⲱⲱⲕⲟⲛⲉⲕϣⲁⲛⲉⲡⲓⲕⲁⲗⲉⲓⲙⲙⲟϥϥⲛⲁⲥⲱⲧⲙⲉⲣⲟⲕϩⲙⲡⲉⲕϣⲗⲏⲗ·
ⲧⲛⲧⲱⲛⲅⲉⲧⲉⲓⲭⲁⲛⲁⲛⲁⲓⲁ·
ⲉⲕϣⲁⲛⲃⲱⲕⲅⲁⲣⲉϩⲟⲩⲛⲉⲧⲉⲕⲕⲗⲏⲥⲓⲁⲛⲙⲡⲉⲣⲥⲟⲥⲙⲛⲛⲕⲟⲩⲑⲟⲥ·ⲙⲛⲛϩⲛⲧⲟⲩⲙⲛⲙⲙⲁⲩⲣⲟⲥ·ⲕⲛⲁⲥⲱⲧⲙⲉⲡⲉⲭⲣⲓⲥⲧⲟⲥⲉϥϫⲓϣⲕⲁⲕⲉⲃⲟⲗϫⲉⲱⲧⲉⲥϩⲓⲙⲉⲟⲩⲛⲟϭⲧⲉⲧⲟⲩⲡⲓⲥⲧⲓⲥ·
ⲁⲩⲱⲉⲓⲥⲟⲩⲙⲏⲏϣⲉⲛⲟⲩⲟⲉⲓϣϫⲓⲛⲛⲧⲁⲥⲥⲙⲟⲩⲁⲩⲱⲡⲧⲁⲉⲓⲟⲙⲡⲉⲥⲣⲡⲙⲉⲉⲩⲉⲙⲏⲛⲉⲃⲟⲗⲉϥⲡⲣⲉⲓⲱⲟⲩ·
ⲕⲁⲛⲉϣϫⲉⲙⲛⲧⲉⲕϣⲉⲉⲣⲉⲙⲙⲁⲩⲉϥⲟⲛⲇⲁⲓⲙⲟⲛⲓⲟⲛ·ⲁⲗⲗⲁⲟⲩⲛⲧⲁⲕⲙⲙⲁⲩⲛⲧⲉⲕⲯⲩⲭⲏⲉⲥⲣⲛⲟⲃⲉ·
ⲡⲉⲧⲟⲛⲇⲁⲓⲙⲟⲛⲓⲟⲛϣⲁϥⲛⲁⲛⲁϥ·ⲡⲉⲧⲣⲛⲟⲃⲉϩⲱⲱϥϣⲁϥⲙⲉⲥⲧⲱϥ·
ⲡⲉⲧⲟⲛⲇⲁⲓⲙⲟⲛⲓⲟⲛⲙⲉⲩϥⲓⲱⲡⲛⲙⲙⲁϥ·ⲡⲉⲧⲣⲛⲟⲃⲉϩⲱⲱϥⲙⲛⲧⲁϥⲁⲡⲟⲗⲟⲅⲓⲁⲙⲙⲁⲩ·
ⲛⲧⲁⲧⲉⲭⲁⲛⲁⲛⲁⲓⲁ·ⲛⲉϫⲡⲇⲁⲓⲙⲟⲛⲓⲟⲛⲉⲃⲟⲗⲛⲁϣⲛⲛⲁⲩ·
ⲙⲡⲛⲁⲩⲛⲧⲁⲡⲉⲭⲣⲓⲥⲧⲟⲥϫⲟⲟⲥⲛⲁⲥϫⲉⲱⲧⲉⲥϩⲓⲙⲉⲟⲩⲛⲟϭⲧⲉⲧⲟⲩⲡⲓⲥⲧⲓⲥ·
ⲡϣⲏⲣⲉⲙⲡⲛⲟⲩⲧⲉⲛⲉϥⲛⲉϫⲇⲁⲓⲙⲟⲛⲓⲟⲛⲉⲃⲟⲗ·ⲙⲏⲅⲁⲣⲟⲩⲣⲱⲙⲉⲧⲁⲣⲉϥⲃⲱⲕⲉⲡⲙⲁⲉⲧϥⲛϩⲏⲧϥ·ⲁⲗⲗⲁⲟⲩⲛⲟⲩⲧⲉⲡⲉⲉϥⲙⲟⲩϩⲙⲙⲁⲛⲓⲙ·
ⲉϥϣⲁⲛⲟⲩⲉϣⲃⲱⲕϣⲁⲟⲩⲁⲣⲭⲱⲛⲛⲟⲩⲥⲟⲡ·
ⲙⲁⲣⲉⲡⲉⲧϩⲁⲣⲁⲧϥⲟⲩⲟϣⲃⲉⲕ·
ⲏⲙⲙⲟⲛϣⲁϥϫⲟⲟⲥⲛⲁⲕϫⲉϥⲥⲣⲟϥⲧⲁⲛ·ⲏϫⲉⲉϥⲛⲕⲟⲧⲕ·
ⲡⲛⲟⲩⲧⲉⲇⲉⲧⲉϥϩⲉⲁⲛⲧⲉⲧⲁⲓ·ⲙⲡⲛⲁⲩⲉⲧⲕⲛⲁⲙⲟⲩⲧⲉⲟⲩⲃⲏϥϥⲛⲁⲥⲱⲧⲙⲉⲣⲟⲕ·ⲛⲛⲁⲩⲛⲓⲙ·
ⲙⲛⲙⲛⲟⲩⲧⲕⲱⲗⲩⲙⲙⲟⲕ·ⲟⲩⲇⲉⲟⲓⲕⲟⲛⲟⲙⲟⲥ·
ⲁϫⲓⲥϩⲱⲱⲕϫⲉⲛⲁⲛⲁⲓⲛⲧϩⲉⲛⲧⲉⲓⲭⲁⲛⲁⲛⲁⲓⲁⲁⲩⲱϥⲛⲁⲉⲓⲛⲁⲕⲛⲧⲉⲩⲛⲟⲩ·
ϭⲱϣⲧⲉⲧⲉⲓⲗⲉⲝⲓⲥⲉⲥⲟⲩⲱⲛϩⲉⲃⲟⲗⲙⲡϣⲏⲣⲉⲙⲡⲛⲟⲩⲧⲉⲛⲧϩⲉⲙⲡⲉϥⲉⲓⲱⲧⲉϥⲧⲟⲛⲧⲛⲙⲙⲟϥⲉⲣⲟϥ·
ⲙⲡⲛⲁⲩϭⲉⲛⲧⲁⲡⲛⲟⲩⲧⲉⲧⲁⲙⲉⲓⲉⲧⲡⲉⲡⲉϫⲁϥϫⲉⲙⲁⲣⲉⲟⲩⲡⲉϣⲱⲡⲉⲁⲩⲱⲁⲥϣⲱⲡⲉ·
ⲁⲩⲱⲙⲁⲣⲉⲟⲩⲕⲁϩϣⲱⲡⲉⲁϥϣⲱⲡⲉ·
ⲙⲁⲣⲉⲡⲟⲩⲁⲏⲣϣⲱⲡⲉⲁϥϣⲱⲡⲉ·
ⲙⲁⲣⲉⲡⲣⲏⲙⲛⲡⲟⲟϩϣⲱⲡⲉⲁⲩⲱⲁⲩϣⲱⲡⲉ·
ⲱⲧⲙⲛⲧⲁⲅⲁⲑⲟⲥⲙⲡⲛⲟⲩⲧⲉⲉϥⲧⲁⲙⲟⲙⲙⲟⲛⲉⲡϣⲏⲣⲉⲉⲧϣⲏϣⲙⲛⲡⲉⲓⲱⲧⲛⲁⲅⲁⲑⲟⲥϩⲛϩⲱⲃⲛⲓⲙ·ϩⲛⲧⲙⲛⲧⲛⲟⲩⲧⲉ·
ⲁⲡⲉⲓⲱⲧϫⲟⲟⲥϩⲛⲧⲡⲁⲗⲁⲓⲁϫⲉⲙⲁⲣⲟⲩϣⲱⲡⲉⲁⲩⲱϣⲱⲡⲉ·
ⲁⲡϣⲏⲣⲉϩⲱⲱϥϫⲟⲟⲥϫⲉⲙⲁⲣⲉⲥϣⲱⲡⲉⲛⲉⲛⲧϩⲉⲉⲧⲉⲟⲩⲟϣⲥⲁⲩⲱⲁⲥϣⲱⲡⲉ·ⲁⲧⲉⲥϣⲉⲉⲣⲉⲗⲟϫⲓⲛⲛⲧⲉⲩⲛⲟⲩⲉⲧⲙⲙⲁⲩ·
ⲟⲩϭⲉⲡⲉⲁⲧⲉⲭⲁⲛⲁⲛⲁⲓⲁⲛⲉϫⲡⲇⲁⲓⲙⲟⲛⲓⲟⲛⲉⲃⲟⲗϩⲛⲧⲉⲥϣⲉⲉⲣⲉ·ⲁⲩⲱⲁⲥⲛⲉϫⲡⲱⲥϩⲱⲱⲥⲉⲃⲟⲗ·ⲕⲁⲧⲁⲡⲟⲩⲉϩⲥⲁϩⲛⲉⲙⲡⲥⲱⲧⲏⲣⲛⲛⲉⲯⲩⲭⲟⲟⲩⲉ·
ϩⲙⲡⲛⲁⲙⲛⲧⲙⲛⲧϣⲁⲛϩⲧⲏϥⲙⲡⲉⲛⲛⲟⲩⲧⲉⲙⲛⲧⲉϥⲭⲁⲣⲓⲥⲉⲣⲉⲛⲟⲩⲛϩⲱⲱⲛⲧⲁⲗⲥⲟ·
ⲉϫⲛⲛⲁⲓⲇⲉⲧⲏⲣⲟⲩⲙⲁⲣⲛϣⲡϩⲙⲟⲧⲛⲧⲉⲛⲡⲛⲟⲩⲧⲉⲡⲉⲓⲱⲧⲙⲛⲡϣⲏⲣⲉⲡⲉⲭⲣⲓⲥⲧⲟⲥⲓⲏⲥⲟⲩⲥⲡⲁⲓⲛⲧⲁϥⲧⲥⲁⲃⲟⲛϩⲓⲧⲙⲡⲉϥⲡⲛⲉⲩⲙⲁⲉⲧⲟⲩⲁⲁⲃϫⲉⲁⲛⲟⲕϯϩⲙⲡⲁⲉⲓⲱⲧⲁⲩⲱⲡⲁⲉⲓⲱⲧⲛϩⲏⲧ·ⲡⲁⲓⲉⲧⲉⲡⲱϥⲡⲉⲡⲉⲟⲟⲩϣⲁⲉⲛⲉⲓⲉⲛⲉϩϩⲁⲙⲏⲛ·◈—◈—◈—◈—◈—◈—◈ⲉⲩⲥⲉⲃⲓⲟⲥⲉⲡⲓⲥⲕⲟⲡⲟⲩ·◈—◈—◈—◈—◈—◈—◈

ANNIS Metadata

annotation: Lance Martin, Amir Zeldes
attributed_author: Eusebius of Caesarea, John Chrysostom
author: Pseudo-Chrysostom
collection: Oriental Manuscripts
Coptic_edition: Budge, 1910
corpus: pseudo.chrysostom
country: Egypt
document_cts_urn: urn:cts:copticLit:pschrysostom.canaanite.budge:1-51
entities: automatic
Greek_source: Migne, Patrologiae, Ser. Graec, tom, lii, coll. 449-460.
identities: checked
idno: Or. 5001 ff. 162b-175a
language: Sahidic Coptic
license: CC-BY 4.0 -
msItem_title: On the Canaanite Woman
msName: CMCL.AW
note: Coptic SCRIPTORIUM's edition includes only Budge's transcription of the manuscript. It is not a diplomatic transcription based on reading and collation of the original manuscript. The translation is Budge's with very slight modifications (e.g., corrected mistranslated numbers.) As Budge notes, the text is identical to a Greek text attributed to John Chrysostom (Migne, Patrologiae, Ser. Graec, torn, lii, coll. 449-460) and was not composed by Eusebius.
objectType: codex
origDate: 0651
origDate_notAfter: 0601
origDate_notBefore: 0700
origDate_precision: medium
pages_from: 117
pages_to: 141
parsing: automatic
paths_authors: 53
paths_manuscripts: 22
paths_works: 147
people: Daniel (biblical figure); David; Eusebius; Isaiah; Jeremiah; Jesse; Jesus; Jews; Job (biblical figure); Lazarus of Bethany; Paul the Apostle; Saint Peter; Seraph
placeName: Upper Egypt
places: Canaan; Cappadocia; Duat; Judea; Kayseri; Tyre, Lebanon
project: Coptic SCRIPTORIUM, Marcion
redundant: no
repository: British Library
segmentation: checked
source: Marcion project, Archive.org
tagging: automatic
title: On the Canaanite Woman
translation: E. A. Wallis Budge
Trismegistos: 107789
version_date: 2022-09-26
version_n: 4.4.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:pschrysostom.canaanite.budge:1-51. [version number], [date]. https://data.copticscriptorium.org/urn:cts:copticLit:pschrysostom.canaanite.budge:1-51.

Subsequent citations:

Author, Ancient title (abbreviated) [chapter.verse if available], urn:cts:copticLit:pschrysostom.canaanite.budge:1-51.

Document Edition: urn:cts:copticLit:pschrysostom.canaanite.budge:1-51

Work: urn:cts:copticLit:pschrysostom.canaanite

Text Group: urn:cts:copticLit:pschrysostom

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:pschrysostom.canaanite.budge:1-51/norm/html

Analytic Visualization HTML: https://data.copticscriptorium.org/urn:cts:copticLit:pschrysostom.canaanite.budge:1-51/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:pschrysostom.canaanite.budge:1-51/tei/xml

Paula XML: https://data.copticscriptorium.org/urn:cts:copticLit:pschrysostom.canaanite.budge:1-51/paula/xml

relANNIS: https://data.copticscriptorium.org/urn:cts:copticLit:pschrysostom.canaanite.budge:1-51/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:pschrysostom.canaanite.budge:1-51/annis