Life of Apa Phib part 1
normalized analytic TEI ANNIS PAULA Search ANNIS
Next

Normalized Text

ⲡⲃⲓⲟⲥⲙⲡⲉⲛⲡⲉⲧⲟⲩⲁⲁⲃⲛⲉⲓⲱⲧⲁⲡⲁⲫⲓϥⲡⲁⲛⲁⲭⲱⲣⲏⲧⲏⲥⲉⲧⲟⲩⲁⲁⲃⲉⲁϥϩⲓⲥⲧⲱⲣⲓⲍⲉⲙⲙⲟϥⲛϭⲓⲡⲁⲡⲟϩⲉⲡⲙⲁⲑⲏⲧⲏⲥⲛⲁⲡⲁⲁⲡⲟⲗⲗⲱⲡⲧⲉⲗⲉⲓⲟⲥⲉⲧⲥⲙⲁⲙⲁⲁⲧ·ⲛⲧⲁϥⲙⲧⲟⲛⲇⲉⲙⲙⲟϥⲛϭⲓⲡⲙⲁⲕⲁⲣⲓⲟⲥⲁⲡⲁⲫⲓϥϩⲛⲥⲟⲩϫⲟⲩⲧⲏⲙⲡⲉⲃⲟⲧⲡⲁⲟⲡⲉϩⲛⲟⲩⲉⲓⲣⲏⲛⲏⲛⲧⲉⲡⲛⲟⲩⲧⲉ·ⲉⲣⲉⲛⲉϥⲥⲙⲟⲩⲛⲁϣⲱⲡⲉⲛⲙⲙⲁⲛϩⲁⲙⲏⲛ·

ⲁⲗⲏⲑⲱⲥⲟⲩⲙⲉⲡⲉⲡϣⲁϫⲉⲙⲡϩⲩⲙⲛⲟⲇⲟⲥⲉⲧⲟⲩⲁⲁⲃⲇⲁⲩⲉⲓⲇⲉϥⲱϣⲉⲃⲟⲗⲉϥϫⲱⲙⲙⲟⲥϫⲉ·ⲡⲇⲓⲕⲁⲓⲟⲥⲛⲁϣⲱⲡⲉⲛⲣⲡⲙⲉⲉⲩⲉϣⲁⲉⲛⲉϩ·ⲁⲩⲱⲟⲛϫⲉ·ⲡⲇⲓⲕⲁⲓⲟⲥⲛⲁϫⲓⲥⲉⲛⲧϩⲉⲛⲟⲩⲃⲛⲛⲉⲛϥⲟⲩⲱⲥϣⲉⲃⲟⲗⲛⲧϩⲉⲛⲧⲕⲉⲇⲣⲟⲥⲉⲧϩⲙⲡⲗⲓⲃⲁⲛⲟⲥ·ⲁⲡⲁⲓϫⲱⲕⲉⲃⲟⲗⲉϫⲙⲡⲉⲓⲡⲉⲧⲟⲩⲁⲁⲃ·

ⲛⲉⲟⲩⲛⲟⲩⲥⲟⲛⲇⲉⲉⲡⲉϥⲣⲁⲛⲡⲉⲁⲡⲁⲫⲓϥⲉⲩⲣⲙⲡⲥⲓⲛⲉⲙⲟⲩⲛⲡⲉϩⲙⲡⲧⲟϣⲛϣⲙⲟⲩⲛ·ⲁϥⲉⲓϣⲁⲡⲁⲉⲓⲱⲧⲉⲧⲟⲩⲁⲁⲃⲁⲡⲁⲁⲡⲟⲗⲗⲱⲁϥⲣⲙⲟⲛⲁⲭⲟⲥϩⲁϩⲧⲏϥ·ⲁⲩϭⲱⲇⲉⲙⲛⲛⲉⲩⲉⲣⲏⲩⲛⲁϯⲉⲛⲣⲟⲙⲡⲉ·ⲙⲛⲛⲥⲱⲥⲁⲁⲡⲉⲧⲣⲁⲉⲛⲧⲟⲩⲙⲡⲉⲥⲛⲁⲩⲁϥⲕⲁⲁⲩϩⲁϩⲧⲛⲛⲉⲩⲉⲣⲏⲩϩⲙⲡⲧⲟⲟⲩⲛϯⲧⲕⲟⲟϩⲁϥⲃⲱⲕϣⲁⲡⲉϩⲟⲟⲩⲛⲧⲁϥⲙⲧⲟⲛⲙⲙⲟϥ·ⲛⲧⲟⲟⲩⲇⲉⲙⲡⲉⲥⲛⲁⲩⲛⲉⲩϣⲟⲟⲡⲙⲛⲛⲉⲩⲉⲣⲏⲩⲉⲩⲉⲓⲣⲉⲛϩⲉⲛⲛⲟϭⲙⲡⲟⲗⲓⲧⲉⲓⲁⲉⲙⲛⲣⲱⲙⲉⲛⲁϣϫⲓⲏⲡⲉⲙⲙⲟⲟⲩⲟⲩⲇⲉⲛⲧⲛⲛⲁϣϫⲟⲟⲩⲁⲛⲉⲧⲃⲉⲧⲉⲩⲁϣⲏ·

ⲥⲱⲧⲙⲉⲣⲟⲓⲛⲁⲥⲛⲏⲩⲛⲁⲙⲉⲣⲁⲧⲉϩⲙⲡϫⲟⲉⲓⲥⲛⲧⲁⲧⲁⲙⲱⲧⲛⲉⲛϭⲟⲙⲙⲛⲛⲉⲥⲃⲟⲟⲩⲉⲛⲱⲛϩⲙⲡⲉⲛⲙⲁⲕⲁⲣⲓⲟⲥⲛⲉⲓⲱⲧⲁⲡⲁⲁⲡⲟⲗⲗⲱⲡⲣⲱⲙⲉⲙⲡⲛⲟⲩⲧⲉ,ⲡⲉⲛⲧⲁϥⲧⲁⲗⲟⲉϩⲣⲁⲓⲙⲡⲉϥⲥⲱⲙⲁⲛⲟⲩⲑⲩⲥⲓⲁⲉⲥⲟⲩⲁⲁⲃⲙⲡⲛⲟⲩⲧⲉ,ⲡⲉⲛⲧⲁϥϣⲱⲡⲉⲙⲙⲁⲛⲟⲩⲱϩⲙⲡⲉⲓⲱⲧⲁⲩⲱⲙⲙⲁⲛⲙⲧⲟⲛⲙⲡϣⲡⲣⲉⲁⲩⲱⲙⲙⲁⲛⲥⲱⲟⲩϩⲉϩⲟⲩⲛⲙⲡⲉⲡⲛⲉⲩⲙⲁⲉⲧⲟⲩⲁⲁⲃ·ⲁⲛⲟⲕⲇⲉⲡⲁⲡⲟϩⲉⲡⲟⲓⲕⲟⲛⲟⲙⲟⲥⲡⲉⲓⲉⲗⲁⲭⲓⲥⲧⲟⲥⲛⲉⲓⲟⲛϣⲏⲣⲉⲕⲟⲩⲓⲉⲓⲥⲟⲃⲕϩⲙⲡⲏⲓⲛⲛⲁⲉⲓⲟⲟⲧⲉ·ⲁⲡⲛⲟⲩⲧⲉⲧⲛⲛⲟⲟⲩⲙⲡⲉϥⲁⲅⲅⲉⲗⲟⲥⲁϥⲉⲛⲧⲉⲃⲟⲗϩⲙⲡⲏⲓⲙⲡⲁⲉⲓⲱⲧⲁϥϫⲓⲙⲟⲉⲓⲧϩⲏⲧϩⲓⲛⲉϩⲓⲟⲟⲩⲉⲛⲧⲇⲓⲕⲁⲓⲟⲥⲩⲛⲏⲁϥⲉⲛⲧⲉⲣⲁⲧϥⲙⲡϣⲱⲥⲉⲧⲛⲁⲛⲟⲩϥⲛⲣⲉϥⲧⲟⲩϫⲉⲯⲩⲭⲏⲁⲓⲙⲟⲟⲛⲉⲉⲡⲗⲩⲙⲏⲛⲙⲡⲟⲩϫⲁⲓⲉⲧⲉⲙⲛⲥⲟⲟⲛⲉⲛϩⲏⲧϥⲉⲧⲉⲡⲉⲛⲙⲉⲣⲓⲧⲛⲉⲓⲱⲧⲡⲉⲙⲡⲉⲛⲙⲁⲕⲁⲣⲓⲟⲥⲛⲉⲓⲱⲧⲁⲡⲁⲁⲡⲟⲗⲗⲱⲡⲓⲥⲣⲁⲏⲗⲓⲧⲏⲥⲛⲁⲙⲉⲉⲧⲉⲙⲛⲕⲣⲟϥⲛϩⲏⲧϥ·

ⲉϥϣⲟⲟⲡⲇⲉϩⲙⲡⲉⲓⲧⲟⲟⲩϩⲁⲧϩⲏⲙⲡⲁⲧⲉⲡϫⲟⲉⲓⲥⲟⲩⲱⲛϩⲉⲃⲟⲗⲙⲡⲉϥⲉⲟⲟⲩⲉϩⲣⲁⲓⲉϫⲱϥⲁⲓⲧⲱϩⲙⲇⲉⲉⲡⲣⲟⲁϥⲉⲓⲛⲁⲓⲉⲃⲟⲗⲛⲧⲉⲩⲛⲟⲩⲉⲣⲉⲡⲉϥϩⲟⲛⲟⲧⲃⲛⲥⲱⲃⲉ·ⲉⲛⲉⲟⲩⲣⲙⲣⲁϣⲅⲁⲣⲡⲉⲡⲁⲉⲓⲱⲧⲉϩⲟⲩⲛⲉⲣⲱⲙⲉⲛⲓⲙⲛⲁⲅⲁⲑⲱⲥⲉⲛⲁⲛⲟⲩϥⲉⲙⲁⲧⲉϩⲛⲥⲙⲟⲧⲛⲓⲙⲛⲛⲁϩⲣⲛⲡⲛⲟⲩⲧⲉⲙⲛⲛⲣⲱⲙⲉ·ⲁϥϣⲓⲧⲉϩⲟⲩⲛϩⲛⲟⲩⲟⲩⲣⲟⲧⲁϥⲁⲁⲧⲙⲙⲟⲛⲁⲭⲟⲥϩⲁϩⲧⲏϥⲁⲓⲙⲡϣⲁⲛϭⲱϩⲁⲧϩⲁⲓⲃⲉⲥⲛⲛⲉϥϣⲗⲏⲗⲉⲧⲟⲩⲁⲁⲃⲙⲛⲧⲉϥⲙⲛⲧⲉⲓⲱⲧ·ⲉⲛⲉϥⲙⲙⲁⲩⲇⲉⲛϭⲓⲡⲉⲛⲙⲉⲣⲓⲧⲛⲥⲟⲛⲁⲡⲁⲫⲓϥⲡⲉⲩⲥⲉⲃⲏⲥⲉϥϣⲟⲟⲡϩⲁϩⲧⲏϥ·ⲛⲧⲟⲟⲩⲇⲉⲙⲡⲉⲥⲛⲁⲩⲛⲉⲩⲡⲟⲗⲓⲧⲉⲩⲉϩⲛϩⲉⲛⲛⲟϭⲛⲁⲥⲕⲏⲥⲓⲥⲙⲛϩⲉⲛⲛⲟϭⲙⲡⲟⲗⲓⲧⲉⲓⲁⲉⲙⲛⲏⲡⲉⲉⲣⲟⲟⲩ·ⲁⲡⲁⲫⲓϥⲇⲉⲛⲉⲟⲩⲣⲱⲙⲉⲡⲉⲉϥⲙⲉⲙⲡⲉⲥϭⲣⲁϩⲧⲉϥⲟⲩⲱϣⲉϭⲱϩⲓⲡϫⲁⲓⲉⲛⲛⲁⲩⲛⲓⲙⲉϥⲡⲟⲗⲩⲧⲉⲩⲉ·ⲡⲁⲉⲓⲱⲧⲇⲉⲛⲉⲟⲩⲣⲱⲙⲉⲡⲉⲛⲉⲓⲣⲏⲛⲏⲕⲟⲥⲉϥⲙⲉⲛⲧϩⲉⲓⲕⲱⲛⲧⲏⲣⲥⲙⲡⲛⲟⲩⲧⲉⲛⲧϩⲉⲛⲟⲩⲣⲱⲙⲉⲛⲟⲩⲱⲧ·ⲛⲉⲥⲛⲏⲩⲇⲉⲛⲉⲩⲥⲟⲟⲩϩⲉⲣⲟϥⲛⲧϩⲉⲛⲛⲁⲁϥⲛⲉⲃⲓⲱⲉⲩϩⲟⲗϭⲉϩⲟⲩⲛⲉⲧⲉⲩⲙⲁⲁⲩⲉⲩⲥⲱⲧⲙⲉⲛϣⲁϫⲉⲙⲡⲱⲛϩⲙⲛⲛⲉϥⲉⲛⲧⲟⲗⲏⲉⲧⲟⲩⲁⲁⲃⲉⲩⲣϣⲡⲏⲣⲉⲛⲛϭⲟⲙⲙⲡⲛⲟⲩⲧⲉⲉⲧϣⲟⲟⲡⲉⲃⲟⲗϩⲓⲧⲟⲟⲧϥⲙⲡⲉⲛⲉⲓⲱⲧ·

ⲁⲓⲣⲟⲩⲣⲟⲙⲡⲉⲇⲉⲛⲙⲙⲁⲩϩⲙⲡⲉⲓⲧⲟⲟⲩⲙⲛⲛⲥⲱⲥⲁⲛⲙⲟⲟϣⲉⲉⲃⲟⲗϩⲙⲡⲙⲁⲉⲧⲙⲙⲁⲩⲁⲛϭⲱⲉⲛⲙⲟⲟϣⲉϩⲛⲛⲧⲟⲟⲩⲧⲏⲣⲟⲩⲛⲧϩⲉⲛⲛⲉⲑⲏⲣⲓⲟⲛ·ⲙⲁϭⲉⲛⲓⲙⲉⲧⲉϣⲁⲛϭⲱⲛϩⲏⲧϥⲛⲧⲉⲛⲉⲥⲛⲏⲩⲥⲱⲧⲙⲉⲧⲃⲉⲡⲁⲉⲓⲱⲧϣⲁⲩⲉⲓⲉⲣⲁⲧϥⲛⲥⲉϫⲓⲥⲃⲱⲉⲛⲕⲱⲧⲛⲧⲙⲛⲧⲛⲟⲩⲧⲉⲉⲃⲟⲗϩⲓⲧⲟⲟⲧϥ·ⲁⲩⲱⲛⲉϥϫⲱⲉⲣⲟⲟⲩⲙⲡⲙⲟⲩϩⲛⲛⲉⲩⲯⲩⲭⲏⲉϥⲥⲟⲗⲥⲗⲙⲙⲟⲟⲩⲧⲏⲣⲟⲩϩⲛⲛⲉϥϣⲁϫⲉⲉⲧϩⲟⲗϭⲉⲩϯⲉⲟⲟⲩⲙⲡⲛⲟⲩⲧⲉ·ⲁⲓⲣⲟⲩⲣⲟⲙⲡⲉⲇⲉⲉⲓϣⲟⲟⲡⲛⲙⲙⲁϥⲉⲃⲟⲗϩⲓⲧⲙⲡⲁⲉⲓⲱⲧ·ⲙⲛⲛⲥⲁⲛⲁⲓⲇⲉⲟⲛⲟⲩⲣⲱⲙⲉⲡⲉⲁⲡⲁⲫⲓϥⲉϥⲙⲉⲙⲡⲉⲥϭⲣⲁϩⲧⲛⲛⲁⲩⲛⲓⲙ·ⲡⲁⲉⲓⲱⲧⲇⲉⲛⲉⲟⲩⲁⲥⲕⲏⲧⲏⲥⲡⲉ·ⲁⲛⲟⲕϩⲱⲛⲉⲓⲙⲟⲟϣⲉⲉⲓⲇⲓⲁⲕⲟⲛⲉⲓⲉⲡϩⲱⲃⲛⲧⲉⲭⲣⲉⲓⲁⲙⲡⲉⲓⲕⲟⲥⲙⲟⲥⲉⲓϥⲓⲙⲡⲣⲟⲟⲩϣⲛⲧⲟⲓⲕⲟⲛⲟⲙⲓⲁⲛⲛⲉⲧⲟⲩⲁⲁⲃ·ⲉⲧⲃⲉⲡⲁⲓⲁϥⲙⲟⲩⲧⲉⲉⲣⲟⲓϫⲉⲡⲁⲡⲟϩⲉⲡⲟⲓⲕⲟⲛⲟⲙⲟⲥ·

ⲁⲥϣⲱⲡⲉⲇⲉⲛⲟⲩϩⲟⲟⲩⲉⲛⲥⲟⲟⲩϩⲉⲛⲉⲛⲉⲣⲏⲩⲙⲡϣⲟⲙⲛⲧⲉⲛϯⲉⲟⲟⲩⲙⲡⲛⲟⲩⲧⲉⲁϥⲕⲟⲧϥⲉⲁⲡⲁⲫⲓϥⲛϭⲓⲡⲁⲉⲓⲱⲧϩⲛⲟⲩϩⲟⲉϥⲣⲟⲟⲩⲧⲡⲉϫⲁϥⲛⲁϥϫⲉ·ϯⲛⲁⲩⲉⲣⲟⲕⲱⲡⲁϣⲏⲣⲉⲉⲕⲙⲉⲙⲡⲉⲥϭⲣⲁϩⲧⲁⲩⲱⲉⲕⲙⲟⲥⲧⲉⲙⲡⲉⲟⲟⲩⲉⲧϣⲟⲩⲉⲓⲧⲛⲛⲣⲱⲙⲉ·ϥⲥⲏϩⲅⲁⲣϩⲙⲡⲉⲩⲁⲅⲅⲉⲗⲓⲟⲛϫⲉⲙⲛϭⲟⲙⲛⲟⲩⲡⲟⲗⲓⲥⲉϩⲱⲡⲉⲥⲕⲏⲉϩⲣⲁⲓⲉϫⲛⲟⲩⲧⲟⲟⲩⲟⲩⲇⲉⲙⲉⲩϫⲉⲣⲉⲟⲩϩⲏⲃⲥⲛⲥⲉⲕⲁⲁϥϩⲁⲟⲩϣⲓ,ⲁⲗⲗⲁϣⲁⲩⲕⲁⲁϥⲉϫⲛⲧⲗⲩⲭⲛⲓⲁⲛϥⲣⲟⲩⲟⲉⲓⲛⲉⲛⲉⲧϣⲟⲟⲡⲧⲏⲣⲟⲩϩⲙⲡⲏⲓⲛⲧⲟⲕϭⲉⲡⲉⲡϩⲏⲃⲥⲉⲧϩⲏⲡⲱⲡⲁϣⲏⲣⲉⲡⲁⲓⲉⲧⲟⲩⲛⲁⲧⲁⲗⲟϥⲉϫⲛⲧⲗⲩⲭⲛⲓⲁⲛϥⲣⲟⲩⲟⲉⲓⲛⲉⲛⲉⲧϣⲟⲟⲡⲧⲏⲣⲟⲩϩⲙⲡⲏⲓⲛⲧⲉⲟⲩⲥϯⲛⲟⲩϥⲉϣⲱϣⲉⲃⲟⲗϩⲙⲡⲕⲟⲥⲙⲟⲥⲧⲏⲣϥⲙⲛⲟⲩⲇⲱⲣⲉⲁⲛⲕⲁⲛⲟⲃⲉⲉⲃⲟⲗϩⲙⲡⲉⲕϩⲟⲟⲩⲧⲉⲣⲟⲙⲡⲉ·ⲛⲧⲉⲩⲛⲟⲩⲁϥⲡⲁϩⲧϥⲛϭⲓⲁⲡⲁⲫⲓϥⲁϥⲡⲁⲣⲁⲕⲁⲗⲉⲓⲙⲡⲁⲉⲓⲱⲧ·ⲧⲟⲧⲉⲁϥⲟⲩⲱϣⲃⲛⲁϥⲛϭⲓⲡⲁⲉⲓⲱⲧⲉϥϫⲱⲙⲙⲟⲥϫⲉ·ⲧⲱⲟⲩⲛⲉϩⲣⲁⲓⲡⲁϣⲏⲣⲉ,ⲛⲁⲛⲟⲕⲁⲛⲡⲉⲧϣⲁϫⲉⲁⲗⲗⲁⲡⲉⲡⲛⲉⲩⲙⲁⲉⲧⲟⲩⲁⲁⲃⲡⲉⲧⲡⲣⲟⲫⲏⲧⲉⲩⲉⲉⲧⲃⲉⲛⲉⲧⲛⲁϣⲱⲡⲉϩⲁⲧϩⲏⲙⲡⲁⲧⲟⲩϣⲱⲡⲉ·ⲧⲉⲛⲟⲩϭⲉϩⲁⲣⲉϩⲉⲡⲉⲓⲙⲩⲥⲧⲏⲣⲓⲟⲛϣⲁⲡⲉⲟⲩⲟⲉⲓϣⲉⲧⲉϥⲛⲁⲟⲩⲱⲛϩⲉⲃⲟⲗ·ϥⲥⲏϩⲅⲁⲣϩⲙⲡⲇⲉⲩⲧⲉⲣⲟⲛⲟⲙⲓⲟⲛⲙⲙⲱⲩⲥⲏⲥϫⲉⲛⲉⲧϩⲏⲡⲉⲩⲏⲡⲉⲡϫⲟⲉⲓⲥⲡⲉⲧⲛⲛⲟⲩⲧⲉ,ⲛⲉⲧⲟⲩⲟⲛϩⲇⲉⲉⲃⲟⲗⲉⲩⲏⲡⲉⲣⲱⲧⲛⲙⲛⲛⲉⲧⲛϣⲏⲣⲉ·

ⲁϥⲟⲩⲱϣⲃⲇⲉⲛϭⲓⲁⲡⲁⲫⲓϥⲡⲉϫⲁϥϫⲉ·ⲕⲉⲗⲉⲩⲉⲛⲁⲓⲛⲧⲁϫⲱⲉⲣⲟⲕⲛⲟⲩϣⲁϫⲉⲛⲅⲧⲙϭⲱⲛⲧⲉⲣⲟⲓ·ⲁⲗⲏⲑⲱⲥⲉⲓⲛⲁϫⲟⲟⲥⲁⲛϩⲛⲟⲩⲙⲛⲧⲛⲟϭⲟⲩⲇⲉϩⲛⲟⲩⲙⲛⲧⲙⲁⲓⲉⲟⲟⲩⲉϥϣⲟⲩⲉⲓⲧ,ⲁⲗⲗⲁⲉⲓⲣϣⲡⲏⲣⲉⲙⲡⲉⲡⲛⲉⲩⲙⲁⲉⲧⲟⲩⲁⲁⲃⲉⲧϩⲛⲛⲡⲣⲱⲙⲉⲉⲧϩⲁⲉⲟⲟⲩⲛⲧⲉⲡⲛⲟⲩⲧⲉⲡⲁⲓⲉⲧⲣⲉⲩⲥⲩⲙⲫⲟⲛⲉⲓⲙⲛⲛⲉⲩⲉⲣⲏⲩϩⲛⲛⲉⲩϣⲁϫⲉ·ⲡⲙⲁⲕⲁⲣⲓⲟⲥⲁⲡⲁⲁⲡⲟⲗⲗⲱⲡⲉϫⲁϥⲛⲁϥϫⲉ·ⲁϫⲉⲡϣⲁϫⲉⲡⲁϣⲏⲣⲉ·ⲁϥⲟⲩⲱϣⲃⲛϭⲓⲁⲡⲁⲫⲓϥⲉϥϫⲱⲙⲙⲟⲥϫⲉ·ⲁⲥϣⲱⲡⲉⲙⲙⲟⲓⲛⲟⲩϩⲟⲟⲩⲉⲓⲟⲛⲕⲟⲩⲓϩⲙⲡⲏⲓⲛⲛⲁⲉⲓⲟⲟⲧⲉⲉⲓⲙⲟⲟⲛⲉⲛⲛⲉⲩⲉⲥⲟⲟⲩϩⲛⲧⲥⲱϣⲉⲁⲩϩⲗⲗⲟⲛϩⲁⲅⲓⲟⲥⲛⲧⲉⲡⲛⲟⲩⲧⲉⲡⲁⲣⲁⲅⲉⲙⲙⲟⲓϩⲛⲧⲥⲱϣⲉ˽ⲛⲉⲁⲣⲟⲩϩⲉⲅⲁⲣϣⲱⲡⲉⲡⲉ˽ⲁⲩⲱⲁⲓϫⲓⲧϥⲉϩⲟⲩⲛⲉⲡⲙⲁⲉⲧⲉⲣⲉⲛⲉⲥⲟⲟⲩⲛϩⲏⲧϥⲁⲓϭⲱⲉⲓⲡⲁⲣⲁⲕⲁⲗⲉⲓⲙⲙⲟϥϫⲉⲉϥⲉⲟⲩⲱⲙⲛⲟⲩⲟⲉⲓⲕ·ⲛⲧⲟϥⲇⲉⲁϥⲡⲉⲓⲑⲉⲙⲙⲟⲓⲁϥⲟⲩⲉⲙⲡⲟⲉⲓⲕ·ⲁⲓⲣⲟⲩⲕⲟⲩⲓⲙⲡⲉⲧⲛⲁⲛⲟⲩϥⲛⲁϥⲁϥⲛⲕⲟⲧⲕϩⲁϩⲧⲏⲓϣⲁϩⲧⲟⲟⲩⲉ·ⲛⲧⲉⲣⲉϩⲧⲟⲟⲩⲉⲇⲉϣⲱⲡⲉⲛϥⲉⲓⲉϥⲛⲁⲙⲟⲟϣⲉⲁⲛⲟⲕⲇⲉⲁⲓⲡⲁϩⲧⲛⲁϥϫⲉⲉⲣⲟⲓⲁⲩⲱⲛⲧⲟϥϩⲱⲱϥⲟⲛⲁϥϫⲱⲉⲣⲟⲓⲙⲡⲉⲓϣⲁϫⲉⲛⲟⲩⲱⲧⲡⲁⲓⲛⲧⲁⲕϫⲟⲟϥⲉⲣⲟⲓ,ϫⲉ·ⲉⲣⲉⲟⲩϩⲟⲟⲩⲛⲕⲁⲛⲟⲃⲉⲉⲃⲟⲗϣⲱⲡⲉϩⲙⲡⲉⲕⲣⲁⲛ·ⲧⲉⲛⲟⲩϭⲉϯⲣϣⲡⲏⲣⲉⲙⲡⲉⲓⲙⲁϫⲉⲛϯⲥⲟⲟⲩⲛⲁⲛϫⲉⲉⲣⲉⲟⲩⲛⲁϣⲱⲡⲉ·ⲟⲩϩⲟⲟⲩⲇⲉⲉⲃⲟⲗϩⲛⲟⲩϩⲟⲟⲩⲁⲓⲣⲡⲙⲡϣⲁⲁⲡϫⲟⲉⲓⲥⲧⲁϩⲙⲉⲧϣⲁⲧⲉⲕⲙⲛⲧⲉⲓⲱⲧ·ⲛⲧϩⲉϭⲉⲉⲧⲉⲣⲁⲛⲁϥⲙⲡϫⲟⲉⲓⲥⲡⲉϥⲟⲩⲱϣⲉⲧⲛⲁⲛⲟⲩϥⲙⲁⲣϥϣⲱⲡⲉ·

ⲁϥⲟⲩⲱϣⲃⲛϭⲓⲡϣⲟⲉⲓϫⲙⲡⲉⲭⲣⲓⲥⲧⲟⲥⲡⲣⲉϥϫⲣⲟⲛⲥⲁⲟⲩⲛⲁⲙⲁⲩⲱⲛⲥⲁϩⲃⲟⲩⲣⲁⲡⲁⲁⲡⲟⲗⲗⲱϫⲉ·ⲥⲱⲧⲙⲉⲣⲟⲓⲛⲧⲁϫⲱⲙⲡⲉⲓϣⲁϫⲉⲉⲣⲱⲧⲛ·ⲡϫⲟⲉⲓⲥⲅⲁⲣⲡⲉⲛⲧⲁϥϫⲟⲟϥⲉⲣⲟⲓⲁⲛⲟⲕϩⲱⲉⲓⲛⲁⲧⲁⲩⲟⲟϥⲁⲛϩⲛⲟⲩⲙⲛⲧϫⲁⲥⲓϩⲏⲧⲁⲗⲗⲁⲉⲓⲧⲁⲙⲱⲙⲙⲱⲧⲛⲉⲡⲉⲧⲛⲁϣⲱⲡⲉⲙⲙⲟⲛϩⲓⲟⲩⲥⲟⲡ·ⲡⲉϫⲁϥⲛⲁⲓⲛϭⲓⲡⲁⲥⲏⲣϫⲉⲡⲉⲓϣⲁϫⲉⲛⲧⲁⲡⲁⲩⲗⲟⲥϫⲟⲟϥⲉϥⲥϩⲁⲓⲛⲛⲕⲟⲣⲓⲛⲑⲓⲟⲥϫⲉ·ⲉⲧⲃⲉⲁⲡⲟⲗⲗⲱⲇⲉⲡⲥⲟⲛⲁⲓⲡⲁⲣⲁⲕⲁⲗⲉⲓⲙⲙⲟϥⲉⲙⲁⲧⲉⲉⲧⲣⲉϥⲉⲓϣⲁⲣⲱⲧⲛⲁⲩⲱⲙⲉϣⲁⲕⲙⲡⲧⲱϣⲁⲛⲡⲉⲉⲧⲣⲉϥⲉⲓϣⲁⲣⲱⲧⲛⲧⲉⲛⲟⲩ·ϥⲛⲏⲩⲇⲉⲉϥϣⲁⲛϩⲉⲉⲡⲉⲟⲩⲟⲉⲓϣ·ⲉⲧⲃⲉⲡⲁⲓⲁⲡⲉⲡⲛⲉⲩⲙⲁⲉⲧⲟⲩⲁⲁⲃϭⲱⲉϥⲡⲁⲣⲁⲕⲁⲗⲉⲓⲙⲡⲁⲉⲓⲱⲧϫⲉⲙⲁⲣⲉϥⲉⲓⲧⲉⲛⲟⲩ·ⲁϥⲟⲩⲱϣⲃⲛϭⲓⲡⲁⲉⲓⲱⲧϫⲉϥⲛⲏⲩⲉϥϣⲁⲛϩⲉⲉⲡⲉⲟⲩⲟⲉⲓϣⲧⲉⲛⲟⲩϭⲉⲛⲁϣⲏⲣⲉⲧⲛⲥⲃⲧⲱⲧⲉⲧⲱⲟⲩⲛϩⲁϩⲱⲃⲛⲓⲙⲉⲧⲉϥⲛⲁⲟⲩⲉϩⲥⲁϩⲛⲉⲙⲙⲟⲟⲩⲛⲁⲛⲛϭⲓⲡϫⲟⲉⲓⲥ·ⲡⲉϥⲟⲩⲟⲉⲓϣⲙⲁⲣϥϣⲱⲡⲉ·ⲡⲉⲟⲟⲩⲛⲁϥϣⲁⲉⲛⲉϩⲛⲉⲛⲉϩϩⲁⲙⲏⲛ·

ⲙⲛⲛⲥⲁⲛⲁⲓⲇⲉⲧⲏⲣⲟⲩⲁⲛⲉⲓⲉⲩⲧⲟⲟⲩⲛϫⲁⲓⲉⲉϥⲙⲡϩⲱⲧⲉⲃⲟⲗⲛⲟⲩϯⲙⲉϫⲉⲧⲁϩⲣⲟⲩϫⲁⲛϩⲉⲉϩⲉⲛϣⲕⲟⲗⲙⲡⲉⲧⲣⲁϩⲙⲡⲙⲁⲉⲧⲙⲙⲁⲩⲁⲛⲧⲁⲙⲓⲟⲇⲉⲛϩⲉⲛⲕⲟⲩⲓⲙⲙⲁⲛϣⲱⲡⲉⲁⲛⲟⲩⲱϩⲛϩⲏⲧⲟⲩ·ⲁⲩⲱϩⲛϩⲉⲛⲡⲟⲗⲓⲧⲉⲓⲁⲉⲩⲟϣ·ⲛⲉⲥⲛⲏⲩⲇⲉⲧⲏⲣⲟⲩⲛⲧⲉⲣⲟⲩⲥⲱⲧⲙⲉⲧⲃⲉⲡⲁⲉⲓⲱⲧϫⲉⲉϥϩⲙⲡⲙⲁⲉⲧⲙⲙⲁⲩⲁⲩⲉⲓϣⲁⲣⲟϥⲁⲩⲥⲱⲧⲙⲉⲛϣⲁϫⲉⲙⲡⲱⲛϩⲉⲃⲟⲗϩⲛⲣⲱϥ·ⲡⲙⲁⲇⲉⲛⲉⲟⲩϫⲁⲓⲉⲡⲉⲉⲙⲛⲙⲟⲟⲩⲛϩⲏⲧϥ·ⲡⲉϫⲉⲡⲁⲉⲓⲱⲧⲛⲁⲓϫⲉ·ⲡⲁϣⲏⲣⲉⲡⲁⲡⲟϩⲉϣⲓⲕⲉϩⲙⲡⲕⲁϩⲛⲧⲛⲛⲁⲩϫⲉⲡⲛⲟⲩⲧⲉⲛⲁϯⲛⲁⲛⲛⲟⲩⲙⲟⲟⲩⲉⲧⲃⲉⲛⲉⲥⲛⲏⲩⲉⲧⲛⲏⲩϣⲁⲣⲟⲛ·ⲁⲩⲱⲛⲧⲉⲣⲛϣⲓⲕⲉⲉⲡⲉⲥⲏⲧⲛⲁϥⲧⲟⲟⲩⲙⲙⲁϩⲉⲁⲩⲡⲩⲅⲏⲙⲙⲟⲟⲩϥⲱϭⲉⲉϩⲣⲁⲓⲉⲛⲁⲛⲟⲩⲥⲉⲥϩⲟⲗϭⲉⲙⲁⲧⲉⲉⲥⲱⲉⲃⲟⲗⲛϩⲏⲧⲥ·ⲁⲩⲱⲁⲛⲣⲣⲟⲙⲡⲉⲥⲛⲧⲉⲉⲛⲥⲱⲉⲃⲟⲗⲛϩⲏⲧⲥⲙⲛⲛⲉⲧⲛⲏⲩϣⲁⲣⲟⲛ·ⲧⲟⲧⲉⲡⲉϫⲉⲡⲁⲉⲓⲱⲧⲛⲁⲓϫⲉ·ⲙⲁⲣⲛⲧⲁⲙⲓⲟⲛⲟⲩϣⲱⲧⲉⲛⲧⲛⲕⲁⲁⲥⲉⲧⲃⲉⲛⲉⲥⲛⲏⲩⲉⲧⲛⲏⲩϣⲁⲣⲟⲛ·ⲁⲡϫⲟⲉⲓⲥⲟⲩⲱⲉϥⲧⲁⲙⲟⲙⲙⲟⲛϫⲉⲙⲁⲛⲓⲙⲉⲧⲉⲕⲛⲁⲟⲩⲱϩⲛϩⲏⲧϥϯⲛⲁⲕⲁⲁϥⲉϥⲙⲏⲛⲉⲃⲟⲗϣⲁⲉⲛⲉϩ·

ⲛⲧⲉⲣⲛⲧⲁⲙⲓⲟⲥⲇⲉⲁⲛⲙⲟⲟϣⲉⲉⲃⲟⲗϩⲙⲡⲙⲁⲉⲧⲙⲙⲁⲩⲉⲧⲣⲉⲛⲃⲱⲕⲉⲩⲙⲁϩⲙⲡⲙⲁⲣⲓⲥⲉⲩⲙⲟⲩⲧⲉⲉⲣⲟϥϫⲉⲁⲡⲁⲡⲁⲙⲓⲛ·ⲉⲧⲓⲇⲉⲉⲛⲙⲟⲟϣⲉⲁⲛⲉⲓⲉⲡⲧⲟⲟⲩⲛⲧⲉⲧⲕⲟⲟϩ,ⲡⲉⲓⲧⲟⲟⲩⲛⲧⲁⲡⲛⲟⲩⲧⲉϩⲱⲛⲙⲡϥⲥⲙⲟⲩⲉⲩⲱⲛϩϣⲁⲉⲛⲉϩ·ⲁⲛϭⲟⲓⲗⲉⲉϩⲉⲛⲥⲛⲏⲩⲙⲙⲁⲓⲛⲟⲩⲧⲉⲉⲩϩⲙⲡⲧⲟⲟⲩⲉⲧⲙⲙⲁⲩⲁⲩⲉⲓⲣⲉⲛϩⲉⲛⲛⲟϭⲙⲡⲉⲧⲛⲁⲛⲟⲩϥⲛⲙⲙⲁⲛ·ⲡⲉⲛⲙⲁⲕⲁⲣⲓⲟⲥⲇⲉⲛⲥⲟⲛⲁⲡⲁⲫⲓϥⲁϥⲙⲧⲟⲛⲙⲙⲟϥϩⲙⲡⲙⲁⲉⲧⲙⲙⲁⲩϩⲛⲥⲟⲩϫⲟⲩⲧⲏⲙⲡⲁⲟⲡⲉⲙⲡⲛⲁⲩⲛϫⲡϣⲟⲙⲧⲉⲙⲡⲉϩⲟⲟⲩ·ⲁⲩⲱⲁⲛⲙⲕⲁϩⲉⲙⲁⲧⲉⲉⲁⲛⲟⲩⲱⲗⲥⲛϩⲏⲧⲛⲥⲱϥϩⲛⲟⲩⲛⲟϭⲛⲗⲩⲡⲏ·ⲁⲛⲧⲱⲙⲥⲙⲙⲟϥϩⲙⲡⲙⲁⲉⲧⲙⲙⲁⲩ·

ANNIS Metadata

annotation: Julian Bogdani, Caroline T. Schroeder, Lance Martin, Amir Zeldes
attributed_author: Papohe
author: unknown
Coptic_edition: PATHS, Orlandi (1975)
corpus: life.phib
country: Egypt
document_cts_urn: urn:cts:copticLit:lives.phib.paths_ed:0-10
entities: automatic
identities: checked
language: Sahidic Coptic
license: CC BY-NC-SA 4.0
msItem_title: The Life of Apa Phib
next: urn:cts:copticLit:lives.phib.paths_ed:11-18
note: Digital, TEI-XML encoded text from the PATHS GitHub Repository September 2019. Tagging has been only very lightly corrected.
order: 1
parsing: automatic
paths_authors: 83
paths_works: 256
people: Apollos; David; Moses; Paul the Apostle
places: Dairut
project: Coptic SCRIPTORIUM, PATHS
redundant: no
segmentation: checked
source: PATHS, CMCL
source_info: PATHS, PATHS GitHub Repository
tagging: checked
title: Life of Apa Phib part 1
translation: none
Trismegistos: none
version_date: 2022-09-26
version_n: 4.4.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:lives.phib.paths_ed:0-10. [version number], [date]. https://data.copticscriptorium.org/urn:cts:copticLit:lives.phib.paths_ed:0-10.

Subsequent citations:

Author, Ancient title (abbreviated) [chapter.verse if available], urn:cts:copticLit:lives.phib.paths_ed:0-10.

Document Edition: urn:cts:copticLit:lives.phib.paths_ed:0-10

Work: urn:cts:copticLit:lives.phib

Text Group: urn:cts:copticLit:lives

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:lives.phib.paths_ed:0-10/norm/html

Analytic Visualization HTML: https://data.copticscriptorium.org/urn:cts:copticLit:lives.phib.paths_ed:0-10/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:lives.phib.paths_ed:0-10/tei/xml

Paula XML: https://data.copticscriptorium.org/urn:cts:copticLit:lives.phib.paths_ed:0-10/paula/xml

relANNIS: https://data.copticscriptorium.org/urn:cts:copticLit:lives.phib.paths_ed:0-10/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:lives.phib.paths_ed:0-10/annis