09_I Samuel_14
analytic chapter ANNIS PAULA Search ANNIS

Chapter View

ⲁⲩⲱⲓⲱⲛⲁⲑⲁⲛⲡϣⲏⲣⲉⲛⲥⲁⲟⲩⲗⲡⲉϫⲁϥⲙⲡⲉϥϩⲙϩⲁⲗⲡⲉⲧϥⲓⲛⲛⲉϥⲥⲕⲉⲩⲏϫⲉⲁⲙⲟⲩⲛⲙⲙⲁⲓⲛⲧⲉⲛⲃⲱⲕⲉϩⲣⲁⲓⲉⲙⲉⲥⲁⲃⲛⲧⲉⲛⲁⲗⲗⲟⲫⲩⲗⲟⲥⲧⲉⲧϩⲓⲡⲉⲕⲣⲟ
ⲥⲁⲟⲩⲗⲇⲉⲛⲉϥϩⲙⲟⲟⲥϩⲓϫⲛϩⲧⲏϥⲙⲡⲃⲟⲩⲛⲟⲥϩⲁⲧⲃⲱⲛϩⲉⲣⲙⲁⲛⲉⲧϩⲉⲛⲙⲁⲅⲇⲟⲛⲁⲩⲱⲛⲉⲣⲉⲁⲥⲟⲟⲩⲛϣⲉⲛⲣⲱⲙⲉⲛⲙⲙⲁϥ
ⲁⲭⲓⲃⲡϣⲏⲣⲉⲛⲁⲭⲓⲇⲱⲃⲡⲥⲟⲛⲛⲓⲱⲭⲁⲃⲏⲗⲡϣⲏⲣⲉⲙⲫⲓⲛⲉⲉⲥⲡϣⲏⲣⲉⲛϩⲏⲗⲓⲡⲟⲩⲏⲏⲃⲙⲡⲛⲟⲩⲧⲉⲉⲧϩⲉⲛⲥⲏⲗⲱⲛⲉϥϥⲓⲙⲡⲉⲫⲟⲩⲇⲁⲩⲱⲡⲗⲁⲟⲥⲛⲉϥⲥⲟⲟⲩⲛⲁⲛ
ϫⲉⲓⲱⲛⲁⲑⲁⲛⲉϥⲃⲱⲕⲉⲧⲙⲏⲧⲉⲛⲧⲉϩⲓⲏⲉⲡⲙⲁⲛⲧⲁⲓⲱⲛⲁⲑⲁⲛⲟⲩⲉϣⲃⲱⲕⲉϩⲣⲁⲓⲉⲣⲟϥⲉⲡⲙⲏⲏϣⲉⲛⲛⲁⲗⲗⲟⲫⲩⲗⲟⲥⲁⲩⲱⲛⲉⲣⲉⲟⲩⲕⲟⲟϩⲙⲡⲉⲧⲣⲁϣⲟⲟⲡⲛⲥⲁⲡⲓⲥⲁⲁⲩⲱⲛⲥⲁⲡⲁⲓⲡⲣⲁⲛⲇⲉⲙⲡⲟⲩⲁⲙⲙⲟⲟⲩⲡⲉⲃⲁⲥⲏⲥⲁⲩⲱⲡⲣⲁⲛⲙⲡⲕⲉⲟⲩⲁⲡⲉⲥⲉⲛⲉⲃⲉ
ⲧⲟⲩⲉⲓⲛⲛⲉϩⲓⲏⲉⲥϫⲓⲉⲡⲉⲙϩⲓⲧⲉϩⲣⲁⲓⲉⲙⲁⲭⲙⲁⲥⲁⲩⲱⲧⲕⲉⲟⲩⲉⲓⲉⲥϫⲓϫⲓⲛⲡⲣⲏⲥϣⲁⲉϩⲣⲁⲓⲉⲅⲁⲃⲁⲁ
ⲡⲉϫⲉⲓⲱⲛⲁⲑⲁⲛⲙⲡⲉϥϩⲙϩⲁⲗⲡⲉⲧϥⲓⲛⲛⲉϥⲥⲕⲏⲩⲉϫⲉⲁⲙⲟⲩⲛⲧⲉⲛⲃⲱⲕⲉϩⲣⲁⲓⲉⲙⲉⲥⲁⲫⲡⲙⲁⲛⲛⲓⲁⲧⲥⲃⲃⲉⲁⲩⲱⲡⲉⲧⲉⲣⲉⲡϫⲟⲉⲓⲥⲛⲁⲁⲁϥⲛⲁⲛϫⲉⲛⲉϥⲕⲏⲁⲛⲉϩⲣⲁⲓⲙⲡϫⲟⲉⲓⲥⲉⲧⲣⲉϥⲛⲟⲩϩⲙⲙⲡⲉⲧϩⲏϣϩⲛϩⲁϩⲏϩⲛⲥⲉⲃⲕⲉ
ⲡⲉϫⲁϥⲛⲁϥⲛϭⲓⲡⲉⲧϥⲓⲛⲛⲉⲥⲕⲏⲩⲉϫⲉⲁⲣⲓⲡⲉⲧⲉⲣⲉⲡⲉⲕϩⲏⲧⲟⲩⲁϣϥⲧⲏⲣϥⲉⲁⲁϥⲉⲓⲥϩⲏⲏⲧⲉⲁⲛⲟⲕϯⲟⲩⲏϩⲛⲥⲱⲕⲉⲣⲉⲡⲁϩⲏⲧ
ⲡⲉϫⲉⲓⲱⲛⲁⲑⲁⲛⲛⲁϥϫⲉⲉⲓⲥϩⲏⲏⲧⲉⲁⲛⲟⲛⲉⲛⲛⲁⲃⲱⲕⲉⲣⲁⲧⲟⲩⲛⲛⲣⲱⲙⲉⲛⲧⲉⲛⲙⲟⲟϣⲉⲉⲣⲟⲟⲩ
ⲉⲩϣⲁⲛϫⲟⲟⲥⲛⲁⲛϫⲉⲥⲁϩⲉⲧⲏⲩⲧⲛⲉⲡⲓⲥⲁϣⲁⲛⲧⲛϣⲁϫⲉⲛⲙⲙⲏⲧⲛⲉⲛⲛⲉϭⲱϩⲁⲣⲓϩⲁⲣⲟⲛⲛⲧⲉⲛⲧⲉⲙⲃⲱⲕⲉϫⲱⲟⲩ
ⲉⲩϣⲁⲛϫⲟⲟⲥⲇⲉⲛⲁⲛⲇⲉⲁⲙⲏⲓⲧⲛⲛⲁⲛⲉϩⲣⲁⲓⲛⲛⲉⲃⲱⲕⲉϫⲱⲟⲩϫⲉⲁⲡϫⲟⲉⲓⲥⲧⲁⲁⲩⲉϩⲣⲁⲓⲉⲧⲟⲟⲧⲛⲡⲁⲓⲡⲉⲡⲙⲁⲉⲓⲛⲉⲧⲛⲁϣⲱⲡⲉⲛⲁⲛ
ⲁⲩⲱⲛⲧⲟⲟⲩⲙⲡⲉⲥⲛⲁⲩⲁⲩⲃⲱⲕⲉϩⲣⲁⲓⲉⲙⲉⲥⲁⲫⲡⲙⲁⲛⲛⲁⲗⲗⲟⲫⲩⲗⲟⲥⲡⲉϫⲉⲛⲁⲗⲗⲟⲫⲩⲗⲟⲥⲛⲛⲉⲩⲉⲣⲏⲩϫⲉⲉⲓⲥⲛϩⲉⲃⲣⲉⲟⲥⲁⲩⲉⲓⲉϩⲣⲁⲓϩⲛⲛⲉⲩⲃⲏⲃⲛⲧⲁⲩⲗⲟϭⲟⲩⲛϩⲏⲧⲟⲩ
ⲁⲩⲱⲛⲣⲱⲙⲉⲙⲙⲉⲥⲁⲫⲉⲧⲉⲡⲉⲩⲙⲁⲛⲣⲟⲉⲓⲥⲡⲉⲡⲉϫⲁⲩⲛⲓⲱⲛⲁⲑⲁⲛⲙⲛⲡⲉⲧϥⲓⲛⲛⲉϥⲥⲕⲏⲩⲉⲉⲩϫⲱⲙⲙⲟⲥⲛⲁⲩϫⲉⲁⲙⲏⲉⲓⲧⲛⲉϩⲣⲁⲓϣⲁⲣⲟⲛⲁⲩⲱⲧⲛⲛⲁⲧⲁⲙⲱⲧⲛⲉⲡⲉⲓϣⲁϫⲉⲡⲉϫⲉⲓⲱⲛⲁⲑⲁⲛⲙⲡⲉⲧϥⲓⲛⲛⲉϥⲥⲕⲉⲩⲏϫⲉⲟⲩⲁϩⲕⲛⲥⲱⲓϫⲉⲁⲡϫⲟⲉⲓⲥⲧⲁⲁⲩⲉϩⲣⲁⲓⲉⲧⲟⲟⲧϥⲙⲡⲓⲥⲣⲁⲏⲗ
ⲁⲩⲱⲓⲱⲛⲁⲑⲁⲛⲁϥⲃⲱⲕⲛⲁⲩⲉϩⲣⲁⲓⲉⲣⲉⲧⲟⲟⲧϥⲙⲛⲣⲁⲧϥⲧⲁϫⲣⲏⲩⲉⲣⲉⲡⲉⲧϥⲓⲛⲛⲉϥⲥⲕⲏⲩⲉⲟⲩⲏϩⲛⲥⲱϥⲛⲁⲗⲗⲟⲫⲩⲗⲟⲥⲁⲩⲉⲓⲟⲣⲙⲛⲥⲁⲡϩⲟⲛⲓⲱⲛⲁⲑⲁⲛⲓⲱⲛⲁⲑⲁⲛⲇⲉⲁϥϩⲓⲟⲩⲉⲛⲥⲱⲟⲩⲡⲉⲧϥⲓⲛⲛⲉⲥⲕⲏⲩⲉⲛⲉϥϯⲉⲧⲟⲟⲧϥ
ⲁⲩⲱⲧϣⲟⲣⲡⲉⲙⲡⲗⲩⲅⲏⲛⲧⲁⲓⲱⲛⲁⲑⲁⲛⲡⲁⲧⲁⲥⲥⲉⲙⲙⲟⲟⲩⲛϩⲏⲧⲥⲙⲛⲡⲉⲧϥⲓⲛⲛⲉϥⲥⲕⲏⲩⲉⲉⲩⲛⲁⲉⲣϫⲟⲩⲱⲧⲛⲣⲱⲙⲉϩⲛϩⲉⲛⲥⲟⲧⲉⲙⲛϩⲉⲛϣⲁⲩⲛⲱⲛⲉⲙⲛϩⲉⲛϩⲣⲟⲩϫⲉⲃⲛⲧⲉⲧⲥⲱϣⲉ
ⲁⲩϩⲟⲧⲉϣⲱⲡⲉϩⲛⲧⲡⲁⲣⲉⲙⲃⲟⲗⲏⲁⲩⲱϩⲛⲧⲥⲱϣⲉⲁⲩⲱⲡⲗⲁⲟⲥⲧⲏⲣϥⲉⲧϩⲉⲛⲙⲉⲥⲁⲫⲙⲛⲛⲉϣⲁⲩⲙⲓϣⲉⲁⲩϣⲧⲟⲣⲧⲣⲛⲧⲟⲟⲩϩⲱⲟⲩⲛⲉⲩⲟⲩⲱϣⲁⲛⲉϣⲉⲡⲉⲙⲕⲁϩⲡⲕⲁϩⲇⲉⲁϥⲣϩⲟⲧⲉⲛⲁⲩⲁⲩⲱⲟⲩϩⲟⲧⲉⲛⲧⲉⲡϫⲟⲉⲓⲥⲁⲥⲉⲓⲉϫⲱⲟⲩ
ⲁⲩⲱⲛⲉⲧⲉⲣⲟⲩⲱⲛⲥⲁⲟⲩⲗⲁⲩⲛⲁⲩϩⲛⲅⲁⲃⲁⲁⲛⲧⲉⲃⲉⲛⲓⲁⲙⲓⲛⲁⲩⲱⲉⲓⲥⲧⲡⲁⲣⲉⲙⲃⲟⲗⲏⲛⲉⲥϣⲧⲣⲧⲱⲣⲛⲥⲁⲡⲓⲥⲁⲙⲛⲡⲁⲓ
ⲡⲉϫⲉⲥⲁⲟⲩⲗⲙⲡⲗⲁⲟⲥⲉⲧⲛⲙⲙⲁⲩϫⲉⲙⲉϣⲧⲧⲏⲩⲧⲛⲛⲧⲉⲧⲛⲛⲁⲩϫⲉⲛⲓⲙⲉⲃⲟⲗⲙⲙⲱⲧⲛⲡⲉⲛⲧⲁϥⲃⲱⲕⲁⲩⲙⲟϣⲧⲟⲩⲇⲉⲁⲩⲱⲉⲓⲥϩⲏⲏⲧⲉⲙⲡⲟⲩϩⲉⲉⲓⲱⲛⲁⲑⲁⲛⲙⲛⲡⲉⲧϥⲓⲛⲛⲉϥⲥⲕⲉⲩⲏ
ⲡⲉϫⲉⲥⲁⲟⲩⲗⲛⲁⲭⲓⲃϫⲉⲁⲩⲉⲡⲉⲫⲟⲩⲁⲉⲡⲉⲓⲙⲁϫⲉⲛⲧⲟϥⲛⲉϥϥⲓⲙⲡⲉⲫⲟⲩⲇⲙⲡⲉϩⲟⲟⲩⲉⲧⲙⲙⲁⲩϩⲓⲧϩⲏⲙⲡⲓⲥⲣⲁⲏⲗ
ⲉⲣⲉⲥⲁⲟⲩⲗⲇⲉϣⲁϫⲉⲙⲛⲡⲩⲏⲏⲃⲟⲩⲛⲟϭⲛϩⲣⲟⲟⲩⲉⲙⲁⲧⲉⲁϥϣⲱⲡⲉϩⲛⲧⲡⲁⲣⲉⲙⲃⲟⲗⲏⲛⲛⲁⲗⲗⲟⲫⲩⲗⲟⲥⲡⲉϫⲉⲥⲁⲟⲩⲗⲙⲡⲟⲩⲏⲏⲃϫⲉⲥⲁϩⲉⲧⲟⲟⲧⲕⲉϩⲟⲩⲛ
ⲁⲩⲱⲥⲁⲟⲩⲗⲁϥⲙⲟⲟϣⲉⲉϩⲣⲁⲓⲙⲛⲡⲗⲁⲟⲥⲧⲏⲣϥⲉⲧⲛⲙⲙⲁϥⲁⲩⲡⲱϩϣⲁⲡⲙⲁⲙⲙⲓϣⲉⲁⲩⲱⲉⲓⲥⲧⲥⲏϥⲉⲙⲡⲟⲩⲁⲡⲟⲩⲁⲁⲥⲉⲓⲉϫⲛⲛⲉⲩⲉⲣⲏⲩⲁⲩⲛⲟϭⲛϩⲃⲁϣⲱⲡⲉⲛϩⲏⲧⲟⲩ
ⲁⲩⲱⲛⲕⲉϩⲙϩⲁⲗⲉⲧⲧⲏϩⲛⲥⲁϥⲙⲛϣⲉⲙⲛⲧⲙⲡϩⲟⲟⲩⲛϩⲟⲟⲩⲙⲛⲛⲁⲗⲗⲟⲫⲩⲗⲟⲥⲛⲉⲛⲧⲁⲩⲉⲓⲉϩⲣⲁⲓⲛⲙⲙⲁⲩⲉⲧⲡⲁⲣⲉⲙⲃⲟⲗⲏⲁⲩⲡⲱⲱⲛⲉⲉⲧⲣⲉⲩϣⲱⲡⲉϩⲱⲟⲩⲙⲛⲡⲓⲥⲣⲁⲏⲗⲛⲉⲧⲏⲡⲉⲥⲁⲟⲩⲗⲙⲛⲓⲱⲛⲁⲑⲁⲛ
ⲁⲩⲱⲡⲓⲥⲣⲁⲏⲗⲧⲏⲣϥⲛⲉⲩⲗⲏϫϩⲙⲡⲧⲟⲟⲩⲛⲉⲫⲣⲁⲓⲙⲁⲩⲥⲱⲧⲙϫⲉⲛⲁⲗⲗⲟⲫⲩⲗⲟⲥⲁⲩϭⲱⲧⲡⲛⲧⲟⲟⲩϩⲱⲟⲩⲁⲩⲡⲱⲧⲛⲥⲱⲟⲩⲉⲡⲡⲟⲗⲉⲙⲟⲥ
ⲁⲡϫⲟⲉⲓⲥⲧⲟⲩϫⲉⲡⲓⲥⲣⲁⲏⲗⲙⲡⲉϩⲟⲟⲩⲉⲧⲙⲙⲁⲩⲁⲩⲱⲡⲡⲟⲗⲏⲙⲟⲥⲁϥⲡⲱϩϣⲁⲉϩⲣⲁⲓⲉⲃⲟⲑⲟⲣⲟⲛⲁⲩⲱⲡⲙⲏⲏϣⲉⲧⲏⲣϥⲉⲧⲙⲟⲟϣⲉⲙⲛⲥⲁⲟⲩⲗⲛⲉⲩⲛⲁⲣⲟⲩⲧⲃⲁⲛⲣⲱⲙⲉⲁⲩⲱⲡⲉⲙⲗⲁϩⲛⲉϥⲥⲱⲧⲏⲣⲉⲃⲟⲗϩⲛⲧⲡⲟⲗⲓⲥⲧⲏⲣⲥϩⲙⲡⲧⲟⲟⲩⲛⲉⲫⲣⲁⲓⲙ
ⲥⲁⲟⲩⲗⲇⲉⲁϥϣⲱⲡⲉϩⲛⲟⲩⲛⲟϭⲙⲙⲛⲧⲁⲧⲥⲟⲟⲩⲛⲙⲡⲉϩⲟⲟⲩⲉⲧⲙⲙⲁⲩⲁⲩⲱⲥⲁⲟⲩⲗⲁϥⲣⲁⲛⲁϣⲙⲡⲗⲁⲟⲥⲉϥϫⲱⲙⲙⲟⲥϫⲉϥⲥϩⲟⲩⲟⲣⲧⲛϭⲓⲡⲉⲧⲛⲁⲟⲩⲉⲙⲟⲉⲓⲕϣⲁⲡⲛⲁⲩⲛⲣⲟⲩϩⲉϫⲉⲉⲓⲉϫⲓⲕⲃⲁⲙⲡⲁϫⲁϫⲉⲁⲩⲱⲡⲗⲁⲟⲥⲇⲉⲧⲏⲣϥⲙⲡⲉϥⲧⲉⲡⲟⲉⲓⲕ
ⲡⲕⲁϩⲇⲉⲧⲏⲣϥⲛⲉϥⲁⲣⲓⲥⲧⲁⲛⲉⲣⲉⲟⲩⲙⲁⲛϣⲏⲛⲇⲉⲛϯϩⲙⲉϥⲛⲉⲃⲓⲱϣⲟⲟⲡⲙⲡⲙⲧⲟⲉⲃⲟⲗⲛⲧⲥⲱϣⲉ
ⲁⲩⲱⲡⲗⲁⲟⲥⲁϥⲧⲁⲁϥⲉϩⲣⲁⲓⲉⲡⲙⲁⲛϯϩⲙⲉϥⲛⲉⲃⲓⲱⲛⲉⲣⲉⲡⲗⲁⲟⲥⲇⲉⲙⲟⲟϣⲉⲉϥϣⲁϫⲉⲉⲙⲛⲗⲁⲁⲩⲕⲧⲟⲛⲧⲉϥϭⲓϫⲉϩⲟⲩⲛⲉⲧⲉϥⲧⲁⲡⲣⲟϫⲉⲡⲗⲁⲟⲥⲁϥⲣϩⲟⲧⲉⲛϩⲏⲧϥⲙⲡⲁⲛⲁϣⲙⲡϫⲟⲉⲓⲥ
ⲓⲱⲛⲁⲑⲁⲛⲇⲉⲙⲡⲉϥⲥⲱⲧⲙϫⲉⲁⲡⲉϥⲉⲓⲱⲧⲧⲁⲣⲕⲉⲡⲗⲁⲟⲥⲁⲩⲱⲓⲱⲛⲁⲑⲁⲛⲁϥⲥⲟⲩⲧⲛϩⲧⲏϥⲉⲃⲟⲗⲙⲡⲉϥϭⲉⲣⲱⲃⲉⲧϩⲛⲧⲉϥϭⲓϫⲁϥⲥⲟⲡϥϩⲙⲡⲙⲟⲩⲗϩⲛⲉⲃⲓⲱⲁϥⲕⲧⲟⲛⲧⲉϥϭⲓϫⲉϩⲟⲩⲛⲉⲣⲱϥⲁⲛⲉϥⲃⲁⲗⲛⲁⲩⲁⲩϫⲱⲧⲉ
ⲟⲩⲁⲇⲉⲉⲃⲟⲗϩⲙⲡⲗⲁⲟⲥⲛⲉϥϫⲱⲙⲙⲟⲥⲛⲁϥϫⲉϩⲛⲟⲩⲁⲛⲁϣⲡⲉⲕⲉⲓⲱⲧⲁϥⲧⲁⲣⲕⲉⲡⲗⲁⲟⲥⲉϥϫⲱⲙⲙⲟⲥϫⲉϥⲥϩⲟⲩⲟⲣⲧⲛϭⲓⲟⲩⲣⲱⲙⲉⲉⲧⲛⲁⲟⲩⲉⲙⲟⲉⲓⲕⲙⲡϩⲟⲟⲩⲡⲗⲁⲟⲥⲇⲉⲁϥⲥⲱϣⲙ
ⲁⲩⲱⲓⲱⲛⲁⲑⲁⲛⲁϥⲉⲓⲙⲉⲡⲉϫⲁϥϫⲉⲡⲁⲉⲓⲱⲧⲁϥⲑⲉⲙⲕⲉⲡⲕⲁϩⲁⲛⲁⲩⲉⲧϩⲉⲛⲧⲁⲛⲁⲃⲁⲗϫⲱⲧⲉⲉⲃⲟⲗϫⲉⲁⲓⲧⲉⲡⲟⲩϣⲏⲙⲉⲃⲟⲗϩⲙⲡⲓⲉⲃⲓⲱ
ⲉⲓⲉⲉⲛⲉⲛⲧⲁⲡⲗⲁⲟⲥϭⲉⲟⲩⲱⲙϩⲛⲟⲩⲱⲙⲙⲡϩⲟⲟⲩⲉⲃⲟⲗϩⲛⲛⲉϣⲱⲗⲛⲛⲉⲩϫⲁϫⲉⲛⲁⲓⲛⲧⲁϥϩⲉⲉⲣⲟⲟⲩⲧⲉⲛⲟⲩⲛⲉⲣⲉⲧⲉⲡⲗⲩⲅⲏⲛⲁⲁϣⲁⲓⲡⲉⲉϫⲛⲛⲁⲗⲗⲟⲫⲩⲗⲟⲥ
ⲁⲩⲱⲁϥⲡⲁⲧⲁⲥⲥⲉⲓⲉⲃⲟⲗϩⲛⲛⲁⲗⲗⲟⲫⲩⲗⲟⲥⲙⲡⲉϩⲟⲟⲩⲉⲧⲙⲙⲁⲩϩⲙⲙⲁⲭⲙⲁⲥⲡⲗⲁⲟⲥⲇⲉⲁϥϩⲓⲥⲉⲉⲙⲁⲧⲉ
ⲁⲩⲱⲡⲗⲁⲟⲥⲁϥⲧⲁⲁϥⲉⲛϣⲱⲗⲁⲡⲗⲁⲟⲥϫⲓⲛϩⲛⲟϩⲉⲛⲉⲥⲟⲟⲩⲙⲛϩⲉⲛⲁϩⲟⲟⲩⲁⲩⲱϩⲛⲕⲧⲏⲣⲛⲉϩⲉⲁⲩϣⲱⲱⲧⲙⲙⲟⲟⲩϩⲓϫⲙⲡⲕⲁϩ
ⲁⲩⲧⲁⲙⲉⲥⲁⲟⲩⲗⲇⲉⲉⲩϫⲱⲙⲙⲟⲥⲛⲁϥϫⲉⲁⲡⲗⲁⲟⲥⲣⲛⲟⲃⲉⲉⲡϫⲟⲉⲓⲥⲁϥⲟⲩⲉⲙⲁϥⲙⲛⲡⲉϥⲥⲛⲟϥⲁⲩⲱⲡⲉϫⲉⲥⲁⲟⲩⲗⲛⲁⲩϫⲉⲁⲛⲓⲟⲩⲛⲟϭⲛⲱⲛⲉⲉⲡⲉⲓⲙⲁⲉⲃⲟⲗϩⲛⲅⲑⲁⲉⲓⲙ
ⲡⲉϫⲉⲥⲁⲟⲩⲗⲇⲉⲛⲁⲩϫⲉⲃⲱⲕⲉⲃⲟⲗϩⲙⲡⲗⲁⲟⲥⲛⲧⲉⲧⲛϫⲟⲟⲥⲛⲁⲩϫⲉⲙⲁⲣⲉⲡⲟⲩⲁⲡⲟⲩⲁⲙⲙⲱⲧⲛⲉⲓⲛⲉⲉⲡⲉϥⲙⲁⲙⲡⲉϥⲣⲁⲥⲧⲉⲁⲩⲱⲡⲉϥⲉⲥⲟⲟⲩⲛϥϣⲁⲁⲧϥϩⲓϫⲙⲡⲓⲱⲛⲉϫⲉⲛⲛⲉⲧⲛⲣⲛⲟⲃⲉⲉⲡϫⲟⲉⲓⲥⲉⲧⲣⲉⲧⲉⲧⲛⲟⲩⲉⲙⲁϥⲙⲛⲡⲉϥⲥⲛⲟϥⲁⲩⲱⲡⲗⲁⲟⲥⲧⲏⲣϥⲡⲟⲩⲁⲡⲟⲩⲁⲁϥⲉⲓⲛⲉⲙⲡⲉⲧⲛⲧⲟⲟⲧϥⲁⲩϣⲱⲱⲧⲙⲙⲟⲟⲩⲙⲡⲙⲁⲉⲧⲙⲙⲁⲩ
ⲁⲩⲱⲥⲁⲟⲩⲗⲁϥⲕⲱⲧⲙⲡⲙⲁⲉⲧⲙⲙⲁⲩⲛⲟⲩⲑⲩⲥⲓⲁⲥⲧⲏⲣⲓⲟⲛⲙⲡϫⲟⲉⲓⲥⲡⲁⲓⲡⲉⲡⲉⲑⲩⲥⲓⲁⲥⲧⲏⲣⲓⲟⲛⲛⲧⲁⲥⲁⲟⲩⲗⲁⲣⲭⲓⲥⲑⲁⲓⲛⲕⲟⲧϥⲙⲡϫⲟⲉⲓⲥ
ⲁⲩⲱⲡⲉϫⲉⲥⲁⲟⲩⲗⲙⲡⲗⲁⲟⲥϫⲉⲙⲁⲣⲉⲛⲃⲱⲕⲉϫⲛⲛⲁⲗⲗⲟⲫⲩⲗⲟⲥⲛⲧⲉⲩϣⲏⲛⲧⲉⲛϩⲁⲣⲡⲁⲍⲉⲉⲃⲟⲗⲛϩⲏⲧⲟⲩϣⲁⲡⲛⲁⲩⲛϩⲧⲟⲟⲩⲉⲛⲧⲉⲛⲧⲙϣⲉϫⲡⲟⲩⲣⲱⲙⲉⲉⲃⲟⲗⲛϩⲏⲧⲟⲩⲡⲉϫⲁⲩⲛⲁϥϫⲉⲡⲁⲅⲁⲑⲟⲛⲧⲏⲣϥⲁⲣⲓϥⲛⲁϩⲣⲁⲕⲡⲉϫⲉⲡⲟⲩⲏⲏⲃϫⲉⲙⲁⲣⲉⲛϯⲙⲡⲉⲛⲟⲩⲟⲓⲉⲡⲉⲓⲙⲁⲉⲣⲁⲧϥⲙⲡⲛⲟⲩⲧⲉⲛⲧⲛϫⲛⲟⲩϥ
ⲁⲩⲱⲥⲁⲟⲩⲗⲁϥϫⲛⲉⲡⲛⲟⲩⲧⲉϫⲉⲉⲛⲉⲧⲁⲃⲱⲕⲉⲣⲁⲧⲟⲩⲛⲛⲁⲗⲗⲟⲫⲩⲗⲟⲥⲁⲩⲱⲛⲉⲕⲛⲁⲧⲁⲁⲩⲉϩⲣⲁⲓⲉⲛϭⲓϫⲙⲡⲓⲥⲣⲁⲏⲗⲙⲡⲙⲉⲡϫⲟⲉⲓⲥⲇⲉⲉⲣⲟⲩⲱⲛⲁϥⲙⲡⲉϩⲟⲟⲩⲉⲧⲙⲙⲁⲩ
ⲡⲉϫⲉⲥⲁⲟⲩⲗⲛⲁⲩϫⲉⲁⲛⲓⲛⲉⲉⲡⲉⲓⲙⲁⲛⲛⲉⲧⲁⲅⲙⲁⲧⲏⲣⲟⲩⲙⲡⲓⲥⲣⲁⲏⲗⲛⲧⲉⲧⲛⲉⲓⲙⲉⲁⲩⲱⲛⲧⲉⲧⲛⲛⲁⲩϫⲉⲛⲧⲁⲡⲉⲓⲛⲟⲃⲉϣⲱⲡⲉϩⲛⲛⲓⲙⲙⲡϩⲟⲟⲩ
ϫⲉⲡϫⲟⲉⲓⲥⲟⲛϩⲡⲉⲛⲧⲁϥⲧⲟⲩϫⲉⲙⲡⲓⲥⲣⲁⲏⲗϫⲉⲉϥϣⲁⲛⲧⲁⲙⲟⲛⲉⲧⲃⲉⲓⲱⲛⲁⲑⲁⲛⲡⲁϣⲏⲣⲉϩⲛⲟⲩⲙⲟⲩϥⲛⲁⲙⲟⲩⲡⲉⲁⲩⲱⲙⲡⲉⲗⲁⲁⲩϣⲁϫⲉϩⲙⲡⲗⲁⲟⲥⲧⲏⲣϥ
ⲡⲉϫⲉⲥⲁⲟⲩⲗⲛⲛⲣⲱⲙⲉⲧⲏⲣⲟⲩⲙⲡⲓⲥⲣⲁⲏⲗϫⲉⲛⲧⲱⲧⲛⲧⲉⲧⲛⲛⲁϣⲱⲡⲉϩⲛⲟⲩⲙⲛⲧϩⲙϩⲁⲗⲁⲛⲟⲕϩⲱⲱⲧⲟⲛⲙⲛⲓⲱⲛⲁⲑⲁⲛⲡⲁϣⲏⲣⲉⲧⲛⲛⲁϣⲱⲡⲉϩⲛⲟⲩⲙⲛⲧϩⲙϩⲁⲗⲡⲉϫⲉⲡⲗⲁⲟⲥⲛⲥⲁⲟⲩⲗϫⲉⲡⲁⲅⲁⲑⲟⲛⲉⲧⲛⲁϩⲣⲁⲕⲁⲣⲓϥ
ⲡⲉϫⲉⲥⲁⲟⲩⲗϫⲉⲡϫⲟⲉⲓⲥⲡⲛⲟⲩⲧⲉⲙⲡⲓⲥⲣⲁⲏⲗⲉⲧⲃⲉⲟⲩⲙⲡⲉⲕϣⲁϫⲉⲙⲡϩⲟⲟⲩⲙⲛⲡⲉⲕϩⲙϩⲁⲗⲉⲛⲉⲣⲉⲡⲛⲟⲃⲉⲉⲣⲟⲓⲏⲓⲱⲛⲁⲑⲁⲛⲡⲁϣⲏⲣⲉⲡϫⲟⲉⲓⲥⲡⲛⲟⲩⲧⲉⲙⲡⲓⲥⲣⲁⲏⲗϯⲙⲁⲉⲓⲛⲛⲁⲛⲁⲩⲱⲉⲕϣⲁⲛϫⲟⲟⲥϩⲓⲛⲁⲓⲧⲁⲓⲧⲉⲧϩⲉⲉⲧⲛⲁϣⲱⲡⲉϯⲙⲁⲉⲓⲛⲡϫⲟⲉⲓⲥⲉⲡⲉⲕⲗⲁⲟⲥⲡⲓⲥⲣⲁⲏⲗⲁⲩⲱⲡⲉⲕⲗⲏⲣⲟⲥⲁϥⲓⲉϫⲛⲓⲱⲛⲁⲑⲁⲛⲙⲛⲥⲁⲟⲩⲗⲡⲗⲁⲟⲥⲁϥⲉⲓⲉⲃⲟⲗ
ⲡⲉϫⲉⲥⲁⲟⲩⲗϫⲉⲛⲉϫⲕⲗⲏⲣⲟⲥϩⲛⲧⲁⲙⲏⲧⲉⲁⲩⲱϩⲛⲧⲙⲏⲧⲉⲛⲓⲱⲛⲁⲑⲁⲛⲡⲁϣⲏⲣⲉⲁⲩⲱⲡⲉⲧⲉⲣⲉⲡϫⲟⲉⲓⲥⲛⲁⲉⲓⲛⲉⲙⲡⲉⲕⲗⲏⲣⲟⲥⲉϫⲱϥⲉϥⲉⲙⲟⲩⲡⲉϫⲉⲡⲗⲁⲟⲥⲉϩⲟⲩⲛϩⲛⲥⲁⲟⲩⲗϫⲉⲛⲛⲉⲡⲉⲓϣⲁϫⲉϣⲱⲡⲉⲥⲁⲟⲩⲗⲇⲉⲁϥⲁⲛⲁⲅⲕⲁⲍⲉⲙⲡⲗⲁⲟⲥⲁⲩⲛⲉϫⲕⲗⲏⲣⲟⲥϩⲛⲧⲉϥⲙⲏⲧⲉⲁⲩⲱϩⲛⲧⲙⲏⲧⲉⲛⲓⲱⲛⲁⲑⲁⲛⲡⲉϥϣⲏⲣⲉⲁⲡⲉⲕⲗⲏⲣⲟⲥⲉⲓⲉϫⲛⲓⲱⲛⲁⲑⲁⲛ
ⲡⲉϫⲉⲥⲁⲟⲩⲗⲛⲓⲱⲛⲁⲑⲁⲛϫⲉⲙⲁⲧⲁⲙⲟⲓϫⲉⲟⲩⲡⲉⲛⲧⲁⲕⲁⲁϥⲁⲩⲱⲓⲱⲛⲁⲑⲁⲛⲁϥⲧⲁⲙⲟϥⲉϥϫⲱⲙⲙⲟⲥϫⲉⲛⲧⲁⲓⲥⲉⲡϩⲧⲏϥⲙⲡⲁϭⲉⲣⲱⲃⲛⲟⲩⲕⲟⲩⲓⲛⲉⲃⲓⲱⲁⲓⲧⲟⲡϥⲁⲩⲱⲉⲓⲥϩⲏⲏⲧⲉⲁⲛⲟⲕⲉⲓⲛⲁⲙⲟⲩⲉⲧⲃⲉⲡⲁⲓ
ⲡⲉϫⲉⲥⲁⲟⲩⲗⲛⲁϥϫⲉⲛⲁⲓⲛⲉⲧⲉⲣⲉⲡⲛⲟⲩⲧⲉⲛⲁⲁⲁⲩⲛⲁⲓⲁⲩⲱⲛⲉⲓⲕⲟⲟⲩⲉⲉϥⲉⲟⲩⲁϩⲟⲩⲉϫⲱⲓϫⲉϩⲛⲟⲩⲙⲟⲩⲕⲛⲁⲙⲟⲩⲙⲡϩⲟⲟⲩⲛϩⲟⲟⲩ
ⲁⲩⲱⲡⲗⲁⲟⲥⲡⲉϫⲁϥⲛⲥⲁⲟⲩⲗϫⲉⲉⲛⲉⲡϩⲟⲟⲩϩⲏϥⲛⲁⲙⲟⲩⲛϭⲓⲡⲉⲛⲧⲁϥⲉⲓⲣⲉⲙⲡⲉⲓⲛⲟϭⲛⲟⲩϫⲁⲓϩⲙⲡⲓⲥⲣⲁⲏⲗⲡϫⲟⲉⲓⲥⲟⲛϩϫⲉⲉϣⲱⲡⲉⲟⲩⲛⲟⲩⲃⲱⲛⲟⲩⲱⲧⲛⲁϩⲉⲉⲃⲟⲗϩⲛⲧⲉϥⲁⲡⲉⲉϩⲣⲁⲓⲉϫⲙⲡⲕⲁϩϫⲉⲡⲗⲁⲟⲥⲙⲡⲛⲟⲩⲧⲉⲁϥⲉⲓⲣⲉⲙⲡⲉⲓⲛⲟϭⲛⲛⲟⲃⲉⲁⲩⲱⲡⲗⲁⲟⲥⲁϥϣⲗⲏⲗⲉϩⲣⲁⲓⲉⲡⲛⲟⲩⲧⲉⲉϩⲣⲁⲓⲉϫⲛⲓⲱⲛⲁⲑⲁⲛⲙⲡⲉϩⲟⲟⲩⲉⲧⲙⲙⲁⲩⲁⲩⲱⲙⲡⲉϥⲙⲟⲩ
ⲥⲁⲟⲩⲗⲇⲉⲁϥⲃⲱⲕⲉⲣⲁⲧⲟⲩⲛⲛⲁⲗⲗⲟⲫⲩⲗⲟⲥⲁⲩⲱⲛⲁⲗⲗⲟⲫⲩⲗⲟⲥⲁⲩⲟⲗⲟⲩⲉϩⲣⲁⲓⲉⲛⲉⲩⲙⲁ
ⲁⲩⲱⲥⲁⲟⲩⲗⲁϥⲕⲗⲏⲣⲟⲩⲉⲧⲣⲉϥⲣⲣⲟⲁϥϣⲱⲡⲉⲛⲟⲩⲛⲟϭⲛϩⲱⲃⲉϫⲙⲡⲓⲥⲣⲁⲏⲗⲁⲩⲱⲛⲉϥⲡⲟⲗⲉⲙⲉⲓⲙⲛⲛⲉϫⲁϫⲉⲧⲏⲣⲟⲩⲉⲧϩⲙⲡⲉϥⲕⲱⲧⲉⲙⲱⲁⲃⲙⲛⲛⲉϣⲏⲣⲉⲛⲁⲙⲙⲱⲛⲁⲩⲱⲛϣⲏⲣⲉⲛⲉⲇⲱⲙⲁⲩⲱⲙⲛⲛⲉⲑⲁⲓⲃⲱⲣⲙⲛⲡⲣⲣⲟⲛⲥⲟⲩⲃⲁⲁⲩⲱⲙⲛⲛⲁⲗⲗⲟⲫⲩⲗⲟⲥⲡⲙⲁⲉϣⲁϥⲃⲱⲕⲉⲣⲟϥϣⲁϥⲟⲩϫⲁⲓⲛϩⲏⲧϥ
ⲁⲩⲱⲁϥⲉⲓⲣⲉⲛⲟⲩϭⲟⲙⲉⲥⲛⲁϣⲧⲁϥⲡⲁⲧⲁⲥⲥⲉⲓⲙⲡⲁⲙⲁⲗⲏⲕⲁⲩⲱⲁϥⲛⲟⲩϩⲙⲙⲡⲓⲥⲣⲁⲏⲗⲛⲧⲟⲟⲧⲟⲩⲛⲛⲉⲧⲑⲗⲓⲃⲉⲙⲙⲟⲟⲩ
ⲛϣⲏⲣⲉⲇⲉⲛⲥⲁⲟⲩⲗⲛⲁⲓⲛⲉⲓⲱⲛⲁⲑⲁⲛⲙⲛⲓⲉⲥⲟⲩⲗⲁⲩⲱⲙⲉⲗⲭⲓⲥⲁⲁⲩⲱⲛⲣⲁⲛⲛⲧⲉϥϣⲉⲉⲣⲉⲥⲛⲧⲉⲡⲣⲁⲛⲛⲧϣⲣⲡⲙⲓⲥⲉⲡⲉⲙⲉⲣⲱϥⲡⲣⲁⲛⲛⲧⲙⲉϩⲥⲛⲧⲉⲡⲉⲙⲉⲗⲭⲱⲗ
ⲡⲣⲁⲛⲇⲉⲛⲧⲉϥⲥϩⲓⲙⲉⲡⲉⲁⲭⲓⲛⲟⲟⲃⲧϣⲉⲉⲣⲉⲛⲁⲭⲓⲛⲁⲁⲥⲁⲩⲱⲡⲣⲁⲛⲙⲡⲉϥⲁⲣⲭⲓⲥⲧⲣⲁⲧⲏⲅⲟⲥⲡⲉⲁⲃⲉⲛⲛⲏⲣⲡϣⲏⲣⲉⲛⲛⲏⲣⲡϣⲏⲣⲉⲛⲧϩⲙϩⲁⲗⲛⲥⲁⲟⲩⲗ
ⲁⲩⲱϭⲓⲥⲡⲉⲡⲉⲓⲱⲧⲛⲥⲁⲟⲩⲗⲁⲩⲱⲛⲏⲣⲡⲉⲡⲉⲓⲱⲧⲛⲁⲃⲉⲛⲛⲏⲣⲡϣⲏⲣⲉⲛⲓⲁⲃⲓⲛⲡϣⲏⲣⲉⲛⲁⲃⲓⲏⲣ
ⲁⲩⲱⲡⲡⲟⲗⲉⲙⲟⲥⲛⲉϥⲛⲁϣⲧⲉϫⲛⲛⲁⲗⲗⲟⲫⲩⲗⲟⲥⲛⲛⲉϩⲟⲟⲩⲧⲏⲣⲟⲩⲛⲥⲁⲟⲩⲗⲁⲩⲱⲥⲁⲟⲩⲗⲛⲧⲉⲣⲉϥⲛⲁⲩⲉⲣⲱⲙⲉⲛⲓⲙⲛⲇⲩⲛⲁⲧⲟⲥⲁⲩⲱⲣⲱⲙⲉⲛⲓⲙⲉϥϫⲟⲟⲣⲁϥⲥⲟⲟⲩϩⲟⲩⲉϩⲟⲩⲛⲉⲣⲟⲟⲩ

ANNIS Metadata

people: Abner; Amalek; Ammon; Benjamin; Eli (biblical figure); Ephraim; Jonathan (1 Samuel); Phinehas; Saul
places: Kingdom of Israel (united monarchy); Moab
corpus: sahidic.ot
license: CC-BY-SA 4.0
source: Crosswire, CoptOT
annotation: Frank Feder, So Miyagawa, Elizabeth Platte, Caroline T. Schroeder, Amir Zeldes
version_date: 2021-09-23
version_n: 4.2.0
translation: The Septuagint Version of the Old Testament, L.C.L. Brenton, 1851, available at ebible.org
languages: Sahidic Coptic
project: CoptOT, Coptic SCRIPTORIUM, KELLIA
segmentation: automatic
tagging: automatic
parsing: automatic
entities: automatic
identities: automatic
note: Versification may not always align with traditional Septuagint versification. English translations may be misaligned or missing in places.
document_cts_urn: urn:cts:copticLit:ot.1sam.coptot:14
chapter: 14
title: 09_I Samuel_14

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:ot.1sam.coptot:14. [version number], [date]. https://data.copticscriptorium.org/urn:cts:copticLit:ot.1sam.coptot:14.

Subsequent citations:

Author, Ancient title (abbreviated) [chapter.verse if available], urn:cts:copticLit:ot.1sam.coptot:14.

Document Edition: urn:cts:copticLit:ot.1sam.coptot:14

Work: urn:cts:copticLit:ot.1sam

Text Group: urn:cts:copticLit:ot

The following links will direct you to the latest versions of data visualizations of the document.

Chapter View HTML: https://data.copticscriptorium.org/urn:cts:copticLit:ot.1sam.coptot:14/sahidica/html

Analytic Visualization HTML: https://data.copticscriptorium.org/urn:cts:copticLit:ot.1sam.coptot:14/analytic/html

The following links will direct you to the latest versions of the data for download.

Paula XML: https://data.copticscriptorium.org/urn:cts:copticLit:ot.1sam.coptot:14/paula/xml

relANNIS: https://data.copticscriptorium.org/urn:cts:copticLit:ot.1sam.coptot:14/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:ot.1sam.coptot:14/annis