Normalized Text
ⲁⲗⲗⲁⲟⲩⲇⲉⲛⲧⲟϥⲟⲩⲇⲉⲡⲉϥϣⲏⲣⲉⲙⲡⲉⲣⲕⲁⲁϥⲉⲉⲓⲉⲧⲙⲏⲧⲉⲛⲛⲉⲥⲛⲏⲩ. ⲁⲙⲁⲣⲓⲛⲟⲥⲉⲣⲙⲛⲧⲥⲛⲟⲟⲩⲥⲉⲅⲁⲣⲛⲣⲟⲙⲡⲉϩⲛⲧⲉⲓϩⲩⲡⲟⲙⲟⲛⲏⲭⲱⲣⲓⲥⲕⲉϯⲉϥⲥⲁⲙⲃⲟⲗⲙⲡⲣⲟⲙⲡⲉϥⲉⲣⲕⲟⲩⲓⲛϩⲏⲧⲛⲟⲩϩⲟⲟⲩⲟⲩⲇⲉⲙⲡⲉϥϫⲱⲛⲟⲩϣⲁ‐ϫⲉⲛ......ⲉⲃⲟⲗϩⲛⲣⲱϥⲟⲩⲇⲉⲙⲡⲉϥϣⲓⲛⲉⲛⲥⲁⲟⲩⲟⲉⲓⲕⲛⲧⲉⲡⲙⲟⲛⲁⲥⲧⲏⲣⲓⲟⲛⲟⲩⲇⲉⲟⲩⲃⲛⲛⲉⲟⲩⲇⲉⲙⲡⲉⲡⲉϥⲙⲉⲉⲩⲉϯⲙⲕⲁϩⲛⲁϥⲉⲧⲃⲉⲡⲉϥⲉⲓⲱⲧϫⲉⲁϥϯⲛⲛⲉⲛⲟⲩⲃⲛⲁⲩⲁⲗⲗⲁⲉⲛⲉϥⲧⲏⲧⲛϩⲏⲧⲉϫⲛⲧⲉϥϭⲓⲛⲱⲛϩϩⲙⲡϩⲱⲃⲛⲛⲉϥϭⲓϫ. ⲁⲩⲱⲧⲉϥⲧⲣⲟⲫⲏⲡⲉⲟⲩⲟⲉⲓⲕⲙⲛⲟⲩϩⲙⲟⲩⲙⲛⲟⲩⲙⲟⲟⲩϩⲛⲟⲩϣⲓ. ⲁⲥϣⲱⲡⲉⲇⲉⲛⲧⲉⲣⲉⲧⲉϥⲡⲣⲟⲑⲉⲥⲙⲓⲁϫⲱⲕⲉⲃⲟⲗϩⲙⲡⲉⲓⲕⲟⲥⲙⲟⲥⲡⲣⲟⲥⲡⲧⲱϣⲛⲣⲱⲙⲉⲛⲓⲙⲁϥϣⲱⲛⲉ. ⲁⲡϩⲙⲟⲙϩⲣⲟϣⲉϫⲱϥ. ⲁⲡⲉⲙⲛⲟⲩⲧⲃⲱⲕⲉϩⲟⲩⲛϣⲁⲣⲟϥⲁϥϩⲉⲉⲣⲟϥⲉϥⲛⲕⲟⲧⲕϩⲓⲡⲕⲁϩⲉⲣⲉⲟⲩⲱⲛⲉϩⲁⲧⲉϥⲁⲡⲉ. ⲡⲉϫⲁϥⲛⲁϥϫⲉⲟⲩⲁϥϣⲱⲡⲉⲙⲙⲟⲕⲡⲁⲥⲟⲛⲙⲁⲣⲓⲛⲟⲥ. ⲡⲉϫⲁϥⲛⲁϥϫⲉⲁⲣⲓⲡⲁⲙⲉⲉⲩⲉⲡⲁϭⲟⲉⲓⲥⲛⲉⲓⲱⲧϫⲉϯϣⲱⲛⲉⲙⲡϩⲟⲟⲩ. ⲡⲛⲟⲩⲧⲉⲙⲙⲉⲓⲏⲥⲟⲩⲥⲡⲉⲭⲣⲓⲥⲧⲟⲥⲡⲉⲧⲛⲁⲧⲟⲩⲉⲓⲟⲛⲁⲕⲙⲡⲉⲕⲃⲉⲕⲉϩⲁⲣⲟⲓⲙⲛⲡⲁⲕⲟⲩⲓⲛϣⲏⲣⲉ. ϯⲙⲉⲉⲩⲉⲡⲁⲙⲉⲣⲓⲧⲛⲉⲓⲱⲧϫⲉⲡⲁϣⲱⲛⲉⲛϩⲁⲉⲡⲉⲡⲁⲓ. ⲁⲣⲓⲡϫⲱⲕⲙⲡⲉⲕⲛⲁⲛⲙⲙⲁⲓⲉⲧⲃⲉⲡⲛⲟⲩⲧⲉ. ⲉⲓϣⲁⲛⲉⲓⲉⲃⲟⲗϩⲛⲥⲱⲙⲁⲕⲁⲡⲁⲕⲟⲩⲓⲛϣⲏⲣⲉϩⲁⲧⲏⲕⲡⲉⲇⲉⲩⲉⲙⲙⲟϥⲕⲁⲗⲟⲥϩⲛⲧϩⲟⲧⲉⲙⲡⲁϫⲟⲉⲓⲥⲙⲛⲡⲕⲱⲧⲛⲛⲉⲛⲉⲓⲟⲧⲉⲙⲛⲡϩⲱⲃⲛϭⲓϫⲉⲧⲃⲉⲧⲉϥϭⲓⲛⲱⲛϩ. ⲁⲩⲱϯⲟⲩⲱϣⲧⲙⲙⲟⲕⲉϫⲙⲡⲁϩⲟⲙⲡⲉⲣⲕⲁⲗⲁⲁⲩⲛⲣⲱⲙⲉ........ⲉⲣⲟⲓⲉⲓϣⲁⲛⲙⲟⲩⲁⲗⲗⲁⲁⲣⲓⲧⲁⲅⲁⲡⲏⲛⲅϫⲓⲙⲡⲃⲉⲕⲉⲛϩⲁⲉϭⲗⲁ.....ⲧⲉϥⲧⲥⲟⲣⲉⲛⲡⲓⲙⲁⲙⲟⲣⲧⲛϩⲏⲧⲥϩⲛⲙⲙⲛⲧⲙ......ⲛⲟϫⲧⲉϩⲟⲩⲡⲉⲟⲩⲁϩⲛⲛⲉⲩϩⲁⲁⲩ. ⲡⲁⲓⲡⲉⲡⲉⲧⲛⲁⲛⲟⲩ......ⲛϣⲁ.........ⲉⲃⲟⲗⲛ.......ⲁⲥϣⲟⲡⲉ ⲇⲉⲙⲡⲛⲁⲩⲙⲡⲟⲩⲟⲉⲓⲛⲙⲡⲉ.....ϫⲧⲉⲁⲡⲙⲛⲟⲩⲧⲥⲱⲧⲙⲉⲧⲉⲥⲙⲏ ⲙⲡⲉϣⲏⲣⲉⲕⲟⲩⲓⲉϥⲣⲓⲙⲉⲉϥϫⲱⲙⲙⲟⲥϫⲉⲟⲩⲟⲉⲓⲛⲁⲓⲡⲁⲙⲉⲣⲓⲧⲛⲉⲓⲱⲧϫⲉⲁⲕⲁⲁⲧⲛⲧⲁⲗⲁⲓⲡⲟⲣⲟⲥ ⲙⲡϩⲟⲟⲩ.ⲁϥⲃⲱⲕⲉϩⲟⲩⲛϣⲁⲣⲟϥⲁϥϩⲉⲉⲣⲟϥⲉⲁϥⲟⲩⲱⲉϥⲙⲟⲩ. ⲁϥϩⲙⲟⲥⲁϥⲣⲓⲙⲉϩⲱⲱϥⲁⲩⲱⲙⲛⲛⲥⲁⲟⲩⲕⲟⲩⲓⲁϥⲧⲱⲟⲩⲛϫⲉⲉϥⲛⲁϣⲱϣⲙⲡⲉϥⲥⲱⲙⲁⲉϩⲣⲁⲓⲁϥϭⲱϣⲧⲉⲛⲉⲥⲙⲉⲗⲟⲥⲁϥϩⲉⲉⲣⲟⲥⲉⲩⲥϩⲓⲙⲉⲧⲉⲛⲧϩⲉⲛⲟⲩⲟⲛⲛⲓⲙ. ⲁϥⲙⲟⲩϣⲧⲛⲛⲉⲥⲉⲕⲓⲃⲉⲁϥϩⲉⲉϩⲟⲟⲩⲉⲩϣⲏⲩⲛⲟⲩⲕⲟⲩⲓⲉⲩϩⲟϭⲃⲉⲧⲃⲉⲧⲁⲥⲕⲏⲥⲓⲥ. ϩⲛⲧⲉⲩⲛⲟⲩⲛⲧⲁϥⲉⲓⲙⲉϫⲉⲟⲩⲥϩⲓⲙⲉⲧⲉⲁϥⲡⲱϩⲛⲛⲉϥϩⲟⲓⲧⲉⲁϥⲧⲁⲗⲟⲛⲟⲩⲕⲣⲙⲉⲥⲉϫⲛⲧⲉϥⲁⲡⲉⲉϥⲣⲓⲙⲉⲁϥⲃⲱⲕϣⲁⲡⲉϩⲉⲗⲗⲟⲛϩⲩⲅⲟⲩⲙⲉⲙⲟⲥⲉϥϩⲱⲗⲉⲃⲟⲗⲛⲥⲁⲛⲉⲃⲱⲛⲧⲉϥⲙⲟⲣⲧ. ⲛⲧⲉⲣⲉϥⲛⲁⲩⲉⲣⲟϥⲛϭⲓⲡϩⲗⲗⲟⲁϥϣⲧⲟⲣⲧⲣⲡⲉϫⲁϥⲛⲁϥϫⲉⲟⲩⲁϥϣⲱⲡⲉⲡⲁϣⲕⲣⲉ. ⲡⲉϫⲁϥⲛⲁϥϫⲉⲟⲩⲟⲉⲓⲛⲁⲓⲡⲁϫⲟⲉⲓⲥⲛⲉⲓⲱⲧϫⲉⲟⲩⲛⲟⲩϭⲱⲛⲧⲛⲧⲡⲛⲟⲩⲧⲉⲛⲉⲩⲉϫⲱⲛⲉⲃⲟⲗϩⲛⲧⲡⲉ. ⲡⲉϫⲉⲡϩⲗⲗⲟⲉⲧⲃⲉⲟⲩⲡⲉϫⲁϥϫⲉⲉⲧⲃⲉⲙⲁⲣⲓⲛⲟⲥⲡϩⲙϩⲁⲗⲙⲡⲛⲟⲩⲧⲉϫⲉⲉⲓⲥϫⲟⲩⲱⲧⲉⲛⲣⲟⲙⲡⲉⲉⲛϯⲉⲙⲕⲁϩⲛⲁϥⲙⲡⲉⲛⲉⲓⲙⲉⲙⲛⲉϥⲉⲣⲕⲟⲩⲓⲛϩⲏⲧⲛⲟⲩϩⲟⲟⲩⲛⲟⲩⲱⲧ. ⲁϥⲙⲧⲟⲛⲙⲙⲟϥⲛⲧⲉⲓⲟⲩϣⲏⲁⲓϩⲉⲉⲣⲟϥⲉⲩⲥϩⲓⲙⲉⲧⲉⲛⲧϩⲉⲛⲧⲁⲙⲁⲁⲩⲛⲧⲁⲥϫⲡⲟⲓ. ⲡϩⲗⲗⲟⲇⲉⲁϥⲱϣⲉⲃⲟⲗⲁϥⲣⲓⲙⲉⲁϥϩⲱⲗⲉⲃⲟⲗⲛⲥⲁⲛⲉⲃⲱⲛⲧⲉϥⲙⲟⲣⲧⲁϥⲱϣⲉⲃⲟⲗⲉϥϫⲱⲙⲙⲟⲥϫⲉⲡϫⲟⲉⲓⲥⲓⲏⲥⲟⲩⲥⲡⲉⲭⲣⲓⲥⲧⲟⲥⲙⲡⲉⲣⲧⲁⲕⲟⲓⲉⲧⲃⲉⲛⲁⲛⲟⲃⲉϫⲉϩⲛⲛⲟϭⲛⲉ. ⲁⲛⲉⲥⲛⲏⲩⲧⲏⲣⲟⲩⲥⲱⲟⲩϩⲉϩⲟⲩⲛⲧⲉⲣⲟⲩⲥⲱⲧⲙⲉⲡⲉϥϩⲣⲟⲟⲩⲉϥⲣⲓⲙⲉϫⲉⲛⲁⲓⲁⲧⲕⲛⲧⲟⲕⲙⲁⲣⲓⲛⲟⲥ.ⲡⲙⲁⲣⲧⲩⲣⲟⲥⲙⲡⲉⲭⲣⲓⲥⲧⲟⲥⲓⲏⲥⲟⲩⲥ. ⲧⲱⲟⲩⲛⲡⲁϣⲏⲣⲉⲙⲁⲣⲉⲛⲣⲓⲙⲉⲉⲣⲟⲛⲛⲧⲉⲛⲃⲱⲕϣⲁⲟⲩⲥⲕⲉⲩⲥⲛϭⲱⲃⲛⲧⲁⲥϯϣⲓⲡⲉⲛⲛⲉⲙⲟⲛⲁⲭⲟⲥⲧⲏⲣⲟⲩ. ⲙⲁⲣⲉⲛⲃⲱⲕⲛⲧⲛⲟⲩⲱϣⲧϩⲓϫⲱⲥϩⲛϩⲉⲛⲣⲙⲉⲓⲟⲟⲩⲉⲉⲛⲁϣⲱⲟⲩⲛⲥⲁⲡⲁⲣⲁⲕⲁⲗⲉⲓⲙⲡⲛⲟⲩⲧⲉⲉϫⲱⲛⲛϥϥⲓⲙⲙⲁⲩⲙⲡⲉϥϭⲱⲛⲧⲉⲃⲟⲗϩⲓϫⲱⲛⲉⲧⲃⲏⲏⲧⲥϫⲉⲁⲡϫⲁϫⲉⲉⲣⲡⲉϥⲟⲩⲱϣⲛϩⲏⲧⲛ).ⲉⲓⲥⲟⲩⲛⲟϭⲛⲭⲣⲟⲛⲟⲥⲉⲛϯⲙⲧⲟⲛⲛⲁϥⲉⲛϯϭⲱⲛⲧⲙⲡⲛⲟⲩⲧⲉⲙⲡⲉⲛⲉⲓⲙⲉ.
ⲁⲩⲧⲱⲟⲩⲛⲧⲏⲣⲟⲩⲙⲛⲡϩⲗⲗⲟⲁⲩⲃⲱⲕⲉⲡⲙⲁⲛϣⲱⲡⲉⲉⲧⲥⲁⲛⲃⲟⲗⲉⲣⲉⲙⲁⲣⲓⲛⲟⲥⲉⲛⲕⲟⲧⲕⲛϩⲏⲧϥ.ⲉⲣⲉⲡⲕⲟⲩⲓⲛϣⲏⲣⲉϩⲙⲟⲟⲥϩⲁⲧⲏϥⲉϥⲣⲓⲙⲉ. ⲛⲧⲉⲣⲟⲩⲉⲓⲙⲉⲉⲧⲙⲉϫⲉⲟⲩⲥϩⲓⲙⲉⲧⲉ. ⲁⲩϫⲓⲥⲉⲛⲧⲉⲩⲥⲙⲏⲉⲩⲣⲓⲙⲉ. ⲁⲩⲟⲩⲱϣⲧⲉϫⲙⲡⲉⲩϩⲟⲙⲡϫⲟⲉⲓⲥϫⲉⲡⲛⲟⲩⲧⲉⲙⲡⲉⲣⲧⲁⲕⲟⲛⲉⲧⲃⲉⲡⲛⲟⲃⲉⲛⲧⲁⲛⲁⲁϥⲙⲡⲉⲓϫⲓⲕⲁⲓⲟⲥ. ⲁⲩⲱⲙⲛⲛⲥⲁⲟⲩⲕⲟⲩⲓ. ⲡⲉϫⲁⲩϫⲉⲙⲁⲣⲉⲛϯⲧⲱϣⲉⲡⲉⲥⲥⲱⲙⲁϩⲛϯⲙⲏⲛⲓⲙ. ⲁⲩⲧⲱⲟⲩⲛⲛϭⲓⲛⲉⲥⲛⲏⲩⲛⲧⲇⲓⲁⲕⲟⲛⲓⲁϩⲛⲕⲏⲙⲉ ⲡⲉϫⲁⲩϫⲉⲙⲁⲣⲉⲛⲧⲛⲛⲟⲟⲩⲛⲥⲁⲡⲁⲣⲭⲱⲛⲛⲧⲡⲟⲗⲓⲥⲛϥⲛⲁⲩⲉⲡⲛⲧⲁϥϣⲱⲡⲉⲛϥⲉⲓⲙⲛⲛⲁⲧⲉϥⲡⲟⲗⲓⲥϫⲉⲧⲛⲟⲛⲣⲙϩⲉⲉⲡⲧⲟⲗⲙⲛⲧⲉϥⲁⲕⲁⲑⲁⲣⲧⲟⲥⲛϣⲉⲉⲣⲉ. ⲕⲁⲓⲅⲁⲣⲉⲓⲥϫⲟⲩⲧⲟⲩⲉⲛⲣⲟⲙⲡⲉⲁⲛϩⲱⲛⲧⲉϫⲁⲕⲟⲩⲙⲡϣⲓⲡⲉⲕⲱⲙⲙⲟⲛⲁⲛⲛⲧⲛⲟⲩⲉⲛϩⲡⲛϩⲟⲉⲃⲟⲗϩⲛⲧⲡⲟⲗⲓⲥ. ϩⲛⲧⲉⲩⲛⲟⲩⲁⲩϫⲟⲟⲩⲛⲥⲱϥⲙⲡⲟⲩⲕⲓⲙⲉⲡⲥⲱⲙⲁⲙⲡⲙⲉⲧⲟⲩⲁⲁⲃⲙⲁⲣⲓⲛⲟⲥϣⲁⲛⲧⲉϥⲉⲓϩⲛⲟⲩϣⲧⲟⲣⲧⲣ
.ⲁϥⲉⲓⲙⲉⲉⲡⲛⲟⲃⲉⲛⲧⲁϥⲁⲁϥⲁϥⲡⲁϩⲧϥⲉϫⲙⲡⲉϥϩⲟⲁϥⲟⲩⲱϣⲧⲙⲡϩⲗⲗⲟⲙⲛⲛⲉⲥⲛⲏⲩⲧⲏⲣⲟⲩⲉϥⲣⲓⲙⲉϫⲉϯⲡⲁⲣⲁⲕⲁⲗⲉⲓⲙⲙⲱⲧⲛⲧⲱⲃϩⲙⲡⲛⲟⲩⲧⲉⲉϫⲱⲓⲛϥⲛⲁⲛⲁⲓⲛϥⲕⲱⲛⲁⲓⲉⲃⲟⲗⲙⲡⲛⲟⲃⲉⲛⲧⲁⲓⲁⲁϥϫⲉϫⲓⲛⲉⲡⲉⲟⲩⲟⲉⲓϣⲉⲧⲙⲙⲁⲩ ⲙⲡⲉⲗⲁⲁⲩⲛⲥⲟⲟⲩⲧⲛⲧⲁϩⲟⲓⲟⲩⲇⲉϩⲙⲡⲁⲥⲱⲙⲁⲟⲩⲇⲉϩⲛⲛⲉⲧϣⲟⲟⲡⲛⲁⲓ.
ⲡⲉⲓⲡⲁⲣⲁⲡⲧⲱⲙⲁⲉⲥⲟⲩⲁⲁⲃⲉⲣⲉⲧⲉⲥⲙⲛⲧⲣⲙϩⲉⲛⲧⲟⲟⲧⲥϩⲁⲣⲟϥ.
ⲁⲣⲓⲧⲁⲅⲁⲡⲏⲛⲁⲉⲓⲟⲧⲉⲉⲧⲟⲩⲁⲁⲃⲛⲅⲗⲏⲣⲟⲥⲙⲛⲛⲁⲉⲓⲟⲧⲉⲙⲙⲟⲛⲁⲭⲟⲥ. ⲟⲩⲁⲛⲛⲓⲙⲉⲧⲛⲁⲱϣϩⲙⲡⲓⲕⲉⲫⲁⲗⲉⲱⲛⲛϫⲱⲱⲙⲉϣⲗⲏⲗϩⲓϫⲙⲡⲉⲛⲙⲁⲓⲛⲟⲩⲧⲉⲛⲁⲭⲣⲉϯϯⲕⲱⲣϫⲣϫⲓⲁϣⲉⲛⲟⲩⲧⲉ. ⲡϣⲏⲣⲉⲛⲉⲕⲣⲱⲙⲉⲣⲕⲟⲩⲣⲓⲟⲥⲡⲁⲧⲟⲩⲧⲱⲛ.ϫⲉⲛⲧⲟϥⲁϥϥⲓⲡⲉϥⲣⲟⲟⲩϣϩⲛⲛⲉϥϩⲓⲥⲉⲙⲙⲓⲛⲙⲙⲟϥ. ⲁϥⲧⲁⲁϥⲉϩⲟⲩⲛⲉⲧⲉⲕⲕⲗⲏⲥⲓⲁⲙⲡⲉⲡⲣⲟⲫⲏⲧⲏⲥⲉⲧⲟⲩⲁⲁⲃⲁⲡⲁϣⲉⲛⲟⲩⲧⲉⲛⲡⲧⲟⲟⲩⲛⲁⲧⲣⲏⲡⲉϩⲙⲡⲧⲟϣⲡⲁⲛⲟⲡⲟⲗⲓⲥϩⲁⲡⲥⲱⲧⲉⲛⲧⲉϥⲯⲩⲭⲏϫⲉⲕⲁⲥⲉⲣⲉⲡⲉⲡⲣⲟⲫⲏⲧⲏⲥⲉⲧⲟⲩⲁⲁⲃⲁⲡⲁϣⲉⲛⲟⲩⲧⲉⲡⲁⲣⲁⲕⲁⲗⲉⲓⲙⲡⲣⲣⲟⲡⲭⲣⲓⲥⲧⲟⲥⲉϩⲣⲁⲓⲉϫⲱϥⲛϩⲕⲱⲛⲁϥⲉⲃⲟⲗⲛⲛⲉϥⲛⲟⲃⲉⲧⲏⲣⲟⲩⲛϥⲥⲙⲟⲩⲉⲣⲟϥⲙⲛⲧⲉϥⲥϩⲓⲙⲉⲙⲛⲛⲉϥϣⲏⲣⲉⲙⲛⲡⲉϥϫⲓⲙⲛⲡⲉϥϯⲙⲛⲉⲛⲕⲁⲛⲓⲙⲉⲧϣⲟⲟⲡⲛⲁϥ). ⲁⲩⲱⲟⲛⲛϥϯⲛⲁϥⲛⲧϣⲃⲃⲓⲱⲙⲡⲉϥⲉⲣⲏⲧⲛϣⲉⲛⲕⲱⲃⲛⲥⲟⲡϩⲛⲧϩⲓⲉⲣⲟⲩⲥⲁⲗⲏⲙⲛⲧⲡⲉⲧⲡⲟⲗⲓⲥⲛⲛⲉϫⲓⲕⲁⲓⲟⲥⲧⲏⲣⲟⲩ. ϩⲁⲙⲏⲛ.ⲉⲥⲉϣⲱⲡⲉ.
Cite this Document
When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.
Use the following model to cite this document. Our full citation guidelines page provides more models.
First citation:
Author, Ancient title [chapter.verse if available], ed. [annotators], trans. [translation]. urn:cts:copticLit:lives.marina.giron_ed:1-9. [version number], [date]. https://data.copticscriptorium.org/urn:cts:copticLit:lives.marina.giron_ed:1-9.
Subsequent citations:
Author, Ancient title (abbreviated) [chapter.verse if available], urn:cts:copticLit:lives.marina.giron_ed:1-9.
Document Edition: urn:cts:copticLit:lives.marina.giron_ed:1-9
Work: urn:cts:copticLit:lives.marina
Text Group: urn:cts:copticLit:lives
The following links will direct you to the latest versions of data visualizations of the document.
Normalized Text HTML: https://data.copticscriptorium.org/urn:cts:copticLit:lives.marina.giron_ed:1-9/norm/html
Analytic Visualization HTML: https://data.copticscriptorium.org/urn:cts:copticLit:lives.marina.giron_ed:1-9/analytic/html
The following links will direct you to the latest versions of the data for download.
TEI XML: https://data.copticscriptorium.org/urn:cts:copticLit:lives.marina.giron_ed:1-9/tei/xml
Paula XML: https://data.copticscriptorium.org/urn:cts:copticLit:lives.marina.giron_ed:1-9/paula/xml
relANNIS: https://data.copticscriptorium.org/urn:cts:copticLit:lives.marina.giron_ed:1-9/relannis
The following link will direct you to the latest version of the corpus available for search and querying in ANNIS:
ANNIS UI: https://data.copticscriptorium.org/urn:cts:copticLit:lives.marina.giron_ed:1-9/annis