Life of Shenoute - part 1
normalized analytic TEI ANNIS PAULA Search ANNIS

Analytic Visualization

Show:








ϩⲁⲛⲕⲟⲩϫⲓⲉⲃⲟⲗϧⲉⲛⲛⲓϫⲟⲙⲛⲉⲙⲛⲓϣⲫⲏⲣⲓⲉⲧⲁⲫⲛⲟⲩϯⲁⲓⲧⲟⲩⲉⲃⲟⲗϩⲓⲧⲟⲧϥⲙⲡⲉⲛⲓⲱⲧⲉⲑⲟⲩⲁⲃⲙⲡⲣⲟⲫⲏⲧⲏⲥⲁⲡⲁϣⲉⲛⲟⲩϯⲡⲓⲡⲣⲉⲥⲃⲩⲧⲉⲣⲟⲥⲟⲩⲟϩⲡⲓⲁⲣⲭⲓⲙⲁⲛⲇⲣⲓⲧⲏⲥⲉⲁϥϩⲩⲥⲧⲟⲣⲓⲛⲙⲙⲱⲟⲩⲛϫⲉⲫⲏⲉⲑⲟⲩⲁⲃⲁⲡⲁⲃⲏⲥⲁⲡⲉϥⲙⲁⲑⲏⲧⲏⲥⲉⲩⲱⲟⲩⲙⲫⲛⲟⲩϯ
ⲟⲩⲟϩⲟⲩϩⲏⲟⲩⲛⲟⲩⲟⲛⲛⲓⲃⲉⲛⲉⲑⲛⲁⲥⲱⲧⲉⲙⲉⲣⲱⲟⲩⲛⲥⲉϯⲱⲟⲩⲙⲫⲛⲟⲩϯⲛⲥⲏⲟⲩⲛⲓⲃⲉⲛⲛϩⲟⲩⲟⲇⲉⲡⲓⲉϩⲟⲟⲩⲛⲧⲉⲡⲉϥⲉⲣⲫⲙⲉⲩⲓⲉⲑⲟⲩⲁⲃⲉⲧⲉⲥⲟⲩⲍⲙⲡⲓⲁⲃⲟⲧⲉⲡⲏⲡⲡⲉϧⲉⲛⲟⲩϩⲓⲣⲏⲛⲏⲛⲧⲉⲫⲛⲟⲩϯⲁⲙⲏⲛ.
ϯⲛⲁⲉⲣϩⲏⲧⲥⲛⲥⲁϫⲓⲉⲑⲃⲉⲛⲓϫⲟⲙⲛⲉⲙⲛⲓϣⲫⲏⲣⲓⲉⲧⲁϥⲁⲓⲧⲟⲩⲛϫⲉⲫⲛⲟⲩϯⲉⲃⲟⲗϩⲓⲧⲟⲧϥⲙⲡⲉⲛⲙⲁⲕⲁⲣⲓⲟⲥⲛⲓⲱⲧⲉⲑⲟⲩⲁⲃⲁⲡⲁϣⲉⲛⲟⲩϯⲛⲁⲓⲉⲧⲁⲓⲛⲁⲩⲉⲣⲱⲟⲩϧⲉⲛⲛⲁⲃⲁⲗⲁⲛⲟⲕⲃⲏⲥⲁⲡⲉϥⲙⲁⲑⲏⲧⲏⲥⲛⲉⲙⲛⲓⲕⲉⲭⲱⲟⲩⲛⲓⲟⲛⲉⲧⲁⲡⲉⲛⲓⲱⲧⲉⲑⲟⲩⲁⲃⲁⲡⲁϣⲉⲛⲟⲩϯϫⲟⲧⲟⲩⲉⲣⲟⲓϧⲉⲛⲡⲉϥⲣⲱϥⲉⲧⲉⲙⲙⲟⲛϩⲗⲓⲙⲙⲉⲑⲛⲟⲩϫⲛϧⲏⲧϥ
ⲛⲁⲓϯⲛⲟⲩⲉⲧⲓⲛⲁⲧⲁⲟⲩⲉϩⲁⲛⲕⲟⲩϫⲓⲉⲣⲱⲧⲉⲛⲉⲃⲟⲗⲛϧⲏⲧⲟⲩ.
ⲁⲩⲓⲥⲛⲧⲉⲛⲟⲩⲱⲛϩⲛⲱⲧⲉⲛⲉⲃⲟⲗϯⲛⲟⲩⲛⲛⲓϫⲟⲙⲛⲉⲙⲛⲓϣⲫⲏⲣⲓⲉⲧⲁⲫⲛⲟⲩϯⲉⲣⲉⲛⲉⲣⲅⲓⲛⲙⲙⲱⲟⲩⲉⲃⲟⲗϩⲓⲧⲟⲧϥⲙⲡⲁⲓⲱⲧⲛϧⲉⲗⲗⲟ.
ⲓⲥⲟⲩⲙⲏϣⲅⲁⲣⲛⲉϩⲟⲟⲩϯϧⲟⲥⲓⲟⲩⲟϩϯϣⲧⲉⲣⲧⲱⲣⲉⲓⲉⲣϩⲟϯⲉϯⲙⲡⲁⲟⲩⲟⲓⲉϧⲟⲩⲛⲉⲛⲓϩⲃⲏⲟⲩⲓⲛϣⲫⲏⲣⲓⲛⲧⲉⲡⲁⲓⲱⲧⲁⲡⲁϣⲉⲛⲟⲩϯϫⲉⲁⲛⲟⲕⲟⲩⲁⲥⲑⲉⲛⲏⲥⲟⲩⲟϩⲛϩⲓⲇⲓⲱⲧⲏⲥϧⲉⲛⲡⲥⲁϫⲓⲙⲏⲡⲱⲥⲛⲧⲁⲱⲙⲥϧⲉⲛⲡⲓⲡⲉⲗⲁⲅⲟⲥⲛⲧⲉⲛⲓⲙⲱⲟⲩⲉⲑⲃⲉϫⲉϯⲉⲙⲓⲛⲛⲏⲃⲓⲁⲛ.
ϯⲉⲣⲭⲣⲉⲱⲥⲧⲓⲛⲅⲁⲣϧⲉⲛⲟⲩⲛⲓϣϯⲛⲭⲣⲉⲟⲥⲁⲗⲗⲁⲡⲓⲇⲁⲛⲓⲥⲧⲏⲥϣⲑⲟⲣⲧⲉⲣⲁⲛϧⲉⲛⲛⲉϥϩⲃⲏⲟⲩⲓ.
ⲡⲁⲓⲱⲧⲅⲁⲣⲁⲡⲁϣⲉⲛⲟⲩϯⲫⲁⲡⲓⲉⲣⲫⲙⲉⲩⲓⲉⲑⲛⲁⲛⲉϥⲫⲁⲓⲉⲧⲉⲛⲉⲣϣⲁⲓⲛⲁϥⲙⲫⲟⲟⲩⲟⲩϣⲟⲩⲥⲁϫⲓⲡⲉⲛⲛⲉϥϩⲃⲏⲟⲩⲓⲉⲑⲛⲁⲛⲉⲩⲛⲉϥⲁⲥⲕⲏⲥⲓⲥⲛⲉⲙⲛⲉϥⲡⲟⲗⲏⲧⲓⲁⲛⲉⲙⲛⲉϥⲁⲣⲉⲧⲏⲛϣⲟⲩⲉⲣϣⲫⲏⲣⲓⲙⲙⲱⲟⲩⲛⲉⲙⲛⲓⲛⲓϣϯⲙⲙⲏⲓⲛⲓⲙⲡⲁⲣⲁⲇⲟⲝⲟⲛⲉⲧⲁⲩϣⲱⲡⲓⲉⲃⲟⲗϩⲓⲧⲟⲧϥⲉⲟⲩⲟⲛⲓⲛⲛⲁⲛⲓⲡⲣⲟⲫⲏⲧⲏⲥⲉⲑⲟⲩⲁⲃⲛⲉⲙⲛⲓⲁⲡⲟⲥⲧⲟⲗⲟⲥⲛⲧⲉⲡϭⲟⲉⲓⲥ.
ⲛⲉⲟⲩⲟⲛⲟⲩϯⲙⲓⲇⲉϫⲉϣⲉⲛⲁⲗⲟⲗⲉⲧϧⲉⲛⲡⲑⲟϣϣⲙⲓⲛϯⲡⲟⲗⲓⲥⲟⲩⲟϩⲛⲁⲩϣⲟⲡⲛϧⲏⲧϥⲛϫⲉⲛⲉⲛⲓⲟϯⲛⲇⲓⲕⲁⲓⲟⲥⲙⲡⲉⲛⲓⲱⲧⲉⲧⲥⲙⲁⲣⲱⲟⲩⲧ.
ⲫⲓⲱⲧⲇⲉⲛⲁⲡⲁϣⲉⲛⲟⲩϯⲛⲉⲟⲩⲟⲩⲱⲓⲡⲉϧⲉⲛⲡⲓⲕⲁϩⲓⲟⲩⲟϩⲛⲁⲩϣⲟⲡⲛⲁϥⲡⲉⲛϫⲉϩⲁⲛⲕⲟⲩϫⲓⲛⲉⲥⲱⲟⲩⲟⲩⲟϩⲁϥⲧⲏⲓⲧⲟⲩⲉⲧⲟⲧϥⲛⲟⲩⲙⲁⲛⲉⲥⲱⲟⲩⲉⲑⲣⲉϥⲁⲙⲟⲛⲓⲙⲙⲱⲟⲩϧⲉⲛⲧⲕⲟⲓ.
ⲡⲓⲙⲁⲛⲉⲥⲱⲟⲩⲇⲉⲁϥϫⲟⲥⲙⲫⲓⲱⲧⲛⲁⲡⲁϣⲉⲛⲟⲩϯϫⲉⲙⲁⲡⲓⲁⲗⲟⲩϣⲉⲛⲟⲩϯⲛⲏⲓⲛⲧⲉϥϫⲟⲩϣⲧⲉⲛⲓⲉⲥⲱⲟⲩⲛⲉⲙⲏⲓⲟⲩⲟϩϯⲛⲁⲭⲁⲟⲩⲕⲟⲩϫⲓⲛⲁⲕⲉⲃⲟⲗϧⲉⲛⲡⲁⲃⲉⲭⲉⲉⲑⲃⲏⲧϥ.
ⲧⲟⲧⲉⲡⲓⲕⲟⲩϫⲓⲛⲁⲗⲟⲩϣⲉⲛⲟⲩϯⲛⲉⲁϥⲉⲣϩⲏⲧⲥⲛⲁⲓⲁⲓⲡⲉϧⲉⲛⲡⲓϩⲙⲟⲧⲛⲧⲉⲫⲛⲟⲩϯⲉⲧϣⲟⲡⲛϧⲏⲧϥⲟⲩⲟϩⲛⲁϥϯⲉⲡⲁⲛⲁⲓⲛⲕⲟⲩϫⲓ.ⲕⲟⲩϫⲓ.
ⲡⲉϫⲉⲧⲙⲁⲩⲙⲡⲓⲕⲟⲩϫⲓⲛⲁⲗⲟⲩϣⲉⲛⲟⲩϯⲙⲡⲓⲙⲁⲛⲉⲥⲱⲟⲩϫⲉϩⲏⲡⲡⲉϯⲛⲁϯⲛⲁⲕⲙⲡⲁϣⲏⲣⲓⲁⲗⲗⲁⲟⲩⲟⲣⲡϥⲛⲏⲓⲛϩⲁⲛⲁⲣⲟⲩϩⲓⲙⲙⲏⲓⲛⲓϫⲉⲟⲩϣⲏⲣⲓⲙⲙⲁⲩⲁⲧϥⲛⲏⲓⲡⲉⲉⲓⲣⲁϣⲓⲉⲫⲛⲟⲩϯⲛⲉⲙⲁϥⲙⲡⲓⲉϩⲟⲟⲩⲛⲉⲙⲡⲓⲉϫⲱⲣϩ.
ⲟⲩⲟϩⲡⲉϫⲉⲡⲓⲙⲁⲛⲉⲥⲱⲟⲩⲛⲱⲟⲩϫⲉϯⲛⲁⲟⲩⲟⲣⲡϥⲛⲱⲧⲉⲛⲉϩⲣⲏⲓⲙⲙⲏⲛⲓⲙⲡⲁⲧⲉⲫⲣⲏϩⲱⲧⲡ.
ⲧⲟⲧⲉⲗⲟⲓⲡⲟⲛⲁⲡⲓⲙⲁⲛⲉⲥⲱⲟⲩϭⲓⲙⲡⲓⲁⲗⲟⲩϣⲉⲛⲟⲩϯⲟⲩⲟϩⲁϥⲁⲙⲟⲛⲓⲛⲛⲓⲉⲥⲱⲟⲩⲛⲉⲙⲁϥⲟⲩⲟϩⲁⲣⲉϣⲁⲛⲣⲟⲩϩⲓϣⲱⲡⲓⲙⲙⲏⲛⲓϣⲁⲣⲉⲡⲓⲙⲁⲛⲉⲥⲱⲟⲩⲟⲩⲱⲣⲡⲙⲡⲓⲁⲗⲟⲩϣⲉⲛⲟⲩϯⲛⲛⲉϥⲓⲟϯⲉⲡⲓϯⲙⲓ.
ⲛⲑⲟϥⲇⲉⲁⲡⲁϣⲉⲛⲟⲩϯⲛⲉϣⲁϥϩⲱⲗⲉϧⲣⲏⲓⲉⲟⲩϣⲏⲓⲙⲙⲱⲟⲩⲉϥⲟⲩⲏⲟⲩⲉⲃⲟⲗⲙⲡϯⲙⲓⲛⲟⲩⲕⲟⲩϫⲓⲟⲩⲟϩⲛⲉⲡⲓⲁⲃⲟⲧⲧⲱⲃⲓⲛⲉⲛⲓⲉϩⲟⲟⲩⲉⲧⲉⲙⲙⲁⲩⲟⲩⲟϩⲡⲁⲓⲣⲏϯⲛⲉϣⲁϥⲫⲱⲣϣⲛⲛⲉϥϫⲓϫⲉⲃⲟⲗⲛⲧⲉϥϣⲗⲏⲗⲉⲣⲉⲡⲓⲙⲱⲟⲩⲛⲏⲟⲩϣⲁⲡⲉϥⲙⲟⲩⲧ
ⲟⲩⲟϩⲁⲣⲉϣⲁⲛⲡⲓⲟⲩⲱⲓⲛⲓⲓⲉⲃⲟⲗⲙⲙⲏⲛⲓϣⲁⲣⲉⲧⲙⲁⲩⲙⲡⲓⲕⲟⲩϫⲓⲛϣⲏⲣⲓⲛⲉⲙⲡⲉϥⲓⲱⲧⲉⲙⲗⲁϧⲛⲉⲙⲡⲓⲙⲁⲛⲉⲥⲱⲟⲩⲉⲩϫⲱⲙⲙⲟⲥϫⲉⲉⲑⲃⲉⲟⲩⲙⲡⲉⲕⲟⲩⲱⲣⲡⲙⲡⲉⲛϣⲏⲣⲓⲛⲁⲛⲛⲣⲟⲩϩⲓ;
ⲧⲉⲛⲉⲣϩⲟϯⲅⲁⲣϫⲉⲛⲛⲉⲟⲩⲡⲉⲧϩⲱⲟⲩϣⲱⲡⲓⲙⲙⲟϥ.
ⲧⲟⲧⲉϣⲁⲣⲉⲡⲓⲙⲁⲛⲉⲥⲱⲟⲩϫⲟⲥⲛⲛⲉϥⲓⲟϯϫⲉϧⲉⲛⲟⲩⲙⲉⲑⲙⲏⲓϯⲟⲩⲱⲣⲡⲙⲙⲟϥⲛⲱⲧⲉⲛⲛⲣⲟⲩϩⲓⲙⲙⲏⲛⲓ.
ⲟⲩⲉϩⲟⲟⲩⲇⲉⲉⲃⲟⲗϧⲉⲛⲟⲩⲉϩⲟⲟⲩⲁⲡⲓⲙⲁⲛⲉⲥⲱⲟⲩⲙⲟϣⲓϩⲓⲫⲁϩⲟⲩⲙⲡⲓⲕⲟⲩϫⲓⲛϣⲏⲣⲓϣⲉⲛⲟⲩϯϣⲁⲧⲉϥⲫⲟϩⲉⲡⲓϣⲏⲓⲙⲙⲱⲟⲩ.
ⲛⲉⲟⲩⲟⲛⲟⲩⲛⲟⲩϩⲓⲇⲉϩⲓϫⲉⲛⲡⲓϣⲏⲓⲙⲙⲱⲟⲩ.
ⲧⲟⲧⲉⲡⲓⲁⲗⲟⲩⲁϥϩⲱⲗⲉⲡⲉⲥⲏⲧⲉⲡⲓⲙⲱⲟⲩⲟⲩⲟϩⲁϥϣⲗⲏⲗⲉϩⲣⲏⲓϩⲁⲫⲛⲟⲩϯⲉⲣⲉⲛⲉϥϫⲓϫⲫⲟⲣϣⲉⲃⲟⲗⲉⲡϣⲱⲓⲉⲧⲫⲉ.
ⲡⲓⲙⲁⲛⲉⲥⲱⲟⲩⲇⲉⲁϥⲉⲣϩⲓⲫⲁϩⲟⲩⲙⲙⲟϥⲁϥⲭⲟⲡϥϧⲁⲧⲉⲛϯⲛⲟⲩϩⲓϣⲁⲧⲉϥⲛⲁⲩⲉⲫⲏⲉⲣⲉⲡⲓⲕⲟⲩϫⲓⲛϣⲏⲣⲓⲛⲁⲁⲓϥ
ⲟⲩⲟϩⲛⲁⲣⲉⲡⲓⲙⲁⲛⲉⲥⲱⲟⲩⲉⲣⲙⲉⲑⲣⲉⲉϥϫⲱⲙⲙⲟⲥϫⲉⲁⲓⲛⲁⲩⲉⲡⲓⲓⲛⲧⲏⲃⲛⲧⲉⲡⲓⲕⲟⲩϫⲓⲛϣⲏⲣⲓⲉⲩⲟⲓⲙⲫⲣⲏϯⲙⲓⲛⲗⲁⲙⲡⲁⲥⲛⲭⲣⲱⲙⲟⲩⲟϩⲡⲁⲓⲣⲏϯⲁⲓⲧⲁⲥⲑⲟⲓⲉⲫⲁϩⲟⲩⲁⲓϣⲉⲛⲏⲓⲉⲥⲕⲉⲛⲛⲁⲉⲥⲱⲟⲩ.
ⲉⲧⲁⲧⲟⲟⲩⲓⲇⲉϣⲱⲡⲓⲡⲉϫⲁϥⲁϥⲓⲛϫⲉⲡⲉϥⲓⲱⲧⲁϥⲉⲙⲗⲁϧⲛⲉⲙⲏⲓⲟⲛⲉϥϫⲱⲙⲙⲟⲥϫⲉⲉⲑⲃⲉⲟⲩⲙⲡⲉⲕⲟⲩⲱⲣⲡⲙⲡⲁϣⲏⲣⲓⲛⲏⲓⲛⲣⲟⲩϩⲓ;
ⲡⲉϫⲏⲓⲛⲁϥϫⲉⲱⲗⲓⲙⲡⲉⲕϣⲏⲣⲓⲛⲁⲕⲙⲙⲟⲛϯⲉⲙⲡϣⲁⲙⲙⲟϥⲁⲛⲉⲑⲣⲉϥⲟϩⲓϧⲁⲧⲟⲧ.
ⲟⲩⲟϩⲁⲡⲉϥⲓⲱⲧⲟⲗϥⲉⲡⲉϥⲏⲓ.
ⲛⲁⲓⲛⲉⲛⲏⲉⲧⲁⲡⲓⲙⲁⲛⲉⲥⲱⲟⲩϫⲟⲧⲟⲩⲉⲁϥⲉⲣⲙⲉⲑⲣⲉⲙⲙⲱⲟⲩⲛⲁⲛ.
ⲙⲉⲛⲉⲥⲁⲓⲇⲉⲛⲉϩⲟⲟⲩⲓⲥϫⲉⲛⲉⲧⲁⲛⲁⲓϣⲱⲡⲓⲁⲡⲉϥⲓⲱⲧⲟⲗϥϣⲁⲫⲏⲉⲑⲟⲩⲁⲃⲁⲡⲁⲡϫⲱⲗϫⲉⲛⲧⲉϥϭⲓⲥⲙⲟⲩⲉⲃⲟⲗϩⲓⲧⲟⲧϥ.
ⲉⲧⲓⲇⲉⲉⲩϩⲓⲡⲓⲙⲱⲓⲧⲉⲧⲁϥϧⲱⲛⲧⲉⲡⲓⲧⲟⲡⲟⲥⲛⲧⲉⲫⲏⲉⲑⲟⲩⲁⲃⲁⲡⲁⲡϫⲱⲗϣⲁⲧⲉⲛⲟⲩⲙⲓⲗⲓⲟⲛⲕⲁⲧⲁⲟⲩϯⲙⲁϯⲇⲉⲛⲁⲣⲉⲟⲩⲟⲛϩⲁⲛⲙⲏϣⲛⲁⲣⲭⲱⲛⲛⲧⲉϯⲡⲟⲗⲓⲥϣⲙⲓⲛϧⲁⲧⲟⲧϥⲉϥϯⲥⲃⲱⲛⲱⲟⲩⲉⲛⲏⲉⲧⲉⲣⲛⲟϥⲣⲓⲉⲛⲟⲩⲯⲩⲭⲏ
ⲡⲉϫⲉⲫⲏⲉⲑⲟⲩⲁⲃⲁⲡⲁⲡϫⲱⲗⲛⲛⲓⲣⲱⲙⲓⲉⲧϩⲉⲙⲥⲓϧⲁⲧⲟⲧϥϫⲉⲧⲉⲛⲑⲏⲛⲟⲩⲙⲁⲣⲟⲛⲉⲃⲟⲗϩⲓⲧϩⲏⲙⲡⲓⲁⲣⲭⲏⲙⲁⲛⲇⲣⲓⲧⲏⲥ.
ⲁϥⲧⲱⲛϥⲇⲉⲛϫⲉⲫⲏⲉⲑⲟⲩⲁⲃⲁⲡⲁⲡϫⲱⲗⲛⲉⲙⲛⲓⲕⲉⲣⲱⲙⲓⲉⲧϩⲉⲙⲥⲓϧⲁⲧⲟⲧϥⲁⲩⲓⲥⲁⲃⲟⲗ.
ⲉⲧⲁϥⲫⲟϩⲇⲉⲉⲁⲡⲁϣⲉⲛⲟⲩϯⲛϫⲉⲁⲡⲁⲡϫⲱⲗⲁϥⲁⲙⲟⲛⲓⲛⲧϫⲓϫⲛⲁⲡⲁϣⲉⲛⲟⲩϯ
ⲁⲡⲁϣⲉⲛⲟⲩϯⲁϥⲧⲁⲗⲟⲥⲉϫⲉⲛⲧⲉϥⲁⲫⲉⲉϥϫⲱⲙⲙⲟⲥϫⲉⲥⲙⲟⲩⲉⲣⲟⲓⲡⲁⲓⲱⲧⲡⲓⲁⲣⲭⲏⲙⲁⲛⲇⲣⲓⲧⲏⲥ.
ⲟⲩⲟϩⲉⲧⲁⲩϣⲉⲉϧⲟⲩⲛⲁⲩϩⲉⲙⲥⲓ.
ⲧⲟⲧⲉⲛⲉⲟⲩⲟⲛⲟⲩⲣⲱⲙⲓⲉϥϩⲉⲙⲥⲓϧⲁⲧⲉⲛⲁⲡⲁⲡϫⲱⲗⲉⲣⲉⲟⲩⲟⲛⲟⲩⲡⲛⲉⲩⲙⲁⲛⲁⲕⲁⲑⲁⲣⲧⲟⲛϩⲓⲱⲧϥⲟⲩⲟϩⲉⲧⲁⲡⲓⲕⲟⲩϫⲓⲛϣⲏⲣⲓⲛⲁⲩⲉⲡⲓⲡⲛⲉⲩⲙⲁⲉϥϧⲉⲛⲡⲓⲣⲱⲙⲓⲁϥⲥⲱⲟⲩⲧⲉⲛⲉⲃⲟⲗⲛⲧⲉϥϫⲓϫⲁϥⲱⲗⲓⲛⲟⲩⲕⲟⲩϫⲓⲛⲕⲉⲗⲉⲗⲓⲁϥⲉⲣϩⲏⲧⲥⲛⲣⲱϧⲧⲙⲡⲓⲇⲁⲓⲙⲱⲛⲉⲧϧⲉⲛⲡⲓⲣⲱⲙⲓ
ⲟⲩⲟϩⲁϥⲱϣⲉⲃⲟⲗⲛϫⲉⲡⲓⲡⲛⲉⲩⲙⲁⲙⲡⲟⲛⲏⲣⲟⲛⲉϥϫⲱⲙⲙⲟⲥϫⲉϯⲛⲁⲫⲱⲧⲉⲃⲟⲗϩⲁⲣⲟⲕⲱϣⲉⲛⲟⲩϯϫⲉⲟⲩⲏⲓⲓⲥϫⲉⲛⲡⲓⲛⲁⲩⲉⲧⲁⲓⲛⲁⲩⲉⲣⲟⲕⲁⲡⲓⲭⲣⲱⲙⲟⲩⲱⲙⲛⲥⲱⲓ.
ⲟⲩⲟϩϧⲉⲛϯⲟⲩⲛⲟⲩⲁⲡⲓⲡⲛⲉⲩⲙⲁⲉⲣⲁⲛⲁⲭⲱⲣⲓⲛⲛⲁϥⲉⲃⲟⲗϧⲉⲛⲡⲓⲣⲱⲙⲓⲟⲩⲟϩⲁϥⲟⲩϫⲁⲓⲁϥϯⲱⲟⲩⲙⲫⲛⲟⲩϯⲡⲓⲁⲅⲁⲑⲟⲥ.
ⲡⲉϫⲉⲁⲡⲁⲡϫⲱⲗⲙⲡⲓⲕⲟⲩϫⲓⲛϣⲏⲣⲓϣⲉⲛⲟⲩϯϫⲉⲟϩⲓϣⲁⲧⲉⲡⲓⲥⲏⲟⲩⲓⲡⲁϣⲏⲣⲓ.
ⲁⲥϣⲱⲡⲓⲇⲉⲟⲛⲙⲉⲛⲉⲛⲥⲁⲛⲁⲓⲁⲁⲡⲁⲡϫⲱⲗⲥⲁϫⲓⲛⲉⲙⲫⲓⲱⲧⲛⲁⲡⲁϣⲉⲛⲟⲩϯⲉϥϫⲱⲙⲙⲟⲥϫⲉⲙⲁⲣⲉⲡⲓⲕⲟⲩϫⲓⲛϣⲏⲣⲓⲟϩⲓϧⲁⲧⲟⲧⲛⲧⲁⲓϩⲉⲃⲇⲟⲙⲁⲥⲟⲩⲟϩⲛⲧⲉⲕⲓⲛⲥⲱϥ.
ⲉⲡⲉⲓⲇⲏⲅⲁⲣⲧⲙⲁⲩⲛⲁⲡⲁϣⲉⲛⲟⲩϯⲧⲥⲱⲛⲓⲛⲁⲡⲁⲡϫⲱⲗⲧⲉⲛϣⲉⲛⲓⲱⲧϩⲓⲙⲁⲩⲟⲩⲟϩⲁϥⲭⲁϥϧⲁⲧⲟⲧϥ.
ⲉⲧⲁⲣⲟⲩϩⲓⲇⲉϣⲱⲡⲓⲙⲡⲓⲉϩⲟⲟⲩⲉⲧⲉⲙⲙⲁⲩⲁⲁⲡⲁⲡϫⲱⲗⲉⲛⲕⲟⲧϧⲉⲛⲟⲩⲙⲁⲙⲙⲁⲩⲁⲧϥ.
ⲡⲓⲕⲟⲩϫⲓⲇⲉϩⲱϥⲛⲁⲗⲟⲩϣⲉⲛⲟⲩϯⲁϥⲧⲏⲓϥⲉⲟⲩⲙⲁⲙⲙⲁⲩⲁⲧϥ.
ⲁⲁⲡⲁⲡϫⲱⲗⲇⲉⲁϥϥⲁⲓⲛⲛⲉϥⲃⲁⲗⲉⲡϣⲱⲓⲉⲧⲫⲉⲁϥⲛⲁⲩⲉⲟⲩⲁⲅⲅⲉⲗⲟⲥⲛⲧⲉⲡϭⲟⲉⲓⲥⲉϥⲣⲱⲓⲥⲉⲡⲓⲕⲟⲩϫⲓⲛϣⲏⲣⲓϣⲉⲛⲟⲩϯⲉϥⲉⲛⲕⲟⲧ
ⲟⲩⲟϩⲡⲉϫⲉⲡⲓⲁⲅⲅⲉⲗⲟⲥⲛⲁⲡⲁⲡϫⲱⲗϫⲉⲁⲕϣⲁⲛⲧⲱⲛⲕⲛϣⲱⲣⲡⲡⲓⲥⲭⲏⲙⲁⲉⲧⲉⲕⲛⲁϫⲉⲙϥϧⲁϫⲱⲕⲙⲏⲓϥϩⲓϫⲉⲛⲡⲓⲕⲟⲩϫⲓⲛϣⲏⲣⲓϣⲉⲛⲟⲩϯ.
ⲡⲓⲥⲭⲏⲙⲁⲅⲁⲣⲛⲧⲉⲏⲗⲓⲁⲥⲡⲓⲑⲉⲥⲃⲩⲧⲏⲥⲡⲉⲉⲁⲡϭⲟⲉⲓⲥⲓⲏⲥⲟⲩⲥⲟⲩⲟⲣⲡϥⲛⲁⲕⲉⲑⲣⲉⲕⲧⲏⲓϥⲉϫⲱϥϫⲉⲟⲩⲏⲓⲅⲁⲣϥⲛⲁϣⲱⲡⲓⲛⲟⲩⲣⲱⲙⲓⲛⲇⲓⲕⲁⲓⲟⲥⲟⲩⲟϩⲛⲥⲱⲧⲡⲙⲙⲟⲛⲟⲩⲟⲛⲛⲁⲧⲱⲛϥⲙⲉⲛⲉⲛⲥⲱϥϧⲉⲛⲛⲓⲭⲱⲣⲁⲧⲏⲣⲟⲩⲉϥⲟⲛⲓⲙⲙⲟϥϥⲛⲁⲕⲱⲧⲛⲟⲩⲙⲟⲛⲁⲥⲧⲏⲣⲓⲟⲛ
ⲟⲩⲟϩϥⲛⲁϣⲱⲡⲓⲛⲥⲟⲗⲥⲉⲗⲛⲉⲙⲥⲕⲉⲡⲓⲛⲟⲩⲟⲛⲛⲓⲃⲉⲛⲉⲑⲛⲁϣⲉⲉⲣⲁⲧϥⲙⲡⲉϥⲧⲟⲡⲟⲥⲟⲩⲟϩⲧⲉϥⲉⲕⲕⲗⲏⲥⲓⲁⲥⲛⲁϣⲱⲡⲓⲉⲥⲙⲏⲛⲉⲃⲟⲗϣⲁϩⲁⲛϫⲱⲟⲩ.
ⲁⲁⲡⲁⲡϫⲱⲗⲇⲉⲁϥⲧⲱⲛϥϩⲁⲛⲁⲧⲟⲟⲩⲓⲁϥⲱⲗⲓⲙⲡⲓⲥⲭⲏⲙⲁⲉⲧⲁϥϫⲉⲙϥϧⲁϫⲱϥⲁϥⲙⲟⲩϯⲉⲁⲡⲁϣⲉⲛⲟⲩϯⲁϥⲧⲏⲓϥϩⲓⲱⲧϥⲟⲩⲟϩⲁϥⲁⲓϥⲙⲙⲟⲛⲁⲭⲟⲥⲁϥⲭⲁϥϧⲁⲧⲟⲧϥ.
ⲙⲉⲛⲉⲛⲥⲁϩⲁⲛⲕⲟⲩϫⲓⲇⲉⲛⲉϩⲟⲟⲩⲉⲩϣⲟⲡⲛⲉⲙⲛⲟⲩⲉⲣⲏⲟⲩϩⲓⲟⲩⲥⲟⲡⲛϫⲉⲫⲏⲉⲑⲟⲩⲁⲃⲁⲡⲁⲡϫⲱⲗⲛⲉⲙⲡⲓϧⲉⲗϣⲓⲣⲓϣⲉⲛⲟⲩϯⲁⲩⲓⲉⲃⲟⲗⲉⲩⲙⲟϣⲓⲛⲉⲙⲛⲟⲩⲉⲣⲏⲟⲩⲟⲩⲟϩⲛⲁⲣⲉⲡⲓⲕⲉⲁⲡⲁⲡϣⲟⲓⲙⲟϣⲓⲛⲉⲙⲱⲟⲩⲡⲉⲫⲁⲡⲧⲱⲟⲩⲙⲡⲥⲱⲟⲩ
ⲛⲑⲟϥϩⲱϥⲛⲉⲟⲩⲣⲱⲙⲓⲉϥⲟⲩⲁⲃⲡⲉⲉϥⲙⲟϣⲓϧⲉⲛⲛⲁⲫⲛⲟⲩϯ
ⲟⲩⲟϩⲉⲧⲓⲉⲩⲙⲟϣⲓⲛⲉⲙⲛⲟⲩⲉⲣⲏⲟⲩⲙⲡⲅⲁⲡⲁⲡϫⲱⲗⲛⲉⲙⲁⲡⲁϣⲉⲛⲟⲩϯⲛⲉⲙⲁⲡⲁⲡϣⲟⲓⲁⲟⲩⲥⲙⲏϣⲱⲡⲓϣⲁⲣⲱⲟⲩⲉⲃⲟⲗϧⲉⲛⲧⲫⲉⲉⲥϫⲱⲙⲙⲟⲥϫⲉⲁⲩⲑⲁϣϣⲉⲛⲟⲩϯⲛⲁⲣⲭⲏⲙⲁⲛⲇⲣⲓⲧⲏⲥⲉⲡⲓⲕⲟⲥⲙⲟⲥⲧⲏⲣϥⲙⲫⲟⲟⲩ.
ⲡⲉϫⲉⲁⲡⲁⲡϫⲱⲗⲛⲁⲡⲁⲡϣⲟⲓϫⲉⲡⲁⲥⲟⲛⲡϣⲟⲓⲁⲕⲥⲱⲧⲉⲙϩⲱⲕⲉⲧⲁⲓⲥⲙⲏⲉⲧⲁⲥⲓⲉⲃⲟⲗϧⲉⲛⲧⲫⲉϯⲛⲟⲩ;
ⲡⲉϫⲉⲁⲡⲁⲡϣⲟⲓⲛⲁⲡⲁⲡϫⲱⲗϫⲉⲁϩⲏ.
ⲟⲩⲟϩⲉⲧⲁⲩⲉⲣⲟⲩⲥⲩⲛⲫⲱⲛⲓⲛⲛⲉⲙⲛⲟⲩⲉⲣⲏⲟⲩϧⲉⲛⲫⲏⲉⲧⲁⲩⲥⲟⲑⲙⲉϥⲡⲉϫⲉⲁⲡⲁⲡϫⲱⲗⲛⲁⲡⲁⲡϣⲟⲓϫⲉⲙⲁⲣⲉⲛϣⲉⲛⲡⲓⲕⲟⲩϫⲓⲛⲁⲗⲟⲩϣⲉⲛⲟⲩϯϩⲱϥ.
ⲟⲩⲟϩⲉⲧⲁⲩϭⲛⲟⲩϥϫⲉⲁⲛⲁⲕⲥⲱⲧⲉⲙⲉⲧⲁⲓⲥⲙⲏⲉⲧⲁⲥⲓⲉⲃⲟⲗϧⲉⲛⲧⲫⲉϯⲛⲟⲩ;
ⲛⲑⲟϥⲇⲉⲡⲉϫⲁϥϫⲉⲁϩⲏ.
ⲡⲉϫⲉⲁⲡⲁⲡϫⲱⲗⲛⲁϥϫⲉⲉⲧⲁⲕⲥⲟⲑⲙⲉⲥϫⲉⲟⲩ;
ⲡⲉϫⲉⲁⲡⲁϣⲉⲛⲟⲩϯⲛⲁⲡⲁⲡϫⲱⲗⲁⲧϭⲛⲉϩⲗⲓⲙⲙⲉⲑⲛⲟⲩϫϫⲉⲉⲧⲁⲓⲥⲱⲧⲉⲙϫⲉⲁⲩⲑⲁϣϣⲉⲛⲟⲩϯⲛⲁⲣⲭⲏⲙⲁⲛⲇⲣⲓⲧⲏⲥⲉⲡⲕⲟⲥⲙⲟⲥⲧⲏⲣϥⲙⲫⲟⲟⲩ.
ⲁⲡⲁⲡϫⲱⲗⲇⲉⲛⲉⲙⲁⲡⲁⲡϣⲟⲓⲁⲩⲉⲣϣⲫⲏⲣⲓⲙⲙⲟϥⲉⲙⲁϣⲱⲟⲩⲟϩⲛⲁⲩϯⲱⲟⲩⲙⲫⲛⲟⲩϯⲉⲩϫⲱⲙⲙⲟⲥϫⲉⲁⲗⲏⲑⲱⲥϥⲛⲁϣⲱⲡⲓⲛⲟⲩⲧⲉⲗⲓⲟⲥⲉϥϫⲏⲕⲉⲃⲟⲗ.
ⲫⲏⲉⲑⲟⲩⲁⲃⲇⲉⲁⲡⲁϣⲉⲛⲟⲩϯⲉⲧⲁϥϭⲓⲙⲡⲓⲥⲭⲏⲙⲁⲛⲁⲅⲅⲉⲗⲓⲕⲟⲛⲉⲧⲁϥⲓⲛⲁϥⲉⲃⲟⲗϧⲉⲛⲧⲫⲉⲁϥⲧⲏⲓϥⲉϯⲁⲛⲁⲭⲱⲣⲏⲥⲓⲥϧⲉⲛϩⲁⲛⲛⲓϣϯⲛϧⲓⲥⲓⲉⲩⲟϣⲛⲉⲙϩⲁⲛⲉϫⲱⲣϩⲛϣⲣⲱⲓⲥⲉⲩⲟϣⲛⲉⲙϩⲁⲛⲛⲏⲥⲧⲓⲁⲙⲙⲟⲛⲏⲡⲓⲧⲟⲓⲉⲣⲱⲟⲩ.
ⲕⲁⲓⲅⲁⲣⲛⲉⲙⲡⲁϥⲟⲩⲱⲙⲙⲙⲏⲛⲓⲡⲉϣⲁⲣⲟⲩϩⲓⲛⲧⲉⲫⲣⲏϩⲱⲧⲡⲟⲩⲟϩⲟⲛⲛⲉⲙⲡⲁϥⲟⲩⲱⲙϣⲁⲧⲉϥⲥⲓⲁⲗⲗⲁⲟⲩⲱⲓⲕⲛⲉⲙⲟⲩϩⲙⲟⲩⲡⲉⲧⲉϥⲧⲣⲟⲫⲏ.
ϧⲉⲛⲛⲁⲓⲁⲡⲉϥⲥⲱⲙⲁϣⲱⲟⲩⲓⲟⲩⲟϩⲁⲡⲉϥϣⲁⲣⲧⲱⲙⲓⲉⲛⲉϥⲕⲁⲥⲉⲁϥϣⲙⲁⲉⲙⲁϣⲱⲟⲩⲟϩⲡⲉϥⲃⲓⲟⲥⲧⲏⲣϥⲛⲉⲙⲡⲉϥⲥⲕⲟⲡⲟⲥⲛⲁϥⲧⲉⲛⲑⲱⲛⲧⲉⲏⲗⲓⲁⲥⲡⲓⲑⲉⲥⲃⲩⲧⲏⲥⲡⲓⲉⲛⲓⲱⲭⲟⲥⲛⲧⲉⲡⲓⲥⲣⲁⲏⲗ.
ⲡⲁⲓⲣⲏϯⲟⲛⲁϥϣⲱⲡⲓⲛⲟⲩⲣⲉϥϯⲥⲃⲱⲛⲟⲩⲟⲛⲛⲓⲃⲉⲛⲛⲓⲕⲟⲩϫⲓⲛⲁⲗⲱⲟⲩⲓⲙⲙⲁⲩⲁⲧⲟⲩⲁⲛⲁⲗⲗⲁⲛⲉⲙⲛⲓⲕⲉϧⲉⲗⲗⲟⲓⲉϥⲟⲓⲛⲥⲡⲟⲩⲇⲉⲟⲥϧⲉⲛⲛⲉϥϩⲃⲏⲟⲩⲓⲙⲡⲉϥⲥⲏⲟⲩⲧⲏⲣϥ.
ⲛⲁϥⲉⲣⲫⲟⲣⲓⲛⲙⲡⲭⲣⲓⲥⲧⲟⲥⲉϥⲙⲏⲛⲉⲃⲟⲗϧⲉⲛⲧⲙⲉⲗⲉⲧⲏⲛⲛⲓⲅⲣⲁⲫⲏϩⲱⲥⲧⲉⲡⲁⲓⲣⲏϯⲛⲧⲉⲡⲉϥⲥⲓⲱⲧⲛⲉⲙⲛⲉϥⲥⲃⲱⲟⲩⲓϣⲱⲡⲓⲉⲩϩⲟⲗϫϧⲉⲛⲣⲱϥⲛⲟⲩⲟⲛⲛⲓⲃⲉⲛⲙⲫⲣⲏϯⲛⲟⲩⲉⲃⲓⲱϧⲉⲛⲡϩⲏⲧⲛⲛⲏⲉⲑⲟⲩⲱϣⲉⲙⲉⲛⲣⲉⲡⲓⲱⲛϧⲛⲉⲛⲉϩ
ⲟⲩⲟϩⲛⲁϥϫⲱⲡⲉⲛϩⲁⲛⲙⲏϣⲛⲉⲝⲏⲅⲓⲥⲓⲥⲛⲉⲙϩⲁⲛⲗⲟⲅⲟⲥⲉⲩⲙⲉϩⲛⲉⲛⲧⲟⲗⲏⲉⲩⲟⲩⲁⲃ
ⲟⲩⲟϩⲁϥⲥⲉⲙⲛⲓⲛϩⲁⲛⲕⲁⲛⲱⲛⲛⲛⲓⲙⲟⲩⲛⲁⲭⲟⲥⲛⲉⲙϩⲁⲛⲉⲡⲓⲥⲧⲟⲗⲏⲉⲩϫⲟⲕⲉⲣⲟⲩⲟϩⲉⲩⲟⲓⲛϩⲟϯⲛⲉⲙⲥⲟⲗⲥⲉⲗⲛⲛⲓⲯⲩⲭⲏⲛⲧⲉⲛⲓⲣⲱⲙⲓ
ⲟⲩⲟϩϧⲉⲛⲛⲁⲓⲧⲏⲣⲟⲩⲛⲁϥϫⲱⲙⲙⲟⲥϧⲉⲛⲡⲉϥⲣⲱϥⲉⲧⲉⲙⲙⲟⲛⲙⲉⲑⲛⲟⲩϫⲛϧⲏⲧϥϫⲉⲙⲡⲓϫⲉⲟⲩⲥⲁϫⲓⲉⲃⲟⲗϩⲓⲧⲟⲧⲙⲙⲁⲩⲁⲧⲙⲡⲉⲡⲭⲣⲓⲥⲧⲟⲥⲧⲏⲓϥⲉϧⲟⲩⲛⲉⲣⲱⲓ.
ⲟⲩⲟϩⲛⲁϥⲥⲟⲗⲥⲉⲗⲙⲡⲉϥⲃⲓⲟⲥⲛⲕⲁⲗⲱⲥⲡⲉϧⲉⲛⲡϫⲱⲕⲉⲃⲟⲗⲛⲛⲓϩⲃⲏⲟⲩⲓⲛⲧⲉϯⲙⲉⲧⲙⲟⲩⲛⲁⲭⲟⲥϧⲉⲛϩⲁⲛⲛⲓϣϯⲛⲁⲥⲕⲏⲥⲓⲥⲛⲉⲙϩⲁⲛⲡⲟⲗⲉⲧⲓⲁⲉⲩⲟϣ.
ⲛⲁϥϣⲗⲏⲗⲅⲁⲣⲛⲓⲃⲛⲥⲟⲡⲙⲡⲓⲉϩⲟⲟⲩⲁϥϯⲛⲕⲇⲙⲙⲉⲧⲁⲛⲟⲓⲁⲕⲁⲧⲁⲥⲟⲡ.
ϧⲉⲛⲡⲓⲉϫⲱⲣϩⲇⲉⲙⲡⲁϥⲛⲕⲟⲧⲉⲡⲧⲏⲣϥϣⲁⲧⲉⲡⲓⲟⲩⲱⲓⲛⲓϣⲁⲓ.
ⲙⲉⲛⲉⲛⲥⲱⲥⲛⲧⲉϥϭⲓⲛⲟⲩⲕⲟⲩϫⲓⲛⲥⲣⲟⲙⲉⲑⲃⲉⲡⲓⲥⲱⲙⲁϫⲉⲛⲛⲉϥⲙⲟⲩⲛⲕⲛⲭⲱⲗⲉⲙ.
ⲟⲩⲙⲏϣⲅⲁⲣⲛⲥⲟⲡⲙⲡⲁϥⲟⲩⲱⲙⲓⲥϫⲉⲛⲡⲥⲁⲃⲃⲁⲧⲟⲛϣⲁⲡⲥⲁⲃⲃⲁⲧⲟⲛ.
ⲟⲩⲟϩⲟⲛϣⲁϥⲉⲣⲡⲓⲙⲛⲉϩⲟⲟⲩⲛⲧⲉⲡⲓⲡⲁⲥⲭⲁⲉⲑⲟⲩⲁⲃⲛⲁⲑⲟⲩⲉⲙⲱⲓⲕ.
ⲁⲗⲗⲁⲧⲉϥⲧⲣⲟⲫⲏⲟⲩⲟⲩⲟϯⲛⲟⲩⲱⲙⲧⲉⲛⲉⲙⲟⲩϣⲃⲓⲛⲉⲧϩⲟⲣⲡϩⲱⲥⲇⲉⲡⲁⲓⲣⲏϯⲛⲧⲉⲧⲉϥⲥⲁⲣⲝⲙⲟⲩⲛⲕⲉⲣⲟϥⲉⲙⲁϣⲱ
ⲟⲩⲟϩⲁⲡⲓⲣⲓⲙⲓϣⲱⲡⲓⲉϥϩⲟⲗϫⲛⲁϩⲣⲁϥⲙⲫⲣⲏϯⲛⲟⲩⲉⲃⲓⲱϩⲱⲥⲧⲉⲟⲩⲛⲛⲧⲉⲛⲉϥⲃⲁⲗϣⲱⲕⲉⲡⲉⲥⲏⲧⲙⲫⲣⲏϯⲛϩⲁⲛⲭⲟⲗⲛⲧⲉϩⲁⲛϫⲟⲓⲟⲩⲟϩⲛⲥⲉϣⲱⲡⲓⲛⲭⲁⲙⲉⲉⲙⲁϣⲱⲉⲑⲃⲉⲡⲓϩⲟⲩⲟϣⲟⲩⲟⲉⲡⲉⲥⲏⲧⲛⲧⲉⲛⲓⲉⲣⲙⲱⲟⲩⲓⲛⲁⲓⲉⲧϧⲁϯⲛⲛⲁⲩⲛⲓⲃⲉⲛϧⲉⲛⲛⲉϥⲃⲁⲗⲙⲫⲣⲏϯⲛⲟⲩⲙⲱⲟⲩ
ⲟⲩⲟϩⲛⲁⲣⲉⲫⲛⲟⲩϯϣⲟⲡⲛⲉⲙⲁϥⲡⲉϧⲉⲛⲛⲉϥⲉϩⲟⲟⲩⲧⲏⲣⲟⲩ.
ⲉϥϣⲟⲡⲇⲉⲟⲛϧⲉⲛⲡⲉϥⲙⲟⲛⲁⲥⲧⲏⲣⲓⲟⲛⲛⲁϥⲉⲣⲑⲉⲟⲣⲓⲛⲛⲟⲩⲙⲏϣⲛⲛⲟⲃⲓⲉⲧⲟⲩⲓⲣⲓⲙⲙⲱⲟⲩϧⲉⲛⲡⲓⲕⲟⲥⲙⲟⲥⲧⲏⲣϥ
ⲟⲩⲟϩⲛⲏⲉⲑⲛⲏⲟⲩϣⲁⲣⲟϥϣⲁϥⲉⲙⲓⲉⲛⲟⲩⲙⲟⲕⲙⲉⲕⲛⲉⲙⲛⲏⲉⲧⲟⲩⲁⲓⲧⲟⲩⲧⲏⲣⲟⲩ
ⲟⲩⲟϩⲡⲁⲓⲣⲏϯⲛⲁϥⲧⲱⲃϩⲉϫⲱⲟⲩⲧⲏⲣⲟⲩⲉⲑⲣⲟⲩⲟⲩϫⲁⲓⲟⲩⲟϩⲛⲥⲉϫⲓⲙⲓⲛⲟⲩⲛⲁⲓϧⲉⲛⲡⲓⲃⲏⲙⲁⲛⲧⲉⲡⲭⲣⲓⲥⲧⲟⲥ.
ⲁⲥϣⲱⲡⲓⲇⲉⲟⲛⲛⲟⲩⲉϩⲟⲟⲩⲁϥⲓⲛϫⲉⲟⲩⲣⲱⲙⲓϣⲁⲡⲁⲓⲱⲧⲙⲡⲣⲟⲫⲏⲧⲏⲥⲁⲡⲁϣⲉⲛⲟⲩϯⲉϥⲏⲡⲉⲟⲩϯⲙⲓϫⲉⲡⲥⲉⲛϧⲱⲟⲩⲧϧⲉⲛⲡⲑⲟϣⲡⲥⲟⲓϯⲡⲟⲗⲓⲥ.
ⲫⲁⲓⲟⲩⲛⲁϥⲓⲉϥϧⲉⲛⲟⲩⲛⲓϣϯⲛⲉⲙⲕⲁϩⲛϩⲏⲧⲉϥⲟϣⲟⲩⲟϩⲁϥⲟⲩⲱⲣⲡⲉϧⲟⲩⲛⲙⲡⲁⲓⲱⲧⲉϥϫⲱⲙⲙⲟⲥϫⲉⲉⲓⲟⲩⲱϣⲉϭⲓⲥⲙⲟⲩⲉⲃⲟⲗϩⲓⲧⲟⲟⲧⲕⲱⲡⲁⲓⲱⲧⲉⲑⲟⲩⲁⲃⲁⲣⲏⲟⲩⲛⲧⲉⲫⲛⲁⲓⲙⲫⲛⲟⲩϯⲧⲁϩⲟⲓⲛⲉⲙⲛⲉⲕϣⲗⲏⲗⲉⲑⲟⲩⲁⲃϩⲓⲛⲁⲛⲧⲉⲫⲛⲟⲩϯⲭⲁⲛⲁⲛⲟⲃⲓⲛⲏⲓⲉⲃⲟⲗϫⲉⲥⲉⲟϣⲛϩⲟⲩⲟ.
ⲟⲩⲟϩⲁⲩⲧⲁⲙⲉⲡⲓⲡⲣⲟⲫⲏⲧⲏⲥⲉⲑⲟⲩⲁⲃⲁⲡⲁϣⲉⲛⲟⲩϯⲉⲛⲏⲧⲏⲣⲟⲩⲉⲧⲁⲡⲓⲣⲱⲙⲓϫⲟⲧⲟⲩ.
ⲡⲁⲓⲱⲧⲇⲉⲡⲉϫⲁϥⲙⲫⲏⲉⲧⲥⲁϫⲓⲛⲉⲙⲁϥϫⲉϩⲱⲗⲁϫⲟⲥⲙⲡⲓⲣⲱⲙⲓⲉⲧⲁϥⲓϫⲉⲉϣⲱⲡⲭⲛⲁⲥⲱⲧⲉⲙⲛⲥⲱⲓϧⲉⲛⲫⲏⲉϯⲛⲁϫⲟϥⲛⲁⲕⲓⲉⲭⲛⲁⲛⲁⲩⲉⲣⲟⲓⲉϣⲱⲡⲭⲛⲁⲥⲱⲧⲉⲙⲛⲥⲱⲓⲁⲛⲓⲉⲭⲛⲁⲛⲁⲩⲉⲡⲁϩⲟⲁⲛ.
ⲟⲩⲟϩⲡⲉϫⲉⲡⲓⲣⲱⲙⲓϫⲉϯⲛⲁⲥⲱⲧⲉⲙⲛⲥⲱⲕⲡⲁϭⲟⲉⲓⲥⲛⲓⲱⲧϧⲉⲛϩⲱⲃⲛⲓⲃⲉⲛⲉⲧⲉⲕⲛⲁⲟⲩⲁϩⲥⲁϩⲛⲓⲙⲙⲱⲟⲩⲛⲏⲓ.
ⲡⲉⲑⲟⲩⲁⲃⲇⲉⲁⲡⲁϣⲉⲛⲟⲩϯⲡⲉϫⲁϥϫⲉⲁⲛⲓⲧϥⲛⲏⲓⲉϧⲟⲩⲛ.
ⲉⲧⲁϥⲓⲇⲉⲉϧⲟⲩⲛϣⲁⲡⲁⲓⲱⲧⲁϥϥⲓⲧϥⲉϧⲣⲏⲓⲁϥⲟⲩⲱϣⲧⲙⲙⲟϥ.
ⲡⲉϫⲉⲡⲁⲓⲱⲧⲁⲡⲁϣⲉⲛⲟⲩϯⲛⲁϥϫⲉⲁϫⲉⲡⲉⲕⲛⲟⲃⲓⲙⲡⲉⲙⲑⲟⲉⲃⲟⲗⲛⲟⲩⲟⲛⲛⲓⲃⲉⲛⲉⲑⲣⲉⲕϩⲱⲗⲉⲫⲙⲁⲉⲧⲉⲕⲛⲁϩⲱⲗⲉⲣⲟϥ.
ⲡⲉϫⲉⲡⲓⲣⲱⲙⲓⲛⲁϥϫⲉⲁⲥϣⲱⲡⲓⲙⲙⲟⲓⲛⲟⲩⲉϩⲟⲟⲩⲉⲓϩⲉⲙⲥⲓϣⲁⲧⲉⲛⲡⲓϭⲛⲱⲟⲩⲛⲧⲉⲡⲁϯⲙⲓⲁⲟⲩⲣⲱⲙⲓⲥⲓⲛⲓⲙⲙⲟⲓⲉⲣⲉⲟⲩⲟⲛⲟⲩⲁⲥⲟⲩⲓϧⲉⲛⲡⲉϥⲙⲟⲩⲧ
ⲟⲩⲟϩⲁⲓⲛⲁⲩⲉⲡⲓⲇⲱⲣⲟⲥⲉϥⲟⲩⲟⲛⲉⲃⲟⲗϧⲉⲛⲡⲉϥⲙⲟⲩⲧⲟⲩⲟϩⲡⲓⲣⲱⲙⲓⲛⲁϥⲧⲁⲗⲏⲟⲩⲧⲉⲡⲉϥⲧⲉⲃⲛⲏⲉϥϭⲱⲣⲉⲙⲙⲟϥ.
ⲁⲛⲟⲕⲇⲉⲁⲓⲱⲗⲓⲛⲧⲁⲥⲏϥⲓⲁⲓϭⲟϫⲓⲥⲁⲫⲁϩⲟⲩⲙⲙⲟϥⲁⲓϧⲟⲑⲃϥⲟⲩⲟϩⲛϯⲟⲩⲛⲟⲩⲁⲓⲕⲱϯϧⲉⲛϯⲁⲥⲟⲩⲓⲉⲧϧⲉⲛⲡⲉϥⲙⲟⲩⲧⲉⲓⲙⲉⲩⲓϫⲉϯⲛⲁϫⲓⲙⲓⲛⲟⲩⲛⲓϣϯⲛⲓⲇⲟⲥⲛⲛⲟⲩⲃⲛϧⲏⲧⲥⲛⲧⲁⲟⲗⲟⲩⲛⲧⲁⲟⲩⲛⲟϥⲙⲙⲟⲓⲛϧⲏⲧⲟⲩⲛⲟⲩⲙⲏϣⲛⲉϩⲟⲟⲩ.
ⲟⲩⲑⲉⲣⲙⲏⲥⲓⲛⲟⲩⲱⲧⲡⲉⲉⲧⲁⲓϫⲉⲙϥⲛϧⲏⲧⲥ.
ⲟⲩⲟϩⲧⲟⲧⲉⲁⲓϣⲱⲕⲓϧⲉⲛⲡⲓⲕⲁϩⲓⲁⲓⲑⲟⲙⲥϥⲁⲓⲓϣⲁⲣⲟⲕⲉⲡⲁⲓⲙⲁⲡⲁⲓⲱⲧⲉⲑⲟⲩⲁⲃ.
ϯⲛⲟⲩϫⲉⲙⲁⲧⲁⲙⲟⲓϫⲉⲉⲕⲟⲩⲱϣⲛⲧⲁⲉⲣⲟⲩϩⲓⲛⲁⲛⲧⲉⲡϭⲟⲉⲓⲥϣⲁⲛⲁϩⲑⲏϥϧⲁⲣⲟⲓⲟⲩⲟϩⲛⲧⲉϥⲭⲁⲛⲁⲛⲟⲃⲓⲛⲏⲓⲉⲃⲟⲗ.
ⲡⲁⲓⲱⲧⲇⲉⲛⲇⲓⲕⲉⲟⲥⲟⲩⲟϩⲙⲡⲣⲟⲫⲏⲧⲏⲥⲁⲡⲁϣⲉⲛⲟⲩϯⲡⲉϫⲁϥⲛⲁϥϫⲉⲙⲡⲣⲟϩⲓⲙⲡⲁⲓⲙⲁ,ⲁⲗⲗⲁⲧⲱⲛⲕϧⲉⲛⲟⲩⲭⲱⲗⲉⲙϧⲱⲗⲉϧⲟⲩⲛⲉϯⲡⲟⲗⲓⲥϣⲙⲓⲛⲭⲛⲁϫⲉⲙⲡⲓⲇⲟⲩⲝⲉⲁϥⲓⲉⲣⲏⲥⲉⲃⲟⲗϧⲉⲛⲫⲓⲁⲣⲟⲉⲩϩⲓⲫⲱⲛⲏⲉⲃⲟⲗϩⲓⲧϩⲏⲙⲙⲟϥⲟⲩⲟϩⲥⲉⲛⲁϯⲛⲁϥⲛϩⲁⲛⲥⲟⲛⲓⲉⲁⲩⲕⲱⲗⲡⲛⲟⲩⲛⲓϣϯⲛⲣⲱⲙⲓⲛⲧⲉϯⲡⲟⲗⲓⲥϣⲙⲓⲛϥⲛⲁϫⲱⲛⲧⲉⲣⲱⲟⲩⲉⲙⲁϣⲱ
ⲙⲟϣⲓϩⲱⲕⲛⲧⲉⲕϣⲉⲉϧⲟⲩⲛⲉⲛⲓⲥⲟⲛⲓⲟⲩⲟϩⲥⲉⲛⲁϫⲟⲥⲙⲡⲓⲇⲟⲩⲝϫⲉⲉϥⲭⲏⲙⲙⲁⲩⲛⲉⲙⲁⲛⲟⲩⲟϩⲡⲓⲇⲟⲩⲝⲛⲁϣⲉⲛⲕϫⲉⲑⲙⲏⲓⲧⲉ
ⲁϫⲟⲥⲛⲁϥϫⲉⲑⲙⲏⲓⲧⲉⲟⲩⲟϩⲡⲁⲓⲣⲏϯϥⲛⲁϧⲟⲑⲃⲕⲛⲉⲙⲱⲟⲩⲧⲟⲧⲉⲭⲛⲁϩⲱⲗⲉϧⲟⲩⲛⲉⲡⲓⲱⲛϧⲛⲉⲛⲉϩⲛⲧⲉⲫⲛⲟⲩϯ.
ⲟⲩⲟϩⲛϯⲟⲩⲛⲟⲩⲁϥϣⲉⲛⲁϥⲛϫⲉⲡⲓⲣⲱⲙⲓⲁϥⲓⲣⲓⲕⲁⲧⲁⲫⲣⲏϯⲉⲧⲁⲫⲏⲉⲑⲟⲩⲁⲃϫⲟⲥⲛⲁϥⲟⲩⲟϩⲁⲡⲓⲇⲟⲩⲝⲱⲗⲓⲛⲧⲉϥⲁⲫⲉϩⲱϥⲛⲉⲙⲛⲓⲥⲟⲛⲓⲟⲩⲟϩⲡⲁⲓⲣⲏϯⲁⲫⲛⲁⲓⲙⲫⲛⲟⲩϯⲧⲁϩⲟϥⲕⲁⲧⲁⲡⲣⲏϯⲉⲧⲁⲡⲁⲓⲱⲧⲧⲁⲙⲟⲛⲙⲙⲟϥ.
ⲁⲥϣⲱⲡⲓⲇⲉⲟⲛⲛⲟⲩⲥⲟⲡⲁⲡⲓϩⲁⲅⲓⲟⲥⲕⲩⲣⲓⲗⲗⲟⲥⲟⲩⲱⲣⲡⲛⲥⲁⲡⲁⲓⲱⲧⲁⲡⲁϣⲉⲛⲟⲩϯⲡⲓⲡⲣⲟⲫⲏⲧⲏⲥⲛⲉⲙⲁⲡⲁⲃⲓⲕⲧⲱⲣⲡⲓⲁⲣⲭⲏⲙⲁⲛⲇⲣⲓⲧⲏⲥⲉⲑⲃⲉⲛⲉⲥⲧⲟⲣⲓⲟⲥⲡⲓⲁⲥⲉⲃⲏⲥ
ⲟⲩⲟϩⲉⲧⲁϥϣⲉⲉϧⲟⲩⲛⲉⲧⲡⲟⲗⲓⲥⲛⲧⲉϯⲙⲉⲧⲟⲩⲣⲟⲁⲡⲉⲛⲓⲱⲧⲛⲇⲓⲕⲁⲓⲟⲥⲁⲡⲁϣⲉⲛⲟⲩϯⲓⲉϥⲙⲟϣⲓϧⲉⲛⲡⲓⲡⲁⲗⲗⲁⲧⲓⲟⲛⲛⲧⲉⲡⲟⲩⲣⲟⲁϥϫⲓⲙⲓⲛⲟⲩⲛⲁⲫⲣⲓⲛⲥⲟⲩⲟⲉⲥⲥⲏϯⲉⲃⲟⲗ
ⲁϥⲟⲗⲥⲁϥⲧⲏⲓⲥⲉϯⲑⲏⲃⲓⲛⲧⲉⲡⲉϥϣⲁⲣϣⲁⲡⲓⲛⲁⲩⲉⲧⲁϥⲓⲉⲡⲉϥⲙⲟⲛⲁⲥⲧⲏⲣⲓⲟⲛ.
ⲁⲥϣⲱⲡⲓⲇⲉⲉⲧⲁⲡⲟⲩⲣⲟⲭⲁⲩⲉⲃⲟⲗⲉⲑⲣⲟⲩϣⲉⲛⲱⲟⲩⲉⲛⲟⲩⲧⲟⲡⲟⲥⲧⲟⲧⲉⲁⲡⲁⲓⲱⲧⲁⲡⲁϣⲉⲛⲟⲩϯⲓϫⲉϥⲛⲁⲧⲁⲗⲟϥⲉⲡⲓϫⲟⲓⲛⲉⲙⲛⲉⲛⲓⲟϯⲉⲑⲟⲩⲁⲃⲁⲃⲃⲁⲕⲩⲣⲓⲗⲗⲟⲥⲡⲓⲁⲣⲭⲏⲉⲡⲓⲥⲕⲟⲡⲟⲥⲛⲉⲙⲁⲡⲁⲃⲓⲕⲧⲱⲣⲡⲓⲁⲣⲭⲏⲙⲁⲛⲇⲣⲓⲧⲏⲥⲁⲛⲓⲕⲟⲩϫⲓⲛⲣⲉϥϣⲉⲙϣⲓϫⲟⲥⲛⲁϥϫⲉⲭⲛⲁϣⲧⲁⲗⲟⲕⲁⲛⲛⲉⲙⲡⲓⲁⲣⲭⲏⲉⲡⲓⲥⲕⲟⲡⲟⲥ.
ⲛⲁⲩⲥⲱⲟⲩⲛⲅⲁⲣⲙⲙⲟϥⲁⲛⲡⲉ.
ⲡⲁⲓⲱⲧⲇⲉⲡⲉϫⲁϥⲛⲱⲟⲩϫⲉⲓⲥϫⲉⲙⲙⲟⲛⲙⲁⲣⲉⲫⲟⲩⲱϣⲙⲡϭⲟⲉⲓⲥϣⲱⲡⲓ.
ⲧⲟⲧⲉⲁϥϣⲉϩⲓⲫⲟⲩⲉⲓⲛⲟⲩⲕⲟⲩϫⲓⲛⲑⲟϥⲛⲉⲙⲡⲉϥⲙⲁⲑⲏⲧⲏⲥⲉⲑⲙⲟϣⲓⲛⲉⲙⲁϥⲁϥⲟϩⲓⲉⲣⲁⲧϥⲁϥϣⲗⲏⲗⲉϥϫⲱⲙⲙⲟⲥϫⲉⲡⲁϭⲟⲉⲓⲥⲓⲏⲥⲟⲩⲥⲡⲭⲣⲓⲥⲧⲟⲥⲁϣⲡⲉⲡⲓⲣⲏϯⲉⲑⲣⲉⲕⲟⲗⲧⲉⲡⲁⲙⲟⲛⲁⲥⲧⲏⲣⲓⲟⲛ;
ϩⲟⲥⲟⲛⲉϥⲙⲟⲕⲙⲉⲕⲙⲙⲟϥϧⲉⲛⲛⲁⲓⲓⲥⲟⲩϭⲏⲡⲓⲛⲟⲩⲱⲓⲛⲓⲁⲥⲓⲉⲃⲟⲗϧⲉⲛⲧⲫⲉⲟⲩⲟϩⲁⲥⲧⲁⲗⲟϥⲛⲉⲙⲡⲉϥⲙⲁⲑⲏⲧⲏⲥⲁⲥϩⲟⲗⲙⲉϥⲉⲡϭⲓⲥⲓⲁⲥϩⲱⲗⲛⲉⲙⲁϥ.
ⲉⲧⲁⲩⲫⲟϩⲇⲉⲉⲡⲓⲡⲉⲗⲁⲅⲟⲥⲛⲧⲉⲫⲓⲟⲙⲁϥϫⲟⲩϣⲧⲉⲡϣⲱⲓⲛϫⲉⲁⲃⲃⲁⲕⲩⲣⲓⲗⲗⲟⲥⲡⲓⲁⲣⲭⲏⲉⲡⲓⲥⲕⲟⲡⲟⲥⲁϥⲛⲁⲩⲉⲡⲁⲓⲱⲧⲁⲡⲁϣⲉⲛⲟⲩϯⲉϥϧⲉⲛⲑⲙⲏϯⲛϯϭⲏⲡⲓⲛⲉⲙⲡⲉϥⲙⲁⲑⲏⲧⲏⲥⲁϥⲱϣⲉⲃⲟⲗⲉϥϫⲱⲙⲙⲟⲥϫⲉⲥⲙⲟⲩⲉⲣⲟⲛⲡⲉⲛⲓⲱⲧⲉⲑⲟⲩⲁⲃⲏⲗⲓⲁⲥⲛⲃⲉⲣⲓ.
ⲡⲉϫⲉⲡⲁⲓⲱⲧⲁⲡⲁϣⲉⲛⲟⲩϯⲛⲁϥϫⲉⲁⲣⲓⲡⲁⲙⲉⲩⲓⲱⲡⲁⲓⲱⲧⲉⲑⲟⲩⲁⲃ.
ⲟⲩⲟϩⲡⲁⲓⲣⲏϯⲁϯϭⲏⲡⲓϩⲱⲗⲛⲉⲙⲁϥⲁⲥⲉⲛϥⲉⲡⲉϥⲙⲟⲛⲥⲧⲏⲣⲓⲟⲛ.
ⲛⲉⲡⲥⲏⲟⲩⲅⲁⲣⲙⲡⲓϣⲱⲙⲛⲉⲛⲓⲉϩⲟⲟⲩⲉⲧⲉⲙⲙⲁⲩ.
ⲉⲩⲥⲓⲕⲓⲙⲡⲓⲱⲓⲕⲛϫⲉⲛⲓⲥⲛⲏⲟⲩⲁϥⲱⲗⲓⲛϯⲛⲁⲫⲣⲓⲛⲥⲟⲩⲟⲉⲧⲁϥⲉⲛⲥⲉϥⲛⲏⲟⲩⲉⲃⲟⲗϧⲉⲛⲡⲓⲡⲁⲗⲗⲁⲧⲓⲟⲛⲛⲧⲉⲡⲟⲩⲣⲟ
ⲟⲩⲟϩⲁϥϩⲓⲧⲥⲉϧⲣⲏⲓⲉⲡⲓⲱⲛⲓⲛⲥⲓⲕⲓⲟⲩⲟϩⲟⲩⲛⲓϣϯⲛⲥⲙⲟⲩⲛⲧⲉⲡϭⲟⲉⲓⲥⲁϥϣⲱⲡⲓϧⲉⲛⲡⲓⲱⲛⲓⲛⲥⲓⲕⲓⲙⲡⲟⲩϣϫⲉⲙϫⲟⲙⲛⲕⲟⲗϥⲉⲃⲟⲗ
ⲟⲩⲟϩⲁⲛⲓⲥⲛⲏⲟⲩⲭⲣⲉⲙⲣⲉⲙⲉⲑⲃⲉϫⲉⲁⲩϧⲓⲥⲓⲙⲡⲟⲩϣϫⲉⲙϫⲟⲙⲛⲕⲟⲗϥⲉⲃⲟⲗ.
ⲡⲁⲓⲱⲧⲇⲉⲉⲑⲟⲩⲁⲃⲁⲡⲁϣⲉⲛⲟⲩϯⲁϥϯⲙⲡⲉϥⲟⲩⲟⲓⲉⲡⲓⲱⲛⲓⲛⲥⲓⲕⲓⲁϥⲭⲱⲙⲡⲉϥⲃⲁⲓϩⲓϫⲱϥⲟⲩⲟϩⲡⲉϫⲁϥϫⲉⲁⲓϫⲉⲣⲟⲕⲱⲡⲓⲱⲛⲓⲛⲥⲓⲕⲓⲟϩⲓⲛⲁⲕϫⲉ.
ⲟⲩⲟϩϧⲉⲛϯⲟⲩⲛⲟⲩⲁϥⲟϩⲓⲕⲁⲧⲁⲡⲥⲁϫⲓⲙⲡⲁⲓⲱⲧⲙⲡⲣⲟⲫⲏⲧⲏⲥⲛⲇⲓⲕⲁⲓⲟⲥⲁⲡⲁϣⲉⲛⲟⲩϯⲫⲣⲱⲙⲓⲙⲫⲛⲟⲩϯϧⲉⲛⲟⲩⲙⲉⲑⲙⲏⲓⲫⲏⲉⲧⲉⲛⲉϥϩⲃⲏⲟⲩⲓϣⲟⲡϧⲉⲛⲟⲩⲉⲣϣⲓϣⲓⲙⲫⲣⲏϯⲛⲛⲓⲡⲣⲟⲫⲏⲧⲏⲥⲛⲧⲉϣⲟⲣⲡⲛⲉⲙⲛⲓⲁⲡⲟⲥⲧⲟⲗⲟⲥϩⲁⲛⲁⲧϭⲓⲏⲡⲓⲙⲙⲱⲟⲩⲛⲉⲛⲉϥⲕⲁⲧⲟⲣⲑⲱⲙⲁⲛⲉⲙⲛⲓϣⲫⲏⲣⲓⲉⲧⲁϥⲁⲓⲧⲟⲩⲉⲃⲟⲗϩⲓⲧⲉⲛⲡⲓϩⲙⲟⲧⲛⲧⲉⲡⲓⲡⲛⲉⲩⲙⲁⲉⲑⲟⲩⲁⲃⲉⲧϣⲟⲡⲛϧⲏⲧϥⲛⲥⲏⲟⲩⲛⲓⲃⲉⲛ.
ⲁⲥϣⲱⲡⲓⲇⲉⲗⲟⲓⲡⲟⲛⲉⲧⲁⲡⲓⲁⲣⲭⲏⲉⲡⲓⲥⲕⲟⲡⲟⲥⲉⲑⲟⲩⲁⲃⲕⲩⲣⲓⲗⲗⲟⲥϩⲱⲗⲉⲧⲉϥⲡⲟⲗⲓⲥⲁϥⲟⲩⲱⲣⲡⲛⲥⲁⲡⲁⲓⲱⲧⲁⲡⲁϣⲉⲛⲟⲩϯⲁϥϣⲉⲛϥϫⲉⲁⲕⲉⲣⲟⲩⲏⲣⲛⲉϩⲟⲟⲩⲉⲕⲧⲁⲗⲏⲟⲩⲧⲉϯϭⲏⲡⲓϣⲁⲧⲉⲕⲫⲟϩⲉⲡⲉⲕⲙⲟⲛⲁⲥⲧⲏⲣⲓⲟⲛ;
ⲡⲉϫⲉⲡⲁⲓⲱⲧⲁⲡⲁϣⲉⲛⲟⲩϯⲙⲡⲓⲁⲣⲭⲏⲉⲡⲓⲥⲕⲟⲡⲟⲥϫⲉⲭⲱⲛⲏⲓⲉⲃⲟⲗⲡⲁⲓⲱⲧⲉⲑⲟⲩⲁⲃϯⲙⲡϣⲁⲁⲛⲉϩⲱⲃⲙⲡⲁⲓⲣⲏϯ.
ⲡⲉϫⲉⲁⲃⲃⲁⲕⲩⲣⲓⲗⲗⲟⲥⲛⲁϥϫⲉϯⲧⲁⲣⲕⲟⲙⲙⲟⲕⲛⲛⲓϣⲗⲏⲗⲛⲧⲉⲛⲏⲉⲑⲟⲩⲁⲃϩⲓⲛⲁⲉⲕⲉⲧⲁⲙⲟⲓⲉⲡⲓϩⲱⲃⲉⲧⲁϥϣⲱⲡⲓⲙⲙⲟⲕ.
ⲡⲁⲓⲱⲧⲇⲉⲡⲉϫⲁϥⲛⲁϥϧⲉⲛⲟⲩⲑⲉⲃⲓⲟϫⲉϩⲟⲥⲟⲛⲁⲕⲧⲁⲣⲕⲟⲓⲁⲓϩⲱⲗⲉⲡⲓⲙⲟⲛⲁⲥⲧⲏⲣⲓⲟⲛⲙⲡⲓⲉϩⲟⲟⲩⲉⲧⲁⲛⲥⲁϫⲓⲛⲉⲙⲛⲉⲛⲉⲣⲏⲟⲩⲛϧⲏⲧϥⲉⲕϧⲉⲛⲡⲓϫⲟⲓⲟⲩⲟϩⲉⲓϩⲓϫⲉⲛϯϭⲏⲡⲓⲁⲓⲉⲣϯⲥⲩⲛⲁⲝⲓⲥⲛⲉⲙⲛⲓⲥⲛⲏⲟⲩⲛϩⲁⲛⲁⲣⲟⲩϩⲓⲙⲡⲓⲉϩⲟⲟⲩⲉⲧⲉⲙⲙⲁⲩ.
ⲟⲩⲟϩⲁϥⲉⲣϣⲫⲏⲣⲓⲥⲁⲧⲟⲧϥⲛϫⲉⲡⲓⲁⲣⲭⲏⲉⲡⲓⲥⲕⲟⲡⲟⲥⲉⲑⲟⲩⲁⲃⲕⲩⲣⲓⲗⲗⲟⲥⲛⲉⲙⲁⲡⲁⲃⲓⲕⲧⲱⲣⲡⲓⲁⲣⲭⲏⲙⲁⲛⲇⲣⲓⲧⲏⲥⲟⲩⲟϩⲡⲁⲓⲣⲏϯⲁⲩϯⲱⲟⲩⲙⲫⲛⲟⲩϯⲫⲏⲉⲧⲓⲣⲓⲛⲛⲓϣⲫⲏⲣⲓⲙⲙⲁⲩⲁⲧϥϧⲉⲛⲛⲏⲉⲑⲟⲩⲁⲃⲛⲧⲁϥⲛⲏⲉⲧⲓⲣⲓⲙⲡⲉϥⲟⲩⲱϣⲟⲩⲟϩⲉⲣⲉϩⲑⲏⲟⲩⲭⲏⲉⲣⲟϥ.
ⲙⲉⲛⲉⲛⲥⲱⲥⲁϥⲓⲉⲃⲟⲗϩⲓⲧⲟⲧϥⲙⲡⲓⲁⲣⲭⲏⲉⲡⲓⲥⲕⲟⲡⲟⲥⲟⲩⲟϩⲁϥⲓⲉⲡⲉϥⲙⲟⲛⲁⲥⲧⲏⲣⲓⲟⲛ.
ⲁⲥϣⲱⲡⲓⲇⲉⲟⲛⲛⲟⲩⲉϩⲟⲟⲩⲉϥϩⲉⲙⲥⲓⲛϫⲉⲡⲉⲛⲓⲱⲧⲁⲡⲁϣⲉⲛⲟⲩϯϧⲁⲧⲉⲛⲡⲓⲗⲁⲕϩⲙⲡⲉⲧⲣⲁⲛⲑⲟϥⲛⲉⲙⲡⲉⲛϭⲟⲉⲓⲥⲓⲏⲥⲟⲩⲥⲡⲭⲣⲓⲥⲧⲟⲥⲉⲩⲥⲁϫⲓⲛⲉⲙⲛⲟⲩⲉⲣⲏⲟⲩⲧⲟⲧⲉⲡⲉϫⲉⲡⲁⲓⲱⲧⲙⲡⲣⲟⲫⲏⲧⲏⲥⲛⲁϥϫⲉⲡⲁϭⲟⲉⲓⲥⲉⲓⲉⲣⲉⲡⲓⲑⲩⲙⲓⲛⲉⲛⲁⲩⲉⲟⲩϫⲟⲓⲉϥⲉⲣϩⲱⲧⲙⲡⲁⲓⲙⲁ.
ⲟⲩⲟϩⲡⲉϫⲉⲡϭⲟⲉⲓⲥⲛⲁϥϫⲉϯⲛⲁϯⲙⲕⲁϩⲛϩⲏⲧⲛⲁⲕⲁⲛⲱⲡⲁⲥⲱⲧⲡϣⲉⲛⲟⲩϯ.
ⲟⲩⲟϩⲁϥϣⲉⲉⲃⲟⲗϩⲓⲧⲟⲧϥ.
ⲙⲉⲛⲉⲛⲥⲁⲟⲩⲕⲟⲩϫⲓⲇⲉⲁⲡⲓⲙⲁⲙⲟϩⲙⲙⲱⲟⲩϩⲓⲧⲉⲛⲫⲟⲩⲁϩⲥⲁϩⲛⲓⲙⲡⲓⲇⲏⲙⲓⲟⲩⲣⲅⲟⲥⲫⲛⲟⲩϯⲟⲩⲟϩⲁϥⲑⲣⲉⲡⲓϫⲟⲓϣⲱⲡⲓⲉϥⲉⲣϩⲱⲧϧⲉⲛⲡⲓϫⲁⲛⲉⲙⲙⲱⲟⲩⲉⲧⲁϥϣⲱⲡⲓ
ⲟⲩⲟϩⲛⲑⲟϥⲡϭⲟⲉⲓⲥⲉϥⲟⲓⲙⲡⲥⲙⲟⲧⲙⲡⲓⲛⲓϣϯⲛⲛⲉϥⲟⲩⲟϩϩⲁⲛⲕⲉⲁⲅⲅⲉⲗⲟⲥⲟⲛⲉⲩⲟⲓⲙⲡⲥⲙⲟⲧⲛϩⲁⲛⲕⲉⲛⲉϥ.
ⲁϥⲉⲣϩⲱⲧϣⲁⲧⲉϥⲫⲟϩⲉⲫⲏⲉⲑⲟⲩⲁⲃⲁⲡⲁϣⲉⲛⲟⲩϯⲉϥⲟϩⲓⲉⲣⲁⲧϥⲉϥϣⲗⲏⲗⲟⲩⲟϩⲡⲉϫⲉⲡϭⲟⲉⲓⲥⲙⲡⲁⲓⲱⲧⲁⲡⲁϣⲉⲛⲟⲩϯϫⲉⲧⲁϩⲟⲡⲓⲛⲟϩⲛⲁⲕ.
ⲛⲑⲟϥⲇⲉⲁϥⲥⲱⲟⲩⲧⲉⲛⲉⲃⲟⲗⲛⲧⲉϥϫⲓϫⲁϥⲧⲁϩⲉⲡⲓⲛⲟϩⲟⲩⲟϩⲙⲡⲉϥϣϫⲉⲙϫⲟⲙⲙⲙⲟⲣϥ.
ⲧⲟⲧⲉⲁϥϯⲙⲡⲉϥⲟⲩⲟⲓⲉⲡⲓⲗⲁⲕϩⲙⲡⲉⲧⲣⲁⲉⲧⲁϣⲓⲉⲃⲟⲗⲁϥⲁⲙⲟⲛⲓⲙⲙⲟϥϧⲉⲛⲡⲉϥⲧⲏⲃⲛⲉⲙⲧⲉϥⲓⲛⲓ.
ⲥⲁⲧⲟⲧϥⲁϥⲟⲩⲱⲧⲉⲛⲛϯⲟⲩⲛⲟⲩⲙⲫⲣⲏϯⲛⲟⲩⲙⲟⲩⲗϩⲛⲁϩⲣⲉⲛⲟⲩⲭⲣⲱⲙⲟⲩⲟϩⲁϥϯⲛⲟϩⲉϧⲟⲩⲛⲉⲡⲓⲱⲛⲓⲁϥⲁⲙⲟⲛⲓⲙⲙⲟϥ
ⲟⲩⲟϩⲁϥⲟⲩⲟⲧⲉⲛⲛϫⲉⲡⲓⲱⲛⲓⲉⲧⲉⲙⲙⲁⲩϣⲁⲉϧⲟⲩⲛⲉⲡⲁⲓⲉϩⲟⲟⲩⲉⲩⲙⲏⲓⲛⲓⲛⲉⲛⲉϩϣⲁϩⲁⲛϫⲱⲟⲩⲛϫⲱⲟⲩ.
ⲁⲥϣⲱⲡⲓⲟⲛⲛⲟⲩⲥⲏⲟⲩⲉⲩⲉⲣϩⲱⲃⲉϯϣⲱϯⲉⲩϣⲱⲕⲓⲙⲙⲟⲥϧⲉⲛⲡⲓⲙⲟⲛⲁⲥⲧⲏⲣⲓⲟⲛⲉⲣⲉⲛⲓⲥⲛⲏⲟⲩⲉⲣϩⲱⲃⲉⲣⲟⲥⲧⲟⲧⲉⲁⲡⲓⲇⲓⲁⲃⲟⲗⲟⲥⲉⲣⲉⲡⲓⲃⲟⲩⲗⲉⲩⲓⲛⲉⲣⲱⲟⲩⲉϥⲟⲩⲱϣⲉϣⲉⲣϣⲱⲣⲥⲉϫⲉⲛⲛⲓⲉⲣⲅⲁⲧⲏⲥⲉⲧⲉⲣϩⲱⲃⲉⲣⲟⲥⲡⲉ.
ⲁⲟⲩⲁⲓⲇⲉϧⲉⲛⲛⲓⲥⲛⲏⲟⲩⲉⲧⲟϩⲓⲉⲣⲁⲧⲟⲩⲉⲡⲓⲕⲱⲧⲁϥϭⲟϫⲓⲁϥⲧⲁⲙⲉⲡⲉⲛⲓⲱⲧⲁⲡⲁϣⲉⲛⲟⲩϯⲟⲩⲟϩⲁϥⲧⲱⲛϥⲁϥⲁⲙⲟⲛⲓⲙⲡⲉϥⲃⲁⲓⲁϥⲓⲉϧⲣⲏⲓⲉϫⲉⲛϯϣⲱϯⲁϥⲥⲱⲟⲩⲧⲉⲛⲉⲃⲟⲗⲙⲡⲉϥⲃⲁⲓⲁϥⲑⲟⲕⲥϥⲉϯϫⲟⲉⲓⲛⲧⲉϯϣⲱϯ
ⲟⲩⲟϩϧⲉⲛϯⲟⲩⲛⲟⲩⲁϥϭⲉⲛⲟⲩⲛⲓⲉⲃⲟⲗⲁϥϯⲟⲩⲱⲉⲡϣⲱⲓⲛϩⲁⲛⲃⲁⲓⲛⲉⲙϩⲁⲛⲥⲡⲁϯⲛⲃⲉⲛⲓⲟⲩⲟϩⲁⲛⲓⲣⲱⲙⲓⲉⲧⲉⲣϩⲱⲃⲟⲩⲱⲙⲉⲃⲟⲗϧⲉⲛⲡⲉⲥⲕⲁⲣⲡⲟⲥⲟⲩⲟϩⲁϯϣⲱϯϣⲱⲡⲓⲛⲁⲧⲕⲓⲙϣⲁⲉϧⲟⲩⲛⲉⲫⲟⲟⲩⲛⲉϩⲟⲟⲩ.
ⲁⲥϣⲱⲡⲓⲇⲉⲟⲛⲛⲟⲩⲉϩⲟⲟⲩⲉⲣⲉⲡⲉⲛⲥⲱⲧⲏⲣϩⲉⲙⲥⲓⲛⲉⲙⲡⲁⲓⲱⲧⲁⲡⲁϣⲉⲛⲟⲩϯⲉϥⲥⲁϫⲓⲛⲉⲙⲁϥⲁⲓϣⲉⲉϧⲟⲩⲛⲁⲛⲟⲕⲃⲏⲥⲁⲡⲉϥⲙⲁⲑⲏⲧⲏⲥⲉⲓⲟⲩⲱϣⲉⲉⲣⲁⲡⲁⲛⲧⲁⲛⲉⲣⲟϥ.
ϧⲉⲛϯⲟⲩⲛⲟⲩⲁⲡⲓⲥⲱⲧⲏⲣⲉⲣⲁⲛⲁⲭⲱⲣⲓⲛⲛⲁϥ.
ⲉⲧⲁⲓϣⲉⲇⲉⲉϧⲟⲩⲛⲁⲓϭⲓⲥⲙⲟⲩⲛⲧⲟⲧϥⲙⲡⲁⲓⲱⲧ.
ⲙⲉⲛⲉⲛⲥⲱⲥⲁⲓϣⲉⲛϥϫⲉⲡⲁⲓⲱⲧⲉⲑⲟⲩⲁⲃⲛⲓⲙⲡⲉⲫⲁⲓⲉⲧⲥⲁϫⲓⲛⲉⲙⲁⲕⲟⲩⲟϩⲉⲧⲁⲓⲓⲉϧⲟⲩⲛⲛⲁϥⲉⲣⲁⲛⲁⲭⲱⲣⲓⲛⲛⲁϥ;
ⲡⲉϫⲉⲡⲁⲓⲱⲧⲙⲡⲣⲟⲫⲏⲧⲏⲥⲛⲏⲓϫⲉⲡϭⲟⲉⲓⲥⲓⲏⲥⲟⲩⲥⲡⲭⲣⲓⲥⲧⲟⲥⲡⲉⲡⲉⲧⲁϥⲕⲏⲛϧⲁⲧⲟⲧϯⲛⲟⲩⲉϥϫⲱⲉⲣⲟⲓⲛϩⲁⲛⲙⲩⲥⲧⲏⲣⲓⲟⲛ.
ⲡⲉϫⲏⲓⲛⲁϥϫⲉⲛⲁⲓⲟⲩⲱϣϩⲱⲡⲉⲉⲛⲁⲩⲉⲣⲟϥⲟⲩⲟϩⲛⲧⲉϥⲥⲙⲟⲩⲉⲣⲟⲓ.
ⲡⲉϫⲉⲡⲁⲓⲱⲧⲛⲏⲓϫⲉⲭⲛⲁϣⲛⲁⲩⲉⲣⲟϥⲁⲛϫⲉⲛⲑⲟⲕⲟⲩⲕⲟⲩϫⲓⲛϣⲏⲣⲓⲛⲑⲟⲕ.
ⲡⲉϫⲏⲓⲛⲁϥϫⲉⲁⲛⲟⲕⲟⲩⲣⲉϥⲉⲣⲛⲟⲃⲓⲡⲁⲓⲱⲧⲉⲑⲟⲩⲁⲃ.
ⲡⲉϫⲁϥⲛⲏⲓϫⲉⲙⲙⲟⲛⲁⲗⲗⲁⲛⲑⲟⲕⲟⲩⲕⲟⲩϫⲓⲛϩⲏⲧ.
ⲡⲉϫⲏⲓⲛⲁϥⲟⲛⲉⲓⲣⲓⲙⲓϫⲉⲡⲁⲓⲱⲧϯϯϩⲟⲉⲣⲟⲕⲙⲁⲣⲉⲡⲉⲕⲛⲁⲓⲧⲁϩⲟⲓⲛⲧⲁⲉⲣⲙⲡϣⲁⲛⲛⲁⲩⲉⲣⲟϥϩⲱ.
ⲡⲉϫⲉⲡⲁⲓⲱⲧⲛⲏⲓϫⲉⲁⲕϣⲁⲛⲫⲟϩⲉⲁϫⲡⲋⲛⲣⲁⲥϯⲁⲙⲟⲩⲉϧⲟⲩⲛⲭⲛⲁϫⲉⲙⲧⲉⲓϩⲉⲙⲥⲓⲉϧⲣⲏⲓⲛⲉⲙⲁϥⲁⲛⲁⲩⲙⲡⲣⲥⲁϫⲓⲁⲛⲉⲡⲧⲏⲣϥ.
ⲁⲥϣⲱⲡⲓⲇⲉⲉⲡⲉϥⲣⲁⲥϯⲁⲓϣⲉⲕⲁⲧⲁⲡⲓⲟⲩⲁϩⲥⲁϩⲛⲓⲛⲧⲉⲡⲁⲓⲱⲧⲟⲩⲟϩⲁⲓⲕⲱⲗϩⲉϯⲁⲗⲁⲕⲕⲁⲧⲁϯⲕⲁϩⲥϫⲉⲉⲓⲛⲁϣⲉⲉϧⲟⲩⲛⲛⲧⲁϭⲓⲥⲙⲟⲩⲟⲩⲟϩⲛϯⲟⲩⲛⲟⲩⲁⲡϭⲟⲉⲓⲥⲉⲣⲁⲛⲁⲭⲱⲣⲓⲛⲛⲁϥ.
ⲁⲛⲟⲕⲇⲉⲁⲓⲣⲓⲙⲓϫⲉⲡⲁⲛⲧⲱⲥϯⲙⲡϣⲁⲁⲛⲛⲛⲁⲩⲉⲡϭⲟⲉⲓⲥϧⲉⲛϯⲥⲁⲣⲝ.
ⲡⲁⲓⲱⲧⲇⲉⲡⲉϫⲁϥⲛⲏⲓϫⲉϥⲛⲁⲑⲱⲧⲙⲡⲉⲕϩⲏⲧⲡⲁϣⲏⲣⲓⲃⲏⲥⲁⲛⲧⲉϥⲑⲣⲉⲕⲥⲱⲧⲉⲙⲉⲧⲉϥⲥⲙⲏⲉⲧϩⲟⲗϫ.
ⲟⲩⲟϩⲡⲁⲣⲁⲡⲁⲙⲡϣⲁⲁⲓⲥⲱⲧⲉⲙⲉⲣⲟϥⲉϥⲥⲁϫⲓⲛⲉⲙⲡⲁⲓⲱⲧⲛⲟⲩⲥⲟⲡⲟⲩⲟϩⲁⲓϣⲱⲡⲓⲉⲓϣⲉⲡϩⲙⲟⲧⲛⲧⲟⲧϥⲛⲛⲓⲉϩⲟⲟⲩⲧⲏⲣⲟⲩⲛⲧⲉⲡⲁⲱⲛϧ.

ANNIS Metadata

annotation: Hany Takla, Nicholas Wagner, Amir Zeldes, Caroline T. Schroeder
attributed_author: Besa
author: unknown
Coptic_edition: Leipoldt 1906
corpus: bohairic.life.shenoute
country: Egypt
document_cts_urn: urn:cts:copticLit:lives.boh_shenoute.leipoldt_ed:1-26
entities: none
identities: none
language: Bohairic Coptic
license: CC-BY 4.0
next: urn:cts:copticLit:lives.boh_shenoute.leipoldt_ed:27-58
note: Manually transcribed by Hany Takla using Leipoldt's edition with editorial interventions by Takla. Chapter divisions follow Leipoldt. See also Nina Lubomierski, Die Vita Sinuthii (Mohr Siebeck 2007) on this literary work as a later compilation of eulogies and hagiographical anecdotes into longer form resembling a vita.
order: 1
parsing: gold
paths_authors: 110
paths_works: 461
people: none
places: none
project: Coptic SCRIPTORIUM, St. Shenouda Society
redundant: no
segmentation: gold
source: Hany Takla
source_info: Manually transcribed by Hany Takla using Leipoldt's edition with editorial interventions by Takla.
tagging: gold
title: Life of Shenoute - part 1
translation: Amir Zeldes
Trismegistos: none
version_date: 2025-06-30
version_n: 6.1.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:lives.boh_shenoute.leipoldt_ed:1-26. [version number], [date]. https://data.copticscriptorium.org/urn:cts:copticLit:lives.boh_shenoute.leipoldt_ed:1-26.

Subsequent citations:

Author, Ancient title (abbreviated) [chapter.verse if available], urn:cts:copticLit:lives.boh_shenoute.leipoldt_ed:1-26.

Document Edition: urn:cts:copticLit:lives.boh_shenoute.leipoldt_ed:1-26

Work: urn:cts:copticLit:lives.boh_shenoute

Text Group: urn:cts:copticLit:lives

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:lives.boh_shenoute.leipoldt_ed:1-26/norm/html

Analytic Visualization HTML: https://data.copticscriptorium.org/urn:cts:copticLit:lives.boh_shenoute.leipoldt_ed:1-26/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:lives.boh_shenoute.leipoldt_ed:1-26/tei/xml

Paula XML: https://data.copticscriptorium.org/urn:cts:copticLit:lives.boh_shenoute.leipoldt_ed:1-26/paula/xml

relANNIS: https://data.copticscriptorium.org/urn:cts:copticLit:lives.boh_shenoute.leipoldt_ed:1-26/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:lives.boh_shenoute.leipoldt_ed:1-26/annis