Life of Isaac of Alexandria - part 1
analytic chapter TEI ANNIS PAULA Search ANNIS
Next

Chapter View

ⲫⲃⲓⲟⲥⲙⲡⲓⲡⲁⲧⲣⲓⲁⲣⲭⲏⲥⲉⲑⲟⲩⲁⲃⲟⲩⲟϩⲡⲓⲁⲣⲭⲓⲉⲡⲓⲥⲕⲟⲡⲟⲥⲛⲧⲉϯⲛⲓϣϯⲙⲡⲟⲗⲓⲥⲣⲁⲕⲟϯⲁⲃⲃⲁⲓⲥⲁⲁⲕⲉⲁϥϩⲓⲥⲧⲟⲣⲉⲓⲛⲙⲙⲟϥⲛϫⲉⲫⲏⲉⲑⲟⲩⲁⲃⲁⲃⲃⲁⲙⲏⲛⲁⲡⲓϩⲟⲥⲓⲱⲧⲁⲧⲟⲥⲛⲉⲡⲓⲥⲕⲡⲟⲥⲛⲧⲉϯⲡⲟⲗⲓⲥⲡϣⲁϯϧⲉⲛⲟⲩϩⲉⲓⲣⲏⲛⲏⲛⲧⲉⲫⲛⲟⲩϯⲁⲙⲏⲛ.
ϥⲑⲱϩⲉⲙⲙⲙⲟⲛⲙⲫⲟⲟⲩⲛϫⲉⲡⲓⲉⲣⲫⲙⲉⲩⲓⲙⲡⲓⲡⲁⲧⲣⲓⲁⲣⲭⲏⲥⲉⲧⲧⲁⲓⲏⲟⲧ
ⲱⲛⲁⲙⲉⲛⲣⲁϯⲉϥⲧⲟⲩⲛⲟⲥⲉϩⲣⲏⲓⲙⲫⲣⲱⲟⲩⲧϥⲙⲡⲁϩⲏⲧⲉⲑⲣⲉⲛϭⲓⲫⲉⲓϧⲁⲡⲓⲣⲁϣⲓⲙⲡⲛⲉⲩⲙⲁⲧⲓⲕⲟⲛⲟⲩⲟϩⲛⲧⲁϯⲙⲡⲁⲟⲩⲟⲓⲉϧⲟⲩⲛⲉⲛⲉϥⲉⲅⲕⲱⲓⲟⲛⲉⲑⲟⲩⲁⲃ
ⲛⲓⲙⲅⲁⲣⲡⲉⲑⲛⲁϣⲁϫⲓⲙⲡⲧⲁⲓⲟⲙⲡⲓⲙⲁⲛⲉⲥⲱⲟⲩⲛⲁⲗⲏⲑⲓⲛⲟⲛⲟⲩⲟϩⲛⲁⲣⲭⲓⲉⲣⲉⲩⲥⲉⲧⲉⲛϩⲟⲧⲛⲧⲉϯⲇⲓⲕⲁⲓⲟⲥⲩⲛⲏⲫⲏⲉⲧⲁϥⲙⲉⲛⲣⲉϯⲁⲣⲉⲧⲏⲓⲥϫⲉⲛⲧⲉϥⲙⲉⲧⲕⲟⲩϫⲓⲛⲉⲙⲡⲓϫⲓⲛⲱⲛϧⲛⲧⲉⲛⲓⲁⲅⲅⲉⲗⲟⲥⲉⲑⲟⲩⲁⲃⲛⲁⲓⲉⲧⲁϥⲭⲟϩⲉⲛⲟⲩϫⲓⲛⲱⲛϧⲁϥⲧⲉⲛⲑⲱⲛϥⲉⲣⲱⲟⲩ.
ϧⲉⲛⲫⲁⲓⲅⲁⲣⲁϥⲟⲩⲱⲛϩⲉⲃⲟⲗⲉϥⲉⲣⲟⲩⲱⲓⲛⲓⲛⲧⲁⲓϧⲉⲧⲏⲣⲟⲩϩⲱⲥⲧⲉⲛⲥⲉⲧⲉⲛϩⲟⲩⲧϥⲉⲁⲙⲟⲛⲓⲛⲛⲓϩⲓⲏⲃⲛⲧⲉϯⲉⲕⲕⲗⲏⲥⲓⲁⲛⲧⲉϯⲛⲓϣϯⲙⲡⲟⲗⲓⲥⲣⲁⲕⲟϯⲛⲉⲙⲭⲏⲙⲓⲧⲏⲣϥⲙⲁⲗⲗⲟⲛⲇⲉⲛⲉⲙⲥⲁⲡⲉⲥⲏⲧⲛⲧⲫⲉⲧⲏⲣⲥ.
ⲟⲩⲅⲁⲣⲉⲧⲁⲓⲉⲣⲧⲟⲗⲙⲁⲛⲁⲛⲉϫⲱⲛⲟⲩⲥⲁϫⲓⲉⲃⲟⲗϩⲓⲧⲟⲧⲙⲙⲁⲩⲁⲧⲁⲛⲟⲕϧⲁⲡⲓⲉⲗⲁⲭⲓⲥⲧⲟⲥⲁⲗⲗⲁⲛⲏⲉⲧⲁⲛⲥⲟⲑⲙⲟⲩⲛⲉⲙⲛⲏⲉⲧⲁⲛⲉⲙⲓⲉⲣⲱⲟⲩⲛⲁⲓⲛⲉⲛⲏⲉⲧⲁⲛⲥϧⲏⲧⲟⲩⲛⲱⲧⲉⲛϧⲁⲛⲏⲉⲧⲱϣⲛⲉⲙⲛⲏⲉⲧⲥⲱⲧⲉⲙⲉⲟⲩⲱⲟⲩⲙⲫⲛⲟⲩϯⲛⲉⲙⲛⲏⲉⲑⲟⲩⲁⲃⲛⲧⲁϥ
ⲡⲁⲓϩⲁⲅⲓⲟⲥⲇⲉⲟⲩⲛⲛⲁⲥⲛⲏⲟⲩⲟⲩⲣⲉⲙⲛⲭⲏⲙⲓⲡⲉϧⲉⲛⲡⲉϥⲅⲉⲛⲟⲥⲟⲩⲉⲃⲟⲗⲡⲉϧⲉⲛⲟⲩϯⲙⲓⲉⲩⲙⲟⲩϯⲉⲣⲟϥϫⲉⲡⲓϣⲱ.
ⲛⲉϥⲓⲟϯⲇⲉⲛⲉϩⲁⲛⲙⲁⲓⲛⲟⲩϯⲛⲉⲉⲙⲁϣⲱ.
ⲛⲉⲟⲩⲟⲛⲛⲧⲱⲟⲩⲙⲙⲁⲩⲛⲟⲩⲙⲏϣⲛϩⲩⲡⲁⲣⲭⲟⲛⲧⲁϩⲁⲛⲃⲱⲕⲛⲉⲙϩⲁⲛⲃⲱⲕⲓ.
ⲁⲥϣⲱⲡⲓⲇⲉⲉⲧⲁⲩϫⲫⲟⲙⲡⲓⲁⲗⲟⲩⲉⲑⲟⲩⲁⲃⲁⲩⲙⲟⲩϯⲉⲡⲉϥⲣⲁⲛϫⲉⲓⲥⲁⲁⲕⲉⲧⲉⲧϩⲉⲣⲙⲏⲛⲉⲓⲁⲙⲡⲉϥⲣⲁⲛϫⲉⲡⲓⲣⲁϣⲓ
ⲉⲧⲁⲩⲙⲟϩⲇⲉⲉⲃⲟⲗⲛϫⲉⲛⲓⲉϩⲟⲟⲩϫⲉϩⲓⲛⲁⲛⲧⲟⲩϯⲱⲙⲥⲛⲁϥⲕⲁⲧⲁⲛⲓⲡⲁⲣⲁⲇⲟⲥⲓⲥⲛⲧⲉⲛⲓⲭⲣⲓⲥⲧⲓⲁⲛⲟⲥⲁⲩϭⲓⲧϥⲛϫⲉⲛⲉϥⲓⲟϯⲉⲣⲁⲧϥⲙⲡⲓⲉⲡⲓⲥⲕⲟⲡⲟⲥⲛⲧⲉⲡⲓⲥⲏⲟⲩⲉⲧⲉⲙⲙⲁⲩⲉⲟⲩⲣⲱⲙⲓⲡⲉⲙⲡⲛⲉⲩⲙⲁⲧⲟⲫⲟⲣⲟⲥⲡⲉ.
ⲫⲁⲓⲇⲉϧⲉⲛⲡϫⲓⲛⲑⲣⲉϥⲱⲙⲉⲙⲡⲓⲁⲗⲟⲩⲉⲑⲟⲩⲁⲃϧⲉⲛϯⲕⲟⲗⲩⲃⲏⲑⲣⲁϧⲉⲛⲫⲣⲁⲛⲙⲫⲓⲱⲧⲛⲉⲙⲡϣⲏⲣⲓⲛⲉⲙⲡⲓⲡⲛⲉⲩⲙⲁⲉⲑⲟⲩⲁⲃϯⲧⲣⲓⲁⲉⲛⲟⲙⲟⲟⲩⲉⲓⲟⲉⲟⲩⲟϩⲁⲩⲟⲩⲱⲛⲛϫⲉⲛⲉϥⲃⲁⲗⲁϥⲛⲁⲩⲉⲟⲩⲥⲧⲁⲩⲣⲟⲥⲛⲟⲩⲱⲓⲛⲓⲉϫⲉⲛⲧⲁⲫⲉⲙⲡⲓⲁⲗⲟⲩ
ⲟⲩⲟϩϩⲱⲥⲉⲁⲩⲕⲓⲙⲉⲣⲟϥϩⲓⲧⲉⲛⲡⲓⲡⲛⲉⲩⲙⲁⲉⲑⲟⲩⲁⲃⲁϥⲱϣⲉⲃⲟⲗϧⲉⲛⲟⲩⲥⲙⲏⲙⲡⲣⲟⲫⲏⲧⲓⲕⲟⲛⲉϥϫⲱⲙⲙⲟⲥϫⲉⲛⲑⲟⲕⲟⲩⲛⲓϣϯⲡϭⲟⲉⲓⲥⲫⲛⲟⲩϯⲡⲓⲡⲁⲛⲧⲟⲕⲣⲁⲧⲱⲣⲟⲩⲟϩⲛⲑⲟⲕⲙⲙⲁⲩⲁⲧⲕⲉⲑⲛⲁⲁϥⲟⲩⲟϩⲛϩⲣⲏⲓϧⲉⲛⲛⲉⲕⲙⲟⲕⲙⲉⲕⲙⲙⲟⲛⲡⲉⲧⲛⲁϣⲓⲛⲓⲙⲙⲟⲕ.
ⲛⲁⲓⲇⲉⲉⲧⲁϥϫⲟⲧⲟⲩⲛϫⲉⲡⲓⲉⲡⲓⲥⲕⲟⲡⲟⲥⲉⲑⲟⲩⲁⲃⲁϥⲧⲏⲓϥⲛⲛⲉϥⲓⲟϯⲉϥϫⲱⲙⲙⲟⲥϫⲉⲁⲣⲉϩⲉⲡⲁⲓⲁⲗⲟⲩϫⲉⲟⲩⲇⲱⲣⲟⲛⲛⲧⲉⲫⲛⲟⲩϯⲡⲉⲫⲁⲓⲅⲁⲣⲛⲁϣⲱⲡⲓⲛⲟⲩⲛⲓϣϯⲛⲁⲣⲭⲓⲉⲣⲉⲩⲥϧⲉⲛⲡⲏⲓⲙⲫⲛⲟⲩϯⲟⲩⲟϩⲥⲉⲛⲁⲧⲉⲛϩⲟⲩⲧϥⲉϩⲁⲛⲗⲁⲟⲥⲉⲩⲟϣ.
ⲛⲁⲓⲇⲉⲉⲧⲁⲩⲥⲟⲑⲙⲟⲩⲛϫⲉⲛⲉϥⲓⲟϯⲁⲩϭⲓⲥⲓⲛⲧⲟⲩⲥⲙⲏⲉⲩϫⲱⲙⲙⲟⲥϫⲉⲙⲁⲣⲉϥϣⲱⲡⲓⲛϫⲉⲫⲣⲁⲛⲙⲡϭⲟⲉⲓⲥⲉϥⲥⲙⲁⲣⲱⲟⲩⲧⲓⲥϫⲉⲛⲡⲓⲉⲛⲉϩϣⲁⲉⲛⲉϩ.
ⲉⲧⲁϥⲉⲣⲡⲣⲟⲕⲟⲡⲧⲉⲓⲛⲇⲉⲛϫⲉⲡⲓⲁⲗⲟⲩⲉⲑⲟⲩⲁⲃϧⲉⲛϯⲙⲁⲓⲏⲁⲩⲧⲏⲓϥⲛϫⲉⲛⲉϥⲓⲟϯⲉϯⲁⲛⲍⲏⲃⲟⲩⲟϩϧⲉⲛϩⲁⲛⲕⲟⲩϫⲓⲛⲉϩⲟⲟⲩⲁϥⲉⲙⲓⲉⲧϫⲟⲙⲛⲛⲓⲥϧⲁⲓⲛⲉⲙⲛⲓⲙⲁⲑⲏⲙⲁϩⲱⲥⲧⲉⲛⲧⲟⲩⲉⲣϣⲫⲏⲣⲓⲙⲙⲟϥⲛϫⲉⲟⲩⲟⲛⲛⲓⲃⲉⲛⲉⲧⲭⲏϧⲉⲛϯⲁⲛⲍⲏⲃⲛⲉⲙⲁϥⲉⲩⲛⲁⲩⲉⲡⲓⲉⲙⲓⲉⲧⲁⲫⲛⲟⲩϯⲧⲏⲓϥⲛⲁϥⲟⲩⲟϩⲛⲁⲩϭⲛⲟⲛⲛϫⲱⲟⲩⲛⲁϥⲧⲏⲣⲟⲩⲛϫⲉⲟⲩⲟⲛⲛⲓⲃⲉⲛⲉⲧϧⲉⲛϯⲁⲛⲍⲏⲃ.
ⲉⲧⲁϥⲙⲟϩⲇⲉⲉⲃⲟⲗϧⲉⲛⲡⲓⲉⲙⲓⲛⲉⲙϯⲥⲟⲫⲓⲁⲁⲩⲧⲏⲓϥⲛϫⲉⲛⲉϥⲓⲟϯⲉⲧⲟⲧϥⲛⲟⲩⲥⲩⲅⲅⲉⲛⲏⲥⲛⲧⲱⲟⲩⲉⲡⲉϥⲣⲁⲛⲡⲉⲙⲉⲛⲉⲥⲱⲛⲉϥⲟⲓⲛⲭⲁⲣⲧⲟⲗⲁⲣⲓⲟⲥϧⲁⲣⲁⲧϥⲛⲅⲉⲱⲣⲅⲓⲟⲥⲉϥⲟⲓⲛⲉⲡⲁⲣⲭⲟⲥⲉϯⲭⲱⲣⲁⲛⲧⲉⲭⲏⲙⲓϫⲉϩⲓⲛⲁⲛⲧⲉⲡⲓⲁⲗⲟⲩⲓⲥⲁⲁⲕϣⲱⲡⲓⲛⲛⲟⲧⲁⲣⲓⲟⲥϧⲁⲣⲁⲧϥ.
ⲟⲩⲟϩⲉⲧⲓⲉϥϣⲟⲡϧⲉⲛⲡⲓⲙⲁⲉⲧⲉⲙⲙⲁⲩⲁϥⲟⲩⲱⲛϧⲙⲫⲃⲓⲟⲥⲛϯⲙⲉⲧⲙⲟⲛⲁⲭⲟⲥⲉⲃⲟⲗ.
ⲛϣⲟⲣⲡⲙⲉⲛⲁϥⲱⲗⲓⲛⲛⲓⲯⲁⲗⲙⲟⲥⲛⲁⲡⲟⲥⲧⲏⲑⲏⲥⲉϥⲉⲣⲛⲏⲥⲧⲉⲩⲉⲓⲛϣⲁⲣⲟⲩϩⲓⲙⲙⲏⲛⲓⲉϥⲙⲏⲛⲉⲛⲓⲥⲩⲛⲁⲝⲓⲥⲉϥⲉⲣⲫⲟⲣⲉⲓⲛⲛⲟⲩϣⲑⲏⲛⲛϥⲱⲓⲉⲃⲟⲗⲥⲁϧⲟⲩⲛⲙⲙⲟϥⲥⲁⲃⲟⲗⲇⲉⲛⲑⲁⲓⲟⲩϩⲉⲃⲥⲱⲉⲥⲫⲉⲣⲓⲱⲟⲩ.
ⲁⲥϣⲱⲡⲓⲇⲉⲛⲟⲩⲁⲓⲛⲛⲓⲉϩⲟⲟⲩⲁϥⲙⲟⲩϯⲛϫⲉⲡⲓⲁⲣⲭⲱⲛⲉⲙⲉⲛⲉⲥⲱⲛⲉϥⲟⲩⲱϣⲉⲥϧⲏⲧⲟⲩⲉⲡⲓⲥⲧⲟⲗⲏⲛⲁⲛⲁⲅⲕⲁⲓⲟⲛϩⲱⲥⲛⲑⲟϥⲡⲉⲡⲓⲛⲓϣϯⲛⲛⲟⲧⲁⲣⲓⲟⲥⲟⲩⲟϩⲉⲧⲉⲙⲡⲉϥϫⲉⲙϥⲡⲣⲟⲥⲡⲓⲛⲁⲩⲁϥⲙⲃⲟⲛϧⲉⲛⲟⲩⲛⲓϣϯⲛϫⲱⲛⲧ.
ⲟⲩⲟϩⲉⲧⲁϥⲙⲟⲩϯⲉⲡⲓⲁⲗⲟⲩⲓⲥⲁⲁⲕⲁϥϣⲉⲛϥϫⲉⲉⲣⲉⲡⲉⲕⲥⲁϧⲑⲱⲛ.
ⲡⲉϫⲁϥϫⲉϯⲉⲙⲓⲁⲛ.
ⲉⲧⲁⲡⲓⲁⲗⲟⲩⲛⲁⲩⲉⲣⲟϥⲉⲣⲉⲡⲉϥϩⲟⲟⲕⲉⲙⲁϥⲉⲣⲟⲩⲱⲛⲁϩⲣⲁϥⲙⲫⲣⲏϯⲙⲫⲏⲉⲑⲟⲩⲁⲃⲇⲁⲩⲓⲇⲛⲁϩⲣⲉⲛⲡⲟⲩⲣⲟⲙⲡⲓⲥⲣⲁⲏⲗⲉϥϫⲱⲙⲙⲟⲥϫⲉⲉⲑⲃⲉⲟⲩⲡϩⲟⲙⲡⲁϭⲟⲉⲓⲥⲟⲕⲉⲙⲟⲩⲁϩⲥⲁϩⲛⲓⲛⲏⲓϯⲛⲁⲥϧⲉϯⲉⲡⲓⲥⲧⲟⲗⲏⲙⲫⲣⲏϯⲉⲧⲉⲕⲟⲩⲱϣ.
ⲉⲧⲁϥⲉⲣϣⲫⲏⲣⲓⲇⲉⲛϫⲉⲡⲓⲁⲣⲭⲱⲛⲉϫⲉⲛⲧⲉϥϫⲓⲛⲉⲣⲟⲩⲱⲟⲩⲟϩϩⲱⲥϫⲉⲉϥⲉⲣⲇⲟⲕⲓⲙⲁⲍⲓⲛⲙⲙⲟϥⲡⲉϫⲁϥⲛⲁϥϫⲉⲙⲁϣⲉⲛⲁⲕⲉϧⲟⲩⲛⲉⲟⲩⲁⲓⲙⲙⲁⲛⲕⲟⲓⲧⲱⲛⲥϧⲏⲧⲥⲁⲛⲓⲧⲥⲛⲧⲁⲛⲁⲩⲉⲣⲟⲥ.
ⲟⲩⲟϩⲉⲧⲁϥⲥϧⲏⲧⲥⲁϥⲉⲛⲥⲁϥⲧⲁⲙⲟⲥⲉⲣⲟϥⲟⲩⲟϩⲉⲧⲁⲡⲓⲁⲣⲭⲱⲛⲛⲁⲩⲉϯⲉⲡⲓⲥⲧⲟⲗⲏⲉⲧⲁⲡⲓⲁⲗⲟⲩⲥϧⲏⲧⲥⲁϥⲧⲱⲙⲧⲉϧⲣⲏⲓⲉϫⲱⲥ
ⲁϥⲉⲣⲟⲩⲱⲛϫⲉⲡⲓⲁⲣⲭⲱⲛϫⲉⲟⲩⲕⲟⲩⲛⲛⲑⲟⲕⲟⲩⲁⲓⲙⲡⲁⲓⲣⲏϯⲟⲩⲟϩⲙⲡⲓⲉⲙⲓϣⲁⲫⲟⲟⲩⲁⲗⲏⲑⲱⲥⲉⲣⲉⲡⲓⲣⲱⲙⲓϫⲟⲩϣⲧⲉⲡⲓϩⲟⲫⲛⲟⲩϯⲇⲉⲛⲑⲟϥⲉⲡⲓϩⲏⲧ
ⲟⲩⲟϩⲓⲥϫⲉⲛⲡⲓⲉϩⲟⲟⲩⲉⲧⲉⲙⲙⲁⲩⲁⲡⲓⲁⲣⲭⲱⲛⲁⲓϥⲛⲁⲫⲉⲉϫⲉⲛⲛⲓⲛⲟⲧⲁⲣⲓⲟⲥⲧⲏⲣⲩⲟⲩⲟϩⲛⲁⲩⲙⲉⲓⲙⲙⲟϥⲧⲏⲣⲟⲩⲡⲉⲉⲩⲉⲣⲁⲅⲁⲡⲁⲛⲙⲙⲟϥⲛϫⲉⲟⲩⲟⲛⲛⲓⲃⲉⲛⲉⲧϧⲉⲛⲡⲓⲡⲣⲁⲓⲧⲱⲣⲓⲟⲛⲉⲩⲙⲟⲩϯⲉⲣⲟϥϫⲉⲫⲏⲉⲑⲟⲩⲁⲃⲉⲑⲃⲉϯⲥⲟⲫⲓⲁⲉⲧⲉⲛϧⲏⲧϥ.
ⲗⲟⲓⲡⲟⲛⲛⲁⲣⲉⲛⲉϥⲓⲟϯϫⲟⲩϣⲧⲉⲣⲟϥⲙⲫⲣⲏϯⲛⲟⲩⲓⲁⲗⲉⲩⲉⲣϩⲉⲗⲡⲓⲥϫⲉⲛⲑⲟϥⲉⲑⲛⲁⲉⲣϭⲟⲉⲓⲥⲉϫⲉⲛⲛⲏⲉⲧⲉⲛⲧⲱⲟⲩⲧⲏⲣⲟⲩⲟⲩⲟϩⲛⲁⲩⲟⲩⲱϣⲉϭⲓⲥϩⲓⲙⲓⲛⲁϥⲡⲉⲉⲩⲉⲣϩⲉⲗⲡⲓⲥⲉⲛⲁⲩⲉϩⲁⲛϣⲏⲣⲓⲉⲃⲟⲗⲙⲙⲟϥⲛⲥⲉⲉⲙⲓⲁⲛⲣⲱϫⲉⲟⲩⲡⲁⲓⲣⲏϯⲁⲛⲧⲉⲧⲧⲟⲓⲛⲓⲁⲕⲱⲃⲁⲗⲗⲁⲉⲁⲓϥⲛⲓⲱⲧⲉϫⲉⲛⲟⲩⲙⲏϣⲛϣⲏⲣⲓⲁⲗⲗⲁⲫⲏⲉⲧⲁϥⲫⲱⲣϫⲉⲃⲟⲗⲛⲓⲉⲣⲉⲙⲓⲁⲥⲓⲥϫⲉⲛⲉϥϧⲉⲛⲧⲛⲉϫⲓⲛⲑⲟϥⲟⲛⲁϥⲫⲱⲣϫⲉⲃⲟⲗⲙⲡⲁⲓϩⲁⲅⲓⲟⲥ
ⲡⲗⲏⲛⲁⲛⲉϥⲓⲟϯϭⲓⲧϥⲛϫⲟⲛⲥⲡⲁⲣⲁⲡⲉϥⲟⲩⲱϣⲁⲩⲱⲡⲛⲥⲁϯⲥϩⲓⲙⲓⲛⲁϥⲟⲩⲟϩⲁⲩⲟϩⲓϣⲁⲡⲓⲥⲏⲟⲩⲙⲡⲓϩⲟⲡ.
ⲡⲓⲁⲗⲟⲩⲇⲉⲓⲥⲁⲁⲕⲛⲁⲣⲉⲟⲩⲟⲛⲟⲩⲛⲓϣϯⲛϭⲓϣϣⲱⲟⲩϣⲟⲡⲛⲁϥⲡⲉⲉϧⲟⲩⲛⲉϯϫⲓⲛⲱⲛϧⲉⲧϩⲟⲗϫⲛⲧⲉϯⲙⲉⲧⲙⲟⲛⲁⲭⲟⲥⲉϥⲓⲣⲓⲙⲫⲙⲉⲩⲓⲙⲡϭⲟⲉⲓⲥⲛϫⲉⲡⲁⲓⲁⲗⲟⲩⲉⲑⲟⲩⲁⲃⲉϥⲱϣⲉⲃⲟⲗϧⲉⲛⲡⲓⲉⲩⲁⲅⲅⲉⲗⲓⲟⲛⲉϥϫⲱⲙⲙⲟⲥϫⲉⲡⲉⲧⲙⲉⲓⲙⲡⲉϥⲓⲱⲧⲓⲉⲧⲉϥⲙⲁⲩⲉϩⲟⲧⲉⲣⲟⲓϥⲉⲙⲡϣⲁⲙⲙⲟⲓⲁⲛ
ⲟⲩⲟϩⲡⲁⲗⲓⲛϫⲉⲫⲏⲉⲧⲁϥⲭⲁⲓⲱⲧⲛⲥⲱϥⲓⲉⲙⲁⲩⲓⲉⲥϩⲓⲙⲓⲓⲉⲥⲱⲛⲓⲓⲉⲥⲟⲛⲓⲉⲏⲓⲓⲉⲟϩⲓⲓⲉϣⲏⲣⲓⲉⲑⲃⲉⲧⲙⲉⲧⲟⲩⲣⲟⲛⲧⲉⲫⲛⲟⲩϯϥⲛⲁϭⲓⲧⲟⲩⲛⲣⲛⲕⲱⲡⲛⲥⲟⲡϧⲉⲛⲡⲁⲓⲉⲛⲉϩⲟⲩⲟϩϧⲉⲛⲡⲉⲑⲛⲏⲟⲩⲟⲩⲱⲛϧⲛⲉⲛⲉϩ.
ⲡⲁⲗⲓⲛⲟⲛⲡⲓⲁⲡⲟⲥⲧⲟⲗⲟⲥⲱϣⲉⲃⲟⲗϫⲉϥⲛⲁⲥⲓⲛⲓⲛϫⲉⲡⲓⲥⲭⲏⲙⲁⲛⲧⲉⲡⲁⲓⲕⲟⲥⲙⲟⲥ
ϯⲟⲩⲉϣⲑⲏⲛⲟⲩⲇⲉⲉⲣⲉⲧⲉⲛⲟⲓⲛⲁⲧⲣⲱⲟⲩϣ.
ⲟⲩⲟϩⲡⲁⲗⲓⲛⲟⲛⲓⲱⲁⲛⲛⲏⲥⲡⲓⲁⲡⲟⲥⲧⲟⲗⲟⲥϫⲱⲙⲙⲟⲥϫⲉⲡⲓⲕⲟⲥⲙⲟⲥⲛⲁⲥⲓⲛⲓⲛⲉⲙⲧⲉϥⲉⲡⲓⲑⲩⲙⲓⲁ
ⲫⲏⲇⲉⲉⲧⲓⲣⲓⲙⲫⲟⲩⲱϣⲙⲫⲛⲟⲩϯϥⲛⲁϣⲱⲡⲓϣⲁⲉⲛⲉϩ
ⲟⲩⲟϩⲟⲛϫⲉⲛⲭⲁⲓⲛⲓⲃⲉⲛⲉⲧϧⲉⲛⲡⲓⲕⲟⲥⲙⲟⲥϯⲉⲡⲓⲑⲩⲙⲓⲁⲛⲧⲉⲛⲓⲃⲁⲗⲛⲉⲙϯⲉⲡⲓⲑⲩⲙⲓⲁⲛⲧⲉϯⲥⲁⲣⲝϩⲁⲛⲁⲧϣⲧⲁϩⲱⲟⲩⲛⲉϧⲉⲛⲡⲟⲩϭⲓⲙⲡϣⲓϣ
ⲛⲁⲓϩⲁⲛⲉⲃⲟⲗⲙⲫⲛⲟⲩϯⲁⲛⲛⲉⲁⲗⲗⲁϩⲁⲛⲉⲃⲟⲗϧⲉⲛⲡⲓⲕⲟⲥⲙⲟⲥⲛⲉ.
ⲛⲁⲓⲇⲉⲉⲣⲉⲡⲓⲑⲙⲏⲓⲉⲣⲙⲉⲗⲉⲧⲁⲛⲙⲙⲱⲟⲩⲉⲛⲉϩⲟⲟⲩϧⲁⲧϩⲏⲛⲉϩⲟⲟⲩⲟⲩⲟϩⲉϥⲥⲟϭⲛⲓⲛϧⲣⲏⲓⲛϧⲏⲧⲓⲉⲭⲱⲛⲥⲱϥⲛϯⲙⲉⲧⲉⲫⲗⲏⲟⲩⲛⲧⲉⲡⲁⲓⲕⲟⲥⲙⲟⲥⲛⲉⲙⲛⲉϥⲣⲱⲟⲩϣ.
ⲉⲣⲉⲛⲁⲓϣⲟⲡⲙⲡⲁⲓⲣⲏϯⲁϥⲓⲉⲃⲟⲗϧⲉⲛⲥⲱⲙⲁⲛϫⲉⲅⲉⲱⲣⲅⲓⲟⲥⲡⲓⲉⲡⲁⲣⲭⲟⲥⲫⲁⲓⲉⲣⲉⲡⲓⲁⲗⲟⲩⲟⲓⲛⲛⲟⲧⲁⲣⲓⲟⲥⲛⲁϥ.
ⲉⲧⲁϥⲙⲟⲩⲇⲉⲛϫⲉⲡⲓⲁⲣⲭⲱⲛⲟⲩⲟϩϩⲱⲥϫⲉⲁⲡⲉⲑⲟⲩⲁⲃϫⲉⲙⲡⲓⲥⲏⲟⲩⲉⲧⲉϥⲉⲣⲉⲡⲓⲑⲩⲙⲉⲓⲛⲉⲣⲟϥⲁϥⲓⲉⲃⲟⲗϧⲉⲛⲡⲓⲡⲣⲁⲓⲧⲱⲣⲓⲟⲛⲁϥϣⲉⲛⲁϥⲉⲡⲉϥⲏⲓⲁϥϣⲱⲡⲓϧⲁⲧⲉⲛⲛⲉϥⲓⲟϯⲛϩⲁⲛⲕⲟⲩϫⲓⲛⲉϩⲟⲟⲩ.
ⲛⲑⲱⲟⲩⲇⲉⲛⲁⲩⲉⲣⲁⲅⲁⲡⲁⲛⲙⲙⲟϥⲡⲉⲉⲩϯⲛⲟⲙϯⲛⲁϥⲉⲩⲉⲣϩⲟϯϫⲉⲙⲏⲡⲱⲥⲛⲧⲉϥⲉⲣⲁⲑⲟⲩⲱⲛϩⲉⲃⲟⲗϩⲁⲣⲱⲟⲩⲉⲩⲛⲁⲩⲉⲡⲓⲛⲓϣϯⲛϧⲙⲟⲙⲉⲧϣⲟⲡⲛⲁϥⲉϧⲟⲩⲛⲉⲡⲓⲁⲅⲁⲑⲟⲛ.
ⲗⲟⲓⲡⲟⲛⲉⲣⲉⲛⲁⲓϣⲟⲡⲙⲡⲁⲓⲣⲏϯⲁϥⲓⲉⲃⲟⲗϧⲉⲛⲡⲓⲏⲓⲛϫⲉⲡⲓⲁⲗⲟⲩⲓⲥⲁⲁⲕⲙⲡⲉϥⲭⲁϩⲗⲓϧⲉⲛⲛⲏⲉⲧⲉⲛⲟⲩϥⲉⲉⲙⲓ.
ⲁϥϣⲉⲛⲁϥⲉⲡⲓⲧⲱⲟⲩⲉⲑⲟⲩⲁⲃⲛⲧⲉϣⲓⲏⲧⲫⲁⲓⲉⲧⲟⲩϣⲟⲡⲛϫⲉϩⲁⲛⲭⲱⲣⲟⲥⲛⲁⲅⲅⲉⲗⲟⲥⲉⲩⲟⲩⲁⲃⲛⲧⲉⲫⲛⲟⲩϯⲉⲧⲉⲛⲁⲓⲛⲉⲛⲓⲙⲟⲛⲁⲭⲟⲥⲉⲧⲥⲙⲁⲣⲱⲟⲩⲧⲛⲁⲓⲉⲧⲁⲩⲉⲣⲥⲧⲁⲩⲣⲱⲛⲉⲓⲛⲛⲧⲟⲩⲥⲁⲣⲝϧⲉⲛⲛⲓϧⲓⲥⲓⲛⲧⲉⲧⲁⲣⲉⲧⲏⲉⲩϥⲁⲓϧⲁⲫⲙⲟⲩⲛⲓⲏⲥⲟⲩⲥⲥⲏⲟⲩⲛⲓⲃⲉⲛϧⲉⲛⲡⲟⲩⲥⲱⲙⲁⲉⲩⲉⲣϩⲉⲗⲡⲓⲥⲉⲡⲓⲱⲟⲩⲉⲑⲛⲁϭⲱⲣⲡⲛⲱⲟⲩⲉⲃⲟⲗⲕⲁⲧⲁⲫⲣⲏϯⲉⲧⲥϧⲏⲟⲩⲧⲓⲥϫⲉⲧⲉⲛϭⲓⲙⲕⲁϩⲛⲉⲙⲁϥⲧⲉⲛⲛⲁϭⲓⲱⲟⲩⲛⲉⲙⲁϥⲟⲛ.
ⲉⲧⲁϥⲓⲇⲉⲉϣⲓⲏⲧⲁϥϫⲱⲓⲗⲓⲙⲫⲙⲟⲛⲁⲥⲧⲏⲣⲓⲟⲛⲙⲫⲁⲡⲓⲉⲣⲫⲙⲉⲩⲓⲉⲑⲛⲁⲛⲉϥⲁⲃⲃⲁⲍⲁⲭⲁⲣⲓⲁⲥⲡⲓⲡⲣⲉⲥⲃⲩⲧⲉⲣⲟⲥⲟⲩⲟϩⲛϩⲏⲅⲟⲩⲙⲉⲛⲟⲥⲛⲧⲉϯⲗⲁⲩⲣⲁⲉⲑⲟⲩⲁⲃⲛⲧⲉⲁⲃⲃⲁⲙⲁⲕⲁⲣⲓⲟⲥⲫⲁⲓⲉⲧⲁϥⲉⲣⲉⲡⲓⲥⲕⲟⲡⲟⲥⲉϯⲡⲟⲗⲓⲥⲥⲁⲓⲉⲟⲩⲣⲱⲙⲓⲡⲉⲉϥⲟⲩⲁⲃⲫⲁⲓⲉⲑⲛⲁⲩⲉϩⲁⲛϭⲱⲣⲡⲉⲃⲟⲗ.
ⲉⲧⲁϥⲛⲁⲩⲇⲉⲉⲡⲓⲁⲗⲟⲩⲉⲑⲟⲩⲁⲃⲛϫⲉⲡⲓϧⲉⲗⲗⲟⲁⲃⲃⲁⲍⲁⲭⲁⲣⲓⲁⲥⲉϥⲛⲏⲟⲩϧⲁⲣⲟϥⲁⲡϭⲟⲉⲓⲥⲟⲩⲱⲛⲛⲛⲉϥⲃⲁⲗⲁϥⲛⲁⲩⲉⲫⲙⲏⲓⲛⲓⲛⲟⲩⲥⲧⲁⲩⲣⲟⲥϩⲓϫⲉⲛⲧⲉϥⲁⲫⲉ
ⲟⲩⲟϩⲉⲧⲁϥⲛⲁⲩⲉⲡⲁⲓⲙⲏⲓⲛⲓⲙⲡⲁⲣⲁⲇⲟⲝⲟⲛⲁϥⲉⲣϣⲫⲏⲣⲓⲉⲙⲁϣⲱⲁϥⲱϣⲉⲃⲟⲗⲉϥϫⲱⲙⲙⲟⲥϫⲉⲙⲫⲣⲏϯⲉⲧⲟⲩⲉⲣⲛⲓϣϯⲛϫⲉⲛⲉⲕϩⲃⲏⲟⲩⲓⲡϭⲟⲉⲓⲥⲁⲩϣⲱⲕⲛϫⲉⲛⲉⲕⲙⲟⲕⲙⲉⲕⲉⲙⲁϣⲱ.
ⲟⲩⲟϩϩⲱⲥⲉϥⲥⲟϭⲛⲓⲛϧⲣⲏⲓⲛϧⲏⲧϥⲛϫⲉⲡⲓϧⲉⲗⲗⲟⲉⲑⲟⲩⲁⲃⲁⲃⲃⲁⲍⲁⲭⲁⲣⲓⲁⲥϫⲉⲟⲩϩⲁⲣⲁⲡⲉⲧⲛⲁϣⲱⲡⲓⲙⲡⲁⲓⲁⲗⲟⲩⲥⲁⲧⲟⲧϥⲁⲩϯⲛⲓⲁⲧϥⲉⲃⲟⲗϩⲓⲧⲉⲛⲟⲩⲁⲅⲅⲉⲗⲟⲥⲛⲧⲉⲡϭⲟⲉⲓⲥⲉϥϫⲱⲙⲙⲟⲥϫⲉϩⲏⲡⲡⲉⲁⲡϭⲟⲉⲓⲥⲉⲣⲭⲁⲣⲓⲍⲉⲥⲑⲁⲓⲛⲁⲕⲛⲟⲩⲛⲓϣϯⲛⲇⲱⲣⲟⲛⲉϥⲟⲩⲁⲃⲉⲧⲉⲡⲁⲓⲁⲗⲟⲩⲡⲉⲉⲧⲁϥⲓϣⲁⲣⲟⲕ
ⲫⲁⲓⲅⲁⲣⲛⲁϣⲱⲡⲓⲛⲟⲩⲙⲁⲛⲉⲥⲱⲟⲩⲛⲧⲉⲡⲭⲣⲓⲥⲧⲟⲥⲟⲩⲟϩⲙⲡⲁⲧⲣⲓⲁⲣⲭⲏⲥⲛⲛⲓⲉⲡⲓⲥⲕⲟⲡⲟⲥ.
ⲛⲁⲓⲇⲉⲉⲧⲁϥⲥⲟⲑⲙⲟⲩⲛⲧⲟⲧϥⲙⲡⲓⲁⲅⲅⲉⲗⲟⲥⲛϫⲉⲛⲓϧⲉⲗⲗⲟⲉⲑⲟⲩⲁⲃⲁϥⲣⲁϣⲓⲉⲙⲁϣⲱ.
ⲉⲧⲁϥϣⲱⲡⲓⲇⲉϧⲁⲧⲟⲧϥⲙⲡⲓϧⲉⲗⲗⲟⲉⲑⲟⲩⲁⲃⲛⲁⲩⲅⲛⲉϩⲟⲟⲩⲁϥⲥⲁϫⲓⲛⲉⲙⲁϥⲉⲑⲃⲉⲡⲉϥⲟⲩϫⲁⲓ
ⲥⲁⲧⲟⲧϥⲁϥⲟⲩⲟⲣⲡϥⲉⲧⲉⲣⲉⲛⲟⲩϯⲉⲫⲙⲁⲛⲟⲩⲁⲅⲁⲡⲏⲧⲟⲥⲛⲧⲁϥϫⲉⲛⲧⲉϥϣⲱⲡⲓϧⲁⲧⲟⲧϥϣⲁⲛⲧⲉϥⲉⲙⲓϫⲉⲟⲩⲡⲉⲉⲧⲉⲣⲉⲛⲉⲛⲓⲟϯⲙⲡⲓⲁⲗⲟⲩⲛⲁⲁⲓϥⲉϥⲉⲣϩⲟϯϫⲉⲙⲏⲡⲱⲥⲛⲧⲟⲩϫⲉⲙϥϧⲁⲧⲟⲧϥⲟⲩⲟϩⲛⲧⲟⲩⲉⲣⲡⲉⲧϩⲱⲟⲩⲙⲡⲓⲙⲁⲉⲑⲟⲩⲁⲃⲉⲑⲃⲏⲧϥϫⲉⲛⲉⲡⲓϧⲉⲗⲗⲟⲟⲩⲣⲱⲙⲓⲡⲉⲉϥⲟⲓⲛⲥⲱⲓⲧⲉⲙⲁϣⲱ.
ⲉⲧⲁⲡⲁⲓⲁⲗⲟⲩⲇⲉⲓⲉⲧⲉⲣⲉⲛⲟⲩϯⲁϥϣⲉⲉϧⲟⲩⲛⲉⲡⲏⲓⲙⲡⲓⲣⲱⲙⲓⲁⲩϫⲟⲥⲛⲁϥⲛϫⲉⲛⲉⲛϣⲏⲣⲓⲙⲡⲓⲣⲱⲙⲓϫⲉⲁⲡⲉⲛⲓⲱⲧϩⲱⲗⲉⲧⲕⲟⲓ
ⲧⲟⲧⲉⲁⲡⲓⲁⲗⲟⲩⲁϥϩⲱⲗⲉⲡϣⲱⲓⲉϯϣⲉⲩⲛⲓⲛⲧⲉⲡⲓⲣⲱⲙⲓⲁϥⲱⲗⲓⲛⲟⲩϣⲟⲗⲛⲥⲱⲟⲩⲃⲉⲛⲁϥⲧⲁⲗⲟϥⲉϫⲱϥⲁϥⲛⲕⲟⲧ.
ⲁⲥϣⲱⲡⲓⲉⲧⲁⲡⲓⲣⲱⲙⲓⲓⲉϩⲣⲏⲓⲉⲃⲟⲗϧⲉⲛⲧⲕⲟⲓⲉⲡⲉϥⲣⲁⲛⲡⲉⲓⲱⲥⲏⲫⲟⲩⲡⲣⲉⲥⲃⲩⲧⲉⲣⲟⲥⲡⲉⲉⲩⲉⲣⲙⲉⲑⲣⲉϧⲁⲣⲟϥⲛⲧⲉⲛⲟⲩⲙⲏϣϫⲉⲁϥϣⲱⲡⲓⲛϩⲟⲙⲟⲗⲟⲅⲏⲧⲏⲥⲉⲁⲩⲧⲁϩⲟϥⲉⲣⲁⲧϥⲉⲡⲓⲃⲏⲙⲁⲛⲧⲉⲕⲩⲣⲟⲥⲡⲓⲁⲥⲉⲃⲏⲥⲁⲩϯⲟⲩⲙⲏϣⲛϣⲁϣⲛⲁϥⲉⲑⲃⲉⲧϩⲟⲙⲟⲗⲟⲅⲓⲁⲙⲡⲓⲛⲁϩϯ.
ⲉⲧⲁⲡⲓⲡⲣⲉⲥⲃⲩⲧⲉⲣⲟⲥⲓⲉⲡϣⲱⲓⲉⲃⲟⲗϧⲉⲛⲧⲕⲟⲓⲁϥⲭⲁϯⲓⲱⲉϧⲟⲩⲛⲉⲡⲓⲟⲩⲟⲛϩϥⲁϥϩⲱⲗⲉⲡϣⲱⲓⲉϯϣⲉⲩⲛⲓϫⲉⲛⲧⲉϥϯⲟⲩϣⲟⲗⲛⲥⲓⲙⲛϯⲉⲱ
ⲁϥⲛⲁⲩⲉⲡⲓϣⲟⲗⲛⲥⲱⲟⲩⲃⲉⲛⲫⲏⲉⲧⲧⲁⲗⲏⲟⲩⲧⲉⲡⲓⲁⲗⲟⲩⲉⲣⲉⲡⲧⲩⲡⲟⲥⲛⲟⲩⲥⲧⲁⲩⲣⲟⲥⲛⲟⲩⲱⲓⲛⲓⲭⲏϩⲓϫⲱϥⲉϥϩⲓⲉⲃⲣⲏϫⲛⲟⲩⲱⲓⲛⲓⲉⲃⲟⲗ.
ⲉⲧⲁϥⲛⲁⲩⲇⲉⲉⲧⲁⲓⲟⲡⲧⲁⲥⲓⲁⲛϣⲫⲏⲣⲓⲛϫⲉⲡⲓⲡⲣⲉⲥⲃⲩⲧⲉⲣⲟⲥⲁϥⲧⲱⲙⲛⲧⲟⲩⲟϩⲉⲧⲁϥⲓⲉϯⲛⲓⲁⲧϥⲉⲛⲁⲩⲉⲡⲓⲁⲗⲟⲩⲉⲑⲟⲩⲁⲃⲁϥϣⲉⲛϥϫⲉⲛⲑⲟⲕⲟⲩⲉⲃⲟⲗⲑⲱⲛⲡⲁϣⲏⲣⲓ.
ⲁϥⲧⲁⲙⲟϥⲉϯⲁⲓⲧⲓⲁⲛⲧⲉⲡⲓϩⲱⲃ.
ϧⲉⲛϯⲟⲩⲛⲟⲩⲁϥⲁⲙⲟⲛⲓⲛⲧⲁⲫⲉⲙⲡⲓⲁⲗⲟⲩⲁϥϯⲫⲓⲉⲣⲱⲥⲉϥϫⲱⲙⲙⲟⲥϫⲉⲡⲥⲙⲟⲩⲙⲡϭⲟⲉⲓⲥⲉϫⲉⲛⲧⲁⲫⲉⲙⲡⲓⲑⲙⲏⲓⲟⲩⲟϩⲡⲁⲗⲓⲛⲉϫⲉⲛⲧⲟⲩⲁⲫⲉⲟⲩⲥⲙⲟⲩⲛⲉⲙⲟⲩⲑⲉⲗⲏⲗ.
ⲟⲩⲟϩⲁⲡⲓϧⲉⲗⲗⲟⲙⲡⲣⲉⲥⲃⲩⲧⲉⲣⲟⲥⲭⲁϥϧⲁⲧⲟⲧϥⲛϩⲁⲛⲉϩⲟⲟⲩ.
ⲙⲁⲣⲉⲛⲧⲁⲥⲑⲟⲡⲓⲥⲁϫⲓⲉϫⲉⲛⲡⲓⲉϩⲟⲟⲩⲉⲧⲁⲡⲓⲁⲗⲟⲩⲓⲥⲁⲁⲕⲓⲉⲃⲟⲗϧⲉⲛⲡⲉϥⲏⲓⲧⲉⲛⲛⲁⲧⲁⲙⲱⲧⲉⲛⲉⲡⲓϫⲱⲕⲉⲟⲩⲱⲟⲩⲙⲫⲛⲟⲩϯ.
ⲉⲧⲁⲩⲕⲱϯⲇⲉⲛⲥⲱϥⲛϫⲉⲛⲉϥⲓⲟϯⲉⲧⲉⲙⲡⲟⲩϫⲉⲙϥⲁϥϣⲱⲡⲓⲛϫⲉⲟⲩⲛⲓϣϯⲛⲣⲓⲙⲓⲛⲉⲙⲟⲩϩⲏⲃⲓⲉⲛⲁϣⲱϥⲟⲩⲟϩⲁⲡⲟⲩⲣⲁϣⲓϣⲱⲡⲓⲛⲱⲟⲩⲛϩⲏⲃⲓ.
ⲉⲧⲁⲩⲙⲉϣⲧⲛⲓⲙⲟⲛⲁⲥⲧⲏⲣⲓⲟⲛⲧⲏⲣⲟⲩⲙⲡⲟⲩϫⲉⲙϥⲁⲩⲓⲉϣⲓⲏⲧⲉⲩⲕⲱϯⲛⲥⲱϥ
ⲟⲩⲟϩⲙⲡⲟⲩⲟⲩⲟⲛϩϥⲉⲣⲱⲟⲩⲛϫⲉⲛⲓϧⲉⲗⲗⲟⲉⲑⲟⲩⲁⲃⲉⲡⲉⲓⲇⲏⲧⲟⲩⲥⲩⲛⲏⲑⲉⲓⲁⲧⲉⲑⲁⲓⲉⲩϣⲉⲡϧⲓⲥⲓⲉϫⲉⲛⲛⲟⲩⲉⲣⲏⲟⲩⲉⲑⲣⲟⲩⲛⲁϩⲙⲟⲩⲉⲃⲟⲗϩⲗⲓⲛⲉⲡⲓⲑⲩⲙⲓⲁⲛⲧⲉⲡⲓⲕⲟⲥⲙⲟⲥⲉⲩⲓⲣⲓⲛⲧⲟⲩⲥⲡⲟⲩⲇⲏⲧⲏⲣⲥⲉⲑⲣⲟⲩϫⲱⲕⲙⲡⲥⲁϫⲓⲙⲡⲓⲥⲱⲧⲏⲣⲉⲃⲟⲗϫⲉⲙⲙⲟⲛⲡⲉⲑⲛⲁⲁⲥⲉⲧⲁⲓⲁⲅⲁⲡⲏⲛⲧⲉⲟⲩⲁⲓⲭⲱⲛⲧⲉϥⲯⲩⲭⲏⲉϫⲉⲛⲡⲉϥϣⲫⲏⲣ.
ⲉⲧⲁⲩⲛⲁⲩⲇⲉⲛϫⲉⲛⲉϥⲓⲟϯϫⲉⲙⲡⲟⲩⲟⲩⲟⲛϩϥⲉⲣⲱⲟⲩⲁⲩϣⲉⲛⲱⲟⲩⲉⲣⲁⲕⲟϯⲉⲣⲁⲧϥⲙⲡⲓⲁⲣⲭⲓⲉⲡⲓⲥⲕⲟⲡⲟⲥⲁⲩⲧⲁⲙⲟϥⲉⲡⲓϩⲱⲃ
ⲉⲧⲁϥⲉⲣϩⲟϯⲇⲉⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥϫⲉⲙⲏⲡⲱⲥⲛⲧⲟⲩⲧⲁⲙⲉϯⲉⲝⲟⲩⲥⲓⲁⲟⲩⲟϩⲛⲧⲟⲩⲉⲣⲡⲉⲧϩⲱⲟⲩⲙⲡⲓⲙⲁⲉⲑⲟⲩⲁⲃⲁϥⲟⲩⲱⲣⲡⲛⲟⲩⲉⲡⲓⲥⲧⲟⲗⲏⲉϣⲓⲏⲧϫⲉϩⲓⲛⲁⲛⲛⲟⲩⲭⲁϥⲥⲁⲡⲉⲙⲉⲛⲧⲙⲫⲓⲁⲣⲟ.
ⲉⲧⲁϥⲛⲁⲩⲇⲉⲛϫⲉⲡⲓϧⲉⲗⲗⲟⲉⲑⲟⲩⲁⲃⲁⲃⲃⲁⲍⲁⲭⲁⲣⲓⲁⲥⲉⲛⲓϫⲟⲣϫⲥⲛⲧⲉⲡⲓⲇⲓⲁⲃⲟⲗⲟⲥⲁϥⲥⲟⲧⲡⲥⲛⲁϥⲉϣⲉⲡϩⲁⲛⲑⲃⲁⲛⲕⲓⲛⲇⲩⲛⲟⲥⲉⲑⲃⲏⲧϥⲉϩⲟⲧⲉⲉⲧⲏⲓϥⲛⲛⲉϥⲕⲁⲧⲁⲥⲁⲣⲝⲛⲕⲉⲥⲟⲡⲉϥϫⲱⲕⲉⲃⲟⲗⲙⲡⲥⲁϫⲓⲙⲡⲓⲥⲱⲧⲏⲣϫⲉⲫⲏⲉⲑⲛⲁϣⲉⲡⲟⲩⲁⲗⲟⲩⲉⲣⲟϥⲙⲡⲁⲓⲣⲏϯϧⲉⲛⲡⲁⲣⲁⲛⲁⲛⲟⲕⲡⲉⲉⲧⲉϥϣⲱⲡⲙⲙⲟⲓ.
ⲉⲧⲁϥϣⲉⲡϫⲱϥⲇⲉⲙⲡⲓⲁⲗⲟⲩⲁϥϯⲉϫⲱϥⲛϯϩⲉⲃⲥⲱⲛⲧⲉⲛⲓⲙⲟⲛⲁⲭⲟⲥⲁϥⲙⲟⲩϯⲉⲟⲩⲁⲓⲛⲛⲉϥⲙⲁⲑⲏⲧⲏⲥⲉⲡⲉϥⲣⲁⲛⲡⲉⲁⲃⲣⲁⲁⲙⲉⲟⲩⲁⲥⲕⲏⲧⲏⲥⲡⲉⲡⲉϫⲁϥⲛⲁϥϫⲉⲧⲱⲛⲕϭⲓⲙⲡⲁⲓⲁⲗⲟⲩⲙⲁϣⲉⲛⲁⲕⲉⲡⲧⲱⲟⲩⲙⲡⲁⲙⲁϩⲟϣⲱⲡⲓⲛⲱⲧⲉⲛⲙⲙⲁⲩϣⲁⲧⲉⲡϭⲟⲉⲓⲥⲑⲱⲧⲙⲡϩⲏⲧⲛⲛⲉϥⲓⲟϯⲟⲩⲟϩϯⲛⲁⲟⲩⲱⲣⲡⲛⲥⲁⲑⲏⲛⲟⲩ.
ⲁⲩⲧⲱⲟⲩⲛⲟⲩⲇⲉⲁⲩϣⲉⲛⲱⲟⲩⲕⲁⲧⲁⲫⲣⲏϯⲉⲧⲁϥϫⲟⲥⲛⲱⲟⲩⲛϫⲉⲡⲟⲩⲓⲱⲧ.
ⲉⲧⲁⲩϣⲱⲡⲓⲟⲩⲛϧⲉⲛⲡⲓⲧⲱⲟⲩⲉⲧⲉⲙⲙⲁⲩⲛⲟⲩⲙⲏϣⲛⲉϩⲟⲟⲩϣⲁⲋⲛⲁⲃⲟⲧⲁϥⲥⲁϫⲓⲛϫⲉⲫⲏⲉⲑⲟⲩⲁⲃⲓⲥⲁⲁⲕⲛⲉⲙⲡⲓϧⲉⲗⲗⲟⲁⲃⲣⲁⲁⲙϫⲉⲧⲱⲛⲕⲁⲙⲟⲩⲛⲉⲙⲏⲓϣⲁⲛⲁⲓⲟϯⲛⲧⲁⲟⲩⲟⲛϩⲧⲉⲣⲱⲟⲩϫⲉⲟⲩⲏⲓⲁⲓϣⲧⲉⲙⲟⲩⲟⲛϩⲧⲉⲣⲱⲟⲩⲥⲉⲛⲁⲁⲓⲧⲛⲣⲉⲙϩⲉⲁⲛ.
ⲉⲧⲁⲡⲓϧⲉⲗⲗⲟⲁⲃⲣⲁⲁⲙⲥⲱⲧⲉⲙⲉⲛⲁⲓⲛⲧⲟⲧϥⲛⲓⲥⲁⲁⲕⲁϥⲉⲣⲙⲁϩⲛϩⲏⲧⲉⲙⲁϣⲱⲉϥⲙⲉⲩⲓϫⲉⲁⲡⲓⲁⲗⲟⲩⲟⲩⲱⲙⲛϩⲑⲏϥⲉϥⲟⲩⲱϣⲉⲭⲁⲧⲟⲧϥⲉⲃⲟⲗϧⲉⲛϯⲙⲉⲧⲙⲟⲛⲁⲭⲟⲥⲉⲑⲃⲉⲛⲓϩⲟϫϩⲉϫⲉⲧⲁⲩⲓⲉϩⲣⲏⲓⲉϫⲱϥ.
ⲧⲟⲧⲉⲡⲓϧⲉⲗⲗⲟⲥⲁϫⲓⲛⲉⲙⲁϥⲉϥϫⲱⲙⲙⲟⲥϫⲉⲙⲡⲣⲉⲣⲕⲟⲩϫⲓⲛϩⲏⲧϧⲉⲛⲛⲓϩⲟϫϩⲉϫⲥⲥϧⲏⲟⲩⲧⲅⲁⲣϫⲉⲡⲓϩⲟϫϩⲉϫⲁϥⲉⲣϩⲱⲃⲉⲟⲩϩⲩⲡⲟⲙⲟⲛⲏϯϩⲩⲡⲟⲙⲟⲛⲏⲇⲉⲉⲟⲩⲇⲟⲕⲓⲙⲏϯⲇⲟⲕⲓⲙⲏⲉⲟⲩϩⲉⲗⲡⲓⲥϯϩⲉⲗⲡⲓⲥⲙⲡⲁⲥϭⲓϣⲓⲡⲓ.
ϯⲛⲟⲩⲇⲉⲡⲁⲙⲉⲛⲣⲓⲧⲛⲥⲟⲛⲙⲁⲣⲉⲛⲉⲣϩⲩⲡⲟⲙⲉⲛⲉⲓⲛⲙⲡⲁⲓⲕⲟⲩϫⲓⲛⲥⲏⲟⲩϫⲉⲟⲩⲏⲓⲥⲥϧⲏⲟⲩⲧϫⲉⲫⲏⲉⲧⲉⲡϭⲟⲉⲓⲥⲙⲉⲓⲙⲙⲟϥϣⲁϥϯⲥⲃⲱⲛⲁϥ
ⲟⲩⲟϩⲡⲁⲗⲓⲛⲥⲥϧⲏⲟⲩⲧϫⲉⲡⲁϣⲏⲣⲓⲓⲥϫⲉⲁⲕⲓⲉⲉⲣⲃⲱⲕⲙⲡϭⲟⲉⲓⲥⲓⲉⲥⲉⲃⲧⲉⲧⲉⲕⲯⲩⲭⲏⲉϩⲁⲛⲡⲉⲓⲣⲁⲥⲙⲟⲥ
ⲥⲥϧⲏⲟⲩⲧⲅⲁⲣϫⲉⲁⲣⲓⲇⲟⲕⲓⲙⲁⲍⲉⲓⲛⲙⲙⲟⲓⲫⲛⲟⲩϯⲟⲩⲟϩⲁⲣⲓⲉⲓⲙⲉⲡⲁϩⲏⲧⲁⲣⲉϣⲧⲉⲙⲫⲛⲟⲩϯⲉⲣⲇⲟⲕⲓⲙⲁⲍⲉⲓⲛⲙⲙⲟⲕⲛϣⲟⲣⲡⲡⲱⲥϥⲛⲁⲉⲙⲓⲉⲡⲉⲛⲙⲉⲓⲉϧⲟⲩⲛⲉⲣⲟϥ.
ⲛⲁⲓⲇⲉⲛⲉⲙⲛⲏⲉⲧⲟⲛⲓⲙⲙⲱⲟⲩⲁϥϫⲟⲧⲟⲩⲛⲁϥⲛϫⲉⲡⲓϧⲉⲗⲗⲟⲉⲑⲟⲩⲁⲃ.
ⲁϥⲉⲣⲟⲩⲱⲛϫⲉⲡⲓⲁⲗⲟⲩⲉⲑⲟⲩⲁⲃⲓⲥⲁⲁⲕⲉϥϫⲱⲙⲙⲟⲥϫⲉⲕⲁⲗⲱⲥⲙⲉⲛⲁⲕϯⲥⲃⲱⲛⲏⲓⲱⲡⲁⲓⲱⲧⲉⲑⲟⲩⲁⲃⲟⲩⲙⲟⲛⲟⲛⲉϭⲟϫⲓⲛⲥⲱⲕⲁⲗⲗⲁϯⲥⲉⲃⲧⲱⲧⲉⲙⲟⲩⲉϫⲉⲛⲫⲣⲁⲛⲙⲡⲉⲛϭⲟⲉⲓⲥⲓⲏⲥⲟⲩⲥⲡⲭⲣⲓⲥⲧⲟⲥⲫⲁⲓⲉⲧⲁⲓⲭⲁϩⲱⲃⲛⲓⲃⲉⲛⲛⲥⲱⲓⲟⲩⲟϩⲁⲓⲟⲩⲁϩⲅⲛⲥⲱϥⲉϣⲱⲡϯⲛⲁⲉⲣⲡⲉⲙⲡϣⲁⲙⲡⲓⲱⲛϧⲛⲉⲛⲉϩⲉⲃⲟⲗϩⲓⲧⲉⲛⲧⲉϥⲙⲉⲧⲁⲅⲁⲑⲟⲥ.
ⲉⲧⲁϥⲥⲱⲧⲉⲙⲇⲉⲉⲛⲁⲓⲛϫⲉⲡⲓϧⲉⲗⲗⲟⲛⲧⲟⲧϥⲙⲡⲓⲁⲗⲟⲩⲁϥⲣⲁϣⲓⲉⲙⲁϣⲱⲧⲟⲧⲉⲁⲩⲧⲱⲟⲩⲛⲟⲩⲙⲡⲃϩⲓⲟⲩⲥⲟⲡⲁⲩⲙⲟϣⲓⲛⲉⲙⲛⲟⲩⲉⲣⲏⲟⲩⲉⲩⲉⲣⲙⲉⲗⲉⲧⲁⲛϧⲉⲛⲡⲥⲁϫⲓⲙⲫⲛⲟⲩϯϣⲁⲧⲟⲩⲫⲟϩⲉⲡⲓⲧⲓⲙⲓⲙⲡⲓⲁⲗⲟⲩ.
ⲛⲉⲟⲩⲟⲛⲟⲩⲧⲟⲡⲟⲥⲛⲧⲉⲛⲉϥⲓⲟϯⲥⲁⲃⲟⲗⲙⲡⲓⲧⲓⲙⲓⲉϥϣⲟⲡⲛϧⲏⲧϥⲛϫⲉⲟⲩϧⲉⲗⲗⲟⲙⲙⲟⲛⲁⲭⲟⲥⲁⲩϫⲱⲓⲗⲓⲉⲡⲓⲧⲟⲡⲟⲥⲛⲉⲁⲫⲣⲏϩⲱⲧⲡⲡⲉ.
ⲁϥϣⲟⲡⲟⲩⲇⲉⲉⲣⲟϥϧⲉⲛⲟⲩⲣⲁϣⲓⲙⲉⲛⲧⲟⲓⲙⲡⲉϥⲥⲟⲩⲱⲛⲟⲩ.
ⲁϥϣⲉⲛϥⲛϫⲉⲡⲓⲁⲗⲟⲩⲓⲥⲁⲁⲕⲉϥϫⲱⲙⲙⲟⲥϫⲉⲁⲕⲉⲙⲓⲡⲁⲓⲱⲧϫⲉⲁⲩϫⲓⲙⲓⲛⲓⲥⲁⲁⲕⲡⲓⲛⲟⲧⲁⲣⲓⲟⲥ.
ⲁϥⲉⲣⲟⲩⲱϫⲉⲙⲫⲏⲙⲡⲟⲩϫⲉⲙϥⲟⲩⲟⲛⲟⲩⲛⲓϣϯⲛϩⲏⲃⲓϧⲉⲛⲡⲏⲓⲙⲡⲓⲁⲗⲟⲩⲉⲑⲃⲏⲧϥⲕⲁⲓⲅⲁⲣⲓⲥϫⲉⲛⲉⲧⲁϥϩⲱⲗⲉⲃⲟⲗϩⲓⲧⲟⲟⲧⲟⲩⲥⲉⲉⲣϩⲏⲃⲓ.
ⲧⲟⲧⲉⲁϥⲉⲣⲟⲩⲱⲡⲉϫⲁϥϫⲉⲁⲛⲟⲕⲡⲉⲓⲥⲁⲁⲕ.
ⲉⲧⲁϥϣⲱⲡⲓⲇⲉϧⲉⲛⲟⲩⲧⲱⲙⲛⲧⲛϫⲉⲡⲓϧⲉⲗⲗⲟⲙⲙⲟⲛⲁⲭⲟⲥⲙⲉⲛⲉⲛⲥⲱⲥⲁϥⲟⲩⲱϣⲧⲙⲙⲟϥⲟⲩⲟϩⲁϥⲧⲁⲣⲕⲟϥϫⲉⲙⲡⲣⲧⲁⲙⲉϩⲗⲓ.
ⲛⲉⲟⲩⲟⲛⲟⲩⲥⲩⲅⲅⲉⲛⲏⲥⲛⲧⲉⲡⲓⲁⲗⲟⲩⲓⲥⲁⲁⲕⲟⲩⲇⲓⲁⲕⲱⲛⲡⲉⲉⲡⲉϥⲣⲁⲛⲡⲉⲫⲓⲗⲟⲑⲉⲟⲥⲉⲟⲩⲣⲱⲙⲓⲡⲉⲉϥⲉⲣϩⲟϯϧⲁⲧϩⲏⲙⲫⲛⲟⲩϯⲟⲩⲟϩⲛⲁϥⲭⲏϧⲁϫⲱⲟⲩⲛⲛⲉϥⲥⲩⲅⲅⲉⲛⲏⲥⲧⲏⲣⲟⲩⲡⲉϩⲱⲥⲓⲱⲧ.
ⲉⲧⲁϥⲟⲩⲱⲣⲡⲛⲥⲱϥⲁϥⲓϣⲁⲣⲟϥⲟⲩⲟϩⲉⲧⲁϥⲛⲁⲩⲉⲣⲟϥⲁϥⲣⲁϣⲓⲉⲙⲁϣⲱ.
ⲁϥⲥⲁϫⲓⲛⲉⲙⲁϥⲛϫⲉⲫⲏⲉⲑⲟⲩⲁⲃⲓⲥⲁⲁⲕⲉϥϫⲱⲙⲙⲟⲥϫⲉⲓⲥϫⲉⲁⲓϫⲓⲙⲓⲛⲟⲩϩⲙⲟⲧⲙⲡⲉⲕⲙⲑⲟⲓⲉⲥⲁϫⲓⲉϫⲱⲓⲛⲁϩⲣⲉⲛⲛⲁⲓⲟϯϩⲓⲛⲁⲛⲧⲟⲩϣⲧⲉⲙⲧⲁϩⲛⲟⲙⲙⲟⲓ.
ⲟⲩⲟϩⲉⲧⲁⲡⲓⲇⲓⲁⲕⲱⲛⲓⲉⲃⲟⲗϩⲓⲧⲟⲧϥⲁϥⲥⲁϫⲓⲛⲉⲙⲛⲉϥⲓⲟϯⲁⲩⲱⲣⲕⲛⲁϥⲧⲟⲧⲉⲁϥⲟⲩⲱⲛϧⲙⲡⲓϩⲱⲃⲉⲣⲱⲟⲩ.
ⲉⲧⲁⲩⲥⲱⲧⲉⲙⲇⲉⲁⲩϣⲱⲡⲓϧⲉⲛⲟⲩϧⲣⲱⲟⲩⲛⲣⲁϣⲓⲛⲉⲙⲟⲩⲑⲉⲗⲏⲗⲟⲩⲟϩⲁϥϣⲱⲡⲓⲛϫⲉⲟⲩϭⲟϫⲓⲛⲧⲉⲡⲓⲧⲓⲙⲓⲧⲏⲣϥⲉⲟⲩⲥⲟⲡⲉϫⲉⲛⲡⲓⲁⲗⲟⲩ.
ⲉⲧⲁⲩⲛⲁⲩⲇⲉⲉⲣⲟϥⲛϫⲉⲛⲉϥⲓⲟϯⲉϥⲟⲓⲙⲙⲟⲛⲁⲭⲟⲥⲙⲡⲟⲩⲉⲙⲓϫⲉⲟⲩⲡⲉⲉⲧⲟⲩⲛⲁⲁⲓϥ
ⲉⲧⲁⲩϣⲱⲡⲓⲇⲉϧⲉⲛⲟⲩⲧⲱⲙⲧⲛⲁⲩⲉⲙⲓⲁⲛⲡⲉϫⲉⲟⲩⲡⲉⲉⲧⲟⲩⲛⲁϫⲟϥⲙⲁⲗⲓⲥⲧⲁⲛⲁⲩϣⲉⲣϩⲗⲓⲛϩⲱⲃⲁⲛⲡⲉⲉⲑⲃⲉⲡⲓⲁⲛⲁϣⲉⲧⲁⲩⲱⲣⲕⲙⲙⲟϥⲙⲡⲓⲇⲓⲁⲕⲱⲛ
ⲟⲩⲟϩⲁⲩⲁⲙⲟⲛⲓⲙⲙⲟϥϧⲁⲧⲟⲧⲟⲩⲛⲟⲩⲁⲃⲟⲧⲛⲉϩⲟⲟⲩϣⲁⲧⲟⲩⲥⲓⲙⲡⲉϥⲥⲁⲓϫⲉⲛⲉⲟⲩⲥⲁⲓⲉⲡⲉϧⲉⲛⲡⲉϥⲓⲛⲓⲥⲭⲉⲇⲟⲛⲉϫⲟⲥϫⲉⲟⲩⲁⲅⲅⲉⲗⲟⲥⲛⲧⲉⲫⲛⲟⲩϯⲡⲉ.
ⲛⲁϥⲥⲁϫⲓⲛⲉⲙⲱⲟⲩⲡⲉⲛⲛⲏⲉⲧⲉⲣⲛⲟϥⲣⲓⲛⲛⲟⲩⲯⲩⲭⲏ.
ⲛⲁⲓⲇⲉⲛⲉⲛⲓⲥⲁϫⲓⲉⲧⲁϥϫⲟⲧⲟⲩⲛⲱⲟⲩϫⲉⲱⲛⲁⲓⲟϯϯϯϩⲟⲉⲣⲱⲧⲉⲛⲙⲡⲣⲭⲁϩⲑⲏⲧⲉⲛⲉⲧⲁⲓⲙⲉⲧⲣⲁⲙⲁⲟⲉⲧⲉⲛⲥⲙⲟⲛⲧⲁⲛⲟⲩⲇⲉⲙⲡⲣϣⲟⲩϣⲟⲩⲙⲙⲱⲧⲉⲛϩⲓⲧⲉⲛⲡⲁϣⲁⲓⲛⲛⲉⲧⲉⲛϩⲩⲡⲁⲣⲭⲟⲛⲧⲁϫⲉⲛⲁⲓⲧⲏⲣⲟⲩⲥⲉⲛⲁⲥⲓⲛⲓⲛⲭⲱⲗⲉⲙ
ⲗⲟⲓⲡⲟⲛⲙⲡⲉⲛⲑⲣⲉⲛⲓⲡⲣⲟⲥⲟⲩⲥⲏⲟⲩⲧⲁⲕⲟⲛⲛⲓϣⲁⲉⲛⲉϩⲛⲧⲟⲧⲑⲏⲛⲟⲩ
ⲙⲁⲣⲉⲛⲓⲛⲉϫⲓⲛⲧⲉⲛⲓϩⲏⲕⲓⲥⲏⲉⲃⲟⲗϧⲉⲛⲛⲏⲉⲧⲉⲛⲟⲩⲧⲉⲛ.
ⲡⲁⲓⲣⲏϯⲁϥⲓⲉⲃⲟⲗϩⲓⲧⲉⲛⲛⲉϥⲓⲟϯⲁϥϩⲱⲗⲉⲡϣⲁϥⲉ.
ⲁⲩϫⲟⲥⲟⲛⲉⲑⲃⲏⲧϥϫⲉⲟⲩⲙⲏϣⲛⲥⲟⲡⲉϥⲉⲛⲕⲟⲧϣⲁϥⲛⲁⲩⲉⲟⲩⲭⲉⲣⲟⲩⲃⲓⲙⲛⲟⲩⲱⲓⲛⲓⲉϥⲛⲏⲟⲩⲉϥϩⲱⲃⲥⲛⲛⲉϥⲧⲉⲛϩⲉⲃⲟⲗⲉϫⲱϥϣⲁⲧⲉϥⲧⲱⲛϥⲉⲃⲟⲗϧⲉⲛⲡⲓⲛⲕⲟⲧⲟⲩⲟϩⲡⲁⲓⲣⲏϯϣⲁϥⲛⲁⲩⲉⲣⲟϥⲉϥϩⲱⲗⲉⲡϣⲱⲓⲉⲛⲓⲫⲏⲟⲩⲓ.
ⲱⲛⲓϩⲙⲟⲧⲛⲁⲧⲥⲁϫⲓⲉⲣⲱⲟⲩⲉⲣⲉⲫⲛⲟⲩϯⲉⲣⲭⲁⲣⲓⲍⲉⲥⲑⲁⲓⲙⲙⲱⲟⲩⲛⲛⲓϣⲏⲣⲓⲛⲧⲉⲛⲓⲣⲱⲙⲓ
ⲁⲙⲱⲓⲛⲓⲁⲛⲁⲩⲉⲡⲧⲁⲓⲟⲙⲡⲁⲓⲣⲱⲙⲓⲉⲣⲉⲛⲓⲭⲉⲣⲟⲩⲃⲓⲙⲉⲣϧⲏⲓⲃⲓⲉϫⲱϥ
ⲁⲩϫⲟⲥⲟⲛⲉⲑⲃⲏⲧϥϫⲉⲓⲥϫⲉⲛⲛⲓⲉϩⲟⲟⲩⲉⲧⲁⲩϫⲫⲟϥ.ϣⲁⲧⲉϥϣⲉⲛⲁϥϩⲁⲫⲛⲟⲩϯⲙⲡⲉϩⲗⲓⲛⲥⲩⲛⲟⲩⲥⲓⲁⲛϩⲱⲟⲩⲧⲓⲉⲃⲟⲗⲛϧⲏⲧϥ
ⲥⲥϧⲏⲟⲩⲧⲅⲁⲣϫⲉϣⲁⲣⲉⲡⲁⲅⲅⲉⲗⲟⲥⲙⲡϭⲟⲉⲓⲥϩⲓⲕⲟⲧⲙⲡⲕⲱϯⲛⲟⲩⲟⲛⲛⲓⲃⲉⲛⲉⲧⲉⲣϩⲟϯϧⲁⲧⲉϥϩⲏⲟⲩⲟϩϥⲛⲁⲛⲁϩⲙⲟⲩ.
ⲙⲉⲛⲉⲛⲥⲁⲡⲓⲁⲃⲟⲧⲇⲉⲛⲉϩⲟⲟⲩⲉⲧⲁϥⲓⲉⲃⲟⲗϧⲁⲧⲉⲛⲛⲉϥⲓⲟϯⲛⲁⲩⲉⲣϩⲙⲟⲧⲛⲁϥⲡⲉⲙⲫⲏⲉⲧⲉϥⲉⲣⲉⲡⲓⲑⲩⲙⲉⲓⲛⲉⲣⲟϥ.
ⲧⲟⲧⲉⲛⲁϥⲉⲣⲯⲁⲗⲗⲉⲓⲛⲛⲉⲙⲡⲓⲡⲣⲟⲫⲏⲧⲏⲥⲉϥϫⲱⲙⲙⲟⲥϫⲉϧⲉⲛⲡⲁⲛⲟⲩϯϯⲛⲁⲟⲩⲱⲧⲉⲃⲡⲟⲩⲥⲟⲃⲧ
ⲟⲩⲟϩⲡⲁⲓⲟⲛϫⲉⲡⲓⲫⲁϣⲁϥϧⲟⲙϧⲉⲙⲟⲩⲟϩⲟⲛϫⲉⲧⲉⲕⲟⲩⲓⲛⲁⲙⲛϭⲟⲉⲓⲥⲁⲥⲓⲣⲓⲛⲟⲩϫⲟⲙ.
ⲟⲩⲟϩⲉⲧⲁϥⲓⲉϣⲓⲏⲧⲡⲓⲧⲱⲟⲩⲉⲑⲟⲩⲁⲃⲛⲧⲉⲫⲛⲟⲩϯⲛⲁϥϫⲱⲙⲡⲥⲁϫⲓⲙⲡⲓⲑⲉⲟⲗⲟⲅⲟⲥϫⲉⲙⲟⲓⲛⲏⲓⲙⲡϣⲁϥⲉⲛⲉⲙⲡⲭⲣⲓⲥⲧⲟⲥ
ⲟⲩⲟϩⲉⲧⲁϥⲛⲁⲩⲉⲣⲟϥⲛϫⲉⲡⲉϥⲓⲱⲧⲙⲡⲛⲉⲩⲙⲁⲧⲓⲕⲟⲛⲁϥⲣⲁϣⲓⲉⲙⲁϣⲱ.
ⲗⲟⲓⲡⲟⲛⲁϥϣⲱⲡⲓϧⲁⲧⲟⲧϥⲙⲡⲓϧⲉⲗⲗⲟⲁⲃⲃⲁⲍⲁⲭⲁⲣⲓⲁⲥⲉϥϯⲛⲧⲟⲧϥϧⲉⲛⲛⲉϥϩⲃⲏⲟⲩⲓⲧⲏⲣⲟⲩⲙⲫⲣⲏϯⲛⲓⲏⲥⲟⲩⲉϥϣⲉⲙϣⲓⲙⲙⲱⲩⲥⲏⲥⲉϥⲛⲁⲩⲇⲉⲉⲧⲡⲟⲗⲓⲧⲉⲓⲁⲛⲛⲓⲥⲛⲏⲟⲩⲉⲧϣⲟⲡϧⲉⲛⲡⲓⲙⲟⲛⲁⲥⲧⲏⲣⲓⲟⲛⲉⲩⲙⲟϣⲓϧⲉⲛⲟⲩⲕⲱⲧⲛⲉⲙⲟⲩⲁⲣⲉϩⲉⲩⲟⲩⲟⲧⲉⲃⲉⲛⲟⲩⲉⲣⲏⲟⲩϧⲉⲛⲧⲁⲣⲉⲧⲏⲙⲫⲣⲏϯⲛϩⲁⲛϣϣⲏⲛⲉⲩⲟⲡⲧⲛⲕⲁⲣⲡⲟⲥ.
ⲫⲏⲉⲑⲟⲩⲁⲃⲇⲉⲓⲥⲁⲁⲕⲛⲉϥⲁⲣⲉⲧⲏⲉⲧⲟⲓⲛϣⲫⲏⲣⲓⲛⲁⲓⲉⲧⲁϥⲟⲩⲟⲛϩⲉⲃⲟⲗⲛϧⲣⲏⲓⲛϧⲏⲧϥϩⲱⲥⲧⲉⲛⲧⲉϥⲉⲣⲥⲁⲡϣⲱⲓⲛⲟⲩⲟⲛⲛⲓⲃⲉⲛⲉⲧϧⲉⲛⲡⲓⲙⲟⲛⲁⲥⲧⲏⲣⲓⲟⲛⲟⲩⲟϩϯⲥⲁⲣⲝⲙⲉⲛⲁϥⲑⲉⲃⲓⲟⲥϧⲓⲧⲉⲛⲡϧⲓⲥⲓⲛⲛⲓⲁⲥⲕⲏⲥⲓⲥ
ⲟⲩⲟϩⲟⲛⲛⲉⲟⲩⲣⲉⲙⲣⲁⲩϣⲡⲉⲛⲑⲉⲃⲓⲉⲉϥⲉⲣⲕⲟⲥⲙⲉⲓⲛϧⲉⲛⲛⲓϩⲙⲟⲧⲧⲏⲣⲟⲩⲛⲧⲉⲡⲓⲡⲛⲉⲩⲙⲁⲉⲑⲟⲩⲁⲃ
ⲟⲩⲟϩⲛⲉⲙⲡⲁϥϩⲱⲣⲡⲛⲟⲩⲙⲏϣⲛⲛⲁⲩϧⲉⲛⲡⲓⲉϫⲱⲣϩ
ⲙⲁⲗⲗⲟⲛⲇⲉϯⲕⲩⲣⲓⲁⲕⲏⲙⲡⲁϥϩⲱⲣⲡⲉⲡⲧⲏⲣϥⲟⲩⲟϩⲛⲑⲟϥⲉⲧⲥⲁϩϯⲛⲛⲓⲥⲛⲏⲟⲩⲉϥϣⲉⲙϣⲓⲙⲙⲱⲟⲩⲉϥⲫⲱⲣϫϧⲁⲣⲱⲟⲩⲉϥⲑⲟⲛⲧⲉⲛⲙⲙⲟϥⲉⲡⲓⲥⲱⲧⲏⲣⲫⲁⲓⲉⲧϫⲱⲙⲙⲟⲥϫⲉⲡⲓⲛⲓϣϯⲉⲧϧⲉⲛⲑⲏⲛⲟⲩⲉϥⲉⲣⲃⲱⲕⲛⲱⲧⲉⲛ.
ⲛⲁⲩⲛⲏⲟⲩⲇⲉϩⲁⲣⲟϥⲛϫⲉⲛⲉϥⲥⲛⲏⲟⲩⲉⲩⲓⲛⲓⲛⲁϥⲛⲟⲩⲙⲏϣⲛⲭⲣⲏⲙⲁⲛⲉⲙϩⲁⲛϩⲃⲱⲥⲟⲩⲟϩⲛⲁϥⲥⲱⲣⲙⲙⲱⲟⲩⲛⲛⲓⲥⲛⲏⲟⲩⲉⲧϧⲉⲛⲡⲓⲧⲟⲡⲟⲥⲟⲩⲟϩⲛⲁϥϣⲟⲡⲛⲥⲟⲗⲥⲉⲗⲛⲛⲓⲥⲛⲏⲟⲩⲧⲏⲣⲟⲩⲉⲩⲛⲏⲟⲩϩⲁⲣⲟϥⲉⲩϭⲓⲛⲟⲙϯⲉⲃⲟⲗϩⲓⲧⲟⲧϥ.
ⲟⲩⲟϩⲁϥϩⲟⲛϩⲉⲛⲉⲧⲟⲧⲟⲩⲛⲛⲓⲥⲛⲏⲟⲩⲉⲧϧⲉⲛⲡⲓⲁⲃⲏⲧⲛϫⲉⲡⲟⲩⲓⲱⲧⲙⲡⲛⲉⲩⲙⲁⲧⲓⲕⲟⲛϫⲉⲉϣⲱⲡⲛⲧⲉⲓⲥⲁⲁⲕⲓⲉϧⲟⲩⲛⲉⲫⲙⲁⲛϣⲱⲡⲓⲛⲟⲩⲁⲓⲙⲙⲱⲧⲉⲛⲟϩⲓⲉⲣⲁⲧⲛⲑⲏⲛⲟⲩϣⲁⲧⲉϥϣⲉⲛⲁϥ.
ⲛⲑⲟϥⲇⲉⲙⲡⲉϥⲧⲁⲙⲟϥϫⲉⲛⲛⲉϥϭⲓⲥⲓⲛϩⲏⲧ.
ⲟⲩⲟϩϧⲉⲛⲡϫⲓⲛⲑⲣⲉⲡϭⲟⲉⲓⲥⲧⲁⲙⲉⲡⲓϧⲉⲗⲗⲟⲉⲑⲟⲩⲁⲃⲉⲛⲏⲉⲑⲛⲁϣⲱⲡⲓⲙⲙⲟϥⲁϥϩⲟⲛϩⲉⲛⲛⲛⲓⲥⲛⲏⲟⲩⲕⲁⲧⲁⲫⲣⲏϯⲉⲧⲥϧⲏⲟⲩⲧϫⲉⲙⲏⲡϭⲟⲉⲓⲥⲛⲁⲉⲣⲟⲩϩⲱⲃⲉϣⲧⲉⲙⲧⲁⲙⲉⲛⲉϥⲉⲃⲓⲁⲓⲕⲉⲣⲱⲟⲩ.
ⲁⲓϣⲁⲛϫⲟⲟⲥⲉⲡⲁⲓϩⲁⲅⲓⲟⲥϩⲱϥⲱⲛⲁⲙⲉⲛⲣⲁϯϫⲉⲁⲩⲫⲟⲣϫϥⲉⲃⲟⲗϩⲱϥⲓⲥϫⲉⲛⲛⲉϥϧⲉⲛⲧⲛⲉϫⲓϯⲛⲁϣⲱϥⲧⲁⲛϯⲛⲁⲩⲅⲁⲣⲉⲡⲓⲥⲁϫⲓⲉϥⲧⲟⲙⲓ.
ⲉⲧⲁϥϯⲇⲉⲙⲡⲉϥϩⲏⲧⲉⲛⲓⲅⲣⲁⲫⲏⲙⲡⲉϩⲗⲓⲛⲍⲏⲧⲏⲙⲁⲉⲣⲁⲧϫⲟⲙⲛⲧⲟⲧϥⲙⲁⲗⲓⲥⲧⲁⲛⲓⲗⲟⲅⲟⲥⲛⲧⲉⲛⲓⲥⲁϧⲛⲧⲉϯⲉⲕⲕⲗⲏⲥⲓⲁ.
ⲛⲉⲟⲩⲟⲛⲟⲩϧⲉⲗⲗⲟⲇⲉⲟⲛϧⲉⲛⲡⲓⲧⲱⲟⲩⲡⲉⲉⲟⲩⲛⲓϣϯⲛⲁⲥⲕⲏⲧⲏⲥⲡⲉ
ⲫⲁⲓⲇⲉⲉⲩⲉⲣⲙⲉⲑⲣⲉϧⲁⲣⲟϥⲛϫⲉⲟⲩⲟⲛⲛⲓⲃⲉⲛⲉⲑⲃⲉⲛⲉϥⲁⲣⲉⲧⲏ.
ⲁⲥϣⲱⲡⲓⲉⲧⲁϥⲛⲁⲩⲉⲫⲏⲉⲑⲟⲩⲁⲃⲓⲥⲁⲁⲕⲡⲉϫⲁϥⲛⲛⲓⲥⲛⲏⲟⲩⲉⲑⲙⲟϣⲓⲛⲉⲙⲁϥϫⲉⲓⲥⲟⲩⲓⲥⲣⲁⲏⲗⲓⲧⲏⲥⲙⲙⲟⲛⲇⲟⲗⲟⲥⲛϧⲏⲧϥⲫⲁⲓⲛⲁϣⲱⲡⲓⲛⲟⲩⲁⲣⲭⲓⲉⲡⲓⲥⲕⲟⲡⲟⲥⲛϯⲡⲟⲗⲓⲥⲣⲁⲕⲟϯⲟⲩⲟϩⲙⲡⲁⲧⲣⲓⲁⲣⲭⲏⲥ
ⲫⲁⲓⲛⲁϣⲱⲡⲓⲉϥⲟⲓⲛⲛⲓϣϯⲙⲡⲉⲙⲑⲟⲙⲡϭⲟⲉⲓⲥⲟⲩⲟϩⲛⲉϥⲥⲁϫⲓⲛⲁⲫⲟϩϣⲁⲁⲩⲣⲏϫⲥⲛϯⲟⲓⲕⲟⲩⲙⲉⲛⲏ.
ⲉⲧⲁⲩⲥⲱⲧⲉⲙⲇⲉⲉⲛⲁⲓⲛϫⲉⲛⲓⲥⲛⲏⲟⲩⲛⲧⲟⲧϥⲙⲡⲓϧⲉⲗⲗⲟⲉⲑⲟⲩⲁⲃⲁⲩⲉⲣϣⲫⲏⲣⲓⲟⲩⲟϩⲁⲩϯⲱⲟⲩⲙⲫⲛⲟⲩϯⲫⲁⲓⲉⲧϭⲱⲣⲡⲛⲛⲉϥⲙⲩⲥⲧⲏⲣⲓⲟⲛⲉⲃⲟⲗⲛⲛⲏⲉⲧⲉⲙⲡϣⲁⲙⲙⲱⲟⲩⲕⲁⲧⲁⲫⲣⲏϯⲉⲧⲥϧⲏⲟⲩⲧϫⲉⲉⲩⲉⲛⲁⲩⲛϫⲉⲛⲏⲉⲧⲉⲙⲡⲟⲩⲛⲁⲩⲟⲩⲟϩⲛⲏⲉⲧⲥⲱⲧⲉⲙⲙⲡⲟⲩⲕⲁϯ.
ⲫⲏⲉⲑⲟⲩⲁⲃⲇⲉⲓⲥⲁⲁⲕⲛⲁϥⲉⲣⲡⲣⲟⲕⲟⲡⲧⲉⲓⲛϧⲉⲛⲛⲓⲁⲣⲉⲧⲏⲧⲏⲣⲟⲩϩⲱⲥⲧⲉⲛⲧⲟⲩⲥⲱⲧⲉⲙⲉⲡⲉϥⲥⲱⲓⲧϧⲉⲛⲭⲱⲣⲁⲧⲏⲣⲥⲛⲧⲉⲭⲏⲙⲓⲟⲩⲟϩⲁⲟⲩⲙⲏϣⲭⲁⲡⲓⲕⲟⲥⲙⲟⲥⲛⲥⲱⲟⲩⲁⲩⲉⲣⲙⲟⲛⲁⲭⲟⲥⲉⲟⲩⲁⲓⲉⲃⲟⲗⲛϧⲏⲧⲟⲩⲡⲉⲙⲉⲛⲉⲛⲥⲱⲛⲫⲁⲓⲉⲛⲁϥⲟⲓⲛⲛⲟⲧⲁⲣⲓⲟⲥⲛⲁϥⲛϣⲟⲣⲡ.
ⲉⲧⲁϥⲥⲱⲧⲉⲙⲇⲉϫⲉⲁⲫⲏⲉⲑⲟⲩⲁⲃⲉⲣⲁⲡⲟⲧⲁⲍⲉⲥⲑⲁⲓⲙⲡⲓⲕⲟⲥⲙⲟⲥⲁϥⲓϩⲱϥⲁϥⲉⲣⲙⲟⲛⲁⲭⲟⲥϧⲁⲧⲟⲧϥ
ⲕⲁⲓⲟⲩⲁⲓⲇⲉⲟⲛⲉⲡⲉϥⲣⲁⲛⲡⲉⲓⲁⲛⲛⲏⲫⲁⲓⲇⲉⲟⲩⲅⲉⲛⲟⲥⲉⲧϭⲟⲥⲓⲡⲉⲉϥⲟⲓⲛϣⲏⲣⲓⲙⲫⲏⲉⲑⲟⲩⲁⲃⲛⲉⲟⲩⲉⲃⲟⲗⲡⲉϧⲉⲛⲧϩⲁⲓⲣⲉⲥⲓⲥⲛⲛⲓⲁⲧⲥⲙⲟⲩⲛⲁⲓⲉⲧϫⲱⲙⲙⲟⲥϫⲉⲓⲥϫⲉⲛⲡⲓϩⲁⲅⲓⲟⲥⲇⲓⲟⲥⲕⲟⲣⲟⲥⲙⲡⲉⲁⲣⲭⲓⲉⲡⲓⲥⲕⲟⲡⲟⲥϣⲱⲡⲓⲉϫⲱⲟⲩϧⲉⲛⲫⲁⲓⲁⲩⲡⲱⲣϫⲥⲁⲃⲟⲗⲛⲛⲓⲉⲕⲕⲗⲏⲥⲓⲁⲁⲩϣⲱⲡⲓⲛϩⲁⲓⲣⲉⲧⲓⲕⲟⲥ.
ⲉⲧⲁϥⲓϣⲁⲣⲟϥⲁϥⲁⲓϥⲛⲭⲣⲓⲥⲧⲓⲁⲛⲟⲥⲟⲩⲟϩⲙⲙⲟⲛⲁⲭⲟⲥⲁϥϣⲱⲡⲓϩⲱϥⲛⲟⲩϩⲁⲅⲓⲟⲥϩⲱⲥⲧⲉⲛⲥⲉⲁⲓϥⲛⲉⲡⲓⲥⲕⲟⲡⲟⲥⲛⲥⲉⲧⲉⲛϩⲟⲩⲧϥⲉϩⲁⲛⲗⲁⲟⲥⲉⲩⲟϣ.
ⲛⲁⲓⲛⲉⲛⲓϣⲟⲣⲡⲛⲇⲱⲣⲟⲛⲉⲧⲁⲫⲏⲉⲑⲟⲩⲁⲃⲁⲃⲃⲁⲓⲥⲁⲁⲕⲉⲛⲟⲩⲉϧⲟⲩⲛⲙⲡϭⲟⲉⲓⲥⲙⲡⲉⲡⲓⲡⲟⲛⲏⲣⲟⲥⲛⲇⲓⲁⲃⲟⲗⲟⲥϣⲛⲁⲩⲉⲡⲁⲓϩⲁⲅⲓⲟⲥⲉϥⲉⲣⲡⲣⲟⲕⲟⲡⲧⲉⲓⲛϧⲉⲛⲛⲓⲁⲣⲉⲧⲏ.
ⲁⲥϣⲱⲡⲓⲉⲣⲉⲫⲏⲉⲑⲟⲩⲁⲃⲛⲕⲟⲧϧⲉⲛⲡⲓⲉϫⲱⲣϩⲁⲟⲩⲇⲁⲓⲙⲱⲛⲛⲓϥⲓⲉϧⲣⲏⲓⲉⲛⲉϥⲙⲁϣϫ.
ⲉⲧⲁϥⲧⲱⲛϥϧⲉⲛⲡⲓⲛⲕⲟⲧⲙⲡⲉϥϣϫⲉⲙϫⲟⲙⲛϩⲉⲙⲥⲓⲁϥⲧⲁⲙⲉⲡⲉϥⲓⲱⲧⲉⲡⲓⲡⲟⲗⲉⲙⲟⲥⲁϥⲉⲣⲙⲕⲁϩⲛϩⲏⲧⲉⲙⲁϣⲱ
ⲟⲩⲟϩϩⲱⲥϫⲉⲉⲣⲉⲡⲓϧⲉⲗⲗⲟϭⲟⲛⲧⲁⲛϧⲉⲛⲡⲁⲓⲛⲓϣϯⲙⲡⲟⲗⲉⲙⲟⲥⲁϥⲟⲩⲟⲣⲡϥⲉⲫⲙⲁⲛⲟⲩⲛⲓϣϯⲛⲁⲥⲕⲏⲧⲏⲥⲫⲁⲓⲁϥϭⲓⲟⲩⲙⲏϣⲛϧⲓⲥⲓⲛⲧⲟⲧⲟⲩⲛⲛⲓⲇⲁⲓⲙⲱⲛ
ⲟⲩⲟϩⲉⲧⲁⲡⲓϧⲉⲗⲗⲟⲛⲁⲩⲉⲣⲟϥⲁⲡⲓⲁⲗⲟⲩϫⲱⲉⲣⲁϥⲙⲡⲓⲡⲟⲗⲉⲙⲟⲥ.
ⲡⲉϫⲉⲡⲓϧⲉⲗⲗⲟⲛⲁϥϫⲉⲡⲁϣⲏⲣⲓϯⲛⲁϣϯⲉⲛⲧⲟⲗⲏⲉⲧⲟⲧⲕⲁⲛⲉⲑⲃⲉⲡⲉⲕⲓⲱⲧϫⲉⲛⲑⲟⲕⲟⲩϣⲏⲣⲓⲛⲕⲟⲓⲛⲱⲛⲓⲁⲁⲗⲗⲁⲙⲁϣⲉⲛⲁⲕⲉⲫⲙⲁⲙⲡⲉⲕⲉⲓⲱⲧⲫⲏⲉⲧⲉϥⲛⲁϫⲟϥⲛⲁⲕⲁⲣⲓⲧϥϯⲉⲣϩⲉⲗⲡⲓⲥⲉⲫⲛⲟⲩϯϫⲉⲭⲛⲁⲙⲧⲟⲛ.
ⲉⲧⲁϥⲓⲁϥⲧⲁⲙⲉⲡⲉϥⲓⲱⲧⲉⲛⲉⲛⲥⲁϫⲓⲙⲡⲓϧⲉⲗⲗⲟⲁϥⲉⲣⲟⲩⲱⲛϫⲉⲡⲉϥⲓⲱⲧⲡⲉϫⲁϥⲛⲁϥϫⲉϩⲱⲗⲁⲣⲓⲕⲁⲑⲁⲣⲓⲍⲉⲓⲛⲛⲛⲓⲙⲁⲛϩⲉⲙⲥⲓⲛⲧⲉⲛⲓⲥⲛⲏⲟⲩⲟⲩⲟϩϯⲛⲁϩϯϫⲉⲫⲛⲟⲩϯⲛⲁϯⲙⲧⲟⲛⲛⲁⲕ.
ⲟⲩⲟϩⲁϥϣⲉⲡⲡⲓⲥⲁϫⲓⲉⲣⲟϥϧⲉⲛⲟⲩϩⲉⲓⲣⲏⲛⲏⲉⲡⲉⲓⲇⲏⲛⲥⲏⲟⲩⲛⲓⲃⲉⲛⲁϥϭⲟϫⲓⲛⲥⲁⲡⲓⲑⲉⲃⲓⲟⲁϥϩⲉⲙⲥⲓϧⲉⲛⲛⲁⲓϧⲓⲥⲓⲙⲡⲁⲓⲣⲏϯⲛⲥⲛⲁⲃⲟⲧⲉϥⲙⲁϩⲙⲱⲟⲩⲛⲱⲟⲩⲙⲡⲓⲉϫⲱⲣϩⲉϥⲉⲣⲕⲁⲑⲁⲣⲓⲍⲉⲓⲛⲛⲛⲓⲙⲁⲛϩⲉⲙⲥⲓϧⲉⲛⲡⲓⲉϫⲱⲣϩ.
ⲙⲉⲛⲉⲛⲥⲁⲡⲁⲓⲡⲟⲗⲉⲙⲟⲥⲉⲑⲛⲁϣⲧⲉⲧⲭⲏϧⲁϫⲱϥⲁⲫⲛⲟⲩϯⲉⲣϩⲙⲟⲧⲛⲁϥⲛϩⲁⲛⲧⲁⲗϭⲟⲉⲩⲟϣ.
ⲁⲥϣⲱⲡⲓⲇⲉⲛⲟⲩⲥⲟⲡⲉⲧⲁⲩϣⲉⲛⲱⲟⲩⲛϫⲉⲛⲓⲥⲛⲏⲟⲩⲉⲧⲕⲟⲓⲉⲑⲃⲉϩⲁⲛⲕⲟⲩϫⲓⲛⲣⲟⲕϩⲉⲧⲁⲩϫⲱⲕⲙⲡⲟⲩϩⲱⲃⲉⲃⲟⲗⲁⲩⲓⲉⲩⲛⲏⲟⲩⲉⲡⲟⲩⲙⲁⲛϣⲱⲡⲓ
ⲟⲩⲟϩϩⲱⲥⲉⲩⲙⲟϣⲓϩⲓⲡⲓⲙⲱⲓⲧⲁⲫⲏⲉⲑⲟⲩⲁⲃⲓⲥⲁⲁⲕⲉⲣⲥⲁⲫⲁⲟⲩⲛⲛⲓⲥⲛⲏⲟⲩⲉϥϥⲱϫⲓⲛⲥⲁⲛⲓⲥⲑⲟⲓⲛⲧⲱⲟⲩ.
ⲉⲧⲁϥⲓⲇⲉⲉϫⲉⲛⲟⲩⲃⲱⲛⲥⲑⲟⲓϫⲉⲉϥⲛⲁϥⲟϫⲥⲛⲉⲟⲩⲟⲛⲟⲩⲁϫⲱϧⲉⲛⲧⲉⲥⲙⲏϯⲁⲥⲭⲗⲟⲙⲗⲉⲙⲉⲧⲉϥϫⲓϫ.
ⲉⲧⲁⲩⲛⲁⲩⲇⲉⲉⲣⲟϥⲛϫⲉⲛⲓⲥⲛⲏⲟⲩⲙⲡⲁⲓⲣⲏϯⲁⲩⲉϣⲟⲩϧⲣⲱⲟⲩⲉⲃⲟⲗⲉⲩⲙⲉⲩⲓⲉⲃⲟⲗϫⲉϥⲛⲁⲙⲟⲩⲛϯⲟⲩⲛⲟⲩ.
ⲧⲟⲧⲉⲁϥⲃⲉⲣⲃⲱⲣⲥⲉⲃⲟⲗⲙⲡⲉϩⲗⲓⲙⲡⲉⲧϩⲱⲟⲩⲧⲁϩⲟϥ.
ⲉⲧⲁⲩⲛⲁⲩⲇⲉⲛϫⲉⲛⲓⲥⲛⲏⲟⲩⲉⲡⲁⲓϩⲱⲃⲛϣⲫⲏⲣⲓⲁⲩϩⲓⲧⲟⲩⲉⲡⲉⲥⲏⲧⲁⲩⲟⲩⲱϣⲧⲙⲙⲟϥ.
ⲧⲉⲧⲉⲛⲛⲁⲩⲱⲛⲁⲙⲉⲛⲣⲁϯϫⲉⲁⲡⲁⲓϩⲁⲅⲓⲟⲥⲛⲁⲗⲟⲩϣⲱⲡⲓⲉϥⲧⲉⲛⲑⲱⲛⲧⲉⲛⲓⲁⲡⲟⲥⲧⲟⲗⲟⲥⲟⲩⲟϩⲁϥϣⲱⲡⲓⲉϥⲟⲛⲓⲙⲙⲱⲟⲩⲕⲁⲧⲁⲫⲣⲏϯⲉⲧⲁⲡϭⲟⲉⲓⲥϫⲟⲥⲛⲛⲉϥⲁⲡⲟⲥⲧⲟⲗⲟⲥⲟⲩⲟϩⲁϥϣⲱⲡⲓⲉϥⲟⲛⲓⲙⲙⲱⲟⲩϫⲉⲫⲏⲉⲧⲁⲣⲉϩⲉⲛⲁⲉⲛⲧⲟⲗⲏⲛⲓⲙⲏⲓⲛⲓⲧⲏⲣⲟⲩⲉⲧⲁⲓⲁⲓⲧⲟⲩⲉϥⲉⲁⲓⲧⲟⲩϩⲱⲟⲩ.

ANNIS Metadata

annotation: Lydia Bremer-McCollum, Amir Zeldes, Caroline T. Schroeder
attributed_author: Mena of Pshati
author: Mena of Pshati
collection: Vatican Coptic
Coptic_edition: Améliineau 1890
corpus: bohairic.life.isaac
country: Egypt
document_cts_urn: urn:cts:copticLit:lives.boh_isaac.amelineau_ed:1-19
entities: none
facsimile_graphic_url: https://digi.vatlib.it/view/MSS_Vat.copt.62
identities: none
idno: Vat. Copt. 62.12 ff. 211r-221r
language: Bohairic Coptic
license: CC-BY 4.0
msItem_title: The Life of Isaac of Alexandria
msName: MACA.CA
next: urn:cts:copticLit:lives.boh_isaac.amelineau_ed:20-41
note: Coptic chapter divisions follow Amélineau's paragraph divisions. French translation from Amélineau (OCR), machine translated to English and extensively post-edited by Amir Zeldes.
objectType: codex
ocr: automatic
order: 1
origDate: between 801 and 1065 CE
origDate_notAfter: 1065
origDate_notBefore: 801
origDate_precision: medium
origPlace: Monastery of St. Macariuus
pages_from: 1
pages_to: 21
parsing: gold
paths_authors: 73
paths_manuscripts: 114
paths_works: 225
people: none
placeName: Wadi Natrun
places: none
project: Coptic SCRIPTORIUM
redundant: no
repository: Biblioteca Apostolica Vaticana
segmentation: gold
source: Internet Archive
source_info: OCR of Amélineau edition pdf on Internet Archive using OCR4All
tagging: gold
title: Life of Isaac of Alexandria - part 1
translation: Émile Amélineau, Amir Zeldes
Trismegistos: none
version_date: 2024-10-31
version_n: 6.0.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:lives.boh_isaac.amelineau_ed:1-19. [version number], [date]. https://data.copticscriptorium.org/urn:cts:copticLit:lives.boh_isaac.amelineau_ed:1-19.

Subsequent citations:

Author, Ancient title (abbreviated) [chapter.verse if available], urn:cts:copticLit:lives.boh_isaac.amelineau_ed:1-19.

Document Edition: urn:cts:copticLit:lives.boh_isaac.amelineau_ed:1-19

Work: urn:cts:copticLit:lives.boh_isaac

Text Group: urn:cts:copticLit:lives

The following links will direct you to the latest versions of data visualizations of the document.

Chapter View HTML: https://data.copticscriptorium.org/urn:cts:copticLit:lives.boh_isaac.amelineau_ed:1-19/sahidica/html

Analytic Visualization HTML: https://data.copticscriptorium.org/urn:cts:copticLit:lives.boh_isaac.amelineau_ed:1-19/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:lives.boh_isaac.amelineau_ed:1-19/tei/xml

Paula XML: https://data.copticscriptorium.org/urn:cts:copticLit:lives.boh_isaac.amelineau_ed:1-19/paula/xml

relANNIS: https://data.copticscriptorium.org/urn:cts:copticLit:lives.boh_isaac.amelineau_ed:1-19/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:lives.boh_isaac.amelineau_ed:1-19/annis