Martyrdom of Victor part 5
normalized analytic TEI ANNIS PAULA Search ANNIS
Previous Next

Normalized Text

ⲁⲡⲁⲃⲓⲕⲧⲱⲣⲇⲉⲛⲉϥϯⲟⲩⲃⲉⲡⲇⲟⲩⲝⲉⲙⲁⲁⲧⲉ·
ⲡⲇⲟⲩⲝⲇⲉⲡⲉϫⲁϥⲛⲁϥ
ϫⲉⲕⲛⲁⲑⲩⲥⲓⲁⲍⲉϫⲓⲛⲙⲙⲟⲛ·
ⲛⲧⲟϥⲇⲉⲙⲡⲉϥⲟⲩⲱϣⲃⲛⲁϥⲛⲟⲩϣⲁϫⲉ·
ⲛⲧⲉⲣⲉϥⲛⲁⲩⲇⲉⲛϭⲓⲡⲇⲟⲩⲝϫⲉⲙⲡⲉϥϣⲁϫⲉ·ⲁϥⲕⲉⲗⲉⲩⲉⲉⲧⲣⲉⲩϫⲡⲟⲥⲟⲛⲗⲁⲙⲡⲁⲥⲛⲕⲱϩⲧⲉϩⲟⲩⲛϩⲁⲛⲉϥⲥⲡⲓⲣⲟⲟⲩⲉ·ⲁⲩⲱⲛⲧⲉⲣⲟⲩⲣⲡⲁⲓ·ⲁϥⲧⲣⲉⲩⲉⲓⲛⲉⲛϩⲉⲛϣⲗⲓϭⲙⲡⲉⲛⲓⲡⲉⲉⲩⲗⲟⲃϣⲛⲕⲱϩⲧ:—
ⲁⲩϫⲡⲟⲟⲩϩⲁϩⲏⲧϥϣⲁⲛⲧⲟⲩⲉⲓⲉⲃⲟⲗϩⲙⲡⲉϥⲥⲟⲓ·
ⲛⲉⲩⲉⲓⲣⲉⲇⲉⲛⲛⲁⲓⲛⲁϥϣⲁϣⲟⲙⲛⲧⲛⲥⲟⲡ:—ϣⲁⲛⲧⲉⲛⲉϥⲕⲟⲩⲕⲉϭⲱⲗ·
ⲙⲛⲛⲥⲱⲥⲡⲉϫⲁϥ
ϫⲉⲕⲛⲁⲑⲩⲥⲓⲁⲍⲉⲁⲛ·
ⲁϥⲕⲉⲗⲉⲩⲉⲉⲧⲣⲉⲩϯⲛϩⲉⲛⲟⲩⲉⲓϫⲉⲉϫⲛⲧⲉϥⲁⲡⲉ·ⲁⲩⲱⲛⲥⲉϯⲕⲁⲥⲓⲥⲛⲁϥ·
ⲁⲡⲁⲃⲓⲕⲧⲱⲣⲇⲉⲙⲡⲉϥϩⲱϣϩⲁⲧⲉⲓⲃⲁⲥⲁⲛⲟⲥ·
ⲡⲇⲟⲩⲝⲇⲉⲁϥⲧⲣⲉⲩⲕⲁⲁϥⲉⲡⲉⲥⲏⲧϩⲓⲡϩⲉⲣⲙⲉⲧⲁⲣⲓⲟⲛ·
ⲁϥⲧⲣⲉⲩⲧⲁⲗⲟϥⲉⲩϭⲗⲟϭⲙⲡⲉⲛⲓⲡⲉ·ⲛⲥⲉⲥⲁϩⲧϩⲁⲣⲟϥ·
ⲁϥⲧⲣⲉⲩϣⲟⲩⲟⲑⲏⲛϩⲓⲗⲁⲙϫⲁⲧⲡⲉⲡⲉⲥⲏⲧϩⲛⲧⲉϥϣⲟⲩⲱⲃⲉ·ⲙⲛϩⲉⲛⲕⲗⲁⲩⲣⲁ·
ⲡⲉϫⲁϥⲛⲁϥϫⲉⲥⲱⲧⲙⲛⲥⲱⲓⲙⲡⲣⲙⲟⲩⲕⲁⲕⲱⲥ·
ⲙⲏⲛⲁⲛⲟⲩⲕⲛⲧⲟⲕⲡⲁⲣⲁⲣⲟⲓ·ⲏⲉⲕⲟⲩⲉϣⲱⲛϩⲛϩⲟⲩⲟⲉⲣⲟⲓⲛⲅⲥⲟⲟⲩⲛⲁⲛϫⲉⲛⲉⲕϫⲓⲥⲟⲟⲩⲉⲛⲣⲣⲟⲛⲉⲛⲧⲁⲩⲥϩⲁⲓϩⲁⲣⲟⲕ
ⲁⲡⲁⲃⲓⲕⲧⲱⲣⲇⲉⲙⲡⲉϥϭⲙϭⲟⲙⲛⲟⲩⲱϣⲃⲛⲟⲩϣⲁϫⲉ·ⲉⲧⲃⲉⲡϩⲓⲥⲉⲛⲛⲃⲁⲥⲁⲛⲟⲥ·ϫⲉⲛⲉⲣⲉⲡⲉϭⲗⲟϭⲙⲡⲉⲛⲓⲡⲉⲗⲟⲃϣϩⲁⲣⲟϥⲉⲡⲉϩⲟⲩⲟ·
ⲡⲉϫⲉⲡⲇⲟⲩⲝⲛⲁϥ
ϫⲉⲁϫⲉⲟⲩϣⲁϫⲉⲛⲁⲓⲛⲧⲁⲕⲁⲁⲕⲉⲃⲟⲗ·ⲱⲡⲁⲛϩⲟⲥⲓⲟⲥⲛⲉⲝⲟⲣⲓⲥⲙⲉⲛⲟⲥ·
ⲁⲡⲁⲃⲓⲕⲧⲱⲣⲇⲉⲡⲉϫⲁϥⲙⲡⲇⲟⲩⲝ·
ϫⲉⲉϣϫⲉⲙⲡⲓⲥⲱⲧⲙⲛⲥⲁⲡⲁⲉⲓⲱⲧⲙⲛⲡⲣⲣⲟ·ⲉⲩⲡⲁⲣⲁⲕⲁⲗⲉⲓⲙⲙⲟⲓ·ϩⲱⲥⲧⲉⲁⲓⲕⲱⲛⲥⲱⲓⲛⲛⲁϩⲩⲡⲁⲣⲭⲟⲛⲧⲁⲧⲏⲣⲟⲩ·
ⲁⲓⲡⲁⲣⲁⲓⲧⲉⲓⲙⲡⲉⲓⲕⲟⲥⲙⲟⲥⲉⲧⲛⲁⲡⲁⲣⲁⲅⲉ·ⲕⲁⲧⲁⲧϩⲉⲉⲧⲥⲏϩ·
ϫⲉⲡⲣⲱⲙⲉⲛⲁⲙⲟⲩ·ⲛⲧⲉϩⲉⲛϫⲁⲧϥⲉⲙⲛϩⲉⲛϥⲛⲧⲕⲗⲏⲣⲟⲛⲟⲙⲉⲓⲙⲙⲟϥ·
ⲁϥϭⲱⲛⲧⲇⲉⲛϭⲓⲡⲇⲟⲩⲝ·ⲁϥⲕⲉⲗⲉⲩⲉⲉⲧⲣⲉⲩⲛⲟϫϥⲉⲡⲉⲙⲧⲱⲕⲛⲧⲥⲓⲟⲟⲩⲛⲙⲡⲇⲏⲙⲟⲥⲓⲟⲛⲛⲣⲁⲕⲟⲧⲉ·ⲉϥⲥⲟⲛϩⲉⲧⲟⲟⲧϥⲙⲛⲣⲁⲧϥ·ⲉϥϫⲓⲡⲉⲛⲓⲡⲉⲉⲛⲉϥϭⲓϫⲙⲛⲛⲉϥⲟⲩⲣⲏⲏⲧⲉⲁⲩⲱⲉⲣⲉⲟⲩⲭⲁⲙⲱⲥϩⲛⲣⲱϥ·
ⲛⲣⲱⲙⲉⲇⲉⲛⲧⲡⲟⲗⲓⲥⲛⲉⲩⲣⲓⲙⲉⲛⲥⲱϥ·ⲛϩⲟⲟⲩⲙⲛⲛⲉϩⲓⲟⲙⲉϫⲉⲛⲉⲟⲩϣⲏⲣⲉϣⲏⲙⲡⲉ·ⲉⲩϫⲱⲙⲙⲟⲥ
ϫⲉⲟⲩⲟⲉⲓⲙⲡⲉⲓⲧⲁⲗⲁⲓⲡⲱⲣⲟⲥ·ϫⲉⲉⲣⲉⲡⲉϥⲥⲱⲙⲁⲛⲁⲁⲛϩⲁⲗⲓⲥⲕⲉϩⲙⲡⲕⲱϩⲧ·ϩⲁⲙⲟⲓⲉⲛⲉⲛⲧⲁϥⲑⲩⲥⲓⲁⲍⲉ·
ⲁⲡⲁⲃⲓⲕⲧⲱⲣⲇⲉⲁϥⲁϩⲉⲣⲁⲧϥⲁϥϣⲗⲏⲗⲛⲧⲙⲏⲧⲉⲙⲡⲕⲱϩⲧⲉϥϫⲱⲙⲙⲟⲥ
ϫⲉϯⲧⲱⲃϩⲙⲙⲟⲕⲡⲁϫⲟⲉⲓⲥ'ⲓⲏⲥⲟⲩⲥⲡⲉⲭⲣⲓⲥⲧⲟⲥⲉⲧⲣⲉⲕϣⲱⲡⲉⲛⲁⲓⲛⲃⲟⲏⲑⲱⲥ·ⲛⲅϯⲧⲟⲟⲧϩⲛⲛⲁⲑⲗⲓⲯⲓⲥⲧⲏⲣⲟⲩ·ϫⲉⲁⲛⲅⲟⲩⲧⲁⲗⲁⲓⲡⲱⲣⲟⲥⲛⲁⲧⲣⲱⲙⲉ·ϫⲉⲕⲁⲥⲉⲣⲉⲧⲉⲓⲡⲟⲗⲓⲥⲧⲏⲣⲥⲛⲁⲉⲓⲙⲉϫⲉⲙⲛⲕⲉⲛⲟⲩⲧⲉⲛⲥⲁⲃⲗⲗⲁⲕⲟⲩⲁⲁⲕ
ϩⲛⲧⲉⲩⲛⲟⲩⲇⲉⲉⲧⲙⲙⲁⲩ·ⲁϥⲉⲓⲉⲃⲟⲗϩⲛⲧⲡⲉⲛϭⲓⲙⲓⲭⲁⲏⲗⲡⲁⲣⲭⲁⲅⲅⲉⲗⲟⲥⲉⲧⲟⲩⲁⲁⲃ·
ⲁϥⲃⲱⲕⲉϩⲟⲩⲛⲉⲡⲙⲧⲱⲕⲛⲧⲥⲓⲟⲟⲩⲛ·
ⲁϥⲡⲱⲣϣϩⲁⲣⲟϥⲛⲁⲡⲁⲃⲓⲕⲧⲱⲣⲛⲧⲉϥⲥⲧⲟⲗⲏⲉⲧⲟⲩⲁⲁⲃ·
ⲁⲩⲱⲁϥⲧⲣⲉⲡϣⲁϩⲙⲡⲕⲱϩⲧϣⲱⲡⲉⲛⲧϩⲉⲛⲟⲩⲧⲏⲩⲙⲡⲛⲁⲩⲛϣⲱⲣⲡ·ⲁⲩⲱⲁϥⲧⲁⲗⲟϥⲉϫⲛⲛⲉϥⲧⲛϩⲛⲟⲩⲟⲉⲓⲛ·ⲛⲉⲣⲉⲡⲧⲛϩⲉⲓⲣⲉⲛⲟⲩⲥⲧⲉⲓⲱϩⲉ·
ⲁⲩⲱⲁⲙⲓⲭⲁⲏⲗⲃⲱⲗⲉⲃⲟⲗⲛⲙⲡⲉⲛⲓⲡⲉⲉⲧⲙⲏⲣⲉⲛⲉϥϭⲓϫⲙⲛⲛⲉϥⲟⲩⲣⲏⲏⲧⲉ·
ⲁⲩϭⲱⲉⲩϣⲁϫⲉⲙⲛⲛⲉⲩⲉⲣⲏⲩϩⲛⲙⲙⲩⲥⲧⲏⲣⲓⲟⲛⲛⲧⲙⲛⲧⲣⲣⲟⲛⲙⲡⲏⲩⲉⲙⲛⲧⲡⲟⲗⲓⲥⲛⲛⲇⲓⲕⲁⲓⲟⲥ·
ⲙⲛⲛⲥⲱⲥⲡⲉϫⲉⲡⲇⲟⲩⲝⲙⲡⲉϥⲥⲩⲛⲕⲁⲑⲉⲇⲣⲟⲥⲙⲛⲛⲣⲙⲣⲁⲕⲟⲧⲉ
ϫⲉⲁⲧⲉⲧⲛⲉⲓⲙⲉⲱⲛⲁⲗⲉⲝⲁⲛⲇⲣⲉⲩⲥϫⲉⲙⲡⲉⲓⲏⲥⲟⲩⲥⲉϣⲛⲁϩⲙⲉϥⲉⲃⲟⲗϩⲛⲛⲁϭⲓϫ·ⲉⲃⲟⲗϫⲉⲙⲛⲛⲟⲩⲧⲉⲛⲥⲁⲁⲡⲟⲗⲗⲱⲛⲙⲛⲧⲁⲣⲧⲉⲙⲓⲥ·
ⲡⲇⲟⲩⲝⲇⲉⲁϥⲕⲁⲁϥⲕⲁϩⲏⲩϫⲉⲉϥⲛⲁⲃⲱⲕⲉϩⲟⲩⲛⲉⲧⲥⲓⲟⲟⲩⲛⲛϥϫⲱⲕⲙ·ⲁⲩⲱⲁⲙⲓⲭⲁⲏⲗⲧⲱⲟⲩⲛⲉϩⲣⲁⲓⲛⲛⲉⲡⲗⲁⲝⲛⲧⲥⲓⲟⲟⲩⲛ·ⲁϥⲛⲉϫⲁⲡⲁⲃⲓⲕⲧⲱⲣⲉϩⲣⲁⲓ·
ⲉϥⲛⲏⲩⲇⲉⲉϩⲟⲩⲛⲛϭⲓⲡϩⲏⲅⲉⲙⲱⲛⲉϥⲱϣⲉⲃⲟⲗⲉϥϫⲱⲙⲙⲟⲥ·
ϫⲉⲁⲕϫⲓϣⲓⲡⲉⲙⲡϩⲟⲟⲩⲱⲁⲡⲁⲃⲓⲕⲧⲱⲣ·ⲙⲛⲡⲉⲕⲛⲟⲩⲧⲉⲉⲧⲕⲕⲱⲛϩⲏⲧⲕⲉⲣⲟϥ·
ⲁⲡⲁⲃⲓⲕⲧⲱⲣⲇⲉⲡⲉϫⲁϥⲙⲡⲇⲟⲩⲝ·
ϫⲉⲱⲡⲁⲛⲟⲙⲟⲥⲉⲧⲃⲉⲟⲩⲕⲛⲟϭⲛⲉϭⲙⲡⲁⲛⲟⲩⲧⲉ·ⲉⲕⲙⲉⲉⲩⲉϫⲉⲉϥⲧⲱⲛⲉⲡⲉⲕⲁⲡⲟⲗⲗⲱⲛ·ⲉⲕϫⲱⲙⲙⲟⲥ·ϫⲉⲑⲩⲥⲓⲁⲍⲉⲛϩⲉⲛⲛⲟⲩⲧⲉⲛⲁⲧⲕⲓⲙ·
ⲁⲕⲟⲩⲱⲅⲁⲣⲉⲕⲉⲓⲙⲉϫⲉⲟⲩⲛϭⲟⲙⲙⲡⲁⲛⲟⲩⲧⲉⲉⲛⲁϩⲙⲉⲧⲉⲃⲟⲗϩⲛⲛⲉⲕⲃⲁⲥⲁⲛⲟⲥ·
ϩⲁⲣⲙⲉⲛⲓⲟⲥⲇⲉⲡⲓⲕⲟⲙⲉⲥⲡⲉϫⲁϥ·
ϫⲉⲁⲓⲉⲓⲙⲉⲙⲡϩⲟⲟⲩϫⲉⲛⲧⲕⲟⲩⲥⲁϩⲙⲙⲁⲅⲟⲥⲉⲕⲣⲙⲁⲅⲉⲓⲁ·
ⲁϥⲁⲣⲭⲉⲓⲛϭⲓⲡⲇⲟⲩⲝⲉⲉⲓⲉⲃⲟⲗⲛϥϩⲙⲟⲟⲥⲉϫⲙⲡⲉϥϩⲧⲟⲉϯⲁⲡⲟⲫⲁⲥⲓⲥⲉⲣⲟϥⲉⲧⲣⲉⲩϥⲓⲛⲧⲉϥⲁⲡⲉ:
ⲧⲧⲁⲝⲓⲥⲇⲉⲙⲛⲛⲣⲙⲣⲁⲕⲟⲧⲉ·ⲁⲩⲡⲁⲣⲁⲕⲁⲗⲉⲙⲡⲇⲟⲩⲝϫⲉⲛⲛⲉϥⲙⲟⲟⲩⲧϥϩⲛⲧⲉⲩⲡⲟⲗⲓⲥ·
ⲙⲏⲡⲟⲧⲉⲛⲧⲉⲡⲉϥⲉⲓⲱⲧⲧⲁⲕⲉⲧⲡⲟⲗⲓⲥⲧⲏⲣⲥⲉⲧⲃⲏⲏⲧϥ·
ϫⲉⲟⲩⲛⲟϭⲛⲥⲧⲣⲁⲧⲏⲗⲁⲧⲏⲥⲡⲉ·ⲁⲗⲗⲁⲉⲝⲱⲣⲓⲍⲉⲙⲙⲟϥⲉⲣⲏⲥⲉⲕⲏⲙⲉⲛⲥⲉⲙⲟⲟⲩⲧϥϩⲙⲡⲙⲁⲉⲧⲙⲙⲁⲩ·
ⲧⲟⲧⲉⲁϥⲙⲉⲕⲙⲟⲩⲕϥⲉϥϫⲱⲙⲙⲟⲥ·
ϫⲉⲉⲓⲛⲁϯϩⲏⲩⲛⲟⲩⲛⲧⲁⲉⲭⲑⲣⲟⲥⲉⲡⲉϥⲉⲓⲱⲧ·
ⲧⲟⲧⲉⲡⲇⲟⲩⲝ·ⲁϥϫⲓⲛⲟⲩⲭⲁⲣⲧⲏⲥ·ⲁϥⲥϩⲁⲓⲉⲣⲟϥⲛⲧⲉⲓϩⲉ·
ϫⲉⲁⲛⲟⲕⲡⲉϩⲁⲣⲙⲉⲛⲓⲟⲥⲡⲇⲟⲩⲝⲛⲣⲁⲕⲟⲧⲉ·ⲉϥⲥϩⲁⲓⲛⲉⲩⲧⲩⲭⲓⲁⲛⲟⲥⲡⲕⲱⲙⲉⲥⲛⲑⲏⲃⲁⲓⲥ:—
ϫⲉϩⲛⲧⲉⲩⲛⲟⲩⲉⲧⲟⲩⲛⲁⲉⲓⲛⲉⲛⲁⲕⲙⲡⲉⲓⲁⲛϩⲟⲥⲓⲟⲥⲛⲉⲝⲟⲣⲓⲥⲙⲉⲛⲟⲥϫⲉⲃⲓⲕⲧⲱⲣ·
ⲉⲝⲉⲧⲁⲍⲉⲙⲙⲟϥⲕⲁⲗⲱⲥ·ⲏⲛϥⲑⲩⲥⲓⲁⲍⲉ·ⲏⲛⲅⲙⲟⲟⲩⲧⲙⲙⲟϥ·ⲕⲁⲧⲁⲡⲉⲡⲣⲟⲥⲧⲁⲅⲙⲁⲙⲡⲉⲛϫⲟⲉⲓⲥⲡⲣⲣⲟ·
ⲧⲟⲧⲉⲁϥⲧⲁⲁϥⲉⲧⲟⲟⲧⲟⲩⲛϩⲉⲛⲙⲁⲧⲟⲓⲉⲧⲣⲉⲩϫⲓⲧϥⲉⲣⲏⲥⲉⲑⲏⲃⲁⲓⲥⲉⲣⲁⲧϥⲛⲉⲩⲧⲩⲭⲓⲁⲛⲟⲥⲡⲇⲟⲩⲝⲛⲑⲏⲃⲁⲓⲥ:—
ⲧⲙⲉϩϣⲟⲙⲧⲉ·ⲅ·ⲙⲙⲁⲣⲧⲩⲣⲓⲁⲙⲡϩⲁⲅⲓⲟⲥⲁⲡⲁⲃⲓⲕⲧⲱⲣ·ϩⲛⲟⲩⲉⲓⲣⲏⲛⲏⲛⲧⲉⲡⲛⲟⲩⲧⲉϩⲁⲙⲏⲛ·—
ϩⲣⲁⲓⲇⲉϩⲛⲥⲟⲩϫⲟⲩⲱⲧⲙⲫⲁⲣⲙⲟⲩⲧⲉ·ⲁⲩⲉⲝⲱⲣⲓⲍⲉⲙⲡⲙⲁⲕⲁⲣⲓⲟⲥⲁⲡⲁⲃⲓⲕⲧⲱⲣ·
ⲁⲩⲉⲛⲧϥⲉⲣⲏⲥ·ⲙⲙⲏⲧⲛϩⲟⲟⲩϩⲓⲧⲛϥⲧⲟⲟⲩⲙⲙⲁⲥⲙⲁⲧⲟⲓ·
ⲉⲣⲉⲟⲩⲕⲟⲗⲗⲁⲣⲓⲟⲛϩⲙⲡⲉϥⲙⲁⲕϩ·ⲉⲣⲉⲟⲩϩⲁⲗⲉⲥⲓⲥϩⲛⲛⲉϥϭⲓϫ·ⲉⲣⲉⲟⲩⲡⲁⲓⲇⲁⲓⲥϩⲛⲛⲉϥⲟⲩⲣⲏⲏⲧⲉ·ⲁϥⲁⲇⲱⲛⲉⲓϩⲓⲧⲛⲛⲃⲁⲥⲁⲛⲟⲥ·
ⲙⲙⲁⲧⲟⲓⲇⲉⲛⲧⲉⲣⲟⲩⲡⲱϩⲉⲁⲛϯⲛⲱⲟⲩ·ⲁⲩⲙⲉⲛⲉⲡϫⲟⲉⲓⲉⲡⲉⲕⲣⲟ·
ⲁⲩϭⲛⲧϥⲙⲡⲉϩⲟⲟⲩⲉⲧⲙⲙⲁⲩⲛⲧⲁⲡϩⲏⲅⲉⲙⲱⲛⲃⲱⲕⲉⲣⲏⲥ·
ⲁⲩⲛⲉϩⲧⲗⲁⲃⲱⲓⲇⲉⲁⲩⲣϩⲱⲧⲉⲣⲏⲥ·
ⲁⲩⲧⲁϩⲉⲡⲕⲟⲙⲉⲥⲉϥⲙⲟⲟⲛⲉⲉⲩⲙⲟⲩⲉⲓϩⲛⲧⲙⲏⲏⲧⲉⲙⲡⲉⲓⲉⲣⲟ·ϫⲉⲛⲉⲙⲛⲧⲏⲩⲛⲃⲟⲗ·
ⲙⲙⲁⲧⲟⲓⲇⲉⲁⲩⲉⲓⲛⲉⲛⲁⲡⲁⲃⲓⲕⲧⲱⲣⲉϩⲣⲁⲓϩⲙⲡⲟⲩⲉⲛⲧⲙⲡϫⲟⲉⲓ·ⲛⲉⲡⲉϥⲙⲛⲧⲥⲛⲟⲟⲩⲛϩⲟⲟⲩⲡⲉⲙⲡϥⲟⲩⲱⲙⲟⲩⲇⲉⲙⲡⲉϥⲥⲱ·
ⲁⲩⲡⲁⲣⲁⲇⲓⲇⲟⲩⲙⲙⲟϥⲛⲉⲩⲧⲩⲭⲓⲁⲛⲟⲥⲡⲇⲟⲩⲝ·
ⲁⲩϯⲛⲁϥⲛⲧⲁⲛⲁⲫⲟⲣⲁ·ⲕⲁⲧⲁⲧϩⲉⲛⲧⲁϥⲕⲉⲗⲉⲩⲉⲙⲙⲟⲥⲛϭⲓⲡⲕⲟⲙⲉⲥⲛⲣⲁⲕⲟⲧⲉ·
ⲁⲡⲁⲃⲓⲕⲧⲱⲣⲇⲉⲡⲉϫⲁϥϩⲙⲡⲉϥϩⲏⲧ·
ϫⲉⲟⲩⲟⲛⲡⲉⲧⲉⲣⲉⲡⲉⲓⲁⲛⲟⲙⲟⲥⲛⲁⲁⲁϥϥⲛⲁⲓ·ⲭⲱⲣⲓⲥⲛⲉⲧϩⲙⲡⲁⲥⲱⲙⲁ:—
ⲧⲟⲧⲉⲁϥⲕⲉⲗⲉⲩⲉⲉⲧⲣⲉⲩⲙⲟⲟⲛⲉⲉⲡⲉⲕⲣⲟ·ⲛⲥⲉⲥⲙⲓⲛⲉⲙⲡⲃⲏⲙⲁϩⲙⲡⲙⲁⲉⲧⲙⲙⲁⲩ·
ϩⲧⲟⲟⲩⲉⲇⲉⲛⲧⲉⲣⲉϥϣⲱⲡⲉ·ⲁⲩⲧⲁⲙⲓⲟⲡⲃⲏⲙⲁ·
ⲁⲡⲁⲃⲓⲕⲧⲱⲣⲇⲉⲁϥⲣⲧⲉⲩϣⲏⲧⲏⲣⲥⲙⲡⲉⲥⲏⲧⲙⲡⲟⲩⲉⲛⲧⲙⲡϫⲟⲉⲓ·ⲉϥⲥⲙⲟⲩⲉⲡⲛⲟⲩⲧⲉⲉϥϫⲱⲙⲙⲟⲥ·
ϫⲉⲕⲥⲙⲁⲙⲁⲁⲧⲡⲣⲣⲟⲛⲛⲁⲓⲱⲛⲧⲏⲣⲟⲩ·ⲡⲉⲓⲱⲧⲡⲡⲁⲛⲧⲟⲕⲣⲁⲧⲱⲣⲙⲛⲡⲉⲕⲙⲟⲛⲟⲅⲉⲛⲏⲥⲛϣⲏⲣⲉⲓⲏⲥⲟⲩⲥⲡⲉⲭⲣⲓⲥⲧⲟⲥⲡⲉⲛϫⲟⲉⲓⲥ·ⲡⲁⲓⲉⲧⲛⲟⲩϩⲙⲙⲙⲟⲓϩⲙⲙⲁⲛⲓⲙⲉⲧⲟⲩⲛⲁϫⲓⲧⲉⲣⲟϥ·
ⲉⲕⲉⲁϩⲉⲣⲁⲧⲕⲛⲙⲙⲁⲓⲟⲛ·ⲛⲅϣⲱⲡⲉⲛⲙⲙⲁⲓ·ⲙⲡⲙⲧⲟⲉⲃⲟⲗⲙⲡⲉⲓⲁⲛⲟⲙⲟⲥ·
ⲧⲟⲧⲉⲁϥⲕⲉⲗⲉⲩⲉⲛϭⲓⲉⲩⲧⲩⲭⲓⲁⲛⲟⲥ·ⲉⲧⲣⲉⲩⲉⲓⲛⲉⲙⲙⲟϥⲉⲡⲉⲕⲣⲟ·ⲁⲩⲱⲡⲉϫⲁϥⲛⲁϥ·
ϫⲉⲛⲧⲟⲕⲡⲉⲃⲓⲕⲧⲱⲣⲡⲙⲁⲅⲟⲥ·
ⲧⲉⲛⲟⲩϭⲉⲉⲕⲣⲙⲁⲅⲉⲓⲁϩⲛⲟⲩⲙⲁⲧⲁⲙⲟⲓ·ⲙⲡⲁⲧⲓϩⲩⲃⲣⲓⲍⲉⲙⲙⲟⲕⲛⲅⲙⲟⲩ·
ⲁϥⲟⲩⲱϣⲃⲛϭⲓⲁⲡⲁⲃⲓⲕⲧⲱⲣⲡⲉϫⲁϥⲙⲡⲇⲟⲩⲝ·
ϫⲉⲁⲛⲅⲟⲩⲙⲁⲅⲟⲥⲁⲛ·ⲟⲩⲇⲉⲛⲧⲁⲩϫⲡⲟⲓⲁⲛⲉⲡⲉⲓϩⲱⲃ·ⲁⲗⲗⲁⲁⲛⲅⲟⲩϩⲙϩⲁⲗⲙⲡⲉⲭⲣⲓⲥⲧⲟⲥⲓⲏⲥⲟⲩⲥ·ⲡⲁⲓⲉⲧⲛⲟⲩϩⲙⲙⲙⲟⲓϩⲛⲛⲁⲑⲗⲓⲯⲓⲥⲧⲏⲣⲟⲩ·
ⲉⲩⲧⲩⲭⲓⲁⲛⲟⲥⲇⲉⲡⲉϫⲁϥⲛⲁϥ·
ϫⲉⲉⲧⲃⲉⲟⲩⲣⲱⲙⲡⲉⲕⲑⲩⲥⲓⲁⲍⲉⲙⲡⲁⲧⲕⲃⲱⲕϩⲛⲛⲉⲓⲃⲁⲍⲁⲛⲟⲥ·
ⲗⲟⲓⲡⲟⲛⲧⲉⲛⲟⲩⲁⲙⲟⲩⲛⲅⲑⲩⲥⲓⲁⲍⲉ·ⲙⲛⲣⲱⲙⲉⲙⲡⲉⲓⲙⲁϫⲉⲉⲩⲛⲁⲛⲁⲩⲉⲣⲟⲕ·
ⲁϥⲟⲩⲱϣⲃⲛϭⲓⲁⲡⲁⲃⲓⲕⲧⲱⲣ·
ϫⲉⲟⲩⲕⲟⲩⲛⲛⲧⲁⲓⲣϩⲟⲧⲉϩⲏⲧϥⲛⲣⲱⲙⲉⲙⲡⲓⲑⲩⲥⲓⲁⲍⲉ·ⲁⲗⲗⲁⲛⲧⲁⲓⲣϩⲟⲧⲉϩⲏⲧϥⲙⲡⲁϫⲟⲉⲓⲥⲓⲏⲥⲟⲩⲥⲡⲉⲭⲣⲓⲥⲧⲟⲥ·
ϥⲥⲏϩⲅⲁⲣϫⲉⲙⲡⲣⲣϩⲟⲧⲉϩⲏⲧⲟⲩⲛⲛⲉⲧⲛⲁⲙⲟⲟⲩⲧⲙⲡⲉⲧⲛⲥⲱⲙⲁϩⲓϫⲙⲡⲕⲁϩ·ⲉⲙⲛⲧⲟⲩϩⲟⲩⲟⲉⲡⲁⲓⲉⲁⲁϥⲛⲏⲧⲛ·ⲁⲗⲗⲁⲁⲣⲓϩⲟⲧⲉϩⲏⲧϥⲙⲡⲉⲧⲉⲟⲩⲛϭⲟⲙⲙⲙⲟϥⲉⲧⲁⲕⲟⲛⲧⲉⲧⲛⲯⲩⲭⲏⲙⲛⲡⲉⲧⲛⲥⲱⲙⲁϩⲣⲁⲓϩⲛⲧⲅⲉϩⲉⲛⲛⲁ·
ⲡⲇⲟⲩⲝⲇⲉⲡⲉϫⲁϥ·
ϫⲉⲛⲧⲁⲕⲉⲓⲉⲡⲉⲓⲙⲁⲉⲡⲉⲓⲑⲉⲙⲙⲟⲛϩⲛⲟⲩϩⲟⲙⲉⲗⲓⲁⲉⲥϣⲟⲩⲉⲓⲧ:—
ⲉⲕϣⲁⲛⲧⲟⲗⲙⲁⲛⲕⲉⲥⲟⲡⲉϣⲁϫⲉⲙⲡⲁⲙⲧⲟⲉⲃⲟⲗ·ϯⲛⲁⲧⲣⲉⲩⲥⲱⲗⲡⲙⲡⲉⲕⲗⲁⲥ·
ⲛⲥⲁⲃⲏⲗⲅⲁⲣⲉⲧⲃⲉⲡⲉⲕⲉⲓⲱⲧ·ⲛⲉⲓⲛⲁⲁⲛⲉⲭⲉⲛⲁⲕⲁⲛⲡⲉ·ⲛⲥⲁⲗⲓⲥⲧⲏⲥⲅⲁⲣϩⲓϣⲁⲗⲣⲡⲉⲙⲉⲩⲛⲉϫⲗⲁⲁⲩⲉⲡⲉⲙⲧⲱⲕⲛⲧⲥⲓⲟⲟⲩⲛ·ⲉⲡⲉⲓⲇⲏⲕⲙⲡϣⲁⲙⲡⲙⲟⲩ·
ⲁⲩⲭⲣⲱⲛⲁⲕⲛⲛⲁⲓ·
ϥⲕⲉⲗⲉⲩⲉⲛϭⲓⲡⲇⲟⲩⲝⲉⲧⲣⲉⲩⲉⲓⲛⲉⲛⲛⲉϥϭⲓϫϩⲓⲡⲁϩⲟⲩⲙⲙⲟϥ·
ⲁⲩⲥⲱⲗⲡⲙⲡⲉϥⲗⲁⲥⲙⲛϩⲧⲏⲩⲛⲛⲉϥⲥⲡⲟⲧⲟⲩ·ⲁⲩⲱⲁϥⲧⲣⲉⲩⲉⲓⲛⲉⲉⲃⲟⲗⲛⲛⲉϥⲁⲛⲁⲅⲕⲁⲓⲟⲛ·ⲛⲥⲉⲡⲉϩⲧⲛⲉϩⲉⲡⲉⲥⲏⲧⲉⲣⲟⲟⲩⲉϥⲃⲣⲃⲣ·
ⲁⲩⲱⲁϥⲧⲣⲉⲩⲛⲟⲩϫⲉⲉⲣⲟⲟⲩⲛϩⲉⲛⲥⲁϩϥⲙⲡⲉⲛⲓⲡⲉ·ⲙⲛϩⲉⲛⲕⲟⲟⲩⲉⲉⲩⲗⲟⲃϣⲛⲕⲱϩⲧ·ⲁϥⲧⲁⲁⲩⲉϩⲟⲩⲛⲉⲛⲉϥⲙⲁⲁϫⲉ·ⲁⲩϩⲱⲧⲉⲙⲙⲟⲟⲩⲛϩⲏⲧⲟⲩ:—
ϩⲱⲥⲧⲉⲛϥⲛⲉϩⲥⲉⲛϭⲓⲟⲩⲕⲁⲡⲛⲟⲥϩⲛⲧⲙⲏⲏⲧⲉⲙⲡⲉϥⲁⲛⲕⲉⲫⲁⲗⲟⲥ·ⲁⲩⲱⲁϥⲧⲣⲉⲩϩⲱⲧⲉⲛⲛⲥⲏⲃⲉⲛⲣⲁⲧϥ·ⲙⲛⲡϣⲁⲣⲛⲧⲉϥⲁⲡⲉ·
ⲁⲩⲱⲁϥⲧⲣⲉⲩⲡⲱⲣϣϩⲁⲣⲟϥⲛϩⲉⲛϫⲃⲃⲥⲛⲕⲱϩⲧ·ⲁϥⲧⲣⲉⲩⲉⲓⲛⲉⲟⲛⲛϩⲉⲛⲕⲱϩⲧ·ⲛⲥⲉⲛⲟⲩϫⲉⲙⲙⲟⲟⲩϩⲁⲡⲉϥⲥⲱⲙⲁ·
ⲡⲇⲟⲩⲝⲇⲉⲡⲉϫⲁϥⲛⲁϥ·
ϫⲉⲕⲛⲁⲑⲩⲥⲓⲁⲍⲉϫⲓⲛⲙⲙⲟⲛ·
ϯⲛⲁⲙⲟⲟⲩⲧⲙⲙⲟⲕϩⲛϩⲉⲛⲃⲁⲥⲁⲛⲟⲥⲉⲩⲛⲁϣⲧ·
ⲁⲩⲱⲁϥⲧⲣⲉⲩⲉⲓⲛⲉⲛϩⲉⲛⲕⲣⲁⲩⲗⲁⲉⲩⲙⲉϩⲛⲗⲁⲙϫⲁⲧⲉϥⲃⲣⲃⲣ·ⲁⲩⲡⲁϩⲧⲟⲩⲉⲡⲉⲥⲏⲧϩⲛⲧⲉϥϣⲟⲩⲱⲃⲉ·
ⲡⲉϫⲉⲡⲇⲟⲩⲝⲛⲁϥ
ϫⲉⲕⲛⲁⲑⲩⲥⲓⲁⲍⲉϫⲓⲛⲙⲙⲟⲛ·
ⲕⲛⲁⲙⲟⲩϩⲛⲛⲃⲁⲥⲁⲛⲟⲥ·
ϥⲟⲩⲱϣⲃⲛϭⲓⲡⲙⲁⲕⲁⲣⲓⲟⲥ·ⲁⲡⲁⲃⲓⲕⲧⲱⲣⲡⲉϫⲁϥⲛⲁϥⲙⲡⲇⲟⲩⲝ·
ϫⲉⲟⲩⲟⲉⲓⲛⲁⲕⲱⲡⲇⲟⲩⲝ·
ϫⲉⲁⲕⲁⲣⲛⲁⲙⲡⲛⲟⲩⲧⲉⲉⲧⲃⲉϩⲉⲛⲙⲟⲩⲛⲅⲛϭⲓϫⲥⲉⲛⲁⲕⲟⲗⲁⲍⲉⲙⲙⲟⲕⲙⲛⲛⲉⲕⲣⲣⲱⲟⲩϩⲛϩⲉⲛⲕⲟⲗⲁⲥⲓⲥⲉⲩⲛⲁϣⲧ·
ⲁϥϭⲱⲛⲧⲇⲉⲛϭⲓⲉⲩⲧⲩⲭⲓⲁⲛⲟⲥ·ϫⲉⲁϥϫⲓⲟⲩⲃⲁⲉⲡⲣⲣⲟⲙⲛⲛⲛⲟⲩⲧⲉ·
ⲡⲉϫⲁϥⲛⲁϥϫⲉⲉϣϫⲉⲕⲛⲁⲑⲩⲥⲓⲁⲍⲉⲁⲛ·ⲁⲩⲱⲁⲕϩⲩⲃⲣⲓⲍⲉⲙⲡⲇⲓⲕⲁⲥⲧⲏⲣⲓⲟⲛ·
ⲁⲡⲟⲗⲁⲩⲉⲙⲙⲟⲕϩⲛⲧⲉⲕⲝⲱⲣⲓⲥⲧⲓⲁϣⲁⲛⲧⲉⲕⲙⲟⲩ·
ⲁϥⲟⲩⲱϣⲃⲛϭⲓⲉⲡⲓⲫⲁⲛⲓⲟⲥⲡⲛⲟⲩⲙⲉⲣⲁⲣⲓⲟⲥ·
ϫⲉⲥⲱⲧⲙⲉⲣⲟⲓⲛⲧⲁϫⲱⲛⲁⲕⲙⲡⲉⲓϣⲁϫⲉⲡⲁϫⲟⲉⲓⲥⲡⲕⲟⲙⲉⲥ·
ⲉⲓⲥⲟⲩⲕⲁⲥⲧⲣⲟⲛⲥⲁⲣⲏⲥⲙⲙⲟⲛⲉϥϣⲏϥ·ⲉⲙⲛⲗⲁⲁⲩⲛⲣⲱⲙⲉⲛϩⲏⲧϥ·
ⲉⲓⲥⲁⲙⲛⲧⲏⲛⲣⲟⲙⲡⲉϫⲓⲛⲧⲁⲓⲣⲙⲁⲧⲟⲓ·ⲙⲡⲉⲓⲛⲁⲩⲉⲣⲱⲙⲉⲛϩⲏⲧϥ·
ⲧⲉⲛⲟⲩϭⲉⲉⲝⲱⲣⲓⲍⲉⲙⲙⲟϥⲉⲡⲙⲁⲉⲧⲙⲙⲁⲩϣⲁⲛⲧϥⲙⲟⲩ·
ⲁϥⲕⲉⲗⲉⲩⲉⲛϭⲓⲡⲕⲟⲙⲉⲥⲛⲑⲏⲃⲁⲓⲥ·ⲛⲟⲩⲁⲡⲟⲫⲁⲥⲓⲥⲉϥϫⲱⲙⲙⲟⲥⲛⲧⲉⲓϩⲉ·
ϫⲉⲁⲛⲟⲕⲉⲩⲧⲩⲭⲓⲁⲛⲟⲥ·ϯⲕⲉⲗⲉⲩⲉⲉⲧⲣⲉⲩϫⲓⲙⲡⲉⲓⲁⲛϩⲟⲥⲓⲟⲥϫⲉⲃⲓⲕⲧⲱⲣ·ⲉⲡⲕⲁⲥⲧⲣⲟⲛⲛϩⲓⲉⲣⲁⲕⲓⲟⲛ·ⲛⲥⲉⲕⲁⲁϥϩⲙⲡⲙⲁⲉⲧⲙⲙⲁⲩϣⲁⲛⲧϥⲙⲟⲩ·
ⲛⲧⲉⲩⲛⲟⲩⲁϥⲧⲟⲟⲩⲙⲙⲁⲧⲟⲓϩⲁⲣⲡⲁⲍⲉⲙⲙⲟϥ·ⲁⲩϫⲓⲧϥⲉⲡⲙⲁⲉⲧⲙⲙⲁⲩ·
ⲡⲅⲉⲛⲛⲁⲓⲟⲥⲇⲉⲁⲡⲁⲃⲓⲕⲧⲱⲣⲛⲉϥⲧⲁϫⲣⲏⲩⲡⲉ·ⲁϥⲁⲡⲟⲗⲟⲅⲓⲍⲉⲛϥⲧⲟⲟⲩⲛⲇⲓⲕⲁⲥⲧⲏⲣⲓⲟⲛϣⲁⲧⲉⲛⲟⲩ·
ⲁⲥϣⲱⲡⲉⲇⲉⲉⲣⲉⲡⲙⲁⲕⲁⲣⲓⲟⲥⲁⲡⲁⲃⲓⲕⲧⲱⲣⲙⲡⲃⲟⲗⲙⲡⲇⲓⲕⲁⲥⲧⲏⲣⲓⲟⲛⲛⲟⲩϩⲟⲟⲩ·ⲁⲡⲇⲓⲁⲃⲟⲗⲟⲥⲉⲓϣⲁⲣⲟϥⲙⲡⲉⲥⲙⲟⲧⲛⲟⲩⲙⲁⲧⲟⲓ·ⲡⲉϫⲁϥⲛⲁϥ
ϫⲉⲭⲁⲓⲣⲉⲁⲡⲁⲃⲓⲕⲧⲱⲣ·
ⲁⲛⲅⲟⲩⲙⲁⲧⲟⲓⲛⲧⲉⲡⲡⲁⲗⲗⲁϯⲟⲛⲙⲡⲣⲣⲟ·ⲛⲧⲁⲡⲉⲕⲉⲓⲱⲧⲧⲛⲛⲟⲟⲩⲧⲛⲥⲱⲕ·
ϫⲉⲧⲱⲟⲩⲛⲁⲙⲟⲩⲛⲁⲓⲛⲧⲁⲁⲁⲕⲛⲥⲧⲣⲁⲧⲏⲗⲁⲧⲏⲥ·
ⲙⲏⲙⲡⲉⲓϩⲓⲥⲉⲉⲣⲟⲕϫⲉⲁⲙⲟⲩⲛⲧⲁⲁⲁⲕ
ⲙⲡⲉⲕⲥⲱⲧⲙⲛⲥⲱⲓ·
ⲛⲧⲟⲕⲙⲁⲩⲁⲁⲕⲡⲉⲛⲧⲁⲕⲥⲱⲕⲉϫⲱⲕⲛⲛⲉⲓϩⲓⲥⲉ·
ϩⲉⲛⲕⲉⲁⲗⲗⲱⲧⲣⲓⲟⲛⲛⲉⲧⲟⲩⲱⲙⲛⲛⲉⲕⲁⲅⲁⲑⲟⲛ:—
ⲛⲅⲥⲟⲟⲩⲛⲁⲛϫⲉⲛⲧⲕⲟⲩϣⲏⲣⲉⲛⲟⲩⲱⲧ·
ⲁⲛⲉⲕⲉⲓⲟⲧⲉϩⲉⲉⲣⲟⲥϫⲉⲙⲛϣⲏⲣⲉⲛⲥⲱⲟⲩ·
ⲁⲩⲥⲉϩⲛϣⲓⲛⲧⲉⲩϩⲙϩⲁⲗⲛⲁⲩⲛϣⲏⲣⲉ·
ⲛⲧⲉϥⲧⲉⲛⲟⲩⲡⲉⲧⲧⲁⲗⲏⲩⲉⲛⲉϩⲧⲱⲱⲣ·ⲁⲩⲱⲁϥⲁⲁϥⲛⲕⲟⲙⲉⲥⲉⲡⲉⲕⲙⲁ·
ⲛⲉⲕϩⲃⲥⲟⲟⲩⲉⲛⲉϥⲫⲟⲣⲉⲓⲙⲙⲟⲟⲩⲁⲕⲥⲱⲣⲙϩⲱⲱⲕⲛⲧⲉⲕⲯⲩⲭⲏϩⲛϩⲉⲛⲑⲗⲓⲯⲓⲥ·ⲁⲩⲱⲉⲓⲥϩⲏⲏⲧⲉⲕϣⲟⲟⲡϩⲛⲧⲉⲓⲉⲣⲏⲙⲓⲁ·
ⲙⲏⲛⲅⲣϩⲟⲧⲉⲁⲛϫⲉⲛⲛⲉⲛⲥⲟⲟⲛⲉⲉⲓⲉϫⲱⲕⲛⲧⲉⲩϣⲏ·
ⲧⲟⲧⲉⲁϥⲁⲣⲭⲉⲛϭⲓⲡⲇⲓⲁⲃⲟⲗⲟⲥⲉⲉⲓⲛⲉⲉϩⲣⲁⲓⲛⲟⲩⲭⲁⲣⲧⲏⲥ·
ⲁϥⲥⲟⲟⲩⲧⲛⲙⲙⲟϥⲉⲣⲟϥⲡⲉϫⲁϥ·
ϫⲉⲙⲙⲟⲛⲅⲥⲟⲩⲛⲧϭⲓϫⲛⲥϩⲁⲓⲙⲡⲉⲕⲉⲓⲱⲧⲙⲛⲧⲉϥⲥⲫⲣⲁⲅⲓⲥ·

ANNIS Metadata

annotation: Lance Martin, Caroline T. Schroeder, Amir Zeldes
author: unknown
collection: Oriental Manuscripts
Coptic_edition: Budge, 1914
corpus: martyrdom.victor
country: Egypt
document_cts_urn: urn:cts:copticLit:martyrdoms.victor.budge:33-48
entities: automatic
identities: checked
idno: OR. 7022 13a-17a
language: Sahidic Coptic
license: CC-BY 4.0
msItem_title: The Martyrdom of Saint Victor the General
msName: MERC.AS
next: urn:cts:copticLit:martyrdoms.victor.budge:49-66
note: Coptic SCRIPTORIUM's edition includes only Budge's transcription of the manuscript. It is not a diplomatic transcription based on reading and collation of the original manuscript. The translation is Budge's with very slight modifications (e.g., numbers mistranslated.)
objectType: codex
order: 5
origDate: 951
origDate_notAfter: 1000
origDate_notBefore: 0900
origDate_precision: medium
origPlace: St. Mercurius Monastery
pages_from: 25
pages_to: 33
parsing: automatic
paths_manuscripts: 194
paths_works: 537
people: Apollo; Artemis; Devil; Jesus; Michael (archangel)
placeName: Edfu
places: Alexandria; Egypt; Thebaid
previous: urn:cts:copticLit:martyrdoms.victor.budge:23-32
project: Coptic SCRIPTORIUM, Marcion
redundant: no
repository: British Library
segmentation: checked
source: Marcion project, Archive.org
tagging: checked
title: Martyrdom of Victor part 5
translation: E. A. Wallis Budge
Trismegistos: none
version_date: 2024-10-31
version_n: 6.0.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:martyrdoms.victor.budge:33-48. [version number], [date]. https://data.copticscriptorium.org/urn:cts:copticLit:martyrdoms.victor.budge:33-48.

Subsequent citations:

Author, Ancient title (abbreviated) [chapter.verse if available], urn:cts:copticLit:martyrdoms.victor.budge:33-48.

Document Edition: urn:cts:copticLit:martyrdoms.victor.budge:33-48

Work: urn:cts:copticLit:martyrdoms.victor

Text Group: urn:cts:copticLit:martyrdoms

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:martyrdoms.victor.budge:33-48/norm/html

Analytic Visualization HTML: https://data.copticscriptorium.org/urn:cts:copticLit:martyrdoms.victor.budge:33-48/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:martyrdoms.victor.budge:33-48/tei/xml

Paula XML: https://data.copticscriptorium.org/urn:cts:copticLit:martyrdoms.victor.budge:33-48/paula/xml

relANNIS: https://data.copticscriptorium.org/urn:cts:copticLit:martyrdoms.victor.budge:33-48/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:martyrdoms.victor.budge:33-48/annis