Encomium on Victor part 1
normalized analytic TEI ANNIS PAULA Search ANNIS
Next

Normalized Text

ⲟⲩⲉⲅⲕⲱⲙⲓⲟⲛⲉⲁϥⲧⲁⲩⲟϥⲛϭⲓⲡⲡⲁⲧⲣⲓⲁⲣⲭⲏⲥⲉⲧⲧⲁⲓⲏⲩⲁⲩⲱⲡⲇⲓⲇⲁⲥⲕⲁⲗⲱⲥⲛⲁⲡⲉ·ⲁⲡⲁⲕⲉⲗⲉⲥϯⲛⲟⲥⲡⲁⲣⲭⲓⲉⲡⲓⲥⲕⲟⲡⲟⲥⲛⲧⲡⲟⲗⲓⲥϩⲣⲱⲙⲏ·
ⲛⲧⲁϥⲧⲁⲩⲟϥⲇⲉⲉⲡϣⲟⲩϣⲟⲩⲛⲙⲙⲁⲣⲧⲩⲣⲟⲥ·ⲁⲩⲱⲡϥⲁⲓⲕⲗⲟⲙⲛⲁⲙⲉⲙⲡⲉⲭⲣⲓⲥⲧⲟⲥ·ⲡⲡⲁⲣⲑⲉⲛⲟⲥⲉⲧⲟⲩⲁⲁⲃ·ⲡϩⲁⲅⲓⲟⲥⲃⲓⲕⲧⲱⲣⲡⲉⲥⲧⲣⲁⲧⲏⲗⲁⲧⲏⲥ
ⲛⲧⲁϥⲧⲁⲩⲟϥⲇⲉⲉⲡⲉϩⲟⲟⲩⲙⲡⲉϥⲣⲡⲙⲉⲉⲩⲉⲉⲧⲟⲩⲁⲁⲃ·ⲉⲧⲉⲥⲟⲩϫⲟⲩⲧⲥⲁϣϥⲉⲡⲉⲙⲡⲉⲃⲟⲧⲡⲁⲣⲙⲟⲩⲧⲉ·
ⲛⲧⲁϥⲧⲁⲩⲟϥⲇⲉϩⲙⲡⲉϥⲙⲁⲣⲧⲩⲣⲓⲟⲛⲛⲧⲁⲡⲙⲁⲓⲛⲟⲩϯⲛⲣⲣⲟⲕⲟⲧϥⲛⲁϥϩⲛϩⲣⲱⲙⲏ·
ⲁϥϣⲁϫⲉⲇⲉⲟⲛⲉⲧⲃⲉⲡⲧⲱⲃⲥⲛⲧⲉⲯⲩⲭⲏ·ⲉϥⲟⲩⲱⲛϩⲙⲡϩⲱⲃⲉⲃⲟⲗϫⲉⲙⲛⲗⲁⲁⲩⲛⲧⲁϫⲣⲟϩⲙⲡⲃⲓⲟⲥⲙⲡⲣⲱⲙⲉ·ⲛⲥⲁϩⲓⲥⲉϩⲓⲧⲁⲗⲁⲓⲡⲱⲣⲓⲁ·
ⲁϥϣⲁϫⲉⲇⲉⲟⲛⲉⲧⲃⲉⲡⲉⲧⲥⲏϩϩⲙⲡⲁⲡⲟⲥⲧⲟⲗⲟⲥ·ϫⲉⲟⲩϩⲟⲧⲉⲛⲉϩⲉⲉϩⲣⲁⲓⲉⲛϭⲓϫⲙⲡⲛⲟⲩⲧⲉ·ⲁⲩⲱⲉⲧⲃⲉⲧⲛⲟϭⲙⲙⲛⲧⲉⲃⲓⲏⲛⲛⲡⲣⲱⲙⲉ·ⲙⲡⲛⲁⲩⲉⲧϥⲛⲁϯⲙⲡⲉϥⲡⲛⲉⲩⲙⲁⲉⲛϭⲓϫⲙⲡⲛⲟⲩⲧⲉ·
ⲛⲧⲁϥⲧⲁⲩⲉⲡⲉⲓⲉⲅⲕⲱⲙⲓⲟⲛⲇⲉ·ⲉⲣⲉⲡⲣⲣⲟⲟⲩⲁⲗⲉⲛⲧⲓⲁⲛⲟⲥϩⲙⲟⲟⲥϩⲁϩⲧⲏϥⲙⲛⲡⲥⲩⲛⲕⲗⲏⲧⲟⲥⲧⲏⲣⲥ·ⲙⲛⲡⲇⲩⲙⲟⲥⲧⲏⲣϥ·ⲛϩⲟⲟⲩⲧϩⲓⲥϩⲓⲙⲉ·
ⲉⲩⲣϣⲁⲙⲡⲉⲥⲧⲣⲁⲧⲏⲗⲁⲧⲏⲥⲉⲧⲡϩⲁⲅⲓⲟⲥⲃⲓⲕⲧⲱⲣ·ⲙⲁⲗⲗⲟⲛⲇⲉⲛⲉⲩⲣϣⲡⲏⲣⲉⲛⲧⲥⲟⲫⲓⲁⲙⲡϩⲁⲅⲓⲟⲥⲕⲉⲗⲉⲥⲧⲓⲛⲟⲥ·ϩⲛⲟⲩⲉⲓⲣⲏⲛⲏⲛⲧⲉⲡⲛⲟⲩⲧⲉ·
ⲉⲣⲉⲛⲉϥⲥⲙⲟⲩⲉⲧⲟⲩⲁⲁⲃⲛⲁⲉⲓⲉϩⲣⲁⲓⲉϫⲱⲛⲛⲧⲛⲟⲩϫⲁⲓⲧⲏⲣⲛϩⲓⲟⲩⲥⲟⲡϩⲁⲙⲏⲛⲥⲙⲟⲩⲉⲣⲟⲛ:—
ϩⲟⲧⲁⲛⲉⲣϣⲁⲛⲡⲧⲉⲭⲛⲓⲧⲏⲥⲙⲁⲩⲁⲁϥ·ⲁⲩⲱⲡⲣⲉϥⲧⲟⲩϫⲟⲙⲡⲉϥⲡⲗⲁⲥⲙⲁ·ⲁⲩⲱⲡⲁⲛⲁϩⲱⲣⲉⲧⲙⲉϩⲙⲙⲛⲧϣⲁⲛϩⲧⲏϥⲛⲓⲙ·ⲣϩⲛⲁϥϩⲛⲧⲉϥⲙⲛⲧϣⲁⲛϩⲧⲏϥ·ⲣⲡⲙⲉⲉⲩⲉⲙⲡϩⲱⲃⲛⲛⲉϥϭⲓϫ·ⲛϥϯⲛⲁⲩⲛⲧⲉϩⲣⲉⲙⲡⲉⲥⲟⲩⲟⲉⲓϣ·ⲛϥⲟⲩⲱⲛⲉⲧⲉϥϭⲓϫⲉⲧⲙⲉϩⲛⲇⲓⲕⲁⲓⲟⲥⲩⲛⲏⲛⲓⲙ·ⲛϥⲧⲣⲉⲧⲡⲉϣⲟⲩⲟⲛⲟⲩⲙⲟⲩⲛϩⲱⲟⲩϩⲙⲡⲉⲟⲩⲟⲉⲓϣⲉⲧⲉϣϣⲉ·
ⲁⲩⲱⲛⲧⲉⲓϩⲉϣⲁⲣⲉⲛⲥⲱϣⲉⲗⲱⲕⲛⲥⲉϯⲟⲩⲱ·ⲛⲧⲉⲧⲙⲛⲧⲣⲱⲙⲉⲧⲏⲣⲥⲉⲩⲫⲣⲁⲛⲉ·
ⲡⲱⲗⲙⲡⲕⲁϩϩⲛⲟⲩⲙⲟⲩⲛϩⲱⲟⲩϩⲙⲡⲉϥⲥⲏⲩ·
ⲁⲩⲱϣⲁⲣⲉⲡⲟⲩⲟⲉⲓⲏⲡⲱϩⲙⲡⲉⲧⲗⲟⲙⲛⲧⲥⲱϣⲉϩⲙⲡϩⲃⲃⲉ·ⲛⲥⲉⲛⲟⲩϫⲉⲉⲣⲟϥⲙⲡⲉϭⲣⲟϭⲙⲡⲥⲏⲩⲛⲧⲕⲁⲧⲁⲥⲡⲟⲣⲁ·ⲛⲥⲁⲣⲭⲉⲓⲛϯⲟⲩⲱⲉϩⲣⲁⲓⲛϩⲉⲛϭⲣⲟϭⲛϫⲱⲕⲁⲧⲁⲅⲉⲛⲟⲥ·
ⲁⲩⲱϣⲁⲣⲉⲟⲩⲛⲟϭⲛⲧⲉⲯⲓⲥϣⲱⲡⲉⲛⲟⲩⲟⲛⲛⲓⲙ·
ϩⲱⲥⲉⲩⲁⲡⲟⲗⲁⲩⲉⲛⲧⲉⲩⲧⲣⲟⲫⲏ·ⲙⲛⲧⲉⲩϭⲓⲛⲱⲛϩⲛⲥⲱⲙⲁϯⲕⲟⲛ·ϣⲁϩⲣⲁⲓⲉⲛⲕⲉⲧⲃⲛⲟⲟⲩⲉⲛⲧⲥⲱϣⲉ·ϣⲁⲩⲥⲕⲓⲣⲧⲁⲛⲥⲉϫⲓϥⲟϭⲥ·ϩⲙⲡⲧⲣⲉⲩⲟⲩⲱⲙⲉⲃⲟⲗϩⲙⲡⲉⲭⲟⲣⲧⲟⲥⲙⲡⲕⲁⲓⲣⲱⲥⲙⲡⲕⲁⲧⲁⲥⲡⲟⲣⲁ·
ⲁⲩⲱϣⲁⲣⲉⲛⲟⲩⲟⲓⲉⲩⲫⲣⲁⲛⲉⲕⲁⲗⲱⲥ·ϩⲱⲥⲉⲩⲑⲁⲣⲉⲓⲉⲙⲉϩⲡⲉⲩⲇⲏⲙⲟⲥⲓⲟⲛϩⲛⲛⲉⲩⲉⲓⲟϩⲉ·
ⲉϣϫⲉϣⲁⲣⲉⲟⲩⲣⲁϣⲉⲛⲧⲉⲓϩⲉϣⲱⲡⲉⲉⲧⲃⲉⲟⲩⲧⲣⲟⲫⲏⲛⲥⲱⲙⲁϯⲕⲟⲛ·ⲉⲓⲉⲟⲩⲏⲣϩⲱⲱϥⲡⲉⲡⲣⲁϣⲉⲙⲡϩⲟⲟⲩ·ⲱⲡⲟⲟϩⲉⲛⲛⲉⲥⲟⲟⲩⲛⲗⲟⲅⲓⲕⲟⲛ·ⲁⲩⲱⲡⲗⲁⲟⲥⲉⲧⲥⲙⲁⲙⲁⲁⲧⲛⲛⲉⲭⲣⲓⲥⲧⲓⲁⲛⲟⲥ·ϫⲉⲁⲡⲉⲥⲛⲟϥⲛⲧⲁϥⲉⲓⲉⲃⲟⲗϩⲙⲡⲉⲥⲡⲓⲣⲙⲡⲛⲟⲩⲧⲉⲙⲛⲡⲙⲟⲟⲩϩⲉⲉϩⲣⲁⲓⲉϫⲙⲡⲕⲁϩ·
ⲁϥⲣⲡⲕⲟⲥⲙⲟⲥⲛⲃⲣⲣⲉⲛⲕⲉⲥⲟⲡ·ⲁⲩⲱⲁϥϣⲱⲡⲉⲛⲟⲩⲡⲩⲅⲏⲙⲙⲟⲟⲩⲉϥϥⲱϭⲉⲉⲩⲱⲛϩϣⲁⲉⲛⲉϩ·
ⲁⲧⲙⲛⲧⲣⲱⲙⲉⲧⲏⲣⲥⲉⲩⲫⲣⲁⲛⲉⲁⲩⲱⲁⲩϫⲓϥⲟϭⲥⲧⲏⲣⲟⲩϩⲁⲡⲣⲁϣⲉ·
ⲁⲩϯⲟⲩⲱⲛⲕⲉⲥⲟⲡϩⲓⲧⲙⲡⲙⲟⲟⲩⲙⲛⲡⲉⲥⲛⲟϥ·ⲛⲧⲁⲩⲉⲓⲉⲃⲟⲗϩⲙⲡⲉⲥⲡⲓⲣⲛⲉⲙⲙⲁⲛⲟⲩⲏⲗ·
ⲁⲩⲧⲁⲟⲩⲟⲉⲃⲟⲗⲛϩⲉⲛⲕⲁⲣⲡⲟⲥⲙⲡⲛⲉⲩⲙⲁⲧⲓⲕⲟⲛⲉⲧⲉⲛⲁⲓⲛⲉⲛⲁⲣⲉⲧⲏⲙⲡⲉⲡⲛⲉⲩⲙⲁⲉⲧⲟⲩⲁⲁⲃ·
ϩⲟⲓⲛⲉⲙⲉⲛⲁⲩⲥⲱⲧⲡⲛⲁⲩⲙⲡⲧⲃⲃⲟϫⲓⲛⲛⲉⲩϫⲡⲟϣⲁⲡⲉⲩϫⲱⲕⲉⲃⲟⲗ·
ϩⲉⲛⲕⲟⲟⲩⲉⲇⲉⲟⲩⲛⲧⲁⲩⲙⲙⲁⲩⲛⲧⲉⲩⲥϩⲓⲙⲉⲉⲩⲟⲛⲧϩⲉⲛⲛⲉⲧⲉⲙⲛⲧⲁⲩ·
ϩⲟⲓⲛⲉⲉⲩⲁⲥⲕⲉⲓϫⲓⲛⲧⲉⲩⲙⲛⲧⲕⲟⲩⲓϣⲁⲧⲉⲩⲙⲛⲧϩⲗⲗⲟ·ϩⲛⲟⲩϭⲓⲛⲛⲏⲥⲧⲉⲩⲉⲉⲥϫⲁϫⲱ·
ϩⲟⲓⲛⲉⲁⲩⲁⲡⲟⲧⲁⲥⲥⲉⲙⲡⲕⲟⲥⲙⲟⲥ·
ⲁⲩⲃⲱⲕⲉⲛⲧⲟⲩⲉⲓⲛ·
ⲁⲩⲣⲙⲟⲛⲁⲭⲟⲥ·ⲉⲩⲁⲥⲕⲉⲓⲙⲡⲁⲅⲱⲛⲉⲧⲛⲁⲛⲟⲩϥϣⲁⲡⲉϩⲟⲟⲩⲙⲡⲉⲩⲙⲟⲩ:—
ϩⲉⲛⲕⲟⲟⲩⲉⲁⲩϥⲓⲙⲡⲉⲩⲥⲧⲁⲩⲣⲟⲥⲁⲩⲟⲩⲁϩⲟⲩⲛⲥⲁⲡϫⲟⲉⲓⲥ·
ⲁⲩⲡⲱϩⲧⲉⲃⲟⲗⲙⲡⲉⲩⲥⲛⲟϥ·ⲉϫⲛⲧϩⲟⲙⲟⲗⲟⲅⲓⲁⲙⲡⲛⲟⲩⲧⲉ·ⲁⲩⲱⲁⲩϫⲓⲙⲡⲉⲕⲗⲟⲙⲛⲧⲙⲛⲧⲙⲁⲣⲧⲩⲣⲟⲥ·
ϩⲁⲡⲁⲝϩⲁⲡⲗⲱⲥⲁⲧⲙⲛⲧⲣⲱⲙⲉⲧⲏⲣⲥϯⲟⲩⲱ·ⲁⲩⲱⲁⲥϯⲕⲁⲣⲡⲟⲥϩⲛⲟⲩⲛⲟϭⲛⲉⲩⲫⲣⲟⲥⲩⲛⲏ·
ⲁⲡϣⲁϫⲉⲉⲧⲥⲏϩϫⲱⲕⲉⲃⲟⲗⲉϫⲛⲧⲉⲓⲅⲉⲛⲉⲁ·ϫⲉⲥⲉⲛⲁⲥⲟⲩⲱⲛⲛⲅⲧⲏⲣⲟⲩϫⲓⲛⲡⲉⲩⲕⲟⲩⲓϣⲁⲡⲉⲩⲛⲟϭ·
ⲡⲉⲛⲥⲱⲧⲏⲣⲅⲁⲣϩⲛⲧⲉⲛⲙⲏⲧⲉⲙⲡϩⲟⲟⲩⲙⲛⲛⲉϥⲁⲅⲅⲉⲗⲟⲥ·ⲉⲩⲣϣⲁⲙⲡⲉⲥⲧⲣⲁⲧⲏⲗⲁⲧⲏⲥⲁⲡⲁⲃⲓⲕⲧⲱⲣ·ϩⲙⲡⲉϩⲟⲟⲩⲙⲡⲉϥⲣⲡⲙⲉⲉⲩⲉⲉⲧⲉⲡⲱⲟⲩⲡⲉ·
ⲛⲧⲁⲅⲙⲁⲧⲏⲣⲟⲩⲛⲙⲡⲏⲩⲉⲥⲟⲟⲩϩⲛⲙⲙⲁⲛⲙⲡϩⲟⲟⲩ·
ⲉⲩϯⲉⲟⲟⲩⲙⲡⲉⲛⲧⲁϥⲁⲡⲟⲧⲁⲥⲥⲉⲙⲡⲕⲟⲥⲙⲟⲥⲙⲛⲛⲉϥⲭⲣⲏⲙⲁⲁϥϫⲓⲛⲧⲙⲛⲧⲣⲣⲟⲉⲧϫⲏⲕⲉⲃⲟⲗ·
ⲛⲉⲡⲣⲟⲫⲏⲧⲏⲥⲙⲛⲙⲙⲁⲣⲧⲩⲣⲟⲥ·ϩⲛⲧⲉⲛⲙⲏⲧⲉⲙⲡϩⲟⲟⲩ·ⲉⲩⲣϣⲁⲙⲡⲉⲛⲧⲁϥⲁⲡⲟⲧⲁⲥⲥⲉⲙⲡⲕⲟⲥⲙⲟⲥⲙⲛⲛⲉϥⲭⲣⲏⲙⲁ·
ⲁⲡⲉⲭⲣⲓⲥⲧⲟⲥⲙⲉⲣⲓⲧϥ·ⲁⲩⲱⲁϥⲥⲧⲉⲫⲁⲛⲟⲩⲙⲙⲟϥϩⲙⲡⲉⲕⲗⲟⲙⲛⲧⲙⲛⲧⲣⲣⲟⲛⲙⲡⲏⲩⲉ·
ⲱⲡⲉⲥⲧⲣⲁⲧⲏⲗⲁⲧⲏⲥⲡϩⲁⲅⲓⲟⲥⲃⲓⲕⲧⲱⲣ·
ⲱⲡⲉⲥⲧⲉⲫⲁⲛⲓⲧⲏⲥⲛⲙⲙⲁⲣⲧⲩⲣⲟⲥ·
ⲱⲡⲁⲅⲱⲛⲟⲑⲉⲧⲏⲥⲛⲁⲧϭⲱⲧⲡ·
ⲱⲡϥⲁⲓⲕⲗⲟⲙⲛⲁⲙⲉⲙⲡⲉⲭⲣⲓⲥⲧⲟⲥ·
ⲱⲡⲉⲛⲧⲁϥⲣⲡⲉϥⲥⲱⲙⲁⲛⲟⲩⲑⲩⲥⲓⲁⲉⲥⲟⲛϩ·ⲉⲥⲟⲩⲁⲁⲃⲉⲥⲣⲁⲛⲁϥⲙⲡⲛⲟⲩⲧⲉ·ϯⲟⲩⲱϣⲉϫⲱⲛϩⲉⲛⲉⲅⲕⲱⲙⲓⲟⲛⲉⲣⲟⲕϩⲙⲡⲉⲕϣⲁⲙⲡϩⲟⲟⲩ·ⲁⲗⲗⲁϯⲣϩⲟⲧⲉϫⲉⲙⲛϭⲟⲙⲙⲙⲟⲓ·ⲉⲡⲉⲣⲁⲙⲡⲡⲉⲗⲁⲅⲟⲥⲛⲛⲉⲕⲕⲁⲧⲟⲣⲑⲱⲙⲁ·
ⲉⲡⲉⲓⲇⲏⲟⲩⲗⲁⲥⲛⲥⲁⲣⲝⲡⲉⲡⲁⲗⲁⲥ·ⲁⲩⲱⲟⲩϩⲏⲧⲛⲣⲱⲙⲉⲡⲉⲧⲙⲙⲟⲓ·ⲙⲛϣϭⲟⲙⲙⲙⲟⲓⲉϫⲱⲙⲡⲉⲕⲉⲟⲟⲩⲙⲛⲡⲉⲕⲧⲁⲉⲓⲟ·ⲛⲧⲁⲡⲛⲟⲩⲧⲉⲥⲧⲟⲗⲓⲍⲉⲙⲙⲟⲕⲛϩⲏⲧϥ·
ⲛⲓⲙⲉⲛⲉϩϩⲛⲛⲥⲟⲫⲟⲥⲧⲏⲣⲟⲩⲙⲡⲕⲟⲥⲙⲟⲥⲡⲉⲧⲛⲁϣϫⲱⲙⲡⲉⲕⲧⲁⲉⲓⲟϩⲛⲟⲩϫⲱⲕ·ⲱⲡϩⲁⲅⲓⲟⲥⲃⲓⲕⲧⲱⲣ·
ⲉⲡⲉⲓⲇⲏⲛⲧⲕⲟⲩⲡⲁⲣⲑⲉⲛⲟⲥϫⲓⲛⲧⲉⲕⲙⲛⲧⲕⲟⲩⲓ
·ⲛⲧⲕⲟⲩⲁⲥⲕⲏⲧⲏⲥⲛϣⲡⲏⲣⲉ:—
ⲉⲕⲛⲏⲥⲧⲉⲩⲉⲥⲛⲁⲩⲥⲛⲁⲩⲙⲡⲉⲕⲟⲩⲟⲉⲓϣⲧⲏⲣϥ·
ⲉⲣⲉⲡⲣⲟⲙⲡⲉⲕⲏⲓⲟⲩⲱⲛⲛⲟⲩⲟⲛⲛⲓⲙ·
ⲉⲧⲃⲉⲡⲁⲓⲉⲓⲣϩⲟⲧⲉⲉϯⲡⲁⲟⲩⲟⲓⲉⲡⲡⲉⲗⲁⲅⲟⲥⲛⲛⲉⲕⲁⲣⲉⲧⲏ·
ⲉⲓⲥⲟⲟⲩⲛⲙⲡϭⲱϫⲃⲙⲡⲁⲗⲁⲥ·ⲙⲛⲡⲁϩⲏⲧⲉⲧⲉⲙⲛⲥⲟⲫⲓⲁⲛϩⲏⲧϥ·
ⲉⲓⲛⲁⲧⲁⲓⲟⲕϩⲛⲁϣⲛⲥⲙⲟⲧⲛⲧⲁⲕⲁⲁϣ·
ⲛⲧⲕⲟⲩⲡⲁⲣⲑⲉⲛⲟⲥⲛⲧϩⲉⲛϩⲏⲗⲓⲁⲥ·ⲁⲩⲱⲙⲡⲉⲕⲧⲱⲙⲛⲧⲉⲥϩⲓⲙⲉⲉⲛⲉϩ·
ⲛⲧⲕⲟⲩⲇⲓⲕⲁⲓⲟⲥⲛⲁⲅⲁⲑⲟⲥ·ⲁⲩⲱⲛⲣⲙⲛϩⲏⲧⲉϩⲟⲩⲛⲉⲛϩⲏⲕⲉⲧⲏⲣⲟⲩ·ⲛⲧϩⲉⲛⲛⲁⲃⲣⲁϩⲁⲙⲡⲡⲁⲧⲣⲓⲁⲣⲭⲏⲥ·
ⲛⲧⲕⲟⲩⲙⲁⲣⲧⲩⲣⲟⲥⲉϥϭⲙϭⲟⲙϩⲛⲙⲙⲁⲣⲧⲩⲣⲟⲥⲧⲏⲣⲟⲩ·
ⲙⲡⲉⲕⲣϩⲟⲧⲉϩⲏⲧⲟⲩⲛⲛⲣⲣⲱⲟⲩⲙⲛⲛⲇⲟⲩⲝ·ⲙⲛⲛϩⲏⲅⲉⲙⲱⲛ·ⲟⲩⲇⲉⲙⲡⲉⲛⲃⲁⲥⲁⲛⲟⲥⲉϣⲡⲱⲛⲉⲙⲡⲉⲕⲗⲟⲅⲓⲥⲙⲟⲥ·
ⲙⲡⲉⲛⲁⲡⲉⲓⲗⲉⲓⲙⲡⲉⲕⲉⲓⲱⲧϩⲣⲱⲙⲁⲛⲟⲥⲉϣϯϫⲣⲟⲡⲛⲁⲕⲉϩⲟⲩⲛⲉⲡⲉⲕⲉⲓⲱⲧⲛⲁⲗⲏⲑⲓⲛⲟⲥⲡⲉⲭⲣⲓⲥⲧⲟⲥ·ⲁⲗⲗⲁⲛⲉⲕⲧⲁϫⲣⲏⲩⲉϫⲛⲧⲡⲉⲇⲣⲁⲛⲁⲧⲕⲓⲙⲡⲉⲭⲣⲓⲥⲧⲟⲥ·ϣⲁⲡⲉⲕϩⲁⲏⲛⲛⲓϥⲉ·
ⲱⲡⲇⲓⲕⲁⲓⲟⲥϩⲛⲧⲉϥⲅⲉⲛⲉⲁ·ⲁⲩⲱⲡⲉⲛⲧⲁϥⲣⲡⲉϥⲥⲱⲙⲁⲛⲟⲩⲑⲩⲥⲓⲁⲙⲡⲛⲟⲩⲧⲉ·
ⲉⲓⲛⲁϫⲉⲟⲩⲏⲉⲓⲛⲁⲧⲁⲩⲉⲟⲩⲉⲣⲟⲕⲱⲡϩⲁⲅⲓⲟⲥⲃⲓⲕⲧⲱⲣ·
ⲉⲓϣⲁⲛⲧⲛⲧⲱⲛⲅⲉⲛⲱϩⲉ·ⲁⲕϣⲱⲡⲉⲛⲧⲉⲗⲓⲟⲥⲛⲧⲉϥϩⲉϩⲛⲧⲉⲛⲅⲉⲛⲉⲁ·
ⲉⲓϣⲁⲛⲧⲛⲧⲱⲛⲅⲉⲁⲃⲣⲁϩⲁⲙⲛⲧⲕⲟⲩⲙⲁⲓϣⲙⲙⲟⲛⲧⲉϥϩⲉ·ⲉⲡⲉⲓⲇⲏⲁⲡⲛⲟⲩⲧⲉϭⲟⲓⲗⲉⲉⲁⲃⲣⲁϩⲁⲙⲙⲛⲛⲉϥⲁⲅⲅⲉⲗⲟⲥ·ⲉⲧⲃⲉⲧⲉϥⲙⲛⲧⲙⲁⲓϣⲙⲙⲟ·
ⲛⲧⲟⲕϩⲱⲱⲕⲱⲡϩⲁⲅⲓⲟⲥⲃⲓⲕⲧⲱⲣⲁⲡⲉⲭⲣⲓⲥⲧⲟⲥⲉⲓϣⲁⲣⲟⲕ·ⲡϣⲏⲣⲉⲙⲡⲛⲟⲩⲧⲉϩⲛⲟⲩⲥⲭⲏⲙⲁⲛϩⲏⲕⲉ·
ⲁϥⲥⲗⲥⲱⲗⲕϩⲙⲡⲕⲁⲥⲧⲣⲟⲛϩⲛⲟⲩⲕⲁϩⲛϫⲁⲓⲉ·ⲉⲧⲃⲉⲛⲛⲟϭⲛϩⲓⲥⲉⲛⲧⲁⲕϣⲟⲡⲟⲩⲉϫⲙⲡⲉϥⲣⲁⲛⲉⲧⲟⲩⲁⲁⲃ·
ⲉⲓϣⲁⲛⲧⲛⲧⲱⲛⲅⲉⲓⲥⲁⲁⲕⲡⲡⲁⲧⲣⲓⲁⲣⲭⲏⲥ·ⲡⲉⲧⲙⲙⲁⲩⲙⲉⲛⲛⲧⲁⲛⲉϥⲉⲓⲱⲧϥⲓⲧϥⲉϩⲛⲁϥⲁⲛⲉⲧⲁⲗⲟϥⲉϩⲣⲁⲓⲛⲑⲩⲥⲓⲁⲙⲡϫⲟⲉⲓⲥ·
ⲛⲧⲟⲕⲇⲉⲱⲡϩⲁⲅⲓⲟⲥⲃⲓⲕⲧⲱⲣϩⲛⲧⲉⲕⲡⲣⲟϩⲁⲓⲣⲉⲥⲓⲥⲙⲙⲓⲛⲙⲙⲟⲕ·
ⲁⲕⲧⲁⲗⲉⲡⲉⲕⲥⲱⲙⲁⲉϩⲣⲁⲓⲛϩⲟⲗⲟⲕⲁⲩⲧⲱⲙⲁⲙⲡϫⲟⲉⲓⲥ·ϩⲓⲧⲛⲧⲁϣⲏⲛⲛⲃⲁⲥⲁⲛⲟⲥⲛⲧⲁⲕϥⲓϩⲁⲣⲟⲟⲩⲉⲧⲃⲉⲡⲣⲁⲛⲙⲡⲉⲭⲣⲓⲥⲧⲟⲥ:—
ⲉⲓϣⲁⲛⲧⲛⲧⲱⲛⲅⲉⲓⲁⲕⲱⲃⲡⲡⲁⲧⲣⲓⲁⲣⲭⲏⲥ·ⲡⲉⲧⲙⲙⲁⲩⲛⲧⲁⲡⲉⲭⲣⲓⲥⲧⲟⲥ·ϫⲓⲣⲁⲛⲉⲃⲟⲗⲙⲙⲟϥ·
ⲛⲧⲟⲕⲇⲉⲱⲡϩⲁⲅⲓⲟⲥⲃⲓⲕⲧⲱⲣ·ⲛⲧⲁⲙⲙⲁⲣⲧⲩⲣⲟⲥⲧⲏⲣⲟⲩϣⲟⲩϣⲟⲩⲙⲙⲟⲟⲩⲉϫⲱⲕϩⲛⲙⲡⲏⲩⲉ·ⲁⲩⲱⲟⲛⲛⲉⲧϩⲓϫⲙⲡⲕⲁϩⲉⲧⲃⲉⲧⲉⲕϩⲩⲡⲟⲙⲟⲛⲏ·
ⲉⲓϣⲁⲛⲧⲛⲧⲱⲛⲅⲉⲓⲱⲥⲏⲫⲁⲕⲙⲓϣⲉⲟⲩⲃⲉⲙⲡⲁⲑⲟⲥⲛⲧⲉϥϩⲉ·
ⲓⲱⲥⲏⲫⲙⲉⲛⲛⲧⲁⲛⲉϥⲥⲛⲏⲩⲧⲁⲁϥⲉⲃⲟⲗⲉⲩⲙⲛⲧϩⲙϩⲁⲗ·
ⲛⲧⲟⲕⲇⲉⲱⲡϩⲁⲅⲓⲟⲥⲃⲓⲕⲧⲱⲣ·ⲡⲉⲕⲉⲓⲱⲧⲡⲉⲛⲧⲁϥⲡⲁⲣⲁⲇⲓⲇⲟⲩⲙⲙⲟⲕ·ⲉⲧⲃⲉⲡⲣⲁⲛⲙⲡⲉⲭⲣⲓⲥⲧⲟⲥ·
ⲓⲱⲥⲏⲫⲛⲧⲁϥⲙⲁⲁⲧⲉⲛⲟⲩⲙⲛⲧⲣⲣⲟⲉⲧⲃⲉⲧⲉϥϩⲩⲡⲟⲙⲟⲛⲏ·
ⲛⲧⲟⲕⲇⲉⲱⲡϩⲁⲅⲓⲟⲥⲃⲓⲕⲧⲱⲣ·ⲁⲕⲙⲁⲁⲧⲉⲛⲧⲙⲛⲧⲣⲣⲟⲛⲙⲡⲏⲩⲉ·
ⲉⲓϣⲁⲛⲧⲛⲧⲱⲛⲅⲉⲙⲉⲗⲭⲓⲥⲉⲇⲉⲕⲙⲛⲁⲁⲣⲱⲛ·ⲛⲉⲧⲙⲙⲁⲩⲙⲉⲛⲉⲩⲧⲁⲗⲉⲉⲥⲟⲟⲩⲉϩⲣⲁⲓϩⲓⲙⲁⲥⲉϩⲛⲟⲩⲧⲩⲡⲟⲥ·
ⲛⲧⲟⲕⲇⲉⲱⲡϩⲁⲅⲓⲟⲥⲃⲓⲕⲧⲱⲣ·ⲁⲕⲣⲡⲉⲕⲥⲱⲙⲁⲙⲙⲓⲛⲙⲙⲟⲕⲛⲟⲩⲡⲣⲟⲥⲫⲟⲣⲁⲙⲡⲛⲟⲩⲧⲉ·
ⲉⲧⲃⲉⲡⲁⲓⲁⲕϫⲓⲛⲟⲩⲛⲟϭⲛⲉⲟⲟⲩϩⲛⲧⲙⲛⲧⲣⲣⲟⲛⲙⲡⲏⲩⲉ·
ⲉⲓϣⲁⲛⲧⲛⲧⲱⲛⲅⲉⲡⲛⲟⲙⲟⲑⲉⲧⲏⲥⲙⲱⲩⲥⲏⲥ·ⲛⲧⲟⲕϩⲱⲱⲕⲟⲛⲁⲕⲁⲡⲟⲧⲁⲥⲥⲉⲛⲧⲙⲛⲧⲥⲧⲣⲁⲧⲏⲗⲁⲧⲏⲥⲙⲡⲉⲓⲕⲟⲥⲙⲟⲥ·ⲙⲛⲧⲙⲛⲧⲣⲙⲙⲁⲟⲛⲛⲉⲕⲉⲓⲟⲧⲉ·ⲙⲛⲛⲉⲕⲭⲣⲏⲙⲁ·
ⲁⲕϥⲓⲙⲡⲉⲕⲥⲧⲁⲩⲣⲟⲥⲁⲕⲟⲩⲁϩⲕⲛⲥⲁⲡⲉⲕϫⲟⲉⲓⲥ·
ⲙⲡⲣⲙⲱⲩⲥⲏⲥⲱϣⲉⲧⲣⲉⲩⲙⲟⲩⲧⲉⲉⲣⲟϥ·ϫⲉⲡϣⲏⲣⲉⲛⲧϣⲉⲉⲣⲉⲙⲫⲁⲣⲁⲱ·ⲁⲗⲗⲁⲁϥⲥⲟⲧⲡⲥⲛⲁϥⲉϣⲡϩⲓⲥⲉⲙⲛⲡⲗⲁⲟⲥⲙⲡⲛⲟⲩⲧⲉ·ⲛϩⲟⲩⲟϫⲓⲛⲧⲁⲡⲟⲗⲁⲩⲥⲓⲥⲙⲡⲛⲟⲃⲉⲡⲣⲟⲥⲟⲩⲟⲉⲓϣ·
ⲛⲧⲟⲕⲇⲉϩⲱⲱⲕⲱⲡϩⲁⲅⲓⲟⲥⲃⲓⲕⲧⲱⲣ·ⲙⲡⲉⲕⲟⲩⲱϣⲉⲧⲣⲉⲩⲙⲟⲩⲧⲉⲉⲣⲟⲕϫⲉⲡϣⲏⲣⲉⲛϩⲣⲱⲙⲁⲛⲟⲥ·ⲡϣⲟⲣⲡϩⲙⲡⲁⲥⲡⲁⲥⲙⲟⲥⲙⲡⲣⲣⲟ·
ⲁⲕⲁⲡⲟⲧⲁⲥⲥⲉⲙⲡⲁⲝⲓⲱⲙⲁⲛⲧⲙⲛⲧⲥⲧⲣⲁⲧⲏⲗⲁⲧⲏⲥ·ⲙⲛⲧⲉⲕⲙⲛⲧⲣⲙⲙⲁⲟ·
ⲁⲕⲟⲩⲁϩⲕⲛⲥⲁⲡⲉⲛⲧⲁϥϫⲟⲟⲥ·ϫⲉⲡⲉⲧⲙⲉⲛⲉⲓⲱⲧ·ⲏⲙⲁⲁⲩⲛϩⲟⲩⲟⲉⲣⲟⲓⲛϥⲙⲡϣⲁⲙⲙⲟⲓⲁⲛ·
ⲁⲕϫⲓⲛⲧⲙⲛⲧⲥⲧⲣⲁⲧⲏⲗⲁⲧⲏⲥⲉⲧⲙⲏⲛⲉⲃⲟⲗϣⲁⲉⲛⲉϩ·
ⲉⲓϣⲁⲛⲧⲛⲧⲱⲛⲅⲉⲏⲥⲁⲓⲁⲥⲡⲉⲡⲣⲟⲫⲏⲧⲏⲥ·ⲛⲧⲟⲕⲇⲉϩⲱⲱⲕⲁⲕⲑⲉⲱⲣⲉⲓⲙⲡⲉⲧϩⲙⲟⲟⲥϩⲓϫⲛⲛⲉⲭⲉⲓⲣⲟⲩⲃⲉⲓⲛⲙⲛⲛⲥⲉⲣⲁⲫⲉⲓⲛ·
ⲁϥⲉⲓϣⲁⲣⲟⲕⲁϥⲛⲁϩⲙⲉⲕϩⲛⲛⲉⲕⲑⲗⲓⲯⲓⲥⲧⲏⲣⲟⲩ·
ⲁⲩⲱⲁϥϯⲉⲟⲟⲩⲛⲁⲕϩⲛⲙⲡⲏⲩⲉⲙⲛⲡⲕⲁϩ·
ⲡⲉⲧϩⲛⲙⲡⲏⲩⲉⲙⲉⲛⲁϥⲁⲁⲕⲛⲥⲧⲣⲁⲧⲏⲗⲁⲧⲏⲥϩⲛⲧⲙⲏⲏⲧⲉⲛⲙⲙⲁⲣⲧⲩⲣⲟⲥⲧⲏⲣⲟⲩ·ⲕⲁⲧⲁⲧϩⲉⲉⲧⲛⲛⲁⲟⲩⲉⲛϩⲡϩⲱⲃⲛⲏⲧⲛⲉⲃⲟⲗ·ⲉⲣϣⲁⲛⲡϣⲁϫⲉⲙⲟⲟϣⲉⲉⲧϩⲏ·
ϩⲓϫⲙⲡⲕⲁϩⲟⲛⲁϥϯⲉⲟⲟⲩⲛⲁⲕ·ϩⲱⲥⲧⲉⲛⲧⲉⲡⲉⲕⲥϯⲛⲟⲩϥⲉⲙⲉϩⲛⲉⲭⲱⲣⲁⲧⲏⲣⲟⲩ·ⲙⲡⲕⲟⲥⲙⲟⲥ·ⲛⲥⲉⲕⲱⲧⲛⲁⲕⲛϩⲉⲛⲙⲁⲣⲧⲏⲣⲓⲟⲛⲕⲁⲧⲁⲙⲁ·ⲛⲧⲉϩⲉⲛⲛⲟϭⲛϭⲟⲙⲙⲛϩⲉⲛϣⲡⲏⲣⲉϣⲱⲡⲉⲉⲃⲟⲗϩⲓⲧⲟⲟⲧⲟⲩ·
ⲉⲩⲉⲟⲟⲩⲙⲡⲛⲟⲩⲧⲉⲙⲛⲡⲉϥⲙⲁⲣⲧⲩⲣⲟⲥⲉⲧⲟⲩⲁⲁⲃ·
ⲟⲩⲙⲉⲅⲁⲣⲡⲉⲡϣⲁϫⲉⲉⲧⲥⲏϩ·ϫⲉⲡⲉⲧⲛⲁϯⲉⲟⲟⲩⲛⲁⲓⲡⲁⲉⲓⲱⲧⲛⲁⲧⲁⲓⲟϥ·
ⲉⲡⲉⲓⲇⲏⲁⲕⲣⲡⲉⲕⲟⲩⲟⲉⲓϣⲧⲏⲣϥⲙⲡⲉⲕⲕⲟⲓⲛⲱⲛⲉⲓⲉⲛⲣⲟⲟⲩϣⲛⲧⲉⲡⲉⲓⲕⲟⲥⲙⲟⲥ·ⲁⲗⲗⲁⲧⲉⲕⲥⲡⲟⲩⲇⲏⲧⲏⲣⲥⲧⲉⲧⲙⲛⲧⲙⲁⲓⲛⲟⲩⲧⲉ·
ⲉⲧⲃⲉⲡⲁⲓⲁⲡⲛⲟⲩⲧⲉⲭⲁⲣⲓⲍⲉⲛⲁⲕⲙⲡⲉⲓⲛⲟϭⲛϩⲙⲟⲧⲁϥⲕⲁⲟⲩⲇⲩⲛⲁⲙⲓⲥⲛⲣⲉϥⲧⲁⲗϭⲟⲛⲙⲯⲩⲭⲏⲙⲛⲛⲥⲱⲙⲁϩⲙⲡⲉⲕⲧⲟⲡⲟⲥ·
ⲉⲡⲉⲓⲇⲏⲛϣⲱⲛⲉⲛⲥⲱⲙⲁⲧⲓⲕⲟⲛⲕⲑⲉⲣⲁⲡⲉⲩⲉⲙⲙⲟⲟⲩ·ϩⲓⲧⲛⲧⲉⲭⲁⲣⲓⲥⲛⲧⲁⲡⲛⲟⲩⲧⲉⲧⲁⲁⲥⲛⲁⲕ·ⲛϣⲱⲛⲉⲇⲉⲟⲛⲙⲯⲩⲭⲓⲕⲟⲛⲉⲧⲉⲛⲛⲟⲃⲉⲛⲉ·ⲕⲧⲃⲃⲟⲙⲙⲟⲟⲩϩⲓⲧⲛⲙⲙⲁⲉⲓⲛⲙⲛⲛⲉϣⲡⲏⲣⲉⲉⲧⲕⲟⲩⲱⲛϩⲙⲙⲟⲟⲩⲉⲃⲟⲗϩⲙⲡⲉⲕⲙⲁⲣⲧⲏⲣⲓⲟⲛϩⲙⲡⲉϥⲧⲟⲩⲥⲁⲙⲡⲕⲟⲥⲙⲟⲥ·
ⲱⲡϩⲁⲅⲓⲟⲥⲃⲓⲕⲧⲱⲣ·ⲁⲡⲉⲕⲥⲛⲟϥⲛⲧⲁⲩⲡⲁϩⲧϥⲉⲃⲟⲗ·ϣⲟⲣϣⲣⲛⲧⲉⲥⲧⲩⲗⲏⲛⲧⲃⲁϩⲁⲗ·ⲛⲧϩⲉⲛϩⲏⲗⲓⲁⲥ·ⲁⲩⲱⲁⲕⲧⲁⲕⲟⲛⲛⲉⲓⲇⲱⲗⲟⲛⲙⲛⲛⲉⲥⲧⲩⲗⲏ·
ⲁⲕϣⲱⲡⲉⲛⲟⲩⲥⲧⲩⲗⲗⲟⲥⲙⲡⲉⲭⲟⲣⲟⲥⲧⲏⲣϥⲛⲙⲙⲁⲣⲧⲩⲣⲟⲥ·
ⲁⲕⲱϣⲙⲙⲡϣⲁϩⲙⲡⲕⲱϩⲧϩⲓⲧⲛⲧϭⲟⲙⲙⲡⲛⲟⲩⲧⲉ·ⲉⲧⲛⲙⲙⲁⲕ·ⲛⲧϩⲉⲙⲡϣⲟⲙⲛⲧⲛϩⲁⲅⲓⲟⲥ·
ⲉⲓⲛⲁⲧⲛⲧⲱⲛⲅϭⲉⲉⲛⲓⲙϩⲛⲧⲉⲅⲣⲁⲫⲏ·ⲛⲧⲁϭⲛⲧⲕⲉⲕϣⲏϣⲁⲛⲛⲙⲙⲁϥ·ϫⲉⲛⲛⲁϫⲟⲟⲥϫⲉⲕⲟⲩⲟⲧⲃⲉⲣⲟϥ·
ⲉⲓⲛⲁϫⲟⲟⲥϫⲉⲟⲩⲉⲧⲃⲏⲏⲧⲕ·ⲱⲡⲣⲉϥⲑⲉⲣⲁⲡⲉⲩⲉⲛⲛϣⲱⲛⲉⲉⲧϩⲏⲡⲙⲛⲛⲉⲧⲟⲩⲟⲛϩⲉⲃⲟⲗ·
ⲕⲁⲓⲅⲁⲣϣⲁϩⲣⲁⲓⲉⲛⲉⲧⲙⲟⲟⲩⲧⲁϥⲧⲟⲩⲛⲟⲥⲟⲩϩⲙⲡⲛⲉϩⲙⲡⲉⲫⲁⲛⲟⲥ·ⲙⲡⲉϥⲙⲁⲣⲧⲏⲣⲓⲟⲛ·ⲡⲁⲓⲉⲧⲉⲧⲛⲥⲟⲟⲩϩⲉⲣⲟϥⲙⲡϩⲟⲟⲩ·ⲁⲩⲱⲁⲓⲛⲁⲩⲉⲧⲉϣⲡⲏⲣⲉϩⲛⲛⲁⲃⲁⲗ·
ⲁⲛⲟⲕⲡⲉⲉⲗⲁⲭⲓⲥⲧⲟⲥ·
ⲡⲗⲏⲛⲙⲡⲣⲧⲣⲉⲗⲁⲁⲩⲣⲁⲡⲓⲥⲧⲟⲥⲉⲧⲉϣⲡⲏⲣⲉⲛⲧⲁⲥϣⲱⲡⲉ·ϫⲉⲛⲛⲉⲡϣⲁϫⲉⲉⲧⲥⲏϩϫⲱⲕⲉⲃⲟⲗⲉϫⲱϥ·ϫⲉⲙⲛⲧⲏⲡⲁⲡⲓⲥⲧⲟⲥⲟⲩϩⲟⲃⲟⲗⲟⲥⲛⲟⲩⲱⲧ·
ⲥⲱⲧⲙⲧⲉⲛⲟⲩⲛⲧⲁⲟⲩⲉⲛϩⲡϩⲱⲃⲛⲏⲧⲛⲉⲃⲟⲗ·ⲉⲩⲉⲟⲟⲩⲙⲡⲛⲟⲩⲧⲉⲙⲛⲡϩⲁⲅⲓⲟⲥⲃⲓⲕⲧⲱⲣⲉⲧⲛⲣϣⲁⲛⲁϥⲙⲡϩⲟⲟⲩ·
ⲕⲁⲓⲅⲁⲣⲁⲡⲉⲛⲥⲱⲧⲏⲣϫⲟⲟⲥϫⲉⲡⲉⲧⲡⲓⲥⲧⲉⲩⲉⲉⲣⲟ·ⲛⲉϩⲃⲏⲩⲉϯⲉⲓⲣⲉⲙⲙⲟⲟⲩϩⲙⲡⲣⲁⲛⲙⲡⲁⲉⲓⲱⲧ·
ⲡⲁⲓϩⲱⲱϥⲟⲛϥⲛⲁⲁⲁⲩ·ⲁⲩⲱϥⲛⲁⲣⲛⲉⲧⲛⲁⲁⲁⲩⲉⲣⲟⲟⲩ·
ⲛⲉⲩⲛⲟⲩⲣⲱⲙⲉⲇⲉϩⲛⲧⲉⲓⲡⲟⲗⲓⲥⲉⲡⲉϥⲣⲁⲛⲡⲉⲁⲗⲉⲝⲁⲛⲇⲣⲟⲥ·
ⲟⲩⲣⲙⲙⲁⲟⲡⲉⲉⲙⲁⲧⲉϩⲙⲡⲛⲟⲩⲃⲙⲛⲡϩⲁⲧ·
ⲡⲁⲓⲇⲉⲛⲉⲟⲩⲛⲛⲧⲁϥⲙⲙⲁⲩⲛⲟⲩⲥϩⲓⲙⲉⲛⲁϭⲣⲏⲛ·
ⲙⲡⲉⲥϫⲡⲉϣⲏⲣⲉⲉⲛⲉϩ·ⲁⲩⲱⲛⲉⲩⲛⲟⲩⲛⲟϭⲛⲗⲩⲡⲉⲓϩⲙⲡⲉⲩϩⲏⲧⲉⲧⲃⲉⲡⲉⲓϩⲱⲃ:ϫⲉⲙⲛⲧⲁⲩⲙⲙⲁⲩⲛⲟⲩⲇⲓⲁⲧⲟⲭⲟⲥⲉⲧⲉⲩⲟⲩⲥⲓⲁ·
ⲁⲩⲥⲱⲧⲙⲇⲉⲉⲧⲃⲉⲛϭⲟⲙⲙⲛⲛⲉϣⲡⲏⲣⲉⲉⲧϣⲟⲟⲡⲉⲃⲟⲗϩⲙⲡⲙⲁⲣⲧⲏⲣⲓⲟⲛⲙⲡϩⲁⲅⲓⲟⲥⲁⲡⲁⲃⲓⲕⲧⲱⲣ·
ⲁⲩⲧⲱⲟⲩⲛϩⲓⲟⲩⲥⲟⲡⲁⲩⲃⲱⲕⲉⲡⲧⲟⲡⲟⲥⲉⲧⲟⲩⲁⲁⲃ·
ⲁⲩϯⲛⲛⲉⲩⲇⲱⲣⲟⲛⲉϩⲟⲩⲛⲉⲡⲙⲁⲣⲧⲏⲣⲓⲟⲛⲙⲡⲉϩⲟⲟⲩⲛⲧⲕⲩⲣⲓⲁⲕⲏ·
ⲙⲛⲛⲥⲱⲥⲁⲩⲉⲣⲏⲧⲉⲩϫⲱⲙⲙⲟⲥ·ϫⲉⲥⲱⲧⲙⲉⲣⲟⲛⲙⲡϩⲟⲟⲩⲉⲛⲥⲟⲡⲥⲙⲙⲟⲕ·
ⲉϣⲱⲡⲉⲉⲣϣⲁⲛⲡⲉⲕⲛⲁⲧⲁϩⲟⲛⲛⲅϯⲛⲁⲛⲛⲟⲩⲥⲡⲉⲣⲙⲁⲛⲣⲱⲙⲉ·ⲧⲛⲛⲁⲧⲁⲁϥⲉϩⲟⲩⲛⲉⲡⲉⲕⲙⲁⲣⲧⲏⲣⲓⲟⲛϣⲁⲡⲉϩⲟⲟⲩⲙⲡⲉϥⲙⲟⲩ·
ⲙⲟⲛⲟⲛⲇⲉϥⲓⲙⲙⲁⲩⲙⲡⲉⲛⲛⲟϭⲛⲉϭ·ⲛⲅϯⲛⲁⲛⲙⲡⲉⲛⲁⲓⲧⲏⲙⲁ·
ⲛⲧⲉⲣⲟⲩϫⲉⲛⲁⲓⲇⲉⲁⲩⲃⲱⲕⲉⲡⲉⲩⲏⲓϩⲛⲟⲩⲟⲩⲣⲟⲧ·
ⲟⲩϩⲟⲟⲩⲇⲉⲉⲃⲟⲗϩⲛⲟⲩϩⲟⲟⲩ·ⲁⲡϩⲁⲅⲓⲟⲥⲃⲓⲕⲧⲱⲣⲡⲁⲣⲁⲕⲁⲗⲉⲓⲙⲡⲉⲭⲣⲓⲥⲧⲟⲥⲉϫⲱⲟⲩ·
ⲁⲧⲉⲥϩⲓⲙⲉϫⲡⲟⲛⲟⲩϣⲉⲣϩⲟⲟⲩⲧⲉⲛⲉⲥⲱϥⲉⲙⲁⲧⲉⲉⲛⲁⲩⲉⲣⲟϥ·ⲉⲣⲉⲧⲉⲭⲁⲣⲓⲥⲙⲡⲛⲟⲩⲧⲉⲕⲱⲧⲉⲉⲣⲟϥ·
ⲁⲩⲙⲟⲩⲧⲉⲉⲡⲉϥⲣⲁⲛϫⲉⲃⲓⲕⲧⲱⲣⲕⲁⲧⲁⲡⲣⲁⲛⲙⲡϩⲁⲅⲓⲟⲥⲃⲓⲕⲧⲱⲣ·
ⲁⲩⲛⲟϭⲛⲣⲁϣⲉϣⲱⲡⲉϩⲙⲡⲉⲩⲏⲓ·ⲁⲩⲥⲱⲣⲛϩⲉⲛⲁϣⲏⲙⲙⲛⲧⲛⲁⲛⲛϩⲏⲕⲉ·
ⲛⲧⲉⲣⲉⲡϣⲏⲣⲉⲇⲉϣⲏⲙⲣⲁϯⲉⲛⲣⲟⲙⲡⲉ·ⲙⲡⲉⲡϩⲏⲧⲛⲛⲉϥⲉⲓⲟⲧⲉⲕⲁⲁⲩⲉϯⲙⲡϣⲏⲣⲉϣⲏⲙⲉϩⲟⲩⲛⲉⲡⲧⲟⲡⲟⲥⲙⲡϩⲁⲅⲓⲟⲥⲁⲡⲁⲃⲓⲕⲧⲱⲣ·ⲕⲁⲧⲁⲡⲉⲛⲧⲁϥⲉⲓⲉⲃⲟⲗϩⲛⲣⲣⲱⲟⲩ·ⲁⲗⲗⲁⲁⲩⲕⲟⲧⲟⲩⲉⲡⲁϩⲟⲩϩⲙⲡⲉⲩⲉⲣⲏⲧ
ⲙⲡⲟⲩⲣⲡⲙⲉⲉⲩⲉⲙⲡⲉⲧⲥⲏϩ·ϫⲉϯϩⲧⲏⲕⲉⲉⲓⲣⲉⲛⲛⲉⲧⲛⲏⲩⲉⲃⲟⲗϩⲛⲣⲱⲕ·ϫⲉϩⲛⲟⲩϩⲟⲧϩⲉⲧⲡϫⲟⲉⲓⲥⲛⲁϩⲟⲧϩⲉⲧⲛⲛⲉⲕϩⲓⲟⲟⲩⲉⲛϥϫⲓⲕⲃⲁⲙⲙⲟⲕ·
ⲗⲟⲓⲡⲟⲛⲁⲩϣⲁϫⲉⲙⲛⲛⲉⲩⲉⲣⲏⲩ·ⲛϭⲓⲡⲉⲓⲱⲧⲙⲡϣⲏⲣⲉϣⲏⲙⲙⲛⲧⲉϥⲙⲁⲩⲉⲩϫⲱⲙⲙⲟⲥ·ϫⲉⲉⲓⲥϩⲏⲏⲧⲉⲙⲡⲉⲡⲉⲛϩⲏⲧⲕⲁⲁⲛ·ⲉϯⲙⲡϣⲏⲣⲉϣⲏⲙⲉϩⲟⲩⲛⲉⲡⲧⲟⲡⲟⲥⲕⲁⲧⲁⲡⲉⲛⲧⲁⲛⲉⲣⲏⲧⲙⲙⲟϥ·
ⲙⲁⲣⲛⲙⲟⲩⲧⲉⲉⲩⲣⲱⲙⲉϩⲛⲧⲡⲟⲗⲓⲥⲉϥϣⲡϩⲙϩⲁⲗ·ⲛϥⲣⲡϣⲏⲣⲉϣⲏⲙⲛϯⲙⲉⲛⲧⲛϯⲛⲧⲉϥⲁⲥⲟⲩⲉϩⲟⲩⲛⲉⲡⲧⲟⲡⲟⲥ·ϫⲉⲛⲛⲉⲡⲙⲁⲣⲧⲩⲣⲟⲥϭⲱⲛⲧⲉⲣⲟⲛ·
ⲁⲩⲧⲱⲟⲩⲛⲇⲉⲁⲩⲙⲟⲩⲧⲉⲉⲡⲣⲁⲅⲙⲁⲧⲉⲩⲧⲏⲥϩⲛⲧⲡⲟⲗⲓⲥⲉϥϣⲡϩⲙϩⲁⲗ·ⲁⲩⲱⲉϥϯⲉⲃⲟⲗⲙⲡⲉϥⲁϩⲉⲧⲏⲣϥ·
ⲁϥⲣⲡϣⲏⲣⲉϣⲏⲙⲛϯⲙⲉⲉϩⲙⲉⲛϩⲟⲗⲟⲕⲟⲧϯⲛⲟⲥ·ⲁⲩⲱⲁⲩϫⲓⲛⲛⲛⲟⲩⲃ
ⲁⲩⲧⲁⲁⲩⲉϩⲟⲩⲛⲉⲡⲧⲟⲡⲟⲥⲙⲡⲙⲁⲣⲧⲩⲣⲟⲥ·
ⲙⲡⲟⲩⲣⲡⲙⲉⲉⲩⲉⲙⲡⲉⲧⲥⲏϩ·ϫⲉⲉⲕϣⲁⲛⲉⲣⲏⲧⲛⲟⲩⲉⲣⲏⲧⲙⲡϫⲟⲉⲓⲥⲡⲉⲕⲛⲟⲩⲧⲉⲉⲕⲉⲧⲁⲁϥ·
ⲡϩⲁⲅⲓⲟⲥⲇⲉⲃⲓⲕⲧⲱⲣⲛⲧⲉⲣⲉϥⲛⲁⲩϫⲉⲙⲡⲉⲛⲉⲓⲟⲧⲉⲙⲡϣⲏⲣⲉϣⲏⲙϯⲙⲡⲉⲩⲣⲏⲧϩⲛⲟⲩⲥⲟⲟⲩⲧⲛ·
ⲁⲗⲗⲁⲁⲩⲙⲉⲉⲩⲉϫⲉⲧⲇⲱⲣⲉⲁⲙⲡⲛⲟⲩⲧⲉⲉϣⲁⲩϫⲡⲟⲥϩⲓⲧⲛϩⲉⲛⲭⲣⲏⲙⲁ·
ⲁϥⲧⲣⲉⲟⲩϩⲱⲃⲛⲧⲉⲓⲙⲓⲛⲉϣⲱⲡⲉⲉⲩϫⲓⲕⲃⲁⲛⲧⲉⲩⲙⲛⲧⲁⲧϩⲏⲧ·
ⲁⲥϣⲱⲡⲉⲇⲉⲛⲟⲩϩⲟⲟⲩⲉⲣⲉⲡϣⲏⲣⲉϣⲏⲙϩⲙⲡϩⲓⲣⲉϥϫⲓⲛϩⲣⲁϥⲙⲛⲛⲁⲧⲉϥϭⲟⲧϩⲁϩⲧⲛⲡⲏⲓⲛⲛⲉϥⲉⲓⲟⲧⲉ·
ϩⲛⲟⲩⲥϣⲛⲉⲁⲩⲛⲟϭⲛⲱⲛⲉϩⲙⲡⲕⲱϩϩⲙⲡⲏⲓϩⲉⲉϫⲙⲡϣⲏⲣⲉϣⲏⲙ·
ⲁϥϩⲉⲁϥⲙⲟⲩⲛⲧⲉⲩⲛⲟⲩ·
ⲛⲧⲉⲣⲉⲛⲉϥⲉⲓⲟⲧⲉⲥⲱⲧⲙⲁⲩⲡⲉϩⲛⲉⲩϩⲟⲉⲓⲧⲉ·ⲁⲩϫⲓϣⲕⲁⲕⲉⲃⲟⲗϩⲛⲟⲩⲛⲟϭⲛⲥⲙⲏ·
ⲁⲩⲉⲓⲉⲃⲟⲗⲙⲛⲛϩⲙϩⲁⲗ·
ⲁⲩϩⲉⲉⲡϣⲏⲣⲉϣⲏⲙⲉϥⲙⲟⲟⲩⲧ·
ⲱⲟⲩⲛⲟϭⲧⲉⲧⲗⲩⲡⲉⲓⲛⲧⲁⲥϣⲱⲡⲉⲙⲡⲛⲁⲩⲉⲧⲙⲙⲁⲩ·
ⲉⲩⲱϣⲉⲃⲟⲗϫⲉⲟⲩⲟⲉⲓⲛⲁⲛϣⲏⲣⲉⲙⲙⲉⲣⲓⲧ·
ⲁⲛⲟⲛⲡⲉⲛⲧⲁⲛϣⲱⲡⲉⲛⲁⲓⲧⲓⲟⲥⲙⲡⲉⲕⲙⲟⲩ·ⲉⲃⲟⲗϫⲉⲁⲛⲉⲣⲏⲧⲙⲡⲛϫⲱⲕⲉⲃⲟⲗⲙⲡⲉⲛⲉⲣⲏⲧ·ⲛⲧⲛⲧⲁⲁⲕⲉϩⲟⲩⲛⲉⲡⲧⲟⲡⲟⲥⲙⲡⲡⲉⲧⲟⲩⲁⲁⲃ·
ⲉⲓⲥϩⲏⲏⲧⲉⲁϥϥⲓⲧⲕⲛⲧⲟⲟⲧⲛⲙⲡⲁⲧⲛⲥⲉⲓⲙⲙⲟⲕ·
ⲁϥⲣⲱⲕϩⲛⲛⲉⲛⲥⲡⲗⲁⲅⲭⲛⲟⲛϩⲁⲧⲗⲩⲡⲏⲙⲡⲉⲛⲙⲉⲣⲓⲧⲛϣⲏⲣⲉ·
ⲁⲛⲟⲛⲡⲉⲧⲙⲡϣⲁⲙⲡⲙⲟⲩ·
ⲉⲛⲛⲁⲣⲟⲩϫⲓⲛⲙⲡⲉⲓⲛⲁⲩⲛⲧⲛⲥⲟⲟⲩⲛⲁⲛ·
ⲡⲉϥⲉⲓⲱⲧⲇⲉⲁϥϫⲓⲛⲁϥⲛⲟⲩⲡⲓⲥⲧⲓⲥⲉⲥⲧⲁϫⲣⲏⲩ·
ⲁϥϫⲓⲙⲡⲉϥϣⲏⲣⲉⲕⲟⲩⲓⲉⲡⲉϥϩⲁⲙⲏⲣ·ⲉⲣⲉⲧⲉϥⲙⲁⲁⲩⲙⲛⲛⲉϥϩⲙϩⲁⲗⲟⲩⲏϩⲛⲥⲱϥ·
ⲁⲩϫⲓⲧϥⲉϩⲟⲩⲛⲉⲡⲙⲁⲣⲧⲏⲣⲓⲟⲛⲙⲡϩⲁⲅⲓⲟⲥⲃⲓⲕⲧⲱⲣ·
ⲁϥⲟⲩⲁϩϥⲉⲡⲉⲥⲏⲧϩⲓⲧϩⲏⲙⲡⲉⲑⲩⲥⲓⲁⲥⲧⲏⲣⲓⲟⲛ·
ⲁϥⲱϣⲉⲃⲟⲗⲉϥϫⲱⲙⲙⲟⲥ·ϫⲉⲡϩⲁⲅⲓⲟⲥⲃⲓⲕⲧⲱⲣ·ϯⲥⲟⲟⲩⲛϫⲉⲟⲩⲛϭⲟⲙⲙⲙⲟⲕⲉϩⲱⲃⲛⲓⲙ·ⲁⲩⲱⲛⲧⲟⲕⲡⲉⲛⲧⲁⲕⲭⲁⲣⲓⲍⲉⲛⲁⲓⲙⲡⲉⲓϣⲏⲣⲉϣⲏⲙ·
ⲙⲡⲣⲉⲓⲣⲉⲛⲁⲓⲕⲁⲧⲁⲙⲛⲧⲁⲧϩⲏⲧ·ⲁⲗⲗⲁϣⲛϩⲧⲏⲕⲉϫⲛⲛⲁⲣⲙⲉⲓⲟⲟⲩⲉ·ⲛⲅⲕⲧⲟⲛⲧⲉⲯⲩⲭⲏⲙⲡϣⲏⲣⲉϣⲏⲙⲉⲣⲟϥⲛⲕⲉⲥⲟⲡ·
ⲁⲩⲱⲁⲛⲟⲛⲛⲙⲙⲁϥⲧⲛⲛⲁⲣϩⲙϩⲁⲗⲛⲁⲕϣⲁⲡⲉϩⲟⲟⲩⲙⲡⲉⲛⲙⲟⲩ·
ⲛⲁⲓⲇⲉⲛⲧⲉⲣⲉϥϫⲟⲟⲩⲉϥⲣⲓⲙⲉⲁϥϫⲓⲛⲟⲩϣⲏⲙⲛⲛⲉϩϩⲙⲡⲉⲫⲁⲛⲟⲥ·
ⲁϥⲥⲫⲣⲁⲅⲓⲍⲉⲙⲡϣⲏⲣⲉϣⲏⲙⲛϩⲏⲧϥ·ⲁⲩⲱⲁϥϯⲉⲧⲉϥⲧⲁⲡⲣⲟⲙⲛϣⲛⲧϥⲙⲛⲡⲉϥϩⲏⲧ·
ⲧⲉϣⲡⲏⲣⲉⲇⲉⲛⲧⲁⲥϣⲱⲡⲉ·ⲙⲡⲛⲁⲩⲉⲧⲙⲙⲁⲩⲟⲩⲟⲧⲃⲉⲧⲁϩⲉⲗⲓⲁⲥⲙⲛϩⲉⲗⲉⲥⲁⲓⲟⲥ·
ⲛⲧⲉⲩⲛⲟⲩⲅⲁⲣⲛⲧⲁⲡⲛⲉϩⲙⲡⲉⲫⲁⲛⲟⲥⲧⲁϩⲉⲡϣⲏⲣⲉϣⲏⲙ·ⲁⲡⲉⲛⲧⲁϥϫⲟⲟⲥϫⲉϣⲁⲓϣⲁⲁⲣⲉⲛⲧⲉⲧⲁϭⲓϫⲧⲁⲗϭⲟ·
ⲕⲧⲉⲧⲉⲯⲩⲭⲏⲙⲡϣⲏⲣⲉϣⲏⲙⲛⲕⲉⲥⲟⲡ·ⲁⲩⲱϩⲓⲧⲛⲛⲥⲟⲡⲥⲡⲙⲡϩⲁⲅⲓⲟⲥⲃⲓⲕⲧⲱⲣ·ⲁϥⲟⲩⲏⲛⲛⲛⲉϥⲃⲁⲗ·
ⲟⲩⲛⲟϭⲡⲉⲡⲣⲁϣⲉⲛⲧⲁϥⲧⲁϩⲉⲛⲉϥⲉⲓⲟⲧⲉⲙⲡⲉϩⲟⲟⲩⲉⲧⲙⲙⲁⲩ·ⲙⲛⲛⲉⲧⲏⲡⲉⲣⲟⲟⲩⲧⲏⲣⲟⲩ·
ⲉⲩⲱϣⲉⲃⲟⲗϩⲛⲟⲩⲛⲟϭⲛⲥⲙⲏ·ϫⲉⲛⲧⲕⲟⲩⲛⲟϭⲱⲡⲛⲟⲩⲧⲉⲙⲡϩⲁⲅⲓⲟⲥⲃⲓⲕⲧⲱⲣ·ⲁⲩⲱⲙⲛⲕⲉⲟⲩⲁⲛⲃⲗⲗⲁⲕ·ϩⲛⲧⲡⲉⲁⲩⲱϩⲓϫⲙⲡⲕⲁϩ·
ⲉⲡⲙⲁⲛⲟⲩϩⲏⲃⲉⲁⲕϯⲛⲁⲛⲛⲟⲩⲉⲩⲫⲣⲟⲥⲩⲛⲏ:—
ⲁⲕⲧⲟⲩⲛⲉⲥⲡϣⲏⲣⲉϣⲏⲙⲛⲛⲉϥⲉⲓⲟⲧⲉ·ⲛⲧⲉⲣⲉϥⲙⲟⲩ·
ⲛⲧⲉⲣⲉⲡⲙⲏⲏϣⲉⲛⲁⲩⲉⲧⲛⲟϭⲛϣⲡⲏⲣⲉⲛⲧⲁⲥϣⲱⲡⲉ·ⲁⲩⲱϣⲉⲃⲟⲗϩⲛⲟⲩⲛⲟϭⲛⲥⲙⲏ·
ⲁⲩⲡⲱⲧⲉϫⲙⲡϣⲏⲣⲉϣⲏⲙ·
ⲁⲩⲱϣⲉⲃⲟⲗⲉⲩϫⲱⲙⲙⲟⲥ·ϫⲉⲟⲩⲁⲡⲉⲡⲛⲟⲩⲧⲉⲙⲡϩⲁⲅⲓⲟⲥⲃⲓⲕⲧⲱⲣ:—
ⲁⲩⲱⲁⲡⲉⲓⲱⲧⲙⲡϣⲏⲣⲉϣⲏⲙⲁϥⲙⲉϣⲧⲧⲡⲟⲗⲓⲥⲧⲏⲣⲥⲛⲙⲙⲁϥ·ⲉϥⲁⲙⲁϩⲧⲉⲛⲧⲉϥϭⲓϫⲉϥⲧⲁϣⲉⲟⲉⲓϣⲛⲛϭⲟⲙⲙⲡϩⲁⲅⲓⲟⲥⲃⲓⲕⲧⲱⲣ·
ⲙⲛⲛⲥⲱⲥⲁϥⲃⲱⲕⲉⲡⲉϥⲏⲓ·
ⲁϥⲉⲓⲛⲉⲛⲛⲉϥⲭⲣⲏⲙⲁⲧⲏⲣⲟⲩⲙⲛⲛⲉϥϩⲙϩⲁⲗ·
ⲁϥⲧⲁⲁⲩⲉϩⲟⲩⲛⲉⲡⲧⲟⲡⲟⲥⲙⲡϩⲁⲅⲓⲟⲥⲃⲓⲕⲧⲱⲣ·
ⲁϥϭⲱⲉϥⲇⲓⲁⲕⲟⲛⲉⲓⲉⲣⲟϥϣⲁⲡⲉϩⲟⲟⲩⲙⲡⲉϥⲙⲟⲩ·ⲁⲩⲱⲁⲡϣⲏⲣⲉϣⲏⲙϣⲱⲡⲉⲛⲟⲩⲣⲱⲙⲉⲛⲥⲱⲧⲡⲙⲡⲁⲣⲑⲉⲛⲟⲥ·ⲙⲡⲉϥⲟⲩⲟⲉⲓϣⲧⲏⲣϥ·
ⲙⲛⲛⲥⲱⲥ·ⲁϥⲙⲁⲁⲧⲉⲛⲧⲧⲁⲝⲓⲥⲛⲧⲙⲛⲧⲡⲣⲉⲥⲃⲩⲧⲉⲣⲟⲥ·ⲁⲩⲱⲁⲩϫⲟⲟⲥⲉⲧⲃⲏⲏⲧϥ·ϫⲉⲁϥⲛⲁⲩⲉⲡϩⲁⲅⲓⲟⲥⲃⲓⲕⲧⲱⲣⲛⲟⲩⲙⲏⲏϣⲉⲛⲥⲟⲡ·ⲁϥⲟⲩⲱⲛϩⲉⲣⲟϥ
ⲟⲩⲙⲉⲅⲁⲣⲁⲗⲏⲑⲱⲥⲡⲉⲡϣⲁϫⲉⲛⲧⲁⲡⲉⲛⲥⲱⲧⲏⲣϫⲟⲟϥ·ϫⲉⲡⲉⲧⲛⲁⲇⲓⲁⲕⲟⲛⲉⲓⲛⲁⲓⲡⲁⲉⲓⲱⲧⲛⲁⲧⲁⲉⲓⲟϥ·
ⲧⲉⲧⲛⲛⲁⲩⲱⲛⲁⲙⲉⲣⲁⲧⲉ·ϫⲉϥϭⲙϭⲟⲙⲛⲟⲩⲏⲣⲛϭⲓⲡⲥⲟⲡⲥⲡⲙⲡϩⲁⲅⲓⲟⲥⲃⲓⲕⲧⲱⲣ·
ⲁⲩⲱⲡⲉⲧⲛⲁⲉⲣⲏⲧⲛϥⲧⲙϫⲱⲕⲉⲃⲟⲗⲙⲡⲉϥⲉⲣⲏⲧ·ϣⲁⲣⲉⲡⲛⲟⲩⲧⲉϫⲓⲕⲃⲁⲙⲙⲟϥ·
ⲁⲛⲟⲛϩⲱⲱⲛⲉⲛϣⲁⲛⲉⲣⲏⲧⲛⲙⲙⲁⲣⲧⲩⲣⲟⲥ·
ⲙⲁⲣⲛϫⲟⲕϥⲉⲃⲟⲗϩⲛⲟⲩⲥⲡⲟⲩⲇⲏ·ϫⲉⲛⲛⲉⲩϭⲱⲛⲧⲉⲣⲟⲛ·
ⲕⲁⲓⲅⲁⲣⲟⲩⲛⲟϭⲛⲛⲟⲃⲉⲡⲉⲉⲣⲏⲧ·ⲛⲅⲣϩⲧⲏⲕ·ⲉϫⲙⲡⲉⲛⲧⲁⲕⲉⲣⲏⲧⲙⲙⲟϥ·
ⲡⲗⲏⲛϫⲉⲛⲛⲉⲛⲱⲥⲕϩⲙⲡϣⲁϫⲉ·
ⲙⲁⲣⲛⲕⲧⲟⲛⲛⲧⲛϫⲱⲛⲏⲧⲛⲛⲕⲉⲛⲟϭⲛϣⲡⲏⲣⲉ·ⲛⲧⲁⲥϣⲱⲡⲉϩⲙⲡⲙⲁⲣⲧⲏⲣⲓⲟⲛⲙⲡϩⲁⲅⲓⲟⲥⲃⲓⲕⲧⲱⲣ·ⲉⲩⲉⲟⲟⲩⲙⲡⲛⲟⲩⲧⲉⲙⲛⲛⲉϥⲙⲁⲣⲧⲩⲣⲟⲥⲉⲧⲟⲩⲁⲁⲃ·
ⲛⲉⲩⲛⲟⲩⲥϩⲓⲙⲉϩⲛⲧⲉⲓⲡⲟⲗⲓⲥⲉⲡⲉⲥⲣⲁⲛⲡⲉⲕⲁⲗⲗⲓⲉⲩⲧⲣⲟⲡⲓⲁ·ⲧϣⲉⲉⲣⲉⲧⲉⲛⲧⲥⲱⲛⲉⲙⲡⲣⲣⲟⲟⲛⲟⲣⲓⲟⲥ·
ⲧⲏⲇⲉⲛⲉⲟⲩⲣⲙⲙⲁⲟⲧⲉⲉⲙⲁⲧⲉ·
ⲁⲥϣⲱⲡⲉⲇⲉⲙⲙⲟⲥⲛⲟⲩϩⲟⲟⲩ·ⲉⲥⲉⲛⲕⲟⲧⲕⲙⲡⲛⲁⲩⲙⲙⲉⲉⲣⲉϩⲙⲡⲉⲥⲏⲓ·ϩⲛⲟⲩⲥⲡⲏⲗⲁⲓⲟⲛⲙⲡⲕⲁⲓⲣⲱⲥⲙⲡϣⲱⲙ·
ⲁⲩⲇⲁⲓⲙⲟⲛⲓⲟⲛϥⲟϭϥⲉϩⲟⲩⲛⲉⲧⲉⲥⲉⲕⲓⲃⲉⲥⲛⲧⲉ·
ⲁⲩϣⲓϥⲉⲁⲩⲱⲁⲩⲡⲟⲙⲡⲉⲙⲉⲙⲁⲧⲉ·
ⲁⲩⲧⲱⲥⲁⲩⲣⲧϭⲟⲧⲛⲟⲩⲱⲛⲉⲉⲩⲁϣⲉⲛⲥⲱⲥ·
ⲧⲉⲥⲣⲓⲙⲉⲇⲉⲛⲉⲥϣⲟⲟⲡϩⲛⲟⲩⲛⲟϭⲛⲃⲁⲥⲁⲛⲟⲥⲙⲡⲉϩⲟⲟⲩⲙⲛⲧⲉⲩϣⲏ·
ⲁⲥϫⲉϩⲉⲛⲛⲟϭⲛⲁⲛϩⲟⲗⲟⲙⲁⲉⲃⲟⲗⲛⲛⲥⲁⲉⲓⲛ·
ⲙⲡⲉⲥⲙⲁⲁⲧⲉⲛⲗⲁⲁⲩⲛⲑⲉⲣⲁⲡⲓⲁ·ⲁⲗⲗⲁⲁⲥϭⲱⲉⲥϩⲁⲃⲁⲍⲁⲛⲟⲥ·
ⲁⲩⲉⲓⲁⲧⲟⲟⲧⲟⲩⲛⲥⲱⲥⲛϭⲓⲛⲉⲥⲣⲱⲙⲉ·
ⲙⲁⲗⲓⲥⲧⲁⲇⲉⲁⲛⲥⲁⲉⲓⲛⲣⲥⲡⲟⲩⲇⲏⲛⲓⲙⲙⲡⲟⲩⲉϣⲑⲉⲣⲁⲡⲉⲩⲉⲙⲙⲟⲥ·ⲕⲁⲓⲡⲉⲣⲧⲥⲱⲛⲉⲧⲉⲙⲡⲣⲣⲟ·
ⲁⲗⲗⲁⲁⲩⲣⲁⲧϭⲟⲙⲛⲛⲁϩⲣⲙⲡⲡⲁⲑⲟⲥⲙⲡϣⲱⲛⲉ·ⲕⲁⲧⲁⲧϩⲉⲛⲧⲁⲩⲥϩⲁⲓⲉⲧⲃⲏⲏⲧⲟⲩ·ϫⲉⲁⲧⲉⲩⲥⲟⲫⲓⲁⲱϫⲛⲛϩⲏⲧⲟⲩ·
ⲛⲧⲉⲣⲉⲥⲥⲱⲧⲙⲇⲉⲉⲧⲃⲉⲛϭⲟⲙⲙⲛⲛⲉϣⲡⲏⲣⲉ·ⲉⲧϣⲟⲟⲡϩⲙⲡⲧⲟⲡⲟⲥⲙⲡϩⲁⲅⲓⲟⲥⲃⲓⲕⲧⲱⲣ·ⲁⲥⲡⲁⲣⲁⲕⲁⲗⲉⲓⲙⲡⲉⲥϩⲁⲓⲙⲛⲡⲉⲥⲥⲟⲛ·ⲉⲧⲣⲉⲩⲕⲁⲁⲥⲛⲥⲁⲃⲱⲕⲉⲡⲧⲟⲡⲟⲥⲙⲡⲡⲉⲧⲟⲩⲁⲁⲃ·ϩⲁⲣⲏⲩⲛⲧⲉⲡⲉϥⲛⲁⲧⲁϩⲟⲥ·ⲛϥⲭⲁⲣⲓⲍⲉⲛⲁⲥⲙⲡⲧⲁⲗϭⲟ·
ⲛⲉⲥⲣⲱⲙⲉⲇⲉⲁⲩⲡⲉⲓⲑⲉⲙⲙⲟⲥ·
ⲛⲉⲩⲛⲁⲩⲉⲣⲟⲥⲉⲁⲥⲕⲓⲛⲇⲩⲛⲉⲩⲉⲉⲡⲙⲟⲩ·
ⲁⲩⲟⲩⲉϩⲥⲁϩⲛⲉⲉⲧⲣⲉⲩⲧⲁⲗⲟⲥⲉⲩⲃⲁⲥⲧⲣⲉⲛⲛⲁ·ⲛⲥⲉϫⲓⲧⲥⲉⲡⲧⲟⲡⲟⲥⲙⲡϩⲁⲅⲓⲟⲥⲃⲓⲕⲧⲱⲣ·
ⲁⲩⲱⲛⲧⲉⲣⲉⲥⲃⲱⲕⲉϩⲟⲩⲛⲉⲡⲧⲟⲡⲟⲥⲁⲥⲱϣⲉⲃⲟⲗ·ϫⲉⲡⲁϫⲟⲉⲓⲥⲡϩⲁⲅⲓⲟⲥⲃⲓⲕⲧⲱⲣ·ϯⲥⲟⲡⲙⲙⲟⲕⲛⲁⲛⲁⲓ·ⲛⲅϥⲓⲙⲙⲁⲩϩⲓϫⲱⲓⲙⲡⲉⲓϩⲓⲥⲉ·ϫⲉⲛⲧⲕⲟⲩϩⲁⲅⲓⲟⲥⲛⲧⲉⲡⲛⲟⲩⲧⲉ·
ϩⲛⲧⲡⲁϣⲉⲇⲉⲛⲧⲉⲩϣⲏⲁⲡϩⲁⲅⲓⲟⲥⲃⲓⲕⲧⲱⲣϣⲛϩⲧⲏϥϩⲁⲧⲥⲩⲙⲫⲟⲣⲁⲛⲧⲉⲥϩⲓⲙⲉ:
ⲁϥⲉⲓⲛⲉⲛⲁⲥⲛⲟⲩⲁⲛⲁⲡⲁⲩⲥⲓⲥ·
ⲁⲥⲱⲃϣⲉⲣⲉⲛⲉⲥϩⲙϩⲁⲗⲙⲛⲛⲉⲥⲥⲓⲟⲩⲣⲕⲱⲧⲉⲉⲣⲟⲥ·
ⲁⲩⲱⲁϥⲉⲓϣⲁⲣⲟⲥϩⲛⲟⲩϩⲟⲣⲟⲙⲁ·ⲉϥⲫⲟⲣⲉⲓⲛⲟⲩⲡⲟⲣⲫⲩⲣⲁ·ⲉϥⲛⲉϫⲁⲕⲧⲓⲛⲛⲟⲩⲟⲉⲓⲛⲉⲃⲟⲗ·ⲉⲣⲉⲟⲩϩⲣⲁⲃⲇⲟⲥⲛⲟⲩⲟⲉⲓⲛϩⲛⲧⲉϥϭⲓϫ·
ⲡⲉϫⲁϥⲛⲁⲥϫⲉⲉϣϫⲉⲧⲣⲟⲩⲱϣⲉⲟⲩϫⲁⲓ·
ⲉⲣϣⲁⲛⲧⲱⲟⲩⲛⲛϣⲱⲣⲡⲛⲣⲁⲥⲧⲉ·ϫⲓⲛⲟⲩϣⲏⲙⲛⲛⲉϩϩⲙⲡⲉⲫⲁⲛⲟⲥ·ⲉⲧⲙⲟⲩϩϩⲓⲧϩⲉⲙⲡⲉⲑⲩⲥⲓⲁⲥⲧⲏⲣⲓⲟⲛ·ⲛⲧⲉⲓⲧⲱϩⲥⲛⲛⲟⲩⲉⲕⲓⲃⲉ·
ⲁⲩⲱⲡⲇⲁⲓⲙⲟⲛⲓⲟⲛⲛⲁϣⲧⲟⲣⲧⲣⲛϥⲉⲓⲉⲃⲟⲗ·ⲛⲧⲉⲓⲗⲟϩⲙⲡⲉⲓϩⲓⲥⲉ·
ⲁⲗⲗⲁϩⲁⲣⲉϩⲉⲣⲟⲛⲟⲩⲁϩⲓϩⲏⲧⲉϩⲟⲩⲛⲉⲛⲟⲩϩⲙϩⲁⲗ·ⲁⲩⲱϩⲁⲣⲉϩⲉⲣⲟⲉⲧⲙⲙⲟⲟϣⲉⲛⲕⲉⲥⲟⲡϩⲙⲡⲉⲓⲙⲁⲕϩⲉⲧϫⲟⲟⲥⲉ·ⲛⲧⲉⲥⲟⲟⲩⲧⲛⲛⲧⲉϭⲓϫⲉⲛϩⲏⲕⲉ·
ⲕⲁⲓⲅⲁⲣⲛⲧⲁⲡⲉⲓϩⲓⲥⲉⲧⲁϩⲟⲉⲧⲃⲉⲧⲟⲩⲙⲛⲧⲁⲧⲛⲁ·ⲙⲛⲧⲟⲩⲙⲛⲧϫⲁⲥⲓϩⲏⲧ·
ⲧⲉⲥϩⲓⲙⲉⲇⲉⲁⲥϣⲱⲡⲉϩⲛⲟⲩⲛⲟϭⲛϣⲧⲟⲣⲧⲣ·
ⲁⲥⲟⲩⲱϣⲃϩⲛⲟⲩϩⲟⲧⲉ·ϫⲉⲛⲧⲕⲛⲓⲙⲛⲧⲉⲓϩⲉⲧⲏⲣⲥ·ⲉⲣⲉⲡⲉⲓⲛⲟϭⲛⲉⲟⲟⲩⲕⲱⲧⲉⲉⲣⲟⲕ·
ⲁϥⲟⲩⲱϣⲃϩⲛⲟⲩⲥⲙⲏⲉⲥⲛⲟⲧⲙ:ϫⲉⲁⲛⲟⲕⲡⲉⲃⲓⲕⲧⲱⲣⲡⲉⲥⲧⲣⲁⲧⲏⲗⲁⲧⲏⲥⲙⲡⲛⲟϭⲛⲣⲣⲟ·
ⲁⲩⲱⲛⲧⲉⲣⲉϥϫⲉⲛⲁⲓⲁⲥⲗⲟⲉⲥⲛⲁⲩⲉⲣⲟϥ·
ⲛⲧⲉⲩⲛⲟⲩⲁⲥⲛⲉϩⲥⲉⲉϩⲣⲁⲓϩⲙⲡϩⲟⲣⲟⲙⲁ·
ⲁⲥϣⲱⲗⲙⲛⲟⲩⲛⲟϭⲛⲥϯⲛⲟⲩϥⲉⲉⲁϥⲙⲉϩⲡⲙⲁⲣⲧⲏⲣⲓⲟⲛⲧⲏⲣϥ·ⲁⲩⲱⲡⲉϫⲁⲥϩⲣⲁⲓⲛϩⲏⲧⲥ·ϫⲉⲁⲗⲏⲑⲱⲥⲡϩⲁⲅⲓⲟⲥⲃⲓⲕⲧⲱⲣⲡⲉⲡⲁⲓ·ⲉⲧϣⲁϫⲉⲛⲙⲙⲁⲓ·
ⲁⲛⲟⲕⲧⲉⲓⲣⲉϥⲣⲛⲟⲃⲉ·
ⲁⲩⲱⲛⲧⲉⲩⲛⲟⲩⲁⲥⲛⲉϩⲥⲉⲛⲛⲉⲥⲣⲱⲙⲉ·
ⲁⲥϫⲱⲉⲣⲟⲟⲩⲙⲡϩⲟⲣⲟⲙⲁ·
ⲁⲩⲱⲛⲧⲉϩⲧⲟⲟⲩⲉϣⲱⲡⲉ·ⲁⲥϯⲡⲉⲥⲟⲩⲟⲓⲉⲡⲉⲡⲣⲉⲥⲃⲩⲧⲉⲣⲟⲥⲙⲡⲙⲁⲣⲧⲏⲣⲓⲟⲛ·
ⲁϥϯⲛⲁⲥⲛⲟⲩϣⲏⲙⲛⲛⲉϩϩⲙⲡⲉⲫⲁⲛⲟⲥ·
ⲛⲧⲉⲣⲉϥϫⲓⲧϥⲉⲛⲉⲥϭⲓϫ·ⲁⲥⲧⲱϩⲥⲛⲛⲉⲥⲉⲕⲓⲃⲉⲉⲥϫⲱⲙⲙⲟⲥ·ϫⲉϩⲙⲡⲣⲁⲛⲙⲡⲛⲟⲩⲧⲉⲙⲡϩⲁⲅⲓⲟⲥⲃⲓⲕⲧⲱⲣ·ⲡⲉⲛⲧⲁⲓⲙⲡϣⲁⲛⲛⲁⲩⲉⲡⲉϥⲉⲟⲟⲩⲉⲕⲉⲭⲁⲣⲓⲍⲉⲛⲁⲓⲙⲡⲧⲁⲗϭⲟ·
ⲁⲩⲱⲛⲧⲉⲩⲛⲟⲩⲁⲡⲇⲁⲓⲙⲟⲛⲓⲟⲛϣⲧⲟⲣⲧⲣ·
ⲁϥϥⲟϭϥⲉⲃⲟⲗϩⲛⲛⲉⲥⲉⲕⲓⲃⲉⲛⲧϩⲉⲛⲟⲩⲛⲟⲩⲣⲉⲉⲣⲉⲡⲗⲁⲟⲥⲑⲉⲱⲣⲉⲓⲙⲙⲟϥⲉϥⲟⲛⲧϩⲉⲛⲟⲩϣⲁϩⲛⲕⲱϩⲧ·ⲁⲩⲱⲛⲧⲉⲩⲛⲟⲩⲁⲛⲉⲥⲉⲕⲓⲃⲉⲣⲧⲉⲩϩⲉⲛⲕⲉⲥⲟⲡ·
ⲁⲥⲱϣⲉⲃⲟⲗⲉⲥϫⲱⲙⲙⲟⲥ·ϫⲉⲟⲩⲁⲡⲉⲡⲛⲟⲩⲧⲉⲙⲡϩⲁⲅⲓⲟⲥⲃⲓⲕⲧⲱⲣ·
ⲁⲩⲱⲁⲥϯⲛϩⲉⲛⲇⲱⲣⲟⲛⲉⲩⲧⲁⲓⲏⲩⲉϩⲟⲩⲛⲉⲡⲙⲁⲣⲧⲏⲣⲓⲟⲛ·ⲟⲩⲛⲟⲩⲃⲙⲛⲟⲩϩⲁⲧⲉⲛⲁϣⲱϥ·ⲉⲩⲣⲡⲙⲉⲉⲩⲉⲙⲡⲧⲁⲗϭⲟⲛⲧⲁϥϣⲱⲡⲉⲛⲁⲥ·
ⲙⲛⲛⲥⲱⲥⲁⲥⲃⲱⲕⲉⲡⲉⲥⲏⲓϣⲁⲛⲉⲥⲣⲱⲙⲉ·ⲉⲥϯⲉⲟⲟⲩⲙⲡⲛⲟⲩⲧⲉⲙⲛⲡⲉϥⲙⲁⲣⲧⲩⲣⲟⲥⲉⲧⲟⲩⲁⲁⲃ·
ⲟⲩⲁⲛⲁⲅⲕⲁⲓⲟⲛⲇⲉⲟⲛⲡⲉⲉⲧⲣⲛϫⲱⲛⲏⲧⲛⲛⲕⲉⲛⲟϭⲛϣⲡⲏⲣⲉ·ⲛⲧⲁⲥϣⲱⲡⲉⲉⲃⲟⲗϩⲓⲧⲟⲟⲧϥⲙⲡⲉⲓⲡⲉⲧⲟⲩⲁⲁⲃ·
ⲁⲥϣⲱⲡⲉⲇⲉⲛⲧⲉⲣⲉⲡⲣⲣⲟⲟⲛⲟⲣⲓⲟⲥⲛⲁⲩⲉⲡⲧⲁⲗϭⲟⲛⲧⲁϥϣⲱⲡⲉⲛⲧⲉϥⲥⲱⲛⲉⲉⲃⲟⲗϩⲓⲧⲟⲟⲧϥⲙⲡϩⲁⲅⲓⲟⲥⲃⲓⲕⲧⲱⲣ·ⲁϥⲣⲁϣⲉⲉⲙⲁⲧⲉ·
ⲁⲩⲱⲁⲥⲣⲁⲛⲁϥⲉⲧⲁϫⲣⲉⲧϩⲁⲯⲓⲥⲙⲡⲉⲑⲩⲥⲓⲁⲥⲧⲏⲣⲓⲟⲛ·ⲙⲛⲛⲉⲝⲩⲗⲓⲕⲟⲛⲙⲡⲙⲁⲣⲧⲏⲣⲓⲟⲛϩⲛⲟⲩⲛⲟⲩⲃⲉϥⲥⲟⲧⲡ·ⲉⲩⲣⲡⲙⲉⲉⲩⲉⲙⲡⲧⲁⲉⲓⲟⲙⲡⲡⲉⲧⲟⲩⲁⲁⲃ·
ⲁⲩⲱⲁϥⲧⲣⲉⲩⲉⲓⲛⲉⲛϩⲉⲛⲧⲉⲭⲛⲓⲧⲏⲥⲛⲥⲁϩϩⲛⲧⲉⲩⲧⲉⲭⲛⲏ·
ⲁⲩⲣϩⲱⲃⲉⲡⲉⲑⲩⲥⲓⲁⲥⲧⲏⲣⲓⲟⲛⲉⲧⲣⲉⲩⲥⲙⲛⲧϥⲛⲛⲟⲩⲃ·
ⲉⲧⲓⲇⲉⲉⲩⲣϩⲱⲃⲉⲡⲉⲝⲩⲗⲓⲕⲟⲛ·ⲁⲡⲇⲓⲁⲃⲟⲗⲟⲥ·ⲡⲙⲁⲥⲧⲡⲉⲧⲛⲁⲛⲟⲩϥⲣⲉϩⲧⲟⲩⲁϩⲛⲛⲧⲉⲭⲛⲏⲧⲏⲥⲉⲧⲣϩⲱⲃ·
ⲁϥϩⲉⲉⲡⲉⲥⲏⲧ·
ⲡⲕⲉⲥⲉⲉⲡⲉⲛⲛⲧⲉⲭⲛⲏⲧⲏⲥⲁⲩⲣϩⲟⲧⲉ·
ⲁⲩϫⲓϣⲕⲁⲕⲉⲃⲟⲗϫⲉⲕⲩⲣⲓⲉⲉⲗⲉⲏⲥⲟⲛ·ⲁⲩⲱⲡⲣⲣⲟⲙⲛⲛⲕⲉⲣⲱⲙⲉⲉⲧⲥⲁⲡⲉⲥⲏⲧⲁⲩϣⲧⲟⲣⲧⲣⲉϫⲙⲡⲉⲛⲧⲁϥϣⲱⲡⲉ·
ϩⲛⲧⲉⲩⲛⲟⲩⲇⲉⲉⲧⲙⲙⲁⲩ·ⲉⲓⲥⲡϩⲁⲅⲓⲟⲥⲃⲓⲕⲧⲱⲣⲁϥⲉⲓⲉⲃⲟⲗϩⲛⲧⲡⲉ·ⲉϥⲫⲟⲣⲉⲓⲛⲟⲩⲛⲟϭⲛⲉⲟⲟⲩ·
ⲁϥⲁⲙⲁϩⲧⲉⲛⲧϭⲓϫⲙⲡⲧⲉⲭⲛⲓⲧⲏⲥ·ϩⲁⲧϩⲏⲙⲡⲁⲧϥⲡⲱϩⲉⲡⲕⲁϩⲛϣⲟⲙⲛⲧⲙⲙⲁϩⲉ·
ⲁϥⲁϣⲧϥⲁϥϩⲱⲗⲛⲙⲙⲁϥϣⲁⲡⲉⲝⲩⲗⲓⲕⲟⲛ·
ⲁϥⲧⲁϩⲟϥⲉⲣⲁⲧϥϩⲁϩⲧⲙⲡⲛⲟϭⲛϣⲉ·ϩⲁϩⲧⲙⲡⲉϣⲃⲏⲣⲧⲉⲭⲛⲓⲧⲏⲥ·
ⲙⲡⲉⲗⲁⲁⲩⲙⲡⲉⲧϩⲟⲟⲩⲧⲁϩⲟϥ·ⲟⲩⲇⲉⲙⲡⲉⲗⲁⲁⲩⲛⲣⲱⲙⲉⲛⲁⲩⲉⲡϩⲁⲅⲓⲟⲥⲃⲓⲕⲧⲱⲣ·ⲉⲓⲙⲏⲧⲓⲉⲡⲧⲉⲭⲛⲓⲧⲏⲥ·
ⲛⲧⲉⲣⲉⲡⲣⲣⲟⲙⲛⲡⲙⲏⲏϣⲉⲛⲁⲩⲉⲧⲛⲟϭⲛϣⲡⲏⲣⲉⲛⲧⲁⲥϣⲱⲡⲉⲁⲩⲣϩⲟⲧⲉⲁⲩⲁϣϣⲕⲁⲕⲉⲃⲟⲗϫⲉⲟⲩⲁⲡⲉⲛⲛⲟⲩⲧⲉⲙⲡϩⲁⲅⲓⲟⲥⲃⲓⲕⲧⲱⲣ·ⲁⲩⲱⲙⲛⲕⲉⲟⲩⲁⲛⲃⲗⲗⲁϥϩⲛⲧⲡⲉⲟⲩⲇⲉϩⲓϫⲙⲡⲕⲁϩ·
ⲡⲧⲉⲭⲛⲓⲧⲏⲥⲇⲉⲛⲧⲉⲣⲉⲡⲉϥϩⲏⲧϣⲱⲡⲉⲙⲙⲟϥⲉⲃⲟⲗⲛⲧϩⲟⲧⲉⲛⲧⲁⲥⲧⲁϩⲟϥ·ⲁϥⲁⲡⲁⲅⲕⲉⲓⲗⲉⲉⲡⲣⲣⲟⲙⲛⲡⲇⲏⲙⲟⲥⲧⲏⲣϥⲉϥϫⲱⲙⲙⲟⲥ·ϫⲉⲁⲓⲛⲁⲩⲉⲩⲛⲟϭⲛⲉϭⲱϣ·
ⲉⲣⲉⲛⲉϥⲧⲛϩⲡⲟⲣϣⲉⲃⲟⲗ·
ⲉⲣⲉⲛⲉϥⲃⲁⲗⲙⲟⲩϩⲛⲧϩⲉⲛⲟⲩⲕⲱϩⲧ·
ⲁϥⲧⲟϭⲛⲉⲧϩⲛⲛⲉϥϭⲓϫⲁϥⲛⲟϫⲧⲉⲡⲉⲥⲏⲧ·
ⲉⲧⲓⲇⲉⲉⲓⲡⲏⲧⲉⲡⲉⲥⲏⲧ·ⲉⲓⲥⲟⲩⲣⲱⲙⲉⲛⲟⲩⲟⲉⲓⲛⲉϥⲫⲟⲣⲉⲓⲛⲟⲩⲥⲭⲏⲙⲁⲛⲃⲁⲥⲓⲗⲓⲕⲟⲛ·ⲉⲣⲉⲡⲉϥϩⲟⲟⲩⲟⲉⲓⲛⲛⲧϩⲉⲙⲡⲣⲏ·
ⲁϥⲁⲙⲁϩⲧⲉⲛⲧⲁϭⲓϫϩⲁⲧϩⲏⲙⲡⲁⲧⲓⲡⲱϩⲉⲡⲕⲁϩ·
ⲁϥϩⲱⲗⲛⲙⲙⲁⲓⲁϥⲉⲛⲧⲉϩⲣⲁⲓⲉⲡⲉⲓⲙⲁ·
ⲁϥⲥⲫⲣⲁⲅⲓⲍⲉⲙⲙⲟⲓ·ⲁⲩⲱⲁϥϥⲓⲧϩⲟⲧⲉⲛⲥⲁⲃⲟⲗⲙⲙⲟⲓ·ⲉϥϫⲱⲙⲙⲟⲥ·ϫⲉⲙⲡⲣⲣϩⲟⲧⲉⲁⲛⲟⲕⲡⲉⲃⲓⲕⲧⲱⲣ·ⲡⲉⲧⲕⲣϩⲱⲃⲉⲡⲉϥⲙⲁⲣⲧⲏⲣⲓⲟⲛ·
ⲁⲩⲱⲛⲧⲉⲩⲛⲟⲩⲁⲓⲗⲟⲉⲓⲛⲁⲩⲉⲣⲟϥ·
ⲛⲧⲉⲣⲉⲡⲙⲏⲏϣⲉⲇⲉⲥⲱⲧⲙⲉⲛⲁⲓⲁⲩⲱϣⲉⲃⲟⲗ·ϫⲉⲟⲩⲁⲡⲉⲡⲛⲟⲩⲧⲉⲙⲡϩⲁⲅⲓⲟⲥⲃⲓⲕⲧⲱⲣ·
ⲁⲩⲱⲛⲧⲉⲓϩⲉϩⲓⲧⲛⲇⲉⲥⲡⲟⲩⲇⲏⲙⲡⲣⲣⲟⲙⲙⲁⲓⲛⲟⲩⲧⲉ·ⲙⲛⲛϭⲟⲙⲙⲡϩⲁⲅⲓⲟⲥⲃⲓⲕⲧⲱⲣ·ⲁⲩⲥⲙⲓⲛⲉⲙⲡⲥⲩⲗⲓⲕⲟⲛⲙⲛⲡⲉⲑⲩⲥⲓⲁⲥⲧⲏⲣⲓⲟⲛⲛⲛⲟⲩⲃⲉϥⲥⲟⲧⲡ·ⲙⲛϩⲉⲛⲱⲛⲉⲙⲙⲉⲉⲛⲁϣⲉⲥⲟⲩⲛⲧⲟⲩ·
ⲁⲧⲉⲧⲛⲛⲁⲩⲱⲛⲁⲙⲉⲣⲁⲧⲉ·ϫⲉϩⲉⲛⲛⲟϭⲛⲉⲛϭⲟⲙⲙⲡϩⲁⲅⲓⲟⲥⲃⲓⲕⲧⲱⲣⲡⲁⲓⲉⲧⲛⲣϣⲁⲛⲁϥⲙⲡϩⲟⲟⲩ·
ⲁⲩⲱⲣⲱⲙⲉⲛⲓⲙⲉⲧⲛⲁⲥⲡⲥⲱⲡϥϩⲙⲡⲉⲩϩⲏⲧⲧⲏⲣϥ·ⲕⲁⲛⲉⲩϣⲱⲛⲉϩⲛϣⲱⲛⲉⲛⲓⲙ·ϣⲁϥⲭⲁⲣⲓⲍⲉⲛⲁⲩⲙⲡⲧⲁⲗϭⲟ·
ⲛⲉⲩⲛⲟⲩⲣⲱⲙⲉⲇⲉⲟⲛϩⲛⲧⲉⲓⲡⲟⲗⲓⲥ·ⲉⲩⲡⲁⲧⲣⲓⲕⲓⲟⲥⲡⲉⲛⲧⲉⲛⲣⲣⲱⲟⲩ·ⲁⲡⲏϩⲉⲉϩⲣⲁⲉⲩϣⲱⲛⲉⲛⲁⲧⲧⲁⲗϭⲟ·
ⲁϥϣⲁⲁϥⲉⲧⲏⲣϥⲛϭⲓⲡⲉϥⲥⲱⲙⲁ·ϩⲱⲥⲧⲉⲛϥⲣⲧϭⲟⲧⲛⲟⲩⲥⲧⲩⲗⲗⲟⲥ·
ⲁⲩⲱⲛⲉⲟⲩⲙⲕⲁϩⲛϩⲏⲧⲡⲉⲛⲁⲩⲉⲣⲟϥϩⲛⲧⲉⲓⲙⲛⲧⲉⲃⲓⲏⲛ·
ⲛⲉϥϣⲟⲟⲡϩⲛⲟⲩⲑⲗⲓⲯⲓⲥ·ⲙⲛⲟⲩⲛⲟϭⲛϩⲓⲥⲉⲛⲁⲧϥⲓϩⲁⲣⲟϥ·ϩⲱⲥⲧⲉⲛⲅϩⲉⲉⲣⲟϥⲛϩⲁϩⲛⲥⲟⲡⲉϥϩⲙⲟⲟⲥ·
ⲉⲣⲉⲛⲉϥϩⲙϩⲁⲗⲟⲗⲙⲉϩⲟⲩⲛⲉⲣⲟϥ·ⲁⲩⲱϣⲁⲣⲉⲛⲉϥⲟⲩⲣⲏⲏⲧⲉⲙⲛⲛⲉϥⲙⲉⲗⲟⲥⲡⲱϩⲛⲥⲉⲧⲁⲩⲟⲉⲃⲟⲗⲛϩⲉⲛⲁⲕⲁⲑⲁⲣⲥⲓⲁⲉⲩⲟϣ·
ⲁⲩⲱⲁϥϯⲛϩⲉⲛⲛⲟϭⲛⲭⲣⲏⲙⲁⲛⲛⲥⲁⲉⲓⲛ·
ⲙⲡⲉⲗⲁⲁⲩⲙⲙⲟⲧⲛⲉⲥⲧⲁϥⲟϥ·
ⲙⲁⲗⲗⲟⲛⲇⲉⲁⲛⲣⲣⲱⲟⲩⲛϩⲣⲱⲙⲏⲧⲛⲛⲟⲟⲩⲛϩⲉⲛⲁⲣⲭⲏϩⲓⲁⲧⲣⲟⲥⲉⲃⲟⲗϫⲉⲉⲟⲩⲛⲟϭⲡⲉϩⲙⲡⲡⲁⲗⲗⲁϯⲟⲛ·ⲁⲩⲱⲛⲉⲓⲕⲟⲟⲩⲉⲁⲩⲣⲥⲡⲟⲩⲇⲏⲛⲓⲙ·ⲁⲩⲱⲙⲡⲉϥⲙⲧⲟⲛⲗⲁⲁⲩ·
ⲉϥϣⲟⲟⲡⲟⲩⲛϩⲙⲡⲉⲓⲛⲟϭⲛϩⲓⲥⲉ·ⲁϥⲥⲱⲧⲙⲉⲧⲃⲉⲛϭⲟⲙⲙⲛⲛⲉϣⲡⲏⲣⲉⲉⲧϣⲟⲟⲡⲉⲃⲟⲗϩⲙⲡⲧⲟⲡⲟⲥ·ⲙⲡϩⲁⲅⲓⲟⲥⲁⲡⲁⲃⲓⲕⲧⲱⲣ·
ⲁⲛⲉϥϩⲙϩⲁⲗⲧⲁⲗⲟϥⲁⲩⲉⲛⲧϥⲉⲡⲧⲟⲡⲟⲥⲙⲡⲡⲉⲧⲟⲩⲁⲁⲃ·
ⲁⲩⲕⲁⲁϥϩⲓⲧϩⲏⲙⲡⲉⲑⲩⲥⲓⲁⲥⲧⲏⲣⲓⲟⲛ·
ⲁⲩⲱⲛⲉϥϫⲓϣⲕⲁⲕⲉⲃⲟⲗⲙⲡⲉϩⲟⲟⲩⲙⲛⲧⲉⲩϣⲏ·ϫⲉⲡϩⲁⲅⲓⲟⲥⲃⲓⲕⲧⲱⲣ·ϭⲱϣⲧⲉϫⲙⲡⲁⲑⲃⲃⲓⲟⲙⲛⲡⲁϩⲓⲥⲉ·ⲛⲅⲭⲁⲣⲓⲍⲉⲛⲁⲓⲙⲡⲧⲁⲗϭⲟ·ϫⲉϯϩⲏϣⲉⲙⲁⲧⲉ·
ⲏⲛⲧⲉⲡⲉⲕⲛⲁⲧⲁϩⲟⲓⲛⲅⲡⲁⲣⲁⲕⲁⲗⲉⲓⲙⲡⲛⲟⲩⲧⲉⲉϫⲱⲓ:ⲛϥⲡⲟⲟⲛⲉⲧⲉⲃⲟⲗϩⲙⲡⲉⲓⲃⲓⲟⲥϫⲉⲉⲓⲥϩⲏⲏⲧⲉⲕⲛⲁⲩⲉⲧⲁⲑⲗⲓⲯⲓⲥ·ϩⲛⲧⲉⲟⲩϣⲏⲉⲧⲙⲙⲁⲩ·
ⲁϥⲱⲃϣⲛⲟⲩⲕⲟⲩⲓⲛⲁⲡⲣⲏⲧⲉ·
ⲉⲓⲥⲡϩⲁⲅⲓⲟⲥⲃⲓⲕⲧⲱⲣⲁϥϣⲛϩⲧⲏϥϩⲁⲧⲉϥⲥⲩⲙⲫⲱⲣⲁ·ⲉⲃⲟⲗϫⲉⲟⲩⲙⲁⲓⲣⲱⲙⲉⲡⲉ·
ⲁϥⲛⲁⲩⲉⲣⲟϥϩⲛⲟⲩϩⲟⲣⲟⲙⲁⲉϥⲫⲟⲣⲉⲓⲛⲟⲩⲛⲟϭⲛⲉⲟⲟⲩ·
ⲉϥϭⲟⲗⲉⲛⲟⲩⲡⲟⲣⲫⲩⲣⲁⲉⲛⲁⲛⲟⲩⲥ·ⲉϥⲙⲏⲣⲛⲟⲩⲙⲟⲩⲥⲛⲛⲟⲩⲃ·
ⲉϥⲛⲉϫⲁⲕⲧⲓⲛⲛⲟⲩⲟⲉⲓⲛⲉⲃⲟⲗ·ⲁⲩⲱⲡⲉϫⲁϥϩⲙⲡϩⲟⲣⲟⲙⲁ·ϫⲉⲉⲕϣⲱⲛⲉⲉⲟⲩⲛⲧⲉⲓϩⲉ·
ⲡⲉϫⲉⲡⲣⲱⲙⲉⲛⲁϥ·ϫⲉⲉⲓⲥϩⲏⲏⲧⲉⲕⲛⲁⲩⲉⲡⲁϩⲓⲥⲉ·ⲙⲛⲧⲁⲑⲗⲓⲯⲓⲥϫⲉϫⲉⲁⲓϩⲱⲛⲉϩⲟⲩⲛⲉⲡⲙⲟⲩ·
ⲡⲉϫⲉⲡⲡⲉⲧⲟⲩⲁⲁⲃⲛⲁϥϩⲛⲟⲩϩⲟⲉϥⲣⲟⲟⲩⲧ·ϫⲉⲁⲛⲟⲕⲡⲉⲧⲛⲁⲧⲁⲗϭⲟ·ϫⲉⲉⲕⲉⲉⲓⲙⲉϫⲉⲟⲩⲛϭⲟⲙⲙⲙⲟⲓⲉϩⲱⲃⲛⲓⲙϩⲓⲧⲙⲡⲉϩⲙⲟⲧⲙⲡⲛⲟⲩⲧⲉⲉⲧⲛⲙⲙⲁⲓ·
ⲁⲩⲱⲁϥⲥⲟⲟⲩⲧⲛⲉⲃⲟⲗⲙⲡⲉϩⲣⲁⲃⲇⲟⲥⲉⲧϩⲛⲧⲉϥϭⲓϫ·
ⲁϥⲕⲁⲁϥⲉϫⲙⲡⲉⲧϣⲱⲛⲉϫⲉⲁⲡⲟⲩϫⲁⲓⲧⲁϩⲟⲕⲙⲡϩⲟⲟⲩ·ⲁⲗⲗⲁⲙⲡⲣⲟⲩⲱϩⲉⲧⲟⲟⲧⲕ
ⲣⲛⲟⲃⲉϫⲉⲏⲉⲡⲉⲧϩⲟⲟⲩⲉⲡⲁⲓϣⲱⲡⲉⲙⲙⲟⲕ·
ⲙⲡⲣⲣⲟⲩⲁϩⲓⲏⲧⲉϩⲟⲩⲛⲉⲛϩⲏⲕⲉ·
ⲁϥⲟⲩⲱϣⲃⲛϭⲓⲡⲣⲱⲙⲉϩⲛⲟⲩϣⲧⲟⲣⲧⲣ·ϫⲉⲛⲧⲕⲛⲓⲙⲛⲧⲉⲓϩⲉⲡⲁϫⲟⲉⲓⲥ·
ⲙⲡⲉⲓⲛⲁⲩⲉⲟⲩⲟⲛⲛⲧⲉⲕϩⲉⲉⲛⲉϩ·ⲉⲓⲧⲉⲣⲣⲟ·ⲉⲓⲧⲉⲥⲧⲣⲁⲧⲏⲗⲁⲧⲏⲥϩⲙⲡⲡⲁⲗⲗⲁϯⲟⲛ·
ⲁϥⲟⲩⲱϣⲃⲡⲉϫⲁϥϫⲉⲁⲛⲟⲕⲡⲉⲃⲓⲕⲧⲱⲣⲡⲉⲥⲧⲣⲁⲧⲏⲗⲁⲧⲏⲥⲙⲡⲣⲣⲟⲛⲧⲡⲉ·
ⲁⲩⲱⲛⲧⲉⲣⲉϥϫⲉⲛⲁⲓⲛⲁϥ·ⲁϥⲗⲟⲉϥϣⲟⲩⲟⲉⲃⲟⲗⲛⲟⲩⲙⲟⲩⲛⲃⲱⲱⲛ·ϩⲱⲥⲧⲉⲛⲧⲉⲡⲉϥϭⲗⲟϭϩⲱⲣⲡϩⲛⲟⲩⲙⲟⲟⲩ·ⲁⲩⲱⲁϥⲗⲟⲉϥϣⲁⲁϥⲉ
ⲁϥⲣⲧϩⲉϩⲱⲥⲙⲡⲉϥϣⲱⲛⲉⲉⲛⲉϩ·
ⲁϥϥⲟϭϥⲁϥⲁϩⲉⲣⲁⲧϥ·
ⲁϥϫⲓϣⲕⲁⲕⲉⲃⲟⲗⲉϥϫⲱⲙⲙⲟⲥ·ϫⲉⲟⲩⲁⲡⲉⲡⲛⲟⲩⲧⲉⲙⲡϩⲁⲅⲓⲟⲥⲃⲓⲕⲧⲱⲣ·
ⲡⲙⲏⲏϣⲉⲉⲧⲥⲟⲟⲩϩⲉϩⲟⲩⲛⲉⲡⲙⲁⲣⲧⲏⲣⲓⲟⲛ·ⲛⲧⲉⲣⲟⲩⲛⲁⲩⲉⲧⲛⲟϭⲛϣⲡⲏⲣⲉ·ⲁⲩⲱϣⲉⲃⲟⲗϫⲉⲛⲁⲓⲁⲧⲛⲁⲛⲟⲛϫⲉⲁⲛⲙⲡϣⲁⲙⲡⲉⲓⲱⲛⲉⲙⲙⲁⲣⲕⲁⲣⲓⲧⲏⲥϩⲛⲧⲉⲛⲡⲟⲗⲓⲥ·ⲉϥⲧⲁⲗϭⲟⲛⲛⲉⲛϣⲱⲛⲉⲙⲛⲛⲉⲛⲗⲟϫⲗⲉϫ·
ⲁⲩⲱⲁϥϯⲛϩⲉⲛⲇⲱⲣⲟⲛⲉϩⲟⲩⲛⲉⲡⲧⲟⲡⲟⲥⲙⲡϩⲁⲅⲓⲟⲥⲃⲓⲕⲧⲱⲣ·ⲟⲩⲛⲟⲩⲃⲙⲛⲟⲩϩⲁⲧ·ϫⲉⲕⲁⲥⲉⲩⲉϫⲟⲟⲩⲉⲃⲟⲗⲉⲛϩⲏⲕⲉⲙⲛⲛⲉⲧϣⲁⲁⲧ·
ⲁϥⲃⲱⲕⲉⲡⲉϥⲏⲓⲉϥϯⲉⲟⲟⲩⲙⲡⲛⲟⲩⲧⲉ·ⲉϥϫⲓⲛϩⲣⲁϥⲉⲡⲟⲩϫⲁⲓⲛⲧⲉϥⲯⲩⲭⲏϣⲁⲡⲉϩⲟⲟⲩⲙⲡⲉϥⲙⲟⲩ·
ⲉⲓⲛⲁϫⲉⲟⲩϩⲛⲛⲉϣⲡⲏⲣⲉⲛⲧⲁⲕⲁⲁⲩⲱⲡϥⲁⲓⲕⲗⲟⲙⲙⲡⲉⲭⲣⲓⲥⲧⲟⲥ·
ⲁϣⲛⲗⲁⲥⲛⲥⲁⲣⲝⲡⲉⲧⲛⲁϣϫⲱⲙⲡⲉⲕⲙⲁⲕⲁⲣⲓⲥⲙⲟⲥ·ⲱⲡⲉⲥⲧⲣⲁⲧⲏⲗⲁⲧⲏⲥⲛϫⲱⲱⲣⲉ·
ⲁⲗⲏⲑⲱⲥⲉⲓϣⲁⲛⲣⲡⲁⲟⲩⲟⲉⲓϣⲧⲏⲣϥⲉⲓⲡⲉⲣⲓⲉⲣⲅⲁⲍⲉϩⲛⲛⲉϣⲡⲏⲣⲉⲛⲧⲁⲕⲁⲁⲩ·ⲛϯⲛⲁϣϫⲱⲁⲛⲛⲟⲩⲕⲟⲩⲙⲙⲉⲣⲟⲥⲉⲃⲟⲗⲛϩⲏⲧⲟⲩ·
ⲱⲡϩⲟⲙⲟⲗⲟⲅⲓⲧⲏⲥⲁⲩⲱⲡⲁⲑⲗⲏⲧⲏⲥⲛⲁⲧϭⲱⲧⲡ·ⲉⲣⲉⲛⲓⲙⲛⲁϣⲕⲁⲧⲁⲗⲁⲃⲁⲛⲉⲙⲡϫⲱⲕⲙⲡⲉⲕⲧⲁⲉⲓⲟ·ⲙⲛⲙⲙⲁⲉⲓⲛⲛⲧⲁⲩϣⲱⲡⲉϩⲙⲡⲉⲕⲙⲁⲣⲧⲏⲣⲓⲟⲛ:—
ⲛⲧϩⲉⲅⲁⲣⲉⲧⲉⲙⲛϭⲟⲙⲛⲣⲱⲙⲉⲉϫⲓⲏⲡⲉⲙⲡⲧⲁⲉⲓⲟⲙⲡⲉⲓⲡⲉⲧⲟⲩⲁⲁⲃ·ⲙⲛⲛϭⲟⲙⲉⲧⲙⲏⲛⲉⲃⲟⲗϩⲙⲡⲉϥⲧⲟⲡⲟⲥ·
ⲱⲡϥⲁⲓⲕⲗⲟⲙⲛⲁⲙⲉⲙⲡⲉⲭⲣⲓⲥⲧⲟⲥ·ⲡϣⲏⲣⲉϣⲏⲙⲛⲧⲁⲧⲉϥⲥⲟⲫⲓⲁϫⲣⲟⲉⲛⲉϩⲣⲏⲧⲱⲣ·
ⲱⲡⲉⲛⲧⲁϥⲕⲁⲧⲁⲫⲣⲟⲛⲉⲓⲛⲧⲙⲛⲧⲣⲣⲟⲙⲡⲉⲓⲕⲟⲥⲙⲟⲥ·ϫⲉⲕⲁⲥⲉϥⲉϫⲓⲛⲧⲉⲧⲥⲟⲧⲡⲉⲧⲉⲧⲁⲧⲡⲉⲧⲉ·
ⲟⲩⲛⲟϭⲡⲉⲡⲉⲟⲟⲩⲛⲧⲁⲡⲛⲟⲩⲧⲉⲧⲁⲁϥⲛⲁⲕϩⲛⲧⲡⲉ·ⲁⲩⲱϩⲓϫⲙⲡⲕⲁϩ·
ⲕⲁⲧⲁⲧϩⲉⲛⲧⲁⲓϣⲉⲣⲡϫⲟⲟⲥⲁⲡⲉⲕⲥϯⲛⲟⲩϥⲉⲙⲉϩⲛⲉⲭⲱⲣⲁⲧⲏⲣⲟⲩⲙⲡⲕⲟⲥⲙⲟⲥ·ⲁⲩⲱⲥⲉⲛⲁⲟⲛⲟⲙⲁⲍⲉⲙⲡⲉⲕⲣⲁⲛϩⲛⲭⲱⲣⲁⲛⲓⲙ·ϫⲓⲛⲙⲡⲕⲁⲥⲧⲣⲟⲛⲛⲧⲁⲕϫⲱⲕⲉⲃⲟⲗⲛϩⲏⲧϥϣⲁϩⲣⲁⲓⲉⲡⲕⲁⲧⲁϩⲣⲁⲕⲧⲏⲥ·ⲁⲩⲱⲛⲥⲉϯⲉⲟⲟⲩⲛⲁⲕϩⲙⲡⲕⲟⲥⲙⲟⲥⲧⲏⲣϥ·ϫⲉⲛⲧⲕⲟⲩⲛⲟϭϩⲛⲙⲙⲁⲣⲧⲩⲣⲟⲥ·
ⲙⲁⲗⲓⲥⲧⲁⲁⲡⲛⲟⲩⲧⲉⲕⲁϩⲉⲛⲙⲁⲉⲓⲛⲙⲛϩⲉⲛϣⲡⲏⲣⲉⲉⲩⲙⲏⲛⲉⲃⲟⲗϩⲙⲡⲉⲕⲙⲁⲣⲧⲏⲣⲓⲟⲛϩⲙⲙⲁⲛⲓⲙ·ⲁⲩⲱ