Normalized Text
ⲟⲩⲗⲟⲅⲟⲥⲉⲁϥⲧⲁⲩⲟϥⲛϭⲓⲡⲡⲁⲧⲣⲓⲁⲣⲭⲏⲥⲉⲧⲟⲩⲁⲁⲃⲁⲡⲁⲁⲑⲁⲛⲁⲥⲓⲟⲥⲡⲁⲣⲭⲏⲉⲡⲓⲥⲕⲟⲡⲟⲥⲛⲣⲁⲕⲟⲧⲉ·ⲉⲧⲃⲉⲧⲉⲯⲩⲭⲏⲙⲛⲡⲥⲱⲙⲁ·◈◈—◈◈—◈◈—◈◈—◈◈ ⲡϣⲁϫⲉⲙⲉⲛⲉⲧⲟⲩⲧⲛⲛⲟⲟⲩⲙⲙⲟϥϩⲛⲙⲡⲏⲩⲉⲙⲛⲡⲑⲟⲛⲟⲥⲛϩⲏⲧϥ·ⲡⲁⲓⲉⲧⲥⲃⲧⲱⲧⲉϫⲱⲕⲣⲛⲛⲉⲧⲙⲯⲩⲭⲏ·ⲛⲧⲱⲧⲛϩⲱⲧⲧⲏⲩⲧⲛϣⲱⲡⲉⲉⲧⲉⲧⲛⲥⲃⲧⲱⲧⲡⲣⲟⲥⲧϭⲟⲙⲙⲡϣⲁϫⲉ·ⲁⲗⲗⲁⲥⲉⲣⲭⲣⲉⲓⲁⲟⲛⲙⲡⲉⲧⲥⲱⲧⲙ· ⲛⲧϩⲉⲅⲁⲣⲙⲡϩⲱⲟⲩⲙⲡⲉⲉⲧⲉⲙⲉϥϯⲕⲁⲣⲡⲟⲥⲉϫⲙⲡⲕⲁϩ·ⲟⲩⲇⲉⲙⲁⲣⲉⲡⲕⲁϩϯⲟⲩⲱⲉϫⲙⲡϩⲟⲩⲟⲙⲡⲉ· ⲧⲁⲓⲧⲉⲧϩⲉⲉⲧⲉⲙⲁⲣⲉⲡⲁⲕⲣⲟⲁⲧⲏⲥϯϩⲏⲩⲉϫⲙⲡⲉⲧϯⲥⲃⲱⲛⲁϥ·ⲟⲩⲇⲉⲡⲉⲧϯⲥⲃⲱⲉϫⲙⲡⲉⲧⲥⲱⲧⲙⲛⲥⲱϥ· ⲡⲗⲟⲅⲟⲥⲇⲉⲛⲁϯⲙⲡϣⲁϫⲉ·ⲁⲩⲱⲧⲙⲛⲧⲥⲧⲙⲏⲧⲙⲁⲣⲟⲩϫⲱⲕⲥⲉⲃⲟⲗⲛϭⲓⲛⲉⲧⲥⲱⲧⲙ·
ⲉⲓⲥⲡⲗⲟⲅⲟⲥⲅⲁⲣϯⲛⲧⲉϥϭⲟⲙ·ⲛⲧⲉⲧⲛϩⲱⲧⲧⲏⲩⲧⲛⲁϫⲙⲡⲑⲟⲛⲟⲥⲉⲁⲧⲉⲧⲛⲣϣⲟⲣⲡⲉⲧⲃⲃⲉⲧⲏⲩⲧⲛⲉⲃⲟⲗϩⲛϩⲱⲕⲛⲓⲙ·ϩⲓⲡⲑⲟⲛⲟⲥⲙⲛⲧⲙⲛⲧⲁⲡⲓⲥⲧⲟⲥϫⲉⲥⲉⲟⲛϫⲁϫⲉⲉⲧⲇⲓⲕⲁⲓⲟⲥⲩⲛⲏ· ⲡⲕⲱϩⲅⲁⲣϯⲟⲩⲃⲉⲧⲁⲅⲁⲡⲏ·ⲁⲩⲱⲧⲙⲛⲧⲁⲡⲓⲥⲧⲟⲥⲟⲩⲃⲉⲧⲡⲓⲥⲧⲓⲥ·ⲛⲧϩⲉⲟⲛⲉⲧⲉⲣⲉⲡⲉⲧⲥⲁϣⲉϯⲟⲩⲃⲉⲡⲉⲧϩⲟⲗϭ·ⲁⲩⲱⲡⲕⲁⲕⲉϯⲟⲩⲃⲉⲡⲟⲩⲟⲉⲓⲛ·ⲁⲩⲱⲡⲡⲉⲧϩⲟⲟⲩⲟⲩⲃⲉⲡⲡⲉⲧⲛⲁⲛⲟⲩϥ·ⲡⲙⲟⲩϯⲟⲩⲃⲉⲡⲱⲛϩ·ⲁⲩⲱⲡϭⲟⲗϯⲟⲩⲃⲉⲧⲙⲉ· ⲛⲉⲧϫⲏⲕⲇⲉⲉⲃⲟⲗϩⲛⲧϭⲟⲙⲙⲡⲁⲛⲧⲓⲕⲉⲓⲙⲉⲛⲟⲥⲛⲉⲧⲉⲩⲛⲧⲁⲩⲙⲙⲁⲩ·ⲛⲟⲩⲕⲱϩⲙⲛⲟⲩⲡⲑⲟⲛⲟⲥ·ⲙⲛⲧⲙⲛⲧⲁⲡⲓⲥⲧⲟⲥⲉⲩⲙⲟⲥⲧⲉⲛⲧⲁⲅⲁⲡⲏ·ⲙⲛⲙⲛⲧⲡⲓⲥⲧⲓⲥⲛⲉⲧⲙⲟⲥⲧⲉⲇⲉⲛⲛⲁⲓ·ⲥⲉⲟⲛϫⲁϫⲉⲉⲡⲛⲟⲩⲧⲉ· ⲧⲛⲥⲟⲟⲩⲛⲅⲁⲣⲛⲁⲙⲉⲣⲁⲧⲉϫⲉⲟⲩⲟⲛⲛⲓⲙⲉⲧ
ⲙⲏϩⲛⲕⲱϩϩⲓⲡⲑⲟⲛⲟⲥϩⲓⲁⲡⲓⲥⲧⲓⲁ·ⲥⲉⲟⲛϫⲁϫⲉⲉⲧⲇⲓⲕⲁⲓⲟⲥⲩⲛⲏ·ⲣⲟⲉⲓⲥϭⲉⲉⲣⲱⲧⲛⲉⲛⲉⲧⲟⲛϫⲁϫⲉⲉⲧⲇⲓⲕⲁⲓⲟⲥⲩⲛⲏ·ⲛⲧⲉⲧⲛϣⲱⲡⲉⲣⲱⲧⲛⲛⲧⲡⲓⲥⲧⲓⲥⲙⲛⲧⲁⲅⲁⲡⲏ·ϫⲉⲉⲧⲃⲉⲛⲁⲓⲛⲧⲁⲛⲉⲧⲟⲩⲁⲁⲃⲧⲏⲣⲟⲩⲟⲩϫⲁⲓ·ϫⲓⲛⲛⲧⲉϩⲟⲩⲉⲓⲧⲉϣⲁⲁϩⲣⲁⲓⲉⲧⲉⲛⲟⲩ· ⲟⲩⲱⲛϩϭⲉⲉⲃⲟⲗⲛⲧϭⲟⲙⲛⲧⲁⲅⲁⲡⲏⲙⲡϣⲁϫⲉⲙⲙⲁⲧⲉⲁⲛⲁⲗⲗⲁϩⲙⲡϩⲱⲃ·ⲁϥⲧⲁⲁϥⲅⲁⲣⲛⲥⲱⲧⲉϩⲁⲣⲟⲛⲧⲏⲣⲛⲛϭⲓⲡϫⲟⲉⲓⲥ· ⲛⲧϩⲉⲅⲁⲣⲛⲧⲁⲡⲕⲟⲥⲙⲟⲥⲧⲏⲣϥϣⲱⲡⲉϩⲙⲡϣⲁϫⲉⲛⲣⲱϥⲛⲧⲁⲛϣⲱⲡⲉϩⲱⲱⲛⲁⲛ·ⲁⲗⲗⲁⲁϥⲧⲁⲙⲓⲟⲛϩⲙⲡϣⲁϫⲉⲙⲛⲡϩⲱⲃ· ⲙⲡⲉⲡⲛⲟⲩⲧⲉϩⲱⲉⲣⲟϥⲉⲧⲣⲉϥϫⲟⲟⲥϫⲉⲙⲁⲣⲛⲧⲁⲙⲓⲟⲛⲟⲩⲣⲱⲙⲉ·ⲕⲁⲧⲁⲡⲉⲛⲉⲓⲛⲉⲙⲛⲧⲉⲛϩⲓⲕⲱⲛ·ⲁⲗⲗⲁϥⲧⲣⲉⲡϩⲱⲃⲟⲩⲁϩϥⲛⲥⲁⲡϣⲁϫⲉ· ⲁⲡⲛⲟⲩⲧⲉⲅⲁⲣϫⲓⲛⲟⲩⲕⲁϩⲉⲃⲟⲗϩⲙⲡⲕⲁϩ·ⲁϥⲡⲗⲁⲥⲥⲉ
ⲙⲙⲟϥⲛⲟⲩⲣⲱⲙⲉ·ⲕⲁⲧⲁⲧⲉϥϩⲓⲕⲱⲛⲙⲛⲡⲉϥⲉⲓⲛⲉ·ⲁϥⲛⲓϥⲉⲉϩⲟⲩⲛϩⲙⲡⲉϥϩⲟⲛⲟⲩⲡⲛⲟⲏⲛⲱⲛϩ·ⲁⲇⲁⲙⲇⲉⲁϥϣⲱⲡⲉϩⲁⲧⲟⲟⲧϥⲙⲡⲙⲟⲩ·ⲉⲧⲃⲉⲧⲉϥⲡⲁⲣⲁⲃⲁⲥⲓⲥ·ⲁⲩⲱⲁⲡⲉⲡⲗⲁⲥⲙⲁⲛⲁⲇⲁⲙⲣⲭⲣⲉⲓⲁⲉⲧⲣⲉⲩⲡⲗⲁⲥⲥⲉⲙⲙⲟϥⲛⲕⲉⲥⲟⲡⲉⲃⲟⲗϩⲓⲧⲟⲟⲧϥⲙⲡⲛⲟⲩⲧⲉⲡⲇⲏⲙⲓⲟⲩⲣⲅⲟⲥ·ϫⲉⲕⲁⲥⲉϥⲉⲟⲩϫⲁⲓ· ⲁⲡⲣⲱⲙⲉⲅⲁⲣⲥⲣⲟϥⲣⲉϥⲧⲟⲙⲥⲉⲡⲕⲁϩ·ⲉⲁⲡⲉⲡⲛⲉⲩⲙⲁⲡⲱⲣϫⲉⲃⲟⲗⲙⲙⲟϥ·ⲡⲁⲓⲉⲛⲧⲁϥⲛⲓϥⲉⲉϩⲟⲩⲛⲉϩⲣⲁϥⲛϩⲏⲧϥ·ⲉⲁϥϣⲱⲡⲉⲛⲟⲩⲡⲛⲟⲏⲛⲱⲛϩ· ⲡⲁⲓϭⲉⲁⲩⲁⲙⲁϩⲧⲉⲙⲙⲟϥ·ϩⲛⲟⲩⲧⲟⲡⲟⲥⲛⲕⲁⲕⲉⲛⲧⲉⲣⲉϥⲙⲟⲩ·ϩⲙⲡⲙⲁⲉⲧⲟⲩⲙⲟⲩⲧⲉⲉⲣⲟϥϫⲉⲁⲙⲛⲧⲉ· ⲧⲉⲯⲩⲭⲏⲅⲁⲣⲙⲛⲡⲥⲱⲙⲁⲁⲩⲡⲱϣ·ⲁⲩⲱⲁⲡⲙⲟⲩⲡⲟⲣϫⲟⲩⲉⲛⲉⲩⲉⲣⲏⲩ· ⲧⲉⲯⲩⲭⲏⲙⲉⲛ
ⲁⲩⲙⲟⲣⲥϩⲛⲁⲙⲛⲧⲉ·ⲧⲥⲁⲣⲝⲇⲉϩⲱⲱⲥⲁⲥⲃⲱⲗⲉⲃⲟⲗϩⲙⲡⲕⲁϩ·ⲁⲩⲱⲛⲉⲩⲛⲟⲩⲛⲟϭⲛⲟⲩⲉⲟⲩⲧⲱⲟⲩⲙⲛⲛⲉⲩⲉⲣⲏⲩ·ⲧⲥⲁⲣⲝⲙⲛⲧⲉⲯⲩⲭⲏ· ⲧⲥⲁⲣⲝⲙⲉⲛⲁⲥⲱϫⲛⲁⲩⲱⲁⲥϫⲱⲣⲉⲃⲟⲗϩⲙⲡⲕⲁϩ·ⲉⲛⲧⲁⲩⲧⲟⲙⲥⲛϩⲏⲧϥ·ⲧⲉⲯⲩⲭⲏⲇⲉϩⲱⲱⲥⲁⲥⲣⲁⲧϭⲟⲙϩⲛⲙⲙⲣⲣⲉⲛⲁⲙⲛⲧⲉ· ⲧⲉⲯⲩⲭⲏⲉⲧϭⲙϭⲟⲙⲁⲩⲙⲟⲣⲥϩⲙⲡⲕⲁⲕⲉ· ⲡϭⲱⲃϩⲱⲱϥⲡⲥⲱⲙⲁⲁϥⲃⲱⲗⲉⲃⲟⲗϩⲙⲡⲕⲁϩ· ⲡⲥⲱⲙⲁⲅⲁⲣⲛⲁϣϭⲙϭⲟⲙⲁⲛⲉⲕⲓⲙⲉϥⲃⲏⲗⲉⲃⲟⲗϩⲙⲡⲧⲟⲟⲩ·ⲟⲩⲇⲉⲧⲉⲯⲩⲭⲏⲛⲁϣϭⲙϭⲟⲙⲁⲛⲉⲣⲟⲩϩⲱⲃⲉⲥⲙⲏⲣϩⲛⲁⲙⲛⲧⲉ· ⲛⲧⲉⲣⲉⲡⲙⲟⲩⲅⲁⲣϥⲓⲙⲡⲣⲱⲙⲉⲡϫⲱⲱⲣⲉⲙⲉⲛⲁϥⲙⲟⲣϥϩⲛⲁⲙⲛⲧⲉⲉⲧⲉⲧⲉⲯⲩⲭⲏⲧⲉ·ⲡϭⲱⲃϩⲱⲱϥⲁϥⲃⲟⲗϥⲉⲃⲟⲗϩⲙⲡⲕⲁϩ·ⲉⲧⲉⲧⲥⲁⲣⲝⲧⲉ· ⲛⲧϩⲉⲅⲁⲣⲛⲟⲩⲧⲩⲣⲁⲛⲛⲟⲥⲁϥⲛⲁϫⲓⲛⲟⲩⲡⲟⲗⲓⲥ
ⲛⲣⲣⲟ·ⲛϥⲣϣⲟⲣⲡⲛϥⲁⲙⲁϩⲧⲉⲉϫⲱⲡⲣⲣⲟⲛϥⲟⲣϫϥϩⲁⲧⲟⲟⲧϥ·ⲧⲁⲓⲧⲉⲧϩⲉⲉⲧⲉⲣⲉⲡⲙⲟⲩⲣϣⲟⲣⲡⲉⲧⲉⲯⲩⲭⲏ·ⲉⲁⲡⲥⲱⲙⲁϣⲱⲡⲉⲛⲧϩⲉⲛⲟⲩϫⲁⲓⲉⲙⲛⲣⲉϥⲣϩⲙⲙⲉϩⲓⲱⲱϥ·ⲧⲁⲓⲧⲉⲧϩⲉⲛⲧⲁⲡⲥⲱⲙⲁⲧⲁⲕⲟ·ⲁϥⲣⲙⲉⲗⲟⲥⲙⲉⲗⲟⲥⲉⲃⲟⲗϫⲉⲁⲧⲉⲯⲩⲭⲏⲗⲟⲉⲥⲣϩⲙⲙⲉⲙⲙⲟϥ· ⲁⲩⲱⲁⲙⲙⲉⲗⲟⲥϫⲱⲱⲣⲉⲃⲟⲗϩⲙⲡⲧⲟⲟⲩ·ⲁⲩⲧⲁⲕⲟⲛⲧϩⲉⲛⲟⲩⲡⲟⲗⲓⲥⲉⲥϣⲏϥ·ⲛⲧϩⲉⲛⲟⲩϫⲟⲉⲓⲉⲙⲛⲣⲉϥⲣϩⲙⲙⲉⲛϩⲏⲧϥⲉⲁϥⲱⲙⲥϩⲣⲁⲓϩⲙⲡⲙⲟⲟⲩ· ⲉⲣⲉⲧⲉⲯⲩⲭⲏⲅⲁⲣⲣϩⲙⲙⲉⲙⲡⲉⲥⲥⲱⲙⲁⲙⲙⲓⲛⲙⲙⲟⲥⲛⲧϩⲉⲛⲟⲩⲣⲣⲟⲉϥⲟⲓⲕⲟⲛⲟⲙⲉⲓⲛⲧⲉϥⲡⲟⲗⲓⲥ· ⲛⲧⲉⲣⲉⲡⲣⲱⲙⲉⲅⲁⲣⲙⲟⲩⲙⲡⲉⲧⲉϥⲯⲩⲭⲏϭⲙϭⲟⲙⲉⲕⲩⲃⲉⲣⲛⲏⲧⲉⲩⲉⲛⲧⲉϥⲥⲁⲣⲝⲉⲃⲟⲗϫⲉⲥⲙⲏⲣϩⲛⲁⲙⲛⲧⲉ·ⲁⲩⲱⲁⲥⲥⲱⲣⲙϩⲛⲛⲉϩⲓⲟⲟⲩⲉⲛⲧⲇⲓⲕⲁⲓⲟⲥⲩⲛⲏ
·ⲛⲧϩⲉⲛⲟⲩⲕⲉⲃⲉⲣⲛⲏⲧⲏⲥⲉⲁⲡⲉϥϫⲟⲉⲓⲥⲱⲣⲙϩⲛⲧϩⲁⲗⲁⲥⲥⲁ·ⲁⲥⲣⲓⲕⲉⲉⲃⲟⲗϩⲛⲛⲉϩⲓⲟⲟⲩⲉⲉⲧⲥⲟⲩⲧⲱⲛⲛϭⲓⲧⲉⲯⲩⲭⲏ·ⲉⲩⲃⲱⲱⲣⲉⲙⲙⲟⲥⲉⲛⲉϩⲓⲟⲟⲩⲉⲛⲛⲥⲟⲟⲛⲉⲉⲧⲣⲉⲩⲧⲟⲣⲡⲥⲛϩⲏⲧⲟⲩ·ⲉⲧⲉⲛⲁⲓⲛⲉⲙⲙⲛⲧⲛⲟⲉⲓⲕ·ⲙⲛⲙⲡⲟⲣⲛⲉⲓⲁ·ⲙⲛⲙⲛⲧⲙⲁⲓⲕⲟⲥⲙⲉⲓ·ⲙⲛⲙⲙⲛⲧⲣⲉϥϣⲙϣⲉⲉⲓⲇⲱⲗⲟⲛ·ⲙⲛⲙⲙⲛⲧⲣⲉϥϩⲉⲧⲃⲣⲱⲙⲉ·ⲙⲛⲙⲙⲟⲥⲧⲉ· ⲛⲁⲓⲅⲁⲣⲛⲉⲛⲧⲁⲥⲧⲁⲕⲉⲡⲣⲱⲙⲉⲛϩⲏⲧⲟⲩⲛϭⲓⲧⲉⲯⲩⲭⲏ· ⲁⲩⲱⲉⲧⲃⲉⲛⲁⲓⲛⲧⲁϥⲣϫⲟⲗⲉⲥϩⲛⲛⲧⲟⲟⲩ·ⲁⲩⲧⲁⲁⲥⲇⲉϩⲓⲧⲙⲡⲡⲟⲛⲏⲣⲟⲥⲉⲛⲧⲁⲥⲟⲩⲁϩⲥⲛⲥⲱϥ·ⲉⲧⲣⲉⲩⲁⲙⲁϩⲧⲉⲙⲙⲟⲥϩⲛⲁⲙⲛⲧⲉ· ⲉⲃⲟⲗϫⲉⲁϥⲥⲩⲗⲁⲙⲙⲟⲥⲛⲧϩⲉⲛⲟⲩⲥⲟⲟⲛⲉ· ⲡⲗⲏⲛⲁϥⲕⲁⲁⲥⲉⲣⲟⲥⲉⲧⲙⲧⲣⲉⲥϭⲙϭⲟⲙⲉⲃⲟⲏⲑⲉⲓⲉⲡⲉⲥⲥⲱⲙⲁⲙⲙⲓⲛⲙⲙⲟⲥⲉⲁϥⲧⲁⲕⲟ· ⲁ
ⲧⲥⲁⲣⲝⲃⲱⲗⲉⲃⲟⲗϩⲙⲡⲕⲁϩ·ϩⲛⲛⲉⲥϩⲟⲣⲙⲁⲕⲏ·ⲉⲁⲛⲙⲉⲗⲟⲥⲟⲩⲉⲉⲃⲟⲗⲛⲛⲉⲩⲉⲣⲏⲩⲉⲃⲟⲗϫⲉⲧⲉⲯⲩⲭⲏϣⲟⲟⲡⲁⲛⲛϩⲏⲧⲟⲩⲉⲥⲙⲟⲩⲣⲙⲙⲟⲟⲩ·ⲧⲉⲯⲩⲭⲏϩⲱⲱⲥⲥⲙⲏⲣϩⲛⲁⲙⲛⲧⲉϩⲛϩⲉⲛⲡⲉⲇⲏⲥⲁⲛ·ⲁⲗⲗⲁϩⲛϩⲉⲛⲙⲣⲣⲉ· ⲉⲧⲃⲉⲡⲁⲓ·ⲙⲡⲥⲉϣϭⲙϭⲟⲙⲉⲃⲟⲏⲑⲉⲓⲉⲡⲉⲥⲥⲱⲙⲁⲙⲙⲓⲛⲙⲙⲟⲥⲉⲧⲙⲧⲣⲉϥⲧⲁⲕⲟϩⲙⲡⲕⲁϩ· ⲛⲧϩⲉⲅⲁⲣⲛⲟⲩⲣⲉϥⲣϩⲙⲙⲉⲉϥⲛⲁⲙⲟⲩⲛⲧⲉⲡⲉϥϫⲟⲉⲓⲃⲱⲕⲛⲧⲙⲧⲱ· ⲧⲁⲓϩⲱⲱϥⲧⲉⲧϩⲉⲉⲛⲉⲣⲉⲧⲉⲯⲩⲭⲏⲙⲏⲣⲁⲛϩⲛⲁⲙⲛⲧⲉⲡⲉⲛⲉⲥⲛⲁⲣϩⲙⲙⲉⲙⲡⲉⲥⲥⲱⲙⲁⲡⲉⲉⲧⲙⲧⲣⲉϥⲧⲁⲕⲟ· ⲧⲉⲯⲩⲭⲏϭⲉⲁⲩⲙⲟⲣⲥⲟⲩⲙⲟⲛⲟⲛϩⲛϩⲉⲛⲙⲣⲣⲉⲁⲗⲗⲁⲁⲩⲙⲟⲣⲥϩⲛⲛⲉⲥⲛⲟⲃⲉⲙⲙⲓⲛⲙⲙⲟⲥⲛⲧϩⲉⲛϩⲉⲛⲛⲟⲩϩ·ⲉⲧⲃⲉⲡⲁⲓϭⲉⲁⲥⲣⲁⲧϭⲟⲙ·
ⲁⲥⲕⲁⲡⲉⲥⲥⲱⲙⲁⲛⲥⲱⲥⲉⲁϥⲧⲁⲕⲟϩⲙⲡⲕⲁϩ·ⲧⲉⲯⲩⲭⲏⲇⲉⲟⲛⲥⲉϩⲟϫϫⲉϫⲙⲙⲟⲥϩⲛⲁⲙⲛⲧⲉ·ⲉⲁⲥϣⲱⲡⲉⲛϩⲩⲡⲟⲡⲟⲇⲓⲟⲛⲙⲡⲙⲟⲩ· ϣϣⲟⲟⲡϩⲛⲁⲙⲛⲧⲉⲉⲥⲣⲓⲙⲉⲁⲩⲱⲥⲁϣⲁϩⲟⲙⲉϫⲙⲡⲉⲥⲥⲱⲙⲁⲉⲧⲛⲁⲛⲟⲩϥ·ⲉⲥϫⲱⲙⲙⲟⲥ ϫⲉⲉϥⲧⲱⲛⲡⲁⲥⲱⲙⲁ·ⲡⲁⲓⲉϣⲁⲓϫⲱⲛϩⲏⲧϥⲛϩⲏⲧϥⲛϩⲉⲛⲟⲩⲗⲗⲉ· ⲉϥⲧⲱⲛⲡⲁⲥⲱⲙⲁⲡⲁⲓⲉϣⲁⲓϣⲗⲏⲗⲉⲡⲛⲟⲩⲧⲉⲛϩⲏⲧϥ· ⲉϥⲧⲱⲛⲡⲁⲥⲱⲙⲁⲉⲧⲛⲁⲛⲟⲩϥⲡⲁⲓⲉⲛⲉⲓⲟⲛⲣⲱⲙⲉⲛϩⲏⲧϥⲙⲛⲛⲁϣⲃⲉⲉⲣⲙⲛⲛⲁⲥⲩⲛⲅⲉⲛⲏⲥⲉⲓⲙⲟⲟϣⲉⲛⲙⲙⲁⲩⲛϩⲏⲧϥ· ⲉⲓⲭⲟⲣⲉⲩⲉϩⲙⲡⲁⲥⲱⲙⲁ·ⲉⲩⲙⲟⲩⲧⲉⲅⲁⲣⲉⲣⲟⲓⲉⲓϣⲟⲟⲡϩⲙⲡⲁⲥⲱⲙⲁϫⲉⲣⲱⲙⲉ·ⲧⲉⲛⲟⲩⲇⲉⲁⲛⲅⲟⲩⲣⲱⲙⲉⲁⲛⲁⲗⲗⲁⲁⲛⲅⲟⲩⲯⲩⲭⲏ· ⲉⲣϣⲁⲛⲡⲙⲟⲩⲅⲁⲣⲡⲱⲣϫⲛⲧⲉⲯⲩⲭⲏⲉⲃⲟⲗⲙ
ⲡⲥⲱⲙⲁⲉⲩⲙⲟⲩⲧⲉⲉⲣⲟϥϫⲉⲕⲱⲱⲛⲥ·ⲉϥⲟⲛⲥϯⲃⲱⲱⲛ·ⲛⲉⲓϣⲓⲛⲉⲛⲥⲁⲡⲁⲥⲱⲙⲁⲛⲉⲓϣⲓⲛⲉⲁⲛⲛⲥⲁⲡⲁⲣⲁⲛ·ⲡⲁⲓⲉⲛⲉⲓⲟⲛⲣⲱⲙⲉⲛⲙⲙⲁϥ·ⲁⲩⲱⲉⲓϣⲁϫⲉⲛϩⲏⲧϥ· ⲉⲣϣⲁⲛⲧⲉⲯⲩⲭⲏⲅⲁⲣⲗⲟϩⲙⲡⲉⲥⲥⲱⲙⲁⲙⲉϥⲕⲟⲧϥⲉϣⲁϫⲉϩⲛⲟⲩⲥⲙⲏⲉⲛⲉⲥⲱⲥ·ⲁⲗⲗⲁϩⲛⲟⲩⲥⲙⲏⲉⲥϭⲟϫϥ·ⲁⲩⲱⲉⲥⲟⲕⲙⲉⲙⲁⲧⲉ· ⲛⲧϩⲉⲛⲟⲩⲙⲟⲩⲥⲓⲕⲟⲛⲉⲙⲛⲥⲙⲏⲙⲙⲟϥ·ⲉϥⲟⲛⲁⲧϣⲁϫⲉ· ⲧⲁⲓⲧⲉⲧϩⲉⲛⲧⲉⲯⲩⲭⲏⲉⲙⲛⲧⲁⲥⲙⲙⲁⲩⲙⲡⲥⲱⲙⲁⲉⲧⲣⲉⲥϫⲓϣⲕⲁⲕⲉⲃⲟⲗⲛϩⲏⲧϥ· ⲁϥⲧⲁⲕⲟⲅⲁⲣϩⲙⲡⲕⲁϩⲛⲧϩⲉⲛⲟⲩⲥⲕⲉⲩⲟⲥⲉⲁϥⲟⲩⲱϭⲡⲉⲁϥⲣⲁⲧϣⲁⲩⲉⲙⲛⲥⲙⲏⲙⲙⲟϥ·ⲟⲩⲇⲉϩⲣⲟⲟⲩ·ⲉϥⲟⲛⲁⲧⲕⲓⲙⲟⲩⲕⲱⲱⲛⲥⲅⲁⲣⲡⲉ· ⲧⲉⲯⲩⲭⲏⲅⲁⲣⲉϣⲁⲥ
ⲕⲟⲥⲙⲉⲓⲉⲣⲟϥⲁⲥⲃⲱⲕ·ⲁⲩϥⲓⲛⲧⲟⲟⲧϥⲙⲡⲣⲉϥϣⲁϫⲉ·ⲟⲩⲇⲉⲅⲁⲣⲙⲛϣϭⲟⲙⲉⲥⲟⲩⲛⲧϩⲓⲕⲱⲛⲛⲗⲁⲁⲩⲛⲣⲱⲙⲉⲉⲁϥⲙⲟⲩ·ϫⲉⲁϥⲥⲣⲟϥⲣⲉϥϩⲙⲡϣⲱ· ⲟⲩⲇⲉⲟⲛⲛⲉⲕⲥⲟⲩⲛⲡⲉϥϩⲟⲟⲩⲇⲉⲡⲓⲛⲉⲙⲡⲉϥⲥⲱⲙⲁ·ⲟⲩⲇⲉⲧⲉϥⲙⲛⲧⲛⲟϭ·ⲟⲩⲇⲉⲙⲉⲕⲥⲱⲧⲙⲉⲧⲉⲥⲙⲏⲛⲗⲁⲁⲩ· ⲡϣⲏⲣⲉⲅⲁⲣⲛⲁⲥⲟⲩⲛⲡⲉϥⲉⲓⲱⲧⲁⲛⲙⲙⲓⲛⲙⲙⲟϥ·ⲟⲩⲇⲉⲧⲉϥⲙⲁⲁⲩ·ⲟⲩⲇⲉⲡⲉϥⲥⲟⲛⲟⲩⲇⲉⲡⲉϥϣⲃⲏⲣ·ⲙⲛϣϭⲟⲙⲅⲁⲣⲉⲥⲟⲩⲛⲡⲉϥϩⲟϩⲛⲛⲧⲁⲫⲟⲥ· ⲁⲩⲱⲛⲉϥⲥⲡⲟⲧⲟⲩ·ⲁⲩⲥⲣⲟϥⲣⲉϥⲡϣⲁⲁϥⲗⲟϥⲗⲉϥ·ⲛⲃⲁⲗⲁⲩϣⲧⲁⲙ·ⲡⲁⲩⲁⲛⲙⲡⲉϥϩⲟⲁϥⲡⲱⲱⲛⲉ·ⲙⲛϣϭⲟⲙⲇⲉⲉⲥⲟⲩⲛⲗⲁⲁⲩⲛϩⲏⲧⲟⲩ·ⲉⲃⲟⲗϫⲉⲁⲩⲣϣⲟⲉⲓϣⲧⲏⲣⲟⲩⲛϭⲓⲛⲥⲱⲙⲁϩⲛⲛⲧⲁⲫⲟⲥⲁⲩⲧⲁⲕⲟⲅⲁⲣⲁⲩⲱⲙⲛϣⲱϫⲡⲛϩⲏⲧⲟⲩⲛⲁϩⲣⲁⲛ· ⲙⲛϣϭⲟⲙⲅⲁⲣⲙⲙⲟⲛⲉⲥⲟⲩⲛⲟⲩⲕⲉⲉⲥⲉⲧⲣⲉⲩⲧⲟϭϥⲉⲡⲉϥⲥⲱⲙⲁⲙⲙⲓⲛⲙⲙⲟϥ·ⲉⲃⲟⲗϫⲉ
ⲡⲕⲁⲥϭⲟⲗⲡⲉⲃⲟⲗⲉⲙⲛⲥⲁⲣⲝϩⲱⲃⲥⲙⲙⲟϥ·ⲟⲩⲇⲉⲟⲛⲉⲙⲡⲁⲧⲉⲧⲥⲁⲣⲝⲗⲟϥⲗⲉϥⲉⲧϭⲟⲟⲗⲉⲉⲡⲕⲁⲥ·ⲙⲛϣϭⲟⲙⲙⲙⲟⲕⲉⲥⲉⲟⲩⲱⲛϥϫⲉⲡⲁⲛⲓⲙⲡⲉ· ⲛⲧⲁⲛⲓⲙⲅⲁⲣⲉⲛⲉϩⲥⲟⲩⲛⲟⲩⲕⲁⲥⲉⲃⲟⲗϩⲛⲙⲙⲉⲗⲟⲥ· ⲏⲛⲓⲙⲡⲉⲧⲛⲁϣⲧⲁⲙⲟⲛⲉⲡⲁⲩⲁⲛⲛⲟⲩⲁⲉⲁϥⲙⲟⲩ· ⲙⲛϣϭⲟⲙⲅⲁⲣⲉⲧⲣⲉⲕⲉⲓⲙⲉⲉⲛⲕⲉⲉⲥⲛⲁⲇⲁⲙ·ⲏⲁϣⲛⲉⲛⲁⲡⲣⲟⲫⲏⲧⲏⲥ·ⲏⲁϣⲛⲉⲛⲥⲱⲙⲁⲛⲙⲡⲁⲧⲣⲓⲁⲣⲭⲏⲥ·ⲏⲛⲁⲛⲁⲡⲟⲥⲧⲟⲗⲟⲥ· ⲥⲉⲡⲁϩⲧⲉⲃⲟⲗⲧⲏⲣⲟⲩϩⲙⲡⲕⲁϩ·ⲛⲉⲩⲁⲡⲏⲩⲉⲙⲛⲛⲉⲩⲥⲱⲙⲁⲡⲁϩⲧⲉⲃⲟⲗ· ⲉⲣϣⲁⲛⲡϣⲏⲣⲉϣⲓⲛⲉⲛⲥⲁⲡⲉϥⲉⲓⲱⲧϥⲛⲁⲥⲉⲟⲩⲱⲛϥⲁⲛϩⲙⲡⲉⲙϩⲁⲁⲩ·ⲟⲩⲇⲉⲟⲩϣⲃⲏⲣⲙⲡⲉϥϣⲃⲏⲣⲟⲩⲇⲉⲟⲩⲥⲟⲛⲙⲡⲉϥⲥⲟⲛ· ⲁⲩⲱϥⲛⲁϭⲙⲡⲣⲁⲛⲛ
ⲗⲁⲁⲩⲁⲛⲉⲥⲉⲟⲩⲱⲛϥϫⲉⲛⲧⲟϥⲡⲉϩⲛⲟⲩⲙⲉ·ⲁⲩⲱⲛⲉϥⲥⲟⲩⲛⲡⲉϥⲉⲓⲛⲉⲉⲃⲟⲗϫⲉⲁⲩⲣϣⲟⲉⲓϣ·ϩⲙⲡⲉⲙϩⲁⲁⲩ·ⲉⲙⲛⲥⲙⲟⲧⲛⲗⲁⲁⲩⲛⲣⲱⲙⲉⲛϩⲏⲧⲟⲩ·ⲡⲣⲱⲙⲉⲅⲁⲣϫⲟⲟⲣⲉⲉⲃⲟⲗϩⲓϫⲙⲡϩⲟⲙⲡⲕⲁϩⲧⲏⲣϥ·ⲁⲩⲱϥⲡⲁϩⲧⲉⲃⲟⲗϩⲙⲙⲁⲛⲓⲙ·ⲉⲣⲉⲡⲕⲁϩⲅⲁⲣϭⲏⲩϩⲛⲛⲧⲁⲫⲟⲥ·ⲙⲛⲛⲉⲙϩⲁⲁⲩ·ⲁⲩⲱⲁⲙⲁⲛⲓⲙⲙⲟⲩϩϩⲛⲧⲉⲓⲁⲃⲉⲛⲛⲉⲧⲙⲟⲟⲩⲧ· ⲡⲕⲁϩⲟⲛⲁϥϣⲱⲡⲉⲛⲟⲩⲙϩⲁⲁⲩⲛⲟⲩⲱⲧⲛⲛⲉⲧⲙⲟⲟⲩⲧ· ⲟⲩⲣⲱⲙⲉⲛⲟⲩⲱⲧⲡⲉⲛⲧⲁⲩϫⲓⲧϥⲉⲃⲟⲗϩⲙⲡⲕⲁϩ·ϩⲉⲛϣⲟⲛϣⲟⲙⲛϩⲉⲛⲧⲃⲁⲛⲧⲃⲁⲛⲉⲛⲧⲁⲩⲧⲟⲙⲥⲟⲩⲛϩⲏⲧϥ· ⲁⲙⲁⲛⲓⲙⲙⲟⲩϩⲛⲛⲉⲧⲙⲟⲟⲩⲧ·ⲧϩⲁⲗⲁⲥⲥⲁⲙⲛⲛⲓⲉⲣⲱⲟⲩ·ⲡⲕⲁϩⲙⲛⲛⲧⲟⲩⲉⲓⲏ·ⲛⲉⲑⲏⲣⲓⲟⲛⲙⲛⲛϩⲁⲗⲁⲧⲉⲁⲩⲟⲩⲱⲙⲁⲩⲥⲉⲓⲉⲃⲟⲗϩⲛⲛϩⲁⲧⲃⲉⲥⲛⲛⲉⲧⲙⲟⲟⲩⲧ· ⲁⲩⲱⲁⲙⲛⲧⲉⲁϥⲙⲟⲩϩⲉⲃⲟⲗϩⲛ
ⲛⲉⲯⲩⲭⲏⲉⲩⲙⲏⲣ·ⲱⲡⲉⲡⲗⲁⲥⲙⲁⲙⲡⲕⲁϩⲉⲧⲟϣⲛⲗⲩⲡⲏ·ⲱⲡⲉⲡⲗⲁⲥⲙⲁⲛⲛⲣⲱⲙⲉⲉϥⲁⲩⲝⲁⲛⲉⲉⲩⲧⲁⲕⲟ·ⲁⲩⲱⲉϥϯⲟⲩⲱϩⲛϩⲉⲛⲗⲩⲡⲏⲙⲛϩⲉⲛⲁϣⲁϩⲟⲙ· ⲡⲣⲟⲥⲟⲩⲟⲩⲛⲟⲩⲡⲉⲡⲣⲁϣⲉⲛⲛⲉⲧϩⲓϫⲙⲡⲕⲁϩ·ⲁⲩⲱⲛⲧⲟⲟⲩⲉⲛⲉⲩⲙⲉⲉⲩⲉⲉⲣⲟϥϫⲉⲟⲩⲛⲟϭⲡⲉ·ϣⲁϥⲱϫⲛⲇⲉϩⲛⲟⲩϭⲉⲡⲏⲛⲧⲟⲟⲧⲟⲩ· ⲉⲓⲥⲟⲩⲁⲅⲁⲣⲉϥⲣⲁϣⲉⲉϥⲛⲁϫⲓⲥϩⲓⲙⲉⲁⲩⲱⲟⲛϥⲣⲓⲙⲉⲉⲣⲟⲥⲉⲁⲥⲙⲟⲩ· ⲉⲓⲥⲟⲩⲁⲟⲛⲉϥⲣⲁϣⲉⲉϫⲛⲛⲉϥϣⲏⲣⲉ·ⲉⲓⲥϩⲏⲏⲧⲉⲟⲛϥⲣⲓⲙⲉⲉϫⲙⲡⲉⲩⲧⲁⲫⲟⲥ· ⲉⲓⲥⲟⲩⲁⲟⲛⲧⲉⲗⲏⲗⲉϫⲙⲡⲉϥⲉⲓⲱⲧⲙⲛⲛⲥⲱⲥⲉϥⲛⲉϩⲡⲉⲉⲩⲧⲱⲙⲥⲙⲙⲟϥ· ⲟⲩⲅⲁⲣⲡⲉⲡϩⲏⲩⲙⲡⲣⲱⲙⲉ·ⲟⲩϩⲏⲃⲉⲡⲉⲡⲣⲱⲙⲉⲉⲙⲛⲥⲟⲗⲥⲗⲛϩⲏⲧϥ· ⲙⲛϣϭⲟⲙⲉⲡⲁⲣⲁⲙⲩⲑⲓⲍⲉⲙⲡⲉⲧⲛⲁⲧⲁⲕⲟ·ⲟⲩⲇⲉ
ϥϣⲟⲟⲡⲁⲛⲛϭⲓⲡⲉⲧⲛⲁⲥⲗⲥⲱⲗϥ·ⲟⲩⲣⲱⲙⲉⲡⲉⲛⲧⲉϥϩⲉⲛⲧⲟϥϩⲱⲱϥϣⲁϥⲙⲟⲩ·ⲟⲩⲛⲟⲩϣⲃⲏⲣⲛⲁⲡⲁⲣⲁⲕⲁⲗⲉⲓⲙⲡⲉϥϣⲃⲏⲣⲛⲧⲟϥϩⲱⲱϥϥϩⲩⲡⲟⲕⲓⲥⲑⲁⲓⲙⲡⲙⲟⲩ· ⲟⲩⲛⲟⲩⲡⲣⲟⲫⲏⲧⲏⲥⲛⲧⲉⲡⲛⲟⲩⲧⲉⲛⲁⲥⲗⲥⲱⲗⲟⲩ·ⲁⲗⲗⲁⲛⲧⲟⲟⲩⲥⲉⲛⲁⲥⲱⲧⲙⲛⲥⲱϥⲁⲛ· ⲟⲩⲇⲉⲣⲱⲙⲡⲟⲩⲡⲓⲥⲧⲉⲩⲉⲉⲡⲛⲟⲩⲧⲉⲛⲧⲡⲉ·ⲟⲩⲇⲉⲙⲡⲟⲩⲉⲓⲣⲉⲙⲡⲉϥⲱϣϣⲁⲛⲧⲟⲩϩⲉⲉϩⲣⲁⲓⲉⲡⲙⲟⲩ· ⲉⲧⲓⲅⲁⲣϥϭⲟⲛⲧⲉⲡⲣⲱⲙⲉⲉⲧⲃⲉⲧⲉϥⲡⲁⲣⲁⲃⲁⲥⲓⲥ·ϩⲉⲛⲁⲧϫⲟⲟⲩⲁⲩⲱϩⲉⲛⲁⲧⲧⲁⲩⲟⲟⲩⲛⲉⲛⲧⲁⲕⲟ·ⲙⲡⲣⲱⲙⲉ· ⲛⲕⲁⲅⲁⲣⲛⲓⲙϫⲓⲙⲡⲣⲱⲙⲉⲛϭⲟⲛⲥⲉⲧⲃⲉⲧⲉϥⲡⲁⲣⲁⲃⲁⲥⲓⲥ·ⲡϣⲱⲛⲉⲙⲛⲡⲟⲥⲉⲙⲛⲡⲗⲩⲡⲏ·ⲡϩⲏⲃⲉⲙⲛⲡϩⲓⲥⲉⲉⲧⲕⲱⲧⲉⲉⲣⲟϥ·ⲡⲁⲣⲟϣⲙⲛⲡⲕⲁⲩⲙⲁ·ⲁⲩⲱⲡⲕⲱϩⲧⲙⲛⲛⲉⲑⲏⲣⲓⲟⲛⲙⲛⲛϩⲁⲗⲁⲧⲉ
ⲙⲛⲛϫⲁⲧϥⲉ·ⲛⲉⲟⲩⲟⲉⲓϣⲙⲛⲙⲙⲛⲧϩⲗⲗⲟ·ⲛⲁⲏⲣⲙⲛⲛⲕⲓⲙⲧⲟ·ⲡϩⲟⲟⲩⲙⲛϯⲱⲧⲉⲥⲉⲡⲗⲁⲡⲧⲉⲓⲙⲡⲣⲱⲙⲉ· ϣⲁⲣⲉⲛⲓⲉⲣⲱⲟⲩⲇⲉⲟⲛⲟⲙⲥϥ·ϣⲁⲩⲟⲩⲟⲙϥⲇⲉⲟⲛϩⲓⲧⲛⲛⲛⲉⲑⲏⲣⲓⲟⲛϣⲁⲩⲣⲟⲕϩϥⲇⲉⲟⲛϩⲓⲧⲙⲡⲕⲱϩⲧ·ⲁⲩⲱϣⲁϥⲧⲁⲕⲟϩⲓⲧⲙⲡⲙⲟⲩ· ⲁⲩⲕⲁⲧⲁⲫⲣⲟⲛⲉⲓⲙⲡⲣⲱⲙⲉⲧⲏⲣⲟⲩⲛⲧⲉⲣⲉϥⲣⲁⲧⲥⲱⲧⲙⲛⲥⲁⲡⲛⲟⲩⲧⲉ· ⲁⲩⲱⲛⲧⲉⲣⲟⲩⲛⲟϫϥⲉⲃⲟⲗϩⲙⲡⲡⲁⲣⲁⲇⲓⲥⲟⲥⲁϥⲉⲓⲉⲃⲟⲗⲉⲡⲉⲓⲕⲧⲏⲙⲁⲉⲧⲙⲏϩⲛϩⲓⲥⲉ· ⲉⲩⲛϩⲏⲧϥⲛϭⲓⲛⲉⲫⲑⲟⲛⲟⲥⲙⲛⲙⲙⲛⲧⲟⲉⲓⲕ·ⲙⲛⲙⲡⲟⲣⲛⲉⲓⲁⲙⲛⲙⲙⲛⲧⲣⲉϥϣⲙϣⲉⲉⲓⲇⲱⲗⲟⲛ·ⲛⲁⲓⲅⲁⲣⲛⲉⲛⲧⲁⲡⲣⲱⲙⲉⲙⲟⲩⲉⲧⲃⲏⲏⲧⲟⲩ· ⲛⲁⲓⲧⲏⲣⲟⲩⲁⲩϣⲱⲡⲉⲛϣⲃⲣⲣϩⲱⲃⲙⲡⲙⲟⲩⲉϩⲟⲩⲛⲉⲡⲣⲱⲙⲉ·ⲁⲩⲱⲁⲩϩⲟⲕⲟⲩⲉⲣⲟϥ·ϩⲛϩⲉⲛⲁⲛⲟⲙⲓⲁ
ϫⲉⲕⲁⲥⲉϥⲉⲟⲩⲱϣϥ·ⲡⲣⲱⲙⲉⲅⲁⲣⲛⲟⲩⲟⲉⲓϣⲛⲓⲙⲙⲛⲧⲉϥⲗⲁⲁⲩⲛⲁⲡⲟⲗⲁⲩⲥⲓⲥⲛⲗⲁⲁⲩⲛⲥⲏⲩ· ⲛⲧⲁϥⲉⲩⲫⲣⲁⲛⲉⲅⲁⲣⲛⲁϣⲛⲟⲉⲓϣⲉⲛⲉϩⲛϭⲓⲡⲣⲱⲙⲉ· ⲁⲣⲁⲁϥⲉⲩⲫⲣⲁⲛⲉⲉϥϩⲛⲧⲙⲏⲧⲣⲁⲛⲧⲉϥⲙⲁⲁⲩ· ⲛⲁϣⲛϩⲉⲉϥⲛⲁⲉⲩⲫⲣⲁⲛⲉⲉϥⲟⲧⲡⲉϩⲟⲩⲛⲉⲡⲕⲁⲕⲉⲙⲛⲡⲉⲥϯⲃⲱⲱⲛⲉϥϩⲏϣⲁⲩⲱⲉϥϭⲏⲩⲛⲥⲁⲥⲁⲛⲓⲙϩⲙⲡⲉⲥⲛⲟϥⲛⲧⲕⲁⲗⲁϩⲏ· ⲁⲗⲗⲁⲉϥⲛⲏⲩⲉⲃⲟⲗϩⲛⲧⲟⲟⲧⲉⲁϥⲉⲩⲫⲣⲁⲛⲉ· ⲛⲉϥⲕⲓⲛⲇⲏⲛⲉⲩⲉⲅⲁⲣⲛϩⲟⲩⲟⲉⲧⲣⲉϥⲙⲟⲩ· ⲁⲗⲗⲁⲁϥⲉⲩⲫⲣⲁⲛⲉⲉϥϩⲛⲕⲟⲩⲛⲥⲛⲧⲉϥⲙⲁⲁⲩ ⲁⲩⲱⲉϥϫⲓⲉⲕⲓⲃⲉ·ⲛⲁϣⲛϩⲉϥϫⲓϣⲕⲁⲕⲉⲃⲟⲗⲁⲩⲱϥⲣⲓⲙⲉ· ⲡⲉⲧⲙⲟⲧⲛⲅⲁⲣⲙⲉϥϫⲓϣⲕⲁⲕⲉⲃⲟⲗⲟⲩⲇⲉⲙⲉϥⲣⲓⲙⲉ· ⲁⲗⲗⲁⲉϥⲟⲛϣⲏⲣⲉⲕⲟⲩⲓⲁⲩⲱⲉϥⲥⲩⲣⲁϩⲙⲡⲕⲁϩⲁϥⲉⲩⲫⲣⲁⲛⲉ· ⲛⲁϣⲛϩⲉⲉϥⲛⲁⲉⲩⲫⲣⲁⲛⲉ·ⲉϥϩⲩⲡⲟⲕⲓⲥⲑⲉⲉ
ⲧⲣⲉⲟⲩⲧⲃⲛⲏⲉⲓⲉϫⲱϥⲛϥⲣⲁϩⲧϥⲛϥⲙⲟⲩ·ⲁⲩⲱⲣⲱϥⲡⲏϣⲛϫⲓϩϩⲓⲉⲓⲧⲛ·ϩⲓⲧⲙⲡⲥⲩⲣⲁϩⲓⲡⲉⲥⲏⲧ·ⲁⲗⲗⲁⲉϣⲱⲡⲉⲉϥϣⲁⲛⲣⲃⲣⲣⲉϥⲛⲁⲉⲩⲫⲣⲁⲛⲉ· ⲉϥⲛⲁⲉⲩⲫⲣⲁⲛⲉⲛⲁϣⲛϩⲉ· ϥⲛⲁϣⲉⲩⲫⲣⲁⲛⲉⲁⲛ· ⲧⲁⲅⲙⲏⲅⲁⲣⲛⲧⲙⲛⲧϣⲏⲣⲉϣⲏⲙⲕⲱⲧⲉⲉⲣⲟϥⲛⲥⲁⲥⲁⲛⲓⲙϩⲛϩⲉⲛⲉⲡⲏⲑⲩⲙⲓⲁⲉⲩⲙⲏϩⲛⲕⲓⲛⲇⲩⲛⲟⲥ·ⲁⲩⲱⲉⲛⲥⲧⲟⲛⲁϥⲁⲛⲉⲁⲁⲩϫⲉⲛⲉϥⲙⲟⲩⲕⲁⲕⲱⲥ· ⲁⲗⲗⲁⲉϥⲛⲁϫⲓⲥϩⲓⲙⲉⲛϥϫⲡⲉϣⲏⲣⲉϥⲛⲁⲉⲩⲫⲣⲁⲛⲉ· ⲛⲁϣⲛϩⲉⲉϥⲛⲁⲉⲩⲫⲣⲁⲛⲉ·ⲉϥϩⲙⲡⲣⲟⲟⲩϣⲛⲛϣⲏⲣⲉϫⲉⲛⲉⲩⲣⲥⲟϭ· ⲁⲗⲗⲁⲉϥϣⲁⲛⲣϩⲗⲗⲟ·ⲁϥⲙⲧⲟⲛⲛⲁϣⲛϩⲉ· ⲉϥⲛⲁⲙⲧⲟⲛⲉⲩⲙⲙⲁⲩⲛϭⲓⲛⲕⲓⲛⲇⲩⲛⲟⲥⲛⲧⲙⲛⲧϩⲗⲗⲟ· ⲁⲩⲱⲉⲧϩⲁⲏⲛⲛⲁⲓⲧⲏⲣⲟⲩⲧⲉⲡⲣⲟⲥⲇⲟⲕⲓⲁⲙ
ⲡⲙⲟⲩⲧⲉϣⲁⲥⲟⲩⲱⲙⲥⲁⲧⲉⲯⲩⲭⲏⲛⲧϩⲉⲛⲟⲩⲕⲱϩⲧ·ⲱⲡⲙⲟⲩⲡⲁⲓⲉϣⲁϥϥⲓⲛϭⲟⲧⲛⲓⲙ·ϣⲏⲣⲉϣⲏⲙϩⲓϩⲗⲗⲟ·ⲃⲣⲣⲉϩⲓⲛⲟϭⲛⲣⲱⲙⲉ· ⲟⲩϣⲓⲅⲁⲣⲁⲛⲛϩⲏⲗⲏⲕⲓⲁⲡⲉⲧⲕⲏⲉϩⲣⲁⲓⲙⲡⲙⲟⲩ·ⲁⲗⲗⲁϣⲁϥϥⲓⲛϭⲟⲧⲛⲓⲙ·ⲉⲣⲉⲡⲣⲱⲙⲉⲅⲁⲣϣⲟⲟⲡⲛⲁϣⲛϩⲉ· ⲟⲩⲛⲟϭⲅⲁⲣⲛⲗⲩⲡⲏⲧⲉⲉⲑⲉⲱⲣⲉⲓⲙⲡⲙⲟⲩⲙⲡⲣⲱⲙⲉ·ⲙⲛⲡⲉϥⲧⲁⲕⲟ· ⲡϩⲟϣⲁϥⲟⲩⲟⲧⲟⲩⲉⲓⲧϩⲙⲡⲉⲥⲭⲏⲙⲁⲙⲡⲙⲟⲩ·ⲙⲛⲡⲥⲱⲙⲁⲛⲧⲁϥϭⲃⲃⲉ·ⲙⲛⲧⲧⲁⲡⲣⲟⲉⲧϣⲟⲧⲙ·ⲙⲛⲡϥⲱⲉⲛⲧⲁϥⲗⲱϭϫ·ⲙⲛⲛⲃⲁⲗⲉⲛⲧⲁⲩⲥⲱⲧⲣ·ⲁⲩϣⲧⲁⲙ·ⲙⲛⲙⲙⲉⲗⲟⲥⲉⲧⲉⲛⲥⲉⲕⲓⲙⲁⲛ· ⲡⲥⲉⲉⲡⲉⲅⲁⲣⲙⲡⲥⲱⲙⲁⲉⲧϩⲙⲡⲕⲁϩ·ⲧⲥⲁⲣⲝⲉⲛⲧⲁⲥⲥⲣⲟϥⲣⲉϥ·ⲙⲛⲙⲙⲟⲩⲧⲉⲉⲛⲧⲁⲩⲣϫⲟⲟⲗⲉⲥ·ⲙⲛⲡⲕⲉⲥⲉⲉⲡⲉⲉⲛⲧⲁⲩⲃⲱϣ·ⲛⲉϣⲧⲙⲟⲩⲱⲛⲉⲛⲧⲁⲩⲃⲱⲗⲉⲃⲟⲗ·ⲙⲛⲛⲁⲗⲕⲥⲉⲛⲧⲁⲩϣⲟⲟⲩⲉ·ⲙⲛ
ⲡϣⲟⲉⲓϣⲉⲧⲛⲁϣⲱϥ·ⲟⲩⲗⲁⲁⲩⲅⲁⲣⲡⲉⲡⲣⲱⲙⲉⲁⲩⲱⲉϥⲟⲛⲧϩⲉⲛⲟⲩϩⲣⲏⲣⲉⲛⲭⲟⲣⲧⲟⲥⲉϣⲁϥϣⲟⲟⲩⲉ·ⲛϥⲥⲣⲟϥⲣⲉϥ·ⲛⲧϩⲉⲛⲟⲩϣⲉⲉϣⲁϥⲣⲟⲕϩϥϩⲓⲧⲛⲟⲩⲕⲱϩⲧⲛϥⲱϫⲛ· ⲙⲛⲛⲥⲁⲡⲧⲁⲕⲟⲅⲁⲣⲙⲡⲣⲱⲙⲉⲙⲛⲧⲉϥⲙⲛⲧⲉⲃⲓⲏⲛⲉⲧⲛⲁϣⲱⲥ· ⲁⲡⲛⲟⲩⲧⲉϭⲙⲡϣⲓⲛⲉⲙⲡⲉϥⲡⲗⲁⲥⲙⲁⲙⲙⲓⲛⲙⲙⲟϥ·ⲡⲁⲓⲉⲛⲧⲁϥⲧⲁⲙⲓⲟϥ·ⲕⲁⲧⲁⲡⲉϥⲉⲓⲛⲉⲙⲛⲧⲉϥϩⲓⲕⲱⲛ·ϫⲉⲕⲁⲥⲉⲛⲉϥϣⲱⲡⲉⲛⲟⲩϫⲣⲟⲛϭⲓⲡⲙⲟⲩ· ⲛϥϣⲟⲩϣⲟⲩⲙⲙⲟϥϫⲉⲁⲓϫⲣⲟⲉⲡⲣⲱⲙⲉ· ϥⲡⲟⲗⲉⲙⲉⲓⲅⲁⲣⲙⲛⲡⲣⲱⲙⲉⲛⲟⲩⲟⲉⲓϣⲛⲓⲙⲛϭⲓⲡⲇⲓⲁⲃⲟⲗⲟⲥ·ⲁⲩⲱⲁϥϥⲓⲧϥⲛⲁⲓⲭⲙⲁⲗⲱⲧⲟⲥ·ϩⲛⲧⲕⲁⲕⲓⲁⲙⲡⲙⲟⲩ·ⲙⲛⲙⲡⲩⲗⲏⲛⲁⲙⲛⲧⲉ· ⲉϥⲛⲟⲩϫⲉⲉⲡⲣⲱⲙⲉⲛⲟⲩⲟⲉⲓϣⲛⲓⲙⲛⲛⲉϥⲁⲛⲟⲙⲓⲁ·
ϣⲁⲛⲧϥⲟⲣϫϥϩⲁⲧⲟⲟⲧϥⲙⲡⲙⲟⲩ·ⲁⲩⲱⲁϥⲟⲣⲃⲉϥⲉϩⲟⲩⲛⲉⲡⲉϣⲧⲉⲕⲟ·ⲛⲁⲙⲛⲧⲉ·ⲉⲧⲃⲉⲡⲁⲓⲙⲡⲉⲧⲉⲯⲩⲭⲏϭⲙϭⲟⲙⲉⲥⲙⲏⲣϩⲙⲡⲕⲁⲕⲉⲉⲧⲣⲉⲥⲣⲃⲟⲗϩⲛⲙⲙⲁⲛⲱⲧⲡⲉϩⲟⲩⲛⲛⲛⲉⲧⲙⲟⲟⲩⲧ· ⲉⲧⲃⲉⲡⲁⲓⲁⲡⲉⲓⲱⲧⲧⲛⲛⲟⲟⲩⲙⲡⲉϥϣⲏⲣⲉⲉϫⲙⲡⲕⲁϩⲉⲙⲛⲥⲁⲣⲝⲙⲙⲟϥⲉⲃⲟⲗϫⲉⲟⲩⲡⲛⲉⲩⲙⲁⲡⲉⲉϥⲟⲩⲁⲁⲃ· ⲁϥⲧⲣⲉϥⲣⲥⲁⲣⲝϩⲛⲧⲕⲁⲗⲁϩⲏⲛⲧⲡⲁⲣⲑⲉⲛⲟⲥⲉⲁϥϣⲱⲡⲉⲛⲣⲱⲙⲉⲛϭⲓⲡⲛⲟⲩⲧⲉ·ⲉⲧⲣⲉϥⲛⲟⲩϩⲙⲙⲡⲉⲛⲧⲁϥⲥⲱⲣⲙⲁⲩⲱⲛϥⲥⲱⲟⲩϩⲉϩⲟⲩⲛⲛⲛⲉⲧϫⲟⲟⲣⲉⲃⲟⲗϩⲓⲧⲙⲡⲉⲡⲑⲟⲛⲟⲥⲙⲡⲇⲓⲁⲃⲟⲗⲟⲥ·ⲛϥⲥⲱⲟⲩϩⲙⲙⲟⲟⲩⲉⲧⲉϥⲁⲅⲉⲗⲏ· ⲛⲉⲛⲧⲁⲡⲙⲟⲩϫⲟⲟⲣⲟⲩⲉⲃⲟⲗⲉⲁϥⲡⲉϣⲡⲣⲱⲙⲉ·ⲛⲁⲓⲁⲡⲉⲭⲣⲓⲥⲧⲟⲥⲥⲟⲟⲩϩⲟⲩⲉϩⲟⲩⲛ·ⲉⲁϥⲣⲡⲣⲱⲙⲉⲛ
ⲟⲩⲁⲛⲕⲉⲥⲟⲡ·ⲙⲛⲧⲉⲯⲩⲭⲏⲙⲛⲡⲥⲱⲙⲁ·ⲡⲙⲟⲩⲅⲁⲣⲁϥⲙⲉⲣⲧⲉⲯⲩⲭⲏϩⲛⲁⲙⲛⲧⲉⲉⲁϥⲃⲉⲗⲧⲥⲁⲣⲝⲉⲃⲟⲗϩⲙⲡⲕⲁϩ·ⲁϥⲡⲉϣⲡⲣⲱⲙⲉⲉⲥⲛⲁⲩ· ⲡⲥⲱⲧⲏⲣϩⲱⲱϥⲓⲏⲥⲟⲩⲥⲁϥⲃⲉⲗⲧⲉⲯⲩⲭⲏⲉⲃⲟⲗϩⲛⲛⲉⲥⲙⲣⲣⲉ·ⲉⲁϥⲙⲉⲣⲧⲥⲁⲣⲝⲇⲉⲟⲛϩⲛⲛⲉϣⲧⲙⲟⲩⲱⲛ· ⲁⲩⲱⲁϥⲛⲧⲟⲩⲉϩⲟⲩⲛⲙⲡⲉⲥⲛⲁⲩ·ⲁϥⲁⲁⲩⲛⲟⲩⲁⲛⲟⲩⲱⲧ·ⲧⲉⲯⲩⲭⲏⲙⲛⲡⲥⲱⲙⲁ·ⲁϥϣⲟⲟⲛϥⲟⲩⲙⲛⲛⲉⲩⲉⲣⲏⲩ· ⲁϥϯⲙⲡⲥⲱⲙⲁⲛⲧⲉⲯⲩⲭⲏ·ⲁⲩⲱⲧⲉⲯⲩⲭⲏⲙⲡⲥⲱⲙⲁ· ⲁϥϯⲙⲡⲟⲣⲅⲁⲛⲟⲛⲙⲡⲣⲉϥϣⲁϫⲉ·ⲁϥϯⲛⲁϥⲛⲙⲙⲉⲗⲟⲥⲉⲧⲧⲏϣ· ⲧⲉⲛⲟⲩϭⲉⲱⲧⲉⲯⲩⲭⲏⲯⲁⲗⲉⲓϩⲙⲡⲟⲩⲥⲱⲙⲁⲉⲩⲛⲧⲉⲙⲙⲁⲩⲙⲡⲟⲩⲛⲟⲩⲧⲉⲛϩⲓⲇⲓⲟⲛⲁⲩⲱⲛⲁⲧⲃⲱⲗⲉⲃⲟⲗ·ⲉⲧⲃⲉⲡⲁⲓⲅⲁⲣⲛⲧⲁⲡⲉⲭⲣⲓⲥⲧⲟⲥⲙⲟⲩϩⲁⲣⲟⲛ·
ϫⲉⲕⲁⲥⲁⲛⲟⲛⲉⲛⲁⲱⲛϩⲛⲙⲙⲁϥϣⲁⲉⲛⲉϩ·ⲙⲏⲅⲁⲣⲉϥⲭⲣⲩⲱⲥⲧⲉⲛⲟⲩⲙⲟⲩⲉⲧⲣⲉϥⲙⲟⲩⲛϩⲏⲧϥ· ⲏⲟⲩⲣⲱⲧⲉⲧⲉⲭⲣⲉⲓⲁⲉⲧⲣⲉϥⲛⲣⲱⲙⲉ· ⲏⲛⲧⲟϥⲉϥⲣⲭⲣⲉⲓⲁⲛϫⲓⲥⲁⲣⲝ· ⲉⲛⲧⲟϥⲡⲉⲡⲛⲟⲩⲧⲉⲉⲣⲉⲡⲉⲟⲟⲩⲧⲏⲣϥⲛⲧⲙⲛⲧⲛⲟⲩⲧⲉⲧⲟϩⲓⲱⲱϥ· ⲉⲧⲃⲉⲡⲁⲓⲁϥϩⲩⲡⲟⲙⲓⲛⲉⲉⲡⲉϫⲡⲟⲛⲛⲣⲱⲙⲉⲉϣⲁⲩⲙⲟⲩ·ⲉⲛⲧⲟϥⲡⲉⲡⲛⲟⲩⲧⲉⲡⲁⲧⲙⲟⲩⲙⲁⲩⲁⲁϥ· ⲉⲧⲃⲉⲟⲩⲇⲉⲁϥⲉⲓⲉⲡⲉⲥⲏⲧⲉϫⲙⲡⲕⲁϩⲉⲛⲧⲟϥⲡⲉⲡⲣⲣⲟⲉⲧⲟⲛⲣⲣⲟⲉϫⲛⲙⲡⲏⲩⲉ· ⲛⲓⲙⲡⲉⲛⲧⲁϥⲁⲛⲁⲅⲕⲁⲍⲉⲙⲙⲟϥⲉϯⲙⲡⲉϥⲛⲟⲩⲟⲓⲉϩⲟⲩⲛⲉⲡⲉⲥⲧⲁⲩⲣⲟⲥ·ⲛϥⲙⲟⲩⲉϥⲣⲁϣⲉ· ⲛⲧⲟϥⲡⲉⲡⲇⲏⲙⲓⲟⲩⲣⲅⲟⲥⲙⲡⲧⲏⲣϥ·ⲉⲁϥϩⲩⲡⲟⲙⲓⲛⲉⲉⲧⲣⲉⲩϫⲡⲟϥϩⲛⲟⲩⲙⲓⲧⲣⲁⲛⲥϩⲓⲙⲉⲉⲁⲩϭⲟⲟⲗⲉϥⲛϩⲉⲛⲧⲟⲉⲓⲥ: ⲡⲉⲧϭⲟⲟⲗⲉⲙⲡⲉⲟⲟⲩⲧⲏⲣϥⲙⲡⲉϥⲉⲓⲱⲧ· ⲡⲉⲧ
ϩⲙⲟⲟⲥϩⲓϫⲛⲛϩⲁⲣⲙⲁⲛⲉⲭⲉⲣⲟⲩⲃⲓⲛⲁⲩϫⲧⲟϥϩⲛⲟⲩⲟⲙϥⲁϥϫⲓⲉⲕⲓⲃⲉϩⲛⲕⲟⲩⲛⲥⲛⲟⲩⲥϩⲓⲙⲉ·ⲛϭⲓⲡⲉⲧⲉⲣⲉϩⲉⲛⲥⲁⲣⲁⲫⲓⲛⲁϩⲉⲣⲁⲧⲟⲩⲉⲣⲟϥϩⲛⲟⲩⲥⲧⲱⲧⲉⲩϯⲉⲟⲟⲩⲛⲧⲉϥⲙⲛⲧⲛⲟⲩⲧⲉ· ⲡⲉⲧⲧⲛⲛⲟⲟⲩⲛⲟⲩⲙϩⲟⲟⲩⲉⲧⲣⲉϥϩⲁⲧⲉϩⲛⲛⲁⲓⲉⲣⲱⲟⲩ·ⲁⲩⲱⲡϩⲟⲩⲙⲡⲉⲙⲛϯⲱⲧⲉ·ⲉϥⲧⲛⲛⲟⲟⲩⲙⲙⲟⲟⲩⲉⲃⲟⲗϩⲛⲧⲡⲉ·ⲁϥϫⲓⲃⲁⲡⲧⲓⲥⲙⲁϩⲙⲡⲓⲟⲣⲇⲁⲛⲏⲥϩⲓⲧⲛⲟⲩⲣⲱⲙⲉⲉϣⲁϥⲙⲟⲩ· ⲡⲉⲧⲉⲣⲉⲡⲧⲏⲣϥϫⲓⲟⲩⲟⲉⲓⲛⲉⲃⲟⲗϩⲓⲧⲟⲟⲧϥⲁⲩⲥⲟϣϥϩⲓⲧⲛⲛⲓⲟⲩⲇⲁⲓ· ⲡⲉⲧⲉⲣⲉⲧⲥⲁϣϥⲉⲙⲡⲉⲙⲛⲡⲉⲥⲧⲉⲣⲉⲩⲙⲁⲁⲩⲱⲡⲕⲁϩⲙⲛⲁⲙⲛⲧⲉⲉⲩⲁϣⲉⲙⲡⲉϥϣⲁϫⲉⲁⲩⲁϣⲧϥⲉϫⲛⲟⲩⲥⲧⲁⲩⲣⲟⲥⲛϣⲉ· ⲡⲉⲛⲧⲁϥϫⲓⲛⲟⲩⲕⲁϩⲉϥⲙⲟⲟⲩⲧⲁϥⲡⲗⲁⲥⲥⲉⲙⲙⲟϥ
ⲛⲟⲩⲣⲱⲙⲉⲉϥⲟⲛϩⲁϥϩⲩⲡⲟⲙⲓⲛⲉⲉⲩⲥⲱϣⲙⲙⲟϥ·ϫⲉⲕⲁⲥϩⲙⲡⲉϥⲥⲱϣⲉϥⲉⲧⲟⲩϫⲉⲡⲣⲱⲙⲉⲉⲛⲧⲁϥⲃⲱⲕⲉⲡⲧⲁⲕⲟ·ϩⲓⲧⲙⲡⲉϥⲛⲟⲃⲉ·ⲁϥϯⲛⲧⲉϥⲯⲩⲭⲏⲛⲥⲱⲧⲉϩⲁⲧⲉⲯⲩⲭⲏⲛⲛⲣⲱⲙⲉ· ⲁϥϯⲛⲧⲉϥⲥⲁⲣⲝⲉⲧⲟⲩⲁⲁⲃϩⲁⲡⲉⲡⲗⲁⲥⲙⲁⲧⲏⲣϥⲛⲁⲇⲁⲙ·ⲁⲩⲱⲡⲉϥⲥⲛⲟϥⲁϥⲧⲁⲁϥϩⲁⲡⲧⲏⲣϥ· ⲁϥϯⲛⲟⲩⲣⲱⲙⲉϩⲁⲟⲩⲣⲱⲙⲉ·ⲁⲩⲱⲡⲉϥⲙⲟⲩϩⲁⲡⲉⲛⲙⲟⲩ· ⲡⲙⲟⲩⲅⲁⲣⲉⲧⲉⲣⲉⲛⲣⲱⲙⲉⲭⲣⲏⲱⲥⲧⲓⲙⲙⲟϥ·ⲁⲩⲱⲉⲩⲣϩⲟⲧⲉϩⲏⲧϥ·ⲁϥϣⲱⲡⲉⲛⲥⲙⲟⲩϫⲉⲁⲡⲉⲭⲣⲓⲥⲧⲟⲥⲙⲟⲩϩⲁⲣⲟⲛ· ⲧⲁⲓⲧⲉⲧⲁⲅⲁⲡⲏⲛⲧⲁⲡⲉⲭⲣⲓⲥⲧⲟⲥⲟⲩⲟⲛϩⲥⲉⲃⲟⲗⲉⲁϥⲙⲟⲩϩⲁⲣⲟⲛⲁⲛⲟⲛⲛⲣⲉϥⲣⲛⲟⲃⲉ·ϫⲉⲕⲁⲥⲉϥⲉⲧⲟⲩϫⲟⲛ· ⲛⲓⲙⲅⲁⲣⲛⲇⲓⲕⲁⲓⲟⲥⲉⲛⲉϩⲡⲉⲛⲧⲁϥⲙⲟⲩϩⲁⲟⲩⲣⲉϥⲣⲛⲟⲃⲉⲛⲟⲩⲱⲧ· ⲏⲛⲓⲙⲉⲓⲱⲧⲡⲉⲛⲧ
ⲁϥⲙⲟⲩϩⲁⲡⲉϥϣⲏⲣⲉⲙⲙⲓⲛⲙⲙⲟϥⲉⲛⲧⲁϥϫⲡⲟϥ·ⲁϣⲟⲛⲛϣⲃⲏⲣⲡⲉⲛⲧⲁϥⲙⲟⲩϩⲁⲡⲉϥϣⲃⲏⲣ· ⲏⲟⲩⲥⲟⲛⲙⲙⲉⲣⲓⲧϩⲁⲡⲉϥⲥⲟⲛ· ⲙⲡⲉⲗⲁⲁⲩⲅⲁⲣⲉⲛⲉϩⲣⲡⲁⲓⲉⲧⲣⲉⲟⲩⲁⲙⲟⲩϩⲁⲟⲩⲁϩⲙⲡⲉϥⲟⲩⲱϣ·ⲏϩⲙⲡⲉϥϩⲧⲟⲣⲙⲁⲩⲁⲁϥ· ⲡⲉⲭⲣⲓⲥⲧⲟⲥⲇⲉⲛⲧⲟϥⲁϥⲉⲓⲙⲁⲩⲁⲁϥϩⲙⲡⲉϥϩⲧⲟⲣⲙⲛⲧⲉϥⲁⲅⲁⲡⲏ· ⲁⲛⲟⲛⲛⲣⲉϥⲣⲛⲟⲃⲉ·ⲟⲩⲙⲟⲛⲟⲛϫⲉⲁϥⲡⲗⲁⲥⲥⲉⲙⲙⲟⲛⲛⲧϩⲉⲛⲁⲇⲁⲙⲉⲁϥⲧⲣⲉⲛϣⲱⲡⲉⲛⲣⲱⲙⲉ· ⲁⲗⲗⲁⲛⲧⲉⲣⲉⲛⲧⲁⲕⲟϩⲙⲡⲛⲟⲃⲉⲁϥⲉⲓⲁϥϣⲡϩⲓⲥⲉϩⲁⲣⲟⲛ·ⲁⲩⲱⲁϥⲧⲁⲛϩⲟⲛϩⲛⲧⲉϥⲁⲅⲁⲡⲏ· ⲙⲡⲉⲟⲩⲟⲉⲓϣⲅⲁⲣⲉⲛⲧⲁϥⲡⲗⲁⲥⲥⲉⲙⲙⲟⲛϩⲛⲧⲉϥϭⲓϫ·ⲛϥϣⲡϩⲓⲥⲉⲁⲛ·ⲧⲉⲛⲟⲩⲇⲉϩⲱⲱϥⲁϥϫⲡⲟⲛⲛⲕⲉⲥⲟⲡϩⲓⲧⲙⲡϩⲓⲥⲉⲙⲡⲉϥⲙⲟⲩ·ⲉϥ
ⲙⲟⲕϩⲛϩⲏⲧⲛⲙⲙⲁⲛⲛⲧϩⲉⲛⲧⲉⲧϯⲛⲁⲁⲕⲉ·ⲁϥϩⲩⲡⲟⲙⲓⲛⲉⲅⲁⲣⲛⲙⲙⲁⲛⲉⲙⲁⲧⲉⲉⲙⲡϥⲣⲉⲕϩⲡⲕⲟⲥⲙⲟⲥⲉⲩⲥⲱϣⲙⲙⲟϥϩⲛϩⲉⲛⲙⲁⲥⲧⲓⲅⲝ·ϩⲓⲧⲛⲛϭⲓϫⲛⲛⲣⲉϥⲣⲛⲟⲃⲉ·ⲉⲧⲣⲉⲩⲙⲟⲩⲟⲩⲧⲙⲙⲟϥⲛⲥⲉⲧⲟⲙⲥϥⲕⲁⲧⲁⲧϩⲉⲉⲧⲉⲣⲉⲡⲉⲡⲣⲟⲫⲏⲧⲏⲥϫⲱⲙⲙⲟⲥϫⲉⲁⲕϫⲓⲧⲉϩⲣⲁⲓⲉⲡⲉⲭⲟⲩⲥⲙⲡⲙⲟⲩ· ⲛⲓⲙⲡⲉⲛⲧⲁϥϫⲓⲧϥ· ⲡⲗⲁⲟⲥⲡⲉⲛⲛⲁⲥⲉⲃⲏⲥⲛⲁⲓⲉⲛⲧⲁϥⲙⲉⲣⲓⲧⲟⲩⲉⲁⲩⲙⲟⲟⲩⲧϥ· ⲁϥⲉⲓⲉⲣⲁⲧⲟⲩⲉⲧⲟⲩϫⲟⲟⲩⲁⲩⲛⲟϣⲡⲉⲃⲟⲗⲛⲧϩⲉⲛⲟⲩϣϫⲉ· ⲁⲛⲁⲩϭⲉⲱⲡⲣⲱⲙⲉⲉⲛⲧⲟⲩⲉⲓⲟⲛⲛϣⲏⲣⲉⲙⲡⲓⲥⲣⲁⲏⲗ·ⲉⲛⲧⲁⲩⲁⲁⲩⲙⲡⲉⲛϫⲟⲉⲓⲥ· ⲁⲩⲕⲱⲛⲥⲙⲡⲉⲥⲡⲓⲣⲙⲡⲉⲛⲧⲁϥⲥⲟⲟⲛⲧⲟⲩ· ⲁⲩϯϩⲓⲥⲉⲙⲡⲉⲛⲧⲁϥⲣϩⲁϩⲙⲡⲉⲧⲛⲁⲛⲟⲩϥⲛⲁⲩⲙⲛⲛⲉⲩⲉⲓⲟⲧⲉ· ⲁⲩⲧⲱⲱⲃⲉⲛϩⲉⲛⲡⲉⲧϩⲟⲟⲩⲉⲡⲙⲁⲛϩⲉⲛⲡⲉⲧⲛⲁⲛⲟⲩⲟⲩ
ⲁⲩⲱⲟⲩⲙⲟⲥⲧⲉⲉⲡⲙⲁⲙⲡⲙⲉⲉⲛⲧⲁϥⲙⲉⲣⲓⲧⲟⲩⲛϩⲏⲧϥ·ⲁⲩⲑⲗⲓⲃⲉⲙⲡⲉⲛⲧⲁϥϯⲡⲣⲁϣⲉⲛⲁⲩ· ⲡⲉⲛⲧⲁϥⲧⲟⲩⲛⲉⲥⲛⲉⲧⲙⲟⲟⲩⲧⲛϩⲏⲧⲟⲩⲉⲩⲛⲁⲩⲉⲣⲟϥ· ⲡⲉⲛⲧⲁϥⲧⲁⲗϭⲉⲛϭⲁⲗⲉⲉⲁϥⲧⲃⲃⲉⲛⲉⲧⲥⲟⲃϩ· ⲡⲉⲛⲧⲁϥϯⲡⲟⲩⲟⲉⲓⲛⲛⲛⲃⲗⲗⲉ·ⲡⲁⲓⲁⲩϩⲟⲧⲃⲉϥⲁⲩⲱⲁⲩⲁϣⲧϥⲉϫⲛⲟⲩϣⲉ· ⲁⲛⲁⲩϭⲉⲱⲛⲣⲱⲙⲉⲉⲛⲧⲟⲗⲙⲏⲣⲓⲁⲛⲛⲓⲟⲩⲇⲁⲓ· ⲁⲩⲉⲓϣⲉⲙⲡⲉⲛⲧⲁϥⲉϣⲧⲡⲕⲁϩ· ⲁⲩⲉϥⲧⲡⲉⲛⲧⲁϥⲧⲁϫⲣⲉⲡⲕⲟⲥⲙⲟⲥⲉϫⲛⲙⲙⲟⲩⲛⲉⲓⲟⲟⲩⲉ· ⲁⲩⲡⲱϣⲙⲡⲉⲛⲧⲁϥϩⲱⲣϭⲛⲙⲡⲏⲩⲉϩⲛⲧⲉϥⲥⲟⲫⲓⲁ· ⲁⲩⲙⲟⲩⲣⲙⲡⲉⲛⲧⲁϥϥⲟⲗⲟⲩⲉⲃⲟⲗϩⲛⲧⲙⲛⲧϩⲙϩⲁⲗⲙⲫⲁⲣⲁⲱ· ⲁⲩⲥⲱⲛϩⲙⲡⲉⲧⲃⲱⲗⲉⲃⲟⲗⲛⲛⲣⲉϥⲣⲛⲟⲃⲉ· ⲡⲉⲛⲧⲁϥϯⲛⲁⲩⲛⲟⲩⲡⲏⲅⲏⲙⲙⲟⲟⲩⲁϥⲧⲁⲗϭⲉ
ⲡⲉⲩⲉⲓⲃⲉⲁⲩⲧⲥⲟϥⲛⲟⲩϩⲙϫⲉϥⲟⲟⲃⲉ·ⲁⲩⲱⲁⲩⲧⲙⲟϥⲛⲟⲩⲥⲓϣⲉⲉϥϩⲛⲧⲁⲅⲟⲛⲓⲁⲙⲡⲙⲟⲩϩⲓϫⲙⲡⲉⲥⲧⲁⲩⲣⲟⲥ·ⲉⲙⲛⲟⲩⲣⲡⲙⲉⲉⲩⲉϫⲉⲁϥⲧⲥⲓⲟⲟⲩⲛⲉⲃⲓⲱⲉⲃⲟⲗϩⲛⲟⲩⲡⲉⲧⲣⲁ· ⲁⲩⲙⲟⲩⲣⲛⲛϭⲓϫⲙⲛⲛⲟⲩⲉⲣⲏⲧⲉⲙⲡⲉⲛⲧⲁϥⲃⲱⲗⲉⲃⲟⲗⲛⲛⲉⲧⲥⲏϭ·ⲉⲩⲥⲟⲛϩⲛⲧⲟⲟⲧϥⲙⲡⲇⲓⲁⲃⲟⲗⲟⲥⲉⲃⲟⲗϫⲉⲁⲩⲉⲓⲣⲉⲙⲡⲉϥⲟⲩⲱϣ· ⲁϥⲥⲟⲛϩⲟⲩϩⲁⲧⲟⲟⲧϥϣⲁⲛⲧϥⲉⲓⲛϭⲓⲡⲉⲧⲛⲁⲥⲱⲧⲉⲛⲧⲁⲓⲭⲙⲁⲗⲱⲥⲓⲁⲉⲁϥⲃⲱⲗⲉⲃⲟⲗⲛⲛⲉⲧⲙⲏⲣ· ⲡⲉⲧϫⲟⲟⲩⲙⲡⲣⲏⲙⲛⲡⲟⲟϩⲉⲧⲣⲉⲩⲣⲟⲩⲟⲉⲓⲛⲉⲣⲟⲟⲩ·ⲡⲉⲛⲧⲁϥⲟⲩⲱⲛⲉⲛⲃⲁⲗⲙⲡⲃⲗⲗⲉⲙⲙⲓⲥⲉ·ⲁⲩϣⲧⲁⲙⲛⲛⲉϥⲃⲁⲗⲛⲧϩⲉⲛⲟⲩⲕⲱⲱⲛⲥ· ⲡⲉⲛⲧⲁϥⲧⲟⲩⲛⲉⲥⲛⲉⲧⲙⲟⲟⲩⲧⲁⲩⲧⲟⲙⲥϥ· ⲱⲡⲉⲓⲙⲩⲥⲧⲏⲣⲓⲟⲛⲛⲛⲃⲣⲣⲉⲁⲩⲱⲛⲁⲧⲧⲁϩⲟϥ· ⲁⲩⲕⲣⲓⲛⲉⲙⲡⲉⲕⲣⲓⲧⲏⲥ· ⲁⲩⲙⲟⲩⲣⲙⲡⲉⲧⲕⲱⲉⲃⲟⲗ
ⲛⲛⲉⲩⲛⲟⲃⲉ·ⲁⲩϯⲉⲓϥⲧⲉⲛϭⲓϫⲙⲡⲉⲛⲧⲁϥⲡⲗⲁⲥⲥⲉⲙⲙⲟⲟⲩ· ⲁⲩⲉⲓϣⲉⲉϩⲣⲁⲓⲙⲡⲉⲛⲧⲁϥⲉⲓϣⲉⲙⲡⲉⲩⲛⲓϥⲉϩⲛⲛⲉⲩϭⲃϣⲁ· ⲁⲩⲡⲱϣⲙⲡⲉⲧⲛⲁⲡⲱϣⲛⲙⲙⲉⲗⲟⲥⲙⲡⲉⲩⲥⲱⲙⲁ· ⲡⲣⲟⲥⲧⲉⲭⲣⲩⲥⲓⲥⲡⲉⲛⲧⲁϥⲧⲥⲓⲉⲡⲕⲁϩⲛⲱⲛϩ·ⲁⲩⲁⲛⲁⲅⲕⲁⲍⲉⲙⲙⲟϥⲉⲧⲣⲉϥⲟⲩⲉⲙⲥⲓϣⲉ· ⲡⲉⲧⲉⲣⲉⲡⲧⲏⲣϥⲟⲛϩⲉⲧⲃⲏⲏⲧϥⲁϥⲙⲟⲩ·ⲛⲧⲁⲩⲥⲟϣϥⲅⲁⲣⲉⲙⲁⲧⲉⲁⲛϩⲓⲡⲉⲥⲧⲁⲩⲣⲟⲥ·ⲁⲗⲗⲁⲉⲙⲡⲁⲧϥⲙⲟⲩⲟⲛⲁⲩϫⲱⲛϩⲉⲛⲛⲟϭⲛⲥⲱϣⲉϩⲟⲩⲛⲉϩⲣⲁϥ· ⲉⲣⲉⲡⲉⲛϫⲟⲉⲓⲥϭⲉⲁϣⲉⲉϫⲙⲡϣⲉⲙⲡⲉⲥⲧⲁⲩⲣⲟⲥ·ⲁⲛⲉⲙϩⲁⲁⲩⲟⲩⲱⲛ·ⲁⲁⲙⲛⲧⲉⲡⲱϩ· ⲁϥⲛⲟⲩϩⲙⲛⲛⲉⲯⲩⲭⲟⲟⲩⲉ·ⲁϥⲧⲟⲩⲛⲉⲥⲛⲉⲧⲙⲟⲟⲩⲧ·ⲁⲩⲟⲩⲟⲛϩⲟⲩⲉⲃⲟⲗⲛϩⲁϩⲛⲛⲉⲧⲟⲩⲁⲁⲃϩⲛⲧϩⲓⲉⲣⲟⲩⲥⲁⲗⲏⲙ· ⲁⲩⲱⲉⲛⲉⲙⲡⲁⲧⲉⲡⲙⲩⲥⲧⲏⲣⲓⲟⲛϫⲱⲕⲉⲃⲟⲗϩⲓ
ⲡⲉⲥⲧⲁⲩⲣⲟⲥ·ⲛⲧⲉⲣⲉⲡⲉⲭⲣⲓⲥⲧⲟⲥⲅⲁⲣⲙⲟⲩⲁϥⲟⲩⲱⲥϥⲙⲡϫⲁϫⲉ·ⲁϥⲙⲟⲩⲣⲙⲡϫⲱⲱⲣⲉⲛⲧⲩⲣⲁⲛⲛⲟⲥ·ⲁϥⲧⲁϩⲉⲡⲉϥⲥⲧⲁⲩⲣⲟⲥⲉⲣⲁⲧϥ·ⲉϥϫⲣⲁⲉⲓⲧⲙⲡⲉⲩⲙⲧⲟⲉⲃⲟⲗ·ⲉϥⲫⲟⲣⲉⲓⲙⲡⲉϫⲣⲟ· ⲁϥϫⲓⲥⲉⲅⲁⲣⲙⲡⲉϥⲥⲱⲙⲁϩⲓϫⲙⲡⲉⲥⲧⲁⲩⲣⲟⲥ·ⲛϭⲓⲡⲉⲛϫⲟⲉⲓⲥⲓⲏⲥⲟⲩⲥⲡⲉⲭⲣⲓⲥⲧⲟⲥ·ⲁⲩⲱⲛⲧⲉⲣⲉⲡⲙⲟⲩⲛⲁⲩⲉⲡⲱⲛϩⲁϥϩⲉϩⲁⲛⲉϥⲟⲩⲉⲣⲏⲧⲉ· ⲧⲟⲧⲉⲛϭⲟⲙⲛⲙⲡⲏⲩⲉⲁⲩⲣϣⲡⲏⲣⲉⲛⲛⲉϥⲥⲟⲫⲓⲁ· ⲁⲛⲁⲅⲅⲉⲗⲟⲥⲡⲱϣⲥⲉϩⲣⲁⲓⲉϫⲱϥ· ⲁⲛⲉⲥⲧⲟⲓⲭⲓⲟⲛⲣϩⲟⲧⲉ·ⲁⲩⲱⲁⲧⲉⲕⲧⲏⲥⲓⲥⲧⲏⲣⲥϣⲧⲟⲣⲧⲣⲛⲧⲉⲣⲟⲩⲛⲁⲩⲉⲡⲉⲓⲙⲩⲥⲧⲏⲣⲓⲟⲛⲛⲃⲣⲣⲉⲙⲛⲧⲉⲓⲑⲉⲱⲣⲓⲁⲛϩⲟⲧⲉ· ⲉⲩⲛⲁⲩⲉⲡⲛⲟⲩⲧⲉⲉϥⲁϣⲉϩⲓⲧⲛⲛⲣⲱⲙⲉ·ⲉⲩⲧⲱⲟⲩⲛϩⲁⲣⲟϥϩⲓⲧⲛⲟⲩϣⲉ· ⲛⲉϥⲟⲩⲉⲣⲏⲧⲉⲇⲉⲉⲩⲧⲁϫⲣⲏⲩⲉϩⲟⲩⲛⲉⲣⲟϥϩⲛϩⲉⲛⲉⲓϥⲧ· ⲛⲉϥϭⲓϫϩⲟⲙⲟⲓⲱⲥⲉⲩⲡⲟⲣϣⲉⲃⲟⲗ·ⲉⲩⲟϥⲧⲛⲉⲓϥⲧⲉϩⲟⲩⲛⲉⲡϣⲉ·
ⲛⲓⲟⲩⲇⲁⲓⲇⲉϩⲱⲟⲩⲉⲩⲭⲗⲉⲩⲁⲍⲉⲙⲙⲟϥⲉⲩⲥⲱⲃⲉ·ⲁⲩⲱⲉⲩϫⲏⲣ·ⲛⲉⲩⲟⲇⲉⲛⲁⲧⲥⲟⲟⲩⲛⲉⲡⲙⲩⲥⲧⲏⲣⲓⲟⲛ· ⲁⲡⲕⲁϩⲥⲧⲱⲧⲉϥⲛⲁⲩⲉⲧⲙⲛⲧⲁⲧϣⲓⲡⲉⲛⲛⲓⲟⲩⲇⲁⲓ· ⲁⲛⲧⲟⲟⲩⲥⲛⲟⲉⲓⲛⲛⲃⲟⲩⲛⲟⲥⲁⲩϣⲧⲟⲣⲧⲣⲁⲩⲕⲓⲙ· ⲧϩⲁⲗⲁⲥⲥⲁⲁⲥⲧⲱⲟⲩⲛⲉϩⲣⲁⲓⲛⲛⲉⲥϩⲁⲉⲓⲙ·ϩⲱⲥⲧⲉⲉϩⲉⲃⲥⲡⲕⲟⲥⲙⲟⲥ· ⲁⲡⲛⲟⲩⲛϣⲧⲟⲣⲧⲣⲁϥⲟⲩⲱⲛⲛⲣⲱϥ·ⲉⲟⲙⲕⲟⲩⲧⲏⲣⲟⲩ· ⲁⲡⲥⲱⲛⲧϣⲧⲟⲣⲧⲣϩⲛⲟⲩϭⲱⲛⲧⲉϩⲣⲁⲓⲉϫⲛⲧⲧⲟⲗⲙⲏⲣⲓⲁⲛⲛⲓⲟⲩⲇⲁⲓⲉⲧⲥⲟⲟϥ· ⲛⲣⲉϥⲣⲟⲩⲟⲉⲓⲛⲛⲧⲡⲉⲁⲩⲣⲕⲁⲕⲉ·ⲁⲡⲣⲏϩⲱⲧⲡ·ⲁⲡⲟⲟϩϣⲧⲟⲣⲧⲣⲁϥϩⲟⲡϥ·ⲁⲩⲱϫⲛⲛϭⲓⲛⲥⲓⲟⲩⲉⲧⲙⲧⲣⲉⲩⲣⲟⲩⲟⲉⲓⲛⲉⲛⲁⲥⲉⲃⲏⲥ· ⲛⲉⲣⲉⲡⲟⲟϩⲙⲉϩⲛⲟⲩⲟⲉⲓⲛⲡⲉ·ⲁⲩⲱⲉⲛϥⲣⲟⲩⲟⲉⲓⲛⲁⲛ·ⲛⲧⲉⲣⲉⲡⲣⲏϭⲉϩⲱⲧⲡ·ⲁⲗⲗⲁⲁⲩϣⲱⲡⲉⲧⲏⲣⲟⲩϩⲛⲟⲩⲕⲁⲕⲉ· ⲉⲩⲛⲁⲩⲉⲡⲉⲩⲛⲟⲩⲧⲉ
ⲉⲛⲧⲁϥⲥⲟⲟⲛⲧⲟⲩⲉϥⲁϣⲉⲉϫⲛⲟⲩϣⲉⲛⲧϩⲉⲛⲟⲩⲗⲏⲥⲧⲏⲥ·ⲡⲉϩⲟⲟⲩⲁϥⲣⲕⲁⲕⲉ· ⲟⲩⲁⲅⲅⲉⲗⲟⲥⲉϥϭⲟⲛⲧⲁϥⲉⲓⲉⲃⲟⲗϩⲛⲧⲙⲏⲏⲧⲉⲛⲛⲁⲅⲅⲉⲗⲟⲥⲧⲏⲣⲟⲩⲉⲣⲉⲧⲉϥⲥⲏϥⲉⲧⲟⲕⲙϩⲛⲧⲉϥϭⲓϫⲉϥⲟⲧⲟⲩⲉⲃⲟⲗϩⲛⲟⲩϣⲡⲛϣⲱⲡϩⲓⲟⲩⲥⲟⲡ· ⲁⲩⲱⲛⲧⲉⲣⲟⲩⲕⲱⲗⲩⲙⲙⲟⲟⲩϩⲓⲧⲛⲧⲙⲛⲧϣⲁⲛⲁϩⲧⲏϥⲙⲡⲉⲭⲣⲓⲥⲧⲟⲥ· ⲁϥϯⲧⲟⲟⲧϥⲉⲡⲕⲁⲧⲁⲡⲉⲧⲁⲥⲙⲁⲙⲡⲣⲡⲉⲁϥⲡⲁϩϥⲁϥⲁⲁϥⲛⲥⲛⲁⲩϫⲓⲛⲛⲧⲡⲉⲉⲡⲉⲥⲏⲧ· ⲉⲣⲉⲛⲁⲅⲅⲉⲗⲟⲥⲧⲏⲣⲟⲩϭⲱϣⲧⲉⲃⲟⲗϩⲛⲙⲡⲏⲩⲉⲉⲩϭⲟⲛⲧⲉⲁⲥⲕⲱⲗⲩⲙⲙⲟⲟⲩⲧⲏⲣⲟⲩ·ⲉⲧⲙⲧⲣⲉⲩⲧⲁⲕⲟⲟⲩⲛϭⲓⲧⲙⲛⲧϩⲁⲣϣϩⲏⲧⲙⲡⲛⲟⲩⲧⲉⲡⲉⲓⲱⲧ· ⲁⲡⲟⲩⲟⲉⲓⲛⲙⲡⲉϩⲟⲟⲩⲡⲱⲧ·ⲁϥⲕⲁⲡⲕⲟⲥⲙⲟⲥϩⲛⲟⲩⲕⲁⲕⲉ·ⲟⲩⲕⲁⲕⲉⲛϭⲟⲙϭⲙ· ⲛⲁⲓⲧⲏⲣⲟⲩⲁⲩϣⲱⲡⲉⲉⲙⲡⲁⲧⲉⲡⲉⲭⲣⲓⲥⲧⲟⲥϣⲧⲁⲙⲛⲛⲉϥⲃⲁⲗ· ⲁⲩⲱⲁⲡⲉϥⲟⲩⲟⲉⲓⲛϭⲉⲡⲏⲁϥϣⲁϩⲛⲁⲙⲛⲧⲉ· ⲁ
ⲁⲙⲛⲧⲉϣⲧⲟⲣⲧⲣⲛⲧⲉⲣⲉⲡϫⲟⲉⲓⲥⲃⲱⲕⲉⲡⲉⲥⲏⲧⲉⲣⲟϥϩⲛⲧⲥⲁⲣⲝⲁⲛ·ⲁⲗⲗⲁϩⲙⲡⲉⲡⲛⲉⲩⲙⲁ·ⲁϥⲁⲙⲁϩⲧⲉⲅⲁⲣⲙⲡⲧⲏⲣϥϫⲉⲛⲉϥⲧⲁⲕⲟϩⲁⲧϩⲏⲛⲧⲉϥⲟⲩⲛⲟⲩ· ⲡⲉϥⲥⲛⲟϥⲙⲉⲛⲁϥⲡⲁϩⲧϥⲉϫⲙⲡⲕⲁϩⲁϥϩⲁⲣⲉϩⲉⲡⲕⲁϩ·ⲙⲛⲛⲉⲧⲛϩⲏⲧϥ· ⲡⲉϥⲥⲱⲙⲁⲇⲉⲁϥϭⲱⲉϥⲁϣⲉⲉϫⲙⲡϣⲉⲉⲧⲃⲉⲛⲉⲥⲧⲟⲓⲭⲓⲟⲛ·ⲁⲩⲱⲡⲉϥⲡⲛⲉⲩⲙⲁⲁϥⲃⲱⲕⲉⲡⲉⲥⲏⲧⲉⲁⲙⲛⲧⲉⲁϥⲧⲟⲩϫⲟⲛⲛⲉⲧϩⲙⲡⲙⲁⲉⲧⲙⲙⲁⲩ ⲁϥϣⲱⲗⲛⲁⲙⲛⲧⲉ·ⲁϥⲁⲙⲁϩⲧⲉⲉϫⲙⲡⲧⲏⲣϥ· ⲡⲉϥⲥⲱⲙⲁⲙⲉⲛⲁϥⲧⲟⲩⲛⲉⲥⲛⲉⲧⲙⲟⲟⲩⲧϩⲓϫⲙⲡⲕⲁϩ·ⲡⲉϥⲡⲛⲉⲩⲙⲁⲇⲉⲁϥⲃⲱⲗⲉⲃⲟⲗⲛⲛⲉⲯⲩⲭⲟⲟⲩⲉⲉⲧϩⲛⲁⲙⲛⲧⲉ· ⲙⲡⲛⲁⲩⲅⲁⲣⲉⲣⲉⲡⲥⲱⲙⲁⲙⲡⲉⲛϫⲟⲉⲓⲥⲁϣⲉⲉϫⲙⲡⲉⲥⲧⲁⲩⲣⲟⲥ·ⲙⲡⲛⲁⲩⲉⲧⲙⲙⲁⲩⲡⲉⲛⲧⲁⲛⲉⲙϩⲁⲁⲩⲟⲩⲱⲛ· ⲁⲛⲉⲙⲛⲟⲩⲧⲛⲁⲙⲛⲧⲉⲛⲁⲩⲉⲣⲟϥⲁⲩϣⲧⲟⲣⲧⲣⲁⲩⲡⲱⲧ· ⲁϥⲟⲩⲱϣϥⲛⲛⲣⲟⲛϩⲟⲙⲛⲧ
ⲁϥϩⲱⲣⲃⲛⲙⲙⲟⲭⲗⲟⲥⲙⲡⲉⲛⲓⲡⲉ·ⲁⲩⲱⲁϥϫⲓⲛⲛⲉⲩⲯⲩⲭⲟⲟⲩⲉⲉⲧϩⲛⲁⲙⲛⲧⲉⲉϩⲣⲁⲓϣⲁⲁⲡⲉϥⲉⲓⲱⲧ·ⲛⲧⲉⲣⲉⲡϫⲟⲉⲓⲥⲅⲁⲣⲕⲁⲧⲁⲗⲩⲛⲁⲙⲛⲧⲉ·ⲁⲩⲱⲛⲧⲉⲣⲉϥϩⲱⲙⲉϫⲙⲡⲙⲟⲩⲁϥⲣⲡϫⲁϫⲉⲛϩⲃⲁ· ⲛⲉⲯⲩⲭⲟⲟⲩⲉⲙⲉⲛⲁϥⲛⲧⲟⲩⲉϩⲣⲁⲓϩⲛⲁⲙⲛⲧⲉ·ⲛⲥⲱⲙⲁⲇⲉⲁϥⲧⲟⲩⲛⲟⲥⲟⲩⲉⲃⲟⲗϩⲙⲡⲕⲁϩ· ⲁⲛⲁⲩϭⲉⲉⲧⲙⲛⲧϫⲱⲱⲣⲉⲉⲧⲟⲛϣⲡⲏⲣⲉⲙⲡⲉϥⲣⲱⲙⲉⲉⲧⲙⲟⲟⲩⲧⲉϥⲁϣⲉⲉϫⲙⲡϣⲉ· ⲙⲡⲉⲧⲉⲕⲧⲏⲥⲓⲥⲅⲁⲣⲉϣϭⲙϭⲟⲙⲉϥⲓϩⲁⲡⲉϥⲥⲱⲙⲁⲉⲧⲙⲟⲟⲩⲧ·ⲟⲩⲇⲉⲙⲡⲉⲛⲉⲥⲧⲟⲓⲭⲓⲟⲛⲉϣϥⲓϩⲁⲣⲟϥ· ⲙⲡⲉⲁⲙⲛⲧⲉⲅⲁⲣⲉϣϥⲓϩⲁⲡⲉϥⲡⲛⲉⲩⲙⲁ· ⲁⲙⲁⲅⲁⲣⲛⲓⲙⲙⲟⲩϩⲛϣⲧⲟⲣⲧⲣⲉϫⲛⲛϩⲓⲥⲉⲙⲡⲉⲛⲥⲱⲧⲏⲣ· ⲁⲩⲱⲁⲧⲉⲕⲧⲏⲥⲓⲥⲧⲏⲣⲥϣⲧⲟⲣⲧⲣⲉϫⲙⲡⲉϥⲙⲟⲩ·ⲙⲡⲟⲩⲉϣϩⲩⲡⲟⲙⲓⲛⲉⲅⲁⲣⲉⲩⲛⲁⲩⲉⲡⲉⲩϫⲟⲉⲓⲥⲉⲩϣⲱⲥⲙⲙⲟϥ· ⲁⲧⲉⲕⲧⲏⲥⲓⲥⲧⲏⲣⲥⲡⲱϣⲥⲉⲩϫⲱⲙⲙⲟⲥϫⲉⲟⲩⲡⲉ
ⲡⲉⲓⲙⲩⲥⲧⲏⲣⲓⲟⲛⲛⲃⲣⲣⲉ·ⲡⲉⲕⲣⲓⲧⲏⲥⲥⲉⲕⲣⲓⲛⲉⲙⲙⲟϥⲉⲛϥϣⲁϫⲉⲁⲛ· ⲡⲉⲧⲉⲙⲉⲩⲛⲁⲩⲉⲣⲟϥⲥⲉⲛⲁⲩⲉⲣⲟϥ·ⲁⲩⲱⲥⲉϣⲓⲡⲉⲁⲛ· ⲡⲉⲧⲉⲙⲉⲩⲉϣⲁⲙⲁϩⲧⲉⲙⲙⲟϥⲉⲩⲁⲙⲁϩⲧⲉⲙⲙⲟϥⲁⲩⲱϥϯⲁⲛⲛⲙⲙⲁⲩ· ⲡⲉⲧⲉⲙⲉⲩⲉϣⲧⲟⲛⲧⲛⲉⲣⲟϥⲥⲉⲕⲁⲧⲁⲫⲣⲟⲛⲉⲓⲙⲙⲟϥⲁⲩⲱⲉⲛϥϭⲟⲛⲧⲁⲛ· ⲡⲁⲧϣⲡϩⲓⲥⲉⲉϥϣⲡϩⲓⲥⲉⲁⲩⲱⲉⲛϥⲛⲟϭⲥⲁⲛ· ⲡⲁⲧⲙⲟⲩⲁϥⲙⲟⲩ·ⲁⲩⲱⲁϥϩⲩⲡⲟⲙⲓⲛⲉ· ⲡⲉⲧⲟⲩⲏϩϩⲛⲙⲡⲏⲩⲉⲁⲩⲧⲟⲙⲥϥϩⲙⲡⲕⲁϩ·ⲁⲩⲱϥⲕⲱⲛⲣⲱϥ· ⲟⲩⲡⲉⲡⲉⲓⲙⲩⲥⲧⲏⲣⲓⲟⲛⲡⲉϫⲉⲡⲥⲱⲛⲧⲧⲏⲣϥ·ⲁⲩⲣϣⲡⲏⲣⲉⲅⲁⲣⲧⲏⲣⲟⲩⲛⲛⲉϥⲙⲛⲧϣⲁⲛⲁϩⲧⲏϥ· ⲁⲩⲱⲛⲧⲉⲣⲉϥⲧⲱⲟⲩⲛⲉⲃⲟⲗϩⲛⲛⲉⲧⲙⲟⲟⲩⲧⲛϣⲱⲣⲡⲛⲧⲕⲩⲣⲓⲁⲕⲏ·ⲛⲧⲉⲣⲉϥϩⲱⲙⲉϫⲙⲡⲙⲟⲩ· ⲁϥⲙⲟⲩⲣⲙⲡⲧⲩⲣⲁⲛⲛⲟⲥ·ⲁϥⲃⲱⲗⲉⲃⲟⲗⲙⲡⲣⲱⲙⲉ·
ⲧⲟⲧⲉⲁⲧⲉⲕⲧⲏⲥⲓⲥⲧⲏⲣⲥⲉⲓⲙⲉϫⲉⲉⲧⲃⲉⲡⲟⲩϫⲁⲓⲙⲡⲣⲱⲙⲉⲛⲧⲁⲩⲕⲣⲓⲛⲉⲙⲡⲉⲕⲣⲓⲧⲏⲥ·ⲁⲩⲱⲉⲧⲃⲏⲏⲧϥⲛⲧⲁⲩⲛⲁⲩⲉⲡⲓⲁⲧⲛⲁⲩⲉⲣⲟϥ· ⲁⲩϣⲓⲙⲡⲉⲓⲁⲧϣⲓⲧϥ·ⲡⲁⲧϣⲡϩⲓⲥⲉⲁϥϣⲡϩⲓⲥⲉ·ⲡⲁⲧⲙⲟⲩⲁϥⲙⲟⲩ·ⲡⲁⲙⲡⲏⲩⲉⲁⲩⲧⲟⲙⲥϥ· ⲛⲧⲁϥⲛⲣⲱⲙⲉⲅⲁⲣⲁⲩⲕⲣⲓⲛⲉⲙⲙⲟϥ·ϫⲉⲕⲁⲥⲉϥⲉⲛⲁⲛⲁⲛ· ⲛⲧⲁⲩⲙⲟⲟⲩⲧϥϫⲉⲕⲁⲥⲉϥⲉⲃⲱⲗⲉⲃⲟⲗⲛⲛⲉⲧⲙⲏⲣ· ⲁϥϣⲡϩⲓⲥⲉϫⲉⲕⲁⲥⲉϥⲉϯⲙⲧⲟⲛⲛⲁⲛ· ⲁϥⲙⲟⲩϫⲉⲕⲁⲥⲉϥⲉⲧⲁⲛϩⲟⲛ· ⲁⲩⲧⲟⲙⲥϥϫⲉⲕⲁⲥⲉϥⲉⲧⲟⲩⲛⲟⲥⲛ· ⲉⲛⲉⲙⲡⲉⲡϫⲟⲉⲓⲥϣⲡϩⲓⲥⲉⲡⲉⲙⲛⲧⲙⲛⲧⲣⲱⲙⲉⲉⲣⲉⲡⲣⲱⲙⲉⲛⲁϣⲟⲩϫⲁⲓⲛⲁϣⲛϩⲉⲡⲉ· ⲡⲙⲟⲩϭⲉⲁϥϩⲉϩⲁⲛⲟⲩⲉⲣⲏⲧⲉⲙⲡⲉⲭⲣⲓⲥⲧⲟⲥ·ⲁⲩⲱⲁϥⲥⲩⲣⲁⲙⲙⲟϥⲉϥⲟⲛⲁⲓⲭⲙⲁⲗⲱⲧⲟⲥⲉϥϣⲧⲣⲧⲱⲣ·ⲁⲙⲛⲧⲉⲙⲛⲧⲉϥϭⲟⲙⲁϥⲕⲧⲟϥⲉⲡⲁϩⲟⲩ· ⲉⲁϥⲥⲱⲧⲙ
ⲉⲧⲉⲥⲙⲏⲙⲡϫⲟⲉⲓⲥⲉϥⲙⲟⲩⲧⲉⲟⲩⲃⲉⲛⲉⲯⲩⲭⲏⲧⲏⲣⲟⲩϫⲉⲁⲙⲏⲉⲓⲛⲉⲃⲟⲗⲛⲉⲧⲙⲏⲣ·ⲛⲉⲧϩⲙⲟⲟⲥϩⲙⲡⲕⲁⲕⲉⲙⲛⲧϩⲁⲓⲃⲉⲥⲙⲡⲙⲟⲩⲡⲟⲩⲟⲉⲓⲛⲁϥϣⲁⲛⲏⲧⲛ· ϯⲧⲁϣⲉⲟⲉⲓϣⲛⲏⲧⲛⲙⲡⲱⲛϩ·ⲁⲛⲟⲕⲅⲁⲣⲡⲉⲡⲉⲭⲣⲓⲥⲧⲟⲥⲡϣⲏⲣⲉⲙⲡⲛⲟⲩⲧⲉ· ⲧⲟⲧⲉⲁϥⲃⲱⲗⲉⲃⲟⲗⲛⲛⲉⲯⲩⲭⲟⲟⲩⲉⲛⲉⲧⲟⲩⲁⲁⲃ·ⲁϥⲧⲟⲩⲛⲟⲥⲟⲩⲛⲙⲙⲁϥ· ⲡⲕⲁϩⲇⲉϩⲱⲱϥⲁϥϫⲓϣⲕⲁⲕⲉⲃⲟⲗⲉϥϫⲱⲙⲙⲟⲥϫⲉϯⲥⲟⲉⲣⲟⲓⲡϫⲟⲉⲓⲥⲛⲅⲃⲟⲗⲧⲉⲃⲟⲗϩⲙⲡⲥⲁϩⲟⲩⲉⲧϩⲓϫⲱⲓⲛⲅϥⲓⲉⲃⲟⲗϩⲓϫⲱⲓⲛⲧⲕⲁⲕⲓⲁⲙⲡⲇⲓⲁⲃⲟⲗⲟⲥ· ϫⲉⲁⲕⲁⲁⲧⲛⲙⲡϣⲁⲉⲧⲣⲉⲩⲧⲱⲙⲥⲙⲡⲉⲕⲥⲱⲙⲁⲛϩⲏⲧⲉⲡⲙⲁⲛⲛⲉⲥⲛⲱⲱϥ·ⲉⲛⲧⲁⲩⲡⲁϩⲧⲟⲩⲉⲃⲟⲗϩⲓϫⲱⲓ·ϫⲉⲕⲁⲥⲉⲕⲉⲧⲟⲩⲛⲟⲥⲟⲩ· ⲧⲉⲕϩⲓⲕⲱⲛⲅⲁⲣⲉⲧⲧⲁⲓⲏⲩⲁⲩϫⲟⲟⲣⲉⲥⲉⲃⲟⲗϩⲙ
ⲙⲁⲛⲓⲙ·ⲡⲗⲏⲛⲉⲛⲉⲛⲧⲁⲕϫⲟⲟⲥⲙⲙⲁⲧⲉϩⲙⲡⲉⲕϣⲁϫⲉ·ⲉⲛⲉⲙⲛⲗⲁⲁⲩⲛⲁϣϯⲟⲩⲃⲉⲡⲉⲕⲟⲩⲉϩⲥⲁϩⲛⲉ·ⲁⲗⲗⲁⲧⲉⲕⲁⲅⲁⲡⲏⲁⲛⲁⲅⲕⲁⲍⲉⲙⲙⲟⲕⲉⲧⲣⲉⲕⲉⲓϣⲁⲁⲡⲉⲕⲡⲗⲁⲥⲙⲁ· ⲉⲓⲥϩⲏⲏⲧⲉⲅⲁⲣⲁⲕⲁϩⲉⲣⲁⲧⲕϩⲓϫⲙⲡⲕⲁϩ·ⲕϣⲓⲛⲉⲛⲥⲁⲙⲙⲉⲗⲟⲥⲙⲡⲉⲕⲡⲗⲁⲥⲙⲁ· ϫⲓⲛⲁⲕⲙⲡⲣⲱⲙⲉⲛⲧϩⲉⲛⲟⲩⲡⲁⲣⲁⲑⲏⲕⲏ· ϫⲓⲛⲁⲕⲛⲧⲉⲕϩⲓⲕⲱⲛⲉⲛⲧⲁⲕϭⲁⲗⲱⲱⲥⲉⲉⲣⲟⲓ· ϫⲓⲛⲁⲕⲛⲁⲇⲁⲙⲉϥⲟⲩⲟϫⲛⲧⲉϥϩⲉ· ⲧⲟⲧⲉⲁⲡⲉⲭⲣⲓⲥⲧⲟⲥⲧⲱⲟⲩⲛⲉⲃⲟⲗϩⲛⲛⲉⲧⲙⲟⲟⲩⲧϩⲙⲡⲙⲉϩϣⲟⲙⲛⲧⲛϩⲟⲟⲩⲁϥϫⲓⲛⲛⲉⲧⲟⲩⲁⲁⲃⲉϩⲣⲁⲓⲛⲙⲙⲁϥϣⲁⲁⲡⲉϥⲉⲓⲱⲧ· ⲧⲙⲛⲧⲣⲱⲙⲉⲅⲁⲣⲧⲏⲣⲥⲥⲛⲁⲟⲩϫⲁⲓⲉⲧⲃⲉⲡⲙⲟⲩⲙⲡⲉⲭⲣⲓⲥⲧⲟⲥ· ⲟⲩⲁⲅⲁⲣⲡⲉⲛⲧⲁⲩⲕⲣⲓⲛⲉⲙⲙⲟϥⲁⲡⲙⲁ<