Martyrdom of Mercurius (Budge ed.)

ⲧⲙⲁⲣⲧⲩⲣⲓⲁⲛⲡϩⲁⲅⲓⲟⲥⲙⲉⲣⲕⲟⲩⲣⲓⲟⲥⲡⲉⲥⲧⲣⲁⲧⲏⲗⲁⲧⲏⲥⲁⲩⲱⲡⲙⲁⲣⲧⲩⲣⲟⲥⲉⲧⲟⲩⲁⲁⲃⲙⲡⲉⲭⲣⲓⲥⲧⲟⲥⲛⲧⲁϥϫⲟⲕⲥⲉⲃⲟⲗϩⲣⲁⲓϩⲙⲡϩⲟⲟⲩⲛϩⲟⲟⲩⲉⲧⲉⲡⲉⲓⲡⲉⲥⲟⲩϫⲟⲧⲉⲙⲡⲉⲃⲟⲧⲁⲧϩⲱⲣϩⲛⲟⲩⲉⲓⲣⲏⲛⲏϥⲑ·

ⲁⲩⲟⲩⲉϩⲥⲁϩⲛⲉⲉⲕⲱⲉϩⲣⲁⲓⲛⲟⲩⲇⲟⲅⲙⲁⲉϥⲥⲏϩⲛⲧⲉⲓϩⲉϩⲛⲟⲩⲥϩⲁⲓⲛⲧⲉⲡⲣⲣⲟⲉϥⲥⲏϩⲙⲡⲉⲓⲧⲩⲡⲟⲥ.

ⲉⲡⲉⲓⲇⲏϩⲁⲧϩⲏⲛⲟⲩⲛⲟϭⲛⲟⲩⲟⲉⲓⲉⲓϣⲁⲛϩⲉⲉⲣⲟⲥ·ϫⲉⲛⲛⲟⲩⲧⲉⲛⲛⲉⲛⲉⲓⲟⲧⲉⲉⲧⲧⲁϩⲟⲉⲣⲁⲧⲥ·ⲛⲧⲉⲛⲙⲛⲧⲣⲣⲟ·ⲁⲩⲱⲉⲧⲭⲁⲣⲓⲍⲉⲙⲡⲉⲧⲛⲁⲛⲟⲩϥⲛⲟⲩⲟⲛⲛⲓⲙ·ⲉⲧϩⲁⲡⲉⲛⲁⲙⲁϩⲧⲉ·ⲉⲛⲥⲟⲟⲩⲛⲛⲛⲉⲩⲙⲛⲧⲣⲉϥⲣⲡⲉⲛⲛⲁⲛⲟⲩϥ·ⲙⲛⲛⲉⲩⲇⲱⲣⲉⲁ·ⲕⲁⲧⲁⲧϩⲉⲛⲧⲁⲩϫⲟⲟⲥⲙⲁⲗⲗⲟⲛⲇⲉⲁⲛⲁⲡⲟⲗⲁⲩⲉⲙⲡⲉϫⲣⲟⲉⲃⲟⲗϩⲓⲧⲟⲟⲧⲟⲩⲉϫⲛⲛϩⲉⲑⲛⲟⲥⲧⲏⲣⲟⲩ.ⲟⲩⲙⲟⲛⲟⲛⲇⲉⲁⲗⲗⲁⲁⲩⲭⲱⲣⲏⲅⲉⲓⲛⲁⲛⲛϩⲉⲛⲕⲁⲣⲡⲟⲥⲉⲩⲟϣϩⲓⲧⲛⲧⲉⲕⲣⲁⲥⲓⲥⲙⲡⲁⲏⲣ·ⲉⲧⲃⲉⲡⲁⲓⲁⲛⲕⲱⲉϩⲣⲁⲓⲙⲡⲓⲇⲟⲅⲙⲁⲛⲟⲩϣⲟϫⲛⲉⲛⲟⲩⲱⲧⲁⲛⲟⲛⲙⲛⲛⲥⲩⲅⲕⲗⲏϯⲕⲟⲥⲧⲏⲣⲟⲩϩⲛⲟⲩⲛⲟϭⲛⲥⲡⲟⲩⲇⲏϩⲱⲥⲧⲉⲉⲧⲣⲉⲟⲩⲟⲛⲛⲓⲙϩⲙⲙⲁⲛⲓⲙ·ⲛⲣⲙϩⲉⲙⲛⲛϩⲙϩⲁⲗ·ⲙⲙⲁⲧⲟⲓⲙⲛⲙⲡⲁⲅⲁⲛⲟⲥⲉⲧⲣⲉⲩⲉⲓⲛⲉⲉϩⲟⲩⲛ·ⲛϩⲉⲛⲑⲩⲥⲓⲁ·ⲛⲛⲛⲟⲩⲧⲉⲛⲥⲉⲟⲩⲱⲧⲛⲛⲁⲩⲉⲃⲟⲗ·ϩⲉⲛⲧⲱⲃϩ·ⲙⲛϩⲉⲛⲥⲟⲡⲥⲡ·

ⲡⲉⲧⲛⲁⲥⲱⲧⲙⲇⲉⲛⲥⲁⲡⲉⲛⲡⲣⲟⲥⲧⲁⲅⲙⲁϥⲛⲁϫⲓⲉⲃⲟⲗϩⲓⲧⲟⲟⲧⲛⲛⲟⲩⲛⲟϭⲛⲧⲁⲉⲓⲟ·

ⲛϩⲟⲩⲟⲇⲉⲛⲉⲭⲣⲓⲥⲧⲓⲁⲛⲟⲥⲉⲩⲉϣⲱⲡⲉϩⲁϯⲁⲡⲟⲫⲁⲥⲓⲥⲛⲧⲉⲓⲙⲓⲛⲉ·

ⲛⲉⲧⲛⲁⲥⲱⲧⲙⲇⲉϩⲱⲟⲩⲛⲥⲁⲡⲉⲛⲇⲟⲅⲙⲁⲉϥⲉϣⲱⲡⲉⲉϥⲟⲛϩϩⲛⲟⲩⲙⲛⲧⲙⲁⲕⲁⲣⲓⲟⲥ·

ⲛⲧⲁⲩⲧⲛⲛⲟⲟⲩⲅⲁⲣⲉⲃⲟⲏⲑⲉⲓⲉⲣⲟⲕⲁⲩⲱⲉⲟⲩⲟⲛϩⲕⲉⲃⲟⲗⲛⲣⲉϥϫⲣⲟ·

ⲧⲁⲓⲧⲉⲧϩⲉⲛⲧⲁⲩⲡⲱⲧⲛϭⲓⲛⲃⲁⲣⲃⲁⲣⲟⲥ·ⲁⲩⲱⲁⲩϭⲱⲧⲡϩⲓϩⲏⲛⲛⲉϩⲣⲱⲙⲁⲓⲟⲥ·

ⲛⲧⲟϥϩⲱⲱϥⲛⲉϥⲣϣⲁⲕⲁⲧⲁⲡⲟⲗⲓⲥⲛⲓⲙ·ⲛⲧⲁϥⲡⲁⲣⲁⲅⲉⲙⲙⲟⲟⲩⲉϥⲃⲏⲕⲉϩⲣⲱⲙⲏ.

ⲡⲣⲣⲟⲅⲁⲣⲉⲧⲙⲙⲁⲩⲛⲧⲟϥⲡⲉⲛⲧⲁϥⲧⲁⲙⲓⲉⲡⲧⲏⲣϥϩⲙⲡⲉϥϣⲁϫⲉ·

ⲛⲧⲉⲣⲉϥⲉⲓⲇⲉϣⲁⲣⲟϥⲁⲩϫⲓϣⲟϫⲛⲉⲙⲛⲛⲉⲩⲉⲣⲏⲩⲉⲡϩⲱⲃⲧⲉⲧⲛⲧⲙⲏⲏⲧⲉ·

ⲛⲧⲉⲣⲉϥⲙⲟⲟϣⲉⲇⲉⲛϭⲓⲡⲣⲣⲟ·ⲁⲩⲛⲟϭⲙⲙⲏⲏϣⲉⲟⲩⲁϩⲟⲩⲛⲥⲱϥ.

ⲡⲙⲁⲕⲁⲣⲓⲟⲥⲇⲉⲙⲉⲣⲕⲟⲩⲣⲓⲟⲥⲁϥⲕⲟⲧϥⲉⲡⲁϩⲟⲩⲁϥϩⲟⲡϥϩⲙⲡⲉⲡⲣⲁⲓⲧⲟⲣⲓⲟⲛ·

ⲡⲁⲓⲇⲉⲟⲩⲙⲟⲛⲟⲛ·ϫⲉⲁϥⲣⲁⲧⲥⲱⲧⲙⲛⲥⲁⲧⲉⲕⲙⲛⲧⲛⲟϭⲁⲗⲗⲁⲁϥⲣ..ⲡⲕⲉⲡⲉⲓⲑⲉⲛϩⲁϩⲉⲩϣⲙϣⲉⲛⲛⲛⲟⲩⲧⲉ·

ⲉⲕϣⲁⲛⲛϫⲛⲟⲟⲩⲇⲉⲉⲕⲛⲁⲉⲓⲙⲉⲉⲡϫⲱⲕⲛⲛⲉⲛⲧⲁⲓϫⲟⲟⲩⲛⲁⲕ.

ⲡⲛⲁⲩⲅⲁⲣϩⲛⲛⲃⲁⲗϣⲁⲩⲧⲁⲛϩⲟⲩⲧϥⲉϩⲟⲩⲉⲡⲥⲱⲧⲙϩⲛⲙⲙⲁϫⲉ.

ⲁϥⲕⲉⲗⲉⲩⲉⲉⲧⲣⲉⲩⲉⲓⲛⲉⲙⲡϩⲁⲅⲓⲟⲥⲙⲉⲣⲕⲟⲩⲣⲓⲟⲥϩⲛⲧϯⲙⲏⲉⲧⲉϣϣⲉⲛϣⲟⲣⲡ.ⲡⲁⲓⲇⲉⲛⲧⲉⲣϥⲉⲓϣⲁⲣⲟϥⲡⲉϫⲁϥⲛⲁϥⲛϭⲓⲡⲣⲣⲟ·ϫⲉⲙⲉⲣⲕⲟⲩⲣⲓⲟⲥⲙⲏⲁⲛⲟⲕⲁⲛⲡⲉⲛⲧⲁⲓϯⲛⲁⲕⲙⲡⲉⲓⲛⲟϭⲛⲧⲁⲉⲓⲟ·ⲙⲛⲡⲓⲁⲝⲓⲱⲙⲁ·ⲉⲁⲓⲁⲁⲕⲛⲥⲧⲣⲁⲧⲏⲗⲁⲧⲏⲥϩⲛⲧⲙⲏⲏⲧⲉⲛⲛⲁⲣⲭⲱⲛⲧⲏⲣⲟⲩ·ⲉⲧⲃⲉⲧⲉⲕⲙⲛⲧⲣⲙϩⲏⲧⲙⲛⲡⲉϫⲣⲟⲛⲧⲁⲛⲛⲟⲩⲧⲉⲭⲁⲣⲓⲍⲉⲙⲙⲟϥⲛⲁⲛϩⲙⲡⲡⲟⲗⲉⲙⲟⲥ·ⲁⲩⲱⲛⲁϣⲛϩⲉⲡⲛⲟϭⲛⲟⲩⲱϣⲉⲧⲟⲩⲛⲧⲁⲓϥⲉϩⲟⲩⲛⲉⲣⲟⲕⲁⲕⲡⲟⲟⲛⲉⲉϩⲉⲛⲙⲟⲥⲧⲉⲉⲩϩⲟⲟⲩ.ⲁⲩⲱⲛⲓⲛⲟϭⲛⲧⲁⲓⲟⲁⲕⲡⲟⲟⲛⲟⲩⲉⲩⲗⲁⲁⲩ·ⲉⲁⲕⲕⲁⲧⲁⲫⲣⲟⲛⲉⲓⲛⲛⲛⲟⲩⲧⲉⲛⲧⲉⲓϩⲉⲧⲏⲣⲥ·ⲕⲁⲧⲁⲧϩⲉⲛⲧⲁⲩⲧⲥⲁⲃⲉⲉⲓⲁⲧⲛⲉⲃⲟⲗϩⲛⲧⲙⲛⲧⲉⲩⲥⲉⲃⲏⲥ.ⲧⲟⲧⲉⲡⲙⲁⲧⲟⲓⲛⲅⲉⲛⲛⲁⲓⲟⲥⲛⲧⲉⲡⲉⲭⲣⲓⲥⲧⲟⲥϩⲛⲟⲩⲙⲉ·ⲁϥⲕⲁⲁϥⲕⲁϩⲏⲩⲙⲡⲣⲙⲛⲁⲥⲙⲛⲛⲉϥϩⲃⲏⲩⲉⲕⲁⲧⲁⲡϣⲁϫⲉⲙⲡⲁⲩⲗⲟⲥⲡⲁⲡⲟⲥⲧⲟⲗⲟⲥⲉⲁϥϯϩⲓⲱⲱϥⲙⲡⲣⲙⲛⲃⲣⲣⲉⲡⲁⲓⲛⲧⲁⲩⲥⲟⲛⲧϥⲛϩⲏⲧϥⲕⲁⲧⲁⲡⲛⲟⲩⲧⲉϩⲓⲧⲙⲡⲃⲁⲡⲧⲓⲥⲙⲁ·ⲁϥⲟⲩⲱϣⲃⲛϭⲓⲡϩⲁⲅⲓⲟⲥϩⲛⲟⲩⲥⲙⲏⲙⲙⲛⲧⲣⲙⲣⲁϣⲙⲛⲟⲩⲙⲛⲧϫⲁⲣϩⲏⲧ·ϫⲉⲡⲉⲓⲧⲁⲉⲓⲟⲛⲧⲉⲓⲙⲓⲛⲉⲙⲁⲣⲉϥϣⲱⲡⲉⲛⲁⲕ·ⲁⲛⲟⲕⲅⲁⲣⲉϣϫⲉⲁⲓⲃⲱⲕⲉⲃⲟⲗⲉⲡⲡⲟⲗⲉⲙⲟⲥⲁⲓⲙⲓϣⲉⲁⲛⲟⲕⲇⲉⲁⲛⲡⲉⲛⲧⲁⲓϫⲣⲟⲁⲗⲗⲁⲡϫⲟⲉⲓⲥ·ⲡⲉⲛⲧⲁϥⲭⲁⲣⲓⲍⲉⲛⲁⲓⲙⲡϫⲟⲉⲓⲥ·

ϩⲓⲙⲛⲧϫⲱⲱⲣⲉⲉⲣⲉϩⲁϩϭⲱϣⲧⲛⲥⲱϥⲉⲩⲣϣⲡⲏⲣⲉⲙⲙⲟϥ.

ⲁϥⲟⲩⲱϣⲃⲛϭⲓⲡⲙⲁⲕⲁⲣⲓⲟⲥⲡⲉϫⲁϥϫⲉϥⲡⲣⲉⲡⲉⲓⲛⲁⲓⲛϩⲟⲩⲟ·

ⲁⲓϫⲓⲅⲁⲣⲛⲟⲩⲁⲝⲓⲱⲙⲁ·ⲛⲁⲧⲧⲁⲕⲟ·ⲡⲉϫⲉⲡⲣⲣⲟⲛⲁϥϫⲉϫⲱⲉⲣⲟⲓⲙⲡⲉⲕⲅⲉⲛⲟⲥⲙⲛⲧⲉⲕⲡⲟⲗⲓⲥ

ⲛⲧⲟⲕⲅⲁⲣϯⲥⲟⲟⲩⲛⲙⲙⲟⲕϫⲉⲉⲕⲏⲡⲉⲁϣⲛⲧⲁⲝⲓⲥ·

ϩⲙⲡⲉⲟⲩⲟⲉⲓϣⲇⲉⲡⲁⲓⲁϥⲣⲡⲣⲱⲧⲟⲥⲉⲡⲓⲁⲣⲓⲑⲙⲟⲥⲛⲟⲩⲱⲧ·

ⲛⲧⲉⲣⲓⲣⲙⲁⲧⲟⲓⲇⲉⲁⲩⲙⲟⲩⲧⲉⲉⲣⲟⲓϩⲓⲧⲛⲡⲧⲣⲓⲃⲟⲩⲛⲟⲥϫⲉⲙⲉⲣⲕⲟⲩⲣⲓⲟⲥ·

ⲁϥϭⲱϣⲧⲇⲉⲉϩⲣⲁⲓⲉⲧⲡⲉⲛϭⲓⲡⲡⲉⲧⲟⲩⲁⲁⲃⲡⲉϫⲁϥϫⲉⲡⲁϫⲟⲉⲓⲥⲃⲟⲏⲑⲉⲓⲉⲣⲟⲓⲁⲛⲟⲕⲡⲉⲕϩⲙϩⲁⲗ·

ⲡϩⲁⲅⲓⲟⲥⲇⲉⲁϥϥⲓⲉⲣⲟϥϩⲛⲟⲩⲛⲟϭⲙⲙⲛⲧϫⲱⲱⲣⲉϩⲛⲧⲉⲓⲛⲟϭⲛⲃⲁⲥⲁⲛⲟⲥ.

ⲇⲉⲕⲓⲟⲥⲇⲉϩⲱⲱϥⲡⲉϫⲁϥϫⲉⲡⲁⲛⲧⲱⲥϥⲛⲁϫⲟⲟⲥϫⲉⲡⲉⲭⲣⲓⲥⲧⲟⲥⲡⲉⲛⲧⲁϥⲧⲟⲩϫⲟⲓⲁϥⲧⲁⲗϭⲟⲓ·

ⲙⲏⲁⲧⲉⲧⲛϫⲓⲥⲁⲉⲓⲛⲉϩⲟⲩⲛⲉⲡⲉϣⲧⲉⲕⲟⲉⲧⲣⲉϥⲑⲉⲣⲁⲡⲉⲩⲉⲙⲙⲟϥ·

ⲁⲗⲗⲁⲛⲛⲙⲉⲉⲩⲉϫⲉϥⲛⲁⲙⲟⲩⲡⲉ·ⲛⲁϣⲛϩⲉⲧⲉⲛⲟⲩϥⲟⲛϩⲏⲛⲧⲁϥⲗⲟⲛⲁϣⲛϩⲉ·ⲛⲧⲛⲥⲟⲟⲩⲛⲁⲛ·

ⲡⲉϫⲁϥⲇⲉⲛⲁⲩϫⲉⲧⲉⲧⲛⲥⲟⲟⲩⲛϫⲉⲟⲩⲁϣⲛϭⲟⲧ·ⲧⲉⲧⲙⲁⲅⲓⲁ·ⲛⲛⲉⲭⲣⲓⲥⲧⲓⲁⲛⲟⲥ·

ⲁⲩⲱⲛⲁϣⲛϩⲉⲥⲁϥⲙⲉⲛⲁϥⲣⲕⲱⲱⲥ·ⲙⲡϩⲟⲟⲩϩⲱⲱϥϥⲁϩⲉⲣⲁⲧϥⲁϥⲟⲩⲟϫ·

ⲁϥⲙⲟⲩϩⲇⲉⲛϭⲱⲛⲧⲡⲉϫⲁϥⲛⲁϥϫⲉⲁϫⲓⲥⲉⲣⲟⲓϩⲛⲟⲩⲙⲉ·ϫⲉⲛⲓⲙⲡⲉⲛⲧⲁϥⲧⲁⲗϭⲟⲕⲭⲱⲣⲓⲥⲙⲁⲅⲓⲁ·

ⲡⲉϫⲉⲡⲣⲣⲟϫⲉϯⲛⲁⲁⲛϩⲁⲗⲓⲥϭⲉⲙⲡⲉⲕⲥⲱⲙⲁϩⲛϩⲉⲛⲃⲁⲥⲁⲛⲟⲥⲉⲩⲛⲁϣⲧ

ⲙⲁⲣⲉⲓⲛⲁⲩϫⲉⲡⲉⲭⲣⲓⲥⲧⲟⲥⲉⲧⲉⲕⲛⲁϩⲧⲉⲉⲣⲟϥ·ⲛⲁⲧⲁⲗϭⲟⲕ.

ⲧⲟⲧⲉⲁϥⲕⲉⲗⲉⲩⲉⲛϭⲓⲡⲣⲣⲟⲉⲧⲣⲉⲩⲉⲓⲛⲉⲛⲟⲩⲡⲉⲛⲓⲡⲉⲉϥⲗⲟⲃϣⲛⲥⲉⲕⲁⲁϥϩⲁⲛⲉϥⲁⲛⲁⲅⲕⲁⲓⲟⲛ·

ⲁⲩⲱⲙⲛⲛⲥⲁⲛⲁⲓϩⲉⲛⲗⲁⲙⲡⲁⲥⲛⲕⲱϩⲧϩⲁⲛⲉϥⲥⲡⲓⲣⲟⲟⲩⲉ.

ⲛⲧⲉⲣⲟⲩⲣⲡⲁⲓⲇⲉ·ⲉⲡⲙⲁⲛⲟⲩⲕⲁⲡⲛⲟⲥⲁⲩⲛⲟϭⲛⲥϯⲛⲟⲩϥⲉϣⲱϣⲉⲃⲟⲗ·ⲉⲟⲩⲟⲛⲛⲓⲙⲉⲧϩⲙⲡⲙⲁⲉⲧⲙⲙⲁⲩ·

ⲉⲩⲃⲁⲥⲁⲛⲓⲍⲉⲇⲉⲙⲙⲟϥⲉⲡⲉϩⲟⲩⲟⲙⲡϥⲁϣⲁϩⲟⲙⲟⲩⲇⲉⲙⲡⲉϥⲣⲓⲙⲉ·

ⲡⲉϫⲁϥⲇⲉⲛⲁϥⲛϭⲓⲇⲉⲕⲓⲟⲥ·ϫⲉⲉϥⲧⲱⲛⲡⲉⲕⲥⲁⲉⲓⲛⲧⲉⲛⲟⲩ·ⲙⲁⲣⲉϥⲉⲓⲛϥⲑⲉⲣⲁⲡⲉⲩⲉⲙⲙⲟⲕ·

ⲕⲁⲓⲅⲁⲣⲁⲕϫⲟⲟⲥⲛⲉⲟⲩⲛϣϭⲟⲙⲙⲙⲟϥⲉⲧⲟⲩⲛⲟⲥⲧⲉⲓϣⲁⲛⲙⲟⲩ·

ⲡϩⲁⲅⲓⲟⲥⲇⲉⲙⲉⲣⲕⲟⲩⲣⲓⲟⲥ·ⲡⲉϫⲁϥⲛⲁϥϫⲉⲁⲣⲓⲡⲉⲧⲉϩⲛⲁⲕ

ⲟⲩⲛⲧⲁⲕⲉⲝⲟⲩⲥⲓⲁⲉϩⲟⲩⲛⲉⲡⲁⲥⲱⲙⲁ·ⲧⲁⲯⲩⲭⲏⲇⲉⲡⲛⲟⲩⲧⲉⲡⲉⲧⲟⲙⲡⲉⲥϫⲟⲉⲓⲥ·

ⲡⲁⲥⲱⲙⲁⲙⲉⲛⲕⲁⲛⲉⲕϣⲁⲛⲧⲁⲕⲟϥ·ⲧⲁⲯⲩⲭⲏⲛⲁⲙⲁⲟⲩⲛⲉⲃⲟⲗⲉⲥⲟⲛⲁⲧⲧⲁⲕⲟ⁘

ⲡⲣⲣⲟⲇⲉⲛⲧⲉⲣⲉϥⲛⲁⲩϫⲉⲟⲩⲁⲧⲡⲱⲱⲛⲉⲡⲉⲡⲉϥⲗⲟⲅⲓⲥⲙⲟⲥⲁⲩⲱϫⲉⲉϥⲛⲁⲉϣⲡⲉⲓⲑⲉⲁⲛⲙⲙⲟϥⲉⲧⲣⲉϥⲑⲩⲥⲓⲁⲍⲉ·ⲁϥϫⲓ‐ϣⲟϫⲛⲉⲛⲉϥϭⲉⲡⲏⲅⲁⲣⲉⲃⲱⲕⲡⲉⲉϩⲟⲩⲛⲉϩⲣⲱⲙⲏ:ⲁϥϯⲁⲡⲟⲫⲁⲥⲓⲥⲉⲣⲟϥⲉⲧⲣⲉⲩϯⲙⲱⲣⲉⲓⲙⲙⲟϥϩⲛⲧⲥⲏϥⲉⲉϥϫⲱⲙⲙⲟⲥ·ϫⲉⲙⲉⲣⲕⲟⲩⲣⲓⲟⲥⲡⲁⲓⲛⲧⲁϥⲥⲱϣⲛⲛⲛⲟⲩⲧⲉⲁⲩⲱⲁϥⲕⲁⲧⲁⲫⲣⲟⲛⲉⲓⲙⲡⲇⲟⲅⲙⲁⲉⲧⲟⲩⲁⲁⲃ·ⲛⲧⲉⲧⲙⲛⲧⲣⲙⲣⲁϣ·ⲉⲁϥⲟⲡϥⲉⲩⲗⲁⲁⲩⲡⲉⲛⲕⲣⲁⲧⲟⲥⲕⲉⲗⲉⲩⲉⲉⲧⲣⲉⲩϥⲓⲛⲧⲉϥⲁⲡⲉϩⲛⲧⲉⲭⲱⲣⲁ·ⲛⲧⲕⲁⲡⲡⲁⲇⲟⲕⲓⲁ·ϩⲙⲡⲓⲙⲁⲉⲧⲙⲙⲁⲩ·ⲉⲣⲉⲟⲩⲟⲛⲛⲓⲙⲛⲁⲩⲉⲣⲟϥ·

ϫⲓⲛⲁⲕⲙⲡⲉⲕⲗⲟⲙ·ⲛⲧⲙⲛⲧ‐ϣⲟⲉⲓϫⲡⲉⲛⲧⲁⲩⲧⲟϣϥⲛⲁⲕⲉⲕⲗⲏⲣⲟⲛⲟⲙⲉⲓⲙⲙⲟϥ·

ⲟⲩⲣⲙⲙⲁⲟⲅⲁⲣⲡⲉⲁⲩⲱϣⲁϥⲭⲁⲣⲓⲍⲉⲛⲛⲉⲧⲛⲁϯⲡⲉⲩⲟⲩⲟⲓⲉⲣⲟϥϩⲛⲟⲩⲇⲱⲣⲉⲁⲁϫⲛⲫⲑⲟⲛⲟⲥ.

ⲁⲩⲛⲟϭⲇⲉⲛϣⲡⲏⲣⲉϣⲱⲡⲉⲉⲥⲙⲡϣⲁⲛⲣⲡⲉⲥⲙⲉⲉⲩⲉ·

ⲉⲧⲃⲉⲡⲓⲙⲁⲉⲓⲛϭⲉⲡⲁⲓ·ⲁϩⲁϩⲛⲣⲱⲙⲉⲣⲭⲣⲓⲥⲧⲓⲁⲛⲟⲥ

ⲉⲣⲉⲛⲃⲁⲗⲛⲟⲩⲟⲛⲛⲓⲙϭⲱϣⲧⲛⲥⲱϥ·

ⲛⲧⲉⲣϥⲙⲟⲩⲇⲉⲛϭⲓⲕⲱⲥⲧⲟⲥⲁϥⲣⲣⲣⲟⲉⲡⲉϥⲙⲁⲛϭⲓⲓⲟⲩⲗⲓⲁⲛⲟⲥ·

ⲉⲩⲁⲛⲟⲙⲟⲥⲡⲉⲛϩⲉⲗⲏⲛⲉⲟⲩⲉⲃⲟⲗⲡⲉϩⲛⲧⲥⲱⲛⲉⲛⲕⲱⲥⲧⲁⲛϯⲛⲟⲥⲡⲛⲟϭⲧⲉⲥϩⲁⲓⲅⲁⲣⲛⲉⲟⲩϩⲉⲗⲏⲛⲡⲉ

ⲁⲩⲱⲁϥⲧⲁⲁϥⲉⲧⲙⲛⲧϩⲗⲗⲏⲛⲛⲧⲉⲩⲛⲟⲩ·ⲁϥϣⲓⲛⲉⲛⲥⲁⲟⲩⲱⲛⲛⲛⲣⲡⲏⲩⲉⲇⲏⲙⲟⲥⲓⲁ·

ⲓⲟⲩⲗⲓⲁⲛⲟⲥⲇⲉⲡϣⲏⲣⲉⲛⲧϥⲥⲱⲛⲉⲡⲉⲁϥⲧⲁⲛϩⲟⲩⲧϥⲉⲧⲙⲛⲧⲣⲣⲟ·

ⲛⲁⲓⲇⲉⲉϥⲉⲓⲣⲉⲙⲙⲟⲟⲩⲛⲉϥϩⲟϫϩϫⲛⲛⲉⲭⲣⲓⲥⲧⲓⲁⲛⲟⲥϩⲛⲥⲙⲟⲧⲛⲓⲙ·

ⲁϥⲟⲩⲱϣⲃⲛϭⲓⲃⲁⲥⲓⲗⲉⲓⲟⲥϫⲉⲉⲛϣⲓⲛⲉⲛⲥⲁⲟⲩϣⲱⲥⲉⲛⲁⲛⲟⲩϥⲛⲣⲉϥⲙⲟⲟⲛⲉ·

ⲡⲉϫⲁϥⲛⲃⲁⲥⲓⲗⲉⲓⲟⲥϫⲉⲛⲧⲁⲕⲕⲁⲡϣⲏⲣⲉⲙⲡϩⲁⲙϣⲉⲧⲱⲛⲁⲕⲉⲓⲉⲡⲉⲓⲙⲁ·

ⲡⲉϫⲁϥⲛⲁϥϫⲉⲛⲧⲁⲓⲕⲁⲁϥⲉⲧⲁⲙⲓⲟⲁⲓⲃⲉⲉⲧⲟⲩⲛⲁⲛⲟⲩϫⲕⲉⲣⲟⲥ·

ⲡⲉϫⲉⲡⲣⲣⲟⲛⲁϥϫⲉⲉⲛⲉⲓⲫⲓⲗⲟⲥⲟⲫⲉⲓⲁⲛϫⲉⲛⲧⲕⲡⲁϣⲃⲏⲣ·ⲛⲉⲓⲛⲁⲧⲣⲉⲩϥⲓⲡⲉⲛⲧⲉⲕⲁⲡⲉ·

ⲡⲉϫⲉⲡⲣⲣⲟⲛⲁϥϫⲉⲁⲓⲟϣⲟⲩⲁⲩⲱⲁⲓⲛⲟⲉⲓⲙⲙⲟⲟⲩ·

ⲡⲉϫⲉⲃⲁⲥⲓⲗⲉⲓⲟⲥϫⲉⲉⲕϣⲁⲛⲃⲱⲕⲉⲧⲡⲉⲣⲥⲓⲥⲛⲛⲉⲕⲟⲧⲕⲉⲓⲉⲙⲡⲉⲡⲛⲟⲩⲧⲉϣⲁϫⲉϩⲛⲃⲁⲥⲓⲗⲉⲓⲟⲥ·

ⲁⲛⲟⲕϩⲱϯⲛⲁⲕⲟⲧϥⲛϩⲱⲃⲛⲣⲣⲟ·ⲛⲧⲁⲣⲛⲉϥϣⲁϫⲉⲛϭⲟⲗⲧⲁⲣⲟⲩⲉⲓⲙⲉϫⲉⲟⲩⲣⲉϥϫⲓϭⲟⲗⲡⲉ·

ⲛⲧⲟϥⲇⲉⲁϥⲧⲁⲁϥⲉⲧⲡⲉⲣⲥⲓⲥ·ⲁϥⲡⲟⲗⲉⲙⲉⲓⲁϥⲕⲁⲛⲉⲧⲟⲩⲁⲁⲃⲉⲩⲟⲧⲡⲉϩⲟⲩⲛⲉⲡⲉϣⲧⲉⲕⲟ·

ⲉⲁⲩⲣⲟⲩⲙⲏⲏϣⲉⲛϩⲟⲟⲩ·ⲉⲣⲉⲡⲕⲱϩⲧⲙⲟⲩϩ·ⲙⲡⲉⲩⲕⲱⲧⲉ·ⲛⲧⲟⲟⲩⲇⲉⲙⲡⲉⲡⲕⲱϩⲧϫⲱϩⲙⲙⲟⲟⲩ⁘

ⲁϥϩⲟⲡⲟⲩϩⲙⲡⲃⲁⲡϯⲥⲧⲏⲣⲓⲟⲛ·ⲉϥϣⲓⲛⲉⲛⲥⲁⲟⲩⲟⲉⲓϣ·ⲛⲕⲱⲧⲉⲣⲟⲟⲩⲛⲟⲩⲙⲁⲣⲧⲩⲣⲓⲟⲛ.

ⲟⲩⲙⲟⲛⲟⲛⲇⲉϫⲉⲉⲩⲟⲩⲱⲙ·

Normalized Text