Life of Onnophrius part 4
normalized analytic TEI ANNIS PAULA Search ANNIS
Previous

Normalized Text

ⲁⲛⲟⲕⲇⲉⲁⲓⲡⲁϩⲧ
ⲁⲓⲟⲩⲱϣⲧⲛⲁⲩ·
ⲛⲧⲟⲟⲩⲇⲉⲁⲩⲧⲟⲩⲛⲟⲥⲧ
ⲁⲩⲁⲥⲡⲁⲍⲉⲙⲙⲟⲓ·
ⲛⲉⲩϣⲟⲟⲡϩⲛⲟⲩⲛⲟϭⲛⲥϭⲣⲁϩⲧ·ⲉⲩⲟⲛⲧϩⲉⲛⲛⲉⲛⲧⲁⲩⲡⲱⲛⲉⲉⲡⲕⲉⲁⲓⲱⲛϩⲙⲡⲉⲩⲣⲁϣⲉⲙⲛⲡⲉⲩⲥⲟⲗⲥⲗⲉϩⲟⲩⲛⲉⲣⲟⲓ·
ⲁⲩϭⲱⲇⲉⲉⲩⲕⲟⲧϥⲛⲛⲕⲁⲣⲡⲟⲥϩⲛⲛϣⲏⲛ·ⲉⲩϯⲙⲙⲟⲟⲩⲉϩⲟⲩⲛⲉⲧⲁⲧⲁⲡⲣⲟ·
ⲁⲛⲟⲕⲇⲉⲁⲡⲁϩⲏⲧⲉⲩⲫⲣⲁⲛⲉ·ⲉⲧⲃⲉⲧϩⲉⲉⲧⲟⲩϩⲗⲟⲗⲉⲉϩⲟⲩⲛⲉⲣⲟⲓ·
ⲁⲓⲣⲥⲁϣϥⲅⲁⲣⲛϩⲟⲟⲩϩⲁϩⲧⲏⲩⲛⲟⲩⲱⲙϩⲛⲛⲕⲁⲣⲡⲟⲥⲛⲛϣⲏⲛ·
ⲁⲓϫⲛⲟⲩⲟⲩϫⲉⲉⲃⲟⲗⲧⲱⲛⲁⲧⲉⲧⲛⲉⲓⲉⲡⲉⲓⲙⲁ·ⲁⲩⲱⲛⲧⲉⲧⲛϩⲉⲛⲣⲙⲧⲱⲛ·
ⲡⲉϫⲁⲩⲛⲁϥ·ϫⲉⲡⲉⲛⲥⲟⲛ·ⲁⲡⲛⲟⲩⲧⲉⲧⲛⲛⲟⲟⲩⲕϣⲁⲣⲟⲛⲧⲛⲛⲁϫⲱⲉⲣⲟⲕⲙⲡⲉⲛⲃⲓⲟⲥⲧⲏⲣϥ·
ⲁⲛⲟⲛⲅⲁⲣⲁⲛⲟⲛⲛⲣⲙⲟⲩⲡⲟⲗⲓⲥⲛⲧⲉⲕⲏⲙⲉϫⲉⲡⲙϫⲉ·
ⲛⲉⲛⲉⲓⲟⲧⲉⲇⲉⲛⲉϩⲉⲛⲃⲟⲩⲗⲉⲩⲧⲏⲥⲛⲉⲛⲧⲉⲧⲡⲟⲗⲓⲥ·ⲁⲛⲟⲛⲇⲉⲁⲩⲛⲟϫⲛⲉⲧⲁⲛⲍⲏⲃⲉ·ⲉⲧⲣⲉⲩⲡⲁⲓⲇⲉⲩⲉⲙⲙⲟⲛ·
ⲛⲉⲛϣⲟⲟⲡⲇⲉϩⲉⲛϯⲁⲛⲍⲏⲃⲉⲛⲟⲩⲱⲧⲙⲛⲛⲉⲛⲉⲣⲏⲩ·ⲉⲛⲟⲛⲟⲩϩⲏⲧⲛⲟⲩⲱⲧ·
ⲛⲧⲉⲣⲛⲡⲁⲓⲇⲉⲩⲉⲇⲉϩⲛⲧⲁⲛⲍⲏⲃⲉ·ⲁⲩⲛⲟϫⲛⲉⲡⲍⲏⲙⲓⲟⲛⲛⲧⲉⲣⲟⲩⲡⲁⲓⲇⲉⲩⲉⲙⲙⲟⲛ·
ⲕⲁⲗⲱⲥϩⲛⲟⲩⲱⲣϫⲛⲓⲙϩⲓⲥⲟⲫⲓⲁⲛⲓⲙⲛⲧⲉⲡⲉⲓⲕⲟⲥⲙⲟⲥ·ⲛⲟⲩⲉϣⲡⲁⲓⲇⲉⲩⲉⲇⲉⲧⲉⲛⲟⲩϩⲛⲧⲥⲟⲫⲓⲁⲙⲡⲛⲟⲩⲧⲉ·
ⲟⲩϩⲟⲟⲩⲇⲉⲉⲃⲟⲗϩⲛⲟⲩϩⲟⲟⲩ·ⲛϣⲁϫⲉⲙⲛⲛⲉⲛⲉⲣⲏⲩϩⲛⲛⲉⲓϣⲁϫⲉ·ⲁⲡⲙⲉⲉⲩⲉⲉⲧⲛⲁⲛⲟⲩϥⲣϩⲱⲃϩⲙⲡⲉⲛⲣⲱⲙⲉ·ⲉⲧϩⲓϩⲟⲩⲛ·
ⲁⲛⲧⲱⲟⲩⲛⲙⲡϥⲧⲟⲟⲩ
ⲁⲛⲧⲁⲁⲛⲉϩⲟⲩⲛⲉⲡⲧⲟⲟⲩ·ⲉⲧⲣⲉⲛⲉⲥⲩⲭⲁⲍⲉⲙⲙⲟⲛ·ϣⲁⲛⲧⲛⲛⲁⲩⲉⲧϩⲉⲉⲧⲉⲣⲉⲡϫⲟⲉⲓⲥⲛⲁⲧⲟϣⲛⲙⲙⲟⲥ·
ⲁⲛϫⲓⲥⲉⲛⲙⲙⲁⲛⲛϩⲉⲛⲕⲟⲩⲓⲛⲟⲉⲓⲕⲛⲁⲡϣⲁⲩⲛⲥⲁϣϥⲛϩⲟⲟⲩ·
ⲛⲧⲉⲣⲛⲟⲩⲉⲇⲉⲉϩⲟⲩⲛϩⲙⲡⲧⲟⲟⲩ·ⲛⲧⲉⲩⲛⲟⲩⲁⲩⲉⲕⲥⲧⲁⲥⲓⲥϩⲉⲉϩⲣⲁⲓⲉϫⲱⲛ·
ⲁⲩⲣⲱⲙⲉⲉϥⲟⲛⲟⲩⲟⲉⲓⲛⲧⲏⲣϥⲁⲙⲁϩⲧⲉⲛⲧⲉⲛϭⲓϫ·
ⲁϥⲛⲧⲛⲉⲡⲉⲓⲙⲁ·
ⲛⲧⲛⲉⲓⲇⲉⲉⲡⲉⲓⲙⲁ·ⲁⲛϭⲓⲛⲉⲛⲟⲩⲣⲱⲙⲉⲛϩⲁⲅⲓⲟⲥⲛⲧⲉⲡⲛⲟⲩⲧⲉ·ⲁⲩⲱⲁⲡⲁⲅⲅⲉⲗⲟⲥⲙⲡϫⲟⲉⲓⲥⲧⲁⲁⲛⲉⲧⲟⲟⲧϥ
ⲁϥϭⲱⲉϥⲧⲥⲁⲃⲟⲙⲙⲟⲛⲉⲣϩⲙϩⲁⲗⲙⲡⲛⲟⲩⲧⲉⲛⲟⲩⲣⲟⲙⲡⲉⲛϩⲟⲟⲩ·
ϩⲙⲡϫⲱⲕⲇⲉⲛⲧⲣⲟⲙⲡⲉⲁϥⲙⲧⲟⲛⲙⲙⲟϥⲛϭⲓⲡϩⲗⲗⲟⲉⲧⲟⲩⲁⲁⲃⲙⲙⲁⲕⲁⲣⲓⲟⲥ·
ⲁⲛⲟⲛⲇⲉⲙⲁⲩⲁⲁⲛⲡⲉⲧϣⲟⲟⲡⲙⲡⲉⲓⲙⲁⲱⲡⲉⲛϫⲟⲉⲓⲥⲛⲥⲟⲛ·
ⲉⲓⲥϩⲏⲏⲧⲉⲧⲛϩⲟⲙⲟⲗⲟⲅⲉⲓⲛⲁⲕⲙⲡϫⲟⲉⲓⲥ·ϫⲉⲉⲓⲥⲥⲉⲛⲣⲟⲙⲡⲉ·ⲧⲛⲥⲟⲟⲩⲛⲁⲛⲛϯⲡⲉⲛⲟⲉⲓⲕ·ⲟⲩⲇⲉⲗⲁⲁⲩⲛⲧⲣⲟⲫⲏ·ⲛⲥⲁⲛⲉⲓ·ϣⲏⲛⲙⲙⲁⲧⲉ·ⲉⲛⲟⲛϩⲉⲛⲉⲩⲕⲁⲣⲡⲟⲥ·
ⲉⲛϣⲁⲛⲟⲩⲱϣⲅⲁⲣⲉⲛⲁⲩⲉⲛⲉⲛⲉⲣⲏⲩ·ⲛⲛⲏⲩⲕⲁⲧⲁϩⲃⲇⲱⲙⲁⲥⲉⲡⲉⲓⲙⲁⲛⲛⲁⲩⲉⲛⲉⲛⲉⲣⲏⲩ·ⲛⲧⲛⲣⲧⲉⲩϣⲏⲧⲏⲣⲥⲛⲧⲕⲩⲣⲓⲁⲕⲏⲙⲛⲛⲉⲛⲉⲣⲏⲩ·ⲙⲛⲛⲥⲱⲥⲛⲧⲉⲡⲟⲩⲁⲡⲟⲩⲁⲃⲱⲕⲛϥⲡⲟⲗⲓⲧⲉⲩⲉ·
ⲡⲉϫⲁⲓⲇⲉⲛⲁⲩϫⲉⲉⲧⲉⲧⲛⲥⲩⲛⲁⲅⲉⲧⲱⲛ·
ⲡⲉϫⲁⲩⲛⲁⲓϫⲉⲛⲥⲟⲟⲩϩⲉⲡⲉⲓⲙⲁⲉⲧⲃⲉⲡⲉⲓϩⲱⲃ·ⲉⲡⲉⲓⲇⲏⲕⲁⲧⲁⲥⲁⲃⲃⲁⲧⲟⲛϣⲁϥⲉⲓⲛϭⲓⲟⲩⲁⲅⲅⲉⲗⲟⲥⲛⲧⲉⲡⲛⲟⲩⲧⲉⲛϥⲥⲩⲛⲁⲅⲉⲙⲙⲟⲛⲙⲡⲥⲁⲃⲃⲁⲧⲟⲛ·ⲙⲛⲧⲕⲩⲣⲓⲁⲕⲏ·
ⲛⲉⲓϣⲟⲟⲡⲇⲉⲛⲙⲙⲁⲩⲉⲓⲣⲁϣⲉⲉⲙⲁⲧⲉ·
ϩⲣⲁⲓⲇⲉϩⲙⲡⲙⲉϩⲥⲁϣϥⲛϩⲟⲟⲩϥⲛⲏⲩⲛϭⲓⲟⲩⲁⲅⲅⲉⲗⲟⲥⲛⲧⲉⲡϫⲟⲉⲓⲥ·ⲛϥⲥⲩⲛⲁⲅⲉⲙⲙⲟⲛⲛⲙⲙⲁⲕϩⲓⲟⲩⲥⲟⲡ·
ⲡⲣⲱⲙⲉⲇⲉⲉⲧⲛⲁⲥⲩⲛⲁⲅⲉⲉⲃⲟⲗϩⲓⲧⲟⲟⲧϥⲙⲡⲁⲅⲅⲉⲗⲟⲥⲉⲧⲙⲙⲁⲩϥⲛⲁⲧⲃⲃⲟⲉⲃⲟⲗϩⲛⲛⲟⲃⲉⲛⲓⲙ·ⲁⲩⲱⲙⲛⲗⲁⲁⲩⲛⲁⲛϯⲅⲏⲙⲉⲛⲟⲥⲛⲁⲉϣϭⲙϭⲟⲙⲉⲣⲟϥ·
ⲛϩⲟⲥⲟⲛⲇⲉⲛϣⲁϫⲉⲙⲛⲛⲉⲛⲉⲣⲏⲩⲁⲓϣⲱⲗⲙⲉⲩⲥϯⲛⲟⲩϥⲉⲛⲟϭⲙⲡⲓϣⲱⲗⲙⲛⲧⲉϥϩⲉ·ⲉⲛⲉϩ·
ⲛⲧⲉⲩⲛⲟⲩⲛⲧⲁⲡⲉⲥϯⲛⲟⲩϥⲉⲧⲁϩⲟⲛ·ⲁⲛⲧⲱⲟⲩⲛⲁⲛⲁϩⲉⲣⲁⲧⲛⲁⲛⲥⲙⲟⲩⲉⲡⲛⲟⲩⲧⲉ·
ⲙⲛⲛⲥⲱⲥⲁϥⲉⲓⲛϭⲓⲟⲩⲁⲅⲅⲉⲗⲟⲥ·
ⲁϥⲥⲩⲛⲁⲅⲉⲙⲙⲟⲛⲙⲛⲛⲉⲛⲉⲣⲏⲩ·ϩⲙⲡⲥⲱⲙⲁⲙⲛⲡⲉⲥⲛⲟϥⲙⲡϫⲟⲉⲓⲥ·
ⲁⲛⲟⲕⲇⲉⲁⲓⲣⲧϩⲉⲛⲛⲉⲧϩⲓⲛⲏⲃⲉⲧⲃⲉⲧϩⲟⲧⲉⲛⲧⲁⲓⲛⲁⲩⲉⲣⲟⲥ·
ⲁϥⲥⲙⲟⲩⲇⲉⲉⲣⲟⲛ
ⲁϥⲃⲱⲕⲉϩⲣⲁⲓⲙⲡⲏⲩⲉⲉⲛϭⲱϣⲧⲛⲥⲱϥϩⲛⲛⲉⲛⲃⲁⲗ·
ⲛⲧⲉⲣϥⲃⲱⲕⲇⲉⲁⲩⲛⲏⲫⲉⲙⲙⲟⲓ
ⲡⲉϫⲁⲩⲛⲁⲓϫⲉⲧⲁϫⲣⲟⲛⲅϭⲙϭⲟⲙⲛⲅϣⲱⲡⲉⲛⲟⲩⲣⲱⲙⲉⲛϫⲱⲱⲣⲉ·
ⲛⲧⲉⲩⲛⲟⲩⲁⲓⲛⲏⲫⲉⲛⲧϩⲉⲛⲛⲉⲧϩⲁⲡⲏⲣⲡ·
ⲁⲩⲱⲁⲛⲣⲧⲉⲩϣⲏⲧⲏⲣⲥⲛⲧⲕⲩⲣⲓⲁⲕⲏ·ⲛⲁϩⲉⲣⲁⲧⲛⲛϣⲗⲏⲗϣⲁϩⲧⲟⲟⲩⲉ·
ⲛⲧⲉⲣⲉⲡⲟⲩⲟⲉⲓⲛⲇⲉⲉⲓⲉϩⲣⲁⲓⲛϣⲱⲣⲡⲛⲧⲕⲩⲣⲓⲁⲕⲏ·ⲉⲓⲥϩⲏⲏⲧⲉⲟⲛⲉⲓⲥⲡⲉⲥϯⲛⲟⲩϥⲉⲉⲧⲛⲟⲧⲙⲁⲛϣⲱⲗⲙⲙⲙⲟϥ·
ⲁⲛϩⲏⲇⲟⲛⲉⲛⲥⲱϥⲁⲩⲱⲁⲉⲩⲫⲣⲁⲛⲉⲛⲧϩⲉⲛⲛⲉⲧϩⲙⲡⲕⲉⲁⲓⲱⲛ·
ⲙⲛⲛⲥⲱⲥⲁϥⲉⲓⲛϭⲓⲡⲁⲅⲅⲉⲗⲟⲥ
ⲁϥⲥⲩⲛⲁⲅⲉⲙⲙⲟⲛⲁⲩⲱⲁϥⲥⲙⲟⲩⲉⲡⲟⲩⲁⲡⲟⲩⲁⲙⲙⲟⲛⲉϥϫⲱⲙⲙⲟⲥϫⲉⲉϥⲉϣⲱⲡⲉⲛⲁⲕⲛⲟⲩⲱⲛϩϣⲁⲉⲛⲉϩ·ⲙⲛⲟⲩⲡⲣⲟⲫⲏϯⲁⲛⲁⲧⲧⲁⲕⲟ·
ⲁⲛⲟⲛⲇⲉⲧⲏⲣⲛϩⲓⲟⲩⲥⲟⲡ·ⲉⲃⲟⲗϩⲛⲟⲩⲧⲁⲡⲣⲟⲛⲟⲩⲱⲧ·ⲁⲛⲟⲩⲱϣⲃϫⲉϩⲁⲙⲏⲛ·ⲉϥⲉϣⲱⲡⲉ·
ⲙⲛⲛⲥⲱⲥⲁϥⲕⲟⲧϥⲉⲣⲟⲓⲛϭⲓⲡⲁⲅⲅⲉⲗⲟⲥ
ⲡⲉϫⲁϥⲛⲁⲓϫⲉⲧⲱⲟⲩⲛⲛⲅⲧⲱⲟⲩⲛ·ⲉⲕⲏⲙⲉ·ⲛⲅϫⲱⲛⲛⲉⲛⲧⲁⲕⲛⲁⲩⲉⲣⲟⲟⲩⲉⲛⲉⲥⲛⲏⲩ·ⲙⲙⲁⲓⲛⲟⲩⲧⲉ·ϫⲉⲕⲁⲥⲉⲩⲛⲁⲕⲱϩⲛⲙⲡⲟⲗⲓⲧⲉⲓⲁⲛⲛⲉⲧⲟⲩⲁⲁⲃ·
ⲁⲓⲡⲁⲣⲁⲕⲁⲗⲉⲓⲙⲙⲟϥⲉⲧⲣⲉϥⲕⲁⲁⲧϩⲁϩⲧⲏⲩ·
ⲡⲉϫⲁϥⲛⲁⲓϫⲉⲛⲧⲁⲡϫⲟⲉⲓⲥⲧⲉϣⲡϩⲱⲃⲛⲁⲛⲁⲛ·ⲉⲧⲣⲉⲛⲣϩⲱⲃⲉⲩⲧⲱⲧⲛϩⲏⲧ·ⲁⲗⲗⲁⲉⲣⲉⲡⲛⲟⲩⲧⲉϯⲙⲡⲟⲩⲁⲡⲟⲩⲁⲕⲁⲧⲁⲧϩⲉⲉⲧϥⲛⲁϣϥⲓ·
ⲧⲉⲛⲟⲩϭⲉⲧⲱⲟⲩⲛⲛⲅⲃⲱⲕϫⲉⲧⲁⲓⲧⲉⲧϩⲉⲛⲧⲁϥⲧⲟϣⲥⲛⲁⲕ
ⲁϥⲥⲙⲟⲩⲇⲉⲉⲣⲟⲓ·
ⲁϥⲃⲱⲕⲙⲡⲏⲩⲉϩⲛⲟⲩⲉⲟⲟⲩ·
ⲁⲩⲉⲓⲛⲉⲇⲉⲛⲟⲩⲙⲏⲏϣⲉⲛϩⲩⲡⲱⲣⲁ
ⲁⲛⲟⲩⲱⲙⲙⲛⲛⲉⲛⲉⲣⲏⲩ
ⲁⲩⲱⲁⲓⲉⲓⲉⲃⲟⲗϩⲓⲧⲟⲟⲧⲟⲩⲉⲩⲑⲡⲟⲙⲙⲟⲓⲉⲃⲟⲗⲉⲛⲁⲥⲟⲟⲩⲙⲙⲏⲗⲓⲟⲛ·
ⲁⲓⲡⲁⲣⲁⲕⲁⲗⲉⲓⲇⲉⲙⲙⲟⲟⲩ·ϫⲉϫⲱⲉⲣⲟⲓⲛⲛⲉⲧⲛⲣⲁⲛ·
ⲛⲧⲟⲟⲩⲇⲉⲁⲩϫⲱⲉⲣⲟⲓⲛⲛⲉⲩⲣⲁⲛⲡⲟⲩⲁⲡⲟⲩⲁ·
ⲡϣⲱⲣⲡⲡⲉⲓⲱϩⲁⲛⲛⲏⲥ·
ⲡⲙⲉϩⲥⲛⲁⲩⲡⲉⲁⲛⲇⲣⲉⲁⲥ·
ⲡⲙⲉϩϣⲟⲙⲛⲧⲡⲉϩⲏⲣⲁⲕⲗⲁⲙⲱⲛ·
ⲡⲙⲉϩϥⲧⲟⲟⲩⲡⲉⲑⲉⲟⲫⲓⲗⲟⲥ·
ⲛⲧⲟⲟⲩⲇⲉⲁⲩϩⲱⲛⲉⲧⲟⲟⲧ·ⲉϫⲱⲙⲡⲉⲩⲣⲁⲛ·ⲉⲛⲉⲥⲛⲏⲩⲉⲩⲣⲡⲙⲉⲉⲩⲉⲛⲁⲩ·
ⲁⲛⲟⲕⲇⲉϩⲱⲛⲉⲓⲥⲟⲡⲥⲡⲙⲙⲟⲟⲩ·ⲉⲧⲣⲉⲩⲣⲡⲁⲙⲉⲉⲩⲉ·
ⲁⲛϣⲗⲏⲗⲇⲉⲁⲛⲁⲥⲡⲁⲍⲉⲛⲛⲉⲛⲉⲣⲏⲩ·
ⲁⲓⲙⲟⲟϣⲉⲉⲃⲟⲗⲉⲓⲗⲩⲡⲏⲉⲙⲁⲧⲉ·
ⲁⲗⲗⲁⲉⲧⲃⲉⲡⲉⲥⲙⲟⲩⲛⲧⲁⲛⲉⲧⲟⲩⲁⲁⲃⲧⲁⲁⲩⲛⲁⲓⲛⲉⲓⲣⲁϣⲉⲡⲉ·
ⲁⲓⲉⲓⲇⲉⲉⲃⲟⲗⲉⲕⲏⲙⲉⲛⲟⲩϩⲓⲏ·ⲛϣⲟⲙⲛⲧⲛϩⲟⲟⲩⲙⲙⲟⲟϣⲉ·
ⲁⲩⲱⲛⲧⲉⲣⲓϩⲉ·ⲉⲛⲉⲥⲛⲏⲩⲙⲙⲁⲓⲛⲟⲩⲧⲉⲁⲓⲙⲧⲟⲛⲙⲙⲟⲓϩⲁϩⲧⲏⲩ·ⲙⲙⲏⲧⲛϩⲟⲟⲩ·
ⲁⲩⲱⲁⲓϫⲱⲉⲣⲟⲟⲩⲛⲧϩⲉⲛⲧⲁⲥϣⲱⲡⲉⲙⲙⲟⲓ·
ⲛⲧⲟⲟⲩⲇⲉⲡⲉϫⲁⲩϫⲉⲁⲗⲏⲑⲱⲥⲁⲕⲙⲡϣⲁⲛⲟⲩⲛⲟϭⲛϩⲙⲟⲧ·
ⲛⲉϩⲉⲛⲙⲁⲓⲛⲟⲩⲧⲉⲅⲁⲣⲛⲉⲛⲉⲥⲛⲏⲩ·ⲉⲧⲙⲙⲁⲩ·ⲁⲩⲱⲛⲉϩⲉⲛⲁⲅⲱⲛⲓⲥⲧⲏⲥⲛⲉ·ⲛⲣⲉϥϣⲙϣⲉⲙⲡⲛⲟⲩⲧⲉϩⲙⲡⲉⲩϩⲏⲧⲧⲏⲣϥ·ⲁⲩⲱⲡⲉⲩⲙⲁⲛϣⲱⲡⲉⲡⲉϣⲓⲏⲧ·
ⲁⲩϭⲉⲡⲏⲇⲉⲁⲩⲥϩⲁⲓⲛⲛⲉⲓϣⲁϫⲉⲛⲧⲁⲩⲥⲟⲧⲙⲟⲩⲉⲃⲟⲗϩⲓⲧⲟⲟⲧϥⲛⲁⲡⲁⲡⲁⲡⲛⲟⲩⲧⲉ
ⲁⲩⲧⲁⲭⲩⲁⲩⲧⲁⲁⲩⲉⲩϫⲱⲱⲙⲉ·
ⲁⲩϫⲟⲟⲩϥⲉϣⲓⲏⲧ·
ⲁⲩⲕⲁⲁϥϩⲛⲧⲉⲕⲕⲗⲏⲥⲓⲁⲉⲩϩⲏⲩ·ⲛⲛⲉⲧⲛⲁⲥⲱⲧⲙⲉⲣⲟϥ
ⲁⲩⲱⲛⲉⲩϣⲁϫⲉⲛϩⲏⲧϥ·ⲉϥⲟⲙⲙⲉⲗⲉⲧⲏⲥⲓⲥⲛⲁⲩϩⲛⲧⲁⲡⲣⲟⲛⲟⲩⲟⲛⲛⲓⲙ·
ⲉⲩϯⲉⲟⲟⲩⲙⲡⲛⲟⲩⲧⲉⲁⲩⲱⲉⲩⲥⲙⲟⲩⲉⲛⲉϥⲡⲉⲧⲟⲩⲁⲁⲃ·ϩⲓⲧⲛⲧⲉⲭⲁⲣⲓⲥ·ⲙⲛⲧⲙⲛⲧⲙⲁⲓⲣⲱⲙⲉⲙⲡⲉⲛϫⲟⲉⲓⲥⲓⲏⲥⲟⲩⲥⲡⲉⲭⲣⲓⲥⲧⲟⲥ·ⲡⲁⲓⲉⲃⲟⲗϩⲓⲧⲟⲟⲧϥⲡⲉⲟⲟⲩⲛⲁϥⲙⲛⲡⲉϥⲉⲓⲱⲧⲛⲁⲅⲁⲑⲟⲥⲙⲛⲡⲉⲡⲛⲉⲩⲙⲁⲉⲧⲟⲩⲁⲁⲃϣⲁⲉⲛⲉϩⲛⲉⲛⲉϩ·
ϩⲁⲙⲏⲛ·—···—···—···—···—···—
ⲉⲅⲱⲃⲓⲕⲧⲟⲣⲉⲗⲁⲭⲓⲥⲧⲟⲥⲇⲓⲁⲕⲟⲛⲟⲥⲩⲩⲙⲁⲕⲁⲣⲓⲟⲥⲙⲉⲣⲕⲟⲩⲣⲓⲟⲥⲇⲓⲁⲕⲟⲛⲟⲥⲧⲟⲩⲁⲅⲓⲟⲩⲙⲉⲣⲕⲩⲣⲓⲟⲩⲙⲉⲅⲁⲥⲧⲣⲁⲧⲏⲗⲁⲧⲁⲁⲡⲟⲧⲏⲥⲡⲟⲗⲉⲟⲥⲗⲁⲧⲱⲛⲉⲅⲣⲁⲯⲁⲥⲃⲓⲃⲗⲟⲥ
ⲙⲛⲏⲥⲑⲏϯⲙⲟⲩⲕⲩⲣⲓⲉⲟⲧⲁⲛⲉⲗⲑⲏⲥⲉⲛⲧⲏⲃⲁⲥⲓⲗⲓⲁⲥⲟⲩ—···—···—···—···—···—
ⲉⲅⲣⲁⲫⲏⲙⲩⲛⲏⲧⲩⲃⲓⲅⲁⲡⲟⲧⲱⲛⲁⲅⲓⲟⲛⲙⲁⲣⲧⲩⲣⲱⲛⲯⲕⲁⲉⲧⲟⲩⲥⲧⲝⲉⲓⲛⲇⲅ—···—···—···—
ϩⲓⲧⲛⲇⲉⲥⲡⲟⲇⲏⲙⲛⲧⲙⲛⲧⲃⲁⲓⲣⲟⲟⲩϣⲛⲛⲉⲛⲉⲓⲟⲟⲧⲉⲙⲛⲙⲙⲉⲣⲁⲧⲉⲛⲥⲛⲏⲩⲁⲃⲃⲁⲁⲃⲣⲁϩⲁⲙⲡⲉⲡⲣⲁⲉⲓⲥⲧⲟⲥⲙⲡⲛⲟⲩⲧⲉⲙⲛⲡⲁⲣⲭⲏⲇⲓⲁⲕⲟⲛⲟⲥⲁⲃⲃⲁⲭⲁⲏⲗⲙⲛⲡⲇⲉⲩⲇⲉⲗⲁⲣⲏⲥⲍⲁⲭⲁⲣⲓⲁⲥⲡⲇⲓⲁⲕⲟⲛⲟⲥⲁⲩⲱⲡⲙⲟⲛⲁⲭⲟⲥⲙⲡⲙⲟⲛⲁⲥⲧⲏⲣⲓⲟⲛⲙⲡ ϩⲁⲅⲓⲟⲥⲙⲉⲣⲕⲟⲩⲣⲓⲟⲥⲡⲉⲥⲧⲣⲁⲧⲏⲗⲁⲧⲏⲥⲡⲁⲓⲉⲧϣⲟⲟⲡϩⲙⲡⲧⲟⲟⲩⲛⲧⲃⲱ·
ⲁⲩⲥⲙⲛⲡⲉⲓϫⲱⲱⲙⲉϩⲛⲛⲉⲩϩⲓⲥⲉⲙⲙⲓⲛⲙⲙⲟⲟⲩ
ⲁⲩⲕⲁⲁϥϩⲙⲡⲉⲩⲙⲟⲛⲁⲥⲧⲏⲣⲓⲟⲛ·ϫⲉⲕⲁⲥⲉⲩⲛⲁⲱϣⲛϩⲏⲧϥⲉⲩϩⲏⲩⲙⲛⲟⲩⲡⲗⲩⲣⲟⲫⲟⲣⲓⲁⲛⲛⲉⲧⲛⲁⲱϣⲛϩⲏⲧϥⲙⲛⲡⲉⲧⲛⲁⲥⲱⲧⲙⲉⲣⲟϥϩⲛⲟⲩϯϩⲧⲏϥϫⲉⲕⲁⲥⲉⲣⲉⲡⲉⲛⲥⲏⲣⲛⲁⲅⲁⲑⲟⲥⲙⲛⲡⲡⲉⲧⲟⲩⲁⲁⲃⲁⲡⲁⲟⲛⲛⲟⲫⲣⲓⲟⲥⲡⲁⲛⲁⲭⲱⲣⲏⲧⲏⲥⲛⲁⲥⲙⲟⲩⲉⲣⲟⲟⲩⲙⲛⲡⲥⲱⲟⲩϩⲉϩⲟⲩⲛⲙⲡⲉⲩⲙⲟⲛⲁⲥⲧⲏⲣⲓⲟⲛⲧⲏⲣϥϩⲙⲡⲉⲥⲙⲟⲩⲛⲧⲡⲉⲁⲩⲱⲡⲉⲥⲙⲟⲩⲙⲡⲕⲁϩⲉⲡϫⲏⲕⲉⲃⲟⲗⲙⲡⲧⲏⲣ
ⲛϥⲕⲱⲟⲩⲥⲙⲟⲩⲙⲛⲟⲩⲥⲉⲓⲙⲛⲟⲩϩⲓⲛⲟⲩϥⲉⲙⲛⲟⲩⲥⲱⲧⲏⲣⲓⲁⲉⲩⲙⲏⲛⲉⲃⲟⲗϩⲙⲡⲉⲩⲙⲟⲛⲁⲥⲧⲏⲣⲓⲟⲛ·
ⲛϥⲧⲟⲩϫⲟⲟⲩⲛϭⲟⲣϭⲥⲙⲡⲇⲓⲁⲃⲟⲗⲟⲥⲙⲛⲛⲣⲱⲙⲉⲙⲡⲟⲛⲏⲣⲟⲥ·
ⲉⲩϣⲁⲛⲉⲓⲇⲉⲟⲛⲉⲃⲟⲗϩⲛⲥⲱⲙⲁⲡⲣⲟⲥⲡⲉⲧⲕⲏⲉϩⲣⲁⲓⲛⲣⲱⲙⲉⲛⲓⲙ·ⲉⲩⲉⲥⲱⲧⲙⲇⲉⲕⲁⲗⲱⲥⲛϩⲙϩⲁⲗⲉⲧⲛⲁⲛⲟⲩⲥⲁⲩⲱⲙⲡⲓⲥⲧⲟⲥⲉⲡⲉⲓⲇⲏⲛⲉⲧⲛⲛϩⲟⲧⲉϩⲉⲛⲕⲟⲩⲓϯⲛⲁⲕⲁⲑⲓⲥⲧⲁⲙⲙⲱⲧⲛⲉϫⲛϩⲁϩⲃⲱⲕⲉϩⲟⲩⲛⲉⲡⲣⲁϣⲉⲙⲡⲉⲕϫⲟⲉⲓⲥ
ⲁⲩⲱⲛⲥⲉⲣⲙⲡϣⲁⲛϫⲓⲕⲗⲏⲣⲟⲛⲟⲙⲓⲁⲙⲛⲛⲉⲧⲟⲩⲁⲁⲃⲧⲏⲣⲟⲩϩⲁⲙⲏⲛⲉⲥⲉϣⲟⲡⲉ·

ANNIS Metadata

annotation: Amir Zeldes, Lance Martin, Elizabeth Davidson, Caroline T. Schroeder
attributed_author: Papnoute of Scetis
author: unknown
collection: Oriental Manuscripts
Coptic_edition: Budge, 1914
copyist: Victor son of Mercurius
corpus: life.onnophrius
country: Egypt
document_cts_urn: urn:cts:copticLit:lives.onnophrius.budge:25-33
entities: checked
identities: gold
idno: OR. 7027 ff. 17b-21b
language: Sahidic Coptic
license: CC-BY 4.0
msItem_title: The Life of Apa Onnophrius the Anchorite
msName: MERC.AC
note: Coptic SCRIPTORIUM's edition includes only Budge's transcription of the manuscript. It is not a diplomatic transcription based on reading and collation of the original manuscript. The translation is Budge's with very slight modifications (e.g., numbers mistranslated.) The origDates are taken from PAThs.
objectType: codex
order: 4
origDate: 1004
origDate_notAfter: 1004
origDate_notBefore: 1004
origDate_precision: medium
origPlace: St. Mercurius Monastery
pages_from: 34
pages_to: 42
parsing: automatic
paths_authors: 82
paths_manuscripts: 181
paths_works: 254
people: Devil; Jesus; Onuphrius; Paphnutius the Ascetic; Saint Mercurius
placeName: Edfu
places: Egypt; Oxyrhynchus; Wadi El Natrun
previous: urn:cts:copticLit:lives.onnophrius.budge:17-24
project: Coptic SCRIPTORIUM, Marcion, PAThs
redundant: no
repository: British Library
segmentation: checked
source: Marcion project, Archive.org
tagging: checked
title: Life of Onnophrius part 4
translation: E. A. Wallis Budge
Trismegistos: none
version_date: 2020-08-31
version_n: 4.0.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:lives.onnophrius.budge:25-33. [version number], [date]. https://data.copticscriptorium.org/urn:cts:copticLit:lives.onnophrius.budge:25-33.

Subsequent citations:

Author, Ancient title (abbreviated) [chapter.verse if available], urn:cts:copticLit:lives.onnophrius.budge:25-33.

Document Edition: urn:cts:copticLit:lives.onnophrius.budge:25-33

Work: urn:cts:copticLit:lives.onnophrius

Text Group: urn:cts:copticLit:lives

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:lives.onnophrius.budge:25-33/norm/html

Analytic Visualization HTML: https://data.copticscriptorium.org/urn:cts:copticLit:lives.onnophrius.budge:25-33/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:lives.onnophrius.budge:25-33/tei/xml

Paula XML: https://data.copticscriptorium.org/urn:cts:copticLit:lives.onnophrius.budge:25-33/paula/xml

relANNIS: https://data.copticscriptorium.org/urn:cts:copticLit:lives.onnophrius.budge:25-33/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:lives.onnophrius.budge:25-33/annis