Apa Johannes Canons: MONB.FA 205-214
normalized analytic diplomatic TEI ANNIS PAULA Search ANNIS
Previous Next

Normalized Text

ⲡⲉⲕⲛⲟⲩⲧⲉϩⲙⲡⲉⲕϩⲏⲧⲧⲏⲣϥⲁⲩⲱϩⲛⲧⲉⲕⲯⲩⲭⲏⲧⲏⲣⲥ·ⲁⲩⲱϩⲛⲧⲉⲕϭⲟⲙⲧⲏⲣⲥ·ⲁⲩⲱϩⲛⲛⲉⲕⲙⲉⲉⲩⲉⲧⲏⲣⲟⲩ
ⲁⲩⲱⲡⲉⲧϩⲓⲧⲟⲩⲱⲕⲛⲧⲉⲕϩⲉⲉⲁϥⲟⲩⲱϣⲃⲛⲁϥϫⲉⲕⲁⲗⲱⲥ
ⲁⲕϫⲟⲟⲥ·ϫⲉⲟⲩⲁⲡⲉⲡⲛⲟⲩⲧⲉ·ⲁⲩⲱⲙⲙⲛϭⲉⲛⲃⲗⲗⲁϥ·
ⲁⲩⲱϫⲉⲉⲕⲉⲙⲉⲣⲓⲧϥϩⲙⲡⲉⲕϩⲏⲧⲏⲣϥⲙⲛⲧⲉⲕϭⲟⲙⲧⲏⲣⲥ·ⲁⲩⲱϩⲛⲧⲉⲕⲙⲛⲧⲣⲙⲛϩⲏⲧⲧⲏⲣⲥ·
ⲡⲁⲓⲥⲟⲧⲡⲡⲉϫⲁϥⲛϩⲟⲩⲟⲉⲛϩⲟⲗⲟⲕⲁⲩⲧⲱⲙⲁⲧⲏⲣⲟⲩⲙⲛⲛⲉⲑⲩⲥⲓⲁ·
ⲁⲩⲱⲛⲧⲉⲣⲉⲡϫⲟⲉⲓⲥⲙⲡⲉⲟⲟⲩⲉⲓⲙⲉϫⲉⲁϥⲧⲁⲉⲓⲉⲧⲙⲛⲧⲙⲁⲓⲣⲱⲙⲉⲕⲁⲧⲁⲡⲉⲥⲙⲡϣⲁⲁϥⲭⲁⲣⲓⲍⲉⲛⲁϥⲛⲧⲙⲛⲧⲣⲣⲟⲛⲙⲡⲏⲩⲉⲁϫⲛⲇⲓⲥⲇⲁⲍⲉ·
ϫⲉⲛⲧⲟⲕϩⲱⲱⲕⲟⲛ·ⲛⲅⲟⲩⲏⲩⲁⲛⲛⲧⲙⲛⲧⲣⲣⲟⲛⲙⲡⲏⲩⲉ·
ⲉϥⲟⲩⲱϣⲇⲉⲉⲉⲓⲙⲉⲉⲡϫⲱⲕⲛⲧⲙⲛⲧⲙⲁⲓⲣⲱⲙⲉ·ϫⲉϥⲛⲁϫⲓⲧⲁⲉⲓⲟⲛϩⲟⲩⲟ·
ⲁϥϫⲛⲟⲩϥϫⲉⲛⲓⲙⲡⲉⲡⲉⲧϩⲓⲧⲟⲩⲱⲓⲉⲁⲡⲣⲣⲟⲛⲛϭⲟⲙⲟⲩⲱϣⲃⲛⲁϥ·ⲉϥⲧⲁⲙⲟⲙⲙⲟϥⲉⲡϫⲱⲕⲛⲧⲉϩⲓⲏⲉⲧⲥⲟⲩⲧⲱⲛ·ϫⲉⲟⲩⲣⲱⲙⲉⲡⲉⲛⲧⲁϥⲉⲓⲉⲃⲟⲗϩⲛⲧϩⲓⲉⲣⲟⲩⲥⲁⲗⲏⲙⲉϩⲓⲉⲣⲁⲭⲱ
ⲁϥⲉⲓⲉⲧⲟⲟⲧⲟⲩⲛϩⲉⲛⲙⲁⲛⲥⲟⲟⲛⲉ·ⲉⲁⲩⲕⲁⲁϥⲕⲁϩⲏⲩⲁⲩϫⲛⲁϥϩⲉⲛⲥⲁϣ·
ⲁⲩⲃⲱⲕⲁⲩⲕⲁⲁϥⲉϥⲟⲙⲡϣⲙⲟⲩ·
ϩⲛⲟⲩϣⲥⲛⲉⲁⲩⲟⲩⲏⲏⲃⲉⲓⲉⲡⲉⲥⲏⲧϩⲓⲧⲉϩⲓⲏⲉⲧⲙⲙⲁⲩ
ⲁϥⲛⲁⲩⲉⲣⲟϥⲁϥⲥⲁⲁⲧϥ·
ⲁⲟⲩⲥⲁⲙⲁⲣⲓⲧⲏⲥⲇⲉⲉⲓⲉⲡⲉⲥⲏⲧϩⲓⲧⲉϩⲓⲏⲉⲧⲙⲙⲁⲩⲁϥⲛⲁⲩⲉⲣⲟϥⲁϥϣⲛϩⲧⲏϥⲉϩⲣⲁⲓⲉϫⲱϥ·
ⲉⲁϥϯⲡⲉϥⲟⲩⲟⲉⲓⲉⲣⲟϥⲁϥⲙⲟⲩⲣⲛⲛⲉϥⲥⲁϣ·
ⲁϥⲡⲱϩⲧⲉϩⲣⲁⲓⲉϫⲱϥⲛⲟⲩⲏⲣⲡⲙⲛⲟⲩⲛⲉϩ·ⲉⲁϥⲧⲁⲗⲟϥⲉϫⲙⲡⲉϥⲧⲃⲛⲏⲙⲙⲓⲛⲙⲙⲟϥ·
ⲁϥⲛⲧϥⲉⲩⲡⲁⲛⲧⲟⲕⲓⲟⲛⲉϥⲓⲡⲉϥⲣⲟⲟⲩϣⲙⲡⲉϥⲣⲁⲥⲧⲉⲇⲉⲉϥⲛⲏⲩⲉⲃⲟⲗⲁϥϯϥⲕⲏⲧⲉ·
ⲙⲡⲡⲁⲛⲇⲟⲕⲉⲩⲥⲉϥϫⲱⲙⲙⲟⲥⲛⲁϥϫⲉϥⲓⲡⲉϥⲣⲟⲟⲩϣ·
ⲁⲩⲱⲡⲉⲧⲕⲛⲁϫⲟϥⲉⲃⲟⲗⲉⲣⲟϥⲉⲓϣⲁⲛⲕⲧⲟⲓϯⲛⲁⲧⲁⲁϥⲛⲁⲕⲛⲓⲙϩⲙⲡⲉⲓϣⲟⲙⲛⲧ
ⲡⲉϫⲁϥⲡⲉⲛⲧⲁϥⲣⲡⲉⲧϩⲓⲧⲟⲩⲱϥⲙⲡⲉⲛⲧⲁϥⲉⲓⲉⲧⲟⲟⲧⲟⲩⲛⲛⲥⲟⲟⲛⲉ
ⲡⲉϫⲁϥⲛⲁϥϫⲉⲡⲉⲛⲧⲁϥⲣⲡⲛⲉⲩⲙⲁⲛⲙⲙⲁϥⲡⲉ
ⲡⲉϫⲁϥⲇⲉⲛⲁϥⲛϭⲓⲡϫⲟⲉⲓⲥⲙⲡⲉⲟⲟⲩⲓⲏⲥⲟⲩⲥϫⲉⲃⲱⲕϩⲱⲱⲕⲟⲛⲛⲅⲉⲓⲣⲉϩⲓⲛⲁⲓ·
ϫⲉⲕⲁⲥⲉⲛⲛⲁⲉⲓⲙⲉϫⲉⲙⲡⲛϫⲉⲗⲁⲁⲩⲉϥϣⲟⲃⲉϩⲛⲛⲉⲛⲧⲁⲛϫⲟⲟⲩⲙⲡⲃⲗⲛⲧⲉⲅⲣⲁⲫⲏⲁⲩⲱⲟⲛϫⲉⲕⲁⲥⲉⲛⲛⲁⲉⲓⲙⲉ·ϫⲉⲧⲁⲅⲁⲡⲏⲧⲉⲧⲙⲛⲧⲙⲁⲓⲣⲱⲙⲉ·ⲁⲩⲱⲧⲙⲛⲧⲙⲁⲓⲣⲱⲙⲉⲡⲉⲧⲁⲅⲁⲡⲏ
ⲉϣϫⲉⲁϥⲭⲁⲣⲓⲍⲉⲛⲧⲙⲛⲧⲣⲣⲟⲙⲡⲁⲓ·ϫⲉⲁϥϫⲉⲧⲙⲉϩⲛⲧⲉϥϭⲓⲛⲟⲩⲱϣⲃ·ϫⲉⲧⲙⲛⲧⲙⲁⲓⲣⲱⲙⲉⲥⲟⲧⲡⲛϩⲟⲩⲟⲉⲛϩⲟⲗⲟⲕⲁⲩⲧⲱⲙⲁⲧⲏⲣⲟⲩ·ⲙⲛⲛⲉⲑⲩⲥⲓⲁ·
ⲉⲓⲉⲡⲉⲧⲛⲁϫⲟⲕⲥϩⲱⲱϥⲉⲃⲟⲗⲛϩⲣⲁⲓϩⲙⲡⲉϥϩⲏⲧ·
ⲙⲛⲛⲉⲥⲕⲉϩⲃⲏⲩⲉⲧⲏⲣⲟⲩⲛⲇⲓⲕⲁⲓⲟⲥⲩⲛⲏϥⲛⲁⲧⲁⲉⲓⲟϥⲛⲟⲩⲏⲣ·
ⲁⲩⲱϥⲛⲁⲭⲁⲣⲓⲍⲉⲛⲁϥⲛⲧⲙⲛⲧⲣⲣⲟⲛⲙⲡⲏⲩⲉⲛⲁϣⲛϩⲉ·
ⲙⲡⲣⲧⲣⲉⲛϣⲟⲩϣⲟⲩⲟⲩⲛ·ⲙⲙⲟⲛⲛⲉⲥⲛⲏⲩϫⲉⲁⲛⲟⲛϩⲉⲛⲭⲣⲓⲥⲧⲓⲁⲛⲟⲥ·ⲉⲟⲩⲛⲕⲱϩⲏϯⲧⲱⲛ·ⲏⲙⲟⲥⲧⲉϩⲙⲡⲉⲛϩⲏⲧⲉϩⲟⲩⲛⲉⲡⲉⲧϩⲓⲧⲟⲩⲱⲛ·
ⲏⲛⲧⲛⲙⲉⲁⲛⲙⲡⲉⲧϩⲓⲧⲟⲩⲱⲛⲛⲧⲉⲛϩⲉ·
ⲛⲧⲛϫⲏⲕⲁⲛⲉⲃⲟⲗϩⲙⲡϩⲱⲃ·
ⲟⲩⲣⲁⲛⲉϥϣⲟⲩⲉⲓⲧⲙⲙⲁⲧⲉⲡⲉⲧⲟⲩⲙⲟⲩⲧⲉⲉⲣⲟⲛⲙⲙⲟϥ·
ⲡⲁⲡⲟⲥⲧⲟⲗⲟⲥⲉⲧⲟⲩⲁⲁⲃⲱϣⲉⲃⲟⲗ·ϫⲉϩⲟⲡⲟⲩⲅⲁⲣⲟⲩⲛⲕⲱϩϩⲓϯⲧⲱⲛ·ⲛϩⲏⲧⲧⲏⲩⲧⲛ·ⲙⲏⲛⲧⲉⲧⲛϩⲉⲛⲥⲁⲣⲕⲓⲕⲟⲥⲁⲛ·
ⲁⲩⲱⲉⲧⲉⲧⲛⲙⲟⲟϣⲉⲕⲁⲧⲁⲣⲱⲙⲉ
ⲟⲩϭⲉⲡⲉⲧⲛⲛⲁϫⲟⲟϥϩⲙⲡⲉϩⲟⲟⲩⲙⲡⲉⲛϭⲙⲡϣⲓⲛⲉⲉⲙⲡⲛⲉⲓⲙⲉϫⲉⲉⲛⲟⲛⲁϣⲛϩⲉⲙⲡⲁⲧⲉⲛⲉϩⲟⲟⲩⲙⲡⲉⲛⲁϩⲉϫⲱⲕⲉⲃⲟⲗ·
ⲛⲧⲛⲛⲉϩⲡⲉϩⲙⲡⲙⲁⲙⲡⲛⲉϩⲡⲉ·ⲉⲧⲟⲩⲛⲉϩⲡⲉⲛϩⲏⲧϥⲛϭⲓϩⲁϩϫⲓⲛⲙⲡⲁⲓⲱⲛ·
ⲁⲩⲱⲛⲧⲛⲣⲓⲙⲉϩⲙⲡⲙⲁⲙⲡⲣⲓⲙⲉⲉⲧⲟⲩⲣⲓⲙⲉⲛϩⲏⲧϥⲛϭⲓϩⲁϩϫⲓⲛⲛⲧⲁⲣⲭⲏ·
ⲉϣϫⲉⲉⲧⲃⲏⲏⲧⲉⲱⲧⲙⲛⲧⲙⲁⲓⲣⲱⲙⲉ·ⲁⲩⲱⲧⲁⲅⲁⲡⲏ·ⲉⲣⲉⲡⲉⲓⲙⲏⲏϣⲉⲧⲏⲣϥⲛⲁϫⲓⲉⲟⲟⲩⲉϥϣⲁⲛⲉⲓⲛϭⲓⲡⲣⲣⲟ·ϩⲙⲡⲉϥⲉⲟⲟⲩⲙⲛⲛⲉϥⲁⲅⲅⲉⲗⲟⲥⲧⲏⲣⲟⲩⲛⲙⲙⲁϥ·ⲕⲁⲧⲁⲧϩⲉⲛⲧⲁⲛϣⲣⲡϫⲟⲟⲥ·
ⲁⲩⲱⲛⲥⲉⲃⲱⲕⲉϩⲟⲩⲛⲉⲡⲱⲛϩϣⲁⲉⲛⲉϩ·
ⲧⲉⲥⲙⲁⲙⲁⲁⲧⲛⲧⲟ·ⲁⲩⲱϥⲥⲙⲁⲙⲁⲁⲧⲛϭⲓⲡϫⲟⲉⲓⲥⲙⲡⲉⲟⲟⲩⲓⲏⲥⲟⲩⲥ·ϫⲉⲁϥϫⲟⲙⲙⲟⲛⲁϥϩⲙⲡϩⲏⲧⲛⲛⲥⲁⲃⲉⲉⲩⲉ·ⲉⲧⲣⲉⲩⲕⲗⲏⲣⲟⲛⲟⲙⲉⲓⲙⲡⲱⲛϩ·ⲛϣⲁⲉⲛⲉϩ·ϩⲛⲧⲁⲉⲓⲟⲛⲓⲙⲙⲛⲉⲟⲟⲩⲛⲓⲙϩⲛⲟⲩⲛⲟϭⲙⲡⲁⲣⲣⲏⲥⲓⲁϩⲛⲙⲡⲏⲩⲉ·
ⲁⲩⲱⲉϣϫⲉⲉⲧⲃⲏⲏⲧⲉϩⲱⲱⲧⲉⲱⲧⲙⲛⲧⲙⲁⲥⲧⲣⲱⲙⲉ·ⲉⲣⲉⲡⲉⲓⲙⲏⲏϣⲉⲧⲏⲣϥⲁⲩⲱⲛⲉⲓⲗⲁⲟⲥⲉⲧⲟϣ·ϫⲓⲛⲙⲡⲁⲓⲱⲛϣⲁϩⲣⲁⲓⲉⲧⲉⲛⲟⲩⲁⲩⲱϣⲁϩⲣⲁⲓⲉⲧⲥⲩⲛⲧⲉⲗⲉⲓⲁⲙⲡⲁⲓⲱⲛ·ⲛⲛⲁϫⲓⲥⲱϣ
ⲉϥϣⲁⲛⲉⲓⲛϭⲓⲡⲣⲣⲟϩⲙⲡⲉϥⲉⲟⲟⲩⲉⲕⲣⲓⲛⲉⲛⲧⲙⲏⲧⲉⲛⲛⲁⲓ·ⲙⲛⲛⲉⲓⲕⲟⲟⲩⲉ·ⲛⲧⲙⲏⲧⲉⲛⲛⲉⲧϩⲓⲟⲩⲛⲁⲙⲉⲧⲃⲉⲧⲁⲅⲁⲡⲏⲙⲛⲡⲛⲁ·ⲁⲩⲱⲡϫⲱⲕⲛⲧⲙⲛⲧⲙⲁⲓⲣⲱⲙⲉ·ⲁⲩⲱϩⲛⲧⲙⲏⲧⲉⲛⲛⲉⲧϩⲓϩⲃⲟⲩⲣⲉⲧⲃⲉⲡⲕⲱϩⲙⲛⲡⲙⲟⲥⲧⲉⲁⲩⲱⲧⲙⲛⲧⲁⲧⲛⲁ·
ϥⲥϩⲟⲩⲟⲣⲧⲛϭⲓⲡⲉⲛⲧⲁϥⲕⲁⲃⲟⲗⲙⲙⲟ·
ⲡⲇⲓⲁⲃⲟⲗⲟⲥⲉⲁϥϫⲟⲙⲙⲟⲛⲁϥⲛⲟⲩϭⲣⲟϭⲙⲡⲟⲛⲏⲣⲟⲛϩⲙⲡϩⲏⲧⲛⲛⲁⲧϩⲏⲧ
ⲛⲧⲟϥⲅⲁⲣⲡⲉⲛⲧⲁϥϯⲙⲉϩⲣⲟⲛⲉⲛϭⲓⲡⲉⲇⲣⲁⲕⲱⲛϩⲛⲧⲁϣⲏⲛⲙⲙⲁⲧⲟⲩⲉⲧⲛⲏⲩⲉⲃⲟⲗϩⲛⲣⲱϥϣⲁⲛⲧⲉϥⲥⲉⲣⲙϩⲁϩⲉⲙⲁⲧⲉⲉⲙⲡⲟⲩⲉⲓⲙⲉϫⲉⲁϥⲥⲟⲣⲙⲟⲩ·ⲛⲧⲉϩⲓⲏⲛⲃⲱⲕⲉⲧⲡⲟⲗⲓⲥⲙⲡⲉⲩⲙⲁⲛϣⲱⲡⲉ·ⲉⲁϥⲛⲧⲟⲩⲉⲃⲟⲗϩⲙⲡⲟⲩⲟⲉⲓⲛⲉⲡⲕⲁⲕⲉ·ⲉⲙⲡⲟⲩⲉⲓⲙⲉϫⲉⲡⲕⲁⲕⲉ·
ⲡⲉⲧⲟⲩⲙⲟⲟϣⲉⲛϩⲏⲧϥⲕⲁⲡⲉⲧⲥⲏϩ
ϫⲉⲡⲉⲧⲙⲟⲥⲧⲉⲙⲡⲉϥⲥⲟⲛⲉϥϣⲟⲟⲡϩⲙⲡⲕⲁⲕⲉⲁⲩⲱⲉϥⲙⲟⲟϣⲉϩⲙⲡⲕⲁⲕⲉ·
ⲉⲛϥⲥⲟⲟⲩⲛⲁⲛϫⲉⲉϥⲃⲏⲕⲉⲧⲱⲛϫⲉⲁⲡⲕⲁⲕⲉⲧⲱⲙⲛⲛⲉϥⲃⲁⲗ·
ϣⲁⲛⲧⲟⲩⲥⲱⲧⲙⲉⲧⲉⲓⲥⲙⲏⲉⲧⲙⲉϩⲛⲟⲣⲅⲏⲉⲧⲛⲏⲩⲉⲃⲟⲗϩⲛⲣⲱϥⲙⲡⲡⲁⲛⲧⲟⲕⲣⲁⲧⲱⲣⲓⲏⲥⲟⲩⲥϩⲙⲡⲧⲣⲉϥϫⲛⲟⲩⲟⲩⲉⲛⲉⲧⲉϣϣⲉⲉⲣⲟⲟⲩ·
ⲕⲁⲧⲁⲡⲧⲱϣⲛⲧϭⲓⲛϯϩⲁⲡⲉⲧⲥⲏϩϩⲛⲛⲉⲩⲁⲅⲅⲉⲗⲓⲟⲛ·
ⲡⲁⲓⲛⲧⲁϥϣⲣⲡⲥⲏⲙⲁⲛⲉⲙⲙⲟϥⲛⲁⲛ·ⲛϭⲓⲡⲉⲧⲉⲙⲡⲉϥⲟⲩⲱϣⲁⲛⲡⲉ·ⲉⲧⲣⲉⲗⲁⲁⲩⲧⲁⲕⲟϩⲙⲡⲉϥⲧⲁⲙⲓⲟϫⲉⲧⲁⲓⲧⲉⲧϩⲉⲉⲧⲓⲛⲁⲁⲁⲥ·ⲉⲓϣⲁⲛⲉⲓ·ⲕⲁⲧⲁⲡⲉⲙⲡϣⲁⲛⲛⲉⲧϩⲓⲟⲩⲛⲁⲙⲕⲁⲧⲁⲛⲉⲩϩⲃⲏⲩⲉϩⲙⲙⲛⲧⲙⲁⲓⲣⲱⲙⲉⲛⲓⲙ·
ⲁⲩⲱⲟⲛϫⲉⲧⲁⲓⲧⲉⲧϩⲉⲙⲡⲧⲱϣⲛⲛⲉⲧϩⲓϩⲃⲟⲩⲣⲉϥϣⲁⲛⲉⲓ·ⲕⲁⲧⲁⲡⲉⲩⲙⲡϣⲁ
ϫⲓⲛⲏⲧⲛⲧⲉⲛⲟⲩⲱⲛⲧⲁⲗⲁⲓⲡⲱⲣⲟⲥⲛⲉⲃⲓⲏⲛⲙⲛⲡⲁⲓⲛⲧⲁⲧⲉⲧⲛⲙⲉⲣⲓⲧϥⲉⲁⲧⲉⲧⲛⲣϩⲱⲃⲛⲙⲙⲁϥϩⲛⲟⲩⲕⲱϩⲙⲛⲟⲩⲙⲟⲥⲧⲉ·ⲁⲩⲱϩⲙⲡϫⲱⲕⲛⲧⲙⲛⲧⲁⲧⲛⲁⲛϩⲣⲁⲓϩⲙⲡⲕⲱϩⲧⲛⲧⲅⲉϩⲉⲛⲛⲁ·ⲛϩⲉⲛϩⲟⲟⲩⲁⲛⲙⲛϩⲉⲛⲣⲟⲙⲡⲉⲁⲗⲗⲁϣⲁⲛⲁⲓⲱⲛⲛⲛⲁⲓⲱⲛ
ⲉⲣⲉⲛⲁⲓⲅⲁⲣⲛⲁϣⲱⲡⲉϩⲛⲧⲥⲩⲛⲧⲉⲗⲉⲓⲁⲙⲡⲁⲓⲱⲛ·ⲉⲙⲛϭⲉϩⲁⲡⲛⲁϣⲱⲡⲉⲙⲛⲛⲥⲁⲡⲁⲓ·
ⲁⲩⲱⲉⲙⲛϭⲉϩⲟⲟⲩⲉϭⲱϣⲧϩⲏⲧϥⲉⲧⲃⲉⲁⲛⲁⲥⲧⲁⲥⲓⲥ·ⲙⲛⲛⲥⲁⲧⲣⲉϥⲕⲣⲓⲛⲉⲛⲛⲁⲅⲅⲉⲗⲟⲥ·ⲁⲩⲱⲙⲛⲛⲥⲁⲧⲣⲉϥϯϩⲁⲡⲉⲡϫⲱⲕⲛⲁⲛⲟⲙⲓⲁⲛⲓⲙ·
ⲛϥϫⲟⲟⲩⲥⲟⲩϩⲙⲡϭⲱⲛⲧⲛⲧⲉϥⲟⲣⲅⲏⲉϩⲣⲁⲓⲉⲁⲙⲛⲧⲉ·ⲉⲓⲧⲉⲛⲉⲃⲟⲗϩⲛⲛⲁⲅⲅⲉⲗⲟⲥ·ⲉⲛⲧⲁϥⲡⲗⲁⲛⲁⲙⲙⲟⲟⲩ·ⲉⲓⲧⲉⲛⲉⲃⲟⲗϩⲛⲛϣⲏⲣⲉⲛⲛⲣⲱⲙⲉⲛⲧⲁϥⲥⲟⲣⲙⲟⲩ·
ⲥⲉⲛⲁϩⲣⲁⲙⲙⲟⲟⲩⲧⲏⲣⲟⲩⲛϭⲓⲛⲁⲅⲅⲉⲗⲟⲥ·
ⲟⲩⲟⲛⲛⲓⲙⲉⲧϫⲟⲗϫϩⲛⲛⲁⲛⲟⲙⲓⲁⲙⲡϣⲏⲣⲉⲙⲡⲧⲁⲕⲟ·ⲉⲙⲡⲟⲩⲙⲉⲧⲁⲛⲟⲉⲓϣⲁⲛⲧⲟⲩⲙⲟⲩ·ⲟⲩⲧⲉⲙⲡⲟⲩⲉⲓⲉⲃⲟⲗⲛϩⲏⲧⲟⲩϣⲁⲡⲉϩⲟⲟⲩⲙⲡⲉⲩϭⲙⲡϣⲓⲛⲉ·
ϩⲁⲡⲁⲝϩⲁⲡⲗⲱⲥⲟⲩⲟⲛⲛⲓⲙⲉⲧⲁϩⲉⲣⲁⲧⲟⲩϩⲓϩⲃⲟⲩⲣⲉⲧⲣⲉⲩⲛⲟϫⲟⲩⲉϩⲣⲁⲓⲉⲁⲙⲛⲧⲉⲛⲥⲉⲕⲗⲏⲣⲟⲛⲟⲙⲉⲓⲛⲧⲅⲉϩⲉⲛⲛⲁⲛⲥⲁⲧⲉ·ϣⲁⲉⲛⲉϩ
ⲱⲟⲩⲙⲓⲛⲉⲛϣⲧⲟⲣⲧⲣⲛⲁϣⲛϩⲉⲡⲉⲧⲛⲁϣⲱⲡⲉϩⲙⲡⲉϩⲟⲟⲩⲉⲧⲙⲙⲁⲩⲛⲛⲉⲧⲁϩⲉⲣⲁⲧⲟⲩϩⲓϩⲃⲟⲩⲣ·ⲙⲡⲉⲙⲧⲟⲉⲃⲟⲗⲛⲛⲉⲧϩⲓⲟⲩⲛⲁⲙⲉⲧϩⲁⲉⲟⲟⲩ·
ⲱⲟⲩⲣⲓⲙⲉⲛⲁϣⲛϩⲉⲡⲉⲧⲛⲁϣⲱⲡⲉϩⲙⲡⲉϩⲟⲟⲩⲉⲧⲙⲙⲁⲩϩⲛⲛϩⲉⲑⲛⲟⲥⲧⲏⲣⲟⲩⲉⲧⲉⲙⲡⲟⲩⲥⲟⲩⲛⲡⲛⲟⲩⲧⲉ·ⲁⲩⲱⲛϩⲁⲓⲣⲉⲧⲓⲕⲟⲥⲧⲏⲣⲟⲩⲧⲟⲩⲉⲓⲧⲟⲩⲉⲓⲕⲁⲧⲁⲣⲟⲥϩⲙⲡⲉⲥⲥⲱⲣⲙⲛⲧⲁϥⲥⲟⲣⲙⲟⲩⲛϩⲏⲧϥⲛϭⲓⲡⲉⲕⲣⲟϥ·
ⲁⲗⲗⲁⲥⲉⲛⲁϣⲱⲡⲉϩⲛⲟⲩⲛⲟϭⲙⲙⲛⲧⲉⲃⲓⲏⲛ·ⲁⲩⲱⲟⲩⲛⲟϭⲙⲙⲛⲧⲧⲁⲗⲁⲓⲡⲱⲣⲟⲥϩⲙⲡⲉϩⲟⲟⲩⲉⲧⲙⲙⲁⲩⲛϭⲓϩⲉⲛⲣⲱⲙⲉⲉⲩϫⲱⲙⲙⲟⲥⲉⲣⲟⲟⲩ·ϫⲉⲁⲛⲟⲛϩⲉⲛⲭⲣⲓⲥⲧⲓⲁⲛⲟⲥ·
ⲉⲙⲡⲟⲩⲥⲟⲩⲛⲡⲧⲱϩⲙⲛⲧⲁⲩⲧⲁϩⲙⲟⲩⲛϩⲏⲧϥ·ⲁⲩⲱⲧⲉⲭⲁⲣⲓⲥⲛⲧⲁⲥⲧⲁϩⲟⲟⲩ·
ⲙⲁⲗⲓⲥⲧⲁⲛⲉⲧⲫⲟⲣⲉⲓⲙⲡⲣⲁⲛⲙⲛⲡⲉⲥⲭⲏⲙⲁⲁⲩⲱⲉⲩⲟⲩⲏϩϩⲛⲛⲧⲟⲡⲟⲥⲉⲧⲟⲩⲁⲁⲃ·ⲉⲩϫⲟⲗϫϩⲱⲟⲩϩⲛⲛⲁⲓϩⲛⲧⲟⲣⲅⲏⲉⲧⲙⲙⲁⲩ·ⲉⲧⲃⲉϫⲉⲙⲡⲟⲩⲥⲱⲧⲙⲉⲡⲉϩⲣⲟⲟⲩⲛⲛⲉⲅⲣⲁⲫⲏⲉⲛⲧⲁϥⲉⲓⲉⲃⲟⲗⲉϫⲙⲡⲕⲁϩⲧⲏⲣϥ
ⲁⲩⲱⲛⲉⲥϣⲁϫⲉⲛⲣⲉϥⲧⲁⲛϩⲟⲉⲛⲧⲁⲩⲡⲱϩϣⲁⲛⲉⲕⲣⲣⲱⲟⲩⲛⲧⲟⲓⲕⲟⲩⲙⲉⲛⲏⲉⲩⲱϣⲉⲃⲟⲗϫⲉⲡⲱⲧⲉⲃⲟⲗⲛⲧⲡⲟⲣⲛⲉⲓⲁ·
ⲛⲟⲃⲉⲛⲓⲙⲉⲧⲉⲣⲉⲡⲣⲱⲙⲉⲛⲁⲁⲁⲩⲡⲉϫⲁⲥ·ⲥⲉⲙⲡⲃⲗⲙⲡⲥⲱⲙⲁ
ⲡⲉⲧⲡⲟⲣⲛⲉⲩⲉⲇⲉⲛⲧⲟϥⲉϥⲣⲛⲟⲃⲉⲉⲡⲉϥⲥⲱⲙⲁⲙⲁⲩⲁⲁϥ·
ⲏϫⲉⲡⲉⲧⲧⲱϭⲉⲙⲙⲟϥⲉⲧⲡⲟⲣⲛⲏⲟⲩⲥⲱⲙⲁⲛⲟⲩⲱⲧⲡⲉ·
ⲡⲉⲧⲧⲱϭⲉⲇⲉⲙⲙⲟϥⲉⲡϫⲟⲉⲓⲥⲟⲩⲡⲛⲉⲩⲙⲁⲛⲟⲩⲱⲧⲡⲉ·ⲏϫⲉⲛⲧⲉⲧⲛⲥⲟⲟⲩⲛⲁⲛϫⲉⲛⲧⲉⲧⲛⲡⲉⲣⲡⲉⲙⲡⲛⲟⲩⲧⲉⲁⲩⲱⲡⲉⲡⲛⲉⲩⲙⲁⲙⲡⲛⲟⲩⲧⲉⲟⲩⲏϩⲛϩⲏⲧⲧⲏⲩⲧⲛⲏϫⲉⲡⲉⲧⲛⲁⲥⲱⲱϥⲙⲡⲉⲣⲡⲉⲙⲡⲛⲟⲩⲧⲉ·
ⲡⲁⲓⲡⲛⲟⲩⲧⲉⲛⲁⲧⲁⲕⲟϥ·
ⲟⲩϭⲉⲡⲉⲧⲛⲁϣⲱⲡⲉⲙⲛⲛⲥⲁⲡⲁϣⲕⲁⲕⲛⲛⲁⲓ·ⲁⲩⲱⲙⲛⲛⲥⲁⲡⲛⲉϩⲡⲉⲛⲛⲉⲧϩⲓϩⲃⲟⲩⲣϩⲛⲟⲩⲛⲟϭⲛϩⲟⲧⲉⲉⲣⲉⲛⲁⲅⲅⲉⲗⲟⲥⲛⲗⲓⲧⲟⲩⲣⲅⲟⲥ·
ⲛϣⲁϩⲛⲕⲱϩⲧⲕⲧⲏⲩⲉⲣⲟⲟⲩⲉⲣⲉⲧⲁⲡⲟⲫⲁⲥⲓⲥⲙⲡⲡⲁⲛⲧⲟⲕⲣⲁⲧⲱⲣⲓⲏⲥⲟⲩⲥⲛⲏⲩⲉⲃⲟⲗϩⲛⲣⲱϥ·ⲉⲥⲡⲏⲧⲛⲥⲱⲟⲩϩⲛⲟⲩⲟⲣⲅⲏ·ⲙⲛⲟⲩϩⲟⲧⲉ
ϫⲉⲥⲁϩⲉⲧⲏⲩⲧⲛⲉⲃⲟⲗⲙⲙⲟⲓ
ⲛⲉⲧⲥϩⲟⲩⲟⲣⲧⲉⲧⲥⲁⲧⲉϣⲁⲉⲛⲉϩ·ⲧⲁⲓⲛⲧⲁⲩⲥⲃⲧⲱⲧⲥⲙⲡⲇⲓⲁⲃⲟⲗⲟⲥⲙⲛⲛⲉϥⲁⲅⲅⲉⲗⲟⲥ·ⲉⲧⲃⲉϫⲉⲙⲡⲉⲧⲛⲉⲓⲣⲉⲕⲁⲧⲁⲛⲉⲛⲧⲁⲓϩⲱⲛⲙⲙⲟⲟⲩⲉⲧⲟⲟⲧⲧⲏⲩⲧⲛⲟⲩⲙⲟⲛⲟⲛϫⲉⲙⲡⲉⲧⲛⲙⲉⲣⲉⲡⲉⲧϩⲓⲧⲟⲩⲱⲧⲛϫⲉⲁⲡϩⲱⲃϩⲣⲟϣⲛⲛⲁϩⲣⲏⲧⲛ·
ⲉⲓⲉⲉⲧⲃⲉⲟⲩⲛⲧⲟϥⲁⲧⲉⲧⲛⲙⲉⲥⲧⲱϥⲉⲁⲧⲉⲧⲛⲡⲱⲱⲛⲉⲡϩⲁⲡⲉⲟⲩⲭⲟⲗⲏ·ⲁⲩⲱⲡⲕⲁⲣⲡⲟⲥⲛⲧⲇⲓⲕⲁⲓⲟⲥⲩⲛⲏ·ⲉⲟⲩⲥⲓϣⲉ
ⲁⲧⲉⲧⲛⲡⲉⲛⲉⲛⲉⲛⲧⲁⲓϫⲟⲟⲩⲛⲏⲧⲛ·ⲉⲛⲉⲧⲉⲙⲡⲓϫⲟⲟⲩϩⲛⲁⲛⲟⲙⲓⲁⲛⲓⲙ·
ϫⲓⲛⲏⲧⲛⲧⲉⲛⲟⲩⲕⲁⲧⲁⲡⲉⲧⲛⲙⲡϣⲁ·ⲁⲩⲱⲕⲁⲧⲁⲧⲡⲟⲛⲏⲣⲓⲁⲛⲛⲉⲧⲛϩⲃⲏⲩⲉ·ϩⲣⲁⲓϩⲙⲡⲕⲱϩⲧⲛⲧⲅⲉϩⲉⲛⲛⲁⲙⲛⲡⲁⲓⲛⲧⲁϥⲡⲉⲛⲉⲡⲉⲧⲛⲟⲩⲱϣⲉⲩⲙⲟⲥⲧⲉⲁⲩⲱⲧⲉⲧⲛⲁⲅⲁⲡⲏⲉⲟⲩⲙⲛⲧⲁⲧⲛⲁ·ⲁⲩⲱⲡⲉⲧⲛⲧⲃⲃⲟⲉⲟⲩϫⲱϩⲙⲁⲩⲱⲉϩⲉⲛⲡⲟⲣⲛⲉⲓⲁ·ⲉⲟⲩⲛⲟⲩⲏⲡⲉⲛⲥⲙⲟⲧⲉϣⲗⲟϥⲡⲉϫⲟⲟⲩ·ⲁⲩⲱⲉϣⲓⲡⲉⲡⲉⲥⲱⲧⲙⲉⲣⲟⲟⲩ·ⲡⲁⲓⲛⲧⲁϥⲡⲉⲛⲉⲡϫⲱⲕⲛⲧⲙⲛⲧⲉⲩⲥⲉⲃⲏⲥⲉⲡϫⲱⲕⲙⲙⲛⲧⲁⲥⲉⲃⲏⲥⲛⲓⲙⲛⲛⲉϩⲟⲟⲩⲉⲧⲉⲧⲛϩⲓϫⲙⲡⲕⲁϩ·
ⲙⲡⲉⲧⲛⲥⲱⲧⲙⲉⲣⲟⲓⲉⲓⲱϣⲉⲃⲟⲗϩⲛⲧⲧⲁⲡⲣⲟⲛⲛⲁϩⲙϩⲁⲗ

ANNIS Metadata

annotation: Diliana Atanassova, Caroline T. Schroeder, Elizabeth Platte, Amir Zeldes
author: Johannes the Archimandrite
collection: Oriental Manuscripts
Coptic_edition: Atanassova, The Canons of Apa John the Archimandrite online
corpus: johannes.canons
country: Egypt
document_cts_urn: urn:cts:copticLit:johannes.canons.monbfa:451-457
entities: automatic
identities: checked
idno: Or 8811
language: Sahidic Coptic
license: CC BY-SA 3.0 Unported
msContents_title_type: Canons
msItem_title: Canons of Apa Johannes the Archimandrite
msName: MONB.FA
next: urn:cts:copticLit:johannes.canons.monbfa:457-474
objectType: codex
order: 09
origDate: Manuscript dates between 800 and 1100 CE approximately
origDate_notAfter: 1100
origDate_notBefore: 0800
origDate_precision: low
pages_from: 205
pages_to: 214
parsing: automatic
people: Devil; Jesus
placeName: Atripe
places: Jericho; Jerusalem
previous: urn:cts:copticLit:johannes.canons.monbfa:421
project: The Canons of Apa John the Archimandrite, KELLIA, Coptic SCRIPTORIUM
redundant: no
repository: British Library
segmentation: checked
source: Diliana Atanassova, The Canons of Apa John the Archimandrite Project (FWF Project P22641-G19)
source_info: Diliana Atanassova, The Canons of Apa John the Archimandrite Project (FWF Project P22641-G19)
tagging: checked
title: Apa Johannes Canons: MONB.FA 205-214
translation: none
Trismegistos: none
version_date: 2024-10-31
version_n: 6.0.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:johannes.canons.monbfa:451-457. [version number], [date]. https://data.copticscriptorium.org/urn:cts:copticLit:johannes.canons.monbfa:451-457.

Subsequent citations:

Author, Ancient title (abbreviated) [chapter.verse if available], urn:cts:copticLit:johannes.canons.monbfa:451-457.

Document Edition: urn:cts:copticLit:johannes.canons.monbfa:451-457

Work: urn:cts:copticLit:johannes.canons

Text Group: urn:cts:copticLit:johannes

The following links will direct you to the latest versions of data visualizations of the document.

Diplomatic Edition HTML: https://data.copticscriptorium.org/urn:cts:copticLit:johannes.canons.monbfa:451-457/dipl/html

Normalized Text HTML: https://data.copticscriptorium.org/urn:cts:copticLit:johannes.canons.monbfa:451-457/norm/html

Analytic Visualization HTML: https://data.copticscriptorium.org/urn:cts:copticLit:johannes.canons.monbfa:451-457/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:johannes.canons.monbfa:451-457/tei/xml

Paula XML: https://data.copticscriptorium.org/urn:cts:copticLit:johannes.canons.monbfa:451-457/paula/xml

relANNIS: https://data.copticscriptorium.org/urn:cts:copticLit:johannes.canons.monbfa:451-457/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:johannes.canons.monbfa:451-457/annis