Life of Isaac of Alexandria - part 3
normalized analytic TEI ANNIS PAULA Search ANNIS
Previous

Analytic Visualization

Show:








ⲁⲑⲁⲛⲁⲥⲓⲟⲥⲇⲉⲡⲓⲭⲁⲣⲧⲟⲗⲁⲣⲓⲟⲥⲫⲏⲉⲧⲁⲛⲉⲣϣⲟⲣⲡⲛⲥⲁϫⲓⲉⲑⲃⲏⲧϥⲛⲁϥϯⲙⲕⲁϩⲙⲡⲁⲓϩⲁⲅⲓⲟⲥϫⲉⲟⲩⲏⲓⲛⲁⲣⲉϯⲉⲝⲟⲩⲥⲓⲁⲛⲧⲟⲧϥⲡⲉⲟⲩⲟϩⲛⲁⲣⲉⲡⲓϧⲉⲗⲗⲟⲭⲱⲙⲡⲉϥⲣⲱⲟⲩϣⲉⲫⲛⲟⲩϯⲡⲉ.
ⲥⲁⲧⲟⲧϥⲁϥϭⲓⲛⲟⲩⲥⲟϩⲓⲛⲧⲉⲧⲉϥⲙⲉⲧⲁⲑⲛⲁϩϯⲉⲃⲟⲗϩⲓⲧⲉⲛⲡϭⲟⲉⲓⲥ.
ⲡⲉϥⲛⲓϣϯⲇⲉⲛϣⲏⲣⲓⲁⲫⲛⲟⲩϯⲉⲛⲟⲩϣⲱⲛⲓⲉϫⲱϥϩⲱⲥⲧⲉⲛⲧⲉϥϧⲱⲛⲧⲉⲫⲙⲟⲩ.
ⲡⲉϥⲉⲓⲱⲧⲇⲉⲁϥⲓⲛⲓⲛⲟⲩⲙⲏϣⲛⲥⲏⲓⲛⲓⲙⲡⲉⲧⲁⲗϭⲟϣⲱⲡⲓⲛⲁϥ
ⲙⲁⲗⲗⲟⲛⲇⲉⲛⲁϥⲛⲏⲟⲩⲉⲧⲁⲕⲟⲛϩⲟⲩⲟⲁϥⲉⲣⲕⲟⲩϫⲓⲛϩⲏⲧⲉⲙⲁϣⲱⲛϫⲉⲁⲑⲁⲛⲁⲥⲓⲟⲥⲉϥⲕⲱϯⲛⲥⲁⲟⲩⲙⲧⲟⲛⲙⲡⲉϥϣⲏⲣⲓⲉϥϫⲓⲙⲓⲙⲙⲟϥⲁⲛ.
ⲟⲩⲟϩϧⲉⲛⲛⲁⲓⲟⲛⲙⲡⲉϥⲉⲣⲛⲩⲙⲫⲉⲓⲛⲉⲡⲧⲏⲣϥⲟⲩⲟϩⲛⲁⲩϩⲉⲙⲥⲓⲙⲡⲉϥⲕⲱϯⲛϫⲉⲛⲓⲁⲣⲭⲱⲛⲧⲏⲣⲟⲩⲛⲧⲉϯⲡⲟⲗⲓⲥ.
ⲟⲩⲟϩⲁⲥϣⲱⲡⲓϧⲉⲛⲡⲓⲉϫⲱⲣϩⲉⲧⲉⲙⲙⲁⲩⲁⲡϭⲟⲉⲓⲥϭⲱⲣⲡⲉⲃⲟⲗⲙⲡⲓⲁⲣⲭⲓⲉⲡⲓⲥⲕⲟⲡⲟⲥϫⲉⲟⲩⲱⲣⲡⲛⲣⲁⲥϯⲛⲁⲑⲁⲛⲁⲥⲓⲟⲥⲡⲓⲭⲁⲣⲧⲟⲗⲁⲣⲓⲟⲥⲉⲕϫⲱⲙⲙⲟⲥⲛⲁϥϫⲉⲉϣⲱⲡⲉⲕⲛⲁϩϯⲉⲡⲭⲣⲓⲥⲧⲟⲥⲫⲏⲉⲧⲁϥⲧϩⲉⲙⲥⲟⲓⲉϫⲉⲛⲧⲉϥⲉⲕⲕⲗⲏⲥⲓⲁⲉⲑⲟⲩⲁⲃⲓⲉⲡϭⲟⲉⲓⲥⲛⲁⲉⲣϩⲙⲟⲧⲙⲡⲉⲕϣⲏⲣⲓⲙⲡⲓⲧⲁⲗϭⲟ.
ⲉⲧⲁϥⲉⲣⲛⲩⲙⲫⲉⲓⲛⲇⲉⲛϫⲉⲫⲏⲉⲧⲟⲩⲁⲃⲉⲡⲓϭⲱⲣⲡⲉⲃⲟⲗⲁϥⲙⲟⲩϯⲉⲡⲉϥⲙⲁⲑⲏⲧⲏⲥϫⲉⲟⲩⲟⲛⲉⲡⲓⲥⲕⲟⲡⲟⲥⲙⲡⲁⲓⲙⲁ.
ⲡⲉϫⲁϥϫⲉⲥⲉϥⲉⲙⲙⲁⲓⲛϫⲉⲁⲃⲃⲁⲅⲉⲱⲣⲅⲓⲟⲥⲛⲉⲙⲁⲃⲃⲁⲅⲣⲏⲅⲟⲣⲓⲟⲥⲛⲉⲙⲁⲃⲃⲁⲡⲓⲁⲙⲟⲧⲡⲓⲉⲡⲓⲥⲕⲟⲡⲟⲥⲛⲧⲉⲧⲁⲙⲓⲁⲧ.
ⲉⲧⲁⲡⲓⲡⲁⲧⲣⲓⲁⲣⲭⲏⲥⲙⲟⲩϯⲉⲡⲓⲉⲡⲓⲥⲕⲟⲡⲟⲥⲁϥⲧⲁⲙⲱⲟⲩⲉⲛⲏⲉⲧⲁϥⲛⲁⲩⲉⲣⲱⲟⲩϧⲉⲛⲛⲓϭⲱⲣⲡⲉⲃⲟⲗ.
ⲁϥⲉⲣⲟⲩⲱⲛϫⲉⲁⲃⲃⲁⲅⲣⲏⲅⲟⲣⲓⲟⲥⲉϥϫⲱⲙⲙⲟⲥϫⲉⲉⲕⲥⲱⲟⲩⲛϫⲉⲡⲁⲓⲣⲱⲙⲓϫⲟⲛⲧⲉⲧⲉⲕⲙⲉⲧⲁⲅⲓⲟⲥⲙⲏⲡⲱⲥⲟⲩⲫⲁⲛⲧⲁⲥⲓⲁⲡⲉⲡⲁⲓⲟⲩⲱⲛϩⲛⲧⲉϥϣⲧⲉⲙϣⲱⲡⲓⲙⲙⲉⲑⲙⲏⲓⲛϫⲉⲡⲓⲥⲁϫⲓⲛⲧⲉϥⲉⲣⲡⲉⲧϩⲱⲟⲩⲛⲁⲛ.
ⲁϥⲉⲣⲟⲩⲱⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲡⲉϫⲁϥϩⲱⲥⲉϥⲥⲱⲟⲩⲛⲙⲫⲏⲉⲧⲟⲩⲧⲱϥⲛⲉⲙⲫⲛⲟⲩϯϫⲉⲫⲏⲉⲧⲁⲓϫⲟϥⲛⲱⲧⲉⲛⲁⲓϫⲟϥϧⲉⲛⲟⲩⲡⲁⲣⲣⲏⲥⲓⲁⲙⲡⲉⲙⲑⲟⲛⲟⲩⲟⲛⲛⲓⲃⲉⲛⲡⲓϩⲁⲅⲓⲟⲥⲙⲁⲣⲕⲟⲥⲡⲓⲉⲩⲁⲅⲅⲉⲗⲓⲥⲧⲏⲥⲉⲑⲟⲩⲁⲃⲡⲉⲉⲧⲟⲩⲁϩⲥⲁϩⲛⲓⲛⲱⲧⲉⲛ.
ⲉⲧⲁⲩϣⲉⲛⲱⲟⲩⲕⲁⲧⲁⲫⲣⲏϯⲉⲧⲁϥϫⲟⲥⲁⲩⲓⲉⲡⲏⲓⲛⲁⲑⲁⲛⲁⲥⲓⲟⲥⲁⲩϫⲉⲙϥⲉϥⲣⲓⲙⲓⲉⲡⲉϥϣⲏⲣⲓⲟⲩⲟϩⲁⲩϫⲱⲉⲣⲟϥⲛⲛⲏⲉⲧⲁⲡⲓⲁⲣⲭⲓⲉⲡⲓⲥⲕⲟⲡⲟⲥϫⲟⲧⲟⲩⲛⲱⲟⲩ.
ⲁϥⲉⲣⲟⲩⲱⲛϫⲉⲁⲑⲁⲛⲁⲥⲓⲟⲥⲡⲉϫⲁϥϫⲉⲁⲗⲏⲑⲱⲥⲁⲣⲉϣⲁⲛⲡⲓⲧⲁⲗϭⲟϣⲱⲡⲓⲙⲡⲁϣⲏⲣⲓⲉⲃⲟⲗϩⲓⲧⲉⲛⲡⲓⲁⲣⲭⲓⲉⲡⲓⲥⲕⲟⲡⲟⲥϯⲛⲁⲛⲁϩϯⲉⲣⲟϥⲙⲫⲣⲏϯⲛⲁⲑⲁⲛⲁⲥⲓⲟⲥⲛⲉⲙⲕⲩⲣⲓⲗⲗⲟⲥⲛⲉⲙⲓⲅⲛⲁⲧⲓⲟⲥⲛⲉⲙⲥⲉⲩⲏⲣⲟⲥ.
ⲟⲩⲟϩⲁⲑⲁⲛⲁⲥⲓⲟⲥⲛⲉⲙⲧⲉϥⲥϩⲓⲙⲓⲁⲩϩⲓⲧⲟⲩⲉϧⲣⲏⲓϧⲁⲛⲉⲛϭⲁⲗⲁⲩϫⲛⲛⲓⲉⲡⲓⲥⲕⲟⲡⲟⲥⲉⲩϫⲱⲙⲙⲟⲥϫⲉⲧⲉⲛϯϩⲟⲉⲣⲱⲧⲉⲛϩⲓⲛⲁⲛⲧⲉⲧⲉⲛϧⲱⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲛⲧⲉϥⲧⲱⲃϩⲙⲫⲛⲟⲩϯⲉϫⲱϥⲛⲧⲉϥⲟⲩϫⲁⲓϫⲉⲟⲩⲏⲓⲧⲉⲛⲛⲁϣϫⲉⲙϫⲟⲙⲁⲛⲛϫⲟⲩϣⲧⲉϧⲟⲩⲛⲉϫⲱϥⲉⲑⲃⲉⲛⲓⲡⲉⲧϩⲱⲟⲩⲉⲧⲁⲛⲁⲓⲧⲟⲩⲛⲁϥ.
ⲉⲧⲁⲩⲓⲇⲉⲛϫⲉⲛⲓⲉⲡⲓⲥⲕⲟⲡⲟⲥⲁⲩⲧⲁⲙⲉⲉⲡⲓⲡⲁⲧⲣⲓⲁⲣⲭⲏⲥⲉⲑⲟⲩⲁⲃⲉⲛⲏⲉⲧⲁⲁⲑⲁⲛⲁⲥⲓⲟⲥϫⲟⲧⲟⲩ.
ⲧⲟⲧⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲁϥⲓⲙⲫⲙⲁⲙⲡⲓⲁⲗⲟⲩⲁϥⲟϩⲓⲉⲣⲁⲧϥⲥⲁⲡϣⲱⲓⲙⲙⲟϥⲁϥϯⲛⲟⲩⲉⲩⲭⲏⲉϫⲱϥⲁϥⲉⲣⲥⲫⲣⲁⲅⲓⲍⲉⲓⲛⲙⲙⲟϥϧⲉⲛⲧⲉϥϫⲓϫⲉⲑⲟⲩⲁⲃϧⲉⲛϯⲟⲩⲛⲟⲩⲁⲡⲓⲁⲗⲟⲩϥⲟϫϥⲉⲡϣⲱⲓⲉⲃⲟⲗϧⲉⲛⲡⲓⲙⲁⲛⲕⲟⲧⲓⲥϫⲉⲕⲙⲡⲉϥϣⲱⲛⲓⲉⲡⲧⲏⲣϥ.
ⲟⲩⲟϩⲁϥϫⲟⲥⲉϥⲑⲣⲟⲩⲓⲛⲓⲛⲁϥⲛⲧⲉϥⲟⲩⲱⲙϫⲉⲟⲩⲏⲓⲓⲥϫⲉⲛⲡⲓⲉϩⲟⲟⲩⲉⲧⲁϥϣⲱⲡⲓⲙⲡⲉϥϫⲉⲙϯⲡⲓⲛϩⲗⲓ.
ⲟⲩⲟϩⲉⲧⲁϥⲛⲁⲩⲛϫⲉⲁⲑⲁⲛⲁⲥⲓⲟⲥⲛⲉⲙⲧⲉϥⲥϩⲓⲙⲓⲉⲡⲓⲧⲁⲗϭⲟⲉⲧⲁϥϣⲱⲡⲓⲙⲡⲟⲩϣⲏⲣⲓⲉⲃⲟⲗϩⲓⲧⲉⲛⲡⲓⲁⲣⲭⲓⲉⲡⲓⲥⲕⲟⲡⲟⲥⲁⲩϩⲓⲧⲟⲩⲉϫⲉⲛⲛⲟⲩϩⲟϧⲁⲛⲉϥϭⲁⲗⲁⲩϫⲉⲩⲉⲣⲁⲓⲧⲉⲓⲛⲛⲟⲩⲥⲩⲛⲅⲛⲱⲙⲏⲉⲃⲟⲗϩⲓⲧⲟⲧϥ.
ⲡⲉϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲛⲁⲑⲁⲛⲁⲥⲓⲟⲥϫⲉⲡⲁϣⲏⲣⲓⲁⲣⲉϩⲉⲣⲟⲕⲓⲥϫⲉⲛⲫⲟⲟⲩⲙⲡⲣϯⲙⲕⲁϩⲛϯⲉⲕⲕⲗⲏⲕⲓⲁϫⲉⲫⲏⲉⲧϯⲉϧⲟⲩⲛⲉϩⲣⲉⲛϯⲉⲕⲕⲗⲏⲥⲓⲁⲁϥϯⲉϧⲟⲩⲛⲉϩⲣⲉⲛⲡⲭⲣⲓⲥⲧⲟⲥ.
ⲟⲩⲟϩⲓⲥϫⲉⲛⲡⲓⲉϩⲟⲟⲩⲉⲧⲉⲙⲙⲁⲩⲁⲡⲓⲁⲣⲭⲓⲉⲡⲓⲥⲕⲟⲡⲟⲥϣⲱⲡⲓⲉⲧⲧⲁⲓⲏⲟⲩⲧⲛⲧⲟⲧϥⲛⲁⲑⲁⲛⲁⲥⲓⲟⲥⲉϥϯⲧⲁⲓⲟⲛⲁϥⲙⲫⲣⲏϯⲛⲟⲩⲁⲅⲅⲉⲗⲟⲥⲛⲧⲉⲫⲛⲟⲩϯⲟⲩⲟϩⲁⲡⲓⲁⲣⲭⲓⲉⲡⲓⲥⲕⲟⲡⲟⲥⲥⲁϫⲓⲛⲉⲙⲁⲑⲁⲛⲁⲥⲓⲟⲥϧⲉⲛⲡϫⲓⲛⲑⲣⲉⲟⲩⲡⲁⲣⲟⲩⲥⲓⲁϣⲱⲡⲓⲟⲩⲧⲱⲟⲩⲛⲉⲙⲛⲟⲩⲉⲣⲏⲟⲩⲉⲑⲃⲉⲡⲓⲉⲩⲁⲅⲅⲉⲗⲓⲟⲛⲛⲧⲉⲣⲁⲕⲟϯϫⲉⲛⲧⲉϥⲉⲣⲫⲓⲗⲟⲕⲁⲗⲉⲓⲛⲙⲙⲟϥⲉⲑⲃⲉϫⲉⲁϥⲣⲓⲕⲓⲛϩⲉⲓⲉⲑⲃⲉⲡⲁϣⲁⲓⲙⲡⲓⲭⲣⲟⲛⲟⲥⲟⲩⲟϩⲉⲃⲟⲗϩⲓⲧⲉⲛⲡⲓϩⲙⲟⲧⲛⲧⲉⲫⲛⲟⲩϯⲁϥⲧⲁϩⲟϥⲉⲣⲁⲧϥⲟⲩⲟϩⲁϥⲥⲉⲗⲥⲱⲗϥϧⲉⲛⲟⲩⲛⲓϣϯⲙⲙⲉⲧⲥⲁⲓⲉ
ⲟⲩⲟϩϧⲉⲛⲛⲉϥⲉϩⲟⲟⲩⲁⲩⲑⲱⲟⲩϯⲙⲡⲓϣⲉϧⲉⲛⲣⲁⲕⲟϯⲉⲑⲃⲉϫⲉⲙⲡⲟⲩϣϫⲉⲙϫⲟⲙⲛⲉⲣⲫⲁⲓⲛϫⲉⲛⲓⲁⲣⲭⲓⲉⲡⲓⲥⲕⲟⲡⲟⲥⲉⲧϧⲁϫⲱϥⲉⲑⲃⲉⲛⲉⲛϫⲁϫⲓⲙⲡⲉⲛⲛⲁϩϯ.
ⲟⲩⲟϩⲁⲫⲛⲟⲩϯϯⲛⲟⲩⲛⲟϩⲉⲙⲛⲁϥⲙⲡⲉⲙⲑⲟⲙⲡⲟⲩⲣⲟⲛⲛⲓⲥⲁⲣⲁⲕⲏⲛⲟⲥⲟⲩⲟϩⲛⲁϥⲧⲁⲓⲏⲟⲩⲧⲛⲧⲟⲧϥⲉⲙⲁϣⲱⲉϥϯⲧⲁⲓⲟⲛⲁϥ.ⲟⲩⲙⲏϣⲛⲥⲟⲡϣⲁϥⲙⲟⲩϯⲛⲁϥⲛⲧⲟⲩϩⲉⲙⲥⲓⲛⲉⲙⲛⲟⲩⲉⲣⲏⲟⲩⲛⲧⲟⲩⲉⲣⲥⲩⲛⲧⲩⲭⲓⲁⲉⲑⲃⲉϫⲉⲁⲡⲓⲟⲩⲣⲟⲛⲁⲩⲉϩⲁⲛⲙⲏϣⲛⲧⲁⲗϭⲟⲉⲃⲟⲗϩⲓⲧⲟⲧϥ.
ⲁⲥϣⲱⲡⲓⲇⲉⲛⲟⲩⲥⲟⲡⲉⲣⲉⲡⲉⲛⲓⲱⲧⲉⲣⲥⲩⲛⲁⲝⲓⲥⲁϥⲓⲉϥⲥⲓⲛⲓⲛϫⲉⲡⲟⲩⲣⲟⲛⲉⲙⲡⲉϥⲙⲏϣⲧⲏⲣϥⲁϥⲓⲥⲁⲃⲟⲗⲙⲫⲣⲟⲛϯⲉⲕⲕⲗⲏⲥⲓⲁⲁϥϫⲟⲩϣⲧⲉϧⲟⲩⲛⲁϥⲛⲁⲩⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲉϥⲟϩⲓⲉⲣⲁⲧϥⲉϫⲉⲛⲡⲓⲙⲁⲛⲉⲣϣⲱⲟⲩϣⲓⲉⲣⲉⲟⲩⲭⲣⲱⲙⲕⲱϯⲉⲣⲟϥⲉⲣⲉⲟⲩⲇⲩⲛⲁⲙⲓⲥⲛⲟⲩⲱⲓⲛⲓⲥⲁⲫⲁϩⲟⲩⲙⲙⲟϥⲉⲥϯⲛⲟⲙϯⲛⲁϥ.
ⲉⲧⲁϥⲛⲁⲩⲇⲉⲛϫⲉⲡⲟⲩⲣⲟⲉⲡⲁⲓⲛⲓϣϯⲛϭⲱⲣⲡⲉⲃⲟⲗⲁϥⲧⲱⲙⲧⲟⲩⲟϩⲁϥϫⲟⲥⲛⲟⲩⲁⲓⲛⲛⲏⲉⲑⲙⲟϣⲓⲛⲉⲙⲁϥϫⲉⲙⲁϣⲉⲛⲁⲕⲙⲟⲩϯⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲛⲏⲓⲉϥⲟⲩⲱϣⲉⲉⲙⲓⲉⲑⲃⲉϫⲉϯⲇⲩⲛⲁⲙⲓⲥⲉⲧⲕⲱϯⲉⲣⲟϥϫⲉⲛⲓⲙⲡⲉⲫⲁⲓⲉⲧⲥⲁϫⲓⲛⲉⲙⲁϥϧⲉⲛⲡⲓⲙⲱⲓⲧⲉⲧⲁϥⲟϩⲓⲉⲣⲁⲧϥϩⲓϫⲱϥ.
ⲟⲩⲟϩⲉⲧⲁϥⲟⲩⲱϣⲉⲟⲩⲱⲣⲡⲙⲡⲓⲣⲱⲙⲓⲉϧⲟⲩⲛⲁⲡⲟⲩⲣⲟⲛⲁⲩⲉϯⲇⲩⲛⲁⲙⲓⲥⲉⲥⲙⲟϣⲓⲉⲃⲟⲗⲉϫⲱϥⲁⲟⲩϩⲟϯϭⲓⲧϥⲁϥⲫⲱⲧϧⲉⲛⲟⲩⲧⲁⲭⲏⲛⲉⲙⲛⲏⲉⲑⲛⲉⲙⲁϥⲙⲡⲉϩⲗⲓⲛⲁⲩⲉⲡⲓϭⲱⲣⲡⲉⲃⲟⲗⲉⲃⲏⲗⲉⲡⲟⲩⲣⲟⲙⲙⲁⲩⲁⲧϥ.
ⲉⲧⲁϥϩⲱⲗⲉϩⲟⲩⲛⲉⲡⲉϥⲏⲓⲁϥⲛⲕⲟⲧⲛⲧⲉϯϩⲟϯⲁϥⲉⲣⲙⲫⲣⲏϯⲛⲟⲩⲣⲉϥⲙⲱⲟⲩⲧⲙⲡⲉϥϣϫⲉⲙϫⲱⲙⲛⲥⲁϫⲓϧⲉⲛⲡⲓⲉϩⲟⲟⲩⲉⲧⲉⲙⲙⲁⲩ.
ⲁⲩⲓⲛϫⲉⲛⲓⲭⲁⲣⲧⲟⲗⲁⲣⲓⲟⲥⲁⲩϩⲱⲗⲉϧⲟⲩⲛϣⲁⲣⲟϥϫⲉⲛⲧⲟⲩϫⲉⲙⲡⲉϥϣⲓⲛⲓⲁⲩϫⲉⲙϥⲉϥⲉϥⲉⲛⲕⲟⲧⲉϥϣⲱⲛⲓⲛⲧⲉⲛϯϩⲟϯ.
ⲉⲧⲁⲩϣⲉⲛϥⲉⲑⲃⲉⲧⲁⲓⲧⲓⲁⲙⲡⲓϣⲱⲛⲓⲁϥϭⲱⲣⲡⲛⲱⲟⲩⲉⲃⲟⲗⲙⲡⲓϩⲱⲃⲉⲧⲁⲛⲉϥⲃⲁⲗⲛⲁⲩⲉⲣⲟϥⲟⲩⲟϩⲉⲧⲁⲩⲥⲱⲧⲉⲙⲁⲩⲉⲣϣⲫⲏⲣⲓⲁⲩϯⲱⲟⲩⲙⲫⲛⲟⲩϯ.
ⲉⲧⲁϥⲟⲩⲱⲣⲡⲟⲩⲛⲛⲟⲩⲁⲓⲛⲧⲱⲟⲩⲁϥⲙⲟⲩϯⲉⲡⲓⲁⲣⲭⲓⲉⲡⲓⲥⲕⲟⲡⲟⲥ.ⲉⲧⲁϥⲓⲇⲉϣⲁⲣⲟϥⲁϥϣⲉⲛϥⲉϥϫⲱⲙⲙⲟⲥϫⲉⲙⲡⲓⲛⲁⲩⲉⲧⲉⲕⲟϩⲓⲉⲣⲁⲧⲕϩⲓϫⲉⲛⲡⲓⲙⲁⲛⲉⲣϣⲱⲟⲩϣⲓⲁⲕⲥⲁϫⲓⲛⲉⲙⲛⲓⲙⲙⲡⲓⲛⲁⲩⲉⲧⲉⲙⲙⲁⲩⲓⲉⲛⲓⲙⲡⲉⲫⲏⲉⲧⲁⲓⲛⲁⲩⲉⲣⲟϥⲉϥⲟϩⲓⲉⲣⲁⲧϥⲉⲥⲕⲏⲧⲕⲉϥⲟⲓⲛⲟⲩⲱⲓⲛⲓⲛⲭⲣⲱⲙ.
ⲁϥⲉⲣⲟⲩⲱⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲉⲑⲟⲩⲁⲃⲡⲉϫⲁϥⲙⲡⲟⲩⲣⲟϫⲉⲉⲓⲥⲁϫⲓⲛⲉⲙⲡⲁⲛⲟⲩϯ.
ⲛⲁⲣⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲟⲓⲛⲁⲧⲉⲙⲓⲁⲛⲡⲉⲉϯϫⲟⲙⲉⲧⲟϩⲓⲉⲣⲁⲧⲥⲛⲉⲙⲁϥⲛⲥⲏⲟⲩⲛⲓⲃⲉⲛⲉϣⲁϥⲁⲗⲏⲓⲉϫⲉⲛⲡⲓⲙⲁⲛⲉⲣϣⲱⲟⲩϣⲓⲙⲫⲣⲏϯⲟⲛⲙⲡⲁⲓⲕⲉⲥⲟⲡ.
ⲡⲉϫⲉⲡⲟⲩⲣⲟⲛⲁϥϫⲉⲥⲟⲡⲛⲓⲃⲉⲛⲉⲧⲉⲭⲛⲁϩⲱⲗⲉϫⲉⲛⲡⲓⲙⲁⲛⲉⲣϣⲱⲟⲩϣⲓⲭⲛⲁⲩⲉⲡⲉⲕⲛⲟⲩϯ.
ⲡⲉϫⲉ
ⲡⲓ
ⲁⲣⲭⲓⲉⲡⲓⲥⲕⲟⲡⲟⲥ
ϫⲉⲥⲉ.ⲧⲟⲧⲉⲁϥⲉⲣϣⲫⲏⲣⲓⲛϫⲉⲡⲟⲩⲣⲟⲡⲉϫⲁϥⲙⲡⲓⲁⲣⲭⲓⲉⲡⲓⲥⲕⲟⲡⲟⲥϫⲉⲡⲉⲧⲉⲛⲛⲁϩϯⲟⲩⲛⲓϣϯⲡⲉⲛⲧⲱⲧⲉⲛⲛⲓⲭⲣⲏⲥⲧⲓⲁⲛⲟⲥⲟⲩⲟϩⲛⲁⲓⲙⲉⲩⲓⲛⲏⲓϣⲁⲫⲟⲟⲩⲡⲉϫⲉⲁⲃⲃⲁⲓⲱⲁⲛⲛⲏⲥⲫⲏⲉⲧϧⲁϫⲱⲕⲉⲧⲟⲓⲛⲛⲓϣϯϧⲁⲧⲉⲛⲫⲛⲟⲩϯϯⲛⲟⲩϫⲉⲁⲓⲉⲙⲓⲛⲑⲟⲕⲫⲓⲱⲧⲙⲫⲏⲉⲧⲉⲙⲙⲁⲩⲟⲩⲟϩⲉⲕϭⲟⲥⲓⲉϩⲟⲧⲉⲣⲟϥϧⲁⲧⲉⲛⲫⲛⲟⲩϯ.
ⲟⲩⲟϩⲓⲥϫⲉⲛⲡⲓⲉϩⲟⲟⲩⲉⲧⲉⲙⲙⲁⲩⲁϥϣⲱⲡⲓⲛⲟⲩⲣⲱⲙⲓⲙⲡⲣⲟⲫⲏⲧⲏⲥϧⲁⲧⲉⲛⲡⲟⲩⲣⲟⲉϥⲙⲟⲩϯⲉⲣⲟϥⲛⲛⲁⲩⲛⲓⲃⲉⲛϫⲉⲡⲁⲧⲣⲓⲁⲣⲭⲏⲥⲟⲩⲟϩⲛⲁϥⲱⲗⲓⲙⲙⲟϥⲉⲙⲱⲓⲧⲛⲓⲃⲉⲛⲉⲧⲉϥⲛⲁϣⲉⲉⲣⲱⲟⲩ.
ⲟⲩⲟϩⲛⲁⲣⲉⲫⲏⲉⲑⲟⲩⲁⲃⲟⲓⲛⲉⲙⲕⲁϩⲛϩⲏⲧⲉⲑⲃⲉϫⲉⲛⲁϥⲭⲱⲙⲙⲟϥⲁⲛⲉⲥⲉⲙⲛⲓϧⲉⲛⲡⲉϥⲉⲡⲓⲥⲕⲟⲡⲉⲓⲟⲛϫⲉⲛⲁϥⲙⲉⲛⲡⲓⲱⲣϥⲛⲥⲏⲟⲩⲛⲓⲃⲉⲛ.
ⲁⲥϣⲱⲡⲓⲇⲉⲛⲟⲩⲉϩⲟⲟⲩⲉⲣⲉⲡⲟⲩⲣⲟϧⲉⲛⲁⲗⲃⲁⲛϯⲃⲁⲕⲓⲉⲧⲁϥⲕⲟⲧⲥⲙⲃⲉⲣⲓϧⲉⲛⲛⲓⲉϩⲟⲟⲩⲛⲧⲉⲧⲉϥⲙⲉⲧⲟⲩⲣⲟⲁϥⲙⲟⲩϯⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲁϥⲁⲙⲟⲛⲓⲛⲧⲉϥϫⲓϫⲁϥⲟⲗϥⲉϧⲟⲩⲛⲉⲡⲉϥⲏⲓⲙⲡⲉϥⲭⲁⲣⲱⲙⲓⲉϧⲟⲩⲛⲛⲉⲙⲁϥϧⲉⲛⲛⲏⲉⲑⲙⲏⲛⲉⲣⲟϥⲟⲩⲟϩⲁϥⲟⲗϥⲉϧⲟⲩⲛⲉⲟⲩⲁⲓⲛⲛⲉϥⲕⲟⲓⲧⲱⲛⲁϥⲭⲁϥⲙⲙⲁⲩⲁⲧϥ.
ⲁⲡⲟⲩⲣⲟϣⲉⲛⲁϥⲉⲡⲉϥⲙⲱⲓⲧ.ⲟⲩⲟϩⲁⲧⲥϩⲓⲙⲓⲙⲡⲟⲩⲣⲟⲛⲁⲩⲉϩⲁⲛⲛⲓϣϯⲛⲑⲱⲟⲩⲧⲥⲛⲁⲅⲅⲉⲗⲟⲥⲉⲩⲭⲏϧⲉⲛⲡⲓⲕⲟⲓⲧⲱⲛⲛⲉⲙⲫⲏⲉⲑⲟⲩⲁⲃⲛⲁⲣⲭⲓⲉⲡⲓⲥⲕⲟⲡⲟⲥⲟⲩⲟϩⲁⲥⲛⲁⲩⲟⲛⲉⲟⲩⲛⲓϣϯⲛⲟⲩⲱⲓⲛⲓⲙⲫⲣⲏϯⲛϩⲁⲛⲗⲁⲙⲡⲁⲥⲉⲩⲙⲟϩⲉⲣⲉϩⲁⲛϩⲉⲃⲥⲱⲛⲟⲩⲱⲃϣⲧⲟⲓϩⲓⲱⲧⲟⲩⲉⲣⲉⲫⲏⲉⲑⲟⲩⲁⲃⲙⲡⲁⲧⲣⲓⲁⲣⲭⲏⲥⲓⲥⲁⲁⲕϧⲉⲛⲧⲟⲩⲙⲏϯⲉⲩϩⲱⲥⲉⲫⲛⲟⲩϯⲙⲡⲓⲉϫⲱⲣϩⲧⲏⲣϥⲕⲁⲧⲁⲡⲓⲉⲑⲟⲥⲛⲛⲓⲭⲣⲓⲥⲧⲓⲁⲛⲟⲥ
ⲟⲩⲟϩⲉⲧⲁⲫⲛⲁⲩⲙⲡⲓⲟⲩⲱⲓⲛⲓϣⲱⲡⲓⲁⲥⲧⲁⲙⲉⲡⲟⲩⲣⲟⲉⲛⲏⲉⲧⲁⲥⲛⲁⲩⲉⲣⲱⲟⲩⲟⲩⲟϩⲡⲉϫⲁⲥⲛⲁϥϫⲉϣⲁⲧⲉⲛⲕⲉⲕⲟⲩϫⲓⲉⲣⲉⲡⲁⲡⲛⲉⲩⲙⲁⲛⲁⲓⲉⲃⲟⲗⲛϧⲏⲧⲡⲉϩⲓⲧⲉⲙϯϩⲟϯⲛⲧⲉⲛⲏⲉⲧⲁⲓⲛⲁⲩⲉⲣⲱⲟⲩⲛⲉⲙⲛⲏⲉⲧⲁⲓⲥⲟⲑⲙⲟⲩ.ⲟⲩⲟϩⲁϥϣⲱⲡⲓⲛϫⲉⲡⲟⲩⲣⲟϧⲉⲛⲟⲩⲛⲓϣϯⲛⲧⲱⲙⲧⲉⲧⲁϥⲥⲱⲧⲉⲙⲉⲛⲁⲓⲛⲧⲟⲧⲥⲛⲧⲉϥⲥϩⲓⲙⲓ.
ⲧⲟⲧⲉⲡⲉϫⲉⲡⲟⲩⲣⲟⲛⲁⲥϫⲉⲛⲑⲟϥⲙⲙⲁⲩⲁⲧϥⲁⲓⲟⲗϥⲉⲡⲓⲕⲟⲓⲧⲱⲛϫⲉⲛⲧⲉϥⲧⲱⲃϩⲉϫⲱⲛⲛⲉⲙⲛⲉⲛϣⲏⲣⲓ.
ⲛⲑⲟⲥⲇⲉⲁⲥⲉⲣⲁⲛⲁϣⲛⲁϥϫⲉⲁⲓⲛⲁⲩⲉⲟⲩⲛⲓϣϯⲙⲙⲏϣⲉϥⲑⲟⲩⲏⲧⲉⲡⲁⲓϧⲉⲗⲗⲟⲉⲩⲥⲁϫⲓϧⲉⲛⲧⲟⲩϫⲓⲛϣⲗⲏⲗⲉⲡⲟⲩⲛⲟⲩϯ.
ⲧⲟⲧⲉⲁϥⲭⲁϥⲉⲃⲟⲗⲉⲡⲉϥⲣⲁⲥϯⲁⲡⲟⲩⲣⲟϣⲱⲡⲓⲉϥϯⲱⲟⲩⲛⲁϥⲟⲩⲟϩⲁⲡⲟⲩⲣⲟⲕⲱⲧⲛϩⲁⲛⲉⲕⲕⲗⲏⲥⲓⲁⲛⲉⲙϩⲁⲛⲙⲟⲛⲁⲥⲧⲏⲣⲓⲟⲛⲙⲙⲟⲛⲁⲭⲟⲥⲙⲡⲓⲕⲱϯⲛⲧⲉϥⲡⲟⲗⲓⲥⲉϥⲉⲣⲁⲅⲁⲡⲁⲛⲛⲛⲓⲭⲣⲓⲥⲧⲓⲁⲛⲟⲥ.
ⲁⲥϣⲱⲡⲓⲇⲉϧⲉⲛⲡⲓⲥⲏⲟⲩⲉⲧⲉⲙⲙⲁⲩⲁϥⲓⲛϫⲉⲟⲩⲣⲱⲙⲓⲉϥⲧⲁⲓⲏⲟⲩⲧⲉⲃⲟⲗϧⲉⲛⲧⲭⲱⲣⲁⲛⲛⲓⲥⲁⲣⲁⲕⲏⲛⲟⲥⲛⲉⲟⲩⲭⲣⲓⲥⲧⲓⲁⲛⲟⲥⲡⲉϧⲉⲛⲡⲉϥϣⲉⲙϣⲓ.
ⲛⲉⲟⲩⲛⲧⲁϥⲙⲙⲁⲩⲛϣⲏⲣⲓⲃⲡⲓⲟⲩⲁⲓⲛⲉⲟⲩⲟⲛⲟⲩⲡⲛⲉⲩⲙⲁⲛⲇⲁⲓⲙⲱⲛⲛⲉⲙⲁϥⲡⲓⲭⲉⲧⲇⲉⲁϥⲡⲱⲧⲉⲭⲏⲙⲓⲉϥⲟⲩⲱϣⲉϫⲱⲗⲉⲃⲟⲗⲙⲡⲓⲛⲁϩϯⲛⲧⲉⲡⲭⲣⲓⲥⲧⲟⲥⲉⲡⲉⲓⲇⲏⲙⲡⲉϥϣϫⲉⲙϫⲟⲙⲛⲉⲣⲫⲁⲓϧⲉⲛⲧⲉϥⲭⲱⲣⲁⲉⲑⲃⲉⲧϩⲟϯⲙⲡⲉϥⲓⲱⲧϫⲉⲟⲩⲭⲣⲓⲥⲧⲓⲁⲛⲟⲥⲡⲉⲉϥϫⲏⲕⲉⲃⲟⲗ.
ⲉⲧⲁⲡⲉϥⲓⲱⲧⲕⲱϯⲛⲥⲱϥⲉⲧⲉⲙⲡⲉϥϫⲉⲙϥⲁϥⲧⲁⲗⲟϥⲁϥⲓⲉⲭⲏⲙⲓϩⲓⲛⲁⲛⲧⲉϥⲧⲁϩⲟϥⲁϥϫⲉⲙϥⲉⲧⲁϥϫⲱⲗⲉⲃⲟⲗⲙⲡⲉϥⲛⲁϩϯⲁϥⲥⲱⲧⲡⲛⲁϥⲛϯⲧⲟⲓⲛⲧⲉⲓⲟⲩⲇⲁⲥⲉϩⲟⲧⲉⲡⲭⲣⲓⲥⲧⲟⲥ.
ⲟⲩⲟϩⲁⲡⲓⲣⲱⲙⲓⲫⲓⲱⲧⲙⲡⲓⲁⲗⲟⲩⲓⲛⲓⲙⲡⲓⲕⲟⲩϫⲓⲛϣⲏⲣⲓⲉⲭⲏⲙⲓⲫⲏⲉⲧⲉⲟⲩⲡⲛⲉⲩⲙⲁⲛⲇⲁⲓⲙⲱⲛⲛⲉⲙⲁϥϫⲉϩⲓⲛⲁⲛⲧⲉⲛⲓⲉⲡⲓⲥⲕⲟⲡⲟⲥϣⲗⲏⲗⲉϫⲱϥⲛⲧⲉϥⲟⲩϫⲁⲓⲉⲑⲃⲉϫⲉⲁϥⲥⲱⲧⲉⲙϫⲉϩⲁⲛϩⲁⲅⲓⲟⲥⲛⲧⲉⲫⲛⲟⲩϯⲛⲉ.
ⲟⲩⲟϩⲉⲧⲁⲡⲓⲣⲱⲙⲓⲛⲭⲣⲓⲥⲧⲓⲁⲛⲟⲥⲓⲉⲭⲏⲙⲓⲁϥϣⲟⲡϥⲉⲣⲟϥϧⲉⲛⲟⲩⲛⲓϣϯⲛⲣⲁϣⲓⲛϫⲉⲁⲃⲇⲉⲗⲁⲍⲓⲍⲉⲑⲃⲉϫⲉⲛⲉⲟⲩⲥⲩⲅⲅⲉⲛⲏⲥⲛⲧⲁϥⲡⲉⲉⲧⲁϥϣⲉⲛϥⲉⲑⲃⲉⲡⲓϫⲓⲛⲓϩⲁⲣⲟϥⲁϥⲧⲁⲙⲟϥⲉⲑⲃⲉϩⲱⲃⲛⲓⲃⲉⲛⲉⲧⲁϥⲓⲉⲑⲃⲏⲧⲟⲩⲟⲩⲟϩⲁϥϣⲟⲡϥⲉⲣⲟϥϧⲉⲛⲟⲩⲛⲓϣϯⲛⲉⲣⲟⲩⲟⲧⲛⲉⲙⲟⲩⲛⲓϣϯⲛⲧⲓⲙⲏ.
ⲧⲟⲧⲉⲁϥⲛⲁⲩⲛϫⲉⲡⲓⲣⲱⲙⲓϫⲉⲙⲡⲉⲡⲉϥϣⲏⲣⲓⲥⲱⲧⲉⲙⲛⲥⲱϥⲛⲧⲉϥⲧⲁⲥⲑⲟϥⲁϥⲣⲓⲙⲓϧⲉⲛⲟⲩⲙⲕⲁϩⲛϩⲏⲧⲟⲩⲟϩⲡⲉϫⲁϥϫⲉⲡⲉⲕⲥⲛⲟϥⲉϧⲣⲏⲓⲉϫⲱⲕⲡⲁϣⲏⲣⲓⲓⲥϫⲉⲛϯⲛⲟⲩⲕⲟⲓⲛϣⲉⲙⲙⲟⲉⲣⲟⲓϧⲉⲛⲡⲁⲓⲁⲓⲱⲛⲛⲉⲙⲫⲏⲉⲑⲛⲏⲟⲩ.
ⲟⲩⲟϩⲉⲧⲁϥϣⲓⲛⲓⲛⲥⲁⲟⲩⲉⲡⲓⲥⲕⲟⲡⲟⲥⲉϥⲟⲩⲁⲃⲉⲑⲣⲉϥϣⲗⲏⲗⲉϫⲉⲛⲡⲓⲁⲗⲟⲩⲁϥⲣⲁⲃⲏⲟⲩⲧⲙⲙⲁⲩⲛϫⲉⲟⲩⲯⲉⲩⲇⲟⲉⲡⲓⲥⲏⲟⲡⲟⲥⲫⲁⲓⲉⲧⲉⲟⲩⲉⲃⲟⲗⲡⲉϧⲉⲛⲛⲓϩⲁⲓⲣⲉⲥⲓⲥⲛⲧⲉⲛⲓⲁⲧⲁⲫⲉ.
ⲉⲧⲁⲩⲧⲁⲙⲟϥⲇⲉϫⲉⲟⲩⲉⲡⲓⲥⲕⲟⲡⲟⲥⲡⲉⲙⲡⲉϥⲉⲙⲓϫⲉⲟⲩϩⲁⲓⲣⲉⲧⲓⲕⲟⲥⲡⲉⲁϥⲉⲛⲡⲉϥϣⲏⲣⲓϣⲁⲣⲟϥϫⲉⲛⲧⲉϥϣⲗⲏⲗⲉϫⲱϥϩⲓⲛⲁⲛⲧⲉϥⲟⲩϫⲁⲓⲟⲩⲟϩⲉⲧⲁϥⲉⲣⲫⲁⲓⲛϫⲉⲡⲓⲁⲥⲉⲃⲏⲥⲛⲉⲡⲓⲥⲕⲟⲡⲟⲥⲉⲧⲉⲙⲙⲁⲩⲙⲡⲉϥϫⲉⲙϫⲟⲙⲛⲧⲁⲗϭⲟϥⲁⲗⲗⲁⲛⲁⲣⲉⲡⲓⲡⲛⲉⲩⲙⲁⲉⲧϩⲱⲟⲩϯϧⲓⲥⲓⲙⲡⲓⲁⲗⲟⲩⲉϥⲭⲱⲙⲙⲟϥⲁⲛⲉⲉⲙⲧⲟⲛ.ⲟⲩⲟϩⲛⲁϥⲟⲓⲛⲉⲙⲕⲁϩⲛϩⲏⲧⲛϫⲉⲡⲓⲣⲱⲙⲓⲉⲙⲁϣⲱ
ⲟⲩⲟϩⲉⲧⲁϥⲛⲁⲩⲉⲣⲟϥⲛϫⲉⲡⲟⲩⲣⲟⲉⲣⲉⲡⲉϥϩⲟⲟⲕⲉⲙⲡⲉϫⲁϥⲛⲁϥϫⲉⲟⲩⲡⲉⲉⲧϣⲟⲡⲙⲙⲟⲕ.
ⲧⲟⲧⲉⲁⲡⲓⲣⲱⲙⲓⲧⲁⲙⲟϥⲉϯⲁⲓⲧⲓⲁⲛⲧⲉⲡⲓϩⲱⲃ.
ⲉⲧⲁϥϣⲓⲛⲓⲇⲉⲛϫⲉⲡⲟⲩⲣⲟϫⲉⲛⲓⲙⲡⲉⲡⲓⲉⲡⲓⲥⲕⲟⲡⲟⲥⲉⲧⲉⲙⲙⲁⲩⲁⲩⲧⲁⲙⲟϥϫⲉⲫⲁⲛⲓⲟⲩⲃⲉⲣϣⲉⲛⲟⲩϥⲓⲡⲉ.
ⲁϥⲉⲣⲙⲕⲁϩⲛϩⲏⲧⲛϫⲉⲡⲓⲣⲱⲙⲓⲉⲧⲁⲩⲧⲁⲙⲟϥϫⲉⲟⲩϩⲁⲓⲣⲉⲧⲓⲕⲟⲥⲡⲉ.
ⲧⲟⲧⲉⲁⲡⲟⲩⲣⲟⲟⲩⲱⲣⲡϧⲉⲛϯⲟⲩⲛⲟⲩⲉⲓⲛⲓⲛⲁϥⲙⲡⲓⲡⲁⲧⲣⲓⲁⲣⲭⲏⲥⲉⲑⲟⲩⲁⲃⲓⲥⲁⲁⲕⲉⲧⲁϥⲓϩⲁⲡⲟⲩⲣⲟⲁϥⲧⲁⲙⲟϥⲉⲑⲃⲉⲡⲓⲁⲗⲟⲩⲉⲧϣⲱⲛⲓⲛⲉⲙⲡⲓⲣⲏϯⲉⲧⲉⲡⲉϥⲓⲱⲧⲟⲓⲛⲉⲙⲕⲁϩⲛϩⲏⲧⲉⲑⲃⲏⲧϥ.
ⲁϥϭⲓⲇⲉⲛⲁϥⲛⲟⲩⲕⲟⲩϫⲓⲛⲛⲉϩⲁϥϣⲗⲏⲗⲉϫⲱϥⲁϥⲑⲁϩⲥⲡⲓⲁⲗⲟⲩⲉϥϫⲱⲙⲙⲟⲥϫⲉϧⲉⲛⲫⲣⲁⲛⲙⲡⲁϭⲟⲉⲓⲥⲓⲏⲥⲟⲩⲥⲡⲭⲣⲓⲥⲧⲟⲥⲉⲕⲉⲉⲣϩⲙⲟⲧⲙⲡⲉⲕⲃⲱⲕⲙⲡⲓⲧⲁⲗϭⲟ.
ϧⲉⲛϯⲟⲩⲛⲟⲩⲁϥⲓⲉⲃⲟⲗⲛϧⲏⲧϥⲛϫⲉⲡⲓⲇⲁⲓⲙⲱⲛⲙⲡⲥⲙⲟⲧⲛⲟⲩϣⲁϩⲛⲭⲣⲱⲙ.ⲟⲩⲟⲛⲛⲓⲃⲉⲛⲉⲧⲁⲩⲛⲁⲩⲁⲩⲉⲣϣⲫⲏⲣⲓⲁⲩϯⲱⲟⲩⲙⲫⲛⲟⲩϯ.
ⲁⲡⲓⲣⲱⲙⲓⲧⲱⲛϥⲥⲁⲧⲟⲧϥⲁϥϩⲓⲧϥⲉⲡⲉⲥⲏⲧϧⲁⲛⲉⲛϭⲁⲗⲁⲩϫⲙⲡⲓⲁⲣⲭⲓⲉⲡⲓⲥⲕⲟⲡⲟⲥⲁϥⲟⲩⲱϣⲧⲙⲙⲟϥⲁϥϯⲛⲁϥⲛϩⲁⲛⲥⲑⲟⲓⲛⲟⲩϥⲓⲉⲩⲥⲱⲧⲡⲉⲧⲁϥⲉⲛⲟⲩⲉⲃⲟⲗϧⲉⲛⲧⲉϥⲭⲱⲣⲁ.
ⲡⲓⲡⲁⲧⲣⲓⲁⲣⲭⲏⲥⲇⲉⲁϥϫⲱⲛϩⲁⲛⲛⲓϣϯⲛⲥⲁϫⲓⲛⲁϥⲉⲡⲧⲁϫⲣⲟⲙⲡⲓⲛⲁϩϯⲛⲧⲉⲓⲏⲥⲟⲩⲥⲡⲭⲣⲓⲥⲧⲟⲥⲛⲉⲙⲡⲟⲩϫⲁⲓⲛⲧⲉϥⲯⲩⲭⲏ.
ⲟⲩⲟϩⲁⲡⲓⲣⲱⲙⲓⲙⲙⲁⲛⲟⲩϯϯϩⲟⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲉⲑⲣⲉϥⲥϧⲏⲧⲡⲓⲉⲩⲁⲅⲅⲉⲗⲓⲟⲛⲕⲁⲧⲁⲓⲱⲁⲛⲛⲏⲥⲛⲁϥⲟⲩⲟϩⲁϥϯⲛⲟⲩⲉⲩⲭⲏⲉϫⲉⲛϩⲁⲛⲱⲓⲕⲛⲉⲩⲗⲟⲅⲓⲁⲛⲁϥⲉϥⲉⲣⲁⲓⲧⲉⲓⲛⲛⲟⲩⲥⲙⲟⲩⲉⲃⲟⲗϩⲓⲧⲉⲛⲡⲓⲁⲣⲭⲓⲉⲡⲓⲥⲕⲟⲡⲟⲥⲉⲑⲣⲉϥϣⲱⲡⲓⲛⲁϥⲛⲛⲁϣϯⲛⲛⲉϥⲉϩⲟⲟⲩⲧⲏⲣⲟⲩⲟⲩⲟϩⲁϥϣⲉⲛⲁϥⲉⲃⲟⲗϩⲓⲧⲟⲧϥⲉϥϯⲱⲟⲩⲙⲫⲛⲟⲩϯⲕⲁⲧⲁⲫⲣⲏϯⲉⲧⲁϥϫⲟⲥⲛϫⲉⲡⲉⲛⲥⲱⲧⲏⲣⲛⲁⲅⲁⲑⲟⲥϫⲉⲫⲏⲉⲑⲙⲉⲓⲙⲙⲟⲓⲉϥⲉⲙⲉⲛⲣⲓⲧϥⲛϫⲉⲡⲁⲓⲱⲧⲟⲩⲟϩⲁⲛⲟⲕϩⲱϯⲛⲁϣⲱⲡⲓⲛϧⲣⲏⲓⲛϧⲏⲧϥ.
ⲙⲉⲛⲉⲛⲥⲁⲛⲁⲓⲉⲁϩⲁⲛⲟⲩⲟⲛⲉⲃⲟⲗϧⲉⲛⲛⲓⲥⲁⲣⲁⲕⲏⲛⲟⲥⲛⲏⲉⲑⲙⲟⲥϯⲙⲡⲉⲛⲛⲁϩϯϩⲱⲗⲉϧⲟⲩⲛϣⲁⲡⲟⲩⲣⲟⲁⲩϯϣⲑⲟⲩⲓⲧϧⲁⲡⲓⲁⲣⲭⲓⲉⲡⲓⲥⲕⲟⲡⲟⲥⲉⲩϫⲱⲙⲙⲟⲥϫⲉϩⲏⲡⲡⲉⲛⲑⲟⲕⲕϯⲧⲁⲓⲟⲛⲓⲥⲁⲁⲕⲟⲩⲟϩⲕϣⲱⲡⲙⲙⲟϥⲉⲣⲟⲕⲟⲩⲟϩⲛⲑⲟϥϥϭⲓⲃⲟϯⲙⲙⲟⲛⲛⲉⲙⲡⲉⲛⲛⲁϩϯ.
ⲡⲉϫⲉⲡⲟⲩⲣⲟⲛⲱⲟⲩϫⲉⲁⲛⲟⲕⲙⲉⲛⲉⲓⲉⲣⲁⲅⲁⲡⲁⲛⲙⲙⲟϥϫⲉⲁⲓⲉⲙⲓⲉⲡⲉϥϩⲱⲃϫⲉⲟⲩⲣⲱⲙⲓⲛⲧⲉⲫⲛⲟⲩϯⲡⲉⲟⲩⲟϩϥϭⲛⲟⲛⲉϫⲱϥⲛⲁⲛ.
ⲛⲁⲓⲥⲁϫⲓⲉⲣⲉⲧⲉⲛϫⲱⲙⲙⲱⲟⲩϩⲁⲛⲙⲉⲑⲛⲟⲩϫⲛⲉ.ⲛⲑⲱⲟⲩⲇⲉⲡⲉϫⲱⲟⲩⲛⲁϥϫⲉⲓⲥϫⲉⲭⲟⲩⲱϣⲉⲉⲙⲓϫⲉϥⲙⲟⲥϯⲙⲙⲟⲛⲛⲉⲙⲡⲉⲛⲛⲁϩϯⲟⲩⲟϩⲛⲓⲥⲁϫⲓⲉⲧⲉⲛϫⲱⲙⲙⲱⲟⲩⲛⲁⲕϩⲁⲛⲙⲉⲑⲙⲏⲓⲛⲉⲓⲉⲭⲛⲁⲑⲣⲉϥⲟⲩⲱⲙⲛⲉⲙⲁⲕϩⲓⲡⲓⲃⲏⲛⲁϫⲛⲉⲙⲡⲓⲟⲩⲱⲙⲉⲧⲉⲛϧⲏⲧϥⲁϭⲛⲉⲛⲧⲉϥϩⲓ.ⲉϣⲱⲡⲁϥϣⲧⲉⲙⲉⲣⲫⲁⲓⲁⲣⲓⲉⲙⲓⲛⲁⲕϫⲉϩⲱⲃⲛⲓⲃⲉⲛⲉⲧⲁⲛϫⲟⲧⲟⲩⲛⲁⲕϩⲁⲛⲙⲉⲑⲛⲟⲩϫⲛⲉ.
ⲁϥⲉⲣⲟⲩⲱⲛϫⲉⲡⲟⲩⲣⲟⲡⲉϫⲁϥⲛⲱⲟⲩϫⲉⲁⲛⲟⲕϯⲛⲁⲑⲉⲧⲡⲉⲧⲉⲛϩⲏⲧϧⲉⲛⲡⲁⲓϩⲱⲃⲫⲁⲓ.ⲟⲩⲟϩⲥⲁⲧⲟⲧϥⲁϥⲙⲟⲩϯⲉⲛⲓⲭⲁⲣⲧⲟⲗⲁⲣⲓⲥⲡⲉϫⲁϥⲛⲱⲟⲩϫⲉⲉⲓⲟⲩⲱϣⲛⲧⲉⲡⲓⲡⲁⲧⲣⲓⲁⲣⲭⲏⲥⲑⲉⲧⲡⲁϩⲏⲧⲛⲧⲉϥⲟⲩⲱⲙⲛⲉⲙⲏⲓⲉϣⲱⲡⲉϥⲉⲣⲁⲅⲁⲡⲁⲛⲙⲙⲟⲓⲟⲩⲟϩⲛⲧⲉϥϣⲧⲉⲙϩⲓⲥⲧⲁⲩⲣⲟⲥ.
ⲁⲩⲉⲣⲟⲩⲱⲛϫⲉⲡⲓⲃⲛⲭⲁⲣⲧⲟⲗⲁⲣⲓⲟⲥⲡⲉϫⲱⲟⲩⲙⲡⲟⲩⲣⲟϫⲉⲁⲛⲟⲛϧⲁⲛⲓⲭⲣⲓⲥⲧⲓⲁⲛⲟⲥⲙⲙⲟⲛϣϫⲟⲙⲙⲙⲟⲛⲉⲟⲩⲱⲙϣⲁⲧⲉⲛϩⲓⲡⲓⲥⲧⲁⲩⲣⲟⲥⲛϣⲟⲣⲡⲉϣⲱⲡⲭⲛⲁⲭⲁⲡⲓⲁⲣⲭⲓⲉⲡⲓⲥⲕⲟⲡⲟⲥⲛⲧⲉϥϩⲓⲥⲧⲁⲩⲣⲟⲥⲉⲡⲓⲟⲩⲱⲙⲛϣⲟⲣⲡⲓⲉϥⲛⲁⲟⲩⲱⲙⲛⲉⲙⲁⲕϥⲛⲁⲑⲉⲧⲡⲉⲕϩⲏⲧⲓⲥϫⲉⲭⲛⲁⲭⲁϥⲁⲛϫⲉⲓⲉⲧⲉⲛⲙⲉⲩⲓⲁⲛϥⲛⲁⲟⲩⲱⲙⲛⲉⲙⲁⲕ.
ⲁϥⲉⲣⲟⲩⲱⲛⲱⲟⲩⲛϫⲉⲡⲟⲩⲣⲟϧⲉⲛⲟⲩϫⲱⲛⲧϯⲛⲁⲑⲣⲉϥⲟⲩⲱⲙⲛⲉⲙⲏⲓⲟⲩⲟϩϯⲛⲁⲭⲁϥⲁⲛⲉϩⲓⲥⲧⲁⲩⲣⲟⲥⲁϥϣⲁⲛⲉⲣⲫⲁⲓϯⲛⲁϧⲱⲧⲉⲃⲙⲙⲟϥ.
ⲟⲩⲟϩⲙⲡⲟⲩϣϫⲉⲙϫⲟⲙⲛⲉⲣⲟⲩⲱⲛⲁϥⲉⲑⲃⲉⲡⲓϫⲱⲛⲧⲉⲧⲉⲛϧⲏⲧϥⲁⲩⲭⲁⲣⲱⲟⲩ.
ⲁⲥϣⲱⲡⲓⲟⲩⲛⲛⲟⲩⲉϩⲟⲟⲩⲉⲧⲁⲡⲓⲁⲣⲭⲓⲉⲡⲓⲥⲕⲟⲡⲟⲥⲓϫⲉⲉϥⲛⲁϫⲉⲙⲡϣⲓⲛⲓⲙⲡⲟⲩⲣⲟⲕⲁⲧⲁⲧⲉϥⲥⲩⲛⲏⲑⲉⲓⲁⲉⲧⲓⲉϥϩⲉⲙⲥⲓⲛⲉⲙⲡⲟⲩⲣⲟⲛⲉⲙⲡⲓⲙⲡϣⲧⲏⲣϥⲛⲉⲙⲛⲓⲛⲓϣϯⲛⲛⲓⲥⲁⲣⲁⲕⲏⲛⲟⲥⲛⲉⲙⲟⲩⲙⲏϣⲛⲁⲣⲭⲱⲛⲛⲧⲉⲭⲏⲙⲓⲟⲩⲟϩⲉⲧⲓϩⲉⲙⲥⲓⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲁⲩⲓⲛⲓⲛⲟⲩⲕⲁⲛⲓⲥⲕⲓⲟⲛⲙⲃⲉⲛⲓⲉⲩⲧⲁⲓⲏⲟⲩⲧⲙⲡⲉⲙⲑⲟⲙⲡⲟⲩⲣⲟ.
ⲁⲡⲟⲩⲣⲟⲟⲩⲁϩⲥⲁϩⲛⲓⲙⲡⲓⲁⲣⲭⲓⲉⲡⲓⲥⲕⲟⲡⲟⲥⲉⲑⲣⲉϥⲟⲩⲱⲙⲛϣⲟⲣⲡ.ⲫⲏⲉⲑⲟⲩⲁⲃⲇⲉⲟⲩⲟϩⲛⲥⲟⲫⲟⲥϧⲉⲛⲛⲁⲫⲛⲟⲩϯⲛⲉⲙⲛⲓⲣⲱⲙⲓⲫⲁⲓⲉⲧⲁⲡⲓⲡⲛⲉⲩⲙⲁⲉⲑⲟⲩⲁⲃⲙⲧⲟⲛⲙⲙⲟϥⲉϫⲱϥⲙⲫⲣⲏϯⲙⲡⲓⲡⲣⲟⲫⲏⲧⲏⲥⲇⲁⲛⲓⲏⲗⲥⲁⲧⲟⲧϥⲁϥⲥⲟⲩⲧⲉⲛⲧⲉϥϫⲓϫⲛⲟⲩⲓⲛⲁⲙⲉⲃⲟⲗⲁϥⲁⲙⲟⲛⲓⲡⲓⲕⲁⲛⲓⲥⲕⲓⲟⲛϧⲉⲛⲟⲩⲡⲁⲛⲟⲩⲣⲅⲓⲁⲉⲣⲉⲛⲓⲃⲉⲛⲓⲛϧⲏⲧϥⲡⲉϫⲁϥⲙⲡⲟⲩⲣⲟϫⲉⲭⲟⲩⲱϣⲛⲧⲁⲟⲩⲱⲙⲛⲁϣⲙⲙⲱⲓⲧⲡⲁⲓⲙⲱⲓⲧϣⲁⲛⲡⲁⲓⲙⲱⲓⲧⲓⲉⲡⲁⲓⲙⲁⲓⲉⲡⲁⲓⲙⲱⲓⲧⲫⲁⲓ.
ⲡⲟⲩⲣⲟⲇⲉⲙⲡⲉϥⲉⲙⲓⲉⲫⲏⲉⲧⲁϥⲁⲓϥⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲛⲓⲭⲁⲣⲧⲟⲗⲁⲣⲓⲟⲥⲇⲉⲛⲉⲙⲛⲓⲁⲣⲭⲱⲛⲁⲩⲉⲣⲛⲟⲉⲓⲛⲉⲫⲏⲉⲧⲁϥⲁⲓϥⲟⲩⲟϩⲁⲩⲉⲣϣⲫⲏⲣⲓⲉϫⲉⲛⲡⲉϥⲛⲓϣϯⲛⲕⲁϯⲛⲉⲙⲛⲓϩⲙⲟⲧⲙⲡⲁⲣⲁⲇⲟⲝⲟⲛⲉⲧⲁⲫⲛⲟⲩϯⲁⲓⲧⲟⲩⲛⲉⲙⲁϥ.
ⲁϥⲉⲣⲟⲩⲱⲛϫⲉⲡⲟⲩⲣⲟⲉϥϫⲱⲙⲙⲟⲥⲛⲁϥϫⲉⲡⲓⲙⲱⲓⲧⲉⲧⲉⲕⲟⲩⲁϣϥⲟⲩⲱⲙⲙⲙⲁⲩ.ⲟⲩⲟϩⲉⲧⲁⲩⲕⲏⲛⲉⲩⲟⲩⲱⲙⲛⲛⲓⲃⲉⲛⲓⲁⲡⲟⲩⲣⲟⲭⲁⲡⲓⲁⲣⲭⲓⲉⲡⲓⲥⲕⲟⲡⲟⲥⲉⲃⲟⲗ.
ⲟⲩⲟϩⲡⲉϫⲉⲡⲟⲩⲣⲟⲛⲛⲓⲭⲁⲣⲧⲟⲗⲁⲣⲓⲟⲥⲛⲉⲙⲛⲓⲁⲣⲭⲱⲛϩⲱⲥⲉϥϣⲟⲩϣⲟⲩⲙⲙⲟϥϫⲉⲁⲓⲑⲣⲉϥⲟⲩⲱⲙⲁϭⲛⲉⲡⲓⲥⲧⲁⲩⲣⲟⲥ.ⲡⲉϫⲱⲟⲩⲛⲁϥϧⲉⲛⲟⲩⲉⲣⲟⲩⲟⲧϫⲉⲙⲡⲉϥⲟⲩⲱⲙϣⲁⲧⲉϥϩⲓⲡⲓⲥⲧⲁⲩⲣⲟⲥⲛϣⲟⲣⲡ.
ⲡⲉϫⲉⲡⲟⲩⲣⲟⲛⲱⲟⲩϫⲉⲛⲁϣⲛⲛⲣⲏϯⲁϥϩⲓⲡⲓⲥⲧⲁⲩⲣⲟⲥ.ⲡⲉϫⲱⲟⲩⲛⲁϥϫⲉⲙⲡⲓⲛⲁⲩⲉⲧⲁϥϩⲓⲡⲉϥⲧⲏⲃⲉⲡⲓⲇⲛⲥⲁⲛⲥⲁⲛⲧⲉⲡⲓⲕⲁⲛⲓⲥⲕⲓⲟⲛⲉϥϫⲱⲙⲙⲟⲥϫⲉⲁⲕⲟⲩⲱϣⲛⲧⲁⲟⲩⲱⲙⲙⲡⲁⲓⲙⲱⲓⲧⲓⲉⲡⲁⲓⲙⲁϣⲁⲛⲡⲁⲓⲙⲁⲓⲉⲡⲁⲓⲙⲱⲓⲧⲉⲧⲁϥϩⲓⲡⲓⲥⲧⲁⲩⲣⲟⲥⲉⲛⲓⲃⲉⲛⲓⲙⲡⲓⲛⲁⲩⲉⲧⲉⲙⲙⲁⲩ.
ⲧⲟⲧⲉⲁⲡⲟⲩⲣⲟⲉⲣϣⲫⲏⲣⲓⲉϥϫⲱⲙⲙⲟⲥϫⲉⲁⲗⲏⲑⲱⲥⲙⲡⲡⲓϫⲉⲙⲣⲱⲙⲓⲛⲥⲟⲫⲟⲥⲙⲫⲣⲏϯⲙⲫⲁⲓ.ⲫⲛⲟⲩϯⲇⲉⲫⲏⲉⲧⲁϥϯⲱⲟⲩⲛⲉⲙϩⲙⲟⲧⲛⲇⲁⲛⲓⲏⲗⲡⲓⲡⲣⲟⲫⲏⲧⲏⲥⲙⲡⲉⲙⲑⲟⲛⲛⲓⲟⲩⲣⲱⲟⲩⲛⲧⲉⲛⲓⲭⲁⲗⲇⲁⲓⲟⲥⲛⲉⲙⲛⲓⲡⲉⲣⲥⲏⲥⲛⲑⲟϥⲟⲛⲁϥϯⲱⲟⲩⲙⲡⲁⲓϩⲁⲅⲓⲟⲥⲙⲡⲉⲙⲑⲟⲛⲛⲓⲟⲩⲣⲱⲟⲩⲛⲧⲉⲛⲓⲥⲁⲣⲁⲕⲏⲛⲟⲥⲟⲩⲟϩⲛⲁϥϯⲱⲟⲩⲛⲁϥⲡⲉⲉϥⲙⲟⲩϯⲉⲣⲟϥⲛⲛⲁⲩⲛⲓⲃⲉⲛϫⲉⲡⲁⲧⲣⲓⲁⲣⲭⲏⲥⲉⲑⲃⲉⲡⲓϩⲙⲟⲧⲛⲧⲉⲫⲛⲟⲩϯⲉⲧⲉⲛϧⲏⲧϥ.
ⲥⲱⲧⲉⲙⲛⲧⲁϫⲱⲉⲣⲱⲧⲉⲛⲙⲡⲁⲓⲕⲉϩⲱⲃⲛϣⲫⲏⲣⲓ.
ⲁⲥϣⲱⲡⲓⲙⲡⲓⲥⲏⲟⲩⲉⲧⲉⲙⲙⲁⲩⲁⲡⲟⲩⲣⲟⲛϯⲙⲁⲕⲟⲩⲣⲓⲁⲟⲩⲱⲣⲡⲛϩⲁⲛⲣⲉⲙⲛϩⲱⲃⲛⲧⲁϥⲙⲡⲓⲁⲣⲭⲓⲉⲡⲓⲥⲕⲟⲡⲟⲥⲛⲉⲙϩⲁⲛⲥϧⲁⲓⲉϥⲧⲁⲙⲟⲙⲙⲟϥⲉⲡⲓⲣⲏϯⲉⲧⲁⲩⲉⲣⲕⲟⲩϫⲓⲛϫⲉⲛⲓⲉⲡⲓⲥⲕⲟⲡⲟⲥⲛⲧⲉϯⲭⲱⲣⲁⲉⲑⲃⲉⲡⲱⲥⲕⲙⲡⲓⲙⲱⲓⲧⲙⲙⲟϣⲓⲛⲉⲙⲡⲓⲭⲣⲟⲛⲟⲥⲉⲑⲃⲉϫⲉⲛⲁⲩϣϫⲉⲙϫⲟⲙⲁⲛⲡⲉⲉⲥⲓⲛⲓⲉⲃⲟⲗϩⲓⲧⲉⲛⲡⲟⲩⲣⲟⲛϯⲙⲁⲩⲣⲱⲧⲁⲛⲓⲁϣⲁⲧⲉϥⲉⲣϩⲉⲓⲣⲏⲛⲏⲛⲉⲙⲁϥⲉⲡⲉⲓⲇⲏⲟⲩⲟⲛⲃⲛⲟⲩⲣⲟⲑⲏϣⲉⲛⲓⲭⲱⲣⲁⲉⲧⲉⲙⲙⲁⲩⲡⲓⲃϩⲁⲛⲭⲣⲓⲥⲧⲓⲁⲛⲟⲥⲛⲉⲁⲗⲗⲁⲥⲉⲟⲓⲛϩⲉⲓⲣⲏⲛⲏⲛⲉⲙⲛⲟⲩⲉⲣⲏⲟⲩⲁⲛⲉⲡⲉⲓⲇⲏⲡⲓⲟⲩⲁⲓⲙⲙⲱⲟⲩⲛⲁⲣⲉⲟⲩϩⲉⲓⲣⲏⲛⲏϣⲟⲡⲛⲁϥⲡⲉⲛⲉⲙⲡⲟⲩⲣⲟⲛⲛⲓⲥⲁⲣⲣⲁⲕⲏⲛⲟⲥⲉⲧⲉⲡⲟⲩⲣⲟⲛϯⲙⲁⲩⲣⲱⲧⲁⲛⲓⲁⲡⲉⲡⲓⲭⲉⲧⲇⲉⲉⲧⲉⲫⲁⲛⲓϣϯⲛⲭⲱⲣⲁⲡⲉⲉⲧⲉϯⲙⲁⲕⲟⲩⲣⲓⲁⲡⲉⲛⲁϥⲟⲓⲛϩⲉⲓⲣⲏⲛⲏⲟⲛⲛⲉⲙⲡⲟⲩⲣⲟⲛⲛⲓⲥⲁⲣⲣⲁⲕⲏⲛⲟⲥ.
ⲁⲥϣⲱⲡⲓⲇⲉⲉⲧⲁⲡⲓⲁⲣⲭⲓⲉⲡⲓⲥⲕⲟⲡⲟⲥⲱϣⲛⲛⲓⲥϧⲁⲓⲛⲧⲉⲡⲟⲩⲣⲟⲉⲧⲁϥⲉⲙⲓⲉⲛⲏⲉⲧⲉⲛϧⲏⲧⲟⲩⲁϥⲉⲣⲙⲕⲁϩⲛϩⲏⲧⲉⲙⲁϣⲱⲉⲑⲃⲉⲛⲓⲉⲕⲕⲗⲏⲥⲓⲁⲟⲩⲟϩⲥⲁⲧⲟⲧϥⲁϥⲥϧⲁⲓⲛϩⲁⲛⲥϧⲁⲓⲙⲡⲟⲩⲣⲟⲛϯⲙⲁⲩⲣⲱⲧⲁⲛⲓⲁⲉϥϯⲥⲟϭⲛⲓⲛⲁϥⲛⲉⲙⲥⲃⲱϧⲉⲛⲛⲉⲛⲥⲁϫⲓⲛϯⲅⲣⲁⲫⲏⲉⲑⲟⲩⲁⲃⲡⲁⲗⲓⲛⲟⲛⲉϥϫⲱⲙⲙⲟⲥϫⲉⲛⲑⲱⲧⲉⲛϩⲁⲛⲭⲣⲓⲥⲧⲓⲁⲛⲟⲥⲙⲡⲃ.
ⲉⲧⲁϥⲥϧⲏⲧⲟⲩⲙⲏϣⲛⲥⲁϫⲓⲛⲁϥⲉⲡⲧⲁϩⲟⲉⲣⲁⲧϥⲛⲧⲉⲧⲉϥⲯⲩⲭⲏⲛⲉⲙⲡⲓⲛⲁϩϯⲛⲟⲣⲑⲟⲇⲟⲝⲟⲥⲛⲧⲉⲡϣⲏⲣⲓⲙⲫⲛⲟⲩϯⲙⲉⲛⲉⲛⲥⲱⲥⲁϥⲥϧⲁⲓⲟⲛⲉϣⲧⲉⲙⲉⲣⲕⲱⲗⲩⲉⲓⲛⲛⲛⲓⲣⲱⲙⲓⲛⲧⲉⲡⲓⲟⲩⲣⲟⲉⲧⲥⲁⲡϣⲱⲓⲉⲑⲣⲟⲩⲥⲓⲛⲓⲉⲃⲟⲗϩⲓⲧⲉⲙⲧⲉϥⲭⲱⲣⲁⲉⲩⲛⲏⲟⲩⲉⲑⲃⲉⲛⲟⲩⲉⲡⲓⲥⲕⲟⲡⲟⲥϫⲉⲛⲛⲉⲛⲓⲉⲕⲕⲗⲏⲥⲓⲁⲉⲣϣⲁϥⲉⲛⲧⲉⲕϫⲉⲙⲟⲩⲛⲓϣϯⲛϫⲫⲓⲟⲛⲁⲕϧⲁⲧⲉⲛⲫⲛⲟⲩϯ.
ⲉⲧⲁⲩⲉⲙⲓⲇⲉⲉⲛⲁⲓⲛϫⲉⲛⲉⲛϫⲁϫⲓⲙⲡⲉⲛⲛⲁϩϯⲁⲩⲉⲣⲇⲓⲁⲃⲁⲗⲗⲉⲓⲛϧⲁⲡⲓⲁⲣⲭⲓⲉⲡⲓⲥⲕⲟⲡⲟⲥϧⲁⲧⲉⲛⲡⲟⲩⲣⲟⲉⲩϫⲱⲙⲙⲟⲥϫⲉⲧⲉⲛⲧⲁⲙⲟⲙⲙⲟⲕⲱⲡⲟⲩⲣⲟϫⲉⲁⲡⲟⲩⲣⲟⲛϯⲙⲁⲕⲟⲩⲣⲓⲁⲟⲩⲱⲣⲡⲛϩⲁⲛⲣⲉⲙⲛϩⲱⲃⲛⲧⲁϥⲛⲉⲙϩⲁⲛⲥϧⲁⲓⲛⲁⲃⲃⲁⲓⲥⲁⲁⲕⲡⲓⲁⲣⲭⲓⲉⲡⲓⲥⲕⲟⲡⲟⲥⲉⲑⲣⲉϥⲑⲱϣⲛⲱⲟⲩⲛⲟⲩⲉⲡⲓⲥⲕⲟⲡⲟⲥⲛⲧⲟⲩⲟⲗϥⲉⲧⲟⲩⲭⲱⲣⲁ.
ⲟⲩⲙⲟⲛⲟⲛⲫⲁⲓⲁⲗⲗⲁⲁϥⲉⲣⲡⲕⲉⲟⲩⲱⲣⲡⲙⲡⲟⲩⲣⲟⲛϯⲙⲁⲩⲣⲱⲧⲁⲛⲓⲁⲉϥϯⲥⲟϭⲛⲓⲛⲁϥⲉⲑⲣⲉϥⲉⲣϩⲉⲓⲣⲏⲛⲏⲛⲉⲙⲡⲟⲩⲣⲟⲛϯⲙⲁⲕⲟⲩⲣⲓⲁⲡⲉⲛϫⲁϫⲓ.
ⲁⲣⲉϣⲁⲛⲫⲁⲓϣⲱⲡⲓⲱⲡⲟⲩⲣⲟⲥⲉⲛⲁⲉⲣⲟⲩϩⲏⲧⲛⲟⲩⲱⲧⲛⲥⲉⲧⲱⲟⲩⲛⲟⲩⲉϩⲣⲏⲓⲉϫⲱⲛⲛⲧⲟⲩⲉⲣⲡⲟⲗⲉⲙⲉⲓⲛⲛⲉⲙⲁⲛ.ⲉⲧⲁⲡⲟⲩⲣⲟⲥⲱⲧⲉⲙⲉⲛⲁⲓⲁϥϫⲱⲛⲧⲉⲙⲁϣⲱⲟⲩⲟϩϧⲉⲛϯⲟⲩⲛⲟⲩⲁϥⲟⲩⲱⲣⲡⲛϩⲁⲛⲣⲉⲙⲛϩⲱⲃⲉⲣⲁⲕⲟϯⲛⲉⲙϩⲁⲛⲥϧⲁⲓⲛⲧⲁϥϣⲁⲡⲓⲁⲩⲅⲟⲩⲥⲧⲁⲗⲓⲟⲥⲉⲁϥⲥϧⲁⲓⲛⲁϥⲙⲡⲁⲓⲣⲏϯϫⲉϧⲉⲛϯⲟⲩⲛⲟⲩⲉⲧⲟⲩⲛⲁⲫⲟϩⲉⲣⲟⲕⲛϫⲉⲛⲁⲓϥⲁⲓϣⲓⲛⲓⲛⲧⲏⲓⲛⲉⲙⲛⲁⲓⲥϧⲁⲓⲧⲁϩⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲟⲩⲟⲣⲡϥⲛⲏⲓⲛⲭⲱⲗⲉⲙ.
ⲛⲉⲁⲡⲟⲩⲣⲟⲥⲉⲙⲛⲏⲧⲥϧⲉⲛⲡⲉϥϩⲏⲧϫⲉⲙⲡⲓⲛⲁⲩⲉⲧⲉϥⲛⲁⲫⲟϩϣⲁⲣⲟϥⲛⲧⲉϥⲱⲗⲓⲛⲧⲉϥⲁⲫⲉϧⲉⲛⲧⲥⲏϥⲓ.ⲟⲩⲟϩ
ⲉⲧⲁⲩⲫⲟϩⲛϫⲉⲛⲓⲥϧⲁⲓⲛⲧⲉⲡⲟⲩⲣⲟⲁⲩϫⲓⲙⲓⲙⲫⲏⲉⲑⲟⲩⲁⲃⲛⲁⲣⲭⲓⲉⲡⲓⲥⲕⲟⲡⲟⲥⲉϥⲑⲟⲩⲏⲧϧⲉⲛϯⲉⲕⲕⲗⲏⲥⲓⲁⲛⲉϯϩⲉⲃⲇⲟⲙⲁⲥⲛⲧⲉⲡⲓⲡⲁⲥⲭⲁⲛⲟⲩϫⲁⲓⲛⲧⲉⲡⲭⲣⲓⲥⲧⲟⲥⲡⲉ.
ⲱϫⲉⲟⲩⲏⲣⲡⲉⲡⲓϩⲏⲃⲓⲛⲉⲙⲡⲓⲙⲕⲁϩⲛϩⲏⲧⲉⲧⲁϥϣⲱⲡⲓⲙⲡⲓⲉϩⲟⲟⲩⲉⲧⲉⲙⲙⲁⲩϧⲉⲛⲛⲁⲡⲉⲛⲛⲁϩϯⲙⲙⲁⲩⲁⲧⲟⲩⲁⲛⲁⲗⲗⲁⲛⲉⲙⲟⲩⲟⲛⲛⲓⲃⲉⲛⲉⲧⲁⲩⲉⲙⲓⲉⲧⲉϥⲛⲓϣϯⲙⲡⲁⲣⲟⲩⲥⲓⲁϧⲁⲧⲉⲛⲫⲛⲟⲩϯⲉⲩⲉⲣϩⲏⲃⲓⲧⲏⲣⲟⲩⲉϫⲉⲛⲡⲟⲩⲙⲁⲛⲉⲥⲱⲟⲩⲉⲩⲉⲙⲓⲁⲛϫⲉⲟⲩⲧⲉⲧⲉϥⲁⲓⲧⲓⲁϧⲁⲧⲉⲛⲡⲟⲩⲣⲟ.
ⲟⲩⲟϩⲉⲧⲁⲩⲧⲁⲗⲟϥϧⲉⲛⲟⲩⲓⲱⲥⲁⲩⲟⲗϥⲉⲃⲁⲃⲩⲗⲱⲛϩⲱⲥϫⲉⲉⲉⲩⲛⲁϧⲟⲑⲃⲉⲟⲑⲃⲉϥ.
ⲁⲥϣⲱⲡⲓⲉⲣⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲉⲑⲟⲩⲁⲃⲧⲁⲗⲏⲟⲩⲧⲉⲡⲓⲓⲱⲉϥⲙⲟϣⲓϧⲉⲛⲛⲓⲡⲗⲁⲧⲉⲓⲁⲛⲧⲉⲃⲁⲃⲩⲗⲱⲛⲉⲣⲉⲡⲓⲙⲏϣⲧⲏⲣϥϣⲓⲛⲉⲛⲁϥⲕⲁⲧⲁϯⲥⲩⲛⲏⲑⲉⲓⲁϣⲁⲧⲟⲩⲉⲙⲓϫⲉⲟⲩⲡⲉⲉⲑⲛⲁϣⲱⲡⲓⲙⲡⲟⲩⲙⲁⲛⲉⲥⲱⲟⲩ.
ⲟⲩⲟϩⲉⲧⲓⲉϥⲙⲟϣⲓⲉϥϩⲏⲗϣⲁⲡⲟⲩⲣⲟⲁϥⲛⲁⲩⲉⲣⲱⲙⲓⲃⲉⲩϭⲟⲥⲓⲉⲩⲉⲣⲫⲟⲣⲉⲓⲛⲛϩⲁⲛϩⲉⲃⲥⲱⲛⲟⲩⲱⲃϣⲙⲙⲟⲛϩⲗⲓⲛⲗⲁⲥⲛⲥⲁⲣⲝⲛⲁϣⲥⲁϫⲓⲙⲡⲟⲩⲱⲟⲩⲛⲉⲙⲡⲟⲩⲧⲁⲓⲟ.
ⲟⲩⲟϩⲛⲁϥⲛⲁⲩⲉⲣⲟⲟⲩⲡⲉⲉⲩⲙⲟϣⲓⲛⲉⲙⲁϥⲟⲩⲁⲓⲥⲁⲧⲉϥⲟⲩⲓⲛⲁⲙⲟⲩⲁⲓⲥⲁⲧⲉϥϫⲁϭⲏⲉⲩϫⲱⲙⲙⲟⲥⲛⲁϥϫⲉⲙⲡⲣⲉⲣϩⲟϯⲡⲓⲡⲁⲧⲣⲓⲁⲣⲭⲏⲥⲉⲧⲉⲛϩⲟⲧϩⲏⲡⲡⲉⲉⲧⲉⲛⲙⲟϣⲓⲛⲉⲙⲁⲕⲙⲙⲟⲛϩⲗⲓ
ⲙ
ⲡⲉⲧϩⲱⲟⲩⲛⲁⲧⲁϩⲟⲕ.
ⲁϥϣⲉⲛⲟⲩⲇⲉⲛⲑⲱⲧⲉⲛⲛⲓⲙⲉⲣⲉⲧⲉⲛϣⲟⲡϧⲉⲛⲡⲁⲓⲛⲓϣϯⲛⲱⲟⲩⲙⲡⲁⲓⲣⲏϯ.ⲁϥⲉⲣⲟⲩⲱⲛϫⲉⲫⲏⲉⲧⲥⲁⲟⲩⲓⲛⲁⲙⲛⲉⲟⲩϧⲉⲗⲗⲟⲡⲉϧⲉⲛⲡⲉϥⲥⲙⲟⲧⲡⲉϫⲁϥϫⲉⲁⲛⲟⲕⲡⲉⲕⲏⲫⲁⲫⲏⲉⲧⲁⲩϯⲣⲉⲛⲉϥϫⲉⲡⲉⲧⲣⲟⲥⲡⲁⲓⲕⲉⲟⲩⲁⲓⲡⲉⲙⲁⲣⲕⲟⲥⲡⲁϣⲏⲣⲓⲛⲅⲛⲏⲥⲓⲟⲥ.
ⲓⲥϫⲉⲛⲡⲓⲉϩⲟⲟⲩⲉⲧⲁⲩⲧϩⲉⲙⲥⲟⲕⲉϫⲉⲛⲡⲑⲣⲟⲛⲟⲥⲛϯⲙⲉⲧⲁⲣⲭⲓⲉⲣⲉⲩⲥⲧⲉⲛϣⲟⲡⲛⲉⲙⲁⲕϧⲉⲛⲙⲱⲓⲧⲛⲓⲃⲉⲛⲉⲧⲉⲭⲛⲁϩⲱⲗⲉⲣⲟϥϫⲉⲙⲛⲟⲙϯⲙⲡⲣⲉⲣϩⲟϯⲉⲡⲉⲓⲇⲏⲭⲛⲁϫⲱⲕⲉⲃⲟⲗϫⲉⲛⲧⲁⲓⲣⲟⲙⲡⲓⲟⲩⲟϩⲥⲉⲛⲁⲭⲁⲕϧⲁⲧⲉⲛⲛⲉⲕⲓⲟϯϧⲉⲛⲟⲩϩⲉⲓⲣⲏⲛⲏⲉⲁⲕϫⲱⲕⲉⲃⲟⲗⲙⲡϩⲱⲃⲛϯⲙⲉⲧⲙⲟⲛⲁⲭⲟⲥⲛⲉⲙϯⲙⲉⲧⲙⲁⲛⲉⲥⲱⲟⲩⲉⲣⲉⲡϭⲟⲉⲓⲥⲟⲩⲱϣⲉⲑⲣⲉⲕⲉⲣⲫⲟⲣⲉⲓⲛⲙⲫⲁϯⲙⲉⲧϩⲟⲙⲟⲗⲟⲅⲏⲧⲏⲥⲱⲡⲓⲙⲁⲛⲉⲥⲱⲟⲩⲉⲑⲟⲩⲁⲃⲟⲩⲟϩϩⲁⲛⲟⲩⲟⲛⲉⲃⲟⲗϧⲉⲛⲛⲓⲥⲛⲏⲟⲩⲙⲙⲟⲛⲁⲭⲟⲥⲁⲩⲛⲁⲩⲉⲣⲟϥϩⲱⲥϫⲉⲉϥⲥⲁϫⲓⲛⲉⲙϩⲁⲛⲟⲩⲟⲛⲁⲗⲗⲁⲙⲡⲟⲩⲉⲙⲓⲉⲡⲧⲁϫⲣⲟⲙⲡⲓϩⲱⲃ.
ⲉⲧⲁϥⲫⲟϩⲇⲉⲉⲡⲓⲡⲣⲁⲓⲧⲱⲣⲓⲟⲛⲁⲩⲧⲁⲙⲉⲡⲟⲩⲣⲟⲉⲑⲃⲏⲧϥϫⲉⲁϥⲓⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥ.
ⲁϥⲟⲩⲁϩⲥⲁϩⲛⲓⲉⲑⲣⲟⲩⲉⲛϥϣⲁⲣⲟϥⲙⲙⲁⲩⲁⲧϥⲉϥⲙⲉⲩⲓⲛⲉⲣⲡⲉⲧϩⲱⲟⲩⲛⲁϥ.
ⲁⲥϣⲱⲡⲓⲇⲉⲉⲧⲁϥⲛⲁⲩⲉⲡⲓϩⲁⲅⲓⲟⲥⲛⲧⲉⲫⲛⲟⲩϯⲛⲉⲙⲡⲓⲛⲓϣϯⲛⲱⲟⲩⲉⲧⲕⲱϯⲉⲣⲟϥⲁϥⲉⲣϣⲫⲏⲣⲓⲟⲩⲟϩⲁⲛⲉϥⲃⲁⲗⲛⲁⲩⲟⲛⲉⲡⲓⲃⲛⲁⲡⲟⲥⲧⲟⲗⲟⲥⲉⲩⲙⲟϣⲓⲉϧⲟⲩⲛⲛⲉⲙⲁϥⲉⲩⲟⲓⲛⲟⲩⲱⲓⲛⲓⲁϥϣⲱⲡⲓϧⲉⲛⲟⲩⲛⲓϣϯⲛⲧⲱⲙⲧⲟⲩⲟϩⲟⲩϩⲟϯⲁⲥϭⲓⲧϥⲟⲩⲟϩⲉⲧⲁⲡⲉϥϩⲏⲧⲥⲉⲙⲛⲓⲡⲉϫⲁϥⲙⲡⲓⲁⲣⲭⲓⲉⲡⲓⲥⲕⲟⲡⲟⲥϧⲉⲛⲟⲩⲙⲉⲧⲣⲉⲙⲣⲁⲩϣϫⲉϩⲁⲛⲛⲉⲙⲉⲑⲙⲏⲓⲛⲉⲛⲓⲥⲁϫⲓⲉⲧⲁⲩϫⲟⲧⲟⲩⲛⲏⲓⲉⲑⲃⲏⲧⲕ.
ⲧⲟⲧⲉⲁϥⲁⲡⲟⲗⲟⲅⲉⲓⲥⲑⲁⲓⲙⲡⲟⲩⲣⲟϧⲉⲛⲟⲩⲛⲓϣϯⲙⲡⲁⲣⲣⲏⲥⲓⲁ.ⲉⲧⲁϥⲑⲉⲧⲡϩⲏⲧⲙⲡⲟⲩⲣⲟⲁϥϩⲉⲙⲥⲓϧⲁⲧⲟⲧϥⲕⲁⲧⲁⲫⲣⲏϯⲉⲧⲥϧⲏⲟⲩⲧϫⲉϯⲛⲁϯⲛⲱⲧⲉⲛⲛⲟⲩⲡⲛⲉⲩⲙⲁⲛⲥⲟⲫⲓⲁⲑⲁⲓⲉⲧⲉⲛⲥⲉⲛⲁϣϫⲉⲙϫⲟⲙⲁⲛⲛϯⲟⲩⲃⲏⲥ.ⲟⲩⲟϩⲡⲁⲗⲓⲛϫⲉⲉϣⲱⲡⲛⲧⲟⲩⲉⲛⲑⲏⲛⲟⲩⲛⲛⲓⲟⲩⲣⲱⲟⲩⲛⲉⲙⲛⲓϩⲏⲅⲉⲙⲱⲛⲉⲑⲃⲏⲧⲙⲡⲉⲣϥⲓⲣⲱⲟⲩϣϫⲉⲟⲩⲡⲉⲉⲧⲉⲧⲉⲛⲛⲁϫⲟϥⲡⲓⲡⲛⲉⲩⲙⲁⲅⲁⲣⲉⲑⲟⲩⲁⲃⲛⲁⲧⲥⲁⲃⲉⲑⲏⲛⲟⲩϧⲉⲛϯⲟⲩⲛⲟⲩⲉⲧⲉⲙⲙⲁⲩⲛⲛⲏⲉⲧⲉⲧⲉⲛⲛⲁϫⲟⲧⲟⲩ.
ⲉⲓⲧⲁⲁⲡⲟⲩⲣⲟϣⲉⲛⲡⲓⲁⲣⲭⲓⲉⲡⲓⲥⲕⲟⲡⲟⲥⲉϥϫⲱⲙⲙⲟⲥϫⲉϯⲧⲁⲣⲕⲟⲙⲙⲟⲕⲙⲫⲛⲟⲩϯⲛⲉⲙⲡⲓⲱⲟⲩⲉⲧⲕⲱϯⲉⲣⲟⲕⲛⲧⲉⲕϣⲧⲉⲙⲭⲱⲡⲉⲣⲟⲓϧⲉⲛⲫⲏⲉϯⲛⲁϣⲉⲛⲕⲉⲣⲟϥ.ⲁϥⲉⲣⲟⲩⲱⲛϫⲉⲫⲏⲉⲑⲟⲩⲁⲃϫⲉϯⲛⲁϩⲉⲡϩⲗⲓⲉⲣⲟⲕⲁⲛϧⲉⲛⲫⲏⲉϯⲥⲱⲟⲩⲛⲙⲙⲟϥ.
ⲡⲉϫⲉⲡⲟⲩⲣⲟⲛⲁϥϫⲉⲙⲡⲓⲛⲁⲩⲉⲧⲁⲕⲓⲉϧⲟⲩⲛϧⲁⲣⲟⲓⲛⲓⲙⲛⲉⲛⲁⲓⲉⲑⲙⲟϣⲓⲛⲉⲙⲁⲕ.ⲁⲓⲛⲁⲩⲉⲣⲱⲙⲓⲃⲉⲩⲙⲟϣⲓⲛⲉⲙⲁⲕⲉⲣⲉⲟⲩⲟⲛⲟⲩⲛⲓϣϯⲛⲟⲩⲱⲓⲛⲓⲕⲱϯⲉⲣⲟⲕⲛⲉⲙⲱⲟⲩⲙⲡⲓⲛⲁⲩⲉⲟⲩⲟⲛⲙⲡⲉϥⲣⲏϯⲉⲛⲉϩⲉⲃⲏⲗϫⲉⲁⲩⲉⲣⲁⲑⲟⲩⲟⲱⲛϩⲙⲙⲟⲛⲛⲁⲓⲛⲁⲙⲟⲩⲥⲁⲧⲟⲧⲡⲉⲛⲧⲉⲛϯϩⲟϯ.
ⲧⲟⲧⲉⲡⲉϫⲉⲫⲏⲉⲑⲟⲩⲁⲃⲛⲁⲣⲭⲓⲉⲡⲓⲥⲕⲟⲡⲟⲥⲙⲡⲟⲩⲣⲟϫⲉⲡⲁⲓⲣⲱⲙⲓⲃⲉⲧⲁⲕⲛⲁⲩⲉⲣⲱⲟⲩϩⲁⲛⲙⲁⲑⲏⲧⲏⲥⲛⲧⲉⲡⲭⲣⲓⲥⲧⲟⲥⲛⲉⲡⲟⲩⲣⲟⲛⲧⲉⲛⲓⲟⲩⲣⲱⲟⲩⲫⲁⲓⲉⲧⲉⲛⲓⲟⲩⲣⲱⲟⲩⲟⲓⲛⲟⲩⲣⲟⲉⲃⲟⲗϩⲓⲧⲟⲧϥⲕⲁⲓⲅⲁⲣⲛⲁⲓⲉⲧⲁⲕⲛⲁⲩⲉⲣⲱⲟⲩⲥⲉⲙⲟϣⲓⲛⲉⲙⲏⲓⲛⲥⲏⲟⲩⲛⲓⲃⲉⲛ.
ⲉⲑⲃⲉⲫⲁⲓⲱⲡⲟⲩⲣⲟⲁⲣⲉϩⲉⲣⲟⲕⲥⲁⲃⲟⲗⲛϯⲉⲕⲕⲗⲏⲥⲓⲁⲙⲡⲣϯⲙⲕⲁϩⲛⲁⲥⲁⲛϫⲉⲟⲩⲏⲓⲫⲏⲉⲧϯⲙⲕⲁϩⲛϯⲉⲕⲕⲗⲏⲥⲓⲁⲁϥϯⲙⲕⲁϩⲙⲫⲛⲟⲩϯ.ⲟⲩⲟϩⲉⲧⲁⲡⲟⲩⲣⲟⲥⲱⲧⲉⲙⲉⲛⲁⲓⲛⲧⲟⲧϥⲙⲡⲓⲁⲣⲭⲓⲉⲡⲓⲥⲕⲟⲡⲟⲥⲁϥⲉⲣϩⲟϯⲉⲙⲁϣⲱ.
ⲙⲉⲛⲉⲛⲥⲁⲛⲁⲓⲁϥⲟⲩⲁϩⲥⲁϩⲛⲓⲛϫⲉⲡⲟⲩⲣⲟⲙⲫⲏⲉⲑⲟⲩⲁⲃⲛⲁⲣⲭⲓⲉⲡⲓⲥⲕⲟⲡⲟⲥⲉⲑⲣⲉϥⲕⲱⲧⲛⲟⲩⲉⲕⲕⲗⲏⲥⲓⲁϧⲉⲛϩⲁⲗⲃⲁⲛϯⲃⲁⲕⲓⲉⲧⲁϥⲕⲟⲧⲥ.
ⲉⲧⲁϥϫⲱⲕⲇⲉⲉⲃⲟⲗⲛϯⲉⲕⲕⲗⲏⲥⲓⲁϧⲉⲛⲙⲉⲧⲥⲁⲓⲉⲛⲓⲃⲉⲛⲁϥϣⲱⲛⲓⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥⲟⲩⲟϩⲁϥϧⲓⲥⲓⲉⲙⲁϣⲱ.ⲁⲩⲧⲁⲙⲉⲡⲟⲩⲣⲟⲁϥⲉⲣⲙⲕⲁϩⲛϩⲏⲧⲁϥⲭⲁϥⲉⲃⲟⲗⲁⲩⲧⲁⲗⲟϥⲁϥⲟⲗϥⲉⲣⲁⲕⲟϯⲁϥⲟⲩⲱϣⲧϧⲉⲛⲡⲧⲟⲡⲟⲥⲙⲡⲓϩⲁⲅⲓⲟⲥⲙⲁⲣⲕⲟⲥ.ⲟⲩⲟϩⲛⲁϥϣⲱⲛⲓⲉϥϧⲟⲥⲓⲡⲉ.
ⲉⲧⲁⲩⲥⲱⲧⲉⲙⲇⲉⲛϫⲉⲛⲉϥⲥⲛⲏⲟⲩⲙⲡⲛⲉⲩⲙⲁⲧⲓⲕⲟⲛⲉⲧϧⲉⲛⲡⲓⲙⲟⲛⲁⲥⲧⲏⲣⲓⲟⲛⲛⲧⲉϣⲓⲏⲧⲁⲩⲓϩⲁⲣⲟϥⲁⲩⲉⲣⲡⲉϥϣⲉⲙϣⲓϣⲁⲧⲉⲡϭⲟⲉⲓⲥϫⲉⲙⲡⲉϥϣⲓⲛⲓ.ⲁⲥϣⲱⲡⲓⲇⲉⲉϥⲛⲁⲙⲧⲟⲛⲙⲙⲟϥⲛϫⲉⲫⲏⲉⲑⲟⲩⲁⲃⲛⲁⲣⲭⲓⲉⲡⲓⲥⲕⲟⲡⲟⲥⲉⲧⲧⲁⲓⲏⲟⲩⲧⲛⲁⲩϩⲉⲙⲥⲓϧⲁⲧⲟⲧϥⲛϫⲉϩⲁⲛⲙⲏϣⲛϩⲁⲅⲓⲟⲥⲉⲩⲟⲩⲁⲃⲉⲧⲉϩⲁⲛⲉⲡⲓⲥⲕⲟⲡⲟⲥⲛⲉⲛⲉⲙϩⲁⲛⲕⲗⲏⲣⲓⲕⲟⲥⲛⲉⲙϩⲁⲛⲙⲟⲛⲁⲭⲟⲥ.
ⲟⲩⲟϩⲡⲁⲓⲣⲏϯⲁϥϯⲙⲡⲉϥⲡⲛⲉⲩⲙⲁⲉⲛⲉⲛϫⲓϫⲙⲫⲛⲟⲩϯⲛϫⲉⲡⲓⲁⲣⲕⲓⲉⲡⲓⲥⲕⲟⲡⲟⲥⲉⲧⲉⲛϩⲟⲧⲟⲩⲟϩⲛϩⲟⲙⲟⲗⲟⲅⲏⲧⲏⲥⲛⲥⲟⲩⲑⲛⲁⲑⲱⲣⲟⲩⲟϩⲁϥⲉⲣⲛⲉⲙⲡϣⲁⲛⲭⲱⲛⲛⲉϥϫⲓϫⲉϫⲉⲛⲛⲉϥⲃⲁⲗⲛϫⲉⲁⲃⲃⲁⲓⲱⲁⲛⲛⲏⲥⲡⲓⲉⲡⲓⲥⲕⲟⲡⲟⲥⲛⲧⲉⲣⲉⲛⲟⲩϯⲡⲉϥⲥⲟⲛⲙⲡⲛⲉⲩⲙⲁⲧⲓⲕⲟⲛⲙⲫⲣⲏϯⲛⲓⲱⲥⲏⲫⲉⲧⲁϥⲭⲱⲛⲛⲉϥϫⲓϫⲉϫⲉⲛⲛⲉⲛⲃⲁⲗⲛⲓⲁⲕⲱⲃⲡⲉϥⲉⲓⲱⲧ.
ⲟⲩⲟϩⲁⲩⲕⲟⲥϥϧⲉⲛⲟⲩⲱⲟⲩⲛⲉⲙⲟⲩⲧⲁⲓⲟⲁⲩⲉⲣⲡⲓⲉϫⲱⲣϩⲧⲏⲣϥⲉⲩϩⲱⲥⲉⲩⲉⲣⲯⲁⲗⲗⲉⲓⲛⲙⲡⲉϥⲕⲱϯⲛϫⲉⲛⲓⲉⲡⲓⲥⲕⲟⲡⲟⲥⲛⲉⲙⲛⲓⲕⲗⲏⲣⲓⲕⲟⲥⲧⲏⲣⲟⲩ.
ⲟⲩⲟϩⲉⲧⲁϣⲱⲣⲡϣⲱⲡⲓⲁⲟⲩⲛⲓϣϯⲛⲗⲁⲟⲥⲑⲱⲟⲩϯⲁⲩⲓⲛⲓⲉϩⲣⲏⲓⲉϫⲱϥⲙⲡⲓϣⲉⲙϣⲓⲉⲑⲟⲩⲁⲃⲁⲡⲓⲗⲁⲟⲥⲧⲏⲣϥϭⲓⲉⲃⲟⲗϧⲉⲛⲡⲓⲥⲱⲙⲁⲛⲉⲙⲡⲓⲥⲛⲟϥⲛⲧⲉⲡϭⲟⲉⲓⲥ.
ⲙⲉⲛⲉⲛⲥⲱⲥⲁⲩⲭⲱⲙⲡⲉϥⲥⲱⲙⲁϧⲁⲧⲉⲛⲡⲉϥϣⲫⲏⲣⲙⲡⲁⲧⲣⲓⲁⲣⲭⲏⲥⲁⲃⲃⲁⲓⲱⲁⲛⲛⲏⲥϧⲉⲛⲡⲧⲟⲡⲟⲥⲙⲡⲓϩⲁⲅⲓⲟⲥⲙⲁⲣⲕⲟⲥ.
ⲟⲩⲟϩⲡⲉϥⲥⲱⲙⲁϧⲁⲧⲟⲧⲉⲛϩⲓϫⲉⲛⲡⲓⲕⲁϩⲓⲡⲉϥⲡⲛⲉⲩⲙⲁⲇⲉϧⲁⲧⲉⲛⲫⲛⲟⲩϯϧⲉⲛⲛⲓⲫⲏⲟⲩⲓⲉϥⲉⲣⲡⲣⲉⲥⲃⲉⲩⲓⲛⲉϫⲱⲛⲟⲩⲟϩⲧⲉⲛⲛⲁϩϯϫⲉⲛⲏⲉⲑⲟⲩⲁⲃⲧⲏⲣⲟⲩⲛⲁⲓⲉⲃⲟⲗϧⲁϫⲱϥⲛⲓⲡⲁⲧⲣⲓⲁⲣⲭⲏⲥⲛⲉⲙⲛⲓⲁⲡⲟⲥⲧⲟⲗⲟⲥⲛⲉⲙⲛⲏⲉⲑⲟⲩⲁⲃⲧⲏⲣⲟⲩ.
ⲉⲥⲉϣⲱⲡⲓⲇⲉⲛⲁⲛⲧⲏⲣⲟⲩⲧⲉⲛϣⲁϣⲛⲓⲉⲟⲩⲛⲁⲓϩⲓⲧⲉⲛⲛⲉϥⲉⲩⲭⲏⲉⲑⲟⲩⲁⲃϧⲉⲛⲡⲭⲣⲓⲥⲧⲟⲥⲓⲏⲥⲟⲩⲥⲡⲉⲛϭⲟⲉⲓⲥⲫⲁⲓⲉⲣⲉⲡⲓⲱⲟⲩⲉⲣⲡⲣⲉⲡⲓⲛⲛⲁϥⲛⲉⲙⲡⲉϥⲓⲱⲧⲛⲁⲅⲁⲑⲟⲥⲛⲉⲙⲡⲓⲡⲛⲉⲩⲙⲁⲉⲑⲟⲩⲁⲃϣⲁⲉⲛⲉϩⲛⲧⲉⲛⲓⲉⲛⲉϩⲧⲏⲣⲟⲩⲁⲙⲏⲛ.

ANNIS Metadata

annotation: Lydia Bremer-McCollum, Nicholas Wagner, Amir Zeldes, Caroline T. Schroeder
attributed_author: Mena of Pshati
author: Mena of Pshati
collection: Vatican Coptic
Coptic_edition: Améliineau 1890
corpus: bohairic.life.isaac
country: Egypt
document_cts_urn: urn:cts:copticLit:lives.boh_isaac.amelineau_ed:42-48
entities: none
facsimile_graphic_url: https://digi.vatlib.it/view/MSS_Vat.copt.62
identities: none
idno: Vat. Copt. 62.12 ff. 231v-242
language: Bohairic Coptic
license: CC-BY 4.0
msItem_title: The Life of Isaac of Alexandria
msName: MACA.CA
note: Coptic chapter divisions follow Amélineau's paragraph divisions. French translation from Amélineau (OCR), machine translated to English and extensively post-edited by Amir Zeldes.
objectType: codex
ocr: automatic
order: 3
origDate: between 801 and 1065 CE
origDate_notAfter: 1065
origDate_notBefore: 801
origDate_precision: medium
origPlace: Monastery of St. Macariuus
pages_from: 42
pages_to: 64
parsing: automatic
paths_authors: 73
paths_manuscripts: 114
paths_works: 225
people: none
placeName: Wadi Natrun
places: none
previous: urn:cts:copticLit:lives.boh_isaac.amelineau_ed:20-41
project: Coptic SCRIPTORIUM
redundant: no
repository: Biblioteca Apostolica Vaticana
segmentation: checked
source: Internet Archive
source_info: OCR of Amélineau edition pdf on Internet Archive using OCR4All
tagging: checked
title: Life of Isaac of Alexandria - part 3
translation: Émile Amélineau, Amir Zeldes
Trismegistos: none
version_date: 2024-10-31
version_n: 6.0.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:lives.boh_isaac.amelineau_ed:42-48. [version number], [date]. https://data.copticscriptorium.org/urn:cts:copticLit:lives.boh_isaac.amelineau_ed:42-48.

Subsequent citations:

Author, Ancient title (abbreviated) [chapter.verse if available], urn:cts:copticLit:lives.boh_isaac.amelineau_ed:42-48.

Document Edition: urn:cts:copticLit:lives.boh_isaac.amelineau_ed:42-48

Work: urn:cts:copticLit:lives.boh_isaac

Text Group: urn:cts:copticLit:lives

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:lives.boh_isaac.amelineau_ed:42-48/norm/html

Analytic Visualization HTML: https://data.copticscriptorium.org/urn:cts:copticLit:lives.boh_isaac.amelineau_ed:42-48/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:lives.boh_isaac.amelineau_ed:42-48/tei/xml

Paula XML: https://data.copticscriptorium.org/urn:cts:copticLit:lives.boh_isaac.amelineau_ed:42-48/paula/xml

relANNIS: https://data.copticscriptorium.org/urn:cts:copticLit:lives.boh_isaac.amelineau_ed:42-48/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:lives.boh_isaac.amelineau_ed:42-48/annis