Encomium on Demetrius Archbishop of Alexandria part 1
normalized analytic TEI ANNIS PAULA Search ANNIS
Next

Normalized Text

ⲟⲩⲉⲅⲕⲱⲙⲓⲟⲛⲉⲁϥⲧⲁⲩⲟⲟϥⲛϭⲓⲡⲉⲛⲡⲉⲧⲟⲩⲁⲁⲃⲛⲉⲓⲱⲧⲫⲗⲁⲃⲓⲁⲛⲟⲥⲡⲉⲡⲓⲥⲕⲟⲡⲟⲥⲛⲉⲫⲉⲥⲟⲥⲧⲡⲟⲗⲓⲥⲉⲁϥⲧⲁⲩⲟⲟϥⲉⲡϩⲁⲅⲓⲟⲥⲇⲏⲙⲏⲧⲣⲓⲟⲥⲡⲁⲣⲭⲏⲉⲡⲓⲥⲕⲟⲡⲟⲥⲛⲣⲁⲕⲟⲧⲉϩⲙⲡⲉϩⲟⲟⲩⲙⲡⲉϥⲣⲡⲙⲉⲉⲩⲉⲉⲧⲧⲁⲓⲏⲩⲉⲧⲉⲥⲟⲩϫⲟⲩⲧⲏⲡⲉ·ⲙⲡⲉⲃⲟⲧⲑⲱⲑ·
ⲁϥϣⲁϫⲉⲇⲉⲟⲛⲉⲧⲃⲉⲛⲉϣⲡⲏⲣⲉⲛⲧⲁⲡⲛⲟⲩⲧⲉⲁⲁⲩⲉⲃⲟⲗϩⲓⲧⲟⲟⲧϥ
ⲁϥϣⲁϫⲉⲇⲉⲟⲛϩⲙⲡⲉⲓⲉⲅⲕⲱⲙⲓⲟⲛⲛⲟⲩⲱⲧⲉⲧⲃⲉⲡϩⲁⲅⲓⲟⲥⲙⲙⲁⲣⲧⲩⲣⲟⲥⲁⲩⲱⲙⲡⲁⲣⲑⲉⲛⲟⲥⲁⲡⲁⲡⲉⲧⲣⲟⲥⲡⲁⲣⲭⲏⲉⲡⲓⲥⲕⲟⲡⲟⲥⲛⲧⲉⲓⲡⲟⲗⲓⲥⲛⲟⲩⲱⲧⲣⲁⲕⲟⲧⲉ·
ⲁⲩⲱⲉⲧⲃⲉⲧϩⲁⲅⲓⲁⲙⲙⲁⲣⲧⲩⲣⲟⲥⲧⲣⲙⲧⲁⲛⲧⲓⲟⲭⲓⲁⲧⲡⲟⲗⲓⲥⲙⲛⲡⲉⲥϣⲏⲣⲉⲥⲛⲁⲩⲫⲓⲗⲟⲡⲁⲧⲱⲣⲙⲛⲉⲩⲧⲣⲟⲡⲓⲟⲥ·
ⲉⲁϥϣⲁϫⲉⲇⲉⲟⲛⲉⲧⲃⲉⲡⲧⲱⲃⲥⲛⲧⲉⲯⲩⲭⲏⲁⲩⲱⲉⲧⲃⲉⲡⲉϩⲣⲏⲧⲟⲛⲉⲧⲥⲏϩϩⲛⲓⲉⲣⲉⲙⲓⲁⲥⲡⲉⲡⲣⲟⲫⲏⲧⲏⲥϫⲉϩⲙⲡⲉϩⲟⲟⲩⲉⲧⲙⲙⲁⲩϯⲛⲁⲧⲁϩⲟⲉⲣⲁⲧⲥⲛⲟⲩⲁⲛⲁⲧⲟⲗⲏⲙⲙⲉϩⲙⲡⲏⲓⲛⲇⲁⲩⲉⲓⲇ
ϩⲛⲟⲩⲉⲓⲣⲏⲛⲏⲛⲧⲉⲡⲛⲟⲩⲧⲉϩⲁⲙⲏⲛ·
ⲡⲕⲁⲓⲣⲟⲥⲗⲟⲓⲡⲟⲛⲕⲓⲙⲉⲣⲟⲓⲉⲧⲣⲁⲕⲓⲙⲉⲡⲟⲣⲅⲁⲛⲟⲛⲙⲡⲁⲗⲁⲥⲉⲧϭⲟϫⲃⲁⲩⲱⲧⲁⲧⲁⲡⲣⲟⲛⲁⲥⲑⲉⲛⲏⲥⲉⲧⲣⲁϫⲟⲟⲥϩⲱⲱⲧⲙⲛⲡⲣⲉϥⲯⲁⲗⲗⲉⲓⲇⲁⲩⲉⲓⲇⲁⲩⲱⲡⲣⲉϥϩⲱⲥⲉⲡⲛⲟⲩⲧⲉϫⲉⲁⲕϭⲙⲡϣⲓⲛⲉⲙⲡⲕⲁϩⲁⲕⲧⲣⲉϥϯϩⲉⲁⲕⲧⲁϣⲉⲁⲁϥⲛⲣⲙⲙⲁⲟ·
ⲁⲡⲉⲓⲉⲣⲟⲡⲛⲟⲩⲧⲉⲙⲟⲩϩⲙⲙⲟⲟⲩ
ⲁⲕⲥⲟⲃⲧⲉⲛⲧⲉⲩϩⲣⲉϫⲉⲡⲁⲓⲡⲉⲡⲉⲛⲥⲟⲃⲧⲉⲛⲁⲙⲉ·
ⲁϥϭⲙⲡϣⲓⲛⲉⲙⲡⲕⲁϩⲁϥⲧⲣⲉϥϯϩⲉⲁϥⲧⲁϣⲉⲁⲁϥⲛⲣⲙⲙⲁⲟ·
ⲉϣϫⲉⲟⲩⲉⲩⲫⲣⲟⲥⲩⲛⲏⲛⲛⲣⲱⲙⲉⲡⲉⲡⲏⲣⲡⲛϩⲩⲗⲓⲕⲟⲥⲡⲁⲓⲉⲩϣⲁⲛⲣϩⲟⲩⲟⲥⲱⲉⲃⲟⲗⲛϩⲏⲧϥϣⲁⲩϯϩⲉ·ⲁⲩⲱϣⲁⲣⲉⲟⲩⲙⲛⲧϣⲛⲁϣⲱⲡⲉⲛϩⲏⲧϥ·ⲉⲓⲉⲟⲩⲏⲣⲧⲉⲧⲉⲩⲫⲣⲟⲥⲩⲛⲏⲙⲛⲡⲣⲁϣⲉⲛⲛⲣⲱⲙⲉⲛⲧⲁⲩⲥⲱⲉⲃⲟⲗϩⲛⲧⲡⲏⲅⲏⲙⲙⲟⲟⲩⲛⲱⲛϩⲡⲉⲭⲣⲓⲥⲧⲟⲥ·
ⲉϣϫⲉϣⲁⲣⲉⲡⲕⲁϩⲉⲩⲫⲣⲁⲛⲉⲉⲣϣⲁⲛⲡϩⲟⲩⲟⲙⲡⲉ·ⲉⲓⲉϫⲱϥ·ⲉⲓⲉⲟⲩⲏⲣⲧⲉⲧⲉⲩⲫⲣⲟⲥⲩⲛⲏⲙⲛⲡⲣⲁϣⲉⲛⲛⲣⲱⲙⲉ·ⲙⲡⲛⲁⲩⲛⲧⲁⲡⲙⲟⲩⲓⲛϩⲱⲟⲩⲛⲛⲟⲏⲧⲟⲛⲉⲓⲉϫⲛⲧⲥⲟⲣⲧⲛⲛⲟⲏⲧⲏ·
ⲡϩⲱⲟⲩⲙⲉⲛⲉⲧⲟⲩⲟⲛϩⲉⲃⲟⲗϣⲁϥϯⲛⲟⲩⲕⲁⲣⲡⲟⲥⲉϥⲟⲩⲟⲛϩⲉⲃⲟⲗⲥⲁⲣⲕⲓⲕⲟⲥ·
ⲡϩⲱⲟⲩⲇⲉⲛⲧⲟϥⲙⲡⲛⲉⲩⲙⲁⲧⲓⲕⲟⲛ·ⲛⲧⲉⲣⲉϥⲉⲓⲉϫⲙⲡⲕⲁϩⲁⲛⲣⲱⲙⲉ·ϯⲕⲁⲣⲡⲟⲥⲙⲡⲛⲉⲩⲙⲁⲧⲓⲕⲟⲛ·
ⲁϣϭⲉⲧⲉⲛⲟⲩⲛⲉⲛⲕⲁⲣⲡⲟⲥⲉⲧⲙⲙⲁⲩ
ⲥⲱⲧⲙⲁⲛⲟⲕϯⲛⲁⲧⲁⲙⲟⲕ·
ⲟⲩⲙⲟⲛⲟⲛⲙⲡⲣⲇⲓⲥⲧⲁⲍⲉⲟⲩⲇⲉⲙⲡⲣⲕⲣⲙⲣⲙ
ⲟⲩⲉⲕⲕⲗⲏⲥⲓⲁⲛⲟⲩⲱⲧⲧⲉⲛⲧⲁⲥϣⲧⲁⲙ
ⲉⲓϣⲁϫⲉ·ⲉⲧⲥⲩⲛⲁⲅⲱⲅⲏⲛⲛⲓⲟⲩⲇⲁⲓ
ⲧⲁⲓⲙⲉⲛⲉⲓⲙⲟⲩⲧⲉⲉⲣⲟⲥⲁⲛϫⲉⲉⲕⲕⲗⲏⲥⲓⲁⲙⲡⲛⲉⲩⲙⲁⲧⲓⲕⲟⲛⲉⲧⲃⲉⲡⲁⲓⲣⲱⲁⲩϣⲧⲁⲙⲙⲙⲟⲥ·ϩⲓⲧⲙⲡⲉⲛⲧⲁϥⲧⲱⲟⲩⲛⲉⲃⲟⲗϩⲛⲛⲉⲧⲙⲟⲟⲩⲧⲁϥϩⲙⲟⲟⲥϩⲓⲧⲟⲩⲛⲁⲙⲙⲡⲉϥⲉⲓⲱⲧⲁϥⲣⲣⲱⲙⲉϩⲓⲧⲙⲡⲉϥⲟⲩⲉϩⲥⲁϩⲛⲉ·
ϩⲉⲛϣⲟⲛϣⲟⲙⲛϩⲉⲛⲧⲃⲁⲛⲧⲃⲁ·ⲛⲉⲛⲧⲁⲩⲟⲩⲱⲛ·ⲙⲙⲟⲟⲩⲛⲁⲛϩⲓⲧⲙⲡⲉϥⲥⲛⲟϥⲉⲧⲟⲩⲁⲁⲃ·ⲛⲧⲁⲩⲡⲁϩⲧϥⲉⲃⲟⲗϩⲁⲣⲟⲛ⁛—
ⲛⲕⲁⲣⲡⲟⲥⲇⲉⲛⲧⲁⲓϣⲣⲡϫⲟⲟⲩⲛⲉⲛⲁⲓ·ⲧⲉⲅⲕⲣⲁⲧⲉⲓⲁ·ⲡⲧⲃⲃⲟ·ⲧⲡⲁⲣⲑⲉⲛⲓⲁ·ⲧⲙⲛⲧⲛⲁⲏⲧ·ⲧⲉⲓⲣⲏⲛⲏ·ⲧϩⲉⲗⲡⲓⲥ·ⲧⲙⲛⲧⲣⲙⲣⲁϣ·ⲧⲙⲛⲧⲥⲧⲙⲏⲧ·ⲙⲛⲛⲉⲧⲛⲏⲩⲙⲛⲛⲥⲁⲛⲁⲓ·
ⲛⲁⲓⲛⲉⲛⲧⲁϯⲥⲱϣⲉⲙⲡⲛⲉⲩⲙⲁⲧⲓⲕⲟⲛⲧⲁⲩⲟⲟⲩⲉϩⲣⲁⲓϩⲓⲧⲙⲡϩⲱⲟⲩⲙⲡⲛⲉⲩⲙⲁⲧⲓⲕⲟⲛⲛⲧⲁϥⲉⲓⲉϫⲱⲥ·
ⲡⲕⲁⲓⲣⲟⲥⲗⲟⲓⲡⲟⲛⲡⲉⲡⲁⲓⲉⲧⲣⲁϫⲟⲟⲥ·ⲙⲛⲡⲉⲡⲣⲟⲫⲏⲧⲏⲥ·ⲁⲩⲱⲡⲛⲟⲙⲟⲑⲉⲧⲏⲥⲙⲱⲩⲥⲏⲥ·ϫⲉⲙⲁⲣⲛϫⲱⲉⲡϫⲟⲉⲓⲥϩⲛⲟⲩⲉⲟⲟⲩⲅⲁⲣⲁϥϫⲓⲉⲟⲟⲩ⁛—
ⲉϣϫⲉⲁⲛⲉⲧⲙⲙⲁⲩⲣϣⲡⲏⲣⲉⲉⲩⲛⲁⲩⲉⲛⲉⲩϫⲁϫⲉⲉⲩⲙⲟⲩϩⲛⲧϩⲁⲗⲗⲁⲥⲁⲉⲓⲉⲉⲧⲃⲉⲟⲩⲛϯⲛⲁⲣϣⲡⲏⲣⲉⲁⲛⲁⲛⲟⲕⲉⲓⲛⲁⲩⲉⲡⲉⲛⲧⲁϥⲙⲟⲩϩⲁⲣⲟⲛ·ⲁⲩⲱⲁϥⲧⲱⲟⲩⲛϣⲁⲛⲧϥⲑⲃⲃⲓⲟⲙⲡϫⲁⲥⲓϩⲏⲧ⁛—
ⲁⲩⲉⲓⲥⲗⲟⲓⲡⲟⲛⲛⲧⲁⲕⲓⲙⲉⲡⲟⲣⲅⲁⲛⲟⲛⲙⲡⲁⲗⲁⲥⲛⲧⲁⲧⲁⲩⲟⲛϩⲉⲛⲕⲟⲩⲓⲛⲧⲁⲓⲟ·ⲉⲡⲉⲓⲡⲉⲧⲟⲩⲁⲁⲃⲉⲧⲛⲥⲟⲟⲩϩⲉϩⲟⲩⲛⲉⲡⲉϥⲣⲁⲛⲉⲧⲟⲩⲁⲁⲃ·
ⲟⲩⲉⲓⲱⲧⲙⲙⲁⲓⲛⲉϥϣⲏⲣⲉⲡⲉ·
ⲟⲩϣⲱⲥⲛⲣⲉϥⲙⲟⲟⲛⲉⲕⲁⲗⲱⲥⲡⲉⲉϥⲫⲟⲣⲉⲓⲛⲧⲥⲛⲧⲉⲛⲁⲣⲉⲧⲏ·ⲧⲡⲁⲣⲑⲉⲛⲓⲁ·ⲁⲩⲱⲡⲅⲁⲙⲟⲥⲛⲥⲉⲙⲛⲟⲛ·
ⲁⲗⲗⲁⲙⲉϣⲁⲕⲛⲧⲉⲟⲩⲁϫⲟⲟⲥⲛⲁⲓ·ϫⲉⲙⲛϣϭⲟⲙⲉⲧⲣⲉⲡⲣⲱⲙⲉⲣⲡⲁⲣⲑⲉⲛⲟⲥⲙⲛⲛⲥⲁⲧⲣⲉϥϫⲓⲥϩⲓⲙⲉ·
ⲙⲁⲣⲉⲡⲉⲧⲙⲙⲁⲩⲥⲱⲧⲙⲁⲛⲟⲕϯⲛⲁϯⲛⲁϥⲛⲟⲩⲁⲡⲟⲇⲓⲝⲓⲥⲉⲃⲟⲗϩⲛⲛⲉⲅⲣⲁⲫⲏⲉⲧⲟⲩⲁⲁⲃ·
ⲛⲧⲁϫⲟⲟⲥϩⲱⲙⲛⲡⲉⲛⲥⲱⲧⲏⲣϫⲉⲟⲩⲛϩⲟⲓⲛⲉⲉⲁⲩⲁⲁⲩⲛⲥⲓⲟⲩⲣⲙⲙⲓⲛⲙⲙⲟⲟⲩⲉⲧⲃⲉⲧⲙⲛⲧⲣⲣⲟⲛⲙⲡⲏⲩⲉ·
ⲛⲉⲥⲓⲟⲩⲣⲅⲁⲣⲉϣⲁⲩϫⲡⲟⲟⲩⲉⲃⲟⲗϩⲛϩⲏⲧⲥⲛⲧⲉⲩⲙⲁⲁⲩⲉⲩⲟⲛⲥⲓⲟⲩⲣⲡⲉⲩⲣⲁⲛⲙⲙⲁⲧⲉ·
ⲡⲉⲥⲓⲟⲩⲣⲡⲉⲧⲛⲁⲁϥⲇⲉⲛⲥⲓⲟⲩⲣⲙⲙⲓⲛⲙⲙⲟϥⲛⲓⲙⲡⲉⲧⲛⲁϣϣⲁϫⲉⲉⲧⲉϥⲙⲛⲧϫⲱⲱⲣⲉ·
ⲉⲛⲉⲛⲧⲁⲇⲁⲩⲉⲓⲇⲅⲁⲣⲡⲁⲧⲁⲥⲥⲉⲛⲅⲟⲗⲓⲁⲑ·ⲉⲣⲉⲛⲉⲥⲕⲉⲩⲉⲙⲡⲟⲗⲉⲙⲓⲕⲟⲛⲧⲟϩⲓⲱⲱϥⲛⲉⲩⲛⲁⲉⲡⲁⲓⲛⲟⲩⲙⲙⲟϥⲁⲛⲡⲉⲛϯϩⲉⲧⲏⲣⲥ·
ⲁⲗⲗⲁⲛⲧⲉⲣⲉϥⲡⲁⲧⲁⲥⲥⲉⲙⲙⲟϥⲭⲱⲣⲓⲥϩⲟⲡⲗⲟⲛϩⲓⲙⲉⲣⲉϩⲛⲧϩⲉⲛⲧϩⲉⲛⲛⲉⲛⲧⲁⲩⲙⲟⲩⲧⲏⲣⲟⲩ·ⲙⲛⲛⲉⲡⲓⲛⲓⲕⲓⲟⲛⲉⲧⲉⲛⲉⲧϫⲣⲁⲉⲓⲧⲛⲉ·
ⲛⲧⲉⲓϩⲉⲟⲛⲉⲣϣⲁⲛⲡⲣⲱⲙⲉ·ⲉⲧⲟⲩⲛⲁϫⲡⲟϥⲉϥⲟⲛⲥⲓⲟⲩⲣ·ⲁⲅⲱⲛⲓⲍⲉⲥⲉⲛⲁⲟⲡⲥⲉⲣⲟϥⲁⲛⲉⲩⲙⲛⲧϫⲱⲱⲣⲉ·ⲛⲧϩⲉⲙⲡⲉⲧⲛⲁⲁⲅⲱⲛⲓⲍⲉⲉⲣⲉⲛⲉϥⲙⲉⲗⲟⲥⲙⲙⲟϥ⁛—
ⲇⲁⲩⲉⲓⲇⲙⲉⲛⲅⲁⲣⲛⲧⲁϥⲡⲁⲧⲁⲥⲥⲉⲙⲡⲙⲟⲩⲓⲙⲛⲧⲁⲣⲝⲛⲟⲩⲥⲟⲡⲏⲥⲛⲁⲩⲁⲩⲱϣⲁϣⲟⲙⲛⲧⲛⲥⲟⲡ·
ⲇⲏⲙⲏⲧⲣⲓⲟⲥⲇⲉⲛⲧⲟϥⲡⲁⲣⲭⲏⲉⲡⲓⲥⲕⲟⲡⲟⲥⲛⲧⲁϥⲡⲁⲧⲁⲥⲥⲉⲛⲛϩⲏⲇⲟⲛⲏⲙⲙⲏⲛⲉ⁛—
ⲡⲉⲧⲙⲓϣⲉⲙⲛⲛⲉⲑⲏⲣⲓⲟⲛⲛⲟⲩⲙⲛⲧϫⲱⲱⲣⲉⲁⲛⲡⲉ·ⲛⲧϩⲉⲙⲡⲉⲧⲙⲓϣⲉⲙⲛⲙⲡⲁⲑⲟⲥ·
ⲉⲣϣⲁⲛⲛⲉⲑⲏⲣⲓⲟⲛ·ⲟⲩⲱⲙⲙⲡⲣⲱⲙⲉⲙⲉⲩϩⲉⲉⲣⲟϥⲛⲕⲉⲥⲟⲡⲉⲧⲣⲉϥⲙⲓϣⲉⲛⲙⲙⲁϥ·
ⲧϩⲏⲇⲟⲛⲏⲇⲉⲛⲧⲟⲥⲡⲣⲱⲙⲉⲉⲧⲛⲁⲕⲁⲙⲁⲛⲁⲥⲛϩⲏⲧϥⲙⲉⲥⲗⲟⲉⲥⲡⲁⲧⲁⲥⲥⲉⲙⲙⲟϥⲙⲙⲏⲛⲉϣⲁⲛⲧⲉⲥⲧⲁⲕⲟϥⲛⲥⲁⲩⲝⲁⲛⲉⲛϩⲏⲧϥ·
ⲁⲩⲱⲥⲉⲥⲟⲟⲩⲛⲙⲡⲁⲓⲛϭⲓⲛⲥⲟⲫⲟⲥⲛⲉⲅⲕⲣⲁⲧⲏⲥⲉⲧⲃⲉⲡⲁⲓⲣⲱⲉⲩⲡⲏⲧⲉⲡϫⲁⲓⲉ·
ⲡⲗⲏⲛⲙⲁⲣⲛⲕⲧⲉⲡϣⲁϫⲉⲉϫⲙⲡⲉⲓⲡⲉⲧⲟⲩⲁⲁⲃ·ⲧⲉⲛⲟⲩⲛⲧⲛⲧⲁⲙⲱⲧⲛⲉⲛⲉϥⲁⲣⲉⲧⲏⲙⲛⲛⲉϥⲙⲛⲧϫⲱⲱⲣⲉ·
ⲡⲡⲉⲧⲟⲩⲁⲁⲃϭⲉⲟⲩⲛⲇⲏⲙⲏⲧⲣⲓⲟⲥⲛⲉⲩⲉⲃⲟⲗⲡⲉϩⲛⲛⲛⲟϭⲙⲡⲣⲉⲥⲃⲩⲧⲉⲣⲟⲥⲉⲧϯⲥⲟⲉⲓⲧϩⲛⲧⲡⲟⲗⲓⲥⲣⲁⲕⲟⲧⲉ·
ⲙⲛⲛⲥⲁⲧⲣⲉϥⲙⲟⲩⲅⲁⲣⲛϭⲓⲡⲡⲉⲧⲟⲩⲁⲁⲃⲓⲟⲩⲗⲓⲁⲛⲟⲥⲡⲁⲣⲭⲏⲉⲡⲓⲥⲕⲟⲡⲟⲥⲛⲣⲁⲕⲟⲧⲉⲁⲡⲉⲑⲣⲟⲛⲟⲥⲛⲣⲁⲕⲟⲧⲉⲣⲟⲩⲙⲏⲏϣⲉⲛϩⲟⲟⲩⲉϥⲕⲏⲉⲃⲟⲗⲛⲁⲧⲉⲡⲓⲥⲕⲟⲡⲟⲥⲙⲡⲉⲣⲱⲙⲉϩⲙⲟⲟⲥⲉϫⲙⲡⲉⲑⲣⲟⲛⲟⲥⲛⲧⲙⲛⲧⲁⲣⲭⲏⲉⲡⲓⲥⲕⲟⲡⲟⲥⲉⲃⲟⲗϫⲉⲡⲕⲁⲓⲣⲟⲥⲡⲉⲛⲛⲣⲣⲱⲟⲩⲛⲁⲛⲟⲙⲟⲥ·ⲁⲩⲱⲛⲣⲉϥϣⲙϣⲉⲉⲓⲇⲱⲗⲟⲛ·ⲉⲣⲉⲟⲩⲛⲟϭⲛⲇⲓⲱⲅⲙⲟⲥϩⲓϫⲛⲧⲉⲕⲕⲗⲏⲥⲓⲁ·ⲁⲩⲱⲛⲉⲣⲉⲡⲗⲁⲟⲥⲟⲛⲧϩⲉⲛⲛⲉⲓⲉⲥⲟⲟⲩⲉⲧⲉⲙⲛⲧⲟⲩϣⲱⲥⲙⲙⲁⲩ·
ϩⲓⲧⲙⲡⲟⲩⲱϣⲟⲩⲛⲙⲡⲛⲟⲩⲧⲉ·ⲙⲛⲧⲉⲯⲏⲫⲟⲥⲙⲡⲗⲁⲟⲥⲧⲏⲣϥⲁⲩⲁⲙⲁϩⲧⲉⲛⲓⲱⲥⲏⲫⲛⲃⲣⲣⲉ·
ⲉⲓϣⲁϫⲉⲉⲡϩⲁⲅⲓⲟⲥⲇⲏⲙⲏⲧⲣⲓⲟⲥⲁⲩⲑⲙⲥⲟϥⲉϫⲙⲡⲑⲣⲟⲛⲟⲥ·ⲙⲡϩⲁⲅⲓⲟⲥⲙⲁⲣⲕⲟⲥⲡⲉⲩⲁⲅⲅⲉⲗⲓⲥⲧⲏⲥ·
ⲁⲗⲗⲁⲡⲟⲗⲗⲁⲕⲓⲥ·ⲕⲛⲁϫⲟⲟⲥⲛⲁⲓⲱⲡⲉⲧⲥⲱⲧⲙϫⲉⲉⲥⲧⲱⲉⲕⲧⲟⲛⲧⲛⲙⲡⲉⲓⲡⲉⲧⲟⲩⲁⲁⲃⲉⲓⲱⲥⲏⲫⲙⲡⲉⲕⲧⲟⲛⲧⲛⲛⲧⲉⲥϩⲓⲙⲉⲙⲡⲉⲓⲡⲉⲧⲟⲩⲁⲁⲃⲁⲩⲱⲛϩⲁⲕⲉⲧⲉⲥϩⲓⲙⲉⲛⲁⲧϣⲁⲩⲉⲧⲙⲙⲁⲩ·ⲛⲧⲁⲥⲫⲑⲟⲛⲉⲓⲉⲡⲡⲉⲧⲟⲩⲁⲁⲃⲓⲱⲥⲏⲫⲉⲓϣⲁϫⲉⲉⲧⲉⲥϩⲓⲙⲉⲛⲣⲙⲛⲕⲏⲙⲉ·
ⲙⲙⲟⲛⲙⲙⲟⲛⲙⲏⲅⲉⲛⲟⲓⲧⲟⲁⲗⲗⲁⲕⲱⲛⲁⲓⲉⲃⲟⲗⲱⲡⲗⲁⲟⲥ·ⲙⲙⲁⲓⲡⲉⲭⲣⲓⲥⲧⲟⲥ·
ⲓⲱⲥⲏⲫⲅⲁⲣⲉⲛⲉⲛⲧⲁϥⲛⲕⲟⲧⲕⲙⲛⲧⲣⲙⲛⲕⲏⲙⲉⲛⲉⲟⲩⲛⲟⲃⲉⲛⲁϥⲡⲉ·
ⲟⲩⲡⲟⲣⲛⲉⲓⲁⲅⲁⲣⲧⲉⲧϥⲛⲁⲁⲥⲉⲧⲃⲉⲡⲁⲓⲣⲱⲁϥϩⲁⲣⲉϩⲉⲡⲉϥⲥⲱⲙⲁⲉϥⲟⲩⲁⲁⲃⲙⲡⲛⲟⲩⲧⲉⲛⲧⲁϥⲧⲁⲙⲓⲟϥ·
ⲡⲡⲉⲧⲟⲩⲁⲁⲃⲇⲉⲛⲧⲟϥⲇⲏⲙⲏⲧⲣⲓⲟⲥⲉⲛⲉⲛⲧⲁϥⲛⲕⲟⲧⲕⲙⲛⲧⲉϥⲥϩⲓⲙⲉ·ⲛⲉⲙⲛⲛⲟⲃⲉⲉⲣⲟϥⲡⲉⲛⲧⲁⲩϣⲟⲛⲃⲟⲩⲙⲛⲛⲉⲩⲉⲣⲏⲩⲉⲃⲟⲗϩⲓⲧⲙⲡⲛⲟⲩⲧⲉ·
ⲁⲗⲗⲁⲡⲁⲛⲧⲱⲥⲕⲛⲁϫⲟⲟⲥϫⲉⲟⲩⲉⲡⲓⲥⲕⲟⲡⲟⲥⲡⲉ·ⲛⲉϣϣⲉⲁⲛⲉⲣⲟϥⲉϫⲓⲥϩⲓⲙⲉ·
ⲙⲡⲣϫⲟⲟⲥⲛⲧⲉⲓϩⲉⲱⲡⲥⲟⲛ·
ⲕⲁⲓⲅⲁⲣⲁⲛⲕⲁⲛⲱⲛⲉⲧⲟⲩⲁⲁⲃⲛⲛⲁⲡⲟⲥⲧⲟⲗⲟⲥϫⲟⲟⲥⲛϯϩⲉϫⲉⲉϣⲱⲡⲉⲟⲩⲁⲡⲉⲉⲟⲩⲛⲧⲁϥⲥϩⲓⲙⲉⲙⲙⲁⲩϩⲁⲧϩⲏⲙⲡⲁⲧϥⲣⲉⲡⲓⲥⲕⲟⲡⲟⲥ·ⲙⲛⲛⲥⲱⲥⲉϥϣⲁⲛⲣⲉⲡⲓⲥⲕⲟⲡⲟⲥⲛⲛϥⲉϣⲛⲟϫⲥⲉⲃⲟⲗⲁⲗⲗⲁⲙⲁⲣϥϭⲱⲛⲙⲙⲁⲥ·
ϣⲁⲣⲉⲡⲁⲡⲟⲥⲧⲟⲗⲟⲥⲉⲧⲟⲩⲁⲁⲃϫⲟⲟⲥϫⲉⲡⲅⲁⲙⲟⲥⲧⲁⲓⲏⲩϩⲛϩⲱⲃⲛⲓⲙⲁⲩⲱⲡⲙⲁⲛⲛⲕⲟⲧⲕⲧⲃⲃⲏⲩ·
ⲙⲡⲟⲣⲛⲟⲥⲙⲛⲛⲛⲟⲉⲓⲕⲛⲉⲧⲉⲣⲉⲡⲛⲟⲩⲧⲉⲛⲁⲕⲣⲓⲛⲉⲙⲙⲟⲟⲩ·
ⲡⲁⲓⲡⲉⲧⲟⲩⲁⲁⲃϭⲉⲁϥⲣⲡⲉⲧⲡⲉⲙⲡⲉⲛⲧⲁⲛϫⲟⲟϥ
ⲛⲧⲉⲣⲟⲩⲕⲁⲑⲓⲥⲧⲁⲟⲩⲛⲙⲙⲟϥⲉϫⲙⲡⲉⲑⲣⲟⲛⲟⲥⲛⲧⲉⲡⲓⲥⲕⲟⲡⲏⲟⲩⲁϣⲙⲙⲓⲛⲉⲡⲉⲡⲁⲓ
ⲙⲡⲣϯⲛⲁϥ
ⲁⲩⲱϣⲁϥϫⲟⲟⲥⲛⲁϥϫⲉⲡⲁϣⲏⲣⲉⲃⲱⲕⲥⲁϩⲱⲱⲕⲉⲃⲟⲗⲛⲁϣⲛⲛⲟⲃⲉⲉⲧⲉⲕⲉⲓⲣⲉⲙⲙⲟϥⲙⲛⲛⲥⲱⲥⲛⲅϫⲓⲉⲃⲟⲗϩⲛⲙⲙⲩⲥⲧⲏⲣⲓⲟⲛⲉⲧⲟⲩⲁⲁⲃ·
ⲛⲧⲉⲣⲉϥϭⲱⲟⲩⲛⲉϥⲙⲏⲛⲉⲃⲟⲗⲛⲧⲉⲓϩⲉⲁⲧⲡⲟⲗⲓⲥⲧⲏⲣⲥⲥⲁϩⲱⲱⲥⲉⲃⲟⲗⲛⲛⲛⲟⲃⲉ·ϩⲱⲥⲇⲉⲉⲃⲟⲗⲛⲛⲛⲟⲃⲉ·
ϩⲱⲥⲇⲉⲉⲣϣⲁⲛⲟⲩⲁⲛⲁⲩⲉⲟⲩⲁⲉϥⲉⲓⲣⲉⲛⲟⲩⲛⲟⲃⲉϣⲁϥϫⲡⲓⲟϥϫⲉⲥⲁϩⲱⲱⲕⲉⲃⲟⲗⲙⲡⲉⲓϩⲱⲃ·ⲙⲏⲡⲟⲧⲉⲛⲧⲉⲡⲁⲣⲭⲏⲉⲡⲓⲥⲕⲟⲡⲟⲥⲇⲓⲁⲧⲣⲉⲡⲉⲙⲙⲟⲕⲉⲣⲉⲡⲗⲁⲟⲥ·ⲧⲏⲣϥⲑⲉⲱⲣⲉⲓⲙⲙⲟⲕⲁⲩⲱϣⲁⲣⲉⲡⲉⲧⲙⲙⲁⲩⲣϩⲟⲧⲉⲛϥϭⲱ·
ϩⲓⲧⲛⲧⲉⲓⲁⲓⲧⲓⲁⲟⲩⲛϩⲁϩⲥⲁϩⲱⲟⲩⲉⲃⲟⲗⲉⲧⲙⲣⲛⲟⲃⲉ·
ⲡⲗⲏⲛϣⲁⲣⲉϩⲁϩⲛⲣⲉϥⲧⲱϩϫⲟⲟⲥϫⲉⲙⲏⲙⲛⲧⲏⲡⲁⲓⲧⲉϥⲥϩⲓⲙⲉⲙⲙⲁⲩ·ⲉϥϫⲱⲛⲛⲉⲓϣⲁϫⲉⲛϯϩⲉ·
ⲁⲩⲱⲛⲉⲩⲥⲕⲁⲛⲇⲁⲗⲓⲍⲉⲧⲏⲣⲟⲩ·ⲉⲣⲉⲟⲩⲕⲣⲙⲣⲙϣⲟⲟⲡⲉⲧⲃⲏⲏⲧϥⲉⲃⲟⲗϫⲉⲙⲡⲉⲣⲱⲙⲉϩⲙⲟⲟⲥⲉϫⲙⲡⲉⲑⲣⲟⲛⲟⲥⲛⲧⲙⲛⲧⲁⲣⲭⲏⲉⲡⲓⲥⲕⲟⲡⲟⲥϫⲓⲛⲙⲡϩⲁⲅⲓⲟⲥⲙⲁⲣⲕⲟⲥⲡⲉⲩⲁⲅⲅⲉⲗⲓⲥⲧⲏⲥ·ⲉⲓⲙⲏⲧⲓⲡⲁⲣⲑⲉⲛⲟⲥ·
ⲡⲗⲏⲛϣⲁⲣⲉϩⲟⲓⲛⲉⲛⲛⲉⲧⲛⲟⲉⲓⲛⲛⲉⲅⲣⲁⲫⲏϫⲟⲟⲥⲛⲛⲉⲧϫⲱⲛⲛⲉⲓϣⲁϫⲉϫⲉⲡⲅⲁⲙⲟⲥⲧⲁⲓⲏⲩϩⲛϩⲱⲃ·
ⲁⲩⲱⲡⲙⲁⲛⲛⲕⲟⲧⲕⲧⲃⲃⲏⲩ·
ⲁⲩⲱⲡⲛⲟⲩⲧⲉⲡⲉⲉⲛⲧⲁϥⲥⲟⲛⲧϥ·
ⲁϩⲣⲱⲧⲛⲉⲧⲉⲧⲛⲕⲣⲙⲣⲙⲉⲡⲁⲣⲭⲏⲉⲡⲓⲥⲕⲟⲡⲟⲥ·
ⲡⲗⲏⲛⲙⲡⲟⲩⲉϣⲡⲉⲓⲑⲉⲙⲙⲟⲟⲩ·ⲉⲩϫⲱⲙⲙⲟⲥϫⲉⲡⲙⲉϩⲙⲛⲧⲥⲛⲟⲟⲩⲥⲡⲉⲡⲁⲓ·ⲛⲧⲁϥϩⲙⲟⲟⲥⲉϫⲙⲡⲉⲑⲣⲟⲛⲟⲥⲛⲧⲙⲛⲧⲁⲣⲭⲏⲉⲡⲓⲥⲕⲟⲡⲟⲥⲁⲩⲱⲛⲥⲁⲡⲁⲓⲙⲁⲩⲁϥⲙⲛⲧⲏⲟⲩⲟⲛⲥϩⲓⲙⲉⲙⲙⲁⲩ·
ⲡⲛⲟⲩⲧⲉⲇⲉϩⲱⲱϥⲡⲁⲅⲁⲑⲟⲥⲡⲉⲧⲉⲛⲉϥⲟⲩⲱϣⲁⲛⲉⲧⲣⲉⲛⲉϥⲡⲉⲧⲟⲩⲁⲁⲃϭⲱⲉⲩϩⲏⲡⲁⲗⲗⲁⲁϥⲟⲩⲱϣⲉⲟⲩⲟⲛϩⲟⲩⲉⲃⲟⲗⲁⲩⲱⲛϥϫⲓⲉⲟⲟⲩⲉⲃⲟⲗϩⲓⲧⲟⲟⲧⲟⲩⲕⲁⲧⲁⲡⲉⲛⲧⲁϥϫⲟⲟϥϩⲙⲡⲉⲩⲁⲅⲅⲉⲗⲓⲟⲛϫⲉⲙⲉⲩϫⲉⲣⲉⲟⲩϩⲏⲃⲥⲛⲥⲉⲕⲁⲁϥϩⲁⲟⲩϣⲓⲁⲗⲗⲁⲉϣⲁⲩⲕⲁⲁϥⲉϫⲛⲧⲗⲩⲭⲛⲓⲁⲉⲧⲣⲉϥⲣⲟⲩⲟⲉⲓⲛⲉⲛⲉⲧϣⲟⲟⲡⲧⲏⲣⲟⲩϩⲙⲡⲏⲓ·
ⲁⲩⲱⲁϥϭⲗⲡⲡϩⲱⲃⲉⲃⲟⲗⲙⲡⲁⲣⲭⲏⲉⲡⲓⲥⲕⲟⲡⲟⲥⲉϥⲛⲕⲟⲧⲕⲛⲟⲩⲟⲩϣⲏ·
ⲉⲓⲥⲟⲩⲁⲅⲅⲉⲗⲟⲥⲛⲧⲉⲡⲛⲟⲩⲧⲉⲁϥⲟⲩⲱⲛϩⲛⲁϥⲉⲃⲟⲗⲡⲉϫⲁϥⲛⲁϥϫⲉⲇⲏⲙⲏⲧⲣⲓⲟⲥⲇⲏⲙⲏⲧⲣⲓⲟⲥⲙⲡⲣϣⲓⲛⲉⲛⲥⲁⲧⲉⲕⲛⲟϥⲣⲉⲙⲁⲩⲁⲁⲕ·ⲁⲗⲗⲁⲛⲥⲁⲡⲉⲧϩⲓⲧⲟⲩⲱⲕ·
ⲟⲛⲁⲩⲱⲛⲅⲣⲡⲙⲉⲉⲩⲉ·ⲙⲡⲉⲛⲧⲁⲡϫⲟⲉⲓⲥϫⲟⲟϥϩⲙⲡⲉⲩⲁⲅⲅⲉⲗⲓⲟⲛϫⲉⲡϣⲱⲥⲉⲧⲛⲁⲛⲟⲩϥϣⲁϥⲕⲁⲧⲉϥⲯⲩⲭⲏϩⲁⲛⲉϥⲉⲥⲟⲟⲩ·
ⲁϥⲟⲩⲱϣⲃⲛϭⲓⲡⲡⲉⲧⲟⲩⲁⲁⲃⲇⲏⲙⲏⲧⲣⲓⲟⲥⲡⲉϫⲁϥⲙⲡⲁⲅⲅⲉⲗⲟⲥϫⲉⲟⲩⲡⲉⲧϣⲟⲟⲡⲡⲁϫⲟⲉⲓⲥⲏⲟⲩⲡⲉⲧⲕⲟⲩⲉϩⲥⲁϩⲛⲉⲙⲙⲟϥⲛⲁⲓⲙⲏⲉⲕⲧⲛⲛⲟⲟⲩⲙⲙⲟⲓⲉⲩⲙⲛⲧⲙⲁⲣⲧⲩⲣⲟⲥϯⲥⲃⲧⲱⲧⲉⲡⲱϩⲧⲉⲃⲟⲗⲙⲡⲁⲥⲛⲟϥ·ϩⲁⲡⲣⲁⲛⲙⲡⲁϫⲟⲉⲓⲥⲓⲏⲥⲟⲩⲥⲡⲉⲭⲣⲓⲥⲧⲟⲥ·
ⲡⲉϫⲉⲡⲁⲅⲅⲉⲗⲟⲥⲛⲁϥϫⲉⲥⲱⲧⲙⲉⲣⲟⲓⲱⲇⲏⲙⲏⲧⲣⲓⲟⲥ
ⲛⲧⲁⲡⲉⲭⲣⲓⲥⲧⲟⲥⲣⲣⲱⲙⲉⲉⲃⲟⲗϫⲉⲉϥⲙⲉⲙⲙⲟⲛ·ⲁⲩⲱⲟⲛϫⲉⲉϥⲉⲧⲟⲩϫⲉⲡⲉϥⲗⲁⲟⲥ·
ⲧⲉⲛⲟⲩϭⲉⲛⲟⲩⲇⲓⲕⲁⲓⲟⲛⲡⲉⲉⲓⲣⲉⲕⲥⲕⲁⲛⲇⲁⲗⲓⲍⲉⲙⲡⲗⲁⲟⲥⲛⲧⲁⲡⲛⲟⲩⲧⲉⲕⲁⲑⲓⲥⲧⲁⲙⲙⲟⲕⲉϫⲱϥ·
ⲡⲉϫⲉⲡⲁⲣⲭⲏⲉⲡⲓⲥⲕⲟⲡⲟⲥⲙⲡⲁⲅⲅⲉⲗⲟⲥϫⲉⲡⲁϫⲟⲉⲓⲥⲙⲁⲧⲁⲙⲟⲓⲉⲡⲁⲛⲟⲃⲉⲛⲧⲁⲥⲁϩⲱⲓⲉⲃⲟⲗⲙⲙⲟϥ·
ⲡⲉϫⲉⲡⲁⲅⲅⲉⲗⲟⲥⲛⲁϥϫⲉⲡⲙⲩⲥⲧⲏⲣⲓⲟⲛⲉⲧϩⲛⲧⲉⲕⲙⲏⲏⲧⲉⲙⲛⲧⲉⲕⲥϩⲓⲙⲉⲟⲩⲟⲛϩϥⲉⲃⲟⲗⲙⲡⲗⲁⲟⲥⲧⲏⲣϥ·
ⲡⲉϫⲉⲇⲏⲙⲏⲧⲣⲓⲟⲥϫⲉϯⲥⲟⲡⲥⲡⲙⲙⲟⲕⲡⲁϫⲟⲉⲓⲥⲙⲁⲣⲓⲙⲟⲩⲙⲡⲉⲕⲙⲧⲟⲉⲃⲟⲗ·ⲟⲩⲙⲟⲛⲟⲛⲙⲡⲣⲧⲣⲉⲡⲁⲓϣⲱⲡⲉ·ⲟⲩⲇⲉⲙⲡⲣⲧⲣⲉⲣⲱⲙⲉⲉⲓⲙⲉⲉⲣⲟϥ·
ⲡⲉϫⲉⲡⲁⲅⲅⲉⲗⲟⲥⲛⲁϥϫⲉⲕⲥⲟⲟⲩⲛϩⲱⲱⲕⲱⲇⲏⲙⲏⲧⲣⲓⲟⲥⲙⲡⲉⲧⲥⲏϩϫⲉⲡⲁⲧⲥⲱⲧⲙⲛⲁϣⲱⲡⲉϩⲙⲡⲧⲁⲕⲟ·
ϣⲟⲣⲡⲕⲟⲩⲛⲉϩⲧⲟⲟⲩⲉ·
ⲙⲛⲛⲥⲁⲧⲣⲉⲕⲕⲱⲧⲥⲩⲛⲁⲝⲓⲥⲉⲃⲟⲗ·ⲥⲱⲟⲩϩⲉϩⲟⲩⲛⲙⲡⲉⲕⲗⲏⲣⲟⲥⲧⲏⲣϥⲙⲛⲛⲉⲫⲩⲗⲟⲡⲟⲛⲟⲥⲛⲅⲧⲁⲙⲟⲟⲩⲉⲡⲙⲩⲥⲧⲏⲣⲓⲟⲛⲉⲧϩⲛⲧⲉⲕⲙⲏⲏⲧⲉⲙⲛⲧⲉⲕⲥϩⲓⲙⲉ·
ⲛⲧⲉⲣⲉϥϫⲉⲛⲁⲓⲇⲉⲛⲁϥⲛϭⲓⲡⲁⲅⲅⲉⲗⲟⲥⲁϥϩⲟⲡϥⲉⲣⲟϥ·
ϩⲧⲟⲟⲩⲉⲇⲉⲛⲧⲉⲣⲉϥϣⲱⲡⲉⲛⲉⲡⲉϩⲟⲟⲩⲡⲉⲛⲧⲡⲉⲛⲧⲏⲕⲟⲥⲧⲏⲉⲧⲟⲩⲁⲁⲃⲁⲡⲁⲣⲭⲏⲉⲡⲓⲥⲕⲟⲡⲟⲥⲉⲓⲣⲉⲛⲟⲩⲕⲁⲑⲟⲗⲓⲕⲏⲥⲩⲛⲁⲝⲓⲥ·
ⲙⲡⲉϩⲟⲟⲩⲉⲧⲙⲙⲁⲩⲉⲁϥⲉⲝⲏⲅⲉⲥⲑⲁⲓⲉⲡⲗⲁⲟⲥϩⲛⲧⲉϥⲧⲁⲡⲣⲟⲉⲧⲟⲩⲁⲁⲃ·
ⲉⲓⲧⲁⲙⲛⲛⲥⲁⲡϫⲓⲉⲃⲟⲗϩⲛⲙⲙⲩⲥⲧⲏⲣⲓⲟⲛⲉⲧⲟⲩⲁⲁⲃⲛϥϫⲱⲕⲉⲃⲟⲗⲛⲧⲉϥⲗⲉⲓⲧⲟⲩⲣⲅⲓⲁ·
ⲁⲡⲁⲣⲭⲏⲉⲡⲓⲥⲕⲟⲡⲟⲥⲕⲉⲗⲉⲩⲉⲙⲡⲁⲣⲭⲏⲇⲓⲁⲕⲟⲛⲟⲥⲉⲧⲙⲕⲁⲗⲁⲁⲩⲉⲃⲱⲕϩⲙⲡⲗⲁⲟⲥⲧⲏⲣϥⲁⲗⲗⲁⲉⲧⲣⲉⲩⲥⲱⲟⲩϩⲉⲡⲥⲩⲛϩⲉⲇⲣⲓⲟⲛⲉϥϫⲱⲙⲙⲟⲥϫⲉⲡⲁⲣⲭⲏⲉⲡⲓⲥⲕⲟⲡⲟⲥⲡⲉⲧⲕⲉⲗⲉⲩⲉⲛⲏⲧⲛϫⲉⲙⲡⲣⲧⲣⲉⲗⲁⲁⲩⲙⲙⲱⲧⲛⲁⲛⲁⲭⲱⲣⲉⲓⲛⲁϥϫⲉⲟⲩⲛⲧⲁⲓⲟⲩϣⲁϫⲉⲉϫⲟⲟϥⲉⲣⲱⲧⲛ·
ⲛⲧⲉⲣⲟⲩϩⲙⲟⲟⲥⲇⲉϩⲙⲡⲥⲩⲛϩⲉⲇⲣⲓⲟⲛⲁⲡⲁⲣⲭⲏⲉⲡⲓⲥⲕⲟⲡⲟⲥⲟⲩⲉϩⲥⲁϩⲛⲉⲉⲧⲣⲉⲩⲥⲱⲟⲩϩⲉϩⲟⲩⲛⲛⲟⲩⲙⲏⲏϣⲉⲛϣⲓⲁϥⲧⲣⲉⲩⲉⲓⲛⲉⲛⲟⲩⲕⲱϩⲧⲁϥϫⲉⲣⲱⲟⲩ·
ⲡⲗⲁⲟⲥⲇⲉⲁϥⲣϣⲡⲏⲣⲉϫⲉⲟⲩⲡⲉⲡⲉⲓϩⲱⲃ·
ⲉⲓⲧⲁⲡⲉϫⲉⲡⲁⲡⲁⲥϫⲉⲧⲱⲟⲩⲛⲛⲧⲛϣⲗⲏⲗ
ⲛⲧⲉⲣⲟⲩϣⲗⲏⲗⲇⲉⲁⲩϩⲙⲟⲟⲥ·
ⲡⲉϫⲁϥⲛⲁⲩⲛϭⲓⲡⲁⲡⲁⲥϫⲉϯⲡⲁⲣⲁⲕⲁⲗⲉⲓⲛⲧⲉⲧⲛⲁⲅⲁⲡⲏϫⲉⲕⲁⲥⲉⲣⲉⲧⲉⲧⲛϩⲙϩⲁⲗⲉⲧⲉⲧⲁⲥϩⲓⲙⲉⲧⲉⲛⲁⲉⲓⲉⲃⲟⲗⲛⲥⲁⲡⲟⲗⲁⲩⲉⲙⲡⲉⲧⲛⲥⲙⲟⲩ·
ⲛⲧⲟⲟⲩⲇⲉⲁⲩⲣϣⲡⲏⲏⲣⲉⲁⲩⲱⲡⲉϫⲁⲩϫⲉϩⲱⲃⲛⲓⲙⲉⲧⲕⲛⲁⲕⲉⲗⲉⲩⲉⲙⲙⲟⲟⲩⲡⲉⲛⲉⲓⲱⲧⲙⲁⲣⲟⲩϣⲱⲡⲉ·
ⲡⲁⲣⲭⲏⲉⲡⲓⲥⲕⲟⲡⲟⲥⲇⲉⲁϥⲙⲟⲩⲧⲉⲉⲟⲩⲁⲛⲛⲉϥϩⲙϩⲁⲗⲡⲉϫⲁϥⲛⲁϥϫⲉⲃⲱⲕⲛⲅⲙⲟⲩⲧⲉⲉⲧϩⲙϩⲁⲗⲛⲛⲉⲓⲡⲉⲧⲟⲩⲁⲁⲃⲉⲧⲉⲧⲁⲥϩⲓⲙⲉⲧⲉ·
ⲧⲉⲥϩⲓⲙⲉⲇⲉⲉⲧⲟⲩⲁⲁⲃⲛⲧⲉⲣⲉⲥⲥⲱⲧⲙⲁⲥⲉⲓⲉⲧⲙⲏⲏⲧⲉⲛⲛⲉⲥⲛⲏⲩ·
ⲁⲡⲁⲣⲭⲏⲉⲡⲓⲥⲕⲟⲡⲟⲥⲧⲱⲟⲩⲛⲉⲩϭⲱϣⲧⲛⲥⲱϥⲧⲏⲣⲟⲩⲁϥⲁϩⲉⲣⲁⲧϥϩⲓϫⲛⲛϫⲃⲃⲥⲛⲥⲁⲧⲉⲉⲧⲙⲟⲩϩⲁϥⲥⲟⲟⲩⲧⲛⲙⲡⲉϥⲫⲓⲗⲟⲛⲓⲟⲛⲉⲃⲟⲗⲁϥϥⲓⲛϩⲉⲛϫⲃⲃⲥⲉⲩⲙⲟⲩϩϩⲛⲛⲉϥϭⲓϫⲁϥⲛⲟϫⲟⲩⲉⲡⲉϥⲫⲓⲗⲟⲛⲓⲟⲛ·
ⲛⲉⲥⲛⲏⲩⲇⲉⲧⲏⲣⲟⲩⲉⲧϩⲙⲟⲟⲥϩⲙⲡⲥⲩⲛϩⲉⲇⲣⲓⲟⲛⲁⲩⲣϣⲡⲏⲣⲉ·ⲉⲧⲃⲉⲧⲁϣⲉⲛⲛϫⲃⲃⲉⲥϫⲉⲙⲡⲉⲡⲉϥⲫⲓⲗⲟⲛⲓⲟⲛⲣⲱⲕϩ·
ⲉⲓⲧⲁⲡⲉϫⲁϥⲛⲧⲉϥⲥϩⲓⲙⲉϫⲉⲥⲟⲟⲩⲧⲛⲉⲃⲟⲗⲙⲡⲟⲩⲫⲓⲗⲟⲛⲓⲟⲛⲙⲛⲡⲟⲩⲣϣⲱⲛ·
ⲡⲡⲉⲧⲟⲩⲁⲁⲃⲇⲉⲁϥⲡⲱⲱⲛⲉⲛⲛϫⲃⲃⲥⲉⲡⲉⲥⲣϣⲱⲛⲁⲥϭⲱϩⲱⲱⲥⲉⲥⲁϩⲉⲣⲁⲧⲥϩⲁϩⲧⲏϥϩⲛⲧⲙⲏⲏⲧⲉⲙⲡⲕⲱϩⲧⲙⲡⲉⲥⲣⲱⲕϩⲟⲩⲇⲉⲡⲉⲥⲣϣⲱⲛ·
ⲡⲁⲣⲭⲏⲉⲡⲓⲥⲕⲟⲡⲟⲥⲇⲉⲡⲉϫⲁϥⲙⲡⲙⲉϩⲥⲡⲥⲛⲁⲩϫⲉⲙⲁⲣⲛϣⲗⲏⲗⲁⲩⲱⲛϫⲃⲃⲥⲛⲕⲱϩⲧⲛⲉⲩϩⲙⲡⲉⲥⲣϣⲱⲛⲙⲡⲉϥⲣⲱⲕϩ·
ⲥⲱⲧⲙⲛⲧⲉⲧⲛⲣϣⲡⲏⲣⲉⲛⲙⲙⲁⲓⲱⲛⲁⲙⲉⲣⲁⲧⲉ·
ⲉⲡⲉⲓⲇⲏⲁⲓϫⲟⲟⲥϫⲉⲉⲣϣⲁⲛⲡⲣⲱⲙⲉⲁⲁϥⲛⲥⲓⲟⲩⲣⲙⲙⲓⲛⲙⲙⲟϥ·ⲉϥⲧⲁⲓⲏⲩⲡⲁⲣⲁⲡⲉⲧⲟⲩⲛⲁϫⲡⲟϥⲉϥⲟⲛⲥⲓⲟⲩⲣ·
ⲉⲧⲃⲉⲡⲁⲓⲣⲱⲙⲡⲉⲛⲉⲓⲡⲉⲧⲟⲩⲁⲁⲃⲣⲱⲕϩϫⲉⲁⲩⲟⲩⲱϣⲙⲙⲡϣⲁϩⲙⲡⲕⲱϩⲧⲛⲧϩⲏⲇⲟⲛⲏ·
ⲉⲓⲧⲁϫⲉⲛⲛⲉⲛϫⲱⲱⲣⲉⲉⲃⲟⲗⲙⲡϣⲁϫⲉ⁛—
ⲙⲁⲣⲛⲕⲧⲟⲛⲛⲧⲛϫⲱⲕⲉⲃⲟⲗⲛⲧϩⲓⲥⲧⲟⲣⲓⲁⲉⲩⲉⲟⲟⲩⲙⲡⲛⲟⲩⲧⲉ·
ⲛⲧⲉⲣⲟⲩϣⲗⲏⲗⲇⲉⲁⲩϩⲙⲟⲟⲥ·
ⲡⲉϫⲉⲛⲉⲕⲗⲏⲣⲓⲕⲟⲥⲙⲡⲁⲣⲭⲏⲉⲡⲓⲥⲕⲟⲡⲟⲥϫⲉⲧⲛⲡⲁⲣⲁⲕⲁⲗⲉⲓⲛⲧⲉⲕⲙⲛⲧⲡⲉⲧⲟⲩⲁⲁⲃⲉⲧⲣⲉⲕⲧⲁⲙⲟⲛϫⲉⲟⲩⲡⲉⲡⲉⲓⲧⲩⲡⲟⲥⲛⲧⲁⲕⲁⲁϥϫⲉⲁⲛⲣϣⲡⲏⲣⲉⲧⲏⲣⲛⲉϩⲣⲁⲓⲉϫⲙⲡϩⲱⲃ·
ⲛⲧⲟϥⲇⲉⲡⲉϫⲁϥⲛⲁⲩϫⲉⲥⲱⲧⲙⲉⲣⲟⲓⲛⲧⲁⲧⲁⲙⲱⲧⲛⲛⲧⲁⲣⲡⲁⲓⲅⲁⲣⲁⲛ·ⲉⲓϣⲓⲛⲉⲛⲥⲁⲟⲩⲉⲟⲟⲩⲛⲣⲱⲙⲉ·
ⲁⲛⲟⲕⲅⲁⲣϯϩⲛⲥⲉⲝⲛⲣⲟⲙⲡⲉⲙⲡϩⲟⲟⲩ·
ⲁⲩⲱⲧⲉⲥϩⲓⲙⲉⲉⲧⲉⲧⲛⲛⲁⲩⲉⲣⲟⲥⲧⲁϣⲛⲟⲩⲁⲧⲉ·
ⲁⲡⲉⲥⲉⲓⲱⲧⲙⲟⲩⲉⲧⲓⲉⲥⲟⲛⲕⲟⲩⲓⲉⲁⲡⲥⲟⲛⲙⲡⲉⲥⲉⲓⲱⲧⲉⲧⲉⲡⲁⲉⲓⲱⲧⲡⲉⲛⲧⲥⲉϩⲟⲩⲛϩⲁϩⲧⲏⲛⲉⲛⲉⲟⲩϣⲉⲉⲣⲉⲅⲁⲣⲛⲟⲩⲱⲧⲧⲉⲛⲧϩⲉⲛⲁⲛⲟⲕⲉⲁⲛⲅⲟⲩⲁϩⲱⲉⲁⲩⲥⲁⲛⲟⲩϣⲛϩⲓⲟⲩⲥⲟⲡϩⲛⲟⲩⲙⲁⲛⲟⲩⲱⲧ·
ⲛⲧⲉⲣⲉⲓⲣⲙⲛⲧⲏⲇⲉⲛⲣⲟⲙⲡⲉⲁⲛⲁⲉⲓⲟⲧⲉⲟⲩⲱϣⲉϩⲟⲧⲣⲧⲛⲙⲙⲁⲥ·
ϣⲟⲣⲡⲙⲉⲛϫⲉⲁⲛⲟⲛⲛⲉⲥⲛⲏⲩⲛⲛⲉⲛⲉⲣⲏⲩⲙⲛⲛⲥⲱⲥⲇⲉⲟⲛⲕⲁⲧⲁⲧⲙⲛⲧϣⲟⲩϣⲟⲙⲡⲉⲓⲕⲟⲥⲙⲟⲥ·ϫⲉⲛⲛⲉⲣⲱⲙⲉⲛϣⲙⲙⲟⲉⲓⲉϩⲟⲩⲛⲛⲙⲙⲁⲛⲛϥϫⲓⲗⲁⲁⲩϩⲛⲧⲉⲛⲕⲗⲏⲣⲟⲛⲟⲙⲓⲁ·
ⲛⲧⲉⲣⲟⲩⲣⲧⲉⲛϣⲉⲗⲉⲉⲧⲇⲉⲕⲁⲧⲁⲡⲉⲧⲡⲣⲉⲡⲉⲓⲛⲛⲣⲱⲙⲉⲁⲩⲧⲟϣⲧⲉⲧⲣⲁⲃⲱⲕⲉϩⲟⲩⲛϣⲁⲣⲟⲥ·
ⲛⲧⲉⲣⲛⲛⲕⲟⲧⲕⲇⲉⲡⲉϫⲁⲥⲛⲁⲓϫⲉⲡⲁⲥⲟⲛⲙⲏϣⲁⲣⲉⲥⲟⲛϫⲓⲥⲱⲛⲉ·
ⲁⲛⲟⲕⲇⲉⲡⲉϫⲁⲓⲛⲁⲥϫⲉⲙⲙⲟⲛ·
ⲛⲧⲟⲥⲇⲉⲡⲉϫⲁⲥⲛⲁⲓϫⲉⲉⲧⲃⲉⲟⲩⲁⲩⲧⲁⲁⲛⲛⲛⲉⲛⲉⲣⲏⲩⲙⲏⲁⲛⲅⲧⲉⲕⲥⲱⲛⲉⲁⲛ·
ⲁⲛⲟⲕⲇⲉⲡⲉϫⲁⲓⲛⲁⲥϫⲉⲉⲣϣⲁⲛⲥⲱⲧⲙⲛⲥⲱⲓⲧⲁⲥⲱⲛⲉ·ⲧⲛⲛⲁϣⲱⲡⲉϩⲙⲡⲙⲁⲉⲧⲉⲙⲉⲩⲡⲟⲣϫⲛⲉⲛⲉⲛⲉⲣⲏⲩⲛϩⲏⲧϥϣⲁⲉⲛⲉϩ·
ⲁⲗⲗⲁⲉⲓϣⲁⲛϫⲓⲧⲉϩⲙⲡⲉⲓⲙⲁ·ⲥⲉⲛⲁⲡⲟⲣϫⲧⲉⲣⲟⲁⲩⲱⲛⲥⲉⲡⲟⲣϫⲉⲉⲣⲟⲓϩⲓⲧⲙⲡⲙⲟⲩ·
ⲉϣⲱⲡⲉⲇⲉϩⲱⲱϥⲉⲛϣⲁⲛϩⲁⲣⲉϩⲉⲡⲉⲛⲥⲱⲙⲁⲉⲩⲟⲩⲁⲁⲃϩⲙⲡⲧⲃⲃⲟⲧⲛⲛⲁⲥⲛⲛⲉⲛⲉⲣⲏⲩⲉⲃⲟⲗⲁⲛϩⲛⲧϩⲓⲉⲣⲟⲩⲥⲁⲗⲏⲙⲛⲧⲡⲉ·
ⲛⲧⲉⲣⲉⲥⲥⲱⲧⲙⲇⲉⲉⲛⲉⲓϣⲁϫⲉⲉⲃⲟⲗϩⲓⲧⲟⲟⲧⲁⲛⲥⲙⲛⲧⲥⲙⲛⲛⲉⲛⲉⲣⲏⲩⲉⲧⲣⲉⲛϩⲁⲣⲉϩⲉⲛⲉⲛⲥⲱⲙⲁⲉⲩⲟⲛⲁⲧⲧⲱⲗⲙ·
ⲛⲁⲉⲓⲟⲧⲉⲇⲉⲙⲡⲟⲩⲉⲓⲙⲉⲉⲡϣⲁϫⲉ·
ⲁⲗⲗⲁϣⲁⲩϫⲟⲟⲥⲛⲛⲣⲱⲙⲉⲉⲧϩⲛⲡⲛⲩⲙⲫⲱⲛⲉⲧⲣⲉⲩⲉⲓⲛⲉⲙⲡⲉⲥⲙⲟⲧⲛⲧⲙⲛⲧⲣⲟⲟⲩⲛⲉⲛⲧϣⲉⲗⲉⲉⲧⲕⲁⲧⲁⲧϩⲉⲧⲉⲧⲛⲥⲟⲟⲩⲛⲉⲛⲉϩⲃⲏⲩⲉⲉϣⲁⲣⲉⲛⲣⲱⲙⲉⲁⲁⲩ·
ⲛⲁⲓⲇⲉϩⲱⲟⲩⲉⲩⲉⲡⲉⲓⲑⲉⲛⲛⲉⲛⲉⲓⲟⲧⲉϫⲉϩⲉⲛϣⲏⲣⲉϣⲏⲙⲛⲉ·
ϩⲓⲧⲛⲛⲉⲓϣⲁϫⲉⲇⲉⲁⲛⲉⲛⲉⲓⲟⲧⲉϭⲱⲉⲧⲙϣⲓⲛⲉⲛⲥⲱⲛ·
ⲛⲧⲉⲣⲟⲩⲙⲟⲩⲇⲉⲛϭⲓⲛⲉⲛⲉⲓⲟⲧⲉ·ⲁⲛϭⲱⲙⲛⲛⲉⲛⲉⲣⲏⲩⲉⲛⲟⲛⲟⲣⲫⲁⲛⲟⲥ·
ⲡⲉⲓϣⲟⲙⲛⲧϭⲉⲛϣⲏⲣⲉⲛⲧⲁⲛⲕⲁⲁⲩⲛⲁⲛⲡⲛⲟⲩⲧⲉⲛⲧⲁϥⲧⲟϣⲟⲩⲙⲛⲛⲉⲛⲉⲣⲏⲩ·
ⲁⲩⲱⲡⲉⲡⲣⲏϣⲛⲟⲩⲱⲧⲡⲉⲧϩⲟⲃⲥⲉⲃⲟⲗⲉϫⲱⲛⲙⲡⲉⲥⲛⲁⲩⲙⲛⲛⲉⲛⲉⲣⲏⲩⲉⲓⲙⲏⲧⲓⲡⲛⲁⲩⲉϣⲁⲣⲉⲧⲉⲥϩⲓⲙⲉⲡⲱⲣϫⲉⲃⲟⲗⲙⲡϩⲟⲟⲩⲧ·
ⲁⲩⲱⲡϫⲟⲉⲓⲥⲡⲉⲧⲥⲟⲟⲩⲛⲡⲁⲓⲉⲧⲛⲁⲕⲣⲓⲛⲉⲛⲛⲉⲧⲟⲛϩⲙⲛⲛⲉⲧⲙⲟⲟⲩⲧ·
ⲁⲩⲱⲉϥⲥⲟⲟⲩⲛⲛⲛⲉⲧϩⲏⲡⲙⲡϩⲏⲧ·ϫⲉⲛϯⲥⲟⲟⲩⲛⲁⲛϫⲉⲟⲩⲥϩⲓⲙⲉⲧⲉⲟⲩⲇⲉⲛⲧⲟⲥϩⲱⲱⲥⲛⲉⲥⲥⲟⲟⲩⲛⲁⲛ·ϫⲉⲁⲛⲅⲟⲩϩⲟⲟⲩⲧⲉⲓⲙⲏⲧⲓⲉⲡϩⲟⲙⲙⲁⲧⲉⲛⲛⲉⲛⲉⲣⲏⲩ·
ⲧⲕⲟⲓⲛⲟⲛⲓⲁⲇⲉⲙⲙⲁⲛⲛⲕⲟⲧⲕⲉⲡⲁⲡⲉⲓⲕⲟⲥⲙⲟⲥ·ⲛϯⲛⲥⲟⲟⲩⲛⲙⲙⲟⲥⲁⲛⲉⲡⲧⲏⲣϥ·
ⲙⲡⲛⲁⲩⲙⲉⲛⲉϣⲁⲛⲛⲕⲟⲧⲕⲙⲛⲛⲉⲛⲉⲣⲏⲩϣⲁⲛⲛⲁⲩⲉⲩⲍⲱⲟⲛⲛⲧϩⲉⲛⲟⲩⲁⲉⲧⲟⲥⲉϥϩⲏⲗϣⲁϥⲉⲓⲛϥϩⲱⲥⲉⲃⲟⲗⲉϫⲙⲡⲉⲛⲙⲁⲛⲛⲕⲟⲧⲕⲙⲡⲉⲥⲛⲁⲩ·
ⲁⲛⲟⲕⲙⲉⲛϣⲁϥϩⲱⲥⲙⲙⲟⲓϩⲙⲡⲉϥⲧⲛϩⲛⲟⲩⲛⲁⲙ·
ⲧⲁⲓⲇⲉϩⲱⲱⲥⲛϥϩⲱⲃⲥⲙⲙⲟⲥϩⲙⲡⲉϥⲧⲛϩⲛϩⲛϩⲃⲟⲩⲣ

ANNIS Metadata

annotation: Amir Zeldes
attributed_author: Flavianus of Ephesus
author: unknown
collection: Oriental Manuscripts
Coptic_edition: Budge 1914
corpus: pseudo.flavianus
country: Egypt
document_cts_urn: urn:cts:copticLit:psflavianus.encomium.budge:1-23
entities: gold
identities: gold
idno: Or. 6783 ff. 30b-38a
language: Sahidic Coptic
license: CC-BY 4.0
msItem_title: Encomium on Demetrius Archbishop of Alexandria
msName: MERC.AT
next: urn:cts:copticLit:psflavianus.encomium.budge:24-42
note: Coptic SCRIPTORIUM's edition includes only Budge's transcription of the manuscript. It is not a diplomatic transcription based on reading and collation of the original manuscript. The translation is Budge's with very slight modifications. The manuscript dates are taken from PAThs.
objectType: codex
order: 01
origDate: 1051
origDate_notAfter: 1100
origDate_notBefore: 1003
origDate_precision: medium
origPlace: St. Mercurius Monastery
pages_from: 60
pages_to: 75
parsing: gold
paths_authors: 50
paths_manuscripts: 195
paths_works: 155
people: David; Goliath; Jeremiah; Jesus; Jews; Joseph (Genesis); Mark the Evangelist; Moses; Peter I of Alexandria; Pope Demetrius I of Alexandria; Pope Julian of Alexandria
placeName: Edfu
places: Alexandria; Antioch; Ephesus; New Jerusalem
project: Coptic SCRIPTORIUM, Marcion
redundant: no
repository: British Library
segmentation: gold
source: Marcion project, Archive.org
tagging: gold
title: Encomium on Demetrius Archbishop of Alexandria part 1
translation: E. A. Wallis Budge
Trismegistos: none
version_date: 2024-10-31
version_n: 6.0.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:psflavianus.encomium.budge:1-23. [version number], [date]. https://data.copticscriptorium.org/urn:cts:copticLit:psflavianus.encomium.budge:1-23.

Subsequent citations:

Author, Ancient title (abbreviated) [chapter.verse if available], urn:cts:copticLit:psflavianus.encomium.budge:1-23.

Document Edition: urn:cts:copticLit:psflavianus.encomium.budge:1-23

Work: urn:cts:copticLit:psflavianus.encomium

Text Group: urn:cts:copticLit:psflavianus

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:psflavianus.encomium.budge:1-23/norm/html

Analytic Visualization HTML: https://data.copticscriptorium.org/urn:cts:copticLit:psflavianus.encomium.budge:1-23/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:psflavianus.encomium.budge:1-23/tei/xml

Paula XML: https://data.copticscriptorium.org/urn:cts:copticLit:psflavianus.encomium.budge:1-23/paula/xml

relANNIS: https://data.copticscriptorium.org/urn:cts:copticLit:psflavianus.encomium.budge:1-23/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:psflavianus.encomium.budge:1-23/annis