Pistis Sophia Book 1 Part 5
normalized analytic TEI ANNIS PAULA Search ANNIS
Previous Next

Normalized Text

ⲡⲉⲕⲧⲱϣ·ⲁⲩⲱⲙⲛⲡⲉⲕⲟⲩⲉϩⲥⲁϩⲛⲉ·ⲁⲩⲱⲡⲉⲕⲧⲱϣⲡⲉⲉⲧⲣⲁϣⲱⲡⲉϩⲛⲛⲁⲓⲁⲡⲉⲕⲧⲱϣⲛⲧⲉⲡⲉⲥⲏⲧⲁⲩⲱⲁⲓⲉⲓⲡⲉⲥⲏⲧ.ⲛⲧϩⲉⲛⲟⲩϭⲟⲙⲛⲧⲉⲡⲉⲭⲁⲟⲥ·ⲁⲩⲱⲁⲧⲁϭⲟⲙⲱϭⲣϩⲣⲁⲓⲛϩⲏⲧ·
ⲛⲧⲟⲕⲇⲉⲡϫⲟⲉⲓⲥⲛⲧⲕⲟⲩⲟⲉⲓⲛⲛϣⲁⲉⲛⲉϩ·ⲁⲩⲱϣⲁⲕϭⲙⲡϣⲓⲛⲉⲛⲛⲉⲧϩⲏϫⲛⲟⲩⲟⲉⲓϣⲛⲓⲙ·ⲧⲉⲛⲟⲩϭⲉⲡⲟⲩⲟⲉⲓⲛⲧⲱⲟⲩⲛⲛⲅϣⲓⲛⲉⲛⲥⲁⲧⲁϭⲟⲙⲙⲛⲧⲉⲯⲩⲭⲏⲉⲧⲛϩⲏⲧ·
ⲁϥϫⲱⲕⲉⲃⲟⲗⲛϭⲓⲛⲉⲕⲧⲱϣⲉⲛⲧⲁⲕⲧⲟϣϥⲉⲣⲟⲓϩⲛⲛⲁⲑⲗⲓⲯⲓⲥ.ⲁⲡⲁⲟⲩⲟⲉⲓϣϣⲱⲡⲉⲉⲧⲣⲉⲕϣⲓⲛⲉⲛⲥⲁⲧⲁϭⲟⲙⲙⲛⲧⲁⲯⲩⲭⲏⲁⲩⲱⲡⲁⲓⲡⲉⲡⲉⲟⲩⲟⲉⲓϣⲉⲛⲧⲁⲕⲧⲟϣϥⲉϣⲓⲛⲉⲛⲥⲱⲓϫⲉⲁⲡⲉⲕⲣⲉϥⲥⲱⲧⲉϣⲓⲛⲉⲛⲥⲁⲧϭⲟⲙⲉⲧϩⲛⲧⲁⲯⲩⲭⲏϫⲉⲁϥϫⲱⲕⲉⲃⲟⲗⲛϭⲓⲡⲁⲣⲓⲑⲙⲟⲥⲁⲩⲱⲉⲧⲣⲉⲩⲛⲟⲩϩⲙⲛⲧⲉⲥⲕⲉϩⲩⲗⲏ·ⲁⲩⲱⲧⲟⲧⲉⲙⲡⲉⲟⲩⲟⲉⲓϣⲉⲧⲙⲙⲁⲩⲛⲁⲣⲭⲱⲛⲧⲏⲣⲟⲩⲛⲛⲁⲓⲱⲛⲛϩⲩⲗⲓⲕⲟⲛ.
ⲥⲉⲛⲁⲣϩⲟⲧⲉϩⲏⲧϥⲙⲡⲉⲕⲟⲩⲟⲉⲓⲛ·ⲁⲩⲱⲛⲉⲡⲣⲟⲃⲟⲗⲟⲟⲩⲉⲧⲏⲣⲟⲩⲙⲡⲙⲉϩⲙⲛⲧϣⲟⲙⲧⲉⲛⲛⲁⲓⲱⲛⲛϩⲩⲗⲓⲕⲟⲥⲉⲛⲁⲣϩⲟⲧⲉϩⲏⲧϥⲙⲡⲙⲩⲥⲧⲏⲣⲓⲟⲛⲛⲧⲉⲡⲉⲕⲟⲩⲟⲉⲓⲛⲉⲧⲣⲉⲛⲕⲟⲟⲩⲉϯϩⲓⲱⲟⲩⲙⲡⲥⲱⲧϥⲙⲡⲉⲩⲟⲩⲟⲉⲓⲛ·ϫⲉⲡϫⲟⲉⲓⲥⲛⲁϣⲓⲛⲉⲛⲥⲁⲧϭⲟⲙⲛⲧⲉⲧⲙⲯⲩⲭⲏ·
ⲁϥⲟⲩⲱⲛϩⲉⲃⲟⲗⲙⲡⲉϥⲙⲩⲥⲧⲏⲣⲓⲟⲛϫⲉⲉϥⲛⲁϭⲱϣⲧⲉⲧⲙⲉⲧⲁⲛⲟⲓⲁⲛⲧⲉⲛⲉⲧϣⲱⲱⲡϩⲛⲛⲧⲟⲡⲟⲥⲙⲡⲉⲥⲏⲧ·ⲁⲩⲱⲙⲡϥⲕⲱⲛⲥⲱϥⲛⲧⲉⲩⲙⲉⲧⲁⲛⲟⲓⲁ·
ⲡⲁⲓϭⲉⲡⲉⲡⲙⲩⲥⲧⲏⲣⲓⲟⲛⲉⲧⲙⲙⲁⲩⲡⲁⲓⲉⲛⲧⲁϥϣⲱⲡⲉⲛⲧⲩⲡⲟⲥⲉⲧⲃⲉⲡⲅⲉⲛⲟⲥⲉⲧⲟⲩⲛⲁϫⲡⲟϥ·ⲁⲩⲱⲡⲅⲉⲛⲟⲥⲉⲧⲟⲩⲛⲁϫⲡⲟϥⲛⲁϩⲩⲙⲛⲉⲩⲉⲉⲡϫⲓⲥⲉ·ϫⲉⲁⲡⲟⲩⲟⲉⲓⲛϭⲱϣⲧⲉⲃⲟⲗϩⲙⲡϫⲓⲥⲉⲙⲡⲉϥⲟⲩⲟⲉⲓⲛ·ϥⲛⲁϭⲱϣⲧⲉϩⲣⲁⲓⲉϫⲛⲧϩⲩⲗⲏⲧⲏⲣⲥ·ⲉⲥⲱⲧⲙⲉⲡⲁϣⲁϩⲟⲙⲛⲛⲉⲧⲙⲏⲣ·ⲉⲃⲱⲗⲉⲃⲟⲗⲛⲧϭⲟⲙⲛⲛⲉⲯⲩⲭⲟⲟⲩⲉⲛⲉⲛⲧⲁⲩⲙⲟⲩⲣⲛⲧⲉⲩϭⲟⲙ·ⲉⲧⲣⲉϥⲕⲱⲙⲡⲉϥⲣⲁⲛϩⲛⲧⲉⲯⲩⲭⲏ·ⲁⲩⲱⲡⲉϥⲙⲩⲥⲧⲏⲣⲓⲟⲛϩⲣⲁⲓϩⲛⲧϭⲟⲙ·
ⲍⲁⲥϣⲱⲡⲉⲇⲉⲉⲣⲉⲓⲏⲥⲟⲩⲥϫⲱⲛⲛⲉⲓϣⲁϫⲉⲉⲛⲉϥⲙⲁⲑⲏⲧⲏⲥⲉϥϫⲱⲙⲙⲟⲥⲛⲁⲩϫⲉⲧⲁⲓⲧⲉⲧⲙⲉϩϥⲧⲟⲙⲙⲉⲧⲁⲛⲟⲓⲁ·ⲉⲛⲧⲁⲥϫⲟⲟⲥⲛϭⲓⲧⲡⲓⲥⲧⲓⲥⲥⲟⲫⲓⲁ·
ⲧⲉⲛⲟⲩϭⲉⲡⲉⲧⲛⲟⲉⲓ.ⲙⲁⲣⲉϥⲛⲟⲉⲓ·ⲁⲥϣⲱⲡⲉϭⲉⲛⲧⲉⲣⲉⲓⲏⲥⲟⲩⲥϫⲱⲛⲛⲉⲓϣⲁϫⲉ.
ⲁϥⲉⲓⲉⲧϩⲏⲛϭⲓⲓⲱϩⲁⲛⲛⲏⲥⲁϥⲟⲩⲱϣⲧⲉⲧⲙⲉⲥⲧⲛϩⲏⲧⲛⲓⲏⲥⲟⲩⲥⲡⲉϫⲁϥϫⲉⲡⲁϫⲟⲉⲓⲥ·ⲕⲉⲗⲉⲩⲉⲛⲁⲓϩⲱⲁⲩⲱⲥⲩⲅⲭⲱⲣⲉⲓⲛⲁⲓⲉⲧⲣⲁϫⲱⲙⲡⲃⲱⲗⲛⲧⲙⲉϩϥⲧⲟⲙⲙⲉⲧⲁⲛⲟⲓⲁ·ⲧⲁⲓⲉⲛⲧⲁⲥϫⲟⲟⲥⲛϭⲓⲧⲡⲓⲥⲧⲓⲥⲥⲟⲫⲓⲁ·
ⲡⲉϫⲉⲓⲏⲥⲟⲩⲥⲛⲓⲱϩⲁⲛⲛⲏⲥϫⲉϯⲕⲉⲗⲉⲩⲉⲛⲁⲕ·ⲁⲩⲱϯⲥⲩⲅⲭⲱⲣⲓⲛⲁⲕⲉⲧⲣⲉⲕϫⲱⲙⲡⲃⲱⲗⲛⲧⲙⲉⲧⲁⲛⲟⲓⲁⲉⲛⲧⲁⲥϫⲟⲟⲥⲛϭⲓⲧⲡⲓⲥⲧⲓⲥⲥⲟⲫⲓⲁ·
ⲍⲁϥⲟⲩⲱϣⲃⲛϭⲓⲓⲱϩⲁⲛⲛⲏⲥⲡⲉϫⲁϥϫⲉⲡⲁϫⲟⲉⲓⲥⲡⲥⲱⲧⲏⲣⲉⲧⲃⲉⲧⲉⲓⲙⲉⲧⲁⲛⲟⲓⲁⲉⲛⲧⲁⲥϫⲟⲟⲥⲛϭⲓⲧⲡⲓⲥⲧⲓⲥⲥⲟⲫⲓⲁ.
ⲁⲥⲡⲣⲟⲫⲏⲧⲉⲩⲉⲙⲡⲓⲟⲩⲟⲉⲓϣⲉⲧⲃⲏⲏⲧⲥⲛϭⲓⲧⲉⲕϭⲟⲙⲛⲟⲩⲟⲉⲓⲛⲉⲧϩⲛⲇⲁⲩⲉⲓⲇ·ϩⲙⲡⲙⲉϩϣⲉⲟⲩⲁⲙⲯⲁⲗⲙⲟⲥϫⲉⲡϫⲟⲉⲓⲥⲥⲱⲧⲙⲉⲡⲁϣⲗⲏⲗ·ⲁⲩⲱⲙⲁⲣⲉⲡⲁϩⲣⲟⲟⲩⲉⲓϣⲁⲣⲟⲕ·ⲙⲡⲣⲕⲧⲉⲡⲉⲕϩⲟⲛⲥⲁ‐ⲃⲟⲗⲙⲙⲟⲓ·
ⲣⲉⲕⲧⲡⲉⲕⲙⲁⲁϫⲉⲉⲣⲟⲓⲙⲡⲉϩⲟⲟⲩⲉϯⲛⲁⲑⲗⲓⲃⲉ·ϭⲉⲡⲏⲥⲱⲧⲙⲉⲣⲟⲓϩⲙⲡⲉϩⲟⲟⲩⲉϯⲛⲁⲱϣⲉϩⲣⲁⲓⲉⲣⲟⲕ·ϫⲉⲁⲛⲁϩⲟⲟⲩⲱϫⲛⲛⲧϩⲉⲛⲟⲩⲕⲁⲡⲛⲟⲥⲁⲩⲱⲁⲛⲁⲕⲉⲉⲥϭⲱϭⲛⲧϩⲉⲛⲟⲩⲱⲛⲉ·ⲁⲉⲓⲱϭⲉⲛⲧϩⲉⲛⲟⲩⲭⲟⲣⲧⲟⲥ·ⲁⲩⲱⲁⲡⲁϩⲏⲧϣⲟⲟⲩⲉ.ϫⲉⲁⲓⲣⲡⲱⲃϣⲉⲟⲩⲱⲙⲙⲡⲁⲟⲉⲓⲕ·ⲉⲃⲟⲗϩⲙⲡⲉϩⲣⲟⲟⲩⲙⲡⲁⲁϣⲁϩⲟⲙ·ⲁⲡⲁⲕⲁⲥⲧⲱϭⲉⲉⲧⲁⲥⲁⲣⲝ·ⲁⲓⲣⲧϩⲉⲛⲟⲩϩⲣⲓⲙϩⲓⲡϫⲁⲓⲉ·ⲁⲓϣⲱⲡⲉⲛⲧϩⲉⲛⲟⲩⲃⲁⲓϩⲛⲟⲩⲏⲓ·ⲁⲓⲣⲟⲩϣⲏⲛⲣⲟⲉⲓⲥ·
ⲁⲓⲣⲧϩⲉⲛⲟⲩϫⲁϫ·ϩⲓⲟⲩϫⲉⲛⲉⲡⲱⲣⲙⲁⲩⲁⲁϥ·
ⲁⲛⲁϫⲓϫⲉⲉⲩⲉⲛⲉϭⲛⲟⲩϭⲧ·ⲙⲡⲉϩⲟⲟⲩⲧⲏⲣϥ·ⲁⲩⲱⲛⲉⲧⲧⲁⲓⲟⲙⲙⲟⲓⲛⲉⲩⲱⲣⲕⲙⲙⲟⲓⲡⲉ·ϫⲉⲁⲓⲟⲩⲱⲙⲛⲟⲩⲕⲣⲙⲉⲥⲉⲡⲙⲁⲙⲡⲁⲟⲉⲓⲕ·ⲁⲓⲕⲉⲣⲁⲙⲡⲉϯⲛⲁⲥⲟⲟϥϩⲓⲣⲙⲉⲓⲏ·ⲙⲡⲉⲙⲧⲟⲉⲃⲟⲗⲛⲧⲉⲕⲟⲣⲅⲏ.ⲙⲛⲡⲉⲕϭⲱⲛⲧϫⲉⲁⲕϥⲓⲧ.ⲁⲕⲧⲁⲩⲟⲓⲉϩⲣⲁⲓ·ⲁⲛⲁϩⲟⲟⲩⲣⲓⲕⲉⲛⲧϩⲉⲛⲟⲩϩⲁⲓⲃⲉⲥ·ⲁⲩⲱⲁⲓϣⲟⲟⲩⲉⲛⲧϩⲉⲛⲟⲩⲭⲟⲣⲧⲟⲥ·
ⲛⲧⲟⲕⲇⲉⲡϫⲟⲉⲓⲥⲕϣⲟⲟⲡϣⲁⲉⲛⲉϩ·ⲁⲩⲱⲡⲉⲕⲣⲡⲙⲉⲉⲩⲉϣⲁⲟⲩϫⲱⲙ·ⲛⲧⲉⲟⲩϫⲱⲙ·
ⲧⲱⲟⲩⲛⲛⲧⲟⲕⲛⲅϣⲛϩⲁⲥⲓⲱⲛ·ϫⲉⲁⲡⲉⲟⲩⲟⲉⲓϣϣⲱⲡⲉⲛϣⲛϩⲧⲏⲕϩⲁⲣⲟⲥϫⲉⲁⲡⲕⲁⲓⲣⲟⲥⲉⲓ·ⲁⲛⲉⲕϩⲙϩⲁⲗ·ⲟⲩⲉϣⲛⲉⲥⲱⲛⲉ·ⲁⲩⲱⲥⲉⲛⲁϣⲛϩⲧⲏⲩϩⲁⲡⲉⲥⲕⲁϩ·ⲛⲧⲉⲛϩⲉⲑⲛⲟⲥⲣϩⲟⲧⲉϩⲏⲧϥⲙⲡⲣⲁⲛⲙⲡϫⲟⲉⲓⲥ·ⲁⲩⲱⲛⲣⲣⲱⲟⲩⲙⲡⲕⲁϩⲥⲉⲛⲁⲣϩⲟⲧⲉϩⲏⲧϥⲙⲡⲉⲕⲉⲟⲟⲩ.ϫⲉⲡϫⲟⲉⲓⲥⲛⲁⲕⲉⲧⲥⲓⲱⲛⲛϥⲟⲩⲱⲛϩⲉⲃⲟⲗϩⲙⲡⲉϥⲉⲟⲟⲩ·ⲁϥϭⲱϣⲧⲉϫⲙⲡⲉϣⲗⲏⲗⲛⲛⲉⲧⲑⲃⲃⲓⲏⲩ·ⲁⲩⲱⲙⲡϥⲥⲉϣϥⲡⲉⲩⲥⲟⲡⲥⲙⲁⲣⲟⲩⲥⲉϩⲡⲁⲓⲉⲕⲉϫⲱⲙ·ⲁⲩⲱⲡⲗⲁⲟⲥⲉⲧⲟⲩⲛⲁⲥⲟⲛⲧϥϥⲛⲁⲥⲙⲟⲩⲉⲡϫⲟⲉⲓⲥ.ϫⲉⲁϥϭⲱϣⲧⲉⲃⲟⲗⲉϫⲙⲡⲉϥϫⲓⲥⲉⲉⲧⲟⲩⲁⲁⲃ.
ⲁⲡϫⲟⲉⲓⲥϭⲱϣⲧⲉⲃⲟⲗϩⲛⲧⲡⲉⲉϫⲙⲡⲕⲁϩ·ⲉⲥⲱⲧⲙⲉⲡⲁϣⲁϩⲟⲙⲛⲛⲉⲧⲙⲏⲣ·ⲉⲃⲱⲗⲉⲃⲟⲗⲛⲛϣⲏⲣⲉⲛⲛⲉⲛⲧⲁⲩⲙⲟⲟⲩⲧⲟⲩ·ⲉϫⲱⲙⲡⲣⲁⲛⲙⲡϫⲟⲉⲓⲥϩⲛⲥⲓⲱⲛⲁⲩⲱⲡⲉϥⲥⲙⲟⲩϩⲛⲧϩⲓⲉⲣⲟⲩⲥⲁⲗⲏⲙ.
ⲡⲁⲓⲡⲉⲡⲁϫⲟⲉⲓⲥⲡⲉⲡⲃⲱⲗⲙⲡⲙⲩⲥⲧⲏⲣⲓⲟⲛⲛⲧⲙⲉⲧⲁⲛⲟⲓⲁⲉⲛⲧⲁⲥϫⲟⲟⲥⲛϭⲓⲧⲡⲓⲥⲧⲓⲥⲥⲟⲫⲓⲁ·
ⲍⲁⲥϣⲱⲡⲉϭⲉⲛⲧⲉⲣⲉⲓⲱϩⲁⲛⲛⲏⲥⲟⲩⲱⲉϥϫⲱⲛⲛⲉⲓϣⲁϫⲉⲉⲓⲥ.ϩⲛⲧⲙⲏⲧⲉⲛⲛⲉϥⲙⲁⲑⲏⲧⲏⲥ.
ⲡⲉϫⲁϥⲛⲁϥϫⲉⲉⲩⲅⲉⲓⲱϩⲁⲛⲛⲏⲥⲡⲡⲁⲣⲑⲉⲛⲟⲥⲡⲁⲓⲉⲧⲛⲁⲁⲣⲭⲉⲓϩⲣⲁⲓϩⲛⲧⲙⲛⲧⲣⲣⲟⲙⲡⲟⲩⲟⲉⲓⲛ·
ⲍⲁϥⲟⲩⲱϩⲇⲉⲟⲛⲉⲧⲟⲟⲧϥⲛϭⲓⲓⲏⲥⲟⲩⲥϩⲙⲡϣⲁϫⲉⲡⲉϫⲁϥⲛⲛⲉϥⲙⲁⲑⲏⲧⲏⲥϫⲉⲁⲥϣⲱⲡⲉⲟⲛⲛⲧⲉⲓϩⲉⲁⲛⲉⲡⲣⲟⲃⲟⲗⲟⲟⲩⲉⲙⲡⲁⲩⲑⲁⲧⲏⲥⲁⲩϩⲱϫⲟⲛⲛⲧⲡⲓⲥⲧⲓⲥⲥⲟⲫⲓⲁϩⲛⲛⲉⲭⲁⲟⲥ·
ⲁⲩⲟⲩⲉϣϥⲓⲡⲉⲥⲟⲩⲟⲉⲓⲛⲧⲏⲣϥⲁⲩⲱⲛⲉⲙⲡⲁⲧϥϫⲱⲕⲉⲃⲟⲗⲡⲉⲛϭⲓⲡⲉⲥⲧⲱϣⲉⲛⲧⲥⲉϩⲣⲁⲓϩⲙⲡⲉⲭⲁⲟⲥ·
ⲁⲩⲱⲛⲉⲙⲡⲁⲧⲉⲧⲕⲉⲗⲉⲩⲥⲓⲥⲉⲓⲛⲁⲓⲡⲉϩⲓⲧⲙⲡϣⲟⲣⲡⲙⲙⲩⲥⲧⲏⲣⲓⲟⲛⲉⲧⲣⲁⲛⲁϩⲙⲉⲥϩⲙⲡⲉⲭⲁⲟⲥ·
ⲁⲥϣⲱⲡⲉϭⲉⲛⲧⲉⲣⲟⲩϩⲱϫⲙⲙⲟⲥⲛϭⲓⲛⲉⲡⲣⲟⲃⲟⲗⲟⲟⲩⲉⲧⲏⲣⲟⲩⲛϩⲩⲗⲓⲕⲟⲛⲛⲧⲉⲡⲁⲩⲑⲁⲇⲏⲥ.
ⲁⲥⲱϣⲉⲃⲟⲗⲉⲥϫⲱⲛⲧⲙⲉϩϯⲙⲙⲉⲧⲁⲛⲟⲓⲁⲉⲥϫⲱⲙⲙⲟⲥϫⲉⲡⲟⲩⲟⲉⲓⲛⲙⲡⲁⲟⲩϫⲁⲓ.
ϯϩⲩⲙⲛⲉⲩⲉⲉⲣⲟⲕϩⲣⲁⲓϩⲙⲡⲧⲟⲡⲟⲥⲙⲡϫⲓⲥⲉ·ⲁⲩⲱⲟϩⲙⲡⲉⲭⲁⲟⲥ.ϯⲛⲁϩⲩⲙⲛⲉⲩⲉⲉⲣⲟⲕϩⲙⲡⲁϩⲩⲙⲛⲟⲥ·ⲛⲧⲁⲓϩⲩⲙⲛⲉⲩⲉⲉⲣⲟⲕϩⲙⲡϫⲓⲥⲉ·ⲁⲩⲱⲡⲉⲛⲧⲁⲓϩⲩⲙⲛⲉⲩⲉⲙⲙⲟϥⲉⲣⲟⲕⲉⲓϩⲙⲡⲉⲭⲁⲟⲥ.ⲙⲁⲣⲉϥⲉⲓⲛⲛⲁϩⲣⲁⲕ·
ⲁⲩⲱϯϩⲧⲏⲕⲡⲟⲩⲟⲉⲓⲛⲉⲧⲁⲙⲉⲧⲁⲛⲟⲓⲁϫⲉⲁⲧⲁϭⲟⲙⲙⲟⲩϩⲛⲕⲁⲕⲉ·ⲁⲩⲱⲁⲡⲁⲟⲩⲟⲉⲓⲛⲉⲓⲉϩⲣⲁⲓϩⲙⲡⲉⲭⲁⲟⲥ·
ⲁⲓϣⲱⲡⲉϩⲱⲛⲧϩⲉⲛⲛⲁⲣⲭⲱⲛⲙⲡⲉⲭⲁⲟⲥⲛⲁⲓⲉⲧⲃⲏⲕⲉⲛⲕⲁⲕⲉⲙⲡⲉⲥⲏⲧ·
ⲁⲓϣⲱⲡⲉⲛⲧϩⲉⲛⲟⲩⲥⲱⲙⲁⲛϩⲩⲗⲓⲕⲟⲛⲉⲙⲛⲧⲁϥⲙⲙⲁⲩⲙⲡⲉⲧⲛⲁⲛⲁϩⲙⲉϥϩⲙⲡϫⲓⲥⲉ·
ⲁⲓϣⲱⲡⲉⲟⲛⲛⲧϩⲉⲛϩⲉⲛϩⲩⲗⲏⲉⲁⲩϥⲓⲧⲉⲩϭⲟⲙⲛϩⲏⲧⲟⲩⲉⲩⲛⲏϫϩⲙⲡⲉⲭⲁⲟⲥⲛⲁⲓⲉⲧⲉⲙⲡⲕⲛⲁϩⲙⲟⲩ·ⲁⲩⲱⲁⲩⲧⲁⲕⲟϩⲙⲡⲉⲕⲧⲱϣ·ⲧⲉⲛⲟⲩϭⲉⲁⲩⲕⲁⲁⲧϩⲙⲡⲕⲁⲕⲉⲙⲡⲉⲥⲏⲧ·ϩⲛϩⲉⲛⲕⲁⲕⲉⲁⲩⲱϩⲛϩⲉⲛϩⲩⲗⲏⲉⲩⲙⲟⲟⲩⲧ·ⲁⲩⲱⲉⲙⲛϭⲟⲙⲛϩⲏⲧⲟⲩ·
ⲁⲕⲉⲓⲛⲉⲙⲡⲉⲕⲧⲱϣⲉϩⲣⲁⲓⲉϫⲱⲓ·ⲁⲩⲱⲙⲛϩⲱⲃⲛⲓⲙⲉⲛⲧⲁⲕⲧⲟϣⲟⲩⲁⲩⲱⲁⲡⲉⲕⲡⲛⲉⲩⲙⲁⲡⲱⲧⲁϥⲕⲁⲁⲧ·ⲁⲩⲱⲟⲛϩⲓⲧⲙⲡⲉⲕⲧⲱϣ.ⲙⲡⲟⲩⲃⲟⲏⲑⲉⲓⲉⲣⲟⲓⲛϭⲓⲛⲉⲡⲣⲟⲃⲟⲗⲟⲟⲩⲉⲙⲡⲁⲁⲓⲱⲛ·ⲁⲩⲱⲁⲩⲙⲉⲥⲧⲱⲓⲁⲩⲱⲁⲩⲗⲟϩⲁⲣⲟⲓ·ⲁⲩⲱⲟⲛⲙⲡⲓⲧⲁⲕⲟϣⲁⲃⲟⲗ·ⲁⲩⲱⲁⲡⲁⲟⲩⲟⲉⲓⲛⲥⲃⲟⲕϩⲣⲁⲓⲛϩⲏⲧ.ⲁⲩⲱⲁⲓⲱϣⲉϩⲣⲁⲓⲉⲡⲟⲩⲟⲉⲓⲛϩⲙⲡⲟⲩⲟⲉⲓⲛϩⲙⲡⲟⲩⲟⲉⲓⲛⲧⲏⲣϥⲉⲧⲛϩⲏⲧ·ⲁⲩⲱⲁⲓⲡⲱⲣϣⲛⲛⲁϭⲓϫⲉϩⲣⲁⲓⲉⲣⲟⲕ·ⲧⲉⲛⲟⲩϭⲉⲡⲟⲩⲟⲉⲓⲛⲙⲏⲉⲕⲛⲁϫⲱⲕⲉⲃⲟⲗⲙⲡⲉⲕⲧⲱϣϩⲙⲡⲉⲭⲁⲟⲥ·ⲁⲩⲱⲛⲣⲉϥⲛⲟⲩϩⲙⲛⲁⲓⲉⲧⲛⲏⲩⲕⲁⲧⲁⲡⲉⲕⲧⲱϣ·ⲙⲏⲉⲩⲛⲁⲧⲱⲟⲩⲛϩⲙⲡⲕⲁⲕⲉⲛⲥⲉⲉⲓⲛⲥⲉⲙⲁⲑⲏⲧⲉⲩⲉⲛⲁⲕ·ⲙⲏⲉⲩⲛⲁϫⲱⲙⲡⲙⲩⲥⲧⲏⲣⲓⲟⲛⲙⲡⲉⲕⲣⲁⲛϩⲙⲡⲉⲭⲁⲟⲥ·ⲏⲙⲙⲟⲛⲛⲧⲟϥⲉⲩⲛⲁϫⲱⲙⲡⲉⲕⲣⲁⲛϩⲛⲟⲩϩⲩⲗⲏⲛⲭⲁⲟⲥ·ⲡⲁⲓⲉⲧⲉⲛⲅⲛⲁⲥⲱⲧϥⲁⲛⲛϩⲏⲧϥ·
ⲁⲛⲟⲕⲇⲉⲁⲓϩⲩⲙⲛⲉⲩⲉⲉϩⲣⲁⲓⲉⲣⲟⲕⲡⲟⲩⲟⲉⲓⲛⲁⲩⲱⲧⲁⲙⲉⲧⲁⲛⲟⲓⲁⲛⲁⲧⲁϩⲟⲕⲉϩⲣⲁⲓⲉⲡϫⲓⲥⲉ·ⲙⲁⲣⲉⲡⲉⲕⲟⲩⲟⲉⲓⲛⲉⲓⲉϩⲣⲁⲓⲉϫⲱⲓ.ϫⲉⲁⲩϥⲓⲡⲁⲟⲩⲟⲉⲓⲛϩⲣⲁⲓⲛϩⲏⲧ·ⲁⲩⲱϯϣⲟⲟⲡϩⲛϩⲉⲛϩⲓⲥⲉⲉⲧⲃⲉⲡⲟⲩⲟⲉⲓⲛ·ϫⲓⲛⲙⲡⲉⲟⲩⲟⲉⲓϣⲉⲛⲧⲁⲩⲡⲣⲟⲃⲁⲗⲉⲙⲙⲟⲓⲉⲃⲟⲗ·ⲁⲩⲱⲛⲧⲉⲣⲓϭⲱϣⲧⲉⲡϫⲓⲥⲉⲉⲡⲟⲩⲟⲉⲓⲛⲁⲩⲱⲁⲓϭⲱϣⲧⲉⲡⲉⲥⲏⲧⲉϯϭⲟⲙⲛⲟⲩⲟⲉⲓⲛⲉⲧϩⲙⲡⲉⲭⲁⲟⲥ.ⲁⲓⲧⲱⲟⲩⲛⲁⲓⲉⲓⲉⲡⲉⲥⲏⲧ.ⲁⲡⲉⲕⲧⲱϣⲉⲓⲉϩⲣⲁⲓⲉϫⲱⲓⲁⲩⲱⲛϩⲟⲧⲉⲉⲛⲧⲁⲕⲧⲟϣⲟⲩⲉⲉⲣⲟⲓⲁⲩϣⲧⲣⲧⲱⲣⲧ·ⲁⲩⲱⲁⲩⲕⲱⲧⲉⲉⲣⲟⲓⲉⲩⲟϣⲛⲧϩⲉⲛⲟⲩⲙⲙⲟⲟⲩⲁⲩⲁⲙⲁϩⲧⲉⲙⲙⲟⲓϩⲓⲟⲩⲥⲟⲡⲙⲡⲁⲟⲩⲟⲉⲓϣⲧⲏⲣϥ·ⲁⲩⲱϩⲓⲧⲙⲡⲉⲕⲧⲱϣⲙⲡⲕⲕⲁⲛⲁϣⲃⲣⲡⲣⲟⲃⲟⲗⲏⲉⲃⲟⲏⲑⲉⲓⲉⲣⲟⲓ·ⲁⲩⲱⲙⲡⲕⲕⲁⲡⲁⲥⲩⲛⲍⲩⲅⲟⲥⲉⲛⲁϩⲙⲉⲧⲉⲃⲟⲗϩⲛⲛⲁⲑⲗⲓⲯⲓⲥ·
ⲧⲁⲓϭⲉⲧⲉⲧⲙⲉϩϯⲙⲙⲉⲧⲁⲛⲟⲓⲁⲉⲛⲧⲁⲥϫⲟⲟⲥⲛϭⲓⲧⲡⲓⲥⲧⲓⲥⲥⲟⲫⲓⲁϩⲣⲁⲓϩⲙⲡⲉⲭⲁⲟⲥⲛⲧⲉⲣⲟⲩⲟⲩⲱϩⲉⲧⲟⲟⲧⲟⲩⲁⲩⲑⲗⲓⲃⲉⲙⲙⲟⲥⲛϭⲓⲛⲉⲡⲣⲟⲃⲟⲗⲟⲟⲩⲉⲧⲏⲣⲟⲩⲛϩⲩⲗⲓⲕⲟⲛⲛⲧⲉⲡⲁⲩⲑⲁⲧⲏⲥ:
ⲍⲛⲁⲓϭⲉⲉⲣⲉⲓⲏⲥⲟⲩⲥϫⲱⲙⲙⲟⲟⲩⲉⲛⲉϥⲙⲁⲑⲏⲧⲏⲥ.
ⲡⲉϫⲁϥⲛⲁⲩϫⲉⲡⲉⲧⲉⲟⲩⲛⲙⲁⲁϫⲉⲙⲙⲟϥⲉⲥⲱⲧⲙ·ⲙⲁⲣⲉϥⲥⲱⲧⲙ·ⲁⲩⲱⲡⲉⲧⲉⲣⲉⲡⲉϥⲡⲛⲁⲃⲣⲃⲣⲛϩⲏⲧϥ.ⲙⲁⲣⲉϥⲉⲓⲉⲧϩⲏⲛϥϫⲱⲙⲡⲃⲱⲗⲙⲡⲛⲟⲏⲙⲁⲛⲧⲙⲉϩϯⲙⲙⲉⲧⲁⲛⲟⲓⲁⲛⲧⲡⲓⲥⲧⲓⲥⲥⲟⲫⲓⲁ:
ⲁⲩⲱⲛⲧⲉⲣⲉⲓⲏⲥⲟⲩⲥⲟⲩⲱⲉϥϫⲱⲛⲛⲉⲓϣⲁϫⲉ.ⲁϥϥⲟϭϥⲉϩⲣⲁⲓⲛϭⲓⲫⲓⲗⲓⲡⲡⲟⲥⲁϥⲁϩⲉⲣⲁⲧϥ.ⲁϥⲕⲁⲡϫⲱⲱⲙⲉⲧⲉⲧⲛⲧⲟⲟⲧϥⲉⲡⲉⲥⲏⲧ·
ⲛⲧⲟϥⲅⲁⲣⲡⲉⲉⲧⲥϩⲁⲓⲛϣⲁϫⲉⲛⲓⲙⲉⲛⲉⲣⲉⲓⲥϫⲱⲙⲙⲟⲟⲩ·ⲁⲩⲱⲙⲛⲛⲉⲧϥⲉⲓⲣⲉⲙⲙⲟⲟⲩⲧⲏⲣⲟⲩ·ⲁϥⲉⲓϭⲉⲉⲧϩⲏⲛϭⲓⲫⲓⲗⲓⲡⲡⲟⲥⲡⲉϫⲁϥⲛⲁϥϫⲉⲡⲁϫⲟⲉⲓⲥ.
ⲙⲏⲧⲓⲁⲛⲟⲕⲙⲁⲩⲁⲁⲧⲡⲉⲉⲛⲧⲁⲕⲧⲁⲁⲥⲛⲁⲓⲉⲧⲣⲁϥⲓⲡⲣⲟⲟⲩϣⲙⲡⲓⲕⲟⲥⲙⲟⲥⲛⲧⲁⲥϩⲁⲓⲛϣⲁϫⲉⲛⲓⲙⲉⲧⲛⲁϫⲟⲟⲩ·ⲁⲩⲱⲙⲛⲛⲧⲉⲧⲛⲛⲁⲁⲁⲩ·ⲁⲩⲱⲙⲡⲕⲕⲁⲁⲧⲉⲉⲓⲉⲧϩⲏⲛⲧⲁϫⲓⲡⲃⲱⲗⲛⲙⲙⲩⲥⲧⲏⲣⲓⲟⲛⲛⲧⲙⲉⲧⲁⲛⲟⲓⲁⲛⲧⲡⲓⲥⲧⲓⲥⲥⲟⲫⲓⲁ·ⲁⲡⲁⲡⲛⲉⲩⲙⲁⲅⲁⲣⲃⲣⲃⲣⲛϩⲏⲧ.ⲛⲟⲩⲙⲏⲏϣⲉⲛⲥⲟⲡ.ⲁⲩⲱⲁϥⲃⲱⲗⲉⲃⲟⲗ·ⲁⲩⲱⲁϥⲁⲛⲁⲅⲕⲁⲍⲉⲙⲙⲟⲓⲉⲙⲁⲧⲉⲉⲧⲣⲁⲉⲓⲉⲧϩⲏ·ⲛⲧⲁϫⲉⲡⲃⲱⲗⲛⲧⲙⲉⲧⲁⲛⲟⲓⲁⲛⲧⲡⲓⲥⲧⲓⲥⲥⲟⲫⲓⲁ·ⲁⲩⲱⲙⲡⲓϣⲉⲓⲉⲧϩⲏ·ⲉⲃⲟⲗϫⲉⲁⲛⲟⲕⲡⲉⲉⲧⲥϩⲁⲓⲛϣⲁϫⲉⲛⲓⲙ·
ⲁⲥϣⲱⲡⲉϭⲉⲛⲧⲉⲣⲉⲓⲏⲥⲟⲩⲥⲥⲱⲧⲙⲉⲫⲓⲗⲓⲡⲡⲟⲥⲡⲉϫⲁϥⲛⲁϥϫⲉⲥⲱⲧⲙⲫⲓⲗⲓⲡⲡⲉⲡⲙⲁⲕⲁⲣⲓⲟⲥⲛⲧⲁϣⲁϫⲉⲛⲙⲙⲁⲕϫⲉⲛⲧⲟⲕⲙⲛⲑⲱⲙⲁⲥⲙⲛⲙⲁⲑⲑⲁⲓⲟⲥⲛⲉⲛⲧⲁⲩⲧⲁⲁⲥⲛⲏⲧⲛϩⲙⲡϣⲟⲣⲡⲙⲙⲩⲥⲧⲏⲣⲓⲟⲛⲉⲥⲉϩϣⲁϫⲉⲛⲓⲙⲉϯⲛⲁϫⲟⲟⲩ.ⲙⲛⲛⲉⲧⲓⲛⲁⲁⲁⲩ·ⲁⲩⲱⲙⲛϩⲱⲃⲛⲓⲙⲉⲧⲉⲧⲛⲁⲛⲁⲩⲉⲣⲟⲟⲩ·
ⲛⲧⲟⲕⲇⲉⲙⲡⲁⲧϥϫⲱⲕⲉⲃⲟⲗϣⲁⲧⲉⲛⲟⲩⲛϭⲓⲡⲁⲣⲓⲑⲙⲟⲥⲛⲛϣⲁϫⲉⲉⲧⲕⲛⲁⲥϩⲁⲓⲥⲟⲩ·
ⲉϥϣⲁⲛϫⲱⲕϭⲉⲉⲃⲟⲗ·ⲕⲛⲁⲉⲓⲉⲧϩⲏⲛⲅⲧⲁⲩⲉⲡⲉⲧⲉϩⲛⲁⲕ·
ⲧⲉⲛⲟⲩϭⲉⲛⲧⲱⲧⲛⲙⲡϣⲟⲙⲧⲛⲉⲧⲛⲁⲥϩⲁⲓⲛϣⲁϫⲉⲛⲓⲙⲉϯⲛⲁϫⲟⲟⲩ·ⲙⲛⲛⲉⲧⲓⲛⲁⲁⲁⲩ.ⲙⲛⲛⲉⲧⲓⲛⲁⲛⲁⲩⲉⲣⲟⲟⲩ·ⲁⲩⲱⲛⲧⲁⲣⲙⲛⲧⲣⲉⲛϩⲱⲃⲛⲓⲙⲛⲧⲉⲧⲙⲛⲧⲣⲣⲟⲛⲙⲡⲏⲩⲉ.
ⲛⲁⲓϭⲉⲛⲧⲉⲣⲉϥϫⲟⲟⲩⲛϭⲓⲓⲏⲥⲟⲩⲥ.ⲡⲉϫⲁϥⲛⲛⲉϥⲙⲁⲑⲏⲧⲏⲥϫⲉⲡⲉⲧⲉⲟⲩⲛⲙⲁⲁϫⲉⲙⲙⲟϥⲉⲥⲱⲧⲙ·ⲙⲁⲣⲉϥⲥⲱⲧⲙ·ⲁⲥϥⲟϭⲥⲟⲛⲉⲧϩⲏⲛϭⲓⲙⲁⲣⲓϩⲁⲙ·ⲁⲥⲉⲓⲉⲧⲙⲏⲧⲉⲁⲥⲁϩⲉⲣⲁⲧⲥϩⲁⲧⲙⲫⲓⲗⲓⲡⲡⲟⲥⲡⲉϫⲁⲥⲛⲓⲏⲥⲟⲩⲥϫⲉⲡⲁϫⲟⲉⲓⲥ.
ⲟⲩⲛⲙⲁⲁϫⲉⲙⲡⲁⲣⲙⲛⲟⲩⲟⲉⲓⲛⲁⲩⲱϯⲥⲃⲧⲱⲧⲉⲥⲱⲧⲙⲉⲃⲟⲗϩⲛⲧⲁϭⲟⲙ·ⲁⲩⲱⲁⲓⲛⲟⲉⲓⲙⲡϣⲁϫⲉⲉⲛⲧⲁⲕϫⲟⲟϥ·
ⲧⲉⲛⲟⲩϭⲉⲡⲁϫⲟⲉⲓⲥⲥⲱⲧⲙⲧⲁϫⲟⲟⲥϩⲛⲟⲩⲡⲁⲣϩⲏⲥⲓⲁ·
ⲛⲧⲁⲕϫⲟⲟⲥⲉⲣⲟⲛϫⲉⲡⲉⲧⲉⲟⲩⲛⲙⲁⲁϫⲉⲙⲙⲟϥⲉⲥⲱⲧⲙⲙⲁⲣⲉϥⲥⲱⲧⲙ·ⲉⲧⲃⲉⲡϣⲁϫⲉⲛⲧⲁⲕϫⲟⲟϥⲉⲫⲓⲗⲓⲡⲡⲟⲥϫⲉⲛⲧⲟⲕⲙⲛⲑⲱⲙⲁⲥⲙⲛⲙⲁⲑⲑⲁⲓⲟⲥⲛⲉⲛⲧⲁⲩⲧⲁⲁⲥⲛⲏⲧⲛⲙⲡϣⲟⲙⲧϩⲓⲧⲙⲡϣⲟⲣⲡⲙⲙⲩⲥⲧⲏⲣⲓⲟⲛⲉⲥϩⲁⲓⲛϣⲁϫⲉⲛⲓⲙⲛⲧⲉⲧⲙⲛⲧⲣⲣⲟⲙⲡⲟⲩⲟⲉⲓⲛ·ⲁⲩⲱⲛⲧⲉⲧⲛⲣⲙⲛⲧⲣⲉϩⲁⲣⲟⲟⲩ·ⲥⲱⲧⲙϭⲉⲧⲁⲧⲁⲩⲉⲡⲃⲱⲗⲙⲡⲉⲓϣⲁϫⲉⲡⲁⲓⲡⲉⲛⲧⲁⲧⲉⲕϭⲟⲙⲛⲟⲩⲟⲉⲓⲛⲡⲣⲟⲫⲏⲧⲉⲩⲉⲙⲙⲟϥⲙⲡⲓⲟⲩⲟⲉⲓϣϩⲓⲧⲙⲙⲱⲩⲥⲏⲥ·ϫⲉϩⲓⲧⲛⲙⲛⲧⲣⲉⲥⲛⲁⲩⲁⲩⲱϣⲟⲙⲧ.ⲉⲣⲉϩⲱⲃⲛⲓⲙⲛⲁⲁϩⲉⲣⲁⲧϥ·
ⲡϣⲟⲙⲧⲙⲙⲛⲧⲣⲉⲡⲉⲫⲓⲗⲓⲡⲡⲟⲥⲙⲛⲑⲱⲙⲁⲥⲙⲛⲙⲁⲑⲑⲁⲓⲟⲥ:
ⲁⲥϣⲱⲡⲉϭⲉⲛⲧⲉⲣⲉⲓⲏⲥⲟⲩⲥⲥⲱⲧⲙⲉⲡⲉⲓϣⲁϫⲉ.ⲡⲉϫⲁϥϫⲉⲉⲩⲅⲉⲙⲁⲣⲓⲁ.
ⲡⲁⲓⲡⲉⲡⲃⲱⲗⲙⲡϣⲁϫⲉ·ⲧⲉⲛⲟⲩϭⲉⲛⲧⲟⲕⲫⲓⲗⲓⲡⲡⲟⲥⲁⲙⲟⲩⲉⲧϩⲏⲛⲅⲧⲁⲩⲉⲡⲃⲱⲗⲙⲡⲙⲩⲥⲧⲏⲣⲓⲟⲛⲛⲧⲙⲉϩϯⲙⲙⲉⲧⲁⲛⲟⲓⲁⲛⲧⲡⲓⲥⲧⲓⲥⲥⲟⲫⲓⲁ·ⲁⲩⲱⲙⲛⲛⲥⲱⲥϩⲙⲟⲟⲥⲉϩⲣⲁⲓⲛⲅⲥϩⲁⲓⲛϣⲁϫⲉⲛⲓⲙⲉϯⲛⲁϫⲟⲟⲩϣⲁⲛⲧϥϫⲱⲕⲉⲃⲟⲗⲛϭⲓⲡⲁⲣⲓⲑⲙⲟⲥⲙⲡⲉⲕⲙⲉⲣⲟⲥⲉⲧⲕⲛⲁⲥϩⲁⲓϥϩⲛⲛϣⲁϫⲉⲛⲧⲙⲛⲧⲣⲣⲟⲙⲡⲟⲩⲟⲉⲓⲛⲙⲛⲛⲥⲁⲛⲁⲓⲉⲕⲉⲉⲓⲉⲧϩⲏⲛⲅϫⲱⲙⲡⲉⲧⲉⲣⲉⲡⲉⲕⲡⲛⲁⲛⲁⲛⲟⲉⲓⲙⲙⲟϥ·ⲡⲗⲏⲛϭⲉⲧⲉⲛⲟⲩⲧⲁⲩⲉⲡⲃⲱⲗⲙⲡⲙⲩⲥⲧⲏⲣⲓⲟⲛⲛⲧⲙⲉϩϯⲙⲙⲉⲧⲁⲛⲟⲓⲁⲛⲧⲡⲓⲥⲧⲓⲥⲥⲟⲫⲓⲁ·
ⲁϥⲟⲩⲱϣⲃⲇⲉⲛϭⲓⲫⲓⲗⲓⲡⲡⲟⲥⲡⲉϫⲁϥⲛⲓⲏⲥⲟⲩⲥ·ϫⲉⲡⲁϫⲟⲉⲓⲥ.ⲥⲱⲧⲙⲧⲁϫⲱⲙⲡⲃⲱⲗⲛⲧⲉⲥⲙⲉⲧⲁⲛⲟⲓⲁ·ⲁⲧⲉⲕϭⲟⲙⲅⲁⲣⲡⲣⲟⲫⲏⲧⲉⲩⲉⲉⲧⲃⲏⲏⲧⲥϩⲓⲧⲛⲇⲁⲩⲉⲓⲇⲙⲡⲓⲟⲩⲟⲉⲓϣⲉⲥϫⲱⲙⲙⲟⲥϩⲙⲡⲙⲉϩϩⲙⲉⲛⲉⲥⲁϣϥⲉⲙⲯⲁⲗⲙⲟⲥ·ϫⲉⲡϫⲟⲉⲓⲥⲡⲛⲟⲩⲧⲉⲙⲡⲁⲟⲩϫⲁⲓⲁⲓⲱϣⲉϩⲣⲁⲓⲉⲣⲟⲕⲙⲡⲉϩⲟⲟⲩⲙⲛⲧⲉⲩϣⲏⲙⲁⲣⲉⲡⲁϣⲗⲏⲗⲉⲓⲉϩⲟⲩⲛⲙⲡⲉⲕⲙⲧⲟⲉⲃⲟⲗ·ⲣⲓⲕⲉⲙⲡⲉⲕⲙⲁⲁϫⲉⲡϫⲟⲉⲓⲥⲉⲡⲁⲥⲟⲡⲥ·ϫⲉⲁⲧⲁⲯⲩⲭⲏⲙⲟⲩϩⲙⲡⲉⲧϩⲟⲟⲩ·
ⲁⲡⲁⲱⲛϩϩⲱⲛⲉϩⲟⲩⲛⲉⲁⲙⲛⲧⲉ·ⲁⲩⲟⲡⲧⲙⲛⲛⲉⲧⲃⲏⲕⲉⲡⲉⲥⲏⲧⲉⲡϣⲏⲓ·ⲁⲓⲣⲧϩⲉⲛⲟⲩⲣⲱⲙⲉⲉⲙⲛⲧϥⲃⲟⲏⲑⲟⲥ·ⲛⲉⲗⲉⲩⲑⲉⲣⲟⲥϩⲛⲛⲉⲧⲙⲟⲟⲩⲧ·ⲛⲧϩⲉⲛϩⲉⲛϩⲁⲧⲃⲉⲥⲉⲩⲛⲏϫ.ⲉⲩⲛⲕⲟⲧⲕϩⲛϩⲉⲛⲧⲁⲫⲟⲥ·ⲛⲁⲓⲉⲧⲉⲙⲡⲕⲣⲡⲉⲩⲙⲉⲉⲩⲉϭⲉ·ⲁⲩⲱⲛⲧⲟⲟⲩⲁⲩⲧⲁⲕⲟⲉⲃⲟⲗϩⲛⲛⲉⲕϭⲓϫ·ⲁⲩⲕⲁⲁⲧϩⲛⲟⲩϣⲏⲓⲙⲡⲉⲥⲏⲧ.ϩⲛϩⲉⲛⲕⲁⲕⲉ.ⲙⲛⲧϩⲁⲓⲃⲉⲥⲙⲡⲙⲟⲩⲁⲡⲉⲕϭⲱⲛⲧⲧⲁϫⲣⲟⲉϩⲣⲁⲓⲉϫⲱⲓ·ⲁⲩⲱⲁⲛⲉⲕⲣⲟⲟⲩϣⲧⲏⲣⲟⲩⲁⲩⲉⲓⲉϩⲣⲁⲓⲉϫⲱⲓ·ⲇⲓⲁⲯⲁⲗⲙⲁ·ⲁⲕⲧⲣⲉⲛⲉⲧⲥⲟⲟⲩⲛⲙⲙⲟⲓ.ⲟⲩⲉⲙⲙⲟⲓ·ⲁⲩⲕⲁⲁⲧⲛⲁⲩⲛⲃⲟⲧⲉ·
ⲁⲩⲕⲁⲁⲧ·ⲁⲩⲱⲙⲡⲓⲃⲱⲕ·
ⲁⲡⲁⲃⲁⲗϭⲃⲃⲉⲉⲃⲟⲗϩⲛⲧⲁⲙⲛⲧϩⲏⲕⲉ·
ⲁⲓϫⲓϣⲕⲁⲕⲉϩⲣⲁⲓⲉⲣⲟⲕⲡϫⲟⲉⲓⲥⲙⲡⲉϩⲟⲟⲩⲧⲏⲣϥⲁⲓⲡⲱⲣϣⲛⲛⲁϭⲓϫⲉϩⲣⲁⲓⲉⲣⲟⲕ·ⲙⲏⲉⲕⲛⲁⲣⲛⲉⲕϣⲡⲏⲣⲉϩⲛⲛⲉⲧⲙⲟⲟⲩⲧ.
ⲙⲏⲛⲥⲁⲓⲛⲛⲉⲧⲛⲁⲧⲱⲟⲩⲛⲛⲥⲉϩⲟⲙⲟⲗⲟⲅⲉⲓⲛⲁⲕ.ⲙⲏⲉⲩⲛⲁϫⲱⲙⲡⲉⲕⲣⲁⲛϩⲛⲛⲧⲁⲫⲟⲥ.ⲁⲩⲱⲧⲉⲕⲇⲓⲕⲁⲓⲟⲥⲩⲛⲏϩⲛⲟⲩⲕⲁϩⲉⲁⲕⲣⲡⲉϥⲱⲃϣ.
ⲁⲛⲟⲕⲇⲉⲁⲓϫⲓϣⲕⲁⲕⲉϩⲣⲁⲓⲉⲣⲟⲕⲡϫⲟⲉⲓⲥⲁⲩⲱⲡⲁϣⲗⲏⲗⲛⲁⲧⲁϩⲟⲕⲙⲡⲛⲟⲩⲛϣⲱⲣⲡⲙⲡⲣⲕⲱⲧⲉⲙⲡⲉⲕϩⲟⲛⲥⲁⲃⲟⲗⲙⲙⲟⲓϫⲉⲁⲛⲅⲟⲩϩⲏⲕⲉⲁⲛⲟⲕ·ⲉⲓϩⲛϩⲉⲛϩⲓⲥⲉϫⲓⲛⲧⲁⲙⲛⲧⲕⲟⲩⲓ·ⲛⲧⲉⲣⲓϫⲓⲥⲉⲇⲉⲁⲓⲑⲃⲃⲓⲟⲓ.ⲁⲩⲱⲁⲓⲧⲱⲟⲩⲛ·
ⲁⲛⲉⲕⲟⲣⲅⲏⲉⲓⲉϩⲣⲁⲓⲉϫⲱⲓ·ⲁⲩⲱⲁⲛⲉⲕϩⲟⲧⲉϣⲧⲣⲧⲱⲣⲧ·
ⲁⲩⲕⲱⲧⲉⲉⲣⲟⲓⲛⲧϩⲉⲛⲟⲩⲙⲙⲟⲟⲩⲁⲩⲁⲙⲁϩⲧⲉⲙⲙⲟⲓⲙⲡⲉϩⲟⲟⲩⲧⲏⲣϥⲁⲕⲧⲣⲉⲛⲁϣⲃⲉⲉⲣⲟⲩⲉⲙⲙⲟⲓ·ⲁⲩⲱⲛⲉⲧⲥⲟⲟⲩⲛⲙⲙⲟⲓⲉⲃⲟⲗϩⲛⲧⲁⲧⲁⲗⲁⲓⲡⲱⲣⲓⲁ·
ⲡⲁⲓϭⲉⲡⲉⲡⲃⲱⲗⲙⲡⲙⲩⲥⲧⲏⲣⲓⲟⲛⲛⲧⲙⲉϩϯⲙⲙⲉⲧⲁⲛⲟⲓⲁⲛⲧⲁⲥϫⲟⲟⲥⲛϭⲓⲧⲡⲓⲥⲧⲓⲥⲥⲟⲫⲓⲁ·ⲛⲧⲉⲣⲟⲩⲑⲗⲓⲃⲉⲙⲙⲟⲥϩⲙⲡⲉⲭⲁⲟⲥ·
ⲍⲁⲥϣⲱⲡⲉϭⲉⲛⲧⲉⲣⲉⲓⲏⲥⲟⲩⲥⲥⲱⲧⲙⲉⲛⲉⲓϣⲁϫⲉⲉϥϫⲱⲙⲙⲟⲟⲩⲛϭⲓⲫⲓⲗⲓⲡⲡⲟⲥ.ⲡⲉϫⲁϥϫⲉⲉⲩⲅⲉⲫⲓⲗⲓⲡⲡⲟⲥⲡⲙⲉⲣⲓⲧ.ⲧⲉⲛⲟⲩϭⲉⲁⲙⲟⲩϩⲙⲟⲟⲥⲛⲅⲥϩⲁⲓⲙⲡⲉⲕⲙⲉⲣⲟⲥⲛϣⲁϫⲉⲛⲓⲙⲉϯⲛⲁϫⲟⲟⲩ·ⲁⲩⲱⲙⲛⲛⲉⲧⲓⲛⲁⲁⲁⲩ·ⲙⲛϩⲱⲃⲛⲓⲙⲉⲧⲕⲛⲁⲛⲁⲩⲉⲣⲟⲟⲩ·ⲁⲩⲱⲛⲧⲉⲩⲛⲟⲩⲉⲧⲙⲙⲁⲩⲁϥϩⲙⲟⲟⲥⲉϩⲣⲁⲓⲛϭⲓⲫⲓⲗⲓⲡⲡⲟⲥⲁϥⲥϩⲁⲓ·
ⲍⲁⲥϣⲱⲡⲉⲟⲛⲙⲛⲛⲥⲁⲛⲁⲓⲁⲓⲥⲟⲩⲱϩⲟⲛⲉⲧⲟⲟⲧϥϩⲙⲡϣⲁϫⲉⲡⲉϫⲁϥⲛⲛⲉϥⲙⲁⲑⲏⲧⲏⲥ.ϫⲉⲧⲟⲧⲉⲁⲥⲱϣⲉϩⲣⲁⲓⲉⲡⲟⲩⲟⲉⲓⲛⲛϭⲓⲧⲡⲓⲥⲧⲓⲥⲥⲟⲫⲓⲁ·
ⲁϥⲕⲱⲉⲃⲟⲗⲙⲡⲉⲥⲛⲟⲃⲉϫⲉⲁⲥⲕⲁⲡⲉⲥⲧⲟⲡⲟⲥⲛⲥⲱⲥⲁⲥⲉⲓⲉϩⲣⲁⲓⲉⲡⲕⲁⲕⲉⲁⲥϫⲱⲛⲧⲙⲉϩⲥⲟⲙⲙⲉⲧⲁⲛⲟⲓⲁⲉⲥϫⲱⲙⲙⲟⲥⲛⲧⲉⲓϩⲉϫⲉⲁⲓϩⲩⲙⲛⲉⲩⲉⲉϩⲣⲁⲓⲉⲣⲟⲕⲡⲟⲩⲟⲉⲓⲛϩⲙⲡⲕⲁⲕⲉⲙⲡⲉⲥⲏⲧⲥⲱⲧⲙⲉⲧⲁⲙⲉⲧⲁⲛⲟⲓⲁⲁⲩⲱⲙⲁⲣⲉⲡⲉⲕⲟⲩⲟⲉⲓⲛϯϩⲧⲏϥⲉⲡⲉϩⲣⲟⲟⲩⲙⲡⲁⲧⲧⲱⲃϩ·ⲡⲟⲩⲟⲉⲓⲛⲉⲕϣⲁⲛⲣⲙⲡⲁⲛⲟⲃⲉ.
ⲛϯⲛⲁϣⲉⲓⲁⲛⲛⲛⲁϩⲣⲁⲕⲁⲩⲱⲕⲛⲁⲕⲁⲁⲧⲛⲥⲱⲕϫⲉⲛⲧⲟⲕⲡⲟⲩⲟⲉⲓⲛⲡⲉⲡⲁⲛⲟⲩϩⲙⲉⲧⲃⲉⲡⲟⲩⲟⲉⲓⲛⲙⲡⲉⲕⲣⲁⲛ·
ⲛⲧⲁⲓⲡⲓⲥⲧⲉⲩⲉⲉⲣⲟⲕⲡⲟⲩⲟⲉⲓⲛ.ⲁⲩⲱⲁⲧⲁϭⲟⲙⲡⲓⲥⲧⲉⲩⲉⲉⲡⲉⲕⲙⲩⲥⲧⲏⲣⲓⲟⲛⲁⲩⲱⲟⲛⲁⲧⲁϭⲟⲙⲛⲁϩⲧⲉⲉⲡⲟⲩⲟⲉⲓⲛⲉϥϣⲟⲟⲡϩⲛⲛⲁⲡϫⲓⲥⲉⲁⲩⲱⲁⲥⲛⲁϩⲧⲉⲉⲣⲟϥⲉⲥϩⲙⲡⲉⲭⲁⲟⲥⲙⲡⲉⲥⲏⲧ·ⲙⲁⲣⲉϭⲟⲙⲛⲓⲙⲉⲧⲛϩⲏⲧⲛⲁϩⲧⲉⲉⲡⲟⲩⲟⲉⲓⲛⲉⲓϩⲙⲡⲕⲁⲕⲉⲙⲡⲉⲥⲏⲧ.
ⲁⲩⲱⲟⲛⲙⲁⲣⲟⲩⲛⲁϩⲧⲉⲉⲣⲟϥⲉⲩϣⲁⲛⲉⲓⲉⲡⲧⲟⲡⲟⲥⲙⲡϫⲓⲥⲉ·ϫⲉⲛⲧⲟϥⲡⲉⲧⲛⲁⲛⲁⲩⲁⲩⲱⲛϥⲥⲟⲧⲛ·ⲁⲩⲱⲟⲩⲛⲟⲩⲛⲟϭⲙⲙⲩⲥⲧⲏⲣⲓⲟⲛⲛⲛⲟⲩϩⲙⲛϩⲏⲧϥⲁⲩⲱⲛⲧⲟϥⲡⲉⲉⲧⲛⲁⲛⲟⲩϩⲙⲛⲛϭⲟⲙⲧⲏⲣⲟⲩⲉⲃⲟⲗϩⲙⲡⲉⲭⲁⲟⲥⲉⲧⲃⲉⲧⲁⲡⲁⲣⲁⲃⲁⲥⲓⲥϫⲉⲁⲓⲕⲱⲛⲥⲱⲓⲙⲡⲁⲧⲟⲡⲟⲥⲁⲓⲉⲓⲉϩⲣⲁⲓⲉⲡⲉⲭⲁⲟⲥ·ⲧⲉⲛⲟⲩϭⲉⲡⲉⲧⲉⲣⲉⲡⲉϥⲛⲟⲩⲥϫⲟⲥⲉⲙⲁⲣⲉϥⲛⲟⲉⲓ·
ⲍⲁⲥϣⲱⲡⲉϭⲉⲛⲧⲉⲣⲉⲓⲏⲥⲟⲩⲥⲟⲩⲱⲉϥϫⲱⲛⲛⲉⲓϣⲁϫⲉⲉⲛⲉϥⲙⲁⲑⲏⲧⲏⲥ.
ⲡⲉϫⲁϥⲛⲁⲩϫⲉⲧⲉⲧⲛⲛⲟⲉⲓϫⲉⲉⲓϣⲁϫⲉⲛⲙⲙⲏⲧⲛⲛⲁϣⲛϩⲉ·
ⲁϥⲉⲓⲉⲧϩⲏⲛϭⲓⲁⲛⲇⲣⲉⲁⲥⲡⲉϫⲁϥϫⲉⲡⲁϫⲟⲉⲓⲥ·ⲉⲧⲃⲉⲡⲃⲱⲗⲛⲧⲙⲉϩⲥⲟⲙⲙⲉⲧⲁⲛⲟⲓⲁⲛⲧⲡⲓⲥⲧⲓⲥⲥⲟⲫⲓⲁ·ⲁⲧⲉⲕϭⲟⲙⲛⲟⲩⲟⲉⲓⲛⲡⲣⲟⲫⲏⲧⲉⲩⲉⲙⲡⲓⲟⲩⲟⲉⲓϣϩⲓⲧⲛⲇⲁⲩⲉⲓⲇ·ϩⲙⲡⲙⲉϩϣⲉϫⲟⲩⲧⲯⲓⲥⲛⲯⲁⲗⲙⲟⲥⲉⲥϫⲱⲙⲙⲟⲥ·ϫⲉⲁⲓⲱϣⲉϩⲣⲁⲓⲉⲣⲟⲕⲡϫⲟⲉⲓⲥϩⲛⲛⲉⲧϣⲏⲕ·ⲥⲱⲧⲙⲉⲡⲁϩⲣⲟⲟⲩ·ⲙⲁⲣⲉⲡⲉⲕⲙⲁⲁϫⲉϯϩⲧⲏⲩⲉⲡⲉϩⲣⲟⲟⲩⲙⲡⲁⲥⲟⲡⲥ·
ⲡϫⲟⲉⲓⲥⲉⲕϣⲁⲛϯϩⲧⲏⲕⲉⲛⲁⲁⲛⲟⲙⲓⲁⲛⲓⲙⲡⲉⲧⲛⲁϣⲁϩⲉⲣⲁⲧϥϫⲉⲉⲣⲉⲡⲕⲱⲉⲃⲟⲗⲛⲧⲟⲟⲧⲕ·ⲉⲧⲃⲉⲡⲉⲕⲣⲁⲛⲁⲓϩⲩⲡⲟⲙⲓⲛⲉⲉⲣⲟⲕⲡϫⲟⲉⲓⲥ·ⲁⲧⲁⲯⲩⲭⲏϩⲩⲡⲟⲙⲓⲛⲉⲉⲡⲉⲕϣⲁϫⲉ·ⲁⲧⲁⲯⲩⲭⲏϩⲉⲗⲡⲓⲍⲉⲉⲡϫⲟⲉⲓⲥ.ϫⲓⲛϩⲧⲟⲟⲩⲉϣⲁⲣⲟⲩϩⲉ·ⲙⲁⲣⲉⲡⲓⲥⲣⲁⲏⲗϩⲉⲗⲡⲓⲍⲉⲉⲡϫⲟⲉⲓⲥϫⲓⲛϩⲧⲟⲟⲩϣⲁⲣⲟⲩϩⲉϫⲉⲉⲣⲉⲡⲛⲁⲛⲧⲟⲟⲧϥⲙⲡϫⲟⲉⲓⲥ.
ⲁⲩⲱⲟⲩⲛⲟⲩⲛⲟϭⲛⲥⲱⲧⲉϩⲁϩⲧⲏϥⲁⲩⲱⲛⲧⲟϥⲡⲉⲧⲛⲁⲥⲱⲧⲉⲙⲡⲓⲥⲗⲉⲃⲟⲗϩⲛⲛⲉϥⲁⲛⲟⲙⲓⲁⲧⲏⲣⲟⲩ·
ⲡⲉϫⲁϥⲛⲁϥⲛϭⲓⲓⲏⲥⲟⲩⲥϫⲉⲉⲩⲅⲉⲁⲛⲇⲣⲉⲁⲥⲡⲙⲁⲕⲁⲣⲓⲟⲥⲡⲁⲓⲡⲉⲡⲃⲱⲗⲛⲧⲉⲥⲙⲉⲧⲁⲛⲟⲓⲁ·
ϩⲁⲙⲏⲛϩⲁⲙⲏⲛϯϫⲱⲙⲙⲟⲥⲛⲏⲧⲛϫⲉϯⲛⲁϫⲉⲕⲧⲏⲩⲧⲛⲉⲃⲟⲗⲙⲙⲩⲥⲧⲏⲣⲓⲟⲛⲛⲓⲙⲛⲧⲉⲡⲟⲩⲟⲉⲓⲛ·ⲁⲩⲱⲙⲛⲅⲛⲱⲥⲓⲥⲛⲓⲙϫⲓⲛⲙⲡⲥⲁⲛϩⲟⲩⲛⲛⲥⲁⲛϩⲟⲩⲛ.ϣⲁⲡⲥⲁⲛⲃⲟⲗⲛⲛⲥⲁⲛⲃⲟⲗ·ϫⲓⲛⲡⲓⲁⲧϣⲁϫⲉⲉⲣⲟϥϣⲁⲡⲕⲁⲕⲉⲛⲛⲕⲁⲕⲉ·ⲁⲩⲱϫⲓⲛⲡⲟⲩⲟⲉⲓⲛⲛⲛⲟⲩⲟⲉⲓⲛ.ϣⲁⲡϩⲁⲁⲃⲛⲧϩⲩⲗⲏ·ϫⲓⲛⲛⲛⲟⲩⲧⲉⲧⲏⲣⲟⲩ.ϣⲁⲛⲇⲁⲓⲙⲟⲛⲓⲟⲛ·ϫⲓⲛⲛϫⲟⲉⲓⲥⲧⲏⲣⲟⲩ.ϣⲁⲛⲇⲉⲕⲁⲛⲟⲥ·ϫⲓⲛⲛⲉⲝⲟⲩⲥⲓⲁⲧⲏⲣⲟⲩ.ϣⲁⲛⲗⲉⲓⲧⲟⲩⲣⲅⲟⲥ·ϫⲓⲛⲡⲧⲁⲙⲓⲟⲛⲣⲣⲱⲙⲉ.ϣⲁⲛⲉⲑⲏⲣⲓⲟⲛ·ⲙⲛⲛⲧⲃⲛⲟⲟⲩⲉ.ⲙⲛⲛϫⲁⲧϥⲉ·ϫⲉⲉⲩⲉⲙⲟⲩⲧⲉⲉⲣⲱⲧⲛϫⲉⲛⲧⲉⲗⲉⲓⲟⲥ·ⲉⲧϫⲏⲕⲉⲃⲟⲗϩⲙⲡⲗⲏⲣⲱⲙⲁⲛⲓⲙ·
ϩⲁⲙⲏⲛϩⲁⲙⲏⲛϯϫⲱⲙⲙⲟⲥⲛⲏⲧⲛϫⲉⲡⲧⲟⲡⲟⲥⲉϯⲛⲁϣⲱⲡⲉⲛϩⲏⲧϥϩⲛⲧⲙⲛⲧⲣⲣⲟⲙⲡⲁⲉⲓⲱⲧ.
ⲧⲉⲧⲛⲁϣⲱⲡⲉϩⲱⲧⲧⲏⲩⲧⲛⲙⲙⲁⲩⲛⲙⲙⲁⲓ·
ⲁⲩⲱⲉϥϣⲁⲛϫⲱⲕⲛϭⲓⲡⲁⲣⲓⲑⲙⲟⲥⲛⲧⲉⲗⲉⲓⲟⲥⲉⲧⲣⲉϥⲃⲱⲗⲉⲃⲟⲗⲛϭⲓⲡⲉⲕⲉⲣⲁⲥⲙⲟⲥ.ϯⲛⲁⲕⲉⲗⲉⲩⲉⲛⲥⲉⲉⲓⲛⲉⲛⲛⲛⲟⲩⲧⲉⲧⲏⲣⲟⲩⲛⲧⲩⲣⲁⲛⲛⲟⲥⲛⲁⲓⲉⲧⲉⲙⲡⲟⲩϯⲡⲥⲱⲧϥⲙⲡⲉⲩⲟⲩⲟⲉⲓⲛ·ⲁⲩⲱϯⲓⲛⲁⲕⲉⲗⲉⲩⲉⲙⲡⲓⲕⲱϩⲧⲛⲥⲁⲃⲉ·ⲡⲁⲓⲉϣⲁⲣⲉⲛⲧⲉⲗⲉⲓⲟⲥϫⲓⲟⲟⲣⲙⲙⲟϥ.ⲉⲧⲣⲉϥⲟⲩⲱⲙⲉϩⲟⲩⲛⲛⲥⲁⲛⲧⲩⲣⲁⲛⲛⲟⲥⲉⲧⲙⲙⲁⲩϣⲁⲛⲧⲟⲩϯⲡϩⲁⲉⲛⲥⲱⲧϥⲛⲧⲉⲡⲉⲩⲟⲩⲟⲉⲓⲛ·
ⲍⲁⲥϣⲱⲡⲉϭⲉⲛⲧⲉⲣⲉⲓⲏⲥⲟⲩⲥⲟⲩⲱⲉϥϫⲱⲛⲛⲉⲓϣⲁϫⲉⲉⲛⲉϥⲙⲁⲑⲏⲧⲏⲥ.
ⲡⲉϫⲁϥⲛⲁⲩϫⲉⲧⲉⲧⲛⲛⲟⲉⲓϫⲉⲉⲓϣⲁϫⲉⲛⲙⲙⲏⲧⲛⲛⲁϣⲛϩⲉ.
ⲡⲉϫⲉⲙⲁⲣⲓⲁϫⲉⲥⲉⲡϫⲟⲉⲓⲥⲁⲓⲛⲟⲉⲓⲙⲡϣⲁϫⲉⲉⲧⲕϫⲱⲙⲙⲟϥ·ⲉⲧⲃⲉⲡϣⲁϫⲉϭⲉⲉⲛⲧⲁⲕϫⲟⲟϥϫⲉϩⲣⲁⲓϩⲙⲡⲃⲱⲗⲉⲃⲟⲗⲙⲡⲉⲕⲉⲣⲁⲥⲙⲟⲥⲧⲏⲣϥ.ⲕⲛⲁϩⲙⲟⲟⲥϩⲓϫⲛⲟⲩϭⲟⲙⲛⲟⲩⲟⲉⲓⲛ·ⲁⲩⲱⲛⲧⲉⲛⲉⲕⲙⲁⲑⲏⲧⲏⲥⲉⲧⲉⲁⲛⲟⲛⲡⲉⲛⲧⲛϩⲙⲟⲟⲥϩⲓⲟⲩⲛⲁⲙⲙⲙⲟⲕ.ⲛⲅϯϩⲁⲡⲉⲛⲛⲟⲩⲧⲉⲛⲧⲩⲣⲁⲛⲛⲟⲥ·ⲛⲁⲓⲉⲧⲉⲙⲡⲟⲩϯⲡⲥⲱⲧϥⲙⲡⲉⲩⲟⲩⲟⲉⲓⲛ·ⲁⲩⲱⲡⲕⲱϩⲧⲛⲥⲁⲃⲉⲛⲁⲟⲩⲱⲙⲛⲥⲱⲟⲩϣⲁⲛⲧⲟⲩϯⲡϩⲁⲉⲛⲟⲩⲟⲉⲓⲛⲉⲧⲛϩⲏⲧⲟⲩ·
ⲉⲧⲃⲉⲡⲉⲓϣⲁϫⲉϭⲉⲁⲧⲉⲕϭⲟⲙⲛⲟⲩⲟⲉⲓⲛⲡⲣⲟⲫⲏⲧⲉⲩⲉⲙⲡⲓⲟⲩⲟⲉⲓϣϩⲓⲧⲛⲇⲁⲩⲓⲇⲉⲥϫⲱⲙⲙⲟⲥϩⲙⲡⲙⲉϩϥⲧⲟⲩϫⲟⲩⲟⲩⲱⲧⲙⲛⲟⲩⲁⲙⲯⲁⲗⲙⲟⲥ·ϫⲉⲡⲛⲟⲩⲧⲉⲛⲁϩⲙⲟⲟⲥϩⲛⲧⲥⲩⲛⲁⲅⲱⲅⲏⲛⲛⲛⲟⲩⲧⲉⲛϥϯϩⲁⲡⲉⲛⲛⲟⲩⲧⲉ·
ⲡⲉϫⲁϥⲛⲁⲥⲛϭⲓⲓⲏⲥⲟⲩⲥϫⲉⲉⲩⲅⲉⲙⲁⲣⲓⲁ·
ⲍⲁϥⲟⲩⲱϩⲟⲛⲉⲧⲟⲟⲧϥⲛϭⲓⲓⲏⲥⲟⲩⲥϩⲙⲡϣⲁϫⲉⲡⲉϫⲁϥⲛⲛⲉϥⲙⲁⲑⲏⲧⲏⲥϫⲉⲁⲥϣⲱⲡⲉⲛⲧⲉⲣⲉⲧⲡⲓⲥⲧⲓⲥⲥⲟⲫⲓⲁⲟⲩⲱⲉⲥϫⲱⲛⲧⲙⲉϩⲥⲟⲙⲙⲉⲧⲁⲛⲟⲓⲁ·ⲉⲧⲃⲉⲡⲕⲱⲉⲃⲟⲗⲛⲧⲉⲥⲡⲁⲣⲁⲃⲁⲥⲓⲥ·
ⲁⲥⲕⲟⲧⲥⲟⲛⲉⲡϫⲓⲥⲉⲉⲛⲁⲩϫⲉⲁⲩⲕⲱⲛⲁⲥⲉⲃⲟⲗⲛⲛⲉⲥⲛⲟⲃⲉⲁⲩⲱⲉⲛⲁⲩϫⲉⲉⲛⲉⲥⲉⲛⲁⲛⲧⲥⲉϩⲣⲁⲓϩⲙⲡⲉⲭⲁⲟⲥ·ⲁⲩⲱⲛⲉⲙⲡⲁⲧⲟⲩⲥⲱⲧⲙⲉⲣⲟⲥⲡⲉϩⲓⲧⲛⲧⲕⲉⲗⲉⲩⲥⲓⲥⲙⲡϣⲟⲣⲡⲙⲡⲙⲩⲥⲧⲏⲣⲓⲟⲛⲉⲧⲣⲉⲩⲕⲱⲉⲃⲟⲗⲙⲡⲉⲥⲛⲟⲃⲉ·ⲁⲩⲱⲛⲥⲉⲛⲧⲥⲉϩⲣⲁⲓϩⲙⲡⲉⲭⲁⲟⲥ·
ⲛⲧⲉⲣⲉⲥⲕⲟⲧⲥϭⲉⲉⲡϫⲓⲥⲉⲉⲛⲁⲩϫⲉⲁⲩϫⲓⲧⲉⲥⲙⲉⲧⲁⲛⲟⲓⲁⲛⲧⲟⲟⲧⲥⲁⲥⲛⲁⲩⲉⲛⲁⲣⲭⲱⲛⲧⲏⲣⲟⲩⲙⲡⲙⲛⲧⲥⲛⲟⲟⲩⲥⲛⲁⲓⲱⲛⲉⲩⲥⲱⲃⲉⲛⲥⲱⲥ·ⲁⲩⲱⲉⲩⲣⲁϣⲉⲙⲙⲟⲥⲉⲃⲟⲗϫⲉⲙⲡⲟⲩϫⲓⲧⲉⲥⲙⲉⲧⲁⲛⲟⲓⲁⲛⲧⲟⲟⲧⲥ·ⲛⲧⲉⲣⲉⲥⲛⲁⲩϭⲉⲉⲣⲟⲟⲩⲉⲩϭⲱⲃⲉⲛⲥⲱⲥ.
ⲁⲥⲗⲩⲡⲉⲓⲉⲙⲁⲧⲉⲁⲥϥⲓϩⲣⲁⲥⲉϩⲣⲁⲓⲉⲡϫⲓⲥⲉⲉⲥϫⲱⲙⲙⲟⲥϩⲛⲧⲙⲉϩⲥⲁϣϥⲉⲙⲙⲉⲧⲁⲛⲟⲓⲁϫⲉⲡⲟⲩⲟⲉⲓⲛⲁⲓϥⲓⲛⲧⲁϭⲟⲙⲉϩⲣⲁⲓⲉⲣⲟⲕⲡⲁⲟⲩⲟⲉⲓⲛⲁⲓⲡⲓⲥⲧⲉⲩⲉⲉⲣⲟⲕⲙⲡⲣⲧⲣⲁϫⲓⲥⲱϣ.ⲁⲩⲱⲙⲡⲣⲧⲣⲉⲩⲣⲁϣⲉⲙⲙⲟⲓⲛϭⲓⲛⲁⲣⲭⲱⲛⲙⲡⲙⲛⲧⲥⲛⲟⲟⲩⲥⲛⲁⲓⲱⲛⲛⲁⲓⲉⲧⲙⲟⲥⲧⲉⲙⲙⲟⲓ·
ⲟⲩⲟⲛⲅⲁⲣⲛⲓⲙⲉⲧⲡⲓⲥⲧⲉⲩⲉⲉⲣⲟⲕⲛⲥⲉⲛⲁϫⲓϣⲓⲡⲉⲁⲛ·ⲉⲩⲉϭⲱϩⲛⲟⲩⲕⲁⲕⲉⲛϭⲓⲛⲉⲛⲧⲁⲩϥⲓⲛⲧⲁϭⲟⲙⲛⲥⲉⲛⲁϯϩⲏⲩⲙⲙⲟⲥⲁⲛⲁⲗⲗⲁⲥⲉⲛⲁϥⲓⲧⲥⲛⲧⲟⲟⲧⲟⲩ·
ⲡⲟⲩⲟⲉⲓⲛⲙⲁⲧⲁⲙⲟⲓⲉⲛⲉⲕϩⲓⲟⲟⲩⲉⲁⲩⲱϯⲛⲁⲛⲟⲩϩⲙⲛϩⲏⲧⲟⲩⲁⲩⲱⲙⲁⲧⲁⲙⲟⲓⲉⲛⲉⲕⲙⲁⲙⲙⲟⲟϣⲉϫⲉⲉⲓⲉⲛⲟⲩϩⲙϩⲙⲡⲉⲭⲁⲟⲥⲁⲩⲱϫⲓⲙⲟⲉⲓⲧϩⲏⲧϩⲙⲡⲉⲕⲟⲩⲟⲉⲓⲛ·
ⲁⲩⲱⲙⲁⲣⲓⲉⲓⲙⲉⲱⲡⲟⲩⲟⲉⲓⲛϫⲉⲛⲧⲟⲕⲡⲉⲡⲁⲣⲉϥⲛⲟⲩϩⲙ.ϯⲛⲁⲛⲁϩⲧⲉⲣⲟⲕⲙⲡⲁⲟⲩⲟⲉⲓϣⲧⲏⲣϥ·
ϯϩⲧⲏⲕⲉⲧⲣⲉⲕⲛⲟⲩϩⲙⲙⲙⲟⲓⲡⲟⲩⲟⲉⲓⲛϫⲉⲧⲉⲕⲙⲛⲧⲛⲁⲏⲧϣⲟⲟⲡⲛϣⲁⲉⲛⲉϩⲉⲧⲃⲉⲧⲁⲡⲁⲣⲁⲃⲁⲥⲓⲥⲉⲛⲧⲁⲓⲁⲁⲥϫⲓⲛⲛϣⲟⲣⲡϩⲛⲧⲁⲙⲛⲧⲁⲧⲥⲟⲟⲩⲛ·ⲙⲡⲣⲟⲡⲥⲉⲣⲟⲓⲡⲟⲩⲟⲉⲓⲛ·ⲁⲗⲗⲁⲛⲁϩⲙⲉⲧⲛⲧⲟϥϩⲙⲡⲉⲕⲛⲟϭⲙⲙⲩⲥⲧⲏⲣⲓⲟⲛⲛⲣⲉϥⲕⲁⲛⲟⲃⲉⲉⲃⲟⲗ·ⲉⲧⲃⲉⲧⲉⲕⲙⲛⲧⲁⲅⲁⲑⲟⲥⲡⲟⲩⲟⲉⲓⲛϫⲉⲟⲩⲁⲅⲁⲑⲟⲥⲁⲩⲱⲉϥⲥⲟⲩⲧⲱⲛⲡⲉⲡⲟⲩⲟⲉⲓⲛ·ⲉⲧⲃⲉⲡⲁⲓϥⲛⲁϯⲧⲁϩⲓⲏⲛⲁⲓⲉⲧⲣⲁⲛⲟⲩϩⲙϩⲛⲧⲁⲡⲁⲣⲁⲃⲁⲥⲓⲥ·ⲁⲩⲱⲛⲁϭⲟⲙⲉⲛⲧⲁⲩⲥⲃⲟⲕϩⲓⲧⲛⲧϩⲟⲧⲉⲛⲛⲉⲡⲣⲟⲃⲟⲗⲟⲩⲉⲛϩⲩⲗⲓⲕⲟⲛⲙⲡⲁⲩⲑⲁⲇⲏⲥϥⲛⲁⲥⲱⲕϩⲏⲧⲟⲩϩⲙⲡⲉϥⲧⲱϣ·ⲁⲩⲱⲛⲁϭⲟⲙⲉⲛⲧⲁⲩⲥⲃⲟⲕϩⲓⲧⲛⲛⲓⲁⲧⲛⲁϥⲛⲁⲧⲥⲁⲃⲟⲟⲩⲉⲡⲉϥⲥⲟⲟⲩⲛ·ϫⲉⲛⲥⲟⲟⲩⲛⲧⲏⲣⲟⲩⲙⲡⲟⲩⲟⲉⲓⲛϩⲉⲛⲛⲟⲩϩⲙⲛⲉ·ⲁⲩⲱϩⲉⲛⲙⲩⲥⲧⲏⲣⲓⲟⲛⲛⲉⲛⲟⲩⲟⲛⲛⲓⲙⲉⲧϣⲓⲛⲉⲛⲥⲁⲛⲧⲟⲡⲟⲥⲛⲧⲉϥⲕⲗⲏⲣⲟⲛⲟⲙⲓⲁⲙⲛⲛⲉϥⲙⲩⲥⲧⲏⲣⲓⲟⲛⲉⲧⲃⲉⲡⲙⲩⲥⲧⲏⲣⲓⲟⲛⲙⲡⲉⲕⲣⲁⲛⲡⲟⲩⲟⲉⲓⲛⲕⲱⲉⲃⲟⲗⲛⲧⲁⲡⲁⲣⲁⲃⲁⲥⲓⲥϫⲉⲟⲩⲛⲟϭⲧⲉ·ⲟⲩⲟⲛⲛⲓⲙⲉⲧⲛⲁϩⲧⲉⲉⲡⲟⲩⲟⲉⲓⲛ.ϥⲛⲁϯⲛⲁϥⲙⲡⲙⲩⲥⲧⲏⲣⲓⲟⲛⲉⲧⲉϩⲛⲁϥ·ⲁⲩⲱⲧⲉϥⲯⲩⲭⲏⲛⲁϣⲱⲡⲉϩⲛⲛⲧⲟⲡⲟⲥⲙⲡⲟⲩⲟⲉⲓⲛ·ⲁⲩⲱⲧⲉϥϭⲟⲙⲛⲁⲕⲗⲏⲣⲟⲛⲟⲙⲉⲓⲙⲡⲉⲑⲏⲥⲁⲩⲣⲟⲥⲙⲡⲟⲩⲟⲉⲓⲛ·

ANNIS Metadata

annotation: Lance Martin, Amir Zeldes, Caroline T. Schroeder
author: unknown
collection: Additional Manuscripts
Coptic_edition: J. H. Petermann (1851), Carl Schmidt & Violet MacDermot (1978)
corpus: pistis.sophia
country: Egypt
document_cts_urn: urn:cts:copticLit:pistissophia.1.petermann:50-66
entities: automatic
identities: checked
idno: 5114
language: Sahidic Coptic
license: CC-BY 4.0 -
msItem_title: Pistis Sophia
msName: CMCL.AQ
next: urn:cts:copticLit:pistissophia.1.petermann:66-75
note: Text republished from Marcion Project, which used the Petermann edition. English translation can be found at http://www.gnosis.org/library/pistis-sophia/index.htm. Coptic Scriptorium editorial changes limited to replacing missing text and moving the Zetas that indicated text segmentations to the beginning of words.
objectType: codex
order: 05
origDate: 301-500
origDate_notAfter: 500
origDate_notBefore: 301
origDate_precision: medium
origPlace: unknown
pages_from: 119
pages_to: 145
parsing: automatic
paths_manuscripts: 17
paths_works: 684
people: Andrew the Apostle; David; Jesus; John the Apostle; Mary Magdalene; Matthew the Apostle; Moses; Philip the Apostle; Thomas the Apostle
places: Duat; Jerusalem; Zion
previous: urn:cts:copticLit:pistissophia.1.petermann:35-50
project: Coptic SCRIPTORIUM, Marcion
redundant: no
repository: British Library
segmentation: automatic
source: Marcion project, Archive.org
source_info: Marcion Project
tagging: automatic
title: Pistis Sophia Book 1 Part 5
translation: none
Trismegistos: 107926
version_date: 2022-09-26
version_n: 4.4.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:pistissophia.1.petermann:50-66. [version number], [date]. https://data.copticscriptorium.org/urn:cts:copticLit:pistissophia.1.petermann:50-66.

Subsequent citations:

Author, Ancient title (abbreviated) [chapter.verse if available], urn:cts:copticLit:pistissophia.1.petermann:50-66.

Document Edition: urn:cts:copticLit:pistissophia.1.petermann:50-66

Work: urn:cts:copticLit:pistissophia.1

Text Group: urn:cts:copticLit:pistissophia

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:pistissophia.1.petermann:50-66/norm/html

Analytic Visualization HTML: https://data.copticscriptorium.org/urn:cts:copticLit:pistissophia.1.petermann:50-66/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:pistissophia.1.petermann:50-66/tei/xml

Paula XML: https://data.copticscriptorium.org/urn:cts:copticLit:pistissophia.1.petermann:50-66/paula/xml

relANNIS: https://data.copticscriptorium.org/urn:cts:copticLit:pistissophia.1.petermann:50-66/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:pistissophia.1.petermann:50-66/annis