Life of Pisentius part 3
normalized analytic TEI ANNIS PAULA Search ANNIS
Previous

Normalized Text

ϩⲉⲛⲱⲛϣϯⲡⲉⲩⲟⲩⲟⲓⲉⲣⲟⲓ
ⲁⲩⲛⲉϫⲇⲉⲛⲁϣⲏⲛⲉⲓⲧⲛⲉⲡϫⲓⲥⲉⲉⲁⲩⲛⲟϭⲛϣⲟⲉⲓϣⲧⲱⲟⲩⲛⲉϫⲱⲓ·
ⲁⲩⲱⲡⲕⲉⲧⲃⲛⲏⲉϯⲧⲁⲗⲏⲩⲉⲣⲟϥ·ⲁⲓⲕⲁⲧⲟⲟⲧⲉⲃⲟⲗ·
ⲁⲓⲱϣⲉⲃⲟⲗⲟⲛϫⲉⲡⲛⲟⲩⲧⲉⲙⲛⲛⲉϣⲗⲏⲗ·ⲙⲡⲁⲉⲓⲱⲧⲉⲧⲟⲩⲁⲁⲃ·ⲁⲡⲁⲡⲉⲥⲩⲛⲑⲓⲟⲥⲡⲉⲛⲧⲁϥⲛⲁϩⲙⲉⲧⲉⲧⲧⲁⲡⲣⲟⲛⲛϩⲟⲓⲧⲉ·
ⲉⲕⲉⲛⲁϩⲙⲉⲧⲟⲛ·ⲧⲉⲛⲟⲩⲉⲧⲧⲁⲡⲣⲟⲛⲛⲉⲓⲟⲩⲱⲛϣ·ⲁⲩⲱⲙⲡⲁⲧⲉⲡϣⲁϫⲉⲥⲱⲗⲡϩⲛⲣⲱⲓ·ⲁⲟⲩⲁϩⲛⲛⲱⲛϣⲉⲧⲙⲙⲁⲩⲛⲉϫⲟⲩⲛⲟϭⲛϩⲣⲟⲟⲩ
ⲁⲩⲁⲛⲁⲭⲱⲣⲉⲓⲛⲁⲩⲧⲏⲣⲟⲩ·ϩⲓⲧⲛⲛⲉϣⲗⲏⲗ·ⲙⲡⲁⲉⲓⲱⲧⲉⲧⲟⲩⲁⲁⲃ·ⲁⲡⲁⲡⲉⲥⲩⲛⲑⲓⲟⲥ·
ⲁⲩⲁⲛⲁⲭⲱⲣⲉⲓⲛⲁⲩⲧⲏⲣⲟⲩϩⲓⲧⲛⲛⲉϣⲗⲏⲗⲙⲡⲁⲉⲓⲱⲧⲉⲧⲟⲩⲁⲁⲃ·ⲁⲡⲁⲡⲉⲥⲩⲛⲑⲉⲓⲟⲥ·
ⲁⲛⲟⲕⲇⲉϩⲱⲱⲧⲁⲓⲃⲱⲕⲉϩⲏⲧⲉⲡⲧⲟⲟⲩⲛⲧⲥⲛⲧⲏ·ⲉⲓϯⲉⲟⲟⲩⲙⲡⲛⲟⲩⲧⲉⲉϫⲛⲛⲉⲛⲧⲁⲩϣⲱⲡⲉⲙⲙⲟⲓϫⲉⲁϥⲛⲁϩⲙⲉⲧⲉⲧⲧⲁⲡⲣⲟⲛⲛⲉⲑⲏⲣⲓⲟⲛⲉⲧϩⲟⲟⲩ·
ⲛⲧⲉⲣⲓⲃⲱⲕⲇⲉⲉϩⲏⲧ·ⲁⲓϩⲉⲉⲣⲟⲥⲉⲣⲉⲡⲡⲉⲧⲟⲩⲁⲁⲃ·ⲙⲉⲗⲏⲧⲁϩⲛⲛⲉⲡⲣⲟⲫⲏⲧⲏⲥϣⲏⲙ·
ⲁⲓϫⲓⲇⲉⲙⲡⲧⲃⲛⲏⲉϩⲟⲩⲛⲉⲡⲉⲥⲧⲁⲩⲗⲟⲛ·ⲛⲛⲧⲃⲛⲟⲟⲩⲉ·
ⲁⲡⲁⲉⲓⲱⲧⲇⲉϭⲱϣⲧⲉⲡⲉⲥⲏⲧⲉϫⲱⲓⲉⲃⲟⲗϩⲛϫⲟⲉⲙⲡⲡⲩⲣⲅⲟⲥ·
ⲡⲉϫⲁϥⲛⲁⲓϫⲉⲱⲓⲱϩⲁⲛⲛⲏⲥ·ⲁⲓⲣⲟⲩⲱⲛⲁϥ·ϫⲉⲥⲙⲟⲩⲉⲣⲟⲓ⁘ⲻⲡⲁⲉⲓⲱⲧ·
ⲡⲉϫⲁϥⲛⲁⲓϫⲉⲙⲡⲉⲓϫⲟⲟⲥⲛⲁⲕϫⲉⲣϣⲁⲛⲛⲛⲁⲩⲡⲣⲟⲕⲟⲡⲧⲉⲓⲙⲡⲣⲉⲓⲉϩⲏⲧ·ϣⲁⲛⲧⲉⲡⲛⲁⲩⲛϣⲱⲣⲡϣⲱⲡⲉ·
ⲡⲁⲣⲁⲕⲉⲕⲟⲩⲓ·ⲁⲛⲉⲑⲱⲣⲓⲟⲛⲁⲛϩⲁⲗⲁⲥⲕⲉⲙⲙⲟⲕ·ⲛⲥⲁⲃⲏⲗⲉⲧⲃⲉⲧⲙⲛⲧⲛⲁⲏⲧⲙⲡⲛⲟⲩⲧⲉ·
ⲁⲧⲉⲧⲛⲛⲁⲩϭⲉⲱⲛⲁⲙⲉⲣⲁⲧⲉϫⲉϩⲱⲃⲛⲓⲙⲉϣⲁϥϣⲱⲡⲉϣⲁϥⲉⲓⲙⲉⲉⲣⲟϥ·ⲕⲁⲛⲉϥϩⲙⲙⲁⲛⲓⲙ·ⲉϣⲁϥϣⲱⲡⲉϣⲁϥⲉⲓⲙⲉⲉⲣⲟϥ
ⲁⲗⲗⲁⲉϥϩⲱⲡⲙⲙⲟϥ·ϩⲛⲛⲉϥⲡⲟⲗⲓⲧⲉⲓⲁ·ⲛⲉϥⲟⲩⲱϣⲁⲛⲉⲧⲣⲉⲉⲟⲟⲩⲉⲡⲁⲣⲱⲙⲉⲡⲉϣⲱⲡⲉⲛⲁϥ·ⲕⲁⲧⲁⲧϩⲉⲛⲧⲁϥϫⲟⲟⲥⲛϭⲓⲡⲥⲟⲫⲟⲥⲡⲁⲩⲗⲟⲥϫⲉⲉⲓϣⲓⲛⲉⲁⲛⲛⲥⲁⲡⲉⲟⲟⲩⲛⲧⲛⲣⲱⲙⲉ·ⲟⲩⲇⲉⲛⲧⲉⲧⲏⲩⲧⲛ·ⲟⲩⲇⲉⲛⲧⲛϭⲉ·
ⲉⲓϣⲁⲛⲟⲩⲱϣⲉϫⲱⲉⲣⲱⲧⲛⲛⲛⲉϩⲃⲏⲩⲉⲧⲏⲣⲟⲩⲛⲧⲁⲛⲛⲁⲩⲉⲣⲟⲟⲩⲛϩⲓⲧⲙⲡϩⲗⲗⲟⲙⲙⲁⲕⲁⲣⲓⲟⲥⲁⲡⲁⲡⲉⲥⲩⲛⲑⲓⲟⲥ·ⲡϣⲁϫⲉⲛⲁⲁϣⲁⲓⲉⲡⲉϩⲟⲩⲟ·
ⲁⲗⲗⲁⲛϩⲟⲥⲟⲛⲁⲧⲉⲅⲣⲁⲫⲏ·ⲥϩⲁⲓⲛⲁⲛϫⲉⲛⲉϩⲃⲏⲩⲉⲙⲡⲛⲟⲩⲧⲉⲛⲁⲛⲟⲩⲟⲏⲟⲛϩⲟⲩⲉⲃⲟⲗⲛⲟⲩⲟⲛⲛⲓⲙ·ⲉⲓⲛⲁϫⲉϩⲉⲛⲕⲟⲩⲓⲇⲉⲛⲏⲧⲛⲉⲃⲟⲗϩⲛϩⲁϩⲉⲧⲃⲉⲛⲁⲣⲉⲧⲏⲙⲡⲉⲓⲣⲱⲙⲉⲛⲧⲉⲗⲓⲟⲥ·ⲙⲛⲛⲥⲱⲥⲛⲧⲛϯⲙⲟⲩϫⲱⲕⲙⲡϣⲁϫⲉ·
ⲁⲥϣⲱⲡⲉⲇⲉⲟⲛⲛⲟⲩϩⲟⲟⲩⲁⲩⲣⲱⲙⲉⲉⲓϣⲁⲣⲟϥⲉⲃⲟⲗϩⲙⲡⲧⲟϣⲛⲕⲃⲧ·ⲉⲣⲉⲡⲉϥϣⲏⲣⲉⲙⲟⲟϣⲉⲛⲙⲙⲁϥⲉⲁϥⲉⲓⲉⲧⲑⲩⲗⲓⲕⲓⲁⲉⲧⲣⲉϥϩⲟⲧⲣϥⲉϩⲟⲩⲛⲉⲡⲅⲁⲙⲟⲥⲛⲥⲩⲙⲛⲟⲛ·
ⲁⲩⲃⲱⲕⲇⲉⲉϩⲟⲩⲛⲡⲉⲥⲛⲁⲩⲙⲛⲛⲉⲩⲉⲣⲏⲩ·ⲁⲩⲡⲁϩⲧⲟⲩⲙⲛⲁⲩⲡⲁϩⲧⲟⲩϩⲁⲛⲉϥⲟⲩⲣⲏⲏⲧⲉ·
ⲡⲉϫⲉⲡⲡⲉⲧⲟⲩⲁⲁⲃⲙⲡⲣⲱⲙⲉ·ϫⲉⲉⲧⲣⲉⲟⲩⲙⲡⲉⲕϫⲓⲥϩⲓⲙⲉ·ⲙⲡⲉⲕϣⲏⲣⲉ
ⲛⲉⲟⲩⲣⲙⲕⲃⲧⲅⲁⲣⲡⲉⲡⲣⲱⲙⲉⲉⲧⲙⲙⲁⲩ·
ⲁϥⲟⲩⲱϣⲃⲇⲉⲛϭⲓⲡⲣⲱⲙⲉϫⲉⲟⲩϣⲏⲣⲉϣⲏⲙⲡⲉⲡⲁⲉⲓⲱⲧⲙⲡⲁⲧϥⲉⲓⲉⲧϩⲓⲗⲓⲕⲓⲁ·ⲁⲩⲱⲟⲩⲥⲁⲃⲉⲡⲉ·
ⲁϥⲟⲩⲱϣⲃⲛϭⲓⲡⲡⲉⲧⲟⲩⲁⲁⲃϫⲉⲛⲁⲙⲉⲁⲡⲉⲕϣⲏⲣⲉⲡⲟⲣⲛⲉⲩⲉ·ⲁⲩⲱⲉⲕϣⲁⲛⲕⲁⲁϥ·ϣⲁϥⲧⲁⲩⲉⲧⲙⲉ·
ⲡⲉϫⲉⲡⲣⲱⲙⲉϫⲉⲉϣⲱⲡⲉⲁϥⲡⲟⲣⲛⲉⲩⲉⲉⲓⲥϩⲏⲏⲧⲉϯϯⲙⲙⲟϥⲉⲛⲉⲕϭⲓϫ·ⲉⲧⲣⲉⲕⲉⲓⲣⲉⲛⲁϥⲕⲁⲧⲁⲡⲉⲧⲉⲣⲁⲛⲁⲕ·
ⲁϥⲟⲩⲱϣⲃⲛϭⲓⲡⲉⲡⲣⲟⲫⲏⲧⲏⲥⲉⲧⲟⲩⲁⲁⲃϫⲉⲉⲕϣⲁⲛⲃⲱⲕⲉϩⲟⲩⲛⲉⲡⲉⲕϯⲙⲉⲕⲛⲁⲁⲡⲁⲛⲧⲁⲉⲩⲥϩⲓⲙⲉ·ϩⲙⲡϣⲟⲣⲡⲛϩⲟⲟⲩⲧⲛⲙⲡⲉⲕϯⲙⲉ·
ⲉⲧϣⲉⲉⲣⲉⲧⲉⲛⲛⲓⲙⲛⲣⲱⲙⲉⲧⲉ·ⲡⲉⲧⲛϩⲏⲧⲥ·ⲛⲁⲣⲙⲛⲧⲣⲉⲛⲁⲕϫⲉⲡⲉⲕϣⲏⲣⲉⲡⲉⲛⲧⲁϥⲛⲕⲟⲧⲕⲛⲙⲙⲁⲥ·
ⲁⲗⲗⲁⲙⲡⲣⲙⲉⲉⲩⲉ·ⲉⲣⲟⲓϩⲟⲗⲱⲥϫⲉⲛⲧⲁⲓϫⲉⲡⲁⲓϩⲁⲣⲟⲓⲙⲁⲏⲁⲁⲧ·ⲙⲙⲟⲛ·ⲁⲗⲗⲁⲛⲧⲁⲩⲧⲁⲙⲟⲓϩⲓⲧⲛϩⲉⲛⲣⲱⲙⲉⲛϣⲟⲩⲡⲓⲥⲧⲉⲩⲉⲛⲁⲩ·
ⲁⲗⲗⲁⲉⲕϣⲁⲛⲥⲱⲧⲙⲛⲥⲱⲓⲕⲛⲁϫⲓⲧⲥⲛⲁϥⲛⲥϩⲓⲙⲉ·ⲛϩⲟⲥⲟⲛⲁϥⲑⲃⲃⲓⲟⲥ·
ⲁⲩⲱⲛⲁⲙⲉⲙⲉⲓⲁⲛⲉⲭⲉⲉⲕⲁⲁϥⲉⲥⲛⲁϩⲉϣⲁⲛⲧⲉϥϫⲓⲧⲥ·
ⲡⲛⲟⲙⲟⲥⲅⲁⲣⲕⲉⲗⲉⲩⲉϫⲉⲉⲣϣⲁⲛⲟⲩⲣⲱⲙⲉⲛⲕⲟⲧⲕⲙⲛⲟⲩϣⲉⲉⲣⲉϣⲏⲙ·ⲙⲡⲟⲩϣⲡⲧⲟⲟⲧⲥ·ⲛϥϫⲓⲧⲥⲛϫⲛⲁϩ·ⲛϥϣⲱⲡⲉⲛⲙⲙⲁⲥ·ⲉϥⲉϯⲧⲉϭⲣⲏⲏⲡⲉⲛⲁⲥⲛⲁⲧϣⲁⲩⲛⲧⲉϭⲣⲏⲏⲡⲉⲛⲙⲡⲁⲣⲑⲉⲛⲟⲥ·
ⲁⲩⲱⲛϥϭⲱⲙⲛⲧⲛⲧⲁⲩⲑⲃⲃⲓⲟⲥ·ⲕⲁⲛⲟⲩϩⲏⲕⲉⲧⲉ·ⲕⲁⲛⲟⲩⲣⲙⲙⲁⲟⲧⲉ⁘ⲻ
ⲧⲉⲛⲟⲩϭⲉⲁⲡⲇⲓⲁⲃⲟⲗⲟⲥⲧⲣⲉⲡⲉⲕϣⲏⲣⲉϩⲉⲙⲛⲧⲉⲥϩⲓⲙⲉⲃⲱⲕⲛⲅϫⲓⲧⲥⲛⲁϥ·
ⲙⲡⲣⲕⲁⲁϥ·ⲣⲛⲟⲃⲉⲛⲧⲉⲡⲛⲟⲩⲧⲉϫⲛⲟⲩⲕⲉⲧⲃⲉⲡⲟⲩϫⲁⲓⲛⲧⲉϥⲯⲩⲭⲏ·
ⲕⲁⲓⲅⲁⲣⲉⲕϣⲁⲛϩⲟⲧⲣϥⲉⲡⲅⲁⲙⲟⲥⲛⲥⲉⲙⲛⲟⲛⲛϥϩⲉⲟⲛϩⲛⲕⲉⲛⲟⲃⲉ·ⲉⲣⲉⲡⲉⲥⲛⲟϥⲙⲡⲁⲓⲛϯⲙⲓⲛⲉⲛⲁϣⲱⲡⲉⲉϩⲣⲁⲓⲉϫⲱϥⲙⲁⲩⲁⲁϥ·
ⲙⲡⲣⲕⲁⲁϥⲉϭⲛⲗⲟⲓϭⲉⲉⲣⲟⲕⲙⲁⲩⲁⲁⲕϩⲙⲛⲃⲏⲙⲁⲙⲡⲉⲭⲣⲓⲥⲧⲟⲥ·ϫⲉⲙⲡⲉⲡⲁⲉⲓⲱⲧϫⲓⲥϩⲓⲙⲉⲛⲁⲓⲛⲧⲉⲡⲕⲩⲛⲁⲩⲛⲟⲥⲧⲏⲣϥⲙⲡⲉϥⲛⲟⲃⲉϣⲱⲡⲉⲉϩⲣⲁⲓⲉϫⲱⲕϫⲉⲁⲕϯⲥⲃⲱⲛⲁϥϩⲛⲟⲩⲗϣⲕϣⲛⲧϩⲉⲛⲧⲁⲩⲥⲏⲙⲁⲛⲉ·ϩⲛⲛⲉⲅⲣⲁⲫⲏⲉⲧⲟⲩⲁⲁⲃ·ⲉⲧⲃⲉϩⲏⲗⲉⲓⲡⲟⲩⲏⲏⲃ·ϫⲉⲁϥϯⲥⲃⲱⲛⲛⲉϥϣⲏⲣⲉϩⲛⲟⲏⲗϣⲕϣ·
ⲁϥⲟⲩⲱϣⲃⲛϭⲓⲡⲣⲱⲙⲉϫⲉϣⲁϫⲉⲛⲓⲙⲛⲧⲁⲕϫⲟⲟⲩⲛⲁⲓϯⲛⲁϩⲁⲡⲣⲉϩⲉⲣⲟⲟⲩ·
ⲡⲉⲧⲛⲁⲣⲁⲧⲥⲱⲧⲙⲅⲁⲣⲉⲣⲟⲕⲉϥⲛⲁⲣⲁⲧⲥⲱⲧⲙⲛⲥⲁⲡⲉⲭⲣⲓⲥⲧⲟⲥ·ⲉⲃⲟⲗϫⲉϩⲉⲛϣⲁϫⲉⲛⲱⲛϩⲛⲉⲧⲛⲏⲩⲉⲃⲟⲗϩⲛⲧⲉⲕⲧⲁⲡⲣⲟ·
ⲡⲙⲁⲕⲁⲣⲓⲟⲥⲇⲉⲡⲉϫⲁϥϫⲉⲡⲭⲣⲓⲥⲧⲟⲥⲉϥⲉϣⲱⲡⲉⲛⲙⲙⲏⲏⲧⲛ·ⲙⲟⲟϣⲉϩⲛⲟⲩⲉⲓⲣⲏⲛⲏ·
ⲁϥⲉⲓⲇⲉⲉⲃⲟⲗϩⲓⲧⲟⲟⲧϥⲁϥⲉⲓⲣⲉⲕⲁⲧⲁⲧϩⲉⲛⲧⲁϥϩⲱⲛⲉⲧⲟⲟⲧⲟⲩ·ⲁⲩⲱⲁⲡⲉⲩϩⲏⲧⲙⲧⲟⲛⲉⲙⲁⲧⲉ·
ⲁⲥϣⲱⲡⲉⲇⲉⲟⲛⲛⲟⲩϩⲟⲟⲩⲉϥⲡⲁⲣⲁⲅⲉϩⲛⲛϯⲙⲉⲛϭⲓⲡⲉⲛⲡⲉⲧⲟⲩⲁⲁⲃⲛⲉⲓⲱⲧⲁⲡⲁⲡⲉⲥⲩⲛⲑⲓⲟⲥⲡⲉⲡⲓⲥⲕⲟⲡⲟⲥ·ⲉϥⲙⲟⲩϣⲧⲛⲛⲉϥⲉⲕⲕⲗⲏⲥⲓⲁ·
ⲛⲧⲉⲣϥⲟⲩⲱⲇⲉⲉϥⲙⲟⲩϣⲧⲙⲙⲟⲟⲩ·ⲉϥⲛⲁⲕⲧⲟϥⲇⲉⲉϩⲟⲩⲛⲉⲧϩⲉⲛⲉⲉⲧⲉⲁϥⲡⲁⲣⲁⲅⲉϩⲓⲧⲉϩⲓⲏⲙⲡϩⲱⲧⲉⲃⲟⲗⲙⲡϩⲟⲓⲁⲩⲣⲱⲙⲉⲛⲟⲩⲟⲓ·ⲉⲓⲛⲉϣⲁⲣⲟϥⲛⲟⲩⲉϩⲉ·ⲉⲧⲱϥⲧⲉ·ϫⲉⲉϥⲛⲁⲥⲫⲣⲁⲅⲓⲍⲉⲙⲙⲟⲥ·
ⲁⲛⲁⲩⲉⲧϭⲟⲙⲙⲡⲛⲟⲩⲧⲉ·
ⲁⲧⲉⲥⲫⲣⲁⲅⲓⲥⲛⲧⲁⲡⲡⲉⲧⲟⲩⲁⲁⲃϣⲱⲗϩⲙⲙⲟⲥⲉⲧⲉϩⲉⲁⲛⲉϥⲧⲏⲏⲃⲉϫⲱⲱⲧⲉⲉϩⲟⲩⲛⲉϩⲏⲧⲥ·
ⲛⲧⲉⲣⲉⲥⲙⲓⲥⲉⲇⲉⲁⲩϩⲉⲉⲧⲉϭⲫⲣⲁⲅⲓⲥⲛⲧⲁⲡⲡⲉⲧⲟⲩⲁⲁⲃϣⲱⲗϩⲙⲙⲟⲥ·
ⲁⲩⲱⲁϥⲥⲫⲣⲁⲅⲓⲍⲉⲙⲙⲟⲥϩⲓⲃⲟⲗⲉⲥⲟⲙⲙⲁⲉⲓⲛϩⲛϩⲏⲧϥⲙⲡⲕⲟⲩⲓⲛⲕⲧⲏⲣⲙⲡⲉⲥⲙⲟⲧⲛⲟⲩⲥⲟⲣⲧⲛⲟⲩⲱⲃϣ·ⲁⲩⲱⲛⲧϩⲉⲛⲟⲩⲭⲓⲱⲛ·
ⲣⲱⲙⲉⲅⲁⲣⲛⲓⲙⲉⲧⲉⲣⲉⲡⲣⲱⲙⲉⲙⲡⲉⲧⲟⲩⲁⲁⲃⲛⲁⲥⲟⲟⲩⲧⲛⲉⲃⲟⲗⲛⲧⲉϥϭⲓϫⲛϥⲥⲫⲣⲁⲅⲓⲍⲉⲙⲙⲟⲟⲩⲉⲩϣⲟⲟⲡϩⲛϣⲱⲛⲉⲛⲓⲙ·ϣⲁⲩⲗⲟⲛⲧⲉⲩⲛⲟⲩ·
ⲁⲙⲏⲓⲧⲛϭⲉⲱⲛⲉⲧⲉⲣⲉⲡⲉⲩϩⲏⲧⲥⲟⲩⲧⲱⲛⲉϩⲟⲩⲛⲉⲡⲛⲟⲩⲧⲉⲙⲛⲡⲡⲉⲧⲟⲩⲁⲁⲃ·
ⲛⲧⲉⲧⲛϭⲡⲥⲱⲡϥ·ϩⲛϩⲉⲛⲣⲙⲉⲓⲟⲟⲩⲉⲙⲛϩⲉⲛⲙⲉⲧⲁⲛⲟⲓⲁ·ϫⲉⲕⲁⲥⲉϥⲛⲁⲡⲁⲣⲁⲕⲁⲗⲉⲓⲙⲡⲉⲭⲣⲓⲥⲧⲟⲥⲛϥⲣⲟⲩⲛⲁⲛⲙⲙⲁⲛϩⲛⲧⲛϭⲓⲛⲁⲡⲁⲛⲧⲁⲉⲣⲟϥ·ϫⲉⲟⲩϩⲟⲧⲉ·ⲡⲉϩⲉⲉⲣⲁⲓⲛϭⲓϫⲙⲡⲛⲟⲩⲧⲉⲉⲧⲟⲛϩ·
ⲉⲣϣⲁⲛⲟⲩⲁⲛϩⲏⲧⲧⲏⲩⲧⲛⲧⲟⲗⲙⲁⲉⲡⲉⲣⲓⲉⲣⲅⲁⲍⲉⲛⲥⲁⲡϣⲁϫⲉϫⲉⲁⲓⲧⲟⲗⲙⲁⲉϫⲟⲟⲥϫⲉⲡⲉϣⲃⲏⲣⲙⲡⲉⲭⲣⲓⲥⲧⲟⲥⲡⲉⲡⲉⲧⲟⲩⲁⲁⲃⲛⲉⲡⲓⲥⲕⲟⲡⲟⲥⲁⲡⲁⲡⲉⲥⲩⲛⲑⲓⲟⲥ·ⲙⲁⲣⲉϥⲉⲓⲧⲉⲛⲟⲩⲉϫⲙⲡⲉϩⲣϩⲧⲟⲛⲙⲡⲉⲏⲁⲅⲅⲉⲗⲓⲟⲛⲉⲧⲟⲩⲁⲁⲃⲛⲕⲁⲧⲁⲓⲱϩⲁⲛⲛⲏⲥⲛϥⲥϣⲧⲙⲉⲡⲛⲟⲩⲧⲉⲉϥⲱϣⲉⲃⲟⲗϩⲛⲧⲧⲁⲣⲡⲟⲙⲡⲉϥⲙⲉⲣⲓⲧⲉⲧⲟⲩⲁⲁⲃⲓⲱϩⲁⲛⲛⲏⲥⲡⲉⲩⲁⲅⲅⲉⲗⲓⲥⲧⲏⲥ·ⲉϥϫⲱⲙⲙⲟⲥ·ϫⲉⲛⲧⲱⲧⲛⲛⲧⲛⲛⲁϣⲃⲏⲣ·ⲉⲧⲉⲧⲛϣⲁⲛⲉⲓⲣⲉⲛⲛⲉⲧⲉⲓϩⲱⲛⲙⲙⲟⲟⲩⲉⲧⲟⲟⲧⲧⲏⲩⲧⲛ·
ⲁⲩⲱⲟⲛϫⲉⲛⲧⲱⲧⲛⲇⲉⲛⲧⲁⲓⲙⲟⲩⲧⲉⲉⲣⲱⲧⲛ·ϫⲉⲛⲁϣⲃⲏⲣ·ϫⲉⲛⲉⲛⲧⲁⲓⲥⲟⲧⲙⲟⲩⲧⲏⲣⲟⲩⲛⲧⲙⲡⲁⲉⲓⲱⲧⲁⲓⲧⲁⲙⲱⲧⲛⲉⲣⲟⲟⲩ·
ⲁⲩⲱⲟⲛϫⲉⲛⲧⲱⲧⲛⲁⲛ·ⲁⲧⲉⲧⲛⲥⲟⲧⲡⲧⲁⲗⲗⲁⲁⲛⲟⲕⲁⲓⲥⲉⲧⲡⲧⲏⲩⲧⲛ
ⲁⲩⲱⲁⲛⲟⲕⲁⲓⲕⲁⲧⲏⲩⲧⲛϫⲉⲕⲁⲥⲉⲣⲉⲡⲉⲧⲛⲕⲁⲣⲡⲟⲥⲙⲟⲩⲛⲉⲃⲟⲗ·ⲉⲩⲱⲛϩϣⲁⲉⲛⲉϩ⁘ⲻ
ⲁⲧⲉⲧⲛⲉⲓⲙⲉϭⲉⲟⲩⲛⲱⲛⲁⲙⲉⲣⲁⲧⲉϫⲉⲡⲉⲧⲛⲁⲉⲓⲣⲉⲙⲡⲟⲩⲱϣⲙⲡⲛⲟⲩⲧⲉ·ⲡⲁⲓⲡⲉⲡⲉϥϣⲃⲏⲣⲁⲩⲱⲛⲉϥⲥⲟⲛ·ⲕⲁⲧⲁⲧϩⲉⲛⲧⲁϥϫⲟⲟⲥϩⲙⲡⲉⲩⲁⲅⲅⲉⲗⲓⲟⲛⲉⲧⲟⲩⲁⲁⲃ·ϫⲉⲡⲉⲧⲛⲁⲉⲓⲣⲉⲙⲛⲟⲩⲱϣⲙⲡⲁⲉⲓⲱⲧⲉⲧϩⲛⲙⲡⲏⲩⲉ·ⲡⲁⲓⲡⲉⲡⲁⲥⲟⲛⲁⲩⲱⲧⲁⲥⲱⲛⲉ·ⲁⲩⲱⲧⲁⲙⲁⲁⲩ·
ⲁⲥϣⲱⲡⲉⲛⲟⲩϩⲟⲟⲩⲁⲩⲉⲓⲛⲉϣⲁⲣⲟⲩ·ⲛⲟⲩϣⲏⲣⲉϣⲏⲙⲉⲣⲉⲟⲩⲇⲁⲓⲙⲱⲛⲓⲟⲛϩⲓⲱⲱϥ·
ⲁϥⲡⲁⲣⲁⲕⲁⲗⲉⲓⲙⲙⲟϥⲉϥϫⲱⲙⲙⲟⲥϫⲉⲁⲣⲓⲧⲁⲅⲁⲡⲏⲛⲅⲥⲫⲣⲁⲅⲓⲍⲉⲙⲙⲟϥ·ϫⲉⲟⲩⲇⲁⲓⲙⲱⲛⲓⲟⲛⲉϥϩⲟⲟⲩⲡⲉ·
ⲁϥϫⲛⲉⲡⲉϥⲉⲓⲱⲧⲇⲉⲛϭⲓⲡⲡⲉⲧⲟⲩⲁⲁⲃ·ϫⲉⲉⲓⲥⲁⲟⲩⲏⲣⲛⲟⲩⲟⲉⲓϣ·ϫⲓⲛⲛⲧⲁⲡⲁⲓⲧⲁϩⲟϥ·
ⲡⲉϫⲁϥϫⲉⲉⲓⲥⲥⲁϣϥⲉⲛⲣⲟⲙⲡⲉ·ϣⲉⲛⲉⲕϣⲗⲏⲗⲱⲡⲁⲉⲓⲱⲧ
ϣⲁϥⲛⲟϫϥⲉⲡⲕⲁϩⲛϥϩⲓⲧⲉⲛϩⲏⲧϥⲛⲧϩⲉⲙⲡⲕⲁⲙⲟⲩⲗⲛⲧⲉⲛⲉϥⲃⲁⲗⲙⲟⲩϩⲛⲥϩⲟϥ·
ⲁⲩⲱϩⲁϩⲛⲥⲟⲡϣⲁⲛⲉⲓⲁⲧⲟⲟⲧⲛⲛⲥⲱϥϫⲉⲁϥⲙⲟⲟⲩⲧϥ·
ⲁⲩⲱⲛϥϣⲁϫⲉⲁⲛⲉⲡⲧⲏⲣϥ·ⲁⲣⲓⲧⲁⲅⲁⲡⲏⲛⲅⲃⲟⲏⲑⲉⲓⲉⲣⲟϥⲡⲁⲉⲓⲱⲧ·
ⲡⲁⲉⲓⲱⲧⲇⲉⲁϥⲙⲟⲩⲧⲉⲉⲣⲟⲓⲁⲛⲟⲕⲓⲱϩⲁⲛⲛⲏⲥ·
ⲡⲉϫⲁϥⲛⲁⲓϫⲉⲃⲱⲕⲉⲡⲗⲟⲩⲧⲏⲣⲙⲡⲥⲱⲟⲩϩⲛⲅⲉⲓⲛⲉⲛⲁⲓⲛⲟⲩⲕⲟⲩⲓⲙⲙⲟⲟⲩⲛⲧⲁⲛⲟϫϥⲉϫⲙⲡⲉⲓϣⲏⲣⲉϣⲏⲙⲙⲙⲟⲛⲡⲣⲟⲥⲧϩⲉⲉⲧⲉⲓⲛⲁⲩⲉⲣⲟϥⲡⲉⲓⲇⲁⲓⲙⲱⲛϯϩⲓⲥⲉⲛⲁϥⲉⲙⲁⲧⲉ
ⲁⲓⲃⲱⲕϭⲉⲉϩⲟⲩⲛⲉⲡⲥⲱⲟⲩϩⲕⲁⲧⲁⲡⲟⲩⲉϩⲥⲛⲁϩⲛⲉⲙⲡⲁⲭⲣⲓⲥⲧⲟⲥⲛⲉⲓⲱⲧⲙⲙⲁⲕⲁⲣⲓⲟⲥⲡⲉⲡⲣⲉⲥⲃⲩⲧⲉⲣⲟⲥ·ⲁⲩⲱⲡⲉⲡⲣⲟⲉⲓⲥⲧⲟⲥⲙⲡⲧⲟⲡⲟⲥⲃⲱⲕⲉϩⲟⲩⲛⲉⲡⲉⲑⲩⲥⲓⲁⲥⲧⲏⲣⲓⲟⲛ
ⲁϥⲙⲉϩⲡⲕⲟⲩⲓⲙⲙⲟⲟⲩⲛⲁⲓⲁⲓⲉⲛⲉⲙⲙⲟϥⲙⲡⲡⲉⲧⲟⲩⲁⲁⲃ·
ⲁⲡⲡⲉⲧⲟⲩⲁⲁⲃⲥⲫⲣⲁⲅⲓⲍⲉⲙⲡⲙⲟⲟⲩϩⲙⲡⲉϥⲧⲏⲏⲃⲉⲉⲡⲣⲁⲛⲙⲡⲉⲓⲱⲧⲙⲛⲛϣϩⲣⲉⲙⲛⲡⲉⲡⲛⲉⲩⲙⲁⲉⲧⲟⲩⲁⲁⲃ·
ⲁϥϯⲙⲡⲙⲟⲟⲩⲙⲡⲉϥⲉⲓⲱⲧ·ⲉϥϫⲱⲙⲙⲟⲥⲛⲁϥ·ϫⲉϫⲓⲙⲡⲉⲕϣⲏⲣⲉ·ⲛⲅⲃⲱⲕⲉⲡⲉⲕⲏⲓ·ⲛⲅⲧⲥⲟⲟϥⲉⲃⲟⲗϩⲛⲛⲉⲓⲙⲟⲟⲩⲉⲧⲟⲩⲁⲁⲃⲛⲧⲁⲓⲧⲁⲁⲩⲛⲁⲕⲉⲃⲟⲗϩⲙⲡⲗⲟⲩⲧⲏⲣⲙⲡⲥⲱⲟⲩϩⲛⲅⲡⲓⲥⲉⲩⲉⲉⲡⲭⲣⲓⲥⲧⲟⲥⲁⲩⲱϥⲛⲁⲧⲁⲗϭⲟϥ·
ⲛⲧⲁϥⲣⲡⲁⲓⲇⲉⲛϭⲓⲡⲁⲉⲓⲱⲧϫⲉⲛⲛϥⲧⲥⲟϥⲛⲧⲟϥϩⲛⲛⲉϥϭⲓϫⲛⲧⲉⲛⲇⲁⲓⲙⲱⲛⲓⲟⲛⲉⲓⲉⲃⲟⲗϩⲛⲟⲩϭⲉⲡⲏ·ⲛⲧⲉⲛⲣⲱⲙⲉϣⲟⲩϣⲟⲩⲙⲙⲟⲟⲩⲉϫⲱϥϫⲉⲁⲁⲡⲁⲡⲉⲥⲩⲛⲑⲓⲟⲥⲛⲉϫⲡⲇⲁⲓⲙⲩⲱⲛⲓⲟⲛⲉⲃⲟⲗϩⲙⲡϣⲏⲣⲉⲛⲛⲓⲙⲛⲣⲱⲙⲉ·ⲉⲃⲟⲗϫⲉⲛⲉϥⲟⲩⲱϣⲁⲛⲉϫⲓⲉⲟⲟⲩⲉⲃⲟⲗϩⲓⲧⲟⲟⲧⲟⲩⲛⲛⲣⲱⲙⲉ·
ⲛⲧⲉⲣⲉⲛⲣⲱⲙⲉⲇⲉϫⲓⲙⲡⲉϥϣⲏⲣⲉϫⲉⲉϥⲛⲁⲃⲱⲕⲉⲡⲉϥⲏⲓⲡⲣⲟⲥⲧϩⲉⲛⲧⲁϥϩⲟⲙⲟⲗⲟⲅⲉⲓⲛⲁⲓϩⲛⲧⲉϥⲧⲁⲡⲣⲟⲛϭⲓⲛⲣⲱⲙⲉⲙⲛⲛⲥⲁⲧⲣⲉϥⲕⲧⲟϥϣⲁⲣⲟⲛϩⲓⲧⲛϩⲉⲛⲕⲟⲩⲓⲛϩⲟⲟⲩ·ϫⲉⲉⲧⲓⲉⲓⲙⲟⲟϣⲉⲙⲛⲡⲁϣⲏⲣⲉ·
ⲛⲧⲉⲣⲓⲟⲩⲉⲇⲉⲉⲃⲟⲗⲙⲙⲱⲧⲛⲁⲡⲇⲁⲓⲙⲱⲛⲓⲟⲛⲣⲁϩⲧϥⲉϩⲣⲁⲓⲉϫⲙⲡⲕⲁϩⲛⲧⲉⲩⲛⲟⲩⲁϥϩⲓⲧⲉⲙⲙⲟϥ·ⲁϥⲱϣⲉⲃⲟⲗⲛϩⲏⲧϥϫⲉⲡⲉⲥⲩⲛⲑⲓⲟⲥϩⲓⲧⲛⲧⲉⲥⲫⲣⲁⲅⲓⲥⲙⲡⲉⲕⲧⲏⲏⲃⲉⲉⲕⲛⲁⲛⲟϫⲧⲉⲃⲟⲗϩⲙⲡⲁⲙⲁⲛϣⲱⲡⲉ⁘
ⲛⲧⲉⲩⲛⲟⲩⲇⲉⲁⲡϣⲏⲣⲉϣⲏⲙⲕⲁⲑⲁⲣⲓⲍⲉⲁⲓϫⲓⲧϥⲉϩⲟⲩⲛⲉⲡⲁⲏⲓϩⲛⲟⲩⲟⲩⲣⲁϣⲉ·ⲁⲩⲱⲙⲡⲉϥⲕⲧⲟϥⲉϫⲱϥϣⲁⲡⲉϩⲟⲟⲩⲙⲡⲉϥⲙⲟⲩ·
ⲁⲥϣⲱⲡⲉⲇⲉⲙⲛⲛⲥⲁϩⲉⲛⲕⲟⲩⲓⲛϩⲟⲟⲩ·ⲁϥⲃⲱⲕϣⲁⲡⲛⲟϭⲛⲣⲱⲙⲉ·
ⲁϥⲡⲣⲟⲥⲕⲩⲛⲏⲛⲁϥⲁϥⲁⲙⲁϩⲧⲉⲛⲧⲉϥϭⲓϫ·ϫⲉϯϫⲱⲙⲙⲟⲥϫⲉⲁⲡϣⲏⲣⲉϣⲏⲙⲕⲁⲑⲁⲣⲓⲍⲉⲉⲃⲟⲗϩⲙⲡⲇⲁⲓⲙⲱⲛⲓⲟⲛ·
ⲁⲡⲉϥⲉⲓⲱⲧϩⲟⲙⲟⲗⲟⲅⲉⲓϫⲉϯϫⲱⲙⲙⲟⲥⲛⲁⲕⲡⲁⲉⲓⲱⲧϫⲉⲛⲧⲉⲩⲛⲟⲩⲛⲧⲁⲓⲧⲥⲟⲟϥⲉⲃⲟⲗϩⲛⲙⲟⲩⲛⲧⲁⲧⲉⲕⲙⲛⲧⲉⲓⲱⲧⲧⲁⲁⲩⲛⲁⲓ·
ⲁⲡⲭⲣⲓⲥⲧⲟⲥⲛⲛⲁⲏⲧⲭⲁⲣⲓⲍⲉⲙⲡⲧⲁⲗϭⲟⲙⲡⲁϣⲏⲣⲉϩⲓⲧⲛⲛⲉⲕϣⲗⲏⲗⲉⲧⲟⲩⲁⲁⲃ·
ⲁϥⲟⲩⲱϣⲃϫⲉⲟⲩⲛϭⲟⲙⲛϩⲱⲃⲛⲓⲙⲙⲡⲉⲧⲡⲓⲥⲧⲉⲩⲉⲙⲁⲗⲓⲥⲧⲁϣⲁⲣⲉⲙⲙⲟⲟⲩⲙⲡⲉⲑⲩⲥⲓⲁⲥⲧⲏⲣⲓⲟⲛⲧⲁⲗϭⲟⲛⲟⲩⲟⲛⲛⲓⲙ·ⲉⲧⲡⲓⲥⲧⲉⲩⲉ
ⲁⲩⲱⲙⲡⲣⲙⲉⲉⲩⲉⲉⲣⲟⲓϫⲉⲡⲉⲓⲭⲁⲣⲓⲥⲙⲁⲛⲧⲁⲗϭⲟⲏⲡⲉⲣⲟⲓ·ⲙⲙⲟⲛⲙⲏⲅⲉⲛⲟⲓⲧⲟ·ⲁⲗⲗⲁⲧϭⲟⲙⲙⲡⲛⲟⲩⲧⲉⲉⲧϣⲟⲟⲡϩⲛⲛⲉϥⲧⲟⲡⲟⲥⲉⲧⲟⲩⲁⲁⲃⲛⲛⲉⲧⲛⲁⲃⲱⲕⲉⲣⲁⲧⲟⲩϩⲛⲟⲩⲡⲓⲥⲧⲓⲥⲉⲥⲥⲟⲩⲧⲱⲛⲙⲛⲟⲩϩⲏⲧⲙⲛⲙⲛⲧⲁⲧⲛⲁϩⲧⲉⲛϩⲏⲧϥ·
ⲁⲛⲟⲕⲙⲉⲛⲱⲡⲁϣⲏⲣⲉⲁⲛⲅⲟⲩⲉⲗⲁⲭⲓⲥⲧⲟⲛⲉϩⲱⲃⲛϯⲙⲓⲛⲉ·
ⲛⲁⲓⲇⲉⲛⲧⲉⲣϥϫⲟⲟⲩⲁⲡⲣⲱⲙⲉⲃⲱⲕⲉⲃⲟⲗϩⲓⲧⲟⲟⲧϥⲉϥϯⲉⲟⲟⲩⲙⲡⲛⲟⲩⲧⲉⲁⲩⲱⲉϥⲉⲩⲭⲁⲣⲓⲥⲧⲉⲓⲛⲧⲟⲟⲧϥⲙⲡⲁⲉⲓⲱⲧⲙⲙⲁⲕⲁⲣⲓⲟⲥ·
ⲁⲥϣⲱⲡⲉⲇⲉⲟⲛⲛⲟⲩϩⲟⲟⲩⲁⲩⲡⲛⲉⲩⲙⲁⲛⲕⲱϩϥⲱϭⲉⲉϫⲙⲡϩⲏⲧⲛⲟⲩⲣⲱⲙⲉ·
ⲁϥⲕⲱϩⲉⲧⲉϥⲥϩⲓⲙⲉ·
ⲁⲡⲇⲓⲁⲃⲟⲗⲟⲥⲡⲙⲁⲥⲧⲡⲉⲧⲛⲁⲛⲟⲩϥⲡⲁⲓⲉⲧⲫⲑⲟⲛⲉⲓⲉⲣⲡⲉⲧϩⲟⲟⲩⲛⲧⲉⲫⲩⲥⲓⲥⲛⲧⲙⲛⲧⲣⲱⲙⲉⲁϥⲛⲉϫⲡⲉϭⲕⲁⲛⲇⲁⲗⲟⲛⲉⲡϩⲏⲧⲙⲡⲉⲥϩⲁⲓⲉϩⲟⲩⲛⲉⲩⲣⲱⲙⲉϩⲱⲥϫⲉⲁϥⲕⲟⲓⲛⲱⲛⲉⲓⲛⲙⲙⲁⲥ·
ⲧⲉⲥϩⲓⲙⲉⲇⲉⲉⲧⲙⲙⲁⲩⲛⲉⲥⲟⲩⲟϫⲉⲡⲉⲕⲣⲏⲙⲁⲉⲧⲙⲙⲁⲩ·ⲁⲩⲱⲡϩⲟⲟⲩⲧϩⲱⲱϥⲛϥⲟⲩⲟϫⲉⲡⲧⲱⲗⲙⲛⲧⲁⲩⲛⲟϫϥⲛⲥⲱϥⲉϩⲟⲩⲛⲉⲧⲉⲥϩⲓⲙⲉ·ⲕⲁⲧⲁⲧϩⲉⲉⲧⲉⲣⲉⲡϣⲁϫⲉⲛⲁⲧⲁⲙⲟⲛⲉⲛϣⲁⲛⲙⲟⲟϣⲉⲉⲧϩⲏ
ⲁⲡⲣⲱⲙⲉⲛⲉϫⲧⲉϥⲥϩⲓⲙⲉⲉⲃⲟⲗⲉⲧⲃⲉⲧⲡⲟⲛⲏⲣⲓⲁⲉⲧϩⲙⲡⲉϥϩⲏⲧⲉϩⲟⲩⲛⲉⲣⲟⲥ·
ⲁⲡⲉϥⲉⲓⲱⲧⲙⲛⲧⲉϥⲙⲁⲁⲩⲣⲧⲉⲩϭⲡⲟⲩⲇⲏⲧⲏⲣⲥⲙⲡⲟⲩⲉϣⲡⲉⲓⲑⲉⲙⲡϩⲏⲧⲙⲡⲣⲱⲙⲉⲉⲧⲣⲉϥϩⲙⲟⲟⲥⲛⲙⲙⲁⲥ
ⲕⲁⲧⲁⲧϩⲉⲛⲧⲁⲡⲥⲟⲫⲟⲥⲥⲟⲗⲟⲙⲱⲛϫⲟⲟⲥϫⲉⲡϩⲏⲧⲙⲡⲉⲥϩⲁⲓⲙⲉϩⲛⲕⲱϩϫⲉⲛⲛⲉⲛⲧⲁϣⲉⲡϣⲁϫⲉⲉⲡⲉϩⲟⲩⲟ·ⲗⲟⲓⲡⲟⲛⲁⲡϣⲁϫⲉⲧⲁϩⲉⲙⲙⲁⲁϫⲉⲛⲛⲉⲕⲗⲏⲣⲓⲕⲟⲥⲙⲡⲉϥϯⲙⲉⲁⲩⲁⲁϥⲛⲁⲕⲟⲓⲛⲱⲛⲓⲧⲟⲥⲛⲙⲙⲩⲥⲧⲏⲣⲓⲟⲛⲉⲧⲟⲩⲁⲁⲃ
ⲁⲛⲉⲕⲗⲏⲣⲓⲕⲟⲥⲧⲁⲙⲉⲡⲁⲉⲓⲱⲧⲉⲧⲟⲩⲁⲁⲃⲉⲡϣⲁϫⲉ
ⲁⲡⲁⲉⲓⲱⲧⲧⲛⲛⲟⲟⲩⲛⲥⲱϥϫⲉⲙⲡⲉⲥⲕⲩⲗⲗⲉⲓⲙⲙⲟⲕⲛⲧⲁϭⲛⲧⲕⲛϯⲁⲡⲟⲕⲣⲏⲥⲓⲥⲛⲁⲛⲁⲅⲕⲁⲓⲟⲛ·
ⲁⲡⲣⲱⲙⲉⲛⲉϫϩⲣⲟⲟⲩⲉⲃⲟⲗϩⲙⲡϯⲙⲉⲉϥⲙⲟⲟϣⲉⲕⲁⲧⲁⲙⲁⲉϥⲉⲍⲩⲗⲟⲩϫⲉⲛϯⲛⲁⲃⲱⲕⲁⲛϣⲁⲡⲉⲥⲩⲛⲑⲓⲟⲥ·
ⲟⲩⲡⲉⲡϩⲱⲃⲙⲡⲉⲥⲩⲛⲑⲓⲟⲥⲛⲙⲙⲁⲓ
ⲛⲉⲟⲩⲣⲙⲕⲃⲧⲅⲁⲣⲡⲉⲡⲣⲱⲙⲉⲉⲧⲙⲙⲁⲩ·
ⲛⲧⲉⲣⲉϥϭⲱⲇⲉⲉϥⲛⲏϫⲅⲣⲁⲩⲅⲏⲉⲃⲟⲗⲉϥϭⲟⲛⲧ·
ⲁⲡⲣⲏⲅⲁⲣⲃⲱⲕⲉⲡϩⲱⲧⲡⲙⲡⲉϩⲟⲟⲩⲉⲧⲙⲙⲁⲩ
ⲁⲡⲛⲟⲩⲧⲉⲟⲩⲛⲡⲉⲛⲧⲁϥϫⲟⲟⲥⲙⲡⲉⲡⲣⲟⲫⲏⲧⲏⲥ·ϫⲉⲛⲉϫⲡϩⲁⲡⲉⲣⲟⲓⲁⲛⲟⲕϯⲛⲁⲧⲱⲱⲃⲉⲡⲉϫⲉⲡⲭⲣⲓⲥⲧⲟⲥ·
ⲁⲩϣⲱⲛⲉⲛϩⲟⲧⲉⲉⲓⲉϫⲙⲡⲣⲱⲙⲉⲉⲧⲙⲙⲁⲩⲛⲧⲉⲩϣⲏ·
ⲁϥⲃⲁⲥⲁⲛⲓⲍⲉⲉⲡⲉϥⲥⲁⲛϩⲟⲩⲛ·ⲉϥϯⲧⲕⲁⲥ·ⲉϥⲱϣⲉⲃⲟⲗϩⲛⲟⲩϩⲣⲟⲟⲩⲉϥⲟⲛⲛⲟϭⲡⲉϫⲁϥϫⲉϫⲓⲧϣⲁⲡⲁⲉⲓⲱⲧⲁⲡⲁⲡⲉⲥⲩⲛⲑⲓⲟⲥϯϫⲱⲙⲙⲟⲥⲛⲏⲧⲛϫⲉⲛⲧⲁⲛⲁⲓⲧⲁϩⲟⲓⲉⲧⲃⲏⲏⲧϥ·
ⲡⲁⲉⲓⲱⲧⲁⲣⲓⲧⲁⲅⲁⲡⲏⲛⲅⲃⲟⲏⲑⲉⲓⲉⲣⲟⲓϫⲉⲁⲓⲉⲓⲉϩⲣⲁⲓⲉⲧⲁⲛⲁⲅⲕⲏⲙⲡⲙⲟⲩ·ⲁⲩⲱⲉⲕⲧⲙϫⲓⲧϣⲁⲣⲟϥ·ⲛϯⲛⲁϭⲛⲁⲛⲁⲡⲁⲩⲥⲓⲥⲁⲛ·
ⲁⲡⲉϥⲉⲓⲱⲧⲙⲛⲧⲉϥⲙⲁⲁⲩⲉⲓⲁⲧⲟⲟⲧⲟⲩⲛⲥⲱϥϫⲉⲉϥⲛⲁⲙⲟⲩ·
ⲡⲉϫⲁϥϫⲉⲙⲁⲣⲛⲡⲉⲓⲑⲉⲙⲙⲟϥ·ⲕⲁⲛⲉϥϣⲁⲛⲱⲛϩ·ⲉⲛϩⲟⲥⲟⲛⲁϥϫⲟⲟⲥ·ϫⲉϫⲓⲧϣⲁⲁⲡⲁⲡⲉⲥⲩⲛⲑⲓⲟⲥⲡⲉⲡⲓⲥⲕⲟⲡⲟⲥⲡⲁⲛⲧⲱⲥⲉⲛϣⲁⲛϫⲓⲧϥ
ϣⲁⲣⲟϥϣⲁϥⲥⲫⲣⲁⲅⲓⲍⲉⲙⲙⲟϥ·ⲛϥⲗⲟⲉϥⲃⲁⲥⲁⲛⲓⲍⲉ
ⲛⲉⲧⲁⲣⲭⲏⲅⲁⲣⲧⲉ·ⲛⲧⲁⲡⲁⲉⲓⲱⲧ·ⲣⲉⲡⲓⲥⲕⲟⲡⲟⲥ·
ⲁⲩⲛⲧϥⲇⲉⲉϩⲣⲁⲓⲉⲡⲧⲟⲟⲩϣⲁⲡⲁⲉⲓⲱⲧ·ⲁⲩⲱⲁⲩⲧⲱϩⲙⲇⲉⲉϩⲟⲩⲛ·ⲁⲓⲃⲱⲕⲇⲉⲉⲃⲟⲗϣⲁⲣⲟⲟⲩ·
ⲡⲉϫⲉⲡⲉϥⲉⲓⲱⲧⲛⲁⲓϫⲉⲓⲱϩⲁⲛⲛⲏⲥⲉϣⲱⲡⲉⲁⲕⲛⲁⲩⲉⲣⲟⲓⲉⲛⲉϩ·ⲁⲣⲓⲧⲁⲅⲁⲡⲏ·ⲛⲅⲙⲏⲛⲉⲩⲉⲙⲡⲛⲟϭⲛⲣⲱⲙⲉ·
ⲙⲙⲟⲛⲉⲣⲉⲡⲁϣⲏⲣⲉⲕⲓⲛⲇⲩⲛⲉⲩⲉⲉⲡⲙⲟⲩⲁⲩⲱϯⲡⲓⲥⲧⲉⲩⲉⲉⲡⲛⲟⲩⲧⲉ·ϫⲉⲉϥϣⲁⲛⲥⲫⲣⲁⲅⲓⲍⲉⲙⲡⲁϣⲏⲣⲉϥⲛⲁϭⲛⲁⲛⲁⲡⲁⲩⲥⲓⲥⲛⲥⲟⲟⲩⲧⲛ·
ⲁⲩⲱⲛⲧⲁϥⲁⲓⲧⲉⲓⲙⲙⲟⲓϫⲉϫⲓⲧϣⲁⲁⲡⲁⲡⲉⲥⲩⲛⲑⲓⲟⲥϯⲛⲁⲗⲟ·ⲉⲃⲟⲗϫⲉⲉⲩⲃⲁⲥⲁⲛⲓⲍⲉⲙⲙⲟⲓⲉⲧⲃⲏⲏⲧϥ·
ⲉϣⲱⲡⲉⲁⲓⲧⲁⲩⲉⲟⲩϣⲁϫⲉⲛⲁϥ·ϩⲛⲧⲁⲙⲛⲧϩⲩⲇⲓⲱⲇⲏⲥ·ⲉⲓⲟⲛⲁⲧⲥⲟⲟⲩⲛ·
ⲡⲉϥϣⲏⲣⲉⲇⲉⲟⲛⲁϥⲁϣϣⲕⲁⲕⲉⲃⲟⲗⲉⲣⲟⲓϫⲉⲱⲓⲱϩⲁⲛⲛⲏⲥ·ⲁⲣⲓⲧⲁⲅⲁⲡⲏ·ⲛⲅϫⲓⲡⲁⲟⲩⲱⲉϩⲟⲩⲛⲙⲡⲛⲟϭⲛⲣⲱⲙⲉϫⲉⲁⲧⲁⲛⲁⲅⲕⲏⲙⲡⲙⲟⲩⲧⲁϩⲟⲓ·
ⲉⲓⲥϩⲏⲏⲧⲉⲕⲛⲁⲩⲉⲣⲟⲓϩⲛⲧⲁⲁⲛⲁⲅⲕⲏ·
ⲉⲧⲃⲉⲟⲩⲙⲡⲉⲣⲱⲓⲧⲱⲙⲛⲧⲁⲙⲟⲩⲙⲡⲁⲧⲉⲓⲧⲁⲩⲟϣⲁϫⲉ·ⲙⲡⲉϩⲟⲟⲩⲉⲧⲙⲙⲁⲩ
ⲃⲱⲕⲧⲁⲭⲏⲛⲅⲧⲁⲙⲉⲡⲁⲭⲣⲓⲥⲧⲟⲥⲛⲉⲓⲱⲧ·ⲁⲡⲁⲡⲉⲥⲩⲛⲑⲓⲟⲥ·ⲉⲡⲁϩⲓⲥⲉ
ⲃⲟⲏⲑⲉⲓⲉⲣⲟⲓⲙⲡⲣⲕⲁⲁⲧⲉⲙⲟⲩϩⲓⲣⲙⲡⲉⲧⲛⲣⲟ⁘—
ⲛⲧⲉⲣⲓⲥⲱⲧⲙⲇⲉⲉⲛⲁⲓⲛⲧⲟⲟⲧϥⲙⲡⲣⲱⲙⲉⲙⲛⲡⲉϥϣⲏⲣⲉⲁⲓⲃⲱⲕⲉϩⲟⲩⲛⲁⲓⲧⲁⲙⲉⲡⲁⲉⲓⲱⲧⲉⲧⲃⲉⲡⲣⲱⲙⲉⲙⲛⲡⲉϥϣⲏⲣⲉ·
ⲡⲉϫⲁϥⲛⲁⲓϫⲉⲁⲗⲟⲕϩⲁⲣⲟϥ·ϣⲁⲛⲧⲉϥϫⲓⲉⲡⲉⲓⲧⲏⲙⲁⲕⲁⲗⲱⲥ·ⲙⲙⲟⲛⲟⲩⲁⲧⲥⲃⲱⲡⲉ·
ⲁⲓⲟⲩⲱϣⲃⲛⲁϥϫⲉⲉⲛϣⲁⲛⲕⲁⲁϥ·ⲛⲕⲉⲁⲡⲣⲏⲧⲉⲓϥⲛⲁⲙⲟⲩ·
ⲟⲩⲕⲟⲩⲓⲛⲛⲓϥⲉⲡⲉⲧϣⲟϫⲡⲛϩⲏⲧϥ·ⲁⲩⲱⲡⲣⲟⲥⲧϩⲉ·ⲛⲧⲁⲓⲛⲁⲩⲉⲣⲟϥ·ⲁϥϫⲓⲉⲡⲓⲑⲩⲙⲓⲁ·
ⲡⲉϫⲉⲡⲁⲉⲓⲱⲧⲛⲁⲓϫⲉⲕⲁⲁϥⲛⲁⲕⲉϩⲟⲩⲛ·
ⲛⲧⲉⲣⲉϥⲉⲓⲇⲉⲉϩⲟⲩⲛⲙⲛⲡⲉϥⲉⲓⲱⲧ·ⲁϥⲡⲁϩⲧϥϩⲁⲛⲟⲩⲣⲏⲏⲧⲉⲙⲡⲁⲉⲓⲱⲧⲛⲟⲩⲛⲟϭⲛⲁⲡⲣⲏⲧⲉⲓ·
ⲡⲉϫⲉⲡⲁⲉⲓⲱⲧⲛⲁϥϫⲉⲧⲱⲟⲩⲛⲉϩⲣⲁⲓⲡⲁⲧⲥⲃⲱ
ⲁϥⲟⲩⲱⲃϣⲛϭⲓⲡⲣⲱⲙⲉϫⲉϥⲟⲛϩⲛϭⲓⲡⲭⲣⲓⲥⲧⲟⲥ·ϫⲉⲉⲓϣⲁⲛⲣⲕⲉϣⲟⲙⲛⲧⲛϩⲟⲟⲩⲉⲓⲡⲁϩⲧϩⲁⲛⲉⲕⲟⲩⲣⲏⲏⲧⲉⲉⲓⲙⲏⲧⲓⲛⲅⲧⲁⲗⲉⲧⲉⲕⲟⲩⲣⲏⲏⲧⲉⲉϫⲛⲧⲁⲁⲡⲉ·ⲛϯⲛⲁⲧⲱⲟⲩⲛⲁⲛⲉϩⲣⲁⲓ·
ⲁⲡⲁⲉⲓⲱⲧⲁⲙⲁϩⲧⲉⲙⲛϥⲱⲛⲧⲉϥⲁⲡⲉ
ⲁϥⲧⲟⲩⲛⲟⲥϥⲉϩⲣⲁⲓⲡⲉϫⲁϥⲛⲁϥϫⲉⲧⲱⲟⲩⲛⲉϩⲣⲁⲓⲉⲓⲥⲡⲭⲣⲓⲥⲧⲟⲥⲁϥⲭⲁⲣⲓⲍⲉⲛⲁⲕⲙⲡⲧⲁⲗϭⲟⲉϣⲱⲡⲉⲉⲕϣⲁⲛⲥⲱⲧⲙⲛⲥⲱⲓⲟⲛ
ⲁⲡⲣⲱⲙⲉⲟⲩⲱϣⲃϫⲉϣⲉⲧⲁⲛⲁⲅⲕⲏⲛⲧⲁⲛⲉⲕϣⲗⲏⲗⲛⲁϩⲙⲉⲧⲉⲣⲟⲥ·ϫⲉⲉϣⲱⲡⲉⲟⲩⲛⲧⲁⲓⲕⲉⲣⲟⲙⲡⲉⲛⲥⲛⲧⲉϩⲙⲡⲁⲁϩⲉ·ⲛⲛⲉⲓⲧⲟⲗⲙⲁⲉⲣⲁⲧⲥⲱⲧⲙⲉⲣⲟⲕϣⲁⲉⲛⲉϩ·
ⲁⲡⲁⲉⲓⲱⲧⲟⲩⲱϣⲃⲛⲁϥϫⲉⲛⲧⲁⲛⲁⲓⲧⲁϩⲟⲕϫⲉⲁⲕⲛⲉϫⲧⲉⲕⲥϩⲓⲙⲉⲉⲃⲟⲗ·ⲉⲡϫⲓⲛϫⲏ·
ⲁⲩⲱⲡϩⲱⲃⲛⲧⲁⲕⲙⲉⲉⲩⲉⲉⲣⲟϥⲉϩⲟⲩⲛⲉⲣⲟⲥⲙⲛⲡⲣⲱⲙⲉⲥⲉⲟⲩⲟϫⲙⲡⲉⲥⲛⲁⲩ⁘
ⲁⲗⲗⲁϯϫⲱⲙⲙⲟⲥⲛⲁⲕⲉϣⲱⲡⲉⲉⲕⲟⲩⲱϣⲉⲡⲗⲏⲣⲟⲫⲟⲣⲉⲓϩⲙⲡⲉⲕϩⲏⲧϩⲁⲣⲟⲥⲙⲛⲡⲣⲱⲙⲉⲛⲧⲁⲕⲙⲉⲉⲩⲉⲉⲡⲡⲉⲧϩⲟⲟⲩϩⲁⲣⲟϥⲉⲧⲃⲏⲏⲧⲥ·
ⲉⲡⲉⲓⲇⲏⲡⲁϣⲏⲣⲉⲉⲣⲉⲛⲣⲱⲙⲉϭⲱϣⲧⲉⲡϩⲟⲙⲙⲁⲧⲉ·ⲉⲣⲉⲡⲛⲟⲩⲧⲉϩⲱⲱϥϭⲱϣⲧⲉⲡϩⲏⲧ·
ⲉⲕϣⲁⲛⲃⲱⲕⲉϩⲟⲩⲛⲉⲡⲉⲕⲏⲓ·ϫⲓⲛⲧⲉⲕⲥϩⲓⲙⲉⲉϩⲟⲩⲛⲉⲡⲉⲕⲏⲓ·
ⲡⲛⲟⲩⲧⲉⲉϥⲉϯⲧϩⲉⲛⲁⲕⲛⲙⲙⲁⲥ·
ⲁⲩⲱϯⲙⲉⲉⲩⲉϫⲉⲉⲥⲉⲉⲧ·ⲁⲏⲱⲥⲛⲁϫⲡⲟⲛⲁⲕⲛⲟⲩϣⲏⲣⲉ·ⲁⲩⲱⲟⲩⲙⲉⲁⲛⲡⲉⲡϣⲁϫⲉⲛⲧⲁⲩⲟⲟϥⲉⲧⲃⲏⲏⲧⲥ·
ⲁⲗⲗⲁⲡⲓⲥⲧⲉⲩⲉⲛⲁⲓϫⲉⲟⲩⲉⲗⲉⲩⲑⲉⲣⲁⲧⲉ·
ⲉϣⲱⲡⲉⲇⲉⲉⲥϣⲁⲛϫⲡⲉⲟⲩϣⲉⲉⲣⲉⲛⲥϩⲓⲙⲉⲙⲡⲣϭⲱⲛⲙⲙⲁⲥ·ⲁⲗⲗⲁⲛⲟϫⲥⲉⲃⲟⲗ
ⲛⲉⲥⲟⲩⲟϫⲁⲛⲉⲡⲉⲕⲣⲓⲙⲁⲛⲧⲁⲩⲧⲟϭϥⲉⲣⲟⲥⲁⲗⲗⲁⲁⲥⲥⲩⲗⲁⲙⲡⲉⲥⲅⲁⲙⲟⲥ·
ⲉϣⲱⲡⲉⲇⲉⲟⲩϩⲟⲟⲩⲧⲡⲉⲧⲉⲥⲛⲁϫⲡⲟⲩ·ⲟⲩⲙⲉⲁⲛⲡⲉⲡϣⲁϫⲉⲛⲧⲁⲩⲧⲟϭϥⲉⲣⲟⲥ
ⲁⲗⲗⲁⲁⲥⲟⲩϫⲁⲓϩⲙⲡⲉⲛⲧⲁⲩⲙⲉⲉⲩⲉ·ⲉⲣⲟϥⲉϩⲟⲩⲛⲉⲣⲟⲥ
ⲁⲗⲗⲁⲉⲕϣⲁⲛⲟⲩⲱϣⲉⲧⲁⲣⲕⲟⲥⲙⲡⲁⲛⲁϣⲛϯⲕⲱⲗⲩⲙⲙⲟⲕⲁⲛ·ⲛⲧⲁⲡⲛⲟⲙⲟⲥⲅⲁⲣⲙⲡⲛⲟⲩⲧⲉⲕⲉⲗⲉⲩⲉⲛϯϩⲉ
ϫⲉⲉⲣϣⲁⲛⲧⲉⲥϩⲓⲙⲉⲛⲟⲩⲣⲱⲙⲉⲡⲁⲣⲁⲃⲁ·ⲁⲩⲱϩⲛⲟⲩⲱⲃϣⲉϥϣⲁⲛⲟⲃϣϥⲉⲣⲟⲥⲛⲧⲉⲟⲩⲁⲛⲛⲕⲟⲧⲕⲛⲙⲙⲁⲥⲛⲟⲩϭⲓⲛⲛⲕⲟⲧⲕⲛⲥⲡⲣⲙⲁⲛⲥϩⲱⲡⲙⲡⲙⲧⲟⲉⲃⲟⲗⲙⲡⲉⲥϩⲁⲓ·ⲛϥⲧⲙⲉⲓⲙⲉⲉⲣⲟⲥⲁⲩⲱⲧⲁⲓⲙⲡⲉⲥⲱⲱⲁⲩⲱⲉⲙⲛⲙⲛⲧⲣⲉⲁϩⲉⲣⲁⲧⲟⲩⲉⲣⲟⲥ·ⲉⲩⲉϫⲓⲧⲥⲉⲣⲁⲧϥⲙⲡⲟⲩⲏⲏⲃ·ⲛϥⲧⲁⲣⲕⲟⲥⲙⲡⲁⲛⲁϣⲛϥϯⲛⲁⲥⲙⲡⲙⲟⲟⲩⲙⲡⲥⲁϩⲟⲩⲛⲥⲥⲟⲟϥ·
ⲉϣⲱⲡⲉⲟⲩⲙⲉⲡⲉⲡϣⲁϫⲉⲛⲧⲁⲩⲛⲟϫϥⲛⲥⲱⲥ·ϣⲁⲣⲉⲡⲙⲟⲟⲩⲉⲧⲙⲙⲁⲩ·ⲧⲣⲉⲡⲉⲥⲥⲱⲙⲁⲕⲱⲕⲉⲡⲥⲱⲃϩ·
ⲉϣⲱⲡⲉⲇⲉⲛⲧⲁⲩϩⲩⲗⲁⲉⲣⲟⲥϣⲁⲥⲱⲱⲛⲟⲩϣⲏⲣⲉ·
ⲧⲉⲛⲟⲩϭⲉⲡⲁϣⲏⲣⲉ·ⲉϣⲡⲉⲁⲕⲡⲗⲏⲣⲟⲫⲟⲣⲉⲓ·ⲉϣⲱⲡⲉⲙⲙⲟⲛⲧⲁⲣⲕⲟⲥ·ⲛⲧⲉⲓⲕⲱⲗⲉⲓⲙⲙⲟⲛⲁⲛ·
ⲁϥⲟⲩⲱϣⲃⲛϭⲓⲡⲣⲱⲙⲉ·ⲉϥϫⲱⲙⲙⲟⲥϫⲉϫⲓⲛⲧⲉⲩⲛⲟⲩⲛⲧⲁⲧⲉⲕⲙⲛⲧⲉⲓⲱⲧ·ϣⲁϫⲉⲛⲙⲙⲁⲓⲁⲡⲁϩⲏⲧ·ⲟⲩⲱⲉϥⲡⲗⲩⲣⲟⲫⲟⲣⲉⲓ·ⲁⲩⲱⲛϯⲛⲁⲗⲟⲁⲛⲉⲓⲥⲱⲧⲙⲛⲥⲱⲕⲛⲕⲉⲥⲟⲡϣⲁⲉⲛⲉϩ⁘ⲻ
ⲁϥϫⲓⲥⲙⲟⲩⲇⲉⲁϥⲉⲓⲉⲃⲟⲗϩⲓⲧⲟⲟⲧϥ
ⲁϥⲃⲱⲕⲉⲡⲉϥⲏⲓⲙⲛⲡⲉϥⲉⲓⲱⲧ·ⲉϥϯⲉⲟⲟⲩⲙⲡⲛⲟⲩⲧⲉ·ⲙⲛⲡⲡⲉⲧⲟⲩⲁⲁⲃⲁⲡⲁⲡⲉⲥⲩⲛⲑⲓⲟⲥ·
ⲛⲧⲉⲣⲉϥⲃⲱⲕⲇⲉⲉϩⲟⲩⲛⲉⲡⲉϥⲏⲓ·ⲁϥϩⲱⲧⲡⲉⲧⲉϥⲥϩⲓⲙⲉⲁϥϫⲡⲟⲛⲟⲩϣⲏⲣⲉⲕⲁⲧⲁⲡϣⲁϫⲉⲙⲡⲁⲡⲟⲥⲧⲟⲗⲓⲕⲟⲥⲁⲡⲁⲡⲉⲥⲩⲛⲑⲓⲟⲥ·
ⲁⲡⲣⲱⲙⲉⲙⲟⲩⲧⲉⲉⲡⲣⲁⲛⲙⲡⲉϥϣⲏⲣⲉϫⲉⲡⲉⲥⲩⲛⲑⲓⲟⲥ·
ⲁϥϭⲱⲛⲙⲙⲁⲥϫⲓⲛⲡⲉϩⲟⲟⲩⲉⲧⲙⲙⲁⲩϣⲁⲡⲉϩⲟⲟⲩⲙⲡⲉϥⲙⲟⲩ·
ⲁⲡⲡⲉⲧⲟⲩⲁⲁⲃⲣϣⲟⲙⲧⲉⲛϣⲡⲏⲣⲉ·ⲉⲩⲟⲧⲃⲉⲛⲉⲩⲉⲣⲏⲩⲉⲧⲉⲛⲁⲓⲛⲉⲧⲉⲥϩⲓⲙⲉⲛⲧⲁϥⲛⲁϩⲙⲉⲥⲉⲡϩⲓⲗⲁⲛⲛⲟⲩϫⲛⲧⲁⲩⲙⲉⲉⲩⲉⲉⲣⲟϥⲉϩⲟⲩⲛⲉⲣⲟⲥ·ⲙⲛⲡⲣⲱⲙⲉⲛⲧⲁϥⲁⲁϥⲛⲉⲗⲉⲩⲑⲉⲣⲟⲥ·ⲙⲛⲡϩⲏⲧⲙⲡⲉⲥϩⲁⲓⲛⲧⲁϥⲧⲃⲃⲟϥⲉⲛⲕⲟⲧⲥⲙⲡⲉⲧⲉⲣⲉⲧⲉϥϭⲟⲙϣⲟⲟⲡϩⲓϫⲛⲧϩⲗⲡⲉⲛϩⲏⲧϥⲉⲧⲉⲡⲁⲓⲡⲉⲡⲥⲁⲧⲁⲛⲁⲥ·
ⲁϥⲧⲣⲉⲛⲉⲧϩⲙⲡⲅⲁⲙⲟⲥϩⲱⲧⲡⲉⲛⲉⲩⲉⲣⲏⲩⲛⲕⲉⲥⲟⲡ·
ⲁⲗⲏⲑⲱⲥⲟⲩⲛⲟϭⲉⲙⲁⲧⲉⲡⲉⲡⲉⲕⲃⲓⲟⲥⲛϣⲡⲏⲣⲉⲱⲡⲁⲅⲅⲉⲗⲟⲥⲙⲡϫⲟⲉⲓⲥⲛⲛϭⲟⲙ·
ⲛⲓⲙⲅⲁⲣⲡⲉⲧⲛⲁⲉϣϭⲙϭⲟⲙⲉⲧⲁⲩⲟⲛⲛⲉϣⲡⲏⲣⲉⲧⲏⲣⲟⲩⲛⲧⲁⲩϣⲱⲡⲉⲉⲃⲟⲗϩⲓⲧⲟⲟⲧⲕⲛⲁⲧⲉⲕⲙⲛⲧⲕⲟⲩⲓⲙⲛⲛⲉⲛⲧⲁⲩϣⲱⲡⲉϩⲛⲧⲉⲕⲙⲛⲧⲙⲟⲛⲁⲭⲟⲥ·
ⲛⲉⲛⲧⲁⲩϣⲱⲡⲉⲇⲉϩⲛⲛⲉⲕϭⲓϫⲙⲛⲛⲥⲁⲧⲣⲉⲕⲣⲉⲡⲓⲥⲕⲟⲡⲟⲥⲛⲁⲓⲉⲧⲕⲟⲩⲉϩⲥⲁϩⲛⲉⲙⲙⲟⲟⲩⲛⲅⲟⲩⲱϣⲁⲛⲉⲧⲣⲉⲗⲁⲁⲩⲛⲣⲱⲙⲉⲉⲓⲙⲉⲉⲣⲟⲟⲩⲙⲛϭⲟⲙⲛⲗⲁⲁⲩⲉϭⲙⲡⲉⲩϫⲱⲕ⁘ⲻ
ⲁⲗⲗⲁⲙⲡⲣⲧⲣⲉⲧⲉⲯⲩⲭⲏⲙⲡⲙⲁⲕⲁⲣⲓⲟⲥⲉⲧⲙⲙⲁⲩϭⲛⲁⲣⲓⲕⲉ·ⲉⲣⲟⲓϫⲉⲁⲓⲧⲁⲩⲉⲛⲉⲓⲕⲟⲩⲓⲛϣⲁϫⲉⲛⲉⲅⲕⲱⲙⲓⲟⲛⲉⲣⲟϥ·ⲁⲩⲱϯⲙⲉⲉⲩⲉϫⲉⲁⲛⲣⲡⲃⲟⲗⲙⲡϣⲓ·ⲁⲛⲧⲁⲩⲉⲛⲉⲓⲕⲟⲩⲓⲛϣⲁϫⲉⲛⲉⲗⲁⲭⲓⲥⲧⲟⲛ·
ⲁⲗⲗⲁⲙⲁⲣⲛⲥⲱⲧⲙⲛⲥⲁⲧⲛⲟⲙⲟⲑⲉⲥⲓⲁⲙⲡⲁⲡⲟⲥⲧⲟⲗⲟⲥⲡⲁⲓⲉⲧⲟⲩⲉϩⲥⲁϩⲛⲉⲛⲁⲛⲉϥϫⲱⲙⲙⲟⲥ·ϫⲉϯⲛⲟⲩⲟⲛⲛⲓⲙⲛⲛⲉⲧⲉⲣⲱⲧⲛ·ⲡϣⲱⲙⲙⲡⲁⲡϣⲱⲙⲡⲧⲉⲗⲟⲥⲙⲡⲁⲡⲧⲉⲗⲟⲥ·ⲧϩⲟⲧⲉⲙⲡⲁϩⲟⲧⲉ·ⲡⲧⲁⲉⲓⲟⲙⲡⲁⲡⲧⲁⲓⲟ⁘ⲻ
ⲁⲗⲏⲑⲱⲥⲕⲙⲡϣⲁⲛⲧⲁⲓⲟⲛⲓⲙϩⲓⲉⲟⲟⲩⲛⲓⲙ·ⲕⲁⲧⲁⲧϩⲉⲛⲧⲁⲡⲉⲯⲁⲗⲙⲱⲇⲟⲥⲇⲁⲩⲉⲓⲇϫⲟⲟⲥϫⲉⲁⲛⲓⲟⲩⲧⲁⲓⲟⲙⲛⲟⲩϯⲙⲏⲙⲡⲭⲣⲓⲥⲧⲟⲥ·ⲁⲛⲓⲟⲩⲉⲟⲟⲩⲙⲡⲉϥⲣⲁⲛⲉⲧⲟⲩⲁⲁⲃ·
ⲥⲱⲧⲙⲇⲉⲟⲛⲉϯⲕⲉⲛⲟϭⲛϣⲡⲏⲣⲉ·ⲛⲧⲉⲧⲛϯⲉⲟⲟⲩⲙⲡⲭⲣⲓⲥⲧⲟⲥ·
ⲁⲥϣⲱⲡⲉⲇⲉⲟⲛⲁⲩⲣⲱⲙⲉⲉⲓϣⲁⲣⲟϥⲁϥⲥⲡϭⲱⲡϥⲉϥϫⲱⲙⲙⲟⲥ·ϫⲉⲁⲣⲓⲧⲁⲅⲁⲡⲏⲛⲅⲃⲟⲏⲑⲉⲓⲉⲣⲟⲓ·ⲡⲁⲭⲣⲓⲥⲧⲟⲥⲛⲉⲓⲱⲧ·ϫⲉⲟⲩⲛⲟⲩⲭⲣⲉⲱⲥⲉⲣⲟⲓϩⲁϩⲧⲛⲟⲩⲣⲱⲙⲉϣⲁⲃⲁⲁⲙⲧⲁⲥⲉⲛϩⲟⲗⲟⲕⲟⲧⲧⲓⲛⲟⲥⲉⲩⲁⲛⲁⲅⲕⲁⲍⲉⲙⲙⲟⲓϩⲁⲣⲟⲟⲩ·
ⲙⲡⲓϭⲛⲧⲟⲩⲛⲧⲁⲧⲁⲁⲩⲛⲁϥ·
ⲁⲩⲱⲙⲛⲧⲁⲓⲗⲁⲁⲩⲙⲙⲁⲩⲛⲥⲁⲟⲩϣⲏⲣⲉⲛⲟⲩⲱⲧⲙⲙⲟⲛⲟⲅⲉⲛⲏⲥⲁⲩⲁⲥⲫⲁⲗⲁⲍⲉⲙⲙⲟϥ
ⲁⲩⲕⲁⲁϥϩⲛⲧⲉⲫⲩⲗⲗⲁⲕⲏⲉⲩⲟⲩⲱϣⲉⲁⲁϥⲛϩⲙϩⲁⲗ·
ϯⲡⲁⲣⲁⲕⲁⲗⲉⲓⲇⲉⲛⲧⲉⲕⲙⲛⲧⲉⲓⲱⲧⲉⲧⲣⲕϣⲛϩⲧⲏⲕϩⲁⲣⲟⲓ
ⲉϣⲱⲡⲉ·ⲟⲩⲛⲧϩⲉⲉⲧⲣⲉⲕϯⲟⲩⲕⲟⲩⲓⲛⲁⲓⲛⲧⲁⲃⲱⲕⲛⲧⲁⲧⲁⲁϥⲛⲥⲉⲕⲱⲉⲃⲟⲗⲙⲡⲁϣⲏⲣⲉ·ⲛⲟⲩⲱⲧⲛⲁⲓⲉⲃⲟⲗ·
ⲡⲣⲱⲙⲉⲇⲉⲉⲧⲙⲙⲁⲩⲛⲉⲟⲩⲙⲁⲧⲟⲓⲡⲉⲛⲣⲙⲧⲉⲭⲱⲣⲁⲛⲃⲟⲗⲡⲉ·ⲉϥⲟⲩⲏϩϩⲛⲙⲙⲉⲗⲟⲥⲙⲡⲧⲟⲟⲩⲛⲧⲉⲓⲗⲁϫ·
ⲛⲧⲁϥⲥⲱⲧⲙⲉⲡⲥⲟⲉⲓⲧⲙⲡⲁⲉⲓⲱⲧϫⲉⲟⲩⲉⲡⲓⲥⲕⲟⲡⲟⲥⲡⲉⲛⲣⲉϥϯⲁⲅⲁⲡⲏ·ⲁϥⲧⲱⲟⲩⲛ
ⲁϥⲉⲓϣⲁⲣⲟϥⲙⲛⲧⲉϥⲥϩⲓⲙⲉⲉϥⲟⲩⲱϣⲉⲡⲉⲓⲣⲁⲍⲉⲙⲙⲟϥϫⲉⲟⲩⲁⲅⲁⲡⲏⲧⲟⲥⲡⲉϫⲓⲛⲙⲙⲟⲛ
ⲧⲉⲥϩⲓⲙⲉⲇⲉⲁϥⲧⲁⲗⲟⲥⲉⲡϫⲟⲉⲓⲁϥⲛⲧⲥⲉⲣⲁⲧⲥ·ⲁϥⲕⲱⲡⲙⲁⲁⲃⲧⲁⲥⲉⲛϩⲟⲗⲟⲕⲟⲧϯⲛⲟⲥⲛⲧⲟⲟⲧⲥϩⲓⲡϫⲟⲉⲓ·
ⲧⲁⲭⲁⲛⲧⲁϥⲡⲉϩⲧⲡⲉⲥⲛⲟϥ·ⲛⲟⲩⲣⲱⲙⲉⲉⲃⲟⲗⲁϥϥⲓⲧⲟⲩ
ⲁϥⲉⲓⲇⲉϣⲁⲡⲁⲉⲓⲱⲧⲉϥⲟⲩⲱϣⲉⲇⲟⲕⲓⲙⲁⲍⲉⲙⲙⲟϥϫⲉϩⲉⲛⲙⲉⲛⲉ·ⲛⲉⲛⲧⲁϥⲥⲱⲧⲙⲉⲣⲟⲟⲩⲉⲧⲃⲏⲏⲧϥϫⲓⲛⲙⲙⲟⲛ⁘ⲻ
ⲡⲉϩⲟⲟⲩⲇⲉⲛⲧⲁϥⲉⲓϣⲁⲡⲉⲡⲓⲥⲕⲟⲡⲟⲥⲉⲧⲟⲩⲁⲁⲃⲁⲡⲁⲡⲉⲥⲩⲛⲑⲓⲟⲥⲛϩⲏⲧⲥⲁϥϩⲉⲉⲣⲟϥⲛϩⲟⲩⲛⲙⲡⲥⲱⲟⲩϩⲉⲧⲟⲩⲁⲁⲃⲛⲧⲥⲉⲛⲧⲉⲓⲉϥⲉⲓⲣⲉⲛⲧⲕⲁⲑⲟⲗⲓⲕⲏⲥⲩⲛⲁⲍⲓⲥ·
ⲛⲉⲡⲉϩⲟⲟⲩⲅⲁⲣⲡⲉⲙⲡⲁⲣⲭⲏⲉⲡⲓⲥⲕⲟⲡⲟⲥⲁⲩⲱⲙⲡⲁⲧⲣⲓⲁⲣⲭⲏⲥ·ⲁⲡⲁⲥⲉⲩⲏⲣⲟⲥⲡⲁⲣⲭⲏⲉⲡⲓⲥⲕⲟⲡⲟⲥⲛⲁⲛⲧⲓⲟⲭⲓⲁ·
ⲁϥϩⲙⲟⲟⲥⲉϩⲣⲁⲓϣⲁⲛⲧⲉϥⲉⲓⲉⲃⲟⲗϩⲙⲡⲥⲱⲟⲩϩⲛϥⲡⲁϩⲧϥⲛⲁϥⲛϥⲧⲁⲙⲟϥⲉⲡϣⲁϫⲉⲛⲧⲁⲓϣⲣⲡϫⲟⲟϥ·
ⲛⲧⲉⲣⲉⲛⲛⲟϭⲇⲉⲛⲣⲱⲙⲉⲥⲱⲧⲙ·ⲡⲉϫⲁϥⲙⲡⲙⲁⲧⲟⲓϩⲓⲧⲛⲡϩⲉⲣⲙⲏⲛⲉⲏⲩⲧⲏⲥϫⲉⲡⲙⲁⲛⲭⲗⲉⲩⲁⲍⲉⲁⲛⲡⲉ·ⲡⲙⲁⲙⲡⲉⲥⲩⲛⲑⲓⲟⲥ
ⲃⲱⲕⲛⲅϫⲓⲡⲙⲁⲁⲃⲧⲁⲥⲉⲛϩⲟⲗⲟⲕⲟⲧϯⲛⲟⲥⲛⲧⲟⲧⲥⲛⲧⲉⲕⲥϩⲓⲙⲉ·ⲉⲧⲧⲁⲗⲏⲩⲉⲡϫⲟⲉⲓϩⲓⲡⲙⲁⲛϫⲓⲟⲟⲣ
ⲛⲧⲓⲙⲏⲙⲉⲛⲉⲓⲥϩⲏⲏⲧⲉ·ⲥⲉⲙⲏⲣ·ⲉⲩⲫⲁⲕⲓⲁⲣⲓⲟⲛ·ⲛⲧⲟⲟⲧⲥⲛⲁⲓⲛⲧⲁⲕⲛⲧⲟⲩⲉⲡⲉⲓⲣⲁⲍⲉⲙⲙⲟⲛⲛϩⲏⲧⲟⲩ·
ⲛⲅⲛⲁⲩϫⲉⲉⲕⲛⲁⲣⲟⲩⲛⲁⲩ·ⲉⲧⲣⲉϫⲉⲛⲧⲁⲕⲡⲉϩⲧⲡⲉⲥⲛⲟϥⲛⲟⲩⲣⲱⲙⲉⲉⲃⲟⲗ
ⲁⲕϥⲓⲧⲟⲩⲛⲧⲟⲟⲧϥⲉⲕϫⲱⲙⲙⲟⲥ·ϫⲉⲛⲧⲁⲛⲧⲟⲩⲉⲧⲣⲁⲧⲁⲁⲩⲛⲁⲅⲁⲡⲏϩⲁⲡⲟⲩϫⲁⲓⲛⲧⲁⲯⲩⲭⲏ
ⲛⲁⲙⲉϯϫⲱⲙⲙⲟⲥⲛⲁⲕϫⲉⲉⲩϣⲁⲛϯⲧⲟⲓⲕⲟⲩⲙⲉⲛⲏⲧⲏⲣⲥⲙⲙⲛⲧⲛⲁϩⲁⲣⲟⲕⲛⲅⲛⲁϩⲉⲁⲛⲉⲗⲁⲁⲩⲛⲛⲁ·ⲉⲓⲙⲏⲧⲉⲛⲥⲉⲡⲉϩⲧⲡⲉⲕⲥⲛⲟϥⲉⲃⲟⲗⲕⲁⲧⲁⲧϩⲉⲛⲧⲁⲕⲡⲉϩⲧⲡⲉⲥⲛⲟϥⲙⲡⲉⲧϩⲓⲧⲟⲩⲱⲱⲕⲉⲃⲟⲗⲕⲁⲧⲁⲧϩⲉⲉⲧⲥⲏϩϫⲉⲡⲉⲧⲛⲁⲡⲉϩⲧⲡⲉⲥⲛⲟϥⲛⲟⲩⲣⲱⲙⲉⲉⲃⲟⲗⲥⲉⲛⲁⲡⲉϩⲧⲡⲱϥⲉⲃⲟⲗⲉⲡⲉϥⲙⲁ·ⲉⲃⲟⲗϫⲉⲛⲧⲁⲩⲧⲁⲙⲓⲉⲡⲣⲱⲙⲉⲕⲁⲧⲁⲑⲓⲕⲟⲛⲙⲡⲛⲟⲩⲧⲉ·
ⲛⲁⲓⲇⲉⲛⲧⲉⲣϥⲥⲟⲧⲙⲟⲩⲛϭⲓⲡⲣⲱⲙⲉ·ⲁϥⲣϣⲡⲏⲣⲉⲉⲙⲁⲧⲉ·ⲉϥⲙⲉⲉⲩⲉϫⲉⲡϩⲱⲃⲛⲁϩⲱⲡⲉⲉⲗⲩⲥⲁⲓⲟⲥⲛⲃⲣⲣⲉ·ⲙⲛϥⲉⲓⲙⲉϫⲉⲡⲉⲡⲛⲉⲩⲙⲁⲛⲟⲩⲱⲧⲡⲉⲧϣⲁϫⲉϩⲛⲛⲉⲡⲣⲟⲫⲏⲧⲏⲥ·ⲙⲛⲛⲁⲡⲟⲥⲧⲟⲗⲟⲥ·
ⲡⲉⲓⲛⲟⲩⲧⲉⲅⲁⲣϥⲥⲱⲧⲙⲉⲛⲁⲓ·
ⲁϥⲉⲓⲉⲃⲟⲗϩⲓⲧⲟⲟⲧϥ·ⲉϥⲣⲓⲙⲉ·ⲁϥⲃⲱⲕⲉⲡⲉϥⲏⲓⲉϥⲙⲟⲕϩⲛϩⲏⲧⲉⲙⲁⲧⲉ·ⲁⲧⲉⲧⲛⲉⲓⲙⲉϫⲉⲙⲡⲉⲓϣⲱϥⲧϩⲛⲧⲁⲣⲭⲏⲙⲡⲉⲓⲉⲅⲕⲱⲙⲓⲟⲛⲛⲧⲉⲣⲓϫⲟⲟⲥϫⲉⲟⲩⲡⲛⲉⲩⲙⲁⲧⲟⲫⲟⲣⲟⲥϩⲱⲱϥⲡⲉⲡⲙⲁⲕⲁⲣⲓⲟⲥⲁⲡⲁⲡⲉⲥⲩⲛⲑⲓⲟⲥ·
ⲣⲱⲙⲉⲅⲁⲣⲛⲓⲙⲉⲧⲛⲁⲃⲱⲕϣⲁⲣⲟϥ·ϣⲁϥⲉⲓⲙⲉϫⲉⲛⲧⲁⲩⲃⲱⲕϣⲁⲣⲟϥⲉⲧⲃⲉⲟⲩⲛϩⲱⲃ·ⲛⲧⲉⲩⲛⲟⲩⲉⲧϥⲛⲁϭⲱϣⲧⲉϩⲟⲩⲛϩⲙⲡⲉϥϩⲟ·
ⲁⲗⲗⲁⲉϥⲙⲟⲥⲧⲉⲙⲡⲉⲟⲟⲩⲉⲧϣⲟⲩⲉⲓⲧⲛⲛⲣⲱⲙⲉⲉϥϩⲱⲡⲛⲛⲉϥⲡⲟⲗⲓⲧⲉⲓⲁⲙⲙⲟⲛⲉⲙⲛⲗⲁⲁⲩⲛⲣⲱⲙⲉⲛⲁϩⲉⲉⲡⲟⲩϫⲱⲕ·
ⲁⲥϣⲱⲡⲉⲇⲉⲟⲛⲙⲡⲉⲟⲩⲟⲉⲓϣ·ⲉⲧϥⲡⲏⲧϩⲁⲡϩⲟⲛⲙⲡⲣⲥⲟⲥⲉϥⲥϭⲣⲁϩⲧϩⲙⲡⲧⲟⲟⲩⲛϫⲏⲙⲉ·
ⲁϥⲃⲱⲕⲉⲡⲟⲩⲉⲙⲙⲟⲛⲛⲟⲩⲕⲟⲩⲓϫⲉⲉϥⲛⲁϣⲗⲏⲗ·
ⲛⲧⲉⲣⲉϥⲣⲁϣⲟⲙⲧⲉⲛⲟⲩⲛⲟⲩ·ⲉϥⲙⲟⲟϣⲉⲏϥⲧⲟⲟⲩⲉϥϣⲗⲏⲗⲕⲁⲧⲁⲙⲁ·
ⲁⲩⲱⲛⲉⲙⲛⲗⲁⲁⲩⲛⲣⲱⲙⲉⲛⲁⲉϣϭⲙⲡϫⲱⲕⲛⲛⲉϥϣⲗⲏⲗⲉⲧϥⲉⲓⲣⲉⲙⲙⲟⲟⲩ·ⲙⲡⲉϩⲟⲟⲩⲙⲛⲧⲉⲩϣⲏ
ϣⲁϥⲣϥⲧⲟⲩϣⲉⲛⲥⲟⲡ·ⲛϣⲗⲏⲗⲛⲧⲉⲩϣⲏ·
ⲁϥⲕⲟⲟⲧϥⲉϫⲱⲓⲡⲉϫⲁϥⲛⲁⲓ·ⲁⲛⲟⲕⲓⲱϩⲁⲛⲛⲏⲥ·
ⲡⲉϫⲁϥⲛⲁⲓϫⲉϫⲓϩⲣⲁⲕⲉⲣⲟⲕϫⲉⲁⲓϩⲉⲉⲩⲛⲟϭⲛⲇⲣⲁⲕⲱⲛⲙⲡϩⲟⲟⲩϩⲓⲡⲧⲟⲟⲩ·
ⲁⲩⲱⲛϥⲟⲩⲏⲩⲁⲛⲧⲱⲛⲟⲩⲁⲗⲗⲁϯϩⲗⲡⲓⲥⲉⲉⲡⲛⲟⲩⲧⲉϫⲉⲉϥⲛⲁⲕⲁⲁϥⲁⲛⲙⲡⲉⲛⲕⲱⲧⲉ⁘ⲻⲻ
ϣⲱⲣⲡⲇⲉⲛⲧⲉⲣⲉϥϣⲡⲉ·ⲁⲓϭⲱϣⲧⲉⲡⲟⲩⲉⲛⲁⲡⲛⲟⲩϫⲉⲛⲟⲩⲥⲟⲧⲉ·
ⲁⲓⲛⲁⲩⲉⲩⲙⲏⲏϣⲉⲛϩⲁⲗⲏⲧⲙⲛϩⲉⲛⲛⲟⲩⲣⲉ·ⲉⲩⲟⲩⲏϩϩⲓϫⲛⲟⲩⲕⲱϩⲙⲡⲉⲧⲣⲁ·
ⲁϥⲙⲟⲩⲧⲉⲉⲣⲟⲓⲡⲉϫⲁϥⲛⲁⲓϫⲉϯⲙⲉⲉⲩⲉϫⲉⲁⲡⲛⲟⲩⲧⲉⲡⲁⲧⲁⲥⲥⲉⲓⲙⲡⲉⲇⲣⲁⲕⲱⲛ·
ⲁϥⲟⲩⲁϩⲙϥⲟⲛ·ⲡⲉϫⲁϥϫⲉⲉⲧⲣⲉⲟⲩⲛⲅϯⲛϩⲏⲧⲕⲁⲛⲉⲛⲉϩⲣⲏⲧⲟⲛⲛⲛⲉⲅⲣⲁⲫⲏ·ⲛⲅⲛⲟⲉⲓⲙⲙⲟⲟⲩⲕⲁⲧⲁⲧϩⲉⲛⲧⲁⲡⲥⲟⲫⲟⲥⲇⲁⲩⲉⲓⲇϫⲟⲟⲥϫⲉⲁⲕⲕⲱⲡⲡⲉⲧϫⲟⲥⲉⲛⲁⲕⲙⲙⲁⲙⲡⲱⲧ·ⲙⲛⲡⲉⲧϩⲟⲟⲩⲛⲁϣϩⲱⲛⲉⲣⲟⲕ·
ⲟⲩⲇⲉⲙⲛⲙⲁⲥϯⲅⲍⲛⲁϣϩⲱⲛⲉϩⲟⲩⲛⲉⲛⲉⲕⲙⲁⲛϣⲱⲡⲉⲕⲛⲁⲁⲗⲉⲉϩⲣⲁⲓⲉϫⲛⲟⲩϩⲟϥⲙⲛⲟⲩⲥⲓⲧ·ⲛⲅϩⲱⲙⲉϩⲣⲁⲓⲉϫⲛⲟⲩⲙⲟⲩⲓⲙⲛⲟⲩⲇⲣⲁⲕⲱⲛ·ϫⲉⲁϥⲛⲁϩⲧⲉⲉⲣⲟⲓ·ϯⲛⲁⲧⲟⲩϫⲟϥ·ϯⲛⲁⲣϩⲁⲓⲃⲥⲉⲣⲟϥϫⲉⲁϥⲥⲟⲩⲛⲡⲁⲣⲁⲛ·
ϥⲛⲁⲱϣⲉϩⲣⲁⲓⲉⲣⲟⲓ·ⲁⲩⲱⲁⲛⲟⲕϯⲛⲁⲥⲱⲧⲙⲉⲣⲟϥ·
ⲁⲥϣⲡⲉⲇⲉⲛⲧⲉⲣⲉⲡⲛⲟⲩⲧⲉⲟⲩⲱϣⲉⲡⲟⲟⲛϥⲉⲃⲟⲗⲉⲡⲙⲁⲛϣⲱⲡⲉⲛⲛⲉⲧⲉⲩⲫⲣⲁⲛⲉ·ⲡⲙⲁⲛⲧⲁⲡⲙⲕⲁϩⲙⲛⲧⲗⲩⲡⲏⲙⲛⲡⲁϣⲁϩⲟⲙⲡⲱⲧⲉⲃⲟⲗⲛϩⲏⲧϥⲡⲙⲁⲛϣⲱⲡⲉⲛⲛⲉⲡⲣⲟⲫⲏⲧⲏⲥ·ⲙⲛⲙⲡⲁⲧⲣⲓⲁⲣⲭⲏⲥ·ⲙⲛⲛⲁⲡⲟⲥⲧⲟⲗⲟⲥ·
ⲉⲃⲟⲗϫⲉⲟⲩⲡⲁⲧⲣⲓⲁⲣⲭⲏⲥⲡⲉⲛⲧϩⲉⲛⲁⲃⲣⲁϩⲁⲙ·ⲁⲩⲱⲟⲩⲁⲡⲟⲥⲧⲟⲗⲟⲥⲡⲉⲛⲧϩⲉⲛⲛⲁⲡⲟⲥⲧⲟⲗⲟⲥ·ⲟⲩⲁⲡⲟⲥⲧⲟⲗⲟⲥⲡⲉⲁⲩⲱⲟⲩⲡⲣⲟⲫⲏⲧⲏⲥⲡⲉⲙⲛⲛⲉⲡⲣⲟⲫⲏⲧⲏⲥⲛⲧϩⲉⲛⲥⲁⲙⲟⲩⲏⲗ·ⲙⲛⲡⲉⲧⲙⲛⲛⲥⲱϥ⁘ⲻⲻ
ⲟⲩⲁⲣⲭⲓⲉⲣⲉⲩⲥⲡⲉⲉϥⲛϩⲟⲧⲛⲧϩⲉⲙⲙⲱⲩⲥⲏⲥ·ⲙⲛⲁⲁⲣⲱⲛⲙⲛⲛⲉⲧⲙⲛⲛⲥⲱⲟⲩ·
ⲛⲧⲉⲣⲉϥⲉⲓⲇⲉⲉⲡϩⲁⲏⲛϣⲱⲛⲉⲉⲧϥⲛⲁⲙⲧⲟⲛⲙⲙⲟϥⲛϩⲏⲧϥⲉⲧⲉⲡⲉⲃⲟⲧⲉⲡⲏⲡⲡⲉⲛⲧⲉⲣⲟⲙⲡⲉⲙⲡⲉⲛⲧⲏⲁϥⲙⲟⲩⲧⲉⲉⲣⲟⲓⲛⲧⲉⲩϣⲏⲛⲥⲟⲩϣⲙⲟⲩⲛⲛⲉⲡⲏⲡⲡⲉϫⲁϥⲛⲁϥϫⲉⲓⲱϩⲁⲛⲛⲏⲥ·ⲟⲩⲛⲣⲱⲙⲉϩⲁϩⲧⲏⲕ
ⲡⲉϫⲁⲓϫⲉⲙⲛⲣⲱⲙⲉ·ⲛⲥⲁⲙⲱⲩⲥⲏⲥ·ⲙⲛⲉⲗⲓⲥⲁⲓⲟⲥⲛⲉⲡⲣⲉⲥⲃⲩⲧⲉⲣⲟⲥ·ⲛⲧⲁⲩⲉⲓⲉϭⲙⲡⲉⲕⲟⲩⲱ·
ⲁⲡⲁⲉⲓⲱⲧⲙⲟⲩⲧⲉ·ϫⲉⲙⲱⲩⲥⲏⲥⲙⲱⲩⲥⲏⲥⲙⲱⲩⲥⲏⲥ
ⲇⲓⲟⲣⲑⲉⲟⲩⲙⲡⲉⲕⲃⲓⲟⲥⲕⲁⲗⲱⲥ·
ⲕⲥⲟⲟⲩⲛϫⲉⲛⲧⲁⲕⲁⲛⲁⲥⲧⲣⲉⲫⲉⲓϩⲁⲣⲁⲧⲛⲁϣⲛϩⲉ·
ϥⲓⲡⲣⲟⲟⲩϣⲛⲛⲁⲭⲁⲣⲧⲏⲥ·ⲕⲁⲗⲟⲥϫⲉϣⲁⲕⲣⲭⲣⲉⲓⲁⲙⲙⲟⲟⲩ·ⲁⲩⲱⲡⲉⲕⲣⲃⲟⲗⲉⲧⲉⲓⲉⲧⲡⲱⲉⲧⲙⲙⲁⲩ·
ⲁϥⲕⲧⲟϥⲟⲛⲉϫⲛⲉⲗⲓⲥⲁⲓⲟⲥⲡⲉⲡⲣⲉⲥⲃⲩⲧⲉⲣⲟⲥ·ⲡⲉϫⲁϥⲛⲁϥϫⲉⲉⲗⲓⲥⲁⲓⲟⲥ·ⲡⲣⲟⲥⲉⲭⲉⲉϫⲛⲛⲉⲥⲛⲏⲩⲕⲁⲗⲱⲥ·ⲛⲅⲁⲙⲁϩⲧⲉⲉϫⲛⲛⲉⲛⲧⲁⲓϩⲟⲛⲟⲩⲉⲧⲟⲟⲧⲕ·ⲛⲅⲣⲧⲕⲁⲗⲉⲗⲉⲕⲁⲧⲁⲟⲩⲛⲟⲩ·ϫⲉⲕⲁⲥⲉⲣⲉⲛⲉⲥⲛⲏⲩⲛⲁⲣⲛⲉⲩϣⲗⲏⲗ·ⲕⲁⲧⲁⲛⲕⲱⲧⲛⲛⲉⲥⲏⲛⲩⲛⲥⲉϯϩⲏⲩⲛⲛⲉⲩⲯⲩⲭⲏⲉⲃⲟⲗϩⲓⲧⲟⲟⲧⲕ·
ⲁⲉⲗⲓⲥⲁⲓⲟⲥⲟⲩⲱϣⲃ·ϫⲉⲡⲁⲉⲓⲱⲧⲁⲓϩⲱⲛⲉϩⲟⲩⲛⲉⲃⲱⲕⲉⲣⲁⲧⲟⲩⲛⲛⲁⲉⲓⲟⲟⲧⲉⲧⲏⲣⲟⲩ·
ⲉϣⲱⲡⲉϣⲁⲕⲙⲟⲩ·ⲛⲁⲛⲟⲩⲥⲛⲧⲁⲙⲟⲩⲛϣⲟⲣⲡϫⲉⲉⲣϣⲁⲛⲡⲉⲥⲧⲩⲗⲗⲟⲥⲉⲧⲛⲧⲁϫⲣⲏⲩⲉϫⲱϥϩⲉⲁⲡϣⲱϥⲙⲡⲧⲟⲟⲩⲛⲧⲥⲛⲧⲉⲓϩⲱⲛⲉϩⲟⲩⲛ
ⲉⲛⲛⲁϭⲛⲕⲉⲟⲩⲁⲧⲱⲛ·ⲛϥⲙⲟⲟⲛⲉⲙⲙⲟⲛⲛⲧⲉⲕϩⲉ·ⲱⲡⲁϫⲟⲉⲓⲥⲛⲉⲓⲱⲧⲉⲧⲟⲩⲁⲁⲃ·ⲉⲕϣⲁⲛⲃⲱⲕⲟⲛ·
ⲁⲕⲟⲩⲱⲉⲕⲥⲟⲟⲩⲧⲛⲙⲡⲉⲕϫⲟⲉⲓⲉⲩⲙⲁⲙⲙⲟⲟⲛⲉⲉⲛⲁⲛⲟⲩϥ·
ⲁⲕⲥⲃⲧⲱⲧⲕⲛⲅⲛⲁϣⲧⲟⲣⲧⲣⲁⲛⲕⲁⲧⲁⲡϣⲁϫⲉⲙⲡⲣⲙⲣⲁϣⲇⲁⲩⲉⲓⲇϫⲉⲁⲓⲥⲃⲧⲱⲧⲙⲡⲓϣⲧⲟⲣⲧⲣ·
ⲁⲛⲟⲛⲅⲁⲣⲧⲛⲛⲁϣⲱⲱⲧⲙⲙⲟⲕⲁⲩⲱⲛⲧⲛϣⲱⲡⲉⲛⲛⲟⲣⲫⲁⲛⲟⲥϫⲓⲛⲙⲡⲟⲟⲩⲉⲃⲟⲗ·
ⲁϥⲟⲩⲱϣⲃⲛϭⲓⲡⲁⲉⲓⲱⲧϫⲉⲛⲁⲙⲉⲕⲉϯⲟⲩⲛϩⲟⲟⲩⲛⲉⲛⲧⲁⲩⲧⲁⲁⲩⲛⲁⲓϫⲓⲛϫⲡϣⲟⲙⲧⲉⲙⲡϩⲟⲟⲩ·
ⲁⲓⲟⲩⲱϣⲃⲡⲉϫⲁⲓⲛⲁϥϫⲉⲟⲩⲡⲉⲛⲧⲁϥϣⲱⲡⲉⲙⲙⲟⲕⲁⲕϫⲉⲛⲁⲓ·
ⲡⲉϫⲁϥⲛⲁⲓϫⲉϩⲁⲧϩⲏⲉⲧⲣⲁϣⲁϫⲉⲛⲙⲙⲁⲕ·ⲁⲩⲉⲕⲥⲧⲁⲥⲓⲥⲧⲁϩⲟⲓ·ⲁⲩⲣⲱⲙⲉⲛⲟⲩⲟⲉⲓⲛⲉⲓⲁϥⲁϩⲉⲣⲁⲧϥⲙⲡⲁⲙⲧⲟⲉⲃⲟⲗ·
ⲡⲉϫⲁϥⲛⲁⲓϫⲉⲡⲉⲥⲩⲛⲑⲓⲟⲥ·ⲡⲉⲥⲩⲛⲑⲓⲟⲥ·ⲡⲉⲥⲩⲛⲑⲓⲟⲥϣⲁϣⲟⲙⲛⲧⲛⲥⲟⲡ·
ⲥⲃⲧⲱⲧⲕϫⲉⲕⲉϯⲟⲩⲛϩⲟⲟⲩⲛⲉⲧⲉⲟⲩⲛⲧⲁⲕⲥⲟⲩϩⲙⲡⲉⲓⲕⲟⲥⲙⲟⲥ·ⲛⲅⲉⲓϣⲁⲣⲟⲓ·
ⲛⲧⲉⲣϥϫⲉⲛⲁⲓⲛⲁⲓⲁϥⲁⲛⲁⲭⲱⲣⲉⲓⲛⲁϥⲧⲉⲛⲟⲩ·
ⲉⲓⲥϩⲏⲏⲧⲉϯⲛⲁⲃⲱⲕⲉⲣⲁⲧⲟⲩⲛⲛⲁⲉⲓⲟⲟⲧⲉⲧⲏⲣⲟⲩ·
ⲛⲧⲉⲣⲉϥϫⲉⲛⲁⲓⲛⲁⲛⲛϭⲓⲡⲁⲉⲓⲱⲧ·ⲁⲩⲛⲟϭⲛⲁϣⲕⲁⲕⲛⲣⲓⲙⲉϣⲱⲡⲉϩⲛⲧⲙⲏⲏⲧⲉϩⲓⲟⲩⲥⲟⲡϫⲉⲧⲛⲛⲁϣⲱⲱⲧⲛⲟⲩⲉⲓⲱⲧⲛⲁⲅⲁⲑⲟⲥⲛⲧⲉⲓϩⲉⲛⲣⲉϥⲥⲟⲗⲥⲗⲛⲛⲉⲧϩⲛϩⲉⲛⲗⲩⲡⲏ·ⲡⲣⲉϥϯⲙⲉⲧⲁⲛⲟⲓⲁ·
ϯϩⲟⲙⲟⲗⲟⲅⲉⲓⲛⲏⲧⲛⲙⲡⲙⲧⲟⲉⲃⲟⲗⲙⲡϫⲟⲉⲓⲥ·ϫⲉⲙⲡⲛⲁⲩⲛⲧⲁⲡⲁⲉⲓⲱⲧⲥⲱⲧⲙⲉⲧⲃⲉⲙⲡⲣⲥⲟⲥⲙⲡⲉϥⲕⲁⲧⲁⲗⲁⲁⲩⲛⲁϥⲛⲉⲛⲕⲁⲛⲛϩⲏⲕⲉ·ϣⲁϩⲣⲁⲓⲉⲡϣⲟⲧⲉⲧϩⲁϩⲧⲛⲧⲉϥⲁⲡⲉ·ⲁϥⲧⲣⲉⲩⲃⲗⲃⲱⲗϥⲉⲃⲟⲗⲁϥⲧⲁⲁϥⲙⲙⲛⲧⲛⲁⲛⲛϩⲏⲕⲉ·
ⲛⲉⲛⲧⲁϥⲧⲁⲁⲩⲛⲛⲉϥϭⲓϫⲙⲛⲛⲉⲛⲧⲁϥⲟⲩⲉϩⲥⲁϩⲛⲉⲛⲁⲓⲁⲓⲧⲁⲁⲩⲙⲛⲛⲉⲛⲧⲁϥϫⲟⲟⲩⲥⲟⲩⲛⲙⲡⲓⲥⲧⲟⲥ·ⲕⲁⲧⲁϯⲙⲉⲉⲩⲥⲱⲣⲙⲙⲟⲟⲩⲕⲁⲧⲁⲧϩⲉⲉⲧⲉⲣⲉⲡⲟⲩⲁⲡⲟⲩⲁⲣⲭⲣⲉⲓⲁⲙⲛϭⲟⲙⲛⲗⲁⲁⲩⲛⲣⲱⲙⲉⲉⲉⲓⲙⲉⲉⲡⲉⲩϫⲱⲕ·
ⲉⲓⲙⲏⲧⲓⲡⲛⲟⲩⲧⲉⲙⲁⲩⲁⲁϥⲡⲁⲓⲉⲧⲛⲁϯⲟⲩⲉⲓⲟⲟⲩⲛⲁϥⲧⲏⲣⲟⲩ·
ⲡⲉϫⲁⲓⲙⲡⲁⲉⲓⲱⲧⲉⲧⲟⲩⲁⲁⲃⲉⲧⲫⲟⲣⲉⲓⲙⲡⲉⲭⲣⲓⲥⲧⲟⲥ·ⲁⲡⲁⲡⲉⲥⲩⲛⲑⲓⲟⲥϫⲉⲁⲣⲏⲩⲱⲡⲁⲉⲓⲱⲧ·ⲉⲕⲙⲉⲉⲩⲉϫⲉⲧⲛⲛⲁⲕⲧⲟⲛⲁⲛⲉϣⲱⲡⲉ·ⲛⲕⲉⲥⲟⲡⲙⲡⲉⲕⲕⲁⲗⲁⲁⲩⲛⲉⲛⲕⲁⲉϥϣⲟϫⲡⲛⲁⲛⲉⲡⲁϩⲟⲩ·
ⲁϥⲟⲩⲱϣⲃⲛϭⲓⲡⲁⲉⲓⲱⲧϫⲉⲧⲛⲛⲁⲕⲧⲟⲛϩⲙⲡⲟⲩⲱϣⲙⲡⲛⲟⲩⲧⲉⲱⲡⲁϣⲏⲣⲉ·ⲁⲩⲱⲛⲉⲛⲧⲁⲛⲧⲁⲁⲩ·ⲧⲏⲣⲟⲩⲛⲛϩⲏⲕⲉ·
ⲡⲭⲣⲓⲥⲧⲟⲥⲛⲁⲧⲁⲁⲩⲛⲁⲛⲧⲏⲣⲟⲩⲉⲩⲕⲏⲃ·
ⲉⲓⲛⲁϫⲉⲟⲩ·ⲏⲉⲓⲛⲁⲧⲁⲩⲉⲟⲩϩⲛⲙⲙⲛⲧϫⲱⲱⲣⲉⲙⲡⲉⲓⲣⲱⲙⲉⲛⲇⲓⲕⲁⲓⲟⲥ·
ⲡⲗⲏⲛⲙⲁⲣⲛⲕⲧⲟⲛⲉϫⲙⲡⲉϥⲕⲁⲥⲱⲙⲁⲉϩⲣⲁⲓ·
ⲛⲉⲁϥⲣϣⲟⲙⲛⲧⲅⲁⲣⲛϩⲟⲟⲩ·ⲙⲡϥⲟⲩⲱⲙ·ⲟⲩⲇⲉⲙⲡⲉϥⲥⲱ·ⲟⲩⲇⲉⲙⲡⲉϥϣⲁϫⲉⲛⲙⲙⲁⲛ·ⲟⲩⲇⲉⲙⲡϥⲡⲟⲟⲛϥⲉⲡⲉⲓⲥⲁⲙⲛⲡⲁⲓ·ⲁⲗⲗⲁⲉϥⲛⲏϫⲡⲉⲛⲧϩⲉⲛⲛⲉⲧⲙⲟⲟⲩⲧϩⲙⲡⲙⲁⲛⲧⲛⲟϭⲛⲣⲓ·
ϩⲛⲧⲉⲟⲩϣⲏⲇⲉⲛⲥⲟⲩⲙⲛⲧⲥⲛⲟⲟⲩⲥ·ⲙⲡⲉⲃⲟⲧⲉⲡⲏⲡ·ⲁⲩⲙⲟⲩⲧⲉϫⲉⲓⲱϩⲁⲛⲛⲏⲥⲁⲛⲟⲕⲁⲓⲟⲩⲱϣⲃϫⲉⲥⲙⲟⲩⲉⲣⲟⲓ·
ⲡⲉϫⲁϥⲛⲁⲓϫⲉⲁⲓϩⲱⲛⲉⲡϣⲗⲕ·ⲁⲩⲱϣⲁⲓϫⲱⲕⲉⲃⲟⲗⲙⲡⲛⲁⲩⲙⲡⲣⲏ·ⲉϥⲛⲁϩⲱⲧⲡⲛⲣⲁⲥⲧⲉⲉⲧⲉⲥⲟⲩⲙⲛⲧϣⲟⲙⲧⲉⲡⲉ·
ⲁⲗⲗⲁϯϩⲧⲏⲕⲙⲡⲣⲧⲣⲉⲗⲁⲁⲩⲛⲣⲱⲙⲉϥⲓⲡⲁⲥⲱⲙⲁⲉⲡⲟⲩⲉ·ⲙⲡⲙⲁⲛⲧⲁⲧⲣⲉⲩϣⲓⲕⲧϥⲛⲁⲓ·
ⲁⲩⲱⲡⲉⲓϣⲟⲙⲛⲧⲛϩⲟⲟⲩⲛⲧⲁⲓⲁⲁⲩ·ⲙⲡⲉⲓϣⲁϫⲉⲛⲙⲙⲏⲧⲛⲉⲓⲁϩⲉⲣⲁⲧ·ⲙⲡⲙⲧⲟⲉⲃⲟⲗⲙⲡⲛⲟⲩⲧⲉ·ⲁⲩⲱⲁⲩϥⲓⲡⲁⲗⲟⲅⲟⲥϫⲓⲛⲙⲡⲛⲁⲩⲛϫⲡⲯⲓⲧⲉⲛⲥⲁϥ·
ϯϫⲱⲙⲙⲟⲥϫⲉⲡⲛⲟⲩⲧⲉⲛⲁⲣⲛⲉϥⲛⲁⲛⲙⲙⲁⲓ·
ⲡⲉϫⲁⲓⲛⲁϥϫⲉⲁⲣⲓⲧⲁⲅⲁⲡⲏⲱⲡⲁⲉⲓⲱⲧⲛⲅϫⲓⲟⲩϣⲏⲙⲛⲧⲣⲟⲫⲏϫⲉⲉⲓⲥϥⲧⲟⲟⲩⲛϩⲟⲟⲩⲙⲡⲉⲕϫⲓϯⲡⲉⲛⲗⲁⲁⲩ
ⲁϥⲟⲩⲱϣⲃⲛⲁⲓⲛϭⲓⲡⲁⲉⲓⲱⲧ·ϫⲉⲡⲁϣⲏⲣⲉⲉⲓⲛⲁⲟⲩⲱⲙⲕⲉⲗⲁⲁⲩⲟⲛⲙⲛⲛⲥⲁⲡⲗⲟⲅⲟⲥ·
ϯϫⲱⲙⲙⲟⲥ·ϫⲉⲛϯⲛⲁϫⲓϯⲡⲉⲁⲛⲛⲗⲁⲁⲩⲛⲧⲣⲟⲫⲏⲉⲡⲁⲡⲉⲓⲕⲟⲥⲙⲟⲥⲡⲉ
ϣⲁⲛⲧⲃⲱⲕϩⲁϩⲧⲛⲡⲉⲭⲣⲓⲥⲧⲟⲥⲛⲧⲁⲃⲱⲗⲉⲃⲟⲗ·ⲛⲧⲁⲛⲏⲥⲧⲉⲓⲁϩⲁϩⲧⲏϥ·
ⲛⲧⲉⲣⲉⲡⲟⲩⲟⲉⲓⲛⲇⲉϣⲁⲛⲧⲥⲟⲩⲙⲛⲧϣⲟⲙⲧⲉ·ⲛⲉⲡⲏⲡ·ⲡⲉϫⲁϥⲛⲁⲓⲉⲣⲉϩⲉⲛⲕⲉⲛⲟϭⲛⲣⲱⲙⲉϩⲙⲟⲟⲥϩⲁϩⲧⲏϥϫⲉⲓⲱϩⲁⲛⲛⲏⲥⲕⲥⲟⲟⲩⲛⲙⲡⲁϫⲱⲕⲧⲏⲣϥϫⲉⲙⲡⲉⲓⲕⲁⲗⲁⲁⲩⲛⲧⲉⲧⲉⲡⲓⲥⲕⲟⲡⲏⲛⲧⲉⲧⲡⲟⲗⲓⲥⲕⲃⲧⲉⲧⲱϭⲉⲣⲟⲓ·
ⲟⲩϩⲟⲗⲟⲕⲟⲧϯⲛⲟⲥⲛⲟⲩⲱⲧⲛⲟⲣⲑⲟⲛⲡⲉⲧϣⲟⲟⲡⲛⲁⲓϫⲓⲛⲡⲉϩⲟⲟⲩⲉⲓⲥϭⲣⲁϩⲧϩⲛⲧⲁⲣⲓⲉⲓⲟⲙⲙⲟⲛⲁⲭⲟⲥ·
ⲛⲧⲁⲓϫⲡⲟϥⲇⲉϩⲙⲡⲁϩⲱⲃⲛϭⲓϫⲉⲓⲣⲟⲓⲉⲥⲉⲣⲟϥϣⲁⲡϩⲟⲟⲩⲉⲧⲣⲁϩⲱⲃⲥⲙⲡⲁⲥⲱⲙⲁϩⲙⲡϩⲱⲃⲛⲛⲁϭⲓϫϫⲉⲛⲛⲉⲓⲕⲁϫⲣⲟⲡⲉϩⲣⲁⲓⲛⲛⲉⲧⲛⲁⲉⲓⲙⲛⲛⲥⲱⲓ·
ⲛⲥⲉϫⲟⲟⲥϫⲉⲁⲕⲣⲡⲃⲟⲗⲛⲛⲉⲧⲉⲙⲉϣϣⲉ·
ⲛⲧⲟⲕⲇⲉⲱⲓⲱϩⲁⲛⲛⲏⲥϣⲟⲡϥⲛϩⲃⲟⲟⲥⲡⲁⲥⲱⲙⲁ·ⲁⲩⲱⲙⲡⲣⲛⲉϫⲕⲉⲗⲁⲁⲩⲉⲣⲟⲓ·ⲉⲓⲙⲏⲧⲓⲧⲗⲉⲃⲓⲧⲟⲛⲛⲧⲁⲩⲙⲟⲣⲧⲙⲙⲟⲥⲙⲛⲡⲁⲥⲭⲏⲙⲁⲙⲛⲧⲁⲕⲟⲩⲕⲗⲉ·ⲙⲛⲡⲁⲙⲟϫⲕϥ·ⲙⲛⲧⲁϭⲟⲟⲗⲉⲥ·ⲙⲙⲁⲧⲉ·ⲛⲧⲉⲧⲛⲕⲟⲥⲧⲛⲧⲉⲧⲛⲧⲟⲙⲥⲧ·
ⲁⲩⲱϯⲙⲉⲉⲩⲉϫⲉⲉⲓⲥⲡϭⲱⲙ·ⲁⲩⲟⲩⲟⲣϩϥⲉϩⲟⲩⲛ·
ⲁⲩⲱⲉⲓⲥⲡⲙⲁ·ⲁϥⲙⲟⲩϩⲛⲱⲛϣ·ϫⲉⲁⲩⲛⲉϫⲡⲥⲟⲃⲧⲉϩⲟⲩⲛⲡⲟⲩⲁⲡⲟⲩⲁⲛⲁⲁⲥⲛⲧϩⲉⲉⲧϥⲟⲩⲁϣⲥ·
ⲡⲗⲏⲛⲡⲉⲧⲉⲣⲉⲡⲟⲩⲁⲡⲟⲩⲁⲛⲁⲁⲁϥ·ⲙⲛⲣⲱⲙⲉⲛⲁϫⲡⲓⲟϥ·ϫⲉⲁⲩⲛⲉϫⲛⲥⲟⲃⲧⲉϩⲟⲩⲛ·
ⲛⲁⲓⲇⲉⲛⲧⲉⲣⲉϥϫⲟⲟⲩ·ⲛϭⲓⲡⲉⲛⲡⲉⲧⲟⲩⲁⲁⲃⲛⲉⲓⲱⲧⲁⲡⲁⲡⲉⲥⲩⲛⲑⲓⲟⲥⲡⲉⲡⲓⲥⲕⲟⲡⲟⲥⲉⲧⲟⲩⲁⲁⲃ·ⲁϥⲟⲩⲱϣⲛⲉⲃⲟⲗⲛⲟⲩⲁⲡⲣⲉⲧⲉⲓⲙⲡⲉϥϣⲁϫⲉⲙⲛⲟⲩⲟⲛⲛϩⲏⲧⲛ·
ⲁϥⲟⲩⲱⲛⲛⲣⲱϥⲁϥϯⲙⲡⲉϥⲡⲛⲉⲩⲙⲁⲉⲛϭⲓϫⲙⲡⲛⲟⲩⲧⲉⲙⲡⲛⲁⲩⲙⲡⲣⲏⲉϥⲛⲁϩⲱⲧⲡⲛⲥⲟⲩⲙⲛⲧϣⲟⲙⲧⲉⲛⲉⲡⲏⲡⲛⲧⲉⲣⲟⲙⲡⲉ·ⲙⲡⲉⲙⲡⲧⲉⲓ
ⲁⲛⲧⲱⲟⲩⲛⲇⲉⲙⲡⲉϥⲥⲕⲏⲛⲱⲙⲁⲉⲧⲟⲩⲁⲁⲃ·ⲁⲛϫⲓⲧϥⲉϩⲟⲩⲛⲉⲡⲉⲑⲩⲥⲓⲁⲥⲧⲏⲣⲓⲟⲛⲉⲧⲟⲩⲁⲁⲃⲙⲡⲥⲱⲟⲩϩⲛⲧⲥⲛⲧⲉⲓ·
ⲁⲛⲕⲥϥⲕⲁⲧⲁⲙⲡⲁⲣⲁⲅⲅⲉⲗⲓⲁⲛⲧⲁϥⲧⲁⲁⲩⲉⲧⲟⲟⲧⲛ
ⲁⲛⲣⲧⲉⲩϣⲏⲧⲏⲣⲥⲉⲛⲱϣⲙⲡⲉϥⲕⲱⲧⲉ
ⲙⲛⲛⲥⲱⲥ·ⲁⲛⲣⲧⲉⲡⲣⲟⲥⲫⲟⲣⲁϩⲓϫⲱϥ·
ⲁⲛϫⲓⲧϥⲉⲡⲧⲟⲟⲩⲛⲧⲁϥⲧⲣⲉⲛϣⲁⲕⲧϥⲉϥⲁϩⲉⲣⲁⲧϥⲙⲡⲉⲛⲕⲱⲧⲉ·
ⲁⲛⲧⲟⲙⲥϥϩⲛⲥⲟⲩⲙⲛⲧⲁϥⲧⲉⲙⲡⲉⲓⲉⲃⲟⲧⲛⲟⲩⲱⲧⲉⲡⲏⲡϩⲛⲟⲩⲉⲓⲣⲏⲛⲏⲛⲧⲉⲡⲛⲟⲩⲧⲉϩⲁⲏⲙⲛϥⲑ—···—···—···—···—···—···——————————————
ⲉⲅⲣⲁⲫⲏⲙⲉⲛⲏⲑⲱⲑⲓⲛⲇⲇⲁⲡⲟⲧⲟⲛⲁⲅⲓⲟⲛⲙⲁⲣⲧⲩⲣⲱⲛⲯⲕⲃⲉⲧⲟⲩⲥⲧⳕⲉ
ⲉⲅⲱⲃⲓⲕⲧⲱⲣⲉⲗⲁⲭⲓⲥⲧⲟⲥⲇⲓⲁⲕⲟⲛⲟⲥⲩⲩⲙⲁⲕⲁⲣⲓⲟⲥⲙⲉⲣⲕⲟⲩⲣⲓⲟⲥⲇⲓⲁⲕⲟⲛⲟⲥⲡⲁⲓⲥⲧⲟⲩⲙⲁⲕⲁⲣⲓⲟⲥⲉⲡⲱⲛⲩⲭⲟⲥⲁⲣⲭⲇⲓⲁⲕⲟⲛⲟⲥⲧⲟⲩⲁⲅⲓⲟⲩⲙⲉⲣⲙⲉⲅⲁⲥⲧⲣⲁⲧⲏⲗⲁⲧⲁⲁⲡⲟⲧⲏⲥⲡⲟⲗⲉⲱⲥⲗⲁⲧⲱⲛⲉⲅⲣⲁⲯⲁⲥⲃⲓⲃⲗⲟⲥⲡⲁⲛⲧⲱⲛⲁⲛⲁⲅⲛⲱⲑⲓⲧⲏⲛⲃⲓⲃⲗⲓⲟⲩⲉⲡⲉⲩⲍⲉⲧⲁⲓⲙⲉⲟⲡⲱⲥϯ)ⲉⲍⲁⲅⲉⲓⲕⲥⲧⲏⲛⲉⲗⲉⲟⲓⲛⲟⲙⲟⲩⲃⲓⲟⲛⲉⲩⲁⲣⲉⲥⲧⲟⲛⲉⲅⲉⲛⲉⲧⲟⲁⲙⲏⲛ—···—···—···—···—···—···—
ⳁϩⲓⲧⲛⲇⲉⲥⲡⲟⲇⲏⲙⲛⲧⲙⲛⲧⲃⲁⲓⲣⲟⲟⲩϣⲛⲛⲉⲛⲙⲁⲓⲛⲟⲩⲧⲉⲛⲥⲛⲏⲩⲉⲧⲧⲙⲙⲁⲓⲁⲅⲁⲡⲏ·ⲙⲓⲭⲁⲏⲗⲡⲁⲣⲭⲇⲓⲁⲕⲟⲛⲟⲥⲁⲩⲱⲡⲛⲟⲛⲟⲭⲟⲥ·ⲙⲛⲡⲉⲛⲥⲟⲛⲍⲁⲭⲁⲣⲓⲁⲥⲡⲇⲉⲩⲧⲉⲣⲟⲥⲛⲇⲓⲁⲕⲟⲛⲟⲥⲁⲩⲱⲙⲙⲟⲛⲁⲭⲟⲥⲛⲧⲉⲡϩⲁⲅⲓⲟⲥⲙⲉⲣⲕⲟⲩⲣⲓⲟⲥⲡⲉⲥⲧⲣⲁⲧⲏⲗⲁⲧⲏⲥⲡⲁⲓⲉⲧϣⲟⲟⲡϩⲙⲡⲧⲟⲟⲩⲛⲧⲃⲱ·
ⲁⲩⲥⲙⲛⲡⲉⲓϫⲱⲱⲙⲉⲁⲩⲕⲁⲁϥϩⲙⲡⲉⲩⲙⲟⲛⲟⲥⲧⲏⲣⲓⲟⲛϫⲉⲕⲁⲥⲉⲩⲛⲁⲱϣⲛϩⲏⲧϥⲉⲩϩⲏⲩⲙⲛⲟⲩⲡⲗⲩⲣⲟⲫⲟⲣⲓⲁⲛⲛⲉⲧⲛⲁⲥⲱⲧⲙϩⲛⲟⲩϯϩⲧⲏϥⲡϫⲟⲉⲓⲥⲓⲏⲥⲟⲩⲥⲡⲉⲭⲣⲓⲥⲧⲟⲥⲉϥⲉⲭⲁⲣⲓⲍⲉⲛⲁⲩⲛⲟⲩⲛⲟϭⲛⲁϩⲉⲙⲛⲟⲏⲥⲩⲡⲟⲙⲟⲛⲏ·ⲛϥⲧⲟⲩϫⲟⲟⲩⲛϭⲟⲣϭⲥⲙⲡⲇⲓⲁⲃⲟⲗⲟⲥ·ⲙⲛⲛⲣⲱⲙⲉⲙⲡⲟⲛⲏⲣⲟⲥ·
ⲛϥⲕⲁⲟⲩⲥⲙⲟⲩⲙⲛⲟⲩⲥⲉⲓⲙⲛⲟⲩⲥⲱⲧⲏⲣⲓⲁϩⲙⲡⲉⲩⲙⲟⲛⲁⲥⲧⲏⲣⲓⲟⲛ·ⲛϥϩⲁⲣⲉϩⲉⲡⲱⲛϩⲙⲡⲉⲛⲉⲓⲱⲧⲙⲡⲣⲟⲉⲓⲥⲧⲟⲥⲁⲃⲃⲁⲁⲃⲣⲁϩⲁⲙⲙⲛⲡⲥⲱⲟⲩϩⲉϩⲟⲩⲛⲛⲛⲉⲥⲛⲏⲩⲧⲏⲣⲟⲩⲛⲥⲧⲁⲩⲣⲱⲫⲟⲣⲟⲥⲉⲧϣⲟⲟⲡϩⲙⲡⲉⲩⲙⲟⲛⲁⲥⲧⲏⲣⲓⲟⲛⲡⲟⲩⲁⲡⲟⲩⲁⲕⲁⲧⲁⲡⲉϥⲣⲁⲛ·ⲛϥⲛⲛⲉⲩⲥⲙⲟⲩⲉⲧⲟⲩⲁⲁⲃⲉϩⲣⲁⲓⲉϫⲛⲧⲁⲙⲛⲧⲉⲗⲁⲭⲓⲥⲧⲟⲥⲉⲩϣⲁⲛⲉⲓϫⲉⲟⲛⲉⲃⲟⲗϩⲛⲥⲱⲙⲁⲉⲩⲉϫⲓⲕⲗⲏⲣⲟⲛⲟⲙⲓⲁⲙⲛⲛⲉⲓⲟⲟⲧⲉⲛⲧⲕⲟⲓⲛⲟⲛⲓⲁⲁⲡⲁⲡⲁⲭⲱⲙⲱⲙⲛⲁⲡⲁⲑⲉⲟⲇⲟⲣⲟⲥⲙⲛⲁⲡⲁⲡⲁⲗⲁⲙⲱⲛⲙⲛⲁⲡⲁⲡⲉⲧⲣⲟⲛⲓⲟⲥⲙⲛⲁⲡⲁϩⲱⲣⲥⲓⲉⲥⲓⲟⲥⲙⲛⲛⲉⲓⲟⲟⲧⲉⲧⲏⲣⲟⲩⲛⲧⲕⲟⲓⲛⲱⲛⲓⲁϩⲁⲙⲏⲛ·ⲉⲥⲉϣⲱⲡⲉⲙⲙⲟⲛⲧⲏⲣⲛϩⲁⲙⲏⲛ·

ANNIS Metadata

annotation: Tamara Siuda, Lance Martin, Caroline T. Schroeder
attributed_author: John the Presbyter
author: unknown
collection: Oriental Manuscripts
Coptic_edition: Budge 1913 pp. 93-127
corpus: life.pisentius
country: Egypt
document_cts_urn: urn:cts:copticLit:lives.pisentius.budge:58-84
entities: checked
identities: checked
idno: OR. 7026 ff. 62a-83a
language: Sahidic Coptic
license: CC-BY 4.0
msItem_title: The Life of Apa Pisentius
msName: MERC.AQ
note: Coptic SCRIPTORIUM's edition includes only Budge's transcription of the manuscript. It is not a diplomatic transcription based on reading and collation of the original manuscript. The translation is Budge's with very slight modifications (e.g., numbers mistranslated.) Our origDates are taken from PAThs.
objectType: codex
order: 03
origDate: 1005
origDate_notAfter: 1006
origDate_notBefore: 1004
origDate_precision: high
pages_from: 153
pages_to: 197
parsing: automatic
paths_authors: 60
paths_manuscripts: 192
paths_works: 187
people: Aaron; Abraham; Antioch; David; Devil; Elisha; Jesus; John the Apostle; Macarius of Egypt; Michael (archangel); Moses; Pachomius the Great; Paul the Apostle; Samuel; Satan; Solomon; Theodorus of Tabennese
placeName: Edfu
places: none
previous: urn:cts:copticLit:lives.pisentius.budge:32-58
project: Coptic SCRIPTORIUM, Marcion
redundant: no
repository: British Library
segmentation: checked
source: Marcion project, Archive.org
tagging: automatic
title: Life of Pisentius part 3
translation: E. A. Wallis Budge
Trismegistos: none
version_date: 2024-10-31
version_n: 6.0.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:lives.pisentius.budge:58-84. [version number], [date]. https://data.copticscriptorium.org/urn:cts:copticLit:lives.pisentius.budge:58-84.

Subsequent citations:

Author, Ancient title (abbreviated) [chapter.verse if available], urn:cts:copticLit:lives.pisentius.budge:58-84.

Document Edition: urn:cts:copticLit:lives.pisentius.budge:58-84

Work: urn:cts:copticLit:lives.pisentius

Text Group: urn:cts:copticLit:lives

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:lives.pisentius.budge:58-84/norm/html

Analytic Visualization HTML: https://data.copticscriptorium.org/urn:cts:copticLit:lives.pisentius.budge:58-84/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:lives.pisentius.budge:58-84/tei/xml

Paula XML: https://data.copticscriptorium.org/urn:cts:copticLit:lives.pisentius.budge:58-84/paula/xml

relANNIS: https://data.copticscriptorium.org/urn:cts:copticLit:lives.pisentius.budge:58-84/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:lives.pisentius.budge:58-84/annis