The Life of John the Kalybites part 1
normalized analytic TEI ANNIS PAULA Search ANNIS
Next

Normalized Text

▢ⲡⲁⲓⲡⲉⲡⲃⲓⲟⲥⲙⲡⲙⲁⲕⲁⲣⲓⲟⲥⲓⲱϩⲁⲛⲛⲏⲥⲡⲙⲟⲛⲁⲭⲟⲥⲛⲧⲉⲗⲓⲟⲛⲡⲁⲓⲛⲧⲁⲛⲉϥⲉⲓⲟⲧⲉⲥⲙⲓⲛⲉⲛⲁϥⲙⲡⲉⲩⲁⲅⲅⲉⲗⲓⲟⲛⲛⲛⲟⲩⲃ·
ⲉⲁϥϫⲱⲕⲉⲃⲟⲗⲙⲡⲉϥⲃⲓⲟⲥⲉⲧⲛⲁⲛⲟⲩϥϩⲛⲟⲩⲙⲛⲧⲧⲉⲗⲓⲟⲥⲙⲛⲟⲩϩⲩⲡⲟⲙⲟⲛⲏⲉⲛⲁⲛⲟⲩⲥ·ⲛⲥⲟⲩϥⲧⲟⲟⲩⲙⲡⲉⲃⲟⲧ·ⲙϣⲓⲣϩⲛⲟⲩⲉⲓⲣⲏⲛⲏⲛⲧⲉⲡⲛⲟⲩⲧⲉⲥⲙⲟⲩⲉⲣⲟⲛⲧⲏⲣⲛϩⲁⲙⲏⲛ⁛—
—ⲡⲉⲓⲃⲓⲟⲥⲅⲁⲣⲧⲉⲛⲟⲩⲉⲧⲓⲛⲁϣⲁϫⲉⲛⲙⲙⲏⲧⲛⲉⲧⲃⲏⲏⲧϥ·ⲡⲁⲣⲁⲟⲩⲣⲱⲙⲉⲛⲧⲉⲡⲛⲟⲩⲧⲉⲡⲉⲁⲩⲱⲛϣⲟⲩⲣϣⲡⲏⲣⲉⲙⲙⲟϥⲛⲧⲁϥϣⲱⲡⲉϩⲙⲡⲉⲛⲟⲩⲟⲉⲓϣ·
ⲡⲁⲓⲧⲉⲛⲟⲩⲛⲉⲩⲛⲟⲩⲣⲱⲙⲉϣⲟⲟⲡϩⲛⲧⲡⲟⲗⲓⲥϩⲣⲱⲙⲏⲟⲩⲣⲙⲙⲁⲟⲉⲙⲁⲧⲉⲡⲉ·
ⲛⲧⲟϥⲡⲉⲡⲁⲣⲭⲱⲛⲛⲧⲡⲟⲗⲓⲥ·
ⲡⲉϥⲣⲁⲛⲡⲉⲉⲩⲧⲣⲟⲡⲓⲟⲥ·
ⲡⲣⲁⲛⲛⲧⲉϥⲥϩⲓⲙⲉⲡⲉⲑⲉⲟⲇⲱⲣⲁ·ⲁⲩⲱⲛⲉⲩⲟⲛⲣⲉϥϣⲙϣⲉⲛⲟⲩⲧⲉⲙⲡⲉⲥⲛⲁⲩϫⲓⲛⲧⲉⲩⲙⲛⲧⲕⲟⲩⲓ⁛—
ⲛⲁⲓⲇⲉⲛⲉⲣⲉϣⲟⲙⲛⲧⲛϣⲏⲣⲉϣⲟⲟⲡⲛⲁⲩ·
ⲡⲉⲥⲛⲁⲩⲙⲉⲛⲁⲩϯⲛⲁⲩⲛⲟⲩⲛⲟϭⲛⲧⲁⲝⲓⲥ·ϩⲙⲡⲡⲁⲗⲗⲁϯⲟⲛⲛⲛⲣⲣⲱⲩ·
ⲡⲕⲟⲩⲓϩⲱⲱϥⲁⲩⲧⲁⲁϥⲉⲧⲣⲉϥϫⲓⲥⲃⲱⲉⲛⲉϩⲃⲏⲩⲉⲙⲡⲛⲟⲩⲧⲉ·
ⲙⲛⲛⲥⲁⲛⲁⲓⲇⲉⲁϥⲉⲓⲙⲉⲉⲛⲱϣⲛⲛⲉⲥⲭⲟⲗⲁⲥⲧⲓⲕⲟⲥ·ⲁⲩⲱⲛⲉϥϩⲛⲧⲉⲩⲙⲏⲏⲧⲉⲡⲉ·
ⲡⲁⲗⲓⲛⲟⲛ·ⲁϥⲧⲥⲁⲃⲟⲛⲛⲉϩⲃⲏⲩⲉⲙⲡⲛⲟⲩⲧⲉⲁⲩⲱⲛϥⲙⲏⲣⲉⲧⲉⲕⲕⲗⲏⲥⲓⲁⲉϥϣⲓⲛⲉⲛⲥⲁⲡⲛⲟⲩⲧⲉ·ⲙⲡⲉϩⲟⲟⲩⲙⲛⲧⲉⲩϣⲏ·
ⲟⲩϩⲟⲟⲩⲇⲉⲉⲃⲟⲗϩⲛⲟⲩϩⲟⲟⲩⲁϥⲡⲁⲣⲁⲅⲉⲙⲙⲟϥⲛϭⲓⲟⲩⲥⲟⲛⲙⲙⲟⲛⲁⲭⲟⲥⲛⲧⲉⲧⲙⲟⲛⲏⲉⲧⲥⲁϩⲟⲩⲛ·ⲧⲁⲓⲉⲧⲟⲩⲙⲟⲩⲧⲉⲉⲣⲟⲥϫⲉⲛⲉⲧⲉⲙⲉⲩⲛⲕⲟⲧⲕⲉϥⲟⲩⲱϣⲉⲃⲱⲕⲉⲧϩⲓⲉⲣⲟⲩⲥⲁⲗⲏⲙ·ⲉϣⲗⲏⲗϩⲛⲙⲙⲁⲉⲧⲟⲩⲁⲁⲃ·
ⲡⲁⲓⲇⲉⲁϥϣⲁϫⲉⲙⲛⲓⲱϩⲁⲛⲛⲏⲥϩⲁϩⲧⲛⲡⲉϥⲏⲓ·ϩⲙⲡϣⲁϫⲉⲙⲡⲛⲟⲩⲧⲉ·
ⲁϥⲣϣⲡⲏⲣⲉⲛϭⲓⲓⲱϩⲁⲛⲛⲏⲥⲉⲡⲉϩⲟⲩⲟ·ⲉϥⲛⲁⲩⲉⲡⲥⲟⲛⲙⲙⲟⲛⲁⲭⲟⲥⲙⲛⲡⲉϥⲥⲭⲏⲙⲁ·ⲙⲛⲧⲉϥϭⲓⲛϣⲁϫⲉⲉⲧϩⲟⲗϭⲙⲛⲛⲉϥⲙⲉⲉⲩⲉ·ⲉϩⲟⲩⲛⲉⲡⲛⲟⲩⲧⲉⲛⲧϩⲉⲛⲟⲩⲕⲱϩⲧ⁛
ⲡⲉϫⲉⲓⲱϩⲁⲛⲛⲏⲥ·ϫⲉⲡⲁϫⲟⲉⲓⲥⲛⲉⲓⲱⲧⲛⲧⲟⲕⲡⲁⲧⲱⲛ·ⲏⲉⲣⲉⲡⲉⲕⲙⲟⲛⲁⲥⲧⲏⲣⲓⲟⲛ·ⲏⲉⲣⲉⲡⲉⲕⲙⲟⲛⲁⲥⲧⲏⲣⲓⲟⲛⲧⲱⲛ·
ⲡⲉϫⲉⲡⲥⲟⲛⲙⲙⲟⲛⲁⲭⲟⲥⲛⲁϥϫⲉⲁⲛⲟⲕⲉⲓϣⲟⲟⲡϩⲛⲧⲙⲟⲛⲏⲛⲛⲉⲧⲉⲙⲉⲩⲛⲕⲟⲧⲕ·
ⲁⲩⲱⲉⲣϣⲁⲛⲡⲛⲟⲩⲧⲉⲣϩⲛⲁϥⲉⲓⲟⲩⲱϣⲉⲃⲱⲕⲉⲧϩⲓⲉⲣⲟⲩⲥⲁⲗⲏⲙⲛⲧⲁϣⲗⲏⲗⲙⲙⲁⲩϩⲙⲡⲙⲁⲉⲧⲟⲩⲁⲁⲃ·ⲁⲩⲱϩⲙⲡⲟⲩⲱϣⲙⲡⲛⲟⲩⲧⲉ·ϯⲛⲁⲕⲧⲟⲓⲉⲡⲁⲙⲁⲛⲕⲉⲥⲟⲡ·
ⲁⲩⲱⲁⲡⲙⲟⲛⲁⲭⲟⲥⲧⲁⲙⲟϥⲉⲧⲃⲉϩⲱⲃⲛⲓⲙⲛⲧⲁⲓⲱϩⲁⲛⲛⲏⲥⲧⲁⲙⲟϥⲉⲧⲃⲏⲏⲧϥ·
ⲛⲧⲉⲣⲉϥⲥⲱⲧⲙⲇⲉⲛϭⲓⲓⲱϩⲁⲛⲛⲏⲥⲉⲛⲉⲓϣⲁϫⲉⲁϥⲁⲙⲁϩⲧⲉⲛⲧϭⲓϫⲙⲡⲥⲟⲛⲙⲙⲟⲛⲁⲭⲟⲥⲁϥϫⲓⲧϥⲉⲩⲙⲁⲉϥⲉⲥⲩⲭⲁⲍⲉ
ⲁⲩⲱⲁϥⲧⲁⲣⲕⲟϥⲛϩⲉⲛⲛⲟϭⲛⲁⲛⲁϣⲉϥϫⲱⲙⲙⲟⲥⲛⲁϥϫⲉⲉⲕϣⲁⲛⲃⲱⲕⲡⲁⲙⲉⲣⲓⲧⲛⲥⲟⲛⲉⲧϩⲓⲉⲣⲟⲩⲥⲁⲗⲏⲙⲛⲅⲕⲟⲧⲕϩⲛⲟⲩⲉⲓⲣⲏⲛⲏⲙⲡⲣϩⲟⲡⲕⲉⲣⲟⲓ·
ⲟⲩⲇⲉⲙⲡⲣⲃⲱⲕⲉⲧⲉⲕⲙⲟⲛⲏⲛⲅⲕⲁⲁⲧⲛⲥⲱⲕⲉⲃⲟⲗϫⲉⲛϯϩⲡⲗⲁⲁⲩⲁⲛⲉⲣⲟⲕϩⲙⲡⲁⲃⲓⲟⲥⲧⲏⲣϥ·ⲉⲡⲉⲓⲇⲏⲛⲁⲉⲓⲟⲧⲉⲙⲉⲙⲙⲟⲓⲉⲙⲁⲧⲉⲡⲁⲣⲁⲛⲁⲥⲛⲏⲩ·
ⲕⲁⲓⲅⲁⲣⲁⲩⲧⲁⲁⲧⲉⲧⲟⲟⲧⲟⲩⲛϩⲉⲛⲥⲭⲟⲗⲁⲥⲧⲓⲕⲟⲥ·
ⲁⲩⲱⲉⲣⲉⲡⲁⲉⲓⲱⲧϫⲱⲙⲙⲟⲥϫⲉϯⲛⲁϯⲛⲁⲕⲛϩⲉⲛⲛⲟϭⲛⲧⲁⲝⲓⲥ·
ⲗⲟⲓⲡⲟⲛⲕⲁⲧⲁⲛⲉⲧϩⲙⲡⲉϥϩⲏⲧⲉϥⲟⲩⲱϣⲉϯⲛⲁⲓⲛⲕⲉⲥⲁϣϥⲛⲧⲁⲝⲓⲥⲉⲩϫⲟⲥⲉⲡⲁⲣⲁⲧⲱϥ·
ⲁⲩⲱⲙⲛⲛⲥⲁⲛⲁⲓⲉϥⲟⲩⲱϣⲉⲛⲣϣⲉⲗⲉⲉⲧⲉⲣⲟⲓ·
ⲁⲛⲟⲕⲇⲉϩⲱⲱⲧⲟⲛⲁⲓⲃⲱⲕⲉⲧⲉⲕⲕⲗⲏⲥⲓⲁ·ⲁⲓⲥⲱⲧⲙⲉⲣⲟⲟⲩⲉⲩⲱϣϩⲛⲟⲩⲙⲁⲉⲩϫⲱⲙⲙⲟⲥϫⲉⲡⲉⲟⲟⲩⲧⲏⲣϥⲙⲡⲉⲓⲕⲟⲥⲙⲟⲥⲟⲩϩⲱⲃⲛⲥⲱⲃⲉⲡⲉ·ⲁⲩⲱϫⲉⲡⲉⲧⲛⲁⲕⲁⲧⲁⲫⲣⲟⲛⲉⲓⲙⲡⲉⲓⲕⲟⲥⲙⲟⲥⲛϥⲟⲩⲁϩϥⲛⲥⲁⲡⲉⲭⲣⲓⲥⲧⲟⲥϩⲛⲟⲩϩⲏⲧⲉϥⲥⲟⲩⲧⲱⲛ·ⲙⲟⲅⲓⲥⲛϥⲛⲟⲩϩⲙ·
ⲕⲉⲙⲁⲗⲓⲥⲧⲁⲡⲁⲥⲟⲛⲡⲣⲱⲙⲉⲛⲣⲉϥⲣⲛⲟⲃⲉⲛⲧⲁⲙⲓⲛⲉ·
ⲉⲧⲃⲉⲡⲁⲓϯⲥⲟⲡⲥⲡⲙⲙⲟⲕⲡⲁⲉⲓⲱⲧⲉⲧⲟⲩⲁⲁⲃ·ⲉⲧⲣⲉⲕϫⲓⲧⲛⲙⲙⲁⲕⲉⲧⲉⲕⲙⲟⲛⲏ·
ⲛⲧⲉⲣϥⲥⲱⲧⲙⲇⲉⲉⲛⲁⲓⲛϭⲓⲡⲥⲟⲛⲙⲙⲟⲛⲁⲭⲟⲥ·ⲁϥⲱⲣⲕⲛⲟⲩⲁⲛⲁϣϫⲉⲉⲓϣⲁⲛⲕⲧⲟⲓϯⲛⲁϫⲓⲧⲕⲛⲙⲙⲁⲓⲉⲧⲁⲙⲟⲛⲏ·
ⲛⲧⲉⲩⲛⲟⲩⲇⲉⲁⲩⲧⲁϫⲣⲉⲡϣⲁϫⲉⲙⲛⲛⲉⲩⲉⲣⲏⲩϩⲓⲟⲩⲥⲟⲡ·ⲁⲡⲟⲩⲁⲡⲟⲩⲁⲙⲙⲟⲟⲩⲙⲟⲟϣⲉⲉⲧⲉϥⲙⲟⲛⲏϩⲛⲟⲩⲉⲓⲣⲏⲛⲏ
ⲙⲛⲛⲥⲁⲛⲁⲓⲇⲉⲁϥϫⲓϣⲟϫⲛⲉϩⲙⲡⲉϥϩⲏⲧⲛϭⲓⲡⲙⲁⲕⲁⲣⲓⲟⲥⲓⲱϩⲁⲛⲛⲏⲥⲉϥϫⲱⲙⲙⲟⲥϫⲉⲡⲣⲱⲧⲱⲛⲙⲉⲛⲕⲁⲁⲧⲛⲧⲁⲃⲱⲕϣⲁⲛⲁⲉⲓⲟⲧⲉⲛⲧⲁⲧⲣⲉⲩⲥⲙⲓⲛⲉⲛⲁⲓⲛⲟⲩⲉⲩⲁⲅⲅⲉⲗⲓⲟⲛⲛⲧⲁⲱϣϩⲓⲱⲱϥ·ϫⲉⲛϯⲥⲟⲟⲩⲛⲁⲛⲛⲛⲉⲛⲧⲟⲗⲏⲙⲡⲉⲭⲣⲓⲥⲧⲟⲥ·
ⲁⲩⲱⲟⲛϯⲛⲁϭⲛⲧϥϩⲙⲡⲙⲁⲉⲧϯ ⲛⲁⲃⲱⲕⲉⲣⲟϥ·
ⲁϥⲉⲓⲇⲉⲉⲡⲏⲓⲛⲛⲉϥⲉⲓⲟⲧⲉ·
ⲁϥϫⲱⲉⲣⲟⲟⲩⲛⲟⲩⲗⲟⲓϭⲉⲛϯⲙⲓⲛⲉⲉϥϫⲱⲙⲙⲟⲥϫⲉⲁⲛⲁⲩⲱⲛⲁⲉⲓⲟⲧⲉ·ϫⲉⲁⲛⲟⲕϯϣⲟⲟⲡϩⲛⲟⲩϣⲓⲛⲉⲛⲧⲙⲏⲧⲉⲛⲛⲁϣⲃⲏⲣⲥⲭⲟⲗⲁⲥⲧⲓⲕⲟⲥϫⲉⲥⲉϣⲟⲟⲡⲧⲏⲣⲟⲩϩⲛⲧⲉⲥⲭⲟⲗⲏⲉⲣⲉⲟⲩⲉⲩⲁⲅⲅⲉⲗⲓⲟⲛⲛⲛⲟⲩⲃⲛⲧⲟⲟⲧϥⲙⲡⲟⲩⲁⲡⲟⲩⲁⲛⲧⲁⲛⲉⲩⲉⲓⲟⲧⲉⲥⲙⲛⲧϥⲛⲁⲩⲉⲩⲱϣϩⲓⲱⲱϥ·
ⲁⲛⲟⲕⲇⲉϩⲱⲉⲓⲟⲛⲧϩⲉⲛⲟⲩϩⲏⲕⲉϩⲛⲧⲉⲩⲙⲏⲏⲧⲉⲉⲙⲛⲧϥⲉⲓⲱⲧⲙⲙⲁⲩⲏⲙⲁⲁⲩ·
ⲁϥⲡⲁϩⲧϥⲇⲉⲉϫⲙⲡⲉϥϩⲟⲛϭⲓⲓⲱϩⲁⲛⲛⲏⲥϩⲁⲣⲁⲧⲟⲩⲛⲛⲉϥⲉⲓⲟⲧⲉⲉϥϫⲱⲙⲙⲟⲥϫⲉϯⲥⲟⲡⲥⲡⲙⲙⲱⲧⲛⲛⲁⲉⲓⲟⲧⲉⲉϣⲱⲧⲉⲙⲁⲧⲉⲧⲛⲥⲙⲓⲛⲉⲛⲁⲓⲛⲟⲩⲉⲩⲁⲅⲅⲉⲗⲓⲟⲛϩⲱϫⲉⲕⲁⲥⲉⲓⲛⲁϩⲉⲉⲣⲟϥϩⲛⲛⲁϭⲓϫⲛⲧⲁϫⲓⲥⲃⲱⲉⲃⲟⲗⲛϩⲏⲧϥ·
ⲛⲧⲉⲣⲉⲥⲥⲱⲧⲙⲇⲉⲛϭⲓⲧⲉϥⲙⲁⲁⲩⲁⲥⲣⲁϣⲉⲉⲙⲁⲧⲉϫⲉⲛⲉⲥⲟⲩⲱϣⲡⲉⲉⲧⲣⲉϥⲧⲥⲁⲃⲟⲕⲁⲗⲱⲥ·
ⲉⲧⲓⲇⲉⲉⲥⲉⲓⲣⲉϩⲓⲛⲁⲓⲁⲥϣⲁϫⲉⲙⲛⲡⲉⲥϩⲁⲓⲉⲥϫⲱⲙⲙⲟⲥⲡⲁϫⲟⲉⲓⲥⲛⲥⲟⲛⲧⲁⲙⲓⲟⲛⲟⲩⲉⲩⲁⲅⲅⲉⲗⲓⲟⲛⲛⲛⲟⲩⲃⲙⲡⲉⲛϣⲏⲣⲉⲓⲱϩⲁⲛⲛⲏⲥ·
ⲟⲩⲙⲟⲛⲟⲛϫⲉⲥϩⲁⲓϥⲙⲙⲁⲧⲉⲁⲗⲗⲁⲕⲟⲥⲙⲉⲓⲙⲙⲟϥⲕⲁⲗⲱⲥϩⲛϩⲉⲛⲱⲛⲉⲙⲙⲉ·ⲉⲛⲁϣⲉⲥⲟⲩⲛⲧⲟⲩ·
ϩⲛⲧⲉⲩⲛⲟⲩⲉⲧⲙⲙⲁⲩⲁϥⲟⲩⲉϩⲥⲁϩⲛⲉⲛϭⲓⲡⲉϥⲉⲓⲱⲧ·
ⲁϥⲉⲓⲛⲉⲛⲁϥⲛϯⲟⲩⲛϣⲉⲛϩⲟⲗⲟⲕⲟⲧⲧⲓⲛⲟⲥⲙⲛϩⲉⲛⲱⲛⲉⲙⲙⲉ·ⲉⲩⲧⲁⲓⲏⲩⲁϥⲧⲁⲁⲩⲛⲟⲩⲥⲁϩ·ⲛϩⲁⲩⲛⲟⲩⲃ·
ⲁϥⲧⲁⲙⲓⲟⲛⲁϥⲛⲧⲕⲟⲥⲙⲏⲥⲓⲥⲛⲟⲩⲉⲩⲁⲅⲅⲉⲗⲓⲟⲛⲛⲧⲁⲩⲥⲁϩϥ·
ⲁⲩⲱⲁⲡⲉϥⲉⲓⲱⲧϫⲓⲧϥⲁϥⲧⲁⲁϥⲛⲓⲱϩⲁⲛⲛⲏⲥⲡⲉϥϣⲏⲣⲉ·
ⲁϥϫⲓⲧϥϫⲉⲛϭⲓⲓⲱϩⲁⲛⲛⲏⲥⲁϥⲣⲁϣⲉⲉϩⲣⲁⲓⲉϫⲱϥ·
ⲁⲩⲱⲛϥϫⲓⲥⲃⲱϩⲣⲁⲓⲛϩⲏⲧϥϩⲛⲟⲩⲛⲟϭⲛⲙⲕⲁϩⲛϩⲏⲧ·
ⲁⲩⲱⲛϥϭⲱϣⲧⲉⲃⲟⲗϩⲏⲧϥⲙⲡⲥⲟⲛⲙⲙⲟⲛⲁⲭⲟⲥϣⲁⲛⲧϥⲉⲓⲛϥⲃⲱⲕⲛⲙⲙⲁϥ⁛—
ⲙⲛⲛⲥⲁϩⲉⲛⲕⲟⲩⲓⲇⲉⲛϩⲟⲟⲩⲁϥⲉⲓⲛϭⲓⲡⲥⲟⲛⲙⲙⲟⲛⲁⲭⲟⲥⲉⲧⲃⲉⲡⲉⲛⲧⲁⲩⲥⲙⲛⲧϥⲙⲛⲛⲉⲩⲉⲣⲏⲩ⁛—
ⲛⲧⲉⲣϥⲛⲁⲩⲇⲉⲛϭⲓⲓⲱϩⲁⲛⲛⲏⲥⲉⲡⲥⲟⲛⲡⲙⲟⲛⲁⲭⲟⲥⲁϥⲣⲁϣⲉⲉⲙⲁⲧⲉⲁⲩⲱⲁϥⲧⲉⲗⲏⲗⲁϥⲁⲥⲡⲁⲍⲉⲙⲙⲟϥ·ⲉϥϣⲟⲟⲡϩⲛⲟⲩⲛⲟϭⲛⲣⲁϣⲉ·
ⲡⲉϫⲁϥⲛⲁϥϫⲉⲡⲁϫⲟⲉⲓⲥⲛⲉⲓⲱⲧϯⲥⲟⲟⲩⲛⲉⲡⲟⲩⲱϣⲛⲛⲁⲉⲓⲟⲧⲉ·ⲙⲛⲡⲉⲩⲙⲉⲉϩⲟⲩⲛⲉⲣⲟⲓ·
ⲙⲁⲗⲓⲥⲧⲁⲧⲁⲙⲁⲁⲩⲛϩⲟⲩⲟⲉϣⲱⲡⲉⲉⲥϣⲁⲛⲥⲱⲧⲙⲉϩⲱⲃⲛϯⲙⲓⲛⲉⲉϩⲟⲩⲛⲉⲣⲟⲓ·ϣⲁⲣⲉⲛⲉⲥⲣⲙⲉⲓⲟⲟⲩⲉϯϩⲓⲥⲉⲛⲁⲓⲉⲡⲉϩⲟⲩⲟ·
ⲁⲗⲗⲁϯⲥⲟⲡⲥⲡⲙⲙⲟⲕⲙⲁⲣⲛϩⲉⲉⲧϩⲉⲛⲧⲛⲃⲱⲕⲛⲁⲛⲛϫⲓⲟⲩⲉ·
ⲁⲩⲱⲙⲡⲣⲧⲣⲉⲗⲁⲁⲩⲉⲓⲙⲉ·ⲉⲡⲉⲛϫⲱⲕ·
ⲡⲉϫⲉⲡⲙⲟⲛⲁⲭⲟⲥⲛⲁϥϫⲉⲛⲧϩⲉⲉⲧⲣⲁⲛⲁⲕϯⲛⲁⲁⲁⲥⲛⲙⲙⲁⲕ·
ⲁⲩⲱⲡⲉⲛⲧⲁⲕⲉⲡⲉⲓⲑⲩⲙⲓⲉⲣⲟϥⲡϫⲟⲉⲓⲥⲛⲁϫⲟⲕϥⲛⲁⲕⲉⲃⲟⲗ·
ⲁϥⲧⲱⲟⲩⲛⲇⲉⲛϭⲓⲓⲱϩⲁⲛⲛⲏⲥⲙⲛⲡⲙⲟⲛⲁⲭⲟⲥ·
ⲁⲩⲃⲱⲕⲛⲁⲩⲛϫⲓⲟⲩⲉ·
ⲁⲩⲉⲓⲇⲉⲉϫⲛⲧϩⲁⲗⲗⲁⲥⲁ·ⲉⲩϣⲓⲛⲉⲛⲥⲁⲟⲩϫⲟⲓⲉⲧⲣⲉⲩⲁⲗⲉⲉⲣⲟϥ·
ⲁⲩⲱⲓⲱϩⲁⲛⲛⲏⲥⲁϥϣⲁϫⲉⲙⲛⲡⲛⲉⲉϥⲙⲡϫⲟⲉⲓⲉϥϫⲱⲙⲙⲟⲥ·ϫⲉϯⲡⲁⲣⲁⲕⲁⲗⲉⲓⲙⲙⲟⲕⲡⲁⲥⲟⲛⲉⲧⲣⲕⲡⲉⲗⲕⲧϩⲏⲙⲉⲛⲙⲙⲁⲛ·ϫⲉⲕⲁⲥⲉⲕⲉϫⲓⲙⲙⲟⲛⲙⲡⲉⲥⲛⲁⲩⲉⲧⲙⲟⲛⲏⲛⲛⲉⲧⲉⲙⲉⲩⲛⲕⲟⲧⲕ·
ⲡⲛⲉⲉϥⲇⲉⲙⲡϫⲟⲉⲓⲡⲉϫⲁϥⲛⲁⲩϫⲉϩⲙⲟⲟⲥⲛⲏⲧⲛϣⲁⲛⲧⲁⲟⲩⲱⲧⲃⲙⲡⲁϫⲟⲉⲓⲛⲥⲕⲉⲩⲉ·ⲁⲩⲱⲧⲛⲛⲁⲥϭⲏⲣϩⲙⲡⲟⲩⲱϣⲙⲡⲛⲟⲩⲧⲉ·
ⲡⲉϫⲉⲓⲱϩⲁⲛⲛⲏⲥⲙⲡⲛⲉⲉϥϫⲉⲙⲁⲧⲁⲙⲟⲓϫⲉⲟⲩⲏⲣⲧⲉⲧⲉⲕϩⲏⲙⲉ·
ⲡⲉϫⲉⲡⲛⲉⲉϥⲛⲁϥϫⲉϣⲉⲛϩⲟⲗⲟⲕⲟⲧⲧⲓⲛⲟⲥ·ⲧⲉⲧϩⲏⲙⲉⲙⲡⲁϫⲟⲉⲓ⁛—
ⲧⲟⲧⲉⲡⲉϫⲉⲓⲱϩⲁⲛⲛⲏⲥⲛⲁϥϫⲉϯⲛⲁⲧⲁⲁⲩⲛⲁⲕ·
ⲛⲧⲉⲣⲓⲱϩⲁⲛⲛⲏⲥⲇⲉⲧⲁⲩⲉⲛⲁⲓⲉⲡⲛⲉⲉϥ·ⲁϥⲉⲓⲉⲡⲙⲁⲉⲧⲉⲣⲉⲡⲥⲟⲛⲙⲙⲟⲛⲁⲭⲟⲥϩⲓⲱⲱϥ·
ⲡⲉϫⲁϥⲛⲁϥϫⲉⲡⲁⲉⲓⲱⲧⲧϩⲏⲙⲉⲙⲡϫⲟⲉⲓⲟⲩⲛⲟϭⲧⲉⲁⲩⲱⲡⲉⲧϣϣⲉⲉⲣⲟⲕⲡⲉⲉⲧⲣⲉⲛⲃⲱⲕⲛⲁⲛⲧⲁⲭⲏ·ⲙⲏⲡⲟⲧⲉⲛⲥⲉⲉⲓⲉϫⲱⲛⲥⲉⲥⲟⲩⲛⲉⲛⲛⲥⲉϭⲟⲡⲛⲛⲧⲉⲟⲩϣⲓⲡⲉϣⲱⲡⲉⲛⲁⲛ·ϫⲉⲁⲛⲡⲱⲧⲛϫⲓⲟⲩⲉ·
ⲧⲟⲧⲉⲁϥⲃⲱⲕⲉϩⲟⲩⲛⲉⲡⲉϥⲏⲓⲛϭⲓⲓⲱϩⲁⲛⲛⲏⲥϣⲁⲧⲉϥⲙⲁⲁⲩ·
ⲡⲉϫⲁϥⲛⲁⲥϫⲉϯⲥⲟⲡⲥⲡⲙⲙⲟⲱⲧⲁⲙⲉⲣⲓⲧⲙⲙⲁⲁⲩ·ϯⲥⲟⲟⲩⲛϫⲉⲁⲣϫⲱⲕⲉⲃⲟⲗⲛⲛⲁⲟⲩⲱϣⲧⲏⲣⲟⲩ·
ⲕⲉⲟⲩⲁⲛⲟⲩⲱⲧⲡⲉⲧⲓϣⲁⲁⲧⲙⲙⲟϥ·ⲉⲩϣⲟⲩϣⲟⲩⲛⲁⲛⲡⲉϩⲓⲟⲩⲥⲟⲡ·
ⲛⲧⲟⲥⲇⲉⲡⲉϫⲁⲥⲛⲁϥϫⲉϩⲱⲃⲛⲓⲙⲉⲧⲕⲟⲩⲁϣϥⲡⲁϣⲏⲣⲉⲁⲓⲧⲉⲓⲙⲙⲟϥⲛⲁⲕⲛⲧⲟⲟⲧ·ⲁⲩⲱⲁⲛⲟⲕϯⲛⲁϫⲟⲕϥⲛⲁⲕⲉⲃⲟⲗ·
ⲡⲉϫⲉⲓⲱϩⲁⲛⲛⲏⲥⲛⲧⲉϥⲙⲁⲁⲩϫⲉⲧⲉⲣⲥⲟⲟⲩⲛϫⲉⲛϣⲏⲣⲉϣⲏⲙⲧⲏⲣⲟⲩⲉⲧⲛⲙⲙⲁⲓϩⲛⲧⲉⲥⲭⲟⲗⲏⲛⲟⲩⲥⲟⲡⲛⲟⲩⲱⲧⲁⲛⲡⲉ·ⲟⲩⲇⲉⲛⲥⲛⲁⲩⲁⲛⲛⲉ·ⲛⲧⲁⲩⲁⲣⲓⲥⲧⲁⲙⲙⲟⲓϩⲙⲡⲉⲧⲛⲧⲁⲁⲩ·ⲉⲓⲟⲩⲱⲙⲉⲃⲟⲗϩⲛⲛⲉⲩⲛⲕⲁ⁛—
ⲁⲛⲟⲕϩⲱⲱⲧⲛⲉⲙⲛⲗⲁⲁⲩϣⲟⲟⲡⲛⲁⲓⲉⲧⲣⲁⲓⲣⲉⲛⲙⲙⲁⲩⲛⲧϣⲃⲃⲓⲱⲛⲛⲉⲛⲧⲁⲩⲁⲁⲩⲛⲁⲓ·
ⲁⲩⲱⲙⲡϣⲓⲡⲉⲕⲱⲙⲙⲟⲓⲁⲛⲛⲕⲉⲥⲟⲡⲉⲧⲣⲁⲃⲱⲕⲉⲧⲉⲥⲭⲟⲗⲁⲥⲧⲓⲕⲏⲉⲧⲃⲉⲡⲉⲓϩⲱⲃ·
ⲡⲉϫⲉⲧⲉϥⲙⲁⲁⲩⲛⲁϥ·ϫⲉⲡⲉⲧⲉⲕⲟⲩⲁϣϥϯⲛⲁⲁⲁϥⲛⲙⲙⲁⲕ·
ⲉⲣϣⲁⲛⲡⲉⲕⲉⲓⲱⲧⲉⲓⲉϩⲟⲩⲛⲙⲡⲛⲁⲩⲙⲙⲉⲉⲣⲉϯⲛⲁⲧⲣⲉϥⲧⲁⲁϥⲛⲁⲕϫⲉⲕⲁⲥⲉⲕⲛⲁⲉⲓⲣⲉⲙⲡⲉⲕⲟⲩⲱϣⲛϩⲏⲧϥⲙⲛⲛⲉⲕϣⲃⲏⲣ·
ⲧⲟⲧⲉⲛⲧⲉⲣⲉⲡⲉϥⲉⲓⲱⲧⲉⲓⲉϩⲟⲩⲛⲙⲡⲛⲁⲩⲙⲙⲉⲉⲣⲉ·ⲁⲥϫⲱⲉⲣⲟϥⲛϩⲱⲃⲛⲓⲙⲛⲧⲁⲓⲱϩⲁⲛⲛⲏⲥϫⲟⲟⲩⲛⲁⲥ·
ⲛⲧⲟϥⲇⲉⲁϥⲟⲩⲱϣⲃ·ⲡⲉϫⲁϥϫⲉⲡⲉⲧϥⲟⲩⲁϣϥⲧⲏⲣϥϯⲛⲁⲧⲁⲁϥⲛⲁϥ·
ⲁⲗⲗⲁⲙⲁⲣⲛⲧϣⲟⲩϩⲙϩⲁⲗⲉⲣⲟϥⲛϥⲣⲟⲉⲓⲥⲉⲣⲟϥϫⲉⲟⲩϣⲏⲣⲉϣⲏⲙⲡⲉ·ⲙⲏⲡⲟⲧⲉⲛϥⲧⲁⲕⲟⲟⲩ·ϩⲛϩⲉⲛϩⲃⲏⲩⲉⲉⲩϩⲟⲟⲩ·
ⲁϥⲣⲁⲛⲁⲩⲇⲉⲛϭⲓⲡϣⲁϫⲉⲁⲩⲙⲟⲩⲧⲉⲉⲡⲉⲩϣⲏⲣⲉⲓⲱϩⲁⲛⲛⲏⲥⲁⲩϯⲛⲁϥⲛⲛⲛⲟⲩⲃ·
ⲁⲩⲱⲁⲩⲧⲉϣⲡϩⲙϩⲁⲗⲉⲣⲟϥ·
ⲛⲧⲉⲣϥϫⲓⲛⲛⲛⲟⲩⲃⲛϭⲓⲓⲱϩⲁⲛⲛⲏⲥⲁϥⲉⲓⲉⲡⲙⲁⲉⲧⲉⲣⲉⲡⲙⲟⲛⲁⲭⲟⲥⲛϩⲏⲧϥ·ⲛⲧⲟϥⲙⲛⲡϩⲙϩⲁⲗⲉⲧⲙⲟⲟϣⲉⲛⲙⲙⲁϥⲡⲉϫⲁϥⲛⲁϥϫⲉⲡⲁϫⲟⲉⲓⲥⲛⲥⲟⲛⲡⲉⲓϩⲙϩⲁⲗⲉⲧⲕⲛⲁⲩⲉⲣⲟϥⲡⲱⲓⲡⲉ·
ⲁⲣⲓⲧⲁⲅⲁⲡⲏⲛⲅⲕⲁⲁϥϩⲁϩⲧⲏⲕⲛⲧⲁⲃⲱⲕⲉⲡⲙⲁⲛⲛⲁϣⲃⲏⲣⲧⲁϣⲓⲛⲉⲉⲃⲟⲗϩⲓⲧⲟⲟⲧϥϫⲉⲉⲩⲛⲏⲩϣⲁⲣⲟⲓⲧⲛⲁⲩ·
ⲧⲟⲧⲉⲁϥⲉⲓⲙⲉⲛϭⲓⲡϩⲗⲗⲟⲙⲙⲟⲛⲁⲭⲟⲥϫⲉⲉϥϣⲁϫⲉⲛⲙⲙⲁϥⲉⲧⲃⲉⲡⲛⲉⲉϥⲙⲡϫⲟⲉⲓ·
ⲁⲗⲗⲁⲛⲧⲁϥⲟⲩⲱϣⲉⲡⲟⲟⲛϥⲉⲧⲃⲉⲡϩⲙϩⲁⲗⲉⲧⲙⲟⲟϣⲉⲛⲙⲙⲁϥ·
ⲓⲱϩⲁⲛⲛⲏⲥⲇⲉⲁϥϫⲓⲙⲡϣⲉⲛϩⲟⲗⲟⲕⲟⲧⲧⲓⲛⲟⲥⲁϥⲉⲓⲉⲡⲙⲁⲙⲡⲛⲟϭⲛⲛⲉⲉϥⲙⲡϫⲟⲉⲓ·
ⲡⲉϫⲁϥⲛⲁϥϫⲉϯⲥⲟⲡⲥⲡⲙⲙⲟⲕⲡⲁϫⲟⲉⲓⲥⲛⲥⲟⲛϫⲉⲕⲁⲥⲉⲕⲉⲥⲃⲧⲉⲡϫⲟⲉⲓⲉⲃⲟⲗ·ⲛⲧⲛⲃⲱⲕⲛⲁⲛϩⲛⲟⲩϭⲉⲡⲏ·ⲁⲛⲟⲕⲙⲛⲡⲁⲥⲟⲛ·
ⲡⲛⲉⲉϥⲇⲉⲛⲧⲉⲣϥⲥⲱⲧⲙⲉⲛⲁⲓϫⲉⲉϥⲟⲩⲱϣⲉⲃⲱⲕⲛⲁϥⲛϫⲓⲟⲩⲉ·ⲡⲉϫⲁϥⲛⲁϥⲛϭⲓⲡⲛⲉⲉϥϫⲉⲁⲓⲟⲩⲱⲉⲓⲥⲟⲃⲧⲉⲙⲡⲁϫⲟⲉⲓ·ⲁⲩⲱⲁⲓⲟⲩⲱⲉⲓϫⲱⲙⲙⲟⲥⲛⲁⲕⲛⲕⲉⲥⲟⲡϫⲉⲧϩⲏⲙⲉⲙⲡⲁϫⲟⲉⲓⲟⲩⲛⲟϭⲧⲉ·
ⲁⲗⲗⲁⲉϣⲱⲡⲉϣⲁⲕϭⲱⲙⲡⲉⲓⲙⲁ·ϣⲁⲛⲧⲁⲧⲁⲗⲉⲡⲁⲩⲉⲓⲛⲉⲡϫⲟⲉⲓϣⲁⲓⲧⲁⲗⲟⲧⲛ·
ⲡⲉϫⲉⲓⲱϩⲁⲛⲛⲏⲥϫⲉⲁⲓⲟⲩⲱⲉⲓϫⲱⲙⲙⲟⲥⲛⲁⲕϫⲉϣⲁⲓϯⲧϩⲏⲙⲉⲛⲁⲕⲕⲁⲧⲁⲧϩⲉⲛⲧⲁⲕϫⲟⲟⲥ·
ⲛⲧⲉⲩⲛⲟⲩⲇⲉⲁϥⲉⲓⲛⲉⲉⲃⲟⲗⲙⲡϣⲉⲛϩⲟⲗⲟⲕⲟⲧⲧⲓⲛⲟⲥⲛⲧⲟⲟⲧϥⲉϥⲣⲁϣⲉⲉⲙⲁⲧⲉ·
ⲁϥⲧⲁⲁϥⲛⲁϥⲉϥϫⲱⲙⲙⲟⲥ·ϫⲉⲛⲉⲛⲧⲁⲕⲧⲁⲙⲟⲓⲉϩⲟⲩⲟⲉⲛⲁⲓϣⲁⲓⲧⲁⲁⲩⲛⲁⲕ·
ⲁⲛⲁⲩϭⲉⲧⲉⲛⲟⲩⲉϣⲱⲡⲉⲡⲁⲏⲣⲕⲉⲣⲁⲕⲁⲧⲁⲣⲟⲕⲁⲣⲓⲥⲛⲙⲙⲁⲛⲉⲧⲃⲉⲡⲛⲟⲩⲧⲉ·ⲛⲅⲥⲉⲧⲡϫⲟⲉⲓⲉⲃⲟⲗϩⲛⲟⲩϭⲉⲡⲏⲛⲧⲛⲃⲱⲕⲛⲁⲛⲛϫⲓⲟⲩⲉ·
ⲡⲛⲉⲉϥⲇⲉⲙⲡϫⲟⲉⲓⲛⲧⲉⲣϥⲥⲱⲧⲙⲉⲛⲁⲓ·ⲁϥϫⲓⲙⲡϣⲉⲛϩⲟⲗⲟⲕⲟⲧⲧⲓⲛⲟⲥⲛⲧⲟⲟⲧϥⲉϥⲣⲁϣⲉⲉⲙⲁⲧⲉ·
ⲡⲉϫⲁϥⲛⲓⲱϩⲁⲛⲛⲏⲥ·ϫⲉⲃⲱⲕⲁⲛⲓⲡⲉⲕϣⲃⲏⲣⲛⲅⲉⲓ·
ⲉϣⲱⲡⲉⲡⲟⲩⲱϣⲙⲡⲛⲟⲩⲧⲉⲡⲉϯⲛⲁϥⲓⲙⲡⲉⲧⲛⲣⲟⲟⲩϣⲕⲁⲗⲱⲥ·
ⲁϥⲕⲟⲧϥⲛϭⲓⲓⲱϩⲁⲛⲛⲏⲥ·
ⲁϥⲧⲁⲙⲉⲡⲥⲟⲛⲙⲙⲟⲛⲁⲭⲟⲥⲉϩⲱⲃⲛⲓⲙⲛⲧⲁϥϣⲱⲡⲉⲙⲙⲟϥ·
ⲙⲛⲛⲥⲁⲕⲉϩⲟⲟⲩⲇⲉⲥⲛⲁⲩⲡⲉϫⲉⲓⲱϩⲁⲛⲛⲏⲥⲙⲡⲙⲟⲛⲁⲭⲟⲥ·ϫⲉⲧⲱⲟⲩⲛⲛⲧⲛⲃⲱⲕⲉϫⲛⲧϩⲁⲗⲗⲁⲥⲁ·ⲉⲡⲉⲓⲇⲏⲡⲁⲓⲡⲉⲡⲉϩⲟⲟⲩⲉⲧⲓⲛⲁⲥⲃⲧⲉⲡⲁⲣⲓⲥⲧⲟⲛⲉⲛⲁϣⲃⲏⲣ·
ⲉⲓⲟⲩⲱϣⲅⲁⲣⲉⲕⲱⲧⲉⲛⲥⲁⲟⲩϣⲏⲙⲛⲧⲃⲧⲛⲁⲩ·
ⲁⲩⲉⲓⲇⲉⲉϫⲛⲧϩⲁⲗⲗⲁⲥⲁϩⲙⲡⲟⲩⲱϣⲙⲡⲛⲟⲩⲧⲉ·
ⲁϥⲉⲓⲛϭⲓⲟⲩⲧⲏⲩⲉⲛⲁⲛⲟⲩϥ·
ⲁϥⲃⲱⲕⲛϭⲓⲡⲛⲉⲉϥⲙⲡϫⲟⲉⲓⲁϥⲁϩⲉⲣⲁⲧϥⲛⲥⲁⲡⲉⲓⲥⲁⲙⲡϫⲟⲉⲓⲛⲟⲩⲕⲟⲩⲓ·
ⲁϥϩⲙⲟⲟⲥⲁϥϫⲱⲣⲙⲟⲩⲃⲉⲓⲱϩⲁⲛⲛⲏⲥⲙⲛⲡⲕⲉⲙⲟⲛⲁⲭⲟⲥϫⲉⲧⲱⲟⲩⲛⲁⲙⲏⲓⲧⲛⲁⲗⲱⲧⲛ·
ⲉⲛⲉⲩϣⲧⲣⲧⲱⲣⲅⲁⲣⲉⲩⲟⲩⲱϣⲙⲡⲱⲣϫⲉⲡϩⲙϩⲁⲗⲛⲥⲉⲕⲁⲁϥⲛⲥⲱⲟⲩ
ⲙⲡⲟⲩϭⲛⲧϩⲉ·
ⲓⲱϩⲁⲛⲛⲏⲥⲇⲉⲡⲉϫⲁϥⲙⲡϩⲙϩⲁⲗⲉⲧⲙⲟⲟϣⲉⲛⲙⲙⲁϥϫⲉⲧⲱⲟⲩⲛⲛⲅⲃⲱⲕⲉⲡⲡⲁⲗⲗⲁϯⲟⲛϩⲁϩⲧⲛⲛⲉⲥⲭⲟⲗⲁⲥⲧⲓⲕⲟⲥⲛⲅⲛⲁⲩϫⲉⲁⲩⲥⲱⲟⲩϩⲧⲏⲣⲟⲩⲛⲅⲉⲓⲛⲅⲧⲁⲙⲟⲓϩⲛⲟⲩϭⲉⲡⲏ
ⲉⲓⲥϩⲏⲏⲧⲉϯϭⲱϣⲧⲉⲃⲟⲗϩⲏⲧⲕ·
ⲁϥⲃⲱⲕⲇⲉⲛϭⲓⲡϩⲙϩⲁⲗ·
ⲛⲧⲟⲟⲩⲇⲉϩⲱⲟⲩⲁⲩⲧⲁⲗⲟⲟⲩⲛⲧⲉⲩⲛⲟⲩⲁⲩϭⲉⲩⲡϫⲟⲉⲓⲉⲃⲟⲗ
ⲁⲩⲉⲓⲉⲧⲙⲟⲛⲏϩⲙⲡⲟⲩⲱϣⲙⲡⲛⲟⲩⲧⲉ·
ⲁϥⲕⲧⲟϥⲇⲉⲛϭⲓⲡϩⲙϩⲁⲗⲉϫⲛⲧϩⲁⲗⲗⲁⲥⲁⲙⲡⲉϥϩⲉⲉⲣⲟⲟⲩ
ⲁϥϣⲧⲟⲣⲧⲣⲉⲙⲁⲧⲉϩⲙⲡⲉϥϩⲏⲧϫⲉⲁⲣⲁⲧⲁⲡⲱⲧⲛⲧⲁⲧⲙⲧⲁⲙⲉⲡⲁϫⲟⲉⲓⲥ
ⲉⲓⲧⲁⲡⲉϫⲁϥⲟⲛϫⲉⲉⲓⲣϩⲟⲧⲉⲙⲏⲡⲟⲧⲉⲛⲥⲉⲕⲱⲧⲉⲛⲥⲱⲓⲛⲥⲉϩⲉⲉⲣⲟⲓⲛⲥⲉⲉⲓⲣⲉⲛⲁⲓⲛϩⲉⲛⲛⲟϭⲙⲡⲉⲧϩⲟⲟⲩ·
ⲁⲗⲗⲁϯⲛⲁⲃⲱⲕⲧⲁⲧⲁⲙⲉⲛⲁϫⲓⲥⲟⲟⲩⲉⲁⲣⲏⲩⲥⲉⲛⲁⲕⲱⲧⲉⲛⲥⲱϥⲛⲧⲟⲟⲧ·
ⲁⲛⲟⲕⲇⲉⲛⲧⲁϣⲱⲡⲉⲛⲁⲧⲣⲟⲟⲩϣⲁⲩⲱⲛⲣⲙϩⲉ
ⲛⲧⲉⲣⲉⲥⲥⲱⲧⲙⲇⲉⲉⲛⲁⲓⲛϭⲓⲧⲉϥⲙⲁⲁⲩⲁⲥⲡⲱϩⲛⲛⲉⲥϩⲟⲓⲧⲉ·
ⲁⲩⲱⲁⲥⲧⲁⲗⲉⲉⲓⲧⲛⲉϫⲛⲧⲉⲥⲁⲡⲉ·
ⲁⲥⲣⲓⲙⲉϩⲛⲟⲩⲛⲟϭⲛⲣⲓⲙⲉ·ⲉⲥϫⲱⲙⲙⲟⲥϫⲉⲟⲩⲟⲉⲓⲛⲁⲓⲡⲁⲙⲉⲣⲓⲧⲛϣⲏⲣⲉⲓⲱϩⲁⲛⲛⲏⲥ·
ⲟⲩⲡⲉⲛⲧⲁϥϣⲱⲡⲉⲙⲙⲟⲕⲡⲁϣⲏⲣⲉⲧϩⲟⲗϭⲟⲩⲟⲓⲛⲁⲓⲡⲁϣⲏⲣⲉϫⲉⲁⲩϣⲟⲛⲧⲉⲡⲉⲕϩⲟⲱⲓⲱϩⲁⲛⲛⲏⲥⲡⲁϣⲏⲣⲉⲙⲙⲉⲣⲓⲧ·
ⲟⲩⲟⲓⲛⲁⲓ
ⲛⲓⲙⲡⲉⲛⲧⲁϥϥⲓⲙⲡⲁϩⲏⲃⲥⲛϩⲏⲧ·
ⲛϯⲥⲟⲟⲩⲛⲁⲛ·
ⲟⲩⲟⲓⲛⲁⲓ
ⲛⲓⲙⲡⲉⲛⲧⲁϥϥⲓⲙⲡⲁⲙⲉⲣⲓⲧⲛϣⲏⲣⲉⲡⲙⲉⲣⲓⲧⲛⲧⲁⲯⲩⲭⲏ⁛—
ⲱⲓⲱϩⲁⲛⲛⲏⲥⲡⲁϣⲏⲣⲉⲙⲙⲉⲣⲓⲧ·
ⲱⲡⲟⲩⲟⲉⲓⲛⲛⲛⲁⲃⲁⲗ·
ⲁⲓϫⲟⲟⲩⲕⲉⲧⲃⲉⲟⲩⲥⲟⲫⲓⲁ·ⲙⲡⲉⲓϩⲉⲉⲡⲧⲱϣⲛⲧⲁϥϣⲱⲡⲉⲙⲙⲟⲕ
ⲟⲩⲟⲓⲛⲁⲓⲡⲁϣⲏⲣⲉⲉⲧϩⲟⲗϭⲛⲛⲁϩⲣⲛⲟⲩⲟⲛⲛⲓⲙ·
ⲟⲩⲟⲓⲛⲁⲓⲡⲁϣⲏⲣⲉⲉⲧϩⲟⲗϭⲡⲁⲡⲉⲓϩⲟⲉⲧⲙⲉϩⲛⲣⲁϣⲉⲛⲓⲙ·
ⲟⲩⲟⲓⲛⲁⲓⲡⲁⲧⲧϩⲓⲕⲱⲛⲛⲛⲁⲅⲅⲉⲗⲟⲥ·
ⲟⲩⲟⲓⲛⲁⲓⲱⲡⲉⲧⲓⲛⲁⲁⲁϥϫⲓⲛⲙⲡⲟⲟⲩⲉⲃⲟⲗ·
ⲛⲧⲉⲓϩⲉⲇⲉⲟⲛⲡⲉϥⲕⲉⲉⲓⲱⲧⲁϥⲣⲓⲙⲉ·ϩⲛⲟⲩⲁϣⲁϩⲟⲙ·ⲙⲛⲟⲩⲕⲉⲙⲕⲁϩⲛϩⲏⲧ·ⲉϥϫⲓϣⲕⲁⲕⲉⲃⲟⲗⲉϥϫⲱⲙⲙⲟⲥ·ϫⲉⲟⲩⲡⲉⲛⲧⲁϥϣⲱⲡⲉⲙⲙⲟⲕⲱⲡⲁⲙⲉⲣⲓⲧⲛϣⲏⲣⲉ
ⲛϯⲥⲟⲟⲩⲛⲁⲛⲉⲡⲉⲛⲧⲁϥϣⲱⲡⲉⲙⲙⲟⲕϩⲛⲟⲩϭⲉⲡⲏ·
ⲛⲧⲉⲣⲟⲩϫⲱⲕⲉⲃⲟⲗⲛϭⲓⲡⲥⲁϣϥⲛϩⲟⲟⲩⲛϩⲏⲃⲉ·ⲉⲣⲉⲧⲡⲟⲗⲓⲥⲧⲏⲣⲥⲣϩⲏⲃⲉⲛⲙⲙⲁⲩ·
ⲧⲟⲧⲉⲡⲉϥⲉⲓⲱⲧⲁϥⲧⲱⲟⲩⲛⲁϥⲃⲱⲕⲉϩⲟⲩⲛⲉⲡⲡⲁⲗⲗⲁϯⲟⲛⲁϥⲧⲁⲙⲉⲡⲣⲣⲟⲉϩⲱⲃⲛⲓⲙⲛⲧⲁⲩϣⲱⲡⲉ·
ⲁⲩⲱⲁϥⲡⲁⲣⲁⲕⲁⲗⲉⲓⲙⲙⲟϥⲉⲧⲣⲉϥⲧⲛⲛⲟⲟⲩⲛⲟⲩⲕⲉⲗⲉⲩⲥⲓⲥⲉⲃⲟⲗϩⲙⲙⲁⲛⲓⲙⲛⲧⲉⲧⲉϥⲙⲛⲧⲣⲣⲟϫⲉⲕⲁⲥⲉⲩⲉϣⲓⲛⲉⲉⲧⲃⲏⲏⲧϥⲙⲉϣⲁⲕⲛⲥⲉϩⲉⲉⲣⲟϥ·
ⲛⲧⲉⲣⲉⲡⲣⲣⲟⲇⲉⲥⲱⲧⲙⲉⲛⲁⲓⲁϥⲗⲩⲡⲏⲉⲙⲁⲧⲉϩⲛⲟⲩⲙⲕⲁϩⲛϩⲏⲧϫⲉⲛϥⲙⲉⲙⲙⲟϥⲉⲙⲁⲧⲉⲉⲧⲃⲉⲧⲉϥⲙⲛⲧⲥⲁⲓⲉ·ⲙⲛⲧⲉϥⲉⲡⲓⲥⲧⲏⲙⲉⲓ·ⲁⲩⲱϫⲉⲛϥⲟⲩⲱⲙⲛⲙⲙⲁϥϩⲓϫⲛⲛⲧⲉϥⲧⲣⲁⲡⲉⲍⲁ·ⲉⲧⲃⲉⲡⲉϥⲛⲟϭⲛⲟⲩⲱϣⲉϩⲟⲩⲛⲉⲣⲟϥ·
ⲧⲟⲧⲉⲡⲣⲣⲟⲁϥⲧⲛⲛⲟⲟⲩⲛⲟⲩⲕⲉⲗⲉⲩⲥⲓⲥⲉⲃⲟⲗϩⲙⲙⲁⲛⲓⲙⲛϩⲉⲛⲙⲁⲧⲟⲓⲉⲧⲣⲉⲩϣⲓⲛⲉⲛⲥⲱϥⲁⲩⲱⲁⲩⲕⲱⲧⲉϩⲙⲙⲁⲛⲓⲙⲙⲡⲟⲩϩⲉⲉⲣⲟϥⲁⲩⲕⲟⲧⲟⲩⲉⲡⲡⲁⲗⲗⲁϯⲟⲛ⁛—
ⲛⲉϥⲉⲓⲟⲧⲉⲇⲉⲛⲧⲉⲣⲟⲩϩⲓⲥⲉⲉⲩⲕⲱⲧⲉⲛⲥⲱϥⲙⲡⲟⲩϩⲉⲉⲣⲟϥⲁⲩϯⲉⲟⲟⲩⲙⲡⲛⲟⲩⲧⲉ·
ⲓⲱϩⲁⲛⲛⲏⲥⲇⲉⲁϥⲉⲓⲡⲙⲟⲛⲁⲥⲧⲏⲣⲓⲟⲛⲛⲧⲟϥⲙⲛⲡⲕⲉⲙⲟⲛⲁⲭⲟⲥⲉⲧⲙⲟⲟϣⲉⲛⲙⲙⲁϥ·
ⲁϥϥⲓⲙⲡⲉⲩⲁⲅⲅⲉⲗⲓⲟⲛⲛⲛⲟⲩⲃⲛⲙⲙⲁϥⲡⲁⲓⲛⲧⲁⲛⲉϥⲉⲓⲟⲧⲉⲥⲙⲛⲧϥⲛⲁϥ·
ⲁϥⲧⲁⲙⲉⲡⲣⲟⲉⲓⲥⲧⲟⲥⲉϩⲱⲃⲛⲓⲙ·ⲛⲧⲁϥϣⲱⲡⲉⲙⲡϣⲏⲣⲉϣⲏⲙⲓⲱϩⲁⲛⲛⲏⲥ·ⲙⲛⲧⲉϥⲛⲟϭⲙⲡⲓⲥⲧⲓⲥⲉϩⲟⲩⲛⲉⲡⲛⲟⲩⲧⲉ·
ⲡⲁⲣⲭⲓⲙⲁⲛⲇⲣⲓⲧⲏⲥⲇⲉⲡⲉϫⲁϥⲙⲡϣⲏⲣⲉϣⲏⲙϫⲉⲡⲁϣⲏⲣⲉⲉⲓⲥϩⲏⲏⲧⲉϯⲛⲁⲩⲉⲣⲟⲕϫⲉⲛⲧⲕⲟⲩⲕⲟⲩⲓϩⲛⲧⲉⲕϭⲟⲧⲁⲩⲱⲛⲥⲁⲓⲉⲉⲙⲁⲧⲉϩⲛⲛⲉⲕϩⲃⲏⲩⲉ:—
ⲗⲟⲓⲡⲟⲛⲡⲁϣⲏⲣⲉⲟⲩⲟⲛⲛⲓⲙⲉⲧⲟⲩⲱϣⲉⲁⲡⲟⲧⲁⲥⲥⲉⲙⲡⲉⲓⲕⲟⲥⲙⲟⲥⲉⲩⲟⲛⲧⲉⲕϭⲟⲧϣⲁⲩⲣϩⲙⲉⲛϩⲟⲟⲩ·ⲉⲩϩⲩⲡⲟⲙⲉⲓⲛⲉⲙⲛⲛⲥⲱⲥϣⲁⲩϣⲃⲡϥⲱⲛⲧⲉⲩⲁⲡⲉ·ⲛⲥⲉϯⲥⲭⲏⲙⲁⲉϫⲱⲟⲩ·
ⲡⲉϫⲉⲓⲱϩⲁⲛⲛⲏⲥⲛⲁϥϫⲉϯⲧⲁⲣⲕⲟⲙⲙⲟⲕⲡⲁⲉⲓⲱⲧⲉⲧⲟⲩⲁⲁⲃⲛⲧⲉⲧⲣⲓⲁⲥⲉⲧⲟⲩⲁⲁⲃⲛϩⲟⲙⲟⲟⲩⲥⲓⲟⲛⲙⲛⲛⲉϣⲗⲏⲗⲙⲡⲙⲟⲛⲁⲥⲧⲏⲣⲓⲟⲛⲉⲕⲉϣⲃϫⲱⲓⲙⲡϩⲟⲟⲩ·ⲉⲡⲉⲓⲇⲏⲡⲛⲟⲩⲧⲉⲡⲉⲧⲥⲟⲟⲩⲛϫⲉⲡⲁϩⲏⲧⲙⲟⲕϩⲉϩⲟⲩⲛⲉⲧⲙⲛⲧⲙⲟⲛⲁⲭⲟⲥⲙⲛⲡⲉⲥⲭⲏⲙⲁⲛⲁⲅⲅⲉⲗⲓⲕⲟⲛ·
ⲡⲁⲣⲭⲓⲙⲁⲛⲇⲣⲓⲧⲏⲥⲇⲉⲁϥⲡⲉⲓⲑⲉⲛⲧⲉⲩⲛⲟⲩⲉⲧⲣⲉϥϣⲗⲏⲗⲉϫⲱϥⲁⲩⲱⲁϥϯⲉϫⲱϥⲙⲡⲉⲥⲭⲏⲙⲁⲛⲁⲅⲅⲉⲗⲓⲕⲟⲛ·
ⲛⲧⲟϥⲇⲉⲁⲡⲉϥϩⲏⲧⲟⲩⲛⲟϥⲉⲣⲟϥⲉⲙⲁⲧⲉ·ⲁⲩⲱⲛϥⲧⲱⲃϩⲙⲡⲛⲟⲩⲧⲉⲙⲡⲉϩⲟⲟⲩⲙⲛⲧⲉⲩϣⲏϩⲛⲟⲩⲛⲟϭⲛϫⲱⲗⲕⲉⲃⲟⲗϩⲱⲥⲧⲉⲛⲉϥϣⲗⲏⲗⲙⲛⲛⲉϥⲡⲟⲗⲓⲧⲉⲓⲁ·ⲙⲛⲛⲉϥⲁⲥⲕⲏⲥⲓⲥ·ⲛⲥⲉⲣⲛⲟϭⲉⲙⲁⲧⲉⲡⲁⲣⲁϩⲁϩⲛⲛⲉⲧϩⲓⲧⲟⲩⲱϥ
ⲉⲛⲉⲁϥⲣⲥⲟⲅⲁⲣⲛⲣⲟⲙⲡⲉϩⲛϯϩⲩⲡⲟⲙⲟⲛⲏⲛϯⲙⲓⲛⲉⲙⲛⲧϩⲟⲧⲉⲙⲡⲛⲟⲩⲧⲉ·
ⲕⲁⲓⲅⲁⲣⲁϥⲣϩⲉⲛⲛⲟϭⲙⲡⲟⲗⲓⲧⲉⲓⲁⲙⲛϩⲉⲛⲁⲥⲕⲏⲥⲓⲥⲉⲛⲁϣⲱⲟⲩ·
ⲁϥⲛⲁⲩⲇⲉⲉⲣⲟϥⲛϭⲓⲡⲁⲣⲭⲏⲙⲁⲛⲧⲣⲓⲧⲏⲥⲁϥⲣϣⲡⲏⲣⲉⲉⲙⲁⲧⲉ·
ⲡⲉϫⲉⲡⲁⲣⲭⲓⲙⲁⲛⲇⲣⲓⲧⲏⲥⲛⲁϥϫⲉⲡⲁϣⲏⲣⲉⲛⲧⲕⲟⲩϣⲏⲣⲉϣⲏⲙ·ⲁⲩⲱⲉⲓⲥϩⲏⲏⲧⲉϯⲛⲁⲩⲉⲣⲟⲕⲉⲕⲉⲓⲣⲉⲛϩⲉⲛⲛⲟϭⲛⲁⲥⲕⲏⲥⲓⲥⲉⲛⲁϣⲱⲟⲩⲉⲕⲙⲟⲩⲟⲩⲧⲙⲡⲉⲕⲥⲱⲙⲁⲙⲙⲓⲛⲙⲙⲟⲕϩⲱⲥⲧⲉⲛⲅⲧⲙⲉϣⲁϩⲉⲣⲁⲧⲕⲉⲡⲉϣⲗⲏⲗ·ⲙⲛⲧⲛⲏⲥⲧⲉⲓⲁ·
ⲕⲁⲓⲅⲁⲣⲡⲣⲱϣⲉⲛⲉⲅⲕⲣⲁⲧⲉⲓⲁϣⲁⲩⲣⲡⲣⲱⲙⲉⲛϭⲱⲃⲉⲡⲉϩⲟⲩⲟ·
ⲛⲧⲟϥⲇⲉⲓⲱϩⲁⲛⲛⲏⲥⲙⲡⲉϥⲕⲁⲧⲟⲟⲧϥⲉⲃⲟⲗϩⲛⲙⲡⲟⲗⲓⲧⲉⲓⲁ·ⲉⲛⲉϥⲉⲓⲣⲉⲙⲙⲟⲟⲩ

ANNIS Metadata

annotation: Lance Martin, Tamara Siuda, Caroline T. Schroeder
attributed_author: unknown
author: unknown
collection: Oriental Manuscripts
Coptic_edition: Budge, 1914
corpus: life.john.kalybites
country: Egypt
document_cts_urn: urn:cts:copticLit:lives.john_kalybites.budge:1-45
entities: gold
Greek_source: Patrologiae Cursus, Ser. Graec., tom. 114, col. 568-582
identities: gold
idno: Or. 6783 ff. 67b-75a
language: Sahidic Coptic
license: CC-BY 4.0 -
msItem_title: The Life of John the Monk
msName: MERC.AT
next: urn:cts:copticLit:lives.john_kalybites.budge:46-90
note: Coptic SCRIPTORIUM's edition includes only Budge's transcription of the manuscript. It is not a diplomatic transcription based on reading and collation of the original manuscript. The translation is Budge's with very slight modifications (e.g., mistranslated numbers corrected.) Dated colophon (date: 1003); other colophon dated on paleographical grounds to the 11th century.
objectType: codex
order: 01
origDate: 1050
origDate_notAfter: 1100
origDate_notBefore: 1003
origDate_precision: medium
origPlace: St. Mercurius Monastery
pages_from: 134
pages_to: 149
parsing: gold
paths_manuscripts: 195
paths_works: 204
people: John Calybite
placeName: Edfu
places: Jerusalem; Rome
project: Coptic SCRIPTORIUM, Marcion
redundant: no
repository: British Library
segmentation: gold
source: Marcion project, Archive.org
tagging: gold
title: The Life of John the Kalybites part 1
translation: E. A. Wallis Budge
Trismegistos: none
version_date: 2022-09-26
version_n: 4.4.0

Cite this Document

When citing a corpus or document from Coptic SCRIPTORIUM, please include the relevant URN(s) (provided below) in all citations. On this site, these URNs will resolve to the latest edition of our data. We also encourage researchers to save visualizations they use, download query results from ANNIS, and save information from document metadata.

Use the following model to cite this document. Our full citation guidelines page provides more models.

First citation:

Author, Ancient title [chapter.verse if available], ed. [annotators], trans. [translation]. urn:cts:copticLit:lives.john_kalybites.budge:1-45. [version number], [date]. https://data.copticscriptorium.org/urn:cts:copticLit:lives.john_kalybites.budge:1-45.

Subsequent citations:

Author, Ancient title (abbreviated) [chapter.verse if available], urn:cts:copticLit:lives.john_kalybites.budge:1-45.

Document Edition: urn:cts:copticLit:lives.john_kalybites.budge:1-45

Work: urn:cts:copticLit:lives.john_kalybites

Text Group: urn:cts:copticLit:lives

The following links will direct you to the latest versions of data visualizations of the document.

Normalized Text HTML: https://data.copticscriptorium.org/urn:cts:copticLit:lives.john_kalybites.budge:1-45/norm/html

Analytic Visualization HTML: https://data.copticscriptorium.org/urn:cts:copticLit:lives.john_kalybites.budge:1-45/analytic/html

The following links will direct you to the latest versions of the data for download.

TEI XML: https://data.copticscriptorium.org/urn:cts:copticLit:lives.john_kalybites.budge:1-45/tei/xml

Paula XML: https://data.copticscriptorium.org/urn:cts:copticLit:lives.john_kalybites.budge:1-45/paula/xml

relANNIS: https://data.copticscriptorium.org/urn:cts:copticLit:lives.john_kalybites.budge:1-45/relannis

The following link will direct you to the latest version of the corpus available for search and querying in ANNIS:

ANNIS UI: https://data.copticscriptorium.org/urn:cts:copticLit:lives.john_kalybites.budge:1-45/annis