ⲛⲧⲉⲣⲟⲩϩⲱⲛⲇⲉⲉϩⲟⲩⲛⲉⲧϩⲓⲉⲣⲟⲩⲥⲁⲗⲏⲙⲁⲩⲉⲓⲉϩⲣⲁⲓⲉⲃⲏⲇⲫⲁⲅⲏⲉⲡⲧⲟⲟⲩⲛⲛϫⲟⲉⲓⲧ.ⲧⲟⲧⲉⲁϥϫⲟⲟⲩⲛϭⲓⲓⲏⲥⲟⲩⲥⲙⲙⲁⲑⲏⲧⲏⲥⲥⲛⲁⲩ
ⲉϥϫⲱⲙⲙⲟⲥⲛⲁⲩϫⲉⲃⲱⲕⲉϩⲟⲩⲛⲉⲡⲉⲓϯⲙⲉⲉⲧⲙⲡⲉⲧⲛⲙⲧⲟⲉⲃⲟⲗⲁⲩⲱⲛⲧⲉⲩⲛⲟⲩⲧⲉⲧⲛⲁϩⲉⲉⲩⲉⲱⲉⲥⲙⲏⲣⲙⲛⲟⲩⲥⲏϭⲛⲙⲙⲁⲥⲃⲟⲗⲟⲩⲛⲧⲉⲧⲛⲛⲧⲟⲩⲛⲁⲓ.
ⲉⲣϣⲁⲛⲟⲩⲁⲇⲉϣⲁϫⲉⲛⲙⲙⲏⲧⲛⲁϫⲓⲥϫⲉⲡⲉⲩϫⲟⲉⲓⲥⲡⲉⲧⲉⲣⲭⲣⲉⲓⲁⲛⲁⲩ.ⲛⲧⲉⲩⲛⲟⲩⲇⲉϥⲛⲁⲧⲛⲟⲟⲩⲥⲉ.
ⲡⲁⲓⲇⲉⲧⲏⲣϥⲛⲧⲁϥϣⲱⲡⲉϫⲉⲕⲁⲁⲥⲉϥⲉϫⲱⲕⲉⲃⲟⲗⲛϭⲓⲡⲉⲛⲧⲁⲩϫⲟⲟϥϩⲓⲧⲙⲡⲉⲡⲣⲟⲫⲏⲧⲏⲥⲉϥϫⲱⲙⲙⲟⲥ.
ϫⲉⲁϫⲓⲥⲛⲧϣⲉⲉⲣⲉⲛⲥⲓⲱⲛϫⲉⲉⲓⲥⲡⲟⲩⲣⲣⲟⲛⲏⲩⲛⲉ.ⲟⲩⲣⲙⲣⲁϣⲡⲉ.ⲉϥⲁⲗⲉⲉϩⲣⲁⲓⲉϫⲛⲟⲩⲉⲱⲁⲩⲱⲉϩⲣⲁⲓⲉϫⲛⲟⲩⲥⲏϭⲛϣⲏⲣⲉⲛϥⲁⲓⲛⲁϩⲃ.
ⲁⲩⲃⲱⲕⲇⲉⲛϭⲓⲙⲙⲁⲑⲏⲧⲏⲥⲁⲩⲉⲓⲣⲉⲕⲁⲧⲁⲧϩⲉⲛⲧⲁϥϩⲱⲛⲉⲧⲟⲟⲧⲟⲩⲛϭⲓⲓⲏⲥⲟⲩⲥ.
ⲁⲩⲉⲓⲛⲉⲛⲧⲉⲱⲙⲛⲡⲥⲏϭⲁⲩⲧⲁⲗⲉⲛⲉⲩϩⲟⲉⲓⲧⲉⲉϩⲣⲁⲓⲉϫⲱⲟⲩⲁⲩⲱⲁϥⲧⲁⲗⲉⲉϩⲣⲁⲓⲉϫⲱⲟⲩ.
ⲡⲙⲏⲏϣⲉⲇⲉⲉⲧⲛⲁϣⲱϥ.ⲁⲩⲡⲱⲣϣⲛⲛⲉⲩϩⲟⲉⲓⲧⲉϩⲣⲁⲓϩⲛⲧⲉϩⲓⲏ.ϩⲉⲛⲕⲟⲟⲩⲉⲇⲉⲛⲉⲩϣⲱⲱⲧⲛϩⲉⲛⲕⲗⲁⲇⲟⲥⲉⲃⲟⲗϩⲛⲛϣⲏⲛⲉⲩⲡⲱⲣϣⲙⲙⲟⲟⲩϩⲣⲁⲓϩⲛⲧⲉϩⲓⲏ.
ⲙⲙⲏⲏϣⲉⲇⲉⲉⲧⲙⲟⲟϣⲉϩⲁⲧⲉϥϩⲏⲙⲛⲛⲉⲧⲟⲩⲏϩⲛⲥⲱϥⲛⲉⲩϫⲓϣⲕⲁⲕⲉⲃⲟⲗⲉⲩϫⲱⲙⲙⲟⲥϫⲉⲱⲥⲁⲛⲛⲁⲡϣⲏⲣⲉⲛⲇⲁⲩⲉⲓⲇϥⲥⲙⲁⲙⲁⲁⲧⲛϭⲓⲡⲉⲧⲛⲏⲩϩⲙⲡⲣⲁⲛⲙⲡϫⲟⲉⲓⲥⲱⲥⲁⲛⲛⲁϩⲛⲛⲉⲧϫⲟⲥⲉ.
ⲛⲧⲉⲣⲉϥⲃⲱⲕⲇⲉⲉϩⲟⲩⲛⲉⲧϩⲓⲉⲣⲟⲩⲥⲁⲗⲏⲙ.ⲁⲥⲛⲟⲉⲓⲛⲛϭⲓⲧⲡⲟⲗⲓⲥⲧⲏⲣⲥⲉⲥϫⲱⲙⲙⲟⲥϫⲉⲛⲓⲙⲡⲉⲡⲁⲓ.
ⲙⲙⲏⲏϣⲉⲇⲉⲛⲉⲩϫⲱⲙⲙⲟⲥϫⲉⲡⲁⲓⲡⲉⲡⲉⲡⲣⲟⲫⲏⲧⲏⲥⲓⲏⲥⲟⲩⲥ.ⲡⲉⲉⲃⲟⲗϩⲛⲛⲁⲍⲁⲣⲉⲑⲛⲧⲉⲧⲅⲁⲗⲓⲗⲁⲓⲁ.
ⲓⲏⲥⲟⲩⲥⲇⲉⲛⲧⲉⲣⲉϥⲃⲱⲕⲉϩⲟⲩⲛⲉⲡⲣⲡⲉⲁϥⲛⲟⲩϫⲉⲉⲃⲟⲗⲛⲟⲩⲟⲛⲛⲓⲙⲉⲧϯⲉⲃⲟⲗⲙⲛⲛⲉⲧϣⲱⲡϩⲣⲁⲓϩⲙⲡⲣⲡⲉ.ⲛⲉⲧⲣⲁⲡⲉⲍⲁⲛⲛⲉⲧϫⲓⲕⲟⲗⲩⲙⲃⲟⲛⲁϥϣⲣϣⲱⲣⲟⲩⲙⲛⲛⲕⲁⲑⲉⲇⲣⲁⲛⲛⲉⲧϯⲉⲃⲟⲗⲛⲛⲉϭⲣⲟⲟⲙⲡⲉ.
ⲡⲉϫⲁϥⲛⲁⲩϫⲉϥⲥⲏϩϫⲉⲡⲁⲏⲓⲉⲩⲛⲁⲙⲟⲩⲧⲉⲉⲣⲟϥϫⲉⲡⲏⲓⲙⲡⲉϣⲗⲏⲗ.ⲛⲧⲱⲧⲛⲇⲉⲁⲧⲉⲧⲛⲁⲁϥⲛⲥⲡⲟⲓⲗⲁⲓⲟⲛⲛⲥⲟⲟⲛⲉ.
ⲁⲩϯⲡⲉⲩⲟⲩⲟⲉⲓⲇⲉⲉⲣⲟϥⲛⲃⲗⲗⲉⲙⲛⲛϭⲁⲗⲉϩⲣⲁⲓϩⲙⲡⲣⲡⲉⲁϥⲣⲡⲁϩⲣⲉⲉⲣⲟⲟⲩ.
ⲛⲧⲉⲣⲟⲩⲛⲁⲩⲇⲉⲛϭⲓⲛⲁⲣⲭⲓⲉⲣⲉⲩⲥⲙⲛⲛⲉⲅⲣⲁⲙⲙⲁⲧⲉⲩⲥⲉⲛⲉϣⲡⲏⲣⲉⲛⲧⲁϥⲁⲁⲩⲁⲩⲱⲛϣⲏⲣⲉϣⲏⲙⲉⲩϫⲓϣⲕⲁⲕⲉⲃⲟⲗⲉⲩϫⲱⲙⲙⲟⲥϫⲉⲱⲥⲁⲛⲛⲁⲡϣⲏⲣⲉⲛⲇⲁⲩⲉⲓⲇ.ⲁⲩⲁⲕⲁⲛⲁⲅⲧⲉⲓ.
ⲁⲩⲱⲡⲉϫⲁⲩⲛⲁϥϫⲉⲕⲥⲱⲧⲙϫⲉⲟⲩⲡⲉⲧⲉⲣⲉⲛⲁⲓϫⲱⲙⲙⲟϥⲓⲏⲥⲟⲩⲥⲇⲉⲡⲉϫⲁϥⲛⲁⲩϫⲉⲥⲉⲙⲡⲧⲉⲧⲛⲟϣϥⲉⲛⲉϩϫⲉⲉⲃⲟⲗϩⲓⲧⲛⲧⲧⲁⲡⲣⲟⲛⲛϣⲏⲣⲉⲕⲟⲩⲓⲙⲛⲛⲉⲧϫⲓⲉⲕⲓⲃⲉⲁⲕⲥⲟϥⲧⲉⲛⲟⲩⲥⲙⲟⲩ.
ⲁϥⲕⲱⲇⲉⲙⲙⲟⲟⲩⲛⲥⲱϥⲁϥⲉⲓⲉⲡⲥⲁⲛⲃⲟⲗⲉⲧⲡⲟⲗⲓⲥⲉⲃⲏⲑⲁⲛⲓⲁⲁϥϣⲱⲡⲉϩⲙⲡⲙⲁⲉⲧⲙⲙⲁⲩ.
ϩⲧⲟⲟⲩⲇⲉⲉϥⲛⲁⲕⲟⲧϥⲉϩⲣⲁⲓⲉⲧⲡⲟⲗⲓⲥⲁϥϩⲕⲟ.
ⲁϥⲛⲁⲩⲇⲉⲉⲩⲃⲱⲛⲕⲛⲧⲉϩⲓⲧⲉϩⲓⲏⲁϥⲉⲓⲉϩⲣⲁⲓⲉϫⲱⲥⲙⲡⲉϥϩⲉⲉⲗⲁⲁⲩϩⲓⲱⲱⲥⲉⲓⲙⲏⲧⲓϩⲉⲛϭⲱⲃⲉⲙⲁⲩⲁⲁⲩⲁⲩⲱⲡⲉϫⲁϥⲛⲁⲥϫⲉⲛⲛⲉⲕⲁⲣⲡⲟⲥϣⲱⲡⲉⲉⲃⲟⲗⲛϩⲏⲧⲉϫⲓⲛⲧⲉⲛⲟⲩϣⲁⲉⲛⲉϩ.ⲁⲥϣⲟⲟⲩⲉⲛⲧⲉⲩⲛⲟⲩⲛϭⲓⲧⲃⲱⲛⲕⲛⲧⲉ.
ⲁⲩⲛⲁⲩⲇⲉⲛϭⲓⲛⲉϥⲙⲁⲑⲏⲧⲏⲥⲁⲩⲣϣⲡⲏⲣⲉⲉⲩϫⲱⲙⲙⲟⲥϫⲉⲛⲁϣⲛϩⲉⲁⲥϣⲟⲟⲩⲉⲛⲧⲉⲩⲛⲟⲩⲛϭⲓⲧⲃⲱⲛⲕⲛⲧⲉ.
ⲁϥⲟⲩⲱϣⲃⲇⲉⲛϭⲓⲓⲏⲥⲟⲩⲥⲉϥϫⲱⲙⲙⲟⲥϫⲉϩⲁⲙⲏⲛϯϫⲱⲙⲙⲟⲥⲛⲏⲧⲛϫⲉⲉϣⲱⲡⲉⲟⲩⲛⲧⲏⲧⲛⲡⲓⲥⲧⲓⲥⲙⲙⲁⲩⲁⲩⲱⲛⲧⲉⲧⲛⲧⲙⲣϩⲏⲧⲥⲛⲁⲩ.ⲟⲩⲙⲟⲛⲟⲛⲉⲧⲉⲧⲛⲛⲁⲉⲓⲣⲉⲙⲡⲁⲧⲃⲱⲛⲕⲛⲧⲉⲁⲗⲗⲁⲕⲁⲛⲉⲧⲉⲧⲛϣⲁⲛϫⲟⲟⲥⲙⲡⲉⲓⲧⲟⲟⲩϫⲉⲧⲱⲟⲩⲛⲛⲅⲃⲱⲕⲉϩⲣⲁⲓⲉⲑⲁⲗⲁⲥⲥⲁⲥⲛⲁϣⲱⲡⲉⲛⲏⲧⲛ.
ⲁⲩⲱϩⲱⲃⲛⲓⲙⲉⲧⲉⲧⲛⲁⲁⲓⲧⲉⲓⲙⲙⲟⲟⲩϩⲙⲡⲉϣⲗⲏⲗⲉⲧⲉⲧⲛⲡⲓⲥⲧⲉⲩⲉⲧⲉⲧⲛⲛⲁϫⲓⲧⲟⲩ.
ⲛⲧⲉⲣⲉϥⲃⲱⲕⲇⲉⲉϩⲟⲩⲛⲉⲡⲣⲡⲉⲁⲩϯⲡⲉⲩⲟⲩⲟⲉⲓⲉⲣⲟϥⲉϥϯⲥⲃⲱⲛϭⲓⲛⲁⲣⲭⲓⲉⲣⲉⲩⲥⲙⲛⲛⲉⲡⲣⲉⲥⲃⲩⲧⲉⲣⲟⲥⲙⲡⲗⲁⲟⲥⲉⲩϫⲱⲙⲙⲟⲥϫⲉϩⲣⲁⲓϩⲛⲁϣⲛⲉⲝⲟⲩⲥⲓⲁⲉⲕⲉⲓⲣⲉⲛⲛⲁⲓⲁⲩⲱⲛⲓⲙⲡⲉⲛⲧⲁϥϯⲛⲁⲕⲛⲧⲉⲓⲉⲝⲟⲩⲥⲓⲁ.
ⲁϥⲟⲩⲱϣⲃⲛϭⲓⲓⲏⲥⲟⲩⲥⲡⲉϫⲁϥⲛⲁⲩϫⲉⲁⲛⲟⲕϩⲱϯⲛⲁϫⲛⲉⲧⲏⲩⲧⲛⲉⲩϣⲁϫⲉⲛⲟⲩⲱⲧ.ⲡⲁⲓⲉⲧⲉⲧⲛϣⲁⲛϫⲟⲟϥⲛⲁⲓ.ⲁⲛⲟⲕϩⲱϯⲛⲁϫⲟⲟⲥⲛⲏⲧⲛϫⲉⲉⲓⲉⲓⲣⲉⲛⲛⲁⲓϩⲛⲁϣⲛⲉⲝⲟⲩⲥⲓⲁ.
ⲡⲃⲁⲡⲧⲓⲥⲙⲁⲛⲓⲱϩⲁⲛⲛⲏⲥⲟⲩⲉⲃⲟⲗⲧⲱⲛⲡⲉⲟⲩⲉⲃⲟⲗϩⲛⲧⲡⲉⲡⲉϫⲛⲟⲩⲉⲃⲟⲗϩⲛⲛⲉⲣⲱⲙⲉⲡⲉ.ⲛⲧⲟⲟⲩⲇⲉⲁⲩⲙⲉⲉⲩⲉϩⲣⲁⲓⲛϩⲏⲧⲟⲩⲉⲩϫⲱⲙⲙⲟⲥϫⲉⲉⲛϣⲁⲛϫⲟⲟⲥϫⲉⲟⲩⲉⲃⲟⲗϩⲛⲧⲡⲉⲡⲉϥⲛⲁϫⲟⲟⲥⲛⲁⲛϫⲉⲉⲧⲃⲉⲟⲩϭⲉⲙⲡⲉⲧⲛⲡⲓⲥⲧⲉⲩⲉⲉⲣⲟϥ.
ⲉϣⲱⲡⲉϭⲉⲉⲛϣⲁⲛϫⲟⲟⲥϫⲉⲟⲩⲉⲃⲟⲗϩⲛⲛⲉⲣⲱⲙⲉⲡⲉⲧⲛⲣϩⲟⲧⲉϩⲏⲧϥⲙⲡⲙⲏⲏϣⲉ.ⲟⲩⲟⲛⲅⲁⲣⲛⲓⲙⲉⲣⲉⲓⲱϩⲁⲛⲛⲏⲥⲛⲧⲟⲟⲧⲟⲩϩⲱⲥⲡⲣⲟⲫⲏⲧⲏⲥ.
ⲁⲩⲟⲩⲱϣⲃⲉⲩϫⲱⲙⲙⲟⲥⲛⲓⲏⲥⲟⲩⲥϫⲉⲛⲧⲛⲥⲟⲟⲩⲛⲁⲛ.ⲛⲧⲟϥⲇⲉϩⲱⲱϥⲡⲉϫⲁϥⲛⲁⲩϫⲉⲁⲛⲟⲕϩⲱⲱⲧⲟⲛⲛϯⲛⲁϫⲟⲟⲥⲛⲏⲧⲛⲁⲛϫⲉⲉⲓⲉⲓⲣⲉⲛⲛⲁⲓϩⲛⲁϣⲛⲉⲝⲟⲩⲥⲓⲁ.
ⲟⲩⲡⲉⲧⲥⲇⲟⲕⲉⲓⲛⲏⲧⲛⲟⲩⲣⲱⲙⲉⲡⲉⲧⲉⲟⲩⲛⲧⲁϥⲙⲙⲁⲩⲛϣⲏⲣⲉⲥⲛⲁⲩⲁϥϯⲡⲉϥⲟⲩⲟⲉⲓⲉⲡϣⲟⲣⲡⲉϥϫⲱⲙⲙⲟⲥϫⲉⲡⲁϣⲏⲣⲉⲃⲱⲕⲙⲡϩⲟⲟⲩⲛⲅⲣϩⲱⲃⲉⲡⲁⲙⲁⲛⲉⲗⲟⲟⲗⲉ.
ⲛⲧⲟϥⲇⲉⲁϥⲟⲩⲱϣⲃⲉϥϫⲱⲙⲙⲟⲥϫⲉⲛⲛⲟ.ⲙⲛⲛⲥⲱⲥⲁϥⲣϩⲧⲏϥⲁϥⲃⲱⲕ.
ⲁϥϯⲡⲉϥⲟⲩⲟⲉⲓⲟⲛⲉⲡⲕⲉⲟⲩⲁⲉϥϫⲱⲙⲙⲟⲥⲛⲁϥϩⲓⲛⲁⲓ.ⲛⲧⲟϥⲇⲉⲁϥⲟⲩⲱϣⲃⲉϥϫⲱⲙⲙⲟⲥϫⲉϯⲛⲁⲃⲱⲕⲡϫⲟⲉⲓⲥⲁⲩⲱⲙⲡⲉϥⲃⲱⲕ.
ⲛⲓⲙⲉⲃⲟⲗⲛϩⲏⲧⲟⲩⲙⲡⲉⲥⲛⲁⲩⲡⲉⲛⲧⲁϥⲉⲓⲣⲉⲙⲡⲟⲩⲱϣⲙⲡⲉϥⲉⲓⲱⲧ.ⲡⲉϫⲁⲩⲛⲁϥϫⲉⲡϣⲟⲣⲡⲡⲉ.ⲡⲉϫⲁϥⲛⲁⲩⲛϭⲓⲓⲏⲥⲟⲩⲥϫⲉϩⲁⲙⲏⲛϯϫⲱⲙⲙⲟⲥⲛⲏⲧⲛϫⲉⲛⲧⲉⲗⲱⲛⲏⲥⲙⲛⲙⲡⲟⲣⲛⲏⲥⲉⲟⲛϣⲟⲣⲡⲉⲣⲱⲧⲛⲉⲧⲙⲛⲧⲣⲣⲟⲙⲡⲛⲟⲩⲧⲉ.
ⲁϥⲉⲓⲅⲁⲣϣⲁⲣⲱⲧⲛⲛϭⲓⲓⲱϩⲁⲛⲛⲏⲥϩⲛⲧⲉϩⲓⲏⲛⲧⲇⲓⲕⲁⲓⲟⲥⲩⲛⲏⲙⲡⲉⲧⲛⲡⲓⲥⲧⲉⲩⲉⲉⲣⲟϥ.ⲛⲧⲉⲗⲱⲛⲏⲥⲇⲉⲙⲛⲙⲡⲟⲣⲛⲏⲁⲩⲡⲓⲥⲧⲉⲩⲉⲉⲣⲟϥ.ⲛⲧⲱⲧⲛⲇⲉⲙⲛⲛⲥⲱⲥⲛⲧⲉⲣⲉⲧⲉⲧⲛⲛⲁⲩⲙⲡⲧⲉⲧⲛⲣϩⲧⲏⲧⲛⲉⲡⲓⲥⲧⲉⲩⲉⲉⲣⲟϥ.
ⲥⲱⲧⲙⲉⲕⲉⲡⲁⲣⲁⲃⲟⲗⲏⲟⲩⲣⲱⲙⲉⲛⲣⲙⲙⲁⲟⲡⲉⲛⲧⲁϥⲧⲱϭⲉⲛⲟⲩⲙⲁⲛⲉⲗⲟⲟⲗⲉⲁϥⲕⲧⲟⲉⲣⲟϥⲛⲟⲩϫⲟⲗϫⲗ.ⲁϥϣⲓⲕⲉⲛⲟⲩϩⲣⲱⲧϩⲣⲁⲓⲛϩⲏⲧϥⲁϥⲕⲱⲧⲛⲟⲩⲡⲩⲣⲅⲟⲥ.ⲁϥϯⲙⲙⲟϥⲉⲧⲟⲟⲧϥⲛϩⲉⲛⲟⲩⲉⲉⲓⲏⲁϥⲁⲡⲟⲇⲏⲙⲉⲓ.
ⲛⲧⲉⲣⲉϥϩⲱⲛⲇⲉⲉϩⲟⲩⲛⲛϭⲓⲡⲉⲟⲩⲟⲉⲓϣⲛⲛⲕⲁⲣⲡⲟⲥⲁϥϫⲟⲟⲩⲛⲛⲉϥϩⲙϩⲁⲗϣⲁⲛⲟⲩⲉⲉⲓⲏⲉϫⲓⲛⲛⲉϥⲕⲁⲣⲡⲟⲥ.
ⲛⲟⲩⲉⲉⲓⲏⲇⲉⲉⲧⲙⲙⲁⲩⲁⲩϫⲓⲛⲛⲉϥϩⲙϩⲁⲗⲟⲩⲁⲙⲉⲛⲁⲩϩⲓⲟⲩⲉⲉⲣⲟϥⲕⲉⲟⲩⲁⲇⲉⲁⲩⲙⲟⲟⲩⲧϥⲕⲉⲟⲩⲁⲇⲉⲁⲩϩⲓⲱⲛⲉⲉⲣⲟϥ.
ⲡⲁⲗⲓⲛⲟⲛⲁϥϫⲟⲟⲩⲛϩⲛⲕⲉϩⲙϩⲁⲗⲉⲛⲁϣⲱⲟⲩⲉⲛϣⲟⲣⲡ.ⲁⲩⲉⲓⲣⲉⲟⲛⲛⲁⲩⲕⲁⲧⲁⲧⲉⲓϩⲉ.
ⲙⲛⲛⲥⲱⲥⲁϥϫⲟⲟⲩϣⲁⲣⲟⲟⲩⲙⲡⲉϥϣⲏⲣⲉⲉϥϫⲱⲙⲙⲟⲥϫⲉⲥⲉⲛⲁϣⲓⲡⲉϩⲏⲧϥⲙⲡⲁϣⲏⲣⲉ.
ⲛⲟⲩⲉⲉⲓⲏⲇⲉⲡⲉϫⲁⲩϩⲣⲁⲓⲛϩⲏⲧⲟⲩ.ϫⲉⲡⲁⲓⲡⲉⲡⲉⲕⲗⲏⲣⲟⲛⲟⲙⲟⲥ.ⲁⲙⲏⲓⲧⲛⲛⲧⲉⲛⲙⲟⲩⲟⲩⲧⲙⲙⲟϥⲛⲧⲛϫⲓⲛⲧⲉϥⲕⲗⲏⲣⲟⲛⲟⲙⲓⲁ.
ⲁⲩϫⲓⲙⲙⲟϥⲁⲩⲛⲟⲩϫⲉⲇⲉⲙⲙⲟϥⲡⲃⲟⲗⲙⲡⲙⲁⲛⲉⲗⲟⲟⲗⲉⲁⲩⲱⲁⲩⲙⲟⲟⲩⲧϥ.
ϩⲟⲧⲁⲛϭⲉⲉϥϣⲁⲛⲉⲓⲛϭⲓⲡϫⲟⲉⲓⲥⲙⲡⲙⲁⲛⲉⲗⲟⲟⲗⲉⲉϥⲛⲁⲣⲟⲩⲛⲛⲟⲩⲉⲉⲓⲏⲉⲧⲙⲙⲁⲩ.
ⲡⲉϫⲁⲩⲛⲁϥϫⲉⲕⲁⲕⲓⲛⲕⲁⲕⲱⲥϥⲛⲁⲧⲁⲕⲟⲟⲩ.ⲁⲩⲱⲛϥϯⲙⲡⲙⲁⲛⲉⲗⲟⲟⲗⲉⲛϩⲉⲛⲕⲉⲟⲩⲉⲉⲓⲏ.ⲛⲁⲓⲉⲧⲛⲁϯⲛⲁϥⲛⲛⲕⲁⲣⲡⲟⲥϩⲛⲛⲉⲩⲟⲩⲟⲉⲓϣ.
ⲡⲉϫⲁϥⲛⲁⲩⲛϭⲓⲓⲏⲥⲟⲩⲥϫⲉⲙⲡⲧⲉⲧⲛⲟϣϥⲉⲛⲉϩϩⲣⲁⲓϩⲛⲛⲉⲅⲣⲁⲫⲏϫⲉⲡⲱⲛⲉⲛⲧⲁⲩⲥⲧⲟϥⲉⲃⲟⲗⲛϭⲓⲛⲉⲧⲕⲱⲧⲡⲁⲓⲁϥϣⲱⲡⲉⲉⲩⲁⲡⲉⲛⲕⲟⲟϩⲡⲁⲓⲛⲧⲁϥϣⲱⲡⲉⲉⲃⲟⲗϩⲓⲧⲟⲟⲧϥⲙⲡϫⲟⲉⲓⲥⲁⲩⲱⲟⲩϣⲡⲏⲣⲉⲡⲉⲙⲡⲉⲙⲧⲟⲉⲃⲟⲗⲛⲛⲉⲧⲛⲃⲁⲗ.
ⲉⲧⲃⲉⲡⲁⲓϯϫⲱⲙⲙⲟⲥⲛⲏⲧⲛϫⲉⲥⲉⲛⲁϥⲓⲛⲧⲙⲛⲧⲣⲣⲟⲙⲡⲛⲟⲩⲧⲉⲛⲧⲉⲧⲏⲩⲧⲛⲛⲥⲉϯⲙⲙⲟⲥⲛⲟⲩϩⲉⲑⲛⲟⲥⲉϥⲉⲓⲣⲉⲛⲛⲉⲥⲕⲁⲣⲡⲟⲥ.
ⲡⲉⲧⲛⲁϩⲉⲇⲉⲉϫⲙⲡⲉⲓⲱⲛⲉϥⲛⲁⲗⲱⲱⲥⲁⲩⲱⲡⲉⲧⲉⲣⲉⲡⲱⲛⲉⲛⲁϩⲉⲉϫⲱϥϥⲛⲁϣⲁϣϥⲉⲃⲟⲗ.
ⲁⲩⲥⲱⲧⲙⲇⲉⲛϭⲓⲛⲁⲣⲭⲓⲉⲣⲉⲩⲥⲙⲛⲛⲉⲫⲁⲣⲓⲥⲥⲁⲓⲟⲥⲉⲛⲉϥⲡⲁⲣⲁⲃⲟⲗⲏⲁⲩⲉⲓⲙⲉϫⲉⲉϥϫⲱⲙⲙⲟⲥⲉⲧⲃⲏⲏⲧⲟⲩ.
ⲁⲩⲱⲉⲩϣⲓⲛⲉⲛⲥⲁⲁⲙⲁϩⲧⲉⲙⲙⲟϥⲁⲩⲣϩⲟⲧⲉϩⲏⲧⲟⲩⲛⲙⲙⲏⲏϣⲉ.ⲉⲃⲟⲗϫⲉⲛⲉϥⲛⲧⲟⲟⲧⲟⲩϩⲱⲥⲡⲣⲟⲫⲏⲧⲏⲥ.
